Oʻzbekiston Respublikasining rivojlanish davlat dasturlarini shakllantirish va moliyalashtirishning yangi tartibini joriy etish toʻgʻrisida
LexUZ sharhi
Mazkur qaror Oʻzbekiston Respublikasi Prezidentining 2020-yil 28-dekabrdagi PQ-4937-sonli “Oʻzbekiston Respublikasining 2021 — 2023-yillarga moʻljallangan Investitsiya dasturini amalga oshirish chora-tadbirlari toʻgʻrisida”gi qaroriga asosan oʻz kuchini yoʻqotgan.
Mamlakatda yirik infratuzilma loyihalarini amalga oshirish, zamonaviy yuqori texnologiyali ishlab chiqarish obyektlarini barpo etish maqsadida iqtisodiyotni jadal rivojlantirish, chet el investitsiyalarini faol jalb qilish borasida keng koʻlamli ishlar amalga oshirilmoqda.
Shu bilan birga, mazkur sohadagi faoliyatning samaradorligiga, eng avvalo, mavjud resurslardan nooqilona foydalanish, investitsiya dasturiga kiritilgan loyihalarning iqtisodiy jihatdan maqsadga muvofiqligi va rentabelligi yuzaki oʻrganilganligi bilan bogʻliq qator kamchiliklar salbiy taʼsir koʻrsatmoqda.
Amaldagi resurslarni, shuningdek, investitsiyalar, eng avvalo, xorijiy investitsiyalarni jalb etishning real imkoniyatlarini inobatga olgan holda iqtisodiyot tarmoqlari va hududlarni uzoq muddatli rivojlantirish konsepsiyasi mavjud emas. Buning oqibatida iqtisodiy jihatdan istiqbolli boʻlmagan loyihalarni tashabbus qilish, moliyaviy mablagʻlarni samarasiz sarflash holatlari mavjud boʻlib, bu oxir-oqibatda, umuman, mamlakatning investitsiyaviy jozibadorligini pasaytirishga olib keladi.
Mazkur holatlar investitsiya dasturlarini shakllantirish tartibi, uni moliyalashtirish mexanizmlarini tubdan qayta koʻrib chiqishni, amalga oshirishga taklif etilgan loyihalarni tanlab olishning shaffofligi va samaradorligini oshirishni talab qiladi.
Rivojlanish davlat dasturlarini shakllantirish tartibini yanada takomillashtirish, loyihalarni moliyalashtirish va tanlab olishning samaradorligi va shaffofligini taʼminlash, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq:
1. Oʻzbekiston Respublikasi Prezidenti huzuridagi Loyiha boshqaruvi milliy agentligi, Iqtisodiyot vazirligi, Moliya vazirligining:
markazlashtirilgan manbalar mablagʻlari hisobidan moliyalashtiriladigan, shu jumladan, hududlar va iqtisodiyot tarmoqlarini rivojlantirish boʻyicha loyihalarni Oʻzbekiston Respublikasi Prezidenti tomonidan tasdiqlanadigan Oʻzbekiston Respublikasining rivojlanish davlat dasturlari (keyingi oʻrinlarda rivojlanish davlat dasturlari deb yuritiladi) asosida amalga oshirish tartibini joriy etish;
Oʻzbekiston Respublikasi Vazirlar Mahkamasi huzuridagi Oʻzbekiston Respublikasining rivojlanish davlat dasturlarini moliyalashtirish jamgʻarmasini (keyingi oʻrinlarda Jamgʻarma deb yuritiladi) tashkil etish haqidagi takliflari qabul qilinsin.
2. Belgilab qoʻyilsinki:
rivojlanish davlat dasturlariga kiritilgan, moliyalashtirishning markazlashtirilgan manbalari belgilangan loyihalarni moliyalashtirish faqat Jamgʻarma orqali amalga oshiriladi;
Jamgʻarma mablagʻlari Oʻzbekiston Respublikasi Markaziy bankidagi hisobvaraqlarda jamlanadi;
Jamgʻarmaning ijro etuvchi organi va mablagʻlarining tasarruf etuvchisi Jamgʻarmaning ijro etuvchi direksiyasi hisoblanadi;
Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi — Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbari Jamgʻarmaning ijro etuvchi direktori hisoblanadi;
(2-bandning beshinchi xatboshisi Oʻzbekiston Respublikasi Prezidentining 2018-yil 7-iyundagi PF-5457-sonli Farmoni tahririda — Qonun hujjatlari maʼlumotlari milliy bazasi, 08.06.2018-y., 06/18/5457/1324-son)
Jamgʻarmaning ijro etuvchi direktori va uning xodimlari mehnatiga haq toʻlash shartlari Jamgʻarma Kuzatuv kengashi tomonidan belgilanadi.
3. Quyidagilar Jamgʻarma mablagʻlarini shakllantirish manbalari etib belgilansin:
Oʻzbekiston Respublikasi Davlat budjeti va davlat budjetdan tashqari jamgʻarmalarning rivojlanish davlat dasturlariga kiritilgan loyihalarni moliyalashtirish uchun moʻljallangan mablagʻlari;
Oʻzbekiston Respublikasi Tiklanish va taraqqiyot jamgʻarmasining rivojlanish davlat dasturlarini amalga oshirish uchun ajratilgan mablagʻlari;
Oʻzbekiston Respublikasi Hukumati kafolati bilan jalb etiladigan chet el kreditlari;
Oʻzbekiston Respublikasi Hukumati qarorlari bilan belgilanadigan boshqa manbalar.
4. Quyidagilar:
Oʻzbekiston Respublikasining rivojlanish davlat dasturlarini shakllantirish tartibi toʻgʻrisidagi nizom 1-ilovaga muvofiq;
Jamgʻarma Kuzatuv kengashining tarkibi 2-ilovagamuvofiq tasdiqlansin.
5. Belgilab qoʻyilsinki:
rivojlanish davlat dasturlari tegishli rivojlanish konsepsiyasini hisobga olgan holda tasdiqlanadigan, uzoq muddatli istiqbolda, qoida tariqasida, 10 — 15 yilda Oʻzbekiston Respublikasining tarmoq, hududiy va maqsadli ijtimoiy-iqtisodiy rivojlanishining ustuvor yoʻnalishlarini amalga oshirish boʻyicha kompleks koʻrinishni va strategik vazifalarni jamlagan tarmoq, hududiy va maqsadli loyihalar portfeli asosida shakllantiriladi;
rivojlanish davlat dasturlarini ishlab chiqish va realizatsiya qilish boʻyicha ishlarni muvofiqlashtirish Investitsiyalar boʻyicha davlat qoʻmitasi tomonidan Iqtisodiyot vazirligi bilan birgalikda Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi — Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbarining boshchiligida amalga oshiriladi;
(5-bandning uchinchi xatboshisi Oʻzbekiston Respublikasi Prezidentining 2018-yil 7-iyundagi PF-5457-sonli Farmoni tahririda — Qonun hujjatlari maʼlumotlari milliy bazasi, 08.06.2018-y., 06/18/5457/1324-son)
rivojlanish davlat dasturlarini moliyalashtirish uchun moʻljallangan nomarkazlashtirilgan investitsiyalar Jamgʻarmada hisobga olinadi;
rivojlanish davlat dasturlarini tasdiqlash Oʻzbekiston Respublikasi Prezidenti huzuridagi Loyiha boshqaruvi milliy agentligining ular boʻyicha ijobiy xulosasi boʻlgan hollardagina amalga oshiriladi;
markazlashtirilgan manbalar hisobidan moliyalashtiriladigan loyihalarni rivojlanish davlat dasturlariga kiritish Jamgʻarma kuzatuv kengashining ijobiy qarori boʻlgan hollardagina amalga oshiriladi;
rivojlanish davlat dasturlarini moliyalashtirish uchun tijorat banklarining kreditlari loyihalarning loyiha-smeta hujjatlari va biznes-rejalari puxta va har tomonlama oʻrganilgandan soʻng, shuningdek, tijorat banki kredit qoʻmitasining ijobiy qarori mavjud boʻlgan hollarda taqdim etiladi.
