“Avtomatlashtirilgan bank tizimida axborotni muhofaza qilish to‘g‘risida”gi O‘zbekiston Respublikasi Qonunining qabul qilinishi munosabati bilan, Boshqaruv qaror qiladi:

1. Markaziy bank Boshqaruvining 2006-yil 17-yanvardagi 1/8-sonli “O‘zbekiston Respublikasi tijorat banklari elektron tizimlarida axborotni muhofaza qilish to‘g‘risidagi nizomni tasdiqlash haqida”gi qaroriga (2006-yil 13-mart, ro‘yxat raqami 1552) ilovaga muvofiq o‘zgartirish va qo‘shimchalar kiritilsin.

2. Ushbu qaror O‘zbekiston Respublikasi Adliya vazirligida davlat ro‘yxatidan o‘tkazilgandan so‘ng o‘n kundan keyin kuchga kiradi.

1. “O‘zbekiston Respublikasi tijorat banklari elektron tizimlarida axborotni muhofaza qilish to‘g‘risidagi nizomni tasdiqlash haqida”gi qaror bo‘yicha:

a) nomlanishdagi “elektron tizimlarida” so‘zlari “avtomatlashtirilgan bank tizimlarida” so‘zlari bilan almashtirilsin;

b) muqaddimadagi “elektron tizimlarida” so‘zlari “avtomatlashtirilgan bank tizimlarida” so‘zlari bilan almashtirilsin;

v) 1-banddagi “elektron tizimlarida” so‘zlari “avtomatlashtirilgan bank tizimlarida” so‘zlari bilan almashtirilsin.

2. “O‘zbekiston Respublikasi tijorat banklari elektron tizimlarida axborotni muhofaza qilish to‘g‘risida”gi nizom bo‘yicha:

a) nomlanishdagi “elektron tizimlarida” so‘zlari “avtomatlashtirilgan bank tizimlarida” so‘zlari bilan almashtirilsin;

b) muqaddima quyidagi tahrirda bayon etilsin:

“Mazkur Nizom O‘zbekiston Respublikasining “O‘zbekiston Respublikasining Markaziy banki to‘g‘risida”gi, “Banklar va bank faoliyati to‘g‘risida”gi, “Arxivlar to‘g‘risida”gi, “Elektron to‘lovlar to‘g‘risida”gi, “Axborotlashtirish to‘g‘risida”gi, “Elektron hisoblash mashinalari dasturlari va ma’lumotlar bazasini huquqiy muhofazalash to‘g‘risida”gi, “Bank siri to‘g‘risida”gi, “Elektron raqamli imzo to‘g‘risida”gi va “Avtomatlashtirilgan bank tizimida axborotni muhofaza qilish to‘g‘risida”gi qonunlariga muvofiq ishlab chiqilgan.”

v) 1-banddagi “elektron tizimlarida” va “elektron tizimlarning” jumlalari mos ravishda “avtomatlashtirilgan bank tizimlarida” va “avtomatlashtirilgan bank tizimlarining” jumlalari bilan almashtirilsin.

3. Nizomning II bo‘limi quyidagi 3-band bilan to‘ldirilsin:

“3. Tijorat banklarida avtomatlashtirilgan bank tizimida axborotni muhofaza qilish xizmati tashkil etiladi.

Avtomatlashtirilgan bank tizimida axborotni muhofaza qilish O‘zbekiston Respublikasining “Avtomatlashtirilgan bank tizimida axborotni muhofaza qilish to‘g‘risida”gi Qonuniga muvofiq amalga oshiriladi.”.

4. Nizomning 3—29-bandlari 4—30-bandlar deb hisoblansin.

Mazkur o‘zgartirish va qo‘shimchalar O‘zbekiston aloqa va axborotlashtirish agentligi bilan kelishilgan.