LexUZ sharhi
Mazkur qarorning amal qilishi O‘zbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti boshlig‘ining 2007-yil 22-fevraldagi 12-sonli ““Pul mablag‘lari yoki boshqa mol-mulk bilan bog‘liq operatsiyalarni amalga oshiruvchi tashkilotlarda jinoiy faoliyatdan olingan daromadlarni legallashtirish va terrorizmni moliyalashtirishga qarshi kurashish yuzasidan ichki nazoratni amalga oshirish qoidalarini tasdiqlash to‘g‘risida” gi buyruqning amal qilishini to‘xtatib turish haqida” gi buyrug‘iga (ro‘yxat raqami 1597-1, 06.03.2007-y.) asosan 2013-yilning 1-yanvarigacha to‘xtatilgan.
LexUZ sharhi
Mazkur buyruq O‘zbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti boshlig‘ining 2009-yil 13-oktabrdagi 37 sonli “2006-yil 19-iyundagi 517-sonli va 2007-yil 22-fevraldagi 12-sonli buyruqlarni o‘z kuchini yo‘qotgan deb hisoblash to‘g‘risida”gi buyrug‘iga (ro‘yxat raqami 1597-2 16.10.2009-y.) muvofiq o‘z kuchini yo‘qotgan.
O‘zbekiston Respublikasi “Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish to‘g‘risida”gi Qonunining 6-moddasiga va O‘zbekiston Respublikasi Prezidentining 2006-yil 21-apreldagi “Moliya-iqtisodiy, soliq sohasidagi jinoyatlarga, jinoiy faoliyatdan olingan daromadlarni legallashtirishga qarshi kurashishni kuchaytirish chora-tadbirlari to‘g‘risida”gi PQ-331-sonli qaroriga muvofiq buyuraman:
1. Ilovadagi* “Pul mablag‘lari yoki boshqa mol-mulk bilan bog‘liq operatsiyalarni amalga oshiruvchi tashkilotlarda jinoiy faoliyatdan olingan daromadlarni legallashtirish va terrorizmni moliyalashtirishga qarshi kurashish yuzasidan ichki nazoratni amalga oshirish qoidalari” tasdiqlansin.
* Ilova rus tilidagi matnda berilgan.
2. Mazkur buyruq O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun muddat o‘tgach kuchga kiritilsin.
3. Mazkur qoidalarga rioya qilinishining nazorati Departament boshlig‘ining o‘rinbosari — jinoiy faoliyatdan olingan daromadlarni legallashtirishga qarshi kurashish boshqarmasi boshlig‘ining zimmasiga yuklatilsin.