Oʻzbekiston Respublikasining “Birjalar va birja faoliyati toʻgʻrisida”gi Qonuniga muvofiq Oʻzbekiston Respublikasi Prezidentining 2005-yil 10-martdagi PQ–24-sonli “Jamiyatni demokratlashtirish va yangilash, mamlakatni isloh qilish hamda modernizatsiyalash maqsad va vazifalarini amalga oshirish dasturi toʻgʻrisida”gi, 2006-yil 31-maydagi PQ–360-sonli qarorlari, Oʻzbekiston Respublikasi Vazirlar Mahkamasining 2004-yil 5-fevraldagi 57-sonli “Mahsulotlar, xomashyo va materiallarning yuqori likvidli turlarini sotishning bozor mexanizmlarini joriy etishni davom ettirish toʻgʻrisida”gi qaroriga muvofiq qaror qilamiz:

1. Oʻzbekiston Respublikasi tovar-xomashyo birjasi tomonidan oʻtkaziladigan birja savdolarida paxta shroti (kunjarasi) va paxta chigiti sheluxasini sotish tartibi toʻgʻrisidagi nizom ilova* muvofiq tasdiqlansin.

2. Oʻzbekiston Respublikasi Iqtisodiyot vazirligi, Davlat mulki qoʻmitasi, Moliya vazirligi, “Yogʻmoytamakisanoat” uyushmasi va OʻzRTXAB OAJning 2004-yil 6-maydagi 32, 01/24-30, 61, 4-1-167, 42-01/245-sonli “Kimoshdi savdolarida paxta shroti (kunjara)ni va paxta chigiti sheluxasini sotish tartibi toʻgʻrisidagi Vaqtinchalik nizom” oʻz kuchini yoʻqotgan deb hisoblansin (2004-yil 7-iyun, roʻyxat raqami 1368 — Oʻzbekiston Respublikasi Qonun hujjatlari toʻplami, 2004-y., 22-23-son, 271-modda).

3. Mazkur qaror Oʻzbekiston Respublikasi Adliya vazirligida davlat roʻyxatiga olingan kundan soʻng oʻn kun ichida kuchga kiradi.