LexUZ sharhi
Mazkur qaror O‘zbekiston Respublikasi Vazirlar Mahkamasining 2017-yil 12-maydagi 284-sonli “Farmatsevtika faoliyatini litsenziyalash tartibini yanada takomillashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Farmatsevtika va tibbiyot faoliyatiga litsenziya berishni tartibga solish chora-tadbirlari to‘g‘risida” 2010-yil 7-apreldagi PQ-1319-son qarorini bajarish yuzasidan Vazirlar Mahkamasi qaror qiladi:
2. Belgilab qo‘yilsinki, farmatsevtika faoliyatini amalga oshirish huquqi uchun ilgari berilgan litsenziyalar ushbu qaror kuchga kirgan kundan boshlab 5 yil mobaynida amal qiladi.
3. O‘zbekiston Respublikasi Sog‘liqni saqlash vazirligi manfaatdor vazirliklar va idoralar bilan birgalikda bir oy muddatda:
tibbiyot va farmatsevtika xodimlarini attestatsiyadan o‘tkazish va ularga malaka toifalari berish to‘g‘risidagi Nizomni tasdiqlasin;
Vazirlar Mahkamasining 2003-yil 31-oktabrdagi 477-son qarori 1-bandining uchinchi xatboshi (O‘zbekiston Respublikasi QT, 2003-y., 10-son, 106-modda) va qarorga 2-ilova;
Vazirlar Mahkamasining 2006-yil 22-maydagi 92-son qaroriga ilovaning 28-bandi (O‘zbekiston Respublikasi QT, 2006-y., 5-son, 34-modda) o‘z kuchini yo‘qotgan deb hisoblansin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N. Aripov zimmasiga yuklansin.
2. Farmatsevtika faoliyatini litsenziyalash O‘zbekiston Respublikasi Sog‘liqni saqlash vazirligi (keyingi o‘rinlarda litsenziyalovchi organ deb ataladi) tomonidan amalga oshiriladi.
Litsenziyalar berish to‘g‘risidagi hujjatlarni ko‘rib chiqish, ularning muddatlarini uzaytirish, ular yuzasidan xulosalar tayyorlash uchun litsenziyalovchi organda ekspert komissiya tuziladi. Ekspert komissiya tarkibi va uning to‘g‘risidagi nizom litsenziyalovchi organ tomonidan tasdiqlanadi. Bunda ekspert komissiya tarkibiga majburiy tartibda tegishli ixtisoslik mutaxassislari va sanitariya-epidemiologiya nazorati organlarining mutaxassislari kiritiladi.
(2-bandning ikkinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
3. Mazkur Nizomga muvofiq litsenziyalanadigan farmatsevtika faoliyati faoliyatning quyidagi turlarini o‘z ichiga oladi:
j) dorivor o‘simliklar, hayvonot va mineral asosga ega bo‘lgan xomashyoni etishtirish, yig‘ish, tayyorlash, qadoqlash va ulgurji sotish.
4. Ushbu Nizom 3-bandining “a” — “e” kichik bandlarida ko‘rsatilgan farmatsevtika faoliyati turlarini (turining bir qismini) amalga oshirish huquqiga litsenziyalar faqat yuridik shaxslarga beriladi, bunda, “b” va “d” kichik bandlarida ko‘rsatilgan faoliyat turlarini (turining bir qismini) amalga oshirishga litsenziyalar faqat dorixona muassasalariga beriladi.
Ushbu Nizom 3-bandining “a” va “b” kichik bandlarida ko‘rsatilgan farmatsevtika faoliyati turlariga litsenziya olish litsenziatlarga ular ishlab chiqargan va tayyorlagan dori-darmon vositalari va tibbiyot buyumlarini ulgurji va chakana sotish huquqini beradi, bunda, dori-darmon vositalari va tibbiyot buyumlarini chakana sotish faqat dorixona muassasalari orqali amalga oshiriladi.
(4-band O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
6. Yuridik va jismoniy shaxslarga litsenziya besh yil muddatga beriladi. Litsenziya besh yildan kam muddatga faqat litsenziya talabgorining arizasiga binoan berilishi mumkin.
7. Yuridik yoki jismoniy shaxs tomonidan farmatsevtika faoliyati faqat litsenziyada belgilangan faoliyat turi (uning bir qismi) bo‘yicha amalga oshirilishi mumkin.