6. Oʻzbekiston Respublikasi Iqtisodiyot vazirligi va Moliya vazirligi ikki hafta muddatda Investitsiyalar boʻyicha davlat qoʻmitasi va Oʻzbekiston Respublikasi Prezidenti huzuridagi Loyiha boshqaruvi milliy agentligiga rivojlanish davlat dasturlarini ishlab chiqish va amalga oshirish boʻyicha ishlarni tashkil etish uchun zarur boʻlgan maʼlumotlar bazalari va boshqa axborotlar taqdim etilishini taʼminlasin.
7. Oʻzbekiston Respublikasi Prezidenti huzuridagi Loyiha boshqaruvi milliy agentligi, Investitsiyalar boʻyicha davlat qoʻmitasi Iqtisodiyot vazirligi, Moliya vazirligi, boshqa manfaatdor vazirlik va idoralar bilan birgalikda bir oy muddatda:
Oʻzbekiston Respublikasi Vazirlar Mahkamasiga Jamgʻarma faoliyatini tashkil etish toʻgʻrisida Hukumat qarori loyihasini;
Oʻzbekiston Respublikasi Prezidenti devoniga rivojlanish davlat dasturlariga kiritiladigan loyihalarning loyihaoldi, loyiha va tender hujjatlarini ishlab chiqish, ekspertizadan oʻtkazish va tasdiqlashni, shuningdek, boshqa davlat organlari va tashkilotlarning vazifa va shtat birliklarini optimallashtirish orqali Oʻzbekiston Respublikasi Prezidenti huzuridagi Loyiha boshqaruvi milliy agentligi tizimida mazkur hujjatlar va import kontraktlarining kompleks ekspertizasini amalga oshirish uchun masʼul boʻlgan maxsus tuzilmani tashkil etishni nazarda tutuvchi Oʻzbekiston Respublikasi Prezidenti qarori loyihasini kiritsin.
8. Oʻzbekiston Respublikasi Moliya vazirligi Jamgʻarmaning ijro etuvchi direksiyasi faoliyatini moliyalashtirishga mablagʻlarni 2018-yil 1-yanvardan asoslantirilgan hisob-kitoblar boʻyicha ajratsin hamda har yili Oʻzbekiston Respublikasining Davlat budjeti xarajatlarida nazarda tutsin.
9. Oʻzbekiston Respublikasi Vazirlar Mahkamasining 2003-yil 12-sentabrdagi 395-son “Kapital qurilishda xoʻjalik munosabatlari mexanizmini takomillashtirish chora-tadbirlari toʻgʻrisida”gi qarorida:
10. Oʻzbekiston Respublikasi Adliya vazirligi manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.
11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari S.R. Xolmurodov va Oʻzbekiston Respublikasi Prezidenti huzuridagi Loyiha boshqaruvi milliy agentligi direktori Sh.M. Sadikov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 18-dekabr,
PQ-3437-son
Oʻzbekiston Respublikasi Prezidentining 2017-yil 18-dekabrdagi PQ-3437-son qaroriga 1-ILOVA
Oʻzbekiston Respublikasining rivojlanish davlat dasturlarini shakllantirish tartibi toʻgʻrisidagi
NIZOM
1-bob. Umumiy qoidalar
1. Mazkur Nizom Oʻzbekiston Respublikasining rivojlanish davlat dasturlarini (keyingi oʻrinlarda — rivojlanish davlat dasturlari) shakllantirish tartibini belgilab beradi, ushbu dasturlar loyihalardan tashkil topgan boʻlib, ularni amalga oshirish mamlakatni ijtimoiy-iqtisodiy rivojlantirishning strategik maqsadlariga erishishga yoʻnaltirilgan.
2. Rivojlanish davlat dasturlari mamlakat iqtisodiyotini barqaror va jadal rivojlantirishga, mavjud tabiiy, mineral-xomashyo, moliyaviy, moddiy, mehnat resurslari hamda boshqa resurslardan ratsional foydalanish orqali respublika iqtisodiyotining ayrim tarmoqlarini va hududlarni tarkibiy qayta qurish boʻyicha asosiy ustuvor yoʻnalishlar hamda vazifalarni amalga oshirishga qaratilgan va uzoq muddatli istiqbolni moʻljallab tasdiqlanadigan tarmoq, hududiy va maqsadli rivojlanish konsepsiyalari negizida shakllantirilgan oʻzaro bogʻliq chora-tadbirlar kompleksidan iboratdir.
3. Rivojlanish davlat dasturlari investitsiyaviy va infratuzilmaviy loyihalarni amalga oshirish muddatlari va ularni moliyalashtirish manbalarini hisobga olgan holda, ularning asosiy koʻrsatkichlarini har yili aniqlashtirib va yangilab turish orqali tasdiqlangan rivojlanish konsepsiyalari asosida mamlakatni ijtimoiy-iqtisodiy rivojlantirishning umumdavlat dasturlari bajarilishini taʼminlash maqsadida uch yillik davrga shakllantiriladi.
4. Rivojlanish davlat dasturlari quyidagilardan tashkil topadi:
dasturni amalga oshirish hisobiga erishilishi lozim boʻlgan yigʻma jadvallar, jumladan maqsadli moʻljallar bilan birga tahliliy qismdan;
loyihalar portfelliga kiritilgan loyihalarning roʻyxati bilan birga manzilli dasturdan iborat.
