O‘zbekiston Respublikasi Prezidentining “Mahsulot taqsimoti va geologiya-qidiruv ishlari olib borish to‘g‘risidagi bitimlar doirasida investorlar tomonidan investitsiya majburiyatlari bajarilishini o‘rganish bo‘yicha Komissiya tashkil etish to‘g‘risida” 2008-yil 5-martdagi F-2945-son Farmoyishini amalga oshirish maqsadida Vazirlar Mahkamasi qaror qiladi:

1. Mahsulot taqsimotiga oid bitimlar va geologiya-qidiruv ishlari olib borish to‘g‘risidagi bitimlar doirasida tovarlar, ishlar va xizmatlarni xarid qilishda tanlovlar o‘tkazish tartibi to‘g‘risidagi nizom ilovaga muvofiq tasdiqlansin.

2. Belgilansinki, mahsulot taqsimoti to‘g‘risidagi bitimlar va geologiya-qidiruv ishlari olib borish to‘g‘risidagi bitimlar (keyingi o‘rinlarda “bitim” deb ataladi) doirasida kadrlar siyosatini amalga oshirishda:

bitim bo‘yicha ishlarni bajarishda investor tomonidan O‘zbekiston Respublikasining mehnat haqidagi qonunlariga va “Mahsulot taqsimotiga oid bitimlar to‘g‘risida”gi O‘zbekiston Respublikasi Qonuniga zid bo‘lmagan qismi yuzasidan operatorning yoki boshqa tashkilotlarning xodimlarini tanlash, yollash, ishdan bo‘shatish, rag‘batlantirish bo‘yicha investor o‘zining korporativ siyosatini qo‘llash huquqiga ega;

investor O‘zbekiston Respublikasi qonun hujjatlari talablariga va bitimga muvofiq O‘zbekiston Respublikasi fuqarolarining bitim bo‘yicha ishlarni bajarishga jalb etilishini ta’minlaydi;

operatorda yoki bitim bo‘yicha ishlarni bajarish uchun investor tomonidan tashkil etiladigan boshqa tashkilotda ishlash uchun investor tomonidan xizmat safariga yuboriladigan mutaxassislar, agar ularga moddiy boyliklar harakati bilan bog‘liq rahbarlik, tashkiliy, farmoyish beruvchi, nazorat-tekshirish funksiyalari yuklangan bo‘lsa, mansabdor shaxslar hisoblanadilar va O‘zbekiston Respublikasi qonun hujjatlarida belgilangan moddiy va boshqacha javobgar bo‘ladilar;

xizmat safariga yuborilgan xodimlar mehnatiga haq to‘lash boshqaruvchi qo‘mita tomonidan tasdiqlangan taqqoslanadigan lavozimlar uchun bir yildagi o‘rtacha oylik ish haqi darajasiga muvofiq xizmat safariga yuboruvchi investor tomonidan amalga oshiriladi. Bo‘sh lavozimlar mavjudligi hisobiga paydo bo‘ladigan tejash operatorning boshqa xizmat safariga yuborilgan xodimlariga taqsimlanmaydi yoki navbatdagi kalendar davrlarga o‘tkazilmaydi. Investor tomonidan xizmat safariga yuborilgan ayrim xodimlarga boshqaruvchi qo‘mita tomonidan tasdiqlangan taqqoslanadigan lavozimlar bo‘yicha bir yil uchun o‘rtacha oylik ish haqi darajalariga nisbatan ko‘payishga olib kelgan ish haqi belgilash to‘g‘risida qaror qabul qilinsa, ushbu ko‘paytirish miqdori qoplanmaydi;

operator tomonidan yoki bitim bo‘yicha ishlarni bajarish uchun investor tomonidan tashkil etiladigan boshqa tashkilot tomonidan jalb etiladigan xodimlarni moddiy va nomoddiy rag‘batlantirishning barcha to‘lovlari boshqaruvchi qo‘mita tomonidan tasdiqlanadigan budjetning tegishli moddalari doirasida amalga oshiriladi.

3. O‘zbekiston Respublikasi Iqtisodiyot vazirligi va “O‘zbekneftgaz” MXK mahsulot taqsimotiga oid bitimlarni va geologiya-qidiruv ishlari olib borish to‘g‘risidagi tuzilgan bitimlarni amalga oshirish bo‘yicha vakolatli organlar sifatida investorlar bilan muzokaralar olib borish asosida tegishli bitimlarga va boshqaruvchi qo‘mita tomonidan qabul qilinadigan ichki hujjatlarga ushbu qarordan kelib chiqadigan o‘zgartirish va qo‘shimchalarni kiritsinlar.

4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari E.R. Shoismatov zimmasiga yuklansin.

1. Ushbu Nizom neft-gaz operatsiyalarini olib borish jarayonida, shu jumladan neft va gaz sanoati sohasida mahsulot taqsimoti va geologiya-qidiruv ishlarini olib borish to‘g‘risidagi bitimlar (keyingi o‘rinlarda “bitimlar” deb ataladi) doirasida geologiya-qidiruv ishlarini olib borish jarayonida tovarlar, ishlar va xizmatlarni xarid qilishdagi asosiy talablarni belgilaydi.

2. Ushbu Nizomda quyidagi asosiy tushunchalar qo‘llaniladi:

tovarlar, ishlar va xizmatlarni xarid qilishni rejalashtirgan;

tovarlar, ishlar va xizmatlarni xarid qilish talabini bergan;

texnik shartlarni tayyorlagan;

tovarlarni yetkazib berish, ishlarni bajarish va xizmatlar ko‘rsatish muddatlarini belgilagan;

tanlov savdolari o‘tkazish bo‘yicha tashkiliy-texnik ishlarni bajargan operator yoki investor tomonidan vakil qilingan boshqa shaxs;

tijorat takliflari so‘rovi — tanlov bo‘yicha tanlash mavzusi hisoblangan tovarlar, ishlar va xizmatlarga qo‘yilgan talablar mavjud bo‘lgan hujjatlar turkumi va pudratchi (yetkazib beruvchi)ning texnik, tijorat, tashkiliy imkoniyatlariga qo‘yiladigan talablar;

investor — o‘z mablag‘larini, qarz olingan yoki jalb qilingan mablag‘larni (mol-mulk) va (yoki mulkiy huquqlarni) uglevodorodlarni izlash, qidiruv va qazish uchun kiritilayotgan investitsiya faoliyati subyekti, shuningdek uning huquqiy vorislari va yo‘l qo‘yiladigan sessionariylari;

malaka tanlovi — tanlov savdolarida qatnashishga ruxsat etish uchun talabgorlar buyurtmachining malaka talablariga muvofiqligini aniqlash maqsadida talabgorlarni tanlash. Malaka tanlovi pudratchilar (yetkazib beruvchilar)ni oldindan malaka tanlovi shaklida yoxud tanlov savdolarining birinchi bosqichi bilan birga o‘tkazilishi mumkin;

kontrakt — barcha ilovalar va qo‘shimchalar bilan birgalikda buyurtmachi bilan pudratchilar (yetkazib beruvchilar) o‘rtasida erishilgan va yozma shaklda qayd etilgan, taraflar imzolagan bitim (shartnoma);

raqobat varaqasi — tanlov qatnashchilari taqdim etgan narxlarning qiyosiy jadvallari va shart-sharoitlar mavjud bo‘lgan hujjat. Ushbu hujjat olingan tanlov yoki tijorat takliflari asosida ekspert komissiyasi tomonidan tuziladi;

tanlov — tanlov bo‘yicha tanlash yoki tanlov savdolari yo‘li bilan tovarlar, ishlar va xizmatlarni xarid qilish uchun pudratchini (yetkazib beruvchini) tanlash tartib-qoidasi;

tanlov bo‘yicha tanlash — buyurtmachining tegishli talablarini hisobga olgan holda tanlov bo‘yicha tanlash qatnashchilari tomonidan taqdim etilgan tijorat takliflari qiyoslanishini nazarda tutadigan tijorat takliflari so‘rovida bayon qilingan talablar va shartlarga muvofiq tovarning maqbul pudratchisini (yetkazib beruvchisini), ishlar va xizmatlarni bajaruvchini tanlash tartib-qoidasi;

tanlov savdolari — tanlov hujjatlarida nazarda tutilgan mezonlar va shartlarga muvofiq tovarning maqbul pudratchisini (yetkazib beruvchisini) ishlar va xizmatlarni bajaruvchini tanlash tartib-qoidasi;

tanlov buyurtmanomasi — tanlov taklifi tarkibidagi tijorat hujjatlarida yoki tijorat takliflari so‘rovida belgilangan talablarga muvofiq tanlovning aniq predmetiga nisbatan tanlov qatnashchisi tomonidan taqdim etilgan tovarlar, ishlar va xizmatlar qiymatini va bajarish yoki yetkazib berish muddatlarini belgilaydigan hujjat;

tanlov hujjatlari — tanlov savdolari predmeti hisoblangan tovarlar, ishlar va xizmatlarga, pudratchining (yetkazib beruvchining) texnik, moliyaviy va tashkiliy imkoniyatlariga, shuningdek tanlov savdolarini o‘tkazish shartlari va tartib-qoidasi to‘g‘risidagi axborotga qo‘yiladigan talablar mavjud bo‘lgan hujjatlar turkumi;

tanlov komissiyasi — bitim doirasida tovarlar, ishlar va xizmatlar xaridlari bo‘yicha tanlovlarni tashkil etish, o‘tkazish va tanlov natijalari bo‘yicha tegishli qarorni qabul qilish maqsadida buyurtmachi tomonidan tashkil etiladigan doimiy ishlaydigan komissiya bo‘lib, uning tarkibiga bitimni amalga oshirish bo‘yicha vakolatli organning va investorning vakillari ham kiritiladi. Agar tanlov komissiyasi majlisida uning ro‘yxatdagi tarkibining 70 foizi va undan ortig‘i qatnashsa tanlov komissiyasi majlisi huquqiy vakolatli hisoblanadi. Tanlov komissiyasining qarori majlisda qatnashganlarning oddiy ko‘pchilik ovozi bilan qabul qilinadi. Ovozlar teng bo‘lgan taqdirda raisning ovozi hal qiluvchi ovoz hisoblanadi;

tanlov taklifi — pudratchi (yetkazib beruvchi) tomonidan tanlov hujjatlarida belgilangan shartlarga muvofiq taqdim etilgan tanlov savdolarining predmetiga va pudratchi (yetkazib beruvchi)ning imkoniyatlariga nisbatan hujjatlar turkumi;

baholash mezonlari — tanlov qatnashchilarini tanlash, tanlov yoki tijorat taklifini baholash va savdolar g‘olibini tanlash uchun foydalaniladigan ko‘rsatkichlar;

yirik yoki murakkab tovarlar, ishlar va xizmatlar — xaridlarga bo‘lgan ehtiyojlarni qondirish uchun eng maqbul qarorni aniqlash uchun batafsil tavsiflarni shakllantirishning murakkabligi bilan farq qiladigan tovarlar, ishlar va xizmatlar;

mahalliy pudratchi (yetkazib beruvchi) — O‘zbekiston Respublikasining ishlar yoxud xizmatlarni bajarish bo‘yicha tovarlarni yetkazib beruvchi sifatida yoki pudratchi sifatida buyurtmachi tomonidan jalb qilinadigan yuridik yoki jismoniy shaxslari;

pudratchi — ishlar yoxud xizmatlarni bajaradigan tashkilot;

yetkazib beruvchi — tovarlarni yetkazib beradigan tashkilot;

ish — natijalari ashyoviy shaklga ega bo‘lgan hamda tashkilotlar va (yoki) jismoniy shaxslarning ehtiyojlarini qondirishi mumkin bo‘lgan faoliyat;

taklifning hisoblangan narxi — ekspert komissiyasi tomonidan tanlov hujjatlari talablariga muvofiq tanlov qatnashchilari tanlov buyurtmanomasiga kiritishlari kerak bo‘lgan ortiqcha narx va narxni hisobga oladigan tanlov buyurtmanomasiga tuzatish kiritish yo‘li bilan hisoblab chiqiladigan narx;