Farmatsevtika faoliyatining bir necha turlarini (turining qismlarini) amalga oshirishga litsenziya berilganda, litsenziyada ushbu turlarning har biri turi (turining qismlari) ko‘rsatiladi.
Litsenziatda litsenziyalanadigan faoliyatni amalga oshirish uchun foydalaniladigan filiallar (alohida hududlardagi bo‘linmalar va obyektlar) mavjud bo‘lgan taqdirda, litsenziya berish bilan bir vaqtda ko‘rsatib o‘tilgan filiallar (alohida hududlardagi bo‘linmalar va obyektlar) soniga qarab ulardan har birining joylashgan joyi ko‘rsatilgan holda, litsenziyalovchi organ tomonidan tasdiqlangan litsenziya nusxalari beriladi.
(7-bandning ikkinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qaroriga asosan ikkinchi va uchinchi xatboshilarga o‘zgartirilgan — O‘R QHT, 2014-y., 31-son, 380-modda)
71. Litsenziyalovchi organ qonun hujjatlarini buzishi, shu jumladan dori-darmon vositalari va tibbiyot buyumlarining narxini belgilash tartibi qo‘pol buzilganligi oqibatida litsenziyasi tugatilgan dorixona muassasalarining manzillar reyestri va xodimlar reyestrini (keyingi o‘rinlarda manzillar reyestri va xodimlar reyestri deb yuritiladi) shakllantiradi.
Manzillar reyestri va xodimlar reyestriga kiritilgan ma’lumotlar ular kiritilgan vaqtdan e’tiboran uch yil o‘tganidan so‘ng chiqarib tashlanadi.
(71-band O‘zbekiston Respublikasi Prezidentining 2017-yil 14-fevraldagi PQ-2773-sonli qaroriga asosan kiritilgan — O‘R QHT, 2017-y., 7-son, 87-modda)
farmatsevtika faoliyati to‘g‘risidagi qonun hujjatlariga, shu jumladan dori-darmon vositalari va tibbiyot buyumlari narxining davlat tomonidan belgilangan tartibiga rioya etish;
faoliyatni litsenziyada ko‘rsatilgan doirada, shuningdek litsenziya bitimiga muvofiq manzil (manzillar) bo‘yicha amalga oshirish, manzillar reyestriga kiritilgan manzillar bundan mustasno;
litsenziyalanayotgan faoliyatni amalga oshirish uchun mo‘ljallangan, o‘ziga mulk huquqi bilan yoki boshqa qonuniy asosda tegishli bo‘lgan hamda sanitariya qoidalari va normalariga muvofiq xonalarga ega bo‘lish;
litsenziyalanadigan aniq faoliyat turini amalga oshirish uchun shart- sharoitlar yaratish, shu jumladan tegishli moddiy-texnik bazadan, asbob-uskunalardan, boshqa texnik vositalardan foydalanish;
dori-darmon vositalari va tibbiyot buyumlarini ishlab chiqarish, tayyorlash va sotish bo‘yicha O‘zbekiston Respublikasi Sog‘liqni saqlash vazirligi tomonidan tasdiqlangan normativ hujjatlar talablariga rioya qilish;
Dori-darmon vositalarini tayyorlashda litsenziat, shuningdek dori-darmon vositalarini analiz qilish uchun vakolatli nazorat-tahlil laboratoriyasi bilan shartnoma tuzishi shart”.
(8-band O‘zbekiston Respublikasi Prezidentining 2017-yil 14-fevraldagi PQ-2773-sonli qarori tahririda — O‘R QHT, 2017-y., 7-son, 87-modda)
9. Farmatsevtika faoliyatining tegishli turini (turining qismini) amalga oshirish uchun zarur bo‘lgan moddiy-texnik bazaga, shu jumladan asbob-uskunalarga va boshqa texnika vositalariga, shuningdek xodimlarga talablar belgilangan tartibda O‘zbekiston Respublikasi Sog‘liqni saqlash vazirligi tomonidan belgilanadi.
