Oʻzbekiston Respublikasi Vazirlar Mahkamasining

Erkin iqtisodiy zonalar faoliyatini tashkil etish chora-tadbirlari toʻgʻrisida

Oʻzbekiston Respublikasi Prezidentining “Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar toʻgʻrisida” 2016-yil 26-oktabrdagi PF-4853-son hamda “Urgut”, Gʻijduvon”, Qoʻqon” va Hazorasp” erkin iqtisodiy zonalarini tashkil etish toʻgʻrisida” 2017-yil 12-yanvardagi PF-4931-son farmonlarini ijro etish yuzasidan Vazirlar Mahkamasi qaror qiladi:

1. Samarqand, Buxoro, Fargʻona va Xorazm viloyatlari hokimliklari, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Davlat arxitektura va qurilish qoʻmitasi, Iqtisodiyot vazirligi hamda Tashqi iqtisodiy aloqalar, investitsiyalar va savdo vazirligining “Urgut”, “Gʻijduvon”, “Qoʻqon” va “Hazorasp” erkin iqtisodiy zonalari tarkibiga kiruvchi hududlar chegarasini 1-ilovaga muvofiq belgilash toʻgʻrisidagi taklifi maʼqullansin.

2. Quyidagilar:

Oldingi tahrirga qarang.

(2-bandning ikkinchi xatboshisi Oʻzbekiston Respublikasi Vazirlar Mahkamasining 2018-yil 16-yanvardagi 29-sonli qaroriga asosan chiqarilgan — Qonun hujjatlari maʼlumotlari milliy bazasi, 18.01.2018-y., 09/18/29/0587-son)

Erkin iqtisodiy zonalar hududida soliqlar va bojxona toʻlovlari boʻyicha imtiyozlarni qoʻllash tartibi toʻgʻrisidagi nizom 3-ilovaga muvofiq;

Oldingi tahrirga qarang.

(2-bandning toʻrtinchi xatboshisi Oʻzbekiston Respublikasi Vazirlar Mahkamasining 2018-yil 16-yanvardagi 29-sonli qaroriga asosan chiqarilgan — Qonun hujjatlari maʼlumotlari milliy bazasi, 18.01.2018-y., 09/18/29/0587-son)

3. Boshqaruv xodimlari soni 4 nafardan va 5-ilovaga muvofiq namunaviy tuzilmaga ega boʻlgan “Urgut” erkin iqtisodiy zonasi direksiyasi”, “Gʻijduvon” erkin iqtisodiy zonasi direksiyasi”, “Qoʻqon” erkin iqtisodiy zonasi direksiyasi” va “Hazorasp” erkin iqtisodiy zonasi direksiyasi” (keyingi oʻrinlarda Direksiyalar deb ataladi) davlat unitar korxonalari tashkil etilsin.

Oldingi tahrirga qarang.

Samarqand, Buxoro, Fargʻona va Xorazm viloyatlari maxsus iqtisodiy zonalari va kichik sanoat zonalari maʼmuriy kengashlariga (keyigi oʻrinlarda maʼmuriy kengash) Direksiyalarning tasdiqlangan tuzilmasiga va xodimlari soniga investitsiyalar hajmi va erkin iqtisodiy zonalar hududida joylashtirilgan investitsiya loyihalari soniga bogʻliqlik asosida oʻzgartirishlar kiritish huquqi berilsin.

(3-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 29-dekabrdagi 786-sonli qarori tahririda — Qonunchilik maʼlumotlari milliy bazasi, 29.12.2021-y., 09/21/786/1216-son)

4. “Urgut” erkin iqtisodiy zonasi direksiyasi”, “Gʻijduvon” erkin iqtisodiy zonasi direksiyasi”, “Qoʻqon” erkin iqtisodiy zonasi direksiyasi” va “Hazorasp” erkin iqtisodiy zonasi direksiyasi” davlat unitar korxonalarining ustavlari ushbu qarorga 6 — 9-ilovalarga muvofiq tasdiqlansin.

Oldingi tahrirga qarang.

5. Maxsus iqtisodiy zonalari va kichik sanoat zonalari direksiyalari Oʻzbekiston Respublikasining “Maxsus iqtisodiy zonalar toʻgʻrisida”gi Qonunida belgilangan vazifa va funksiyalarni amalga oshiradi.

(5-band Oʻzbekiston Respublikasi Vazirlar Mahkamasining 2021-yil 29-dekabrdagi 786-sonli qarori tahririda — Qonunchilik maʼlumotlari milliy bazasi, 29.12.2021-y., 09/21/786/1216-son)

6. Oʻzbekiston Respublikasi Moliya vazirligi asoslangan hisob-kitoblar boʻyicha 2017 — 2018-yillar davrida Direksiyalarni taʼminlash uchun, keyingi yillarda ularning oʻzini oʻzi mablagʻ bilan taʼminlashga oʻtishi sharti bilan, Oʻzbekiston Respublikasi Vazirlar Mahkamasining zaxira jamgʻarmasidan zarur mablagʻlar ajratsin.

7. Quyidagilar:

“Urgut” erkin iqtisodiy zonasi direksiyasi” davlat unitar korxonasi Samarqand viloyati, Urgut tumani, Urgut shahri, Navoiy shohkoʻchasi, 104-uy manziliga;

“Gʻijduvon” erkin iqtisodiy zonasi direksiyasi” davlat unitar korxonasi Buxoro viloyati, Gʻijduvon tumani, Mustaqillik maydoni, 2-uy manziliga;

“Qoʻqon” erkin iqtisodiy zonasi direksiyasi” davlat unitar korxonasi Fargʻona viloyati, Qoʻqon shahri, Turon koʻchasi, 1-uy manziliga;

Oldingi tahrirga qarang.

Hazorasp” erkin iqtisodiy zonasi direksiyasi” davlat unitar korxonasi Xorazm viloyati, Urganch shahri, Al-Xorazmiy koʻchasi, 23-uy manziliga joylashtirilsin;

(7-bandning beshinchi xatboshisi Oʻzbekiston Respublikasi Vazirlar Mahkamasining 2021-yil 29-dekabrdagi 786-sonli qarori tahririda — Qonunchilik maʼlumotlari milliy bazasi, 29.12.2021-y., 09/21/786/1216-son)

Samarqand, Buxoro, Fargʻona va Xorazm viloyatlari hokimliklari Direksiyalarni koʻrsatib oʻtilgan manzillarda bepul foydalanish huquqi bilan xizmat xonalari bilan taʼminlasinlar.

8. Oʻzbekiston Respublikasi Bosh vazirining oʻrinbosarlari R.S. Azimov va Gʻ.I. Ibragimov, Bosh vazirning oʻrinbosari — “Oʻzavtosanoat” AK boshqaruvi raisi U.U. Rozukulov, Bosh vazirning oʻrinbosari — qishloq va suv xoʻjaligi vaziri Z.T. Mirzayev ushbu qaror talablariga muvofiq “Urgut”, “Gʻijduvon”, Qoʻqon” va “Hazorasp” erkin iqtisodiy zonalari faoliyati tashkil etilishining samaradorligi yuzasidan amaliy nazoratni taʼminlasinlar.

