1-modda. 1992-yil 8-dekabrda o‘n ikkinchi chaqiriq O‘zbekiston Respublikasi Oliy Kengashining o‘n birinchi sessiyasida qabul qilingan O‘zbekiston Respublikasining Konstitutsiyasiga (O‘zbekiston Respublikasi Oliy Kengashining Axborotnomasi, 1993-yil, № 1, 4-modda; 1994-yil, № 1, 5-modda; O‘zbekiston Respublikasi Oliy Majlisining Axborotnomasi, 2003-yil, № 3-4, 27-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 4, 162-modda; 2008-yil, № 12, 637-modda; 2011-yil, № 4, 100-modda, № 12/1, 343-modda; 2014-yil, № 4, 85-modda; 2017-yil, № 4, 135-modda, № 5, 201-modda, № 8, 383-modda; 2018-yil, № 10, 674-modda; 2019-yil, № 3, 162-modda) quyidagi o‘zgartishlar kiritilsin:

1) 96-moddadagi “O‘zbekiston Respublikasi Prezidenti saylovi to‘g‘risida”gi Qonunga” degan so‘zlar “qonunga” degan so‘zlar bilan almashtirilsin;

2) 117-moddaning:

to‘rtinchi qismi quyidagi mazmundagi to‘rtinchi va beshinchi qismlar bilan almashtirilsin:

“Sud tomonidan muomalaga layoqatsiz deb topilgan fuqarolar, shuningdek sud hukmi bilan ozodlikdan mahrum etish joylarida saqlanayotgan shaxslar saylanishi mumkin emas.

Sud tomonidan muomalaga layoqatsiz deb topilgan, shuningdek og‘ir va o‘ta og‘ir jinoyatlar sodir etganligi uchun sudning hukmi bilan ozodlikdan mahrum etish joylarida saqlanayotgan shaxslar saylovda ishtirok etmaydi. Boshqa har qanday hollarda fuqarolarning saylov huquqlarini to‘g‘ridan-to‘g‘ri yoki bilvosita cheklashga yo‘l qo‘yilmaydi”;

beshinchi — o‘ninchi qismlari tegishincha oltinchi — o‘n birinchi qismlar deb hisoblansin;

sakkizinchi qismidagi “O‘zbekiston Respublikasining saylov to‘g‘risidagi hamda referendum to‘g‘risidagi qonunlariga” degan so‘zlar chiqarib tashlansin.

2-modda. O‘zbekiston Respublikasining 1991-yil 18-noyabrda qabul qilingan “O‘zbekiston Respublikasining referendumi to‘g‘risida”gi 417-XII-sonli Qonuniga (O‘zbekiston Respublikasining 2001-yil 30-avgustda qabul qilingan 265-II-sonli Qonuni tahririda) (O‘zbekiston Respublikasi Oliy Majlisining Axborotnomasi, 2001-yil, № 9-10, 176-modda; 2005-yil, № 1, 18-modda) quyidagi qo‘shimcha va o‘zgartishlar kiritilsin:

1) 6-moddaning uchinchi qismi “shuningdek” degan so‘zdan keyin “og‘ir va o‘ta og‘ir jinoyatlar sodir etganligi uchun” degan so‘zlar bilan to‘ldirilsin;

2) 8-moddaning:

uchinchi qismidagi “O‘zbekiston Respublikasi Markaziy saylov komissiyasi belgilaydigan namunadagi” degan so‘zlar chiqarib tashlansin;

to‘rtinchi qismi chiqarib tashlansin;

3) 9-modda birinchi qismi uchinchi xatboshisining va ikkinchi qismi beshinchi xatboshisining ruscha matnidagi “yashikov” degan so‘z “urn” degan so‘z bilan almashtirilsin;

4) 10-moddaning to‘rtinchi qismi quyidagi tahrirda bayon etilsin:

“Referendum o‘tkaziladigan kunda va referendumni o‘tkazishga bir kun qolganda tashviqot yuritishga yo‘l qo‘yilmaydi”;

5) 12-moddaning sakkizinchi qismi quyidagi tahrirda bayon etilsin:

“Imzo varaqasida referendumga qo‘yilayotgan masalaning ta’rifi bo‘lishi kerak”;

6) 16-modda:

birinchi qismining ikkinchi jumlasi “fuqarolar turgan joylarda” degan so‘zlardan keyin “qamoqda saqlash va ozodlikdan mahrum etish joylarida” degan so‘zlar bilan to‘ldirilsin;

ikkinchi va uchinchi qismlaridagi “vakolatxonalari huzurida” degan so‘zlar “diplomatik va boshqa vakolatxonalari huzurida” degan so‘zlar bilan almashtirilsin;

to‘rtinchi qismining ikkinchi jumlasi quyidagi tahrirda bayon etilsin:

“Harbiy qismlarda, O‘zbekiston Respublikasining xorijiy davlatlardagi diplomatik va boshqa vakolatxonalari huzurida, shuningdek olis va borish qiyin bo‘lgan yerlarda, qamoqda saqlash va ozodlikdan mahrum etish joylarida ham referendum uchastkalari ana shu muddatda, ayrim hollarda esa istisno tariqasida referendum o‘tkazishga kamida besh kun qolganda tuziladi”;

7) 18-moddaning matni quyidagi tahrirda bayon etilsin:

“O‘zbekiston Respublikasi Markaziy saylov komissiyasi:

O‘zbekiston Respublikasida referendum o‘tkazish uchun tashkil etiladigan referendum o‘tkazuvchi komissiyalar tizimiga boshchilik qiladi, O‘zbekiston Respublikasining butun hududida ushbu Qonunning ijrosi ustidan nazoratni amalga oshiradi, uning bir xilda qo‘llanilishini ta’minlaydi;

referendum o‘tkazuvchi komissiyalar faoliyatini uslubiy jihatdan ta’minlashni amalga oshiradi, referendumni tashkil etish masalalari yuzasidan o‘z vakolatlari doirasida qarorlar qabul qiladi, yo‘riqnomalar chiqaradi, nizomlarni tasdiqlaydi va tushuntirishlar beradi;

O‘zbekiston Respublikasi saylovchilarining yagona elektron ro‘yxatidan foydalanishga doir faoliyatga umumiy rahbarlikni va bu faoliyatni muvofiqlashtirishni amalga oshiradi;

referendumni o‘tkazuvchi okruglarni tuzadi;

O‘zbekiston Respublikasining chet davlatlardagi diplomatik va boshqa vakolatxonalari huzurida tuzilgan referendum uchastkalarini tegishli okruglarga biriktirish to‘g‘risidagi masalalarni hal etadi;

referendumni o‘tkazuvchi okrug komissiyalarini tuzadi, shuningdek ularning joylashgan yeri to‘g‘risidagi ma’lumotlarni e’lon qiladi;

referendumni o‘tkazuvchi komissiyalar tarkibiga o‘zgartishlar kiritish tartibini belgilaydi;

agar referendumni o‘tkazuvchi okrug komissiyalarining qarorlari ushbu Qonunga zid bo‘lsa, ushbu qarorlarni mustaqil ravishda yoki O‘zbekiston Respublikasi Bosh prokurorining taqdimnomasiga binoan bekor qiladi;

chet davlatlarning, xalqaro tashkilotlarning referendumdagi kuzatuvchilariga mandatlar beradi;

referendumga tayyorgarlik ko‘rish hamda uni o‘tkazishga doir xarajatlar smetasini ishlab chiqadi va tasdiqlaydi, pul mablag‘larini referendumni o‘tkazuvchi komissiyalarga taqsimlaydi, referendumni o‘tkazuvchi komissiyalarning binolar, transport va aloqa vositalari bilan ta’minlanishini nazorat qiladi, referendumni moddiy-texnik jihatdan ta’minlashga doir boshqa masalalarni ko‘rib chiqadi;