(9-band O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
10. Litsenziya olish uchun litsenziya talabgori litsenziyalovchi organga quyidagi hujjatlarni taqdim etadi:
yuridik shaxslar uchun — yuridik shaxsning nomi va tashkiliy-huquqiy shakli, uning joylashgan joyi (pochta manzili, muassasaning, bankning nomi va bank muassasasidagi hisob raqami);
jismoniy shaxslar uchun — familiyasi, ismi, otasining ismi, fuqaroning shaxsini tasdiqlovchi hujjat ma’lumotlari;
yuridik yoki jismoniy shaxslar amalga oshirishni mo‘ljallayotgan faoliyatning litsenziyalanadigan turi (uning bir qismi) hamda faoliyatning ko‘rsatib o‘tilgan turi (uning bir qismi) amalga oshiriladigan muddat;
b) yuridik shaxsning davlat ro‘yxatidan o‘tkazilganligi to‘g‘risidagi guvohnomaning nusxasi — yuridik shaxslar uchun; yakka tartibdagi tadbirkorning davlat ro‘yxatidan o‘tkazilganligi to‘g‘risidagi guvohnomaning nusxasi — jismoniy shaxslar uchun;
(10-bandning “b” kichik bandi O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
v) litsenziya berish to‘g‘risidagi ariza ko‘rib chiqilganligi uchun yig‘im to‘langanligini tasdiqlovchi hujjat;
Oldingi tahrirga qarang.
(10-bandning “g” kichik bandi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qaroriga asosan chiqarilgan — O‘R QHT, 2014-y., 31-son, 380-modda)
d) ushbu Nizomning 9-bandi talablariga muvofiq moddiy-texnika bazasi, asbob-uskunalar, boshqa texnik vositalar va xodimlarning mavjudligi to‘g‘risidagi ma’lumotlar;
Oldingi tahrirga qarang.
(10-bandning “e” kichik bandi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qaroriga asosan chiqarilgan — O‘R QHT, 2014-y., 31-son, 380-modda)
11. Litsenziya talabgoridan ushbu Nizomda nazarda tutilmagan hujjatlarning taqdim etilishini talab qilishga yo‘l qo‘yilmaydi.
12. Hujjatlar litsenziya talabgori tomonidan litsenziyalovchi organga bevosita yoxud ularning olinganligi to‘g‘risidagi bildirishnoma bilan pochta aloqasi vositasi orqali yetkazib beriladi.
Hujjatlar litsenziyalovchi organ ekspert komissiyasining mas’ul kotibi tomonidan ro‘yxat bo‘yicha qabul qilinadi, ro‘yxatning nusxasi hujjatlar qabul qilib olingan sana to‘g‘risida belgi qo‘yilgan holda arizachiga yuboriladi (topshiriladi). Ekspert komissiya mas’ul kotibi joyida bo‘lmaganligi tufayli hujjatlarning qabul qilinishini rad etishga yo‘l qo‘yilmaydi. Ekspert komissiya mas’ul kotibi vaqtincha joyida bo‘lmagan taqdirda uning funksiyalarini belgilangan tartibda litsenziyalovchi organ tomonidan belgilanadigan shaxs bajaradi.
13. Noto‘g‘ri yoki buzilgan ma’lumotlar taqdim etilganligi uchun litsenziya talabgori O‘zbekiston Respublikasi qonun hujjatlariga muvofiq javob beradi.
14. Ariza ko‘rib chiqilganligi uchun litsenziya talabgoridan qonun hujjatlarida belgilangan eng kam oylik ish haqining ikki baravari miqdorida yig‘im undiriladi.
(14-bandning birinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qarori tahririda — O‘R QHT, 2012-y., 44-son, 507-modda)
Litsenziya talabgorlarining arizalari ko‘rib chiqilganligi uchun yig‘im summasi litsenziyalovchi organning hisob raqamiga o‘tkaziladi. Litsenziya talabgori berilgan arizadan voz kechgan taqdirda to‘langan yig‘im summasi qaytarib berilmaydi.
15. Farmatsevtika faoliyatini litsenziyalash ushbu Nizomga ilova qilinayotgan sxemaga muvofiq amalga oshiriladi.
Litsenziya berish yoki litsenziya berishni rad etish to‘g‘risidagi qaror litsenziya talabgorining arizasi barcha zarur hujjatlar bilan birga olingan kundan boshlab o‘n besh kundan ortiq bo‘lmagan muddatda qabul qilinadi.
