O‘zbekiston Respublikasi “Sudlar to‘g‘risida”gi Qonunining 78-moddasi hamda O‘zbekiston Respublikasi Oliy Majlisi Qonunchilik palatasining 2010-yil 12-avgustdagi “Toshkent viloyatining Zangiota va Toshkent tumanlarini birlashtirish hamda Toshkent viloyatining Zangiota, Qibray tumanlari va Toshkent shahrining Hamza tumani hududlarini qisman o‘zgartirish to‘g‘risida”gi 137-II-sonli va “Farg‘ona viloyati Oxunboboyev tumanining nomini o‘zgartirish to‘g‘risida”gi 138-II-sonli qarorlari, shuningdek O‘zbekiston Respublikasi Oliy Majlisi Senatining 2010-yil 29-avgustdagi “Toshkent viloyatining Zangiota va Toshkent tumanlarini birlashtirish hamda Toshkent viloyatining Zangiota, Qibray tumanlari va Toshkent shahrining Hamza tumani hududlarini qisman o‘zgartirish to‘g‘risida”gi 96-II-sonli va “Farg‘ona viloyati Oxunboboyev tumanining nomini o‘zgartirish to‘g‘risida”gi 97-II-sonli qarorlariga asosan:

1. Jinoyat ishlari bo‘yicha Toshkent viloyati Toshkent tuman sudi tugatilsin.

Jinoyat ishlari bo‘yicha Toshkent viloyati Toshkent tuman sudining raisi va sudyasi jinoyat ishlari bo‘yicha Toshkent viloyati Zangiota tuman sudining sudyalari deb hisoblansin.

2. O‘zbekiston Respublikasi Moliya vazirligi, Oliy sudi, Adliya vazirligi huzuridagi Sud qarorlarini ijro etish, sudlar faoliyatini moddiy-texnika jihatidan va moliyaviy ta’minlash departamenti jinoyat ishlari bo‘yicha Toshkent viloyati tuman (shahar) sudlarining xarajatlar smetasi va shtat jadvaliga tegishli o‘zgartirishlar kiritsin.

3. O‘zbekiston Respublikasi Prezidentining 2004-yil 20-fevraldagi PF-3400-sonli “Umumiy yurisdiksiya sudlarining ayrimlarini tugatish va qayta tashkil etish to‘g‘risida”gi Farmoniga ilovaga muvofiq o‘zgartirishlar kiritilsin.

4. Mazkur Farmonning ijrosi ustidan nazorat O‘zbekiston Respublikasi Prezidentining Davlat maslahatchisi M. Toxiriy zimmasiga yuklatilsin.

1. 4-ilovada:

a) “Qoraqalpog‘iston Respublikasi” bo‘limidan “Bo‘zatov” so‘zi chiqarib tashlansin;

b) “Sirdaryo viloyati” bo‘limida:

“Mehnatobod” so‘zi chiqarib tashlansin;

“Sharof Rashidov” so‘zlari “Sardoba” so‘ziga almashtirilsin;

v) “Toshkent viloyati” bo‘limidan “Toshkent” so‘zi chiqarib tashlansin;

g) “Toshkent shahri” bo‘limidagi, “Akmal Ikromov” so‘zlari “Uchtepa” so‘zlariga almashtirilsin;

d) “Farg‘ona viloyati” bo‘limidagi “Oxunboboyev” so‘zi “Qo‘shtepa” so‘ziga almashtirilsin.

2. 7-ilovada:

a) “Toshkent viloyati” bo‘limidan “Toshkent” so‘zlari chiqarib tashlansin;

b) “Toshkent shahri” bo‘limidagi “Akmal Ikromov” so‘zlari “Uchtepa” so‘zlariga almashtirilsin;

v) “Farg‘ona viloyati” bo‘limidagi “Oxunboboyev” so‘zlari “Qo‘shtepa” so‘zlariga almashtirilsin.