O‘ZBEKISTON RESPUBLIKASI VAZIRLAR MAHKAMASINING
QARORI
Geografik ko‘rsatkichlarni rivojlantirish va qo‘llab-quvvatlash bo‘yicha chora-tadbirlar to‘g‘risida
O‘zbekiston Respublikasi Prezidentining “Intellektual faoliyat natijalarini rag‘batlantirish hamda sohaga zamonaviy axborot-kommunikatsiya texnologiyalarini joriy etishni kengaytirishga oid qo‘shimcha chora-tadbirlar to‘g‘risida” 2025-yil 27-noyabrdagi PQ-358-son qarori ijrosini ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Prezidentining “Intellektual faoliyat natijalarini rag‘batlantirish hamda sohaga zamonaviy axborot-kommunikatsiya texnologiyalarini joriy etishni kengaytirishga oid qo‘shimcha chora-tadbirlar to‘g‘risida” 2025-yil 27-noyabrdagi PQ-358-son qaroriga muvofiq:
asosiy maqsadi geografik ko‘rsatkichlarni rivojlantirish, ularni targ‘ib qilish, jumladan xorijiy davlatlarda targ‘ib qilish, tijoratlashtirish ishlarida tadbirkorlik subyektlariga va hunarmandlarga huquqiy hamda uslubiy yordam ko‘rsatish hisoblanadigan “oriGIn Uzbekistan” muassasa shaklidagi nodavlat notijorat tashkilotini (keyingi o‘rinlarda — “oriGIn Uzbekistan” muassasasi) tashkil etish;
har yili geografik ko‘rsatkichlar festivallarini o‘tkazib borish belgilangani ma’lumot uchun qabul qilinsin.
2. Toshkent davlat yuridik universiteti, Savdo-sanoat palatasi va “Hunarmand” uyushmasi muassisligida tashkil etiladigan “oriGIn Uzbekistan” muassasa shaklidagi nodavlat notijorat tashkilotining asosiy vazifalari sifatida quyidagilarni belgilash to‘g‘risidagi takliflar inobatga olinsin:
tadbirkorlik subyektlariga geografik ko‘rsatkichlarni aniqlash hamda ularni davlat ro‘yxatidan o‘tkazishda bepul huquqiy va uslubiy yordam ko‘rsatish;
aholining geografik ko‘rsatkichlar haqidagi xabardorligini oshirish bo‘yicha targ‘ibot ishlarini amalga oshirish;
milliy geografik ko‘rsatkichlarni xorijiy mamlakatlarda targ‘ib qilish choralarini ko‘rish;
geografik ko‘rsatkichlarni rivojlantirish va huquqiy muhofazasini ta’minlash holatini tahlil qilish, tahlil natijalariga ko‘ra amaldagi qonunchilikni takomillashtirish yuzasidan takliflar ishlab chiqish;
tadbirkorlik subyektlariga geografik ko‘rsatkichlardan foydalanish bo‘yicha birlashmalar tuzishga ko‘maklashish;
tadbirkorlik subyektlariga geografik ko‘rsatkichlarni tijoratlashtirishga ko‘maklashish.
3. Quyidagilar “oriGIn Uzbekistan” muassasasi faoliyatini moliyalashtirish manbalari etib belgilansin:
muassislar tomonidan ajratiladigan mablag‘lar;
jismoniy va yuridik shaxslarning homiylik xayriyalari;
xalqaro institutlar va xorijiy nohukumat tashkilotlarining mablag‘lari;
ijtimoiy sheriklik to‘g‘risidagi qonunchilikka muvofiq davlat ijtimoiy buyurtmasi doirasida davlat organlari va tashkilotlarining, jumladan Adliya vazirligining budjetdan tashqari mablag‘lari hisobidan to‘g‘ridan-to‘g‘ri tuziladigan shartnoma asosida ajratiladigan mablag‘lar;
qonunchilik hujjatlari bilan taqiqlanmagan boshqa manbalar.
4. “oriGIn Uzbekistan” muassasasi Adliya vazirligining Toshkent shahri, Shayxontohur tumani, Xadra mavzesi, 33-uy manzilidagi binosiga tekin foydalanish huquqi asosida joylashtirilsin.