siyosiy partiyalarning kuzatuvchilari, fuqarolarning tashabbuskor guruhlari, ommaviy axborot vositalari vakillari, boshqa davlatlar, xalqaro tashkilotlarning kuzatuvchilari uchun mandat namunasini belgilaydi;

referendumda ovoz berish byulletenlarining, referendumda ishtirok etish huquqiga ega fuqarolar ro‘yxatlarining, imzo varaqalarining, referendum o‘tkazuvchi komissiyalar bayonnomalarining hamda boshqa hujjatlarning namunalari hamda shakllarini, ovoz berish qutilarining va referendum o‘tkazuvchi komissiyalar muhrlarining namunalarini, ularni saqlash tartibini belgilaydi;

referendum o‘tkazuvchi komissiyalar, siyosiy partiyalar, vazirliklar, davlat qo‘mitalari va idoralar, mahalliy davlat hokimiyati organlari, boshqa davlat organlari hamda nodavlat notijorat tashkilotlari vakillarining referendumga tayyorgarlik ko‘rish va uni o‘tkazish bilan bog‘liq masalalar yuzasidan ma’lumotlarini eshitadi;

referendumning natijalarini aniqlaydi va referendum yakunlarini e’lon qiladi;

referendum o‘tkazuvchi komissiyalarning qarorlari va harakatlari ustidan ariza hamda shikoyatlarni ko‘rib chiqadi va ular yuzasidan qarorlar qabul qiladi;

ushbu Qonunning talablari buzilganligi to‘g‘risidagi materiallarni sudga yoki huquqni muhofaza qiluvchi organlarga topshiradi;

xorijiy mamlakatlardagi referendumlarni kuzatishda ishtirok etadi, shu jumladan xalqaro tashkilotlarning missiyalari tarkibida ishtirok etadi;

xalqaro tashkilotlarni, chet davlatlarning saylov organlarini va vakillarini referendumni kuzatish uchun taklif etadi;

referendumni tashkil etish va o‘tkazish bilan bog‘liq hujjatlarning idoraviy arxivlarga topshirilishini ta’minlaydi;

jamoatchilik, ommaviy axborot vositalari bilan aloqalarni mustahkamlaydi va rivojlantiradi”;

8) 21-moddaning to‘rtinchi qismidagi “vakolatxonalari huzurida” degan so‘zlar “diplomatik va boshqa vakolatxonalari huzurida” degan so‘zlar bilan almashtirilsin;

9) 22-modda:

3-bandi chiqarib tashlansin;

5-bandining ruscha matnidagi “yashikov” degan so‘z “urn” degan so‘z bilan almashtirilsin;

10) 23-modda:

quyidagi mazmundagi birinchi qism bilan to‘ldirilsin:

“Yigirma bir yoshga to‘lgan, o‘rta yoki oliy ma’lumotga, qoida tariqasida, saylovga hamda referendumlarga tayyorgarlik ko‘rish va ularni o‘tkazish borasida ish tajribasiga ega bo‘lgan, aholi o‘rtasida obro‘-e’tibor qozongan fuqarolar referendum o‘tkazuvchi okrug va uchastka komissiyasining a’zolari bo‘lishi mumkin”;

birinchi — oltinchi qismlari tegishincha ikkinchi — yettinchi qismlar deb hisoblansin;

ikkinchi qismining ruscha matnidagi “Sovetov” degan so‘z “Kengashey” degan so‘z bilan almashtirilsin;

11) 26-moddaning:

to‘rtinchi va beshinchi qismlari quyidagi mazmundagi to‘rtinchi qism bilan almashtirilsin:

“Ovoz beruvchi fuqarolarning ro‘yxatlari O‘zbekiston Respublikasi saylovchilarining yagona elektron ro‘yxati asosida tuziladi”;

oltinchi — sakkizinchi qismlari tegishincha beshinchi — yettinchi qismlar deb hisoblansin;

oltinchi qismi quyidagi tahrirda bayon etilsin:

“O‘zbekiston Respublikasining xorijiy davlatlardagi diplomatik va boshqa vakolatxonalari huzurida, sanatoriylar va dam olish uylarida, kasalxonalar va boshqa statsionar davolash muassasalarida, qamoqda saqlash va ozodlikdan mahrum etish joylarida tuzilgan referendum uchastkalari bo‘yicha fuqarolarning ro‘yxatlari mazkur muassasalar (idoralar) rahbarlari tomonidan taqdim etilgan ma’lumotlar asosida tuziladi”;

12) 27-moddaning matni quyidagi tahrirda bayon etilsin:

“Ovoz beruvchi fuqarolarning ro‘yxatlari ovoz berish kuniga o‘n kun qolganda, O‘zbekiston Respublikasining xorijiy davlatlardagi diplomatik va boshqa vakolatxonalari huzurida, sanatoriylar va dam olish uylarida, kasalxonalar va boshqa statsionar davolash muassasalarida, olis va borish qiyin bo‘lgan yerlarda, qamoqda saqlash va ozodlikdan mahrum etish joylarida tuzilgan uchastkalarda esa ovoz berish kuniga yetti kun qolganida hamma tanishishi uchun taqdim qilinadi. Referendum o‘tkazuvchi uchastka komissiyasi ro‘yxat bilan tanishish joyi va vaqti to‘g‘risida fuqarolarni xabardor etadi.

Fuqarolarga referendum o‘tkazuvchi uchastka komissiyasi binosida va O‘zbekiston Respublikasi Markaziy saylov komissiyasining rasmiy veb-sayti orqali ovoz beruvchi fuqarolarning ro‘yxati bilan tanishish imkoniyati ta’minlanadi”;

13) 29-modda quyidagi mazmundagi beshinchi qism bilan to‘ldirilsin:

“Ovoz berish byulletenlari Brayl alifbosi asosida tayyorlanishi mumkin”;

14) 31-modda birinchi qismining ruscha matnidagi “yashiki” degan so‘z “urni” degan so‘z bilan almashtirilsin;

15) 32-moddaning matni quyidagi tahrirda bayon etilsin:

“Ovoz berish referendum kuni soat 8.00 dan 20.00 gacha o‘tkaziladi. Ovoz berish vaqti va joyi to‘g‘risida uchastka komissiyasi referendum o‘tkaziladigan kunga kamida o‘n kun qolganda fuqarolarni xabardor qiladi.

O‘zbekiston Respublikasining xorijiy davlatlardagi diplomatik va boshqa vakolatxonalari huzurida, harbiy qismlarda, sanatoriylarda, dam olish uylarida, kasalxonalar va boshqa statsionar davolash muassasalarida, shuningdek olis va borish qiyin bo‘lgan yerlardagi fuqarolar turgan joylarda, qamoqda saqlash va ozodlikdan mahrum etish joylarida tuzilgan referendum uchastkalarida, agar ro‘yxatga kiritilgan barcha fuqarolar ovoz berib bo‘lgan bo‘lsa, uchastka komissiyasi ovoz berish tugaganligini istalgan vaqtda e’lon qilishi mumkin”;

16) 33-moddaning ruscha matnidagi “yashik” degan so‘z “urnu” degan so‘z bilan almashtirilsin;

17) 35-modda:

uchinchi qismining ruscha matnidagi “yashik”, “Yashiki” degan so‘zlar tegishincha “urnu” va “Urni” degan so‘zlar bilan almashtirilsin;

beshinchi qismi chiqarib tashlansin;

oltinchi — sakkizinchi qismlari tegishincha beshinchi — yettinchi qismlar deb hisoblansin;

beshinchi qismi quyidagi tahrirda bayon etilsin:

“Ayrim fuqarolar sog‘lig‘ining holatiga yoki boshqa sabablarga ko‘ra ovoz berish binosiga kela olmagan taqdirda, ularning iltimosiga ko‘ra referendum o‘tkazuvchi uchastka komissiyasi ovoz berishni ana shu fuqaro turgan joy bo‘yicha, ko‘chma ovoz berish qutilaridan foydalanib tashkil etadi”;

oltinchi qismining ruscha matnidagi “perenosnoy yashik” degan so‘zlar “perenosnaya urna” degan so‘zlar bilan almashtirilsin;

18) quyidagi mazmundagi 35¹-modda bilan to‘ldirilsin:

Referendum kuni o‘z yashash joyida bo‘lish imkoniyatiga ega bo‘lmagan ovoz beruvchi muddatidan oldin ovoz berish huquqiga ega.

