Oʻzbekiston Respublikasi Oliy Majlisi Qonunchilik palatasining “Oʻzbekiston Respublikasining 2012-yilgi Davlat budjeti toʻgʻrisida” 2011-yil 18-noyabrdagi 407-II-son qarori va Oʻzbekiston Respublikasi Oliy Majlisi Senatining “Oʻzbekiston Respublikasining 2012-yilgi Davlat budjeti toʻgʻrisida” 2011-yil 5-dekabrdagi 255-II-son qaroriga muvofiq:

1. Quyidagilar:

2012-yilda Oʻzbekiston Respublikasini rivojlantirishning asosiy makroiqtisodiy koʻrsatkichlari prognozi 1-ilovaga* muvofiq;

Oʻzbekiston Respublikasining 2012-yilgi Davlat budjeti asosiy parametrlari 2-ilovaga* muvofiq;

Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining, Respublika yoʻl jamgʻarmasining, budjetdan tashqari Taʼlim va sogʻliqni saqlash muassasalarini rekonstruksiya qilish, mukammal taʼmirlash va jihozlash jamgʻarmasining, Sugʻoriladigan yerlarning meliorativ holatini yaxshilash jamgʻarmasining 2012-yilgi asosiy parametrlari 3 — 6-ilovalarga* muvofiq tasdiqlansin.

2. 2012-yilgi Davlat budjeti taqchilligining cheklangan miqdori yalpi ichki mahsulot hajmiga nisbatan 1,0 foiz miqdorida belgilansin.

Belgilab qoʻyilsinki, Davlat budjeti taqchilligini moliyalashtirish, qonun hujjatlariga muvofiq respublika budjeti mablagʻlarining 2012-yil boshidagi boʻsh qoldiqlari va boshqa qadrsizlanmaydigan manbalar hisobidan amalga oshiriladi.

3. 2012-yil uchun:

qoʻshilgan qiymat soligʻi stavkalari 20 foiz miqdorida;

yuridik shaxslardan olinadigan foyda soligʻi stavkalari 7-ilovaga* muvofiq;

jismoniy shaxslardan olinadigan daromad soligʻi stavkalari 8-ilovaga* muvofiq;

yagona soliq toʻlovi stavkalari 9-1,9-2 va 9-3-ilovalarga* muvofiq;

tadbirkorlik faoliyati ayrim turlari boʻyicha yuridik va jismoniy shaxslarga belgilab qoʻyilgan soliq stavkalari 10-ilovaga* muvofiq;

yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar (yakka tartibdagi tadbirkorlar)ga belgilab qoʻyilgan soliq stavkalari 11-ilovaga* muvofiq;

Oʻzbekiston Respublikasi rezidentlariga dividendlar va foizlar tarzida toʻlanadigan daromad soligʻi stavkalari 10 foiz miqdorida;

Oʻzbekiston Respublikasida ishlab chiqariladigan va roʻyxat boʻyicha chetdan keltiriladigan aksiz soligʻiga tortiladigan tovarlarga aksiz soligʻi stavkalari 12-1 va 12-2-ilovalarga* muvofiq;

suv resurslaridan foydalanganlik uchun soliq stavkalari 13-ilovaga* muvofiq;

yer osti boyliklaridan foydalanganlik uchun soliq stavkalari 14-ilovaga* muvofiq;

imzolanadigan bonus va tijorat topilmasi bonusi 15-1 va 15-2-ilovalarga* muvofiq;

ayrim turdagi mahsulotlar boʻyicha ortiqcha foydadan soliq stavkalari 16-ilovaga* muvofiq;

yuridik va jismoniy shaxslardan olinadigan mulk soligʻi stavkalari 17 va 18-ilovalarga* muvofiq;

yuridik va jismoniy shaxslardan olinadigan yer soligʻi stavkalari 19-ilovaga* muvofiq;

yagona yer soligʻi stavkalari 20-ilovaga* muvofiq;

mahalliy soliqlar va yigʻimlar stavkalari 21-ilovaga* muvofiq;

22-ilovaga* muvofiq belgilangan soliqqa tortish obyektlarining Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga majburiy ajratmalar stavkalari 1,6 foiz, Oʻzbekiston Respublikasi Moliya vazirligi huzuridagi Respublika yoʻl jamgʻarmasiga majburiy ajratmalar stavkalari 1,4 foiz miqdorda va Oʻzbekiston Respublikasi Moliya vazirligi huzuridagi budjetdan tashqari Taʼlim va sogʻliqni saqlash muassasalarini rekonstruksiya qilish, mukammal taʼmirlash va jihozlash jamgʻarmasiga majburiy ajratmalar stavkalari 0,5 foiz miqdorida;

