C‎

S‎

1

2‎

3‎

4‎

5‎

9‎

CCCCC
‎I
‎I
‎I
‎I
‎I
‎I
‎I
‎I
‎I
‎I

KK
‎I
‎I
‎I
‎I
‎I
‎I
‎I
‎I

SSSSSS‎‎‎
‎I
‎I
‎I
‎I
‎I
‎I

NN
‎I
‎I
‎I
‎I
‎I

Hisobvaraqning tartib raqami

Kredit uyushmasi a’zosining kodi

Nazorat kaliti

Balans hisobvarag‘i‎

‎

55801‎

—‎

Qimmatli qog‘ozlarga qilingan investitsiyani sotish yoki dispozitsiya qilishdan ko‘rilgan zararlar‎

Ushbu hisobvaraqda kredit uyushmasining xazinasidagi, kirim va chiqim kassalaridagi saralangan va saralanmagan naqd pullarni ham hisobga olgan holda, banknot va tanga ko‘rinishidagi naqd pul mablag‘larining hisobi yuritiladi.
‎Kassa operatsiyalarini amalga oshirish tartibi O‘zbekiston Respublikasi Markaziy banki tomonidan tartibga solinadi.
‎Hisobvaraqning debetida kredit uyushmasining kassasiga kirim qilingan mablag‘larining tushumi aks ettiriladi.
‎Hisobvaraqning kreditida kredit uyushmasi kassasidan mablag‘lar to‘lovlari, shuningdek, limitdan yuqori bo‘lgan pul mablag‘larining xizmat ko‘rsatuvchi bankka topshirilishi aks ettiriladi.
‎Tahliliy hisob bitta shaxsiy hisobvaraqda olib boriladi.
‎

Olish uchun hisoblangan, biroq shartnoma muddatida to‘lanmagan foizlar

Ushbu hisobvaraqda olinishi lozim bo‘lgan hisoblangan, lekin shartnoma bo‘yicha muddatida to‘lanmagan foizlar hisobi olib boriladi.
‎Hisobvaraqning debetida olinishi lozim bo‘lgan hisoblangan, lekin shartnoma bo‘yicha muddatida to‘lanmagan foizlar summasi aks ettiriladi.
‎Hisobvaraqning kreditida to‘langan (qoplangan) yoki hisobdan chiqarilgan foizlar summasi, shuningdek, noto‘g‘ri hisoblangan foizlarning qaytarilish summasi aks ettiriladi.
‎Tahliliy hisob har bir aktiv va qarzdor bo‘yicha shartnomalar kesimida alohida shaxsiy hisobvaraqlarda olib boriladi.‎
‎

Boshqa olinishi lozim bo‘lgan hisoblangan foizlar (vositachilik haqi)
‎Ushbu hisobvaraqda boshqa olinishi lozim bo‘lgan hisoblangan foizlar (shu jumladan vositachilik haqlari) hisobi yuritiladi.
‎Hisobvaraqning debetida hisoblangan, lekin hali olinmagan foizlar (vositachilik haqlari) summasi aks ettiriladi.
‎Hisobvaraqning kreditida to‘langan (qoplangan) yoki hisobdan chiqarilgan foizlar (vositachilik haqlari), shuningdek, noto‘g‘ri hisoblangan foizlarni (vositachilik haqlarini) qaytarish summasi aks ettiriladi.
‎Tahliliy hisob majburiyatlar turi bo‘yicha alohida shaxsiy hisobvaraqlarda olib boriladi.
‎

Yer
‎Ushbu hisobvaraqda qonun hujjatlariga muvofiq, kredit uyushmalariga foydalanish uchun berilgan yoki foydalanish huquqi bilan sotib olingan yer qiymati hisobi olib boriladi. Yerni sotib olishda qo‘shimcha xarajatlar, ya’ni ko‘chmas mulk bo‘yicha vositachilik haqlari, yuridik xizmat to‘lovlari, sotib olishdagi soliqlar, erni tozalash va tekislash, drenaj qiymatlari ham erning qiymati singari hisobvaraqning debetida aks ettiriladi.
‎Hisobvaraqning debetida sotib olingan erning yer kadastri ma’lumotlariga ko‘ra qiymati aks ettiriladi.
‎‎Hisobvaraqning kreditida hisobdan chiqarilgan yer qiymati aks ettiriladi.
‎‎Tahliliy hisob har bir yer maydoni bo‘yicha alohida shaxsiy hisobvaraqlarda olib boriladi.‎‎
‎

Tugallanmagan qurilish
‎Ushbu hisobvaraqda binolarni, inshootlarni qurish, jihozlarni o‘rnatish va boshqa asosiy vositalar bilan bog‘liq bo‘lgan barcha xarajatlar qiymati hisobi yuritiladi.
‎Hisobvaraqning debetida asosiy vositalarni qayta qurish yoki qayta tiklash, qurilish bilan bog‘liq bo‘lgan barcha xarajatlar aks ettiriladi.
‎Hisobvaraqning kreditida nihoyasiga yetkazilgan qurilish yoki qayta qurish aks ettiriladi.
‎Tahliliy hisob asosiy vositalar turi (obyektlari) bo‘yicha alohida shaxsiy hisobvaraqlarda olib boriladi.
‎

Binolar va boshqa qurilishlar
‎Ushbu hisobvaraqda kredit uyushmasining faoliyati va to‘liq ish yuritishi uchun zarur bo‘lgan, unga tegishli binolar, inshootlar va boshqa qurilishlarning (xizmat binolari, ombor, garaj, oshxona, o‘quv markazi, ijtimoiy infratuzilma obyektlarining) qiymati hisobi yuritiladi. Mustaqil iqtisodiy ahamiyatga ega bo‘lgan alohida turgan har bir bino yoki qurilish inventar obyekti hisoblanadi.
‎Hisobvaraqning debetida qurilgan bino va boshqa inshootlarning qiymati, qurilishga haqiqatda ketgan xarajatlardan kelib chiqib yoki sotib olingan bino va inshootlar qiymati to‘langan va qaytarilmaydigan soliqlarni (yig‘imlarni) inobatga olib, shuningdek, bino va inshootlarni ish holatiga keltirish bilan bog‘liq yetkazib berish, montaj, o‘rnatish va ekspluatatsiyaga topshirish bo‘yicha chiqimlar va boshqa chiqimlar qiymati aks ettiriladi.
‎Hisobvaraqning kreditida (realizatsiya, hisobdan chiqarish, almashtirish, to‘liq eskirish, beg‘araz yordam sifatida berish va boshqalar natijasida) hisobdan chiqarilgan bino va qiymati aks ettiriladi.
‎Tahliliy hisob har bir bino va inshoot bo‘yicha alohida shaxsiy hisobvaraqlarda olib boriladi.
‎‎

Binolar va boshqa qurilishlarning yig‘ilgan eskirish summasi (kontr-aktiv)

Ushbu hisobvaraqda bino va boshqa qurilishlarning yig‘ilgan eskirish summasi hisobi yuritiladi. Eskirish qonun hujjatlarida belgilangan eskirish me’yorlari va eskirishni hisoblash qo‘llanmasiga asosan har oy hisoblanadi.

Hisobvaraqning kreditida kredit uyushmasiga tegishli bo‘lgan bino va boshqa qurilishlarning yig‘ilgan eskirish summasi aks ettiriladi.

Hisobvaraqning debetida hisobdan chiqarilgan bino va boshqa qurilishlarning yig‘ilgan eskirish summasi aks ettiriladi.

Obyektlarni ijaraga olish va uni takomillashtirish
‎Ushbu hisobvaraqda kredit uyushmasi tomonidan uzoq muddatli ijaraga olingan asosiy vositalarning (bino, er, transport va boshqalarning) va ijara bo‘yicha foydalanilayotgan ijara mulkini takomillashtirish xarajatlari hisobi olib boriladi.
‎Hisobvaraqning debetida ijaraga olingan obyektlarning ijaraga olish huquqi bilan bog‘liq barcha xarajatlarni hisobga olgan holdagi qiymati, shuningdek, ijaraga olinadigan obyektlarni rekonstruksiyalash va takomillashtirish bilan bog‘liq qiymati va qayta baholash natijasida kiritilgan tuzatishlar aks ettiriladi.
‎Hisobvaraqning kreditida ijaraga olingan asosiy vositalarning ijara muddati tugagach yoki ijara huquqi bekor qilingan taqdirda ijaraga beruvchiga qaytarilgan yoki asosiy vositalarning ijara muddati tugagandan keyin kredit uyushmasi tomonidan sotib olingan va sotilgan va/yoki qayta tasniflangan ijaraga olingan mulkni takomillashtirish bilan bog‘liq qiymati va qayta baholash natijasida kiritilgan tuzatishlar aks ettiriladi.
‎Tahliliy hisob har bir ijaraga olingan obyekt bo‘yicha alohida shaxsiy hisobvaraqlarda olib boriladi.‎
‎

Obyektlarni ijaraga olish va uni takomil�ashtirish bo‘yicha yig‘ilgan eskirish summasi (kontr-aktiv)

Ushbu hisobvaraqda kredit uyushmasi tomonidan ijara shartnomasi bo‘yicha olingan asosiy vositalarning (bino, er, transport va boshqalarning) yig‘ilgan eskirish hisobi yuritiladi.