5. Belgilansinki:
“oriGIn Uzbekistan” muassasasini bino, kompyuter texnikasi va boshqa zarur jihozlar bilan ta’minlash, shuningdek, muassasani “oriGIn” xalqaro geografik ko‘rsatkichlar tarmog‘i tashkilotiga a’zo bo‘lishini ta’minlash bilan bog‘liq xarajatlar budjetdan tashqari Adliya organlari va muassasalarini rivojlantirish jamg‘armasi mablag‘lari hamda Adliya vazirligining budjetdan tashqari mablag‘lari hisobidan;
“oriGIn Uzbekistan” muassasasi joylashgan binolarni saqlash (kommunal xizmatlar, joriy ta’mirlash va boshqalar) bilan bog‘liq xarajatlar muassislar tomonidan ajratiladigan mablag‘lar va boshqa manbalar hisobidan moliyalashtiriladi.
6. Investitsiyalar, sanoat va savdo vazirligi Tashqi ishlar vazirligi bilan birgalikda “oriGIn Uzbekistan” muassasasi xodimlarining xalqaro ko‘rgazma-yarmarkalar, treninglar hamda biznes-forumlarda ishtirok etishi bilan bog‘liq xarajatlarni qoplash uchun xalqaro va xorijiy grantlarni jalb etish choralarini ko‘rsin.
7. 2026-yilda O‘zbekiston Respublikasida geografik ko‘rsatkichlar festivallarini o‘tkazish reja-jadvali 1-ilovaga muvofiq tasdiqlansin.
8. Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari 2026-yil uchun reja-jadvalda belgilangan tadbirlarni o‘tkazish bilan bog‘liq xarajatlarni moliyalashtirish hamda tadbirlarni o‘tkazish joyi, vaqti, ishtirokchilari haqida ommaviy axborot vositalari va axborot tarqatishning boshqa manbalari orqali, shu jumladan tadbir o‘tkaziladigan hududlar aholisini kamida bir oy oldin xabardor qilish choralarini ko‘rsin.
9. O‘zbekiston Respublikasi Hukumatining 2-ilovaga muvofiq ayrim qarorlariga quyidagilarni nazarda tutuvchi o‘zgartirish va qo‘shimchalar kiritilsin:
O‘zbekiston Respublikasi Adliya vazirligi huzuridagi Apellyatsiya kengashi faoliyatini raqamlashtirish;
biologik aktiv moddalarni olib kirish va ishlab chiqarish jarayonlarida intellektual mulk huquqlariga rioya etilishini ta’minlash;
intellektual mulk obyektlariga oid talabnoma va arizalarni davlat xizmatlari markazlari orqali topshirish imkoniyatini yaratish;
intellektual mulkdan foydalanishni tadbirkorlik subyektlarining barqarorlik reytingini shakllantirishda inobatga olish;
intellektual mulk obyektlariga bo‘lgan huquqlar garovi to‘g‘risidagi shartnomalarni ro‘yxatdan o‘tkazish tartibini belgilash.
10. Adliya vazirligi manfaatdor vazirlik va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
11. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — iqtisodiyot va moliya vaziri J.A. Qo‘chqorov hamda adliya vaziri A.J. Tashkulov zimmasiga yuklansin.
O‘zbekiston Respublikasining Bosh vaziri A. ARIPOV
Toshkent sh.,
2026-yil 9-iyul,
375-son
Vazirlar Mahkamasining 2026-yil 9-iyuldagi 375-son qaroriga
1-ILOVA
1-ILOVA
2026-yilda O‘zbekiston Respublikasida geografik ko‘rsatkichlar festivallarini o‘tkazish
REJA-JADVALI
T/r | Tadbir nomi | Tadbir o‘tkaziladigan joyi va sanasi* | Mas’ul ijrochilar |
1. | “Xorazm qovuni” sayli | Xiva shahri, avgust-sentabr | Xorazm viloyati hokimligi, Turizm qo‘mitasi, O‘zbekiston fermerlari kengashi |
2. | “Marg‘ilon atlasi va adrasi” ko‘rgazmasi va ko‘rik tanlovi | Marg‘ilon shahri, sentabr-oktabr | Farg‘ona viloyati hokimligi, Turizm qo‘mitasi, “Hunarmand” uyushmasi |
3. | “G‘uzor tandir go‘shti” gastronomik festivali | G‘uzor tumani, sentabr-oktabr | Qashqadaryo viloyati hokimligi, Turizm qo‘mitasi |
4. | “Chiyal yaxna go‘shti” gastronomik festivali | Ko‘kdala tumani, sentabr-oktabr | Qashqadaryo viloyati hokimligi, Turizm qo‘mitasi |
5. | “Andijon do‘ppisi” milliy ko‘rgazmasi | Andijon shahri, sentabr-oktabr | Andijon viloyati hokimligi, Turizm qo‘mitasi, “Hunarmand” uyushmasi |
6. | “Baliq qarma” gastronomik festivali | Qo‘ng‘irot tumani, sentabr-oktabr | Qoraqalpog‘iston Respublikasi Vazirlar Kengashi, Turizm qo‘mitasi |
7. | “Qo‘qon pichoqlari” ko‘rgazmasi | Marg‘ilon shahri, noyabr | Farg‘ona viloyati hokimligi, Turizm qo‘mitasi, “Hunarmand” uyushmasi |
8. | “Xorazm baraklari” gastronomik festivali | Xiva shahri, noyabr | Xorazm viloyati hokimligi, Turizm qo‘mitasi |
9. | O‘zbekiston geografik ko‘rsatkichlari festivali (“OriGIn UZ” Festival) | Toshkent shahri, noyabr-dekabr | Toshkent shahri hokimligi, Turizm qo‘mitasi, “Hunarmand” uyushmasi |
Izoh.