(15-bandning ikkinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
16. Litsenziya talabgorining barcha zarur hujjatlar bilan birgalikdagi arizasi ular olingan kunda ekspert komissiyaga ko‘rib chiqish uchun kiritiladi.
Litsenziya talabgorining litsenziya talablari va shartlariga muvofiqligini aniqlash uchun ekspert komissiyasi tomonidan mavjud sharoitlarning litsenziyalanadigan faoliyat turini amalga oshirish uchun muvofiqligini joyiga borgan holda baholash o‘tkaziladi.
Mavjud sharoitlarning litsenziyalanadigan faoliyat turini amalga oshirish uchun muvofiqligini joyiga borgan holda baholash litsenziyalovchi organning o‘z mablag‘lari hisobiga amalga oshiriladi.
Taqdim etilgan hujjatlar va ekspertiza yakunlari bo‘yicha litsenziya berish yoki litsenziya berishni rad etish to‘g‘risida ekspert xulosasi tayyorlanadi.
Litsenziyalovchi organ tegishli xulosalar tayyorlash uchun shartnoma asosida qo‘shimcha ekspertlarni jalb qilish huquqiga ega.
Litsenziyalovchi organ ekspert komissiyasi xulosasi asosida litsenziya berish yoki litsenziya berishni rad etish to‘g‘risida qaror qabul qiladi va litsenziya talabgorini uch kun muddatda qabul qilingan qaror to‘g‘risida yozma ravishda xabardor qiladi.
Litsenziya berishga qaror qilinganligi to‘g‘risidagi bildirishnoma litsenziya talabgoriga bank hisob raqami rekvizitlari va davlat boji to‘lash muddatlari ko‘rsatilgan holda yozma shaklda yuboriladi (topshiriladi).
(16-band O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
17. Litsenziya litsenziya talabgori tomonidan davlat boji to‘langanligini tasdiqlovchi hujjat taqdim etilgandan va litsenziya bitimi imzolangandan keyin uch kun muddatda beriladi.
Litsenziya bitimi litsenziyalovchi organ va litsenziatning o‘zaro huquq va majburiyatlarini belgilovchi hujjat hisoblanadi hamda unda quyidagilar ko‘rsatilgan bo‘lishi kerak:
amalga oshirilishiga litsenziya berilayotgan farmatsevtika faoliyati turi (uning bir qismi)ning nomi;
dori-darmon vositalari va tibbiyot buyumlarini qabul qilish, berish va saqlash uchun mas’ul xodimning familiyasi, ismi, otasining ismi — dori-darmon vositalari va tibbiyot buyumlarini ulgurji sotishni amalga oshiruvchi tashkilotlar uchun;
(17-band O‘zbekiston Respublikasi Vazirlar Mahkamasining 2014-yil 17-iyuldagi 196-sonli qaroriga asosan oltinchi xatboshi bilan to‘ldirilgan — O‘R QHT, 2014-y., 31-son, 380-modda)
litsenziya bitimi talablari va shartlari bajarilishini litsenziyalovchi organ tomonidan nazorat qilish tartibi;
Litsenziya qayta rasmiylashtirilgan taqdirda, litsenziya bitimiga bir vaqtda o‘zgartirish yoki qo‘shimchalar kiritiladi yoxud yangi litsenziya bitimi tuziladi.
Filial ochilgan (yopilgan), faoliyatining turini (turining qismini) amalga oshirish manzili o‘zgargan, dorixona muassasasi mudiri yoki bevosita dori-darmon vositalari va tibbiyot buyumlarini qabul qilish, berish va saqlash uchun mas’ul xodim o‘zgargan taqdirda, litsenziya bitimiga o‘zgartirish yoki qo‘shimchalar kiritiladi yoxud mazkur Nizomning V1 bobida nazarda tutilgan tartibda yangi litsenziya bitimi tuziladi;
(17-bandning o‘n to‘rtinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qaroriga asosan o‘n to‘rtinchi va o‘n beshinchi xatboshilarga almashtirilgan — O‘R QHT, 2014-y., 31-son, 380-modda)
Litsenziyalar maxsus blankalarda rasmiylashtiriladi. Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega bo‘ladi. Litsenziya blankasi namunasi Vazirlar Mahkamasining 2000-yil 20-dekabrdagi 488-son qaroriga muvofiq litsenziyalovchi organ tomonidan tasdiqlanadi.