Muddatidan oldin ovoz berish referendumga o‘n kun qolganida boshlanadi va referendumga uch kun qolganida tugallanadi. Muddatidan oldin ovoz berishni o‘tkazish vaqti tegishli okrug komissiyasi tomonidan belgilanadi va fuqarolarning, kuzatuvchilarning e’tiboriga ommaviy axborot vositalari orqali yetkaziladi.

Ovoz beruvchi muddatidan oldin ovoz berishni amalga oshirish uchun referendum kunida bo‘la olmasligining sabablari (ta’til, xizmat safari, xorijga chiqish va hokazo) ko‘rsatilgan ariza asosida tegishli uchastka komissiyasidan referendumda ovoz berish byulletenini oladi.

Ovoz beruvchi referendumda ovoz berish byulletenini olganligi haqida tegishli uchastka komissiyasining kamida ikki nafar a’zosi hozirligida ovoz beruvchi fuqarolar ro‘yxatiga imzo qo‘yadi.

Referendumda ovoz berish byulleteni maxsus jihozlangan yashirin ovoz berish kabinasida yoki xonasida ovoz beruvchi tomonidan to‘ldiriladi.

Ovoz beruvchi qaror qabul qiladi va to‘ldirilgan referendumda ovoz berish byulletenini yopiq konvertda qoldiradi, konvert tegishli uchastka komissiyasining seyfida saqlanadi. Konvertning yelimlangan joyiga uchastka komissiyasining ikki nafar a’zosining imzolari qo‘yilib, ular komissiyaning muhri va ovoz beruvchining imzosi bilan tasdiqlanadi”;

19) 36-modda birinchi, ikkinchi va oltinchi qismlarining ruscha matnidagi “yashikov”, “Yashiki”, “yashikax” degan so‘zlar tegishincha “urn”, “Urni”, “urnax” degan so‘zlar bilan almashtirilsin;

20) 37-modda:

quyidagi mazmundagi ikkinchi qism bilan to‘ldirilsin:

“Referendum o‘tkazuvchi uchastka komissiyasining bayonnomalarida aks ettirilgan ovozlarni sanab chiqish chog‘ida nomuvofiqliklar aniqlangan taqdirda, referendum o‘tkazuvchi okrug komissiyasi o‘z majlisida uchastka komissiyasiga ushbu nomuvofiqliklarni bartaraf etishni taklif qilishga haqli”;

ikkinchi qismi uchinchi qism deb hisoblansin;

uchinchi qismidagi “bayonda aks ettiriladi” degan so‘zlar “bayonnomaga kiritiladi” degan so‘zlar bilan almashtirilsin;

21) 39-moddaning matni quyidagi tahrirda bayon etilsin:

“O‘zbekiston Respublikasi Markaziy saylov komissiyasi referendum o‘tkazilgandan keyin ko‘pi bilan o‘n kun ichida referendumda qabul qilingan qarorni O‘zbekiston Respublikasi Markaziy saylov komissiyasining rasmiy veb-saytida va boshqa manbalarda e’lon qiladi”;

22) 42-moddaning birinchi qismi quyidagi tahrirda bayon etilsin:

“Referendumga tayyorgarlik ko‘rish va uni o‘tkazish bilan bog‘liq xarajatlar ushbu maqsadlar uchun ajratilgan O‘zbekiston Respublikasi Davlat budjeti mablag‘lari hisobidan amalga oshiriladi”.

3-modda. O‘zbekiston Respublikasining 1992-yil 2-iyulda qabul qilingan “O‘zbekiston Respublikasi Davlat gerbi to‘g‘risida”gi 616-XII-sonli Qonuni (O‘zbekiston Respublikasi Oliy Kengashining Axborotnomasi, 1992-yil, № 9, 328-modda; O‘zbekiston Respublikasi Oliy Majlisining Axborotnomasi, 1999-yil, № 5, 124-modda; 2003-yil, № 5, 67-modda; 2005-yil, № 1, 18-modda; O‘zbekiston Respublikasi Oliy Majlisi palatalarining Axborotnomasi, 2010-yil, № 12, 473-modda; 2017-yil, № 9, 510-modda; 2018-yil, № 4, 224-modda; 2019-yil, № 2, 47-modda) 4-moddasi birinchi qismining 11-bandi quyidagi mazmundagi 11 va 12-bandlar bilan almashtirilsin:

“11) umumdavlat namunasidagi hujjatlarda;

12) O‘zbekiston Respublikasi Prezidenti, O‘zbekiston Respublikasi Oliy Majlisi Qonunchilik palatasi deputatlari, xalq deputatlari Kengashlari deputatlari saylovlari yoki referendum kunlari — ovoz berish o‘tkaziladigan binolarda aks ettiriladi”.

4-modda. O‘zbekiston Respublikasining 1992-yil 10-dekabrda qabul qilingan “O‘zbekiston Respublikasining Davlat madhiyasi to‘g‘risida”gi 768-XII-sonli Qonuni (O‘zbekiston Respublikasi Oliy Kengashining Axborotnomasi, 1993-yil, № 1, 52-modda; O‘zbekiston Respublikasi Oliy Majlisining Axborotnomasi, 2005-yil, № 1, 18-modda; O‘zbekiston Respublikasi Oliy Majlisi palatalarining Axborotnomasi, 2010-yil, № 12, 473-modda; 2017-yil, № 6, 300-modda; 2018-yil, № 7, 431-modda; 2019-yil, № 5, 267-modda) 3-moddasining 10-bandi quyidagi mazmundagi 10 va 11-bandlar bilan almashtirilsin:

“10) sport maydonlarida — O‘zbekiston Respublikasi chempionatlarini, milliy terma komandalar ishtirokida xalqaro sport musobaqalarini o‘tkazish vaqtida hamda xalqaro sport musobaqalarining O‘zbekiston Respublikasi sport terma komandalarining vakillari bo‘lgan g‘oliblarini mukofotlash marosimlarini o‘tkazish vaqtida;

11) O‘zbekiston Respublikasi Prezidenti, O‘zbekiston Respublikasi Oliy Majlisi Qonunchilik palatasi deputatlari, xalq deputatlari Kengashlari deputatlari saylovlari yoki referendum kunlari — ovoz berish o‘tkaziladigan binolarda soat 8.00 da ijro etiladi”.

