Oʻzbekiston Respublikasi Prezidentining “Toshkent shahrida Singapur menejmentni rivojlantirish instituti faoliyatini tashkil qilish toʻgʻrisida” 2007-yil 5-sentabrdagi PQ-691-son qarorini va Oʻzbekiston Respublikasi Vazirlar Mahkamasining “Favqulodda vaziyatlarni prognoz qilish va oldini olish davlat dasturini tasdiqlash toʻgʻrisida” 2007-yil 3-apreldagi 71-son qarorini ijrosini taʼminlash, shuningdek Oʻzbekiston Respublikasi Favqulodda vaziyatlar vazirligining moddiy-texnika bazasini yanada mustahkamlash maqsadida Vazirlar Mahkamasi qaror qiladi:

1. “Kamolot” yoshlar ijtimoiy harakati markaziy kengashi, Oʻzbekiston Respublikasi Favqulodda vaziyatlar vazirligi va Davlat mulki qoʻmitasining Toshkent shahri, “Yoshlik” talabalar shaharchasi, O. Saidov koʻchasi, 4A-uy manzilida joylashgan davlat mulki hisoblangan binoni keyinchalik Fuqaro muhofazasi institutini joylashtirish uchun Oʻzbekiston “Kamolot” yoshlar ijtimoiy harakati markaziy kengashi balansidan Oʻzbekiston Respublikasi Favqulodda vaziyatlar vazirligi balansiga oʻtkazish toʻgʻrisidagi takliflariga rozilik berilsin.

2. Oʻzbekiston “Kamolot” yoshlar ijtimoiy harakati markaziy kengashi mazkur qarorning 1-bandida koʻrsatilgan binoni balansga topshirilsin, Oʻzbekiston Respublikasi Favqulodda vaziyatlar vazirligi esa qabul belgilangan tartibda kabul qilib olsin hamda qabul qilinayotgan obyektdan maqsadli foydalanilishi, moliyalashtirilishi va moddiy-texnik taʼminlanishini taʼminlasin.

3. Oʻzbekiston Respublikasi Davlat mulki qoʻmitasi Fuqaro muhofazasi institutining Toshkent shahri, Xalqlar doʻstligi prospekti, 28-uyda joylashgan bino va inshootlarini Oʻzbekiston Banklari uyushmasiga balans qiymati boʻyicha sotishdan tushgan mablagʻlarni, obyektni sotish summasidan belgilangan tartibda Davlat mulki qoʻmitasi tasarrufida qoldiriladigan mablagʻlarning 3 foizi chegirib tashlangan holda, istisno tariqasida, Oʻzbekiston Respublikasi Favqulodda vaziyatlar vazirligining budjetdan tashqari hisob raqamiga yoʻnaltirsin.

6. Vazirlar Mahkamasining 1995-yil 26-dekabrdagi 535-f-son farmoyishi oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.