5. Mazkur Nizomda quyidagi asosiy tushunchalardan foydalaniladi:
rivojlanish konsepsiyasi — Oʻzbekiston Respublikasi Prezidenti tomonidan tasdiqlanadigan hujjat boʻlib, u uzoq muddatli istiqbolda Oʻzbekiston Respublikasini tarmoq, hududiy va maqsadli ijtimoiy-iqtisodiy rivojlantirishning ustuvor yoʻnalishlarini amalga oshirishni kompleks mushohada etish va uning strategik vazifalarini oʻz ichiga oladi, tarmoq vazifalarini bosqichma-bosqich va tizimli ravishda hal etishni taʼminlaydigan muddatda (qoida tariqasida 10 yildan 15 yilgacha) aniq tarmoqlar va hududlarni rivojlantirishning kompleks, istiqbolli va ilmiy asoslangan rejasi bayon etiladi;
loyihalar portfeli — tasdiqlangan rivojlanish konsepsiyalariga muvofiq kiritiladigan ayrim loyihalar (qoida tariqasida 3 yildan 5 yilgacha muddatli) toʻplamidan iborat boʻlib, ular tegishli rivojlanish konsepsiyalarida belgilangan maqsadlarga erishishni samarali taʼminlash uchun tarmoq, hududiy va maqsadli mezonlar boʻyicha birga guruhlanadi;
loyiha — vaqt va resurslar cheklangan sharoitda mahsulot (tovar, ish, xizmatlar) yaratishga qaratilgan oʻzaro bogʻliq tadbirlar kompleksi yoki alohida tadbirlar. Loyihalar investitsiyaviy va infratuzilmaviy loyihalarga ajratiladi;
investitsiyaviy loyiha — iqtisodiy, ijtimoiy va boshqa naf koʻrish uchun amalga oshirishga yoki investitsiyalarni jalb etishga yoʻnaltirilgan loyiha;
infratuzilmaviy loyiha — past rentabelli yoki u mavjud boʻlmagan infratuzilma obyektlarini yaratish, modernizatsiya qilish va kengaytirishga qaratilgan loyiha;
loyiha ustavi — loyihaoldi hujjati boʻlib, u amalga oshirish rejalashtirilayotgan loyihaning asosiy parametrlarini belgilaydi, uni amalga oshirishning maqsadga muvofiqligini va rivojlanish konsepsiyasiga muvofiq ustuvor ekanligini asoslab beradi;
loyiha pasporti — loyihalar portfelliga kiritilgan va rivojlanish davlat dasturlariga kiritish tavsiya etilayotgan loyihaning asosiy parametrlari toʻgʻrisidagi axborot bayon etilgan hujjat;
dastlabki texnik-iqtisodiy asoslanish yoki dastlabki texnik-iqtisodiy hisob-kitob (keyingi oʻrinlarda — DTIA yoki DTIH) — loyihaoldi hujjati boʻlib, loyihani eng ratsional tarzda joylashtirish hamda uni amalga oshirishning samarali texnik, tashkiliy va moliyaviy-iqtisodiy yechimini, umuman loyihaning cheklangan qiymatini, shu jumladan uni moliyalashtirishning mumkin boʻlgan shartlari boʻyicha variantlarni inobatga olgan holda variantlarni hamda moliyalashtirish ehtiyojni belgilab beruvchi hajmni koʻrib chiqish asosida texnologik uskunalarning qiymatini tanlab olishini asoslab beradi;
texnik-iqtisodiy asoslantirish yoki texnik-iqtisodiy hisob-kitob (keyingi oʻrinlarda — TIA yoki TIH) — loyiha hujjati boʻlib, loyihani moliyalashtirish shartlarini hisobga olgan holda, belgilangan loyihani amalga oshirishning uzil-kesil, eng ratsional va samarali texnik tashkiliy va moliyaviy-iqtisodiy yechimlarini belgilaydi;
vakolatli organlar — oʻz vakolatlari doirasida rivojlanish konsepsiyalari, loyihalar portfeli va rivojlanish davlat dasturlari kelishib olinishini taʼminlaydigan davlat organlari — Investitsiyalar boʻyicha davlat qoʻmitasi, Iqtisodiyot vazirligi, Moliya vazirligi, Qurilish vazirligi, shuningdek, mahalliy davlat hokimiyati organlaridir;
muvofiqlashtiruvchi kengashlar — Oʻzbekiston Respublikasi Investitsiyalar boʻyicha davlat qoʻmitasi huzurida tarmoqlar va hududlar boʻyicha tashkil etiladigan, rivojlanish konsepsiyalarini ishlab chiqish va shakllantirish bilan shugʻullanadigan kengashlardir.
6. Rivojlanish davlat dasturlarini shakllantirishning asosiy tamoyillari quyidagilardan iborat:
zarur hajmlarda, maqbul shartlarda xorijiy investitsiyalar va kreditlarni jalb etish;
eng samarali loyihalarni tanlab olish va ular amalga oshirilishini monitoring qilishning amaliy tizimini shakllantirish;
loyihalarda tashabbus koʻrsatish, ularni tayyorlash va amalga oshirish bilan bogʻliq jarayonlarning shaffofligi;
tasdiqlangan rivojlanish konsepsiyalari asosida eng muhim tarmoqlar va hududlarni tanlagan holda qoʻllab-quvvatlash;
birinchi navbatda ijtimoiy ahamiyatga ega tarmoqlarni (sogʻliqni saqlash, taʼlim, uy-joy kommunal xoʻjaligi) aholining turmush darajasi va sifati oshirilishini, isteʼmol ehtiyoji faollashuvini taʼminlaydigan hajmlarda moliyalashtirish;
mineral-xomashyo resurslarini va qishloq xoʻjaligi mahsulotlarini chuqur qayta ishlashga yoʻnaltirilgan ishlab chiqarish korxonalarini jadal rivojlantirishni taʼminlashga, tayyor mahsulot sifatini tashqi bozorda raqobatdoshlik darajasiga yetkazishga qaratilgan loyihalarni ustuvor darajada qoʻllab-quvvatlash;
transport infratuzilmasini, jumladan qitʼalararo transport yoʻlaklariga integratsiyalashuvini rivojlantirish va takomillashtirish, logistika komplekslarini va transport-logistika xablarini shakllantirish;
tarkibiy islohotlar va amalga oshirilayotgan investitsiya siyosati vazifalariga muvofiq investitsiyalar kiritishning oʻzaro manfaatdorligi shartlari asosida xorijiy kapitalni jalb etish;
moliyalashtiruvchi tomonining asossiz ustunlik berish toʻgʻrisidagi talabi nazarda tutiladigan holatlarga yoʻl qoʻymaslik;
ilgari boshlangan obyektlarni birinchi navbatda moliyalashtirish.
2-bob. Rivojlanish davlat dasturlarini ishlab chiqish va shakllantirish tartibi
7. Rivojlanish davlat dasturlarini shakllantirish jarayoni:
uzoq muddatli rivojlanish konsepsiyalarini ishlab chiqish, kelishish va tasdiqlash;
loyihalar portfellarini yaratish;
tasdiqlangan loyihalar portfeli asosida rivojlanish davlat dasturlarini shakllantirish yoʻli bilan amalga oshiriladi.
8. Hududlarni planirovka qilish sxemasi bilan uzviy bogʻlangan rivojlanish konsepsiyasi Oʻzbekiston Respublikasi Iqtisodiyot vazirligi, Moliya vazirligi, xalqaro va mahalliy ekspertlarni, ilmiy tashkilotlarning xodimlarini jalb etgan holda tarmoq vazirliklari va idoralari, mahalliy davlat hokimiyati organlari bilan birgalikda muvofiqlashtiruvchi kengashlar tomonidan ishlab chiqiladi.
9. Oʻzbekiston Respublikasi Investitsiyalar boʻyicha davlat qoʻmitasi rivojlanish konsepsiyalarini kelishish uchun vakolatli organlarga hamda boshqa manfaatdor vazirlik va idoralarga kiritadi.
