Oʻzbekiston Respublikasi Vazirlar Mahkamasining 28-oktabr 2010-yildagi 239-sonli “Tovarlar (ishlar, xizmatlar)ga tartibga solinadigan narxlar (tariflar)ni deklaratsiya qilish (tasdiqlash) va belgilash tartibini yanada takomillashtirish chora-tadbirlari toʻgʻrisida”gi, qaroriga (Oʻzbekiston Respublikasi qonun hujjatlar toʻplami, 2010-y., 42-43-son, 364-modda) muvofiq Oʻzbekiston Respublikasi Moliya vazirligi, Iqtisodiyot vazirligi va Monopoliyadan chiqarish va raqobatni rivojlantirish davlat qoʻmitasi qaror qiladilar:

1. Oʻzbekiston Respublikasi Moliya vazirligi, Iqtisodiyot vazirligi va Monopoliyadan chiqarish va raqobatni rivojlantirish davlat qoʻmitasining 2004-yil 23-avgustdagi 104, 40 va 7-son “Oʻzbekiston Respublikasining monopolist birlashmalar (korxonalar) davlat reyestriga kiritilgan xoʻjalik yurituvchi subyektlar tomonidan ishlab chiqarilgan mahsulotlar (ishlar, xizmatlar)ga cheklangan shartnomaviy narxlar yoki rentabellikning cheklangan darajalarini hamda tariflarni shakllantirish va qoʻllash tartibi toʻgʻrisida nizomni tasdiqlash haqida”gi qarori (roʻyxat raqami 1415, 2004-yil 29-sentabr) (Oʻzbekiston Respublikasi qonun hujjatlari toʻplami, 2004-y., 38-39-son 432-modda) oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.