O‘zbekiston Respublikasi Vazirlar Mahkamasining “Navoiy” erkin iqtisodiy zonasi faoliyatini tashkil etish chora-tadbirlari to‘g‘risida” 2009-yil 27-yanvardagi 21-son qarorini bajarish yuzasidan Vazirlar Mahkamasi qaror qiladi:

1. “Navoiy” erkin iqtisodiy zona direksiyasi” Davlat unitar korxonasining Ustavi ilovaga muvofiq tasdiqlansin.

2. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov zimmasiga yuklansin.

1. “Navoiy” erkin iqtisodiy zona direksiyasi” Davlat unitar korxonasi (keyingi o‘rinlarda Direksiya deb ataladi) tezkor boshqaruv uchun o‘ziga berilgan davlat mulki bo‘lgan mulk bazasida Davlat unitar korxonasi shaklida tashkil etilgan tijorat tashkiloti hisoblanadi, u o‘ziga birkitilgan mulkka nisbatan, qonunda belgilangan doirada, o‘z faoliyati maqsadlariga, Muassis topshiriqlariga muvofiq egalik qilish, foydalanish va tasarruf etish huquqini amalga oshiradi.

2. Direksiya o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi palatalarining qarorlari va boshqa hujjatlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlariga, farmoyishlariga, boshqa normativ-huquqiy hujjatlarga, shuningdek ushbu Ustavga amal qiladi.

3. Direksiya yuridik shaxs hisoblanadi, alohida mulkka, mustaqil balansga, banklarda hisob raqamlariga, shu jumladan valyuta hisob raqamlariga, ramzga, shtamplar va blankalarga, O‘zbekiston Respublikasi Davlat gerbi tasviri tushirilgan, o‘z nomi davlat tilida yozilgan muhrga va boshqa rekvizitlarga ega bo‘ladi.

4. Korxonaning rasmiy nomi:

a) davlat tilida:

to‘liq nomi — “Navoiy” erkin iqtisodiy zona direktsiyasi” Davlat unitar korxonasi;

qisqartirilgan nomi — “Navoiy” EIZ direktsiyasi” DUK;

b) rus tilida:

to‘liq nomi — Gosudarstvennoye unitarnoye predpriyatiye “Direksiya svobodnoy ekonomicheskoy zoni “Navoi”;

qisqartirilgan nomi — GUP “Direksiya SEZ “Navoi”;

v) ingliz tilida:

to‘liq nomi — “Directorate of the free economic zone “Navoi” State Unitary Company”;

qisqartirilgan nomi — “Directorate of FEZ “Navoi” SUC”;

5. Direksiyaning joylashgan joyi (pochta manzili): 210609, Navoiy viloyati, Karmana tumani, “Navoiy” erkin iqtisodiy zonasi.

6. O‘zbekiston Respublikasi Vazirlar Mahkamasi Direksiyaning muassisi (keyingi o‘rinlarda Muassis deb ataladi) hisoblanadi.

7. Direksiya o‘z nomidan qonun hujjatlarida belgilangan tartibda mulkiy va shaxsiy nomulkiy huquqlarni olishi va amalga oshirishi, majburiyatlar olishi, sudda da’vogar va javobgar bo‘lishi, nizolarni hal etishda boshqa organlarda vakillik qilishi mumkin.

8. Direksiya Muassisning roziligiga ko‘ra tijorat tashkilotlarining, shuningdek qonun hujjatlariga muvofiq yuridik shaxslarning qatnashishiga yo‘l qo‘yiladigan notijorat tashkilotlarda qatnashchi (a’zo) bo‘lishi mumkin.

9. Direksiya davlat boshqa korxonasining muassisi bo‘lishi mumkin emas.

10. “Navoiy” erkin iqtisodiy zonasi (keyingi o‘rinlarda “Navoiy” EIZ” deb ataladi) faoliyatini, shu jumladan “Navoiy” EIZni rivojlantirish davlat dasturlarining to‘liq va o‘z vaqtida bajarilishini ta’minlash yo‘li bilan tezkor boshqarish, “Navoiy” EIZ hududida alohida huquqiy rejimga rioya etilishini ta’minlash, shuningdek “Navoiy” EIZ hududidagi xo‘jalik faoliyati qatnashchilariga (keyingi o‘rinlarda “Navoiy” EIZ qatnashchilari” deb ataladi) xizmatlar ko‘rsatishdan hamda ushbu Ustavda nazarda tutilgan boshqa ishlar va xizmatlardan foyda olish Direksiya faoliyatining maqsadi hisoblanadi.

