Т/р	Тадбирларнинг номланиши	Амалга ошириш шакли	Кутилаётган натижа	Амалга ошириш муддати	Масъул ижрочилар
1. Ягона давлат ҳуқуқий сиёсати сифатини такомиллаштириш, ҳуқуқ ижодкорлиги фаолиятини мувофиқлаштириш
1.	Идоравий норматив-ҳуқуқий ҳужжатларни тайёрлаш ва қабул қилиш қоидаларига (рўйхат рақами 2565, 2014 йил 28 февраль) идоравий норматив-ҳуқуқий ҳужжатларни қабул қилиш, уларни ҳуқуқий экспертиза ва давлат рўйхатидан ўтказиш жараёнларини янада соддалаштиришга қаратилган ўзгартириш ва қўшимчалар киритиш.	Идоравий норматив-ҳуқуқий ҳужжат	Идоравий норматив-ҳуқуқий ҳужжатларни давлат рўйхатидан ўтказишни рад этишга сабаб бўлаётган тизимли муаммоларни бартараф этиш ҳамда амалдаги қонунчилик ҳужжатларини ўзаро мувофиқлаштириш.	2022 йил июнь	Адлия вазирлиги
2.	1990 — 2016 йиллар оралиғида қабул қилинган Ўзбекистон Республикаси ҳукуматининг қарорларини хатловдан ўтказиш, хатлов натижасида эскирган ва ўз аҳамиятини йўқотган нормаларни бекор қилиш бўйича таклифлар ишлаб чиқиш.	Норматив-ҳуқуқий ҳужжат лойиҳаси	Миллий қонунчилик базасини ортиқча норматив-ҳуқуқий ҳужжатлардан ҳоли этиш, унинг тизимлилигини таъминлаш, ҳуқуқни қўллаш амалиётида юридик таъсир кучига эга бўлмаган ҳужжатларни бекор қилиш.	2022 йил июнь	Адлия вазирлиги
3.	Норматив-ҳуқуқий ҳужжатлар ва уларнинг лойиҳаларини тартибга солиш таъсирини баҳолаш тартиби доирасида харажатларни автоматлаштирилган тарзда таҳлил қилувчи электрон дастурни ишлаб чиқиш.	Ташкилий-техник тадбирлар	Норматив-ҳуқуқий ҳужжатнинг тартибга солиш таъсирини баҳолашда шаффофлик ва тизимлиликни таъминлаш ҳамда ходимларнинг вақти ва ресурсларини тежаш.	2022 — 2026 йиллар	Адлия вазирлиги, манфаатдор вазирлик ва идоралар
4.	Ижтимоий таъминот ва ижтимоий суғурта, молия ва кредит, тадбиркорлик ва хўжалик фаолияти, ташқи иқтисодий фаолият ва божхона иши соҳаларига оид амалдаги норматив-ҳуқуқий ҳужжатларнинг коррупцияга қарши экспертизадан ўтказилишини ташкил этиш. Экспертиза натижасига кўра Вазирлар Маҳкамасига қонунчилик ҳужжатларини такомиллаштириш бўйича таклифлар киритиш.	Норматив-ҳуқуқий ҳужжат лойиҳаси	Қонунчилик ҳужжатларини такомиллаштириш орқали ижтимоий ҳимоя тизими мустаҳкамланиши ва тадбиркорлик фаолияти янада ривожланишига, шунингдек, мамлакат инвестицион жозибадорлигини янада оширишга эришиш.	2022 йил давомида	Адлия вазирлиги, манфаатдор вазирлик ва идоралар
5.	Хўжалик юритувчи субъектлар фаолиятига чекловлар, қўшимча талаблар, мажбуриятлар ёхуд харажатлар жорий қилиш, шунингдек, ҳар қандай турдаги имтиёз, кафолат, преференцияларни белгилашни назарда тутувчи амалдаги норматив-ҳуқуқий ҳужжатларнинг масъул вазирлик ва идоралар томонидан тартибга солиш таъсирини баҳолашдан ўтказилишини таъминлаш. Баҳолаш натижасига кўра Вазирлар Маҳкамасига қонунчилик ҳужжатларини такомиллаштириш бўйича таклифлар киритиш.	Норматив-ҳуқуқий ҳужжатларни тартибга солиш таъсирини баҳолашдан ўтказиш режаси	Хўжалик юритувчи субъектларнинг ҳуқуқлари таъминланиши орқали уларнинг ишлаб чиқариш ва хизмат кўрсатиш ҳажмини ошириш.	2022 йил давомида	Адлия вазирлиги, манфаатдор вазирлик ва идоралар
6.	Идоравий норматив-ҳуқуқий ҳужжатларни ҳуқуқий экспертизадан ўтказиш жараёнини автоматлаштириш.	Ташкилий-техник тадбирлар	Норматив-ҳуқуқий ҳужжатлар матнларини автоматлаштирилган таҳлил қилиш, ўзини ўзи ўрганиш механизмидан фойдаланиш орқали норматив-ҳуқуқий ҳужжатларни таснифлаш ва тизимлаштириш муаммоларини ҳал қилиш, харажатларни камайтириш ва иш самарадорлигини ошириш имкониятини яратиш.	2022-2023 йиллар	Адлия вазирлиги, Ахборот технологиялари вазирлиги
7.	«Legal-Tech» ҳуқуқий тармоғини жорий этиш тизимини «сунъий интеллект» механизмларидан фойдаланган ҳолда такомиллаштириш.	Ташкилий-техник тадбирлар	Ҳужжатлар лойиҳаларини тайёрлаш учун сарфланадиган ресурслар ва вақтни тежаш, тайёрланадиган лойиҳалар сифатини ошириш ҳамда лойиҳаларни тайёрлаш жараёнини автоматлаштириш.	2022 йил декабрь	Адлия вазирлиги, Инновацион ривожланиш вазирлиги
8.	Юридик хизмат кўрсатиш марказлари, туман (шаҳар) давлат хизматлари марказлари ва уларнинг филиаллари ҳамда ФҲДЁ органлари ўз ишини туман (шаҳар) адлия бўлимлари таркибида давом эттириши муносабати билан уларни ягона маъмурий бинога жойлаштириш.	Дастур	Туман (шаҳар) миқёсидаги алоҳида фаолият кўрсатувчи 4 та тузилма 1 та тузилмага айлантирилади ва ягона маъмурий бинога жойлаштирилади, ортиб қолинадиган маъмурий бинолар белгиланган тартибда хусусий секторга реализация қилинади.	2022 йил 1 июль	Адлия вазирлиги, Давлат активларини бошқариш агентлиги
2. Ҳуқуқни қўллаш амалиёти ва давлат бошқаруви тизими самарадорлигини комплекс таҳлил қилиш
9.	«E-SНARTNOMA» ягона электрон порталини яратиш.	Норматив-ҳуқуқий ҳужжат лойиҳаси	«E-SНARTNOMA» ягона электрон порталини жорий қилиш орқали шартномаларни ягона платформа орқали тайёрлаш ва улар билан ишлаш жараёнини соддалаштириш, уни бошқариш ва назорат қилиш имкониятини яратиш.	2022 — 2026 йиллар	Адлия вазирлиги, Молия вазирлиги, Давлат солиқ қўмитаси, вазирлик ва идоралар
10.	Юридик хизмат кўрсатиш марказлари томонидан келгусида хизмат кўрсатиладиган ташкилотлар сонини ошириш.	Норматив-ҳуқуқий ҳужжат лойиҳаси	Келгусида босқичма-босқич туман ва шаҳар даражасидаги давлат органларига малакали юридик хизмат кўрсатилишини кенгайтириш орқали қонун устуворлигини таъминлаш.	2022 йил декабрь	Адлия вазирлиги
11.	Маҳаллий давлат ҳокимияти органларининг қарорларини ишлаб чиқиш, келишиш ва рўйхатдан ўтказишнинг ягона электрон — «E-qaror» тизими функционал имкониятларини кенгайтириш.	Ташкилий чора-тадбирлар	Ҳокимликларнинг фаолиятида қонун устуворлигини янада таъминлаш.	2022 йил октябрь	Адлия вазирлиги
12.	Ҳуқуқни қўллаш амалиётида таклифларни аниқлаш ва ишлаб чиқиш учун жамоатчилик фикрини ўрганиш услубиётини ишлаб чиқиш ва тасдиқлаш.	Адлия вазири буйруғи	Қонунчилик ҳужжатларини такомиллаштиришда кенг жамоатчилик фикрини инобатга олиш ва ҳуқуқий муаммоларни аниқлашнинг самарали механизмини яратиш.	2022 йил октябрь	Адлия вазирлиги
13.	«Маҳаллий давлат ҳокимияти тўғрисида»ги Қонунга қуйидагиларни назарда тутувчи қўшимчалар киритиш: янги депутатлик назорат шакли — «кенгаш сўрови»ни жорий этиш орқали маҳаллий Кенгашларнинг ҳудудларни ижтимоий-иқтисодий ривожлантиришдаги ролини ошириш; Кенгашларга юклатилган ва турли ҳужжатларда назарда тутилган 20 дан ортиқ вазифаларни бир ҳужжатда жамлаш.	Норматив-ҳуқуқий ҳужжат лойиҳаси	Маҳаллий давлат ҳокимияти органлари фаолияти самарадорлигини ошириш ҳамда жойларда амалга оширилаётган ислоҳотлар устидан халқ депутатлари маҳаллий Кенгашлари назоратининг ҳуқуқий асосларини такомиллаштириш.	2022 йил декабрь	Адлия вазирлиги
3. Маъмурий тартиб-таомиллар ҳамда давлат хизматларини кўрсатиш соҳасида ягона давлат сиёсатини амалга ошириш
14.	«SMART JUSTICE — АҚЛЛИ АДЛИЯ» веб-портали ва мобил иловасини яратиш.	Ташкилий-техник тадбирлар	Ўзбекистон Республикаси Адлия вазирлиги, адлия органлари ва муассасалари томонидан ҳозирги кунда кўрсатилаётган 50 дан ортиқ электрон давлат хизматларини ягона порталга жамлаш ва унинг мобил иловасини ишлаб чиқиш, ягона нуқтадан юридик ва жисмоний шахсларга хизмат кўрсатиш ҳамда фуқароларнинг давлат хизматларини электрон шаклда олиш жараёнидан қониқиш даражаси ошириш.	2022-2023 йиллар	Адлия вазирлиги, Ахборот технологиялари вазирлиги
15.	«Лицензия» ахборот тизимини такомиллаштириш. Мазкур ахборот тизими орқали кўрсатилаётган давлат хизматлари сонини 100 тага етказиш.	Норматив-ҳуқуқий ҳужжат лойиҳаси	Хизматдан фойдаланувчиларга қулай шароитлар яратиш, давлат хизматларидан фойдаланишда ортиқча тартиб-таомиллар ва муддатларни қисқартириш.	2022 йил июнь	Адлия вазирлиги, Ахборот технологиялари вазирлиги
16.	Давлат хизматлари марказлари орқали кўрсатиладиган давлат хизматлари сонини ошириш.	Норматив-ҳуқуқий ҳужжат лойиҳаси	Аҳолига тезкор ва сифатли хизматлар кўрсатилишини таъминлаш.	2022 йил давомида	Адлия вазирлиги
17.	Давлат хизматларини кўрсатиш ахборот тизими (dxa.gov.uz) ва Ягона интерактив давлат хизматлари порталида (ЯИДХП) муддат бузилиши билан боғлиқ бўлмаган қонун бузилиши ҳолатларини ҳар бир хизматлар, соҳалар ва идоралар кесимида автоматик равишда аниқлаш тизимини такомиллаштириш.	Ташкилий-техник тадбирлар.	Давлат хизматларини кўрсатишдаги қонунбузилишларни тизимли таҳлил қилиш, уларни бартараф қилиш чораларини кўриш ҳамда айбдорларни автоматик равишда аниқлаш орқали қонунбузилиш ҳолатлари бартараф қилинишига эришиш.	2022-2023 йиллар	Адлия вазирлиги
18.	Мобил идентификация тизимини (MOBIL ERI, FACE ID, DIGITAL ID, SMART ID) ишлаб чиқиш ва уларни ривожлантириш, шунингдек, жисмоний шахслар учун жисмоний шахснинг шахсий идентификация рақамидан ва юридик шахслар учун солиқ тўловчи идентификация рақамидан ягона логин сифатида фойдаланиш тартибини жорий этиш.	Норматив-ҳуқуқий ҳужжат лойиҳаси	Давлат хизматларидан фойдаланишда қулай ва ортиқча бюрократиядан ҳоли бўлган тизим яратиш ҳамда фойдаланувчиларнинг вақтини тежаш.	2022 йил июнь	Адлия вазирлиги, Ахборот технологиялари вазирлиги
19.	Адлия органлари ва муассасаларининг веб-сайтларида ёки хизмат кўрсатиш учун ташкил қилинган махсус сайт (портал)да кўрсатилаётган хизматларни истеъмолчилар томонидан исталган вақтда доимий ва тизимли баҳолаш, изоҳлар ва таклифлар тақдим қилиб бориш имкониятини берувчи платформа яратиш.	Ташкилий-техник тадбирлар	Адлия органлари ва муассасалари томонидан кўрсатилаётган хизматлар сифати ошади ҳамда доимий баҳоланиш натижасида хизмат кўрсатишда қонунбузилиш ҳолатлари камаяди.	2022-2023 йиллар	Адлия вазирлиги
20.	Никоҳни қайд этиш ва никоҳдан ажралишни қайд этиш бўйича хизматларни Давлат хизматлари марказлари, туғилишни қайд этишни комплекс тарзда тиббиёт муассасалари орқали ФХДЁ органида қайд этиш тизимини жорий этиш.	Норматив-ҳуқуқий ҳужжат лойиҳаси	Хизматдан фойдаланувчиларга қулай шароитлар яратиш, давлат хизматларидан фойдаланишда ортиқча тартиб-таомиллар ва муддатларнинг қисқартириш.	2022 йил июнь	Адлия вазирлиги
21.	Жисмоний ва юридик шахсларни муҳандислик коммуникация тармоқларига улашда уларга бир вақтнинг ўзида абонентнинг шахсий рақамини тақдим этишни йўлга қўйиш.	Норматив-ҳуқуқий ҳужжат лойиҳаси	Янги уланган истеъмолчиларга қулайлик яратиш ва ортиқча бюрократик тўсиқларнинг олдини олиш.	2022 йил июнь	Адлия вазирлиги
22.	Жисмоний ва юридик шахсларни муҳандислик тармоқларига улашда хизмат натижаси бўлган ҳужжатларни (техник шартлар, таъминот шартномаси кабилар) ҳамда лойиҳа-смета ҳужжатларини келишишда санитария-эпидемиология ва ёнғинга қарши назорат хизматлари ҳамда экология ва атроф-муҳитни муҳофаза қилиш органлари томонидан бериладиган хулосаларни QR-код қўйган ҳолда расмийлаштиришни йўлга қўйиш.	Норматив-ҳуқуқий ҳужжат лойиҳаси	Давлат хизматларини кўрсатишда ягона ёндашув бўлишига эришиш ҳамда ариза берувчиларнинг ортиқча оворагарчиликларининг олдини олиш.	2022 йил июнь	Адлия вазирлиги
23.	Ногиронлиги бўлган 18 ёшгача болаларга ва одамнинг иммунитет танқислиги вирусини келтириб чиқарадиган касалликка (ОИВ инфекциясига) чалинган 18 ёшгача бўлган шахсларга ҳамда 18 ёшдан катта болаликдан ногиронлиги бўлган шахсларга нафақани тайинлаш бўйича давлат хизматларининг композит тартибда кўрсатилишини жорий этиш.	Норматив-ҳуқуқий ҳужжат лойиҳаси	Давлат хизматларидан фойдаланишда қулай ва ортиқча бюрократиядан ҳоли бўлган тизим яратиш ҳамда фойдаланувчилар вақтини тежаш.	2022 йил сентябрь	Адлия вазирлиги
24.	Кўчмас мулк ҳамда манзилга рўйхатга қўйиш давлат хизматларини композит тартибда кўрсатиш тартибини жорий этиш. Бунда, кўчмас мулк объектига бўлган ҳуқуқларни давлат рўйхатидан ўтказиш ва ушбу манзилга мулкдорларни рўйхатга қўйиш давлат хизматларини бир вақтда кўрсатишни йўлга қўйиш.	Норматив-ҳуқуқий ҳужжат лойиҳаси	Аҳолининг бир-бирига боғлиқ бўлган хизматлардан фойдаланишда давлат идораларига алоҳида-алоҳида мурожаат қилиши олдини олиш ҳамда ортиқча сарф-харажатларни тежаш.	2022 йил сентябрь	Адлия вазирлиги
4. Интеллектуал мулк соҳасида давлат сиёсатини амалга ошириш
25.	«Advice for business» махсус интерфаол юридик порталида интеллектуал мулк объектларини давлат рўйхатидан ўтказиш, улардан фойдаланиш ҳамда интеллектуал мулкка бўлган ҳуқуқларни ҳимоя қилиш тўғрисида маълумот берувчи алоҳида бўлим яратиш.	Ташкилий-техник тадбирлар	Тадбиркорлар томонидан иш фаолиятини қонуний йўлга қўйишга кўмаклашиш ҳамда улар томонидан интеллектуал мулк соҳасида содир этилаётган қонунбузилишлар сонини камайтириш.	2022 йил ноябрь	Адлия вазирлиги
26.	Контрафакт маҳсулотлар бўйича ахборотлар базасини яратиш ва кенг омма эътиборига тақдим этиш ҳамда маълумотлар алмашинувини таъминлаб туриш.	Ташкилий-техник тадбирлар	Аҳолининг контрафакт маҳсулотлар бўйича хабардорлик даражаси ошириш ҳамда ҳуқуқ эгаларининг ҳуқуқлари бузилиши олдини олиш.	2022 — 2026 йиллар	Адлия вазирлиги, манфаатдор вазирлик ва идоралар
27.	«IP-Protection» ахборот порталида белгиланган тартибда рўйхатдан ўтказилган патент вакилларининг ягона электрон реестрини шакллантириш.	Ташкилий-техник чора-тадбирлар	Жисмоний ва юридик шахсларга интеллектуал мулк объектларини рўйхатдан ўтказиш ва уларни ҳуқуқий ҳимоя қилиш бўйича патент вакиллари хизматларидан кенгроқ фойдаланиш имкониятини яратиш.	2022 йил декабрь	Адлия вазирлиги, Ахборот технологиялари вазирлиги
28.	Аҳоли ва тадбиркорлик субъектларининг интеллектуал мулк соҳасидаги халқаро ҳужжатларнинг нормалари ва қоидаларидан хабардорлигини ошириш ҳамда маҳаллий интеллектуал мулк объектларининг халқаро рўйхатдан ўтказилишини янада жонлантириш мақсадида танлов асосида соҳа бўйича халқаро ҳужжатларнинг ўзбек тилидаги таржимасини тайёрлаш.	Ташкилий чора-тадбирлар	Интеллектуал мулк объектларини хорижда рўйхатдан ўтказиш кўрсаткичлари ортишига ҳамда аҳоли, шу жумладан тадбиркорлик субъектларининг соҳа бўйича ҳуқуқий саводхонлигини ошириш.	2022 йил декабрь	Адлия вазирлиги
5. Ҳуқуқий маърифат ва ҳуқуқий ахборотни тарқатиш бўйича изчил манзилли ишларни ташкил этиш
29.	Қонунчилик маълумотлари миллий базасидан (Lex.uz) фойдаланишда жисмоний имконияти чекланган шахсларга қулайликлар яратиш, жумладан овозли қидирув модулини жорий қилиш.	Ташкилий-техник тадбирлар	Имконияти чекланган шахсларнинг тизимдан фойдаланиш имкониятини ошириш ҳамда миллий базадаги катта ҳажмдаги маълумотларни қулай ҳамда тез топиш имконини яратиш.	2022 йил декабрь	Адлия вазирлиги
30.	Миллий ҳуқуқий интернет портали (huquqiyportal.uz)ни ҳуқуқ билан боғлиқ ахборот ва таълим ресурслари билан интеграция қилиш орқали уни ҳуқуқий хамда суд-ҳуқуқ масалалари бўйича аҳоли учун қизиқарли бўлган маълумотлар билан бойитиш ва порталдаги маълумотлар қамровини кенгайтириш.	Ташкилий-техник тадбирлар	Ягона платформа орқали ҳуқуқий ахборотларни олиш шакллари ва соҳаларини кенгайтириш.	2022 йил декабрь	Адлия вазирлиги
31.	Ўзбекистон Республикасининг фуқаролик, маъмурий, жиноят ва иқтисодий ишлар бўйича судлари қарорларини умумлаштириб, тоифа (классификатор)лар бўйича Қонунчилик маълумотлари миллий базасига босқичма-босқич киритиш.	Ташкилий-техник тадбирлар	Кенг жамоатчилик учун Ўзбекистон Республикасининг фуқаролик, маъмурий, жиноят ва иқтисодий ишлар бўйича судлари томонидан қабул қилинган 1,7 млн. дан ортиқ суд қарорлари билан ягона платформа орқали танишиш имкониятини яратиш.	2023 йил декабрь	Адлия вазирлиги, Олий суд
6. Ҳуқуқий хизмат кўрсатиш тизимининг самарали ишлаши ҳамда фуқаролар ҳуқуқлари ҳимоя қилинишини таъминлаш
32.	«Нотариус» автоматлаштирилган ахборот тизими ва Агросаноат мажмуи устидан назорат қилиш инспекциясининг электрон базасини ўзаро интеграция қилиш.	Ташкилий-техник тадбирлар	Нотариал хизматдан фойдаланувчиларга қулай шароитлар яратиш ҳамда мазкур хизматлардан фойдаланишда ортиқча тартиб-таомилларни қисқартириш.	2022 йил июнь	Адлия вазирлиги, Агросаноат мажмуи устидан назорат қилиш инспекцияси
33.	Адвокатлик фаолияти билан шуғулланиш ҳуқуқини берувчи лицензия ҳамда адвокатлик тузилмасини рўйхатдан ўтказиш хизматларининг композит тартибда кўрсатилишини жорий этиш.	Норматив-ҳуқуқий ҳужжат лойиҳаси	Адвокатлик фаолияти билан шуғулланиш бўйича рухсат беришга оид ҳужжатларни олишда қулай ва ортиқча бюрократиядан ҳоли бўлган тизим яратиш.	2022 йил ноябрь	Адлия вазирлиги
34.	Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари ҳузуридаги идоравий нотариал архивлар фаолиятини такомиллаштириш. Бунда, идоравий нотариал архивлар томонидан хусусий амалиёт билан шуғулланувчи нотариусларнинг архивга топширган нотариал ҳаракатларидан дубликатлар бериш, Ўзбекистон Республикасининг консуллик муассасалари консуллари томонидан тасдиқланган васиятномаларни қабул қилиш, «Нотариус» автоматлаштирилган ахборот тизими орқали собиқ нотариуслар томонидан мол-мулкка қўйилган тақиқларни бекор қилиш имкониятини назарда тутиш.	Норматив-ҳуқуқий ҳужжат лойиҳаси	Идоравий нотариал архивлар хизмат кўрсатиш доирасини ошириш орқали ортиқча оворагарчиликларнинг олдини олиш.	2022 йил декабрь	Адлия вазирлиги
35.	Ўзбекистон Республикасида фаолият кўрсатиб келаётган адвокатлар рейтингини акс эттирувчи «Adlex» платформасини яратиш.	Ташкилий-техник тадбирлар	Адвокатлар рейтингини жорий қилиш орқали улар орасида соғлом рақобат муҳити юзага келишига ҳамда аҳоли томонидан малакали ва билимли адвокатни танлаб олишга имкон яратиш.	2022 йил декабрь	Адвокатлар палатаси
7. Юридик кадрларни тайёрлаш, қайта тайёрлаш ва уларнинг малакасини оширишни ташкил этиш тизимини такомиллаштириш
36.	Тошкент давлат юридик университети ходимлари ва профессор-ўқитувчиларини малака ошириш ва стажировка ўташ учун нуфузли хорижий олий таълим ва илмий тадқиқот муассасалари, шунингдек халқаро ташкилотларга юбориш.	Комплекс чора-тадбирлар	Тошкент давлат юридик университети тизимида юридик таълим сифатини ошириш ва таълим тизимига инновацион янгиликларни киритиш.	2022 йил давомида	Адлия вазирлиги
37.	Юристлар малакасини ошириш маркази фаолиятини тартибга солувчи қонунчилик ҳужжатларини бирлаштириш, жумладан, юридик кадрларни тайёрлаш, қайта тайёрлаш ва уларнинг малакасини оширишнинг замонавий тизимини яратиш.	Норматив-ҳуқуқий ҳужжат лойиҳаси	Юрист-кадрларни халқаро стандартлар бўйича тайёрлаш тизимини янада такомиллаштириш.	2022 йил декабрь	Адлия вазирлиги
38.	Таълим тизимининг сифатини ошириш мақсадида: юридик адабиётлар рўйхатини шакллантириш; шакллантирилган рўйхат асосида юридик адабиётларни тайёрлаш ва тўплаш; «Yuridik kutubxona» электрон тизимини жорий қилиш.	Комплекс чора-тадбирлар	Хорижий олимларни жалб етган ҳолда янги авлод дарсликларини яратиш. Бунда дарсликни ёзишда мавзуларни ўзлаштириш осон бўлиши учун янгича усул, жумладан замонавий ахборот-технологиялари имкониятлари ва QR-кодлардан фойдаланиш.	2022 йил декабрь	Адлия вазирлиги
39.	Адлия вазирлиги тизимидаги барча ахборот тизимлари ва маълумотлар базасини ягона платформада шакллантириш учун «virtual adliya» автоматлаштирилган ахборот тизимини адлия органлари ва муассасаларига жорий қилиш.	Ташкилий-техник тадбирлар	Иш фаолиятини янада қулай шаклда ташкил қилиш, ортиқча тартиблар ва жараёнларни бекор қилиш, ходимлар вақтини тежаш орқали самарадорлик кўрсаткичларини ошириш.	2022 йил июнь	Адлия вазирлиги
8. Суд экспертизаси сифатини изчил яхшилаш
40.	Якка тартибда нодавлат суд-экспертлик фаолияти билан шуғулланувчи хусусий экспертлар институтини жорий этиш.	Норматив-ҳуқуқий ҳужжат лойиҳаси	Суд-экспертлик фаолиятининг муқобил шаклларини жорий этиш орқали соҳада рақобат ва холисликни ҳамда экспертларнинг мустақиллигини таъминлаш.	2023 йил май	Адлия вазирлиги
41.	Суд экспертларининг фаолиятини уларнинг касбий лаёқатлилиги, ўтказилган суд экспертизаларининг сифати ва бошқа мезонларга асосан рейтинг тизимида баҳолаш тартибини жорий қилиш.	Норматив-ҳуқуқий ҳужжат лойиҳаси	Экспертлар рейтинги асосида рағбатлантириш орқали суд экспертиза жараёнида шахсларнинг бузилган ҳуқуқларини малакали тарзда тиклашга кўмаклашиш.	2023 йил сентябрь	Адлия вазирлиги
42.	Ўзбекистон Республикаси суд-экспертиза муассасалари ва ташкилотлари томонидан хорижий ташкилот ва чет эл фуқароларига суд-экспертиза имкониятларидан кенг фойдаланиш учун шароит яратиш мақсадида уларга хизмат кўрсатиш тизимини жорий қилиш.	Норматив-ҳуқуқий ҳужжат лойиҳаси	Суд-экспертлик фаолиятини ривожлантириш, қўшимча хизмат турларини жорий қилиш.	2023 йил сентябрь	Адлия вазирлиги
43.	Криминалистика амалиётида шахс идентификацияси ва диагностикаси масалаларини ҳал этишга қаратилган кўп тармоқли электрон дастурий таъминот яратиш.	Ташкилий-техник тадбирлар	Лаборатория генетик маълумотлар базаси негизида қўшимча идентификация ва диагностика имкониятларини яратиш.	2022-2023 йиллар	Адлия вазирлиги