tovar — sotiladigan yoxud sotish uchun mo‘ljallangan har qanday mol-mulk, shu jumladan buyumlar, konstruksiyalar, asbob-uskunalarga butlovchi buyumlar, qattiq, suyuq va gazsimon holatdagi predmetlar, energiyaning barcha turlari, shuningdek, yetkazib beriladigan tovarlarga qo‘shimcha xizmatlar, agar ularning qiymati tovarning o‘z qiymatidan ortiq bo‘lmasa;

tovarlar, ishlar va xizmatlar xaridiga qo‘yiladigan talab (talab) — buyurtmachi tomonidan rasmiylashtirilgan, uning tovarlar, ishlar va xizmatlarni xarid qilishga ehtiyojini aks ettiradigan rasmiy hujjat;

vakolatli organ — davlat boshqaruvi organi yoki davlat korxonasi, yoxud davlat ulushi ellik bir foizdan kam bo‘lmagan korxona, O‘zbekiston Respublikasi qonunchiligi bilan O‘zbekiston Respublikasi nomidan bitimlarni bajarish bo‘yicha vakolatli organ sifatida belgilangan organ;

boshqaruvchi qo‘mita — bitim taraflarining o‘zaro hamkorligini ta’minlaydigan bitim doirasidagi boshqaruvning maxsus tashkil etilgan yuqori organi, qo‘mita tegishli bitimlar doirasida xaridlarni amalga oshirishda tanlovlar o‘tkazish bo‘yicha ichki hujjatlarni tasdiqlaydi;

xizmatlar — natijalari ashyoviy shaklga ega bo‘lmagan faoliyat, ushbu faoliyatni amalga oshirish jarayonida amalga oshiriladi va iste’mol qilinadi;

tanlov qatnashchisi — O‘zbekiston Respublikasi qonunchiligi yoxud u davlat ro‘yxatidan o‘tkazilgan mamlakat qonunchiligi bilan tanlovlarda qatnashishi taqiqlanmagan tanlov yoki tijorat taklifini taqdim etgan yuridik yoki jismoniy shaxs;

taklif narxi — tovarlar, ishlar va xizmatlar uchun pudratchi (yetkazib beruvchi)ning tanlov buyurtmanomasida taklif qilingan narx;

ekspert komissiyasi — tegishli ravishda tanlov yoki tijorat takliflarini batafsil baholash uchun har bir tanlov bo‘yicha tanlov komissiyasi yoki buyurtmachi tomonidan tashkil etiladigan organ. Ekspert komissiyasi tarkibiga zaruriyat bo‘lganda jalb etilgan ekspertlar kiritilishi mumkin.

3. Har xil tushunilishiga yo‘l qo‘ymaslik uchun ushbu Nizomda, bitimlarda va bitimlarni amalga oshirish uchun qabul qilingan boshqa hujjatlarda qo‘llaniladigan barcha atamalar va tushunchalardan bir xil tarzda foydalanilishi kerak.

4. Ushbu Nizom investorga, shuningdek operatorga yoki investor tomonidan vakil qilingan boshqa shaxsga (keyingi o‘rinlarda buyurtmachi deb ataladi)joriy etiladi va buyurtmachiga pudratchilarni (yetkazib beruvchilarni) tanlashda va kontraktlar tuzishda faqat tanlovlarning malaka, texnik va iqtisodiy natijalariga asoslanib xolisona qarorlar qabul qilish imkoniyatini beradi, bu tanlovning investor va (yoki) buyurtmachini talab etiladigan tovarlar, ishlar va xizmatlar bilan ta’minlashga qodir bo‘lgan har bir ishtirokchisiga tanlovda qatnashish uchun teng imkoniyat beradi.

5. Investor va (yoki) buyurtmachi tovarlar, ishlar va xizmatlarni xarid qilishga tanlovlarni o‘tkazishda quyidagi asos bo‘luvchi shartlarga amal qiladi:

takliflarning ko‘p variantliligi — bir necha pudratchilardan (yetkazib beruvchilardan) takliflarning bir vaqtda olinishi va qiyoslanishi;

adolatli bozor narxi — shu jumladan foydalanish xarajatlari qiymatini (iste’mol qilinadigan qiymat, energiya resurslari qiymati, texnik xizmat ko‘rsatish, ehtiyot qismlar va boshqalar) o‘z ichiga oladigan kontraktlarning muqobil bozor narxini ta’minlash;

tovarlar, ishlar va xizmatlar sifati — belgilangan texnik topshiriqlar yoki tovarlar, ishlar va xizmatlar yetkazib berilishiga qo‘yiladigan talablar bilan belgilangan sifat va texnik parametrlarga muvofiq tovarlar, ishlar va xizmatlarni sotib olish tovar qiymati qo‘shimcha ravishda ko‘paytirilishi hisobiga investor va buyurtmachi tomonidan taqdim etiladigan talablardan ortiq bo‘lgan takliflar tanlov shartlariga muvofiq sifatida qaralishi mumkin emas;

foydalaniladigan texnologiyalar va asbob-uskunalar bilan moslik — sotib olinadigan tovarlar, ishlar va xizmatlar imkoni boricha ularni joriy etish va ulardan foydalanish xarajatlarini pasaytirish maqsadida investor va buyurtmachi tomonidan foydalaniladigan texnologiyalar va asbob-uskunalar bilan mos bo‘lishi kerak;

texnika xavfsizligi, sog‘liqni va atrof muhitni muhofaza qilish — tovarlar, ishlar va xizmatlarning individual tavsiflari investor va buyurtmachining neft va gaz sanoati sohasida O‘zbekiston Respublikasi qonunchiligiga, sanoat xavfsizligini ta’minlash xalqaro amaliyotda qo‘llaniladigan texnik reglamentlarga yoki standartlarga, texnika xavfsizligiga, sog‘liq va atrof muhitni muhofaza qilishga asoslanadigan talablarga to‘liq hajmda muvofiq bo‘lishi kerak. Bunda tovarlarning qiymatini pasaytirish yoki sotib olish muddatlarini kamaytirish, ishlarni bajarish va xizmatlar ko‘rsatish tovarlar, ishlar va xizmatlar tavsiflarini texnik reglamentlar yoki standartlar talablaridan past bo‘lgan pasaytirish hisobiga amalga oshirmasligi kerak;

sug‘urta — O‘zbekiston Respublikasining qonunchiligi va bitimlar doirasida tovarlar, ishlar va xizmatlar xaridini amalga oshirish jarayonida investor va buyurtmachining mulkiy manfaatlarini va boshqa manfaatlarini sug‘urta qilish;

qonunchilikka rioya qilish — investor va buyurtmachining tovarlar, ishlar va xizmatlarni xarid qilishga kontraktlarni tayyorlash va amalga oshirish bo‘yicha faoliyati bitimlar hisobga olingan holda O‘zbekiston Respublikasi qonunchiligi doirasida amalga oshirilishi kerak;

tanlov qatnashchisining ishonchliligi — pudratchilar (yetkazib beruvchilar) amaliy nufuz, ish tajribasi, kontrakt majburiyatlarini bajarish va ularni tavsiflaydigan boshqa fazilatlarga nisbatan investor va buyurtmachining talablariga muvofiq bo‘lishi shart;

mahalliy pudratchilar (yetkazib beruvchilar)ning qatnashishi — investor va buyurtmachi O‘zbekiston Respublikasi qonunchiligi talablarini va zarur tovarlar, ishlar va xizmatlarni yetkazib berishga pudratchilar (yetkazib beruvchilar) sifatida O‘zbekiston Respublikasining yuridik shaxslarini jalb etish bo‘yicha bitimlarni bajarishi shart;

ochiqlik — investor va buyurtmachi O‘zbekiston Respublikasining qonunchiligi talablariga va bitimlarga muvofiq qatnashish uchun tanlovning barcha qatnashchilariga teng shart-sharoitlar yaratgan holda tovarlar, ishlar va xizmatlarni xarid qilishga tanlovlarni tayyorlash va o‘tkazish bo‘yicha o‘z faoliyati ochiqligini ta’minlaydilar;

samaradorlik — investor va buyurtmachi tovarlar, ishlar va xizmatlar xaridining maksimal darajada tejamkorligi va samaradorligini ta’minlaydilar.

6. Tovarlar, ishlar va xizmatlarni xarid qilish uchun buyurtmachi xarid ehtiyojlarini belgilaydi.

Agar bunda investor va buyurtmachi:

bu davr mobaynida xarid qilinadigan tovarlar, ishlar va xizmatlardan foydalaniladigan (bajariladigan) vaqt davrini belgilash;

bunday tovarlar, ishlar va xizmatlar spetsifikatsiyasini tuzish;

xarid qilinadigan tovarlar, ishlar va xizmatlar hajmini fizik miqdorlarda belgilash;

tovar yetkazib berish jadvallarini yoki ishlar va xizmatlarni bajarish jadvallarini tuzish;

xarid qilinadigan tovarlarning texnik va foydalanish tavsiflarini berish yoki bajariladigan ishlar va xizmatlarning batafsil bayoni va xususiyatini ko‘rsatish imkoniyatiga ega bo‘lsa investor va buyurtmachining tovarlar, ishlar va xizmatlarga bo‘lgan ehtiyoji moliyalashtirish bilan ta’minlanganligi xarid ehtiyojlari hisoblanadi.

Oy, yil choragi, yarim yillik va bir yil tavsiya etiladigan vaqt davrlari hisoblanadi. Bunda buyurtmachi bu davrda yuqorida sanab o‘tilgan pozitsiyalarni belgilash imkoniyati mavjud bo‘lgan uzoqroq vaqt davriga ustunlik berishi kerak.

Texnologiyalar o‘zgarishi (masalan, ofis texnikasi, dasturiy ta’minlash singari) munosabati bilan rivojlanish va modernizatsiya qilishning yuqori sur’atlari bilan bog‘liq bo‘lgan tovarlar, ishlar va xizmatlar bo‘yicha, shuningdek qiymati pudratchi (yetkazib beruvchi)ga bog‘liq bo‘lmagan sabablar bilan o‘zgargan tovarlar, ishlar va xizmatlarni sotib olishda qisqaroq vaqt davrlarini qabul qilish tavsiya etiladi.

Xarid ehtiyojlari ushbu Nizomning III va IV bo‘limlarida ko‘rsatilgan tuziladigan kontraktlar qiymatining eng past bo‘lgan chegaralarini kamaytirish maqsadida bo‘linishi mumkin emas. Ushbu talab tovarlar, ishlar va xizmatlarni xarid qilishning barcha shakllariga, shu jumladan xarid qilishga, bo‘lib-bo‘lib xarid qilishga, ijaraga, lizingga va hokazolarga cheklanmasdan joriy etiladi.

7. Boshqaruvchi qo‘mita tomonidan tasdiqlangan yillik ish dasturiga va budjetga kiritilgan xarid ehtiyojlariga muvofiq buyurtmachi tovarlar, ishlar va xizmatlarni xarid qilishga talabni tayyorlaydi.

Talab buyurtmachining belgilangan namunaviy shakli bo‘yicha rasmiylashtiriladi va buyurtmachining rahbari tomonidan tasdiqlanadi.

