LexUZ sharhi
Mazkur qaror O‘zbekiston Respublikasi Vazirlar Mahkamasining 2022-yil 26-oktabrdagi 619-sonli “2021-2025-yillarda davlat ishtirokidagi korxonalarni boshqarish va isloh qilish strategiyasi qabul qilinganligi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Iqtisodiyotning strategik tarmoqlari korxonalarini xususiylashtirish jarayonlarini chuqurlashtirishga doir qo‘shimcha chora-tadbirlar to‘g‘risida” 2007-yil 20-iyuldagi PF-3897-son Farmoniga muvofiq Vazirlar Mahkamasi qaror qiladi:
1. Davlat tomonidan aksiyadorlik jamiyatlarini boshqarishda ishtirok etish maxsus huquqi (“oltin aksiya”)dan foydalanish tartibi to‘g‘risidagi Nizom ilovaga muvofiq tasdiqlansin.
2. O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi xususiylashtirilgan paxtani qayta ishlash sanoati korxonalari bo‘yicha davlat vakillarini tayinlash uchun nomzodlar yuzasidan Vazirlar Mahkamasiga belgilangan tartibda takliflar kiritsin.
(2-band O‘zbekiston Respublikasi Vazirlar Mahkamasining 2013-yil 13-avgustdagi 221-sonli qarori tahririda — O‘R QHT, 2013-y., 33-son, 438-modda)
3. Aksiyadorlik birlashmalari va kompaniyalaridagi aksiyalar davlat ulushidan samarali foydalanilishi ustidan monitoring olib borish komissiyasi (R.S. Azimov) O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi huzuridagi Davlat aktivlarini boshqarish markazi, Iqtisodiyot vazirligi va Moliya vazirligi bilan birgalikda ushbu qaror bilan tasdiqlangan Nizom talablariga qat’iy rioya qilinishini ta’minlasin.
(3-band O‘zbekiston Respublikasi Vazirlar Mahkamasining 2013-yil 13-avgustdagi 221-sonli qarori tahririda — O‘R QHT, 2013-y., 33-son, 438-modda)
boshqa manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsinlar;
vazirliklar va idoralarning o‘z normativ hujjatlarini ushbu qarorga muvofiqlashtirishini ta’minlasinlar.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
1. Mazkur Nizom O‘zbekiston Respublikasi Prezidentining “Iqtisodiyotning strategik tarmoqlari korxonalarini xususiylashtirish jarayonlarini chuqurlashtirishga doir qo‘shimcha chora-tadbirlar to‘g‘risida” 2007-yil 20-iyuldagi PF-3897-son Farmoniga muvofiq ishlab chiqilgan hamda davlat tomonidan aksiyadorlik jamiyatlarini boshqarishda ishtirok etish maxsus huquqi (“oltin aksiya”)dan foydalanish tartibini belgilaydi.
2. Mamlakat iqtisodiyoti uchun ustuvor ahamiyatga ega bo‘lgan strategik tarmoqlarning xususiylashtiriladigan ayrim aksiyadorlik jamiyatlarini boshqarishda davlat ishtirokining maxsus huquqi (keyingi o‘rinlarda “oltin aksiya” deb ataladi) O‘zbekiston Respublikasi Hukumatining qarori asosiga ko‘ra joriy etiladi.
3. “Oltin aksiya” ustav kapitalida davlat ulushi bo‘lmagan yoki bu ulush 25 foizdan ortiq bo‘lmagan aksiyadorlik jamiyatlarida Davlat mulkini sotish bo‘yicha tender savdolari o‘tkazuvchi davlat komissiyasining (keyingi o‘rinlarda “Davlat tender komissiyasi” deb ataladi) qarori bilan belgilanadigan muddatga joriy etiladi.
(3-band O‘zbekiston Respublikasi Vazirlar Mahkamasining 2020-yil 6-iyuldagi 425-sonli qarori tahririda — Qonun hujjatlari ma’lumotlari milliy bazasi, 07.07.2020-y., 09/20/425/1034-son)
4. “Oltin aksiya” qiymatga ega emas, birovning ixtiyoriga o‘tkazilmaydi va garovga qo‘yilmaydi, ustav fondi miqdorini belgilashda va dividendlarni qo‘shishda hisobga olinmaydi.
5. “Oltin aksiya” aksiyadorlik jamiyati kuzatuv kengashi tarkibiga davlat vakilini (keyingi o‘rinlarda davlat vakili deb ataladi) tayinlash yo‘li bilan amalga oshiriladi.
