Davlat tasarrufidan chiqarish va xususiylashtirish jarayonlarini chuqurlashtirish maqsadida O‘zbekiston Respublikasi Oliy Majlisi qaror qiladi:

1. O‘zbekiston Respublikasi Vazirlar Mahkamasi taqdim etgan:

davlat tasarrufidan chiqarilishi, xususiylashtirilishi va sotib olinishi mumkin bo‘lmagan korxonalar va mol-mulk turlari hamda guruhlarining Ro‘yxati 1-ilovaga muvofiq;

davlat tasarrufidan chiqarilishi va xususiylashtirilishi O‘zbekiston Respublikasi Vazirlar Mahkamasining qaroriga binoan amalga oshiriladigan obyektlar hamda korxonalarning Ro‘yxati 2-ilovaga muvofiq tasdiqlansin.

2. O‘zbekiston Respublikasi Oliy Kengashining 1992-yil 2-iyuldagi 613-XII-son Qarorining (O‘zbekiston Respublikasi Oliy Kengashining Axborotnomasi, 1992-yil, № 9, 325-modda) 2-bandi, shuningdek ushbu Qarorga, 1, 2, 3-ilovalar o‘z kuchini yo‘qotgan deb topilsin.

1. Respublika hududi doirasida yer osti boyliklari ichki suvlar, havo havzasi, o‘simlik va hayvonot dunyosi.

2. Tarixiy-madaniy va tabiiy meros obyektlari, muzeylar va muzey boyliklari, boshqa badiiy qadriyatlar (tarix va madaniyat yodgorliklari, davlat fondlari, shu jumladan kitoblarni, kino, foto va fotohujjatlarning davlat fondlari, arxivlar va ilmiy-tadqiqot muassasalarining fondlari).

3. Respublikaning Davlat xazinasi, respublika Davlat budjetining, valyuta zaxirasining, Pensiya jamg‘armasining va davlatning budjetdan tashqari jamg‘armalarining, Markaziy bankning mablag‘lari, shuningdek respublikaning oltin zaxirasi.

4. Pul muomalasi sohasida xizmat ko‘rsatuvchi davlat muassasalari, pul belgilarini, davlat xazina biletlarini, aksiyalar, obligatsiyalar va boshqa qimmatli qog‘ozlarni, ordenlar, medallar va pochta to‘lovi belgilarini chiqarishni ta’min etuvchi Davlat zarbxonasi korxonalari va muassasalari.

5. Respublika Qurolli Kuchlarining, Milliy xavfsizligi xizmatining va Ichki ishlar vazirligining korxonalari, va muassasalari harbiy-texnikaviy mol-mulki (sanoatda qayta ishlov berilgunga qadar, shuningdek sanoatda qayta ishlov berilishi mumkin bo‘lmagan mol-mulk).

6. Rentgen uskunalarini, radioaktiv moddalar va izotoplarni ishlatib ilmiy-tadqiqot, tajriba-konstruktorlik ishlari olib boruvchi, shunday uskunalar, moddalar va izotoplar ishlatiladigan asbob-uskunalarni ishlab chiqish, tayyorlash va realizatsiya qilish bilan shug‘ullanuvchi korxonalar va obyektlar.

7. Radioaktiv moddalarni qazib olish, ishlab chiqarish, tashish, qayta ishlash bilan, radioaktiv chiqindilarni ko‘mish, uran va boshqa bo‘linuvchi materiallarni, shuningdek ulardan yasalgan mahsulotlarni realizatsiya qilish bilan shug‘ullanuvchi korxonalar va obyektlar.

8. Raketa-koinot majmuilari, aloqa tizimlari va ularni boshqarish vositalarini ishlab chiqish, tayyorlash, ta’mirlash va realizatsiya qilish bilan shug‘ullanuvchi korxonalar va obyektlar.

9. Qurol-yarog‘ va o‘q-dorilar, himoya vositalari, harbiy texnika, ehtiyot qismlar, butlash qismlari va ularga kerakli asboblar, portlovchi moddalar, pirotexnika mahsulotlari, shuningdek ularni ishlab chiqarish uchun maxsus materiallar va uskunalar ishlab chiqish, tayyorlash, ta’mirlash va realizatsiya qilish bilan shug‘ullanuvchi korxonalar.