8. Talabda quyidagi ma’lumotlar mavjud bo‘lishi kerak:

talabning tartib raqami (buyurtmachi tomonidan beriladi);

uning uchun talab yoziladigan obyektning nomi va uning buxgalteriya shifri;

buyurtmachining bo‘linmasi nomi;

tovarlarni yetkazib berish, ishlarni bajarish va xizmatlar ko‘rsatishning mo‘ljallanayotgan sanasi;

tovarning zarur soni yoki ishlar va xizmatlar hajmi;

tovarlarni yetkazib berish, ishlar va xizmatlarni bajarish joyi;

tovarning zarur iste’mol xossalari tavsifi va nomi, shuningdek texnik reglamentlarga yoki standartlarga, TIF TN kodiga va hokazolarga havola qilgan holda, ishlarni, xizmatlarni bajarishga qo‘yiladigan talablar;

ishlar va xizmatlarni bajarish uchun zarur bo‘lgan tovarlarning to‘liq tavsifi (zarur bo‘lganda);

ishlar va xizmatlarni amalga oshirish uchun zarur bo‘lgan birlikning smeta qiymati, shuningdek har qaysi pozitsiya bo‘yicha umumiy qiymat (mavjud bo‘lganda);

buyurtmachining budjeti bo‘yicha tovarlar, ishlar va xizmatlar qiymati tavsifi (mavjud bo‘lganda);

buyurtmachining tegishli tarkibiy bo‘linmasi rahbarining nomi va imzosi, talabni tayyorlash sanasi;

talabni tasdiqlagan buyurtmachi rahbarining nomi va imzosi, tasdiqlash sanasi;

boshqa istalgan zarur axborot (buyurtmachining potensial pudratchilarga (yetkazib beruvchilarga) talabi, ishlarni bajarish uchun buyurtmachining asbob-uskunalarga qo‘yadigan talabi, bunday tovarlar, ishlar va xizmatlarga oldingi talablar, loyihalar va chizmalar, tovar unga mo‘ljallangan yoki ishlar bajariladigan tumanning iqlim xususiyatlari va hokazolar).

9. Buyurtmachi ushbu Nizomga muvofiq talab asosida zarur tovarlar, ishlar va xizmatlarni xarid qilishni tashkil etish ishlarini boshlaydi.

10. Bitta kontrakt bo‘yicha 100 mln.so‘mdan ko‘p bo‘lmagan summadagi tovarlar, ishlar va xizmatlarni xarid qilish buyurtmachi tomonidan tanlov o‘tkazmasdan amalga oshiriladi.

11. Kontraktning mo‘ljallanayotgan umumiy summasi ekvivalentda 100 mln so‘mdan ortiq bo‘lgan, lekin 400 mln so‘mdan ko‘p bo‘lmagan ortiq bo‘lmagan tovarlar, ishlar va xizmatlarni sotib olish bilan bog‘liq xaridlar tanlov bo‘yicha tanlash natijalariga ko‘ra buyurtmachi tomonidan kontrakt olinishiga kamida uch talabgorga (ular mavjud bo‘lgan taqdirda) tijorat takliflari so‘rovini yuborish va kamida ikki nafar talabgordan tijorat takliflarini o‘rganib chiqish buyurtmachi tomonidan o‘tkazilgan marketing tadqiqotlari asosida amalga oshiriladi, ushbu Nizomning VI bo‘limida nazarda tutilgan hollar bundan mustasno. Bunda kontraktlarni pudratchilarga (yetkazib beruvchilarga) berish tanlov komissiyasi tomonidan tasdiqlanadi.

Tovarlar, ishlar va xizmatlarni xarid qilishga talablar asosida tayyorlangan tijorat takliflari so‘rovida quyidagilar bo‘lishi kerak:

a) umumiy ma’lumotlar, shu jumladan:

ular bo‘yicha kontrakt tuzilishi zarur bo‘lgan tovarning, ishlar va xizmatlar turining tavsifi, shu jumladan tovarning yoki ishlar va xizmatlar turining zarur texnik tavsiflari, ularning tavsifi va sifatini aks ettiruvchi standartlar;

tovarning talab qilinadigan miqdori yoki ishlar va xizmatlar hajmi;

yetkazib beriladigan punktning batafsil nomi;

to‘lov shartlari (agar to‘lov shartlari buyurtmachi tomonidan belgilansa);

talab qilinadigan sertifikatsiya;

tovar qachon olinishi, ishlar va xizmatlar bajarilishi ko‘rsatilgan jadval;

ishga uchinchi tomonlarni (subpudratchilarni) jalb etish zarurligi va shartlari;

menejment va nazoratning afzal metodi;

istalgan boshqa zarur axborot (pudratchiga (yetkazib beruvchiga) qo‘yiladigan talablar, ishlarni bajarish uchun asbob-uskunalarga qo‘yiladigan talablar, loyihalar va chizmalar; tovarlar unga mo‘ljallangan va ishlar bajariladigan tumanning iqlim xususiyatlari va hokazolar);

tijorat taklifini taqdim etish zarur bo‘lgan muddat;

b) yetkazib berish shartlarini so‘rash, shu jumladan:

tovarlar, ishlar va xizmatlarning umumiy summasi;

tovarlar, ishlar va xizmatlar birligi narxi;

transportda tashish narxi;

sug‘urta qiymati;

to‘lov valyutasi;

to‘lov shartlari (agar to‘lov shartlari buyurtmachi tomonidan belgilanmasa);

INKOTERMSga muvofiq yetkazib berish bazisi;

yetkazib berish muddati;

istalgan boshqa zarur axborot (foydalanishning talab qilinadigan shartlari, tovarlar va ishlarga kafolatli muddat, tovarlarning xizmat qilish muddati, iste’mol qilinadigan quvvat (yoki boshqa foydalanish xarajatlari) ehtiyot qismlar bilan ta’minlash bo‘yicha omborxona mavjudligi, buyurtmachi faoliyat ko‘rsatadigan mintaqada tovarga kafolatli va kafolat davridan keyin xizmat ko‘rsatish bo‘yicha servis markazlari, o‘rab-joylash shakli, tovarning gabaritlari, og‘irligi va hokazolar);

tijorat taklifining amal qilish muddati.

12. Tijorat takliflari so‘rovi faqat ko‘rsatib o‘tilgan talablarga muvofiq tovarlarni yetkazib berishga, ishlarni bajarishga va xizmatlar ko‘rsatishga qodir bo‘lgan potensial pudratchilarga (yetkazib beruvchilarga) yuboriladi.

13. Potensial pudratchilar (yetkazib beruvchilar) tijorat takliflari so‘roviga muvofiq axborot mavjud bo‘lgan tijorat takliflarini rasmiylashtiradilar va buyurtmachiga yuboradilar.

Tijorat takliflarini berish muddati tamom bo‘lgan paytdan boshlab besh kalendar kun mobaynida buyurtmachi ekspert komissiyasini tashkil etadi. Ekspert komissiyasi tushgan tijorat takliflarini ko‘rib chiqadi va tijorat varaqasi tuzadi, unga:

yetkazib berish muddatlari;

to‘lov shartlari;

kafolat muddatlari;

texnik-iqtisodiy parametrlardagi farqlar;

yetkazib berish bazisi;

boshqa ko‘rsatkichlar hisobga olingan holda baholash ballari kiritiladi.

Ko‘rib chiqish yakunlari ekspert komissiyasi majlisining protokoli bilan rasmiylashtiriladi. Protokolga raqobat varag‘i qo‘shib qo‘yiladi. Ekspert komissiyasi majlisining protokolida pudratchini (yetkazib beruvchini) tanlash bo‘yicha ishlab chiqilgan asoslangan tavsiyalar aks ettiriladi. Nazorat varag‘i va ekspert komissiyasi majlisining protokoli komissiyaning barcha a’zolari tomonidan imzolanadi.

Ekspert komissiyasi majlisining protokolini, shuningdek pudratchilar (yetkazib beruvchilarning) tijorat takliflari nusxalarini o‘z ichiga olgan tayyorlangan hujjatlar ko‘rib chiqish uchun tanlov komissiyasiga taqdim etiladi. Tanlov komissiyasi taqdim etilgan hujjatlarni ko‘rib chiqib ekspert komissiyasining g‘olib chiqqan tijorat taklifini e’tirof etish to‘g‘risidagi qarorini tasdiqlash yoki tasdiqlamaslik to‘g‘risida qaror qabul qiladi yoxud boshqa qarorni qabul qiladi, bu haqda tanlov komissiyasi majlisining protokoli tuziladi. Protokol tanlov komissiyasining majlisda hozir bo‘lgan a’zolari tomonidan imzolanadi. Bunda kontrakt eng ko‘p baholash bali olgan pudratchiga (yetkazib beruvchiga) beriladi. Bir necha pudratchilar (yetkazib beruvchilar) takliflarining baholash ballari teng bo‘lgan taqdirda kontrakt mahalliy pudratchiga (yetkazib beruvchiga) beriladi. Tanlov komissiyasining pudratchini (yetkazib beruvchini) tanlashni tasdiqlash to‘g‘risidagi qarori mavjud bo‘lgan protokoli buyurtmachi uchun kontrakt loyihasini tayyorlash va pudratchilar (yetkazib beruvchilar) bilan muzokaralar olib borishga asos bo‘lib xizmat qiladi. Kontraktni imzolash bitimga va O‘zbekiston Respublikasi qonunchiligiga muvofiq buyurtmachi tomonidan tasdiqlanadigan shartnomalarni tayyorlash, kelishish, ro‘yxatga olish va hisobga olish tartibi to‘g‘risidagi nizomga muvofiq amalga oshiriladi.

14. Quyidagi hollarda, agar:

tijorat takliflarini berish muddati tamom bo‘lish vaqtiga kelib ikkitadan kam taklif tushsa, tanlov bo‘yicha tanlash g‘olibni pozitsiyalar bo‘yicha aniqlagan holda o‘tkazilgan taqdirda faqat ular bo‘yicha ikkitadan kam tijorat taklifi tushgan pozitsiyalarga nisbatan;

tushgan barcha tijorat takliflari tijorat takliflari so‘rovi shartlariga muvofiq bo‘lmasa tanlov bo‘yicha tanlash o‘tkazilmagan deb e’lon qilinadi.

15. Buyurtmachi tanlov bo‘yicha tanlash qatnashchilariga tanlov komissiyasi tomonidan tasdiqlangan tanlov bo‘yicha tanlash natijalarini, tijorat takliflaridan chetga chiqish va kontrakt tanlov bo‘yicha tanlash g‘olibiga berilishi sabablarini tushuntirishga majbur emas.

16. Mo‘ljallanayotgan umumiy qiymati 400 mln. so‘mdan ortiq bo‘lgan tovarlar, ishlar va xizmatlarni sotib olishga kontraktlar tanlov komissiyasi tomonidan tanlov savdolari natijalari bo‘yicha beriladi, ushbu Nizomning VI bo‘limida nazarda tutilgan hollar bundan mustasno.

17. Tanlov savdolarini tayyorlashda buyurtmachi tanlov savdolarini o‘tkazish shakli to‘g‘risida qaror qabul qiladi.

Tanlov savdolari:

ochiq shaklda (ommaviy axborot vositalarida e’lon qilgan holda);

yopiq shaklda (ommaviy axborot vositalarida e’lon qilmasdan) o‘tkazilishi mumkin.

Yopiq tanlov savdolari tovarlar, ishlar va xizmatlar yuqori darajada murakkabligi (yoki tor ixtisoslashuvi) bilan farqlangan va faqat pudratchilar (yetkazib beruvchilar)ning cheklangan soniga yetkazib berilishi yoki bajarilishi mumkin bo‘lgan hollarda o‘tkazilishi mumkin. Yopiq tanlov savdolari o‘tkazish to‘g‘risidagi qaror vakolatli organga (nusxasi — investorga) yuborilgan va tanlov savdolari qatnashchilarining taxmin qilinayotgan ro‘yxati mavjud bo‘lgan xat asosida vakolatli organ bilan kelishgan holda buyurtmachi tomonidan qabul qilinadi. Agar vakolatli organ bunday xat olingan sanadan boshlab o‘n kalendar kun mobaynida e’tiroz bildirmasa, yopiq tanlov savdolari o‘tkazish to‘g‘risidagi qaror vakolatli organ bilan kelishilgan deb hisoblanadi. Vakolatli organ va investor bunday yopiq tanlov savdolarining taxmin qilinayotgan qatnashchilari ro‘yxatini to‘ldirish huquqiga ega. Vakolatli organ yopiq tanlov savdolari o‘tkazilishiga e’tiroz bildirgan taqdirda yopiq tanlov savdolari o‘tkazilmaydi.

