Шаҳрисабз шаҳрининг тарихий қисмида майдонлар, кўчалар, парклар, фавворалар ва бошқа ташқи ободонлаштириш объектларини ободонлаштириш ишларини ташкил этиш ҳамда бошқаришни янада такомиллаштириш, шунингдек игнабаргли ва манзарали ўсимликлар қимматли турларининг сақланишини таъминлаш, Шаҳрисабз шаҳрининг тарихий қисмини намунали тарзда сақлаш мақсадида Вазирлар Маҳкамаси қарор қилади:

1. Қашқадарё вилояти ҳокимлигининг Шаҳрисабз шаҳар ҳокимлиги ҳузурида Шаҳрисабз шаҳар Ободонлаштириш бошқармасини (кейинги ўринларда — Бошқарма) ташкил этиш тўғрисидаги таклифи қабул қилинсин.

2. Қуйидагилар Бошқарманинг қўшимча вазифалари этиб белгилансин:

шаҳарсозлик ва санитария нормалари ва қоидаларига мувофиқ Шаҳрисабз шаҳрининг тарихий қисмидаги майдонлар, кўчалар, парклар, фаввораларнинг ободонлаштириш объектларини ҳамда бошқа ташқи ободонлаштириш объектларини сақлаш ва улардан фойдаланиш ишларини ўз вақтида ва сифатли ташкил этиш;

кўкаламзорлаштириш объектларини сақлаш ва улардан фойдаланиш, дарахтларни, буталарни, гулларни парвариш қилиш ва кўкаламзорлаштирилган майдончаларни таъмирлаш учун зарур агротехника ишларини амалга ошириш;

ободонлаштириш объектларини сақлаш, улардан фойдаланиш ишларининг ўз вақтида ва сифатли бажарилишини ташкил этиш, мукаммал ва жорий таъмирлашга доир пудрат шартномалари тузиш ҳамда сунъий суғориш тизимлари, насос станциялари, қудуқлар, йўл ва йўлкалар қаттиқ қопламаларининг зарур санитария ва техник ҳолатда бўлишини таъминлаш;

архитектура иншоотларидан фойдаланиш, уларни жорий ва мукаммал таъмирлаш, шунингдек тегишли санитария ва техник ҳолатда сақлаш;

игнабаргли ва манзарали ўсимликларнинг қимматли турларини сақлаш, улардан фойдаланиш ҳамда уларни сақлаб қолиш ишларининг ўз вақтида ва сифатли бажарилишини ташкил этиш, яшил майсаларни сақлаш, уларнинг зараркунандаларига ва касалликларига қарши курашишга доир комплекс агротехника тадбирларини, хизмат кўрсатиладиган ҳудудни янада кўкаламзорлаштириш ва обод қилиш чора-тадбирларини амалга ошириш;

замонавий асбоб-ускуналар ва технологияларни жорий этган ҳолда ташқи ёритиш тармоқларини, сунъий суғориш ва фавворалар тизимларини сақлаш ва улардан фойдаланиш.

3. Қуйидагилар:

2016 йилда Шаҳрисабз шаҳрининг тарихий қисмини ободонлаштириш, кўкаламзорлаштириш ва сақлаш департаментини таъминлаш учун махсус автотранспорт воситалари ва асбоб-ускуналар рўйхати 3-иловага мувофиқ тасдиқлансин.

6. Белгилансинки, Шаҳрисабз шаҳар Ободонлаштириш бошқармаси ўз фаолиятини Вазирлар Маҳкамасининг «Республика аҳоли пунктларини ободонлаштириш ишларини ташкил этишни такомиллаштириш чора-тадбирлари тўғрисида» 2013 йил 10 январдаги 4-сон қарорида белгиланган тартибга мувофиқ амалга оширади.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.И. Закиров зиммасига юклансин.