Oʻzbekiston Respublikasi Prezidentining “Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari toʻgʻrisida” 2007-yil 6-apreldagi PQ-616-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Mehnat va aholini ijtimoiy muhofaza qilish vazirligi toʻgʻrisidagi nizom 1-ilovaga muvofiq tasdiqlansin.

2. Mehnat va aholini ijtimoiy muhofaza qilish vazirligi bir oy muddatda:

Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar mehnat va aholini ijtimoiy muhofaza qilish bosh boshqarmalari toʻgʻrisidagi nizomlarni hamda tuman (shahar) Bandlikka koʻmaklashish markazi toʻgʻrisidagi namunaviy nizomni belgilangan tartibda tasdiqlasin;

qishloq tumanlari hokimliklari bilan birgalikda yirik qishloq fuqarolari yigʻinlarida (mahallalarda) aholini ishga joylashtirish va ijtimoiy muhofaza qilish boʻyicha turgʻun punktlarning joylashtirilishini belgilasin;

Oʻzbekiston Respublikasi Mehnat va aholini ijtimoiy muhofaza qilish vazirligi huzuridagi Mehnatni normalashtirish va muhofaza qilish markazi hamda Oʻzbekiston mehnat, ish bilan taʼminlash va aholini ijtimoiy muhofaza qilish muammolarini oʻrganish respublika markazi negizida Respublika aholi bandligi, mehnatni muhofaza qilish va aholini ijtimoiy muhofaza qilish ilmiy markazini tashkil etsin va uning toʻgʻrisidagi nizomni belgilangan tartibda tasdiqlasin.

3. Belgilansinki:

Bandlikka koʻmaklashish jamgʻarmasi mablagʻlari va qonun hujjatlarida nazarda tutilgan faoliyatdan olingan boshqa daromadlar Bandlikka koʻmaklashuvchi tuman (shahar) markazlarini moliyalashtirish manbalari hisoblanadi;

Bandlikka koʻmaklashuvchi tuman (shahar) markazlarining xodimlariga Oʻzbekiston Respublikasi Vazirlar Mahkamasining 1997-yil 30-sentabrdagi 459-son qaroriga 9a, 10a, 11a va 12a-ilovalarda nazarda tutilgan mehnatga haq toʻlash shartlari tatbiq etiladi.

4. Buxoro viloyatining Kogon tumanidagi, Navoiy viloyatining Karmana tumanidagi, Toshkent viloyatining Yangiyoʻl tumanidagi va Andijon viloyatining Xonobod shahridagi mehnat, aholini ish bilan taʼminlash va ijtimoiy muhofaza qilish boʻlimlari tugatilsin, ularning funksiyalari tegishli ravishda Buxoro viloyatining Kogon shahar, Navoiy viloyatining Navoiy shahar, Toshkent viloyatining Yangiyoʻl shahar va Andijon viloyatining Qoʻrgʻontepa tumani Bandlikka koʻmaklashish markazlariga berilsin.

5. Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari, davlat va xoʻjalik boshqaruvi organlari:

bir oy muddatda ish oʻrinlari tashkil etish dasturlari parametrlariga oʻzgartirishlar kiritsinlar, ularda sanoat va iqtisodiyotning boshqa tarmoqlari, birinchi navbatda, transport, aloqa, qurilish va qurilish industriyasi yirik korxonalarida, shuningdek kichik sanoat korxonalarida kasanachilikni rivojlantirishni nazarda tutsinlar;

Oʻzbekiston Respublikasi Prezidentining 2007-yil 6-apreldagi PQ-616-son qarori bilan tasdiqlangan Aholi bandligini kengaytirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari dasturi topshiriqlarining bajarilishini yilning har choragida koʻrib chiqsinlar.

6. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin, shuningdek baʼzilari oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

1. Oʻzbekiston Respublikasi Mehnat va aholini ijtimoiy muhofaza qilish vazirligi (keyingi oʻrinlarda Vazirlik deb ataladi) mehnat, bandlik, aholini ijtimoiy muhofaza qilish va ijtimoiy taʼminlash sohasidagi siyosatni amalga oshiruvchi respublika davlat boshqaruvi organi hisoblanadi.

Vazirlik oʻz faoliyatida Oʻzbekiston Respublikasi Vazirlar Mahkamasiga boʻysunadi.

2. Vazirlik oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek ushbu Nizomga amal qiladi.

3. Vazirlik tizimiga quyidagilar kiradi:

Qoraqalpogʻiston Respublikasi Mehnat va aholini ijtimoiy muhofaza qilish vazirligi;

viloyatlar va Toshkent shahar mehnat va aholini ijtimoiy muhofaza qilish bosh boshqarmalari;

bandlikka koʻmaklashuvchi tuman (shahar) markazlari;

tuman (shahar) ijtimoiy taʼminot boʻlimlari;

hududiy reabilitatsiya markazlari;

nogironlar va qariyalar uchun “Muruvvat” va “Saxovat” uylari;

urush va mehnat faxriylari uchun sanatoriy va pansionatlar;

Toshkent shahrida ishsizlarni kasbga tayyorlash, qayta tayyorlash va malakasini oshirish oʻquv markazi;

Nogironlarni tibbiy-ijtimoiy ekspertiza va reabilitatsiya qilish Respublika inspeksiyasi;

tibbiy-mehnat ekspertizasi xizmatlari;

Nogironlarni reabilitatsiya qilish va protezlash milliy markazi;

Toshkent va Fargʻona shaharlarida nogironlar uchun ixtisoslashtirilgan respublika kasb-hunar kollejlari;

2-son yuridik kollej;

Mehnat va aholini ijtimoiy muhofaza qilish vazirligi tizimi xodimlari malakasini oshirish Respublika kurslari;

Tashqi mehnat migratsiyasi masalalari agentligi;

fuqarolarni chet ellarda ishga joylashtirish boʻyicha xoʻjalik hisobidagi mintaqaviy byurolar;

Joʻnab ketishdan oldingi moslashuv va oʻqitish markazi;

Axborot-kompyuter markazi;

Respublika aholi bandligi, mehnatni muhofaza qilish va aholini ijtimoiy muhofaza qilish ilmiy markazi.

4. Vazirlikning oʻz vakolatlari doirasida qabul qilgan qarorlarining davlat boshqaruvi organlari, mahalliy davlat hokimiyati organlari, tashkilotlar va fuqarolar tomonidan bajarilishi majburiydir.

5. Vazirlik oʻziga yuklangan vazifalar va funksiyalarni bevosita, shuningdek hududiy boʻlinmalari, tasarrufidagi boshqa tashkilotlar orqali hal qiladi.

6. Vazirlik oʻz vazifalari va funksiyalarini amalga oshirishda davlat boshqaruvining boshqa organlari, mahalliy davlat hokimiyati organlari va boshqa tashkilotlar bilan oʻzaro hamkorlik qiladi.

7. Vazirlik va uning boʻlinmalarining moddiy-texnik taʼminoti, shuningdek Vazirlik tizimi xodimlari mehnatiga haq toʻlash ajratiladigan mablagʻlar doirasida davlat budjeti mablagʻlari hisobiga hamda Bandlikka koʻmaklashish davlat jamgʻarmasi, Mehnat va aholini ijtimoiy muhofaza qilish organlari xodimlarining mehnatini ragʻbatlantirish va moddiy-texnika bazasini mustahkamlash jamgʻarmasi mablagʻlari, shuningdek qonun hujjatlarida taqiqlanmagan boshqa manbalar hisobiga amalga oshiriladi.

8. Vazirlik yuridik shaxs hisoblanadi, mustaqil balansga, bank muassasalarida depozit va boshqa hisob raqamlariga, shu jumladan valyuta va maxsus hisob raqamlariga, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, shuningdek tegishli muhr va shtamplarga ega boʻladi.