Davlat vakili aksiyadorlik jamiyatining ustavida belgilangan kuzatuv kengashi tarkibiga lavozimiga ko‘ra kiradi.
jamiyatning ustaviga tegishli ma’lumotlarni kiritgan holda uni qayta ro‘yxatdan o‘tkazadi, “oltin aksiya”dan foydalanishni to‘xtatish to‘g‘risida qaror qabul qilinganda esa jamiyat ustavidan ushbu ma’lumotlarni chiqarib tashlaydi;
Oldingi tahrirga qarang.
(6-bandning to‘rtinchi xatboshisi O‘zbekiston Respublikasi Vazirlar Mahkamasining 2016-yil 10-fevraldagi 33-sonli qaroriga asosan chiqarilgan — O‘R QHT, 2016-y., 6-son, 56-modda)
7. Davlat ayni bir paytda “oltin aksiya”ga hamda aksiyadorlik jamiyatining 25 foizdan ortiq bo‘lmagan oddiy aksiyalariga egalik qilgan taqdirda davlat vakili “oltin aksiya” egasi bo‘lgan davlat vakolatlarini amalga oshirish bilan bir qatorda davlat aktivlarining ishonchli boshqaruvchisi vakolatlarini ham bajaradi.
Bunda davlat vakili aksiyadorlar reyestriga ikki marta — “oltin aksiya”dan foydalanish bo‘yicha davlat vakili hamda tegishli davlat aktivlarining ishonchli boshqaruvchisi sifatida kiritiladi.
Davlat vakili davlat aktivlarining ishonchli boshqaruvchisi vakolatlarini davlat aktivlarini ishonchli boshqarish to‘g‘risidagi qonun hujjatlariga muvofiq bajaradi.
8. Davlat vakili Aksiyadorlik birlashmalari va kompaniyalaridagi aksiyalar davlat ulushidan samarali foydalanilishi ustidan monitoring olib borish komissiyasi tomonidan tayinlanadi.
9. Davlat vakilini tayinlash uchun nomzodlar bo‘yicha taklif Vazirlar Mahkamasining tegishli tarkibiy bo‘linmasi bilan kelishgan holda O‘zbekiston Respublikasi Davlat aktivlarini boshqarish agentligi tomonidan kiritiladi.
(9-band O‘zbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari ma’lumotlari milliy bazasi, 15.04.2020-y., 09/20/217/0426-son)
11. Davlat vakiliga aksiyadorlik jamiyati ustavida belgilangan tartib-qoidaga muvofiq aksiyadorlar umumiy yig‘ilishlari va kuzatuv kengashi majlislari o‘tkazilishi to‘g‘risida yozma xabarnoma, ularda ko‘rib chiqish uchun kiritilayotgan materiallar nusxalari, aksiyadorlik jamiyati faoliyati to‘g‘risidagi boshqa axborotlar, shu jumladan aksiyadorlik jamiyatining tijorat siri bo‘lgan axborotlar majburiy tartibda taqdim etiladi.
aksiyadorlik jamiyatining ustaviga o‘zgartirish va qo‘shimchalar kiritish yoki aksiyadorlik jamiyatining yangi tahrirdagi ustavini tasdiqlash;
aksiyadorlik jamiyati tomonidan yirik bitimlar tuzish hamda affillangan shaxslar bilan bitimlar tuzish;
(12-bandning beshinchi xatboshisi O‘zbekiston Respublikasi Vazirlar Mahkamasining 2016-yil 10-fevraldagi 33-sonli qarori tahririda — O‘R QHT, 2016-y., 6-son, 56-modda)
(12-bandning oltinchi xatboshisi O‘zbekiston Respublikasi Vazirlar Mahkamasining 2016-yil 10-fevraldagi 33-sonli qarori tahririda — O‘R QHT, 2016-y., 6-son, 56-modda)
aksiyadorlik jamiyatini qayta tashkil etish va tugatish, tugatish komissiyasini tayinlash hamda oraliq va uzil-kesil tugatish balanslarini tasdiqlash to‘g‘risidagi masalalar bo‘yicha “veto” qo‘yish huquqi bilan, aksiyadorlar umumiy yig‘ilishida va kuzatuv kengashi majlislarida majburiy tartibda ishtirok etadi.