Hisobvaraqning kreditida kredit uyushmasi tomonidan ijara shartnomasi bo‘yicha olingan asosiy vositalarning eskirish summasi aks ettiriladi.

Hisobvaraqning debetida ijaraga beruvchiga qaytarilgan yoki ijara shartnomasi muddati tugagandan keyin kredit uyushmasining asosiy vositalarning tegishli eskirish hisobvarag‘iga o‘tkazilgan asosiy vositalar summasi aks ettiriladi.

Transport vositalari

Ushbu hisobvaraqda kredit uyushmasi transport vositalarining (avtomashina, yuk mashinalari va boshqa harakatlanuvchi vositalarning) qiymati hisobi yuritiladi.

Hisobvaraqning debetida transport vositalarining ularni sotib olish bilan bog‘liq barcha xarajatlarini hisobga olgan holdagi qiymati, shuningdek, transport vositalari qiymatining o‘sish bahosi aks ettiriladi.

Hisobvaraqning kreditida transport vositalarining realizatsiya, to‘liq eskirish, tekinga berish va boshqalar natijasida hisobdan chiqarilgan qiymati aks ettiriladi.

Transport vositalarining yig‘ilgan eskirish summasi (kontr-aktiv)

Ushbu hisobvaraqda kredit uyushmasi transport vositalarining (avtomashina, yuk mashinalari va boshqa harakatlanuvchi vositalarning) yig‘ilgan eskirish summasi hisobi yuritiladi.

Hisobvaraqning kreditida transport vositalarining eskirishini baholash summasi aks ettiriladi.

Hisobvaraqning debetida transport vositalarining realizatsiya, to‘liq eskirish, tekinga berish va boshqalar natijasida hisobdan chiqarilgan qiymati aks ettiriladi.

Mebel, moslama va jihozlar

Ushbu hisobvaraqda kredit uyushmasi faoliyati uchun sotib olingan, ofis va boshqa jihozlashlar uchun zarur bo‘lgan mebellar, kompyuterlar, moslamalarning qiymati hisobi yuritiladi.

Hisobvaraqning debetida mebel, moslama va jihozlarni sotib olish, olib kelish, o‘rnatish va foydalanish muddatini uzaytirish maqsadida qilingan yirik ta’mirlash bilan bog‘liq barcha xarajatlarni hisobga olgan holdagi qiymati, shuningdek, ular qiymatining o‘sish bahosi aks ettiriladi.

Hisobvaraqning kreditida realizatsiya, almashtirish, to‘liq eskirish, tekinga berish va boshqalar natijasida hisobdan chiqarilgan mebel, moslama va jihozlarning qiymati aks ettiriladi.

Mebel, moslama va jihozlarning yig‘ilgan eskirish summasi
(kontr-aktiv)

Ushbu hisobvaraqda kredit uyushmasi mebellari, kompyuterlari va moslamalarining yig‘ilgan eskirish summasi hisobi yuritiladi.

Hisobvaraqning kreditida mebel, moslama va jihozlarning eskirish summasi aks ettiriladi.

Hisobvaraqning debetida realizatsiya, almashtirish, to‘liq eskirish, tekinga berish va boshqalar natijasida mebel, moslama va jihozlarning hisobdan chiqarilgan eskirish summasi aks ettiriladi.

Ijaraga berilgan asosiy vositalar

Ushbu hisobvaraqda kredit uyushmasining asosiy faoliyatida foydalanilmaydigan, balki qisqa muddatli ijara shartnomasi bo‘yicha ijaraga oluvchiga foydalanishga berilgan asosiy vositalar (yoki ularning qismi) hisobi yuritiladi.

Hisobvaraqning debetida ijaraga berilgan asosiy vositalarning qiymati aks ettiriladi.

Hisobvaraqning kreditida ijara muddati tugashi yoki ijara shartnomasi bekor qilinishi natijasida qaytarilgan asosiy vositalarning qiymati aks ettiriladi.

Ijaraga berilgan asosiy vositalarning yig‘ilgan eskirish summasi
(kontr-aktiv)

Ushbu hisobvaraqda kredit uyushmasining asosiy faoliyatida foydalanilmaydigan, balki qisqa muddatli ijara shartnomasi bo‘yicha ijaraga oluvchiga foydalanishga berilgan asosiy vositalar (yoki ular qismi)ning yig‘ilgan eskirish hisobi yuritiladi.

Hisobvaraqning kreditida ijaraga berilgan asosiy vositalarning eskirishini baholash summasi aks ettiriladi.

Hisobvaraqning debetida ijara muddati tugashi yoki ijara shartnomasi bekor qilinishi natijasida qaytarilgan asosiy vositalarning qiymati aks ettiriladi.

Ombordagi asosiy vositalar

Ushbu hisobvaraqda kredit uyushmasi tomonidan sotib olingan va omborda ekspluatatsiyaga kiritilgunga qadar hamda ekspluatatsiyadan chiqarilgandan keyin saqlanadigan asosiy vositalarning qiymati hisobga olinadi.

Hisobvaraqning debetida sotib olingan va omborda saqlanadigan asosiy vositalar deb aks ettiriladigan asosiy vositalarning qiymati hamda qayta baholash natijasida kiritilgan tuzatishlar summasi aks ettiriladi.

Hisobvaraqning kreditida ekspluatatsiyaga kiritilgan yoki hisobdan chiqarilgan asosiy vositalarning qiymati hamda qayta baholash natijasida kiritilgan tuzatishlar summasi aks ettiriladi.

Ombordagi asosiy vositalarning yig‘ilgan eskirish summasi
(kontr-aktiv)

Ushbu hisobvaraqda ombordagi asosiy vositalarning yig‘ilgan eskirish va ularning qadrsizlanishi natijasida yig‘ilgan zararlar summasi hisobga olinadi.

Hisobvaraqning kreditida omborda saqlanadigan asosiy vositalarning eskirish qiymati va qadrsizlanishi natijasida vujudga kelgan zarar hamda qayta baholash natijasida kiritilgan tuzatishlar summasi aks ettiriladi.

Hisobvaraqning debetida ekspluatatsiyaga beriladigan, sotish va/yoki boshqa yo‘l bilan hisobdan chiqarishdagi asosiy vositalarning yig‘ilgan eskirish summasining hisobdan chiqarish hamda qayta baholash natijasida kiritilgan tuzatishlar summasi aks ettiriladi.

Nomoddiy aktivlarning yig‘ilgan eskirish summasi (kontr-aktiv)

Ushbu hisobvaraqda nomoddiy aktivlarning yig‘ilish eskirish summasi va qadrsizlanish natijasida yig‘ilgan zararlar hisobga olinadi.

Hisobvaraqning debetida sotilayotgan va/yoki boshqa yo‘l bilan hisobdan chiqarilayotgan nomoddiy aktivlarning yig‘ilgan eskirish hamda qayta baholash natijasida kiritilgan tuzatishlar summasi aks ettiriladi.

Hisobvaraqning kreditida nomoddiy aktivlarning amortizatsiya summasi, qadrsizlanish natijasida ko‘rilgan zararlar, shuningdek, qayta baholash natijasida kiritilgan tuzatishlar summasi aks ettiriladi.

O‘rnatish va yaratish jarayonidagi nomoddiy aktivlar

Ushbu hisobvaraqda ekspluatatsiyaga tayyor bo‘lmagan, o‘rnatish va/yoki yaratish jarayonidagi nomoddiy aktivlar bo‘yicha xarajatlar hisobga olinadi.

Hisobvaraqning debetida ekspluatatsiyaga tayyor bo‘lmagan nomoddiy aktivlarning o‘rnatish va/yoki yaratish bilan bog‘liq barcha xarajatlarni hisobga olgan holdagi qiymati, shuningdek, qayta baholash natijasida kiritilgan tuzatishlar summasi aks ettiriladi.

Hisobvaraqning kreditida ekspluatatsiyaga berilayotgan, sotilayotgan va/yoki boshqa yo‘l bilan hisobdan chiqarilayotgan nomoddiy aktivlarning qiymati, shuningdek, qayta baholash natijasida kiritilgan tuzatishlar summasi aks ettiriladi.

Gudvill

Ushbu hisobvaraqda xo‘jalik subyektlarining qo‘shilishi yoki qo‘shib olinishi natijasida vujudga keluvchi gudvill hisobga olinadi.

Hisobvaraqning debetida xo‘jalik subyektlarining qo‘shilish yoki qo‘shib olinishi natijasida sotib olingan sof aktivlarining xarid qilish bahosini ularning haqiqiy bahosidan oshiq summasi aks ettiriladi.

Hisobvaraqning kreditida gudvillning qadrsizlanishi va/yoki hisobdan chiqarilishi aks ettiriladi.