Litsenziyalar blankalari litsenziyalovchi organ buyurtmanomasiga binoan “Davlat belgisi” davlat-ishlab chiqarish birlashmasi tomonidan bosmaxona usulida tayyorlanadi. Litsenziyalar blankalarining hisobga olinishi, saqlanishi va ulardan maqsadli foydalanilishi uchun litsenziyalovchi organ rahbari javob beradi.
18. Agar litsenziat litsenziya berish to‘g‘risida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji to‘langanligini tasdiqlovchi hujjatni taqdim etmasa yoxud litsenziya bitimini imzolamasa, litsenziyalovchi organ litsenziyani bekor qilish to‘g‘risida qaror qabul qilishga haqlidir.
19. Litsenziya berish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 17-moddasida belgilangan asoslar bo‘yicha rad etilishi mumkin.
Litsenziya talabgori litsenziyalovchi organning litsenziya berishni rad etish to‘g‘risidagi qarori, shuningdek litsenziyalovchi organ mansabdor shaxsining xatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga ega.
20. Litsenziya berishni rad etish to‘g‘risida qaror qabul qilingan taqdirda litsenziya berishning rad etilgani to‘g‘risidagi bildirishnoma litsenziya talabgoriga rad etishning sabablari va litsenziya talabgori ko‘rsatib o‘tilgan sabablarni bartaraf etib hujjatlarni takroran ko‘rib chiqishga taqdim etishi uchun yetarli bo‘lgan muddat ko‘rsatilgan holda yozma shaklda yuboriladi (topshiriladi). Litsenziya berishni rad etish haqidagi xabarnomada ko‘rsatilgan muddat kamchiliklarni bartaraf etish uchun zarur bo‘lgan vaqtga mutanosib bo‘lishi kerak.
(20-bandining birinchi xatboshisi O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
Hujjatlarni takroran ko‘rib chiqishda litsenziyalovchi organ tomonidan ilgari litsenziya talabgoriga yozma ravishda bayon qilinmagan yangi kamchiliklar ko‘rsatilishiga yo‘l qo‘yilmaydi.
Litsenziya berishning rad etilishiga asos bo‘lgan sabablar litsenziya talabgori tomonidan bartaraf etilgan taqdirda, litsenziyalovchi organ tomonidan hujjatlarni takroran ko‘rib chiqish litsenziya talabgorining arizasi barcha zarur hujjatlar bilan birgalikda olingan kundan boshlab o‘n kundan ortiq bo‘lmagan muddatda amalga oshiriladi.
Bunda takroran taqdim etilgan hujjatlar ular qabul qilingan kunda ekspert komissiyaga ko‘rib chiqish uchun kiritiladi.
Ekspert komissiya taqdim etilgan hujjatlarni olti kundan ortiq bo‘lmagan muddatda takroran ko‘rib chiqadi va ular yuzasidan litsenziya berish yoki litsenziya berishni rad etish to‘g‘risida ekspert xulosasi tayyorlaydi.
Litsenziyalovchi organ ekspert komissiya xulosasi asosida to‘rt kun muddatda litsenziya berish yoki litsenziya berishni rad etish to‘g‘risida qaror qabul qiladi.
Litsenziya talabgorining arizasini qayta ko‘rib chiqishda ilgari litsenziya berishni rad etish to‘g‘risidagi bildirishnomada ko‘rsatilmagan yangi asoslar bo‘yicha litsenziya berishni rad etishga yo‘l qo‘yilmaydi;
Litsenziya berishni rad etish to‘g‘risidagi bildirishnomada ko‘rsatilgan muddat o‘tgandan keyin berilgan ariza yangidan berilgan ariza hisoblanadi.
(20-bandning yettinchi xatboshisi O‘zbekiston Respublikasi Vazirlar Mahkamasining 2012-yil 1-noyabrdagi 313-sonli qaroriga asosan yettinchi, sakkizinchi va to‘qqizinchi xatboshilar bilan almashtirilgan — O‘R QHT, 2012-y., 44-son, 507-modda)
21. Litsenziat yoki uning huquqiy vorisi — yuridik shaxs qayta tashkil etilgan, uning nomi yoki joylashgan joyi (pochta manzili) o‘zgargan taqdirda, litsenziat yoki uning huquqiy vorisi qayta ro‘yxatdan o‘tkazilgandan keyin bir oy muddatda litsenziyalovchi organga ko‘rsatib o‘tilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.
