Qurilish materiallari sanoati korxonalarini sifatli, raqobatbardosh va eksportga yoʻnaltirilgan mahsulot ishlab chiqarishni taʼminlaydigan zamonaviy, ilgʻor mashina-uskunalar bilan jihozlash orqali ularni modernizatsiya qilishni jadallashtirish, texnikaviy va texnologik qayta jihozlashni taʼminlash maqsadida:

1. “Oʻzqurilishmateriallari” aksiyadorlik kompaniyasi, Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi tomonidan ishlab chiqilgan 2007—2011-yillardagi davrda qurilish materiallari sanoati korxonalarini modernizatsiya qilish, texnikaviy va texnologik qayta jihozlash Dasturi quyidagilarni oʻz ichiga olgan holda maʼqullansin:

2007—2011-yillardagi davrda qurilish materiallari sanoati korxonalarini modernizatsiya qilish, texnikaviy va texnologik qayta jihozlash boʻyicha investitsiya loyihalari roʻyxati 1-ilovaga* muvofiq;

2007—2011-yillarda “Oʻzqurilishmateriallari” aksiyadorlik kompaniyasi korxonalarini modernizatsiya qilish, texnikaviy va texnologik qayta jihozlashga investitsiyalarning texnologik tuzilmasi 2-ilovaga* muvofiq;

2011-yilgacha boʻlgan davrda “Oʻzqurilishmateriallari” aksiyadorlik kompaniyasi korxonalarini modernizatsiya qilish, texnikaviy va texnologik qayta jihozlash Dasturini amalga oshirish va asosiy turdagi mahsulotlarni ishlab chiqarishning maqsadli prognoz parametrlari 3 va 3a-ilovalarga* muvofiq.

“Oʻzqurilishmateriallari” aksiyadorlik kompaniyasi raisi zimmasiga 2007—2011-yillardagi davrda qurilish materiallari sanoati korxonalarini modernizatsiya qilish, texnikaviy va texnologik qayta jihozlash Dasturiga kiritilgan loyihalarning toʻliq hajmda va belgilangan muddatlarda amalga oshirilishini taʼminlash boʻyicha shaxsiy javobgarlik yuklansin.

2. “Oʻzqurilishmateriallari” aksiyadorlik kompaniyasi manfaatdor vazirliklar, idoralar va tijorat banklari bilan birgalikda asosiy turdagi qurilish materiallari ishlab chiqarishning maqsadli parametrlari soʻzsiz bajarilishi uchun loyiha hujjatlarining oʻz vaqtida ishlab chiqilishi, kelishib olinishi va belgilangan tartibda tasdiqlanishini, shuningdek mazkur qarorning 1-ilovasiga kiritilgan investitsiya loyihalarining bajarilishini taʼminlasin.

3. Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi har yili Investitsiya dasturini shakllantirishda belgilangan tartibda unga 2007—2011-yillardagi davrda qurilish materiallari sanoati korxonalarini modernizatsiya qilish, texnikaviy va texnologik qayta jihozlash Dasturida koʻzda tutilgan investitsiya loyihalari, birinchi navbatda eksport hajmlarini oshirishni va import oʻrniga mahalliy mahsulot ishlab chiqarishni koʻpaytirishni eʼtiborga olgan holda, kiritilishini nazarda tutsin.

4. Shunday tartib oʻrnatilsinki, unga muvofiq 2011-yilning 31-dekabrigacha boʻlgan davrda isteʼmol qilinadigan tabiiy gaz narxlari 4-ilovadagi qurilish materiallarini ishlab chiqarishga ixtisoslashtirilgan korxonalar uchun oʻzgarmay qolsin.

Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi, Moliya vazirligi, “Oʻzbekneftgaz” MXK, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari mazkur ishlab chiqaruvchilar uchun tabiiy gazning barqaror narxi taʼminlanishi va ular tomonidan ishlab chiqariladigan qurilish materiallari narxining sunʼiy tarzda oshirilishiga yoʻl qoʻymaslik ustidan doimiy nazorat oʻrnatsinlar.

5. Oʻzbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari hamda donor mamlakatlar bilan hamkorlik qilish, yirik va strategik muhim investitsiya loyihalarini amalga oshirish masalalari boʻyicha idoralararo kengashga (R.S. Azimov), Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi bilan “Oʻzqurilishmateriallari” aksiyadorlik kompaniyasining qoʻshma taqdimnomasi boʻyicha, mazkur qaror bilan tasdiqlangan 2007—2011-yillardagi davrda qurilish materiallari sanoati korxonalarini modernizatsiya qilish, texnikaviy va texnologik qayta jihozlash Dasturiga, eksport qilishga moʻljallangan zamonaviy turdagi qurilish materiallari ishlab chiqariladigan korxonalar tashkil etishga oid yangi investitsiya loyihalari ilova qilinishini nazarda tutgan holda, aniqlik va qoʻshimchalar kiritishga ruxsat berilsin.

6. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.

1. Pishiq gʻisht

2. Qurilish gipsi

3. Gipskarton plitalar

4. Keramik pardozlash plitkalari

5. Keramik cherepitsa