5-modda. O‘zbekiston Respublikasining 1993-yil 2-sentabrda qabul qilingan “Fuqarolarning o‘zini o‘zi boshqarish organlari to‘g‘risida”gi 915-XII-sonli Qonuni (O‘zbekiston Respublikasining 2013-yil 22-aprelda qabul qilingan O‘RQ-350-sonli Qonuni tahririda) (O‘zbekiston Respublikasi Oliy Majlisi palatalarining Axborotnomasi, 2013-yil, № 4, 96-modda; 2016-yil, № 4, 125-modda, № 12, 383-modda; 2017-yil, № 9, 510-modda; 2018-yil, № 7, 431-modda, № 10, 674-modda, № 12, 781-modda) 11-moddasining birinchi qismiga quyidagi o‘zgartishlar kiritilsin:

o‘n birinchi va o‘n ikkinchi xatboshilar quyidagi mazmundagi o‘n birinchi — o‘n to‘rtinchi xatboshilar bilan almashtirilsin:

“xalq deputatlari tuman, shahar Kengashiga saylov o‘tkazuvchi okrug saylov komissiyalarining a’zolari nomzodlari bo‘yicha tavsiyalar taqdim etadi;

xalq deputatlari tuman, shahar Kengashlarining majlislarida muhokama qilish uchun uchastka saylov komissiyasi a’zoligiga nomzodlar taqdim etadi;

referendum o‘tkazuvchi tegishli okrug komissiyalariga referendum o‘tkazuvchi uchastka komissiyalari a’zoligiga nomzodlar taqdim etadi;

saylov komissiyalariga fuqarolarning o‘zini o‘zi boshqarish organlaridan kuzatuvchilar yuboradi”;

o‘n uchinchi — yigirma oltinchi xatboshilar tegishincha o‘n beshinchi — yigirma sakkizinchi xatboshilar deb hisoblansin.

6-modda. O‘zbekiston Respublikasining 1996-yil 26-dekabrda qabul qilingan “Siyosiy partiyalar to‘g‘risida”gi 337-I-sonli Qonunining (O‘zbekiston Respublikasi Oliy Majlisining Axborotnomasi, 1997-yil, № 2, 36-modda; 1999-yil, № 9, 229-modda; 2004-yil, № 1-2, 18-modda, № 5, 90-modda; 2005-yil, № 1, 18-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 4, 163-modda; 2008-yil, № 12, 637, 640-moddalar; 2014-yil, № 1, 2-modda; 2018-yil, № 4, 224-modda) 13¹-moddasiga quyidagi o‘zgartishlar kiritilsin:

ikkinchi qismdagi “va O‘zbekiston ekologik harakatidan saylangan deputatlar ham” degan so‘zlar chiqarib tashlansin;

uchinchi qismdagi “shuningdek O‘zbekiston ekologik harakatidan saylangan deputatlar” degan so‘zlar chiqarib tashlansin.

7-modda. O‘zbekiston Respublikasining 1997-yil 29-avgustda qabul qilingan “Davlat bojxona xizmati to‘g‘risida”gi 472-I-sonli Qonuni (O‘zbekiston Respublikasining 2018-yil 18-oktabrda qabul qilingan O‘RQ-502-sonli Qonuni tahririda) (O‘zbekiston Respublikasi Oliy Majlisi palatalarining Axborotnomasi, 2018-yil, № 10, 678-modda; 2019-yil, № 5, 265-modda) 20-moddasining birinchi qismidagi “O‘zbekiston Respublikasi Oliy Majlisining Qonunchilik palatasi deputatligiga, Senati a’zoligiga, Qoraqalpog‘iston Respublikasi Jo‘qorg‘i Kengesi, viloyat, tuman va shahar davlat hokimiyati vakillik organi deputatligiga saylangan (tayinlangan)” degan so‘zlar chiqarib tashlansin.

9-modda. O‘zbekiston Respublikasining 1997-yil 25-aprelda qabul qilingan 409-I-sonli Qonuni bilan tasdiqlangan O‘zbekiston Respublikasining Jinoyat-ijroiya kodeksi (O‘zbekiston Respublikasi Oliy Majlisining Axborotnomasi, 1997-yil, № 6, 175-modda; 2003-yil, № 9-10, 149-modda; 2004-yil, № 1-2, 18-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 6, 248-modda, № 9, 422-modda, № 12, 595-modda; 2008-yil, № 4, 187-modda, № 12, 636, 641-moddalar; 2009-yil, № 4, 136-modda, № 12, 470-modda; 2010-yil, № 9, 334-modda; 2012-yil, № 9/1, 238-modda; 2014-yil, № 9, 244-modda; 2015-yil, № 8, 310-modda; 2017-yil, № 3, 47-modda, № 10, 605-modda; 2019-yil, № 3, 165-modda, № 5, 267-modda) 9-moddasiga quyidagi qo‘shimcha va o‘zgartish kiritilsin:

quyidagi mazmundagi uchinchi qism bilan to‘ldirilsin:

“Ijtimoiy xavfi katta bo‘lmagan va uncha og‘ir bo‘lmagan jinoyatlar sodir etganligi uchun ozodlikdan mahrum etish joylarida saqlanayotgan mahkumlar O‘zbekiston Respublikasi Prezidenti, O‘zbekiston Respublikasi Oliy Majlisi Qonunchilik palatasi deputatlari, xalq deputatlari viloyat, tuman va shahar Kengashlari deputatlari saylovlarida hamda referendumda ishtirok etish huquqiga ega”;

uchinchi qism to‘rtinchi qism deb hisoblansin.

10-modda. O‘zbekiston Respublikasining 2000-yil 14-dekabrda qabul qilingan “Qonun loyihalarining umumxalq muhokamasi to‘g‘risida”gi 166-II-sonli Qonuniga (O‘zbekiston Respublikasi Oliy Majlisining Axborotnomasi, 2001-yil, № 1-2, 14-modda; 2005-yil, № 1, 18-modda) quyidagi o‘zgartishlar kiritilsin:

1) 16-moddadagi “va deputatlar guruhlari” degan so‘zlar chiqarib tashlansin;

2) 23-moddadagi “va deputatlar guruhlari” degan so‘zlar chiqarib tashlansin.

11-modda. O‘zbekiston Respublikasining 2002-yil 4-aprelda qabul qilingan “Referendum yakunlari hamda davlat hokimiyati tashkil etilishining asosiy prinsiplari to‘g‘risida”gi 350-II-sonli Konstitutsiyaviy Qonuni (O‘zbekiston Respublikasi Oliy Majlisining Axborotnomasi, 2002-yil, № 4-5, 60-modda; O‘zbekiston Respublikasi Oliy Majlisi palatalarining Axborotnomasi, 2008-yil, № 12, 637-modda; 2011-yil, № 12/1, 344-modda; 2012-yil, № 4, 104-modda) 5-moddasining matni quyidagi tahrirda bayon etilsin:

“Qonunchilik palatasi hududiy bir mandatli saylov okruglari bo‘yicha ko‘ppartiyaviylik asosida umumiy, teng va to‘g‘ridan-to‘g‘ri saylov huquqi asosida yashirin ovoz berish yo‘li bilan saylanadigan bir yuz ellik nafar deputatdan iborat.

Saylov kuni yigirma besh yoshga to‘lgan hamda kamida besh yil O‘zbekiston Respublikasi hududida muqim yashayotgan O‘zbekiston Respublikasi fuqarosi Qonunchilik palatasining deputati bo‘lishi mumkin.

Qonunchilik palatasining vakolatlari muddati — besh yil”.

12-modda. O‘zbekiston Respublikasining 2002-yil 12-dekabrda qabul qilingan “O‘zbekiston Respublikasi Oliy Majlisining Senati to‘g‘risida”gi 432-II-sonli Konstitutsiyaviy Qonuni (O‘zbekiston Respublikasi Oliy Majlisining Axborotnomasi, 2002-yil, № 12, 213-modda; 2003-yil, № 5, 67-modda; O‘zbekiston Respublikasi Oliy Majlisi palatalarining Axborotnomasi, 2011-yil, № 4, 101-modda; 2014-yil, № 4, 86-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda, 2018-yil, № 1, 4-modda; 2019-yil, № 3, 162-modda, № 5, 261-modda) 4-moddasining matni quyidagi tahrirda bayon etilsin:

“Senatni shakllantirish tartibi O‘zbekiston Respublikasi Saylov kodeksi bilan belgilanadi”.

