O‘zbekiston Respublikasi Oliy Majlisi Qonunchilik palatasining “O‘zbekiston Respublikasining 2012-yilgi Davlat budjeti to‘g‘risida” 2011-yil 18-noyabrdagi 407-II-son qarori va O‘zbekiston Respublikasi Oliy Majlisi Senatining “O‘zbekiston Respublikasining 2012-yilgi Davlat budjeti to‘g‘risida” 2011-yil 5-dekabrdagi 255-II-son qaroriga muvofiq:

1. Quyidagilar:

2012-yilda O‘zbekiston Respublikasini rivojlantirishning asosiy makroiqtisodiy ko‘rsatkichlari prognozi 1-ilovaga* muvofiq;

O‘zbekiston Respublikasining 2012-yilgi Davlat budjeti asosiy parametrlari 2-ilovaga* muvofiq;

O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining, Respublika yo‘l jamg‘armasining, budjetdan tashqari Ta’lim va sog‘liqni saqlash muassasalarini rekonstruksiya qilish, mukammal ta’mirlash va jihozlash jamg‘armasining, Sug‘oriladigan yerlarning meliorativ holatini yaxshilash jamg‘armasining 2012-yilgi asosiy parametrlari 3 — 6-ilovalarga* muvofiq tasdiqlansin.

2. 2012-yilgi Davlat budjeti taqchilligining cheklangan miqdori yalpi ichki mahsulot hajmiga nisbatan 1,0 foiz miqdorida belgilansin.

Belgilab qo‘yilsinki, Davlat budjeti taqchilligini moliyalashtirish, qonun hujjatlariga muvofiq respublika budjeti mablag‘larining 2012-yil boshidagi bo‘sh qoldiqlari va boshqa qadrsizlanmaydigan manbalar hisobidan amalga oshiriladi.

3. 2012-yil uchun:

qo‘shilgan qiymat solig‘i stavkalari 20 foiz miqdorida;

yuridik shaxslardan olinadigan foyda solig‘i stavkalari 7-ilovaga* muvofiq;

jismoniy shaxslardan olinadigan daromad solig‘i stavkalari 8-ilovaga* muvofiq;

yagona soliq to‘lovi stavkalari 9-1,9-2 va 9-3-ilovalarga* muvofiq;

tadbirkorlik faoliyati ayrim turlari bo‘yicha yuridik va jismoniy shaxslarga belgilab qo‘yilgan soliq stavkalari 10-ilovaga* muvofiq;

yuridik shaxs bo‘lmasdan tadbirkorlik faoliyati bilan shug‘ullanuvchi jismoniy shaxslar (yakka tartibdagi tadbirkorlar)ga belgilab qo‘yilgan soliq stavkalari 11-ilovaga* muvofiq;

O‘zbekiston Respublikasi rezidentlariga dividendlar va foizlar tarzida to‘lanadigan daromad solig‘i stavkalari 10 foiz miqdorida;

O‘zbekiston Respublikasida ishlab chiqariladigan va ro‘yxat bo‘yicha chetdan keltiriladigan aksiz solig‘iga tortiladigan tovarlarga aksiz solig‘i stavkalari 12-1 va 12-2-ilovalarga* muvofiq;

suv resurslaridan foydalanganlik uchun soliq stavkalari 13-ilovaga* muvofiq;

yer osti boyliklaridan foydalanganlik uchun soliq stavkalari 14-ilovaga* muvofiq;

imzolanadigan bonus va tijorat topilmasi bonusi 15-1 va 15-2-ilovalarga* muvofiq;

ayrim turdagi mahsulotlar bo‘yicha ortiqcha foydadan soliq stavkalari 16-ilovaga* muvofiq;

yuridik va jismoniy shaxslardan olinadigan mulk solig‘i stavkalari 17 va 18-ilovalarga* muvofiq;

yuridik va jismoniy shaxslardan olinadigan yer solig‘i stavkalari 19-ilovaga* muvofiq;

yagona yer solig‘i stavkalari 20-ilovaga* muvofiq;

mahalliy soliqlar va yig‘imlar stavkalari 21-ilovaga* muvofiq;

22-ilovaga* muvofiq belgilangan soliqqa tortish obyektlarining O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasiga majburiy ajratmalar stavkalari 1,6 foiz, O‘zbekiston Respublikasi Moliya vazirligi huzuridagi Respublika yo‘l jamg‘armasiga majburiy ajratmalar stavkalari 1,4 foiz miqdorda va O‘zbekiston Respublikasi Moliya vazirligi huzuridagi budjetdan tashqari Ta’lim va sog‘liqni saqlash muassasalarini rekonstruksiya qilish, mukammal ta’mirlash va jihozlash jamg‘armasiga majburiy ajratmalar stavkalari 0,5 foiz miqdorida;

O‘zbekiston Respublikasi Moliya vazirligi huzuridagi Respublika yo‘l jamg‘armasiga yig‘imlar va ajratmalar stavkalari 23-ilovaga* muvofiq;

mablag‘larni budjetdan tashqari Pensiya jamg‘armasi, Bandlikka ko‘maklashish davlat jamg‘armasi va O‘zbekiston Kasaba uyushmalari Federatsiyasi Kengashi o‘rtasida 24-ilovada* keltirilgan normativlarga muvofiq taqsimlagan holda yagona ijtimoiy to‘lov stavkasi 25 foiz miqdorida;

fuqarolarning O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasiga ularning mehnat haqi daromadlaridan majburiy sug‘urta badallari stavkasi 5,5 foiz miqdorida tasdiqlansin.

4. 2012-yilning 1-yanvaridan boshlab:

mehnatga haq to‘lash Yagona tarif setkasining boshlang‘ich razryadi etib birinchi razryad belgilansin, nulinchi razryad bekor qilinsin;

respublikaning barcha tashkilotlarida mehnat haqi miqdori mehnatga haq to‘lashning Yagona tarif setkasi bo‘yicha birinchi razryaddan kam bo‘lmagan holda belgilansin.

O‘zbekiston Respublikasi Vazirlar Mahkamasi bir hafta muddatda mazkur bandni amalga oshirish bo‘yicha qaror qabul qilsin.

5. 2012-yilning 1-yanvaridan boshlab:

ixtisoslashgan savdo tarmog‘idan Rossiya Federatsiyasi va Ukrainada ishlab chiqarilgan yangi avtomobil xarid qiluvchi fuqarolar avtotransport vositalarini sotib olganligi va (yoki) vaqtinchalik O‘zbekiston Respublikasi hududiga olib kirganligi uchun Respublika yo‘l jamg‘armasiga to‘lanadigan yig‘imlardan ozod etiladi;

respublikaning ichki iste’molchilari uchun paxta tolasini sotish 20 foizlik stavka bo‘yicha qo‘shilgan qiymat solig‘iga tortiladi.

O‘zbekiston Respublikasi Moliya vazirligi Davlat soliq qo‘mitasi bilan hamkorlikda bir hafta muddatda respublikaning ichki iste’molchilari uchun paxta tolasini sotishga qo‘shilgan qiymat solig‘ini hisoblash va to‘lash tartibini ishlab chiqsin va tasdiqlasin.

6. 2012-yilning 1-yanvaridan boshlab:

chakana savdo tarmog‘ida sotiladigan oltindan ishlangan zargarlik mahsulotlariga 1 gramm zargarlik buyumi uchun 10 AQSH dollari ekvivalentida aksiz solig‘i joriy etilsin, bunda chakana savdo tarmog‘i korxonalariga, tasdiqlaydigan hujjatlar mavjud bo‘lganida, sotib olingan zargarlik buyumlariga to‘langan aksiz solig‘ini hisobdan chiqarish huquqi berilsin;

mobil aloqa xizmatlarini ko‘rsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun oyiga 400 so‘m miqdorida to‘lov joriy etilsin, mablag‘lar 25-ilovaga* muvofiq taqsimlansin.

O‘zbekiston aloqa va axborotlashtirish agentligi O‘zbekiston Respublikasi Moliya vazirligi bilan hamkorlikda bir oy muddatda mobil aloqa xizmatlarini ko‘rsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun to‘lovlarni hisoblash va to‘lash tartibi to‘g‘risidagi nizomni tasdiqlasin.

7. 2012-yilning 1-yanvaridan boshlab ko‘chmas mulkni, shu jumladan uy-joylarni ijaraga topshirishdan olinadigan daromadlarni soliqqa tortish shartnomada belgilangan ijara haqi miqdoridan kelib chiqqan holda, biroq quyidagilardan:

yuridik shaxslarga — davlatning ko‘chmas mulkidan foydalanganlik uchun ijara haqining eng kam stavkalaridan;

uy-joylarini ijaraga topshiruvchi jismoniy shaxslar uchun — 26-ilovaga* muvofiq belgilangan ijara haqi stavkalaridan kelib chiqib hisoblangan miqdorlardan kam bo‘lmagan holda belgilansin.

8. Tovarlarning ayrim turlarini ishlab chiqarishni kengaytirishni yanada rag‘batlantirish va xizmat ko‘rsatish sohasini rivojlantirish maqsadida, O‘zbekiston Respublikasi Prezidentining va O‘zbekiston Respublikasi Vazirlar Mahkamasining ayrim qarorlari bilan 27-ilovaga muvofiq avval berilgan imtiyozlarning amal qilish muddati 2014-yilning 1-yanvarigacha uzaytirilsin.

9. Belgilab qo‘yilsinki yagona soliq to‘lovi tushumlari O‘zbekiston Respublikasi Davlat budjeti, budjetdan tashqari Pensiya jamg‘armasi, Respublika yo‘l jamg‘armasi hamda budjetdan tashqari Ta’lim va sog‘liqni saqlash muassasalarini rekonstruksiya qilish, mukammal ta’mirlash va jihozlash jamg‘armasi o‘rtasida O‘zbekiston Respublikasi Moliya vazirligi tomonidan belgilanadigan miqdorlarda taqsimlanadi.

13. Davlat hokimiyati va mahalliy davlat boshqaruvi organlarining barcha darajalardagi mahalliy budjetlar daromadlari va xarajatlarini shakllantirishdagi roli, mustaqilligi va mas’uliyatini oshirish, mahalliy budjetlarning O‘zbekiston Respublikasi Davlat budjetidagi ulushini ko‘paytirish maqsadida quyidagi umumdavlat soliqlari:

suv resurslaridan foydalanganlik uchun soliq;

yuridik va jismoniy shaxslarning tadbirkorlik faoliyati ayrim turlari bo‘yicha qat’iy belgilangan soliq;

yuridik shaxs bo‘lmasdan tadbirkorlik faoliyati bilan shug‘ullanuvchi jismoniy shaxslar (yakka tartibdagi tadbirkorlar)dan olinadigan qat’iy belgilangan soliq;

respublikada ishlab chiqariladigan pivo va o‘simlik yog‘iga aksiz solig‘i bo‘yicha tushumlar to‘liq hajmda mahalliy budjetlar daromadlariga o‘tkazilsin.

14. 2012-yil uchun:

Qoraqalpog‘iston Respublikasi budjeti, viloyatlar va Toshkent shahar mahalliy budjetlarining daromadlar va xarajatlar hajmlari, respublika budjetidan subvensiyalarning cheklangan miqdorlari 28-ilovaga* muvofiq;

Qoraqalpog‘iston Respublikasi budjetiga, viloyatlar va Toshkent shahar mahalliy budjetlariga umumdavlat soliqlari tushumlaridan ajratmalar normativlari 29-ilovaga* muvofiq;

respublika budjeti, Qoraqalpog‘iston Respublikasi budjeti, viloyatlar va Toshkent shahar mahalliy budjetlarining naqd pul kassa aylanmasining yo‘l qo‘yiladigan eng kam miqdorlari 30-ilovaga* muvofiq tasdiqlansin.

15. O‘zbekiston Respublikasi Moliya vazirligiga tegishli mahalliy budjetlarga budjetdan subvensiyalar va ssudalar (daromadlar va xarajatlar o‘rtasidagi vaqtinchalik kassa tafovutlarini qoplash uchun) ajratishda ularning miqdorlarini hududlar bo‘yicha barcha soliqlar va boshqa majburiy to‘lovlarning to‘liq tushishidan, shuningdek yagona ijtimoiy to‘lov bilan birga ish haqi, nafaqalar va ularga tenglashtirilgan to‘lovlar bo‘yicha O‘zbekiston Respublikasi Davlat budjetining xarajatlarini birinchi navbatda so‘zsiz moliyalashtirish zarurligidan kelib chiqqan holda aniqlashtirish huquqi berilsin.

16. 2012-yil uchun O‘zbekiston Respublikasi Vazirlar Mahkamasining zaxira jamg‘armasi hamda Qoraqalpog‘iston Respublikasi budjeti, viloyatlar va Toshkent shahar mahalliy budjetlarining zaxira jamg‘armalari miqdorlari 31-ilovaga* muvofiq tasdiqlansin.

17. Fuqarolarning o‘zini-o‘zi boshqarish organlari orqali ijtimoiy nafaqalarni tayinlash va to‘lashda manzil aniqligini oshirish uchun O‘zbekiston Respublikasi Mehnat va aholini ijtimoiy muhofaza qilish vazirligi, Respublika “Mahalla” jamg‘armasi, Iqtisodiyot vazirligi, Moliya vazirligi va Davlat statistika qo‘mitasi bir oy muddatda oilalarning umumiy daromadlari yanada to‘liq hisobga olinishini nazarda tutgan holda nafaqalar tayinlashning amaldagi tartibini yanada takomillashtirish bo‘yicha takliflarni O‘zbekiston Respublikasi Vazirlar Mahkamasiga kiritsin.

20. 2012-yilning 1-yanvaridan boshlab bolalar musiqa va san’at maktablari o‘qituvchilari, konsertmeysterlari va rahbar xodimlarining mehnatiga haq to‘lash bazaviy tarif stavkalari, ularning pedagogik vazifalarini ayni bir vaqtda 10 foizga ko‘paytirgan holda o‘rtacha 20 foizga oshirilsin.

21. Ta’lim jarayoniga o‘qitishning zamonaviy uslublarini joriy etish, o‘quvchilarda mustaqil bilim olish ko‘nikmalarini rivojlantirish maqsadida, O‘zbekiston Respublikasi Xalq ta’limi vazirligi hamda Oliy va o‘rta maxsus ta’lim vazirligining O‘rta maxsus, kasb-hunar ta’limi markazi amaldagi asosiy o‘quv rejalarini qaytadan ko‘rib chiqsin, bunda 2012/2013 o‘quv yilidan boshlab sinf (auditoriya) mashg‘ulotlari o‘rtacha 5 foizga kamaytirilishi nazarda tutilsin, bo‘shaydigan mablag‘lar o‘quv jarayoniga axborot va boshqa zamonaviy pedagogik texnologiyalarni tatbiq etishni kengaytirish, kompyuter sinflari, o‘quv-laboratoriya sinflarini, o‘quv ustaxonalarini sarflanadigan materiallar va butlovchi buyumlar bilan ta’minlash bo‘yicha dasturlarni, shuningdek umumta’lim maktablari, akademik litseylar va kasb-hunar kollejlarining binolarini joriy ta’mirlashni moliyalashtirishga yo‘naltirsin.

22. O‘zbekiston Respublikasi Moliya vazirligi, Oliy va o‘rta maxsus ta’lim vazirligi va Fanlar Akademiyasining 2012-yil 1-yanvardan boshlab ilmiy loyihalarga grantlarni budjetdan moliyalashtirish tartibini joriy etish to‘g‘risidagi taklifi qabul qilinsin, unda quyidagilar:

ilmiy grant mablag‘i miqdorining 95 foizini — tadqiqot davri mobaynida, ilmiy loyihani amalga oshirishda mehnat sarfi va moddiy xarajatlarni qoplash uchun ajratish;

5 foizini — keyinchalik ishlab chiqarishga yoki ilmiy-pedagogik jarayonga tatbiq etish uchun ilmiy loyihani amalga oshirish natijalari ekspertizadan o‘tkazilib buyurtmachi tomonidan qabul qilganidan so‘ng ajratish nazarda tutilsin.

O‘zbekiston Respublikasi Moliya vazirligi, Vazirlar Mahkamasi huzuridagi fan va texnologiyalarni rivojlantirishni muvofiqlashtirish qo‘mitasi, Fanlar akademiyasi ikki hafta muddatda fundamental va amaliy tadqiqotlarning ilmiy-texnik dasturlarini shakllantirish va amalga oshirish tartibi to‘g‘risidagi nizomga belgilangan tartibda o‘zgartish va qo‘shimchalar kiritsin.

23. O‘zbekiston Respublikasi Moliya vazirligi o‘rta muddatli davlat g‘aznachilik majburiyatlarini yangidan joylashtirmasdan, 2012-yil mobaynida ular bo‘yicha qarzlarni respublika budjeti mablag‘lari hisobidan to‘liq uzishga erishsin.

24. O‘zbekiston Respublikasi Prezidentining “O‘zbekiston Respublikasining 2010-yilgi asosiy makroiqtisodiy ko‘rsatkichlari va Davlat budjeti parametrlari to‘g‘risida” 2009-yil 22-dekabrdagi PQ-1245-son qarori 24-bandining amal qilishi 2013-yilning 1-yanvarigacha uzaytirilsin.

25. O‘zbekiston Respublikasi Moliya vazirligining 2011-yilgi O‘zbekiston Respublikasi Davlat budjetining asosiy parametrlarini va O‘zbekiston Respublikasi davlat maqsadli jamg‘armalarini quyidagi hajmlarda aniqlashtirish to‘g‘risidagi taklifi qabul qilinsin:

budjet taqchilligi yalpi ichki mahsulot hajmiga nisbatan 0,1 foiz bo‘lgani holda, Davlat budjeti daromadlari 16 746,8 mlrd so‘m, xarajatlari 16 802,6 mlrd so‘m miqdorda;

O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining daromadlari 6 145,0 mlrd so‘m va xarajatlari 6 030,1 mlrd so‘m miqdorida;

O‘zbekiston Respublikasi Moliya vazirligi huzuridagi Respublika yo‘l jamg‘armasining daromadlari 941,2 mlrd so‘m va xarajatlari 816,5 mlrd so‘m miqdorda.

O‘zbekiston Respublikasi Moliya vazirligi, Moliya vazirligining G‘aznachiligi O‘zbekiston Respublikasi Markaziy banki bilan birgalikda 2012-yilning yanvar oyida, o‘tkazilgan operatsiyalarni 2011-yilgi Davlat budjetining ijrosi to‘g‘risidagi hisobotda aks ettirgan holda, 2011-yilgi Davlat budjeti ijrosi bo‘yicha qonun hujjatlarida belgilangan tartibda yakuniy operatsiyalar o‘tkazsin.

26. O‘zbekiston Respublikasi Moliya vazirligi Iqtisodiyot vazirligi bilan birgalikda makroiqtisodiy ko‘rsatkichlar prognozi har chorakda bajarilishini va O‘zbekiston Respublikasi Davlat budjetining 2012-yilgi ijrosini tahlil etish natijalari bo‘yicha, zarur hollarda, O‘zbekiston Respublikasi Vazirlar Mahkamasiga Davlat budjetining asosiy parametrlarini belgilangan taqchillik doirasida aniqlashtirishga doir takliflar kiritsin.

27. 2012-yilning 1-yanvaridan O‘zbekiston Respublikasi Prezidentining va O‘zbekiston Respublikasi Vazirlar Mahkamasining 32-ilovaga muvofiq ayrim qarorlari o‘z kuchini yo‘qotgan deb hisoblansin.

2012-yilning 1-yanvaridan O‘zbekiston Respublikasi Prezidenti va O‘zbekiston Respublikasi Vazirlar Mahkamasining ayrim qarorlariga 33-ilovaga muvofiq o‘zgartish va qo‘shimchalar kiritilsin.

28. O‘zbekiston Respublikasi Moliya vazirligi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.

Vazirliklar va idoralar, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bir hafta muddatda ilgari qabul qilingan normativ-huquqiy hujjatlarni ushbu qarorga muvofiqlashtirsinlar.

1. O‘zbekiston Respublikasi Prezidentining “O‘zbekiston Respublikasida 2006 — 2010-yillarda xizmat ko‘rsatish va servis sohasini rivojlantirishni jadallashtirish chora-tadbirlari to‘g‘risida” 2006-yil 17-apreldagi PQ-325-son qarori 7-bandining mikrofirmalar va kichik korxonalarga taalluqli qismi.

3. O‘zbekiston Respublikasi Prezidentining “Shaxsiy yordamchi, dehqon va fermer xo‘jaliklarida chorva mollar ko‘paytirishni rag‘batlantirishni kuchaytirish hamda chorvachilik mahsulotlari ishlab chiqarishni kengaytirish borasidagi qo‘shimcha chora-tadbirlar to‘g‘risida” 2008-yil 21-apreldagi PQ-842-son qarorining 8-bandi.

4. O‘zbekiston Respublikasi Prezidentining “Oziq-ovqat mahsulotlari ishlab chiqarishni kengaytirish va ichki bozorni to‘ldirish yuzasidan qo‘shimcha chora-tadbirlar to‘g‘risida” 2009-yil 26-yanvardagi PQ-1047-son qarorining 8-bandi.

6. Vazirlar Mahkamasining “Plastik kartochkalar asosida hisob-kitob qilish tizimini yanada rivojlantirish chora-tadbirlari to‘g‘risida” 2004-yil 24-sentabrdagi 445-son qarorining 7-bandi.

1. O‘zbekiston Respublikasi Prezidentining “Meva-sabzavotchilik va uzumchilik sohasini isloh qilish bo‘yicha tashkiliy chora-tadbirlar to‘g‘risida” 2006-yil 11-yanvardagi PQ–255-son qarorining 11-bandi.

2. O‘zbekiston Respublikasi Prezidentining “O‘zbekiston Respublikasining 2009-yilgi asosiy makroiqtisodiy ko‘rsatkichlari va Davlat budjeti parametrlari to‘g‘risida” 2008-yil 29-dekabrdagi PQ-1024-son qarorining 8-bandi.

3. O‘zbekiston Respublikasi Prezidentining “O‘zbekiston Respublikasining 2010-yilgi asosiy makroiqtisodiy ko‘rsatkichlari va Davlat budjeti parametrlari to‘g‘risida” 2009-yil 22-dekabrdagi PQ–1245-son qaroriga 31-ilovaning 8-bandi.

4. O‘zbekiston Respublikasi Prezidentining “2010-yil hosili paxta xomashyosini o‘z vaqtida va sifatli yig‘ib-terib olishni ta’minlashga doir tashkiliy chora-tadbirlar to‘g‘risida” 2010-yil 3-sentabrdagi PQ-1398-son qarori 4-bandi.

6. O‘zbekiston Respublikasi Prezidentining “2012-yil uchun akademik litseylar, kasb-hunar kollejlari va umumta’lim maktablarini qurish, rekonstruksiya qilish va mukammal ta’mirlash dasturining asosiy parametrlarini tasdiqlash to‘g‘risida” 2011-yil 22-sentabrdagi PQ-1620-son qarori 1-bandining ikkinchi xatboshi va qarorga 1-ilova.

3. O‘zbekiston Respublikasi Prezidentining “Davlat budjetining G‘azna ijrosi tizimini yanada rivojlantirish chora-tadbirlari to‘g‘risida” 2007-yil 28-fevraldagi PQ-594-son qarorining 2-bandiga:

quyidagi mazmundagi oltinchi va yettinchi xatboshi qo‘shilsin:

“davlat xaridlari bo‘yicha axborot bazasini yaratish va muttasil yangilab borish, davlat xaridlarini amalga oshirishda narx belgilash jarayonini nazorat qilish;

kichik biznes subyektlari keng ishtirok etishini nazarda tutadigan davlat xaridlarini amalga oshirishda tanlov va tender tartibotlarini takomillashtirish va qo‘llashni kengaytirish bo‘yicha takliflar ishlab chiqish”;

oltinchi—sakkizinchi xatboshi tegishli ravishda sakkizinchi — o‘ninchi xatboshi deb hisoblansin;

quyidagi mazmundagi o‘n birinchi xatboshi qo‘shilsin:

“G‘aznachilik davlat xaridlari bo‘yicha Hukumat komissiyasining ishchi organi funksiyasini amalga oshiradi”.

5. O‘zbekiston Respublikasi Prezidentining 2007-yil 19-iyundagi PQ-655-son qarori bilan tasdiqlangan Issiqlik ta’minoti va suv ta’minoti korxonalari xodimlarining mehnatiga haq to‘lash to‘g‘risidagi nizomning 7-bandi quyidagi tahrirda bayon qilinsin:

“7. Bazaviy tarif stavkalari miqdori tarif setkasi tegishli razryadining tarif koeffitsiyentini eng kam oylik ish haqining belgilangan miqdoriga ko‘paytirish bilan belgilanadi”.

6. O‘zbekiston Respublikasi Prezidentining “Shaxsiy yordamchi, dehqon va fermer xo‘jaliklarida chorva mollar ko‘paytirishni rag‘batlantirishni kuchaytirish hamda chorvachilik mahsulotlari ishlab chiqarishni kengaytirish borasidagi qo‘shimcha chora-tadbirlar to‘g‘risida” 2008-yil 21-apreldagi PQ-842-son qarori 8-bandining birinchi xatboshidagi “2012-yil 1-yanvarigacha” so‘zlari “2014-yil 1-yanvarigacha” so‘zlari bilan almashtirilsin.

7. O‘zbekiston Respublikasi Prezidentining “Bolalar musiqa va san’at maktablarining moddiy-texnik bazasini mustahkamlash va ularning faoliyatini yanada yaxshilash bo‘yicha 2009 — 2014-yillarga mo‘ljallangan Davlat dasturi to‘g‘risida” 2008-yil 8-iyuldagi PQ-910-son qarori 10-bandi quyidagi tahrirda bayon qilinsin:

“10. Vazirlar Mahkamasi tomonidan tasdiqlanadigan ro‘yxat bo‘yicha Davlat dasturi doirasida bolalar musiqa va san’at maktablarining moddiy-texnika bazasini mustahkamlash uchun olib kelinadigan musiqa asboblari va maxsus uskunalar 2015-yil 1-yanvargacha bo‘lgan muddatda bojxona to‘lovlaridan ozod qilinsin (bojxona rasmiylashtiruvi yig‘imlari bundan mustasno)”.

8. O‘zbekiston Respublikasi Prezidentining “Oziq-ovqat mahsulotlari ishlab chiqarishni kengaytirish va ichki bozorni to‘ldirish yuzasidan qo‘shimcha chora-tadbirlar to‘g‘risida” 2009-yil 26-yanvardagi PQ-1047-son qarori 8-bandining birinchi xatboshidagi “2012-yilning 1-yanvariga qadar” so‘zlari “2014-yilning 1-yanvariga qadar” so‘zlari bilan almashtirilsin.

11. O‘zbekiston Respublikasi Prezidentining “Qishloq qurilish bank” aksiyadorlik tijorat bankini tashkil etish to‘g‘risida” 2009-yil 30-martdagi PQ-1083-son qarori 4-bandiga quyidagi mazmundagi xatboshi qo‘shilsin:

“2010-yilda Maktab ta’limini rivojlantirish jamg‘armasiga ajratmalar hisobiga ajratiladigan O‘zbekiston Respublikasi Moliya vazirligining 170,0 mlrd so‘m miqdoridagi maqsadli kredit liniyasining asosiy qarz, foizlar va boshqa to‘lovlar summasi respublika budjeti daromadiga o‘tkaziladi”.

12. O‘zbekiston Respublikasi Prezidentining “O‘zbekiston Respublikasining 2010-yilgi asosiy makroiqtisodiy ko‘rsatkichlari va Davlat budjeti parametrlari to‘g‘risida” 2009-yil 22-dekabrdagi PQ-1245-son qarori 5-bandining uchinchi xatboshi quyidagi tahrirda bayon qilinsin:

“ulgurji savdo korxonalari uchun (ulgurji dorixona tashkilotlari, Ulgurji savdo korxonalari uyushmasi tizimiga kiruvchi ixtisoslashtirilgan ulgurji baza-idoralar bundan mustasno) — o‘tkazilgan operatsiyalardan tushadigan summaning 5 foizi miqdorida yagona soliq to‘lovi bo‘yicha avans to‘lovlari to‘lash, qonun hujjatlarida belgilangan hollar bundan mustasno”.

13. Vazirlar Mahkamasining “Xorijiy valyutadagi davlat bojlari, yig‘imlar hamda soliq bo‘lmagan boshqa to‘lovlar stavkalari to‘g‘risida” 1993-yil 19-avgustdagi 423-son qaroriga 2-ilovada:

a) quyidagi mazmundagi X bo‘lim qo‘shilsin:

b) “Bojlar, yig‘imlar va soliq bo‘lmagan boshqa to‘lovlar to‘lashdan tushgan valyuta tushumlarini taqsimlash” jadvaliga quyidagi mazmundagi 16-band qo‘shilsin:

14. Vazirlar Mahkamasining “Respublika valyuta jamg‘armasi hisobidan chet el valyutasida kreditlar berish va ularni to‘lash tartibini tasdiqlash to‘g‘risida” 1994-yil 3-noyabrdagi 534-son qarori 2-bandining uchinchi xatboshidagi “Respublika valyuta jamg‘armasi” so‘zlari “respublika budjeti” so‘zlari bilan almashtirilsin.

15. Vazirlar Mahkamasining “1999-2000-yillarda paxta navlarini yangilash va joylashtirish dasturi to‘g‘risida” 1998-yil 25-noyabrdagi 491-son qarorining 8-bandiga quyidagi mazmundagi xatboshi qo‘shilsin:

“Belgilansinki, 2012-yil 1-yanvardan boshlab paxtachilik elita-urug‘chilik laboratoriyalari va xo‘jaliklari faoliyatini moliyalashtirish urug‘lik chigit navlari uchun ustamalar summasidan ajratiladigan mablag‘lar va qishloq xo‘jaligi tovar ishlab chiqaruvchilari bilan tuziladigan shartnomalar bo‘yicha xizmatlar ko‘rsatishdan olingan boshqa daromadlar hisobiga moliyalashtiriladi”.