Oʻzbekiston Respublikasi Moliya vazirligi huzuridagi Respublika yoʻl jamgʻarmasiga yigʻimlar va ajratmalar stavkalari 23-ilovaga* muvofiq;

mablagʻlarni budjetdan tashqari Pensiya jamgʻarmasi, Bandlikka koʻmaklashish davlat jamgʻarmasi va Oʻzbekiston Kasaba uyushmalari Federatsiyasi Kengashi oʻrtasida 24-ilovada* keltirilgan normativlarga muvofiq taqsimlagan holda yagona ijtimoiy toʻlov stavkasi 25 foiz miqdorida;

fuqarolarning Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga ularning mehnat haqi daromadlaridan majburiy sugʻurta badallari stavkasi 5,5 foiz miqdorida tasdiqlansin.

4. 2012-yilning 1-yanvaridan boshlab:

mehnatga haq toʻlash Yagona tarif setkasining boshlangʻich razryadi etib birinchi razryad belgilansin, nulinchi razryad bekor qilinsin;

respublikaning barcha tashkilotlarida mehnat haqi miqdori mehnatga haq toʻlashning Yagona tarif setkasi boʻyicha birinchi razryaddan kam boʻlmagan holda belgilansin.

Oʻzbekiston Respublikasi Vazirlar Mahkamasi bir hafta muddatda mazkur bandni amalga oshirish boʻyicha qaror qabul qilsin.

5. 2012-yilning 1-yanvaridan boshlab:

ixtisoslashgan savdo tarmogʻidan Rossiya Federatsiyasi va Ukrainada ishlab chiqarilgan yangi avtomobil xarid qiluvchi fuqarolar avtotransport vositalarini sotib olganligi va (yoki) vaqtinchalik Oʻzbekiston Respublikasi hududiga olib kirganligi uchun Respublika yoʻl jamgʻarmasiga toʻlanadigan yigʻimlardan ozod etiladi;

respublikaning ichki isteʼmolchilari uchun paxta tolasini sotish 20 foizlik stavka boʻyicha qoʻshilgan qiymat soligʻiga tortiladi.

Oʻzbekiston Respublikasi Moliya vazirligi Davlat soliq qoʻmitasi bilan hamkorlikda bir hafta muddatda respublikaning ichki isteʼmolchilari uchun paxta tolasini sotishga qoʻshilgan qiymat soligʻini hisoblash va toʻlash tartibini ishlab chiqsin va tasdiqlasin.

6. 2012-yilning 1-yanvaridan boshlab:

chakana savdo tarmogʻida sotiladigan oltindan ishlangan zargarlik mahsulotlariga 1 gramm zargarlik buyumi uchun 10 AQSH dollari ekvivalentida aksiz soligʻi joriy etilsin, bunda chakana savdo tarmogʻi korxonalariga, tasdiqlaydigan hujjatlar mavjud boʻlganida, sotib olingan zargarlik buyumlariga toʻlangan aksiz soligʻini hisobdan chiqarish huquqi berilsin;

mobil aloqa xizmatlarini koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun oyiga 400 soʻm miqdorida toʻlov joriy etilsin, mablagʻlar 25-ilovaga* muvofiq taqsimlansin.

Oʻzbekiston aloqa va axborotlashtirish agentligi Oʻzbekiston Respublikasi Moliya vazirligi bilan hamkorlikda bir oy muddatda mobil aloqa xizmatlarini koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlovlarni hisoblash va toʻlash tartibi toʻgʻrisidagi nizomni tasdiqlasin.

7. 2012-yilning 1-yanvaridan boshlab koʻchmas mulkni, shu jumladan uy-joylarni ijaraga topshirishdan olinadigan daromadlarni soliqqa tortish shartnomada belgilangan ijara haqi miqdoridan kelib chiqqan holda, biroq quyidagilardan:

yuridik shaxslarga — davlatning koʻchmas mulkidan foydalanganlik uchun ijara haqining eng kam stavkalaridan;

uy-joylarini ijaraga topshiruvchi jismoniy shaxslar uchun — 26-ilovaga* muvofiq belgilangan ijara haqi stavkalaridan kelib chiqib hisoblangan miqdorlardan kam boʻlmagan holda belgilansin.

8. Tovarlarning ayrim turlarini ishlab chiqarishni kengaytirishni yanada ragʻbatlantirish va xizmat koʻrsatish sohasini rivojlantirish maqsadida, Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining ayrim qarorlari bilan 27-ilovaga muvofiq avval berilgan imtiyozlarning amal qilish muddati 2014-yilning 1-yanvarigacha uzaytirilsin.

