Oʻzbekiston Respublikasi Oliy Majlisi qaror qiladi:

I. Oʻzbekiston Respublikasining quyidagi qonun hujjatlariga oʻzgartishlar va qoʻshimchalar kiritilsin:

1. Oʻzbekiston Respublikasining 1992-yil 9-dekabrda qabul qilingan “Xoʻjalik jamiyatlari va shirkatlari toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi 1993-yil, № 1, 13-modda; 1994-yil, № 11-12, 285-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda; 1996-yil, № 9, 144-modda; 1998-yil, № 9, 181-modda; 1999-yil, № 9, 229-modda):

1) 1-moddasi 2-bandining:

birinchi qismidan “Oʻzbekiston Respublikasidagi korxonalar toʻgʻrisida”gi Oʻzbekiston Respublikasining Qonuni” degan soʻzlar chiqarib tashlansin;

quyidagi mazmundagi ikkinchi qism bilan toʻldirilsin:

“Xoʻjalik jamiyatlari va shirkatlarining muassislari taʼsis hujjatlarida faoliyatlarining asosiy turlarinigina sanab oʻtishga haqlidirlar. Xoʻjalik jamiyatlari va shirkatlari qonun hujjatlarida man etilmagan hamda taʼsis hujjatlarida koʻrsatilmagan istalgan faoliyat turi bilan qonun hujjatlarida belgilangan tartibda shugʻullanishlari mumkin”;

ikkinchi qismi uchinchi qism deb hisoblansin;

2) 2-moddasi 1-bandining birinchi qismidagi birinchi jumla chiqarib tashlansin.

2. Oʻzbekiston Respublikasining 1992-yil 9-dekabrda qabul qilingan “Davlat boji toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 1, 22-modda; 1994-yil, № 5, 161-modda; Oʻzbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 9, 229-modda):

4-moddasining:

1-bandi quyidagi mazmundagi “ya” kichik bandi bilan toʻldirilsin:

“ya) tadbirkorlik faoliyatini amalga oshirish bilan bogʻliq boʻlgan huquqlari va qonuniy manfaatlari buzilganligi toʻgʻrisida davlat organlari va boshqa organlarning qarorlari, mansabdor shaxslarning harakatlari (harakatsizligi) ustidan tadbirkorlik subyektlari sudga murojaat qilganlik uchun”;

2-bandi:

“o” kichik bandidagi “Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash davlat qoʻmitasi huzuridagi” degan soʻzlar “Oʻzbekiston Respublikasi Makroiqtisodiyot va statistika vazirligi huzuridagi” degan soʻzlar bilan almashtirilsin;

quyidagi mazmundagi “s” kichik bandi bilan toʻldirilsin:

“s) tadbirkorlik faoliyatini amalga oshirish bilan bogʻliq boʻlgan huquqlari va qonuniy manfaatlari buzilganligi toʻgʻrisida davlat organlari va boshqa organlarning qarorlari, mansabdor shaxslarning harakatlari (harakatsizligi) ustidan tadbirkorlik subyektlari sudga murojaat qilganlik uchun”.

3. Oʻzbekiston Respublikasining 1992-yil 9-dekabrda qabul qilingan “Surunkali alkogolizm yoki giyohvandlikka mubtalo boʻlgan bemorlarni majburiy davolash toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 1, 36-modda; Oʻzbekiston Respublikasi Oliy Majlisining Axborotnomasi, 1995-yil, № 6, 121-modda; 1997-yil, № 2, 69-modda; 1998-yil, № 1, 17-modda; 1999-yil, № 1, 5-modda):

1) Qonunning nomi quyidagi tahrirda bayon etilsin:

“Surunkali alkogolizm, giyohvandlik yoki zaharvandlikka mubtalo boʻlgan bemorlarni majburiy davolash toʻgʻrisida”;

2) 1-moddasining:

birinchi qismi quyidagi tahrirda bayon etilsin:

“Surunkali alkogolizm, giyohvandlik yoki zaharvandlikka mubtalo boʻlgan bemorlarni Oʻzbekiston Respublikasi Sogʻliqni saqlash vazirligi tizimidagi maxsus davolash-oldini olish muassasalarida majburiy davolash belgilab qoʻyilsin”;

ikkinchi qismidagi “alkogolizm yoki giyohvandlikka” degan soʻzlar “alkogolizm, giyohvandlik yoki zaharvandlikka” degan soʻzlar bilan almashtirilsin;

3) 2-moddasining birinchi qismidagi “alkogolizmga yoki giyohvandlikka” degan soʻzlar “alkogolizm, giyohvandlik yoki zaharvandlikka” degan soʻzlar bilan almashtirilsin;

4) 3-moddasidan “ichkilikbozlikka va giyohvandlikka qarshi kurashuvchi komissiyalarning” degan soʻzlar chiqarib tashlansin;

5) 4-moddasining birinchi qismidagi “bemor yashab turgan joydagi” degan soʻzlar “bemor yashab turgan joydagi yoki narkologiya muassasasi joylashgan yerdagi” degan soʻzlar bilan almashtirilsin;

6) 8 va 11-moddalari chiqarib tashlansin;

7) 12-moddasidagi “tuman, shahar, shahardagi tuman hokimlari zimmasiga yuklanadi” degan soʻzlar “qonun hujjatlarida belgilangan tartibda amalga oshiriladi” degan soʻzlar bilan almashtirilsin.

4. Oʻzbekiston Respublikasining 1993-yil 6-mayda qabul qilingan “Suv va suvdan foydalanish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 5, 221-modda; Oʻzbekiston Respublikasi Oliy Majlisining Axborotnomasi, 1997-yil, № 4-5, 126-modda; 1998-yil, № 9, 181-modda; 2000-yil, № 7-8, 217-modda):

1) 47-moddasining ikkinchi qismi quyidagi mazmundagi jumla bilan toʻldirilsin: “Fermer va dehqon xoʻjaliklarining suvdan foydalanish limitlari ularning roziligisiz oʻzgartirilishi mumkin emas, suv obyektlarning suvi kamaygan hollar bundan mustasnodir”;

2) 48-moddasining uchinchi qismi “(shirkatlari)” degan soʻz “(shirkatlari), fermer va dehqon xoʻjaliklari” degan soʻzlar bilan almashtirilsin.

5. Oʻzbekiston Respublikasining 1993-yil 7-mayda qabul qilingan “Mahsulot belgilari va xizmat koʻrsatish belgilari toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 6, 244-modda; 1998-yil, № 3, 38-modda) 18-moddasining 1-bandi quyidagi tahrirda bayon etilsin:

“1. Mahsulot belgisining egasi ushbu belgidan foydalanishda va uni tasarruf etishda, shu jumladan undan oʻzga shaxslar foydalanishiga ruxsat berish yoki taqiqlab qoʻyishda mutlaq huquqqa egadir. Tovar belgisiga oʻzgartishlar va qoʻshimchalar kiritishdan iborat mutlaq huquq ham tovar belgisining egasiga tegishlidir.

Oʻzbekiston Respublikasida muhofaza qilinayotgan mahsulot belgisidan uning egasi ruxsatisiz hech kim foydalana olmaydi.

Tovar belgisini nashr etganda, uni koʻpchilik oldida ijro etganda yoki undan oʻzgacha tarzda foydalanganda tovar belgisining oʻziga ham, uning belgilariga ham biror-bir oʻzgartish kiritishga faqat uning egasining roziligi bilan yoʻl qoʻyiladi.

Tovar belgisining daxlsizligiga boʻlgan huquq tovar belgisining egasiga tegishlidir”.

6. Oʻzbekiston Respublikasining 1993-yil 7-mayda qabul qilingan “Axborotlashtirish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 6, 252-modda) 30-moddasining ikkinchi qismidagi “va yetkazilgan zararning oʻrni qoplanishini” degan soʻzlar “yetkazilgan zararning oʻrni qoplanishi va koʻrilgan maʼnaviy zarar uchun tovon toʻlanishini” degan soʻzlar bilan almashtirilsin.