13-modda. O‘zbekiston Respublikasining 2002-yil 12-dekabrda qabul qilingan “O‘zbekiston Respublikasi Oliy Majlisining Qonunchilik palatasi to‘g‘risida”gi 434-II-sonli Konstitutsiyaviy Qonuniga (O‘zbekiston Respublikasi Oliy Majlisining Axborotnomasi, 2002-yil, № 12, 215-modda; 2003-yil, № 5, 67-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 4, 163-modda, № 7, 326-modda; 2008-yil, № 12, 637-modda; 2011-yil, № 4, 101-modda; 2014-yil, № 4, 86-modda; 2015-yil, № 12, 452-modda; 2016-yil, № 9, 276-modda; 2017-yil, № 9, 510-modda; 2018-yil, № 1, 4-modda; 2019-yil, № 3, 162-modda, № 5, 261-modda) quyidagi o‘zgartishlar kiritilsin:

1) 2-moddaning matni quyidagi tahrirda bayon etilsin:

“Qonunchilik palatasi (quyi palata) hududiy bir mandatli saylov okruglari bo‘yicha ko‘ppartiyaviylik asosida umumiy, teng va to‘g‘ridan-to‘g‘ri saylov huquqi asosida yashirin ovoz berish yo‘li bilan saylanadigan bir yuz ellik nafar deputatdan iborat.

Qonunchilik palatasining ishi palata barcha deputatlarining professional, doimiy faoliyat ko‘rsatishiga asoslanadi”;

2) 4-moddaning matni quyidagi tahrirda bayon etilsin:

“Qonunchilik palatasiga saylov o‘tkazish tartibi O‘zbekiston Respublikasi Saylov kodeksi bilan belgilanadi”;

3) 12-moddaning ikkinchi qismidagi “yoki O‘zbekiston ekologik harakatining” degan so‘zlar chiqarib tashlansin;

4) 13-moddaning ikkinchi qismidagi “va deputatlar guruhi” degan so‘zlar chiqarib tashlansin;

5) 16-moddaning uchinchi qismidagi “va deputatlar guruhlarining” degan so‘zlar chiqarib tashlansin;

6) 18-modda birinchi qismining 5-bandidagi “va deputatlar guruhlarining” degan so‘zlar chiqarib tashlansin;

7) IV bo‘lim nomi quyidagi tahrirda bayon etilsin:

“IV. Fraksiyalar”;

8) 23 va 24-moddalar quyidagi tahrirda bayon etilsin:

Fraksiya siyosiy partiyadan ko‘rsatiladigan deputatlar tomonidan partiya manfaatlarini Qonunchilik palatasida ifodalash maqsadida tuziladigan va belgilangan tartibda ro‘yxatdan o‘tkazilgan deputatlar birlashmasidir.

Qonunchilik palatasi deputatining fraksiyaga kirishi to‘g‘risidagi qaror ularning majlislarida qabul qilinadi.

Qonunchilik palatasining deputati faqat bir fraksiyaning a’zosi bo‘lishi mumkin.

Siyosiy partiyadan ko‘rsatilgan va Qonunchilik palatasiga saylangan deputat faqat shu partiya fraksiyasining a’zosi bo‘lishi mumkin.

Fraksiyalarning tashkil etilishi va faoliyati tartibi Qonunchilik palatasi Reglamentida belgilanadi.

Qonunchilik palatasining kamida to‘qqiz nafar deputati fraksiya tuzish huquqiga ega.

Fraksiyalar ro‘yxatdan o‘tishi kerak. Qonunchilik palatasining majlisida fraksiya rahbari yoki boshqa vakili tegishincha fraksiya tuzilgani haqida palataga axborot beradi, bu Qonunchilik palatasi majlisining bayonnomasida qayd etiladi.

Qonunchilik palatasi fraksiya tuzilganligi to‘g‘risida qaror qabul qiladi”;

9) 25-moddaning:

nomidagi “va deputatlar guruhining” degan so‘zlar chiqarib tashlansin;

birinchi xatboshisidagi “va deputatlar guruhi” degan so‘zlar chiqarib tashlansin;

2, 5, 9-bandlaridagi “deputatlar guruhi”, “deputatlar guruhining” degan so‘zlar chiqarib tashlansin;

10) 25¹-moddaning:

ikkinchi qismidagi “va O‘zbekiston ekologik harakatidan saylangan deputatlar ham” degan so‘zlar chiqarib tashlansin;

uchinchi qismidagi “shuningdek O‘zbekiston ekologik harakatidan saylangan deputatlar” degan so‘zlar chiqarib tashlansin.

11) 26-moddaning:

nomidagi “va deputatlar guruhining” degan so‘zlar chiqarib tashlansin;

birinchi qismi quyidagi tahrirda bayon etilsin:

“Fraksiya faoliyati quyidagi hollarda tugatiladi:

1) fraksiyaning o‘z tashabbusi bilan;

2) Qonunchilik palatasining vakolat muddati tugaganda;

3) fraksiyaga kiruvchi deputatlar soni uni tuzish uchun zarur bo‘lgan miqdor chegarasidan kamayib ketganda”;

12) 28-moddaning ikkinchi qismidagi “va deputatlar guruhlari” degan so‘zlar chiqarib tashlansin;

13) 35-moddadagi “deputatlar birlashmalari” degan so‘zlar “fraksiyalari” degan so‘z bilan almashtirilsin.

14-modda. O‘zbekiston Respublikasining 2003-yil 29-avgustda qabul qilingan “O‘zbekiston Respublikasi Oliy Majlisi Qonunchilik palatasining Reglamenti to‘g‘risida”gi 522-II-sonli Qonuniga (O‘zbekiston Respublikasi Oliy Majlisining Axborotnomasi, 2003-yil, № 9-10, 136-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 4, 163-modda, № 7, 326-modda; 2008-yil, № 12, 637-modda; 2009-yil, № 4, 136-modda; 2011-yil, № 4, 101-modda; 2013-yil, № 4, 95-modda; 2014-yil, № 4, 86-modda, № 5, 130-modda; 2015-yil, № 12, 452-modda; 2016-yil, № 9, 276-modda; 2017-yil, № 6, 300-modda, № 9, 510-modda; 2018-yil, № 1, 4-modda, № 4, 224-modda, № 7, 431-modda; 2019-yil, № 1, 1-modda, № 3, 162-modda, № 5, 261, 265-moddalar) quyidagi o‘zgartishlar kiritilsin:

1) 3-modda beshinchi qismining uchinchi xatboshisidagi “va deputatlar guruhlari” degan so‘zlar chiqarib tashlansin;

2) 4-moddaning:

beshinchi qismi quyidagi tahrirda bayon etilsin:

“Qonunchilik palatasi Spikeri o‘rinbosarlarining soni, qoida tariqasida, Qonunchilik palatasida tuzilgan fraksiyalarning sonidan kelib chiqqan holda Qonunchilik palatasi tomonidan belgilanadi. Qonunchilik palatasida tuzilgan fraksiya o‘z vakili Qonunchilik palatasi Spikerining o‘rinbosari lavozimlaridan birini egallashida kafolatli huquqqa egadir”;

yettinchi va sakkizinchi qismlari quyidagi tahrirda bayon etilsin:

“Qonunchilik palatasi Spikerining o‘rinbosarini saylash uchun fraksiya, qoida tariqasida, o‘z fraksiyasining rahbari nomzodini kiritadi.