(21-bandning birinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
Litsenziat — jismoniy shaxsning familiyasi, ismi, otasining ismi yoki yashash joyi o‘zgargan taqdirda, litsenziat qayta ro‘yxatdan o‘tkazilgandan keyin bir oy muddatda litsenziyalovchi organga ko‘rsatib o‘tilgan ma’lumotlarni tasdiqlovchi tegishli hujjatlarni va amaldagi litsenziyaning asl nusxasini ilova qilgan holda litsenziyani qayta rasmiylashtirish to‘g‘risida ariza berishi shart.
(21-band O‘zbekiston Respublikasi Vazirlar Mahkamasining 2012-yil 1-fevraldagi 26-sonli qarori tahririda — O‘R QHT, 2012-y., 6-son, 57-modda)
22. Litsenziat litsenziya qayta rasmiylashtirilgunga qadar unda ko‘rsatilgan faoliyatni ilgari berilgan litsenziya asosida amalga oshiradi.
23. Litsenziyalovchi organ taqdim etilgan hujjatlarni ko‘rib chiqib kiritilayotgan o‘zgartirishlarni hisobga olgan holda, yangi blankada litsenziyani rasmiylashtiradi va amaldagi litsenziya o‘rniga beradi. Ayni bir vaqtda litsenziya bitimiga tegishli o‘zgartirishlar rasmiylashtiriladi va litsenziyalar reyestriga tegishli o‘zgartirishlar kiritiladi. Bunda litsenziyaning amal qilish muddati ilgarigicha qoladi.
Litsenziyani qayta rasmiylashtirish tegishli hujjatlar ilova qilingan holda litsenziyalarni qayta rasmiylashtirish to‘g‘risidagi ariza litsenziyalovchi organ tomonidan olingan kundan boshlab besh kun mobaynida amalga oshiriladi.
Litsenziyani qayta rasmiylashtirishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi litsenziyalovchi organning hisob raqamiga o‘tkaziladi.
24. Litsenziyaning amal qilish muddati litsenziatning arizasiga binoan uzaytirilishi mumkin. Litsenziyaning amal qilish muddatini uzaytirish litsenziya olish uchun nazarda tutilgan tartibda amalga oshiriladi.
Litsenziyaning amal qilish muddatini uzaytirish to‘g‘risidagi ariza litsenziyalovchi organga litsenziyaning amal qilish muddati tugagunga qadar ikki oydan kechikmasdan berilishi kerak.
(24-band O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
25. Litsenziya yo‘qotib qo‘yilgan yoki u yaroqsiz holga kelib qolgan taqdirda dublikat beriladi. Dublikat olish uchun litsenziat litsenziyalovchi organga ariza va litsenziya yo‘qotib qo‘yilganligini tasdiqlovchi hujjat bilan murojaat qiladi, shuningdek litsenziya berganlik uchun nazarda tutilgan yig‘im summasining yarmi miqdorida to‘lov to‘langanligi to‘g‘risidagi kvitansiyani taqdim etadi. Yig‘im summasi litsenziyalovchi organning hisob raqamiga o‘tkaziladi.
251. Filial ochilgan (yopilgan), faoliyatni amalga oshirish manzili o‘zgargan, dorixona muassasasi mudiri yoki bevosita dori-darmon vositalari va tibbiyot buyumlarini qabul qilish, berish va saqlash uchun mas’ul xodim o‘zgargan taqdirda, litsenziat litsenziyalovchi organga litsenziya bitimiga o‘zgartirish yoki qo‘shimchalar kiritish yoxud yangi litsenziya bitimini tuzish to‘g‘risidagi ariza bilan murojaat qiladi.