7. Oʻzbekiston Respublikasining 1993-yil 2-sentabrda qabul qilingan “Davlat statistikasi toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1993-yil, № 9, 327-modda; Oʻzbekiston Respublikasi Oliy Majlisining Axborotnomasi, 1998-yil, № 5-6, 102-modda; 2000-yil, № 5-6, 153-modda) 15-moddasi quyidagi mazmundagi xatboshi bilan toʻldirilsin:

“hamma uchun ochiq boʻlgan statistik maʼlumot muntazam eʼlon qilib borilishini taʼminlab turishlari shart”.

8. Oʻzbekiston Respublikasining 1994-yil 5-mayda qabul qilingan “Bankrotlik toʻgʻrisida”gi Qonuni 1998-yil 28-avgustdagi Qonun bilan tasdiqlangan tahriri (Oʻzbekiston Respublikasi Oliy Majlisining Axborotnomasi, 1998-yil, № 9, 167, 168-moddalar; 1999-yil, № 9, 229-modda; 2000-yil, № 5-6, 153-modda) 122-moddasining uchinchi qismidagi “unga berilgan litsenziya bekor qilinadi” degan soʻzlar “unga berilgan litsenziyaning amal qilishi tugatiladi” degan soʻzlar bilan almashtirilsin.

9. Oʻzbekiston Respublikasining 1994-yil 22-sentabrdagi Qonuni bilan tasdiqlangan Oʻzbekiston Respublikasi Jinoyat kodeksining (Oʻzbekiston Respublikasi Oliy Kengashining Axborotnomasi, 1995-yil, № 1, 3-modda; Oʻzbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda):

1) 187-moddasi chiqarib tashlansin;

2) 189-moddasi ikkinchi qismining “a” bandidan “187” raqami chiqarib tashlansin.

10. Oʻzbekiston Respublikasining 1994-yil 24-sentabrdagi Qonuni bilan tasdiqlangan Oʻzbekiston Respublikasi Jinoyat-protsessual kodeksi (Oʻzbekiston Respublikasi Oliy Kengashining Axborotnomasi, 1995-yil, № 2, 5-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda) 345-moddasining beshinchi qismidagi “187-192” raqamlari “188-192” raqamlari bilan almashtirilsin.

11. Oʻzbekiston Respublikasining 1994-yil 22-sentabrdagi Qonuni bilan tasdiqlangan Oʻzbekiston Respublikasi Maʼmuriy javobgarlik toʻgʻrisidagi kodeksining (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda):

1) 165-moddasi chiqarib tashlansin;

2) quyidagi mazmundagi 179¹-modda bilan toʻldirilsin:

Xoʻjalik yurituvchi subyektning majburiy auditorlik tekshiruvini oʻtkazishdan bosh tortishi —

mansabdor shaxslarga eng kam ish haqining besh baravaridan oʻn baravarigacha miqdorda jarima solishga sabab boʻladi”;

3) 264-moddasining birinchi qismidagi “165” raqami chiqarib tashlansin, “176²” raqami esa “176², 179¹” raqamlari bilan almashtirilsin.

12. Oʻzbekiston Respublikasining 1995-yil 21-dekabrda qabul qilingan “Oʻzbekiston Respublikasining Markaziy banki toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1995-yil, № 12, 247-modda; 1998-yil, № 9, 181-modda; 1999-yil, № 5, 124-modda):

1) 16-moddasining ikkinchi qismidagi ikkinchi jumla quyidagi tahrirda bayon etilsin: “Boshqaruv aʼzolarini (Markaziy bank Raisining birinchi oʻrinbosari va oʻrinbosarlari bundan mustasno) Markaziy bank Raisining taqdimnomasiga binoan Oliy Majlisning Kengashi tasdiqlaydi”;

2) 22-moddasining matni quyidagi tahrirda bayon etilsin:

“Markaziy bank Raisining birinchi oʻrinbosari va oʻrinbosarlari Markaziy bank Raisining taqdimnomasiga binoan Oʻzbekiston Respublikasi Prezidenti tomonidan lavozimga tayinlanadilar va lavozimidan ozod qilinadilar”.

13. Oʻzbekiston Respublikasining 1995-yil 21-dekabrda va 1996-yil 29-avgustda qabul qilingan Qonunlari bilan tasdiqlangan Oʻzbekiston Respublikasining Fuqarolik kodeksi (Oʻzbekiston Respublikasi Oliy Majlisining Axborotnomasi, 1996-yil, 2-songa ilova, № 11—12; 1997-yil, № 2, 56-modda, № 9, 241-modda; 1998-yil, № 5—6, 102-modda; 1999-yil, № 1, 20-modda, № 9, 229-modda):

1) 15-moddasi quyidagi mazmundagi jumla bilan toʻldirilsin: “Davlat organlari, fuqarolarning oʻzini oʻzi boshqarish organlari mansabdor shaxslarining aybi bilan yetkazilgan zararlarni qoplash sudning qarori bilan shu mansabdor shaxslar zimmasiga yuklanishi mumkin”;

2) 40-moddasining beshinchi qismidagi “birlashishlari mumkin” degan soʻzlar “va boshqa birlashmalarga Qonunga muvofiq birlashishlari mumkin” degan soʻzlar bilan almashtirilsin;

3) 77-moddasi quyidagi tahrirda bayon etilsin:

Tijorat tashkilotlari oʻzlarining tadbirkorlik faoliyatlarini muvofiqlashtirish, shuningdek mushtarak mulkiy manfaatlarini ifoda etish hamda himoya qilish maqsadida notijorat tashkilotlar hisoblanuvchi uyushmalar (ittifoqlar) va oʻzga birlashmalariga birlashishlari mumkin. Agar ishtirokchilarning qaroriga muvofiq uyushmaga (ittifoqqa) va oʻzga birlashmaga tadbirkorlik faoliyati bilan shugʻullanish vazifasi yuklatilsa, bunday uyushma (ittifoq) va oʻzga birlashma ushbu Kodeksda nazarda tutilgan tartibda xoʻjalik shirkati yoki jamiyatiga aylantirilishi kerak yoxud tadbirkorlik faoliyatini amalga oshirish uchun xoʻjalik jamiyatlari tuzishi yoki ularda ishtirok etishi mumkin.

Notijorat tashkilotlari oʻz faoliyatlarini muvofiqlashtirish, shuningdek mushtarak manfaatlarini ifoda etish hamda himoya qilish maqsadida uyushmalar (ittifoqlar) shaklida birlashmalar tuzishlari mumkin.

Uyushma (ittifoq) va oʻzga birlashmalar yuridik shaxs hisoblanadi.

Uyushma (ittifoq) va oʻzga birlashmalarning aʼzolari oʻz mustaqilliklarini va yuridik shaxs huquqlarini saqlab qoladilar.

Uyushma (ittifoq) va oʻzga birlashmalar oʻz aʼzolarining majburiyatlari boʻyicha javob bermaydi.

Uyushma (ittifoq) va oʻzga birlashmalarning aʼzolari ularning majburiyatlari boʻyicha uyushma (ittifoq) va oʻzga birlashmalarning taʼsis hujjatlarida nazarda tutilgan miqdorda va tartibda subsidar javobgar boʻladilar.

Uyushma (ittifoq) va oʻzga birlashmalarning nomi ularning asosiy faoliyatini koʻrsatishi, unga “uyushmasi”, “ittifoqi” soʻzlari yoki birlashma turini koʻrsatadigan boshqa soʻz kiritilgan boʻlishi kerak.