9. Quyidagilar Vazirlikning asosiy vazifalari hisoblanadi:

mintaqalar boʻyicha mehnat bozorini shakllantirishda samarali siyosatni amalga oshirish, demografik omillarni, iqtisodiyot tarmoqlarini rivojlantirish va tarkibiy qayta tashkil etishning istiqbolli yoʻnalishlarini eʼtiborga olgan holda bandlikning yangi shakllarini keng tatbiq etish hisobiga aholi bandligining oʻsishini taʼminlash;

demografik oʻzgarishlar va kadrlarning kasbiy tayyorgarligi bilan bogʻliq oʻzgarib borayotgan talablarni hisobga olgan holda mehnat, ish bilan bandlik va aholini ijtimoiy qoʻllab-quvvatlash sohasidagi qonun hujjatlarini ishlab chiqish va yanada takomillashtirish boʻyicha takliflar kiritish;

ishga joylashishga muhtoj, ish bilan band boʻlmagan aholiga kasbiy qayta tayyorlash va ishga joylashtirish boʻyicha sifatli xizmatlar koʻrsatish;

aholining ehtiyojmand toifalarini ijtimoiy himoya qilish boʻyicha amaliy chora-tadbirlarning amalga oshirilishini taʼminlash, kamxarj oilalar, nogironlar va yolgʻiz keksalarga yordam koʻrsatishda tabaqalashtirilgan tarzda va aniq yondoshuvni kuchaytirish;

mehnat, bandlik va aholini ijtimoiy muhofaza qilish sohasidagi qonun hujjatlari talablariga rioya etilishi ustidan qattiq nazoratni amalga oshirish, mehnat munosabatlarini, moddiy ragʻbatlantirish va mehnatni muhofaza qilish mexanizmlarini takomillashtirish chora-tadbirlarini ishlab chiqish.

10. Vazirlik oʻziga yuklangan vazifalarga muvofiq quyidagi funksiyalarni amalga oshiradi:

10.1. Mehnat bozorini shakllantirish va aholini ish bilan taʼminlash sohasida:

Iqtisodiyot vazirligi bilan birgalikda respublika va hududlarning demografik rivojlanish prognozlarini amalga oshiradi, aholini ish bilan samarali taʼminlash chora-tadbirlari kompleksini asoslagan holda mehnat resurslarining prognoz balanslarini ishlab chiqadi;

respublika va hududlarning mehnat resurslari soni va tarkibini oʻrganadi hamda uni takomillashtirishga doir takliflar ishlab chiqadi;

aholining ish bilan bandlik darajasi va tarkibini eng toʻliq va xolisona baholashni taʼminlash, ishga joylashtirishga muhtoj shaxslarni aniqlash maqsadida mehnat bozorining ahvoli monitoringini tashkil etadi;

hududlarning demografik rivojlanish prognozlari asosida aholini ish bilan taʼminlash yuzasidan takliflar ishlab chiqadi;

migratsiya jarayonlarini tahlil qiladi, tashqi mehnat migratsiyasini va xorijiy fuqarolarning Oʻzbekiston Respublikasi hududidagi mehnat faoliyatini tashkil etish boʻyicha takliflar ishlab chiqadi;

ishsizlarni hisobga olishni tashkil qiladi;

manfaatdor vazirliklar va idoralar bilan birgalikda oʻrta maxsus, kasb-hunar taʼlimi muassasalari bitiruvchilarining ish bilan taʼminlanishini tadqiq etadi hamda ular natijalari asosida ishchi kadrlar va oʻquv yurtlarida mutaxassislarning kasb tayyorgarligi yoʻnalishlarini takomillashtirish yuzasidan takliflar ishlab chiqadi;

aholini ish bilan taʼminlash, yoshlarni, ishdan boʻshab qolgan xodimlarni va aholining boshqa toifalarini ishga joylashtirish, shuningdek boʻsh ish joylari boʻyicha axborotlarning shakllantirilishini va tahlil etilishini tashkil qiladi;

shaxsiy yordamchi va dehqon xoʻjaliklarida qoramol oʻstirish bilan band boʻlgan shaxslar hisobini amalga oshiradi;

yoshlarning va ish bilan band boʻlmagan aholining kasb-hunarga xohishini va mehnat yoʻnalishlarini aniqlash uchun sotsiologik tadqiqotlar oʻtkazilishini tashkil etadi;

manfaatdor vazirliklar va idoralar, mahalliy davlat hokimiyati organlari bilan birgalikda ish oʻrinlari tashkil etish dasturlarini ishlab chiqish, muvofiqlashtirish va amalga oshirishda qatnashadi;

ish bilan taʼminlash va ish oʻrinlari tashkil etish hududiy dasturlarini ishlab chiqishda hokimliklarga metodik va amaliy yordam koʻrsatadi;

iqtisodiyotni isloh qilish va tarkibiy qayta tashkil etish davomida, shuningdek xoʻjalik yurituvchi subyektlarning bankrotga uchrashi va tugatilishi natijasida ishdan boʻshab qoladigan xodimlarni ish bilan taʼminlash va ijtimoiy muhofaza qilishga doir maqsadli mintaqaviy dasturlar ishlab chiqilishini muvofiqlashtiradi;

aholining oʻzini oʻzi ish bilan taʼminlashini ragʻbatlantirish va qoʻllab-quvvatlash yuzasidan takliflar tayyorlaydi;

davlat va xoʻjalik boshqaruvi organlariga, mahalliy davlat hokimiyati organlariga va tashkilotlarga korxonalar hamda fuqarolar oʻrtasida kooperatsiyalash asosida kasanachilikni kengaytirish masalalarida koʻmaklashadi;

mehnat bozori infratuzilmasi faoliyati takomillashtirilishini taʼminlaydi;

ishsizlar uchun haq toʻlanadigan jamoat ishlari tashkil etilishini taʼminlaydi;

ishsizlarni kasb-hunarga oʻqitishni, ularni qayta tayyorlashni va ularning malakasini oshirishni tashkil etadi.

10.2. Aholini ijtimoiy muhofaza qilish va ijtimoiy taʼminlash sohasida:

muhtoj oilalar, pensionerlar, nogironlar, yolgʻiz keksa fuqarolarga koʻrsatilayotgan ijtimoiy qoʻllab-quvvatlashning tabaqalashtirilganligi va aniqligini kuchaytirishga yoʻnaltirilgan ijtimoiy siyosatni amalga oshirish mexanizmlarini takomillashtirishga doir takliflar tayyorlashda qatnashadi;

davlat ijtimoiy siyosatini amalga oshirish va ijtimoiy muhofaza qilish mexanizmining ishlashi boʻyicha normativ-huquqiy hujjatlar loyihalarini ishlab chiqishda qatnashadi;

manfaatdor vazirliklar, idoralar, tashkilotlar va muassasalar bilan birgalikda pensionerlar, nogironlar va yolgʻiz keksa fuqarolarga qonun hujjatlarida belgilangan imtiyozlar, sanatoriy-kurortda davolanishga yoʻllanmalar va maxsus harakatlanish vositalari berilishida qatnashadi;

manfaatdor vazirliklar va idoralar bilan birgalikda muhim ijtimoiy-mehnat normalari va normativlari roʻyxatini belgilaydi hamda ularning ishlab chiqilishini muvofiqlashtiradi;

Iqtisodiyot vazirligi hamda boshqa vazirliklar va idoralar bilan birgalikda aholi turmush darajasi va farovonligini tadqiq etadi, uni yuksaltirishga doir takliflar ishlab chiqadi;

manfaatdor vazirliklar va idoralar, mahalliy davlat hokimiyati organlari ishtirokida pensionerlar, nogironlar, koʻp bolali va kam taʼminlangan oilalarni, aholining davlat tomonidan qoʻllab-quvvatlashga muhtoj boʻlgan boshqa ijtimoiy nochor guruhlarini ijtimoiy muhofaza qilish boʻyicha takliflar ishlab chiqadi;

