1.09.00.00.00 Тадбиркорлик ва хўжалик фаолияти / 09.15.00.00 Транспорт / 09.15.08.00 Йўл хўжалиги. Йўл фонди;
2.12.00.00.00 Ахборот ва ахборотлаштириш / 12.01.00.00 Ахборот ва ахборотлаштириш соҳасининг умумий қоидалари]
[ТСЗ:
1.Иқтисодиёт / Транспорт. Йўл хўжалиги. Ҳаракат ва парвозлар хавфсизлиги;
2.Иқтисодиёт / Ахборот ва ахборотлаштириш. Электрон тижорат (ҳужжат айланиши)]
Ўзбекистон Республикаси Вазирлар Маҳкамасининг
қарори
Йўл ҳаракати хавфсизлигини таъминлаш соҳасига замонавий ахборот технологияларини кенг жорий этиш бўйича қўшимча чора-тадбирлар тўғрисида
Ўзбекистон Республикасида йўл ҳаракати хавфсизлигини таъминлаш, йўл-транспорт ҳодисаларининг олдини олиш, ҳуқуқбузарликларни ўз вақтида аниқлаш ва уларга барҳам беришни таъминлайдиган йўл ҳаракатини автоматлаштирилган тартибга солиш тизимини кенгайтириш бўйича ички ишлар органлари фаолиятининг сифат жиҳатидан янги тартиби белгиланди.
Мазкур йўналишдаги ишларни янада жадаллаштириш, йўл ҳаракатини ташкил этиш соҳасига замонавий ахборот технологияларини кенг жорий этиш, шунингдек, йўл ҳаракати барча иштирокчиларининг хавфсиз ҳаракатланиши учун зарур шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Ички ишлар вазирлигининг Вазирлар Маҳкамасининг «Ўзбекистон Республикаси йўл хавфсизлигини таъминлаш тизимини янада такомиллаштириш чора-тадбирлари тўғрисида» 2018 йил 19 майдаги 377-сон қарорига мувофиқ фаолият кўрсатаётган йўл-патруль хизмати стационар постларида замонавий ахборот-коммуникация технологияларини жорий қилиш орқали ушбу масканларда инсон омилини чеклаган ҳолда транспорт воситаларининг тўсиқсиз ҳаракатланишини таъминлаш бўйича «Яшил» ва «Қизил» йўлак тизимини (кейинги ўринларда — «Яшил» ва «Қизил» йўлак тамойили) босқичма-босқич жорий этиш тўғрисидаги таклифи маъқуллансин.
Бунда, йўл-патруль хизмати стационар постларида ташкил этиладиган:
«Яшил» йўлакдан — белгиланган қоидаларга риоя этадиган ва ҳуқуқбузарлик содир этмаган транспорт воситалари ҳайдовчилари ҳеч қандай тўсиқсиз ва чекловларсиз ҳаракатланади;
«Қизил» йўлакдан — қидирувда бўлган, вазн ва ҳажм параметрларини бузиб ҳаракатланаётган ёки йўл ҳаракати қоидаларини бузганлик учун ўз вақтида тўланмаган жаримаси мавжуд бўлган транспорт воситалари ҳаракатланади.
(1-банднинг тўртинчи хатбошиси Ўзбекистон Республикаси Вазирлар Маҳкамасининг 2023 йил 11 августдаги 354-сонли қарори таҳририда — Қонунчилик маълумотлари миллий базаси, 15.08.2023 й., 09/23/354/0615-сон)
2. Қуйидагиларни назарда тутувчи Йўл-патруль хизмати стационар постларида «Яшил» ва «Қизил» йўлак тамойили асосида ҳаракатланиш тартибини жорий этиш тўғрисидаги низом 1-иловага мувофиқ тасдиқлансин:
«Яшил» ва «Қизил» йўлак тамойили асосида йўл-патруль хизмати стационар постларининг фаолиятини ташкил этиш тартиби;
автотранспорт воситаларининг йўл-патруль хизмати стационар постларида «Яшил» ва «Қизил» тамойили асосида ташкил этиладиган йўлаклар орқали ҳаракатланиш тартиби;
постларга хизматни ўташ учун жалб этиладиган йўл-патрул хизмати ходимларининг асосий ҳуқуқ ва мажбуриятлари;
постларга транспорт воситасида ҳаракатланиб келган ҳайдовчининг ҳуқуқ ва мажбуриятлари;
3. Белгилансинки, 2023 йил 1 декабрдан бошлаб «Яшил» ва «Қизил» йўлак тамойили мазкур қарорга 2-иловадаги жадвалга мувофиқ босқичма-босқич республиканинг йўл-патруль хизмати стационар постларида жорий этилади.