10. Ovchilik va sport sohasida foydalaniladigan o‘qotar qurollar, ular uchun o‘q-dori, shuningdek tig‘ qurol (sovg‘a tarzidagi milliy pichoqlar bundan mustasno) ishlab chiqarish, tayyorlash, ta’mirlash va realizatsiya qilish bilan shug‘ullanuvchi korxonalar va tashkilotlar.

11. Kuchli ta’sir etadigan zaharlarni, giyohvandlik moddalari va zaharli moddalarni ishlab chiqaruvchi, shuningdek tarkibida giyohvandlik moddalari va zaharli moddalar bo‘lgan ekinlarni ekuvchi, yetishtiruvchi va ularga qayta ishlov beruvchi korxonalar.

12. Respublikaning davlat zaxiralari. Fuqarolik mudofaasi va safarbarlik maqsadidagi obyektlar hamda mol-mulklar.

13. Atom energetikasi obyektlarini (uskunalari, tizimlari va apparatlarini o‘rnatish) va strategik ahamiyatdagi obyektlarni qurish va montaj qilish ishlarini olib borish, ulardan foydalanish hamda ularni ta’mirlash bilan shug‘ullanuvchi ixtisoslashtirilgan korxonalar va tashkilotlar.

14. Portlab ketish xavfi bor va zaharli moddalarni tashuvchi ixtisoslashtirilgan korxonalar.

15. Umumiy foydalanishdagi avtomobil yo‘llari. Harbiylashtirilgan avtokolonnalar.

16. Sanitariya-epidemiologiya stansiyalari, sud-tibbiy ekspertizasi byurolari. Atrof muhit holatini nazorat qiluvchi hamda tabiatni muhofaza qiluvchi xizmatlar.

17. Davolash-ishlab chiqarish ustaxonalari, axloq tuzatish-mehnat muassasalarining korxonalari.

18. Maxsus vazifalarni bajaradigan korxonalar (Respublika maxsus aloqa uzeli, 1536 raqamli Harbiy qism, Elektromagnit moslik markazi).

19. Qabristonlar.

1. Asosiy fondlarining balans qiymati 100 million so‘mlikdan ortiq (1995-yil 1-yanvargacha) bo‘lgan korxonalar.

2. Qimmatbaho, nodir metallar, qimmatbaho toshlar olish hamda qayta ishlash korxonalari.

3. Sanoatning tayanch tarmoqlari: yoqilg‘i-energetika, qazib olish, mashinasozlik va paxtani qayta ishlash majmuilarining korxonalari va tashkilotlari. Neft, gaz va ko‘mir qazib chiqarish, quduqlar burqilash korxonalari va tashkilotlari. Katta nefteprovod va gazoprovodlar, neft mahsulotlarini oqizma holda yetkazib beradigan quvurlar, elektr va issiqlik hosil qiluvchi stansiyalar va tuman qozonxonalari, tizim hosil etadigan elektr tarmoqlari. Avtomobillarga yonilg‘i quyish stansiyalari.

4. Kimyo korxonalari (gerbitsidlar, mineral o‘g‘itlar, sintetik tolalar, qishloq xo‘jalik zararkunandalariga qarshi kurashda ishlatiladigan zaharli kimyoviy dorilar va shu kabilarni ishlab chiqarish).

5. Farmatsevtika sanoati hamda tibbiy-biologik dori-darmonlar sanoati korxonalari.

6. Elektr aloqasi korxonalari, televizion, radio qabul qilish va radio uzatish markazlari hamda ularning muhandislik inshootlari.

7. Matbaa korxonalari va nashriyotlar.

8. Axborot va telegraf agentliklari.

9. Shifrlashda ishlatiladigan texnikani ishlab chiqarish, ta’mirlash, realizatsiya qilish va undan foydalanish bilan shug‘ullanuvchi korxonalar va tashkilotlar.