Qonun hujjatlarida yuridik shaxslar birlashmalari huquqiy mavqeyining xususiyatlari belgilanishi mumkin”;

4) 773-moddasi quyidagi mazmundagi uchinchi qism bilan toʻldirilsin:

“Mijozning bankdagi hisobvaraqda turgan pul mablagʻlari Qonun hujjatlarida belgilangan tartibda naqd pul shaklida olinishi mumkin”;

5) 985-moddasining birinchi qismidagi “shaxsga yetkazilgan zarar” degan soʻzlar “shaxsga yetkazilgan zarar, shu jumladan boy berilgan foyda” degan soʻzlar bilan almashtirilsin;

6) 990-moddasining matni quyidagi tahrirda bayon etilsin:

“Davlat organlarining, fuqarolar oʻzini oʻzi boshqarish organlarining Qonunga xilof qarorlari natijasida fuqaroga yoki yuridik shaxsga yetkazilgan zarar, ular mansabdor shaxslarining aybidan qatʼi nazar, sudning qarori asosida qoplanishi lozim.

Davlat organlari, fuqarolar oʻzini oʻzi boshqarish organlari mansabdor shaxslarining Qonunga xilof harakatlari (harakatsizligi) natijasida fuqaroga yoki yuridik shaxsga yetkazilgan zarar sudning qarori asosida qoplanishi lozim.

Zarar ushbu Kodeksning 15-moddasida nazarda tutilgan tartibda qoplanadi”;

7) 991-moddasining birinchi qismi quyidagi mazmundagi jumla bilan toʻldirilsin: “Sudning qarori bilan zararni qoplash zarar yetkazilishida aybdor boʻlgan mansabdor shaxslar zimmasiga yuklanishi mumkin”;

8) 1102-moddasining ikkinchi qismi quyidagi tahrirda bayon etilsin:

“Tovar belgisiga boʻlgan huquq tovar belgisi (xizmat koʻrsatish belgisi) roʻyxatga olinganligi toʻgʻrisidagi guvohnoma bilan tasdiqlanadi”;

9) 1103-moddasi quyidagi tahrirda bayon etilsin:

Tovar belgisiga boʻlgan huquq egasi oʻziga tegishli belgidan foydalanishda va uni tasarruf etishda alohida huquqqa ega. Tovar belgisiga oʻzgartishlar va qoʻshimchalar kiritishdan iborat alohida huquq ham tovar belgisiga boʻlgan huquq egasiga tegishlidir.

Tovar belgisini Qonunda belgilangan tartibda har qanday tarzda muomalaga kiritish undan foydalanish deb hisoblanadi.

Tovar belgisini nashr etganda, uni koʻpchilik oldida ijro etganda yoki undan oʻzgacha tarzda foydalanganda tovar belgisining oʻziga ham, uning belgilariga ham biror-bir oʻzgartishlar kiritishga faqat unga boʻlgan huquq egasining roziligi bilan yoʻl qoʻyiladi.

Tovar belgisining daxlsizligiga boʻlgan huquq tovar belgisiga boʻlgan huquq egasiga tegishlidir”;

10) 1078-moddasining uchinchi qismi quyidagi mazmundagi beshinchi xatboshi bilan toʻldirilsin:

“yozuvlardan nusxa koʻchirish”;

beshinchi xatboshisi oltinchi xatboshi deb hisoblansin.

14. Oʻzbekiston Respublikasining 1996-yil 26-aprelda qabul qilingan “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1996-yil, № 5-6, 61-modda; 1997-yil, № 2, 56-modda; 1998-yil, № 3, 38-modda, № 9, 181-modda; 1999-yil, № 9, 229-modda) ikkinchi moddasi quyidagi mazmundagi sakkizinchi qism bilan toʻldirilsin:

“Jamiyat qonun hujjatlarida man etilmagan va taʼsis hujjatlarida koʻrsatilmagan istalgan faoliyat turi bilan qonun hujjatlarida belgilangan tartibda shugʻullanishi mumkin. Jamiyat muassislari taʼsis hujjatlarida faoliyatning asosiy turlarinigina sanab oʻtishga haqlidirlar”.

15. Oʻzbekiston Respublikasining 1996-yil 30-avgustda qabul qilingan “Mualliflik huquqi va turdosh huquqlar toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 9, 135-modda):

1) 54-moddasining uchinchi qismi quyidagi mazmundagi beshinchi xatboshi bilan toʻldirilsin:

“yozuvlardan nusxa koʻchirish”;

beshinchi xatboshisi oltinchi xatboshi deb hisoblansin;

2) 56-moddasi quyidagi mazmundagi uchinchi qism bilan toʻldirilsin:

“Boshqa davlatlarning yuridik va jismoniy shaxslari ushbu Qonunda nazarda tutilgan huquqlardan Oʻzbekiston Respublikasining xalqaro shartnomalari kuchiga yoki hamjihatlik prinsipiga asosan Oʻzbekiston Respublikasining yuridik va jismoniy shaxslari bilan teng ravishda foydalanadilar”;

uchinchi qismi toʻrtinchi qism deb hisoblansin.

16. Oʻzbekiston Respublikasining 1996-yil 26-dekabrda qabul qilingan “Notariat toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1997-yil, № 2, 42-modda) 15-moddasi beshinchi qismining birinchi xatboshisi “quyidagi hollarda” degan soʻzlardan keyin “Qoraqalpogʻiston Respublikasi Adliya vazirligining, adliya boshqarmasining litsenziyaning amal qilishini tugatish yoki litsenziyani bekor qilish toʻgʻrisidagi qarori, shuningdek” degan soʻzlar bilan toʻldirilsin.

17. Oʻzbekiston Respublikasining 1996-yil 27-dekabrda qabul qilingan “Advokatura toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1997-yil, № 2, 48-modda):

1) 14-moddasi quyidagi tahrirda bayon etilsin:

Litsenziyaning amal qilishi litsenziyani bergan organning qaroriga binoan quyidagi hollarda toʻxtatib turilishi mumkin:

advokatlik faoliyatini amalga oshirayotgan shaxs jinoiy javobgarlikka tortilganda, u ayblanuvchi sifatida javobgarlikka tortilganidan boshlab sud hukmi Qonuniy kuchga kirgunga qadar yoxud oqlovchi asoslarga binoan uni jinoiy javobgarlikdan ozod etish toʻgʻrisida qaror qabul qilingunga qadar;

advokatlik faoliyatini amalga oshirayotgan shaxs litsenziya shartnomasida nazarda tutilgan litsenziya talablari va shartlarini buzganligi aniqlanganda;

litsenziyalovchi organning litsenziat zimmasiga aniqlangan qoidabuzarliklarni bartaraf etish majburiyatini yuklovchi qarorlari advokat tomonidan bajarilmaganda;

advokatlik faoliyatini amalga oshirayotgan shaxsning familiyasi, ismi yoki otasining ismi oʻzgarganda, litsenziyani qayta rasmiylashtirish muddatiga.

Litsenziyalovchi organ advokat tomonidan litsenziyaning amal qilishini toʻxtatib turishga olib kelgan holatlarni bartaraf etish uchun muddat belgilashi shart. Koʻrsatilgan muddat olti oydan oshishi mumkin emas, advokatlik faoliyatini amalga oshirayotgan shaxs jinoiy javobgarlikka tortilgan hollar bundan mustasno.

Litsenziyaning amal qilishi toʻxtatib turilishiga olib kelgan holatlarni advokat bartaraf etgan taqdirda, litsenziyaning amal qilishini toʻxtatib turgan litsenziyalovchi organ koʻrsatilgan holatlar bartaraf etilganligi toʻgʻrisidagi tasdiqnomani olgan kundan eʼtiboran oʻn kunlik muddat ichida litsenziyaning amal qilishini tiklash toʻgʻrisida qaror qabul qilishi shart.