10. Vakolatli organlar hamda boshqa manfaatdor vazirlik va idoralar bilan kelishilgan rivojlanish konsepsiyalari Oʻzbekiston Respublikasi Prezidenti huzuridagi Loyiha boshqaruvi milliy agentligi (keyingi oʻrinlarda — Agentlik) bilan kelishib olinishi lozim, shundan soʻng Investitsiyalar boʻyicha davlat qoʻmitasi tomonidan Oʻzbekiston Respublikasi Prezidentiga tasdiqlash uchun belgilangan tartibda kiritiladi.
11. Rivojlanish konsepsiyalarini ishlab chiqish, shakllantirish va amalga oshirishga oid barcha ishlarni muvofiqlashtirish Oʻzbekiston Respublikasi Investitsiyalar boʻyicha davlat qoʻmitasi tomonidan Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasining raisi — Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksining rahbari rahbarligi ostida amalga oshiriladi.
12. Tasdiqlangan rivojlanish konsepsiyalariga muvofiq, tashabbuskorlar tomonidan Oʻzbekiston Respublikasi Investitsiyalar boʻyicha davlat qoʻmitasi, Iqtisodiyot vazirligi, Moliya vazirligi bilan birgalikda tarmoq, hududiy va maqsadli loyihalar portfellari shakllantiriladi.
13. Loyihalarning portfellarini shakllantirish loyiha boshqaruvi sohasida xalqaro standartlarga muvofiq Agentlik tomonidan ishlab chiqilgan Loyihalar portfellarini ishlab chiqish va amalga oshirish boʻyicha metodik koʻrsatmalarga muvofiq amalga oshiriladi.
14. Dastlabki hisob-kitoblari va loyiha Ustavida koʻrsatilgan loyihalarning hajmlarini, ehtimol tutilgan moliyalashtirish manbalarini tasdiqlovchi zarur materiallari mavjud boʻlgan loyihalarning portfellari tashabbuskorlar tomonidan iqtisodiyotning bazaviy tarmoqlari qismida vakolatli organlar va “OʻzInjiniring” RLI bilan, shuningdek, loyihaning ahamiyatiga qarab boshqa loyiha institutlari bilan kelishib olinadi.
15. Taqdim etilgan loyihalar portfellarini koʻrib chiqish yakunlari boʻyicha vakolatli organlar, “OʻzInjiniring” RLI va boshqa loyiha institutlari loyihalar portfellarini kelishib oladilar yoki fikr-mulohaza va tavsiyalarni hamda ehtimol tutilgan muqobil takliflarni hisobga olgan holda ularni toʻliq ishlab chiqish uchun qaytaradilar.
16. Eʼtiroz va tavsiyalar olinganda tashabbuskor tarmoq vazirliklari va idoralari bilan birgalikda loyihalarning dastlabki hisob-kitoblarini oʻzgartirgan holda loyihalar portfelliga tuzatishlar kiritadi va uni kelishish uchun takroran yuboradi.
17. Portfelga tashabbuskorlar tomonidan tanlab olingan loyihalarning tasdiqlangan va kelishilgan ustavlari mavjud boʻlgan loyihalar kiritiladi.
18. Uzil-kesil va kelishilgan loyihalarning portfellari tashabbuskorlar tomonidan Agentlikka kelishish uchun kiritiladi.
19. Agentlik tomonidan kelishilgandan soʻng loyihalarning portfellari Investitsiyalar boʻyicha davlat qoʻmitasi tomonidan Oʻzbekiston Respublikasi Prezidentining tasdiqlashi uchun belgilangan tartibda kiritiladi.
20. Loyiha tashabbuskori tomonidan tasdiqlangan loyihalar portfelliga kiritilgan har bir loyiha boʻyicha amalga oshirishning batafsil kalendar rejasi ishlab chiqiladi. Bunda, batafsil ishlab chiqilgan kalendar rejasi vakolatli organlar va Agentlik tomonidan kelishib olinadi.
21. Tashabbuskor loyihalar portfellarini tasdiqlash bilan bir vaqtda loyihaoldi hujjatlari (loyihalarning DTIA/DTIHlari)ni ishlab chiqishga kirishadi.
22. Loyihalarning ishlab chiqilgan DTIA/DTIHlari Agentlikda dastlabki majburiy ekspertizadan oʻtkazilishi va tegishli vakolatli organlarda tasdiqlanishi lozim.
23. Loyihani rivojlanish davlat dasturlariga kiritish uchun belgilangan tartibda rasmiylashtirilgan loyihaning DTIA/DTIHlari va pasporti majburiy ravishda mavjud boʻlishi zarur.
24. Loyihalarni rivojlanish davlat dasturlariga kiritish uchun Oʻzbekiston Respublikasi Investitsiyalar boʻyicha davlat qoʻmitasi tomonidan Agentlik tomonidan tasdiqlanadigan loyihalarni ustuvorligi, maqsadga muvofiqligi va moliyalashtirish manbalariga qarab tanlab olish metodik tavsiyalarida belgilangan qoidalarga muvofiq muvofiqlashtiruvchi kengashlar va tashabbuskorlar bilan birgalikda loyihalarning ustuvorligiga qarab belgilanadi.
25. Rivojlanish davlat dasturlariga kiritish uchun taklif etilayotgan loyihalarga oid hujjatlar toʻplami Oʻzbekiston Respublikasi Investitsiyalar boʻyicha davlat qoʻmitasi tomonidan ularni rivojlanish davlat dasturlariga kiritish toʻgʻrisidagi qarorni olish uchun Oʻzbekiston Respublikasi Vazirlar Mahkamasi huzuridagi Oʻzbekiston Respublikasining rivojlanish davlat dasturlarini moliyalashtirish jamgʻarmasiga (keyingi oʻrinlarda — Jamgʻarma)ga yuboriladi.
26. Rivojlanish davlat dasturlari, loyihalarni tanlab olish yakunlariga koʻra Investitsiyalar boʻyicha davlat qoʻmitasi tomonidan Oʻzbekiston Respublikasi Iqtisodiyot vazirligi, Moliya vazirligi va tashabbuskorlar bilan birgalikda shakllantiriladi.
27. Oʻzbekiston Respublikasi Investitsiyalar boʻyicha davlat qoʻmitasi rivojlanish davlat dasturlarining loyihalarini kelishish uchun manfaatdor vazirliklar va idoralarga kiritadi.
28. Kelishish yakunlariga koʻra, rivojlanish davlat dasturlarining loyihalari Oʻzbekiston Respublikasi Investitsiyalar boʻyicha davlat qoʻmitasi tomonidan kelishish uchun Agentlikka kiritiladi.
29. Agentlik bilan kelishilgan taqdirda rivojlanish davlat dasturlarining loyihalari Investitsiyalar boʻyicha davlat qoʻmitasi tomonidan Oʻzbekiston Respublikasi Prezidentining tasdiqlashi uchun belgilangan tartibda taqdim etiladi.
30. Rivojlanish davlat dasturlarini ishlab chiqish, shakllantirish va amalga oshirishga oid barcha ishlarni muvofiqlashtirish Oʻzbekiston Respublikasi Investitsiyalar boʻyicha davlat qoʻmitasi tomonidan Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasining raisi — Oʻzbekiston Respublikasi Vazirlar Mahkamasining Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksi rahbarining rahbarligi ostida amalga oshiriladi.