10. Standartlashtirish va metrologiya korxonalari va tashkilotlari.

11. Tavakkalchilik ishlari mo‘l obyektlar hamda botiniy va zohiriy xavf-xatari bor ishlab chiqarish obyektlari (1-ilovaning 13-bandida ko‘rsatib o‘tilgan obyektlar bundan mustasno) qurish hamda ulardan foydalanish bilan, ular uchun uskunalar, nazorat qilish va falokatlarning oldini olish tizimlari tayyorlash bilan shug‘ullanuvchi korxonalar va tashkilotlar.

12. Yong‘inga qarshi avtomatika vositalarini, qo‘riqlovchi, yong‘indan ogohlantiruvchi va qo‘riqlash-yong‘indan ogohlantirishga mo‘ljallangan signal berish vositalarini loyihalash, ulash, ta’mirlash, montaj qilish, sozlash bilan shug‘ullanuvchi korxonalar va tashkilotlar.

13. Suv xo‘jaligi hamda melioratsiya tizimlarini, avariya-qutqaruv kemalarini, gidrotexnik inshootlarni texnik nazorat qilish kemalarini loyihalash, qurish, ta’mirlash hamda ularni ishlatish bilan shug‘ullanuvchi korxonalar va tashkilotlar.

14. Muhandislik infrastrukturasi obyektlari: shaharlar va tuman markazlarining elektr, issiqlik va gaz ta’minoti, vodoprovod-kanalizatsiya xo‘jaligi, tashqi yoritish, zohiriy obodonlashtirish obyektlari, shuningdek bunday obyektlarni loyihalash, qurish, ulardan foydalanish va ularga xizmat ko‘rsatish bilan shug‘ullanuvchi korxonalar.

15. Temir yo‘l, havo va daryo transportida yo‘lovchilar va yuklar tashish bilan shug‘ullanuvchi korxonalar va tashkilotlar.

16. Shaharda yo‘lovchilar tashish bilan shug‘ullanuvchi korxona va tashkilotlar.

17. Vazirliklar, idoralarning oliy, o‘rta maxsus o‘quv yurtlari, hunar-texnika bilim yurtlari, shuningdek umumta’lim maktablar, maktab-internatlar, bolalar uylari va maktabgacha tarbiya bolalar muassasalari.

18. O‘zbekiston Respublikasi Fanlar akademiyasining, O‘zbekiston qishloq xo‘jalik fanlari akademiyasining muassasalari va tashkilotlari.Davlat ilmiy markazlari.

19. Davlat naslchilik xo‘jaliklari va fermerlari, ot zavodlari, elita-urug‘chilik xo‘jaliklari, urug‘chilik seleksiya stansiyalari, davlat urug‘chilik inspeksiyalari va qishloq xo‘jalik ekinlarining texnologik sifatini baholash laboratoriyalari, nav sinov stansiyalari va uchastkalari.

20. O‘rmon xo‘jalikning, geologiya, kartografiya-geodeziya gidrometeorologiya xizmatlarning korxonalar va tashkilotlar, texnologiya aloqasi va uning axborot markazlari.

21. Sanoatning qattiq chiqindilari va ro‘zg‘or chiqindilari ko‘miladigan maydonlar, binolar, inshootlar va ko‘mish uchun kerakli uskunalar, chorva mollarni ko‘madigan joylar.

22. Mashina sinash stansiyalari, elevatorlar, sovutgichxonalar, ombor xo‘jaligi obyektlari.

23. Respublikadan chetda joylashgan davlat sanatoriy-kurort xo‘jaliklari.

24. Konsert-tomosha ko‘rsatish muassasalarining korxonalari va obyektlari, kinolashtirish obyektlari, shuningdek kutubxonalar va qiroatxonalar.

25. Sog‘liqni saqlash muassasalari.

26. Veterinariya xizmat, o‘simliklarni himoya qilish xizmati korxonalari va tashkilotlari.

27. Nogironlar, keksalar va fuqarolarning ijtimoiy jihatdan himoya etilmagan boshqa toifalari qarovda bo‘ladigan uylar va internatlar.

28. Bolalar, o‘smirlar va yoshlarning sog‘lomlashtirish muassasalari.

29. Marosimlar o‘tkazishda xizmat ko‘rsatadigan korxonalar, tashkilotlar va muassasalar.