O‘rnatish va yaratish jarayonidagi nomoddiy aktivlar bo‘yicha ko‘rilishi mumkin bo‘lgan zararlarni qoplash zaxirasi (kontr-aktiv)

Ushbu hisobvaraqda o‘rnatish va/yoki yaratish jarayonidagi nomoddiy aktivlar qadrsizlanishi bo‘yicha zararlarni qoplash zaxirasi hisobi yuritiladi.

Hisobvaraqning debetida ekspluatatsiyaga berilayotgan va/yoki boshqa yo‘l bilan hisobdan chiqarilayotgan nomoddiy aktivlarning qadrsizlanishi bo‘yicha zararlarni hisobdan chiqarish hamda qayta baholash natijasida kiritilgan tuzatishlar summasi aks ettiriladi.

Hisobvaraqning kreditida qadrsizlanish natijasida vujudga kelgan zararlar va qayta baholash bo‘yicha kiritilgan tuzatishlar summasi aks ettiriladi.

Kredit va lizing bo‘yicha ko‘chmas mulk garovi hisobidan undirilgan mulk

Ushbu hisobvaraqda ijara huquqini inobatga olgan holda kredit uyushmasining asosiy faoliyatida foydalanilmaydigan ko‘chmas mulk hamda qarzdor tomonidan kredit uyushmasi oldidagi qarzini to‘liq yoki qisman to‘lash, o‘tkazib yuborish yo‘li yoki boshqa usullar bilan olingan ko‘chmas mulk hisobi yuritiladi.

Hisobvaraqning debetida olingan ko‘chmas mulkdan qoplanadigan aktivning to‘liq qiymatidan hamda kelgusi sotish xarajatlariga kamaytirilgan ko‘chmas mulkning bozor qiymatidan eng kami aks ettiriladi.

Hisobvaraqning kreditida sotish, almashtirish, tekinga berish, hisobdan chiqarish va boshqalar natijasida hisobdan chiqarilgan ko‘chmas mulkning qiymati aks ettiriladi.

Kredit va lizing bo‘yicha boshqa mulk garovi hisobidan undirilgan mulk

Ushbu hisobvaraqda ijara huquqini inobatga olgan holda kredit uyushmasining asosiy faoliyatida foydalanilmaydigan boshqa mulk hamda qarzdor tomonidan kredit uyushmasi oldidagi qarzini to‘liq yoki qisman to‘lash, o‘tkazib yuborish yo‘li yoki boshqa usullar bilan olingan boshqa mulk hisobi yuritiladi.

Hisobvaraqning debetida olingan mulkdan qoplanadigan aktivning to‘liq qiymatidan hamda kelgusi sotish xarajatlariga kamaytirilgan mulkning bozor qiymatidan eng kami aks ettiriladi.

Hisobvaraqning kreditida sotish, almashtirish, tekinga berish, hisobdan chiqarish va boshqalar natijasida hisobdan chiqarilgan boshqa mulkning qiymati aks ettiriladi.

Ko‘chmas mulk va boshqa o‘z xususiy mulki bo‘yicha ko‘rilishi mumkin bo‘lgan zararlarni qoplash zaxirasi (kontr-aktiv)

Ushbu hisobvaraqda keyinchalik qayta baholash natijasida mulk qiymatining bozor qiymatiga nisbatan tushib ketishi oqibatida ko‘rilishi mumkin bo‘lgan zararlar hisobi yuritiladi.

Hisobvaraqning kreditida tashkil etilgan zaxira summasi yoki zaxiraning o‘sish summasi aks ettiriladi.

Hisobvaraqning debetida zaxiraning kamayish summasi yoki bekor qilingan summasi aks ettiriladi.

BOShQA AKTIVLAR
‎

Mayda xarajatlar

Ushbu hisobvaraqda o‘rnatilgan tartibda mayda xarajatlar uchun beriladigan hisobdorlik summalari hisobi yuritiladi.

Hisobvaraqning debetida mayda xarajatlar uchun berilgan hisobdorlik summalari aks ettiriladi.

Hisobvaraqning kreditida foydalanilmagan mablag‘larning qaytarilishi, shuningdek, hisobdorlikdagi summalarning qoplanishi aks ettiriladi.

Bosh ofis va/yoki filiallardan olinadigan mablag‘lar

Ushbu hisobvaraqda kredit uyushmalarining bosh ofisi va filiallari o‘rtasida yoki bir kredit uyushmasi filiallari o‘rtasida bo‘ladigan operatsiyalarning hisobi olib boriladi. Ushbu hisobvaraq uchun 29809 — “Bosh ofis va/yoki filiallarga to‘lanadigan mablag‘lar” hisobvarag‘i o‘zaro mos hisobvaraqdir. Ushbu hisobvaraqlarning aylanma va qoldiq summalari bir-biriga teng bo‘lishi va jamlanma balansda ushbu hisobvaraqlarda qoldiq bo‘lmasligi shart.

Hisobvaraqning debetida bosh ofis va/yoki filiallarga berilgan mablag‘lar aks ettiriladi.

Hisobvaraqning kreditida bosh ofis va/yoki filiallarga to‘langan qarzlar, noto‘g‘ri o‘tkazilish natijasida qaytarilgan mablag‘lar summasi aks ettiriladi.

Olingan kreditlar bo‘yicha garovga berilgan mulk va mulkiy huquqlar

Ushbu hisobvaraqda olingan kredit bo‘yicha garovga berilgan mulklar va mulkiy huquqlar hisobi yuritiladi.

Hisobvaraqning debetida olingan kreditlar ta’minotiga kredit uyushmasi tomonidan yo‘naltirilgan mulklar va mulkiy huquqlar qiymati aks ettiriladi.

Kredit uyushmasi xodimlari bilan hisob-kitoblarda undirib olinishi lozim bo‘lgan mablag‘lar

Ushbu hisobvaraqda kredit uyushmasi xodimlariga xizmat safari xarajatlari uchun avanslar, ortiqcha hisoblangan ish haqi yoki mukofot (badal) tariqasida to‘langan mablag‘, shuningdek, javobgar shaxs tomonidan yetkazilgan zarar hisobga olinadi.

Hisobvaraqning debetida kredit uyushmasi xodimlariga hisoblangan va to‘langan summalar aks ettiriladi.

Hisobvaraqning kreditida hisoblangan va to‘langan summalarni qoplash aks ettiriladi.

Tovar — moddiy qimmatliklar uchun to‘langan mablag‘lar

Ushbu hisobvaraqda tovar-moddiy qimmatliklar, ya’ni asosiy vositalar, kam baholi va tez eskiruvchi buyumlar uchun va boshqa tovar-moddiy qimmatliklar uchun o‘tkaziladigan mablag‘lar hisobi yuritiladi.

Hisobvaraqning debetida tovar-moddiy qimmatliklar uchun o‘tkazilgan mablag‘lar aks ettiriladi.

Hisobvaraqning kreditida tovar-moddiy qimmatliklar kirim qilinganda summalar to‘lanadi yoki hisobdan chiqariladi.

Olinishi lozim bo‘lgan mablag‘lar hisobvaraqlari bo‘yicha ko‘rilishi mumkin bo‘lgan zararlarni qoplash zaxirasi (kontr-aktiv)

Ushbu hisobvaraqda kredit uyushmasi tomonidan hali undirib olinmagan, olinishi lozim bo‘lgan mablag‘lar hisobvaraqlari bo‘yicha ko‘rilishi mumkin bo‘lgan zararlarni qoplash zaxirasi summasi hisobi yuritiladi.

Hisobvaraqning kreditida tashkil etilgan zaxira summasi va/yoki zaxiraning o‘sish summasi aks ettiriladi.

Hisobvaraqning debetida zaxiraning kamayish summasi va/yoki bekor qilingan summasi aks ettiriladi.

Aniqlanish jarayonidagi olinishi lozim bo‘lgan boshqa aktivlar

Ushbu hisobvaraqda biror-bir sabablarga (tegishli hujjatlarning mavjud bo‘lmasligi, rekvizitlari noto‘g‘ri ko‘rsatilganda, qo‘shimcha o‘rganish talab qiladigan operatsiyalar va shu kabi boshqa hollarda) ko‘ra belgilangan maqsadi bo‘yicha tegishli hisobvaraqlarda hisobga olinishi yoki hisobdan chiqarilishi mumkin bo‘lmagan operatsiyalar hisobga olinadi. Aniqlanish jarayonida hisobvaraqdagi mablag‘lar maqsadi bo‘yicha hisobdan chiqarilishi yoki qaytarilishi talab qilinishi lozim bo‘lgan o‘rnatilgan muddat davomidagina qoldirilishi mumkin.

Hisobvaraqning debetida mablag‘lar kelib tushgan vaqtda tegishli hisobvaraqda hisobga olinishi mumkin bo‘lmagan summa aks ettiriladi.

Hisobvaraqning kreditida belgilangan maqsadi bo‘yicha hisobdan chiqarilgan yoki kredit uyushmasiga qaytarib yuborilgan mablag‘lar summasi aks ettiriladi.