Litsenziyani bekor qilish litsenziyani bergan organ tomonidan quyidagi asoslarga koʻra amalga oshiriladi:

advokatlik faoliyatini amalga oshirayotgan shaxsning arizasiga binoan;

agar advokat unga litsenziya berish toʻgʻrisidagi qaror qabul qilingani haqidagi xabarnoma yuborilgan (topshirilgan) paytdan eʼtiboran uch oy ichida litsenziyalovchi organga litsenziya berganlik uchun davlat boji toʻlanganligini tasdiqlovchi hujjatni taqdim etmagan yoki litsenziya shartnomasini imzolamagan boʻlsa;

advokatlik faoliyatini amalga oshirayotgan shaxsga nisbatan sud chiqargan ayblov hukmi qonuniy kuchga kirganda;

litsenziya soxta hujjatlardan foydalanilgan holda olinganligi fakti aniqlanganda.

Litsenziya sudning qaroriga binoan ham bekor qilinishi mumkin.

Litsenziyani bekor qilish toʻgʻrisidagi qaror u berilgan sanadan eʼtiboran amal qiladi.

Litsenziyaning amal qilishini toʻxtatib turish yoki uni bekor qilish toʻgʻrisidagi qaror ustidan sudga shikoyat qilinishi mumkin”;

2) 15-moddasi uchinchi xatboshidan keyin quyidagi mazmundagi xatboshi bilan toʻldirilsin:

“advokatlik faoliyati bilan shugʻullanish huquqini beruvchi litsenziyaning amal qilishini tugatish (litsenziya bergan organ tomonidan malaka komissiyasining qaroriga asosan)”;

toʻrtinchi xatboshi beshinchi xatboshi deb hisoblansin;

3) 16-moddasi quyidagi tahrirda bayon etilsin:

Litsenziyaning amal qilishi quyidagi hollarda tugatiladi:

advokatlik faoliyatini amalga oshirayotgan shaxs litsenziyaning amal qilishini tugatish toʻgʻrisidagi ariza bilan murojaat etganda, lekin agar mijoz talab qilsa avval qabul qilingan topshiriq bajarilib boʻlgach;

advokatlik faoliyatini amalga oshirayotgan shaxsning muomala layoqati belgilangan tartibda cheklanganda yoki u muomalaga layoqatsiz deb topilganda;

advokat litsenziya shartnomasida nazarda tutilgan litsenziya talablarini va shartlarini muntazam ravishda yoki bir marotaba qoʻpol ravishda buzganda;

advokat litsenziyaning amal qilishini toʻxtatib turishga olib kelgan holatlarni litsenziyalovchi organ belgilagan muddatda bartaraf etmaganda;

litsenziyalovchi organning litsenziya berish toʻgʻrisidagi qarorining qonunga xilofligi aniqlanganda;

litsenziyaning amal qilish muddati tugaganda;

advokatlik faoliyatini amalga oshirayotgan shaxs Oʻzbekiston Respublikasi fuqaroligini yoʻqotganda.

Tugatish toʻgʻrisida qaror qabul qilingan sanadan eʼtiboran litsenziyaning amal qilishi tugatiladi”.

18. Oʻzbekiston Respublikasining 1996-yil 27-dekabrda qabul qilingan “Tovar bozorlarida monopolistik faoliyatni cheklash va raqobat toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1997-yil, № 2, 54-modda; 1999-yil, № 9, 229-modda) 10-moddasining uchinchi xatboshisi quyidagi tahrirda bayon etilsin:

“xoʻjalik yurituvchi subyektlarga monopoliyaga qarshi Qonun hujjatlarini buzishni toʻxtatish yoki bunday buzishning oqibatlarini bartaraf etish toʻgʻrisida, dastlabki holatni tiklash haqida, monopoliyaga qarshi Qonun hujjatlariga xilof shartnomalarni bekor qilish yoki oʻzgartirish toʻgʻrisida bajarilishi majburiy boʻlgan koʻrsatmalar berish, monopoliyaga qarshi Qonun hujjatlarini buzish natijasida qoʻlga kiritilgan mablagʻlarni (daromadni, foydani) olib qoʻyish haqida qaror qabul qilish”.

19. Oʻzbekiston Respublikasining 1997-yil 24-aprelda qabul qilingan “Axborot olish kafolatlari va erkinligi toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1997-yil, № 4-5, 108-modda) 7-moddasi quyidagi tahrirda bayon etilsin:

Davlat organlari, fuqarolarning oʻzini oʻzi boshqarish organlari, jamoat birlashmalari, korxonalar, muassasalar, tashkilotlar va mansabdor shaxslar har kimga oʻzining huquqlari va qonuniy manfaatlariga daxldor boʻlgan qonun hujjatlari bilan, shuningdek hujjatlar, qarorlar va boshqa materiallar bilan tanishib chiqish imkoniyatini yaratib berishga majburdir. Axborot olish imkoniyati qonun hujjatlarini va tegishli materiallarni eʼlon qilish va tarqatish yoʻli bilan taʼminlanadi”.

20. Oʻzbekiston Respublikasining 1997-yil 24-aprelda qabul qilingan Qonuni bilan tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisining Axborotnomasi, 1997-yil, № 4-5-songa ilova, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 4-5, 153-modda):

1) 8-moddasining:

birinchi qismi quyidagi tahrirda bayon etilsin:

“Mikrofirmalar va kichik korxonalar uchun yagona soliq toʻlanishini nazarda tutuvchi soddalashtirilgan soliq solish tizimi qoʻllanilishi mumkin. Aksiz toʻlanadigan mahsulot ishlab chiqarayotgan mikrofirmalar va kichik korxonalar ushbu Kodeksda belgilangan tartibda aksiz soligʻi toʻlaganlari taqdirda soddalashtirilgan soliq toʻlash tizimiga oʻtishlari mumkin”;

ikkinchi qismi “huquqi” degan soʻzdan keyin “mikrofirmalar va” degan soʻz bilan toʻldirilsin;

2) 71-moddasi quyidagi mazmundagi 42-band bilan toʻldirilsin:

“42) import boʻyicha olib kelinadigan dori vositalari va tibbiy buyumlar”.

21. Oʻzbekiston Respublikasining 1997-yil 26-dekabrda qabul qilingan Qonuni bilan tasdiqlangan Oʻzbekiston Respublikasining Bojxona kodeksi (Oʻzbekiston Respublikasi Oliy Majlisining Axborotnomasi, 1998-yil, № 2, 36-modda; 1999-yil, № 9, 229-modda):

1) 24-moddasining uchinchi qismidagi “ushbu Kodeks 59-moddasining yettinchi qismida” degan soʻzlar “qonun hujjatlarida” degan soʻzlar bilan almashtirilsin;

2) 59-moddasining:

birinchi qismi toʻrtinchi xatboshisidagi “chaqirib olinganida” degan soʻzlar “ularning amal qilishi tugatilganida” degan soʻzlar bilan almashtirilsin;

toʻrtinchi qismidagi “bu toʻgʻrida” degan soʻzlar “litsenziyaning amal qilishini tugatish toʻgʻrisida” degan soʻzlar bilan almashtirilsin;

3) 65-moddasining:

birinchi qismidagi “uch yil” degan soʻzlar “besh yil” degan soʻzlar bilan almashtirilsin;

uchinchi qismidagi “chaqirib olinishi” degan soʻzlar “uning amal qilishi tugatilishi” degan soʻzlar bilan almashtirilsin;

4) 69-moddasi quyidagi mazmundagi qism bilan toʻldirilsin:

“Litsenziyaning bekor qilinishi toʻgʻrisidagi qaror mazkur qarorni qabul qilgan bojxona organi tomonidan litsenziatga yozma shaklda, qaror qabul qilingan kundan eʼtiboran uch kundan kechiktirmay asoslangan dalillar bilan yetkaziladi. Litsenziat litsenziyani bekor qilish toʻgʻrisidagi qarorni olgan kundan eʼtiboran oʻn kun ichida litsenziya bojxona organiga qaytarilishi va yoʻq qilinishi kerak”;