9. Oʻzbekiston Respublikasi Hukumatining 10-ilovaga muvofiq ayrim qarorlariga oʻzgartirish va qoʻshimchalar kiritilsin.

10. Oʻzbekiston Respublikasi Hukumatining 11-ilovaga muvofiq baʼzi qarorlari oʻz kuchini yoʻqotgan deb hisoblansin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Oʻzbekiston Respublikasi Bosh vazirining oʻrinbosarlari R.S. Azimov va Gʻ.I. Ibragimov, Bosh vazirning oʻrinbosari — “Oʻzavtosanoat” AK boshqaruvi raisi U.U. Rozukulov, Bosh vazirning oʻrinbosari — qishloq va suv xoʻjaligi vaziri Z.T. Mirzayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 10-aprel,

196-son

Vazirlar Mahkamasining 2017-yil 10-apreldagi 196-son qaroriga
1-ILOVA

“Urgut”, “Gʻijduvon”, “Qoʻqon” va “Hazorasp” erkin iqtisodiy zonalariga kiruvchi

hududlar

Oldingi tahrirga qarang.

I. “Urgut” EIZga kiruvchi hududlar roʻyxati:

1. Samarqand viloyatining Urgut tumani “Mergancha” va “Bogʻishamol” mahalla fuqarolar yigʻini hududidagi 144,0 gektar yer maydonlari:

a) “Mergancha” massividagi (“Bogʻishamol” mahalla fuqarolar yigʻini aholi punktlaridan tashqari) yer maydonlari quyidagi chegaralar bilan:

shimoliy tomondan — 500 kV yuqori kuchlanishli Janubi-gʻarbiy magistral elektr taʼminoti tarmogʻi;

sharqiy tomondan — 4R-246 “Samarqand — Urgut” avtomobil yoʻli;

gʻarbiy tomondan — Urgut shahri bosh rejasi asosida loyihalashtirilayotgan avtomobil yoʻli;

janubiy tomondan — 4R-47 “Qoratepa — Urgut” avtomobil yoʻli;

b) “Mergancha” massividagi yer maydonlari quyidagi chegaralar bilan:

shimoliy tomondan — 220 kV yuqori kuchlanishli elektr tarmogʻi;

sharqiy tomondan — Urgut shahri bosh rejasi asosida loyihalashtirilayotgan avtomobil yoʻli;

gʻarbiy tomondan — “Akramov Zuvay Fattoyevich” fermer xoʻjaligi yer maydonlari;

janubiy tomondan — “Mergancha” mahalla fuqarolar yigʻini aholi punktlari;

v) “Mergancha” massividagi yer maydonlari quyidagi chegaralar bilan:

shimoliy tomondan — 4R-47 “Qoratepa — Urgut” avtomobil yoʻli;

janubi-sharqiy tomondan — Urgut shahri bosh rejasi asosida loyihalashtirilayotgan avtomobil yoʻlining Kamangaron koʻchasi bilan tutashgan joyidan 4R-47 “Qoratepa — Urgut” avtomobil yoʻli bilan tutashgan joyigacha;

sharqiy tomondan — “Kamangaron — Urgut” avtomobil yoʻli;

g) “Mergancha” massividagi yer maydonlari quyidagi chegaralar bilan:

shimoliy tomondan — “Akramobod zamini bahori” fermer xoʻjaligi yer maydonlari;

sharqiy tomondan — Urgut shahri bosh rejasi asosida loyihalashtirilayotgan avtomobil yoʻli;

gʻarbiy tomondan — “Kamangaroncha uzumzorlari” fermer xoʻjaligi yer maydonlari;

janubiy tomondan — “Begzod Quruqsoy” fermer xoʻjaligi yer maydonlari.

2. Samarqand viloyatining Urgut tumani “Sariqtepa” mahalla fuqarolar yigʻini hududidagi 228,42 gektar yer maydonlar quyidagi chegaralar bilan:

shimoliy tomondan — “Sariqtepa” mahalla fuqarolar yigʻini aholi punktlari va “Abdumalik Samiyev Lazizxon”, “Nasim Nodir Nasriddin Zamini Nur”, “Aziza Marhabo Mirishkor zamini” va “Bogʻi eram Sariqtepa dalasi” fermer xoʻjaliklari yer maydonlari;

sharqiy tomondan — “Bunyodkor” mahalla fuqarolar yigʻini aholi punktlari va “Abdusami Gʻofur Shomurodzoda” fermer xoʻjaligi yer maydonlari;

gʻarbiy tomondan — “Yuqori Sanchiqul” mahalla fuqarolar yigʻiniga olib boruvchi avtomobil yoʻli hududi, “Murtozov Yusufboy” va “Boymurod oltin dalasi” fermer xoʻjaliklari yer maydonlari;

janubiy tomondan — “Sariqtepa” va “Beshbuloq” mahalla fuqarolar yigʻinlari aholi punktlari va “Abduqodir Mahmud dalasi”, “Oftob Hasanova uzumzori”, “Abdurahmon Fozila nur bogʻi”, “Abror Asror chaman bogʻlari”, “Hamidova Matluba dalasi” va “Ulugʻbek Lazizbek nurli dalasi” fermer xoʻjaliklari yer maydonlari.

3. Samarqand viloyatining Pastdargʻom tumani “Doʻstlik” massividagi 59,88 gektar yer maydonlari quyidagi chegaralar bilan:

shimoliy tomondan — “Dargʻom” kanali yer maydoni himoya hududi;

sharqiy tomondan — “Samarqandkimyo” AJ superfosfat zavodi chegarasi;

janubiy tomondan — “AFSONA BEST” fermer xoʻjaligi yer maydoni;

gʻarbiy tomondan — sanoat zonasini qurish uchun ajratilgan yer maydoni.

Oldingi tahrirga qarang.

4. Samarqand viloyati Nurobod tumani “Sazagʻon” massivi 137,26 gektar yer maydonlari quyidagi chegaralar bilan:

a) shimoliy tomondan — “Nurobod texnoparki” maxsus sanoat zonasi yer maydonlari hududi;

sharqiy tomondan — Tepakoʻl soyi hududi;

janubiy tomondan — “A-378” Samarqand-Qarshi avtomobil yoʻli;

gʻarbiy tomondan — “Xudayatov Botir” fermer xoʻjaligi va Nurobod tumani hokimligi zaxira yer maydonlari;

b) shimoliy tomondan — “Nurobod texnoparki” maxsus sanoat zonasi yer maydonlari hududi;

sharqiy tomondan — “Plant OFF Samarqand” MCHJ hududi;

janubiy tomondan — “A-378” Samarqand-Qarshi avtomobil yoʻli;

gʻarbiy tomondan — Tepakoʻl soyi hududi;

v) shimoliy tomondan — “Nurobod texnoparki” maxsus sanoat zonasi yer maydonlari hududi;

sharqiy tomondan — “Plant OFF Samarqand” MCHJ hududi;

janubiy tomondan — “Shoʻrtan-Sirdaryo” magistral gaz tarmoqlari muhofaza hududi;

gʻarbiy tomondan — Tepakoʻl soyi hududi.

