LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Oliy Kengashining “O‘zbekiston Respublikasi 1994-yilgi budjetining Asosiy parametrlari to‘g‘risida”gi 1993-yil 28-dekabrdagi qaroriga muvofiq Vazirlar Mahkamasi qaror qiladi:
1. O‘zbekiston Respublikasi Moliya vazirligi tomonidan taqdim qilingan, unga muvofiq O‘zbekiston Respublikasi 1994-yilgi budjetining Asosiy parametrlari ishlab chiqilgan O‘zbekiston Respublikasining 1994-yilgi budjeti Konsepsiyasi ma’qullansin.
* Konsepsiya rus tilidagi matnda berilgan.
O‘zbekiston Respublikasi 1994-yilgi budjetining Asosiy parametrlari daromadlar bo‘yicha 5181,8 mlrd so‘m miqdorida va xarajatlar bo‘yicha 5619,3 mlrd so‘m miqdorida, 437,5 mlrd so‘m miqdoridagi yoki ichki yalpi mahsulotga nisbatan 5 foiz miqdoridagi kamomad bilan 1-ilovaga* muvofiq;
*1-ilova rus tilidagi matnda berilgan.
Qoraqalpog‘iston Respublikasi budjetining, viloyatlar va Toshkent shahri budjetlarining asosiy parametrlari daromadlar bo‘yicha 2397,3 mlrd so‘m miqdorida va xarajatlar bo‘yicha 2600,1 mlrd so‘m miqdorida, kamomadning 202,8 mlrd so‘m miqdoridagi cheklangan darajasi bilan, shuningdek moliyaviy qo‘llab - quvvatlash uchun respublika budjetidan Qoraqalpog‘iston Respublikasiga beriladigan maqsadli subvensiyalar 19,8 mlrd so‘m miqdorida va Surxondaryo viloyatiga- 13,8 mlrd so‘m miqdorida 2-ilovaga* muvofiq.
*2-ilova rus tilidagi matnda berilgan.
3. Umumrespublika daromadlari va soliqlaridan Qoraqalpog‘iston Respublikasi budjetiga hamda mahalliy budjetlarga 1994-yilda ajratmalar normativlari 3-ilovaga* muvofiq miqdorlarda tasdiqlansin.
*3-ilova rus tilidagi matnda berilgan.
4. O‘rta va maxsus hunar-texnika bilim yurtlarini mablag‘ bilan ta’minlashga, non, markaziy isitish va issiq suv bilan ta’minlash uchun aholiga sotiladigan issiqlik energiyasi, yoqilg‘i narxlaridagi tafovutlarni to‘lashga, belgilangan norma bo‘yicha aholiga sotiladigan bolalar tovarlari narxlaridan 50 foizli chegirishlarga va bepul nonushtalarga qilinadigan xarajatlarni mablag‘ bilan ta’minlash 1994-yildan boshlab mahalliy hokimiyat va boshqaruv organlari tasarrufiga o‘tkazilsin.
5. Xalq xo‘jaligi tarmoqlari bo‘yicha yuridik shaxslardan olinadigan daromad solig‘i stavkalari, aksiz olinadigan tovarlarning ro‘yxati va aksizlar stavkalari, yer solig‘i stavkalari, transport vositalari egalaridan olinadigan soliq stavkalari, shuningdek, suv xo‘jaligi tizimlaridan suv uchun budjetga olinadigan to‘lovlar miqdorlari 4—8- ilovalarga* muvofiq tasdiqlansin.
*4—8 - ilovalar rus tilidagi matnda berilgan.
6. Respublikadan chetga chiqariladigan mahsulotdan olinadigan soliq stavkasi mahsulot qiymatining 10 foizi miqdorida belgilansin. Stavkasi 1993-yilda amalda bo‘lgan darajada saqlanib qolinadigan tabiiy gaz bundan mustasnodir.
7. Jamoa xo‘jalik a’zolari mehnatiga haq to‘lash fondidan olinadigan soliq stavkasi 15 foiz miqdorida belgilansin.
8. Belgilab qo‘yilsinki, 1994-yil 1-yanvardan boshlab amortizatsiya ajratmalarini hisoblash asosiy fondlar qiymatiga qarab, 1993-yil 1-apreldagi holatiga ko‘ra oshiruvchi koeffitsiyentlarni qo‘llanmasdan qayta hisoblab chiqishni nazarda tutgan holda amalga oshiriladi.
Birlashmalar, korxonalar va tashkilotlar tomonidan haqiqatda ajratiladigan amortizatsiyalarning 20 foizi respublika budjetida markazlashtirilsin.
9. Belgilab qo‘yilsinki, 1994-yildan boshlab mulk solig‘i faqat asosiy ishlab chiqarish fondlari qiymatidan olinadi.
10. Belgilab qo‘yilsinki, 1994-yil 1-yanvardan boshlab yuridik shaxslardan olinadigan daromad solig‘ini hisoblashda aylanma mablag‘larni ko‘paytirishga yo‘naltiriladigan foyda soliq solinadigan bazadan chiqarib tashlanadi.
11. Belgilab qo‘yilsinki, budjetga to‘lovlar va budjetdan tashqari fondlarga boshqa majburiy to‘lovlar bo‘yicha o‘z vaqtida to‘lanmagan soliqlar summasidan olinadigan penyalar kechiktirilgan har bir kun uchun 0,2 foiz miqdorida hisoblanadi.
12. O‘zbekiston Respublikasi Moliya vazirligi vazirliklar, idoralar, Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklariga markazlashtirilgan kapital sarflarni mablag‘ bilan ta’minlash uchun yilning har choragida banklarga, 5 foizli yillik to‘lov bilan, belgilangan yillik hajm doirasida kredit liniyasi ochsin.
13. 1994-yil 1-yanvardan boshlab, mulkchilik shaklidan qat’iy nazar, korxonalar, tashkilotlar va muassasalarning mehnatga haq to‘lash fondidan ajratmalarning umumiy foizi 40 foiz miqdorida belgilansin va u quyidagi tartibda taqsimlansin:
Oldingi tahrirga qarang.
(14-band O‘zbekiston Respublikasi Vazirlar Mahkamasining 1996-yil 30-dekabrdagi 466-son qaroriga muvofiq o‘z kuchini yo‘qotgan)
15. Ijtimoiy sug‘urta jamg‘armasiga, O‘zbekiston kasaba uyushmalari federatsiyasi Kengashiga, Ish bilan ta’minlash jamg‘armasiga, davlat geologiya va mineral resurslar qo‘mitasiga, “O‘zavtoyo‘l” davlat konserniga yilning har choragida, 1993-yil yakunlaridan boshlab, budjetdan tashqari tegishli fondlar manbalari va moddalari bo‘yicha daromatlar va xarajatlarning ijrosi to‘g‘risida Moliya vazirligiga hisobot taqdim qilish vazifasi yuklatilsin.
16. Davlat soliq bosh boshqarmasi daromatlarni soliq olishdan yashirish hollarini bartaraf etish va soliq to‘lovlarni to‘liq qamrab olish chora-tadbirlarini ko‘rish hisobiga budjetga tushishi kerak bo‘lgan to‘lovlarning to‘liq va o‘z vaqtida tushishi ustidan nazoratni kuchaytirilsin.