5) 70-moddasi quyidagi tahririda bayon etilsin:

Litsenziyaning amal qilishi quyidagi hollarda tugatiladi:

litsenziat litsenziyaning amal qilishini tugatish toʻgʻrisida ariza bilan murojaat qilganda;

yuridik shaxs tugatilganda — tugatilgan paytdan eʼtiboran yoki uning faoliyati qayta tashkil etish natijasida tugatilganida — qayta tashkil etilgan paytdan eʼtiboran, uning oʻzgartirilishi bundan mustasno;

yakka tartibdagi tadbirkor davlat roʻyxatidan oʻtganligi toʻgʻrisidagi guvohnomaning amal qilishi tugatilganda;

yakka tartibdagi tadbirkorning muomala layoqati belgilangan tartibda cheklanganda yoki u muomalaga layoqatsiz deb topilganda;

litsenziat litsenziya talablari va shartlarini muntazam ravishda yoki bir marotaba qoʻpol ravishda buzganda;

litsenziat litsenziyaning amal qilishini toʻxtatib turishiga olib kelgan holatlarni bojxona organi belgilagan muddatda bartaraf etmaganda;

bojxona organining litsenziya berish toʻgʻrisidagi qarorining qonunga xilofligi aniqlanganda;

litsenziyaning amal qilish muddati tugaganda.

Litsenziyaning amal qilishini tugatish toʻgʻrisidagi qaror mazkur qarorni qabul qilgan bojxona organi tomonidan litsenziatga yozma shaklda, qaror qabul qilingan kundan eʼtiboran uch kundan kechiktirmay asoslangan dalillar bilan yetkaziladi. Litsenziat litsenziyaning amal qilishini tugatish toʻgʻrisidagi qarorni olgan kundan eʼtiboran oʻn kun ichida litsenziya bojxona organiga qaytarilishi va yoʻq qilinishi kerak.

Bojxona organining litsenziyaning amal qilishini tugatish toʻgʻrisidagi qarori ommaviy axborot vositalarida eʼlon qilinishi lozim.

Tugatish toʻgʻrisidagi qaror qabul qilingan sanadan eʼtiboran litsenziyaning amal qilishi tugatiladi.

Litsenziya amal qilishining tugatilishi sud tomonidan asossiz deb topilgan hollarda bojxona organi litsenziat oldida u koʻrgan zarar miqdorida javobgar boʻladi”;

6) 71-moddasi quyidagi tahrirda bayon etilsin:

Litsenziyaning amal qilishi bojxona organining qaroriga binoan quyidagi hollarda toʻxtatib turilishi mumkin:

litsenziat litsenziya talablari va shartlarini buzganligi aniqlanganda;

bojxona organining litsenziat zimmasiga aniqlangan qoidabuzarliklarni bartaraf etish majburiyatini yuklovchi qarorlari litsenziat tomonidan bajarilmaganda;

yuridik shaxs qayta tuzilganda — litsenziyani qayta rasmiylashtirish muddatiga.

Litsenziyaning amal qilishini toʻxtatib turish toʻgʻrisidagi qaror mazkur qarorni qabul qilgan bojxona organi tomonidan litsenziatga yozma shaklda, qaror qabul qilingan kundan eʼtiboran uch kundan kechiktirmay asoslangan dalillar bilan yetkaziladi.

Bojxona organi litsenziat tomonidan litsenziyaning amal qilishini toʻxtatib turishga olib kelgan holatlarni bartaraf etishi uchun muddat belgilashi shart. Koʻrsatilgan muddat olti oydan oshib ketishi mumkin emas.

Litsenziyaning amal qilishi toʻxtatib turilishiga olib kelgan holatlarni litsenziat bartaraf etgan taqdirda, litsenziyaning amal qilishini toʻxtatib turgan bojxona organi koʻrsatilgan holatlar bartaraf etilganligi toʻgʻrisidagi tasdiqnomani olgan kundan eʼtiboran oʻn kunlik muddat ichida litsenziyaning amal qilishini tiklash toʻgʻrisida qaror qabul qilishi shart”;

7) 72-moddasidagi va 74-moddasining ikkinchi qismidagi “chaqirib olish”, “chaqirib olingan” degan soʻzlar tegishincha “litsenziyaning amal qilishini tugatish”, “uning amal qilishi tugatilgan” degan soʻzlar bilan almashtirilsin;

8) 73-moddasining:

ikkinchi qismi quyidagi tahrirda bayon etilsin:

“Bojxona rasmiylashtiruvi boʻyicha mutaxassisning malaka attestatini bojxona organi bekor qilishi yoxud uning amal qilishini tugatishi yoki toʻxtatib turishi mumkin”;

toʻrtinchi qismining birinchi xatboshisi quyidagi tahrirda bayon etilsin:

“Agar mutaxassis quyidagi harakatlarni sodir etgan boʻlsa, malaka attestatining amal qilishi tugatilishi mumkin”;

beshinchi qismi quyidagi tahrirda bayon etilsin:

“Tugatish toʻgʻrisida qaror qabul qilingan sanadan eʼtiboran malaka attestatining amal qilishi tugatiladi”;

yettinchi qismi quyidagi tahrirda bayon etilsin:

“Bojxona rasmiylashtiruvi boʻyicha mutaxassisning malaka attestati sudning qaroriga binoan ham bekor qilinishi yoki uning amal qilishi tugatilishi mumkin”;

sakkizinchi qismidagi “chaqirib olingan” degan soʻzlar “uning amal qilishi tugatilgan” degan soʻzlar bilan almashtirilsin;

9) 132-moddasi birinchi qismining 2-bandidagi va 186-moddasi birinchi qismining ikkinchi xatboshisidagi “litsenziyani yoki malaka attestatini chaqirib olish” degan soʻzlar “litsenziyaning yoki malaka attestatining amal qilishini tugatish” degan soʻzlar bilan almashtirilsin;

10) 139-moddasi birinchi qismining, 143, 147, 148, 149, 150, 152, 154, 158-moddalari, 164-moddasi birinchi qismining, 165, 166, 167, 168 va 169-moddalarining sanksiyalaridagi “litsenziyani chaqirib olib yoki chaqirib olmay” degan soʻzlar “litsenziyaning amal qilishini tugatib yoki tugatmay” degan soʻzlar bilan almashtirilsin;

11) 171-moddasining matni quyidagi tahrirda bayon etilsin:

“Oʻzbekiston Respublikasi Davlat bojxona qoʻmitasining litsenziyasisiz yoki agar bunday litsenziya bekor qilingan, uning amal qilishi tugatilgan yoki toʻxtatib turilgan boʻlsa yoxud shtatida bojxona rasmiylashtiruvi boʻyicha Oʻzbekiston Respublikasi Davlat bojxona qoʻmitasining malaka attestatiga ega mutaxassis boʻlmagani holda bojxona brokeri sifatida faoliyatni amalga oshirish, “bojxona brokeri” nomidan oʻz nomida, reklamasida yoki boshqa axborotida foydalanish yoxud malaka attestatiga ega boʻlmagan yoki sud qaroriga koʻra bunday attestatdan mahrum qilingan yoki malaka attestati bekor qilingan yoxud agar bunday attestatning amal qilishi tugatilgan yoki toʻxtatib turilgan shaxs tomonidan bojxona brokeri nomidan bojxona rasmiylashtiruvi boʻyicha harakatlarni sodir etish yoxud bojxona brokeri tomonidan Oʻzbekiston Respublikasi Davlat bojxona qoʻmitasiga qalbaki hujjatlar taqdim etilishi natijasida olingan litsenziyadan foydalanish, xuddi shuningdek bunday faoliyatga oid boshqa shartlarni buzish, ushbu moddaning ikkinchi qismida nazarda tutilgan qilmishlar bundan mustasno —

litsenziyaning amal qilishini tugatib yoki tugatmay, bojxona brokeriga eng kam ish haqining yuz baravaridan besh yuz baravarigacha miqdorda jarima solishga sabab boʻladi.