Reja-jadvalda nazarda tutilmagan yangi geografik ko‘rsatkich ro‘yxatdan o‘tkazilganda, tegishli mahalliy ijro etuvchi hokimiyat organi belgilangan tadbirlar doirasida ushbu geografik ko‘rsatkich festivalini ham o‘tkazishi mumkin.
Mahalliy ijro etuvchi hokimiyat organlari mazkur reja-jadvalda nazarda tutilgan tadbirlarni rejalashtirilgan boshqa tadbirlar doirasida tashkil etishi mumkin.
Vazirlar Mahkamasining 2026-yil 9-iyuldagi 375-son qaroriga
2-ILOVA
2-ILOVA
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 2004-yil 6-iyuldagi 318-son qarori bilan tasdiqlangan Mahsulotni standart talablariga muvofiq sertifikatlashtirish tartibi to‘g‘risidagi nizomning 16-bandi ikkinchi xatboshisidagi “Sanoat mulki muhofazasi portali” so‘zlari “Intellektual mulk muhofazasi portali” so‘zlari bilan almashtirilsin.
2. Vazirlar Mahkamasining “O‘zbekiston Respublikasi Adliya vazirligining Apellyatsiya kengashi to‘g‘risidagi nizomni tasdiqlash haqida” 2019-yil 9-oktabrdagi 856-son qaroriga 1-ilovada:
8-bandning ikkinchi xatboshisi quyidagi tahrirda bayon etilsin:
“O‘zbekiston Respublikasi adliya vaziri Apellyatsiya kengashi raisi hisoblanadi. Apellyatsiya kengashi tarkibiga davlat organlari va boshqa tashkilotlar malakali va tajribali xodimlari, shuningdek, olimlar va mutaxassislar kiritiladi.”;
quyidagi mazmundagi 101-band bilan to‘ldirilsin:
“101. Apellyatsiya va ariza Vazirlikning “Intellektual mulk muhofazasi portali” (keyingi o‘rinlarda — Portal) orqali topshiriladi.”;
12-bandning beshinchi xatboshisi chiqarib tashlansin;
13-bandning to‘rtinchi xatboshisi quyidagi tahrirda bayon etilsin:
“Apellyatsiya kengashining majlislari jarayonlari videoyozuvda qayd etib boriladi va protokoli yuritilmaydi.”;
14-bandning birinchi xatboshisi “Vazirlik tomonidan” so‘zlaridan keyin “Portal orqali” so‘zlari bilan to‘ldirilsin;
15-band quyidagi tahrirda bayon etilsin:
“15. Apellyatsiya yoki ariza bergan shaxs, boshqa manfaatdor shaxslar iltimosnomasi asosida Apellyatsiya kengashi majlisini fototasvirga tushirish, audio- va videoyozuvini amalga oshirish, shuningdek ommaviy axborot vositalarida translyatsiya qilinishiga taraflarning roziligi va Apellyatsiya kengashi majlisida raislik qiluvchining ruxsati bilan yo‘l qo‘yiladi.”;
23-bandning uchinchi-to‘rtinchi xatboshilari quyidagi tahrirda bayon etilsin:
“Apellyatsiya kengashining qarori Apellyatsiya kengashi raisi va ishni ko‘rib chiqishda qatnashgan Apellyatsiya kengashining barcha a’zolari tomonidan Portal orqali QR-kod (matrik shtrixli kod) qo‘yish bilan tasdiqlanadi.
Qaror apellyatsiya yoki ariza bergan shaxs, boshqa manfaatdor shaxs yoxud ularning vakillarining Portaldagi shaxsiy kabinetiga yuboriladi.”;
29-band quyidagi mazmundagi xatboshi bilan to‘ldirilsin:
“Vazirlikning Apellyatsiya kengashi tarkibidagi xodimlariga O‘zbekiston Respublikasi adliya vaziri tomonidan tasdiqlanadigan qoidalarga muvofiq ustama to‘lanishi mumkin.”.
3. Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risida yagona nizomga 63-ilovada:
5-pozitsiya uchinchi ustunining 1-bandida:
“a” kichik bandda:
quyidagi mazmundagi beshinchi xatboshi bilan to‘ldirilsin:
“intellektual mulk obyekti (tovar belgisi yoki sanoat namunasi) (keyingi o‘rinlarda — IMO) ro‘yxatdan o‘tkazilganligi to‘g‘risidagi muhofaza hujjati (guvohnoma, patent yoki ularga ilova) nusxasi yoki IMOdan foydalanish to‘g‘risidagi shartnoma nusxasi (mavjud bo‘lganda);”;
beshinchi — to‘qqizinchi xatboshilar tegishlicha oltinchi — o‘ninchi xatboshilar deb hisoblansin;
“b” kichik bandda:
quyidagi mazmundagi uchinchi xatboshi bilan to‘ldirilsin:
“IMO ro‘yxatdan o‘tkazilganligi to‘g‘risidagi muhofaza hujjati (guvohnoma, patent yoki ularga ilova) nusxasi yoki IMOdan foydalanish to‘g‘risidagi shartnoma nusxasi (mavjud bo‘lganda);”;
uchinchi — to‘qqizinchi xatboshilar tegishlicha to‘rtinchi — o‘ninchi xatboshilar deb hisoblansin;
b) 9-pozitsiya uchinchi ustunining “l” kichik bandi quyidagi mazmundagi xatboshilar bilan to‘ldirilsin:
“biologik aktiv moddalarni dori vositalari qadoq o‘rami yoki nomi bilan aynan bir xil yoxud iste’molchini adashtirib yuborish darajasida o‘xshash qadoq o‘ramida qadoqlash yoki nom bilan nomlash;
biologik aktiv moddalarning qadoq o‘ramlari, loyihasi yoki nomi o‘zga shaxslarning IMOga bo‘lgan huquqlarni buzishi. Bunda biologik aktiv moddalarga ruxsatnoma berishda vakolatli organ “Intellektual mulk muhofazasi portali” orqali IMOga bo‘lgan huquqlarga rioya etilganlik holatini tekshiradi va o‘rganadi.”.
4. Vazirlar Mahkamasining “Geografik ko‘rsatkichlarni ro‘yxatdan o‘tkazish bo‘yicha davlat xizmatini ko‘rsatishning ma’muriy reglamentini tasdiqlash to‘g‘risida” 2022-yil 13-iyuldagi 385-son qarorida:
a) 2-bandning to‘rtinchi xatboshisidagi “vakolatli organning” so‘zlari “davlat xizmatlari markazi, vakolatli organning” so‘zlari bilan almashtirilsin;
b) 1-ilovada:
24-bandning ikkinchi xatboshisidagi “vakolatli organning” so‘zlari “davlat xizmatlari markazi, vakolatli organning” so‘zlari bilan almashtirilsin;
quyidagi mazmundagi ikkinchi xatboshi bilan to‘ldirilsin:
“Talabnoma beruvchi davlat xizmatlari markaziga kelib murojaat etganda, ariza davlat xizmatlari markazi xodimi tomonidan to‘ldirilib, talabnoma beruvchi tomonidan tasdiqlangandan so‘ng vakolatli organga elektron shaklda yuboriladi.”;
ikkinchi-uchinchi xatboshilar tegishlicha uchinchi-to‘rtinchi xatboshilar deb hisoblansin;
1-ilovaning “1-bosqich” pozitsiyasi “Tadbirlar” ustunidagi “vakolatli organning” so‘zlari “davlat xizmatlari markazi, vakolatli organning” so‘zlari bilan almashtirilsin.