Ombordagi kam baholi va tez eskiruvchi buyumlar hamda boshqa qimmatliklar

Ushbu hisobvaraqda kam baholi va tez eskiruvchi buyumlar va boshqa qimmatliklar, shuningdek, kredit uyushmasining binosi va boshqa inshootlarini ta’mirlashi uchun mo‘ljallangan materiallar hisobi yuritiladi.

Hisobvaraqning debetida sotib olingan va omborga kirim qilingan kam baholi va tez eskiruvchi buyumlar hamda boshqa qimmatliklar qiymati aks ettiriladi.

Hisobvaraqning kreditida hisobdan chiqarilgan va foydalanishga berilgan kam baholi va tez eskiruvchi buyumlar hamda boshqa qimmatliklar qiymati aks ettiriladi.

Oldindan to‘langan xarajatlar

Ushbu hisobvaraqda joriy hisobot �avrida qilingan, lekin kelajakdagi hisobot davriga tegishli xarajatlarning (davriy nashrga yillik obuna, sug‘urta summalari, ijara va to‘lovlarni oldindan amalga oshirishning) summalari hisobi yuritiladi.

Hisobvaraqning debetida oldindan to‘langan kelgusi davr hisobotlariga tegishli xarajatlar summasi aks ettiriladi.

Hisobvaraqning kreditida xarajatlar amalga oshirilgan davrga tegishli bo‘lgan, kredit uyushmasining joriy xarajatlariga o‘tkazilgan haqiqiy xarajatlarni qoplash summasi aks ettiriladi.

Boshqa muddati uzaytirilgan xarajatlar

Ushbu hisobvaraqda joriy davrda oldindan to‘langan, lekin kelgusi (1 yildan ortiq) (muddat shartnoma bo‘yicha belgilanadi) davr xarajatlari hisoblanadigan va qabul qilinadigan xarajatlar hisobga olinadi. Bunga ijara bo‘yicha bo‘nak to‘lovlari, nashrla�ga obuna to‘lovlari hamda mulk sug‘urtasi to‘lovlari va h.k. kiradi.

Hisobvaraqning debetida kredit uyushmasining oldindan to‘langan kelgusi davr xarajatlari summasi aks ettiriladi.

Hisobvaraqning kreditida oldindan to‘langan mablag‘larning xarajatlar hisobvaraqlariga debetlash orqali amortizatsiya qilingan qismining summasi, shuningdek, ularning qaytarilgan summasi aks ettiriladi.

Muddati uzaytirilgan daromad solig‘i

Ushbu hisobvaraqda qonun hujjatlarida belgilangan tartibda va hisobot davridagi soliqqa tortiladigan va moliyaviy foyda o‘rtasidagi davriy farqlar, shuningdek, bo‘nak hisobidan to‘langan boshqa soliqlar, yig‘imlar, budjet va budjetdan tashqari fondlarga o‘tkazmalar summasi natijasida yuzaga keladigan muddati uzaytirilgan daromad solig‘ining summasi aks ettiriladi.

Hisobvaraqning debetida kelgusi davr hisobiga to‘�angan foydadan soliq, shuningdek, bo‘nak hisobidan to‘langan boshqa soliqlar, yig‘imlar, budjet va budjetdan tashqari fondlarga o‘tkazmalar summasi aks ettiriladi.

Hisobvaraqning kreditida muddati uzaytirilgan xarajatlarning mos summasiga to‘lanishi lozim bo‘lgan soliqni kamayishi aks ettiriladi.

Tugatilgan yoki tugatilish jarayonida bo‘lgan banklardagi depozitlar

Ushbu hisobvaraqda kredit uyushmasining tugatilgan yoki tugatilish arafasida bo‘lgan banklardagi (boshqa kredit tashkilotlaridagi) mablag‘lari hisobi yuritiladi.

Hisobvaraqning debetida tugatilgan yoki tugatilish arafasida bo‘lgan banklardagi (boshqa kredit tashkilotlaridagi) depozitlar va boshqa hisobvaraqlar summasi aks ettiriladi.

Hisobvaraqning kreditida tugatilgan yoki tugatilish arafasida bo‘lgan banklardagi (boshqa kredit tashkilotlaridagi) mablag‘larni qoplash uchun ko‘rilishi mumkin bo‘lgan zararlarni qoplash zaxirasi hisobvarag‘idan kelib tushgan yoki boshqa aktivlar hisobidan qoplangan mablag‘lar summasi aks ettiriladi.

Tugatilgan va tugatilish jarayonida bo‘lgan banklardagi depozitlar bo‘yicha ko‘rilishi mumkin bo‘lgan zararlarni qoplash zaxirasi (kontr-aktiv)

Ushbu hisobvaraqda tugatilgan va tugatilish jarayonida bo‘lgan banklardagi (boshqa kredit tashkilotlaridagi) kredit uyushmasining depozitlari va boshqa hisobvaraqlar bo‘yicha ko‘rilishi mumkin bo‘lgan zararlarni qoplash zaxirasi hisobi yuritiladi.

Hisobvaraqning kreditida tashkil etilgan zaxira summasi va/yoki zaxiraning o‘sish aks ettiriladi.

Hisobvaraqning debetida zaxiraning bekor qilingan va/yoki kamayish summasi summasi aks ettiriladi.

Boshqa aktivlar

Ushbu hisobvaraqda yuqorida keltirilgan toifalarga to‘g‘ri kelmaydigan kredit uyushmasining barcha boshqa aktivlari aks ettiriladi.

Hisobvaraqning debetida kredit uyushmasining boshqa aktivlari summasi aks ettiriladi.

Hisobvaraqning kreditida qaytarish natijasida hisobdan chiqarilgan, sotilgan yoki qayta tasniflangan boshqa aktivlarning summasi aks ettiriladi.

Kredit uyushmasi a’zolari — jismoniy shaxslarning jamg‘arma depozitlari

Ushbu hisobvaraqda jismoniy shaxslarning ma’lum bir maqsad uchun foizlar hisoblanishi bilan shakllangan mablag‘lari hisobi olib boriladi.

Hisobvaraqning kreditida jismoniy shaxslarning jamg‘arma depozit hisobvaraqlariga kelib tushgan mablag‘lari aks ettiriladi.

Hisobvaraqning debetida jismoniy shaxslarning jamg‘arma depozit hisobvaraqlaridan hisobdan chiqarilgan mablag‘lari summasi aks ettiriladi.

Kredit uyushmasi a’zolari — yuridik shaxslarning jamg‘arma depozitlari

Ushbu hisobvaraqda yuridik shaxslarning ma’lum bir maqsad uchun foizlar hisoblanishi bilan shakllangan mablag‘lari hisobi olib boriladi

Hisobvaraqning kreditida yuridik shaxslarning jamg‘arma depozit hisobvaraqlariga kelib tushgan mablag‘lari aks ettiriladi.

Hisobvaraqning debetida yuridik shaxslarning jamg‘arma depozit hisobvaraqlaridan hisobdan chiqarilgan mablag‘lari summasi aks ettiriladi.

Kredit uyushmasi a’zolari — yakka tartibdagi tadbirkorlarning jamg‘arma depozitlari

Ushbu hisobvaraqda yakka tartibdagi tadbirkorlarning ma’lum bir maqsad uchun foizlar hisoblanishi bilan shakllangan mablag‘lari hisobi olib boriladi.

Hisobvaraqning kreditida yakka tartibdagi tadbirkorlarning jamg‘arma depozit hisobvaraqlariga kelib tushgan mablag‘lari aks ettiriladi.

Hisobvaraqning debetida yakka tartibdagi tadbirkorlarning jamg‘arma depozit hisobvaraqlaridan hisobdan chiqarilgan mablag‘lari summasi aks ettiriladi.

MUDDATLI DEPOZITLAR
‎

Kredit uyushmasi a’zolari — jismoniy shaxslarning muddatli depozitlari

Ushbu hisobvaraqda jismoniy shaxslarning qat’iy belgilangan muddatga foizlar hisoblanish sharti bilan qo‘yilgan mablag‘lari hisobi olib boriladi.

Hisobvaraqning kreditida jismoniy shaxslarning muddatli depozit hisobvaraqlariga kelib tushgan mablag‘lari aks ettiriladi.

Hisobvaraqning debetida jismoniy shaxslarning muddatli depozit hisobvaraqlaridan hisobdan chiqariladigan mablag‘lar aks ettiriladi.

Kredit uyushmasi a’zolari — yuridik shaxslarning muddatli depozitlari

Ushbu hisobvaraqda yuridik shaxslarning qat’iy o‘rnatilgan muddatga foizlar hisoblanishi bilan shakllangan mablag‘lari hisobi olib boriladi.

Hisobvaraqning kreditida yuridik shaxslarning muddatli depozit hisobvaraqlariga kelib tushgan mablag‘lar aks ettiriladi.

Hisobvaraqning debetida yuridik shaxslarning muddatli depozit hisobvaraqlaridan hisobdan chiqariladigan mablag‘lar aks ettiriladi.

