Korxonalar tomonidan koʻrsatilayotgan kommunal xizmatlar uchun tariflarning maqbul darajasini saqlab qolgan holda “Suvoqova” Samarqand shahar ishlab chiqarish davlat korxonasining va “Suvoqova” Buxoro viloyat ishlab chiqarish boshqarmasining samarali faoliyat koʻrsatishini, shuningdek Samarqand shahri va Buxoro viloyati aholisini suv bilan taʼminlashni yaxshilashga yoʻnaltirilgan loyihalar doirasida Oʻzbekiston Respublikasi tomonidan hamda Oʻzbekiston Respublikasi kafolatlari ostida jalb qilingan kreditlar va qarzlar boʻyicha majburiyatlarning oʻz vaqtida bajarilishini taʼminlash maqsadida Vazirlar Mahkamasi qaror qiladi:

1. Quyidagilar:

“Buxoro va Samarqand shaharlarini suv bilan taʼminlash” loyihasining 1, 1a va 1b-ilovalarga* muvofiq texnik-iqtisodiy koʻrsatkichlariga ega boʻlgan tuzatish kiritilgan TIA;

“Buxoro viloyatini suv bilan taʼminlashni yaxshilash” loyihasining 2-ilovaga* muvofiq texnik-iqtisodiy koʻrsatkichlariga ega boʻlgan tuzatish kiritilgan TIH;

“Samarqand shahrida ichimlik suv ishlab chiqarishni koʻpaytirish, modernizatsiyalash hamda taqsimlash” loyihasining 3-ilovaga* muvofiq texnik-iqtisodiy koʻrsatkichlariga ega boʻlgan tuzatish kiritilgan TIH;

“Buxoro va Samarqand shaharlarini suv bilan taʼminlash” loyihasi boʻyicha Xalqaro tiklanish va taraqqiyot banki hamda Xalqaro taraqqiyot uyushmasi subqarzlarini “Suvoqova” Buxoro viloyat ishlab chiqarish boshqarmasi va “Suvoqova” Samarqand shahar ishlab chiqarish davlat korxonasi tomonidan toʻlash jadvallari 4, 4a, 5, 5a-ilovalarga* muvofiq;

“Buxoro viloyatini suv bilan taʼminlashni yaxshilash” loyihasi boʻyicha “Asaka” bankining “Instituto de Credito Oficial” (ICO) Ispaniya davlat kredit agentligining imtiyozli kreditini qayta moliyalashtirish yoʻli bilan berilgan kreditlarini hamda “Sosyete Jeneral” banki mablagʻlarini “Suvoqova” Buxoro viloyat ishlab chiqarish boshqarmasi tomonidan toʻlash jadvallari 6 va 6a-ilovalarga* muvofiq;

“Samarqand shahrida ichimlik suv ishlab chiqarishni koʻpaytirish, modernizatsiyalash hamda taqsimlash” loyihasi boʻyicha Fransiya Hukumatining “Nateksis” banki kreditini “Suvoqova” Samarqand shahar ishlab chiqarish davlat korxonasi tomonidan toʻlash jadvali 7-ilovaga* muvofiq;

Oʻzbekiston Respublikasi tomonidan hamda Oʻzbekiston Respublikasi kafolatlari ostida jalb qilingan kreditlar va qarzlarga xizmat koʻrsatish boʻyicha xarajatlarni toʻlash ulushlarining taqsimlanishi 8-ilovaga* muvofiq tasdiqlansin.

2. Xalqaro tiklanish va taraqqiyot banki hamda Xalqaro taraqqiyot uyushmasi subqarzlari, Fransiya Respublikasi Hukumatining krediti boʻyicha “Suvoqova” Buxoro viloyat ishlab chiqarish boshqarmasi va “Suvoqova” Samarqand shahar ishlab chiqarish davlat korxonasining toʻlov majburiyatlari 2009-yilgacha asosan Buxoro va Samarqand viloyatlari mahalliy budjetlariga prognozdan ortiqcha daromadlar va xarajatlarni tejash hisobiga asosan bajarilganligi maʼlumot uchun qabul qilinsin.