5. Vazirlar Mahkamasining “Tovar belgilari va xizmat ko‘rsatish belgilarini ro‘yxatdan o‘tkazish bo‘yicha davlat xizmatini ko‘rsatishning ma’muriy reglamentini tasdiqlash to‘g‘risida” 2023-yil 19-sentabrdagi 480-son qarorida:
a) 1-bandning to‘rtinchi xatboshisidagi “vakolatli organning” so‘zlari “davlat xizmatlari markazi, vakolatli organning” so‘zlari bilan almashtirilsin;
b) ilovada:
7-bandning “d” kichik bandida:
uchinchi xatboshi chiqarib tashlansin;
to‘rtinchi — sakkizinchi xatboshilar tegishlicha uchinchi — yettinchi xatboshilar deb hisoblansin;
quyidagi mazmundagi oltinchi xatboshi bilan to‘ldirilsin:
“shakli jihatidan alohida farqlash xususiyatiga ega bo‘lmagan hajmli belgilar;”;
oltinchi va yettinchi xatboshilar tegishlicha yettinchi va sakkizinchi xatboshilar deb hisoblansin;
10-band quyidagi mazmundagi xatboshilar bilan to‘ldirilsin:
“Rozilik xatidagi imzoning haqiqiyligi notarius tomonidan shahodatlantirilgan bo‘lishi lozim.
Xorijiy davlatda rasmiylashtirilgan rozilik xati belgilangan tartibda legalizatsiya qilingan yoki apostil qo‘yilgan holda taqdim etiladi.”;
34-bandning ikkinchi xatboshisidagi “vakolatli organning” so‘zlari “davlat xizmatlari markazi, vakolatli organning” so‘zlari bilan almashtirilsin;
quyidagi mazmundagi ikkinchi xatboshi bilan to‘ldirilsin:
“Talabnoma beruvchi davlat xizmatlari markaziga kelib murojaat etganda, ariza davlat xizmatlari markazi xodimi tomonidan to‘ldirilib, talabnoma beruvchi tomonidan tasdiqlangandan so‘ng vakolatli organga elektron shaklda yuboriladi.”;
ikkinchi-uchinchi xatboshilar tegishlicha uchinchi-to‘rtinchi xatboshilar deb hisoblansin;
to‘rtinchi xatboshi chiqarib tashlansin;
beshinchi xatboshi to‘rtinchi xatboshi deb hisoblansin;
1-ilovaning “1-bosqich” pozitsiyasi “Tadbirlar” ustuni “vakolatli organning” so‘zlari “davlat xizmatlari markazi, vakolatli organning” so‘zlari bilan almashtirilsin.
6. Vazirlar Mahkamasining 2024-yil 30-yanvardagi 55-son qarori bilan tasdiqlangan Tadbirkorlik subyektlarining barqarorlik reytingini aniqlash tartibi to‘g‘risidagi nizomda:
quyidagi mazmundagi to‘qqizinchi xatboshi bilan to‘ldirilsin:
“intellektual mulkka oid huquqbuzarliklar uchun sud tomonidan jarima, ma’muriy yoxud jinoiy javobgarlik choralarining qo‘llanilganligi;”;
to‘qqizinchi va o‘ninchi xatboshilar tegishlicha o‘ninchi va o‘n birinchi xatboshilar deb hisoblansin;
“v” kichik band quyidagi mazmundagi xatboshi bilan to‘ldirilsin:
“tovar belgilari, xizmat ko‘rsatish belgilariga ega bo‘lish”;
quyidagi mazmundagi 281-band bilan to‘ldirilsin:
“281. Intellektual mulkka oid huquqbuzarliklar uchun sud tomonidan jarima, ma’muriy yoki jinoiy javobgarlik choralarining qo‘llanilganligi ko‘rsatkichini baholashda tadbirkorlik subyektiga yoki uning mansabdor shaxslariga nisbatan oxirgi 12 oyda intellektual mulkka oid huquqbuzarliklar uchun:
tadbirkorlik subyektining mansabdor shaxslariga ma’muriy javobgarlik qo‘llanilgan bo‘lsa — 2 ball;
tadbirkorlik subyektiga jarima qo‘llanilgan bo‘lsa — 3 ball;
tadbirkorlik subyektining mansabdor shaxslariga jinoiy javobgarlik qo‘llanilgan bo‘lsa — 5 ball chegiriladi.
Bunda jarima qo‘llash, ma’muriy javobgarlikka tortish to‘g‘risidagi qaror belgilangan tartibda bekor qilingan yoki jinoyat ishi Jinoyat-protsessual kodeksiga asosan tugatilgan yoki oqlov hukmi chiqarilgan hollarda chegirilgan ballar olib tashlanadi.
