LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Etishtirilgan paxta hosilini tezroq yig‘ib-terib olishda qishloq xo‘jaligi mehnatchilarini rag‘batlantirish, moddiy-texnika va energetika resurslariga oshib ketgan xarajatlarni qoplash, shuningdek xo‘jaliklarning iqtisodiyotni yanada rivojlantirish va mustahkamlash uchun zarur shart-sharoitlar yaratish maqsadida:
1. 1992-yilgi hosildan boshlab davlat buyurtmasi hisobidan davlatga sotiladigan paxtaning amaldagi xarid narxlari 1,5 baravar oshirilsin (xo‘jaliklar paxta tayyorlash rejasidagi mahsulotning 15 foizini va rejadan tashqari paxta hajmini erkin shartnomaviy narxlarda sotadilar).
2. O‘zbekiston Respublikasining Moliya vazirligi O‘zbekiston Respublikasi Qishloq xo‘jaligi vazirligi bilan birgalikda ushbu Farmonning 1-bandiga muvofiq paxta zavodlarining sotilgan paxta uchun xo‘jaliklar bilan hisob-kitob qilish tartibini ishlab chiqsin. Bunda daromadlar xolisona taqsimlanishi ko‘zda tutilib, moliyaviy qoidalar buzilishiga va suiiste’mollarga yo‘l qo‘yilmasin.
3. O‘zbekiston Respublikasining Moliya vazirligi paxtaning yangi narxlari hamda paxta tolasining ulgurji narxlari preyskurantlarini ishlab chiqib, tegishli vazirliklar va idoralarga yetkazsin.