O‘zbekiston Respublikasi Prezidentining “O‘zbekiston Respublikasi Vazirlar Mahkamasining ijro etuvchi tuzilmasini takomillashtirish to‘g‘risida” 2007-yil 12-martdagi PQ-601-son hamda “O‘zbekiston Respublikasi Vazirlar Mahkamasining ijro etuvchi tuzilmasini tasdiqlash to‘g‘risida” 2007-yil 22-martdagi PQ-607-son qarorlariga muvofiq Vazirlar Mahkamasi qaror qiladi:

1. O‘zbekiston Respublikasi Hukumatining 1-ilovaga muvofiq ayrim qarorlariga o‘zgartirish va qo‘shimchalar kiritilsin.

2. O‘zbekiston Respublikasi Hukumatining 2-ilovaga muvofiq ba’zi qarorlari o‘z kuchini yo‘qotgan deb hisoblansin.

3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari zimmasiga yuklansin.

7. Vazirlar Mahkamasining “Kandim konlar guruhi uchastkasiga, Xauzak va Shodi uchastkalariga, shuningdek Qo‘ng‘irot uchastkasiga nisbatan mahsulot taqsimoti to‘g‘risidagi bitimni amalga oshirish chora-tadbirlari haqida” 2004-yil 14-sentabrdagi 428-son qarorining 5-bandidagi “Yoqilg‘i-energetika kompleksi, kimyo, metallurgiya va mashinasozlik masalalari axborot-tahlil departamenti” so‘zlari “Yoqilg‘i-energetika kompleksi, kimyo va neft-kimyo sanoati masalalari axborot-tahlil departamenti” so‘zlari bilan almashtirilsin.

1. Vazirlar Mahkamasining “O‘zbekiston Respublikasi Hukumatining ayrim qarorlarini o‘z kuchini yo‘qotgan deb hisoblash hamda ba’zilariga o‘zgartirishlar kiritish to‘g‘risida” 2005-yil 22-fevraldagi 73-son qaroriga (O‘zbekiston Respublikasi QT, 2005-y., 2-son, 13-modda) 2-ilovaning 12, 24, 33, 34, 37-bandlari.

2. Vazirlar Mahkamasining “O‘zbekiston Respublikasi Vazirlar Mahkamasi huzuridagi Yirik investitsiya loyihalarini ekspertizadan o‘tkazish byurosida maqsadli dasturlar, konsepsiyalar va investitsiya loyihalarini ekspertizadan o‘tkazish va tavsiyalar tayyorlash tartibi to‘g‘risidagi nizomni tasdiqlash haqida” 2006-yil 22-maydagi 91-son qarori (O‘zbekiston Respublikasi QT, 2006-y., 5-son, 33-modda).