(1-илова Ўзбекистон Республикаси Президентининг 2024 йил 24 майдаги ПФ-80-сонли Фармони таҳририда — Қонунчилик маълумотлари миллий базаси, 25.05.2024 й., 06/24/80/0364-сон)

Ўзбекистон Республикаси Президентининг 2022 йил 17 мартдаги ПФ-89-сон Фармонига
2-ИЛОВА

Ўзбекистон Республикаси Президенти ва Ҳукуматининг айрим ҳужжатларига киритиладиган ўзгартириш ва қўшимчалар

1. Ўзбекистон Республикаси Президентининг 2015 йил 15 майдаги «Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш; уларни жадал ривожлантириш йўлидаги тўсиқларни бартараф этиш чора-тадбирлари тўғрисида»ги ПФ-4725-сон Фармони 8-бандининг учинчи хатбошисидаги «Адлия вазирлиги ҳузуридаги Давлат хизматлари агентлигининг бюджетдан ташқари жамғармаси» сўзлари «Адлия вазирлигининг Давлат хизматларини ривожлантириш жамғармаси» сўзлари билан алмаштирилсин.

2. Ўзбекистон Республикаси Президентининг 2018 йил 13 апрелдаги «Давлат ҳуқуқий сиёсатини амалга оширишда адлия органлари ва муассасалари фаолиятини тубдан такомиллаштириш чора-тадбирлари тўғрисида»ги ПФ-5415-сон Фармонининг 3-бандида:

а) тўққизинчи хатбошидан «белгилансин» сўзи чиқариб ташлансин;

б) қуйидаги мазмундаги ўнинчи хатбоши билан тўлдирилсин:

«давлат хизматлари марказлари ва уларнинг филиаллари, ФҲДЁ органлари ҳамда юридик хизмат кўрсатиш марказлари фаолияти устидан умумий раҳбарлик ва назоратни амалга ошириш белгилансин».

3. Ўзбекистон Республикаси Президентининг 2019 йил 17 январдаги «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид давлат дастури тўғрисида»ги ПФ-5635-сон Фармонига 3-иловада:

а) 1.1 ва 2.1-позицияларнинг «Масъул давлат органлари» устунидан «Интеллектуал мулк агентлиги (Т. Абдусатторов)» сўзлари чиқариб ташлансин;

б) 11.1.3-позициянинг «Масъул давлат органлари» устунидаги «Давлат хизматлари агентлиги (У. Мухаммадиев)» сўзлари «Адлия вазирлиги (Р. Давлетов)» сўзлари билан алмаштирилсин.

4. Ўзбекистон Республикаси Президентининг 2019 йил 7 июндаги «Тадбиркорлик субъектларини тугатиш тартиб-таомилларини соддалаштириш чора-тадбирлари тўғрисида»ги ПФ-5739-сон Фармонининг 3-банди иккинчи хатбошисидан «ҳузуридаги Давлат хизматлари агентлиги» сўзлари чиқариб ташлансин.

5. Ўзбекистон Республикаси Президентининг 2020 йил 12 майдаги ПФ-5992-сон Фармони билан тасдиқланган 2020 — 2025 йилларга мўлжалланган Ўзбекистон Республикасининг банк тизимини ислоҳ қилиш стратегиясининг «IV. Халқаро рейтингларда Ўзбекистон банк тизимининг мавқеини ошириш» бўлими 3-бандидаги «Ер ресурслари, геодезия, картография ва давлат кадастри давлат қўмитаси, Мажбурий ижро бюроси, Давлат хизматлари агентлиги» сўзлари «Кадастр агентлиги, Мажбурий ижро бюроси, Адлия вазирлиги» сўзлари билан алмаштирилсин.

6. Ўзбекистон Республикаси Президентининг 2020 йил 2 июндаги «Ўзбекистон Республикасининг халқаро рейтинг ва индекслардаги ўрнини яхшилаш ҳамда давлат органлари ва ташкилотларида улар билан тизимли ишлашнинг янги механизмини жорий қилиш тўғрисида»ги ПФ-6003-сон Фармонида:

а) 3-илованинг 4.1.3-позицияси «Масъул давлат органлари» устунидаги «Давлат хизматлари агентлиги (У. Мухаммадиев)» сўзлари «Адлия вазирлиги (Р. Давлетов)» сўзлари билан алмаштирилсин;

б) 5-илованинг 3-банди «б» кичик банди ўз кучини йўқотган деб ҳисоблансин.

7. Ўзбекистон Республикаси Президентининг 2020 йил 6 июлдаги ПФ-6019-сон Фармони билан тасдиқланган 2020 — 2024 йилларда товар ва молия бозорларида рақобатни ривожлантириш стратегиясининг 3-боби 3.7.-бандидаги «Интеллектуал мулк агентлиги» сўзлари «Адлия вазирлиги» сўзлари билан алмаштирилсин.

8. Ўзбекистон Республикаси Президентининг 2020 йил 24 августдаги «Лицензиялаш ва рухсат бериш тартиб-таомилларини тубдан такомиллаштириш чора-тадбирлари тўғрисида»ги ПФ-6044-сон Фармонида:

а) 12-банддаги «Давлат хизматлари агентлиги» сўзлари «Адлия вазирлиги» сўзлари билан алмаштирилсин;

б) 13-банднинг биринчи хатбошисидаги «Давлат хизматлари агентлигининг бюджетдан ташқари жамғармаси» сўзлари «Адлия вазирлигининг Давлат хизматларини ривожлантириш жамғармаси» сўзлари билан алмаштирилсин;

в) 17-банднинг «в» кичик банди учинчи хатбошиси қуйидаги таҳрирда баён этилсин:

«Лицензия» ахборот тизимининг узлуксиз ишлашини таъминласин ҳамда Адлия вазирлиги томонидан «Лицензия» ахборот тизими фаолиятида нуқсон ва носозликлар аниқланганида, Вазирлик талабномасига асосан уларнинг уч кун ичида бартараф этиб борилишини таъминласин».

9. Ўзбекистон Республикаси Президентининг 2020 йил 5 октябрдаги «Рақамли Ўзбекистон-2030» стратегиясини тасдиқлаш ва уни самарали амалга ошириш чора-тадбирлари тўғрисида»ги ПФ-6079-сон Фармонида:

а) 22-илованинг 26-банди ўз кучини йўқотган деб ҳисоблансин;

б) 23-иловада:

3.2.-позициянинг «Ташкилотлар» устунидаги «Давлат хизматлари агентлиги» сўзлари «Адлия вазирлиги» сўзлари билан алмаштирилсин.

9.6.-позициянинг «Ташкилотлар» устунидаги «Интеллектуал мулк агентлиги» сўзлари «Адлия вазирлиги» сўзлари билан алмаштирилсин.

10. Ўзбекистон Республикаси Президентининг 2021 йил 5 июлдаги «Ўзбекистон Республикасида суд-экспертлик тизимини такомиллаштириш чора-тадбирлари тўғрисида»ги ПФ-6256-сон Фармонида:

а) 3-иловада:

иккинчи хатбоши қуйидаги таҳрирда баён этилсин:

«лавозимига кўра — адлия вазирининг биринчи ўринбосари, Кенгаш раиси ўринбосари»;

ўн иккинчи хатбоши қуйидаги таҳрирда баён этилсин:

«лавозимига кўра — Адлия вазирлиги Юридик таълим ва суд-экспертиза бошқармаси бошлиғи, Кенгаш котиби»;

б) 4-илованинг 7-позицияси «Масъул ташкилот ва муассаса номи» устунидаги «, Интеллектуал мулк агентлиги» сўзлари чиқариб ташлансин.

11. Ўзбекистон Республикаси Президентининг 2021 йил 24 июлдаги «Давлат хизматлари кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш чора-тадбирлари тўғрисида»ги ПФ-6269-сон Фармонида:

а) 1-банднинг «б» кичик банди иккинчи хатбошиси қуйидаги таҳрирда баён этилсин:

«ариза берувчига тўловлар Адлия вазирлигининг Давлат хизматларини ривожлантириш жамғармаси маблағлари ҳисобидан қайтарилади ва Адлия вазирлиги томонидан давлат хизматини кўрсатиш муддатини кечиктирган давлат органи ва ташкилотининг бюджетдан ташқари ва бошқа маблағлари ҳисобидан сўзсиз (акцептсиз) тартибда ундириб олинади»;

б) 12 ва 13-бандлар ўз кучини йўқотган деб ҳисоблансин;

в) 19-банддан «ҳамда Давлат хизматлари агентлиги директори У.И. Мухаммадиев» сўзлари чиқариб ташлансин;

г) 2-илованинг 48 ва 79-позициялари ҳамда 5-илованинг 14-позицияси чиқариб ташлансин;

д) 3-илованинг 1 ва 2-бандлари «Маълумотлар базасини рақамлаштириш ҳамда уларни беришга масъул органлар» устунидаги «Давлат хизматлари агентлиги» сўзлари «Адлия вазирлиги» сўзлари билан алмаштирилсин;

е) 5-илованинг 9-позицияси «вазирлик ва идоралардан» устунидаги «Давлат хизматлари агентлиги (У. Мухаммадиев)» сўзлари «Адлия вазирлиги (Р. Давлетов)» сўзлари билан алмаштирилсин;

ж) 6-иловада:

7-банд чиқариб ташлансин;

11-банддаги «Давлат хизматлари агентлиги директорининг биринчи ўринбосари» сўзлари «Давлат хизматлари департаменти бошлиғи» сўзлари билан алмаштирилсин;

з) 7-илованинг 7-банди ўз кучини йўқотган деб ҳисоблансин.

12. Ўзбекистон Республикаси Президентининг 2022 йил 28 январдаги ПФ-60-сон Фармони билан тасдиқланган 2022 — 2026 йилларга мўлжалланган Янги Ўзбекистоннинг тараққиёт стратегиясини «Инсон қадрини улуғлаш ва фаол маҳалла йили»да амалга оширишга оид давлат дастурида 2, 27, 31 ва 33-бандларнинг «Масъул ижрочилар» устунидаги «, Давлат хизматлари агентлиги (лавозим бўйича)» сўзлари чиқариб ташлансин.

13. Ўзбекистон Республикаси Президентининг 2011 йил 1 августдаги «Халқаро шартномани тасдиқлаш тўғрисида»ги ПҚ-1591-сон қарорининг 2-бандидан «ҳузуридаги Интеллектуал мулк агентлиги» сўзлари чиқариб ташлансин.

14. Ўзбекистон Республикаси Президентининг 2011 йил 25 ноябрдаги «Халқаро шартномани тасдиқлаш тўғрисида»ги ПҚ-1648-сон қарорининг 2-бандидан «ҳузуридаги Интеллектуал мулк агентлиги» сўзлари чиқариб ташлансин.

15. Ўзбекистон Республикаси Президентининг 2017 йил 19 январдаги ПҚ-2733-сон қарори билан тасдиқланган Давлат органлари ва ташкилотлари юридик хизмат ходимларининг мартаба даражалари тўғрисидаги низомда:

а) 3-бандда:

тўртинчи хатбошидаги «етакчи» сўзи «бош» сўзи билан алмаштирилсин;

олтинчи хатбоши чиқариб ташлансин;

еттинчи хатбоши олтинчи хатбоши деб ҳисоблансин;

б) 4-банднинг «б» кичик бандида:

тўртинчи хатбоши чиқариб ташлансин;

бешинчи хатбоши тўртинчи хатбоши деб ҳисоблансин;

в) 4¹-банднинг «в» кичик банди қуйидаги таҳрирда баён этилсин:

«в) Ўзбекистон Республикаси Вазирлар Маҳкамаси аппарати бошқарувчисининг тавсияномасига кўра Ўзбекистон Республикаси Вазирлар Маҳкамаси аппарати бошқарувчисининг Ҳуқуқий экспертиза масалалари бўйича ўринбосарига ва унинг аппарати бош мутахассисига ҳамда Ўзбекистон Республикаси Вазирлар Маҳкамасининг Ўзбекистон Республикаси Олий Мажлисидаги ваколатли вакили ва унинг аппарати мутахассисларига берилади».