Ochiq yoki yopiq tanlov savdolari:

a) o‘tkazilgan dastlabki malaka tanlovi yoki dastlabki malaka tanlovisiz;

b) bir bosqichda yoki ikki bosqichda;

v) lotlarga bo‘lib yoki lotlarga bo‘lmasdan;

g) oshkora (tanlov savdolari natijalarini ommaviy axborot vositalarida e’lon qilgan holda) yoki nooshkora (ommaviy axborot vositalarida e’lon qilmagan holda) o‘tkazilishi mumkin.

18. Tanlov savdolari o‘tkazishda tovarlar, ishlar va xizmatlarni xarid qilishga qo‘yiladigan talablar asosida tayyorlangan tovarlar, ishlar va xizmatlar xarid qilishga tanlov hujjatlari ushbu Nizom asosida buyurtmachi tomonidan ishlab chiqiladi va tasdiqlanadi.

Tanlov hujjatlari umumiy, texnik va tijorat qismlaridan va kontraktning shaklidan iborat bo‘ladi.

Umumiy qism:

a) tanlov savdolarida qatnashishga taklifnomani;

b) tanlov savdolari qatnashchilariga yo‘riqnomani o‘z ichiga oladi, unda quyidagilar mavjud bo‘ladi:

tanlov savdolari o‘tkazilishiga nisbatan tushuntirish olish mumkin bo‘lgan tanlov komissiyasi ishchi organi vakilining manzili va u bilan aloqa bog‘lanadigan telefonlar;

tanlov komissiyasining nomiga yuboriladigan tanlov takliflari nusxalari soni haqidagi ko‘rsatma;

tanlov taklifini rasmiylashtirish tartibi va uni vizalashga qo‘yiladigan talablar;

tanlov taklifi tanlov komissiyasi qatnashchilariga taqdim etilgandan keyin tanlov taklifiga o‘zgartirishlarni kiritish va rasmiylashtirish tartibi;

narx va valyutani taqdim etish bo‘yicha ko‘rsatma;

tanlov taklifini tanlov komissiyasiga berish tartib-qoidasiga qo‘yiladigan talablar;

qayd etilgan vaqt davri mobaynida tanlov savdolari qatnashchisining tanlov taklifiga javob berilmasligini kafolatlaydigan tanlov taklifini ta’minlash miqdori, kiritish va qaytarish tartibi;

buyurtmachining xohishi bo‘yicha — tanlov savdolari natijalari bo‘yicha tuzilgan kontrakt bajarilishini ta’minlash miqdori, kiritish va qaytarish tartibi;

tanlov hujjatlari talablariga asoslangan taklif bilan birgalikda tanlov savdolari qatnashchilariga qarama-qarshi takliflar taqdim etish imkoni to‘g‘risidagi ma’lumotlar;

tanlov savdolari qatnashchisining dalillangan iltimosi mavjud bo‘lgan taqdirda tanlov savdolarini yopish sanasini ko‘chirish imkoniyati haqidagi ko‘rsatma;

o‘tkaziladigan tanlov savdolari doirasida tuziladigan istalgan hujjatlarning maxfiyligiga havola;

takliflar bildirilgan konvertlarni ochish tartib-qoidasi bayoni va tanlov komissiyasi g‘olibini aniqlash muddati.

Texnik qism tanlov savdolari predmetiga (qurish, rekonstruksiya qilish, loyihalashtirish, materiallar, konstruksiyalar va asbob-uskunalarni xarid qilish va hokazolar) bog‘liq ravishda ishlab chiqiladi.

Tijorat qismi quyidagilardan iborat bo‘ladi:

tanlov savdolari predmeti narxi, uni aniqlash tartibi;

ishlar (xizmatlar)ni bajarish va (yoki) tovarni yetkazib berish shartlari;

moliyalashtirish manbalari shartlari;

tanlov savdolari predmetini sotish muddati.

Tanlov savdolari predmetiga bog‘liq ravishda tanlov hujjatlarining tijorat qismiga tuzatishlar kiritilishi mumkin.

Kontraktning shakli quyidagilar yuzasidan:

kontraktning xalqaro savdo huquqining qabul qilingan normalariga muvofiqligi;

kontraktning O‘zbekiston Respublikasi qonunchiligiga muvofiqligi yuzasidan kontraktlarga qo‘yiladigan talablarga javob berishi kerak.

19. Ochiq tanlov savdolari o‘tkazish to‘g‘risida ommaviy axborot vositalarida e’lon berilgungacha yoki yakuniy ro‘yxatga kirgan tanlov savdolari qatnashchilariga tanlov savdolarida qatnashish uchun taklifnomalar jo‘natilgunga qadar buyurtmachi tomonidan baholash mezonlari ishlab chiqiladi va u tanlov komissiyasi tomonidan tasdiqlanadi.

20. Qoidaga ko‘ra, tanlov savdolari qatnashchisining buyurtmachining tovarlar, ishlar va xizmatlarni yetkazib berish bilan bog‘liq talablarini qondirish imkoniyatini tavsiflaydigan tanlov savdolari qatnashchisining professional yaroqliligi, shu jumladan:

tanlov savdolari qatnashchisining moliyaviy ahvoli;

xalqaro ish tajribasiga ega ekanligi;

texnika bilan jihozlanganligi (ta’minlanganligi);

mintaqaviy infratuzilma mavjudligi;

buyurtmachi uchun ishlarni bajaradigan pudratchi (yetkazib beruvchi) va (yoki) uning subpudratchilari xodimlarining kasbiy darajasi;

sanoat xavfsizligi normalariga, mehnatni va atrof muhitni muhofaza qilishga rioya qilish;

taqdim etiladigan tovarlar, ishlar va xizmatlarning sertifikatsiyasi va sifati texnik baholashning mezoni bo‘lib xizmat qiladi.

21. Qoidaga ko‘ra:

tovarlar, ishlar va xizmatlar qiymati va ularning asoslanganligi;

tovarlarni yetkazib berish, ishlar va xizmatlarni taqdim etish jadvali;

to‘lovlar shartlari va jadvali;

foydalanish xarajatlarini pasaytirish bo‘yicha muqobil taklif;

tanlov savdolarining ushbu qatnashchisi taklifi qabul qilingan taqdirda ishlarni loyihalashtirish va bajarish davomida buyurtmachining qo‘shimcha chiqimlari tijoratga oid baholash mezonlari hisoblanadi.

22. Obyektlarni qurish bo‘yicha qurilish-montaj ishlarini amalga oshirish uchun pudratchilarni aniqlash bo‘yicha tanlov savdolari faqat ushbu obyektlar bo‘yicha qonunchilikda belgilangan tartibda davlat ekspertizasining ijobiy xulosasini olgan loyiha-smeta hujjatlari mavjud bo‘lgan taqdirda o‘tkazilishi mumkin.

Agar obyektlarni qurish bo‘yicha qurilish-montaj ishlarini olib borishga tanlov savdolari o‘tkazish doirasida dastlabki malaka tanlovi amalga oshirilgan taqdirda, buyurtmachi loyiha-smeta hujjatlariga majburiy davlat ekspertizasining ijobiy xulosasi olingunga qadar dastlabki malaka tanlovini o‘tkazish huquqiga ega.

23. Tanlov savdolarini oldindan tayyorlash bosqichida buyurtmachi tomonidan vaqtning ushbu davrida buyurtmachining tanlov savdolari predmeti hisoblangan tovarlar, ishlar va xizmatlarni yetkazib berish bo‘yicha talablarini qondirish uchun potensial pudratchilar (yetkazib beruvchilar)ning real texnik va moliyaviy imkoniyatlarini aniqlash maqsadida bozor marketing jihatidan tadqiq etiladi va potensial pudratchilar (yetkazib beruvchilar)ning imkoniyatlari baholanadi.

Buyurtmachi potensial pudratchilar (yetkazib beruvchilar)ning imkoniyatlarini baholashni pudratchi (yetkazib beruvchi) to‘g‘risidagi quyidagi ma’lumotlar asosida amalga oshiradi:

xo‘jalik faoliyati turi (sanoat, savdo, transport-ekspeditorlik, injiniring va hokazo);

aksiyadorlik kapitalining miqdori, uning aksiyalar mulkdorlari o‘rtasida taqsimlanishi, aksiyalar nazorat paketining tegishliligi;

biznesning joriy holati: aktivlar miqdori, aylanma mablag‘lar, xodimlar soni, mahsulot ishlab chiqarish hajmi va hokazolar;

ishlab chiqariladigan yoki sotiladigan tovarlar, ishlar va xizmatlar turlari, ixtisoslashuv yo‘nalishlari va hokazolar;

buyurtmalarga davlat va bank kafolatlari olish imkoniyati;

nufuzi va xalqaro bozordagi ish tajribasi;

moliyaviy holati;

mahsulot sifatini tekshirish usullari;

texnik asbob-uskunalarning holati;

energiya resurslari, xom ashyo va materiallar bilan ta’minlash;

omborga joylashtirish, o‘rash-joylash, saqlashni tashkil etish;

kvotalar, litsenziyalar;

o‘zaro hisob-kitoblarni erkin muomaladagi valyutada amalga oshirish uchun banklarda valyuta hisob raqamlari mavjudligi.

Yuqorida sanab o‘tilgan ma’lumotlar olingandan va o‘rganib chiqilgandan keyin buyurtmachi tanlov komissiyasi uchun aniq pudratchilarni (yetkazib beruvchilarni) tanlov savdolarida qatnashishga jalb etishning maqsadga muvofiqligi yoki maqsadga muvofiq emasligi bo‘yicha tavsiyalarni shakllantiradi. Buyurtmachi tegishli malaka talablariga muvofiq bo‘lgan pudratchilar (yetkazib beruvchilar)ning eng ko‘p soni tanlovda qatnashish uchun jalb qilinishiga intilishi kerak.

24. Bozorning marketing tadqiqotlari natijalari, potensial pudratchilar (yetkazib beruvchilar)ning real texnik va moliyaviy imkoniyatlarini, buyurtmachi va investorlarning o‘zaro daxldor kompaniyalarning ushbu pudratchilar (yetkazib beruvchilar) ish tajribasini o‘rganish bo‘yicha ularning tovarlar, ishlar va xizmatlar aniq turlarini bajarish va yetkazib berish bo‘yicha imkoniyatlari, yetkazib beriladigan tovarlar, ishlar va xizmatlar sifati hamda kontrakt majburiyatlarini bajarish intizomi ko‘rsatilgan holda potensial pudratchilar (yetkazib beruvchilar) bo‘yicha ma’lumotlarning xolisona bazasi tuziladi.

Tanlov komissiyasi malaka tanlovi bosqichida, agar ma’lumotlar bazasi asosida tanlov savdolari qatnashchisi buyurtmachi tomonidan tanlov savdosi qatnashchisiga qo‘yiladigan talablarga javob bermaydigan sifatida aniqlangan bo‘lsa, tanlov savdolari qatnashchisining tanlov taklifini rad etish huquqiga ega.

25. Tanlov savdolarida O‘zbekiston Respublikasi qonunchiligi yoxud uni ro‘yxatdan o‘tkazgan mamlakat qonunchiligida tanlov savdolarida qatnashishi taqiqlanmagan va tanlov hujjatlarida ko‘rsatilgan buyurtmachining talablarini qoniqtiradigan yuridik va jismoniy shaxs qatnashishi mumkin.