Aksiyadorlik jamiyati aksiyadorlar umumiy yig‘ilishi va kuzatuv kengashining davlat vakili ishtirokisiz qabul qilingan qarorlari, shuningdek davlat vakili tomonidan “veto” qo‘yilgan qarorlari ijro etilmaydi.
13. Aksiyadorlar umumiy yig‘ilishi va kuzatuv kengashi tomonidan mazkur Nizomning 12-bandida ko‘rsatilganlardan tashqari boshqa masalalar bo‘yicha qarorlar qabul qilinishida davlat vakili ovoz berishda qatnashmaydi, u ayni bir vaqtda aksiyadorlik jamiyatining oddiy aksiyalari davlat paketini boshqargan hollar bundan mustasno.
14. Davlat vakili o‘z vakolatlarini O‘zbekiston Respublikasi Davlat aktivlarini boshqarish agentligining Iqtisodiy taraqqiyot va kambag‘allikni qisqartirish vazirligi va Moliya vazirligi takliflari hisobga olingan holda tayyorlangan yozma ko‘rsatmalari asosida amalga oshiradi.
(14-band O‘zbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari ma’lumotlari milliy bazasi, 15.04.2020-y., 09/20/217/0426-son)
15. Davlat vakili kuzatuv kengashi majlisi yoki aksiyadorlar umumiy yig‘ilishi o‘tkazilishi sanasigacha kamida 15 kundan kechikmay O‘zbekiston Respublikasi Davlat aktivlarini boshqarish agentligiga kuzatuv kengashi majlisi va aksiyadorlar umumiy yig‘ilishi kun tartibi to‘g‘risidagi axborotni, shu jumladan zarurat bo‘lganda “veto” qo‘yish huquqidan foydalanishga doir taklifni yuboradi.
(15-bandning birinchi xatboshisi O‘zbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari ma’lumotlari milliy bazasi, 15.04.2020-y., 09/20/217/0426-son)
Axborotga ko‘rib chiqilayotgan masalalar bo‘yicha davlat vakilining nuqtai nazari asosli bayon qilingan tushuntirish xati ilova qilinadi.
16. O‘zbekiston Respublikasi Davlat aktivlarini boshqarish agentligi davlat vakilidan tegishli hujjatlar olingan sanadan boshlab ikki kun muddatda O‘zbekiston Respublikasi Iqtisodiy taraqqiyot va kambag‘allikni qisqartirish vazirligi va Moliya vazirligining “veto” qo‘yish huquqidan foydalanishning maqsadga muvofiqligi to‘g‘risidagi xulosasini so‘raydi.
O‘zbekiston Respublikasi Iqtisodiy taraqqiyot va kambag‘allikni qisqartirish vazirligi va Moliya vazirligi Davlat aktivlarini boshqarish agentligidan tegishli hujjatlar olingan sanadan boshlab 3 kun mobaynida O‘zbekiston Respublikasi Davlat aktivlarini boshqarish agentligiga “veto” qo‘yish huquqidan foydalanishning maqsadga muvofiqligi bo‘yicha o‘zining aniq nuqtai nazarini yozma shaklda taqdim etadi.
(16-band O‘zbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari ma’lumotlari milliy bazasi, 15.04.2020-y., 09/20/217/0426-son)
17. “Veto” qo‘yish huquqidan foydalanishning maqsadga muvofiqligi yuzasidan O‘zbekiston Respublikasi Davlat aktivlarini boshqarish agentligi, Iqtisodiy taraqqiyot va kambag‘allikni qisqartirish vazirligi yoki Moliya vazirligi o‘rtasida kelishmovchiliklar mavjud bo‘lgan taqdirda, Davlat aktivlarini boshqarish agentligi kelishilgan qaror qabul qilinishi uchun ko‘rsatib o‘tilgan vazirliklarning vakillari va davlat vakili ishtirokida kelishuv kengashi o‘tkazadi.
Agar kelishuv qarori ishlab chiqilmagan bo‘lsa O‘zbekiston Respublikasi Davlat aktivlarini boshqarish agentligi zarur materiallarni, shu jumladan kelishmovchiliklar ro‘yxati va tomonlarning nuqtai nazarlari asosnomasi bilan birgalikda kelishuv kengashi protokolini Aksiyadorlik birlashmalari va kompaniyalaridagi aksiyalar davlat ulushidan samarali foydalanilishi ustidan monitoring olib borish komissiyasiga taqdim etadi. Komissiya belgilangan tartibda uzil-kesil qaror qabul qiladi.