252. Litsenziat litsenziya bitimiga o‘zgartirish yoki qo‘shimchalar kiritish yoxud yangi litsenziya bitimini tuzish to‘g‘risidagi arizaga quyidagi hujjatlarni ilova qiladi:
filial ochish, faoliyatni amalga oshirish manzilini o‘zgartirish uchun — mazkur Nizomning 10-bandi “d” kichik bandida ko‘rsatilgan hujjatlar, litsenziyaning nusxasi va litsenziya bitimi;
dorixona muassasasi mudiri yoki bevosita dori-darmon vositalari va tibbiyot buyumlarini qabul qilish, berish va saqlash uchun mas’ul xodim o‘zgargan taqdirda — yangi xodimning O‘zbekiston Respublikasi Sog‘liqni saqlash vazirligi tomonidan belgilangan talablarga muvofiqligi haqida ma’lumot va litsenziya bitimi;
filial yopilgan taqdirda — litsenziya bitimi va litsenziyalovchi organ tomonidan tasdiqlangan filialning faoliyatini amalga oshirish uchun berilgan litsenziyaning nusxasi;
farmatsevtika faoliyatining ruxsat etilgan turlari (turining qismlari) qisqargan taqdirda — litsenziyaning asl nusxasi va litsenziya bitimi;
litsenziya bitimini qayta rasmiylashtirish to‘g‘risidagi ariza ko‘rib chiqilganligi uchun yig‘im to‘langanligini tasdiqlovchi hujjat.
Hujjatlar litsenziat tomonidan litsenziyalovchi organga bevosita yoki pochta aloqa vositalari orqali yetkaziladi.
253. Litsenziya bitimiga o‘zgartirish yoki qo‘shimchalar kiritish yoxud yangi litsenziya bitimini tuzish to‘g‘risidagi ariza, filialni yopish yoki amalga oshiriladigan faoliyatning turlarini (turining qismlarini) qisqartirish to‘g‘risida arizalardan tashqari, mazkur Nizomning 15 va 16-bandida nazarda tutilgan tartibda amalga oshiriladi.
254. Litsenziya bitimiga o‘zgartirish yoki qo‘shimchalar kiritish yoxud yangi litsenziya bitimini tuzish to‘g‘risidagi arizani ko‘rib chiqish uchun litsenziya talabgorining litsenziya berilishi to‘g‘risidagi arizasini ko‘rib chiqish uchun to‘lanadigan mablag‘ning yarmi miqdorida yig‘im undiriladi. Yig‘imning miqdori litsenziyalovchi organning hisob raqamiga o‘tkaziladi. Litsenziat o‘zi bergan arizadan voz kechgan taqdirda, to‘langan yig‘im summasi qaytarilmaydi.
Litsenziya bitimiga o‘zgartirish yoki qo‘shimchalar kiritish yoxud yangi litsenziya bitimini tuzish uchun davlat boji undirilmaydi.
255. Quyidagilar litsenziya bitimiga o‘zgartirish yoki qo‘shimchalar kiritish yoxud yangi litsenziya bitimini tuzishni rad etish uchun asoslar hisoblanadi:
litsenziat tomonidan taqdim etilgan hujjatlarda haqiqiy bo‘lmagan yoki noto‘g‘ri ma’lumotlar mavjudligi;
256. Litsenziya bitimiga o‘zgartirish yoki qo‘shimchalar kiritish yoxud yangi litsenziya bitimini tuzishni rad etish, shuningdek litsenziatning arizasini takroriy ko‘rib chiqish mazkur Nizomning 20-bandida nazarda tutilgan tartibda amalga oshiriladi.
257. Litsenziya bitimiga o‘zgartirish yoki qo‘shimchalar kiritishda yoxud yangi litsenziya bitimini tuzishda litsenziyalovchi organ litsenziyalarning reyestriga tegishli o‘zgartirishlarni kiritadi.
258. Litsenziat litsenziyalanadigan faoliyatni amalga oshirish uchun foydalaniladigan filiallarni (alohida hududlardagi bo‘linmalar va obyektlar) ochgan taqdirda, ko‘rsatib o‘tilgan filiallar (alohida hududlardagi bo‘linmalar va obyektlar) soniga qarab ulardan har birining joylashgan joyi ko‘rsatilgan holda, litsenziyalovchi organ tomonidan tasdiqlangan litsenziya nusxalari beriladi.