Mazkur ko‘rsatkich huquqbuzarlik sodir etilgan tadbirkorlik subyekti reytingini hisoblashda inobatga olinadi.”;
quyidagi mazmundagi 346-band bilan to‘ldirilsin:
“346. Tadbirkorlik subyekti tovar belgilari, xizmat ko‘rsatish belgilari ro‘yxatdan o‘tkazilgan bo‘lsa — 5 ball.”;
quyidagi mazmundagi 171-band bilan to‘ldirilsin:
“ | |||
171. | Intellektual mulkka oid huquqbuzarliklar uchun jarima, ma’muriy, jinoiy javobgarlik choralarining qo‘llanilganligi | Yillik | Oliy sud, Adliya vazirligi |
”. |
quyidagi mazmundagi 29-band bilan to‘ldirilsin:
“ | |||
29. | Tovar belgilari, xizmat ko‘rsatish belgilariga ega bo‘lishi | Yillik | Adliya vazirligi |
”. |
7. Vazirlar Mahkamasining “Intellektual mulk obyektlariga oid muhofaza hujjatlarining amal qilish muddatini uzaytirish bo‘yicha davlat xizmatini ko‘rsatishning ma’muriy reglamentini tasdiqlash to‘g‘risida” 2024-yil 1-avgustdagi 468-son qarorida:
a) 1-bandning to‘rtinchi xatboshisidagi “vakolatli organning” so‘zlari “davlat xizmatlari markazi, vakolatli organning” so‘zlari bilan almashtirilsin;
b) ilovada:
14-bandning ikkinchi xatboshisidagi “vakolatli organning” so‘zlari “davlat xizmatlari markazi, vakolatli organning” so‘zlari bilan almashtirilsin;
quyidagi mazmundagi ikkinchi xatboshi bilan to‘ldirilsin:
“Ariza beruvchi davlat xizmatlari markaziga kelib murojaat etganda, ariza davlat xizmatlari markazi xodimi tomonidan to‘ldirilib, ariza beruvchi tomonidan tasdiqlangandan so‘ng vakolatli organga elektron shaklda yuboriladi.”;
ikkinchi xatboshi uchinchi xatboshi deb hisoblansin;
1-ilovaning “1-bosqich” pozitsiyasi “Tadbirlar” ustunidagi “Adliya vazirligining (keyingi o‘rinlarda — vakolatli organ)” so‘zlari “davlat xizmatlari markazi, vakolatli organning” so‘zlari bilan almashtirilsin.
8. Vazirlar Mahkamasining 2024-yil 14-avgustdagi 502-son qarori bilan tasdiqlangan Mahsulotlarni sertifikatlashtirish tartibi to‘g‘risidagi nizomning 12-bandi ikkinchi xatboshidagi “Sanoat mulki muhofazasi portali” so‘zlari “Intellektual mulk muhofazasi portali” so‘zlari bilan almashtirilsin.
9. Vazirlar Mahkamasining “Intellektual mulk sohasidagi ayrim davlat xizmatlarini ko‘rsatish bo‘yicha ma’muriy reglamentlarni tasdiqlash to‘g‘risida” 2025-yil 10-iyuldagi 427-son qarorida:
a) 1-ilovada:
1-bandning ikkinchi xatboshisidagi “sublitsenziya shartnomasi” so‘zlari “sublitsenziya shartnomasi, shuningdek, intellektual mulk obyektlariga bo‘lgan huquqlar garovi to‘g‘risidagi shartnoma” so‘zlari bilan almashtirilsin;
2-band quyidagi mazmundagi yettinchi xatboshi bilan to‘ldirilsin:
“intellektual mulk obyektlariga bo‘lgan huquqlar garovi to‘g‘risidagi shartnoma — ixtiro, foydali model, sanoat namunasi, seleksiya yutug‘i, tovar belgisi, EHM uchun yaratilgan dastur yoki ma’lumotlar bazasiga oid mulkiy huquqlar garov predmeti hisoblangan shartnoma.”;
4-banddagi “sublitsenziya shartnomasini” so‘zlari “sublitsenziya shartnomasi, shuningdek, intellektual mulk obyektlariga bo‘lgan huquqlar garovi to‘g‘risidagi shartnomani” so‘zlari bilan almashtirilsin;