(17-band O‘zbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari ma’lumotlari milliy bazasi, 15.04.2020-y., 09/20/217/0426-son)
18. O‘zbekiston Respublikasi Davlat aktivlarini boshqarish agentligi davlat vakilidan tegishli hujjatlar olingan sanadan boshlab 15 kundan kechikmay qabul qilingan qaror to‘g‘risida davlat vakiliga “veto” qo‘yish huquqidan foydalanishga nisbatan aniq yozma ko‘rsatmalarni yuboradi.
(18-band O‘zbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari ma’lumotlari milliy bazasi, 15.04.2020-y., 09/20/217/0426-son)
o‘z vakolatlarini O‘zbekiston Respublikasi Davlat aktivlarini boshqarish agentligidan olingan ko‘rsatmalarga qat’iy muvofiq ravishda amalga oshirish;
(19-bandning ikkinchi xatboshisi O‘zbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari ma’lumotlari milliy bazasi, 15.04.2020-y., 09/20/217/0426-son)
o‘ziga yuklangan vakolatlarni amalga oshirish paytida o‘ziga ma’lum bo‘lgan ma’lumotlarni uchinchi shaxslarga oshkor qilmaslik va ulardan davlatning, aksiyadorlik jamiyatining va uning aksiyadorlarining manfaatlariga zid bo‘lgan maqsadlarda foydalanmaslik;
O‘zbekiston Respublikasi Davlat aktivlarini boshqarish agentligiga o‘z vakolatlarini amalga oshirish bo‘yicha o‘zi olgan har bir ko‘rsatmaning bajarilishi natijalari to‘g‘risida yozma axborot taqdim etish.
(19-bandning to‘rtinchi xatboshisi O‘zbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari ma’lumotlari milliy bazasi, 15.04.2020-y., 09/20/217/0426-son)
20. Davlat aktivlarini ishonchli boshqarish vakolatlari ayni bir vaqtda bajarilgan taqdirda davlat vakili O‘zbekiston Respublikasi Davlat aktivlarini boshqarish agentligiga qonun hujjatlarida belgilangan tartibda ushbu vakolatlarning bajarilishi to‘g‘risida alohida hisobotlar taqdim etadi.
(20-band O‘zbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari ma’lumotlari milliy bazasi, 15.04.2020-y., 09/20/217/0426-son)
21. Davlat vakili O‘zbekiston Respublikasi Moliya vazirligi va Davlat aktivlarini boshqarish agentligi tomonidan tasdiqlanadigan tartibga muvofiq davlat mablag‘lari hisobiga har yillik taqdirlash puli oladi.
(21-band O‘zbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari ma’lumotlari milliy bazasi, 15.04.2020-y., 09/20/217/0426-son)
22. Davlat vakili aksiyadorlik jamiyatidan qo‘shimcha taqdirlash puli olishga haqli emas, davlat aktivlarini ishonchli boshqarish vakolatlari ayni bir vaqtda bajarilgan holat bundan mustasno.
23. Davlat vakilining faoliyatini nazorat qilish O‘zbekiston Respublikasi Davlat aktivlarini boshqarish agentligi, shuningdek, iqtisodiyot tarmoqlari korxonalari bo‘yicha O‘zbekiston Respublikasi Davlat aktivlarini boshqarish agentligi tomonidan tayyorlangan umumlashtiruvchi materiallar asosida Vazirlar Mahkamasining tegishli tarkibiy bo‘linmasi tomonidan amalga oshiriladi.
(23-band O‘zbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari ma’lumotlari milliy bazasi, 15.04.2020-y., 09/20/217/0426-son)
24. Davlat vakili o‘ziga yuklangan vakolatlardan Vazirlar Mahkamasining tegishli tarkibiy bo‘linmasi bilan kelishilgan holda, O‘zbekiston Respublikasi Davlat aktivlarini boshqarish agentligi tomonidan:
(24-bandning birinchi xatboshisi O‘zbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari ma’lumotlari milliy bazasi, 15.04.2020-y., 09/20/217/0426-son)
uzoq vaqt kasal bo‘lish, yashash joyining o‘zgarishi yoki boshqa sabablar natijasida u o‘z vazifalarini bundan keyin bajarishi mumkin bo‘lmaganda ozod qilinadi.
25. Mazkur Nizomda belgilangan talablar buzilishida aybdor bo‘lgan shaxslar qonun hujjatlariga muvofiq javob beradilar.