16. Ўзбекистон Республикаси Президентининг 2017 йил 3 августдаги ПҚ-3170-сон қарори билан тасдиқланган Мансабдор шахсларнинг хорижий мамлакатларга хизмат сафарларини ташкил этиш тартиби тўғрисидаги низомда:

а) 13-банднинг иккинчи хатбошисидан «ёки унинг ўринбосарлари» сўзлари чиқариб ташлансин;

б) 2-илованинг III босқичи «Субъектлар» устунидан «ва унинг ўринбосарлари» сўзлари чиқариб ташлансин.

17. Ўзбекистон Республикаси Президентининг 2017 йил 23 августдаги «Судлар ва адлия органлари фаолиятини моддий-техник ва молиявий таъминлаш тартибини такомиллаштириш тўғрисида»ги ПҚ-3240-сон қарорининг 7-банди ўн тўртинчи хатбошиси қуйидаги таҳрирда баён қилинсин:

«адлия органлари ва муассасаларининг бошқарув ва ёрдамчи ходимлари таъминотига».

18. Ўзбекистон Республикаси Президентининг 2017 йил 1 ноябрдаги «Халқаро шартномани тасдиқлаш тўғрисида»ги ПҚ-3366-сон қарорининг 4-бандидан «ҳамда Интеллектуал мулк агентлиги бош директори А.Н. Файзуллаев» сўзлари чиқариб ташлансин.

19. Ўзбекистон Республикаси Президентининг «Ўзбекистон Республикаси Адлия вазирлиги ҳузуридаги Давлат хизматлари агентлиги фаолиятини ташкил этиш тўғрисида» 2017 йил 12 декабрдаги ПҚ-3430-сон қарорининг 4-бандида:

а) биринчи хатбошидаги «Агентлик фаолиятини» сўзлари «Адлия вазирлигининг Давлат хизматларини ривожлантириш жамғармасини» сўзлари билан алмаштирилсин;

б) иккинчи хатбоши чиқариб ташлансин.

20. Ўзбекистон Республикаси Президентининг 2018 йил 13 апрелдаги «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида»ги ПҚ-3666-сон қарорида:

а) 1-банд қуйидаги таҳрирда баён этилсин:

«1. Қуйидагилар Ўзбекистон Республикаси Адлия вазирлигининг асосий вазифалари этиб белгилансин:

ҳуқуқ ижодкорлиги соҳасида ягона давлат сиёсатини юритиш;

норматив-ҳуқуқий ҳужжатлар ва улар лойиҳаларининг тартибга солиш таъсирини баҳолаш ҳамда коррупцияга қарши экспертизадан ўтказиш фаолиятни мувофиқлаштириш;

ҳуқуқий ахборотни тарқатиш ва ундан фойдаланишни таъминлаш;

ҳуқуқий тарғиботни амалга ошириш ҳамда давлат органлари ва ташкилотларининг ҳуқуқий тарғибот соҳасидаги ишларини мувофиқлаштириш;

давлат бошқаруви органлари, хўжалик бирлашмалари, маҳаллий давлат ҳокимияти органлари фаолиятида ҳуқуқни қўллаш амалиётини изчил ва бир хилда таъминлаш бўйича чораларни амалга ошириш;

фуқароларнинг ҳуқуқлари, эркинликлари ва қонуний манфаатларини ҳуқуқий ҳимоя қилиш бўйича чораларни амалга ошириш;

қонунчилик ҳужжатлари ва топшириқларнинг ўз вақтида, тўлиқ ва сифатли амалга оширилишини таъминлаш юзасидан, шу жумладан Ҳисоб палатаси билан биргаликда соҳалар, ҳудудлар ва идоралар кесимида манзилли ва тематик таҳлилий ўрганишларни олиб бориш ва жойлардаги ҳолат мониторингини юритиш;

давлат бошқаруви тизимининг самарадорлигини илғор хорижий тажриба ва замонавий ривожланиш тенденциялари асосида таҳлил ва мониторинг қилиш;

давлат органлари ва ташкилотларининг юридик хизматлари фаолиятини мувофиқлаштириш, назорат қилиш ва услубий кўмаклашиш, шунингдек, қонунчилик ҳужжатларида белгиланган давлат органлари ва ташкилотларига юридик хизмат кўрсатилишини таъминлаш;

нотариат, адвокатура ҳамда жисмоний ва юридик шахсларга ҳуқуқий хизмат кўрсатувчи бошқа тузилмаларнинг самарали фаолият кўрсатишини таъминлаш;

жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича чораларни ишлаб чиқиш ва амалга оширишда иштирок этиш;

нодавлат нотижорат ташкилотларнинг фаолиятини ривожлантириш соҳасида давлат сиёсатини амалга ошириш, уларнинг давлат органлари ва ташкилотлари билан ўзаро ҳамкорлигини ташкил қилишга кўмаклашиш;

маъмурий тартиб-таомиллар соҳасида ягона давлат сиёсатини амалга ошириш;

жисмоний ва юридик шахсларга давлат хизматлари кўрсатиш соҳасида ягона давлат сиёсатини амалга ошириш;

ортиқча маъмурий тартиб-таомилларни бартараф этиш ҳисобига давлат хизматлари кўрсатиш тартибини такомиллаштириш, шунингдек, идоралараро электрон ҳамкорликни ривожлантириш;

ихтиролар, фойдали моделлар, саноат намуналари, товар белгилари ва бошқа интеллектуал мулк объектларини ҳуқуқий муҳофаза қилиш;

юридик кадрларни тайёрлаш, қайта тайёрлаш ва малакасини оширишни ташкил этиш, юриспруденция соҳасидаги фундаментал ва амалий тадқиқотларни амалга оширишни таъминлаш;

суд-экспертлик фаолиятини ривожлантиришнинг устувор йўналишларини ишлаб чиқиш, суд экспертларини тайёрлаш ва малакасини ошириш ишларини мувофиқлаштириш;

сиёсий-ҳуқуқий соҳага оид халқаро рейтинг ва индексларда Ўзбекистон Республикасининг ўрнини яхшилаш бўйича тизимли ва изчил чоралар кўриш;

халқаро-ҳуқуқий ҳамкорликни йўлга қўйиш ва мустаҳкамлаш, халқаро шартномаларни ҳуқуқий экспертизадан ўтказиш;

халқаро ва хорижий ташкилотларда Ўзбекистон Республикаси манфаатларининг ҳуқуқий ҳимоясини таъминлаш, халқаро ҳамжамият, хорижий инвесторларни миллий ҳуқуқ тизими ва амалга оширилаётган ҳуқуқий ислоҳотлар ҳақида ўз вақтида хабардор қилиш»;

б) 2-банднинг «а» кичик банди ўз кучини йўқотган деб ҳисоблансин;

в) 3-бандда:

тўртинчи хатбошидан «Ўзбекистон Республикаси Давлат бюджетидан молиялаштириладиган бошқарув ходимларининг чекланган умумий сони 210 нафардан иборат бўлган» сўзлари чиқариб ташлансин;

тўққизинчи — ўн иккинчи хатбошилар чиқариб ташлансин;

г) 4-банднинг иккинчи хатбошисидаги «барча норматив-ҳуқуқий ҳужжатлар лойиҳалари» сўзлари «муҳим иқтисодий ва ижтимоий-сиёсий аҳамиятга эга норматив-ҳуқуқий ҳужжатлар лойиҳалари, қоида тариқасида,» сўзлари билан алмаштирилсин;

Олдинги таҳрирга қаранг.

д) 1-илова қуйидаги таҳрирда баён этилсин:

(20-банд «д» кичик бандининг биринчи хатбошиси Ўзбекистон Республикаси Президентининг 2024 йил 24 майдаги ПФ-80-сонли Фармони таҳририда — Қонунчилик маълумотлари миллий базаси, 25.05.2024 й., 06/24/80/0364-сон)

«Ўзбекистон Республикаси Президентининг 2018 йил 13 апрелдаги ПҚ-3666-сон қарорига
1-ИЛОВА

Ўзбекистон Республикаси Адлия вазирлиги тўғрисида
НИЗОМ

1-боб. Умумий қоидалар

1. Мазкур Низом Ўзбекистон Республикаси Адлия вазирлигининг (кейинги ўринларда — Вазирлик) мақоми, асосий вазифалари, функциялари, ҳуқуқлари, жавобгарлигини, фаолиятини ташкил этиш ва ҳисобот бериш тартибини белгилайди.

2. Вазирлик адлия органлари ва муассасалари фаолиятига умумий раҳбарлик қилувчи ва уни мувофиқлаштирувчи давлат бошқаруви органи ҳисобланади.

Вазирлик Ўзбекистон Республикаси Вазирлар Маҳкамасига (кейинги ўринларда — Вазирлар Маҳкамаси), фаолиятининг айрим масалалари бўйича эса бевосита Ўзбекистон Республикаси Президентига бўйсунади.

Вазирлик марказий аппарати, Қорақалпоғистон Республикаси Адлия вазирлиги, ҳудудий адлия бошқармалари, туманлар (шаҳарлар) адлия бўлимлари ҳуқуқни муҳофаза қилувчи органлар ҳисобланади.

3. Вазирлик ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, ушбу Низомга ва бошқа қонунчилик ҳужжатларига амал қилади.

4. Вазирликнинг ўз ваколатлари доирасида қабул қилган қарорлари давлат бошқаруви органлари, хўжалик бирлашмалари, маҳаллий ижро этувчи ҳокимият органлари, бошқа ташкилотлар ва уларнинг мансабдор шахслари, шунингдек юридик ва жисмоний шахслар томонидан бажарилиши мажбурий ҳисобланади.

5. Вазирлик, Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари юридик шахс ҳисобланади, Ўзбекистон Республикаси Давлат герби тасвири туширилган муҳрга ва бланкаларга, мустақил балансга, шахсий ғазна ҳисобварақларига, банк ҳисобварақларига, шу жумладан, чет эл валютасидаги банк ҳисобварақларига эгадирлар.

Туман (шаҳар) адлия бўлимлари, юридик хизмат кўрсатиш марказлари, давлат хизматлари марказлари ва фуқаролик ҳолати далолатномаларини ёзиш органлари (кейинги ўринларда — ФҲДЁ органлари) юридик шахс ҳисобланмайди, мол-мулкка, хўжалик юритувида ёки оператив бошқарувда алоҳида мол-мулкка эга бўлмайди. ФҲДЁ органлари Ўзбекистон Республикаси Давлат герби тасвири туширилган муҳр ва бланкаларга эга бўладилар.

6. Вазирликнинг расмий номи:

а) давлат тилида:

тўлиқ номи — Ўзбекистон Республикаси Адлия вазирлиги, қисқартирилган номи — Адлия вазирлиги;

б) рус тилида:

тўлиқ номи — Министерство юстиции Республики Узбекистан, қисқартирилган номи — Министерство юстиции ёки Минюст;

в) инглиз тилида:

тўлиқ номи — Ministry of Justice of the Republic of Uzbekistan, қисқартирилган номи — Ministry of Justice ёки Minjust.

7. Вазирликнинг жойлашган жойи (почта манзили): Тошкент шаҳри, Сайилгоҳ кўчаси, 5-уй.

2-боб. Вазирлик тузилмаси

8. Вазирлик тизимига қуйидагилар киради:

Вазирлик марказий аппарати;

Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари, туманлар (шаҳарлар) адлия бўлимлари, юридик хизмат кўрсатиш марказлари, давлат хизматлари марказлари ва ФХДЁ органлари;

Ҳуқуқий сиёсат тадқиқот институти;

Х. Сулаймонова номидаги Республика суд экспертиза маркази;

«Адолат» миллий ҳуқуқий ахборот маркази» давлат муассасаси;

«Адлия органлари ва муассасаларида ахборот-коммуникация технологияларини ривожлантириш маркази» давлат муассасаси;

«Давлат хизматларини ривожлантириш маркази» давлат муассасаси;

«Интеллектуал мулк маркази» давлат муассасаси;

давлат нотариал идоралари ва архивлари;

Юристлар малакасини ошириш маркази;

Тошкент давлат юридик университети;

юридик техникумлар;

Академик лицей.

Адлия органлари ва муассасалари маҳаллий давлат ҳокимияти органларидан мустақилдир ва бевосита Вазирликка бўйсунадилар.

3-боб. Вазирликнинг вазифалари ва функциялари

9. Қуйидагилар Вазирликнинг асосий вазифалари ҳисобланади:

ҳуқуқ ижодкорлиги соҳасида ягона давлат сиёсатини юритиш;

ҳуқуқий ахборотни тарқатиш ва ундан фойдаланишни таъминлаш;

маъмурий тартиб-таомиллар соҳасида ягона давлат сиёсатини амалга ошириш;

жисмоний ва юридик шахсларга давлат хизматлари кўрсатиш соҳасида ягона давлат сиёсатини амалга ошириш;

10. Вазирлик ўзига юкланган вазифаларга мувофиқ қуйидаги функцияларни амалга оширади:

1) ҳуқуқ ижодкорлиги соҳасида ягона давлат сиёсатини юритиш соҳасида:

конституциявий нормаларни амалга ошириш, инсон ҳуқуқлари ва эркинликларини таъминлаш, жамиятда қонунга риоя этиш ва ҳурмат руҳини мустаҳкамлаш мақсадида ҳуқуқий сиёсатнинг устувор йўналишларини ишлаб чиқади;

давлат органлари ва ташкилотларининг ҳуқуқ ижодкорлиги масалалари бўйича фаолиятини мувофиқлаштиради ва услубий раҳбарликни амалга оширади;

давлат органлари ва ташкилотлари ҳуқуқ ижодкорлиги фаолиятининг мониторинги ва таҳлилини амалга оширади;

норматив-ҳуқуқий ҳужжатлар лойиҳаларини қонунчиликка, халқаро шартномалар нормаларига, мамлакатда амалга оширилаётган ислоҳотларнинг мақсад ва вазифаларига, қонунчилик техникаси қоидаларига мувофиқлиги, уларда коррупцияга, бошқа ҳуқуқбузарликларни содир этишга шарт-шароит яратувчи, шунингдек жисмоний ва юридик шахслар учун ортиқча маъмурий ва бошқа чекловларни жорий этувчи қоидалар ва нормалар мавжудлигини аниқлаш ҳамда техник жиҳатдан тартибга солиш соҳасидаги норматив ҳужжатларнинг қонунчиликка мувофиқлигини, уларда ҳуқуқий нормалар мавжудлигини аниқлаш нуқтаи назаридан ҳуқуқий экспертизадан ўтказади;

норматив-ҳуқуқий ҳужжатларни амалиётда қўллашдаги коррупциявий хавфларни таҳлил қилади, шунингдек норматив-ҳуқуқий ҳужжатлар ва уларнинг лойиҳаларидаги коррупцияга сабаб бўладиган нормаларни аниқлайди, уларни бартараф этишга қаратилган чоралар кўради ва тавсиялар ишлаб чиқади;

қонунчилик ҳужжатларидаги ҳуқуқий нуқсонларни, ҳуқуқбузарликларни содир этишга шарт-шароит яратувчи, шунингдек жисмоний ва юридик шахслар учун ортиқча маъмурий ва бошқа чекловларни жорий этувчи қоидалар ва нормаларни аниқлайди ва уларни бартараф этиш бўйича таклифлар тайёрлайди;

қонуности ҳужжатларига расмий шарҳларнинг лойиҳаларини тайёрлайди ва уларни Ўзбекистон Республикаси Президенти ва Вазирлар Маҳкамасига кўриб чиқиш учун киритади;

Ўзбекистон Республикаси Президенти ва Вазирлар Маҳкамасининг топшириқларига асосан норматив-ҳуқуқий ҳужжатлар расмий шарҳларининг лойиҳалари бўйича хулосалар беради;

идоравий норматив-ҳуқуқий ҳужжатларни давлат рўйхатидан ўтказади;

идоравий норматив-ҳуқуқий ҳужжатларнинг давлат реестрини юритади;

вазирликлар, давлат қўмиталари ва идораларнинг ҳуқуқий ҳужжатларини давлат рўйхатидан ўтказилиши лозим бўлмаган ҳужжатлар тоифасига киритиш ҳақида қарорлар қабул қилади;

идоравий норматив-ҳуқуқий ҳужжатларни қабул қилиш, давлат рўйхатидан ўтказиш ва манфаатдор шахслар эътиборига етказишнинг белгиланган тартибига риоя қилиниши устидан назоратни амалга оширади;

Ҳукумат баённома қарорлари ҳисобини юритади;

маҳаллий давлат ҳокимияти органларининг норматив-ҳуқуқий ҳужжатларини ҳуқуқий экспертизадан ўтказиш, қабул қилиш, эълон қилиш ва манфаатдор шахслар эътиборига етказишнинг белгиланган тартибига риоя қилиниши устидан назоратни амалга оширади;

давлат органлари ва ташкилотлари томонидан норматив-ҳуқуқий ҳужжатларнинг туркумлаштирилган ҳисобини юритиш тартибини тасдиқлайди, унга риоя қилиш устидан назоратни амалга оширади;

Ўзбекистон Республикаси норматив-ҳуқуқий ҳужжатларининг давлат ҳисобини ва қонунчилик ҳужжатларини тизимлаштириш бўйича ишларни амалга оширади;

Ўзбекистон Республикаси норматив-ҳуқуқий ҳужжатларининг назорат нусхаларини юритади, уларнинг банкини (фондини) шакллантиради;

давлат органлари ва ташкилотларининг норматив-ҳуқуқий ҳужжатлари лойиҳаларини тайёрлаш, юридик-техник жиҳатдан расмийлаштириш ва ҳуқуқий экспертизадан ўтказиш бўйича услубий кўрсатмаларни тасдиқлайди;

норматив-ҳуқуқий ҳужжатлар ва улар лойиҳаларининг коррупцияга қарши экспертизасини ўтказиш тартибини белгилайди;

идоравий норматив-ҳуқуқий ҳужжатларни тайёрлаш ва қабул қилиш қоидаларини тасдиқлайди;

Қонунчилик тармоқлари умумҳуқуқий классификаторини тасдиқлайди, норматив-ҳуқуқий ҳужжатларга классификатор асосида кодлар беради;

маҳаллий давлат ҳокимияти органларининг норматив-ҳуқуқий тусдаги қарорларини қонунчилик ҳужжатларига, мамлакатимизда амалга оширилаётган ислоҳотларнинг мақсад ва вазифаларига мувофиқлиги нуқтаи назаридан ҳуқуқий экспертизадан ўтказади;

2) норматив-ҳуқуқий ҳужжатлар ва улар лойиҳаларининг тартибга солиш таъсирини баҳолаш ҳамда коррупцияга қарши экспертизадан ўтказиш фаолиятни мувофиқлаштириш соҳасида:

давлат бошқаруви органлари, маҳаллий ижро этувчи ҳокимият органлари ва бошқа ташкилотларнинг норматив-ҳуқуқий ҳужжатлар ва улар лойиҳаларининг тартибга солиш таъсирини баҳолаш ҳамда коррупцияга қарши экспертизадан ўтказиш бўйича фаолиятини мувофиқлаштиради, таҳлил қилади ва мониторингини амалга оширади, шунингдек уларга услубий ёрдам кўрсатади;

норматив-ҳуқуқий ҳужжатлар ва улар лойиҳаларининг тартибга солиш таъсирини баҳолайди ҳамда уларни коррупцияга қарши экспертизадан ўтказади;

давлат бошқаруви органлари, маҳаллий ижро этувчи ҳокимият органлари ва бошқа ташкилотлардаги тартибга солиш таъсирини баҳолашга масъул бўлган ходимларнинг рўйхатини шакллантиради;

қонунчилик ҳужжатлари ва уларнинг лойиҳаларини коррупцияга қарши экспертизадан ўтказиш бўйича экспертлар реестрини юритади;

давлат бошқаруви органлари, маҳаллий ижро этувчи ҳокимият органлари ва бошқа ташкилотларнинг тартибга солиш таъсирини баҳолаш ҳамда коррупцияга қарши экспертизадан ўтказишга масъул бўлган ходимларининг малакасини ошириш бўйича таклифлар тайёрлайди;

давлат органлари ва ташкилотлари юридик хизмат ходимларининг норматив-ҳуқуқий ҳужжатлар ва уларнинг лойиҳаларини коррупцияга қарши экспертизадан ўтказиш фаолиятини баҳолайди;