Kredit uyushmasi a’zolari — yakka tartibdagi tadbirkorlarning muddatli depozitlari

Ushbu hisobvaraqda yakka tartibdagi tadbirkorlarning qat’iy belgilangan muddatga foizlar hisoblanish sharti bilan qo‘yilgan mablag‘lari hisobi olib boriladi.

Hisobvaraqning kreditida yakka tartibdagi tadbirkorlarning muddatli depozit hisobvaraqlariga kelib tushgan mablag‘lari aks ettiriladi.

Hisobvaraqning debetida yakka tartibdagi tadbirkorlarning muddatli depozit hisobvaraqlaridan hisobdan chiqarilgan mablag‘lari summasi aks ettiriladi.

TO‘LANIShI LOZIM BO‘LGAN QISQA MUDDATLI KREDITLAR
‎

Banklarga to‘lanishi lozim bo‘lgan qisqa muddatli kreditlar

Ushbu hisobvaraqda banklardan olingan sanasidan 12 oygacha bo‘lgan muddatdagi kreditlarning (mohiyati bo‘yicha kreditlar bo‘lgan moliyaviy lizing va boshqa operatsiyalarning) hisobi olib boriladi.

Hisobvaraqning kreditida olingan kreditlarning (mohiyati bo‘yicha kreditlar bo‘lgan moliyaviy lizing va boshqa operatsiyalarning) summasi aks ettiriladi.

Boshqalarga to‘lanishi lozim bo‘lgan boshqa qisqa muddatli kreditlar

Ushbu hisobvaraqda boshqa kreditorlardan (banklar va boshqa kredit tashkilotlaridan tashqari) olingan sanasidan 12 oygacha bo‘lgan muddatdagi kr�ditlarning (mohiyati bo‘yicha kreditlar bo‘lgan moliyaviy lizing va boshqa operatsiyalarlarning) hisobi olib boriladi.

Hisobvaraqning kreditida olingan kreditlar summasi aks ettiriladi.

Hisobvaraqning debetida to‘langan kreditlar summasi aks ettiriladi.

TO‘LANIShI LOZIM BO‘LGAN UZOQ MUDDATLI KREDITLAR
‎

Banklarga to‘lanishi lozim bo‘lgan uzoq muddatli kreditlar

Ushbu hisobvaraqda banklardan olingan sanasidan 1 yildan ortiq muddatgacha bo‘lgan kredit (mohiyati bo‘yicha kreditlar bo‘lgan moliyaviy lizing va boshqa operatsiya)larning hisobi olib boriladi.

Hisobvaraqning kreditida olingan kreditlar summasi aks ettiriladi.

Hisobvaraqning debetida to‘langan kreditlar summasi aks ettiriladi.

To‘lanishi lozim bo‘lgan boshqa uzoq muddatli kreditlar

Ushbu hisobvaraqda boshqa kreditorlardan (banklar va boshqa kredit tashkilotlaridan tashqari) olingan sanasidan boshlab 1 yildan ortiq muddatgacha bo‘lgan kreditlarning (mohiyati bo‘yicha kreditlar bo‘lgan moliyaviy lizing va boshqa operatsiyalarning) hisobi olib boriladi.

Hisobvaraqning kreditida olingan kreditlar summasi aks ettiriladi.

Hisobvaraqning debetida to‘langan kreditlar summasi aks ettiriladi.

LIZING BO‘YIChA MAJBURIYATLAR
‎

TO‘LANIShI LOZIM BO‘LGAN HISOBLANGAN FOIZLAR
‎

Jamg‘arma depozitlari bo‘yicha to‘lanishi lozim bo‘lgan hisoblangan foizlar

Ushbu hisobvaraqda kredit uyushmasining jamg‘arma depozitlari bo‘yicha hisoblangan, lekin hali to‘lanmagan foizlar hisobi olib boriladi.

Hisobvaraqning kreditida hisoblangan foizlar summasi aks ettiriladi.

Hisobvaraqning debetida to‘langan foizlar summasi, shuningdek, noto‘g‘ri hisoblangan foizlarning qaytarilish summasi aks ettiriladi.

Muddatli depozitlar bo‘yicha to‘lanishi lozim bo‘lgan hisoblangan foizlar

Ushbu hisobvaraqda kredit uyushmasining muddatli depozitlari bo‘yicha hisoblangan, lekin hali to‘lanmagan foizlar hisobi olib boriladi.

Hisobvaraqning kreditida hisoblangan foizlar summasi aks ettiriladi.

Hisobvaraqning debetida to‘langan foizlar summasi, shuningdek, noto‘g‘ri hisoblangan foizlarning qaytarilish summasi aks ettiriladi.

Lizing bo‘yicha to‘lanishi lozim bo‘lgan hisoblangan foizlar

Ushbu hisobvaraqda kredit uyushmasining lizing bo‘yicha to‘lanishi lozim bo‘lgan hisoblangan foizlar hisobi olib boriladi.

Hisobvaraqning kreditida lizing to‘lovlari jadvali bo‘yicha hisoblangan foizli xarajatlar summasi aks ettiriladi.

Hisobvaraqning debetida to‘langan foizlar summasi, shuningdek, noto‘g‘ri hisoblangan foizlarning qaytarilish summasi aks ettiriladi.

Kreditlar bo‘yicha to‘lanishi lozim bo‘lgan hisoblangan foizlar

Ushbu hisobvaraqda kredit uyushmasining kredit majburiyatlari (mohiyati bo‘yicha kreditlar bo‘lgan moliyaviy lizing va boshqa operatsiyalar) bo‘yicha hisoblangan, lekin hali to‘lanmagan foizlar hisobi olib boriladi.

Hisobvaraqning kreditida hisoblangan foizlar summasi aks ettiriladi.

Hisobvaraqning debetida to‘langan foizlar summasi, shuningdek, noto‘g‘ri hisoblangan foizlarning qaytarilish summasi aks ettiriladi.

Boshqa majburiyatlar bo‘yicha hisoblangan foizlar

Ushbu hisobvaraqda yuqorida ko‘rsatilgan turkum tasniflarga mos tushmaydigan majburiyatlar bo‘yicha hisoblangan, lekin hali to‘lanmagan foizlar hisobi olib boriladi.

Hisobvaraqning kreditida hisoblangan foizlar summasi aks ettiriladi.

Hisobvaraqning debetida to‘langan foizlar summasi, shuningdek, noto‘g‘ri hisoblangan foizlarning qaytarilish summasi hisobdan chiqariladi.

HISOBLA�GAN SOLIQLAR
‎

Daromaddan to‘lanishi lozim bo‘lgan hisoblangan soliqlar

Ushbu hisobvaraqda hisoblangan, lekin hali to‘lanmagan daromad soliqlarining (qonun hujjatlariga muvofiq ravishda daromad, ijtimoiy infratuzilmani rivojlantirish, hududlarni obodonlashtirish soliqlarning) hisobi olib boriladi.

Hisobvaraqning kreditida hisoblangan daromad soliqlari summasi aks ettiriladi.

Hisobvaraqning debetida to‘langan daromad soliqlari summasi, shuningdek, noto‘g‘ri hisoblangan daromad soliqlari summasi aks ettiriladi.

To‘lanishi lozim bo‘lgan hisoblangan boshqa soliqlar

Ushbu hisobvaraqda hisoblangan, lekin hali olinmagan soliqlar (daromad solig‘idan tashqarilar) hisobi olib boriladi.

Hisobvaraqning kreditida kredit uyushmasining soliqlar bo‘yicha hisoblangan summalar aks ettiriladi.

Hisobvaraqning debetida to‘langan soliqlar summasi, shuningdek, noto‘g‘ri hisoblangan soliqlarni qaytarish summalari aks ettiriladi.

To‘lash uchun ushlab qolingan soliqlar

Ushbu hisobvaraqda qonun hujjatlariga muvofiq kredit uyushmasining xodimlaridan ushlab qolingan va budjet daromadiga o‘tkaziladigan soliqlar hisobi olib boriladi.

Hisobvaraqning kreditida kredit uyushmasi tomonidan ushlab qolingan soliqlar summasi aks ettiriladi.

Hisobvaraqning debetida budjetga o‘tkazilgan soliqlar summasi aks ettiriladi.

Budjetdan tashqari fondlar bilan hisob-kitoblar

Ushbu hisobvaraqda qonun hujjatlariga muvofiq yagona ijtimoiy to‘lovga, Bandlikka ko‘maklashish davlat jamg‘armasiga, O‘zbekiston Respublikasi Kasaba uyushmalari Federatsiyasiga va boshqa jamg‘armalarga o‘tkaziladigan mablag‘lar hisobi olib boriladi.

Hisobvaraqning kreditida yagona ijtimoiy to‘lovga, Bandlikka ko‘maklashish davlat jamg‘armasi va boshqa jamg‘armalarga o‘tkaziladigan mablag‘lar summasi aks ettiriladi.