Bandlikka koʻmaklashish davlat jamgʻarmasi mablagʻlarini belgilangan tartibda tasarruf etadi;

ishsizlar va ularning oila aʼzolarini Bandlikka koʻmaklashish davlat jamgʻarmasi mablagʻlari hisobiga ijtimoiy qoʻllab-quvvatlashning taʼminlanishini tashkil etadi;

Bandlikka koʻmaklashish davlat jamgʻarmasi mablagʻlaridan maqsadli foydalanilishi ustidan nazoratni taʼminlash ishlarini tashkil etadi;

eng kam ish oʻrinlarining ajratilishi va ularning ijtimoiy muhofazaga muhtoj shaxslar bilan butlanishi masalalarini oʻrganadi va tahlil etadi;

dehqon va fermer xoʻjaliklarida ishlayotgan fuqarolar, shuningdek tadbirkorlar uchun belgilangan ijtimoiy kafolatlar va ijtimoiy muhofaza chora-tadbirlari roʻyobga chiqarilishini tashkil etadi;

Iqtisodiyot vazirligi, Moliya vazirligi va Davlat soliq qoʻmitasi bilan birgalikda aholi daromadlarini davlat tomonidan tartibga solish mexanizmini takomillashtirishga doir takliflarni tayyorlashda qatnashadi;

Iqtisodiyot vazirligi, Moliya vazirligi hamda boshqa manfaatdor vazirliklar va idoralar bilan birgalikda ish haqi, pensiyalar, nafaqalar, stipendiyalarning eng kam miqdorini belgilashga doir takliflar tayyorlaydi.

10.3. Mehnat munosabatlarini tartibga solish, mehnatni tashkil etish, unga haq toʻlash shartlarini va uni muhofaza qilishni takomillashtirish sohasida:

mehnatni moddiy ragʻbatlantirish mexanizmlarini va mehnatga haq toʻlashni tartibga solish metodlarini takomillashtirishga doir chora-tadbirlarni ishlab chiqishda qatnashadi;

vazirliklar, idoralar va tashkilotlarning mehnatni normalashtirish va ishchi kasblari hamda mutaxassislar va xizmatchilarning lavozimlari tarif-malaka tavsifnomalarini ishlab chiqish masalalari boʻyicha ishlarini muvofiqlashtiradi;

mehnatga haq toʻlash tizimini, yagona tarif setkasini, ish haqini rayonlar boʻyicha tartibga solishni takomillashtirish yuzasidan takliflar ishlab chiqadi;

mehnatga haq toʻlashni tashkil etish, ishlar va kasblar, lavozimlarning tarif-malaka maʼlumotnomalarida aks ettirilmagan lavozimlar va ishlarni tarif setkasining tegishli razryadlariga kiritish masalalarida xoʻjalik boshqaruvi organlariga va tashkilotlarga metodik va amaliy yordam beradi;

tegishli kasaba uyushmalari organlarining (xodimlarning boshqa vakillik organlarining) hamda ish beruvchilarning (ular birlashmalarining) takliflariga koʻra tarmoq bitimlari tuzishda qatnashadi;

manfaatdor vazirliklar va idoralar bilan birgalikda mehnat sharoitlarini baholash va mehnat xavfsizligini taʼminlash uchun normativ bazani yaratish maqsadida mehnatni muhofaza qilish normativ hujjatlari ishlab chiqilishi va qayta koʻrib chiqilishini, kelishilishi va tasdiqlanishini tashkil etadi, ish oʻrinlarini mehnat sharoitlari boʻyicha attestatsiyadan oʻtkazishda metodik yordam koʻrsatadi;

ish oʻrinlarini mehnat sharoitlari va asbob-uskunalarning shikastlanishga xavfliligi boʻyicha attestatsiyadan oʻtkazish sohasida yuridik shaxslarni attestatsiyadan oʻtkazadi, shuningdek ularning mutaxassislarini oʻqitish va attestatsiyadan oʻtkazishni amalga oshiradi;

mehnat, aholini ish bilan taʼminlash va ijtimoiy muhofaza qilish boʻyicha normativ-huquqiy hujjatlarga rioya qilinishi ustidan belgilangan tartibda davlat nazoratini amalga oshiradi;

vazirliklar va idoralarning Imtiyozli pensiya taʼminoti, qoʻshimcha taʼtil, qisqartirilgan ish kuni huquqini beruvchi ishlab chiqarishlar, ishlar va kasblar, lavozimlar va koʻrsatkichlar roʻyxatlariga oʻzgartirishlar kiritish toʻgʻrisidagi takliflari yuzasidan xulosalar beradi;

Yoshi boʻyicha imtiyozli shartlarda pensiyaga chiqish huquqini beruvchi ishlab chiqarishlar, muassasalar, ishlar, kasblar, lavozimlar va koʻrsatkichlar roʻyxatlarini tatbiq qilish tartibi toʻgʻrisida tushuntirishlar beradi, shuningdek ushbu Roʻyxatlarga qoʻshimcha va oʻzgartirishlar kiritadi;

Noqulay mehnat sharoitlarida ishlaganlik uchun beriladigan imtiyozlar va kompensatsiyalarning amaldagi roʻyxatlariga oʻzgartirishlar kiritish boʻyicha Vazirlar Mahkamasiga takliflar tayyorlaydi;

manfaatdor vazirliklar va idoralar ishtirokida mehnat, aholini ish bilan taʼminlash va ijtimoiy muhofaza qilish sohasida normativ-huquqiy va normativ-metodik hujjatlar loyihalarini ishlab chiqadi;

mehnat, uning sharoitlari va unga haq toʻlash, ish bilan taʼminlash hamda keksalar, pensionerlar, nogironlar va boquvchisini yoʻqotgan, davlatning qoʻllab-quvvatlashiga muhtoj oilalarni ijtimoiy muhofaza qilish masalalari boʻyicha ilmiy tadqiqotlarni muvofiqlashtiradi.

10.4. Pensiya xizmati koʻrsatish va davlat ijtimoiy sugʻurtasi boʻyicha nafaqalar bilan taʼminlash sohasida:

pensiyalar, nafaqalar va kompensatsiya toʻlovlarini (kompensatsiya toʻlovlari boʻyicha — budjet tashkilotlaridan tashqari) oʻz vaqtida tayinlash va toʻlashni amalga oshiradi;

yuridik shaxs boʻlmasdan tadbirkorlik faoliyati bilan shugʻullanayotgan shaxslarga, shuningdek dehqon xoʻjaliklarining ijtimoiy sugʻurta badallarini toʻlayotgan aʼzolariga homiladorlik va tugʻuruq, chaqaloq tugʻilganligi boʻyicha nafaqalarni hisoblab yozish va toʻlashni hamda dafn marosimi uchun toʻlovni amalga oshiradi;

mehnatda mayib boʻlganligi yoki kasb kasalligidan nogironlik boʻyicha “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonunining 15-moddasiga muvofiq tayinlangan pensiyalarni toʻlash uchun mablagʻlarni aybdor yuridik va jismoniy shaxslardan regressiv daʼvolar boʻyicha belgilangan tartibda undirib olishni amalga oshiradi;

yuridik shaxs boʻlmasdan tadbirkorlik faoliyati bilan shugʻullanayotgan shaxslarning, shuningdek shaxsiy yordamchi va dehqon xoʻjaliklarining qoramol oʻstirish hamda qishloq xoʻjaligi faoliyatining boshqa turlari bilan shugʻullanayotgan aʼzolarining mehnat daftarchalarini yuritish va saqlashni amalga oshiradi;

budjetdan tashqari Pensiya jamgʻarmasi mablagʻlarining maqsadli sarflanishini nazorat qilish monitoringini olib boradi;

mahalliy davlat hokimiyati organlari bilan pensiyalar, nafaqalar va kompensatsiyalarning oʻz vaqtida toʻlanishi boʻyicha oʻzaro yaqin aloqani amalga oshiradi;