(3-банд Ўзбекистон Республикаси Вазирлар Маҳкамасининг 2023 йил 11 августдаги 354-сонли қарори таҳририда — Қонунчилик маълумотлари миллий базаси, 15.08.2023 й., 09/23/354/0615-сон)
Рақамли технологиялар вазирлиги билан биргаликда икки ой муддатда «Яшил» ва «Қизил» йўлаклар тизимини жорий этиш бўйича техник ҳужжатларни ишлаб чиқиб, белгиланган тартибда тасдиқласин ҳамда 2023 йил 1 ноябрга қадар тизимнинг ишга туширилишини таъминласин;
(4-банднинг иккинчи хатбошиси Ўзбекистон Республикаси Вазирлар Маҳкамасининг 2023 йил 11 августдаги 354-сонли қарори таҳририда — Қонунчилик маълумотлари миллий базаси, 15.08.2023 й., 09/23/354/0615-сон)
Транспорт вазирлиги, Молия вазирлиги, Ахборот технологиялари ва коммуникацияларини ривожлантириш вазирлиги ҳамда бошқа манфаатдор ташкилотлар билан биргаликда 2022 йил якунига қадар транспорт оқимини ҳисоблаш, тирбандликларнинг олдини олиш, қидирувда бўлган ва олиб қочилган транспорт воситаларининг ҳаракатланиш йўналишини аниқлаш ҳамда транспорт воситалари тўғрисидаги маълумотларни масофадан узатиш имкониятини ўз ичига олган радиочастоталардан фойдаланган ҳолда контактсиз маълумотлар алмашинуви технологиясининг жаҳон тажрибасини ўрганиб чиқсин ва белгиланган тартибда Вазирлар Маҳкамасига таклифлар киритсин.
5. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари мазкур қарорга 2-иловада кўрсатилган йўл-патруль хизмати стационар постларига туташ ҳамда улар атрофидаги бўш турган ва захирага олинган қишлоқ хўжалигида фойдаланилмайдиган ер участкаларини ушбу постларда зарур иншоотларни барпо этиш ва жиҳозлаш мақсадида тегишли ички ишлар органлари мурожаатига асосан уларга доимий фойдаланиш ҳуқуқи билан ажратилишини таъминласин.
6. Белгилаб қўйилсинки, йўл-патруль хизмати стационар постларида «Яшил» ва «Қизил» йўлак тизимини жорий этиш билан боғлиқ харажатлар Ўзбекистон Республикаси Ички ишлар вазирлигининг бюджетдан ташқари маблағлари, халқаро молия институтлари, хорижий ташкилотлар ҳамда донор мамлакатлар кредитлари ва грантлари, шунингдек, қонунчилик ҳужжатларида тақиқланмаган бошқа манбалар ҳисобидан амалга оширилади.
«Қизил» йўлак — қидирувда бўлган, вазн ва ҳажм параметрларини бузиб ҳаракатланган ёки йўл ҳаракати қоидаларини бузганлик учун ўз вақтида тўланмаган жаримаси мавжуд транспорт воситалари ҳаракатланиши шарт бўлган ҳаракатланиш бўлаги;
(2-банднинг учинчи хатбошиси Ўзбекистон Республикаси Вазирлар Маҳкамасининг 2023 йил 11 августдаги 354-сонли қарори таҳририда — Қонунчилик маълумотлари миллий базаси, 15.08.2023 й., 09/23/354/0615-сон)
қарздорлик — йўл ҳаракати қоидаларини бузганлик учун жарима солиш ҳақида қарор чиқарилган кундан эътиборан олтмиш кун ичида тўланмаган жарима;
пост — йўл-патруль хизмати ходимларининг хизмат кўрсатиш, тезкор-техник ва махсус воситалар, муҳандислик ва бошқа тузилмалар билан жиҳозланган жой;
ҳаракатланиш бўлаги — автомобилларнинг бир қатор бўлиб ҳаракатланиши учун етарлича кенг бўлган, йўл чизиқлари билан белгиланган ёки белгиланмаган йўл қатнов қисмининг ҳар қандай бўйлама бўлаги;
фото ва видео қайд этиш қурилмаси — йўл ҳаракати қоидалари бузилишини махсус автоматлаштирилган фото ва видео техника воситалари ёрдамида қайд этувчи қурилма;
«Яшил» йўлак — «Қизил» йўлак орқали ҳаракатланиш шартлигини кўрсатувчи аломатлари бўлмаган транспорт воситаларининг ҳаракатланишига рухсат бериладиган ҳаракатланиш бўлаги.
3. Постларда ўрнатилган тартиб хорижий транспорт воситаларига ҳам татбиқ этилади.
2-боб. «Яшил» ва «Қизил» йўлак тамойили асосида постларнинг фаолиятини ташкил этиш
4. Транспорт воситаларининг ҳаракати фото ва видео қайд этиш қурилмалари орқали қайд қилиниб, ҳайдовчиларга ёруғлик диодли экран орқали ишора бериш йўли билан тартибга солинади.
5. Ёруғлик диодли экранда акс эттирилмаган ёки «Яшил» йўлак бўйлаб ҳаракатланиш ҳақида ишора берилган транспорт воситалари «Яшил» йўлак бўйлаб тўсиқсиз ҳаракатланади.
6. «Қизил» йўлакдан ҳаракатланиши буюрилган транспорт воситалари бўйича ҳаракат қатнашчиларининг ҳужжатлари электрон маълумотлар базасидан фойдаланган ҳолда текширилади, аниқланган қарздорликлар бўйича постларда ташкил этилган банк терминаллари орқали қарздорлик бўйича тўлов амалга оширилганидан сўнг, уларнинг ҳаракатини давом эттиришга рухсат бериш чоралари кўрилади.
Қарздорлик тўланмаган ҳолларда транспорт воситалари Ўзбекистон Республикасининг Маъмурий жавобгарлик тўғрисидаги кодекси 291-моддаси ҳамда Вазирлар Маҳкамасининг 2011 йил 25 майдаги 149-сон қарори билан тасдиқланган Қонунчилик ҳужжатлари бузилганлиги учун ушланган транспорт воситаларини махсус тўхташ жойларига олиб келиш, жойлаштириш ва сақлаш тартиби тўғрисидаги низомга мувофиқ махсус тўхташ жойларига жойлаштирилади.
Вазн ва ҳажм параметрларини бузиб ҳаракатланадиган транспорт воситалари бўйича вазн ва ҳажм параметрлари тегишли нормага мослаштирилган тақдирда, уларнинг ҳаракатини давом эттиришга рухсат берилади.
(6-банднинг учинчи хатбошиси Ўзбекистон Республикаси Вазирлар Маҳкамасининг 2023 йил 11 августдаги 354-сонли қарори таҳририда — Қонунчилик маълумотлари миллий базаси, 15.08.2023 й., 09/23/354/0615-сон)
Вазн ва ҳажм параметрларини бузиб ҳаракатланган транспорт воситалари бўйича вазн ва ҳажм параметрларини тегишли нормага мослаштирилмаган ёки объектив сабабларга кўра бунинг имкони бўлмаган тақдирда қонун ҳужжатларида белгиланган тартибда ушлаб туриш чоралари кўрилади.
LexUZ шарҳи
Қаранг: Ўзбекистон Республикаси Маъмурий жавобгарлик тўғрисидаги кодекснинг 291-моддаси, Вазирлар Маҳкамасининг 2011 йил 25 майдаги 149-сон «Қонун ҳужжатлари бузилганлиги учун ушланган транспорт воситаларини тўхташ жойларига олиб келиш, жойлаштириш ва сақлаш тартибини такомиллаштириш тўғрисида»ги қарори.
Қидирувда бўлган транспорт воситалари аниқланганда, ушбу транспорт воситалари дарҳол махсус тўхташ жойларига жойлаштирилади.
транспорт воситаси тўхтатилган вақтдан эътиборан кўпи билан 30 дақиқа ичида қарздорликка оид батафсил маълумот олиш имконияти бўлмаса ёхуд постларда ташкил этилган банк терминаллари ишламаётган ёки аниқланган қарздорликлар бўйича тўловни қонун ҳужжатларида белгиланган бошқача тартибда амалга ошириш имконияти бўлмаган ҳолларда;
аниқланган қарздорликларга асос бўлган қоидабузарликлар юзасидан судга мурожаат қилинган ёки иш судда кўрилаётган ҳолларда (бундан иш юзасидан суднинг қарори қонуний кучга кирган ҳоллар мустасно);
транспорт воситасида шошилинч тиббий ёрдамга муҳтож шахс бўлганда;
ҳудудий ички ишлар органлари навбатчилик қисми ва марказий ахборот диспетчерлик хизмати — ахборот диспетчерлик хизмати (кейинги ўринларда — МАДХ-АДХ) билан доимий алоқада бўлиш;
постларда мавжуд ёруғлик диодли экран ёрдамида, транспорт воситаларини қизил ва яшил йўлаклар бўйлаб тўғри ҳаракат қилиб келаётганлигини назорат қилиш;
ахборот ишора белгилари ёки ёруғлик диодли экранда намоён бўлган маълумотларга амал қилмасдан ҳаракатланиши керак бўлган йўлакда ҳаракатланмаган транспорт воситасини ўрнатилган тартибда тегишли ишора бериш йўли билан тўхтатиш;
постларда мавжуд техник жиҳозларнинг соз ҳолда ишлашини мунтазам равишда назорат қилиш;
техник жиҳозларда носозликлар аниқланган тақдирда, уларни зудлик билан бартараф этиш чораларини кўриш;
постлардан «Қизил» йўлак бўйлаб ўтган транспорт воситалари бўйича кунлик ҳисоботни юритиш ва қўлланилган чоралар бўйича маълумотни ҳудудий йўл ҳаракати хавфсизлиги хизматларига юбориш.
4-боб. Постларга транспорт воситасида ҳаракатланиб келган ҳайдовчининг ҳуқуқ ва мажбуриятлари
10. Постларга транспорт воситасида ҳаракатланиб келган ҳайдовчилар қуйидаги ҳуқуқларга эга:
ёруғлик диодли экран орқали қизил йўлакдан ҳаракатланиш буюрилганлиги асослари тўғрисида тушунтириш берилишини талаб қилиш;
аниқланган камчиликлар ва қарздорликлар билан боғлиқ маълумотлар билан танишиш;
йўл қуйилган камчиликлар ва қарздорликлар юзасидан тушунтиришлар бериш;
мавжуд қарздорлик ёки транспорт воситаси қидирувда эканлиги муносабати билан махсус тўхташ жойига жойлаштирилганлиги юзасидан юқори турувчи орган (мансабдор шахс)га ёки судга шикоят қилиш.
11. Постларга транспорт воситасида ҳаракатланиб келган ҳайдовчи ахборот ишора белгилари ёки ёруғлик диодли экранда намоён этилган маълумотлардаги ишораларга сўзсиз риоя қилишга мажбур.
5-боб. Постлар фаолияти устидан назорат
12. Постларнинг фаолияти устидан назорат бевосита Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати томонидан олиб борилади.
13. Постларда хизмат олиб бораётган йўл-патрул хизмати ходимлари томонидан тақдим этилган кунлик маълумот ҳудудий йўл ҳаракати хавфсизлиги хизматлари томонидан умумлаштирилиб, автоматлаштирилган маълумотлар базаси билан солиштирилади ва ойлик ҳисобот юритилади.
Ойлик ҳисобот бевосита Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматига тақдим этилади.
6-боб. Якунловчи қоидалар
14. Ҳайдовчилар постларга хизматни ўташ учун жалб этиладиган йўл-патрул хизмати ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилишлари мумкин.
15. Мазкур Низом талабларини бузган шахслар қонунчилик ҳужжатларида белгиланган тартибда жавоб берадилар.
Изоҳ: Йўл инфратузилмасининг тайёр бўлишидан келиб чиққан ҳолда, «яшил» ва «қизил» йўлаклар тизими жорий қилиш жадвалда белгиланган муддатлардан олдин амалга оширилиши мумкин.
* «Келес» ЙПХ стационар пости қуриб битказилгандан кейин «яшил» ва «қизил» йўлаклар тизими жорий қилинади.
(2-илованинг матни Ўзбекистон Республикаси Вазирлар Маҳкамасининг 2023 йил 11 августдаги 354-сонли қарори таҳририда — Қонунчилик маълумотлари миллий базаси, 15.08.2023 й., 09/23/354/0615-сон)
Вазирлар Маҳкамасининг 2022 йил 8 июлдаги 377-сон қарорига 3-ИЛОВА
1. 4-банднинг «а» кичик банди тўртинчи хатбошиси «рағбатлантирилади» сўзидан кейин «Ўзбекистон Республикаси Ички ишлар вазирлиги, Фавқулодда вазиятлар вазирлиги ҳамда Миллий гвардиясининг хизмат автотранспорт воситаларига ўрнатилган видеорегистраторлар орқали қайд этилган ҳуқуқбузарликлар бундан мустасно» сўзлари билан тўлдирилсин.
2. Илованинг 11-банди биринчи хатбошиси «рағбатлантирилади» сўзидан кейин «Ўзбекистон Республикаси Ички ишлар вазирлиги, Фавқулодда вазиятлар вазирлиги ҳамда Миллий гвардиясининг хизмат автотранспорт воситаларига ўрнатилган видеорегистраторлар орқали қайд этилган ҳуқуқбузарликлар бундан мустасно» сўзлари билан тўлдирилсин.
(Қонунчилик маълумотлари миллий базаси, 08.07.2022 й., 09/22/377/0622-сон; 15.08.2023 й., 09/23/354/0615-сон)
LexUZ шарҳи