Hisobvaraqning debet�da yagona ijtimoiy to‘lovga, Bandlikka ko‘maklashish davlat jamg‘armasi va boshqa jamg‘armalarga o‘tkazilgan mablag‘lar summasi aks ettiriladi.

MUDDATI UZAYTIRILGAN DAROMADLAR
‎

Kelgusi davr foizli daromadlari

Ushbu hisobvaraqda oldindan olingan va ularning amalda ishlab topilganligiga qarab daromadga o‘tkazilgan foizlar hisobi olib boriladi.

Hisobvaraqning kreditida oldindan olingan foizlar summasi aks ettiriladi.

Hisobvaraqning debetida ishlab topilgan foizlar summasi ak� ettiriladi.

Boshqa muddati uzaytirilgan daromadlar

Ushbu hisobvaraqda muddati uzaytirilgan boshqa daromadlar (foizli daromaddan tashqari), ijara hamda boshqa foizsiz operatsiyalar bo‘yicha bo‘nak sifatida olingan pul mablag‘lari hisobi yuritilib, ular majburiyat deb tan olinadi va haqiqatda xizmat ko‘rsatilishiga qadar kredit uyushmasining daromadi sifatida aks ettirilishi mumkin emas.

Hisobvaraqning kreditida bo‘nak sifatida olingan pul mablag‘lari summasi aks ettiriladi.

Hisobvaraqning debetida hisobdan chiqarilib kredit uyushmasining daromadiga olingan ishlab topilgan daromad summalar aks ettiriladi.

BOShQA MAJBURIYATLAR
‎

Tovar-moddiy qimmatliklar va ko‘rsatilgan xizmatlar uchun to‘lanadigan mablag‘lar

Ushbu hisobvaraqda olingan tovar-moddiy qimmatliklar va ko‘rsatilgan xizmatlar (elektr, suv, gaz va boshqalar) uchun to‘lanishi lozim bo‘lgan mablag‘lar hisobi olib boriladi.

Hisobvaraqning kreditida olingan tovar-moddiy qimmatliklar va ko‘rsatilgan xizmatlar uchun to‘lanishi lozim bo‘lgan mablag‘lar summasi aks ettiriladi.

Hisobvaraqning debetida tovar-moddiy qimmatliklar va ko‘rsatilgan xizmatlar uchun to‘langan mablag‘lar summasi aks ettiriladi.

Xodimlar bilan hisob-kitoblardagi to‘lanishi lozim bo‘lgan mablag‘lar

Ushbu hisobvaraqda kredit uyushmasi xodimlariga ish haqi, pensiya, aliment, bolalar yordam puli, moddiy yordam, band qilingan ish haqi, boshqa mukofotlar yoki badallar berish uchun hisoblangan mablag‘lar hisobi olib boriladi.

Hisobvaraqning kreditida to‘lanishi lozim bo‘lgan hisoblangan mablag‘lar aks ettiriladi.

Hisobvaraqning debetida berilgan mablag‘lar summasi aks ettiriladi.

Ijara bo‘yicha to‘lanishi lozim bo‘lgan mablag‘lar

Ushbu hisobvaraqda lizingga (moliyaviy ijaraga) tushmaydigan ijara bo‘yicha hisoblangan majburiyat hisobi olib boriladi.

Hisobvaraqning kreditida ijara bo‘yicha to‘lash uchun hisoblangan mablag‘lar summasi aks ettiriladi.

Hisobvaraqning debetida ijara bo‘yicha to‘lash uchun hisoblangan summaning to‘langan yoki hisobdan chiqarilgan summalari aks ettiriladi.

Bosh ofis va/yoki filiallarga to‘lanadigan mablag‘lar

Ushbu hisobvaraqda kredit uyushmalarining bosh ofisi va/yoki filiallari o‘rtasida yoki bir kredit uyushmasi filiallari o‘rtasidagi operatsiyalar hisobi olib boriladi. �shbu hisobvaraq 19902 — “Bosh ofis va/yoki filiallardan olinadigan mablag‘lar” hisobvarag‘i uchun o‘zaro bog‘liq hisobvaraq hisoblanadi. Ushbu hisobvaraqlarning aylanma va qoldiq summalari bir-biriga teng bo‘lishi va jamlanma balansda ushbu hisobvaraqlarda qoldiq bo‘lmasligi shart.

Hisobvaraqning kreditida bosh ofis va/yoki filiallarga to‘lanishi lozim bo‘lgan mablag‘lar aks ettiriladi.

Hisobvaraqning debetida bosh ofis va/yoki filiallardan kelib tushgan moliyaviy yordam summasi aks ettiriladi.

Aniqlanish jarayonidagi to‘lanishi lozim bo‘lgan boshqa majburiyatlar

Ushbu hisobvaraqda biror-bir sabablarga ko‘ra (tegishli hujjatlarning mavjud bo‘lmasligi, rekvizitlari noto‘g‘ri ko‘rsatilganda, qo‘shimcha o‘rganish talab qiladigan operatsiyalar va shu kabi boshqa hollarda) belgilangan maqsadi bo‘yicha tegishli hisobvaraqlarda hisobga olinishi yoki hisobdan chiqarilishi mumkin bo‘lmagan operatsiyalar hisobga olinadi. Aniqlanish jarayonida hisobvaraqdagi mablag‘lar maqsadi bo‘yicha hisobdan chiqarilishi yoki qaytarilishi lozim bo‘lgan o‘rnatilgan muddat davomidagina qoldirilishi mumkin.

Hisobvaraqning kreditida mablag‘lar kelib tushgan vaqtda tegishli hisobvaraqda hisobga olinishi mumkin bo‘lmagan summa aks ettiriladi.

Hisobvaraqning debetida belgilangan maqsadi bo‘yicha hisobga olingan yoki qaytarib yuborilgan mablag‘lar summasi aks ettiriladi.

To‘lanishi lozim bo‘lgan dividendlar

Ushbu xisobvaraqda kredit uyushmasi tomonidan e’lon qilingan, lekin hali to‘lanmagan dividendlarning hisobi olib boriladi.

Hisobvaraqning kreditida to‘lanishi lozim bo‘lgan hisoblangan dividendlarning summasi aks ettiriladi.

Hisobvaraqning debetida kredit uyushmasi tomonidan to‘langan dividendlarning summasi aks ettiriladi.

Boshqa majburiyatlar

Ushbu hisobvaraqda yuqorida ko‘rsatilgan turkum tasniflarga mos tushmaydigan operatsiyalar hisobi olib boriladi.

Hisobvaraqning kreditida mablag‘lar kelib tushishi aks ettiriladi.

Hisobvaraqning debetida mablag‘larni hisobdan chiqarish aks ettiriladi.

KAPITAL
‎

KREDIT UYuShMASINING USTAV FONDI
‎

Pay badallari

Ushbu hisobvaraqda kredit uyushmasining ustav fondini tashkil etuvchi kredit uyushmasi a’zolarining pay badallari hisobi olib boriladi.

Hisobvaraqning kreditida kredit uyushmasi a’zolaridan olingan pay badallari summasi aks ettiriladi.

Hisobvaraqning debetida kredit uyushmasi a’zolari kredit uyushmasidan chiqqan taqdirda pay badalining qaytarilgan summasi aks ettiriladi.

ZAXIRA KAPITALI
‎

Zaxira fondi

Ushbu hisobvaraqda kredit uyushmasi Ustaviga muvofiq foyda hisobidan ajratilgan mablag‘lar hisobi yuritiladi. Ushbu zaxiraning maqsadi kredit uyushmasini operatsion zararlar hisobidan kapitalning kamayishini himoyalash.

Hisobvaraqning kreditida yil yakunidagi foydadan zaxira fondiga o‘tkazilgan mablag‘lar aks ettiriladi.

Hisobvaraqning debetida kredit uyushmasini tugatishda zaxira fondidan mablag‘larni hisobdan chiqarilishi aks ettiriladi.

Tekinga olingan mulklar

Ushbu hisobvaraqda boshqa shaxslardan kredit uyushmasi mulkiga tekinga olingan mulklar qiymati hisobi yuritiladi.

Hisobvaraqning kreditida tekinga olingan mulklar qiymati aks ettiriladi.

Hisobvaraqning debetida boshqa shaxslarga tekinga (ilgari tekinga olingan) berilgan mulklar natijasida zararni qoplashga yo‘naltirilgan summa, shuningdek, o‘rnatilgan tartibga muvofiq aktivlardan foydalanish me’yoriga qarab, taqsimlanmagan foyda hisobiga o‘tkazilgan summalar aks ettiriladi.

Boshlang‘ich qiymatiga nisbatan baholash qiymatining oshgan summasi

Ushbu hisobvaraqda kredit uyushmasi asosiy vositalarining bozor qiymati o‘sishi natijasida boshlang‘ich qiymatiga nisbatan bo‘lgan qo‘shimcha qiymat hisobi yuritiladi.

Hisobvaraqning kreditida kredit uyushmasi asosiy vositalarining boshlang‘ich qiymatiga nisbatan bo‘lgan qo‘shimcha qiymat bahosi aks ettiriladi.