Bojxona brokeri yoki uning mutaxassisi tomonidan qonun bilan qoʻriqlanadigan maʼlumotlar yoki maxfiy axborotdan shaxsiy maqsadlarda foydalanish, bunday maʼlumotlarni oshkor qilish va uchinchi shaxslarga, shu jumladan bunga vakolati boʻlmagan davlat organlariga berish —

litsenziyaning amal qilishini tugatib, bojxona brokeriga eng kam ish haqining yuz baravaridan besh yuz baravarigacha miqdorda jarima solishga sabab boʻladi”;

12) 172-moddasining matni quyidagi tahrirda bayon etilsin:

“Oʻzbekiston Respublikasi Davlat bojxona qoʻmitasining litsenziyasisiz yoxud agar bunday litsenziya bekor qilingan, uning amal qilishi tugatilgan yoki toʻxtatib turilgan boʻlgani holda bojxona tashuvchisi sifatida faoliyatni amalga oshirish yoxud bojxona tashuvchisi tomonidan Oʻzbekiston Respublikasi Davlat bojxona qoʻmitasiga qalbaki hujjatlar taqdim etilishi natijasida olingan litsenziyadan foydalanish, xuddi shuningdek bunday faoliyatga oid boshqa shartlarni buzish, ushbu moddaning ikkinchi qismida nazarda tutilgan qilmishlar bundan mustasno, —

litsenziyaning amal qilishini tugatib yoki tugatmay, bojxona tashuvchisiga eng kam ish haqining ellik baravaridan ikki yuz ellik baravarigacha miqdorda jarima solishga sabab boʻladi.

Bojxona tashuvchisi yoki uning xodimi tomonidan qonun bilan qoʻriqlanadigan maʼlumotlar yoki maxfiy axborotdan shaxsiy maqsadlarda foydalanish, bunday maʼlumotlarni oshkor qilish va uchinchi shaxslarga, shu jumladan bunga vakolati boʻlmagan davlat organlariga berish —

litsenziyaning amal qilishini tugatib, bojxona tashuvchisiga eng kam ish haqining ellik baravaridan ikki yuz ellik baravarigacha miqdorda jarima solishga sabab boʻladi”.

13) 196-moddasining:

nomidagi “Litsenziyani yoki malaka attestatini chaqirib olish” degan soʻzlar “Litsenziyaning yoki malaka attestatining amal qilishini tugatish” degan soʻzlar bilan almashtirilsin;

birinchi qismi quyidagi tahrirda bayon etilsin:

“Bojxona toʻgʻrisidagi qonun hujjatlarini buzganlik uchun jazo berish haqidagi qaror ijroga qaratilgan paytdan eʼtiboran amal qilishi tugatilgan litsenziya yoki malaka attestati haqiqiy emas deb hisoblanadi”;

ikkinchi qismidagi “oʻn besh” degan soʻz “oʻn” degan soʻz bilan almashtirilsin.

22. Oʻzbekiston Respublikasining 1998-yil 30-aprelda qabul qilingan “Fermer xoʻjaligi toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1998-yil, № 5-6, 86-modda):

12-moddasi quyidagi mazmundagi yettinchi qism bilan toʻldirilsin:

“Yer uchastkasini ijaraga olish shartnomasi taraflarning kelishuviga binoan, taraflar kelishuvga erishmaganlari taqdirda esa sud tomonidan oʻzgartirilishi yoki bekor qilinishi mumkin”;

yettinchi qismi sakkizinchi qism deb hisoblansin.

23. Oʻzbekiston Respublikasining 1998-yil 30-aprelda qabul qilingan “Dehqon xoʻjaligi toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1998-yil, № 5-6, 88-modda):

1) 9-moddasi quyidagi mazmundagi oltinchi qism bilan toʻldirilsin:

“Dehqon xoʻjaligi yer uchastkasini olib qoʻyishga qonunda nazarda tutilgan hollarda, faqat boshqa teng qimmatli yer uchastkasi berilgandan keyin, dov-daraxtlar, buzilayotgan binolar va inshootlarning yoxud ularni boshqa joyga koʻchirish yoki boshqa binolar va inshootlar qurish qiymati hamda boshqa barcha xarajatlar (boy berilgan foydani qoʻshgan holda) qonun hujjatlarida belgilangan tartibda toʻla hajmda toʻlangan holda yoʻl qoʻyiladi”;

2) 19-moddaning uchinchi qismi “xoʻjalik faoliyatiga” degan soʻzlardan keyin “shu jumladan ular tomonidan agrotexnika usullarini, yetishtiriladigan mahsulot turlarini tanlashda, uning narxini va uni realizatsiya qilish yoʻnalishlarini aniqlashda” degan soʻzlar bilan toʻldirilsin.

24. Oʻzbekiston Respublikasining 1998-yil 24-dekabrda qabul qilingan “Xoʻjalik yurituvchi subyektlar faoliyatini davlat tomonidan nazorat qilish toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1999-yil, № 1, 8-modda; 2000-yil, № 5-6, 153-modda):

1) 3-moddasi quyidagi mazmundagi toʻrtinchi xatboshi bilan toʻldirilsin:

“tekshirishlarni qayd etish daftari” — oʻtkazilgan tekshirishlar toʻgʻrisidagi axborot yozib qoʻyiladigan maxsus daftar”;

toʻrtinchi — oltinchi xatboshilar tegishincha beshinchi — yettinchi xatboshilar deb hisoblansin;

2) 6-moddasi quyidagi tahrirda bayon etilsin:

Xoʻjalik yurituvchi subyektlar faoliyatini tekshirish nazorat qiluvchi organlarning mansabdor shaxslari tomonidan amalga oshiriladi. Nazorat qiluvchi organlarning mansabdor shaxslari Qonun hujjatlarida belgilangan tartibda attestatsiyadan oʻtkazilishlari lozim.

Nazorat qiluvchi organlar mansabdor shaxslarining xoʻjalik yurituvchi subyektlar faoliyatini tekshirishiga belgilangan namunadagi maxsus guvohnoma va ushbu Qonunning 9 va 12-moddalarida nazarda tutilgan asoslar mavjud boʻlgani taqdirda yoʻl qoʻyiladi.

Tekshiruvga auditorlik tashkilotlari va (yoki) ekspertlar jalb etilgani taqdirda, nazorat qiluvchi organning mansabdor shaxsi tomonidan nazorat qiluvchi organ va auditorlik tashkiloti va (yoki) ekspert oʻrtasidagi shartnomaning koʻchirma nusxasi albatta taqdim etiladi. Shartnomada auditor va (yoki) ekspertning familiyasi, ismi, otasining ismi, ish joyi va lavozimi koʻrsatilgan boʻlishi kerak. Auditor va (yoki) ekspert xulosasining toʻgʻriligi va uning Qonun hujjatlariga muvofiqligi uchun auditorlik tashkiloti va (yoki) ekspertning javobgarligi tuziladigan shartnomaning zaruriy sharti hisoblanadi. Auditorlik tekshiruvlari va ekspertizalarni oʻtkazish xarajatlari nazorat qiluvchi organlar hisobiga amalga oshiriladi”;

3) 9-moddasining matni quyidagi tahrirda bayon etilsin:

“Nazorat qiluvchi organlar tomonidan yuridik shaxs boʻlgan xoʻjalik yurituvchi subyektlar faoliyatini rejali tekshirish, shu jumladan taftishdan oʻtkazish uchun, ushbu moddaning ikkinchi qismida nazarda tutilgan hollarni istisno etganda, quyidagilar asos boʻladi:

maxsus vakolatli organ yoki uning tegishli hududiy boʻlinmasi tomonidan berilgan, xoʻjalik yurituvchi subyektlar faoliyatini tekshirishni oʻtkazishning muvofiqlashtiruvchi rejasidan koʻchirma;

nazorat qiluvchi organning muvofiqlashtiruvchi reja asosida chiqargan buyrugʻi yoxud maxsus vakolatli organning rejadan tashqari tekshirish, shu jumladan taftish oʻtkazish toʻgʻrisidagi hamda tekshirish maqsadi, tekshiruvchi mansabdor shaxslar tarkibi va tekshiruvni oʻtkazish muddatlari koʻrsatilgan qarorlari.