Fraksiyadan taqdim etilgan nomzod Qonunchilik palatasi Spikerining o‘rinbosari lavozimiga saylanmagan taqdirda, fraksiya o‘z fraksiyasi a’zolari orasidan boshqa nomzodni taqdim etish huquqiga ega”;

3) 5-moddaning uchinchi qismidagi “yoki deputatlar guruhlari” degan so‘zlar chiqarib tashlansin;

4) 6-moddaning ikkinchi qismidagi “va deputatlar guruhlarining” degan so‘zlar chiqarib tashlansin;

5) 7-moddaning beshinchi qismidagi “deputatlar birlashmalarining” degan so‘zlar “fraksiyalarning” degan so‘z bilan almashtirilsin;

6) 9-modda quyidagi tahrirda bayon etilsin:

Fraksiya siyosiy partiyadan ko‘rsatiladigan deputatlar tomonidan partiya manfaatlarini Qonunchilik palatasida ifodalash maqsadida tuziladigan va belgilangan tartibda ro‘yxatdan o‘tkazilgan deputatlar birlashmasidir.

Qonunchilik palatasining kamida to‘qqiz nafar deputati fraksiya tuzish huquqiga ega.

Qonunchilik palatasining deputati faqat bir fraksiyaning a’zosi bo‘lishi mumkin.

Siyosiy partiyadan ko‘rsatilgan va Qonunchilik palatasiga saylangan deputat faqat shu partiya fraksiyasining a’zosi bo‘lishi mumkin.

Qonunchilik palatasi Spikeri o‘z vazifalarini bajarish davrida siyosiy partiyaga a’zolikni to‘xtatib turadi va fraksiya tarkibiga kirishi mumkin emas.

Fraksiya tuzish uchun:

fraksiya ta’sis yig‘ilishini o‘tkazish;

fraksiyani tuzish to‘g‘risida ta’sis bayonnomasini qabul qilish;

fraksiya rahbarini saylash zarur bo‘ladi.

Fraksiya rahbari fraksiyani tuzish to‘g‘risidagi ta’sis bayonnomasini Qonunchilik palatasiga taqdim etadi va fraksiya tuzilgani haqida Qonunchilik palatasiga axborot beradi, bu Qonunchilik palatasi majlisining bayonnomasida qayd etiladi.

Fraksiyalar hisobga olish ro‘yxatidan o‘tkaziladi.

Fraksiyalar faoliyatining tashkiliy shakli ularning majlislaridir.

Fraksiyalar ishini muvofiqlashtirib borish, Qonunchilik palatasi majlisiga kiritiladigan masalalarni dastlabki tarzda ko‘rib chiqishni tashkil etish, fraksiyalar nuqtai nazarini kelishib olish maqsadida fraksiyalar rahbarlarining qo‘shma majlislari o‘tkazilishi mumkin.

Fraksiyalar o‘zlari qabul qilgan qarorlar, shuningdek fraksiyalar rahbarlarining qo‘shma majlislarida qabul qilingan qarorlar haqida Qonunchilik palatasi Spikeriga va uning Kengashiga axborot beradilar.

Fraksiya faoliyati quyidagi hollarda tugatiladi:

fraksiyaning o‘z tashabbusiga binoan;

Qonunchilik palatasining vakolatlari muddati tugaganda;

fraksiya tarkibiga kiruvchi deputatlar soni uni tuzish uchun zarur bo‘lgan me’yordan kamayib ketganda;

tegishli siyosiy partiya faoliyati tugaganda (tugatilganda).

Qonunchilik palatasining vakolatlari muddati tugashidan oldin fraksiyalar faoliyatining tugatilishi Qonunchilik palatasining qarori bilan rasmiylashtiriladi”;

7) 9¹-moddaning:

ikkinchi qismidagi “va O‘zbekiston ekologik harakatidan saylangan deputatlar ham” degan so‘zlar chiqarib tashlansin;

uchinchi qismidagi “shuningdek O‘zbekiston ekologik harakatidan saylangan deputatlar” degan so‘zlar chiqarib tashlansin;

8) 11-moddaning birinchi qismidagi “(deputatlar guruhlarining)” degan so‘zlar chiqarib tashlansin;

9) 13-moddaning birinchi — to‘rtinchi qismlari quyidagi tahrirda bayon etilsin:

“Qonunchilik palatasi Spikeri mas’ul qo‘mitani belgilaydi, qonun loyihasi hamda unga ilova qilingan materiallarni mas’ul qo‘mitaga va, bir vaqtning o‘zida, fraksiyalarga topshiradi, shuningdek fraksiyalar tomonidan fikrlar va takliflarni hamda mas’ul qo‘mita tomonidan xulosani taqdim etish muddatini belgilaydi.

Qonun loyihasini Qonunchilik palatasi ko‘rib chiqishi uchun qabul qilish mumkinligi to‘g‘risida takliflar ishlab chiqish uchun qonun loyihasi ustida ishlash fraksiyalar va mas’ul qo‘mita tomonidan bir vaqtning o‘zida amalga oshiriladi. Bunda fraksiyalarning qonun loyihasi bo‘yicha fikrlari va takliflarisiz mas’ul qo‘mita ushbu qonun loyihasi yuzasidan o‘z xulosasini chiqarish huquqiga ega emas.

Mas’ul qo‘mita qonun loyihasi bo‘yicha barcha fraksiyalardan fikrlar va takliflarni to‘plab, Qonunchilik palatasi Kengashiga qonun loyihasini Qonunchilik palatasi ko‘rib chiqishi uchun qabul qilish mumkinligi to‘g‘risida belgilangan muddatda xulosa taqdim etadi.

Qonunchilik palatasi Kengashi mas’ul qo‘mitaning xulosasi asosida, fraksiyalarning fikrlari va takliflarini hisobga olgan holda qonun loyihasini Qonunchilik palatasi ko‘rib chiqishi uchun qabul qilish to‘g‘risida yoki qonun loyihasi ushbu Qonun 12-moddasining ikkinchi qismida belgilangan talablarga muvofiq bo‘lmagan taqdirda uni qonunchilik tashabbusi huquqi subyektiga qaytarish haqida qaror qabul qiladi”;

10) 14-moddaning:

ikkinchi qismidagi “(deputatlar guruhlari)” degan so‘zlar chiqarib tashlansin;

uchinchi qismidagi “(deputatlar guruhlari)”, “(deputatlar guruhlarining)” degan so‘zlar chiqarib tashlansin;

11) 15-moddaning:

ikkinchi va uchinchi qismlaridagi “(deputatlar guruhlarining)” degan so‘zlar chiqarib tashlansin;

sakkizinchi qismidagi “(deputatlar guruhlariga)” degan so‘zlar chiqarib tashlansin;

o‘ninchi qismi quyidagi tahrirda bayon etilsin:

“Fraksiyalar o‘z dasturiy maqsadli vazifalaridan kelib chiqib, qonun loyihalarining joylarda fuqarolar ishtirokidagi muhokamasini hamda ular bo‘yicha kelib tushgan takliflarni o‘rganishni siyosiy partiyalar tegishli tashkilotlarining xodimlarini jalb etgan holda tashkil etadi. Fraksiyalar o‘rganishlar yakunlariga ko‘ra kelib tushgan fikrlar va takliflarni o‘z majlislarida muhokama qiladi, o‘z dasturiy maqsadli vazifalaridan kelib chiqqan holda takliflar ishlab chiqadi, ular mas’ul qo‘mitaga yuboriladi”;

12) 16-moddaning ikkinchi qismidagi “fraksiyalar va deputatlar guruhlaridan” degan so‘zlar “fraksiyalardan” degan so‘z bilan almashtirilsin;

13) 19-moddaning:

uchinchi qismidagi “(deputatlar guruhlariga)” degan so‘zlar chiqarib tashlansin;

to‘rtinchi, beshinchi, oltinchi va yettinchi qismlaridagi “(deputatlar guruhlari)”, “(deputatlar guruhlarining)” degan so‘zlar chiqarib tashlansin;

14) 20-moddaning:

ikkinchi qismidagi “(deputatlar guruhlariga)” degan so‘zlar chiqarib tashlansin;

uchinchi qismidagi “(deputatlar guruhlari)” degan so‘zlar chiqarib tashlansin;

to‘rtinchi, yettinchi, sakkizinchi va to‘qqizinchi qismlaridagi “(deputatlar guruhlari)”, “(deputatlar guruhlarining)” degan so‘zlar chiqarib tashlansin;