yuridik shaxs boʻlmasdan tadbirkorlik faoliyati bilan shugʻullanayotgan shaxslarga va dehqon xoʻjaliklari aʼzolariga ijtimoiy sugʻurta boʻyicha nafaqalarni olish huquqini beruvchi hujjatlarning ishonchliligini tekshiradi;

pensiyalar, nafaqalar hamda kompensatsiya toʻlovlarining toʻgʻri tayinlanishi va toʻlanishini nazorat qiladi;

budjetdan tashqari Pensiya jamgʻarmasi budjeti loyihasini ishlab chiqishda qatnashadi;

ijtimoiy taʼminot boʻlimlari tomonidan pensiyalar hamda ijtimoiy sugʻurta boʻyicha nafaqalarning toʻgʻri tayinlanishi va toʻlanishini tekshirishga doir nazorat-taftish ishlarini amalga oshiradi va tashkil qiladi;

ishlamayotgan va ishlayotgan fuqarolarga pensiyalar, nafaqalar hamda kompensatsiya toʻlovlarini toʻlash uchun mablagʻlarga boʻlgan ehtiyoj hajmini aniqlaydi va har oyda, belgilangan muddatlarda budjetdan tashqari Pensiya jamgʻarmasining ijro etuvchi direksiyasiga buyurtmanoma taqdim etadi;

Oʻzbekiston Respublikasi Moliya vazirligiga budjetdan tashqari Pensiya jamgʻarmasi budjetining ijrosi toʻgʻrisidagi yigʻma hisobotlarni belgilangan tartibda taqdim etadi;

pensiyalar, nafaqalar hamda boshqa ijtimoiy toʻlovlarni tayinlash va toʻlash ishlarini tashkil etadi va ularga metodik rahbarlik qiladi;

imtiyozli pensiyalarni tartibga solish toʻgʻrisida takliflar ishlab chiqilishini tashkil etadi;

imtiyozli pensiya taʼminoti uchun huquq beruvchi ishlab chiqarishlar, ishlar, kasblar, lavozimlar va koʻrsatkichlar roʻyxatlarini qoʻllash masalalari yuzasidan davlat va xoʻjalik boshqaruvi organlari bilan oʻzaro hamkorlik qiladi, ularni takomillashtirish boʻyicha kelishilgan takliflar tayyorlaydi;

manfaatdor vazirliklar va idoralar bilan birgalikda pensiya taʼminotining nodavlat tizimini yaratish va rivojlantirish chora-tadbirlarini ishlab chiqishda qatnashadi.

10.5. Ijtimoiy xizmat koʻrsatish sohasida:

ijro etuvchi hokimiyat respublika, viloyat, tuman, shahar organlari ishtirokida yolgʻiz keksa fuqarolar, nogironlar va davlatning qoʻllab-quvvatlashiga muhtoj boʻlgan boshqa aholi guruhlariga ijtimoiy-maishiy xizmat koʻrsatishni tashkil etadi;

ijtimoiy taʼminot muassasalarida (“Muruvvat” va “Saxovat” uylarida, pansionatlarda, sanatoriylarda) yashayotgan keksa fuqarolar va nogironlarga maishiy, tibbiy va madaniy xizmat koʻrsatishni tashkil qiladi, ushbu muassasalarning moddiy-texnika bazasi mustahkamlanishini taʼminlaydi;

yolgʻiz keksa fuqarolarga ijtimoiy yordam koʻrsatish xizmatlarining kompleks tarmoqlarini tashkil etadi va ularning ishini nazorat qiladi;

aholiga ijtimoiy yordam berish dasturlarini moliyalashtirish uchun mablagʻlar jalb etish ishlarida nodavlat notijorat tashkilotlarining va boshqa tashkilotlarning oʻzaro hamkorlik qilishini taʼminlaydi;

yolgʻiz keksa fuqarolar, pensionerlar va nogironlarga ijtimoiy yordam koʻrsatuvchi nodavlat xizmatlar tashkil etishga koʻmaklashadi hamda ularning ishi ustidan nazoratni taʼminlaydi;

oʻziga qarashli tashkilotlarning aholiga ijtimoiy yordam koʻrsatish dasturlarini moliyalashtirish ehtiyojlaridan kelib chiqqan holda amalga oshiriladigan ishlarini, shu jumladan ularning tijorat faoliyatini muvofiqlashtiradi.

10.6. Nogironlarni tibbiy-ijtimoiy ekspertizadan oʻtkazish va reabilitatsiya qilish sohasida:

nogironlarni tibbiy-ijtimoiy ekspertizadan oʻtkazish va reabilitatsiya qilish ishlariga rahbarlikni amalga oshiradi;

nogironlarning kasb-hunar-texnika taʼlimi va ularni qayta oʻqitish boʻyicha idoraviy taʼlim muassasalariga rahbarlik qiladi;

infratuzilma obyektlarining nogironlar va keksa fuqarolar uchun qulayligini taʼminlovchi shaharsozlik sohasida davlat siyosatini shakllantirishda qatnashadi;

nogironlar uchun ish oʻrinlari tashkil etishda va ularni ishga joylashtirishda nogironlarning nodavlat va boshqa tashkilotlariga yordam beradi;

nogironlarning mehnatidan foydalanish boʻyicha ixtisoslashtirilgan korxonalarni tashkil etish va rivojlantirishga, mehnatning kasanachilik turlarini va ish bilan taʼminlashning boshqa shakllarini rivojlantirishga koʻmaklashadi;

nogironlarni ijtimoiy reabilitatsiya qilish bosqichi sifatida ularning jismoniy tarbiya va sport harakati rivojlantirilishiga koʻmaklashadi;

harakatlanishning maxsus vositalariga, ishlab chiqarish va maishiy tusdagi moslamalarga, nogironlarni reabilitatsiya qilish va ularni parvarishlashning boshqa texnik vositalariga boʻlgan ehtiyojni aniqlaydi va ularni ishlab chiqarish uchun buyurtmalar beradi;

aholiga protez-ortopediya yordami koʻrsatishni tashkil etishni, davlat boshqaruvi boshqa organlari, mahalliy davlat hokimiyati organlari va tashkilotlar bilan birgalikda protez-ortopediya buyumlari va nogironlarning hayot faoliyatini taʼminlash vositalarini ishlab chiqarishni koʻpaytirish hamda tayyorlash texnologiyasini takomillashtirish, ularning yangi turlarini ishlab chiqarish ishlari amalga oshirilishini taʼminlaydi;

nogironlarni protez-ortopediya buyumlari va harakatlanish vositalari bilan taʼminlash tartibini belgilaydi.

10.7. Moliya-xoʻjalik faoliyati sohasida:

Vazirlik tizimida reja-moliya ishlarini, tasarrufidagi tashkilotlar tomonidan oʻtkaziladigan tadbirlarni, shuningdek ushbu sohadagi ilmiy tadqiqotlarni mablagʻ bilan taʼminlashni belgilangan tartibda tashkil etadi;

aholiga ijtimoiy yordam berishning har xil turlarini tashkil etishni iqtisodiy jihatdan asoslab beradi;

Vazirlik tizimi xodimlari mehnatini normalashning tashkil etilishini takomillashtirish tadbirlarini oʻz vakolatlari doirasida amalga oshiradi;

tasarrufidagi tashkilotlarning moliya-xoʻjalik faoliyati boʻyicha balanslar va hisobotlarni koʻrib chiqadi;

davlat markazlashtirilgan kapital qoʻyilmalaridan tasarrufidagi tashkilotlar tomonidan samarali foydalanilishini taʼminlaydi, Vazirlik tizimidagi obyektlarni qurish va rekonstruksiya qilish boʻyicha istiqbolli dasturlarning ishlab chiqilishini tashkil etadi.