11. Quyidagilar Direksiya faoliyatining asosiy yo‘nalishlari hisoblanadi:

11.1. Belgilangan tartibda tanlangan investorlar bilan “Navoiy” EIZ hududida investitsiyalash to‘g‘risida bitimlar tuzish;

11.2. “Navoiy” EIZ qatnashchilarini ro‘yxatdan o‘tkazish va ularning reyestrini yuritish, ularga tegishli guvohnomalar berish;

11.3. “Navoiy” EIZ hududida “Navoiy” EIZ qatnashchilari hisoblanmaydigan boshqa xo‘jalik yurituvchi subyektlar hisobini yuritish;

11.4. Belgilangan tartibda tanlangan investorlar tomonidan o‘z zimmasiga qabul qilgan majburiyatlarning zarur darajada bajarilishini nazorat qilish, keyinchalik ularning natijalarini Navoiy viloyatining erkin iqtisodiy zonalari va kichik sanoat zonalari Ma’muriy kengashi (keyingi o‘rinlarda Ma’muriy kengash deb ataladi) taqdim etadi;

11.4¹ . “Navoiy” EIZ hududida investitsiya loyihalarini amalga oshirish uchun xorijiy va mahalliy investorlarni izlash va jalb etish;

11.4². Ma’muriy kengash qarorlari va “Navoiy” EIZning ishlab chiqilgan bosh rejasi bo‘yicha ma’qullangan investitsiya loyihalarini joylashtirish;

11.5. “Navoiy” EIZ qatnashchilariga va boshqa xo‘jalik yurituvchi subyektlarga “Navoiy” EIZ hududida yer uchastkalarini ijaraga berish;

11.6. “Navoiy” EIZ hududida joylashgan davlat mulki bo‘lgan obyektlardagi ko‘chmas mulkni o‘ziga berilgan vakolatlar doirasida boshqarish;

11.7. “Navoiy” EIZ faoliyatini tezkor boshqarish bo‘yicha boshqa funksiyalarni amalga oshirish.

Ushbu Ustavda nazarda tutilgan tegishli faoliyatning qonun hujjatlarida litsenziyalanishi zarurligi belgilangan taqdirda Direksiya faoliyatning ushbu turini litsenziya olmasdan, tegishli litsenziyalovchi organ bilan tuzilgan litsenziya bitimi asosida amalga oshirishga haqlidir.

12. Direksiya qonun hujjatlarida taqiqlanmagan faoliyatning boshqa turlarini ham amalga oshirishi mumkin.

13. Direksiya Muassisga va Erkin iqtisodiy zonalar va kichik sanoat zonalari faoliyatini muvofiqlashtiruvchi Respublika kengashiga (keyingi o‘rinlarda Respublika kengashi deb ataladi) hisob beradi.

14. Muassis quyidagi huquqlarga ega:

Direksiya faoliyatining maqsadi, predmeti va turlarini belgilash;

Direksiya Ustaviga o‘zgartirish va qo‘shimchalar kiritish to‘g‘risida qarorlar qabul qilish;

Direksiyani qayta tashkil etish yoki tugatish to‘g‘risida qaror qabul qilish, tugatish komissiyasini tayinlash va tugatish balansini tasdiqlash;

Direksiyaning ortiqcha, foydalanilmayotgan yoxud belgilangan maqsadda foydalanilmayotgan mulkini olib qo‘yish va ularni tasarruf etish;

Direksiya tomonidan o‘ziga berilgan mulkdan foydalanishdan olingan sof foydaning bir qismini yoki hammasini olish;

Direksiya mulki bilan amalga oshirilgan bitishuvlarni haqqoniy emas deb e’tirof etish to‘g‘risida sudga da’vo arizasi bilan murojaat qilish;

Direksiya yetkazgan zararlarni undirish to‘g‘risida Direksiyaning ijro etuvchi organiga da’vo arizasi taqdim etish.

Muassis qonun hujjatlariga muvofiq boshqa huquqlarga ham ega bo‘lishi mumkin.

15. Respublika kengashi Direksiya faoliyatiga rahbarlik qiladi va nazoratni amalga oshiradi.

“Navoiy” EIZ mustaqil budjeti va “Navoiy” EIZni rivojlantirish jamg‘armasi mablag‘laridan maqsadli foydalanilishini nazorat qilish Ma’muriy kengash tomonidan amalga oshiriladi.

17. Ma’muriy kengash o‘ziga yuklangan vazifalarni bajarish uchun Direksiya faoliyatiga taalluqli hujjatlarni talab qilib olish huquqiga ega. Olingan hujjatlardan Ma’muriy kengash va uning a’zolari tomonidan faqat xizmat maqsadlarida foydalaniladi.

18. Direksiyaning joriy faoliyatiga rahbarlikni Respublika kengashi tomonidan lavozimga tayinlanadigan va lavozimdan ozod etiladigan Direktor amalga oshiradi.