26. Tanlov savdolarida alohida tashkilot yoki ikki yoki undan ortiq sheriklardan iborat bo‘lgan konsorsium, agar u quyidagi talablarni bajarsa, qatnashishi mumkin:

a) tanlov hujjatlarida nazarda tutilgan barcha sheriklarga tatbiqan hujjatlarni, shu jumladan konsorsium sheriklari o‘rtasidagi bitimni taqdim etadi;

b) konsorsium a’zolaridan birini yetakchi sherik etib tayinlaydi, u barcha vakolatlarga, shu jumladan kontraktlar tuzish vakolatiga ega bo‘lishi, majburiyatlar olishi va istalgan sherikning va birgalikda barcha sheriklarning topshirig‘i bo‘yicha ular nomidan va topshirig‘i bo‘yicha ko‘rsatma olishi kerak;

v) barcha sheriklar birgalikda va alohida kontrakt shartlariga muvofiq kontrakt bajarilishi uchun javob beradi, bunda kontrakt bajarilishi uchun umuman yetakchi sherik javob beradi;

g) kontraktni bajarish bo‘yicha barcha xatti-harakatlar, shu jumladan to‘lov va kontraktni bajarish chog‘ida paydo bo‘ladigan nizolarni hal etish faqat yetakchi sherik tomonidan sodir etiladi;

d) konsorsium sheriklari o‘rtasidagi bitim shunday tuzilishi kerakki, unda quyidagilar aniq ko‘rsatilgan bo‘lishi lozim:

kontrakt bajarilishi uchun sheriklarning jamoaviy va yakka tartibdagi javobgarligi qabul qilinishi bo‘yicha majburiyatlar;

konsorsium xatti-harakatini tartibga soladigan barcha cheklovlar;

har bir qatnashchi tomonidan bajarilgan ishlar hajmi va turlari;

kontraktni bajarishda sheriklar o‘rtasidagi o‘zaro hisob-kitoblarga tegishli barcha masalalarning tartibga solinganligi;

yetakchi sherikka konsorsium nomidan ish ko‘rish vakolatlari berilishi.

27. Tanlov savdolari maqsadlari uchun pudratchilar (yetkazib beruvchilar)ning malaka tanlovi o‘tkazilishi mumkin. Malaka tanlovi pudratchilar (yetkazib beruvchilar)ning dastlabki malaka tanlovi shaklida o‘tkazilishi mumkin, yoxud tanlov savdolarining birinchi bosqichiga qo‘shib o‘tkazilishi mumkin.

28. Ochiq tanlov savdolari o‘tkazilgan taqdirda dastlabki malaka tanlovi to‘g‘risidagi e’lon ommaviy axborot vositalarida beriladi. E’lon chiqqan sana bunday ochiq tanlovlar e’lon qilingan sana hisoblanadi.

29. Agar buyurtmachi tomonidan ushbu Nizomning 17-bandida nazarda tutilgan tartibda vakolatli organ bilan kelishuv bo‘yicha yopiq tanlov savdolari o‘tkazish to‘g‘risida qaror qabul qilinsa, u holda buyurtmachi tomonidan ma’lumotlar bazasi va bozorning marketing tadqiqotlari asosida ushbu Nizomning 23—25-bandlarida nazarda tutilgan tartibda dastlabki malaka tanlovini o‘tkazish uchun talabgorlar ro‘yxati tayyorlanadi va tasdiqlanadi. Talabgorlar ro‘yxati tuzilgandan va tanlov komissiyasi tasdiqlagandan keyin buyurtmachi barcha talabgorlarga dastlabki malaka tanlovida qatnashish to‘g‘risidagi taklifnomani, to‘ldirish uchun belgilangan namunadagi zarur shakllarni va tanlov komissiyasiga taqdim etish uchun zarur bo‘lgan hujjatlar ro‘yxatini yuboradi.

30. Buyurtmachi tomonidan bunday dastlabki malaka tanlovida qatnashish uchun zarur bo‘lgan hujjatlar va materiallar dastlabki malaka tanlovi qatnashchilari tomonidan tayyorlanishi va taqdim etilishi uchun ajratiladigan muddat zarur ma’lumotlarni tayyorlash uchun yetarli bo‘lishi, biroq o‘ttiz kalendar kundan kam bo‘lmasligi kerak.

31. Talabgorlar dastlabki malaka tanlovida qatnashish uchun yuborilgan taklifnomada belgilangan muddat mobaynida buyurtmachiga to‘ldirilgan shakllarni va malaka tanlovida qatnashish uchun yuborilgan taklifnomada mavjud bo‘lgan ro‘yxat bo‘yicha hujjatlarning nusxalarini yuboradilar.

32. Talabgorlardan dastlabki malaka tanlovi uchun olingan hujjatlarni tahlil qilish va o‘rganishni tanlov komissiyasi tomonidan tayinlangan ekspert komissiyasi amalga oshiradi. Bunda tanlov predmeti hisoblangan buyurtmalarni bajarishda pudratchilar (yetkazib beruvchilar)ning vakolatlarini, tajribasi va ishonchliligini tasdiqlaydigan quyidagi hujjatlar va ko‘rsatkichlarni o‘rganish va tekshirishga alohida e’tibor beriladi:

pudratchi (yetkazib beruvchi)ning moliyaviy ahvoli;

pudratchi (yetkazib beruvchi)da amalga oshirilishiga litsenziyalar, ruxsatnomalar, yo‘l qo‘yishlar, sertifikatlar talab qilinadigan ishlar turlariga ana shunday litsenziyalar, ruxsatnomalar, ijozatnomalar, sertifikatlar va hokazolar mavjudligi;

pudratchi (yetkazib beruvchi)ning xalqaro bozordagi ish tajribasi;

pudratchi (yetkazib beruvchi) tomonidan tanlovga qo‘yilgan kontraktlarga o‘xshash kontraktlar bo‘yicha bajarilgan yetkazib berishlar va ishlari hajmi;

pudratchi (yetkazib beruvchi)ning tovarlari, ishlari va xizmatlari iste’molchilari ro‘yxati, shunga o‘xshash kontraktlar bo‘yicha ularning rekvizitlari ko‘rsatilgan holda;

tovarlarni tayyorlash va ishlarni bajarish yoki xizmatlar ko‘rsatish uchun foydalaniladigan texnologik asbob-uskunalarning holati;

pudratchi (yetkazib beruvchi) va (yoki) uning subpudratchilari xodimlarining malakasi;

pudratchi (yetkazib beruvchi)ning buyurtmachini qoniqtiradigan sifat va muddatlarda tovarlarni yetkazib berish, ishlarni bajarish va xizmatlar ko‘rsatish layoqati;

mahsulot va ishlar sifatini nazorat qilish uchun pudratchilar (yetkazib beruvchilar) tomonidan foydalaniladigan usullar, texnologiyalar va asbob-uskunalar;

pudratchilar (yetkazib beruvchilar) tomonidan kontraktlar bajarilishini ta’minlash sifatida buyurtmachi uchun maqbul bo‘lgan kafolatlar berilishi imkoniyati;

O‘zbekiston Respublikasi qonunchilikka rioya qilishga tayyorlik;

O‘zbekiston Respublikasidagi ish tajribasi;

ishga mahalliy pudratchilar (yetkazib beruvchilar)ni, shuningdek O‘zbekiston Respublikasi fuqarolarini jalb etishga va ularning malakasini oshirishga tayyorlik;

sanoat xavfsizligi, mehnatni va atrof muhitni muhofaza qilish sohasida texnik reglamentlar yoki standartlar talablariga va talablarga rioya etish;

boshqa hujjatlar va ko‘rsatkichlar.

33. Tanlovda qatnashishga qayta tashkil etish (qo‘shish, birlashtirish, bo‘lish, ajratish, qayta o‘zgartirish), tugatish yoki to‘lovga qobiliyatsizlik jarayonida turgan potensial pudratchilar (yetkazib beruvchilar) qo‘yilmaydi.

34. Tanlov savdolari qatnashchilari manfaatlar nizosi mavjudligi aniqlangan taqdirda ular tanlovdan chiqarilishi mumkin.

Agar tanlov savdolarining ayrim qatnashchilari quyida sanab o‘tilgan shartlarning bittasiga yoki bir nechtasiga javob bergan taqdirda, manfaatlar nizosi mavjudligi belgilangan deb hisoblanadi:

a) ushbu qatnashchilarning nazorat paketlariga egalik qiladigan umumiy aksiyadorlar mavjud;

b) qatnashchilarning istalgan biridan to‘g‘ridan-to‘g‘ri yoki bilvosita pul mablag‘lari oladilar yoki oldilar;

v) tanlov savdolari ma’lumotlari bo‘yicha ayni bir vakilga ega;

g) bir-birlari bilan ularni ular boshqa qatnashchining tanlov taklifi to‘g‘risidagi ma’lumotlarga ega bo‘lgan yoki bunday taklifga ta’sir ko‘rsatishi yoki ushbu tanlov savdolari bilan bog‘liq buyurtmachining qaroriga ta’sir ko‘rsatishi mumkin bo‘ladigan holatga tushirib qo‘yadigan o‘zaro munosabatlarga, to‘g‘ridan-to‘g‘ri yoki umumiy uchinchi tomon orqali munosabatlarga ega.

Qatnashchi faqat bitta tanlov taklifi berishi mumkin. Agar u bittadan ortiq tanlov taklifi bersa yoki bir nechta tanlov takliflarida qatnashsa (subpudrat bundan mustasno), uning ishtirokidagi barcha tanlov takliflari rad etiladi.

35. Talabgorlarni baholashning yakuniy hujjati tanlov qatnashchilari tomonidan taqdim etilgan hujjatlarni ko‘rib chiqish bo‘yicha ekspert komissiyasi majlisining protokoli shaklida tuziladi va u quyidagi umumlashmalarni o‘z ichiga oladi:

potensial pudratchilar (yetkazib beruvchilar) to‘g‘risidagi ma’lumotlar;

pudratchilar (yetkazib beruvchilar)ning javoblarini baholashning yig‘ma jadvali;

tanlov qatnashchilari ro‘yxatiga kiritish uchun tavsiya qilinadigan potensial pudratchilar (yetkazib beruvchilar) va tanlashga ta’sir ko‘rsatgan omillar;

tanlov qatnashchilari ro‘yxatiga kirmagan potensial pudratchilar (yetkazib beruvchilar) rad etilishi sabablarini asoslash;

36. Ekspert komissiyasining dastlabki malakali tanlov to‘g‘risidagi protokoli va tanlov qatnashchilari ro‘yxati tanlov komissiyasi majlisida tasdiqlanadi.

37. Dastlabki malaka tanlovida qatnashgan barcha talabgorlarga uning natijalari to‘g‘risidagi bildirishnoma yuboriladi.

38. Buyurtmachi potensial pudratchilarga (yetkazib beruvchilarga) ularning dastlabki malaka tanlovidan o‘tmaganlik sabablarini tushuntirib berishga majbur emas.

39. Malaka tanlovi tanlov savdolarining birinchi bosqichi bilan birga o‘tkazilgan taqdirda tanlov qatnashchilari malakasini baholash natijalarini o‘rganish, tahlil qilish, baholash va tasdiqlash ushbu Nizomning 32—38-bandlarida nazarda tutilgan tartibga o‘xshash tarzda amalga oshiriladi.

40. Tanlov savdolari pudratchini (yetkazib beruvchini) tanlash bo‘yicha qaror qabul qilish uchun asos hisoblanadi. Tanlov savdolari qatnashchilari soni ikki nafardan kam bo‘lishi mumkin emas. Ularning hammasi buyurtmachining talabiga javob berishi hamda tanlov savdolarida qatnashishga ham, kontraktni bajarishga ham tayyor ekanligini namoyon qilishlari kerak. Tanlov savdolari qatnashchilarining yakuniy ro‘yxati malakali tanlab olish natijalari bo‘yicha shakllantiriladi va tanlov komissiyasi tomonidan tasdiqlanadi. Bunda tanlov savdolari qatnashchilarining yakuniy ro‘yxatiga faqat shunday malakali tanlab olishdan o‘tgan talabgorlar kiritilishi kerak.

41. Buyurtmachi tomonidan tanlov savdolari qatnashchilariga tanlov takliflarini tayyorlashga va berishga ajratiladigan muddat e’lon chop etilgan yoki tovarlar, ishlar va xizmatlarni sotib olish yuzasidan tanlovda qatnashishga taklifnoma jo‘natilgan (yopiq tanlov savdolari o‘tkazilgan hollarda) kundan boshlab kamida o‘ttiz kalendar kunni tashkil qilishi kerak. Yirik yoki murakkab tovarlar, ishlar va xizmatlarga nisbatan ushbu muddatlar buyurtmachi tomonidan to‘qson va undan ko‘p kalendar kungacha uzaytirilishi mumkin.

42. Tanlov takliflarining amal qilish muddatlari va buyurtmachi tomonidan belgilanadigan sotib olish muddatlaridan tanlov har qanday qatnashchisiga nisbatan kamsitish maqsadlarida foydalanilmasligi kerak. Favqulodda hollardagina tanlov komissiyasi tanlov qatnashchilariga ular bergan tanlov takliflarining amal qilish muddatini muayyan davrga uzaytirishni tavsiya etishi mumkin. O‘z taklifining amal qilish muddatini uzaytirishga rozi bo‘lgan tanlov qatnashchisi o‘z tanlov taklifining mazmuniga va mohiyatiga o‘zgartirish kiritish huquqiga ega emas, lekin tanlov taklifi ta’minlanishining amal qilish muddatini uzaytirishi kerak. O‘z taklifining amal qilish muddatini uzaytirishni rad etgan tanlov qatnashchisi tanlov taklifi bo‘yicha berilgan ta’minlash huquqini yo‘qotmaydi.

43. Qatnashchidan ochiq tanlov savdolarida qatnashish yuzasidan buyurtmanoma olingandan keyin, dastlabki malaka tanlovi o‘tkazilgan taqdirda esa — tanlov savdolari qatnashchilarining yakuniy ro‘yxati tasdiqlangandan keyin buyurtmachi ularga tanlov savdolarida qatnashishga taklifnomani va tanlov hujjatlari paketini yuboradi. Tanlov savdolari qatnashchilari tanlov hujjatlarida ko‘rsatilgan muddat mobaynida o‘zining tanlov takliflarini tanlov hujjatlari talablarini hisobga olgan holda tayyorlaydi va buyurtmachiga yuboradi.

44. Yopiq tanlov savdolari o‘tkazilgan taqdirda buyurtmachi aniq talabgorlarni tanlov savdolarida qatnashishga taklifnomani yubormaslik yoki qaytarib olish to‘g‘risidagi asoslangan qarorni tanlov takliflari berish uchun tanlov hujjatlarida belgilangan vaqtning yarmi o‘tishidan kech bo‘lmagan muddatda qabul qilishga haqlidir. Bunda vakolatli organning tavsiyasiga ko‘ra bunday tanlov savdolarining mo‘ljallanayotgan qatnashchilari varaqasiga kiritilgan talabgorlarning tanlov savdolarida qatnashishga taklifnomani vakolatli organ bilan oldindan kelishib olmasdan yubormasligiga yoki qaytarib olishiga yo‘l qo‘yilmaydi.

45. Buyurtmachi tanlov takliflarini berish muddati o‘tgungacha tanlov hujjatlariga o‘zgartirish va qo‘shimchalarni, ular to‘g‘risida tanlov qatnashchilarini darhol xabardor qilgan holda, zaruriyat bo‘lganda, tanlov qatnashchilari tomonidan o‘zlarining tanlov takliflariga tuzatishlar kiritishi uchun yetarli bo‘lgan vaqtga tanlov takliflari berish muddatini uzaytirgan holda kiritishga haqlidir.

46. Tanlov savdolari quyidagi hollarda o‘tkazilmagan deb e’lon qilinadi:

tanlov takliflarini berish muddati tugaydigan vaqtgacha ikkitadan kam tanlov taklifi tushgan taqdirda. Agar tanlov savdolari lotlarga taqsimlagan holda o‘tkazilsa, tanlov savdolari ular bo‘yicha ikkitadan kam tanlov taklifi tushgan lotlarga nisbatangina o‘tkazilmagan deb e’lon qilinadi;

tushgan barcha tanlov takliflari tanlov hujjatlari shartlariga muvofiq bo‘lmagan taqdirda;

tanlov komissiyasi tomonidan asoslangan boshqa vaziyatlar paydo bo‘lgan taqdirda.

47. Tanlov savdolarining o‘tkazilmagan deb e’lon qilinishi qatnashchilardan birontasining ham mulkiy yoki boshqacha tusdagi javobgarligiga olib kelmaydi.

48. Agar tanlov savdolari o‘tkazilmagan deb e’lon qilinsa, takroriy tanlov savdolari o‘tkaziladi, bunda tanlov hujjatlari shartlarining qayta ko‘rib chiqilishiga yo‘l qo‘yiladi yoki vakolatli organ bilan kelishilgan holda tovarlar, ishlar va xizmatlar tanlov o‘tkazmasdan, ushbu Nizomning VI bo‘limida nazarda tutilgan tartibda sotib olinadi.

49. Tanlov hujjatlari bo‘yicha biron-bir tushuntirish olishi, shu jumladan tanlov takliflarini berish muddatini uzaytirish to‘g‘risida iltimos qilishi zarur bo‘lgan tanlov savdolari qatnashchisi tanlov takliflarini berish muddati tugashidan besh kalendar kundan kech bo‘lmagan muddatda bunday tushuntirishlar olish uchun tanlov hujjatlarida ko‘rsatilgan manzillar bo‘yicha buyurtmachiga yozma shaklda (xat, telegramma, faks yoki elektron pochta bo‘yicha) murojaat qilishi mumkin.

Buyurtmachi ko‘rsatib o‘tilgan muddatdan kechikmay olingan so‘rovlarni ko‘rib chiqadi va so‘rov muallifi ko‘rsatilmagan holda tanlovning barcha qatnashchilariga jo‘natiladigan yozma javob beradi.

50. Tanlov savdolari qatnashchilari tanlov savdolari predmeti yoki unga yo‘riqnomalar bo‘yicha paydo bo‘lishi mumkin bo‘lgan savollarga tushuntirishlar va javoblar olish maqsadida dastlabki uchrashuvga taklif etilishi mumkin (agar bunday tartib tanlov hujjatlari shartlarida nazarda tutilgan bo‘lsa). Bunday uchrashuvlar bo‘yicha majburiy ravishda protokol rasmiylashtirilishi kerak.

Tanlov savdolari qatnashchilari, imkoniyatga qarab, o‘zlarining barcha savollarini buyurtmachi ularni belgilangan uchrashuvgacha bir haftadan kechikmay olishi uchun yozma ravishda yuborishi kerak.

Berilgan savollarning va olingan javoblarning, shuningdek uchrashuvdan keyin tayyorlangan barcha javoblarning matnlari tanlov savdolarining tanlov savdolarida qatnashishga taklifnoma olishgan barcha qatnashchilariga taqdim etiladi. Tanlov hujjatlariga o‘tkazilgan uchrashuv natijalarida paydo bo‘ladigan tuzatishlar kiritishga buyurtmachi tomonidan savdolar qatnashchilariga albatta jo‘natish yo‘li bilan yo‘l qo‘yilishi mumkin.

Og‘zaki yoki boshqacha shaklda amalga oshirilgan, lekin savdolar qatnashchilariga bildirishnoma tarzida yuborilmagan aniqlashtirishlar, o‘zgartirishlar, yo‘riqnomalar yuridik kuchga ega bo‘lmaydi va tanlov qatnashchilarining e’tirozlari uchun asos bo‘lishi mumkin emas.

51. Tanlov savdolari qatnashchisining dastlabki uchrashuvga kelmasligi uning tanlov savdosidan chiqarilishiga sabab bo‘lishi mumkin emas.

52. Tanlovni o‘tkazish muddatlari o‘zgargan taqdirda buyurtmachi tanlovning barcha qatnashchilariga yozma shaklda tegishli bildirishnoma yuboradi. Tanlov qatnashchisi tanlov taklifini muddatni bunday uzaytirish buyurtmachi tomonidan e’lon qilingungacha bergan taqdirda u taklifni qayta ko‘rib chiqish uchun qaytarib olishga haqlidir.

53. Tanlov takliflari tanlov qatnashchilari tomonidan tanlov hujjatlarida ko‘rsatilgan manzil bo‘yicha, tanlov takliflarini qabul qilib olish tugaydigan sana va vaqtdan kechikmay yuborilishi kerak. Tanlov takliflarini qabul qilib olishning tugashi va ularni ochish o‘rtasidagi vaqt bir soatdan oshmasligi kerak. Tanlov takliflarini berishning belgilangan muddatidan kechikib tushgan tanlov takliflari tanlov komissiyasi tomonidan ko‘rib chiqilmaydi. Potensial pudratchi (yetkazib beruvchi) tanlov takliflari tarkibida tanlov hujjatlarida ko‘rsatilgan miqdorda, lekin uning tanlov buyurtmanomasida ko‘rsatilgan narxning ikki foizidan ko‘p bo‘lmagan miqdorda tanlov taklifi ta’minlanishini taqdim etadi. Bunda ta’minlanishning amal qilish muddati tanlov taklifi amal qiladigan muddatdan kam bo‘lishi mumkin emas.

54. Tanlov savdolari qatnashchilaridan olingan tanlov takliflari buyurtmachi tomonidan ular olingan sanani va vaqtni ko‘rsatgan holda ro‘yxatdan o‘tkazilishi kerak. Tanlov taklifini taqdim etish sanasi buyurtmachining pochta jo‘natmasini topshirish to‘g‘risidagi bildirishnomasidagi yozuvi bo‘yicha yoki choparning tilxati (yuk xati)da ko‘rsatilgan vaqt bo‘yicha yoki hujjatlarni qabul qilib olish reyestrida ko‘rsatilgan sana bo‘yicha tanlov savdolari qatnashchisi vakilining imzosi mavjud bo‘lganda — tanlov taklifi bevosita yetkazib berilgan taqdirda aniqlanadi. Tanlov takliflari tanlov hujjatlarida ko‘rsatilgan ularni ochish sanasigacha ochilmagan holda saqlanadi va tanlov savdolarini qabul qilib olish va ro‘yxatdan o‘tkazish uchun javob beradigan buyurtmachining xodimidan tashqari har qanday shaxsning undan foydalanishga yo‘l qo‘yilmaydigan joyda saqlanadi.

55. Ichida tanlov takliflari mavjud bo‘lgan konvertlar ochilgandan keyin ularni saqlanishi uchun tanlov komissiyasining kotibi yoki komissiya vakil qilgan boshqa shaxs javob beradi.

56. Tushgan tanlov takliflari paketlari tanlov komissiyasi kotibi tomonidan tanlov komissiyasi a’zolari, buyurtmachi ishtirokida ochiladi va tanlov savdolari qatnashchilarining vakolatli vakillari tomonidan ushbu ochib ko‘rishda qatnashishni xohlovchilar ishtirokida, ular tomonidan maxfiylik talablariga rioya qilish va o‘z ishtirokini ro‘yxatdan o‘tkazish daftarida ro‘yxatdan o‘tkazish sharti bilan ochiladi. Tushgan tanlov takliflari paketlarini ochish tanlov hujjatlarida belgilangan joyda va vaqtda amalga oshiriladi. Har bir tanlov taklifini ochishda buyurtmachi tomonidan taqdim etilgan hujjatlarning tanlov taklifida qatnashchi tomonidan ko‘rsatilgan hujjatlar ro‘yxatiga muvofiqligi o‘qib chiqiladi va tekshiriladi.

Takliflarni ochishda birorta ham taklif rad etilishi mumkin emas, kechikib berilgan takliflar bundan mustasno, bunday takliflar savdolar qatnashchisiga ochilmagan holda qaytariladi.

57. Konvertlarni ochish natijalari bo‘yicha, har bir tanlov taklifining belgilangan vaqtda, sanada olinganini va tanlov komissiyasi tomonidan ko‘rib chiqilganini rasmiy ravishda tasdiqlash uchun tanlov komissiyasi majlisining protokoli tuziladi.