норматив-ҳуқуқий ҳужжатлар ва улар лойиҳаларини тартибга солиш таъсирини баҳолаш ҳамда коррупцияга қарши экспертизадан ўтказиш соҳасидаги қоидабузарликларни бартараф этиш бўйича таъсир чораларини кўради;

тартибга солиш таъсирини баҳолаш ҳамда коррупцияга қарши экспертизадан ўтказиш тизимининг ҳолати бўйича ахборотни оммавий ахборот воситаларида эълон қилади ҳамда Ўзбекистон Республикаси Президенти Администрацияси ва Вазирлар Маҳкамасига киритади;

3) ҳуқуқий ахборотни тарқатиш ва ундан фойдаланишни таъминлаш соҳасида:

давлат органлари ва ташкилотларининг ҳуқуқий ахборотни тарқатиш ва ундан фойдаланишни таъминлаш соҳасидаги фаолиятини мувофиқлаштиради, услубий раҳбарликни ва назоратни амалга оширади;

норматив-ҳуқуқий ҳужжатлар ва тегишли ахборот-таҳлилий материалларнинг барча давлат органлари ва ташкилотларига ўз вақтида етказилишини таъминлайди;

ҳуқуқий ахборотни йиғиш, қайта ишлаш ва таҳлил қилишнинг дастурий-техник воситалари ва технологиялари жорий этилишини ташкил қилади;

Ўзбекистон Республикаси қонунчилик ҳужжатлари маълумотлари миллий базасини яратиш ва сақлашни ташкил қилади, юридик ва жисмоний шахсларнинг ундан фойдаланишини белгиланган тартибда таъминлайди;

норматив-ҳуқуқий ҳужжатларни, шу жумладан норматив-ҳуқуқий ҳужжатларни эълон қилишнинг расмий манбаи ҳисобланган «Ўзбекистон Республикаси қонун ҳужжатлари тўплами», шунингдек Ўзбекистон Республикаси Ташқи ишлар вазирлиги билан биргаликда «Ўзбекистон Республикаси халқаро шартномалари тўплами»нинг расмий нашр этилишини ташкил этади;

4) ҳуқуқий тарғиботни амалга ошириш ҳамда давлат органлари ва ташкилотларининг ҳуқуқий тарғибот соҳасидаги ишларини мувофиқлаштириш соҳасида:

ҳуқуқий тарғиботни амалга ошириш ҳамда аҳолига қонунчилик ҳужжатларининг моҳияти ва аҳамиятини етказишни ташкил қилади;

давлат органлари ва ташкилотларининг ҳуқуқий тарғибот соҳасидаги ишларини баҳолайди;

давлат органлари ва ташкилотлари томонидан ҳуқуқий тарғибот бўйича олиб борилган ишларни ўрганади;

давлат органлари ва ташкилотларининг ҳуқуқий ахборотдан кенг кўламда фойдаланишини таъминлайди, уларнинг фуқаролик жамияти институтлари ва оммавий ахборот воситалари билан самарали ҳамкорлик қилиш бўйича фаолиятини мувофиқлаштиради;

қонунчиликнинг моҳияти ва аҳамияти тўғрисида хабардор қилишнинг сифатини тубдан ошириш, ушбу фаолиятни ташкил қилишда принципиал янги ёндашувларни ишлаб чиқиш бўйича комплекс чора-тадбирларни амалга оширади;

қонунчиликнинг моҳияти ва аҳамияти тўғрисида хабардор қилишнинг сифатини тубдан яхшилаш мақсадида кенг жамоатчилик фикрини ўрганади ва таҳлил қилади;

қонунчилик ҳужжатлари ва топшириқлар мазмун-моҳиятини оддий ва халқчил тилда тушунтириш бўйича «Президент қарорлари — ҳаётда ва назоратда» рукни остида видеороликлар, инфографикалар ва бошқа кўргазмали материаллар тайёрлайди ҳамда уларни телевидение ва ижтимоий тармоқларда ёритиб боради;

Ўзбекистон Республикаси Олий Мажлисининг Сенатига ҳуқуқий тарғибот ҳолати ҳақида ҳар йили ахборот тақдим этади;

5) давлат бошқаруви органлари, хўжалик бирлашмалари, маҳаллий давлат ҳокимияти органлари фаолиятида ҳуқуқни қўллаш амалиётини изчил ва бир хилда таъминлаш бўйича чораларни амалга ошириш соҳасида:

давлат органлари ва ташкилотлари фаолиятида норматив-ҳуқуқий ҳужжатларни қўллаш амалиётини таҳлил қилади ва ўрганади;

қонунчилик ҳужжатлари ва ҳуқуқни қўллаш фаолияти самарадорлиги масалалари бўйича жамоатчилик фикрини ўрганишни ташкил қилади;

қонунчилик ҳужжатларини қўллаш амалиётини умумлаштиради ва тегишли соҳа фаолиятида давлат сиёсатининг амалга оширилиши ҳолатини таҳлил қилади, унинг асосида ҳуқуқни қўллаш фаолиятини такомиллаштириш бўйича чораларни ишлаб чиқади;

давлат бошқаруви органларининг ҳуқуқий мониторингни ўтказиш соҳасидаги фаолиятини мувофиқлаштиради;

давлат бошқаруви органлари томонидан ҳуқуқий мониторинг ўтказилишини таҳлил қилади ва улар томонидан ҳуқуқий мониторинг ўтказиш сифатини ошириш бўйича чоралар кўриш учун тавсиялар тайёрлайди;

ҳудудларнинг ҳуқуқ устуворлиги индексини аниқлашда иштирок этувчи масъул идора ва ташкилотлар фаолиятини мувофиқлаштиради ҳамда ҳудудларнинг ҳуқуқ устуворлиги индексини аниқлаш «Нuquq ustuvorligi» автоматлаштирилган ахборот тизими оператори вазифасини бажаради, индикаторлар бўйича кўрсаткичларни таҳлил қилади ва уларнинг сабабларини ўрганади;

кўчмас мулк объектини бузиб ташлаш тўғрисидаги қарор лойиҳасини кўриб чиқади ва хулоса беради;

давлат органлари ва бошқа ташкилотлар томонидан Тадбиркорлик ва шаҳарсозлик фаолиятини амалга ошириш учун ер участкаларини мулк ҳуқуқи ва ижара ҳуқуқи асосида электрон онлайн-аукцион орқали бериш тартиби тўғрисида низом талабларига сўзсиз риоя этилиши бўйича тизимли назорат ва мониторингни амалга оширади;

6) фуқароларнинг ҳуқуқлари, эркинликлари ва қонуний манфаатларини ҳуқуқий ҳимоя қилиш бўйича чораларни амалга ошириш соҳасида:

давлат органлари ва давлат иштирокидаги ташкилотлар томонидан инсон ҳуқуқлари соҳасидаги қонунчилик ҳужжатларига риоя этилиши устидан назоратни амалга оширади;

инсон ҳуқуқлари ва эркинликлари бузилиши мумкин бўлган ҳолатлар тўғрисида ахборот йиғиш ва халқаро шартномаларда акс эттирилган инсон ҳуқуқлари ва эркинликлари универсал стандарт принципларини ҳисобга олган ҳолда уни баҳолашни амалга оширади;

фуқароларнинг давлат органлари ва давлат иштирокидаги ташкилотларда бузилган ҳуқуқларини тиклаш бўйича чоралар кўради;

7) қонунчилик ҳужжатлари ва топшириқларнинг ўз вақтида, тўлиқ ва сифатли амалга оширилишини таъминлаш юзасидан, шу жумладан Ҳисоб палатаси билан биргаликда соҳалар, ҳудудлар ва идоралар кесимида манзилли ва тематик таҳлилий ўрганишларни олиб бориш ва жойлардаги ҳолат мониторингини юритиш соҳасида:

«ljro.gov.uz» тизимида қонунчилик ҳужжатлари ва топшириқлар ўз вақтида ижро этилиши устидан назорат олиб боради ва «ljro.gov.uz» тизимини юритади;

«ljro.gov.uz» тизимига назоратга олинадиган топшириқларни киритади, мазкур топшириқлардан келиб чиққан ҳолда масъул ижрочилар ва топшириқни бажариш муддатларини белгилайди, ижрочилар томонидан киритилган маълумотлар тўлиқлиги ва ҳаққонийлигини текширади, шунингдек, қонунчилик ҳужжатлари ва топшириқларда белгиланган ижро муддатларини узайтириш ҳақидаги таклифлар асослилигини ўрганади;

қонунчилик ҳужжатлари ва топшириқлар ижроси ҳолати тўғрисидаги маълумотни ҳар ойда Ўзбекистон Республикаси Президенти Администрацияси ва Вазирлар Маҳкамасига киритиб боради;

қонунчилик ҳужжатлари ва топшириқлар ижроси бўйича йиллик манзилли ва тематик таҳлилий ўрганишлар дастури лойиҳасини ишлаб чиқади ҳамда тасдиқлаш учун Ўзбекистон Республикаси Президенти Администрацияси раҳбарига киритади;

ахборот коммуникация технологиялари, шу жумладан, ижтимоий тармоқлар, мессенжерлар, «ljro.gov.uz» тизимининг мобиль иловаси ва бошқа қайта алоқа воситалари орқали жойлардаги қонунчилик ҳужжатлари ва топшириқлар ижроси ҳолатини тизимли мониторинг қилади;

фуқаролик жамияти институтлари, оммавий ахборот воситалари ва фуқароларни жалб қилган ҳолда жамоатчилик мониторинги ва эшитувларини ташкил қилади;

қонунчилик ҳужжатлари ва топшириқлар ижроси ҳолати юзасидан манзилли ва тематик ўрганишлар ўтказади ва уларнинг натижалари бўйича ҳар чоракда Ўзбекистон Республикаси Президенти Администрацияси ва Вазирлар Маҳкамасига таклифлар киритади;

давлат органлари ва ташкилотларининг очиқлик ҳолатини манзилли ва тематик ўрганишлар, жамоатчилик мониторинги ҳамда жамоатчилик эшитувлари, шунингдек, ваколати доирасида бошқа воситалардан фойдаланган ҳолда таҳлил қилади;

давлат органлари ва ташкилотларига қонунчилик ҳужжатлари ва топшириқлар ижроси юзасидан ҳуқуқий-услубий кўмаклашишга мўлжалланган методик қўлланмалар ишлаб чиқади ҳамда уларга ушбу соҳада ҳуқуқий-услубий жиҳатдан кўмаклашади;

8) давлат бошқаруви тизимининг самарадорлигини илғор хорижий тажриба ва замонавий ривожланиш тенденциялари асосида таҳлил ва мониторинг қилиш соҳасида:

давлат бошқаруви тизимининг самарадорлиги ва натижадорлигини аниқлаш мақсадида давлат органлари ва ташкилотларининг фаолиятини комплекс ва тизимли мониторинг ва таҳлил қилади;

давлат органлари ва ташкилотлари ваколати ва функцияларининг тўлиқ ва сифатли амалга оширилаётганлиги ҳамда белгиланган мақсадларга эришилаётганлигини функционал таҳлил қилади;

таҳлил ва мониторинг натижаларига кўра давлат бошқаруви тизимини, давлат органлари ва ташкилотларининг ташкилий-штат тузилмаларини ва ишлаш механизмларини такомиллаштириш, уларнинг бир бирини такрорловчи функцияларини, ортиқча ва хос бўлмаган вазифалар, функциялар ҳамда ваколатларни чиқариб ташлаш ҳисобига оптималлаштириш ва номарказлаштириш бўйича таклифлар тайёрлайди;

давлат органлари ва ташкилотлари ходимлари фаолиятини баҳолаш мезонларини ишлаб чиқишда иштирок этади;

манфаатдор вазирлик ва идоралар билан биргаликда ҳар йили идоралараро коллегиал органлар фаолияти самарадорлигини таҳлил қилади ва баҳолайди ҳамда натижаси бўйича уларни келгусида қисқартириш ва оптималлаштириш юзасидан таклифлар киритади;

идоралараро коллегиал органлар реестрини шакллантиради ва доимий янгилаб боради;

9) Давлат органлари ва ташкилотларининг юридик хизматлари фаолиятини мувофиқлаштириш, назорат қилиш ва услубий кўмаклашиш, шунингдек, қонунчилик ҳужжатларида белгиланган давлат органлари ва ташкилотларига юридик хизмат кўрсатилишини таъминлаш соҳасида:

давлат органлари ва ташкилотларининг юридик хизматлари фаолиятини мувофиқлаштиришни ва назоратини амалга оширади;

давлат органлари ва ташкилотларининг юридик хизматлари фаолиятини, улар томонидан амалга оширилаётган ҳуқуқий ишлар ҳолатини ўрганади;

давлат органлари ва ташкилотларининг юридик хизматлари ходимларини лавозимига тайинлаш ва озод қилишда иштирок этади;

давлат органлари ва ташкилотлари юридик хизматлари ходимларининг малакасини оширишни ташкил қилади;

давлат органлари ва ташкилотларининг юридик хизматлари ходимларини аттестациядан ўтказиш тартибини белгилайди, аттестациядан ўтганлик тўғрисида гувоҳнома беради;

давлат органлари ва ташкилотлари юридик хизматлари ходимларининг ҳисобини юритади;

давлат органлари ва ташкилотларининг юридик хизмати ходими лавозимига биринчи марта тайинланган шахсларнинг стажировка ўташини ташкил этади;

давлат органлари ва ташкилотларининг юридик хизматлари фаолиятини услубий жиҳатдан таъминлашни амалга оширади;

давлат органлари ва ташкилотлари юридик хизматларининг маълумотлар базасини шакллантириш ва юритиш тартибини, маълумотлар базасига киритиш учун маълумот тақдим этиш шакллари ва муддатларини белгилайди;

давлат органлари ва ташкилотларининг юридик хизматлари ходимларини лавозимига тайинлаш ва озод қилиш масаласини адлия органлари билан келишиш тартибини белгилайди;

давлат органлари ва ташкилотлари юридик хизматлари ходимларининг адлия органларида стажировка ўташ тартибини белгилайди;

давлат органлари ва ташкилотлари юридик хизматлари ходимларининг иш жойини моддий-техник жиҳатдан таъминлашга қўйилган минимал талабларни ишлаб чиқади ва тасдиқлайди;

қонунчилик ҳужжатларида кўрсатилган ҳолларда Давлат бюджетидан молиялаштириладиган туман (шаҳар) даражасидаги давлат органлари ва ташкилотларига замонавий ахборот технологиялари ёрдамида марказлашган ҳолда сифатли юридик хизмат кўрсатилишини ташкил қилади;

қонунчилик ҳужжатларида белгиланган тартибда бошқа ташкилотларга пуллик асосда юридик хизмат кўрсатилишини ташкил қилади;

10) нотариат, адвокатура ҳамда жисмоний ва юридик шахсларга ҳуқуқий хизмат кўрсатувчи бошқа тузилмаларнинг самарали фаолият кўрсатишини таъминлаш соҳасида:

нотариат соҳасида давлат сиёсатини амалга оширади ва ягона нотариал амалиётни таъминлаш бўйича чоралар кўради;

нотариуслар томонидан нотариат тўғрисидаги қонунчиликка риоя этилиши устидан назоратни амалга оширади, уларнинг ишини таҳлил қилади ва умумлаштиради;

давлат нотариал идораси нотариусини лавозимга тайинлаш бўйича танлов ва хусусий нотариал фаолият билан шуғулланиш ҳуқуқини бериш бўйича малака имтиҳонини ўтказиш тартибини белгилайди;

«Нотариус» ягона автоматлаштирилган ахборот тизимининг шакллантирилишини ва юритилишини ҳамда уни вазирлик ва идораларнинг маълумотлар базалари ва ахборот тизимлари билан интеграциялашни таъминлайди;

чет элда фойдаланиш учун мўлжалланган ҳужжатлардаги нотариуслар имзосининг ва уларнинг муҳри кўчирмасининг ҳақиқийлигини тасдиқлайди, нотариал фаолият билан боғлиқ бўлган бошқа функцияларни бажаради;

нотариал иш юритиш қоидаларини, нотариуслар томонидан нотариал ҳаракатларни амалга ошириш тартиби тўғрисидаги йўриқномаларни, нотариал ҳаракатлар, тасдиқловчи ёзувлар ва гувоҳномаларни рўйхатга олиш реестрлари шаклини, нотариус стажёри фаолиятини ташкил этиш тартибини тасдиқлайди;

Ўзбекистон Республикаси Нотариал палатаси (кейинги ўринларда — Нотариал палата) билан келишилган ҳолда нотариуслар томонидан статистик маълумотларни тақдим этиш шаклларини тасдиқлайди ва муддатларини белгилайди;

давлат нотариал идораларини ташкил этади ва тугатади, нотариус лавозимини таъсис этади ва тугатади, нотариусларнинг реестрини юритади;

хусусий амалиёт билан шуғулланувчи нотариуслар фаолиятини лицензиялайди;

Нотариал палата билан биргаликда хусусий амалиёт билан шуғулланувчи нотариуслар томонидан лицензия талаблари ва шартларига риоя этилиши устидан назоратни амалга оширади;

хусусий амалиёт билан шуғулланувчи нотариусларни ҳисобга қўйиш ва ҳисобдан чиқариш тартибига риоя қилиниши устидан назоратни амалга оширади;

нотариуслар лавозимларининг энг кам сонини тасдиқлайди ва муайян ҳудуддаги (нотариал округдаги) нотариуслар лавозимларининг энг кам сонини белгилайди;

нотариуслар малакасини ошириш, уларни аттестациядан ўтказиш ва бошқа жойга ўтказиш (ротация) тартибини белгилайди;

Вазирлик ҳузуридаги Олий малака комиссияси ва Қорақалпоғистон Республикаси, вилоятлар ва Тошкент шаҳар адлия бошқармалари ҳузуридаги малака комиссиялари тўғрисидаги низомларни тасдиқлайди;

Вазирлик ҳузуридаги Олий малака комиссиясининг фаолиятини ташкил этади;

нотариал ҳаракатлар бўйича статистикани юритади;

Нотариал палата фаолиятига кўмаклашади;

Ўзбекистон Республикасининг халқаро шартномаларига мувофиқ тегишли расмий ҳужжатларга апостиль қўяди;

нотариал идоралар, Ўзбекистон Республикасининг чет давлатлардаги консуллик муассасаларини қатъий ҳисобдаги гербли (махсус) бланклар билан таъминлайди;

нотариал идораларга бериладиган гербли бланкларни ҳисобга олиш, сақлаш, сарфлаш ва улар бўйича ҳисобот бериш тартибини белгилайди;

пуллик хизматлар ва нотариуслар томонидан амалга ошириладиган ҳуқуқий ва техник хусусиятга эга қўшимча ҳаракатлар рўйхатини, ушбу ҳаракатлар амалга оширилганлиги ва хизматлар кўрсатилганлиги учун, шунингдек идоравий нотариал архивлар томонидан юридик ва жисмоний шахсларга нотариал тасдиқланган ҳужжатларнинг дубликатлари, реестрлардан кўчирмалар, маълумотномаларнинг ва архив ҳужжатларининг кўчирма нусхалари берилганлиги учун тўловларнинг миқдорларини тасдиқлайди;

адвокатлик тузилмалари ва Ўзбекистон Республикаси Адвокатлар палатаси фаолияти кафолатларини таъминлашда кўмаклашади;

Ўзбекистон Республикаси Адвокатлар палатаси билан биргаликда малака комиссиялари ваколатлари ва фаолиятини ташкил этиш тартибини белгилайди;

Ўзбекистон Республикаси Адвокатлар палатаси билан биргаликда Ўзбекистон Республикаси Адвокатлар палатаси ҳузуридаги Олий малака комиссияси таркибини тасдиқлайди;

адвокатларга лицензиялар беришни амалга оширади;

адвокатлик тузилмаларида ишлаётган адвокатларнинг Йиғма давлат реестрини юритади;

адвокатлар малакасини оширишда кўмаклашади;

Ўзбекистон Республикаси Адвокатлар палатаси билан келишилган ҳолда адвокатлик тузилмаларининг статистик маълумотларини тақдим қилиш шаклларини тасдиқлайди ва муддатларини белгилайди;