19. Direktor yakka ijro etuvchi organ hisoblanadi.

20. Direktor Ma’muriy kengash bilan kelishgan holda Direksiya xodimlarini lavozimga tayinlaydi va lavozimdan ozod qiladi.

21. Direktor:

Direksiya xodimlari mehnat sharoitlarini muhofaza qilish va yaxshilash, atrof muhitni muhofaza qilish va tabiiy resurslardan oqilona foydalanish sohasidagi norma va qoidalarga qat’iy rioya etilishini ta’minlash maqsadida “Navoiy” EIZ bo‘yicha qonun hujjatlari talablarini bajarishga yo‘naltirilgan tadbirlarni ishlab chiqadi va joriy etadi;

rivojlantirish dasturlari amalga oshirilishini tashkil qiladi;

Direksiyaning asosiy faoliyatini takomillashtirishga, boshqaruvning eng yangi uslublarini joriy etishga yo‘naltirilgan tadbirlarni amalga oshirish chora-tadbirlarini ko‘radi;

Direksiya nomidan ishonchnomasiz harakat qiladi, mamlakatimizdagi va xorijiy barcha korxonalar, muassasalar va tashkilotlarda uning manfaatlarini ifodalaydi;

xodimlarni ishga qabul qiladi, ular bilan mehnat shartnomalari tuzadi va ularni o‘zgartiradi va to‘xtatadi;

qonun hujjatlarida belgilangan tartibda ishonchnomalar beradi;

kadrlarni tayyorlash va o‘qitish, ularning malakasini oshirish chora-tadbirlarini ko‘radi;

Direksiyaning barcha xodimlari uchun majburiy bo‘lgan buyruqlar, farmoyishlar va ko‘rsatmalar chiqaradi;

Direksiyaning ichki tartibini va xo‘jalik faoliyatini reglamentlaydigan hujjatlarni tasdiqlaydi;

Direksiya tomonidan O‘zbekiston Respublikasi qonun hujjatlariga rioya qilinishini tashkil etish va nazorat qilishni ta’minlaydi;

belgilangan maqsadlarni, Direksiyaga yuklangan vazifalarni amalga oshirish uchun zarur bo‘lgan boshqa funksiyalarni amalga oshiradi.

22. Direktor o‘z huquqlarini amalga oshirishda va vazifalarini bajarishda Direksiya manfaatlarini ko‘zlagan holda harakat qiladi.

23. Direktor “Navoiy” EIZning O‘zbekiston Respublikasi Moliya vazirligi bilan kelishgan holda Ma’muriy kengash tomonidan tasdiqlanadigan mustaqil budjet mablag‘larining tasarruf etuvchisi hisoblanadi.

24. Direktor “Navoiy” EIZning mustaqil budjeti ijrosi to‘g‘risidagi hisobotni kelishish uchun O‘zbekiston Respublikasi Moliya vazirligiga belgilangan tartibda taqdim etadi.

Direktor o‘z zimmasiga yuklangan vazifalarning bajarilishi, shuningdek Direksiyaga berilgan davlat mulkining saqlanishi va undan maqsadli foydalanilishi yuzasidan qonun hujjatlarida belgilangan tartibda javob beradi.

25. Direksiyaning ustav fondi “Navoiy” EIZ faoliyatini tezkor boshqarishni amalga oshirish uchun Muassis tomonidan o‘ziga berilgan mablag‘lar, mulklar va boshqa aktivlardan iborat bo‘ladi.

26. Direksiya ustav fondining miqdori 4,89 mlrd. so‘mni tashkil qiladi.

27. Direksiya ustav fondini ko‘paytirish yoki kamaytirish qonun hujjatlarida belgilangan tartibda Muassis qaroriga binoan amalga oshiriladi.

28. Muassis tomonidan Direksiyaga tezkor boshqaruv huquqi bilan birkitilgan asosiy fondlar va aylanma mablag‘lar Direksiya mulkini tashkil qiladi.

29. Direksiyaning asosiy fondlari va aylanma mablag‘lari bo‘linmaydi va ulushlar (hissalar, paylar) bo‘yicha taqsimlanishi mumkin emas.

30. Respublika kengashi Muassis nomidan Direksiyaga berilgan davlat mulkidan belgilangan maqsadda foydalanilishini va uning saqlanishini, shuningdek o‘zgaga berilishini nazorat qiladi.

31. Direktor Muassis bilan kelishgan holda Direksiya mulkini quyidagi hollarda:

asosiy vositalarni sotishda, ularni ijaraga yoki garovga topshirishda;

mulkni boshqa xo‘jalik jamiyatining ustav fondiga ulush sifatida kiritishda;

boshqa xo‘jalik jamiyatlarining aksiyalari (ulushlari)ni sotib olishda va sotishda;

xo‘jalik jamiyatlaridagi Direksiyaga tegishli aksiyalar (ulushlar)ni sotishda;

mulkdan Direksiya faoliyatining maqsadlariga nomuvofiq tarzda foydalanilganda tasarruf etishi mumkin.