Prokuratura, ichki ishlar va milliy xavfsizlik xizmati organlari tomonidan xoʻjalik yurituvchi subyektlar faoliyatini tekshirish uchun qoʻzgʻatilgan jinoiy ish mavjudligi asos boʻladi. Bunda tekshiruvga xoʻjalik yurituvchi subyektning faqat qoʻzgʻatilgan jinoyat ishi bilan bogʻliq faoliyati qamrab olinishi mumkin boʻlib, bu haqda tekshiruvni tayinlash toʻgʻrisidagi qarorda koʻrsatilgan boʻlishi lozim”;

4) 10-moddasining ikkinchi qismidan “qoida tariqasida” degan soʻzlar chiqarib tashlansin;

5) 12-moddasining birinchi qismidagi “nazorat qiluvchi organning buyrugʻi” degan soʻzlar “mansabdor shaxslar tarkibi va tekshiruvni oʻtkazish muddatlari koʻrsatilgan buyrugʻi” degan soʻzlar bilan almashtirilsin;

6) quyidagi mazmundagi 14-1-modda bilan toʻldirilsin:

Xoʻjalik yurituvchi subyektlarda muqobil tekshirishlar jinoyat ishlari yuzasidan tergov olib borish jarayonida tekshirish tayinlash toʻgʻrisidagi qaror asosida yoxud nazorat qiluvchi organlar tomonidan maxsus vakolatli organning qaroriga binoan amalga oshiriladi. Xoʻjalik yurituvchi subyektlarda muqobil tekshirishlarga ularning tekshirilayotgan xoʻjalik yurituvchi subyekt bilan oʻzaro munosabatlari yuzasidangina yoʻl qoʻyiladi”;

7) 16-moddasi birinchi qismining beshinchi xatboshisi “organlarning” degan soʻzdan keyin “tekshiruvchi mansabdor shaxslarining” degan soʻzlar bilan toʻldirilsin;

8) 17-moddasi:

birinchi qismining beshinchi xatboshisi quyidagi tahrirda bayon etilsin:

“tekshiruvga auditorlik tashkilotlarini va (yoki) ekspertlarni belgilangan tartibda shartnoma asosida jalb etish”;

uchinchi qismi quyidagi mazmundagi uchinchi va toʻrtinchi xatboshilar bilan toʻldirilsin:

“xoʻjalik yurituvchi subyektlar ishlashiga halal bermaslik;

tekshirishlarni qayd etish daftariga qonun hujjatlarida belgilangan tartibda yozib qoʻyish”;

uchinchi — beshinchi xatboshilar tegishincha beshinchi — yettinchi xatboshilar deb hisoblansin;

9) 18-moddasi quyidagi mazmundagi toʻrtinchi qism bilan toʻldirilsin:

“Xoʻjalik yurituvchi subyektlar tovar ishlab chiqaruvchilar va tadbirkorlar palatalari aʼzolarining faoliyatini tekshirish ularning vakillari ishtirokida amalga oshirilishi mumkin”.

25. Oʻzbekiston Respublikasining 1999-yil 19-avgustda qabul qilingan “Giyohvandlik vositalari va psixotrop moddalar toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1999-yil, № 9, 210-modda):

1) 8-moddasi quyidagi tahrirda bayon etilsin:

Quyidagilar litsenziya berishni rad etish uchun asos boʻladi:

yuridik shaxsning litsenziya olish paytida hujjatlarni lozim tarzda rasmiylashtirmay taqdim etishi;

giyohvandlik vositalari, psixotrop moddalar va prekursorlarning muomalada boʻlishi bilan bogʻliq faoliyatning xavfsizligini taʼminlash uchun sharoitlar yoʻqligi;

surunkali ruhiy kasalliklar, giyohvandlik, zaharvandlik, alkogolizm tufayli dispanser hisobida turuvchi xodimlar mavjud boʻlsa va ular oʻz xizmat vazifasi taqozosiga koʻra giyohvandlik vositalari va psixotrop moddalardan erkin foydalanish imkoniga ega boʻlsa;

qasddan sodir etgan jinoyati uchun sudlanganlik holati tugallanmagan yoki sudlanganligi olib tashlanmagan xodimlar mavjud boʻlsa va ular oʻz xizmat vazifasi taqozosiga koʻra giyohvandlik vositalari va psixotrop moddalardan erkin foydalanish imkoniga ega boʻlsa;

yuridik shaxs litsenziya olish paytida taqdim etgan hujjatlarda notoʻgʻri yoki buzib koʻrsatilgan maʼlumotlarning mavjudligi;

litsenziya daʼvogarining litsenziya talablari va shartlariga nomuvofiqligi.

Boshqa asoslarga koʻra, shu jumladan litsenziya berish maqsadga muvofiq emas degan vaj bilan litsenziya berishni rad etishga yoʻl qoʻyilmaydi”;

2) 9-moddasi quyidagi tahrirda bayon etilsin:

Litsenziyaning amal qilishi litsenziyani bergan organning qaroriga binoan quyidagi hollarda toʻxtatib turilishi mumkin:

litsenziat litsenziya shartnomasida nazarda tutilgan litsenziya talablari va shartlarini buzganligi aniqlanganda;

litsenziyalovchi organlarning litsenziat zimmasiga aniqlangan qoidabuzarliklarni bartaraf etish majburiyatini yuklovchi qarorlari uning tomonidan bajarilmaganda;

yuridik shaxs qayta tuzilganda litsenziyani qayta rasmiylashtirish muddatiga.

Litsenziyalovchi organ litsenziat tomonidan litsenziyaning amal qilishini toʻxtatib turishga olib kelgan holatlarni bartaraf etish uchun muddat belgilashi shart. Koʻrsatilgan muddat olti oydan oshishi mumkin emas.

Litsenziyaning amal qilishi toʻxtatib turilishiga olib kelgan holatlarni litsenziat bartaraf etgan taqdirda, litsenziyaning amal qilishini toʻxtatib turgan litsenziyalovchi organ koʻrsatilgan holatlar bartaraf etilganligi toʻgʻrisidagi tasdiqnomani olgan kundan eʼtiboran oʻn kunlik muddat ichida litsenziyaning amal qilishini tiklash toʻgʻrisida qaror qabul qilishi shart”;

3) quyidagi mazmundagi 9¹-modda bilan toʻldirilsin:

Litsenziyaning amal qilishi quyidagi hollarda tugatiladi:

litsenziat litsenziyaning amal qilishini tugatish toʻgʻrisidagi ariza bilan murojaat etganda;

yuridik shaxs tugatilganda — tugatilgan paytdan eʼtiboran yoki uning faoliyati qayta tashkil etish natijasida tugatilganda — qayta tashkil etilgan paytdan eʼtiboran, uning oʻzgartirilishi bundan mustasno;

litsenziat litsenziya shartnomasida nazarda tutilgan litsenziya talablarini va shartlarini muntazam ravishda yoki bir marotaba qoʻpol ravishda buzganda;

litsenziat litsenziyaning amal qilishini toʻxtatib turishga olib kelgan holatlarni litsenziyalovchi organ belgilagan muddatda bartaraf etmaganda;

ruxsat etilgan faoliyat turini amalga oshirish qoidalariga rioya etish yuzasidan majburiyatlar litsenziat tomonidan bir yil ichida takroran bajarilmaganda;

litsenziyalovchi organning litsenziya berish toʻgʻrisidagi qarorining qonunga xilofligi aniqlanganda;

litsenziat tomonidan litsenziyada belgilangan faoliyat turiga rioya etilmaganda;

litsenziyaning amal qilish muddati tugaganda.

Litsenziyaning amal qilishi sudning qaroriga binoan ham tugatilishi mumkin.

Tugatish toʻgʻrisidagi qaror qabul qilingan sanadan eʼtiboran litsenziyaning amal qilishi tugatiladi.

Litsenziyani bekor qilish litsenziyani bergan organ tomonidan quyidagi hollarda amalga oshiriladi:

litsenziatning arizasiga binoan;

agar litsenziat unga litsenziya berish toʻgʻrisidagi qaror qabul qilingani haqidagi xabarnoma yuborilgan (topshirilgan) paytdan eʼtiboran uch oy ichida litsenziyalovchi organga litsenziya berganlik uchun davlat boji toʻlanganligini tasdiqlovchi hujjatni taqdim etmagan yoki litsenziya shartnomasini imzolamagan boʻlsa;

litsenziya soxta hujjatlardan foydalanilgan holda olinganligi fakti aniqlanganda.

Litsenziya sudning qaroriga binoan ham bekor qilinishi mumkin.

Bekor qilish toʻgʻrisidagi qaror litsenziya berilgan sanadan eʼtiboran amal qiladi.

Litsenziyaning amal qilishi tugatilishi yoki litsenziya bekor qilinishi toʻgʻrisidagi qaror mazkur qarorni qabul qilgan litsenziyalovchi organ tomonidan litsenziatga yozma shaklda, qaror qabul qilingan kundan eʼtiboran uch kundan kechiktirmay asoslangan dalillar bilan yetkaziladi. Litsenziat litsenziyaning amal qilishini tugatish yoki litsenziyani bekor qilish toʻgʻrisidagi qarorni olgan kundan eʼtiboran oʻn kun ichida litsenziya litsenziyalovchi organga qaytarilishi va yoʻq qilinishi kerak”.

II. Quyidagilar oʻz kuchini yoʻqotgan deb hisoblansin:

1. Oʻzbekiston Respublikasi Oliy Soveti Prezidiumining 1967-yil 31-mayda qabul qilingan “Oʻzbekiston Respublikasining balogʻatga yetmaganlar ishi bilan shugʻullanuvchi komissiyalari toʻgʻrisidagi Nizomni tasdiqlash haqida”gi Farmoni (Oʻzbekiston Respublikasi Oliy Sovetining Vedomostlari, 1967-yil, № 13, 1-modda).

2. Oʻzbekiston Respublikasi Oliy Soveti Prezidiumining 1967-yil 31-mayda qabul qilingan “Oʻzbekiston Respublikasida balogʻatga yetmaganlarning jamoat tarbiyachilari toʻgʻrisidagi Nizomni tasdiqlash haqida”gi Farmoni (Oʻzbekiston Respublikasi Oliy Sovetining Vedomostlari, 1967-yil, № 13, 2-modda).

3. Oʻzbekiston Respublikasi Oliy Soveti Prezidiumining 1985-yil 31-oktabrda qabul qilingan “Oʻzbekiston Respublikasining balogʻatga yetmaganlar ishi bilan shugʻullanuvchi komissiyalari toʻgʻrisidagi hamda Oʻzbekiston Respublikasida balogʻatga yetmaganlarning jamoat tarbiyachilari toʻgʻrisidagi Nizomlarga oʻzgartish va qoʻshimchalar kiritish haqida”gi Farmoni (Oʻzbekiston Respublikasi Oliy Sovetining Vedomostlari, 1985-yil, № 31, 363-modda).

4. Oʻzbekiston Respublikasining 1991-yil 15-fevralda qabul qilingan “Oʻzbekiston Respublikasidagi korxonalar toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1991-yil, № 4, 78-modda).

5. Oʻzbekiston Respublikasi Oliy Kengashining 1991-yil 15-fevralda qabul qilingan “Oʻzbekiston Respublikasidagi korxonalar toʻgʻrisida”gi Oʻzbekiston Respublikasi Qonunini kuchga kiritish tartibi haqida”gi qarori (Oʻzbekiston Respublikasi Oliy Kengashining Axborotnomasi, 1991-yil, № 4, 79-modda).

6. Oʻzbekiston Respublikasining 1992-yil 9-dekabrda qabul qilingan “Surunkali alkogolizm yoki giyohvandlikka mubtalo boʻlgan bemorlarni majburiy davolash toʻgʻrisida”gi Qonuniga 1-ilovaning 9-bandi (Oʻzbekiston Respublikasi Oliy Kengashining Axborotnomasi, 1993-yil, № 1, 36-modda).

7. Oʻzbekiston Respublikasining 1993-yil 7-mayda qabul qilingan “Oʻzbekiston Respublikasidagi korxonalar toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 6, 246-modda).

8. Oʻzbekiston Respublikasining 1994-yil 23-sentabrda qabul qilingan “Oʻzbekiston Respublikasining ayrim Qonunlariga oʻzgartish va qoʻshimchalar kiritish toʻgʻrisida”gi Qonunining VIII boʻlimi (Oʻzbekiston Respublikasi Oliy Kengashining Axborotnomasi, 1994-yil, № 11-12, 285-modda).

9. Oʻzbekiston Respublikasining 1995-yil 31-avgustda qabul qilingan “Oʻzbekiston Respublikasining ayrim Qonunlariga oʻzgartishlar va qoʻshimchalar kiritish toʻgʻrisida”gi Qonunining XII boʻlimi (Oʻzbekiston Respublikasi Oliy Majlisining Axborotnomasi, 1995-yil, № 9, 193-modda).

10. Oʻzbekiston Respublikasining 1996-yil 27-dekabrda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi Qonunining II boʻlimi (Oʻzbekiston Respublikasi Oliy Majlisining Axborotnomasi, 1997-yil, № 2, 56-modda).

11. Oʻzbekiston Respublikasining 1997-yil 25-aprelda qabul qilingan “Ayrim qonun hujjatlariga oʻzgartishlar va qoʻshimchalar kiritish, shuningdek ayrimlarini oʻz kuchini yoʻqotgan deb topish toʻgʻrisida”gi Qonuni I boʻlimining 2-bandi (Oʻzbekiston Respublikasi Oliy Majlisining Axborotnomasi, 1997-yil, № 4-5, 126-modda).

12. Oʻzbekiston Respublikasining 1997-yil 30-avgustda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi Qonunining I boʻlimi (Oʻzbekiston Respublikasi Oliy Majlisining Axborotnomasi, 1997-yil, № 9, 241-modda).

13. Oʻzbekiston Respublikasining 1998-yil 1-mayda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi Qonuni I boʻlimining 1-bandi (Oʻzbekiston Respublikasi Oliy Majlisining Axborotnomasi, 1998-yil, № 5-6, 102-modda).

14. Oʻzbekiston Respublikasining 1998-yil 29-avgustda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi Qonunining I boʻlimi (Oʻzbekiston Respublikasi Oliy Majlisining Axborotnomasi, 1998-yil, № 9, 181-modda).

15. Oʻzbekiston Respublikasining 1999-yil 15-aprelda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi Qonunining I boʻlimi (Oʻzbekiston Respublikasi Oliy Majlisining Axborotnomasi, 1999-yil, № 5, 124-modda).

16. Oʻzbekiston Respublikasining 1999-yil 20-avgustda qabul qilingan “Oʻzbekiston Respublikasining ayrim qonun hujjatlariga oʻzgartishlar va qoʻshimchalar kiritish toʻgʻrisida”gi Qonunining I boʻlimi (Oʻzbekiston Respublikasi Oliy Majlisining Axborotnomasi, 1999-yil № 9, 229-modda).