адвокатлик гувоҳномаси шаклини ва уни бериш тартибини тасдиқлайди;

адвокат томонидан ишни олиб боришда ордер шаклини тасдиқлайди;

адвокатлар томонидан лицензия талаблари ва шартларига риоя қилиниши устидан назоратни амалга оширади;

адвокатура фаолияти тўғрисидаги статистик маълумотларни ўрганади;

Профессионал медиаторлар реестрини юритади;

Юридик маслаҳат хизматларини кўрсатувчи тижорат ташкилотларининг реестрини юритади;

11) жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича чораларни ишлаб чиқиш ва амалга оширишда иштирок этиш соҳасида:

адвокатлик тузилмалари ва нотариал идоралар учун ички назорат қоидаларини белгиланган тартибда ишлаб чиқади ва тасдиқлайди, шунингдек уларга риоя этилиши устидан мониторинг ва назоратни амалга оширади;

адвокатлик ва нотариал хизматлар кўрсатиш, шунингдек нодавлат нотижорат ташкилотлар фаолияти соҳасида жиноий фаолиятдан олинган даромадларни легаллаштириш, терроризмни молиялаштириш ва оммавий қирғин қуролини тарқатишни молиялаштириш юзасидан эҳтимол тутилган таваккалчиликларни баҳолайди, таҳлил қилади ва ўрганади ҳамда аниқланган таваккалчиликларни камайтиришга доир чоралар кўради;

тадбиркорлик субъектлари бўлган юридик шахсларни давлат рўйхатидан ўтказиш (қайта рўйхатдан ўтказиш) жараёнида улар томонидан тақдим этилган ўзларининг бенефициарлари тўғрисидаги маълумотлар асосида юридик шахсларнинг бенефициар мулкдорлари реестрини шакллантиради ва юритади;

жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисидаги қонунчилик ҳужжатлари бузилганлиги аниқланган тақдирда, қонунчилик ҳужжатларига мувофиқ чоралар қўллайди;

12) нодавлат нотижорат ташкилотларнинг фаолиятини ривожлантириш соҳасида давлат сиёсатини амалга ошириш, уларнинг давлат органлари ва ташкилотлари билан ўзаро ҳамкорлигини ташкил қилишга кўмаклашиш соҳасида:

нодавлат нотижорат ташкилотларни ва уларнинг рамзий белгиларини давлат рўйхатидан ўтказишни амалга оширади;

рўйхатдан ўтказилган нодавлат нотижорат ташкилотларнинг давлат реестрини юритади;

нодавлат нотижорат, шу жумладан диний ташкилотлар томонидан қонунчилик ҳужжатларига, устав фаолиятига, таъсис ҳужжатларига, қайта рўйхатдан ўтказиш ва тугатиш тартибига риоя этилиши устидан назоратни амалга оширади;

нодавлат нотижорат, шу жумладан диний ташкилотлар томонидан қонунчилик ҳужжатлари, устав фаолияти ва таъсис ҳужжатлари бузилишининг олдини олиш ва бартараф қилишга қаратилган чоралар кўради;

нодавлат нотижорат, шу жумладан диний ташкилотларнинг чет эл фуқаролари бўлган ходимларини, шунингдек уларнинг қарамоғида бўлган оила аъзоларини аккредитациядан ўтказади;

нодавлат нотижорат, шу жумладан диний ташкилотлар томонидан ташкил этилаётган тадбирлар тўғрисида келиб тушаётган ахборотларни таҳлил қилади;

нодавлат нотижорат, шу жумладан диний ташкилотларнинг чет давлатлардан, халқаро ва чет эл ташкилотларидан, чет давлатларнинг фуқароларидан ёки уларнинг топшириғига биноан бошқа шахслардан пул маблағлари ва мол-мулк олишини келишади;

нодавлат нотижорат, шу жумладан диний ташкилотларнинг фаолияти ҳақидаги ҳисоботларни қабул қилади ва таҳлил қилади;

нодавлат нотижорат ташкилотлар томонидан қонунчилик ҳужжатлари бузилганда, уларнинг фаолиятини тўхтатиб қўйиш ёки уларни тугатиш тўғрисида таклифлар тайёрлайди ва судга кўриб чиқиш учун киритади;

сиёсий партияларнинг устав фаолиятини молиялаштириш учун ажратилган давлат маблағларини улар ўртасида тақсимлайди;

нодавлат нотижорат, шу жумладан диний ташкилотларнинг фаолияти устидан мониторинг олиб боради;

чет давлатлардан, халқаро ва чет эл ташкилотларидан, чет эл фуқароларидан ёки уларнинг топшириғига биноан бошқа шахслардан пул маблағлари ва мол-мулк олиш тартибини белгилайди, шунингдек нодавлат нотижорат, шу жумладан диний ташкилотларнинг фаолияти ҳақидаги ҳисоботларнинг, аккредитация карточкасининг шаклларини тасдиқлайди;

доимий фаолият кўрсатувчи ҳакамлик судлари ҳисобини рўйхатдан ўтказиш ва муваққат ҳакамлик судларини ҳисобга олишни амалга оширади;

13) маъмурий тартиб-таомиллар соҳасида ягона давлат сиёсатини амалга ошириш соҳасида:

маъмурий тартиб-таомилларни амалга оширувчи барча маъмурий органлар томонидан «Маъмурий тартиб-таомиллар тўғрисида»ги Қонунга ҳамда маъмурий муносабатларни тартибга солувчи бошқа қонунчиликка риоя қилинишини ўрганади, назорат ва таҳлил қилади;

маъмурий тартиб-таомилларни амалга оширувчи органларнинг маъмурий-ҳуқуқий фаолиятни тартибга солувчи функцияларини хатловдан ўтказиб, вазифалари қонунчиликка мувофиқ амалга оширилишини мониторинг қилиб боради;

бизнес жараёнларини қайта бошқариш усулларидан фойдаланган ҳолда барча маъмурий тартиб-таомилларни, шу жумладан давлат хизматларини оптималлаштириш, унификациялаштириш, тартиблари, муддатлар ва зарур ҳужжатларини максимал қисқартириш бўйича тизимли ишларни амалга оширади;

маъмурий тартиб-таомилларни амалга оширишдаги ҳуқуқий бўшлиқларни бартараф этиш, шунингдек, соҳада инновацион ва ахборот-коммуникация технологияларини жорий қилиш ҳамда идоралараро электрон ҳамкорликни ривожлантириш чораларни амалга оширади;

маъмурий тартиб-таомиллар соҳасида аниқланган қонун бузилишлари, уларга имкон берувчи сабаблар ва шарт-шароитларни бартараф этиш бўйича тизимли чоралар кўриб боради;

14) жисмоний ва юридик шахсларга давлат хизматлари кўрсатиш соҳасида ягона давлат сиёсатини амалга ошириш соҳасида:

давлат хизматлари кўрсатиш масалалари бўйича давлат бошқаруви органлари ва бошқа ташкилотлар шу жумладан, ФХДЁ органлари фаолиятини мувофиқлаштиради ва уларга методик раҳбарлик қилади;

давлат хизматлари марказлари, уларнинг филиаллари ва ФҲДЁ органлари фаолиятига умумий раҳбарлик қилади;

юридик шахсларни, шунингдек, жисмоний шахсларни тадбиркорлик субъекти сифатида давлат рўйхатига олишни ташкил этади;

молия-хўжалик фаолиятини амалга оширмаётган ташкилотларни тугатишда қонунчиликка риоя қилинишини таъминлайди, ташкилотларни тугатишда ваколатли органлар ва ташкилотларнинг фаолияти устидан назорат олиб боради;

15) ортиқча маъмурий тартиб-таомилларни бартараф этиш ҳисобига давлат хизматлари кўрсатиш тартибини такомиллаштириш, шунингдек, идоралараро электрон ҳамкорликни ривожлантириш соҳасида:

давлат органлари ва бошқа ташкилотлар фаолияти самарадорлигини, тезкорлигини ва шаффофлигини, уларнинг масъулияти ва ижро интизоми кучайтирилишини, аҳоли ва тадбиркорлик субъектлари билан қайта алоқани таъминлаш бўйича қўшимча механизмлар яратилишини таъминлайди;

идоралараро ахборот алмашуви инфратузилмасидан фойдаланган ҳолда давлат органлари ва бошқа ташкилотлар ўртасида электрон ҳужжат айланиши тартибини жорий қилади ва такомиллаштиради;

давлат органлари, бошқа ташкилотлар ва Ўзбекистон Республикаси Ягона интерактив давлат хизматлари портали ўртасида ахборот алмашиш фаолиятини ташкил этишга кўмаклашади ва мувофиқлаштиради;

кўрсатилаётган давлат хизматлари сифатини яхшилаш мақсадида аҳоли ва тадбиркорлик субъектлари ўртасида тизимли равишда сўровномалар ўтказади;

Давлат хизматларининг ягона реестрини шакллантиради, шунингдек, унинг лозим даражадаги (долзарб) ҳолатини таъминлайди;

16) давлат хизматлари кўрсатиш соҳасида, шу жумладан тегишли ахборот тизимлари, ресурслар ва маълумотлар базаларини жорий этиш бўйича давлат органлари ва бошқа ташкилотлар фаолиятини назорат қилиш ва самарадорлигини баҳолаш соҳасида:

давлат хизматлари кўрсатиш соҳасида, шу жумладан тегишли ахборот тизимлари, ресурслар ва маълумотлар базаларини жорий этиш бўйича давлат органлари ва бошқа ташкилотлар фаолиятини мониторинг, назорат ва таҳлил қилади;

давлат хизматлари кўрсатувчи давлат органлари ва бошқа ташкилотлар фаолиятида қонунчилик ҳужжатлари ва маъмурий регламентлар талабларига риоя этилиши нуқтаи назаридан текширишларни амалга оширади;

давлат хизматлари кўрсатиш соҳасидаги қонунчилик ҳужжатларини бузганлик учун давлат органлари ва бошқа ташкилотлар, шу жумладан хўжалик бирлашмалари, уй-жой коммунал ва фойдаланиш хўжалиги ташкилотлари мансабдор шахсларига нисбатан маъмурий жазо қўллайди;

давлат органлари ва бошқа ташкилотларнинг давлат хизматлари кўрсатишга оид фаолияти, ушбу соҳадаги қонун бузилишлари ва уларга йўл қўйган айбдор шахслар, мавжуд камчиликлар ва уларни бартараф этиш юзасидан таклифларни ўз ичига олган маълумотларни Ўзбекистон Республикаси Президенти Администрациясига ҳамда Вазирлар Маҳкамасига тақдим этиш учун бир йилда икки марта батафсил ахборот тайёрлайди;

давлат хизматлари кўрсатишда жисмоний ва юридик шахсларга малакали ахборот ва маслаҳат ёрдами беради;

17) интеллектуал мулк соҳасида ягона давлат сиёсатини олиб бориш ҳамда ихтиролар, товар белгилари, муаллифлик ҳуқуқи ва бошқа интеллектуал мулк объектларига бўлган ҳуқуқларни ҳимоя қилиш соҳасида:

интеллектуал мулк соҳасини ривожлантириш бўйича асосий йўналишларни ишлаб чиқади;

интеллектуал мулк объектларининг ҳуқуқий ҳимоя қилинишини таъминлаш бўйича, шу жумладан контрафакт маҳсулотларни ишлаб чиқариш, реализация қилишга қарши курашишда ваколатли давлат органларига кўмаклашиш орқали таъсирчан чоралар кўради;

интеллектуал мулк соҳасидаги ҳуқуқни қўллаш амалиётини изчил ва бир хилда таъминлаш бўйича чора-тадбирларни амалга оширади;

давлат органлари ва бошқа ташкилотлар фаолиятида интеллектуал мулк соҳасидаги норматив-ҳуқуқий ҳужжатларга риоя қилиниши ва қўлланилиши амалиётини ўрганади ва таҳлил қилади;

муаллифлик ҳуқуқи ва турдош ҳуқуқлар тўғрисидаги қонун бузилиши ҳолатлари тўғрисида белгиланган тартибда хулоса беради;

интеллектуал мулк соҳасидаги норматив-ҳуқуқий ҳужжатларни нотўғри ва зиддиятли қўллаш амалиётини ўрганади, ушбу соҳада ҳуқуқбузарликларни бартараф этишга доир амалий чоралар кўради, шунингдек, мазкур масалалардаги жисмоний ва юридик шахсларнинг мурожаатларини кўриб чиқади;

хорижий патент идоралари, халқаро, минтақавий ва хорижий ташкилотлар билан патент ҳужжатлари ва патент-ҳуқуқий адабиётларнинг халқаро алмашинувини амалга оширади;

қонунчиликка мувофиқ интеллектуал мулк объектларини ҳуқуқий муҳофаза қилиш ва уларга бўлган ҳуқуқларни ҳимоя қилиш масалалари бўйича жисмоний ва юридик шахсларнинг мурожаатларини кўриб чиқади;

интеллектуал мулк объектларининг ҳуқуқий муҳофазаси ва ҳимояси соҳасида манфаатдор шахсларга услубий ёрдам кўрсатади;

интеллектуал мулк соҳасининг ривожланиш ҳолатини, жумладан, ушбу соҳадаги халқаро рейтинглар ва индекслар методологияси ва мезонларини ҳисобга олган ҳолда ҳар томонлама таҳлил қилади ва баҳолайди;

интеллектуал мулк объектларининг ишончли ҳуқуқий муҳофазаси ва ҳимоясини таъминлаш соҳасида Ўзбекистон Республикаси қабул қилган халқаро мажбуриятлар бажарилишининг мониторингини ўтказади;

18) ихтиролар, фойдали моделлар, саноат намуналари, товар белгилари ва бошқа интеллектуал мулк объектларини ҳуқуқий муҳофаза қилиш соҳасида:

ихтиролар, фойдали моделлар, саноат намуналари, товар белгилари, хизмат кўрсатиш белгилари, географик кўрсаткичлар, товар келиб чиққан жой номлари ва интеграл микросхемалар топологияларини давлат экспертизасидан ўтказиш, талабнома топширилган объектларнинг устуворлигини белгилаш, селекция ютуқларининг расмий экспертизасини ўтказиш ҳамда ЭҲМ учун дастурлар, маълумотлар базаларини текшириш ишларини ташкиллаштиради;

ихтиролар, фойдали моделлар, саноат намуналарини давлат рўйхатидан ўтказишни, селекция ютуқлари, товар белгилари, хизмат кўрсатиш белгилари, географик кўрсаткичлар, товар келиб чиққан жой номларини рўйхатдан ўтказишни, ЭҲМ учун дастурларни, маълумотлар базаларини расмий рўйхатдан ўтказишни ҳамда интеграл микросхемалар топологияларини рўйхатдан ўтказишни амалга оширади, муҳофаза ҳужжатларини беради, Ўзбекистон Республикасида ҳаммага маълум товар белгилари рўйхатини ва тегишли реестрларни юритади;

муҳофаза ва бошқа зарур ҳужжатларнинг ягона шаклларини белгилайди;

депозитарийда сақланаётган интеллектуал мулк объектларининг очиқлиги ва улардан эркин фойдаланишни таъминловчи депозитарий функциясини бажарилишини, шу жумладан депозитарийга зарур бўлган нусхани депозитарий билан шартнома асосида олиш учун мурожаат қилган ҳар қандай шахсга имконият яратилишини таъминлайди;

интеллектуал мулк объектларидан фойдаланишга ҳуқуқлар бериш тўғрисидаги лицензия шартномаларини, шунингдек, уларни тўлиқ ёки қисман бериш тўғрисидаги шартномаларни рўйхатдан ўтказади ва тегишли реестрларни юритади;

интеллектуал мулкнинг расмий рўйхатдан ўтказилган объектлари тўғрисидаги маълумотлар базасини шакллантиради, уларнинг сақланиши ва фойдаланилиши учун шарт-шароитларни таъминлайди;

Давлат патент фондини жамлаш ишларини ташкил этишни ва амалга оширишни, ундан иқтисодиётнинг реал секторидаги хўжалик юритувчи субъектлар, илмий ташкилотлар, олимлар ва мутахассислар томонидан самарали фойдаланилиши учун унинг сақланиши ва қулайлигини таъминлайди;

интеллектуал мулк соҳасидаги ахборотномаларни ва бошқа расмий нашрларини, шунингдек, интеллектуал мулк объектларини ҳуқуқий муҳофаза ва ҳимоя қилиш масалалари бўйича бошқа маълумотлар ва материалларни чоп этишни ташкил қилади ҳамда амалга оширади;

патент вакилларини аттестациядан ва рўйхатдан ўтказади, патент вакилларининг давлат реестрини юритади;

Ўзбекистон Республикасининг халқаро мавқеини, жумладан, жаҳон ҳамжамиятига мамлакатда интеллектуал мулк соҳасида амалга оширилаётган ислоҳотлар тўғрисида холисона ахборот етказиш орқали мустаҳкамлаш, обзорли, маълумотнома ва бошқа материалларни тайёрлаш чораларини кўради;

19) юридик кадрларни тайёрлаш, қайта тайёрлаш ва малакасини оширишни ташкил этиш, юриспруденция соҳасидаги фундаментал ва амалий тадқиқотларни амалга оширишни таъминлаш соҳасида:

ҳуқуқий таълимнинг ҳолатини таҳлил қилади, уни яхшилаш бўйича таклифлар ишлаб чиқади;

профессионал ва олий таълим ташкилотларининг ўқувчилари ва талабалари учун юридик дарсликлар, ўқув қўлланмалари, шунингдек, бошқа юридик адабиётлар нашр этиш режаларини ишлаб чиқади ва нашр этилишини ташкил этади;

давлат органлари ва бошқа ташкилотларнинг юридик кадрларга бўлган эҳтиёжини аниқлайди, уларни Вазирлик тизимидаги таълим муассасаларида тайёрлаш ишларини ташкил этади ва раҳбарлик қилади;

юридик кадрларни тайёрлаш, қайта тайёрлаш ва малакасини оширишни ташкил этади;

кадрлар захирасини яратади, уларни тайёрлаш, қайта тайёрлаш ва стажировкадан ўтишини ташкил этади, адлия органлари ва муассасаларига кадрлар танловини амалга оширади ва уларни жой-жойига қўйишда қатнашади;

ҳуқуқий фанларни ривожлантириш чораларини кўради, давлат ва жамият қурилиши, суд-ҳуқуқ тизими, мамлакатда ҳуқуқ ижодкорлиги, ҳуқуқни қўллаш, ҳуқуқни муҳофаза қилиш фаолияти соҳаларида фундаментал ва амалий тадқиқотларнинг амалга оширилишини мувофиқлаштиради;

ҳуқуқ соҳасидаги таълим ишларининг услубий жиҳатдан таъминланишини ташкил этади;

20) суд-экспертлик фаолиятини ривожлантиришнинг устувор йўналишларини ишлаб чиқиш, суд экспертларини тайёрлаш ва малакасини ошириш ишларини мувофиқлаштириш соҳасида:

суд экспертизаси соҳасида илмий-тадқиқот ва экспертлик ишларини ташкил этади;

Ўзбекистон Республикаси давлат суд-экспертлик муассасалари фаолиятини мувофиқлаштиради ва уларга илмий-услубий раҳбарликни амалга оширади;

суд-экспертлик фаолиятини янада ривожлантиришнинг устувор йўналишларини ишлаб чиқади, суд экспертларини тайёрлаш ва малакасини ошириш соҳасидаги ишларни мувофиқлаштиради;

суд-экспертлик фаолиятига фан ва техника ютуқларини жорий этиш бўйича чораларни кўради;

нодавлат суд-экспертиза ташкилотлари суд экспертлари томонидан ўтказиладиган суд экспертизаларининг мураккаблик даражасини аниқлаш, суд экспертизаларининг мураккаблик даражасига қараб уларни амалга ошириш муддатларини ҳисоблаш тартибини, суд экспертлари юкламаларининг нормативларини белгилайди ва назоратини олиб боради;

нодавлат суд-экспертиза ташкилотлари, уларнинг суд экспертлари ва суд-экспертлик тадқиқотлари услубларининг давлат реестрларини юритади;