3. Oʻzbekiston Respublikasi Moliya vazirligi:

jalb qilingan xorijiy kreditlar va qarzlar boʻyicha 2009-yilda asosiy qarzni qoplash, vositachilik haqi va foizlarni toʻlash uchun, toʻlov ulushlarini 8-ilovaga muvofiq taqsimlagan holda tasdiqlangan Davlat budjeti parametrlari doirasida respublika budjeti hisobiga mablagʻlar ajratilishini taʼminlasin;

2010-yildan boshlab kelgusi yil uchun Davlat budjeti loyihasini shakllantirishda jalb qilingan xorijiy kreditlar va qarzlar boʻyicha asosiy qarzni qoplash, vositachilik haqi va foizlarni toʻlashga “Suvoqova” Buxoro viloyat ishlab chiqarish boshqarmasi va “Suvoqova” Samarqand shahar ishlab chiqarish davlat korxonasining ushbu maqsadlar uchun yoʻnaltiriladigan oʻz mablagʻlariga qoʻshimcha ravishda Buxoro va Samarqand viloyatlari mahalliy budjetlari parametrlarida toʻlov ulushlarini 8-ilovaga muvofiq taqsimlagan holda mablagʻlarni nazarda tutsin;

Xalqaro tiklanish va taraqqiyot banki hamda Xalqaro taraqqiyot uyushmasining subqarzlari boʻyicha “Suvoqova” Buxoro viloyat ishlab chiqarish boshqarmasi va “Suvoqova” Samarqand shahar ishlab chiqarish davlat korxonasining 2009-yil 1-yanvardagi holatiga koʻra muddati oʻtkazib yuborilgan qarzlarining tarkibini, toʻlovni 2015-yildan boshlab 7 yil mobaynida toʻlash sharti bilan, foizlar qoʻshmasdan, oʻzgartirsin.

4. “Asaka” banki “Asaka” bankining ICO Ispaniya davlat kredit agentligining imtiyozli kreditini va “Sosyete Jeneral” banki mablagʻlarini qayta moliyalashtirish yoʻli bilan berilgan kreditlar boʻyicha “Suvoqova” Buxoro viloyat ishlab chiqarish boshqarmasining 2009-yil 1-yanvardagi holatiga koʻra toʻlov muddati oʻtkazib yuborilgan qarzlarining tarkibini, toʻlovni 2015-yildan boshlab 2 yil mobaynida toʻlash sharti bilan, foizlar qoʻshmasdan, oʻzgartirsin.

5. Muddati oʻtkazib yuborilgan debitor va kreditor qarzdorlikni qisqartirish va budjetga toʻlovlar intizomini mustahkamlash boʻyicha respublika komissiyasi “Suvoqova” Buxoro viloyat ishlab chiqarish boshqarmasi va “Suvoqova” Samarqand shahar ishlab chiqarish davlat korxonasining 2009-yil 1-yanvardagi holatiga koʻra Xalqaro tiklanish va taraqqiyot banki hamda Xalqaro taraqqiyot uyushmasi subqarzlari, Fransiya Hukumatining “Nateksis” banki krediti va “Asaka” bankining ICO Ispaniya davlat kredit agentligining imtiyozli kreditini va “Sosyete Jeneral” banki mablagʻlarini qayta moliyalashtirish yoʻli bilan berilgan kreditlari boʻyicha toʻlov muddati oʻtkazib yuborilgan toʻlovlar yuzasidan qoʻshilgan penyani hisobdan chiqarish masalasini koʻrib chiqsin.

6. Oʻzbekiston Respublikasi Moliya vazirligi “Suvoqova” Samarqand shahar ishlab chiqarish davlat korxonasi va “Suvoqova” Buxoro viloyat ishlab chiqarish boshqarmasi bilan subqarz bitimlariga, shuningdek “Suvoqova” Samarqand shahar ishlab chiqarish davlat korxonasi bilan qayta kreditlash toʻgʻrisidagi bitimga tegishli oʻzgartirishlar kiritsin.

8. Oʻzbekiston Respublikasi Vazirlar Mahkamasining 2003-yil 8-iyuldagi 401-f-son farmoyishi oʻz kuchini yoʻqotgan deb hisoblansin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M.Xanov zimmasiga yuklansin.