Hisobvaraqning debetida mol-mulk sotilganda yoki almashtirilganda baholangan qo‘shimcha qiymat, shuningdek, kredit uyushmasi binosi qiymatining boshlang‘ich qiymatiga nisbatan pasayib ketishi, o‘rnatilgan tartibga muvofiq qayta baholangan asosiy vositalardan foydalanishga qarab, taqsimlanmagan foyda hisobiga o‘tkazilgan summalar hisobdan chiqarilishi aks ettiriladi.

TAQSIMLANMAGAN FOYDA
‎

Taqsimlanmagan foyda (aktiv-passiv)

Ushbu hisobvaraqda kredit uyushmasining o‘tgan moliyaviy yillar faoliyati natijasida olgan taqsimlanmagan foydaning (zararning) hisobi yuritiladi.

Hisobvaraqning kreditida kredit uyushmasining taqsimlanmagan foydasi summasi, shuningdek, o‘rnatilgan tartibga muvofiq taqsimlanmagan foyda hisobiga o‘tkazilgan summalar aks ettiriladi.

Hisobvaraqning debetida har xil jamg‘armalar uchun ajratmalar, hisoblangan dividendlar, kredit uyushmasining zararlari, shuningdek, kredit uyushmasi a’zolarining qarori bo‘yicha kredit uyushmasining ustav fondiga qayta investitsiya qilingan summalar aks ettiriladi.

Sof foyda (zarar) (aktiv-passiv)

Ushbu hisobvaraqda moliyaviy hisobot yilida kredit uyushmasi moliyaviy faoliyatining natijasida olingan sof foydaning (zararlarning) summasi hisobi yuritiladi.

Hisobvaraqning kreditida hisobot yilida kredit uyushmasi tomonidan olingan foyda, 31203 — “Taqsimlanmagan foyda (aktiv-passiv)” hisobvarag‘iga o‘tkazilgan zararlar summasi aks ettiriladi.

Hisobvaraqning debetida hisobot yilida kredit uyushmasi tomonidan ko‘rilgan zararlar, 31203 — “Taqsimlanmagan foyda (aktiv-passiv)” hisobvarag‘iga o‘tkazilgan foydalar summasi aks ettiriladi.

DAROMADLAR
‎

BANKLARDAGI DEPOZITLAR BO‘YIChA FOIZLI DAROMADLAR
‎

Banklardagi depozitlar bo‘yicha foizli daromadlar
‎Ushbu hisobvaraqda kredit uyushmasining banklardagi hisobvaraqlari bo‘yicha foizli daromadlar hisobi yuritiladi.

Hisobvaraqning kreditida kelib tushgan daromad summasi, shuningdek, banklardan olinishi lozim bo‘lgan hisoblangan foizli daromadlar summasi aks ettiriladi.

Hisobvaraqning debetida noto‘g‘ri hisoblangan va olingan foizlarni qaytarish, shuningdek, moliyaviy hisobot yilining oxirida moliyaviy natija sifatida 31206 — “Sof foyda (zarar) (aktiv-passiv)” hisobvarag‘iga yopiladigan daromadlar summasi aks ettiriladi.
‎

QIMMATLI QOG‘OZLAR OLDI-SOTDISI HISOBVARAQLARI BO‘YIChA FOIZLI DAROMADLAR
‎

Davlat qimmatli qog‘ozlari bo‘yicha foizli daromadlar

Ushbu hisobv�raqda davlat qimmatli qog‘ozlari oldi-sotdisi hisobvaraqlari bo‘yicha foizli daromadlar hisobi yuritiladi.

Hisobvaraqning kreditida kelib tushgan daromad summasi, diskont amortizatsiyasi, shuningdek, davlat qimmatli qog‘ozlari oldi-sotdisi hisobvaraqlari bo‘yicha hisoblangan foizli daromadlar summasi aks ettiriladi.

Davlat qimmatli qog‘ozlariga qilingan investitsiyalar bo‘yicha foizli daromadlar

Ushbu hisobvaraqda kredit uyushmasining davlat qimmatli qog‘ozlariga qilingan investitsiyalar bo‘yicha foizli daromadlar hisobi yuritiladi.

Hisobvaraqning kreditida kelib tushgan daromad summasi, diskont amortizatsiyasi, shuningdek, investitsiyalar bo‘yicha olinishi lozim bo‘lgan foizli daromadlar summasi aks ettiriladi.

Boshqa foizli daromadlar

Ushbu hisobvaraqda yuqorida ta’riflangan toifalarga kirmaydigan kredit uyushmasining foizli daromadlari hisobi yuritiladi.

Hisobvaraqning kreditida kelib tushgan daromad summasi, shuningdek, olinishi lozim bo‘lgan hisoblangan boshqa foizli daromadlar summasi aks ettiriladi.

Xizmatlar va vositachilik uchun olingan daromadlar

Ushbu hisobvaraqda kreditlar berish, rasmiylashtirish va xizmat ko‘rsatish, kredit liniyasining zaxiralangani uchun berilgan kafolatlar va kafilliklar, shuningdek, boshqa operatsiyalar bo‘yicha axborot va konsalting xizmatlari uchun kredit uyushmasi tomonidan olingan vositachilik daromadlari hisobi yuritiladi.

Hisobvaraqning kreditida vositachilik va xizmatlardan kelib tushgan daromadlar summasi aks ettiriladi.

Qimmatli qog‘ozlarga qilingan investitsiyalarni sotish yoki dispozitsiya qilishdan olingan foyda

Ushbu hisobvaraqda kredit uyushmasining qimmatli qog‘ozlarga qilingan investitsiyalarni sotish yoki dispozitsiya qilishdan olingan foyda hisobi yuritiladi.

Hisobvaraqning kreditida investitsiyalardan olingan foyda summasi aks ettiriladi.

Investitsiya qilingan xususiy kapital bo‘yicha olingan dividendlar

Ushbu hisobvaraqda investitsiya qilingan xususiy kapital bo‘yicha h�soblangan dividendlarning hisobi olib boriladi.

Hisobvaraqning kreditida investitsiyalardan olingan dividendlar summasi aks ettiriladi.

Mulklarning ijarasidan daromadlar

Ushbu hisobvaraqda kredit uyushmasining ijaraga bergan mulklari va boshqa xususiy mulklaridan olingan daromadlarining hisobi yuritiladi.

Hisobvaraqning kreditida kredit uyushmasining ijaraga berilgan mulklari va boshqa mulklaridan kelib tushgan daromadlari summasi aks ettiriladi.

Boshqa xususiy mulk va/yoki aktivlarni sotish yoki dispozitsiya qilishdan olingan foyda

Yuqorida ko‘rsatilgan balans hisobvaraqlari o‘z xususiyatlari bo‘yicha bir xil bo‘lgani uchun ularning ta’rifi umumlashtirilib berilmoqda.

Ushbu hisobvaraqda kredit uyushmasining mulklarini va boshqa aktiv va/yoki xususiy mulklarini sotish yoki dispozitsiya qilish natijasida olingan foydalarining hisobi yuritiladi.

Hisobvaraqning kreditida kredit uyushmasining mulklarini va boshqa aktiv va/yoki xususiy mulklarini sotish yoki dispozitsiya qilish natijasida kelib tushgan daromadlari summasi aks ettiriladi.

Hisobdan chiqarilgan mablag‘larning qaytarilishi

Ushbu hisobvaraqda kredit uyushmasining ilgari hisobdan chiqarilgan aktivlarining va tashkil etilgan zaxiralarining qaytarilish summasi hisobi olib boriladi.

Hisobvaraqning kreditida kredit uyushmasining ilgari hisobdan chiqarilgan aktivlari bo‘yicha kelib tushgan daromadlari summasi aks ettiriladi.

Boshqa foizsiz daromadlar

Ushbu hisobvaraqda kredit uyushmasining yuqorida ta’riflangan turkum hisobvaraqlariga mos tushmaydigan foizsiz daromadlari (jarima, penya va boshqalar) hisobi olib boriladi.

Hisobvaraqning kreditida yuqorida ta’riflangan turkum hisobvaraqlarga mos tushmaydigan, kelib tushgan foizsiz daromadlar summasi aks ettiriladi.

Boshqa foizli xarajatlar

Ushbu hisobvaraqda yuqorida ta’riflangan turkum hisobvaraqlarga mos tushmaydigan foizli xarajatlar hisobi olib boriladi.

Hisobvaraqning debetida to‘langan foizlar summasi, shuningdek, boshqa majburiyatlar bo‘yicha to‘lanishi lozim bo‘lgan hisoblangan foizli xarajatlar summasi aks ettiriladi.

Vositachilik xarajatlari va xizmatlar uchun xarajatlar

Ushbu hisobvaraqda bank yoki boshqa kredit tashkilotlari tomonidan kredit uyushmasiga ko‘rsatiladigan xizmatlari uchun kredit uyushmasining vositachilik xarajatlari hisobi yuritiladi, shu jumladan berilgan kreditlar uchun kredit liniyasini zaxiralashga, axborot va kansalting xizmatlarini olganiga, to‘lovlar o‘tkazilganiga, inkasso operatsiyalarini o‘tkazganiga, kafolatlar va kafilliklar berganiga va boshqa vositachilik xarajatlariga boshqa banklar tomonidan ko‘rsatilgan xizmatlar uchun kredit uyushmasining xarajatlari hisobi olib boriladi.