(V1 bob O‘zbekiston Respublikasi Vazirlar Mahkamasining 2014-yil 17-iyuldagi 196-sonli qaroriga asosan kiritilgan — O‘R QHT, 2014-y., 31-son, 380-modda)
26. Litsenziya bitimi talablariga rioya etilishi yuzasidan nazorat qonun hujjatlarida belgilangan tartibda litsenziyalovchi organ tomonidan amalga oshiriladi.
litsenziat tomonidan litsenziya talablari va shartlariga rioya etilishini belgilangan tartibda rejali tekshirish;
litsenziya talablari va shartlari litsenziat tomonidan buzilganligidan dalolat beruvchi holatlar mavjud bo‘lgan taqdirda litsenziat tomonidan litsenziya talablari va shartlariga rioya etilishini belgilangan tartibda rejadan tashqari tekshirish;
tekshirishlar natijalari asosida, litsenziat tomonidan litsenziya talablari va shartlarining aniq buzilishlarini ko‘rsatgan holda dalolatnomalar (ma’lumotnomalar) tuzish;
litsenziatga aniqlangan buzilishlarni bartaraf etishni yuklovchi qarorlar chiqarish va litsenziat aniqlangan bunday buzilishlarni bartaraf etishi shart bo‘lgan muddatlarni belgilash;
litsenziyalarning amal qilishini to‘xtatib turish, to‘xtatish yoki uni bekor qilish to‘g‘risida qonun hujjatlarida belgilangan tartibda qaror chiqarish yoki sudga murojaat qilish;
xo‘jalik yurituvchi subyektlar tomonidan farmatsevtika faoliyatini litsenziyasiz amalga oshirishning aniqlangan holatlari to‘g‘risidagi materiallarni qonun hujjatlarida nazarda tutilgan choralar ko‘rish uchun belgilangan tartibda soliq organlariga yuborish.
28. Litsenziya talablari va shartlariga rioya etilishini tekshirishda litsenziyalovchi organning tekshiruvchi xodimlari tomonidan ikki nusxada dalolatnoma tuziladi, ularning bittasi litsenziatga beriladi, ikkinchi nusxasi litsenziyalovchi organda qoladi.
29. Litsenziyaning amal qilishini to‘xtatib turish va to‘xtatish, uni bekor qilish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 22—24-moddalarida nazarda tutilgan hollarda va tartibda amalga oshiriladi.
Litsenziyalovchi organning litsenziyaning amal qilishini to‘xtatib turish va to‘xtatish, uni bekor qilish to‘g‘risidagi qarori yuzasidan sudga shikoyat qilinishi mumkin. Litsenziyalovchi organ qarorining asossiz ekanligi sud tomonidan e’tirof etilgan taqdirda, litsenziyalovchi organ litsenziat oldida uning ko‘rgan zarari miqdorida javob beradi.
(30-band O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
(31-bandning birinchi xatboshisi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
yuridik shaxslar uchun — tashkilotning nomi va soliq to‘lovchining identifikatsiya raqami, mulkchilik shakli, tashkilot rahbarining familiyasi, ismi, otasining ismi;
jismoniy shaxslar uchun — litsenziatning familiyasi, ismi, otasining ismi, uning pasporti ma’lumotlari, uy manzili, telefoni;
e) litsenziyalarni qayta rasmiylashtirish, ularning amal qilish muddatini to‘xtatib turish va tiklashning asoslari va sanasi;
(31-bandning “j” kichik bandi O‘zbekiston Respublikasi Vazirlar Mahkamasining 2014-yil 17-iyuldagi 196-sonli qarori tahririda — O‘R QHT, 2014-y., 31-son, 380-modda)
Litsenziyalarning reyestrlarida mavjud bo‘lgan ma’lumotlar litsenziyalovchi organning veb-saytida joylashtiriladi va tanishish uchun ochiq bo‘ladi.
(31-bandning o‘n ikkinchi va o‘n uchinchi xatboshilari O‘zbekiston Respublikasi Vazirlar Mahkamasining 2012-yil 1-fevraldagi 26-sonli qaroriga asosan o‘n ikkinchi xatboshiga almashtirilgan — O‘R QHT, 2012-y., 6-son, 57-modda)
Oldingi tahrirga qarang.
(32-band O‘zbekiston Respublikasi Vazirlar Mahkamasining 2012-yil 1-fevraldagi 26-sonli qaroriga asosan o‘z kuchini yo‘qotgan — O‘R QHT, 2012-y., 6-son, 57-modda)
33. Farmatsevtika faoliyatini amalga oshirishga litsenziya berilganligi yoki uning amal qilish muddati uzaytirilganligi uchun eng kam oylik ish haqining o‘n baravari miqdorida davlat boji undiriladi.