31. Rivojlanish davlat dasturlariga:
loyihalarning DTIA/DTIHlari, Jamgʻarma mablagʻlari, shu jumladan ustav jamgʻarmasida 50 foiz va undan koʻproq miqdorda davlat ulushiga ega boʻlgan xoʻjalik yurituvchi subyektlarning oʻz mablagʻlari, tijorat banklarining kreditlari hisobidan amalga oshiriladigan obyektlar boʻyicha loyiha-smeta hujjatlari;
belgilangan tartibda tasdiqlangan loyiha pasporti;
moliyalashtirish manbalari tasdiqlanishi;
Jamgʻarmaning ijobiy xulosasi;
Agentlikning ijobiy xulosasi mavjud boʻlgan loyihalar kiritiladi.
Rivojlanish davlat dasturlarining yillik investitsiya turkumiga, shuningdek, rivojlanish davlat dasturi doirasida loyiha hujjatlari ilgari tayyorlangan va tasdiqlangan oʻtuvchi loyihalar va yangidan tasdiqlangan loyihalar ham kiritilishi mumkin.
32. Zarur hollarda, tasdiqlangan rivojlanish davlat dasturlariga oʻzgartishlar kiritish, ulardan loyihalarni chiqarish, bir moliya yili davomida yangi loyihalarni kiritish umumiy tartibda amalga oshiriladi.
3-bob. Rivojlanish davlat dasturlarining mazmuni
33. Davlat dasturlarining tahliliy qismi quyidagilarni oʻz ichiga oladi:
Oʻzbekiston Respublikasini ijtimoiy-iqtisodiy rivojlantirish prognozi va tasdiqlangan rivojlanish konsepsiyalarining kutilayotgan natijalari bilan uzviy bogʻliq holda rivojlanish davlat dasturlarini amalga oshirish yakunlari boʻyicha rejalashtirilayotgan makroiqtisodiy koʻrsatkichlar;
rivojlanish davlat dasturlarining YaMM oʻsishiga prognoz qilinayotgan taʼsiri natijalari, iqtisodiyotning tarmoq va hududiy tarkibi, eksport va import tarkibining oʻzgarishi;
rivojlanish davlat dasturlari samaradorligini baholash, shu jumladan aholining turmush darajasi va sifati, ijtimoiy soha va iqtisodiyotning holatini (holati oʻzgarishini) tavsiflovchi kutilayotgan natijalar prognozi;
respublika iqtisodiyotini rivojlantirishning asosiy makroiqtisodiy koʻrsatkichlari bilan bogʻliq holda kapital qoʻyilmalarning hajmlari va moliyalashtirish manbalari;
moliyalashtirish manbalarini koʻrsatib, amalga oshiriladigan yillar boʻyicha investitsiyalarning takror ishlab chiqariladigan va texnologik tarkibini hisobga olgan holda, hududlar va iqtisodiyot tarmoqlari kesimida umuman dastur boʻyicha kapital qoʻyilmalarning tarkibi.
34. Rivojlanish davlat dasturlarining barcha hisob-kitoblari jadal surʼatda, respublikani ijtimoiy-iqtisodiy rivojlantirishning uch yillik davrga moʻljallangan prognozlari asosida ishlab chiqiladi va rivojlanish konsepsiyalariga muvofiq quyidagi mezonlar qoʻshimcha ravishda hisobga olinadi:
tarmoq (hudud)ning istiqboldagi prognoz oʻsish surʼatlari;
eksport salohiyatining prognoz oʻsish surʼatlari;
tarmoqning umuman respublika boʻyicha makroiqtisodiy koʻrsatkichlarga taʼsirining oʻzgarishi;
tuzilma hosil qiluvchi omillar;
ilgari kiritilgan investitsiyalarning samaradorligi;
asosiy fondlarning holati va quvvatlardan foydalanish darajasi;
loyihaning ijtimoiy ahamiyati.
35. Ijtimoiy soha obyektlarini ishga tushirishning prognoz qilinadigan hajmlari buyurtmachilar va obyektlar boʻyicha taqsimlangan holda rivojlanish davlat dasturlariga yiriklashtirilgan tarzda kiritiladi.
36. Rivojlanish davlat dasturlarining manzilli qismi quyidagilardan iborat:
rivojlanish davlat dasturlari asosiy tadbirlarini amalga oshirish muddatlari va kutilayotgan natijalarni, shuningdek, tadbirlar va ularni bajarish natijalarining maqsadli dasturlar koʻrsatkichlari bilan oʻzaro bogʻliqligi toʻgʻrisidagi maʼlumotlarni koʻrsatgan holda mazkur tadbirlarning roʻyxati va tavsiflari;
zarur normativ-huquqiy hujjatlarning asosiy qoidalarini va ularni qabul qilish muddatlarini koʻrsatgan holda rivojlanish davlat dasturlarining maqsadlariga va kutilayotgan natijalariga erishishga qaratilgan tegishli tarmoqda huquqiy tartibga solishning asosiy chora-tadbirlari;
rivojlanish davlat dasturlarini yillar boʻyicha amalga oshirishga oid rejali koʻrsatkichlarni aniq ifoda etgan holda, ushbu dasturlarning maqsadli natijalari toʻgʻrisidagi maʼlumotlar, shuningdek, tadbirlar va ularni bajarish natijalarining tarmoq dasturlari maqsadli koʻrsatkichlari bilan oʻzaro bogʻliqligi haqidagi maʼlumotlar;
respublika budjeti va mahalliy budjetlar mablagʻlari, budjetdan tashqari davlat jamgʻarmalari mablagʻlari hisobiga rivojlanish davlat dasturlarini moliyaviy taʼminlashga oid axborot (budjet mablagʻlarining bosh tasarrufchilari, maqsadli dasturlar, tarmoq dasturlarining asosiy tadbirlari, shuningdek, rivojlanish davlat dasturlarini yillar boʻyicha amalga oshirishni aniq koʻrsatgan holda);
rivojlanish davlat dasturlarining asosiy tadbirlarini amalga oshirish maqsadida, uzoq muddatli davlat kontraktlarini bajarish uchun Davlat budjeti mablagʻlarining cheklangan hajmlari (tovarlar yetkazib berish, ishlarni bajarish, xizmatlar koʻrsatishga uzoq muddatli davlat kontraktlari tuzilgan taqdirda);
moliyalashtirish manbalari va ishlab chiqarish quvvatlari koʻrsatilgan tarmoqlar kesimida rivojlanish davlat dasturlari kapital qoʻyilmalarining asosiy parametrlari;
rivojlanish davlat dasturlari doirasida tarmoqlar kesimidagi obyektlarni ishga tushirish prognozi;
rivojlanish davlat dasturlari doirasida hududlar kesimidagi obyektlarni ishga tushirish prognozi;
ijtimoiy soha obyektlarini ishga tushirish prognozi;
tasdiqlangan rivojlanish konsepsiyalari kesimida loyihalarning roʻyxatlari;
loyihaoldi hujjatlari ikkinchi yil va uchinchi yilda tayyorlanib, tasdiqlanadigan loyihalar roʻyxati;
avvalgi yillarda foydalanishga topshirilgan obyektlar va ishlab chiqarish quvvatlari roʻyxati, bular boʻyicha investitsiyadan keyingi davrdan to tasdiqlangan loyiha TIAga muvofiq toʻliq loyiha quvvatiga erishilgunga qadar monitoring olib boriladi.
4-bob. Rivojlanish davlat dasturlarini moliyalashtirish
37. Jamgʻarmaning maxsus hisobvaraqlarida yigʻilib boriladigan mablagʻlar rivojlanish davlat dasturlarini moliyalashtirish manbalari hisoblanadi.
38. Moliya vazirligi, budjetdan tashqari davlat jamgʻarmalari har yili 1-avgustga qadar rivojlanish davlat dasturlariga kiritilgan loyihalarni shakllantirish va moliyalashtirish uchun uch yillik davrda mablagʻlar kelib tushishining prognoz hajmlarini Jamgʻarmaga, Oʻzbekiston Respublikasi Investitsiyalar boʻyicha davlat qoʻmitasi va Iqtisodiyot vazirligiga taqdim etadilar.
5-bob. Rivojlanish davlat dasturlarini shakllantirish muddatlari
39. Rivojlanish davlat dasturlarini shakllantirish jarayoni bir yillik siklga ega boʻlib, har yilning oxirigacha yangilangan dasturlar tayyorlanishini taʼminlaydigan qatʼiy jadvalga tayanadi.
40. Rivojlanish davlat dasturlarini amalga oshirishning birinchi yiliga yangidan boshlanadigan loyihalar kiritiladi, ularning loyihaoldi hujjatlari va moliyalashtirish manbalari tasdiqlangan boʻladi, shuningdek, avvalgi dasturda oʻrnatilgan amalga oshirish muddatlarini inobatga olgan holda oʻtuvchi loyihalar ham kiritiladi.
Rivojlanish davlat dasturlarini amalga oshirishning birinchi yili koʻrsatkichlari uni amalga oshirish davomida tanqidiy tahlil qilinishi, aniqlashtirilishi hamda ehtimol tuzatuvchi va oldini oluvchi tadbirlar qoʻshilishi mumkin, shuningdek, mavjud moliyaviy va boshqa resurslar bilan uzviy bogʻlangan boʻlishi kerak.
Rivojlanish davlat dasturlarini amalga oshirishning ikkinchi yiliga savdolar natijasida oʻrnatilgan amalga oshirish muddatlarini hisobga olgan holda birinchi yildan oʻtuvchi loyihalar, shuningdek, loyihaoldi hujjatlari birinchi yilda tayyorlanadigan va tasdiqlanadigan yangidan boshlanadigan obyektlar kiritiladi, ularning qiymati belgilangan tartibda aniqlanadi.
Rivojlanish davlat dasturlarini amalga oshirishning uchinchi yiliga savdolar natijalariga koʻra belgilangan amalga oshirish muddatlarini hisobga olgan holda oʻtuvchi loyihalar, shuningdek, loyihaoldi hujjatlari ikkinchi yilda tayyorlanadigan va tasdiqlanadigan yangidan boshlanadigan obyektlar kiritiladi. Ularning qiymati belgilangan tartibda aniqlashtirilgan.
41. Rivojlanish davlat dasturlarini amalga oshirish koʻrsatkichlari muntazam monitoring qilinishi va tahlil qilinib aniqlashtirilishi, zarur hollarda esa tashabbuskor tomonidan vakolatli organlar va Agentlik bilan kelishilgan tuzatuvchi va oldini oluvchi tadbirlar kiritilishi lozim.
Rivojlanish davlat dasturlarini amalga oshirish yakunlariga koʻra Oʻzbekiston Respublikasi Investitsiyalar davlat qoʻmitasi Agentlik bilan birgalikda dasturlarni amalga oshirish holati va erishilgan natijalar toʻgʻrisida hisobot tayyorlaydi, bu hisobot har yili, hisobot yilidan keyingi yilning 15-martiga qadar Oʻzbekiston Respublikasi Prezidentiga taqdim etiladi.
6-bob. Rivojlanish davlat dasturlarini shakllantirish va amalga oshirish monitoringi va ularning nazorati
42. Rivojlanish davlat dasturlarini shakllantirish va amalga oshirish monitoringi va ularni nazorat qilish Agentlik tomonidan amalga oshiriladi. Agentlik rivojlanish davlat dasturlarini shakllantirish va amalga oshirish jarayoniga jalb etilgan vazirlik va idoralardan har qanday zarur axborotni soʻrab olishga, shuningdek, ushbu dasturlarni shakllantirish va amalga oshirishning istalgan bosqichlarida kuzatuvchi sifatida ishtirok etishga haqlidir.
43. Oʻzbekiston Respublikasi Investitsiyalar boʻyicha davlat qoʻmitasi loyihalarning tashabbuskorlari bilan birgalikda:
rivojlanish davlat dasturlariga kiritilgan loyihalarni amalga oshirish samaradorligi va loyihalar portfellining dolzarbligi monitoringini amalga oshiradi;
amalga oshirish va rivojlanish davlat dasturlariga kiritish uchun portfeldan loyihalar tanlab olinishi ustidan nazorat oʻrnatadi;
hisobot choragidan keyingi har chorakning 10-sanasiga qadar loyihalar portfellining amalga oshirilishi toʻgʻrisidagi hisobotni Agentlikka taqdim etadi;
nazarda tutilgan tadbirlarning oʻz vaqtida va sifatli bajarilishi, loyihalar portfelini amalga oshirishga yoʻnaltirilayotgan resurslardan samarali foydalanishi yuzasidan javobgar boʻladi.
7-bob. Yakunlovchi qoidalar
44. Mazkur Nizomning buzilishiga yoʻl qoʻygan shaxslar qonunchilikka muvofiq javobgar boʻladilar.
Oʻzbekiston Respublikasining rivojlanish davlat dasturlarini shakllantirish tartibi toʻgʻrisidagi nizomga 1-ILOVA
Oʻzbekiston Respublikasini rivojlantirish Davlat dasturini shakllantirish
SXEMASI
Bosqichlar
T/r
Tadbirlar
Muddatlar
Masʼul vazirlik va idoralar
I bosqich. Rivojlanish konsepsiyalarini ishlab chiqish va shakllantirish
1.
Uzoq muddatli tarmoq/hududiy va maqsadli rivojlanish konsepsiyalarini ishlab chiqish (qoida tariqasida 10 — 15 yilga moʻljallangan)
1-martgacha
Investitsiyalar boʻyicha davlat qoʻmitasi huzuridagi muvofiqlashtiruvchi kengashlar, Iqtisodiyot vazirligi, moliya vazirligi, tarmoq vazirliklari va idoralari, mahalliy davlat hokimiyati organlari
2.
Ishlab chiqilgan rivojlanish konsepsiyalari loyihalarini vakolatli davlat organlarida, shu jumladan boshqa manfaatdor vazirlik va idoralarda kelishib olish
10-martgacha
Investitsiyalar boʻyicha davlat qoʻmitasi
3.