11. Vazirlik oʻziga yuklangan vazifalar va funksiyalarni bajarish uchun quyidagi huquqlarga ega:

davlat boshqaruvi organlari, mahalliy davlat hokimiyati organlarining aholini ish bilan taʼminlash va ijtimoiy muhofaza qilish sohasida davlat siyosatini amalga oshirish masalalaridagi faoliyatini belgilangan tartibda muvofiqlashtirish;

Oʻzbekiston Respublikasi Vazirlar Mahkamasiga mehnatga haq toʻlash va aholini ijtimoiy muhofaza qilish tizimini boshqarishni takomillashtirish va rivojlantirish, mehnat va ijtimoiy taʼminot organlarining moddiy-texnika bazasini mustahkamlash va ular uchun malakali kadrlar tayyorlash boʻyicha takliflar kiritish;

Vazirlik vakolatiga kiradigan masalalarni hal etish uchun davlat boshqaruvi organlari va mahalliy davlat hokimiyati organlaridan axborotlarni belgilangan tartibda soʻrash va olish;

hayʼat majlislarida vazirliklar va idoralar, mahalliy davlat hokimiyati va boshqaruvi organlari, korxonalar, muassasalar va tashkilotlar masʼul xodimlarining Vazirlik vakolatiga tegishli masalalar boʻyicha hisobotlarini eshitish;

korxonalar, muassasalar, tashkilotlar rahbarlariga mehnat va aholini ish bilan taʼminlash toʻgʻrisidagi qonun hujjatlari buzilganligi uchun qonun hujjatlarida belgilangan tartibda maʼmuriy jazolar berish;

belgilangan tartibda noshirlik faoliyatini amalga oshirish;

ilmiy muassasalarni, olimlar va mutaxassislarni, shu jumladan xorijiy olimlar va mutaxassislarni Vazirlik vakolatiga tegishli masalalarni hal qilishga shartnoma asosida jalb etish;

davlat va xoʻjalik boshqaruvi organlari hamda tashkilotlarning mehnat, ish bilan taʼminlash, mehnatni muhofaza qilish, pensiya taʼminoti, nogironlarni ijtimoiy muhofaza qilish toʻgʻrisida amaldagi qonun hujjatlari buzilgan holda qabul qilingan buyruqlari va boshqa hujjatlarini bekor qilish yuzasidan belgilangan tartibda takliflar kiritish;

Vazirlik vakolatiga kiruvchi masalalar boʻyicha tegishli xorijiy davlatlar va xalqaro tashkilotlar bilan xalqaro hamkorlikni amalga oshirish.

Vazirlik qonun hujjatlariga muvofiq boshqa huquqlarga ham ega boʻlishi mumkin.

12. Vazirlik oʻz vakolatlari doirasida davlat boshqaruvi organlari, mahalliy davlat hokimiyati organlari, tashkilotlar, mansabdor shaxslar va fuqarolar tomonidan bajarilishi majburiy boʻlgan normativ-huquqiy hujjatlarni tasdiqlashga haqlidir.

Vazirlik, zarur hollarda, davlat boshqaruvi organlari bilan birgalikda, belgilangan tartibda qoʻshma qarorlar va boshqa hujjatlar qabul qilish huquqiga ega.

13. Vazirlik oʻziga yuklangan vazifalar va funksiyalarning samarali bajarilishi, taqdim etilayotgan tahliliy hujjatlarning xolisonaligi va kompleksliligi uchun javob beradi.

14. Vazirlikka qonun hujjatlarida belgilangan tartibda lavozimga tayinlanadigan va lavozimdan ozod qilinadigan Vazir boshchilik qiladi.

Vazirning qonun hujjatlarida belgilangan tartibda lavozimga tayinlanadigan va lavozimdan ozod qilinadigan uch nafar oʻrinbosari, shu jumladan bir nafar birinchi oʻrinbosari boʻladi.

15. Vazir:

Vazirlik faoliyatiga rahbarlik qiladi hamda Vazirlikka yuklangan vazifalar va funksiyalarning bajarilishi uchun shaxsan javob beradi;

oʻz oʻrinbosarlarining vakolatlarini belgilaydi, ular oʻrtasida vazifalarni taqsimlaydi, Vazirlik tizimidagi boshqa mansabdor shaxslarning vakolatlarini, oʻz oʻrinbosarlarining hamda boshqa mansabdor shaxslarning Vazirlik faoliyatining alohida yoʻnalishlari va uchastkalariga rahbarlik qilish yuzasidan hamda tasarrufidagi organlar va tashkilotlar ishi uchun shaxsiy javobgarligi darajasini belgilaydi;

oʻz vakolatlari doirasida Vazirlik tizimi xodimlarining bajarishi majburiy boʻlgan buyruqlar chiqaradi va koʻrsatmalar beradi;

Vazirlik vakolatiga kiradigan masalalar boʻyicha normativ hujjatlar loyihalarini koʻrib chiqish uchun belgilangan tartibda Vazirlar Mahkamasiga kiritadi;

zarurat boʻlganda, xodimlarning belgilangan umumiy soni doirasida Vazirlik markaziy apparatining tuzilmasiga oʻzgartirishlar kiritadi, shtat jadvalini, shuningdek Vazirlikning markaziy apparati, oʻziga qarashli tashkilotlarning xarajatlar smetasini tasdiqlaydi;

Vazirlikning tarkibiy va hududiy boʻlinmalari toʻgʻrisidagi nizomlarni, Vazirlik tizimiga kiruvchi oʻziga qarashli boshqa tashkilotlarning nizomlarini (ustavlarini) belgilangan tartibda tasdiqlaydi;

Vazirlikning markaziy apparati xodimlarini va Vazirlikka boʻysunadigan tashkilotlar va hududiy boʻlinmalar rahbarlarini Vazirlik tomonidan belgilangan tartibda lavozimga tayinlaydi va lavozimdan ozod qiladi;

qonun hujjatlarida belgilangan vakolatlar doirasida boshqa vakolatlarni amalga oshiradi.

16. Vazirlikda 9 kishi — Vazir (hayʼat raisi), vazir oʻrinbosarlari (lavozimiga koʻra), shuningdek Vazirlik va uning tizimi boshqa rahbar xodimlaridan iborat tarkibda hayʼat tashkil etiladi.

Hayʼat aʼzolari Oʻzbekiston Respublikasi Vazirlar Mahkamasi tomonidan tasdiqlanadi, Vazir va uning oʻrinbosarlari bundan mustasno.

Vazirlik hayʼati oʻzining muntazam ravishda oʻtkaziladigan majlislarida Vazirlik faoliyatining asosiy masalalarini koʻrib chiqadi, Vazirlikning tarkibiy va hududiy boʻlinmalari, oʻziga qarashli boshqa organlar va tashkilotlar rahbarlarining hisobotlarini eshitadi, Vazirlikning muhim buyruqlari va boshqa hujjatlari loyihalarini muhokama qiladi.

Hayʼat qarorlari Vazirning buyruqlari bilan amalga oshiriladi.

Vazir bilan hayʼat aʼzolari oʻrtasida kelishmovchiliklar paydo boʻlgan taqdirda Vazir, paydo boʻlgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga axborot bergan holda, mustaqil ravishda qaror qabul qiladi. Hayʼat aʼzolari ham oʻz fikr-mulohazalarini Vazirlar Mahkamasiga maʼlum qilishlari mumkin.

17. Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar mehnat va aholini ijtimoiy muhofaza qilish hududiy bosh boshqarmalari, shuningdek tuman (shahar) ijtimoiy taʼminot boʻlimlari hamda bandlikka koʻmaklashuvchi tuman (shahar) markazlari tegishli ravishda Qoraqalpogʻiston Respublikasi Vazirlar Kengashiga, viloyatlar, shaharlar va tumanlar hokimliklariga hamda Vazirlikka boʻysunadilar va hisobot beradilar.