Hisobvaraqning kredit uyushmasi tomonidan sarf qilingan xarajatlar summasi aks ettiriladi.

Boshqa foizsiz xarajatlar

Ushbu hisobvaraqda yuqorida tasniflangan turkum hisobvaraqlarga mos tushmaydigan foizsiz xarajatlar hisobi olib boriladi.

Hisobvaraqning debetida yuqorida tasniflangan turkum hisobvaraqlarga mos tushmaydigan amalga oshirilgan foizsiz xarajatlar hisobi aks ettiriladi.

Ish haqi va unga tenglashtirilgan to‘lovlar

Ushbu hisobvaraqda xizmatchilarning mehnati evaziga ish haqi uchun, ish vaqtidan tashqari qilinadigan ishlar uchun, dam olish va bayram kunlaridagi ishlar uchun, mukofot to‘lovlari, xodimlarga berilgan sovg‘alar qiymati kredit uyushmasining ichki qoidalari va qonun hujjatlariga muvofiq ravishdagi boshqa to‘lovlar uchun kredit uyushmasining xarajatlari hisobi olib boriladi.

Hisobvaraqning debetida ish haqi va unga tenglashtirilgan to‘lovlarga sarf qilingan xarajatlar summasi aks ettiriladi.

Xodimlar uchun imtiyozlar

Ushbu hisobvaraqda kredit uyushmasining xodimlari uchun berilgan imtiyozlarga qilgan, mukofot pullariga o‘xshash (yil yakuni bo‘yicha mukofotlar, ko‘p yillik xizmati uchun, ish staji uchun qo‘shimcha haq, bayram va yubiley sanalariga beriladigan mukofotlar va boshqalar), kredit uyushmasi xodimlarining o‘qishlari uchun to‘lovlar, shuningdek, ularning stipendiyalari, xodimlarga beriladigan qimmatli sovg‘alar qiymati hamda kredit uyushmasi qoidalari va qonun hujjatlariga muvofiq ravishda jismoniy shaxslardan undirib qolingan to‘lov hisobiga kredit uyushmasi tomonidan to‘lanadigan summalar hisobi olib boriladi.

Hisobvaraqning debetida xodimlar imtiyozlari uchun amalga oshirilgan xarajatlar summasi aks ettiriladi.

Tibbiy, stomatologik xizmatlar va shifoxonada davolash xarajatlari

Ushbu hisobvaraqda kredit uyushmasi xodimlarga ambulatoriya yoki statsionar meditsina va stomatologiyaga oid ko‘rsatgan xizmati uchun qilgan xarajatlari hamda ular va ularning bolalari uchun sog‘lomlashtirish lagerlariga, sanatoriya-kurort muassasalariga va boshqalarga o‘rnatilgan tartibda to‘liq yoki qisman to‘lanadigan yo‘llanmalar qiymatining hisobi olib boriladi.

Hisobvaraqning debetida tibbiy, stomatologik xizmatlarga va kasalxonaga yotqizishga qilinadigan xarajatlar summasi aks ettiriladi.

Ijtimoiy sug‘urta bo‘yicha badallar

Ushbu hisobvaraqda kredit uyushmasining qonunchiligiga muvofiq ish haqi fondidan nodavlat pensiya fondlar?ga to‘lanadigan ko‘ngilli badallar, budjetdan tashqari Pensiya jamg‘armasiga hisoblangan ajratmalar xarajatlarining hisobi olib boriladi.

Hisobvaraqning debetida ijtimoiy sug‘urta bo‘yicha o‘tkazilgan xarajatlar summasi aks ettiriladi.

Ijtimoiy himoya bo‘yicha xarajatlar

Ushbu hisobvaraqda kredit uyushmasining qonun hujjatlarida ko‘rsatilgan hollarda mehnat shartnomasini muddatidan oldin tugatish vaqtida beriladigan nafaqa to‘lovlari va kompensatsiya to‘lovlar, shuningdek, qonun hujjatlariga va kredit uyushmasi qoidal�riga muvofiq ravishdagi nafaqa (bolalarga qonun hujjatlarida o‘rnatilgan balog‘at yoshiga yetgunicha beriladigan va boshqalar) to‘lovlari, moddiy yordam pullari va boshqa to‘lovlarini hisobi olib boriladi.

Hisobvaraqning debetida ijtimoiy himoya uchun amalga oshirilgan xarajatlar summasi aks ettiriladi.

Bandlikka ko‘maklashish davlat jamg‘armasi va boshqa jamg‘armalar uchun badallar

Ushbu hisobvaraqda kredit uyushmasining Bandlikka ko‘maklashish davlat jamg‘armasiga, O‘zbekiston Respublikasi Kasaba uyushmalarining Federatsiyasiga va boshqa jamg‘armalarga ajratmalar, shuningdek, qonun hujjatlariga muvofiq kredit uyushmasi xodimlarining sog‘liqlarini majburiy va ixtiyoriy sug‘urtalash hamda boshqa badallarning hisobi olib boriladi.

Hisobvaraqning debetida Bandlikka ko‘maklashish davlat jamg‘armasiga va boshqa jamg‘armalar uchun amalga oshirilgan ajratmalar summasi aks ettiriladi.

Xodimlarga qilingan boshqa xarajatlar

Ushbu hisobvaraqda yuqoridagi tasniflangan hisobvaraqlarga mos tushmaydigan, xodimlarga to‘lanadigan (to‘garaklarga, klublarga, mashg‘ulotlarga, gazeta va jurnallarga obuna bo‘lishga, qonun hujjatlarida o‘rnatilgan me’yordan ortiqcha to‘langan safar va vakolatli xarajatlar summasi va boshqalar) to‘lovlarning hisobi olib boriladi.

Hisobvaraqning debetida yuqorida tasniflangan turkumlarga mos tushmaydigan, amalga oshirilgan to‘lovlar summasi aks ettiriladi.

Reprezentatsiya va ko‘ngilochar tadbirlar xarajatlari

Ushbu hisobvaraqda kredit uyushmasining to‘g‘ridan to‘g‘ri mavqeyi (prestiji) va biznesining rivojlanishiga imkon beradigan reprezentatsiya va ko‘ngilochar tadbirlarga qilgan xarajatlari, shuningdek, taqdimot tadbirlari xarajatlari hisobi olib boriladi.

Hisobvaraqning debetida reprezentatsiya, ko‘ngilochar va taqdimot tadbirlari uchun qilingan xarajatlarining summasi aks ettiriladi.

A’zolik badallari

Ushbu hisobvaraqda kredit uyushmasi klublar, assotsiatsiya, ijtimoiy va boshqa tashkilotlarning a’zolari bo‘lib hisoblangan hollarda kredit uyushmasining a’zolik badallarni to‘lash uchun qilgan xarajatlari hisobi olib boriladi.

Hisobvaraqning debetida a’zolik badallari uchun to‘langan xarajatlarning summasi aks ettiriladi.

Xayr-ehson va xayriya xarajatlari

Ushbu hisobvaraqda kredit uyushmasining xayr-ehson qilgan xarajatlari va xayriya jamg‘armalari hamda boshqa notijorat tashkilotlarga omonat qo‘yilgan omonatlari, shuningdek, tabiiy ofatdan ko‘rilgan talafotlarga qilingan xarajatlari hisobi olib boriladi.

Hisobvaraqning debetida xayr-ehson va xayriya uchun qilingan xarajatlar summasi aks ettiriladi.

Jarima va penya xarajatlari

Ushbu hisobvaraqda kredit uyushmasining amaldagi qonun hujjatlariga va qoidalarga asosan o‘ziga solingan penya va jarimalar uchun qilgan xarajatlari hisobi olib boriladi.

Hisobvaraqning debetida to‘langan jarima va penyalarning summasi aks ettiriladi.

Sud jarayoni va aktivlarni sotib olish bilan bog‘liq bo‘lgan xarajatlar

Ushbu hisobvaraqda kredit uyushmasining sud jarayoni bilan bog‘liq xarajatlari, shuningdek, kredit uyushmasining xususiylikni o‘z nomiga o‘zlashtirish bo‘yicha xarajatlari hisobi olib boriladi.

Hisobvaraqning debetida sud jarayoni muhokamasi, shuningdek, aktivlarni o‘zlashtirishga to‘langan xarajatlarining summasi aks ettiriladi.

Boshqa ko‘zda tutilmagan holatlar hisobvaraqlari

Ushbu hisobvaraqda yuqorida keltirilgan tasnifga kirmaydigan operatsiyalar hisobi yuritiladi.

Hisobvaraqning debetida kirim qilingan mablag‘lar, hujjatlar yoki qimmatliklar qiymati aks ettiriladi.