15) 22-moddaning oltinchi qismidagi “(deputatlar guruhlari)” degan so‘zlar chiqarib tashlansin;

16) 26¹-moddaning ikkinchi qismidagi “deputatlar guruhlari” degan so‘zlar chiqarib tashlansin;

17) 31-moddaning ikkinchi, to‘rtinchi, beshinchi va oltinchi qismlaridagi “(deputatlar guruhlarining)”, “(deputatlar guruhlari)” degan so‘zlar chiqarib tashlansin;

18) 32-moddaning ikkinchi qismidagi “(deputatlar guruhlari)” degan so‘zlar chiqarib tashlansin;

19) 32¹-moddaning birinchi qismidagi “yoki O‘zbekiston ekologik harakatining” degan so‘zlar chiqarib tashlansin;

20) 32²-moddaning ikkinchi qismidagi “deputatlar guruhlari” degan so‘zlar chiqarib tashlansin;

21) 33-moddaning uchinchi qismidagi “(deputatlar guruhlari)” degan so‘zlar chiqarib tashlansin;

22) 33¹-moddaning ikkinchi qismidagi “va deputatlar guruhlarining” degan so‘zlar chiqarib tashlansin;

23) 33³-moddaning:

ikkinchi qismidagi “va deputatlar guruhlari” degan so‘zlar chiqarib tashlansin;

uchinchi qismidagi “va deputatlar guruhlarining” degan so‘zlar chiqarib tashlansin;

24) 33⁴-moddaning ikkinchi, uchinchi, to‘rtinchi va beshinchi qismlaridagi “va deputatlar guruhlari” degan so‘zlar chiqarib tashlansin;

25) 33⁷-modda birinchi qismining ikkinchi jumlasi chiqarib tashlansin.

15-modda. O‘zbekiston Respublikasining 2004-yil 2-dekabrda qabul qilingan “O‘zbekiston Respublikasi Oliy Majlisi Qonunchilik palatasi deputatining va Senati a’zosining maqomi to‘g‘risida”gi 704-II-sonli Qonuniga (O‘zbekiston Respublikasi Oliy Majlisining Axborotnomasi, 2005-yil, № 1, 8-modda; O‘zbekiston Respublikasi Oliy Majlisi palatalarining Axborotnomasi, 2008-yil, № 12, 637-modda; 2015-yil, № 12, 452-modda; 2017-yil, № 9, 510-modda; 2019-yil, № 5, 261-modda) quyidagi o‘zgartishlar kiritilsin:

1) 1-moddadagi “O‘zbekiston Respublikasi Oliy Majlisiga saylov to‘g‘risida”gi O‘zbekiston Respublikasi Qonuniga” degan so‘zlar “O‘zbekiston Respublikasining Saylov kodeksiga” degan so‘zlar bilan almashtirilsin;

2) 2-moddadagi “O‘zbekiston Respublikasi Oliy Majlisiga saylov to‘g‘risida”gi O‘zbekiston Respublikasi Qonuniga” degan so‘zlar “O‘zbekiston Respublikasining Saylov kodeksiga” degan so‘zlar bilan almashtirilsin;

3) 9-modda birinchi qismining ikkinchi jumlasi chiqarib tashlansin;

4) 10-moddaning birinchi qismidagi “yoki O‘zbekiston ekologik harakatining” degan so‘zlar chiqarib tashlansin.

16-modda. O‘zbekiston Respublikasining 2004-yil 2-dekabrda qabul qilingan “Xalq deputatlari viloyat, tuman va shahar Kengashi deputatining maqomi to‘g‘risida”gi 706-II-sonli Qonuniga (O‘zbekiston Respublikasi Oliy Majlisining Axborotnomasi, 2005-yil, № 1, 10-modda, O‘zbekiston Respublikasi Oliy Majlisi palatalarining Axborotnomasi, 2018-yil, № 4, 224-modda) quyidagi o‘zgartishlar kiritilsin:

1) 1-moddadagi “Xalq deputatlari viloyat, tuman va shahar Kengashlariga saylov to‘g‘risida”gi O‘zbekiston Respublikasi Qonuniga” degan so‘zlar “O‘zbekiston Respublikasining Saylov kodeksiga” degan so‘zlar bilan almashtirilsin;

2) 7-moddaning:

nomi quyidagi tahrirda bayon etilsin:

birinchi qismidagi “uni deputatlikka nomzod qilib ko‘rsatgan siyosiy partiya va fuqarolarning o‘zini o‘zi boshqarish organi” degan so‘zlar “uni deputatlikka nomzod qilib ko‘rsatgan siyosiy partiya” degan so‘zlar bilan almashtirilsin;

oltinchi qismidagi “uni deputatlikka nomzod qilib ko‘rsatgan organ (siyosiy partiya)” degan so‘zlar “uni deputatlikka nomzod qilib ko‘rsatgan siyosiy partiya” degan so‘zlar bilan almashtirilsin.

17-modda. O‘zbekiston Respublikasining 2004-yil 2-dekabrda qabul qilingan “Xalq deputatlari mahalliy Kengashi deputatini, O‘zbekiston Respublikasi Oliy Majlisining Qonunchilik palatasi deputatini va Senati a’zosini chaqirib olish to‘g‘risida”gi 708-II-sonli Qonuniga (O‘zbekiston Respublikasi Oliy Majlisining Axborotnomasi, 2005-yil, № 1, 12-modda; O‘zbekiston Respublikasi Oliy Majlisi palatalarining Axborotnomasi, 2008-yil, № 12, 637-modda, 2018-yil, № 4, 224-modda) quyidagi o‘zgartishlar kiritilsin:

1) 1-moddaning beshinchi xatboshisi quyidagi tahrirda bayon etilsin:

“deputatning uni deputatlikka nomzod qilib ko‘rsatgan siyosiy partiya oldidagi o‘z majburiyatlarini bajarmaganligi”;

2) 2-moddaning ikkinchi qismidagi “uni deputatlikka nomzod qilib ko‘rsatgan organning (siyosiy partiyaning)” degan so‘zlar “uni deputatlikka nomzod qilib ko‘rsatgan siyosiy partiyaning” degan so‘zlar bilan almashtirilsin;

3) 4-moddaning ikkinchi qismi quyidagi tahrirda bayon etilsin:

“Deputatni chaqirib olish bo‘yicha ovoz berishni Markaziy saylov komissiyasi deputatni saylash uchun belgilangan tartibda tashkil etadi”;

4) 6-moddaning to‘rtinchi qismi quyidagi tahrirda bayon etilsin:

“Ovoz berish uchastkalarini va komissiyalarni tuzish, komissiyalarning vakolatlari, saylovchilarning ro‘yxatlarini tuzish, ovoz berishni o‘tkazish qonunda belgilangan tartibda amalga oshiriladi”;

5) 7¹-modda chiqarib tashlansin.

18-modda. O‘zbekiston Respublikasining 2007-yil 11-aprelda qabul qilingan “Davlat boshqaruvini yangilash va yanada demokratlashtirish hamda mamlakatni modernizatsiya qilishda siyosiy partiyalarning rolini kuchaytirish to‘g‘risida”gi O‘RQ-88-sonli Konstitutsiyaviy Qonunining (O‘zbekiston Respublikasi Oliy Majlisi palatalarining Axborotnomasi, 2007-yil, № 4, 161-modda; 2008-yil, № 12, 637-modda; 2011-yil, № 4, 101-modda; 2014-yil, № 4, 86-modda; 2015-yil, № 12, 452-modda) 2-moddasiga quyidagi o‘zgartishlar kiritilsin:

uchinchi qismdagi “va O‘zbekiston ekologik harakatidan saylangan deputatlar ham” degan so‘zlar chiqarib tashlansin;

to‘rtinchi qismdagi “shuningdek O‘zbekiston ekologik harakatidan saylangan deputatlar” degan so‘zlar chiqarib tashlansin.