Rivojlanish konsepsiyasi loyihalarini Loyiha boshqaruvi milliy agentligi bilan kelishish
20-martgacha
Investitsiyalar boʻyicha davlat qoʻmitasi
4.
Investitsiyalar boʻyicha davlat qoʻmitasi tomonidan kiritilgan rivojlanish konsepsiyalarini tasdiqlash
1-aprelgacha
Oʻzbekiston Respublikasi Prezidenti Administratsiyasi
II bosqich. Loyihalar portfellarini ishlab chiqish va shakllantirish
5.
Tarmoq/ hududiy va maqsadli loyihalar portfellarini ishlab chiqish, shakllantirish va dolzarb tus berish
1-iyungacha
Tashabbuskorlar (tarmoq vazirliklari va idoralari, mahalliy davlat hokimiyati organlari), Investitsiyalar boʻyicha davlat qoʻmitasi, Iqtisodiyot vazirligi, Moliya vazirligi
6.
Dastlabki hisob-kitoblari (ustavlari) va loyihalarni moliyalashtirish hajmlari va dastlabki manbalarini tasdiqlovchi zarur materiallari bilan loyihalar portfellarini manfaatdor vazirliklar va idoralar bilan kelishish
15-iyungacha
Tashabbuskorlar (tarmoq vazirliklari va idoralari, mahalliy davlat hokimiyati organlari)
7.
Loyihalar portfellarini Loyiha boshqaruvi milliy agentligi bilan kelishi
1-iyulgacha
Tashabbuskorlar (tarmoq vazirliklari va idoralari, mahalliy davlat hokimiyati organlari)
8.
Investitsiyalar boʻyicha davlat qoʻmitasi tomonidan kiritilgan loyihalar portfellarini tasdiqlash
15-iyulgacha
Oʻzbekiston Respublikasi Prezidenti Administratsiyasi
9.
Loyihalar portfeli tarkibiga kiritilgan har bir loyiha boʻyicha amalga oshirishning batafsil kalendar rejasini ishlab chiqish
1-avgustgacha
Tashabbuskorlar (tarmoq vazirliklari va idoralari, mahalliy davlat hokimiyati organlari)
10.
Batafsil kalendar rejasini Loyiha boshqaruvi milliy agentligi bilan kelishish
10-avgustgacha
Tashabbuskorlar (tarmoq vazirliklari va idoralari, mahalliy davlat hokimiyati organlari)
III bosqich. Rivojlanish davlat dasturlarini ishlab chiqish va shakllantirish
11.
Loyihaoldi hujjatlarini (DTIA/DTIH) ishlab chiqish va tasdiqlash
15-iyuldan
1-sentabrgacha
Tashabbuskorlar (tarmoq vazirliklari va idoralari, mahalliy davlat hokimiyati organlari
12.
Rivojlanish davlat dasturlariga kiritish uchun ustuvor loyihalarni tanlab olish
10-sentabrgacha
Investitsiyalar boʻyicha davlat qoʻmitasi, Investitsiyalar boʻyicha davlat qoʻmitasi huzuridagi Muvofiqlashtiruvchi kengashlar, Tashabbuskorlar (tarmoq vazirliklari va idoralari, mahalliy davlat hokimiyati organlari)
13.
Rivojlanish davlat dasturlariga kiritish uchun ustuvor loyihalarni Oʻzbekiston Respublikasi Vazirlar Mahkamasi huzuridagi Oʻzbekiston Respublikasining rivojlanish davlat dasturlarini moliyalashtirish jamgʻarmasi bilan kelishish
10-sentabrdan
10-oktabrgacha
Investitsiyalar boʻyicha davlat qoʻmitasi
14.
Rivojlanish davlat dasturlarini shakllantirish va kelishish uchun manfaatdor vazirlik va idoralarga yuborish
20-oktabrgacha
Investitsiyalar boʻyicha davlat qoʻmitasi , Moliya vazirligi, Iqtisodiyot vazirligi, Tashabbuskorlar (tarmoq vazirliklari va idoralari, mahalliy davlat hokimiyati organlari),
15.
Rivojlanish davlat dasturlarini manfaatdor vazirlik va idoralar bilan kelishish
1-noyabrgacha
Investitsiyalar boʻyicha davlat qoʻmitasi
16.
Rivojlanish davlat dasturlarini Loyiha boshqaruvi milliy agentligi bilan kelishish
10-noyabrgacha
Investitsiyalar boʻyicha davlat qoʻmitasi
17.
Investitsiyalar boʻyicha davlat qoʻmitasiga kiritilgan rivojlanish davlat dasturlarini tasdiqlash
10-dekabrgacha
Oʻzbekiston Respublikasi Prezidenti Administratsiyasi
Izoh: hujjatlarni tegishli organlarga kelishish uchun kiritish kelishish muddati tugashidan kamida besh kun oldin amalga oshiriladi.
Oʻzbekiston Respublikasining rivojlanish davlat dasturlarini shakllantirish tartibi toʻgʻrisidagi nizomga 2-ILOVA
LOYIHA PASPORTI
“____________________________”
1. Asosiy qoidalar
Loyiha nomi
Loyiha pasportining versiyasi
Loyihaning rivojlanish konsepsiyasi bilan oʻzaro bogʻliqligi
(konsepsiyaning nomi va loyiha konsepsiya doirasida hal etadigan vazifalar)
Loyihaning boshlanishi va tugallanishi muddatlari
Loyiha tashabbuskori (buyurtmachisi)
(tashkilotning toʻliq nomi, asosiy faoliyat turlari, yuridik va pochta manzillari, mulkchilik shakli, shtatlar soni, rahbarning FIO, ulanish tel., faks e-mail)
Loyihaning ijrochilari va qoʻshimcha ijrochilari
(tashkilotning toʻliq nomi, asosiy faoliyat turlari, yuridik va pochta manzillari, mulkchilik shakli, shtatlar soni, rahbarning FIO, ulanish tel., faks e-mail)
Loyiha ijrochisi ustav jamgʻarmasining tarkibi
(ustav jamgʻarmasi miqdori, tashkilot taʼsischilari va ularning ulushi)
Loyihani amalga oshirish joyi
Loyihaning umumiy qiymati
Loyiha pasportining ishlab chiquvchisi
Loyiha amalga oshiriladigan tarmoq
Loyiha rivojlanish davlat dasturiga kiritilganmi (agar kiritilgan boʻlsa qaysi dasturga kiritilganligi koʻrsatilsin)
Loyiha boʻyicha hujjatlarni tayyorlash shakli (DTIA, DTIH, TIA, TIH)
2. Loyihaning tasnifi
Rivojlanish davlat dasturlari bilan aloqa
Boshqa loyihalar va dasturlar bilan oʻzaro aloqa
Tashabbus koʻrsatish uchun asoslar
Atrof-muhitga taʼsir
Marketing axboroti
Ishlab chiqarish moʻljallanayotgan mahsulot taʼrifi
raqobatchilar tomonidan chiqarilayotgan mahsulot oldida afzalligi
loyihaning boshqa raqobat afzalliklari
isteʼmolchilarning asosiy maqsadli guruhlari
bozor hajmi
bozor tendensiyasi (koʻpayish, qisqarish, barqarorlik)
kutilayotgan bozor ulushi
asosiy raqobatchi korxonalar
mahsulot eksportining taxmin qilinayotgan hajmi
eksport geografiyasi
Loyihaning taqdimot qismlari
Eskiz loyihasi mavjudligi
Taqdimot bukleti/varaqasi mavjudligi
Maketning mavjudligi
3D-model, video taqdimot, multimediya taqdimotning mavjudligi
Hukumat kafolati bilan beriladigan xorijiy kreditlar va investitsiyalar
Korxonalar mablagʻlari
Tijorat banklari kreditlari
Toʻgʻridan-toʻgʻri xorijiy investitsiyalar
Boshqa manbalar
1.
