O‘zbekiston Respublikasi Oliy Kengashi qaror qiladi:

1. O‘zbekiston Respublikasining “Davlat sanitariya nazorati to‘g‘risida”gi Qonuni matbuotda e’lon qilingan paytdan boshlab amalga kiritilsin.

2. O‘zbekiston Respublikasi Prezidenti huzuridagi Vazirlar Mahkamasi:

uch oy mudddat ichida “Sanitariya normalari, qoidalari va gigiyena normativlariga rioya qilmaslik va sanitariyaga doir, epidemiyaga qarshi chora-tadbirlarini o‘tkazmaganlik oqibatida odamlar salomatligiga va atrof-muhitga yetkazilgan zararning mulkchilik shaklidan qat’i nazar, korxonalar, muassasalar, tashkilotlar, birlashmalar, ayrim shaxslar tomonidan to‘lanishi tartibi to‘g‘risida”, “Sanitariya qonunlari buzilgan hollarda diagnostika choralariga, davolash va epidemiyaga qarshi kurash chora-tadbirlariga qilingan harajatlarni to‘lash tartibi to‘g‘risida”, “Sanitariya sohasidagi huquqbuzarliklar uchun jarimalar undirish tartibi to‘g‘risida”gi nizomlarni tasdiqlasin;

1992-yilning 1-dekabriga qadar:

O‘zbekiston Respublikasining qonun hujjatlarini “Davlat sanitariya nazorati to‘g‘risida”gi O‘zbekiston Respublikasi Qonuniga muvofiq holga keltirish haqidagi taklifni O‘zbekiston Respublikasi Oliy Kengashiga taqdim etsin;

O‘zbekiston Respublikasi Hukumatining qarorlarini mazkur Qonunga muvofiqlashtirsin.