19-modda. O‘zbekiston Respublikasining 2013-yil 26-dekabrda qabul qilingan O‘RQ-360-sonli Qonuni bilan tasdiqlangan O‘zbekiston Respublikasining Budjet kodeksi (O‘zbekiston Respublikasi Oliy Majlisi palatalarining Axborotnomasi, 2013-yil, 12-songa 1-ilova; 2014-yil, № 9, 244-modda; 2015-yil, № 12, 452-modda; 2016-yil, № 12, 383, 385-moddalar; 2017-yil, № 6, 300-modda, № 10, 605-modda, № 12, 772-modda; 2018-yil, № 1, 1, 4-moddalar, № 7, 431, 433-moddalar; 2019-yil, № 1, 1-modda, № 5, 265-modda) 169-moddasining birinchi va ikkinchi qismlaridagi “deputatlar guruhlari” degan so‘zlar chiqarib tashlansin.

20-modda. O‘zbekiston Respublikasining 2016-yil 11-aprelda qabul qilingan “Parlament nazorati to‘g‘risida”gi O‘RQ-403-sonli Qonuniga (O‘zbekiston Respublikasi Oliy Majlisi palatalarining Axborotnomasi, 2016-yil, № 4, 123-modda; 2017-yil, № 6, 300-modda; 2018-yil № 1, 4-modda, № 4, 224-modda; 2019-yil, № 1, 1-modda, № 3, 162-modda, № 5, 261, 265-moddalar) quyidagi o‘zgartishlar kiritilsin:

1) 3-moddaning beshinchi xatboshisi quyidagi tahrirda bayon etilsin:

“Qonunchilik palatasidagi siyosiy partiyalar fraksiyalari (bundan buyon matnda fraksiyalar deb yuritiladi)”;

2) 6-moddaning:

ikkinchi qismidagi “deputatlar guruhlarida” degan so‘zlar chiqarib tashlansin;

uchinchi qismidagi “deputatlar guruhlari” degan so‘zlar chiqarib tashlansin;

to‘rtinchi, oltinchi va yettinchi qismlaridagi “deputatlar guruhlaridan”, “deputatlar guruhlarining” degan so‘zlar chiqarib tashlansin;

3) 7-moddaning ikkinchi, to‘rtinchi, beshinchi va oltinchi qismlaridagi “deputatlar guruhlarining”, “deputatlar guruhlari” degan so‘zlar chiqarib tashlansin;

4) 8-moddaning ikkinchi qismidagi “deputatlar guruhlari” degan so‘zlar chiqarib tashlansin;

5) 8¹-moddaning ikkinchi qismidagi “deputatlar guruhlari” degan so‘zlar chiqarib tashlansin;

6) 9-moddaning uchinchi qismidagi “deputatlar guruhlari” degan so‘zlar chiqarib tashlansin;

7) 10-moddaning ikkinchi qismidagi “deputatlar guruhlarining” degan so‘zlar chiqarib tashlansin;

8) 11-moddaning ikkinchi qismidagi “deputatlar guruhlari” degan so‘zlar chiqarib tashlansin;

9) 14-moddaning ikkinchi qismidagi “deputatlar guruhlari” degan so‘zlar chiqarib tashlansin;

10) 15-moddaning birinchi qismidagi “yoki O‘zbekiston ekologik harakatining” degan so‘zlar chiqarib tashlansin.

21-modda. O‘zbekiston Respublikasining 2016-yil 16-sentabrda qabul qilingan “Ichki ishlar organlari to‘g‘risida”gi O‘RQ-407-sonli Qonuni (O‘zbekiston Respublikasi Oliy Majlisi palatalarining Axborotnomasi, 2016-yil, № 9, 272-modda; 2017-yil № 6, 300-modda, № 9, 510-modda; 2019-yil, № 5, 267-modda) 33-moddasining birinchi qismidagi “O‘zbekiston Respublikasi Oliy Majlisining Qonunchilik palatasi deputatligiga, Senati a’zoligiga, Qoraqalpog‘iston Respublikasi Jo‘qorg‘i Kengesi, viloyat, tuman va shahar davlat hokimiyati vakillik organi deputatligiga saylangan (tayinlangan)” degan so‘zlar chiqarib tashlansin.

22-modda. O‘zbekiston Respublikasining 2019-yil 1-iyulda qabul qilingan “O‘zbekiston Respublikasining Hisob palatasi to‘g‘risida”gi O‘RQ-546-sonli Qonuniga (O‘zbekiston Respublikasi Oliy Majlisi palatalarining Axborotnomasi, 2019-yil, № 7, 384-modda) quyidagi o‘zgartishlar kiritilsin:

1) 13-moddaning yettinchi xatboshisidagi “Qonunchilik palatasidagi deputatlar birlashmalari” degan so‘zlar “Qonunchilik palatasidagi siyosiy partiyalar fraksiyalari” degan so‘zlar bilan almashtirilsin;

2) 15-moddasi birinchi qismining ikkinchi xatboshisidagi “Qonunchilik palatasidagi deputatlar birlashmalari” degan so‘zlar “Qonunchilik palatasidagi siyosiy partiyalar fraksiyalari” degan so‘zlar bilan almashtirilsin.

23-modda. Quyidagilar o‘z kuchini yo‘qotgan deb topilsin:

1) O‘zbekiston Respublikasining 1995-yil 6-mayda qabul qilingan “O‘zbekiston Respublikasida deputatlarning maqomi to‘g‘risida”gi 66-I-sonli Qonuni (O‘zbekiston Respublikasi Oliy Majlisining Axborotnomasi, 1995-yil, № 6, 114-modda);

2) O‘zbekiston Respublikasining 1998-yil 25-dekabrda qabul qilingan “O‘zbekiston Respublikasining ayrim qonun hujjatlariga o‘zgartishlar va qo‘shimchalar kiritish to‘g‘risida”gi 729-I-sonli Qonunining (O‘zbekiston Respublikasi Oliy Majlisining Axborotnomasi, 1999-yil, № 1, 20-modda) XI bo‘limi;

3) O‘zbekiston Respublikasining 2000-yil 26-mayda qabul qilingan “O‘zbekiston Respublikasining ayrim qonun hujjatlariga o‘zgartishlar va qo‘shimchalar kiritish to‘g‘risida”gi 82-II-sonli Qonunining (O‘zbekiston Respublikasi Oliy Majlisining Axborotnomasi, 2000-yil, № 5-6, 153-modda) XIX bo‘limi.

24-modda. O‘zbekiston Respublikasi Markaziy saylov komissiyasi O‘zbekiston Respublikasi Adliya vazirligi va boshqa manfaatdor tashkilotlar bilan birgalikda ushbu Qonunning ijrosini, ijrochilarga yetkazilishini hamda mohiyati va ahamiyati aholi o‘rtasida tushuntirilishini ta’minlasin.

25-modda. O‘zbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid bo‘lgan o‘z normativ-huquqiy hujjatlarini qayta ko‘rib chiqishlari va bekor qilishlarini ta’minlasin.

26-modda. Ushbu Qonun rasmiy e’lon qilingan kundan e’tiboran kuchga kiradi.

Mazkur Qonunning 6, 8, 10-moddalari, 13-moddasining 3 — 13-bandlari, 14-moddasi, 15-moddasining 3 va 4-bandlari, 17-moddasining 5-bandi, 18, 19, 20, 22-moddalari 2020-yil 1-yanvardan e’tiboran amalga kiritiladi.