quyidagi mazmundagi ikkinchi xatboshi bilan to‘ldirilsin:
“Intellektual mulk obyektlariga bo‘lgan huquqlar garovi to‘g‘risidagi shartnomani ro‘yxatdan o‘tkazish bo‘yicha ariza mazkur Reglamentga 2.2-ilovaga muvofiq shaklda vakolatli organga beriladi.”;
ikkinchi va uchinchi xatboshilar tegishlicha uchinchi va to‘rtinchi xatboshilar deb hisoblansin;
to‘rtinchi xatboshidagi “vakolatli organning” so‘zlari “davlat xizmatlari markazi, vakolatli organning” so‘zlari bilan almashtirilsin;
quyidagi mazmundagi beshinchi xatboshi bilan to‘ldirilsin:
“Ariza beruvchi davlat xizmatlari markaziga kelib murojaat etganda, ariza davlat xizmatlari markazi xodimi tomonidan to‘ldirilib, talabnoma beruvchi tomonidan tasdiqlangandan so‘ng vakolatli organga elektron shaklda yuboriladi.”;
beshinchi xatboshi oltinchi xatboshi deb hisoblansin;
12-band quyidagi tahrirda bayon etilsin:
“12. Shartnoma tomonlarining arizasida yoki mazkur Reglamentning 10-bandi ikkinchi va uchinchi xatboshilarida nazarda tutilgan hujjatlarda qo‘shimcha tarzda quyidagilar ko‘rsatiladi:
a) litsenziya shartnomasini ro‘yxatdan o‘tkazishda:
o‘tkazilayotgan huquqlar hajmi;
amal qilish hududi va muddati;
b) intellektual mulk obyektlariga bo‘lgan huquqlar garovi to‘g‘risidagi shartnomani ro‘yxatdan o‘tkazishda:
amal qilish muddati;
intellektual mulk obyektiga bo‘lgan huquqlarni boshqa shaxsga o‘tkazishni taqiqlashga oid qoida.”;
19-bandning uchinchi xatboshisidagi “litsenziyani taqdim etish yoki huquqni o‘tkazishga” so‘zlari “litsenziyani taqdim etish, garovga qo‘yish yoki huquqni o‘tkazishga” so‘zlari bilan almashtirilsin;
20-band quyidagi tahrirda bayon etilsin:
“20. Davlat xizmatini ko‘rsatishda O‘zbekiston Respublikasining “Davlat boji to‘g‘risida”gi Qonunida belgilangan miqdorda patent boji to‘lanadi, intellektual mulk obyektlariga bo‘lgan huquqlar garovi to‘g‘risidagi shartnomalarni ro‘yxatdan o‘tkazish bundan mustasno.
To‘langan patent boji qonunchilik hujjatlarida belgilangan tartibda taqsimlanadi.
Patent boji yagona billing tizimi orqali elektron shaklda to‘lanadi.”;
yettinchi xatboshisidagi “litsenziya shartnomasining amal qilish muddati;” so‘zlari “litsenziya shartnomasi yoki garov to‘g‘risidagi shartnomaning amal qilish muddati;” so‘zlari bilan almashtirilsin:
quyidagi mazmundagi sakkizinchi xatboshi bilan to‘ldirilsin:
“intellektual mulk obyektiga bo‘lgan huquqlarni boshqa shaxsga o‘tkazishga oid taqiq.”;
1-ilovaning “1-bosqich” pozitsiyasi “Tadbirlar” ustuni quyidagi tahrirda bayon etilsin:
“1. Intellektual mulk obyektlariga bo‘lgan huquqlarni boshqa shaxsga o‘tkazish to‘g‘risidagi shartnoma, litsenziya yoki sublitsenziya shartnomasi, intellektual mulk obyektlariga bo‘lgan huquqlar garovi to‘g‘risidagi shartnoma yoxud litsenziya shartnomasiga kiritilgan o‘zgartirishlarni ro‘yxatdan o‘tkazish bo‘yicha davlat xizmatlari markazi, Adliya vazirligining (keyingi o‘rinlarda — vakolatli organ) maxsus axborot tizimi yoki Yagona interaktiv davlat xizmatlari portali orqali ariza beradi.