32. Direksiya daromadi:

xizmatlar ko‘rsatishdan olingan daromadlar;

O‘zbekiston Respublikasi Moliya vazirligi bilan kelishgan holda, Ma’muriy kengash foydalanilishida va boshqaruvida bo‘lgan yer uchastkalari, binolar va ishnootlarni ijaraga topshirganlik uchun tushumlarning bir qismi;

qonun hujjatlarida taqiqlanmagan boshqa tushumlar hisobiga shakllantiriladi.

33. Direksiyada qoladigan sof foyda barcha soliqlar hamda budjetga va budjetdan tashqari jamg‘armalarga boshqa majburiy to‘lovlar to‘langandan keyin Direksiya tasarrufida qoladi va Ma’muriy kengash qaroriga ko‘ra foydalaniladi.

34. Muassis o‘z qarori bilan muruvvat maqsadlariga hamda begona yuridik va jismoniy shaxslarga homiylik yordami ko‘rsatishga yo‘naltiriladigan pul mablag‘larining cheklangan summasini, ularni tasarruf etish huquqini Direktorga bergan holda belgilaydi.

35. Direksiyaning xo‘jalik faoliyati natijasida ko‘rilgan zararlarini qoplash ushbu maqsadlar uchun tashkil etilgan zaxira fondi mablag‘lari hisobiga amalga oshirilishi mumkin.

36. Direksiya o‘z tasarrufida qoladigan sof foyda hisobiga zaxira fondini, shuningdek boshqa fondlarni tashkil etishi mumkin, ularning miqdori va shakllantirish tartibi Muassis tomonidan tasdiqlanadi.

37. Direksiya hisobot davri tugagach vakolatli organlarga moliya hisobotini va ro‘yxati qonun hujjatlarida belgilangan boshqa hujjatlarni taqdim etadi hamda hujjatlarning saqlanishi va ularning davlat tomonidan saqlashga berilishi yuzasidan belgilangan tartibda javob beradi.

38. Direksiyaning xo‘jalik subyekti sifatidagi faoliyatini nazorat qilish Muassis va boshqa vakolatli organlar tomonidan, qonun hujjatlarida belgilangan tartibda amalga oshiriladi.

39. Direktor har chorakda faoliyati natijalari va tasdiqlangan rivojlantirish dasturlarining amalga oshirilishi to‘g‘risida Respublika kengashiga hisob beradi.

40. Direksiya o‘z majburiyatlari bo‘yicha o‘ziga tegishli mulk bilan javob beradi. Muassis Direksiyaning mulki yetarli bo‘lmagan taqdirda uning majburiyatlari bo‘yicha subsidiar javobgarlikni amalga oshiradi.

41. Direksiya Muassis majburiyatlari bo‘yicha javob bermaydi.

42. Direksiya Muassis bilan kelishgan holda O‘zbekiston Respublikasi hududida ham, uning tashqarisida ham qonun hujjatlari talablariga rioya qilgan holda filiallar tashkil etishi va vakolatxonalar ochishi mumkin.

43. Direksiyaning filiallari va vakolatxonalari Direksiya tomonidan tasdiqlangan Nizom asosida faoliyat ko‘rsatadi.

44. O‘zbekiston Respublikasidan tashqarida joylashgan vakolatxonalar va filiallar Direksiya tomonidan tasdiqlangan Nizom asosida hamda hududida o‘zlari joylashgan mamlakatlarning qonun hujjatlariga muvofiq faoliyat ko‘rsatadi.

45. Direksiya filiali yoki vakolatxonasining rahbari Ma’muriy kengash bilan kelishgan holda Direktor tomonidan tayinlanadi va ular bergan ishonchnoma asosida faoliyat ko‘rsatadi, ishonchnoma ushbu rahbar bilan tuzilgan mehnat shartnomasi to‘xtatilgan taqdirda Direktor tomonidan bekor qilinishi kerak.

46. Direksiya tomonidan tashkil etiladigan filiallar va vakolatxonalarning majburiyatlari bo‘yicha Direksiya javob beradi.

47. Direksiya Muassisning qaroriga ko‘ra, qonun hujjatlarida nazarda tutilgan tartibda yoki sud qaroriga binoan tugatilishi yoki qayta tashkil etilishi mumkin.

48. Direksiyani tugatish uning faoliyatining huquq va majburiyatlar huquqiy vorislik tartibida boshqa shaxslarga o‘tmagan holda to‘xtatilishiga sabab bo‘ladi, Direksiya qayta tashkil etilgan taqdirda huquq va majburiyatlar huquqiy vorisga o‘tadi.