9. Belgilab qoʻyilsinki yagona soliq toʻlovi tushumlari Oʻzbekiston Respublikasi Davlat budjeti, budjetdan tashqari Pensiya jamgʻarmasi, Respublika yoʻl jamgʻarmasi hamda budjetdan tashqari Taʼlim va sogʻliqni saqlash muassasalarini rekonstruksiya qilish, mukammal taʼmirlash va jihozlash jamgʻarmasi oʻrtasida Oʻzbekiston Respublikasi Moliya vazirligi tomonidan belgilanadigan miqdorlarda taqsimlanadi.

13. Davlat hokimiyati va mahalliy davlat boshqaruvi organlarining barcha darajalardagi mahalliy budjetlar daromadlari va xarajatlarini shakllantirishdagi roli, mustaqilligi va masʼuliyatini oshirish, mahalliy budjetlarning Oʻzbekiston Respublikasi Davlat budjetidagi ulushini koʻpaytirish maqsadida quyidagi umumdavlat soliqlari:

suv resurslaridan foydalanganlik uchun soliq;

yuridik va jismoniy shaxslarning tadbirkorlik faoliyati ayrim turlari boʻyicha qatʼiy belgilangan soliq;

yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar (yakka tartibdagi tadbirkorlar)dan olinadigan qatʼiy belgilangan soliq;

respublikada ishlab chiqariladigan pivo va oʻsimlik yogʻiga aksiz soligʻi boʻyicha tushumlar toʻliq hajmda mahalliy budjetlar daromadlariga oʻtkazilsin.

14. 2012-yil uchun:

Qoraqalpogʻiston Respublikasi budjeti, viloyatlar va Toshkent shahar mahalliy budjetlarining daromadlar va xarajatlar hajmlari, respublika budjetidan subvensiyalarning cheklangan miqdorlari 28-ilovaga* muvofiq;

Qoraqalpogʻiston Respublikasi budjetiga, viloyatlar va Toshkent shahar mahalliy budjetlariga umumdavlat soliqlari tushumlaridan ajratmalar normativlari 29-ilovaga* muvofiq;

respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlarining naqd pul kassa aylanmasining yoʻl qoʻyiladigan eng kam miqdorlari 30-ilovaga* muvofiq tasdiqlansin.

15. Oʻzbekiston Respublikasi Moliya vazirligiga tegishli mahalliy budjetlarga budjetdan subvensiyalar va ssudalar (daromadlar va xarajatlar oʻrtasidagi vaqtinchalik kassa tafovutlarini qoplash uchun) ajratishda ularning miqdorlarini hududlar boʻyicha barcha soliqlar va boshqa majburiy toʻlovlarning toʻliq tushishidan, shuningdek yagona ijtimoiy toʻlov bilan birga ish haqi, nafaqalar va ularga tenglashtirilgan toʻlovlar boʻyicha Oʻzbekiston Respublikasi Davlat budjetining xarajatlarini birinchi navbatda soʻzsiz moliyalashtirish zarurligidan kelib chiqqan holda aniqlashtirish huquqi berilsin.

16. 2012-yil uchun Oʻzbekiston Respublikasi Vazirlar Mahkamasining zaxira jamgʻarmasi hamda Qoraqalpogʻiston Respublikasi budjeti, viloyatlar va Toshkent shahar mahalliy budjetlarining zaxira jamgʻarmalari miqdorlari 31-ilovaga* muvofiq tasdiqlansin.

17. Fuqarolarning oʻzini-oʻzi boshqarish organlari orqali ijtimoiy nafaqalarni tayinlash va toʻlashda manzil aniqligini oshirish uchun Oʻzbekiston Respublikasi Mehnat va aholini ijtimoiy muhofaza qilish vazirligi, Respublika “Mahalla” jamgʻarmasi, Iqtisodiyot vazirligi, Moliya vazirligi va Davlat statistika qoʻmitasi bir oy muddatda oilalarning umumiy daromadlari yanada toʻliq hisobga olinishini nazarda tutgan holda nafaqalar tayinlashning amaldagi tartibini yanada takomillashtirish boʻyicha takliflarni Oʻzbekiston Respublikasi Vazirlar Mahkamasiga kiritsin.

20. 2012-yilning 1-yanvaridan boshlab bolalar musiqa va sanʼat maktablari oʻqituvchilari, konsertmeysterlari va rahbar xodimlarining mehnatiga haq toʻlash bazaviy tarif stavkalari, ularning pedagogik vazifalarini ayni bir vaqtda 10 foizga koʻpaytirgan holda oʻrtacha 20 foizga oshirilsin.

21. Taʼlim jarayoniga oʻqitishning zamonaviy uslublarini joriy etish, oʻquvchilarda mustaqil bilim olish koʻnikmalarini rivojlantirish maqsadida, Oʻzbekiston Respublikasi Xalq taʼlimi vazirligi hamda Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi amaldagi asosiy oʻquv rejalarini qaytadan koʻrib chiqsin, bunda 2012/2013 oʻquv yilidan boshlab sinf (auditoriya) mashgʻulotlari oʻrtacha 5 foizga kamaytirilishi nazarda tutilsin, boʻshaydigan mablagʻlar oʻquv jarayoniga axborot va boshqa zamonaviy pedagogik texnologiyalarni tatbiq etishni kengaytirish, kompyuter sinflari, oʻquv-laboratoriya sinflarini, oʻquv ustaxonalarini sarflanadigan materiallar va butlovchi buyumlar bilan taʼminlash boʻyicha dasturlarni, shuningdek umumtaʼlim maktablari, akademik litseylar va kasb-hunar kollejlarining binolarini joriy taʼmirlashni moliyalashtirishga yoʻnaltirsin.

22. Oʻzbekiston Respublikasi Moliya vazirligi, Oliy va oʻrta maxsus taʼlim vazirligi va Fanlar Akademiyasining 2012-yil 1-yanvardan boshlab ilmiy loyihalarga grantlarni budjetdan moliyalashtirish tartibini joriy etish toʻgʻrisidagi taklifi qabul qilinsin, unda quyidagilar:

ilmiy grant mablagʻi miqdorining 95 foizini — tadqiqot davri mobaynida, ilmiy loyihani amalga oshirishda mehnat sarfi va moddiy xarajatlarni qoplash uchun ajratish;

5 foizini — keyinchalik ishlab chiqarishga yoki ilmiy-pedagogik jarayonga tatbiq etish uchun ilmiy loyihani amalga oshirish natijalari ekspertizadan oʻtkazilib buyurtmachi tomonidan qabul qilganidan soʻng ajratish nazarda tutilsin.

Oʻzbekiston Respublikasi Moliya vazirligi, Vazirlar Mahkamasi huzuridagi fan va texnologiyalarni rivojlantirishni muvofiqlashtirish qoʻmitasi, Fanlar akademiyasi ikki hafta muddatda fundamental va amaliy tadqiqotlarning ilmiy-texnik dasturlarini shakllantirish va amalga oshirish tartibi toʻgʻrisidagi nizomga belgilangan tartibda oʻzgartish va qoʻshimchalar kiritsin.

23. Oʻzbekiston Respublikasi Moliya vazirligi oʻrta muddatli davlat gʻaznachilik majburiyatlarini yangidan joylashtirmasdan, 2012-yil mobaynida ular boʻyicha qarzlarni respublika budjeti mablagʻlari hisobidan toʻliq uzishga erishsin.

24. Oʻzbekiston Respublikasi Prezidentining “Oʻzbekiston Respublikasining 2010-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida” 2009-yil 22-dekabrdagi PQ-1245-son qarori 24-bandining amal qilishi 2013-yilning 1-yanvarigacha uzaytirilsin.

25. Oʻzbekiston Respublikasi Moliya vazirligining 2011-yilgi Oʻzbekiston Respublikasi Davlat budjetining asosiy parametrlarini va Oʻzbekiston Respublikasi davlat maqsadli jamgʻarmalarini quyidagi hajmlarda aniqlashtirish toʻgʻrisidagi taklifi qabul qilinsin:

budjet taqchilligi yalpi ichki mahsulot hajmiga nisbatan 0,1 foiz boʻlgani holda, Davlat budjeti daromadlari 16 746,8 mlrd soʻm, xarajatlari 16 802,6 mlrd soʻm miqdorda;

Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining daromadlari 6 145,0 mlrd soʻm va xarajatlari 6 030,1 mlrd soʻm miqdorida;

Oʻzbekiston Respublikasi Moliya vazirligi huzuridagi Respublika yoʻl jamgʻarmasining daromadlari 941,2 mlrd soʻm va xarajatlari 816,5 mlrd soʻm miqdorda.

Oʻzbekiston Respublikasi Moliya vazirligi, Moliya vazirligining Gʻaznachiligi Oʻzbekiston Respublikasi Markaziy banki bilan birgalikda 2012-yilning yanvar oyida, oʻtkazilgan operatsiyalarni 2011-yilgi Davlat budjetining ijrosi toʻgʻrisidagi hisobotda aks ettirgan holda, 2011-yilgi Davlat budjeti ijrosi boʻyicha qonun hujjatlarida belgilangan tartibda yakuniy operatsiyalar oʻtkazsin.

26. Oʻzbekiston Respublikasi Moliya vazirligi Iqtisodiyot vazirligi bilan birgalikda makroiqtisodiy koʻrsatkichlar prognozi har chorakda bajarilishini va Oʻzbekiston Respublikasi Davlat budjetining 2012-yilgi ijrosini tahlil etish natijalari boʻyicha, zarur hollarda, Oʻzbekiston Respublikasi Vazirlar Mahkamasiga Davlat budjetining asosiy parametrlarini belgilangan taqchillik doirasida aniqlashtirishga doir takliflar kiritsin.

27. 2012-yilning 1-yanvaridan Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining 32-ilovaga muvofiq ayrim qarorlari oʻz kuchini yoʻqotgan deb hisoblansin.

2012-yilning 1-yanvaridan Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining ayrim qarorlariga 33-ilovaga muvofiq oʻzgartish va qoʻshimchalar kiritilsin.

28. Oʻzbekiston Respublikasi Moliya vazirligi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

Vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir hafta muddatda ilgari qabul qilingan normativ-huquqiy hujjatlarni ushbu qarorga muvofiqlashtirsinlar.

1. Oʻzbekiston Respublikasi Prezidentining “Oʻzbekiston Respublikasida 2006 — 2010-yillarda xizmat koʻrsatish va servis sohasini rivojlantirishni jadallashtirish chora-tadbirlari toʻgʻrisida” 2006-yil 17-apreldagi PQ-325-son qarori 7-bandining mikrofirmalar va kichik korxonalarga taalluqli qismi.

2. Oʻzbekiston Respublikasi Prezidentining “Plastik kartochkalar asosida naqd pulsiz hisob-kitob tizimini yanada rivojlantirishga oid qoʻshimcha chora-tadbirlar toʻgʻrisida” 2006-yil 3-avgustdagi PQ-433-son qarori 1-bandining ikkinchi xatboshi.

3. Oʻzbekiston Respublikasi Prezidentining “Shaxsiy yordamchi, dehqon va fermer xoʻjaliklarida chorva mollar koʻpaytirishni ragʻbatlantirishni kuchaytirish hamda chorvachilik mahsulotlari ishlab chiqarishni kengaytirish borasidagi qoʻshimcha chora-tadbirlar toʻgʻrisida” 2008-yil 21-apreldagi PQ-842-son qarorining 8-bandi.

4. Oʻzbekiston Respublikasi Prezidentining “Oziq-ovqat mahsulotlari ishlab chiqarishni kengaytirish va ichki bozorni toʻldirish yuzasidan qoʻshimcha chora-tadbirlar toʻgʻrisida” 2009-yil 26-yanvardagi PQ-1047-son qarorining 8-bandi.

5. Oʻzbekiston Respublikasi Prezidentining “Mahalliy nooziq-ovqat isteʼmol tovarlari ishlab chiqarish kengaytirilishini ragʻbatlantirish borasidagi qoʻshimcha chora-tadbirlar toʻgʻrisida” 2009-yil 28-yanvardagi PQ-1050-son qarorining 3-bandi.

6. Vazirlar Mahkamasining “Plastik kartochkalar asosida hisob-kitob qilish tizimini yanada rivojlantirish chora-tadbirlari toʻgʻrisida” 2004-yil 24-sentabrdagi 445-son qarorining 7-bandi.

1. Oʻzbekiston Respublikasi Prezidentining “Meva-sabzavotchilik va uzumchilik sohasini isloh qilish boʻyicha tashkiliy chora-tadbirlar toʻgʻrisida” 2006-yil 11-yanvardagi PQ–255-son qarorining 11-bandi.

2. Oʻzbekiston Respublikasi Prezidentining “Oʻzbekiston Respublikasining 2009-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida” 2008-yil 29-dekabrdagi PQ-1024-son qarorining 8-bandi.

3. Oʻzbekiston Respublikasi Prezidentining “Oʻzbekiston Respublikasining 2010-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida” 2009-yil 22-dekabrdagi PQ–1245-son qaroriga 31-ilovaning 8-bandi.

4. Oʻzbekiston Respublikasi Prezidentining “2010-yil hosili paxta xomashyosini oʻz vaqtida va sifatli yigʻib-terib olishni taʼminlashga doir tashkiliy chora-tadbirlar toʻgʻrisida” 2010-yil 3-sentabrdagi PQ-1398-son qarori 4-bandi.

5. Oʻzbekiston Respublikasi Prezidentining “Toʻqimachilik sanoati korxonalarini jadal rivojlantirishni ragʻbatlantirishga oid qoʻshimcha chora-tadbirlar toʻgʻrisida” 2011-yil 28-martdagi PQ-1512-son qarorining 2-bandi.

6. Oʻzbekiston Respublikasi Prezidentining “2012-yil uchun akademik litseylar, kasb-hunar kollejlari va umumtaʼlim maktablarini qurish, rekonstruksiya qilish va mukammal taʼmirlash dasturining asosiy parametrlarini tasdiqlash toʻgʻrisida” 2011-yil 22-sentabrdagi PQ-1620-son qarori 1-bandining ikkinchi xatboshi va qarorga 1-ilova.

7. Vazirlar Mahkamasining “Aholini ish bilan taʼminlash toʻgʻrisida”gi Oʻzbekiston Respublikasi Qonunini amalga oshirish chora-tadbirlari toʻgʻrisida” 1992-yil 13-maydagi 235-son qaroriga (Oʻzbekiston Respublikasi QT, 1992-y., 5-son, 18-modda) 4-ilovaning 4-bandi.

2. Oʻzbekiston Respublikasi Prezidentining “Plastik kartochkalar asosida naqd pulsiz hisob-kitob tizimini yanada rivojlantirishga oid qoʻshimcha chora-tadbirlar toʻgʻrisida” 2006-yil 3-avgustdagi PQ-433-son qarori 1-bandining ikkinchi xatboshidagi “2012-yil 1-yanvarigacha” soʻzlari “2014-yil 1-yanvarigacha” soʻzlari bilan almashtirilsin.

3. Oʻzbekiston Respublikasi Prezidentining “Davlat budjetining Gʻazna ijrosi tizimini yanada rivojlantirish chora-tadbirlari toʻgʻrisida” 2007-yil 28-fevraldagi PQ-594-son qarorining 2-bandiga:

quyidagi mazmundagi oltinchi va yettinchi xatboshi qoʻshilsin:

“davlat xaridlari boʻyicha axborot bazasini yaratish va muttasil yangilab borish, davlat xaridlarini amalga oshirishda narx belgilash jarayonini nazorat qilish;

kichik biznes subyektlari keng ishtirok etishini nazarda tutadigan davlat xaridlarini amalga oshirishda tanlov va tender tartibotlarini takomillashtirish va qoʻllashni kengaytirish boʻyicha takliflar ishlab chiqish”;

oltinchi—sakkizinchi xatboshi tegishli ravishda sakkizinchi — oʻninchi xatboshi deb hisoblansin;

quyidagi mazmundagi oʻn birinchi xatboshi qoʻshilsin:

“Gʻaznachilik davlat xaridlari boʻyicha Hukumat komissiyasining ishchi organi funksiyasini amalga oshiradi”.

5. Oʻzbekiston Respublikasi Prezidentining 2007-yil 19-iyundagi PQ-655-son qarori bilan tasdiqlangan Issiqlik taʼminoti va suv taʼminoti korxonalari xodimlarining mehnatiga haq toʻlash toʻgʻrisidagi nizomning 7-bandi quyidagi tahrirda bayon qilinsin:

“7. Bazaviy tarif stavkalari miqdori tarif setkasi tegishli razryadining tarif koeffitsiyentini eng kam oylik ish haqining belgilangan miqdoriga koʻpaytirish bilan belgilanadi”.

6. Oʻzbekiston Respublikasi Prezidentining “Shaxsiy yordamchi, dehqon va fermer xoʻjaliklarida chorva mollar koʻpaytirishni ragʻbatlantirishni kuchaytirish hamda chorvachilik mahsulotlari ishlab chiqarishni kengaytirish borasidagi qoʻshimcha chora-tadbirlar toʻgʻrisida” 2008-yil 21-apreldagi PQ-842-son qarori 8-bandining birinchi xatboshidagi “2012-yil 1-yanvarigacha” soʻzlari “2014-yil 1-yanvarigacha” soʻzlari bilan almashtirilsin.

7. Oʻzbekiston Respublikasi Prezidentining “Bolalar musiqa va sanʼat maktablarining moddiy-texnik bazasini mustahkamlash va ularning faoliyatini yanada yaxshilash boʻyicha 2009 — 2014-yillarga moʻljallangan Davlat dasturi toʻgʻrisida” 2008-yil 8-iyuldagi PQ-910-son qarori 10-bandi quyidagi tahrirda bayon qilinsin:

“10. Vazirlar Mahkamasi tomonidan tasdiqlanadigan roʻyxat boʻyicha Davlat dasturi doirasida bolalar musiqa va sanʼat maktablarining moddiy-texnika bazasini mustahkamlash uchun olib kelinadigan musiqa asboblari va maxsus uskunalar 2015-yil 1-yanvargacha boʻlgan muddatda bojxona toʻlovlaridan ozod qilinsin (bojxona rasmiylashtiruvi yigʻimlari bundan mustasno)”.

8. Oʻzbekiston Respublikasi Prezidentining “Oziq-ovqat mahsulotlari ishlab chiqarishni kengaytirish va ichki bozorni toʻldirish yuzasidan qoʻshimcha chora-tadbirlar toʻgʻrisida” 2009-yil 26-yanvardagi PQ-1047-son qarori 8-bandining birinchi xatboshidagi “2012-yilning 1-yanvariga qadar” soʻzlari “2014-yilning 1-yanvariga qadar” soʻzlari bilan almashtirilsin.

9. Oʻzbekiston Respublikasi Prezidentining “Mahalliy nooziq-ovqat isteʼmol tovarlari ishlab chiqarish kengaytirilishini ragʻbatlantirish borasidagi qoʻshimcha chora-tadbirlar toʻgʻrisida” 2009-yil 28-yanvardagi PQ-1050-son qarorida:

3-bandning birinchi xatboshidagi “2012-yil 1-yanvargacha” soʻzlari “2014-yil 1-yanvargacha” soʻzlari bilan almashtirilsin;

2-ilovaning 5-bandi quyidagi tahrirda bayon qilinsin:

“5. Tayyor tikilgan buyumlar, tayyor kiyim (tikilgan, trikotaj va charm buyumlar)”.

10. Oʻzbekiston Respublikasi Prezidentining “Uy-joy fondini foydalanishga tayyor holda topshirish shartlarida rekonstruksiya qilish va taʼmirlash boʻyicha pudrat ishlarini kengaytirishni ragʻbatlantirishga doir qoʻshimcha chora-tadbirlar toʻgʻrisida” 2009-yil 29-yanvardagi PQ-1051-son qarori oʻzbek tilidagi matnining 3-bandi birinchi xatboshi quyidagi tahrirda bayon qilinsin:

“3. Yangidan tashkil etilayotgan ixtisoslashtirilgan taʼmirlash-qurilish tashkilotlari va “Qishloq qurilish invest” injiniring kompaniyasi bilan tuzilgan shartnomalar boʻyicha foydalanishga tayyor holda topshirish shartlari bilan yakka tartibda uy-joy qurish doirasida ular tomonidan amalga oshiriladigan ishlar hajmlari boʻyicha pudrat tashkilotlari 2014-yilning 1-yanvarigacha”.

11. Oʻzbekiston Respublikasi Prezidentining “Qishloq qurilish bank” aksiyadorlik tijorat bankini tashkil etish toʻgʻrisida” 2009-yil 30-martdagi PQ-1083-son qarori 4-bandiga quyidagi mazmundagi xatboshi qoʻshilsin:

“2010-yilda Maktab taʼlimini rivojlantirish jamgʻarmasiga ajratmalar hisobiga ajratiladigan Oʻzbekiston Respublikasi Moliya vazirligining 170,0 mlrd soʻm miqdoridagi maqsadli kredit liniyasining asosiy qarz, foizlar va boshqa toʻlovlar summasi respublika budjeti daromadiga oʻtkaziladi”.

12. Oʻzbekiston Respublikasi Prezidentining “Oʻzbekiston Respublikasining 2010-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida” 2009-yil 22-dekabrdagi PQ-1245-son qarori 5-bandining uchinchi xatboshi quyidagi tahrirda bayon qilinsin:

“ulgurji savdo korxonalari uchun (ulgurji dorixona tashkilotlari, Ulgurji savdo korxonalari uyushmasi tizimiga kiruvchi ixtisoslashtirilgan ulgurji baza-idoralar bundan mustasno) — oʻtkazilgan operatsiyalardan tushadigan summaning 5 foizi miqdorida yagona soliq toʻlovi boʻyicha avans toʻlovlari toʻlash, qonun hujjatlarida belgilangan hollar bundan mustasno”.

13. Vazirlar Mahkamasining “Xorijiy valyutadagi davlat bojlari, yigʻimlar hamda soliq boʻlmagan boshqa toʻlovlar stavkalari toʻgʻrisida” 1993-yil 19-avgustdagi 423-son qaroriga 2-ilovada:

a) quyidagi mazmundagi X boʻlim qoʻshilsin:

b) “Bojlar, yigʻimlar va soliq boʻlmagan boshqa toʻlovlar toʻlashdan tushgan valyuta tushumlarini taqsimlash” jadvaliga quyidagi mazmundagi 16-band qoʻshilsin:

14. Vazirlar Mahkamasining “Respublika valyuta jamgʻarmasi hisobidan chet el valyutasida kreditlar berish va ularni toʻlash tartibini tasdiqlash toʻgʻrisida” 1994-yil 3-noyabrdagi 534-son qarori 2-bandining uchinchi xatboshidagi “Respublika valyuta jamgʻarmasi” soʻzlari “respublika budjeti” soʻzlari bilan almashtirilsin.

15. Vazirlar Mahkamasining “1999-2000-yillarda paxta navlarini yangilash va joylashtirish dasturi toʻgʻrisida” 1998-yil 25-noyabrdagi 491-son qarorining 8-bandiga quyidagi mazmundagi xatboshi qoʻshilsin:

“Belgilansinki, 2012-yil 1-yanvardan boshlab paxtachilik elita-urugʻchilik laboratoriyalari va xoʻjaliklari faoliyatini moliyalashtirish urugʻlik chigit navlari uchun ustamalar summasidan ajratiladigan mablagʻlar va qishloq xoʻjaligi tovar ishlab chiqaruvchilari bilan tuziladigan shartnomalar boʻyicha xizmatlar koʻrsatishdan olingan boshqa daromadlar hisobiga moliyalashtiriladi”.

16. Vazirlar Mahkamasining 1999-yil 5-fevraldagi 54-son qarori bilan tasdiqlangan Mahsulotlar (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi toʻgʻrisidagi nizomda (Oʻzbekiston Respublikasi QT, 1999-y., 2-son, 9-modda):

a) 2.2.6-bandga “mahalliy tarmoqlar” soʻzlaridan keyin “abonent raqamidan foydalanganlik uchun toʻlov” soʻzlari qoʻshilsin;

b) 2.3-boʻlimga:

quyidagi mazmundagi 2.3.25-band qoʻshilsin:

“2.3.25. Foydalanishdagi toʻliq eskirgan uskuna uchun toʻlov”;

2.3.25-band 2.3.26-band deb hisoblansin.

17. Vazirlar Mahkamasining “Bojxona yigʻimlari stavkalari toʻgʻrisida” 1999-yil 30-apreldagi 204-son qaroriga ilovaning 1-bandi “Yigʻimlar stavkalari” ustunidagi “Bojxona qiymatining 0,2 foizi miqdorida, biroq eng kam oylik ish haqidan kam emas” soʻzlari “Bojxona qiymatining 0,2 foizi, biroq kamida 25 AQSH dollari va 3000 AQSH dollaridan ortiq emas” soʻzlari bilan almashtirilsin.

18. Vazirlar Mahkamasining 2002-yil 23-sentabrdagi 328-son qarori (Oʻzbekiston Respublikasi QT, 2002-y., 9-son, 53-modda) bilan tasdiqlangan Axborot-kommunikatsiya texnologiyalarini rivojlantirish jamgʻarmasi toʻgʻrisidagi nizomning 4-bandiga quyidagi mazmundagi xatboshi qoʻshilsin;

“abonent raqamidan foydalanganlik uchun haq toʻlashdan tushgan mablagʻlarning 10 foizi”.

19. Vazirlar Mahkamasining “Plastik kartochkalar asosida hisob-kitob qilish tizimini yanada rivojlantirish chora-tadbirlari toʻgʻrisida” 2004-yil 24-sentabrdagi 445-son qarorida (Oʻzbekiston Respublikasi QT, 2004-y., 9-son, 94-modda):

7-bandning ikkinchi—toʻrtinchi xatboshidagi “2012-yil 1-yanvargacha” soʻzlari “2014-yil 1-yanvargacha” soʻzlari bilan almashtirilsin.

3-ilovada 2-bandining ikkinchi va uchinchi xatboshidagi “2012-yil 1-yanvargacha” soʻzlari “2014-yil 1-yanvargacha” soʻzlari bilan almashtirilsin.

20. Vazirlar Mahkamasining “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 275-son qarorida (Oʻzbekiston Respublikasi QT, 2005-y., 12-son, 63-modda):

a) 1-ilovada:

5-band quyidagi tahrirda bayon qilinsin:

quyidagi mazmundagi 5-1-band qoʻshilsin:

6-banddan “konsertmeyster” soʻzi chiqarib tashlansin;

b) 2-ilovada:

1.3-kichik banddan “musiqa maktabi, sanʼat maktabi” soʻzlari chiqarib tashlansin;

quyidagi mazmundagi 1.8-kichik band qoʻshilsin:

2.4-kichik banddan “musiqa maktabi, sanʼat maktabi direktorining oʻquv-maʼrifiy ishlar boʻyicha” soʻzlari chiqarib tashlansin;

quyidagi mazmundagi 2.8-kichik band qoʻshilsin:

21. Vazirlar Mahkamasining 2010-yil 2-apreldagi 62-son qarori (Oʻzbekiston Respublikasi QT, 2010-y., 4-son, 14-modda) bilan tasdiqlangan Vazirliklar va idoralarning budjetdan tashqari jamgʻarmalariga yoʻnaltirilayotgan davlat bojlari, yigʻimlar va soliq boʻlmagan toʻlovlardan, maʼmuriy va moliyaviy sanksiyalardan ajratmalar miqdorlaridagi 24-band quyidagi tahrirda bayon qilinsin: