LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Dori-darmonlar va biologik moddalar ishlab chiqaruvchi birlashmalar, korxonalar, tashkilotlar faoliyatini muvofiqlashtirish, farmatsevtika sanoatini yanada rivojlantirish va respublika aholisining dorivor moddalarga bo‘lgan ehtiyojini yaxshiroq qondirish maqsadida:
1. O‘zbekiston Respublikasi Sog‘liqni saqlash vazirligi, “O‘zkimyofarm” ishlab chiqarish birlashmasi, “Vaksina” ilmiy-ishlab chiqarish birlashmasi, O‘zbekiston kimyo texnologiyasi va katalizi ilmiy-tadqiqot instituti, Kimyo va paxta sellyulozasi texnologiyasi ilmiy-tadqiqot institutining O‘zbekiston farmatsevtika sanoati (“O‘zfarmsanoat”) davlat-aksionerlik konsernini tashkil etish to‘g‘risidagi taklifi qabul qilinsin.
2. Belgilab qo‘yilsinki, O‘zbekiston farmatsevtika sanoati (“O‘zfarmsanoat”) davlat-aksionerlik konserni:
birlashmalarni, korxonalarni va mulkchilikning barcha shakllaridagi tashkilotlarni aksiyalar bilan ta’minlash prinsiplari asosida ularni ixtiyoriy birlashtiradi hamda tashkilotlarning xo‘jalik mustaqilligini va yuridik shaxs huquqlarini saqlab qoladi;
O‘zbekiston Respublikasining amaldagi qonunlari va Vazirlar Mahkamasi tasdiqlagan Nizom asosida ishlab chiqarish — xo‘jalik faoliyatini amalga oshiradi;
farmatsevtika sanoatini rivojlantirish uchun markazlashtirilgan tarzda konsernga ajratiladigan kapital mablag‘lar va moddiy-texnika zaxiralari limitlari jamg‘armalarini saqlaydi va taqsimlaydi;
konsern tarkibiga kiruvchi birlashmalar, korxonalar va tashkilotlarni aksionerlik, jamoa, qo‘shma korxonalarga va mulkchilikning boshqa turlariga aylantirish, jumladan bu ishni xorijiy yuridik shaxslar, firmalar va davlatlar ishtirokida amalga oshirish to‘g‘risida belgilangan tartibda takliflar kiritadi.
dori-darmonlar yaratish va ularni ishlab chiqarishni tashkil etish, aholining, davolash-profilaktika muassasalarining dori-darmonlarga, biologik moddalarga, boshqa tibbiy va sanitariya-gigiyena mahsulotiga bo‘lgan ehtiyojini qondirishga oid tadbirlarni amalga oshirish;
farmatsevtika sanoatini kompleks rivojlantirish, ushbu tarmoq korxonalarini hududiy jihatdan joylashtirishni takomillashtirish, tabiatni muhofaza qilish siyosatini o‘tkazish masalalari yuzasidan davlat hokimiyati va boshqaruvning respublika hamda mahalliy organlari bilan hamkorlik qilish;
dorivor vositalar va ularni ishlab chiqarish texnologiyalarini yaratish sohasida O‘zbekiston Respublikasida Sog‘liqni saqlash vazirligi, boshqa vazirliklar va idoralar bilan birgalikda yagona ilmiy-texnika siyosatini o‘tkazish;
respublikamizda dorivor moddalar ishlab chiqarishni ko‘paytirish, xorijiy sheriklar bilan ilmiy-texnikaviy va iqtisodiy hamkorlikni takomillashtirish va kengaytirish hisobiga ularni chetdan xarid qilishni qisqartirish dasturini ishlab chiqish va izchil amalga oshirish.
4. O‘zbekiston Respublikasining Vazirlar Mahkamasi 20 kun muddat ichida “O‘zfarmsanoat” konsernini tashkil etish va uning faoliyati masalalariga doir qaror qabul qilsin, konsern tuzilmasi va Ustavini tasdiqlasin.