2.
...
JAMI:
* Xalqaro va xorijiy moliya institutlarining hamda xorijiy investorlarning ishtirokida amalga oshirilayotgan loyihalarning qiymati AQSh dollari ekvivalentida koʻrsatiladi.
** Loyiha koʻrsatkichlariga erishilgan yil koʻrsatiladi.
*** Loyiha qiymati qurilish/kapital qoʻyilmalar davrida amalga oshiriladigan sarf-xarajatlarni hisobga olgan holda shakllantiriladi.
8. Bosqichlar va nazorat nuqtalari
T/r
Nomlanishi
Loyiha bosqichlari boʻyicha joriy maqom
Bosqichning yakunlanishi (natijaning nazorat nuqtasi, koʻrsatkich)
Muddati
Mablagʻlarni oʻzlashtirish
1.
2.
3.
9. Manfaatdor tomonlar reyestri
T/r
Organ yoki tashkilot
Manfaatlar vakili (F.I.O, lavozimi)
Loyihani amalga oshirishdan kutilayotgani
1.
2.
3.
10. Loyiha tavakkalchiliklari reyestri
T/r
Tavakkalchilikning nomlanishi
Kutilayotgan oqibatlar
Chora koʻrish tadbirlari
Boshlanish ehtimoli
Loyihaga taʼsir darajasi
1.
2.
3.
11. Zarur muhandislik va transport kommunikatsiyalari****
Elektr-energiyasi
Talab etilayotgan quvvat (MVt)
Elektr-energiyasini isteʼmol qilish yillik hajmi — mln.kVt.soat
Foydalanishga topshirish muddatlari
Liniyani tortib kelishda talab etiladigan muddatlar
Gaz taʼminoti
Yillik isteʼmol hajmi — yiliga m3
Soatiga isteʼmol qilish hajmi — m3
Quvur tortib kelish uchun talab qilinadigan muddatlar
Issiqlik taʼminoti
Issiqlik sarflash hajmi — Gkal/soat
Bir sutkalik ehtiyoj — sutkasiga m3
Quvur tortib kelish uchun talab qilinadigan muddatlar
Sanoatda suv taʼminoti
Talab etiladigan hajm (yiliga kub.)
Sutkalik ehtiyoj — sutkasiga m3
Quvur tortib kelish uchun talab etiladigan muddatlar
Ichimlik suv taʼminoti
Talab etiladigan hajm (yilig kub. )
Sutkalik ehtiyoj — sutkasiga m3
Quvur tortib kelish uchun talab etiladigan muddatlar
Sanoat va maishiy kanalizatsiya
Talab etiladigan hajm (yiliga kub.)
Sutkalik ehtiyoj — m3 v sutki
Quvur tortib kelish uchun talab qilinadigan muddatlar
Jala yomgʻir kanalizatsiyasi
Talab etiladigan hajm (yiliga m3)
Sutkalik ehtiyoj — sutkasiga m3
Quvur tortib kelish uchun talab etiladigan muddatlar
Aloqa/Internet
Talab etiladigan hajm (tel. raqamlari/Mb)
Tortib kelish uchun talab etiladigan muddatlar
Temiryoʻl shahobchasi
Uzunligi (km.)
Talab etiladigan yuk tashish hajmi (yiliga tonna/vagon)
Tortib kelish uchun talab etiladigan muddatlar
Avtomobil yoʻllari
Uzunligi(km)
Talab etiladigan yuk tashish hajmi (yiliga tonna/yuk mashinalari)
Tortib kelish uchun talab etiladigan muddatlar
12. Loyiha ekspertizasi
Loyihani kelishuvchi vazirlik, idora, tashkilot (loyihani ekspertizadan oʻtkazuvchilar)
Kelishish toʻgʻrisidagi belgi
Izoh
13. Loyiha koʻrsatkichlariga erishishning asoslantirilishi*****
**** energiya va resurslarni tejaydigan texnologiyalardan foydalanishga ustuvorlik beriladi
***** loyiha koʻrsatkichlariga erishishni taʼminlaydigan, loyiha doirasida ularning faoliyat natijalarini tasdiqlovchi tahliliy, statistik hamda boshqa koʻrsatkich va maʼlumotlar keltiriladi.
Oʻzbekiston Respublikasining rivojlanish davlat dasturlarini shakllantirish tartibi toʻgʻrisidagi nizomga 3-ILOVA
LOYIHA USTAVI
1-BOʻLIM. LOYIHA TOʻGʻRISIDA AXBOROT
Loyihaning nomlanishi
Loyihaning rivojlanish konsepsiyasi bilan oʻzaro bogʻliqligi
(konsepsiyaning nomlanishi va loyiha konsepsiya doirasida hal etadigan vazifa)lar
Loyiha amalga oshirilayotgan tarmoq
Loyiha amalga oshiriladigan joy
Loyiha tashabbuskori (buyurtmachisi) nomlanishi, STIR, manzil, telefon, yaratilgan sana
Loyiha homiysi
(nomlanishi, STIR, manzil, telefon)
Loyiha (loyiha ofisi) rahbari
Loyihaning boshqa ishtirokchilari
Hujjat yaratilgan sana
2-BOʻLIM. LOYIHA TASNIFI
Loyiha tashabbusi bilan chiqish sabablari
(loyiha tashabbusi bilan chiqishning biznes-yoki boshqa sabablari)
Loyiha tashabbusi bilan chiqish asoslari
(shu jumladan loyiha tashabbusi bilan chiqishda asos boʻlgan normativ-huquqiy hujjat)
(loyihaning bajarilishini cheklaydigan omillar tasnifi (huquqiy, moliyaviy, resurs, kalendar hamda boshqa kelib qoʻshiladigan va hokazo omillar)
Loyihani amalga kiritish
(loyihani amalga oshirish mexanizmlarining muqobil variantlari)
Loyihaning kutilayotgan tavakkalchiliklari
Tashabbuskor (buyurtmachi rahbari)
____________________________
_________________
(F.I.O.)
Imzo
Loyiha (loyiha ofisi rahbari)
____________________________
_________________
(F.I.O.)
Imzo
LexUZ sharhi
1-ilova norasmiy tarjima.
Oʻzbekiston Respublikasi Prezidentining 2017-yil 18-dekabrdagi PQ-3437-son qaroriga 2-ILOVA
Oʻzbekiston Respublikasi Vazirlar Mahkamasi huzuridagi Oʻzbekiston Respublikasining rivojlanish davlat dasturlarini moliyalashtirish jamgʻarmasi Kuzatuv kengashining
LexUZ sharhi