2. O‘zbekiston Respublikasining “Davlat boji to‘g‘risida”gi Qonunida belgilangan miqdorda patent bojini to‘laydi, intellektual mulk obyektlariga bo‘lgan huquqlar garovi to‘g‘risidagi shartnomalarni ro‘yxatdan o‘tkazish bundan mustasno.”;
1-ilovaning “5-bosqich” pozitsiyasi “Tadbirlar” ustunidagi “litsenziya shartnomasini” so‘zlari “litsenziya yoki sublitsenziya shartnomasi, intellektual mulk obyektlariga bo‘lgan huquqlar garovi to‘g‘risidagi shartnoma” so‘zlari bilan almashtirilsin;
2.1-ilovadan “shartnoma taraflari tomonidan imzolangan mutlaq huquqni tasarruf etish to‘g‘risidagi xabarnoma yoxud shartnoma yoki shartnomadan ko‘chirma (varaqlar soni ko‘rsatiladi);” so‘zlari chiqarib tashlansin;
quyidagi mazmundagi 2.2-ilova bilan to‘ldirilsin:
“Intellektual mulk obyektlariga oid shartnomalarni ro‘yxatdan o‘tkazish bo‘yicha davlat xizmatini ko‘rsatishning ma’muriy reglamentiga
2.2-ILOVA
2.2-ILOVA
Intellektual mulk obyektlariga bo‘lgan huquqlar garovi to‘g‘risidagi shartnomani ro‘yxatdan o‘tkazish bo‘yicha ARIZA | ||
Arizaning kelib tushgan sanasi: _______________________________________ (vakolatli organ tomonidan avtomatik tarzda to‘ldiriladi) | Arizaning qayd raqami: _______________________________________ (vakolatli organ tomonidan avtomatik tarzda to‘ldiriladi) | |
Intellektual mulk obyektlariga bo‘lgan huquqlar garovi to‘g‘risidagi shartnomani ro‘yxatdan o‘tkazish bo‘yicha ARIZA | O‘zbekiston Respublikasi Adliya vazirligi | |
Ariza beruvchilar: _____________________________________________________________ _____________________________________________________________ _____________________________________________________________ (yuridik shaxslarning ta’sis hujjatlari bo‘yicha to‘liq nomi, joylashgan joyi yoki jismoniy shaxslar uchun F.I.O. hamda yashash joyi manzillari ko‘rsatiladi) Telefon raqamlari: | STIR yoki JSHSHIR (rezidentlar uchun): ___________________________ BIMT ST. 3 standarti bo‘yicha mamlakat kodi (agar u belgilangan bo‘lsa): __________________________ | |
Taraflarning vakillari (F.I.O. yoki nomi, patent vakilining ro‘yxat raqami, pochta manzili): _________________________________________________________________________________________ Telefon raqami: __________________________________________________________________________ | ||
Shartnoma tomonlari: _____________________________________________________________________ | ||
Shartnoma predmeti (patent yoki guvohnomaning raqami, tovar belgisining xalqaro ro‘yxatga olish raqami): _________________________________________________________________________________ | ||
Intellektual mulk obyektiga bo‘lgan huquqlarni boshqa shaxsga o‘tkazishni taqiqlashga oid qoida: _________________________________________________________________________________________ | ||
Amal qilish muddati: _____________________________________________________________________ | ||
”; | ||
3.1-ilovadan “shartnoma taraflari tomonidan imzolangan mutlaq huquqni tasarruf etish to‘g‘risidagi xabarnoma yoxud shartnoma yoki shartnomadan ko‘chirma (varaqlar soni ko‘rsatiladi);” so‘zlari chiqarib tashlansin;
b) 2-ilovada:
35-bandning ikkinchi xatboshisidagi “vakolatli organning” so‘zlari “davlat xizmatlari markazi, vakolatli organning” so‘zlari bilan almashtirilsin;
quyidagi mazmundagi ikkinchi xatboshi bilan to‘ldirilsin:
“Talabnoma beruvchi davlat xizmatlari markaziga kelib murojaat etganda, ariza davlat xizmatlari markazi xodimi tomonidan to‘ldirilib, talabnoma beruvchi tomonidan tasdiqlangandan so‘ng vakolatli organga elektron shaklda yuboriladi.”;
ikkinchi va uchinchi xatboshilar tegishlicha uchinchi va to‘rtinchi xatboshilar deb hisoblansin;
1-ilovaning “1-bosqich” pozitsiyasi “Tadbirlar” ustunidagi “Adliya vazirligining (keyingi o‘rinlarda — vakolatli organ)” so‘zlari “davlat xizmatlari markazi, vakolatli organning” so‘zlari bilan almashtirilsin;
v) 3-ilovada:
24-bandning ikkinchi xatboshisidagi “vakolatli organning” so‘zlari “davlat xizmatlari markazi, vakolatli organning” so‘zlari bilan almashtirilsin;
quyidagi mazmundagi ikkinchi xatboshi bilan to‘ldirilsin:
“Talabnoma beruvchi davlat xizmatlari markaziga kelib murojaat etganda, ariza davlat xizmatlari markazi xodimi tomonidan to‘ldirilib, talabnoma beruvchi tomonidan tasdiqlangandan so‘ng vakolatli organga elektron shaklda yuboriladi.”;
ikkinchi va uchinchi xatboshilar tegishlicha uchinchi va to‘rtinchi xatboshilar deb hisoblansin;
1-ilovaning “1-bosqich” pozitsiyasi “Tadbirlar” ustunidagi “Adliya vazirligining” so‘zlari “davlat xizmatlari markazi, vakolatli organning” so‘zlari bilan almashtirilsin.
(Qonunchilik ma’lumotlari milliy bazasi, 13.07.2026-y., 09/26/375/0726-son)