(4-band Oʻzbekiston Respublikasi Prezidentining 2025-yil 4-avgustdagi PQ-243-sonli qarori tahririda — Qonunchilik maʼlumotlari milliy bazasi, 05.08.2025-y., 07/25/243/0693-son)

5. Samarqand viloyatining Samarqand shahri “Xishrav-2” massivi hududidagi 102,0 gektar yer maydonlari quyidagi chegaralar bilan:

shimoliy tomondan — “Dargʻom” kanali hududi;

sharqiy tomondan — Samarqand viloyati Yongʻin xavfsizligi bosh boshqarmasining malaka oshirish markazi hududi;

janubiy tomondan — davlat zaxira yerining jarlikkacha boʻlgan hududi;

gʻarbiy tomondan — Mudofaa vazirligining harbiy bazasiga tutash hududi.

6. “Urgut” EIZning Samarqand shahri “Xishrav-2” massivi yer maydonlariga Samarqand shahri hokimligi zaxira yer maydonlari hisobidagi 275,2 gektar yer maydonlari quyidagi chegaralar bilan:

shimoliy tomondan — Eski anhor kanali hududi;

sharqiy tomondan — Samarqand viloyati “Maroqand Obod” DUKning chiqindilarni qayta ishlash hududi;

janubiy tomondan — Mudofaa vazirligiga qarashli harbiy qism va Pastdargʻom tumani hududi;

gʻarbiy tomondan — Mudofaa vazirligiga qarashli harbiy qism hududi.

7. Urgut tumani “Oʻramas” mahalla fuqarolar yigʻini hududidagi 50,0 gektar yer maydoni quyidagi chegaralar bilan:

shimoliy tomondan — “Samad oqil”, “Mamadaminov Fazli” fermer xoʻjaliklari hududi;

sharqiy tomondan — “Agro pilla” MCHJ va aholi punkti hududi;

janubiy tomondan — “Gʻozi bobo” fermer xoʻjaligi hududi;

gʻarbiy tomondan — “Izma ziyo izza” fermer xoʻjaligi hududi.

(1-bob Oʻzbekiston Respublikasi Prezidentining 2023-yil 28-noyabrdagi PQ-378-sonli qarori tahririda — Qonunchilik maʼlumotlari milliy bazasi, 29.11.2023-y., 07/23/378/0902-son)

Oldingi tahrirga qarang.

II. “Gʻijduvon” EIZga kiruvchi hududlar roʻyxati:

1. Buxoro viloyatining Gʻijduvon tumanidagi Gʻijduvon shahri.

2. Kogon tumani “Beklar” mahalla fuqarolar yigʻini hududidagi yer maydonlari quyidagi chegaralar bilan:

shimoliy tomondan — Kogon shahridagi aholi punkti, Kogon tumanidagi Zirabot toʻliq shirkati yerlari, “Edgar Real Plyus” fermer xoʻjaligiga qarashli yerlar;

sharqiy tomondan — Kogon shahri temir yoʻllari bilan Buxoro-Qarshi temir yoʻl tarmogʻi;

janubiy tomondan — Kogon tumanidagi “Yusuf ota” fermer xoʻjaligiga qarashli, 39004-son harbiy qism va “Qosimbobo” fermer xoʻjaligiga qarashli yerlar;

gʻarbiy tomondan — Kogon tumanidagi zaxira yerlari va va kollektor (zaxkash).

3. Kogon shahri yer maydonlari quyidagi chegaralar bilan:

shimoliy tomondan — Kogon shahridagi aholi punklari ;

sharqiy tomondan — Kogon shahardagi ichki yoʻl orqali aholi punkti;

janubiy tomondan — Kogon tumani zaxirasidagi yerlar;

gʻarbiy tomondan — Kogon shahridagi aholi punklari.

Jami: 267,5 gektar.

(II boʻlim Oʻzbekiston Respublikasi Vazirlar Mahkamasining 2019-yil 13-avgustdagi 671-sonli qarori tahririda — Qonun hujjatlari maʼlumotlari milliy bazasi, 14.08.2019-y., 09/19/671/3553-son)

III. “Qoʻqon” EIZga kiruvchi hududlar roʻyxati:

1. Uchkoʻprik tumani “Qaqir” massivi yer maydonlarini ichiga oluvchi A sanoat zonasi quyidagi chegaralar bilan:

shimoliy tomondan — “Toshkent–Andijon” temir yoʻli;

janubiy tomondan — 4r-44b “A-373 Qoʻqon-Jizzax avtomobil yoʻlini 4r-112 Fargʻona halqa avtomobil yoʻli bilan bogʻlovchi yoʻl” xamda “Qoʻqonspirt”AJ tindirgichi;

sharqiy tomondan — 4r-44b “A-373 Qoʻqon-Jizzax avtomobil yoʻlini 4r-112 Fargʻona halqa avtomobil yoʻli bilan bogʻlovchi yoʻl”;

gʻarbiy tomondan — “Zuxriddin Sar zamini” fermer xoʻjaligi yer maydoni.

2. Qoʻqon shahri massivini ichiga oluvchi B sanoat zonasi quyidagi chegaralar bilan:

shimoliy tomondan — Qoʻqon halqa avtomobil yoʻli Shohruxobod koʻchasi boʻylab;

janubiy tomondan — aholi punktlari;

sharqiy tomondan — aholi punktlari;

gʻarbiy tomondan — “Qoʻqon-Yaypan” avtomobil yoʻli (Davronbek koʻchasi).

3. Uchkoʻprik tumani “Qaqir” massivi yer maydonlarini oʻz ichiga oluvchi V sanoat zonasi quyidagi chegaralar bilan::

sharqiy tomondan — 4K-887 “Uchkoʻprik-Qaqir stansiyasi-Tojik” avtomobil yoʻli;

gʻarbiy tomondan — 4K-925b “Qoʻqon-asfalt-beton zavodiga kirish” avtomobil yoʻli;

shimoliy tomondan — 4R-446 “A-373 Qoʻqon-Jizzax avtomobil yoʻlini 4r-112 Fargʻona halqa avtomobil yoʻli bilan bogʻlovchi yoʻl”;

janubiy tomondan — “Tojik” gaz boʻluv stansiyasi hududi va ichki xoʻjalik yoʻli.

Oldingi tahrirga qarang.