нодавлат суд-экспертиза ташкилотлари томонидан ўтказиладиган ҳар бир суд экспертизаси турлари бўйича моддий-техника базасининг жиҳозланишига қўйиладиган минимал талабларни тасдиқлайди;

нодавлат суд экспертларини аттестациядан ўтказади ҳамда суд эксперти касб этикаси қоидаларини белгилайди ва уларга риоя этилиши юзасидан назорат олиб боради;

21) сиёсий-ҳуқуқий соҳага оид халқаро рейтинг ва индексларда Ўзбекистон Республикасининг ўрнини ошириш бўйича тизимли ва изчил чоралар кўриш соҳасида:

сиёсий-ҳуқуқий соҳага оид халқаро рейтинг ва индексларда Ўзбекистон Республикасига берилган баҳоларни таҳлил қилади;

давлат органлари ва ташкилотлари, тадқиқот институтлари томонидан сиёсий-ҳуқуқий соҳага оид халқаро рейтинг ва индексларда Ўзбекистон Республикасига берилган баҳоларга сабаб бўлган омиллар ва муаммоларнинг комплекс ўрганилишини ва уларни бартараф этиш бўйича таклифлар ишлаб чиқилишини мувофиқлаштиради, услубий раҳбарлик ва мониторингни амалга оширади;

сиёсий-ҳуқуқий соҳага оид халқаро рейтинг ва индекслар доирасида баҳоланадиган йўналишларда ислоҳотларни амалга оширишни кўзда тутувчи норматив-ҳуқуқий ҳужжатларни рейтинг ва индекслар методологиясидан келиб чиқиб, Ўзбекистон Республикасининг улардаги ўрнига эҳтимолий таъсири нуқтаи назаридан баҳолайди;

давлат органлари ва ташкилотларининг сиёсий-ҳуқуқий соҳага оид халқаро рейтинг ва индексларни тузувчи халқаро ва хорижий ташкилотларни Ўзбекистонда тегишли соҳаларда амалга оширилган ислоҳотлар ва уларнинг натижалари ҳақида ахборотлардан хабардор қилиш соҳасидаги фаолиятини мувофиқлаштиради, услубий раҳбарлик ва мониторингни амалга оширади;

22) халқаро-ҳуқуқий ҳамкорликни йўлга қўйиш ва мустаҳкамлаш, халқаро шартномаларни ҳуқуқий экспертизадан ўтказиш соҳасида:

Ўзбекистон Республикасининг халқаро шартномаларини тузиш бўйича таклифларни келишади, Ўзбекистон Республикасининг халқаро шартномаларини тайёрлаш ва ижро этишда иштирок этади;

халқаро шартномалар лойиҳаларини ҳуқуқий экспертизадан ўтказади;

Ўзбекистон Республикасининг ҳуқуқий ёрдам кўрсатиш тўғрисидаги халқаро шартномаларини тайёрлаш, тузиш ва бажариш ҳақида таклифлар тақдим этади;

хориждан маблағ жалб қилиш шартномалари ва Ўзбекистон Республикаси давлат кафолатлари бўйича белгиланган тартибда юридик хулосалар беради;

23) халқаро ва хорижий ташкилотларда Ўзбекистон Республикаси манфаатларининг ҳуқуқий ҳимоясини таъминлаш, халқаро ҳамжамият, хорижий инвесторларни миллий ҳуқуқ тизими ва ўтказилаётган ҳуқуқий ислоҳотлар ҳақида ўз вақтида хабардор қилиш соҳасида:

халқаро ва хорижий ташкилотларда Ўзбекистон Республикаси манфаатларининг ҳуқуқий ҳимоясини таъминлайди;

халқаро арбитраж ва суд муҳокамалари масалалари бўйича халқаро ва хорижий ташкилотларда Ўзбекистон Республикаси манфаатларининг ҳуқуқий ҳимоясини таъминлашда Ташқи ишлар вазирлиги ҳамда бошқа давлат органлари ва ташкилотлари билан идоралараро ҳамкорликни амалга оширади;

хорижий давлатлар судларида ва халқаро арбитражларда томонлардан бири Ўзбекистон Республикаси бўлган низолар кўриб чиқилаётганда Ўзбекистон Республикаси манфаатларини ҳимоя қилади;

Ўзбекистон Республикаси иштирокидаги суд ва арбитраж муҳокамалари билан боғлиқ тегишли материалларни йиғишни ҳамда тизимли таҳлилини ташкиллаштиришни амалга оширади;

хорижий давлатлар судлари ва халқаро арбитражларда Ўзбекистон Республикаси манфаатларини ифодалаш мақсадида хорижий ва миллий адвокатлик (юридик) фирмалари, маслаҳатчи ва экспертларни жалб қилади ҳамда фаолиятини мувофиқлаштиради;

аниқ бир арбитраж муҳокамаси доирасида ташкил этиладиган ишчи гуруҳларнинг ишчи органи функцияларини амалга оширади;

хорижий давлатлар судлари ва халқаро арбитражлар муҳокамалари масалалари бўйича маълумотлар базасини шакллантиради ва юритади;

Ўзбекистон Республикаси Президенти ва экс-Президентининг ҳуқуқлари ва қонуний манфаатларини ҳуқуқий, шу жумладан судда ҳимоя қилишни амалга оширади;

мамлакатда амалга оширилаётган ҳуқуқий ислоҳотлар, энг аввало инсон ҳуқуқлари ва эркинликларини ҳимоя қилиш масалалари бўйича, шу жумладан ишончсиз маълумотларни инкор қилиш мақсадида холис ахборотни халқаро ҳамжамиятга ва жамоатчиликка етказишни таъминлайди;

ваколатли органлар иштирокида Ўзбекистон Республикаси фуқароларининг ҳуқуқлари ва эркинликлари бузилиши, шу жумладан халқаро ташкилотлардан келиб тушган қийноққа солиш ва бошқа шафқатсиз инсон қадр-қимматини камситувчи муомала турлари қўлланилишига доир мурожаатларни кўриб чиқади.

Ўзбекистон Республикаси адлия вазири (кейинги ўринларда — Вазир) ҳар йили Ўзбекистон Республикаси Олий Мажлиси Сенатига давлат органлари ва ташкилотларининг ҳуқуқ ижодкорлиги фаолияти ва ҳуқуқни қўллаш амалиёти ҳолати тўғрисида ахборот киритади.

Вазирлик қонунчилик ҳужжатларида белгиланган бошқа функцияларни ҳам амалга ошириши мумкин.

4-боб. Вазирликнинг ваколатлари ва жавобгарлиги

11. Вазирлик ўзига юклатилган вазифалар ва функцияларни амалга ошириш учун қуйидаги ваколатларга эгадир:

1) ўз ваколати доирасида давлат органлари ва ташкилотлари, жисмоний ва юридик шахслар учун мажбурий бўлган, шу жумладан бошқа давлат органлари билан биргаликда норматив-ҳуқуқий ҳужжатларни қабул қилиш;

2) Ўзбекистон Республикаси Президенти, Вазирлар Маҳкамаси ва бошқа давлат органлари кўриб чиқиши учун қонунчиликни ва ҳуқуқни қўллаш амалиётини такомиллаштириш масалалари ҳамда ўзига юклатилган вазифа ва функциялар бўйича таклифлар киритиш;

3) давлат органлари ва бошқа ташкилотлар томонидан норма ижодкорлиги соҳасида, Маъмурий ислоҳотлар концепцияси доирасида, шунингдек, ҳуқуқни қўллаш амалиёти ва маъмурий тартиб-таомиллар билан боғлиқ вазифалар ижро қилинмаган тақдирда уларнинг мансабдор шахсларини жавобгарликка тортиш бўйича Ўзбекистон Республикаси Президенти Администрацияси ва Вазирлар Маҳкамасига таклифлар киритиш;

4) давлат органлари ва бошқа ташкилотларда:

норма ижодкорлиги фаолияти, ҳуқуқий ишлар, юридик хизматлар фаолияти, норматив-ҳуқуқий ҳужжатларни эълон қилиш ва манфаатдор шахслар эътиборига етказиш ҳолатини;

ҳуқуқни қўллаш амалиёти, фуқаролар ҳуқуқларини таъминлаш бўйича қонунчилик ижроси, давлат хизматларини кўрсатишнинг белгиланган тартибига риоя этиш ҳолатини, шу жумладан жойларга чиққан ҳолда текшириш;

5) нодавлат нотижорат ташкилотлар томонидан қонунчилик ҳужжатлари ва таъсис ҳужжатларига риоя қилиниши, шунингдек, уларга ажратилган маблағлардан мақсадли фойдаланишини текшириш;

6) вазирликлар, давлат қўмиталари, идоралар, ҳуқуқни муҳофаза қилувчи ва назорат органлари, маҳаллий давлат ҳокимияти органлари ва бошқа ташкилотларга бажарилиши мажбурий бўлган:

ушбу органларнинг норма ижодкорлиги фаолияти устидан мониторинг олиб бориш жараёнида аниқланган қонунбузарликларни, тизимли муаммо ва камчиликларни бартараф этиш тўғрисида;

давлат рўйхатидан ўтмаган норматив-ҳуқуқий тусга эга бўлган ҳужжатларни бекор қилиш ва ижродан чақириб олиш тўғрисида;

қонунчиликка мувофиқ бўлмаган норматив-ҳуқуқий ҳужжатларни бекор қилиш, тўхтатиб туриш (тўлиқ ёки қисман) ёхуд уларни қонунчилик ҳужжатларига мувофиқлаштириш тўғрисида;

ишлаб чиқиш муддатини кўрсатган ҳолда норматив-ҳуқуқий ҳужжатларни қабул қилиш, улар томонидан қабул қилинган норматив-ҳуқуқий ҳужжатларга расмий шарҳ бериш зарурлиги тўғрисида;

аниқланган норматив-ҳуқуқий ҳужжатларни нотўғри ёки зиддиятли тарзда қўллаш амалиёти, қонунчилик ҳужжатлари талаблари бузилиши, уларга имкон берувчи сабаблар ва шарт-шароитларни бартараф этиш, шу жумладан айбдор шахсларни интизомий жавобгарликка тортиш ҳақида;

норматив-ҳуқуқий ҳужжатлар ва улар лойиҳаларини тартибга солиш таъсирини баҳолаш ва коррупцияга қарши экспертизадан ўтказиш соҳасида аниқланган қоидабузарликларни, уларга имкон берувчи сабаблар ва шарт-шароитларни, шунингдек, коррупциявий омиллар ва нормаларни бартараф этиш тўғрисида;

қонунлар, Ўзбекистон Республикаси Президентининг фармон, қарор, фармойиш ва топшириқлари ижросини таъминлаш ҳамда «ljro.gov.uz» тизимига зарур маълумотларни ўз вақтида ва тўғри киритиш тўғрисида тақдимномалар киритиш;

7) нодавлат нотижорат ташкилотлар фаолиятида аниқланган қонунчилик ва таъсис ҳужжатлари бузилишларини бартараф этиш тўғрисида нодавлат нотижорат, шу жумладан диний ташкилотларига, адвокатлик тузилмаларига бажарилиши мажбурий бўлган тақдимномалар киритиш;

8) қонунчилик ҳужжатлари бузилишига йўл қўймаслик ҳақида мансабдор шахсларни ёзма равишда огоҳлантириш;

9) фуқароларнинг қонуний ҳуқуқ ва эркинликлари, юридик хизматлар фаолияти соҳасида қонунчилик бузилиши ҳолатлари аниқлаганда ҳамда адлия органларининг қонуний талаблари бажарилмаганда, айбдор мансабдор шахсларни жавобгарликка тортиш тўғрисида тегишли давлат органлари ва бошқа ташкилотларга таклифлар киритиш;

10) давлат, юридик ва жисмоний шахслар, шунингдек, адлия органлари ва муассасалари манфаатларини кўзлаб судларга давлат божи тўламасдан аризалар ва даъволарни киритиш;

11) Вазирликка юкланган вазифалар ва функцияларни бажариш учун зарур бўлган ҳужжатлар ва ахборотларни, шу жумладан норматив-ҳуқуқий ҳужжатларни қўллаш амалиёти тўғрисида зарур статистик маълумотларни, таҳлилий материалларни, ҳужжатларни, бошқа ахборотларни, қарорлар ва бошқа ҳужжатларни, маълумотларни давлат органлари ва бошқа ташкилотлардан бепул тарзда сўраш ва олиш;

12) нодавлат нотижорат, шу жумладан диний ташкилотлардан ахборот, ҳужжатлар ва маълумотлар, шунингдек, уларнинг раҳбарлари ва масъул шахсларидан тушунтиришларни талаб қилиш ва олиш;

13) текшириш ўтказиш, жисмоний ва юридик шахсларнинг мурожаатларини ўрганиш, шунингдек Вазирлик ваколатига кирувчи масалалар бўйича ахборот-таҳлилий материалларни тайёрлаш учун вазирликлар, давлат қўмиталари, идоралар, илмий ва таълим муассасалари ва бошқа ташкилотлар вакилларини чақириш ва жалб этиш;

14) текшириш ва таҳлил давомида аниқланган ҳолатларга аниқлик киритиш мақсадида давлат органлари ва бошқа ташкилотларнинг мансабдор шахслари ҳамда ходимларини, шунингдек интеллектуал мулк масалалари бўйича жисмоний шахсларни чақириш, қонунчилик ҳужжатларининг бузилиши ҳолатлари юзасидан оғзаки ва ёзма тушунтиришлар талаб қилиш;

15) давлатга тегишли Вазирликнинг ва унга идоравий мансуб тузилмаларнинг мол-мулкини ўзининг ташкилий тузилмаси доирасида бепул фойдаланиш ҳуқуқи билан бир таркибий тузилмадан бошқа тузилмага белгиланган тартибда ўтказиш;

16) Вазирлик ва унга идоравий мансуб ташкилотлар ходимлари томонидан ўз соҳасида улар фаолиятининг асосий кўрсаткичлари бўйича параметрлар бажарилишини ҳисобга олган ҳолда уларни моддий рағбатлантириш тартиби, миқдорлари ва шартларини белгилаш;

17) бюджетдан ташқари маблағларни ҳамда адлия органлари ва муассасаларининг депозит ҳисобварақларида жойлашган маблағларни Ўзбекистон Республикаси тижорат банкларининг депозит рақамларида миллий ва чет эл валютасида жойлаштириш. Бунда, маблағларни жойлаштиришдан олинган даромад адлия органлари ва муассасаларининг бюджетдан ташқари ҳисобварақларига ушбу даромадлар моддий-техник базани ривожлантиришга ва ходимларни моддий рағбатлантириш ҳамда қонунчилик ҳужжатларида назарда тутилган бошқа мақсадларга йўналтирилган ҳолда ўтказилади;

18) Вазирлик ваколатига кирадиган масалалар бўйича идоралараро тусдаги халқаро шартномаларни белгиланган тартибда тузиш;

19) Вазирлик ваколатига тегишли бўлган масалалар бўйича халқаро даражада Ўзбекистон Республикаси манфаатларини белгиланган тартибда ифодалаш;

20) қонунлар, Ўзбекистон Республикаси Президенти ҳужжатлари ва Вазирлар Маҳкамаси қарорларига зид бўлган идоравий норматив-ҳуқуқий ҳужжатларни белгиланган тартибда давлат реестридан чиқариш;

21) жисмоний ва юридик шахсларнинг ўз ҳуқуқлари, эркинликлари ва қонуний манфаатлари бузилганлиги тўғрисида мурожаатларни кўриб чиқиш;

22) Вазирлик ваколатига кирувчи масалаларни кўриб чиқишда давлат органлари ва ташкилотларининг ҳайъат мажлисларида иштирок этиш;

23) хорижий давлатларнинг судлари ва халқаро арбитражларда Ўзбекистон Республикасининг ҳуқуқлари ва қонуний манфаатларига дахлдор ҳуқуқий низолар бўйича даъвогар ва жавобгарнинг вакили сифатида иштирок этиш;

24) адвокатлар малака комиссияларига адвокатларни интизомий жавобгарликка тортиш масаласини киритиш;

25) адвокатлар ва хусусий амалиёт билан шуғулланувчи нотариусларга берилган лицензияларнинг амал қилишини тўхтатиб туриш ва тугатиш;

26) юридик хизмат ходимининг аттестациядан ўтганлиги тўғрисидаги гувоҳноманинг амал қилишини тугатиш;

27) нодавлат нотижорат ташкилотлар томонидан ўтказиладиган тадбирларда (конференциялар, семинарлар, тренинглар, йиғилишлар, акциялар ва шу кабиларда) иштирок этиш;

28) нодавлат нотижорат, шу жумладан диний ташкилотлар томонидан режалаштирилган тадбирларни ўтказилишини тақиқлаш юзасидан қарор қабул қилиш;

29) сиёсий партияларнинг уставларида назарда тутилган фаолиятини давлат томонидан молиялаштиришни тўхтатиб туриш ёки тугатиш тўғрисида қарор қабул қилиш;

30) нодавлат нотижорат ташкилотларнинг чет эл фуқаролари бўлган ходимларини, шунингдек, уларнинг қарамоғидаги оила аъзоларини, улар томонидан Ўзбекистон Республикасининг қонунчилиги бузилган ҳолларда аккредитациядан маҳрум қилиш;

31) ўз вазифа ва функциялари доирасида халқаро ҳамкорликни амалга ошириш, хорижий давлатлар органлари, халқаро ва хорижий ташкилотлар билан тўғридан-тўғри алоқалар ўрнатиш ва ҳамкорлик олиб бориш, халқаро шартномаларни тузиш юзасидан таклифлар киритиш;

32) адлия органлари ва муассасалари фаолиятини таъминлаш учун зарур бўлган тегишли тузилмалар ташкил этиш, уларни қайта ташкил этиш ва тугатиш, шунингдек, уларнинг уставлари (низомлари)ни тасдиқлаш;

33) давлат сири ва қонун билан қўриқланадиган бошқа сирга риоя қилиш шарти билан текширишни ўтказиш учун зарур бўлган ҳужжатлар ва материаллар билан танишиш, давлат органларининг электрон базаларидан (банкларидан) фойдаланиш учун хизмат гувоҳномасини кўрсатган ҳолда давлат органлари ва бошқа ташкилотларнинг ҳудудларига ва биноларига кириш;

34) ўз ваколати доирасида маъмурий жавобгарликни келтириб чиқарадиган ҳолатлар юзасидан маъмурий ҳуқуқбузарликлар тўғрисида баённомалар тузиш;

35) давлат бошқаруви органлари томонидан ўтказиладиган қонунчилик ҳужжатларининг ҳуқуқий мониторингида иштирок этиш.