18. Viloyatlar va Toshkent shahar mehnat va aholini ijtimoiy muhofaza qilish bosh boshqarmalari rahbarlarini tayinlash tegishli ravishda viloyatlar va Toshkent shahar hokimlari bilan kelishilgan holda Oʻzbekiston Respublikasi Mehnat va aholini ijtimoiy muhofaza qilish vaziri tomonidan amalga oshiriladi. Vazir tuman (shahar) ijtimoiy taʼminot boʻlimlari hamda bandlikka koʻmaklashuvchi markazlar, TMEKlar, shuningdek hududiy bosh boshqarmalarga qarashli tibbiy-ijtimoiy va davolash-profilaktika muassasalari rahbarlarini tayinlashga rozilik beradi.

19. Viloyatlar va Toshkent shahar mehnat va aholini ijtimoiy muhofaza qilish bosh boshqarmalari toʻgʻrisidagi nizomlar tegishli viloyatlar va Toshkent shahar hokimlari bilan kelishilgan holda Oʻzbekiston Respublikasi Mehnat va aholini ijtimoiy muhofaza qilish vazirligi tomonidan tasdiqlanadi.

Tuman (shahar) ijtimoiy taʼminot boʻlimlari hamda bandlikka koʻmaklashuvchi markazlari toʻgʻrisidagi nizomlar tegishli tuman (shahar) hokimlari bilan kelishilgan holda viloyatlar va Toshkent shahar mehnat va aholini ijtimoiy muhofaza qilish bosh boshqarmalari tomonidan tasdiqlanadi.

20. Vazirlik xodimlarini moddiy ragʻbatlantirish amaldagi qonun hujjatlariga muvofiq amalga oshiriladi.

21. Vazirlik xodimlarining ish haqi lavozim maoshi, mukofotlar, qoʻshimcha toʻlovlar, ustamalar va amaldagi qonun hujjatlarida nazarda tutilgan ragʻbatlantirish toʻlovlaridan iborat boʻladi.

22. Belgilangan tartibda ajratiladigan budjet mablagʻlari va budjetdan tashqari Bandlikka koʻmaklashish davlat jamgʻarmasi hisobiga shakllantiriladigan mehnatga haq toʻlash fondi mablagʻlari, shuningdek Mehnat va aholini ijtimoiy muhofaza qilish organlari xodimlarining mehnatini ragʻbatlantirish hamda moddiy-texnika bazasini mustahkamlash jamgʻarmasi mablagʻlari Vazirlik xodimlariga ish haqi toʻlash va xodimlarini moddiy ragʻbatlantirish manbai hisoblanadi.

1. Vazirlar Mahkamasining 1993-yil 24-iyundagi 310-son qarori bilan tasdiqlangan Aholini ish bilan taʼminlash dasturlarini ishlab chiqish va amalga oshirish tartibida:

a) “Dasturni ishlab chiqishning umumiy masalalari” boʻlimining uchinchi xatboshidagi “mehnat boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin;

b) “Ish bilan taʼminlashga koʻmaklashish jamgʻarmasi mablagʻlari hisobiga ish oʻrinlari tashkil etish dasturini ishlab chiqishga doir tavsiyalar” boʻlimining 2-bandi birinchi xatboshidagi “mehnat boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin.

2. Vazirlar Mahkamasining “Oʻzbekiston Respublikasi Mehnat va aholini ijtimoiy muhofaza qilish vazirligi Davlat mehnat huquq inspeksiyasi toʻgʻrisidagi nizomni va Mehnat shart-sharoitlari davlat ekspertizasi toʻgʻrisidagi nizomni tasdiqlash haqida” 1993-yil 29-iyuldagi 378-son qarorida (Oʻzbekiston Respublikasi QT, 1993-y., 7-son, 29-modda):

a) Mehnat shart-sharoitlari davlat ekspertizasi toʻgʻrisidagi nizomda:

5-bandning toʻrtinchi xatboshidagi “mehnat organlarida” soʻzlari “bandlikka koʻmaklashish markazlarida” soʻzlari bilan almashtirilsin;

6-bandning birinchi xatboshidagi “tuman (shahar) mehnat, aholini ish bilan taʼminlash va ijtimoiy muhofaza qilish boʻlimlari” soʻzlari “mehnat va aholini ijtimoiy muhofaza qilish, tuman (shahar) Bandlikka koʻmaklashish markazlari” soʻzlari bilan almashtirilsin;

b) Oʻzbekiston Respublikasi Mehnat va aholini ijtimoiy muhofaza qilish vazirligining Davlat mehnat huquq inspeksiyasi toʻgʻrisidagi nizomda:

I boʻlimning 6-bandidagi va V boʻlimning 4-bandidagi va VI boʻlimning nomlanishidagi “mehnat, aholini ish bilan taʼminlash va ijtimoiy muhofaza qilish boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin;

VI boʻlimning 1—4-bandlaridagi “mehnat boʻlimlari” soʻzlari “(shahar) Bandlikka koʻmaklashish markazlari” soʻzlari bilan almashtirilsin;

VI boʻlimning 2-bandidagi “mehnat organi” soʻzlari “bandlikka koʻmaklashish markazi” soʻzlari bilan almashtirilsin.

3. Vazirlar Mahkamasining 1994-yil 11-maydagi 249-son qarori bilan tasdiqlangan “Fuqarolarning davlat pensiya taʼminoti toʻgʻrisida” Oʻzbekiston Respublikasi Qonuni 66-moddasining 2 va 3-qismlariga muvofiq pensiya toʻlashga sarflanadigan xarajatlarni qoplash tartibining 13-bandi chiqarib tashlansin.

4. Vazirlar Mahkamasining 1994-yil 24-avgustdagi 434-son qarori bilan tasdiqlangan Kam taʼminlangan oilalarni hisobga olish, ularga moddiy yordam tayinlash va toʻlash tartibi toʻgʻrisidagi nizomda (Oʻzbekiston Respublikasi QT, 1994-y., 8-son, 40-modda):

a) 10-banddagi va 16-bandning ikkinchi xatboshidagi “mehnat, ish bilan taʼminlash va aholini ijtimoiy himoya qilish boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin;

b) 12-bandning uchinchi xatboshidagi “mehnat boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin.

5. Vazirlar Mahkamasining “Bolali oilalarni ijtimoiy qoʻllab-quvvatlashni kuchaytirish chora-tadbirlari toʻgʻrisida” 1996-yil 10-dekabrdagi 437-son qarorida (Oʻzbekiston Respublikasi QT, 1996-y., 12-son, 35-modda):

a) 5-bandning uchinchi xatboshidagi, 7-banddagi “mehnat, aholini ish bilan taʼminlash va ijtimoiy muhofaza qilish boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin;

6-band chiqarib tashlansin;

b) Voyaga yetmagan bolalari boʻlgan oilalarga nafaqalar tayinlash va toʻlash tartibi toʻgʻrisidagi nizomda:

5-bandning beshinchi xatboshidagi “mehnat organlarida” soʻzlari “Bandlikka koʻmaklashish markazlarida” soʻzlari bilan almashtirilsin;

15-bandning ikkinchi xatboshidagi “mehnat, ish bilan taʼminlash va ijtimoiy himoya qilish tuman (shahar) boʻlimining xodimi (keyingi oʻrinlarda — mehnat birjasi xodimi deb ataladi)” soʻzlari “tuman (shahar) “Bandlikka koʻmaklashish markazi xodimi” soʻzlari bilan almashtirilsin;

15-bandning uchinchi xatboshidagi, 30-banddagi, 31-bandning birinchi xatboshidagi, 32-bandning birinchi xatboshidagi, 33-banddagi “mehnat organi” soʻzlari “Bandlikka koʻmaklashish markazi” soʻzlari bilan almashtirilsin;

37-band quyidagi tahrirda bayon qilinsin:

“37. Fuqarolarning oʻzini oʻzi boshqarish organining raisi va Bandlikka koʻmaklashish markazi xodimi tomonidan imzolangan nafaqa toʻlashga ajratilgan mablagʻlardan foydalanish toʻgʻrisidagi hisobot hisobot oyidan keyingi oyning 10-kunigacha boʻlgan muddatda hokimlikning tuman moliya boʻlimiga va Bandlikka koʻmaklashish markaziga yuboriladi”;

Nizomga 1-ilovadagi “mehnat, ish bilan taʼminlash va ijtimoiy himoya qilish boʻlimi” soʻzlari “Bandlikka koʻmaklashish markazi” soʻzlari bilan almashtirilsin.

6. Vazirlar Mahkamasining 1997-yil 3-iyuldagi 339-son qarori bilan tasdiqlangan Davlat xizmatchilarining lavozimlari roʻyxatining Tuman va shahar hokimliklarining boshqarmalari va mustaqil boʻlimlari boʻlimida “mehnat boʻlimlari” soʻzlari “Bandlikka koʻmaklashish markazi” soʻzlari bilan almashtirilsin.

7. Vazirlar Mahkamasining “Ijtimoiy himoyaga muhtoj shaxslarni ishga joylashtirish uchun ish joylarining eng kam miqdorini belgilash tartibi toʻgʻrisidagi nizomni va aholini ish bilan taʼminlash toʻgʻrisidagi qonun hujjatlarini buzganlik uchun jarima solish tartibi toʻgʻrisidagi nizomni tasdiqlash haqida” 1998-yil 1-dekabrdagi 504-son qarorida (Oʻzbekiston Respublikasi QT, 1998-y., 12-son, 44-modda):

a) 1-ilovada:

6-bandda:

birinchi xatboshidagi “mehnat, ish bilan taʼminlash va ijtimoiy himoya tuman (shahar) boʻlimi” soʻzlari “tuman (shahar) Bandlikka koʻmaklashish markazi” soʻzlari bilan almashtirilsin;

ikkinchi xatboshidagi “mehnat organlari” soʻzlari “Bandlikka koʻmaklashish markazlari” soʻzlari bilan almashtirilsin;

9-banddagi “mehnat boʻlimi” soʻzlari “Bandlikka koʻmaklashish markazi” soʻzlari bilan almashtirilsin;

10-bandda:

birinchi xatboshidagi “mehnat boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin;

ikkinchi xatboshi quyidagi tahrirda bayon qilinsin:

“Bunda aytib oʻtilgan tashkilotlar Bandlikka koʻmaklashish markazlariga aniq korxonalar boʻyicha ijtimoiy himoyaga muhtoj boʻlgan shaxslar uchun ish oʻrinlarining eng kam sonini belgilash toʻgʻrisidagi takliflarni kiritish hamda Bandlikka koʻmaklashish markazlaridan har bir korxonada ijtimoiy himoyaga muhtoj boʻlgan shaxslar uchun ish oʻrinlarining eng kam soni va xususiyati toʻgʻrisidagi zarur maʼlumotlarni hamda ijtimoiy himoyaga muhtoj boʻlgan shaxslarni ishga joylashtirish uchun yaratilgan yoki ajratilgan ish oʻrinlaridan mavjud boʻsh ish oʻrinlari haqidagi maʼlumotlarni olish huquqiga egadir”;

11-banddagi va 14-bandning uchinchi xatboshidagi, 16-bandning ikkinchi xatboshidagi va 19-banddagi “mehnat, aholini ish bilan taʼminlash va ijtimoiy muhofaza qilish boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin;

13-bandning ikkinchi xatboshidagi “mehnat, aholini ish bilan taʼminlash va ijtimoiy muhofaza qilish boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin;

14-bandning birinchi va ikkinchi xatboshlaridagi “mehnat organi” soʻzlari “Bandlikka koʻmaklashish markazi” soʻzlari bilan almashtirilsin;

15-banddagi “mehnat, ish bilan taʼminlash va aholini ijtimoiy himoya qilish boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin;

22-bandning birinchi xatboshidagi “mehnat, aholini ish bilan taʼminlash va ijtimoiy muhofaza qilish boʻlimi” soʻzlari “Bandlikka koʻmaklashish markazi” soʻzlari bilan almashtirilsin;

Nizomga ilovada “mehnat, aholini ish bilan taʼminlash va ijtimoiy muhofaza qilish boʻlimiga” soʻzlari “Bandlikka koʻmaklashish markaziga” soʻzlari bilan almashtirilsin.

b) 2-ilovada:

4-banddagi “mehnat, aholini ish bilan taʼminlash va ijtimoiy muhofaza qilish boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin;

6-bandda:

“v” kichik banddagi “mahalliy mehnat organlari” soʻzlari “Bandlikka koʻmaklashish markazlari” soʻzlari bilan almashtirilsin;

“e” kichik banddagi “mahalliy mehnat organiga” soʻzlari “Bandlikka koʻmaklashish markaziga” soʻzlari bilan almashtirilsin.

8. Vazirlar Mahkamasining “Vaqtinchalik bir martalik ish bilan taʼminlash markazlarini tashkil etish toʻgʻrisida” 2001-yil 18-maydagi 223-son qarorida (Oʻzbekiston Respublikasi QT, 2001-y., 5-son, 28-modda):

a) 2-banddagi “mehnat, aholini ish bilan taʼminlash va ijtimoiy muhofaza qilish shahar va tuman boʻlimlari” soʻzlari “shahar va tuman Bandlikka koʻmaklashish markazlari” soʻzlari bilan almashtirilsin;

b) 4-bandda:

beshinchi-oltinchi xatboshilar quyidagi tahrirda bayon qilinsin:

“huzurida Vaqtinchalik bir martalik ish bilan taʼminlash markazi tashkil etiladigan shahar (tuman) Bandlikka koʻmaklashish markazi direktorining oʻrinbosari Vaqtinchalik bir martalik ish bilan taʼminlash markazi direktori hisoblanadi;

Vaqtinchalik bir martalik ish bilan taʼminlash markazi direktori va Vaqtinchalik bir martalik ish bilan taʼminlash markazida doimiy ravishda boʻladigan shahar (tuman) ichki ishlar boʻlimi masʼul xodimi mehnatiga haq toʻlash tegishli ravishda shahar (tuman) Bandlikka koʻmaklashish markazi va ichki ishlar boʻlimi tomonidan amalga oshiriladi”;

v) 1-ilovada:

2-band quyidagi tahrirda bayon etilsin:

“2. Vaqtinchalik bir martalik ish bilan taʼminlash markazi Oʻzbekiston Respublikasi Mehnat va aholini ijtimoiy muhofaza qilish vazirligi tuzilmasida shahar (tuman) Bandlikka koʻmaklashish markazida fuqarolarning Vaqtinchalik bir martalik mehnat faoliyatini tartibga solish maqsadida tashkil etiladi”;

6-band quyidagi tahrirda bayon etilsin:

“6. Huzurida Vaqtinchalik bir martalik ish bilan taʼminlash markazi tashkil etiladigan shahar (tuman) Bandlikka koʻmaklashish markazi direktorining oʻrinbosari Vaqtinchalik bir martalik ish bilan taʼminlash markazi direktori hisoblanadi.

Vaqtinchalik bir martalik ish bilan taʼminlash markazi direktori mehnatiga haq toʻlash shahar (tuman) Bandlikka koʻmaklashish markazi tomonidan amalga oshiriladi”;

g) 2-ilovada:

“Mehnat, aholini ish bilan taʼminlash va ijtimoiy muhofaza qilish shahar (tuman) boʻlimi” soʻzlari “Shahar (tuman) Bandlikka koʻmaklashish markazi” soʻzlari bilan almashtirilsin;

“Mehnat, aholini ish bilan taʼminlash va ijtimoiy muhofaza qilish shahar (tuman) boʻlimi boshligʻining oʻrinbosari” soʻzlari “Shahar (tuman) Bandlikka koʻmaklashish markazi direktorining oʻrinbosari” soʻzlari bilan almashtirilsin.

9. Vazirlar Mahkamasining 2001-yil 26-iyuldagi 318-son qarori (Oʻzbekiston Respublikasi QT, 2001-y., 7-son, 43-modda) bilan tasdiqlangan Oliy oʻquv yurtlarida toʻlov-kontrakt asosida oʻqish uchun taʼlim kreditlari berish toʻgʻrisidagi nizomning 6-bandi birinchi xatboshidagi “mehnat, aholini ish bilan taʼminlash va ijtimoiy muhofaza qilish tuman boʻlimlari” soʻzlari “tuman Bandlikka koʻmaklashish markazlari” soʻzlari bilan almashtirilsin.

10. Vazirlar Mahkamasining “Oʻzgalar parvarishiga muhtoj yolgʻiz keksalar, pensionerlar va nogironlarga ijtimoiy yordam koʻrsatishni kuchaytirish toʻgʻrisida” 2002-yil 29-martdagi 106-son qarorining 1-bandidagi (Oʻzbekiston Respublikasi QT, 2002-y., 3-son, 19-modda) “mehnat boʻlimlarida” soʻzlari “Bandlikka koʻmaklashish markazlarida” soʻzlari bilan almashtirilsin.

11. Vazirlar Mahkamasining 2003-yil 2-apreldagi 173-son qarori (Oʻzbekiston Respublikasi QT, 2003-y., 4-son, 28-modda) bilan tasdiqlangan Oʻzbekiston Respublikasi Ish bilan taʼminlashga koʻmaklashuvchi davlat jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomda:

a) 1-banddagi “mehnat, aholini ish bilan taʼminlash va ijtimoiy muhofaza qilish tuman (shahar) boʻlimlarining (keyingi oʻrinlarda mehnat boʻlimlari deb ataladi)” soʻzlari “Shahar (tuman) Bandlikka koʻmaklashish markazlari” soʻzlari bilan almashtirilsin;

b) 5-bandning uchinchi xatboshidagi, 11-bandning uchinchi va yettinchi xatboshlaridagi, 20-banddagi “mehnat boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin;

v) 11-bandning ikkinchi xatboshidagi “mehnat boʻlimlarida” soʻzlari “Bandlikka koʻmaklashish markazlarida” soʻzlari bilan almashtirilsin;

g) 12-band quyidagi tahrirda bayon qilinsin:

“12. Bandlikka koʻmaklashish markazi hisob raqamiga tushadigan mablagʻlarning 5 foizi mehnat va aholini ijtimoiy muhofaza qilish organlarining xodimlari mehnatini ragʻbatlantirish va moddiy-texnika bazasini mustahkamlash jamgʻarmasiga yoʻnaltiriladi”;

d) 21-bandning birinchi xatboshidagi va 22-banddagi “mehnat boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin;

12. Vazirlar Mahkamasining 2005-yil 15-martdagi 84-son qarori (Oʻzbekiston Respublikasi QT, 2005-y., 3-4-sonlar, 15-modda) bilan tasdiqlangan Fuqarolarni muddatli harbiy xizmatga yigʻish va joʻnatish, ularni harbiy qismlarda qabul qilish, shuningdek Oʻzbekiston Respublikasi Qurolli Kuchlari rezerviga boʻshatilgan harbiy xizmatlarni yashash joylariga qaytarish tartibi toʻgʻrisidagi nizomning 24-bandi toʻrtinchi xatboshidagi “mehnat, aholini ish bilan taʼminlash va ijtimoiy muhofaza qilish boʻlimlari” soʻzlari “Bandlikka koʻmaklashish markazlari” soʻzlari bilan almashtirilsin.

13. Vazirlar Mahkamasining “2006 — 2010-yillar davrida shaxsiy yordamchi, dehqon va fermer xoʻjaliklarida chorva mollari, birinchi navbatda qoramollar sonini koʻpaytirishni ragʻbatlantirish dasturini amalga oshirish chora-tadbirlari toʻgʻrisida” 2006-yil 21-apreldagi 67-son qarorida (Oʻzbekiston Respublikasi QT, 2006-y., 4-son, 27-modda):

a) 1-ilovada:

3-bandning birinchi xatboshidagi “mehnat, aholini ish bilan taʼminlash va ijtimoiy muhofaza qilish tuman (shahar) boʻlimi (keyingi oʻrinlarda mehnat organi deb ataladi)” soʻzlari “tuman (shahar) Bandlikka koʻmaklashish markazi” soʻzlari bilan almashtirilsin;

4-bandning uchinchi xatboshidagi, 6-bandning ikkinchi xatboshidagi, 15-banddagi, 31-bandning birinchi va uchinchi xatboshilaridagi, 35 va 36-bandlardagi, 38-bandning birinchi xatboshidagi “mehnat organida”, “mehnat organi”, “mehnat organining”, “mehnat organlari” soʻzlari tegishli ravishda “Bandlikka koʻmaklashish markazida”, “Bandlikka koʻmaklashish markazi”, “Bandlikka koʻmaklashish markazining”, “Bandlikka koʻmaklashish markazlari” soʻzlari bilan almashtirilsin;

Nizomga 1-ilovadagi “Mehnat, aholini ish bilan taʼminlash va ijtimoiy muhofaza qilish tuman (shahar) boʻlimiga” soʻzlari “Tuman (shahar) Bandlikka koʻmaklashish markaziga” soʻzlari bilan almashtirilsin.

Nizomga 4-ilovada:

uchinchi xatboshi quyidagi tahrirda bayon qilinsin:

“__________ viloyati, __________ tumani (shahri) Bandlikka koʻmaklashish markazi nomidan direktor ____________________ (keyingi oʻrinlarda “Bandlikka koʻmaklashish markazi” deb yuritiladi”;

2.2.-banddagi “Mehnat boʻlimi” soʻzlari “Bandlikka koʻmaklashish markazi” soʻzlari bilan almashtirilsin;

tomonlarning imzolari qismida “Mehnat boʻlimi” soʻzlari “Bandlikka koʻmaklashish markazi” soʻzlari bilan almashtirilsin;

Nizomga 5-ilovada:

“Mehnat boʻlimi” soʻzlari “Bandlikka koʻmaklashish markazi” soʻzlari bilan almashtirilsin;

Nizomga 6-ilovada:

“mehnat, aholini ish bilan taʼminlash va ijtimoiy muhofaza qilish boʻlimi” soʻzlari “Bandlikka koʻmaklashish markazi” soʻzlari bilan almashtirilsin;

b) 2-ilovaning 8-bandi toʻrtinchi xatboshidagi “mehnat, aholini ish bilan taʼminlash va ijtimoiy muhofaza qilish boʻlimi” soʻzlari “Bandlikka koʻmaklashish markazi” soʻzlari bilan almashtirilsin.

1. Oʻzbekiston Respublikasi Vazirlar Mahkamasining “Oʻzbekiston Respublikasi Mehnat va aholini ijtimoiy muhofaza qilish vazirligi faoliyatini tashkil etish toʻgʻrisida” 2001-yil 13-fevraldagi 75-son qarorining 1-bandi va qarorga 1 — 3-ilovalar (Oʻzbekiston Respublikasi QT, 2001-y., 2-son, 11-modda).

2. Oʻzbekiston Respublikasi Vazirlar Mahkamasining “Mehnat va aholini ijtimoiy muhofaza qilish vazirligi hamda Tashqi mehnat migratsiyasi masalalari agentligi toʻgʻrisidagi nizomlarni tasdiqlash haqida” 2001-yil 6-apreldagi 162-son qarorining 1-bandi va qarorga 1-ilova (Oʻzbekiston Respublikasi QT, 4-son, 21-modda).