4. Beshariq tumani “Sobirtepa” massivi yer maydonlarini ichiga oluvchi sanoat zonasi quyidagi chegaralar bilan:

shimoliy tomondan — “Andarxon” bojxona posti binosi va inshootlari;

janubiy tomondan — “Asomiddinov Roziq xoji” bogʻdorchilik yoʻnalishidagi fermer xoʻjaligi yer maydoni;

sharqiy tomondan — “Sobirtepa” massivi qishloq xoʻjaligi dala yoʻli;

gʻarbiy tomondan — “Asomiddinov Roziq xoji” bogʻdorchilik yoʻnalishidagi fermer xoʻjaligi yer maydoni.

(4-band Oʻzbekiston Respublikasi Vazirlar Mahkamasining 2021-yil 29-dekabrdagi 786-sonli qaroriga asosan kiritilgan — Qonunchilik maʼlumotlari milliy bazasi, 29.12.2021-y., 09/21/786/1216-son)

IV. “Hazorasp” EIZga kiruvchi hududlar roʻyxati:

1. 1-blok. Hazorasp tumani, Pitnak qishlogʻi, “Mirzo Ulugʻbek” massivi yer maydonlari quyidagi chegaralar bilan:

shimoliy tomondan — “Pitnak-Urganch” temir yoʻlining 1 km uzunlikdagi qismi;

sharqiy tomondan — “Toshsoqqa” irrigatsiya tizimi boshqarmasi ichki xoʻjalik drenaji;

janubi-gʻarbiy tomondan — Xorazm melioratsiya ekspeditsiyasi “Pitnak arna” kanali;

gʻarbiy tomondan — “Hazorasp lochin servis” DUK yer maydoni;

2. 2-blok. Hazorasp tumani, Pitnak qishlogʻi, “Yu.Sherjon” massivi yer maydonlari quyidagi chegaralar bilan:

sharqiy tomondan — “Jeneral Motors Oʻzbekiston” AJ Xorazm filiali yer maydonlari;

janubiy tomondan — “Hazorasp-Pitnak” avtomobil yoʻli;

gʻarbiy tomondan — Pitnak shahri “Obod” mahallasi;

shimoliy tomondan — Pitnak shahri “Obod” mahallasida qurilgan namunaviy uy-joylar.

Oldingi tahrirga qarang.

3. Hazorasp tumani Pitnak shahri hududidagi yer uchastkalari:

a) Pitnak shahri “Muhabbat” mahalla fuqarolar yigʻini hududidagi sanoat zonasi quyidagi chegaralar bilan:

sharqiy tomondan — “Muhabbat” mahalla fuqarolar yigʻini yer maydoni;

janubiy tomondan — “Pitnak — Urganch” temir yoʻl uchastkasi;

gʻarbiy tomondan — “Muhabbat” mahalla fuqarolar yigʻinining aholi yashash punkti;

shimoliy tomondan — “Chap magistral kanal” kanali;

b) “Navbahor” mahalla fuqarolar yigʻini hududidagi yer uchastkasi quyidagi chegaralar bilan:

shimoliy tomondan — “Navbahor” mahalla fuqarolar yigʻinining aholi yashash punkti;

sharqiy tomondan — “Xorazm” koʻchasidagi xoʻjaliklararo avtomobil yoʻli;

janubiy tomondan — “Hazorasp-Pitnak” avtomobil yoʻli;

gʻarbiy tomondan — qurilish materiallari ishlab chiqaruvchi “Sadulla Iskandarov” fermer xoʻjaligi;

v) “Navbahor” mahalla fuqarolar yigʻini hududidagi yer maydoni quyidagi chegaralar bilan:

shimoliy tomondan — Pitnak xizmatlar va axborot texnologiyalari kolleji hududi;

sharqiy tomondan — “Mustaqillik” koʻchasidagi xoʻjaliklararo avtomobil yoʻli;

janubiy tomondan — “Fayz baraka” MCHJning qandolatchilik sexi hududi;

gʻarbiy tomondan — “Ruza Nafis” xususiy korxonasi supermarketi hududi;

4. Hazorasp tumani “Bogʻdor” mahalla fuqarolar yigʻini hududidagi yer uchastkasi quyidagi chegaralar bilan:

sharqiy tomondan — Xorazm viloyati mudofaaga koʻmaklashuvchi “Vatanparvar” tashkiloti hududi;

janubiy tomondan — avtomobillarni taʼmirlash va ularga texnik xizmat koʻrsatish “Sultonova Zulfiya” XK hududi;

gʻarbiy tomondan — “Bogʻdor” mahalla fuqarolar yigʻini aholi punkti;

shimoliy tomondan — “Bogʻdor” mahalla fuqarolari yigʻini aholi punkti.

5. Hazorasp tumanidagi “Amudaryo” mahalla fuqarolar yigʻini yer uchastkasi quyidagi chegaralar bilan:

sharqiy tomondan — 1200 mm diametrli “Buxoro-Ural” gaz quvurining himoya zonasi;

janubiy tomondan — “Amudaryo” mahalla fuqarolar yigʻini yer uchastkasi;

gʻarbiy tomondan — “Doniyerbek Elyorbek Shaxriyor” fermer xoʻjaligi yer uchastkasi;

shimoliy tomondan — “Amudaryo” mahalla fuqarolari yigʻini yer uchastkasi.

6. Urganch tumanidagi Gaybu qishlogʻi “Tandirchi” mahalla fuqarolar yigʻini yer uchastkasi quyidagi chegaralar bilan:

shimoliy-gʻarbiy tomondan — avtomobilnoy dorogoy 4K 931 “Urganch shahri Chatkupir k.-Shovot shahri” avtomobil yoʻli;

sharqiy tomondan — 4R 162 “Urganch shahri xalqa yoʻli”ning 5-kilometridagi yoʻl oʻtkazgich bilan;

janubiy tomondan — “Urganch-Shovot” temir yoʻli uchastkasi bilan;

gʻarbiy tomondan — “Urganch oil” MCHJ avtomobillarga yonilgʻi quyish stansiyasi hududi bilan.

7. Urganch tumani Chatkupir qishlogʻi hududidagi sanoat zonasidagi yer uchastkasi quyidagi chegaralar bilan:

shimoliy tomondan — “Xidoyat” mahalla fuqarolari yigʻini yer uchastkasi;

sharqiy tomondan — “Dilmurod mebel servis” XK mebel ishlab chiqarish sexi hududi;

janubiy tomondan — “Zafar kristall” MCHJ neft zaxirasi ombori hududi;

gʻarbiy tomondan — “Xorazm don mahsulotlari” AJ hududi.

8. Bogʻot tumani Beshariq qishlogʻidagi yer uchastkasi quyidagi chegaralar bilan:

shimoliy tomondan — “Madamin Masharip” fermer xoʻjaligi yer uchastkasi;

sharqiy tomondan — Bogʻot tumani “Gulshan” mahalla yigʻinidagi namunaviy loyihalar boʻyicha qurilgan turar joy imoratlari bilan;

janubiy tomondan — “Madamin Masharip” fermer xoʻjaligi yer uchastkasi;

gʻarbiy tomondan — kollektor.