58. Tanlov komissiyasining qatnashgan barcha a’zolari tanlov takliflarini ochish to‘g‘risidagi protokolni imzolashi kerak. Bunday protokolning asl nusxasi saqlash uchun tanlov savdolari buyurtmachisiga beriladi.

59. Tanlov takliflarini baholash jarayoni shunday tarzda amalga oshirilishi kerakki, bunda tanlov savdolari qatnashchilarining takliflaridan tanlov savdolari shartlariga va buyurtmachining talablariga eng ko‘p javob beradigan taklifni aniqlash mumkin bo‘lishi lozim. Tanlov hujjatlarida talab qilingan axborotlarni to‘liq taqdim etmaslik yoki tanlov hujjatlari talablariga to‘liq javob bermaydigan tanlov taklifini berish tanlov komissiyasiga tanlov taklifini rad etish huquqini beradi. Tanlov takliflarini baholash tarkibi tanlov komissiyasi tomonidan tasdiqlanadigan ekspert komissiyasi tomonidan amalga oshiriladi. Tanlov takliflarini baholash ikki bosqichda o‘tkaziladi.

Birinchi bosqichda tanlov savdolari qatnashchilari tanlov taklifining umumiy va texnik qismi, shu jumladan:

taqdim etilgan axborotlarning tanlov hujjatlari talablariga muvofiq to‘liqligi va tanlov taklifining tasdiqlangan baholash mezonlariga muvofiqligi;

tanlov taklifi tarkibida kelishilgan vaqt davri mobaynida tanlov savdolari qatnashchisi tanlov taklifining qaytarib olinmasligini kafolatlaydigan tanlov taklifi ta’minlanishining mavjudligi baholanadi.

Baholashning birinchi bosqichi natijalari bo‘yicha tanlov takliflari faqat ularning tanlov hujjatlari talablariga muvofiq emasligi yoxud tanlov komissiyasi tomonidan tasdiqlangan baholash mezonlariga javob bermasligi sababi bo‘yicha rad qilinishi mumkin.

Baholashning birinchi bosqichi natijalari bo‘yicha ekspert komissiyasi tomonidan protokol tuziladi, unda quyidagilar aks ettirilgan bo‘lishi kerak:

tanlov takliflari rad etilgan tanlov savdolari qatnashchisining ro‘yxati va ushbu tanlov savdolari qatnashchilari tanlov takliflarining rad qilinganlik sabablari;

tanlov takliflari baholashning ikkinchi bosqichiga qo‘yilgan tanlov savdolari qatnashchilarining ro‘yxati;

baholashning ikkinchi bosqichiga qo‘yilgan tanlov savdolari birinchi bosqichi baholarining natijalari.

Ikkinchi bosqichda tanlov savdolari qatnashchilari tanlov takliflari tijorat qismining baholash mezonlariga muvofiqligi baholanadi.

Baholashning ikkinchi bosqichi natijalari bo‘yicha ekspert komissiyasi tomonidan protokol tuziladi, unda tanlov savdolari qatnashchilari tanlov taklifining tijorat qismini baholash natijalari aks ettirilgan bo‘lishi kerak.

60. Tanlov takliflarini baholash uchun buyurtmachining ekspertlari yoki tashqi mustaqil ekspertlar jalb qilinishi mumkin. Axloq normalariga va qat’iy maxfiylikka rioya etish ishga jalb etiladigan ekspertlar uchun majburiy talab hisoblanadi.

61. Tanlov takliflarini ko‘rib chiqish va baholash davrida ekspert komissiyasi va tanlov komissiyasi a’zolarining axloq normalariga va qat’iy maxfiylikka rioya etishi majburiy hisoblanadi.

62. Tanlov qatnashchisini g‘olib deb e’tirof etish to‘g‘risidagi qaror tanlov komissiyasi tomonidan, tanlov savdolari qatnashchilarining tanlov takliflarini baholashning birinchi va ikkinchi bosqichlari natijalari asosida qabul qilinadi. Eng ko‘p baholash bali olgan taklif g‘olib deb e’tirof etiladi. Tanlov takliflarini baholash alohida ajratilgan xonada o‘tkaziladi, unga ekspert komissiyasi va tanlov komissiyasi ishlayotgan vaqtda begona kishilarning kirishi qat’iyan taqiqlanishi kerak.

63. Tanlov takliflarini ochish vaqtidan boshlab tanlov savdolari g‘olibi to‘g‘risida qaror qabul qilinadigan vaqtgacha ekspert komissiyasi va tanlov komissiyasi a’zolari tanlov savdolari qatnashchilaridan bittasiga ustunlik bermaslik, ko‘rib chiqilayotgan takliflarni baholashning xolisligiga bevosita yoki bilvosita ta’sir ko‘rsatmaslik uchun tanlov savdolari qatnashchilari bilan muloqotda bo‘lmasligi kerak.

64. Ekspert komissiyasi va tanlov komissiyasining tanlov savdolari qatnashchilari bilan barcha muloqotlari tanlov savdolari e’lon qilingan vaqtdan boshlab tanlov komissiyasi tomonidan kontrakt berish to‘g‘risida qaror qabul qilingungacha faqat yozma shaklda amalga oshiriladi, tanlov savdolari qatnashchilaridan ularning ushbu Nizomning 65-bandiga muvofiq o‘tkaziladigan tanlov takliflari mohiyati bo‘yicha tushuntirishlar olish yuzasidan muloqotlar bundan mustasno.

65. Tanlov taklifi bilan tanishish natijalari bo‘yicha uning ayrim jihatlari tushunarli bo‘lmagan va tanlov savdolari qatnashchisi tomonidan tushuntirishlarni talab qiladigan masalalar, hisob-kitoblardagi aniq xatoliklar, noaniq atamalar va aniqlashtirishni talab qiladigan boshqa detallar paydo bo‘lgan taqdirda ekspert komissiyasi va tanlov komissiyasi a’zolari buyurtmachining vakillari ishtirokida yozma so‘rov yuborishlari yoki bunday tanlov taklifi bergan tanlov savdolari qatnashchisi bilan kengash o‘tkazishlari mumkin. Bunday muloqotlarda qatnashish uchun tanlov qatnashchisining vakili o‘zining vakolatlarini yozma ravishda tasdiqlaydigan, bunday tanlov qatnashchisining tanlov taklifini imzolagan shaxs tomonidan imzolangan yozma tasdiqnomaga ega bo‘lishi kerak. Ekspert yoki tanlov komissiyasi tanlov qatnashchisini bunday kengashning vaqti va kun tartibi to‘g‘risida xabardor qiladi hamda kengashga raislik qiladi, bunda tanlov buyurtmanomasi mazmunini o‘zgartiradigan tushuntirishlarga, shu jumladan bajarishning narxi yoki muddati o‘zgartirilishiga yo‘l qo‘yilmaydi.

Qatnashchiga yoki uning vakolatli vakiliga barcha savollar va savollarga javoblar yozma shaklda qayd etilishi kerak.

66. Tanlov takliflarini baholash tugallangandan keyin ekspert komissiyasi kontrakt berish bo‘yicha protokolni tavsiyanomalar bilan birga rasmiylashtiradi va imzolaydi. Kontrakt berish bo‘yicha protokol tavsiyanomalar bilan birga baholashning birinchi va ikkinchi bosqichlari protokollari hamda qatnashchilarning tanlov buyurtmanomalari nusxalari bilan birgalikda tanlov komissiyasiga beriladi.

67. Bitimlar talablarini hisobga olgan holda pudratchilarni (yetkazib beruvchilarni) tanlash bo‘yicha qarorlar quyidagi tarzda kelishiladi:

a) umumiy qiymati 60 mlrd. so‘mdan oshmaydigan tovarlar, ishlar va xizmatlarni sotib olish yuzasidan tanlov savdolari o‘tkazish natijalari to‘g‘risidagi tanlov komissiyasi protokollari kelishish uchun ma’lum qilish tartibida vakolatli organga yuboriladi. Agar vakolatli organ tanlov komissiyasi majlisining protokollari olingan sanadan boshlab o‘n kalendar kun mobaynida buyurtmachi tomonidan tanlov savdolari o‘tkazish shartlari buzilganligi asoslangan rad etishlarni taqdim etmasa protokol bilan tasdiqlangan kontrakt berish to‘g‘risidagi qaror vakolatli organ bilan kelishilgan deb hisoblanadi;

b) umumiy qiymati 60 mlrd. so‘mdan ortiq bo‘lgan tovarlar, ishlar va xizmatlarni sotib olish yuzasidan tanlov savdolari o‘tkazish natijalari to‘g‘risidagi tanlov komissiyasi protokollari kelishish uchun boshqaruvchi qo‘mitaga kiritiladi.

68. Tanlov savdolari natijalarini vakolatli organ yoki boshqaruvchi qo‘mita bilan kelishganlik buyurtmachi uchun:

buyurtmachining budjetiga belgilangan tartibda tegishli o‘zgartirishlar kiritish;

tanlov savdolari g‘olibi bo‘lgan qatnashchiga kontrakt berish to‘g‘risidagi qarorni tasdiqlash va uning bilan bunday kontraktni tuzish uchun asos hisoblanadi.

Vakolatli organ yoki boshqaruvchi qo‘mitaning tanlov savdolari natijalarini kelishishni rad etishi buyurtmachi tomonidan tanlov savdolari natijalarini bekor qilish uchun asos hisoblanadi.

69. Buyurtmachi tanlov takliflari amal qiladigan muddat o‘tgungacha, lekin pudratchini (yetkazib beruvchini) tanlash bo‘yicha qaror qabul qilingandan va tanlov savdolari natijalari kelishilgandan keyin besh bank kunidan kechikmay tanlov savdolari g‘olibiga uni g‘olib deb e’tirof etish to‘g‘risidagi yozma bildirishnomani yuboradi.

70. Tanlov savdolari g‘olibi bo‘lgan qatnashchi bank kafolati tarzida yoki buyurtmachi uchun maqbul bo‘lgan boshqa istalgan tarzda kontraktni bajarish ta’minlanishini taqdim qilgandan keyin buyurtmachi darhol tanlov savdolarida yutqazgan qatnashchilarga ularning takliflari rad etilganligi to‘g‘risida bildirishnoma yuboradi va ularning tanlov takliflari ta’minlanishini beradi.

71. Buyurtmachi tanlov savdolari qatnashchilariga tanlov savdolarining tanlov komissiyasi tomonidan tasdiqlangan natijalarini, tanlov takliflari rad etilganligi sabablarini va tanlov savdolari g‘olibiga kontrakt berilishini izohlashga majbur emas.

72. Buyurtmachi tanlov qatnashchisini uni g‘olib deb e’tirof etish to‘g‘risidagi bildirishnoma bilan bir vaqtda tanlovning bunday qatnashchisiga buyurtmachining rahbari imzolagan kontraktni ikki nusxada yuboradi.

73. Tanlov qatnashchisi g‘olib deb e’tirof etish to‘g‘risidagi bildirishnoma olingan vaqtdan boshlab o‘n kalendar kun mobaynida kontraktni imzolashi, unga sana qo‘yishi va bir nusxasini buyurtmachiga qaytarishi kerak. Kontraktning oxirgi varianti tomonlar o‘rtasidagi muzokaralar yo‘li bilan shakllantirilishi mumkin.

74. Umumiy qiymati 60 mlrd.so‘mdan ortiq bo‘lgan tuzilgan kontraktlar bitim talablariga muvofiq, tasdiqlash uchun boshqaruvchi qo‘mitaga kiritiladi. Bunda mazkur kontraktlar faqat ular boshqaruvchi qo‘mita tomonidan tasdiqlangandan keyin kuchga kiradi.

75. Kontrakt uni ikkala tomon imzolagan vaqtdan boshlab tuzilgan hisoblanadi va u ushbu Nizomda va bitimlarda belgilangan tartibda kelishilgandan yoki tasdiqlangandan hamda O‘zbekiston Respublikasi qonunchilikda belgilangan tegishli tartibotlardan o‘tgandan keyin kuchga kiradi.

