O‘zbekiston Respublikasi Prezidentining “Kapital qurilishda iqtisodiy islohotlarni yanada chuqurlashtirishning asosiy yo‘nalishlari to‘g‘risida” 2003-yil 6-maydagi PF-3240-son Farmonini bajarish yuzasidan hamda qurilish sohasidagi rahbar kadrlarni (menejerlarni) qayta tayyorlash va ularning malakasini oshirish tizimini takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Oliy va o‘rta maxsus ta’lim vazirligining Toshkent arxitektura-qurilish instituti huzurida yuridik shaxs huquqiga ega bo‘lgan Qurilish sohasidagi menejerlarni qayta tayyorlash va ularning malakasini oshirish markazi (keyingi o‘rinlarda Markaz deb ataladi) tashkil etilsin.
bozor sharoitlarida qurilish jarayonini boshqarish talablarini, obyektlarni qurishda ishlarni bajarishni tashkil etish va uning texnologiyasida xalqaro va Vatanimizda to‘plangan tajribani hisobga olgan holda qurilish sohasidagi menejerlarni qayta tayyorlash va ularning malakasini oshirish;
o‘quv-metodik materiallarni ishlab chiqish, qurilish sohasidagi menejerlarni qayta tayyorlash va ularning malakasini oshirish o‘quv jarayonining metodik va axborot bazasini yangilash va takomillashtirish;
o‘qitishni menejment va marketingning zamonaviy metodlari bilan, respublika vazirliklari va idoralarining, shuningdek chet mamlakatlarning yuqori malakali mutaxassislarini jalb etgan holda tashkil qilish asosida o‘qitish metodlari va usullarini muntazam ravishda takomillashtirish;
Oldingi tahrirga qarang.
qurilish sohasida tadqiqot va tajriba — eksperiment ishlarini bajarish, menejerlardan foydalanish monitoringini olib borish, qonunchilikka muvofiq maslahat xizmatlari ko‘rsatish.
(2-bandning beshinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
qurilish sohasida o‘qitishning kunduzgi shakli bo‘yicha menejerlarni qayta tayyorlash pudrat qurilish tashkilotlarining va qurilish industriyasi korxonalarining oliy ma’lumotga hamda mutaxassisligi bo‘yicha kamida 3 yil ish stajiga ega bo‘lgan rahbarlarini olti oy muddat bilan o‘qitgan va belgilangan namunadagi tegishli sertifikat bergan holda amalga oshiriladi;
qurilish sohasida boshqaruvning barcha darajalaridagi menejerlar malakasini oshirish sertifikat bergan holda uch oygacha muddatda amalga oshiriladi;
ta’lim oluvchilarni Markazga qabul qilish qurilish tashkilotlari va korxonalari buyurtmanomalariga binoan, shuningdek jismoniy shaxslarning arizalari bo‘yicha, suhbat o‘tkazish natijalari asosida amalga oshiriladi;
Oldingi tahrirga qarang.
shartnoma asosida o‘qitish uchun olingan va qonunchilikda taqiqlanmagan boshqa manbalardan tushadigan mablag‘lar Markaz faoliyatini moliyalashtirish manbalari hisoblanadi.
(3-bandning beshinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
bir oy muddatda O‘zbekiston Respublikasi Davlat arxitektura va qurilish qo‘mitasi bilan kelishgan holda Qurilish sohasidagi menejerlarni qayta tayyorlash va ularning malakasini oshirish markazi to‘g‘risidagi nizomni tasdiqlasin;
bir oy muddatda O‘zbekiston Respublikasi Davlat arxitektura va qurilish qo‘mitasi bilan birgalikda, mamlakatimiz va chet el o‘quv yurtlari ta’lim tizimidagi zamonaviy yutuqlarni hisobga olgan holda o‘quv rejalarini ishlab chiqsin va tasdiqlasin;
Toshkent arxitektura-qurilish institutini 2004-yilda ta’minlash xarajatlari smetasi tarkibida Markazni asoslangan hujjatlar asosida zarur o‘quv va laboratoriya mol-mulki bilan jihozlash uchun mablag‘larni nazarda tutsin.
5. Toshkent shahar hokimligi Markazni joylashtirish yuzasidan bir oy muddatda Vazirlar Mahkamasiga taklif kiritsin.
7. O‘zbekiston Respublikasi Prezidentining “Iste’dod” jamg‘armasiga professor-o‘qituvchilar tarkibi vakillarini hamda Markazning iste’dodli tinglovchilarini malaka oshirish va tajriba orttirish uchun yetakchi xorijiy ta’lim, ilmiy va o‘quv markazlariga yuborishda amaliy yordam berish va ko‘maklashish tavsiya etilsin.
8. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari K. N. To‘laganov zimmasiga yuklansin.