9. Xiva tumani Zaungur posyolkasidagi yer uchastkasi quyidagi chegaralar bilan:

shimoliy tomondan — “Urganchtransgaz” shuʼba korxonasi oʻquv kombinati;

sharqiy tomondan — Xiva “Xorazm koʻmir yetkazuvchi” unitar korxonasi hududi;

janubiy tomondan — “Xivaneftgazqurilish” unitar korxonasi hududi;

gʻarbiy tomondan — Xorazm viloyat oʻrmon xoʻjaligi boshqarmasi yer uchastkasi.

(3 — 9-bandlar Oʻzbekiston Respublikasi Vazirlar Mahkamasining 2017-yil 12-avgustdagi 623-sonli qaroriga asosan kiritilgan — OʻR QHT, 2017-y., 33-son, 856-modda)

Oldingi tahrirga qarang.

(10-band Oʻzbekiston Respublikasi Prezidentining 2023-yil 28-noyabrdagi PQ-379-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 29.11.2023-y., 07/23/379/0903-son)

Oldingi tahrirga qarang.

(2-ilova Oʻzbekiston Respublikasi Vazirlar Mahkamasining 2018-yil 16-yanvardagi 29-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 18.01.2018-y., 09/18/29/0587-son)

Vazirlar Mahkamasining 2017-yil 10-apreldagi 196-son qaroriga
3-ILOVA

Erkin iqtisodiy zonalar hududida soliqlar va bojxona toʻlovlari boʻyicha imtiyozlarni qoʻllash tartibi toʻgʻrisida

NIZOM

1-bob. Umumiy qoidalar

1. Mazkur Nizom Oʻzbekiston Respublikasi Erkin iqtisodiy zonalarida (keyinchalik EIZ deb ataladi) soliqlar va bojxona toʻlovlari boʻyicha imtiyozlarni qoʻllash tartibini belgilaydi.

2. Oʻzbekiston Respublikasi Prezidentining “Erkin iqtisodiy zonalar faoliyatini jadallashtirish va kengaytirish boʻyicha qoʻshimcha chora-tadbirlar toʻgʻrisida” 2016-yil 26-oktabrdagi PF-4853-son Farmonining 3-bandiga muvofiq EIZ ishtirokchilari:

Oldingi tahrirga qarang.

yer soligʻi, foyda soligʻi, yuridik shaxslarning mol-mulkiga solinadigan soliq, mikrofirmalar va kichik korxonalar uchun yagona soliq hamda Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasiga va Oʻzbekiston Respublikasi Moliya vazirligi huzuridagi budjetdan tashqari umumtaʼlim va tibbiyot muassasalarining moddiy-texnika bazasini rivojlantirish jamgʻarmasiga majburiy toʻlovlar;

(2-bandning ikkinchi xatboshisi Oʻzbekiston Respublikasi Vazirlar Mahkamasining 2018-yil 22-maydagi 384-sonli qarori tahririda — Qonun hujjatlari maʼlumotlari milliy bazasi, 24.05.2018-y., 09/18/384/1266-son)

oʻz ishlab chiqarish ehtiyojlari uchun olib kelingan asbob-uskunalar, xomashyo, materiallar va butlovchi qismlar uchun bojxona toʻlovlari (bojxona rasmiylashtiruvi yigʻimlaridan tashqari);

respublikada ishlab chiqarilmaydigan va loyihalarni amalga oshirish doirasida Oʻzbekiston Respublikasi Vazirlar Mahkamasi tomonidan tasdiqlanadigan roʻyxat boʻyicha chetdan olib kelinadigan qurilish materiallari uchun bojxona toʻlovlari (bojxona rasmiylashtiruvi yigʻimlaridan tashqari) toʻlashdan ozod etiladi.

3. Oʻzbekiston Respublikasi Prezidentining “Erkin iqtisodiy zonalar faoliyatini jadallashtirish va kengaytirish boʻyicha qoʻshimcha chora-tadbirlar toʻgʻrisida” 2016-yil 26-oktabrdagi PF-4853-son Farmonining 3-bandida nazarda tutilgan imtiyozlar kiritilgan investitsiya hajmiga bogʻliq ravishda 3 yildan 10 yil muddatgacha beriladi, shu jumladan ekvivalentda:

300 ming AQSH dollaridan 3 mln AQSH dollarigacha investitsiya kiritilganda — 3 yil muddatga;

3 mln AQSH dollaridan 5 mln AQSH dollarigacha investitsiya kiritilganda — 5 yil muddatga;

5 mln AQSH dollaridan 10 mln AQSH dollarigacha investitsiya kiritilganda — 7 yil muddatga;

10 mln AQSH dollari va undan ortiq investitsiya kiritilganda — 10 yil muddatga, keyingi 5 yil mobaynida foyda soligʻi va yagona soliq toʻlovi stavkalari amaldagi stavkalardan 50 foiz past miqdorda qoʻllanilgan holda beriladi.

4. Quyidagilar:

Oldingi tahrirga qarang.

(4-bandning “a” kichik bandi Oʻzbekiston Respublikasi Vazirlar Mahkamasining 2025-yil 18-yanvardagi 18-sonli qaroriga asosan chiqarilgan — Qonunchilik maʼlumotlari milliy bazasi, 21.01.2025-y., 09/25/18/0055-son)

Oldingi tahrirga qarang.

(4-bandning “b” kichik bandi Oʻzbekiston Respublikasi Vazirlar Mahkamasining 2025-yil 18-yanvardagi 18-sonli qaroriga asosan chiqarilgan — Qonunchilik maʼlumotlari milliy bazasi, 21.01.2025-y., 09/25/18/0055-son)

v) Oʻzbekiston Respublikasi Prezidentining “Urgut”, “Gʻijduvon”, “Qoʻqon” va “Hazorasp” erkin iqtisodiy zonalarini tashkil etish” toʻgʻrisida” 2017-yil 12-yanvardagi PF-4931-son Farmonining 6-bandiga muvofiq Oʻzbekiston Respublikasi Prezidentining “Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar toʻgʻrisida” 2016-yil 26-oktabrdagi PF-4853-son Farmonining 5-bandi qoidalari “Urgut” EIZ, “Gʻijduvon” EIZ, “Qoʻqon” EIZ va “Hazorasp” EIZ ishtirokchilariga tatbiq etiladi.

Oldingi tahrirga qarang.

g) Oʻzbekiston Respublikasi Prezidentining “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida” 2017-yil 25-oktabrdagi PQ-3356-son qarorining 7-bandi bilan soliqlar haqidagi qonunlar oʻzgarganda erkin iqtisodiy zonalarning ishtirokchilari soliqlar va boshqa majburiy toʻlovlarni toʻlash boʻyicha ular roʻyxatdan oʻtkazilgan sanada amal qilgan norma va qoidalarni qoʻllashga haqli ekanligi, aksiz soligʻi olinadigan tovarlarga soliq solishni tartibga soluvchi hujjatlarning normalari va qoidalari bundan mustasno ekanligi belgilangan.

(4-band Oʻzbekiston Respublikasi Vazirlar Mahkamasining 2018-yil 16-yanvardagi 29-sonli qaroriga asosan “g” kichik band bilan toʻldirilgan — Qonun hujjatlari maʼlumotlari milliy bazasi, 18.01.2018-y., 09/18/29/0587-son)

Oldingi tahrirga qarang.

d) Oʻzbekiston Respublikasi Prezidentining “Chorvoq” turistik-rekreatsion zonasini tashkil etish toʻgʻrisida” 2017-yil 5-dekabrdagi PF-5273-son Farmonining 3-bandi bilan “Chorvoq” turistik-rekreatsion zonasiga va turistik-rekreatsion zona ishtirokchilari sifatida roʻyxatga olingan tadbirkorlik subyektlariga erkin iqtisodiy zonalar toʻgʻrisidagi qonunchilik qoidalari, shu jumladan erkin iqtisodiy zonalar va ularning ishtirokchilari uchun nazarda tutilgan barcha imtiyozlar va preferensiyalar tatbiq etiladi.

(4-bandning “d” kichik bandi Oʻzbekiston Respublikasi Vazirlar Mahkamasining 2024-yil 22-iyuldagi 439-sonli qarori tahririda — Qonunchilik maʼlumotlari milliy bazasi, 24.07.2024-y., 09/24/439/0543-son)

5. Ushbu Nizomning 2 va 4-bandlarida koʻrsatilgan imtiyozlar faqat EIZ ishtirokchisining investor (investorlar) va erkin iqtisodiy zona Direksiyasi (keyingi oʻrinlarda Direksiya deb ataladi) oʻrtasida tuzilgan Erkin iqtisodiy zona hududida investitsiyalash toʻgʻrisidagi shartnomada (keyingi oʻrinlarda Investitsiyalash uchun bitim deb ataladi) nazarda tutilgan faoliyat turiga tatbiq qilinadi.

6. Bojxona va soliq imtiyozlarini qoʻllash muddati EIZ ishtirokchisiga beriladigan EIZ ishtirokchisi guvohnomasi berilgan kundan eʼtiboran boshlanadi.

Oldingi tahrirga qarang.

Bunda foyda soligʻi va yagona soliq toʻlovi boʻyicha imtiyozlarning amal qilish muddati EIZ hududida ishlab chiqarish obyekti foydalanishga qabul qilingan sanadan boshlab hisoblanadi.

Tadbirkorlik subyekti EIZ ishtirokchisi maqomidan mahrum boʻlganda, u EIZ ishtirokchisi maqomidan mahrum qilingan oydan keyingi oyning 1-kunidan EIZ ishtirokchilariga berilgan imtiyozlar va preferensiyalardan foydalanmaydi.

(6-band Oʻzbekiston Respublikasi Vazirlar Mahkamasining 2018-yil 16-yanvardagi 29-sonli qaroriga asosan ikkinchi va uchinchi xatboshilar bilan toʻldirilgan — Qonun hujjatlari maʼlumotlari milliy bazasi, 18.01.2018-y., 09/18/29/0587-son)

7. EIZ ishtirokchisi tomonidan oldin berilgan imtiyozlar muddatidan uzoqroq muddatli imtiyozlar huquqi qoʻllaniladigan hajmga yetuvchi investitsiyalar miqdori oshirilgan taqdirda, imtiyozlarni qoʻllash muddati uzoqroq muddatga uzaytiriladi.

Bunda, agar investitsiyalar hajmi oldin berilgan imtiyozlar muddati tugaganidan keyin koʻpaytirilsa, bojxona imtiyozlari uzoqroq muddatli imtiyozlar huquqini beruvchi miqdordagi investitsiya kiritilgan kundan, soliq imtiyozlari esa — uzoqroq muddatli imtiyozlar huquqi yuzaga kelgan oydan keyingi oyning 1-kunidan eʼtiboran qoʻllaniladi.

Imtiyozlarni qoʻllash muddati imtiyozlar qoʻllash boshlangan kundan eʼtiboran hisoblanadi.

8. Direksiya tegishli davlat soliq va bojxona organlarining soʻroviga muvofiq EIZ ishtirokchilari tomonidan Investitsiyalash toʻgʻrisidagi shartnomada nazarda tutilgan investitsiyalar miqdori haqidagi maʼlumotlarni taqdim qiladi.

9. Davlat statistika organlari davlat soliq va bojxona organlariga EIZ ishtirokchilari tomonidan elektron shaklda taqdim qilingan investitsiya miqdori koʻrsatkichlari bilan birgalikda tegishli davlat statistik hisobotlaridan foydalanish imkonini beradi.

10. EIZ ishtirokchilarining soliq va bojxona imtiyozlarini buxgalteriya hisobotida aks ettirish tartibi qonun hujjatlarida belgilangan tartibda tartibga solinadi.

2-bob. Soliq imtiyozlarini qoʻllash tartibi

Oldingi tahrirga qarang.

11. Direksiya xoʻjalik yurituvchi subyekt joylashgan joydagi davlat soliq xizmati organlariga xabardor qilish tartibida:

a) xoʻjalik yurituvchi subyekt EIZ ishtirokchisi sifatida roʻyxatga olingan kundan boshlab bir kun mobaynida:

Qoraqalpogʻiston Respublikasi, viloyatlar va Toshkent shahridagi erkin iqtisodiy zonalar va kichik sanoat zonalari maʼmuriy kengashlari (keyingi oʻrinlarda Maʼmuriy kengash deb ataladi) bayonnomasining nusxasini;

EIZ ishtirokchisining guvohnomasi nusxasini;

b) EIZ hududida ishlab chiqarish obyekti foydalanishga qabul qilingan sanadan boshlab bir kun mobaynida qabul qilish komissiyasi dalolatnomasi nusxasini yuboradi.

(11-band Oʻzbekiston Respublikasi Vazirlar Mahkamasining 2018-yil 16-yanvardagi 29-sonli qarori tahririda — Qonun hujjatlari maʼlumotlari milliy bazasi, 18.01.2018-y., 09/18/29/0587-son)

12. Davlat soliq xizmati organlari EIZ ishtirokchilarining alohida hisobini yuritadi va tashkilotlar tomonidan davriy hisobotlar topshirilganda ular tomonidan olingan soliq imtiyozlarini hisobga oladi hamda har chorakda Maʼmuriy kengashning ishchi organiga yigʻma maʼlumotlarni taqdim etadi.

13. EIZ hududlarida buxgalteriya hisobi va hisoboti Oʻzbekiston Respublikasi qonun hujjatlariga muvofiq amalga oshiriladi.

EIZ ishtirokchisi tomonidan Investitsiya qoʻyish toʻgʻrisidagi shartnomada koʻrsatilmagan moliya-xoʻjalik faoliyati amalga oshirilgan taqdirda, Investitsiyalash toʻgʻrisidagi shartnomada koʻrsatilgan ishlab chiqarish faoliyati uchun alohida buxgalteriya hisoboti tatbiq etiladi.

14. Soliq majburiyatlariga ega boʻlgan soliqlar boʻyicha soliq hisoboti Oʻzbekiston Respublikasining Soliq kodeksiga muvofiq EIZ ishtirokchilari tomonidan davlat soliq xizmati organlariga taqdim qilinadi.

3-bob. Oʻz ishlab chiqarish ehtiyojlari uchun chetdan olib kelinadigan asbob-uskunalar, xomashyo, materiallar va butlovchi buyumlar uchun bojxona imtiyozlarini qoʻllash tartibi

15. Direksiya xoʻjalik yurituvchi subyekt EIZ ishtirokchisi sifatida roʻyxatdan oʻtgan kundan eʼtiboran bir kun mobaynida xabar tariqasida xoʻjalik yurituvchi subyekt joylashgan joy boʻyicha davlat bojxona organlariga:

Maʼmuriy kengash protokol qarorining nusxasini;

EIZ ishtirokchisi guvohnomasining nusxasini yuboradi.

16. Oʻz ishlab chiqarish ehtiyojlari uchun chetdan olib kelinadigan asbob-uskunalar, xomashyo, materiallar va butlovchi buyumlarga bojxona imtiyozlarini qoʻllashda EIZ ishtirokchisi davlat bojxona xizmati organlariga quyidagi hujjatlarni taqdim qiladi:

Ushbu Nizomga 1-ilovaga muvofiq shakl boʻyicha EIZ ishtirokchisi rahbari tomonidan tasdiqlangan va EIZ Direksiyasi bilan kelishilgan oʻz ishlab chiqarish ehtiyojlari uchun chetdan olib kelinadigan asbob-uskunalar, xomashyo, materiallar va butlovchi buyumlar roʻyxati;

EIZ ishtirokchisi rahbari tomonidan tasdiqlangan hamda bosh buxgalter va texnolog bilan kelishilgan ishlab chiqariladigan mahsulot birligiga xomashyo, materiallar va butlovchi buyumlar sarfi normasi.

17. Davlat bojxona xizmati organlari EIZ ishtirokchilarining alohida hisobini yuritadi va har chorakda hisobot oyidan keyingi oyning 10-kuniga qadar davlat soliq xizmati organlariga chetdan olib kelingan asbob-uskunalar, xomashyo, materiallar va butlovchi buyumlar hamda EIZ ishtirokchilariga berilgan bojxona imtiyozlari toʻgʻrisidagi maʼlumotlarni taqdim qiladi.

18. EIZ ishtirokchilari har yili 25-yanvarga qadar davlat soliq va bojxona xizmati organlariga oʻz ishlab chiqarish ehtiyojlari uchun chetdan olib kelingan asbob-uskunalar, xomashyo, materiallar va butlovchi buyumlarning ishlatilganligi toʻgʻrisidagi deklaratsiyani ushbu Nizomga 2-ilovaga muvofiq shakl boʻyicha taqdim qiladilar.

19. Ushbu Nizomning 2-bandida koʻrsatilgan bojxona imtiyozlari qoʻllanilgan holda olib kelingan asbob-uskunalar, xomashyo, materiallar va butlovchi buyumlar, ular olib kelingan kundan boshlab uch yil ichida sotib yuborilgan yoki bepul berilgan taqdirda, bojxona toʻlovlari qonun hujjatlarida belgilangan tartibga muvofiq toʻliq miqdorda undiriladi.

4-bob. Respublikada ishlab chiqarilmaydigan va loyihalarni amalga oshirish doirasida chetdan olib kelinadigan qurilish materiallariga bojxona imtiyozlarini qoʻllash tartibi

20. Loyihalarni amalga oshirish doirasida chetdan olib kelinadigan va respublikada ishlab chiqarilmaydigan qurilish materiallari roʻyxati EIZ ishtirokchisi tomonidan loyiha-smeta hujjatlari va qurilish materiallarini yetkazib beruvchilar bilan tuzilgan shartnomalar asosida shakllantiriladi.

21. Hukumat qarori loyihasini tayyorlash, kelishish va belgilangan tartibda Vazirlar Mahkamasiga kiritish EIZ ishtirokchisi faoliyat olib borayotgan tegishli tarmoqqa mutasaddilik qiluvchi tashkilot, tegishli viloyat hokimligi yoki EIZ Direksiyasi tomonidan amalga oshiriladi.

Oldingi tahrirga qarang.

22. Chetdan olib kelinayotgan qurilish materiallari respublikada ishlab chiqarilgan, biroq belgilangan tartibda tasdiqlangan loyiha-smeta hujjatlarida nazarda tutilgan davlat standartlari va texnik shartlarga muvofiq boʻlmagan taqdirda, Hukumat qarori loyihasiga Oʻzbekiston Respublikasi Qurilish vazirligining qurilish materiallarining texnik va fizik xususiyatlarini hisobga oluvchi xulosasi ilova qilinadi.

(22-band Oʻzbekiston Respublikasi Vazirlar Mahkamasining 2019-yil 14-iyundagi 498-sonli qarori tahririda — Qonun hujjatlari maʼlumotlari milliy bazasi, 20.06.2019-y., 09/19/498/3310-son)

Oldingi tahrirga qarang.

(5-bob Oʻzbekiston Respublikasi Vazirlar Mahkamasining 2025-yil 18-yanvardagi 18-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 21.01.2025-y., 09/25/18/0055-son)

6-bob. Yakunlovchi qoidalar

26. EIZ ishtirokchisi:

taqdim qilingan maʼlumotlar va materiallarning toʻgʻriligi;

chetdan olib kelingan asbob-uskunalar, xomashyo va butlovchi buyumlardan maqsadli foydalanishi;

Oʻzbekiston Respublikasining soliq va bojxona qonunchiligi buzilishi uchun qonun hujjatlarida belgilangan tartibda javob beradi.

27. EIZ ishtirokchisi tomonidan imtiyozlar beriladigan muddatga mos keluvchi hajmdagi investitsiya kiritilmagan taqdirda, imtiyozlar berilganligi sababli ozod etilgan summa qonunda belgilangan tartibda moliyaviy sanksiyalar qoʻllanilgan holda Oʻzbekiston Respublikasi Davlat budjetiga undiriladi.

28. Soliq va bojxona toʻlovlari boʻyicha imtiyozlar qoʻllanishining toʻgʻriligi ustidan nazorat qilish Oʻzbekiston Respublikasi davlat soliq va bojxona xizmati organlari tomonidan Oʻzbekiston Respublikasi qonun hujjatlariga muvofiq amalga oshiriladi.

Erkin iqtisodiy zonalar hududida soliqlar va bojxona toʻlovlari boʻyicha imtiyozlarni qoʻllash tartibi toʻgʻrisidagi nizomga
1-ILOVA

Oldingi tahrirga qarang.

Oʻz ishlab chiqarish ehtiyojlari uchun (EIZ ishtirokchisi nomi) chetdan olib
kelinadigan asbob-uskunalar, xom ashyo, materiallar va butlovchi buyumlarning
ROʻYXATI

T/r

Mahsulotning nomi

Mahsulotning TIF TN kodi (2012-yil versiyasi)

Oʻlchov birligi

Tovarning miqdori

eksport uchun

ichki bozor uchun

EIZ ishtirokchisi rahbarining
F.I.O.

_____________________________________
(imzo)
20___ yil “___” ____________

EIZ Direksiyasi direktori
F.I.O.
_______________________________
(imzo, muhr)
20___ yil “___” _____________

EIZ ishtirokchisining ishlab chiqarish
uchun masʼul xodimi
F.I.O.
_____________________________________
(imzo)
20___ yil “___” _______________

(1-ilova Oʻzbekiston Respublikasi Vazirlar Mahkamasining 2019-yil 10-avgustdagi 661-sonli qarori tahririda — Qonun hujjatlari maʼlumotlari milliy bazasi, 11.08.2019-y., 09/19/661/3571-son)

Erkin iqtisodiy zonalar hududida soliqlar va bojxona toʻlovlari boʻyicha imtiyozlarni qoʻllash tartibi toʻgʻrisidagi nizomga
2-ILOVA

Oldingi tahrirga qarang.

Oʻz ishlab chiqarish ehtiyojlari uchun chetdan olib kelingan asbob-uskunalar, xom ashyo va butlovchi buyumlarning ishlatilganligi toʻgʻrisida DEKLARATSIYA 20__ yil “____” ___________________
1. EIZ ishtirokchisining nomi: __________________________________________________________________ 2. EIZ ishtirokchisi joylashgan joy (pochta manzili): __________________________________________________________ 3. EIZ ishtirokchisi guvohnomasining raqami va olingan sanasi: ______________________ 4. Chetdan olib kelinadigan xom ashyo, materiallar va butlovchi buyumlarning nomi va miqdori: ____________________________________________________________________________________________ Erkin iqtisodiy zonalar hududlarida soliqlar va bojxona toʻlovlari boʻyicha imtiyozlarni qoʻllash tartibi toʻgʻrisidagi nizomni bajarish yuzasidan 20__ yil “___” __________dagi ___-son kontrakt boʻyicha olingan ruxsatnoma asosida _____________________ _______________________________________________________________________________ olinganligini 20___ yil “___” ___________dagi holatiga koʻra ____________________________________________________ foydalanilganligini bayon qilaman. Olib kelingan xom ashyo, materiallar va butlovchi buyumlarning qoldigʻi: _________________________________ ____________________________________________________________________________________________ ____________________________________________________________________________________________ Olib kelingan xom ashyo, materiallar va butlovchi buyumlar quyidagi tarzda foydalanildi:___________________ ____________________________________________________________________________________________ ____________________________________________________________________________________________
Rahbar ________________		__________________________________________
	(imzo)	(F.I.O.)
Bosh buxgalter _______________		__________________________________________
	(imzo)	(F.I.O.)
Texnolog _____________		__________________________________________
	(imzo)	(F.I.O.)

(2-ilova Oʻzbekiston Respublikasi Vazirlar Mahkamasining 2019-yil 10-avgustdagi 661-sonli qarori tahririda — Qonun hujjatlari maʼlumotlari milliy bazasi, 11.08.2019-y., 09/19/661/3571-son)

Oldingi tahrirga qarang.

(4-ilova Oʻzbekiston Respublikasi Vazirlar Mahkamasining 2018-yil 16-yanvardagi 29-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 18.01.2018-y., 09/18/29/0587-son)

Vazirlar Mahkamasining 2017-yil 10-apreldagi 196-son qaroriga
5-ILOVA

Erkin iqtisodiy zona Direksiyasining namunaviy

tuzilmasi *

Oldingi tahrirga qarang.

* Samarqand, Buxoro, Fargʻona va Xorazm viloyatlari maxsus iqtisodiy zonalari va kichik sanoat zonalari maʼmuriy kengashlari EIZ hududida amalga oshiriladigan loyihalar soni koʻpayishiga va investitsiyalar hajmining oshishiga qarab Direksiya tomonidan tasdiqlangan tuzilmaga va xodimlar soniga oʻzgartirish kiritish huquqiga ega.

(5-ilovaning izohi Oʻzbekiston Respublikasi Vazirlar Mahkamasining 2021-yil 29-dekabrdagi 786-sonli qarori tahririda — Qonunchilik maʼlumotlari milliy bazasi, 29.12.2021-y., 09/21/786/1216-son)

Vazirlar Mahkamasining 2017-yil 10-apreldagi 196-son qaroriga
6-ILOVA

“Urgut” erkin iqtisodiy zonasi direksiyasi” davlat unitar korxonasining

USTAVI

1-bob. Umumiy qoidalar

1. “Urgut” erkin iqtisodiy zonasi direksiyasi” davlat unitar korxonasi (keyingi oʻrinlarda Direksiya deb ataladi) tezkor boshqaruv uchun oʻziga berilgan davlat mulki boʻlgan mulk bazasida davlat unitar korxonasi shaklida tashkil etilgan tijorat tashkiloti hisoblanadi, u oʻziga biriktirilgan mulkka nisbatan, qonunda belgilangan doirada, oʻz faoliyati maqsadlariga, mulkdor (yoki uning topshirigʻi bilan — u tomonidan masʼul etib tayinlangan davlat organi — muassis) topshiriqlariga muvofiq egalik qilish, foydalanish va tasarruf etish huquqini amalga oshiradi.

2. Direksiya oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlariga va farmoyishlariga, ushbu Ustavga va boshqa normativ-huquqiy hujjatlarga amal qiladi.

3. Direksiya yuridik shaxs hisoblanadi, alohida mulkka, mustaqil balansga, banklarda hisob raqamlariga, shu jumladan, valyuta hisob raqamlariga, emblemaga, shtamplar va blankalarga, Oʻzbekiston Respublikasi Davlat gerbi tasviri tushirilgan, oʻz nomi davlat tilida yozilgan muhrga va boshqa rekvizitlarga ega boʻladi.

4. Direksiyaning rasmiy nomi:

a) davlat tilida:

toʻliq nomi — “Urgut” erkin iqtisodiy zona Direktsiyasi” Davlat unitar korxonasi;

qisqartirilgan nomi — “Urgut” EIZ Direktsiyasi” DUK;

b) rus tilida:

toʻliq nomi — Gosudarstvennoye unitarnoye predpriyatiye “Direksiya spetsialnoy ekonomicheskoy zoni “Urgut”;

qisqartirilgan nomi — GUP “Direksiya SEZ “Urgut”;

v) ingliz tilida:

toʻliq nomi — “Directorate of free economic zone “Urgut”” State Unitary Company;

qisqartirilgan nomi — “Directorate of FEZ “Urgut”” SUC.

5. Direksiyaning joylashgan joyi (pochta manzili): Samarqand viloyati, Urgut tumani, Urgut shahri, Navoiy shoh koʻchasi, 104-uy.