36) Ўзбекистон Республикаси Президенти, Вазирлар Маҳкамасининг топшириқлари бўйича ҳамда ўз ташаббусига кўра норматив-ҳуқуқий ҳужжатлар лойиҳаларини ишлаб чиқиш ва уларни кўриб чиқиш учун белгиланган тартибда киритиш;

37) норматив-ҳуқуқий ҳужжатларни қўллаш масалалари юзасидан ўз хулосасини бериш;

38) давлат органлари ва ташкилотларига норматив-ҳуқуқий ҳужжатларни қўллаш масалалари юзасидан тавсиялар ва тушунтиришлар бериш ҳамда кўрсатмалар киритиш;

39) аниқланган норматив-ҳуқуқий ҳужжатлар талаблари бузилишларини, уларнинг содир этилишига имкон берувчи сабаб ва шарт-шароитларни бартараф этиш бўйича чоралар кўриш учун умумлаштириш материалларини давлат органлари ва ташкилотларига юбориш;

40) ўз вазифа ва функциялари доирасида давлат органлари ва бошқа ташкилотлар билан ҳамкорлик қилиш;

41) давлат хизматлари марказлари орқали уларнинг бинолари ва туташ ҳудудларида реклама фаолиятини, шунингдек, юридик шахс мақомига эга бўлмаган ҳолда тадбиркорлик субъектларининг муҳр ва штампларини тайёрлаш фаолиятини амалга ошириш;

42) тегишли маълумотлар базаларидан, давлат ахборот тизимларидан ва ваколатли органлар ресурсларидан белгиланган тартибда фойдаланиш;

43) Ўзбекистон Республикаси Молия вазирлиги билан келишган пуллик хизматлар рўйхати ва тарифларига мувофиқ пулли хизматлар кўрсатиш;

44) юқори малакали хорижий ва мамлакатимиз мутахассисларини контракт асосида консультант ва эксперт сифатида ишга таклиф қилиш;

фаолият йўналишларини ривожлантиришга оид долзарб ва истиқболдаги муаммолар ечимини ишлаб чиқиш мақсадида, жумладан, хорижий экспертларни жалб қилган ҳолда ишчи гуруҳларини тузиш;

45) Ўзбекистон Республикаси Вазирлар Маҳкамаси билан келишилган ҳолда, малакали хорижий мутахассисларни уларга истисно тариқасида Вазирликнинг бюджетдан ташқари маблағлари ҳисобидан чет эт валютасида иш ҳақи ва бошқа тўловларни белгилаган ҳолда ходимлар ва маслаҳатчилар сифатида жалб қилиш;

46) интеллектуал мулк соҳасидаги қонунчиликни бузганлик учун юридик шахсларга жарима қўллаш;

47) ихтиролар, фойдали моделлар, саноат намуналари, селекция ютуқлари, товар белгилари, хизмат кўрсатиш белгилари, товарларнинг келиб чиқиш жойлари номи, ЭҲМ учун дастурлар, маълумотлар базалари, интеграл микросхемалар топологияси бўйича талабномаларни кўриб чиқиш ва давлат экспертизасидан ўтказиш учун зарур бўлган қўшимча материалларни талабнома топширувчилардан белгиланган тартибда сўраб олиш;

48) давлат органлари ва давлат иштирокидаги ташкилотлардаги меҳнат низосини кўриш ҳақидаги ариза билан судга мурожаат қилиш;

49) хўжалик бирлашмаларига, уй-жой коммунал ва фойдаланиш хўжалиги ташкилотларига давлат хизматлари кўрсатиш соҳасида аниқланган қонунбузилишлари ва камчиликларни, уларнинг йўл қўйилишига олиб келган сабаблар ва шароитларни бартараф этиш бўйича тақдимномалар киритиш.

Вазирлик қонунчилик ҳужжатларига мувофиқ бошқа ваколат ва ҳуқуқларга ҳам эга бўлиши мумкин.

12. Вазирликнинг марказий аппарати, ҳудудий ва таркибий тузилмалари вазифалари, функциялари, ваколатлари, ҳуқуқлари ва жавобгарлиги, агар Ўзбекистон Республикаси Президентининг ёки Вазирлар Маҳкамасининг қарорларида бошқача қоида белгиланмаган бўлса, Вазир томонидан тасдиқланадиган низомлар ва уставлар билан белгиланади.

13. Вазирлик ўзига юклатилган вазифалар ва функцияларнинг сифатли бажарилиши, шунингдек, тегишли соҳадаги давлат сиёсатининг самарали амалга оширилиши учун жавобгардир.

5-боб. Вазирлик фаолиятини ташкил этиш

1-§. Вазирлик раҳбарияти

14. Ўзбекистон Республикаси адлия вазири:

1) Вазирлик фаолиятини умумий бошқаришни амалга оширади ва раҳбарлик қилади, Ўзбекистон Республикаси Президенти, Вазирлар Маҳкамасининг тегишли қарори билан Вазирликка юклатилган вазифа ва функцияларни бажаришни ташкиллаштиради;

2) Вазирликка юклатилган вазифа ва мажбуриятларнинг бажарилиши учун шахсан жавоб беради;

3) адлия органлари ва муассасалари ҳамда уларнинг ходимлари томонидан бажарилиши мажбурий бўлган буйруқлар чиқаради, топшириқ ва кўрсатмалар беради;

4) вазирлик тизимидаги ташкилотларнинг лавозимлари рўйхатига кирувчи ходимларни белгиланган тартибда лавозимга тайинлайди ва озод қилади;

5) ўз ўринбосарлари ва вазирлик тизимидаги бошқа мансабдор шахсларининг ваколатлари ва мажбуриятларини белгилайди, улар ўртасида вазифаларни тақсимлайди;

6) Вазирликнинг даврий иш режаларини тасдиқлайди ва уларнинг бажарилиши устидан назоратни таъминлайди;

7) Вазирлик ходимларини тизимли қайта тайёрлашни ва уларнинг малакасини оширишни ташкил этади;

8) Вазирлик тизимида кадрларни танлаш ва жой-жойига қўйиш, уларнинг мутахассисликларига (юриспруденция, иқтисод, молия, психология, ташқи алоқалар, филология ва ҳ.к.) талаблар белгилаш, самарали фаолияти учун зарур шарт-шароитлар яратиш, Вазирликнинг кадрлар захирасини шакллантириш чораларини кўради;

9) Ўзбекистон Республикаси Президенти, Ўзбекистон Республикаси Президенти Администрацияси номенклатурасига кирадиган бўш лавозимларга таклиф этилган кадрларнинг, шунингдек, Вазирликка ишга қабул қилинаётган бошқа кадрларнинг профессионаллиги ва ўз ишини билиши, юксак даражадаги ишчанлик ва маънавий-ахлоқий фазилатларга эга бўлишини таъминлашга қаратилган чораларни амалга оширади;

10) ўз ваколати доирасида норматив-ҳуқуқий ҳужжатлар қабул қилади, зарур ҳолларда давлат бошқарувининг бошқа органлари билан биргаликда қарорлар ва бошқа ҳужжатларни биргаликда қабул қилади;

11) Вазирликнинг ҳудудий ва таркибий тузилмаларининг раҳбарлари фаолиятини мувофиқлаштиради ва назорат қилади;

12) Вазирлик ходимларини рағбатлантириш ва интизомий жавобгарликка тортиш масалаларини ҳал этади, ўзининг ўринбосарларини рағбатлантириш ва интизомий жавобгарликка тортиш, шу жумладан, уларнинг эгаллаб турган лавозимда қолиши мақсадга мувофиқлиги масаласини кўриб чиқиш бўйича таклифларни киритади, уларнинг шахсий масъулиятини ошириш бўйича тизимли чора-тадбирлар кўради;

13) белгиланган тартибда мартаба даражаларини беради ҳамда олий мартаба даражалари бериш учун адлия органлари ва муассасалари ходимларини, шунингдек, қонунчиликда белгиланган тартибда бошқа давлат органлари ходимларини Ўзбекистон Республикаси Президентига тақдим этади;

14) Ўзбекистон Республикаси Адлия вазирлиги тизимидаги молиявий мутаносибликни таъминлаш учун адлия органлари ва муассасаларининг бюджетдан ташқари маблағларини қайта тақсимлайди.

15. Вазирликка Ўзбекистон Республикаси Олий Мажлиси Қонунчилик палатаси маъқуллаганидан сўнг Ўзбекистон Республикасининг Бош вазири тақдимномасига биноан Ўзбекистон Республикаси Президенти томонидан лавозимга тасдиқланадиган ва лавозимдан озод этиладиган Вазир бошчилик қилади.

Вазир ўз мақомига кўра Вазирлар Маҳкамаси аъзоси ҳисобланади.

16. Вазир беш нафар ўринбосарга, шу жумладан, бир нафар биринчи ўринбосарга эга бўлади.

17. Вазирнинг биринчи ўринбосари ва бошқа ўринбосарлари Ўзбекистон Республикаси Президенти томонидан лавозимга тайинланади ва лавозимдан озод этилади.

18. Вазир бўлмаган вақтда унинг ваколатлари вазирнинг биринчи ўринбосари томонидан, у бўлмаган вақтда эса вазир буйруғига асосан бошқа ўринбосар томонидан амалга оширилади.

19. Вазирликнинг ҳудудий тузилмалар ва идоравий мансуб ташкилотлар раҳбарлари вазир томонидан лавозимга тайинланади ва лавозимдан озод этилади, қонунчилик ҳужжатлари билан белгиланган ҳоллар бундан мустасно.

20. Вазирликнинг ҳудудий тузилмалари ва идоравий мансуб ташкилотлари тўғрисидаги низомлар вазир томонидан тасдиқланади, агар Ўзбекистон Республикаси Президенти ёки Вазирлар Маҳкамаси қарорларида бошқача қоида назарда тутилмаган бўлса.

2-§. Юклатилган вазифа ва функцияларни бажариш, шунингдек Вазирлик марказий аппарати таркибий тузилмаларининг унинг ҳудудий тузилмалари билан ўзаро ҳамкорлиги тартиби

21. Вазирлик ўзига юклатилган вазифа ва функцияларни бевосита, шунингдек, адлия органлари ва муассасалари орқали бажаради.

22. Вазирлик марказий аппарати таркибий тузилмалари ва унинг ҳудудий тузилмалари ҳамда идоравий мансуб ташкилотларнинг ўзаро ҳамкорлиги жараёнида юзага келадиган келишмовчиликлар вазирнинг топшириғига биноан унинг тегишли ўринбосари томонидан кўриб чиқилади. Агар вазир ўринбосари томонидан келишмовчиликларни тартибга солишнинг имконияти бўлмаса, сўнгги қарор бевосита вазир томонидан қабул қилинади.

3-§. Вазирликнинг бошқа давлат бошқаруви органлари, хўжалик бирлашмалари, маҳаллий давлат ҳокимияти органлари ва бошқа ташкилотлар билан ўзаро ҳамкорлиги

23. Вазирлик ўз вазифалари ва функцияларини амалга оширишда бошқа давлат бошқаруви органлари, хўжалик бирлашмалари, маҳаллий давлат ҳокимияти органлари ва бошқа ташкилотлар билан ўзаро ҳамкорлик қилади.

24. Вазирликнинг ҳудудий тузилмалари ўз ваколати доирасида бошқа давлат бошқаруви органларининг ҳудудий органлари, хўжалик бирлашмалари, маҳаллий давлат ҳокимияти органлари ва бошқа ташкилотлар билан ўзаро ҳамкорлик қилади.

Вазирликнинг ҳудудий тузилмалари тегишли ҳудудларни ижтимоий-иқтисодий ривожлантириш бўйича «йўл хариталари»ни ишлаб чиқишда ва амалга оширишда комплекс ижтимоий-иқтисодий ривожлантириш бўйича секторлар билан ўзаро яқин ҳамкорлик қилади.

Вазирликнинг ҳудудий бўлинмалари ўз ваколатлари доирасида интеллектуал мулк соҳасида ҳуқуқбузарликларни аниқлаш ва олдини олиш бўйича ҳуқуқни муҳофаза қилувчи, солиқ ва бошқа ҳудудий давлат органлари билан ҳамкорлик қилади.

25. Вазирликнинг фаолиятига Ўзбекистон Республикаси Президенти Администрациясининг тегишли таркибий бўлинмалари томонидан мутасаддилик қилинади.

4-§. Вазирликнинг ҳайъати, бошқа кенгаш, маслаҳат, эксперт органлари

26. Вазирликда раҳбар, (ҳайъат раиси), унинг ўринбосарлари (лавозими бўйича), шунингдек, унинг фаолиятининг асосий йўналишларини мувофиқлаштирувчи таркибий тузилмалар раҳбарларидан иборат таркибда ҳайъат тузилади.

Ҳайъат таркибининг сони ва шахсий таркиби вазирнинг тақдимномасига биноан Вазирлар Маҳкамаси томонидан тасдиқланади.

27. Ҳайъатга қуйидаги вазифалар юкланади:

Вазирлик таркибий тузилмалар раҳбарларининг тегишли тузилмалар фаолияти ҳамда қонунчилик ҳужжатлари, Ўзбекистон Республикаси Президенти ҳужжатлари ва Ўзбекистон Республикаси Ҳукумати қарорлари ижроси бўйича ҳисоботларини эшитиш;

Вазирлик фаолиятининг асосий масалаларини кўриб чиқиш, қабул қилинган қарорлар ижросини текшириш масалаларини, Вазирлик фаолиятида муҳим аҳамиятга эга буйруқлари ва бошқа ҳужжатлари лойиҳаларини, шунингдек, текширувлар натижаларини муҳокама қилиш.

Ҳайъат Вазирлик ваколатига киритилган бошқа масалаларни ҳам кўриб чиқишга ҳақлидир.

28. Ҳайъат мажлисига давлат бошқаруви органлари, хўжалик бирлашмалари, бошқа ташкилотлар раҳбарлари, уларнинг ваколатига кирадиган масалалар юзасидан таклиф этилиши мумкин.

29. Ҳайъат, агар унинг мажлисида ҳайъат таркибининг ярмидан кўпи қатнашса, ваколатли ҳисобланади. Кўриб чиқилаётган масалалар юзасидан қарорлар оддий кўпчилик овоз билан қабул қилинади.

30. Ҳайъат қарорлари вазирнинг буйруқлари билан амалга оширилади.

31. Вазир ва ҳайъат аъзолари ўртасида келишмовчиликлар юзага келган тақдирда, вазир юзага келган келишмовчиликлар ҳақида Вазирлар Маҳкамасига ва Ўзбекистон Республикаси Президенти Администрациясига ахборот берган ҳолда мустақил равишда қарор қабул қилади. Ҳайъат аъзолари ҳам Вазирлар Маҳкамасига ва Ўзбекистон Республикаси Президенти Администрациясига ўз фикрини билдириши мумкин.

32. Ҳайъат фаолияти тартиби ҳайъат томонидан тасдиқланадиган регламент билан белгиланади.

33. Вазирлик ҳузурида Ўзбекистон Республикаси адлия вазири раис ҳисобланган интеллектуал мулк объектларининг ҳуқуқий муҳофазаси билан боғлиқ бўлган апелляцияларни судгача кўриб чиқувчи Апелляция кенгаши ташкил этилади.

Апелляция кенгашининг таркибига интеллектуал мулк соҳасидаги мустақил олимлар ва мутахассислар киради. Апелляция кенгаши таркибида адлия органлари ва муассасаларининг ходимлари сони Апелляция кенгаши аъзолари умумий сонининг ўттиз фоизидан ошмаслиги лозим.

Вазирликда бошқа кенгаш, маслаҳат ва экспертлик органлари тузилиши мумкин.

34. Вазирлик ҳузурида тузиладиган кенгаш, маслаҳат ва экспертлик органлари таркиби ва улар тўғрисидаги низомлар вазир томонидан тасдиқланади, уларнинг таркиби ва низомлари Ўзбекистон Республикаси Президенти ҳужжатлари ва Вазирлар Маҳкамаси қарорлари билан тасдиқланадиган ҳоллар бундан мустасно.

6-боб. Вазирлик фаолияти самарадорлиги ва натижадорлигини баҳолаш мезонлари ва иш индикаторлари

35. Вазирлик фаолиятининг самарадорлиги мунтазам баҳоланади.

36. Вазирлик фаолияти самарадорлиги ва натижадорлигига берилган баҳо Ўзбекистон Республикаси Президенти Администрациясининг тегишли таркибий бўлинмалари томонидан тасдиқланадиган Вазирлик фаолияти самарадорлиги ва натижадорлигини баҳолаш мезонлари ва иш индикаторларига асосланади.

37. Вазирлик фаолияти самарадорлиги ва натижадорлигини баҳолаш якунлари бўйича:

Вазирлик раҳбарлари ва ходимларини рағбатлантириш (мукофотлаш) ёки интизомий жавобгарликка тортиш;

Вазирлик фаолиятида аниқланган камчиликларни бартараф этиш ва унинг фаолиятини янада такомиллаштириш чора-тадбирлари кўрилади.

7-боб. Вазирликни фаолиятини молиялаштириш ва моддий-техник таъминлаш, унинг ходимлари меҳнатига ҳақ тўлаш ва моддий рағбатлантириш

38. Қуйидагилар Вазирлик фаолиятини молиялаштириш манбалари ҳисобланади:

Ўзбекистон Республикаси Давлат бюджети маблағлари;

адлия органлари ва муассасаларининг бюджетдан ташқари маблағлари;

қонунчилик ҳужжатларига мувофиқ пуллик хизмат кўрсатишдан тушадиган маблағлар;

вақтинча бўш маблағларни тижорат банкларининг депозитларига жойлаштиришдан олинган даромадлар;

қонунчилик ҳужжатлари билан тақиқланмаган бошқа манбалар.

39. Вазирлик ва унинг ҳудудий тузилмаларини моддий-техник таъминлаш харажатларини молиялаштириш, шунингдек, уларнинг ходимлари меҳнатига ҳақ тўлаш ва моддий рағбатлантириш Ўзбекистон Республикаси Давлат бюджети, бюджетдан ташқари жамғармаларнинг манбалари ва қонунчилик ҳужжатларида тақиқланмаган бошқа манбалар ҳисобига амалга оширилади.

40. Вазирлик ходимларининг иш ҳақи лавозим маоши, мукофотлар, қўшимча ҳақлар, устамалардан ва қонунчилик ҳужжатларида назарда тутилган бошқа тўловлардан иборат.

Хизмат вазифасини сидқидилдан ва самарали бажариб келаётган Вазирликнинг юқори малакали, ташаббускор ходимларига юқори малакаси учун вазир томонидан адлия органлари ва муассасаларининг бюджетдан ташқари маблағлари ҳисобидан лавозим маошининг 200 фоизи миқдоридан кўп бўлмаган шахсий устамалар белгиланиши мумкин.

Вазирлик ходимлари лавозим маошларига ҳар ойда қўшиладиган рағбатлантириш хусусиятига эга бўлган қўшимча ҳақлар ва устамалар вазир томонидан тасдиқланадиган қоидаларга мувофиқ тўланади.

41. Ўзбекистон Республикаси Президенти ва Ўзбекистон Республикаси Вазирлар Маҳкамаси қарорлари билан бошқа лавозимларга тайинланган ёки Ўзбекистон Республикаси Олий Мажлиси Сенати, Қонунчилик палатасига сайланган (тайинланган) Вазирликнинг ходимларида Вазирликда берилган кўп йиллик хизматлари учун қўшимча ҳақ ва устамалар ҳамда мартаба даражалари сақланади.

8-боб. Вазирликнинг ҳисобдорлиги

42.Вазирлик раҳбарлари ўз фаолияти тўғрисида Ўзбекистон Республикаси Президентига, Ўзбекистон Республикаси Президенти Администрациясининг тегишли таркибий бўлинмаларига ва Вазирлар Маҳкамасига мунтазам равишда ҳисобот беради.

43. Ўзбекистон Республикаси Президенти Администрациясининг тегишли таркибий бўлинмалари раҳбарлари Вазирлик раҳбарларига юкланган вазифалар самарали бажарилиши бўйича улар фаолияти устидан мунтазам мониторинг олиб боради, Вазирлик фаолияти самарадорлигига холисона баҳо беради.

44. Мониторинг ва баҳолаш якунлари бўйича Вазирликнинг алоҳида ўрнак кўрсатган раҳбарлари, мансабдор шахслари ва ходимлари рағбатлантирилади ёхуд йўл қўйилган жиддий камчиликлар учун эгаллаб турган лавозимидан озод этишгача бўлган жавобгарликка тортилади.

9-боб. Якунловчи қоида

45. Вазирликни қайта ташкил этиш ва тугатиш қонунчилик ҳужжатларида белгиланган тартибда амалга оширилади.

Олдинги таҳрирга қаранг.

(2-илова Ўзбекистон Республикаси Президентининг 2024 йил 24 майдаги ПФ-80-сонли Фармонига асосан ўз кучини йўқотган — Қонунчилик маълумотлари миллий базаси, 25.05.2024 й., 06/24/80/0364-сон)

Олдинги таҳрирга қаранг.

(3-илова Ўзбекистон Республикаси Президентининг 2024 йил 24 майдаги ПФ-80-сонли Фармонига асосан ўз кучини йўқотган — Қонунчилик маълумотлари миллий базаси, 25.05.2024 й., 06/24/80/0364-сон)

Олдинги таҳрирга қаранг.

(4-илова Ўзбекистон Республикаси Президентининг 2024 йил 24 майдаги ПФ-80-сонли Фармонига асосан ўз кучини йўқотган — Қонунчилик маълумотлари миллий базаси, 25.05.2024 й., 06/24/80/0364-сон)

Олдинги таҳрирга қаранг.

(5-илова Ўзбекистон Республикаси Президентининг 2024 йил 24 майдаги ПФ-80-сонли Фармонига асосан ўз кучини йўқотган — Қонунчилик маълумотлари миллий базаси, 25.05.2024 й., 06/24/80/0364-сон)

Олдинги таҳрирга қаранг.

(6-илова Ўзбекистон Республикаси Президентининг 2024 йил 24 майдаги ПФ-80-сонли Фармонига асосан ўз кучини йўқотган — Қонунчилик маълумотлари миллий базаси, 25.05.2024 й., 06/24/80/0364-сон)

21. Ўзбекистон Республикаси Президентининг 2018 йил 14 июлдаги «Илмий ва илмий-техникавий фаолият натижаларини тижоратлаштириш самарадорлигини ошириш бўйича қўшимча чора-тадбирлар тўғрисида»ги ПҚ-3855-сон қарорининг 10-бандидан «ҳузуридаги Интеллектуал мулк агентлиги» сўзлари чиқариб ташлансин.

22. Ўзбекистон Республикаси Президентининг 2018 йил 14 ноябрдаги «Халқаро шартномани тасдиқлаш тўғрисида»ги ПҚ-4016-сон қарорининг 2-бандидан «ҳузуридаги Интеллектуал мулк агентлиги» сўзлари чиқариб ташлансин.

Олдинги таҳрирга қаранг.

(23-банд Ўзбекистон Республикаси Президентининг 2024 йил 24 майдаги ПФ-80-сонли Фармонига асосан ўз кучини йўқотган — Қонунчилик маълумотлари миллий базаси, 25.05.2024 й., 06/24/80/0364-сон)

24. Ўзбекистон Республикаси Президентининг 2019 йил 1 июлдаги «Ўзбекистон Республикаси Адлия вазирлиги ҳузуридаги Интеллектуал мулк агентлиги фаолиятини ташкил этиш чора-тадбирлари тўғрисида»ги ПҚ-4380-сон қарорида:

а) 1, 2, 4 — 6-бандлар, 3-банднинг «а», «б», «г» кичик бандлари ва ушбу қарорга 1-илова, 2-илованинг 2-банди «б» кичик бандининг учинчи — еттинчи хатбошилари ўз кучини йўқотган деб ҳисоблансин;

б) 3-банднинг «в» кичик бандидаги «Агентликнинг бюджетдан ташқари жамғармасига» сўзлари «Адлия вазирлигининг Интеллектуал мулкни ривожлантириш жамғармасига» сўзлари билан алмаштирилсин;

в) 9-банднинг «а» кичик банди учинчи хатбошисидан «ва Агентлик» сўзлари чиқариб ташлансин;

г) 10-банд қуйидаги таҳрирда баён этилсин:

«Тошкент шаҳри, Мустақиллик шоҳ кўчаси, 59-уй манзилидаги бино Адлия вазирлигига оператив бошқарув ҳуқуқи асосида бепул берилсин».

25. Ўзбекистон Республикаси Президентининг 2019 йил 20 сентябрдаги «Қурилиш соҳасига ахборот-коммуникация технологияларини кенг жорий этиш чора-тадбирлари тўғрисида»ги ПҚ-4464-сон қарорига 1-иловада:

а) ўн тўртинчи хатбоши чиқариб ташлансин;

б) ўн бешинчи ва ўн олтинчи хатбошилар тегишинча ўн тўртинчи ва ўн бешинчи хатбошилар деб ҳисоблансин.

26. Ўзбекистон Республикаси Президентининг 2019 йил 3 октябрдаги «Ижтимоий-иқтисодий ривожланишда иқтисодий тадқиқотлар сифати ва ролини ошириш чора-тадбирлари тўғрисида»ги ПҚ-4471-сон қарорининг 16-банди тўртинчи хатбошисидан «ҳузуридаги Интеллектуал мулк агентлиги» сўзлари чиқариб ташлансин.

Олдинги таҳрирга қаранг.

(27-банд Ўзбекистон Республикаси Президентининг 2024 йил 16 августдаги ПФ-111-сонли Фармонига асосан ўз кучини йўқотган — Қонунчилик маълумотлари миллий базаси, 16.08.2024 й., 06/24/111/0623-сон)

28. Ўзбекистон Республикаси Президентининг 2020 йил 22 июндаги «Ўзбекистон Республикасининг халқаро шартномаларидан ва халқаро ташкилотларга аъзоликдан келиб чиқадиган мажбуриятларини бажариш тартибини такомиллаштириш чора-тадбирлари тўғрисида»ги ПҚ-4756-сон қарорига 1-илованинг 53-позицияси «Тўловчилар номи» устунидаги «Интеллектуал мулк агентлиги» сўзлари «Адлия вазирлиги» сўзлари билан алмаштирилсин.

29. Ўзбекистон Республикаси Президентининг 2020 йил 3 августдаги ПҚ-4796-сон қарори билан тасдиқланган 2020 — 2025 йилларда Ўзбекистон Республикаси статистикасини ривожлантиришнинг миллий стратегиясининг «V. Алоҳида статистик йўналишлар ва методологияларни такомиллаштириш» бўлимидаги «Адлия вазирлиги ҳузуридаги Давлат хизматлари агентлигининг» сўзлари «Адлия вазирлигининг» сўзлари билан алмаштирилсин.

30. Ўзбекистон Республикаси Президентининг 2020 йил 4 августдаги «Аҳолига давлат ижтимоий хизматлари ва ёрдам тақдим этиш тартиб-таомилларини автоматлаштириш бўйича қўшимча чора-тадбирлар тўғрисида»ги ПҚ-4797-сон қарорининг 7-банди бешинчи хатбошисидан «ҳузуридаги Давлат хизматлари агентлиги» сўзлари чиқариб ташлансин

31. Ўзбекистон Республикаси Президентининг 2020 йил 17 ноябрдаги «1993 йил 22 январдаги Фуқаролик, оилавий ва жиноят ишлари бўйича ҳуқуқий ёрдам ҳамда ҳуқуқий муносабатлар тўғрисидаги Конвенция ва 2002 йил 7 октябрдаги Фуқаролик, оилавий ва жиноий ишлар бўйича ҳуқуқий ёрдам ва ҳуқуқий муносабатлар тўғрисидаги Конвенция қоидаларини амалга ошириш чора-тадбирлари тўғрисида»ги ПҚ-4895-сон қарорида:

а) 1-илованинг 5-позицияси «Ваколатли органнинг номи» устунидан «Адлия вазирлиги ҳузуридаги Давлат хизматлари агентлиги» сўзлари чиқариб ташлансин;

б) 2-илованинг 5-позицияси «Ваколатли органнинг номи» устунидан «Адлия вазирлиги ҳузуридаги Давлат хизматлари агентлиги» сўзлари чиқариб ташлансин.

32. Ўзбекистон Республикаси Президентининг 2020 йил 25 ноябрдаги «Биотехнологияларни ривожлантириш ва мамлакатнинг биологик хавфсизлигини таъминлаш тизимини такомиллаштириш бўйича комплекс чора-тадбирлар тўғрисида»ги ПҚ-4899-сон қарорига 2-илованинг 3 — 7, 9, 12-позициялари «Масъул ижрочилар» устунидан «Интеллектуал мулк агентлиги (Сагдуллаев),» сўзлари чиқариб ташлансин.

33. Ўзбекистон Республикаси Президентининг 2021 йил 15 мартдаги «Тартибга солиш таъсирини баҳолаш тизимини янада такомиллаштириш чора-тадбирлари тўғрисида»ги ПҚ-5025-сон қарорида:

а) 1-банднинг биринчи хатбошиси қуйидаги таҳрирда баён этилсин:

«Тартибга солиш таъсирини баҳолаш тизими жорий этилиши доирасида муҳим иқтисодий ва ижтимоий-сиёсий аҳамиятга эга норматив-ҳуқуқий ҳужжатлар лойиҳалари, қоида тариқасида, жамоатчилик муҳокамасидан ўтказилиши белгиланганлиги маълумот учун қабул қилинсин»;

б) Норматив-ҳуқуқий ҳужжатлар лойиҳаларини ва қабул қилинган норматив-ҳуқуқий ҳужжатларни тартибга солиш таъсирини баҳолашдан ўтказиш тартиби тўғрисидаги низомнинг 13-бандидаги «Лойиҳа» ва «мажбурий тартибда» сўзлари тегишинча «Муҳим иқтисодий ва ижтимоий-сиёсий аҳамиятга эга лойиҳа» ва «, қоида тариқасида,» сўзлари билан алмаштирилсин.

34. Ўзбекистон Республикаси Президентининг 2021 йил 22 июлдаги ПҚ-5189-сон қарори билан тасдиқланган Вазирликлар, давлат қўмиталари, давлат бошқарувининг бошқа органлари ва хўжалик бирлашмалари раҳбарлари ўринбосарларининг фаолияти кўрсаткичларини ишлаб чиқиш, мониторинг қилиш ва самарадорлигини баҳолаш тартиби тўғрисида низомга 2-илованинг «IV. Агентликлар» бўлимининг 10 ва 11-позициялари чиқариб ташлансин.

35. Ўзбекистон Республикаси Президентининг 2021 йил 22 октябрдаги «Норматив-ҳуқуқий ҳужжатлар ва уларнинг лойиҳаларини коррупцияга қарши экспертизадан ўтказишни янада такомиллаштириш чора-тадбирлари тўғрисида»ги ПҚ-5263-сон қарорининг 3-банди тўртинчи хатбошисидаги ва 7-банднинг «в» кичик бандидаги «20 январга» сўзлари «20 мартга» сўзлари билан алмаштирилсин.

36. Ўзбекистон Республикаси Президентининг 2021 йил 23 ноябрдаги «Мева-сабзавотчилик ва узумчиликда оилавий тадбиркорликни ривожлантириш, қишлоқ хўжалиги ишлаб чиқаришида деҳқон хўжаликларининг улушини ошириш чора-тадбирлари тўғрисида»ги ПҚ-20-сон қарорига 2-илованинг 8-бандидан «ва унинг ҳузуридаги Давлат хизматлари агентлиги» сўзлари чиқариб ташлансин.

37. Ўзбекистон Республикаси Президентининг 2021 йил 21 декабрдаги «Ногиронлиги бўлган шахсларни ҳар томонлама қўллаб-қувватлаш, уларнинг бандлигига кўмаклашиш ҳамда ижтимоий фаоллигини янада оширишга оид қўшимча чора-тадбирлар тўғрисида»ги ПҚ-57-сон қарорида:

а) 7-бандда:

«а» кичик банднинг биринчи хатбошисидаги «Давлат хизматлари агентлиги (У. Муҳаммадиев)» сўзлари «Адлия вазирлиги (Р. Давлетов)» сўзлари билан алмаштирилсин;

«б» кичик бандидаги «Давлат хизматлари агентлиги (У. Муҳаммадиев)» сўзлари «Адлия вазирлиги (Р. Давлетов)» сўзлари билан алмаштирилсин;

б) 9-банднинг «г» кичик бандидаги «Давлат хизматлари агентлиги (У. Муҳаммадиев)» сўзлари «Адлия вазирлиги (Р. Давлетов)» сўзлари билан алмаштирилсин.

38. Ўзбекистон Республикаси Президентининг 2022 йил 28 январдаги «Ишни судга қадар юритишда ягона идоралараро электрон ҳамкорлик тизимини жорий этиш чора-тадбирлари тўғрисида»ги ПҚ-105-сон қарорида:

а) 1-илованинг 20-банди ўз кучини йўқотган деб ҳисоблансин;

б) 2-илованинг 4-позицияси «Масъул ижрочилар» устунидан «Интеллектуал мулк агентлиги (Т. Абдусатторов)» сўзлари чиқариб ташлансин.

39. Ўзбекистон Республикаси Президентининг 2022 йил 8 февралдаги «Давлат муассасаларини ислоҳ қилишни жадаллаштириш чора-тадбирлари тўғрисида»ги ПҚ-123-сон қарорининг 2-банди тўртинчи хатбошисидаги «ҳузуридаги Давлат хизматлари агентлиги» сўзлари чиқариб ташлансин.

Олдинги таҳрирга қаранг.

(40-банд Ўзбекистон Республикаси Президентининг 2024 йил 24 майдаги ПФ-80-сонли Фармонига асосан ўз кучини йўқотган — Қонунчилик маълумотлари миллий базаси, 25.05.2024 й., 06/24/80/0364-сон)

Ўзбекистон Республикаси Президентининг 2022 йил 17 мартдаги ПФ-89-сон Фармонига
3-ИЛОВА

Ўзбекистон Республикаси Президентининг ўз кучини йўқотган деб эътироф этилаётган айрим ҳужжатлари

РЎЙХАТИ

1. Ўзбекистон Республикаси Президентининг 2017 йил 12 декабрдаги «Аҳолига давлат хизматлари кўрсатишнинг миллий тизимини тубдан ислоҳ қилиш чора-тадбирлари тўғрисида»ги ПФ-5278-сон Фармонининг 2, 3, 5 — 7-бандлари ҳамда ушбу Фармонга 1-илова.

2. Ўзбекистон Республикаси Президентининг 2018 йил 11 июлдаги «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида»ги ПФ-5475-сон Фармонига 1-илованинг 14-банди.

Олдинги таҳрирга қаранг.

(3-банд Ўзбекистон Республикаси Президентининг 2025 йил 25 ноябрдаги ПФ-231-сонли Фармонига асосан ўз кучини йўқотган — Қонунчилик маълумотлари миллий базаси, 26.11.2025 й., 06/25/231/1091-сон)

4. Ўзбекистон Республикаси Президентининг 2019 йил 1 февралдаги «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида»ги ПФ-5650-сон Фармонига 1-илованинг 14-банди «а» ва «в» кичик бандлари.

5. Ўзбекистон Республикаси Президентининг 2019 йил 8 октябрдаги «Ўзбекистон Республикаси олий таълим тизимини 2030 йилгача ривожлантириш концепциясини тасдиқлаш тўғрисида»ги ПФ-5847-сон Фармонига 2-илованинг 6-позицияси.

6. Ўзбекистон Республикаси Президентининг 2020 йил 31 январдаги «Давлат хизматлари кўрсатиш миллий тизимини жадал ривожлантириш бўйича қўшимча чора-тадбирлар тўғрисида»ги ПФ-5930-сон Фармонига 4-илованинг 4-банди.

7. Ўзбекистон Республикаси Президентининг 2020 йил 19 майдаги «Давлат ҳуқуқий сиёсатини амалга оширишда адлия органлари ва муассасалари фаолиятини янада такомиллаштириш чора-тадбирлари тўғрисида»ги ПФ-5997-сон Фармонининг 6-банди учинчи хатбошиси, шунингдек, Фармонга 2-илованинг 5 ва 64-позициялари, 5-илова ҳамда 7-илованинг 8-банди.

8. Ўзбекистон Республикаси Президентининг 2020 йил 8 июлдаги «Ўзбекистон Республикаси Президентининг айрим ҳужжатларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида»ги ПФ-6021-сон Фармонига 1-илованинг 21 ва 32-бандлари.

9. Ўзбекистон Республикаси Президентининг 2020 йил 18 августдаги «Республикада экспорт ва инвестиция салоҳиятини янада ривожлантиришга оид қўшимча чора-тадбирлар тўғрисида»ги ПФ-6042-сон Фармонига 2-илованинг 4-банди.

10. Ўзбекистон Республикаси Президентининг 2021 йил 4 мартдаги «2021 — 2025 йилларда фуқаролик жамиятини ривожлантириш концепциясини тасдиқлаш тўғрисида»ги ПФ-6181-сон Фармонига 2-илованинг 24-позицияси.

11. Ўзбекистон Республикаси Президентининг 2021 йил 17 мартдаги «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида»ги ПФ-6188-сон Фармонига 1-илованинг 37-банди.

12. Ўзбекистон Республикаси Президентининг 2021 йил 30 апрелдаги «Миллий қонунчилик базасини комплекс тизимлаштириш чора-тадбирлари тўғрисида»ги ПФ-6218-сон Фармонига 2-илованинг 17 ва 97-бандлари, 3-илованинг 11, 28, 29 ва 35-позициялари ҳамда 5-илованинг 6-позицияси.

13. Ўзбекистон Республикаси Президентининг 2021 йил 28 июндаги «Ўзбекистон Республикасининг жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш миллий тизимини ривожлантириш стратегиясини тасдиқлаш тўғрисида»ги ПФ-6252-сон Фармонига 3-илованинг 21-банди.

14. Ўзбекистон Республикаси Президентининг 2021 йил 17 июлдаги «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида»ги ПФ-6263-сон Фармонига илованинг 9-банди.

15. Ўзбекистон Республикаси Президентининг 2007 йил 3 январдаги «Ўзбекистон Республикаси уй-жой фондини совуқ ва иссиқ сув ҳисоблагич асбоб-ускуналари билан жиҳозлаш» инвестиция лойиҳасини амалга ошириш чора-тадбирлари тўғрисида»ги ПҚ-553-сон қарори 3-бандининг бешинчи хатбошиси ва қарорга 4-илова.

16. Ўзбекистон Республикаси Президентининг 2013 йил 23 майдаги «Қишлоқ хўжалиги техникаси ва технологияларини синовдан ўтказиш тизимини янада такомиллаштириш чора-тадбирлари тўғрисида»ги ПҚ-1972-сон қарорига 3-илованинг 2-банди.

17. Ўзбекистон Республикаси Президентининг 2017 йил 26 майдаги «Ўзтадбиркорэкспорт» акциядорлик жамияти фаолиятининг самарадорлигини оширишга оид қўшимча чора-тадбирлар тўғрисида»ги ПҚ-3009-сон қарорига 3-илованинг 6-банди.

18. Ўзбекистон Республикаси Президентининг 2019 йил 8 февралдаги «Интеллектуал мулк соҳасида давлат бошқарувини такомиллаштириш чора-тадбирлари тўғрисида»ги ПҚ-4168-сон қарорининг 2 ва 4-бандлари.

19. Ўзбекистон Республикаси Президентининг 2019 йил 15 февралдаги «Давлат хизматлари кўрсатиш миллий тизимини янада комплекс ривожлантириш чоралари ҳақида»ги ПҚ-4193-сон қарори 3-бандининг учинчи хатбошиси ҳамда ушбу қарорга 2-илова.

20. Ўзбекистон Республикаси Президентининг 2019 йил 19 сентябрдаги «Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида»ги ПҚ-4461-сон қарорига илованинг 4-банди.

Олдинги таҳрирга қаранг.

(21-банд Ўзбекистон Республикаси Президентининг 2025 йил 25 ноябрдаги ПФ-231-сонли Фармонига асосан ўз кучини йўқотган — Қонунчилик маълумотлари миллий базаси, 26.11.2025 й., 06/25/231/1091-сон)

22. Ўзбекистон Республикаси Президентининг 2020 йил 30 июлдаги «Ўзбекистон Республикаси аҳолиси ва ҳудудининг сейсмик хавфсизлигини таъминлаш тизимини тубдан такомиллаштириш чора-тадбирлари тўғрисида»ги ПҚ-4794-сон қарорига 3-илованинг 2-банди.

23. Ўзбекистон Республикаси Президентининг 2021 йил 28 январдаги «Интеллектуал мулк объектларини муҳофаза қилиш тизимини такомиллаштириш чора-тадбирлари тўғрисида»ги ПҚ-4965-сон қарорига 1-илованинг 7-позицияси ҳамда 3-илованинг 1-банди.

24. Ўзбекистон Республикаси Президентининг 2022 йил 12 январдаги «Коррупцияга қарши курашиш ишларининг самарадорлигини рейтинг баҳолаш тизимини жорий этиш чора-тадбирлари тўғрисида»ги ПҚ-81-сон қарорига 1-илованинг 16 ва 17-позициялари.

(Қонунчилик маълумотлари миллий базаси, 18.03.2022 й., 06/22/89/0227-сон; 25.05.2024 й., 06/24/80/0364-сон; 16.08.2024 й., 06/24/111/0623-сон; 26.11.2025 й., 06/25/231/1091-сон)