76. Tanlov qatnashchisi g‘olib deb e’tirof etgan vaqtdan boshlab o‘n kalendar kun mobaynida g‘olib kontrakt shartlariga muvofiq, bank kafolati shaklida (shakl sotib olish turiga ko‘ra tanlov hujjatida mavjud bo‘ladi) yoki buyurtmachi uchun maqbul bo‘lgan boshqacha turda kontraktni bajarishning ta’minlanishini taqdim etishi kerak.

77. Agar tanlov g‘olibi ushbu Nizomning 73 va 76-bandlarida nazarda tutilgan shartlarni bajara olmasa, u holda bu buyurtmachining kontraktni rad etishi va tanlov taklifi ta’minlanishini ushlab qolishi uchun yetarli asos bo‘lib xizmat qilishi mumkin. Bu holda buyurtmachi tanlovda tanlov taklifi yutgan deb e’tirof etilgan tanlov qatnashchisidan keyingi o‘rinni egallagan tanlov qatnashchisi bilan kontrakt tuzish yoki yangi tanlovni e’lon qilish huquqiga ega bo‘ladi.

78. Kontraktni bajarishning ta’minlanishi miqdori kontrakt bahosining o‘n foizidan oshmasligi kerak.

79. Quyidagi favqulodda holatlarda buyurtmachi vakolatli organ bilan kelishgan holda tovarlar, ishlar va xizmatlarni sotib olishni tanlov o‘tkazmasdan to‘g‘ridan-to‘g‘ri shartnomalar tuzish yo‘li bilan amalga oshirishi mumkin:

a) tovarlar, ishlar va (yoki) xizmatlar quyidagi sabablarga ko‘ra faqat bitta pudratchi (yetkazib beruvchi) tomonidan yetkazib berilishi (bajarilishi) mumkin:

uning mutlaq imkoniyatlari va huquqlari;

sotib olinayotgan asbob-uskunalarni yoki ehtiyot qismlarni ilgari sotib olingan asbob-uskunalarga mosligi va unifikatsiya qilinishining muhimligi;

amalga oshirilishi (sotib olinishi) kerak bo‘lgan tovarlar, ishlar va xizmatlarning buyurtmachi tomonidan ilgari sotib olingan (foydalanilayotgan)larga qo‘shimcha hisoblanishi va (yoki) ilgari boshlangan yoki davom etayotgan ishlar (xizmatlar)ning tabiiy ravishda kengaytirilishi hisoblanishi hamda bitta va aynan shu pudratchini (yetkazib beruvchini) jalb etish tejamliroq bo‘lishini va tovarning hamda bajarilayotgan ishlar (xizmatlar)ning sifatiga nisbatan natijalarning o‘zaro mosligini ta’minlashining aniqligi;

b) kontrakt maydoni uchastkalarida ishlarni tashkil etish uchun buyurtmachining nazarida eng qulay bo‘lgan ishlab chiqarishga xizmat ko‘rsatish obyektlari bilan shartnomalar tuzilishi;

v) buyurtmachi nazarida buyurtmachi tomonidan amalga oshirilayotgan ishlar talablariga eng to‘liq javob beradigan va buyurtmachiga investorning kompaniyalar guruhi bilan yagona axborot makoniga ega bo‘lish imkonini beradigan axborot tizimlari va idoraviy dasturiy ta’minotini (va unga litsenziyalarni) joriy etish hamda birga qo‘shib olib borish yuzasidan xizmatlarni sotib olish va amalga oshirish bo‘yicha shartnomalar tuzilishi;

g) texnika, materiallar va asbob-uskunalarni tezkorlik bilan sotib olishni talab qiladigan fors-major vaziyatlarida va texnogen tusdagi avariyalarda;

d) ushbu Nizomga muvofiq o‘tkazilgan tanlovlar g‘olibning aniqlanishiga olib kelmaganda;

e) loyihaning ishlab chiquvchisi tomonidan mualliflik nazorati bo‘yicha ishlarni amalga oshirish;

j) buyurtmachi xodimini o‘qitish yuzasidan shartnomalar tuzish;

z) investorning xodimini ishlash uchun buyurtmachiga xizmat safariga yuborish bo‘yicha xizmatlarni xarid qilish.

80. Buyurtmachi ushbu Nizomning 81—83-bandlariga muvofiq, tanlov o‘tkazmasdan amaldagi kontraktlarga qo‘shimcha bitimlar tuzishi mumkin.

81. Amaldagi kontraktlarga qo‘shimcha bitimlar vakolatli organ bilan kelishmasdan tuzilishi mumkin, agar bu:

a) ushbu Nizomning III bo‘limiga muvofiq tuzilgan amaldagi kontraktga qo‘shimcha bitimlar ana shunday tusdagi qo‘shimcha tovarlar, ishlar va xizmatlar yuzasidan tuzilgan bo‘lsa, agar kontraktning umumiy summasi amaldagi kontraktga tuzilgan barcha qo‘shimcha bitimlar bo‘yicha amalga oshiriladigan tegishli o‘zgartirishlarni hisobga olgan holda 400 mln. so‘mdan oshmasa;

b) ushbu Nizomning IV bo‘limiga muvofiq tuzilgan amaldagi kontraktga qo‘shimcha bitimlar bo‘lsa, agar ana shunday tusdagi qo‘shimcha tovarlar, ishlar va xizmatlar yuzasidan tuzilayotgan qo‘shimcha bitimlar summasi 400 mln. so‘mdan oshmasa va amaldagi ana shunday kontrakt umumiy summasining o‘ttiz foizidan oshmasa.

82. Amaldagi kontraktlarga qo‘shimcha bitimlar vakolatli organ bilan kelishgan holda tuziladi, agar bu:

a) ushbu Nizomning III bo‘limiga muvofiq tuzilgan amaldagi kontraktga qo‘shimcha bitimlar ana shunday tusdagi qo‘shimcha tovarlar, ishlar va xizmatlar yuzasidan tuzilgan bo‘lsa, agar kontraktning umumiy summasi amaldagi kontraktga tavsiya qilinayotgan qo‘shimcha bitimlar bo‘yicha amalga oshirilgan tegishli o‘zgartirishlarni hisobga olgan holda 400 mln. so‘mdan oshsa, bu holda shunday tusdagi qo‘shimcha tovarlar, ishlar va xizmatlar yuzasidan qo‘shimcha bitimlar summasi amaldagi ana shunday kontrakt umumiy summasining o‘ttiz foizi doirasida bo‘lishi kerak;

b) ushbu Nizomning IV bo‘limiga muvofiq tuzilgan amaldagi kontraktga tuzilgan barcha qo‘shimcha bitimlar bo‘yicha amalga oshiriladigan tegishli o‘zgartirishlarning umumiy summasi 400 mln.so‘mdan oshsa, lekin 4 mlrd so‘mdan ortiq bo‘lmasa va amaldagi ana shunday kontrakt umumiy summasining o‘ttiz foizidan oshmasa.

83. Amaldagi kontraktlarga qo‘shimcha bitimlar boshqaruvchi qo‘mita qaroriga ko‘ra tuziladi, agar amaldagi kontraktga barcha tuzilgan qo‘shimcha bitimlar bo‘yicha amalga oshiriladigan tegishli o‘zgartirishlarning umumiy summasi 4 mlrd. so‘mdan va/yoki amaldagi ana shunday kontrakt umumiy summasining 30 foizidan ortiq bo‘lsa.

84. Tanlovda qatnashishning belgilangan qoidalarini buzgan tanlov qatnashchilari tanlovda qatnashishdan chetlashtirilishi kerak.

Tanlov g‘olibi deb e’lon qilingan tanlov qatnashchisi:

fizik, sifat va texnik parametrlar bo‘yicha kontrakt shartlarining shartnomada nazarda tutilgan muddatlarda bajarilmaganligi;

tanlov shartlarini bajarish monitoringi natijalari buzilganligi;

tanlov shartlari va kontraktning boshqacha tarzda buzilganligi uchun javob beradi.

85. Buyurtmachi:

tanlov komissiyasini shakllantirish vaqtida uning tarkibiga nisbatan qo‘yilgan talablarga rioya etilishi;

bunday xarid ehtiyoji uchun nazarda tutilmagan shakllarda xaridni amalga oshirishga imkon beradigan, uning qiymatini kamaytirish maqsadida xarid ehtiyojining bo‘lib yuborilishi;

tanlov takliflarini taqdim etish muddati tugagungacha tanlov hujjatlarini sotib olgan talabgorlarni o‘z vaqtida xabardor qilmasdan va tanlov takliflarini taqdim etish muddatini ularga tuzatish kiritish uchun yetarli bo‘lgan vaqtga uzaytirmasdan tanlov hujjatlariga o‘zgartirish va qo‘shimchalar kiritilishi;

tanlovda qatnashish yuzasidan buyurtmanomalarni hamda tijorat yoki tanlov takliflarini qabul qilib olishning rad etilishi, ularning hisobga olinishi, maxfiyligi va ochilgungacha saqlanishi ta’minlamaganligi;

tanlov savdolari g‘olibi bilan kontrakt tuzish muddatining buzilganligi;

fizik, sifat va texnik parametrlar bo‘yicha kontrakt shartlarining shartnomada belgilangan muddatlarda bajarilmaganligi;

axborotlarning oshkor qilganligi, o‘zaro yoki jalb etilgan mutaxassislar o‘rtasida tanlov qatnashchilari bilan til biriktirishga yo‘l qo‘yilganligi, sovg‘alar va pul mukofotlari (har qanday shakllarda) olganlik va boshqa qonunga qarshi xatti-harakatlar sodir etilganligi;

tanlov shartlarini bajarish monitoringi uchun noto‘g‘ri axborotlar taqdim etilganligi;

tanlov savdolari o‘tkazish tartibotlarining boshqacha tarzda buzilishlari uchun javob beradi.

86. Tanlov komissiyasi:

tanlov savdolarini o‘tkazish tartiboti bosqichlari bo‘yicha kam ovoz bilan va (yoki) tanlov takliflarini baholash mezonlarini hisobga olmasdan qaror qabul qilinganligi;

talabgorlarning o‘z intellektual mulki yoki tijorat siri saqlanishi yuzasidan huquqlarining buzilganligi;

talabgorlarning (tanlov savdolari qatnashchilarining) tanlov hujjatlarida nazarda tutilmagan malaka ma’lumotlariga nisbatan mezonlar va talablar belgilanganligi;

talabgorning (tanlov qatnashchisining) tanlov tartibotida qatnashishdan asossiz ravishda chetlatilganligi;

tijorat va tanlov takliflari mazmunini o‘zgartiradigan tushuntirishlar va tuzatishlarga, shu jumladan narxlarning yoki bajarish muddatining o‘zgartirilishiga yo‘l qo‘yilganligi;

tanlov savdolari qatnashchisi tomonidan tanlov taklifining mazmunini uni tanlov komissiyasi majlisida ko‘rib chiqish vaqtida tushuntirib berilishiga asossiz ravishda yo‘l qo‘yilganligi;

axborotlarning oshkor qilinganligi, o‘zaro yoki jalb etilgan mutaxassislar o‘rtasida tanlov qatnashchilari bilan til biriktirishga yo‘l qo‘yilganligi, sovg‘alar va pul mukofotlari (har qanday shakllarda) olganlik va boshqa qonunga qarshi xatti-harakatlar sodir etilganligi;

tanlov savdolari g‘olibini belgilash va e’lon qilish tartibotining buzilganligi;

tanlov savdolari tartibotlarining boshqacha tarzdagi buzilishlari uchun javob beradi.

87. Tanlov bo‘yicha tanlash yoki tanlov savdolari tartibotlaridan yuzaga kelgan kelishmovchiliklar va nizolar qonunchilikda belgilangan tartibda ko‘rib chiqiladi.