16. Vazirlar Mahkamasining 1999-yil 5-fevraldagi 54-son qarori bilan tasdiqlangan Mahsulotlar (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi to‘g‘risidagi nizomda (O‘zbekiston Respublikasi QT, 1999-y., 2-son, 9-modda):

a) 2.2.6-bandga “mahalliy tarmoqlar” so‘zlaridan keyin “abonent raqamidan foydalanganlik uchun to‘lov” so‘zlari qo‘shilsin;

b) 2.3-bo‘limga:

quyidagi mazmundagi 2.3.25-band qo‘shilsin:

“2.3.25. Foydalanishdagi to‘liq eskirgan uskuna uchun to‘lov”;

2.3.25-band 2.3.26-band deb hisoblansin.

17. Vazirlar Mahkamasining “Bojxona yig‘imlari stavkalari to‘g‘risida” 1999-yil 30-apreldagi 204-son qaroriga ilovaning 1-bandi “Yig‘imlar stavkalari” ustunidagi “Bojxona qiymatining 0,2 foizi miqdorida, biroq eng kam oylik ish haqidan kam emas” so‘zlari “Bojxona qiymatining 0,2 foizi, biroq kamida 25 AQSH dollari va 3000 AQSH dollaridan ortiq emas” so‘zlari bilan almashtirilsin.

18. Vazirlar Mahkamasining 2002-yil 23-sentabrdagi 328-son qarori (O‘zbekiston Respublikasi QT, 2002-y., 9-son, 53-modda) bilan tasdiqlangan Axborot-kommunikatsiya texnologiyalarini rivojlantirish jamg‘armasi to‘g‘risidagi nizomning 4-bandiga quyidagi mazmundagi xatboshi qo‘shilsin;

“abonent raqamidan foydalanganlik uchun haq to‘lashdan tushgan mablag‘larning 10 foizi”.

19. Vazirlar Mahkamasining “Plastik kartochkalar asosida hisob-kitob qilish tizimini yanada rivojlantirish chora-tadbirlari to‘g‘risida” 2004-yil 24-sentabrdagi 445-son qarorida (O‘zbekiston Respublikasi QT, 2004-y., 9-son, 94-modda):

7-bandning ikkinchi—to‘rtinchi xatboshidagi “2012-yil 1-yanvargacha” so‘zlari “2014-yil 1-yanvargacha” so‘zlari bilan almashtirilsin.

3-ilovada 2-bandining ikkinchi va uchinchi xatboshidagi “2012-yil 1-yanvargacha” so‘zlari “2014-yil 1-yanvargacha” so‘zlari bilan almashtirilsin.

20. Vazirlar Mahkamasining “Xalq ta’limi xodimlari mehnatiga haq to‘lashning takomillashtirilgan tizimini tasdiqlash to‘g‘risida” 2005-yil 21-dekabrdagi 275-son qarorida (O‘zbekiston Respublikasi QT, 2005-y., 12-son, 63-modda):

a) 1-ilovada:

5-band quyidagi tahrirda bayon qilinsin:

quyidagi mazmundagi 5-1-band qo‘shilsin:

6-banddan “konsertmeyster” so‘zi chiqarib tashlansin;

b) 2-ilovada:

1.3-kichik banddan “musiqa maktabi, san’at maktabi” so‘zlari chiqarib tashlansin;

quyidagi mazmundagi 1.8-kichik band qo‘shilsin:

2.4-kichik banddan “musiqa maktabi, san’at maktabi direktorining o‘quv-ma’rifiy ishlar bo‘yicha” so‘zlari chiqarib tashlansin;

quyidagi mazmundagi 2.8-kichik band qo‘shilsin:

21. Vazirlar Mahkamasining 2010-yil 2-apreldagi 62-son qarori (O‘zbekiston Respublikasi QT, 2010-y., 4-son, 14-modda) bilan tasdiqlangan Vazirliklar va idoralarning budjetdan tashqari jamg‘armalariga yo‘naltirilayotgan davlat bojlari, yig‘imlar va soliq bo‘lmagan to‘lovlardan, ma’muriy va moliyaviy sanksiyalardan ajratmalar miqdorlaridagi 24-band quyidagi tahrirda bayon qilinsin: