T/r

Yangi tashkil qilinayotgan tuzilmaning toʻliq (rasmiy) nomi

Izoh

1.

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari huzuridagi davlat muassasalari shaklidagi koʻp kvartirali uylarni taʼmirlash boʻyicha injiniring kompaniyalari.

Budjet tizimi budjetlari hisobidan koʻp kvartirali uylarni taʼmirlash bilan bogʻliq barcha tadbirlar boʻyicha ishlab chiqiladigan dasturlar va manzilli roʻyxatlarni Qurilish va uy-joy kommunal xoʻjaligi vazirligi bilan kelishish majburiy hisoblanadi.

Bunda, moliyalashtirish manbasidan qatʼi nazar, koʻp kvartirali uylarni taʼmirlash bilan bogʻliq barcha tadbirlar tegishligiga koʻra buyurtmachi tashkilotlar va koʻp kvartirali uylarni taʼmirlash boʻyicha injiniring kompaniyalari tomonidan vazirlikning maxsus axborot tizimiga bajarilgan ish hajmi boʻyicha maʼlumotlar kiritib boriladi.

Injiniring kompaniyalari faoliyatiga Oʻzbekiston Respublikasi Prezidentining 2022-yil 22-sentabrdagi PQ-378-son qarorida belgilangan tegishli tartib-taomillar tatbiq etiladi.

2.

Qurilish va uy-joy kommunal xoʻjaligi vazirligi huzuridagi davlat muassasasi shaklidagi Urbanizatsiya va shaharsozlik hujjatlarini ishlab chiqish Respublika markazi.

Markaz:

hududlardagi mavjud holatlarni aniqlash, aholi punktlarining shaharsozlik hujjatlarini ishlab chiqish boʻyicha buyurtmachilik funksiyalarini amalga oshiradi;

aholi punktlarining shaharsozlik hujjatlarini ishlab chiqish, tasdiqlash va ulardan foydalanishning umumiy yondashuvlari, mezonlari va metodologiyasini yaratish boʻyicha ishlarni tashkil etadi;

Davlat shaharsozlik kadastrini yuritadi;

“Davlat shaharsozlik geoaxborot tizimi” idoralararo geoaxborot dasturiy kompleksini yuritadi va operatorlik funksiyasini bajaradi, shuningdek, ushbu tizimda maʼlumotlarni joylashtirish, saqlash, fazoviy maʼlumotlar almashinuvini taʼminlash va ulardan foydalanish huquqlarini boshqaradi.

Markazning faoliyati Davlat budjeti, shaharsozlik hujjatlarini ishlab chiqish uchun Davlat budjetidan ajratiladigan mablagʻlarning 5 foizi miqdoridagi, Davlat shaharsozlik kadastrini va Shaharsozlik geoaxborot tizimini yuritishdan tushgan mablagʻlar, mahalliy va xorijiy grantlar, texnik koʻmak tartibida jalb etilgan mablagʻlar, Qurilish va oʻy-joy kommunal xoʻjaligi vazirligi faoliyatini qoʻllab-quvvatlash jamgʻarmasi hamda qonunchilik hujjatlarida taqiqlanmagan boshqa manbalar hisobidan moliyalashtiriladi.

3.

Qurilish va uy-joy kommunal xoʻjaligi vazirligi huzuridagi Arxitektura, qurilish, muhandislik va kommunal xoʻjalik sohalarida kadrlar tayyorlash (jumladan, maxsus maqsadli), qayta tayyorlash, ularning malakasini oshirish va baholash boʻyicha ixtisoslashgan davlat oliy taʼlim muassasasi shaklidagi Kompetensiyani rivojlantirish instituti (keyingi oʻrinlarda — Institut), shuningdek,uning asosiy funksiyalarini amalga oshiruvchi tarkibiy boʻlinmalari — Arxitektorlar va muhandislar oliy maktabi, Qayta tayyorlash va malaka oshirish markazi, Malakani baholash markazi hamda uning hududiy filiallari (yuridik shaxs maqomiga ega boʻlmagan).

Sobiq Toshkent mashinasozlik kasb-hunar kollejining foydalanilmasdan boʻsh turgan Toshkent shahri, Yunusobod tumanining 14-mavzesida joylashgan bino-inshootlari tegishli mol-mulki, jihozlari va vositalari bilan birgalikda operativ boshqaruv huquqi asosida Toshkent arxitektura-qurilish universitetiga bepul beriladi.

Toshkent arxitektura-qurilish universitetining Toshkent shahri, Shayxontohur tumani, Abdulla Qodiriy koʻchasi, 7-uy manzilida joylashgan oʻquv binosi, unga tutash yer maydoni bilan birga, operativ boshqaruv huquqi asosida Institutga bepul beriladi.

Bunda, Institutning hududiy filiallari tegishliligiga koʻra hududlardagi qurilish va kommunal xoʻjalik texnikumlari binolariga yoki Qurilish va uy-joy kommunal xoʻjaligi vazirligining hududiy boʻlinmalari tasarrufidagi binolarga ijara haqining “nol” stavkasi asosida joylashtiriladi.

Institut oʻzini oʻzi moliyalashtiradigan (xoʻjalik hisobida faoliyat yuritadigan) muassasa boʻlganligi sababli uning moliyaviy va xoʻjalik operatsiyalari bank hisobraqamlari orqali amalga oshiriladi.

Institutda oʻqish toʻlov-shartnoma asosida amalga oshiriladi hamda institutga talabalarni / tinglovchilarni qabul qilish parametrlari va tartibi vazirlik tomonidan tasdiqlanadi.

T/r

Chora-tadbirlar

Amalga oshirish muddati

Masʼul boʻlgan rahbar oʻrinbosari

Bajariladigan tadbirlarning pirovard natijasi

1.

Qurilish va uy-joy kommunal xoʻjaligi vazirligining (keyingi oʻrinlarda — Vazirlik) shaharsozlik va uy-joy kommunal sohalaridagi faoliyatini tartibga soluvchi nizomlarni ishlab chiqish.

2023-yil 1-noyabrga qadar

Sh. Xidoyatov,

D. Adilov

Vazirlik hamda hududiy boʻlinmalar va tarkibiy tashkilotlarning birlashtirilishi va qayta tashkil etilishi munosabati bilan ularning shaharsozlik va uy-joy kommunal xoʻjaligi sohalaridagi vazifalari, funksiyalari, huquqlari va majburiyatlari aniq belgilanadi.

Bir-birini takrorlovchi hamda oʻz ahamiyatini yoʻqotgan funksiyalar chiqarib tashlanadi.

2.

Qurilish sohasida yopiq davlat xaridlarini tashkil etish va oʻtkazish tartibini ishlab chiqish.

2023-yil 31-dekabrga qadar

Sh. Xidoyatov,

D. Adilov

Qurilish sohasida yopiq davlat xaridlarini oʻtkazish boʻyicha huquqiy asos yaratiladi.

Qurilish sohasida yopiq davlat xaridlarini oʻtkazish boʻyicha yagona tartibot shakllanadi.

3.

Namunaviy va takroran qoʻllaniladigan loyihalarda energiya tejamkor va energiya samarador texnologiyalarni qoʻllagan holda, loyiha yechimlarini ishlab chiqish hamda ularning bazasini shakllantirish.

Bunda, quyidagilar nazarda tutiladi:

bosh loyiha tashkilotlari tomonidan ishlab chiqilgan 12 tipdagi maktab, 4 tipdagi maktabgacha taʼlim tashkiloti, 2 tipdagi qishloq oilaviy poliklinika, 2 tipdagi mahalla markazi va 6 tipdagi koʻp qavatli uylarning namunaviy loyihalarini qayta koʻrib chiqish hamda ularni energiya tejamkor loyihalarga aylantirish;

qayta ishlab chiqilgan namunaviy loyihalarni aholi, tadbirkorlik subyektlari, buyurtmachi xizmatlari, tegishli tashkilotlar va keng jamoatchilik erkin foydalanishi uchun Vazirlikning rasmiy veb-saytiga va ijtimoiy tarmoqlarga joylashtirish.

2023-yil 1-dekabrga qadar

Sh. Xidoyatov,

D. Adilov

Namunaviy loyihalar (12 tipdagi maktab, 4 tipdagi maktabgacha taʼlim tashkiloti, 2 tipdagi qishloq oilaviy poliklinika, 2 tipdagi mahalla markazi va 6 tipdagi koʻp qavatli uylar) energiya tejamkor texnologiyalar, materiallar va loyiha yechimlaridan samarali foydalangan holda, qayta ishlab chiqiladi.

Mazkur energiya tejamkor namunaviy loyihalar maqsadli dasturlarga kiritilgan obyektlarga tatbiq etiladi va budjet mablagʻlari tejaladi.

4.

Nukus va Urganch shaharlari issiqlik taʼminoti tizimini davlat-xususiy sheriklik shartlari asosida kogeneratsiya texnologiyalarini jalb qilgan holda modernizatsiya qilish loyihalarining maslahat xizmatlarini koʻrsatuvchi tashkilotlar koʻmagida loyiha- baholash hujjatlarini ishlab chiqish va tender jarayonlarini tashkil qilish.

Loyiha doirasida:

2 ta qozonxonada (“Nukus RK-1”, “Urganch-19 kvartal”) hamda 70 km issiqlik tarmoqlarini rekonstruksiya va modernizatsiya qilish ishlarini amalga oshirish;

mavjud issiqlik taʼminoti tizimidagi obyektlarni 25 yilgacha xususiy sektor boshqaruviga berish (qurilish-montaj ishlari muddati — 4 yil);

BFOM (Build finance operate and manage) mexanizmi va shartlarini joriy qilishni nazarda tutgan holda, 2 ta qozonxonada rekonstruksiya va modernizatsiya ishlarini xususiy sherik tomonidan amalga oshirish va moliyalashtirish.

2023-2024-yillar davomida

Sh. Xidoyatov

Nukus va Urganch shahridagi 408 ta koʻp kvartirali uylardagi 16 mingta xonadonning issiqlik taʼminoti tizimi yaxshilanadi.

Barcha koʻp kvartirali uylarda 430 ta “aqlli” issiqlik hisoblagichlar oʻrnatiladi, 8 ta eskirgan qozonlar oʻrniga zamonaviy qozonlar oʻrnatiladi.

Loyihani amalga oshirish natijasida yiliga 15 mln metr kub tabiiy gazni iqtisod qilishga erishiladi.

Dastlabki hisob-kitoblarga koʻra, xususiy sherik tomonidan jami 336 mln dollar miqdorida investitsiya kiritiladi.

5.

Namangan shahri oqova suv tozalash inshootini davlat-xususiy sheriklik asosida qurish, undan foydalanish va texnik xizmat koʻrsatish loyihasini amalga oshirish.

Loyiha doirasida:

1 ta oqova suv inshootini rekonstruksiya va modernizatsiya qilish hamda 8 km oqova suv tarmoqlarini qurish ishlarini amalga oshirish;

mavjud oqova suv tizimidagi obyektlarni 25 yilgacha xususiy sektor boshqaruviga berish (qurilish-montaj ishlari muddati — 3 yil);

BFOM (Build finance operate and manage) mexanizmi va shartlarini joriy qilish nazarda tutgan holda 1 ta oqova suv inshootida rekonstruksiya va modernizatsiya ishlarini xususiy sherik tomonidan amalga oshirish va moliyalashtirish.

2023 — 2025-yillar davomida

Sh. Xidoyatov

Xususiy sherik tomonidan loyihaga 96 mln dollar qiymatiga teng sarmoya kiritilishi taʼminlanadi.

Quvvati sutkasiga 100 ming metr kub oqova suvlarni tozalashga moʻljallangan inshoot va 8 km uzunlikdagi oqova suv kollektori quriladi.

Inshoot 1,8 mln aholiga xizmat koʻrsatishga quvvatiga ega boʻladi.

6.

Qurilishda litsenziyalashtirish sohasidagi qonunchilikdagi nomuvofiqliklarni bartaraf etish boʻyicha tegishli hujjat loyihasini ishlab chiqish.

Bunda, quyidagilarni nazarda tutish:

Litsenziyalarni berishga oid murojaatlarni koʻrib chiqish muddatlarini qisqartirish;

tegishli faoliyatni litsenziyalashda talab etiladigan xodimlar soni va mutaxassislarning kasbiy maʼlumotlariga qoʻyiladigan talabni aniq belgilash;

obyektlarning xavf-xatarlik omili boʻyicha toifalarga ajratilishidan kelib chiqqan holda, arxitektura-shaharsozlik hujjatlarini ishlab chiqish va ularni ekspertiza qilish faoliyatini litsenziyalash tizimini muvofiqlashtirish.

2024-yil 1-fevralga qadar

Sh. Xidoyatov,

D. Adilov

Quyidagilarga erishiladi:

litsenziyalashda huquqiy boʻshliq, byurokratiya va korrupsiya holatlari bartaraf etiladi;

chet el yuridik shaxslariga “license.gov.uz” AT orqali litsenziya olish uchun murojaat yoʻllash imkoniyati yaratiladi;

ayrim faoliyat turlarini litsenziyalash muddatlari qisqartiriladi;

ayrim faoliyat turlarini litsenziyalashdagi ortiqcha talablar chiqarib tashlanadi;

ayrim faoliyat turlarini litsenziyalashda talab etiladigan mutaxassislarning soni aniq belgilanadi;

obyektlarni xavf-xatarlik omili toifalari boʻyicha litsenziyalash bilan loyihalash muvofiqlashtiriladi;

akkreditatsiyalashda loyiha hujjatlari boʻyicha ijobiy ekspert xulosasi ekspert tashkilotlari tomonidan “Shaffof qurilish” milliy axborot tizimidagi “Ekspert xulosalarining yagona reyestri”ga majburiy kiritiladi;

ekspert tayyorlanishida bevosita yoki bilvosita ishtirok etgan loyihalar yuzasidan yoxud yaqin qarindoshlar ishtirokida bajarilgan loyihalar yuzasidan ekspertiza oʻtkazishga yoʻl qoʻyilmaydi;

shaharsozlik faoliyatining subyektlari bilan mehnatga oid, moliyaviy jihatdan va (yoki) boshqa bevosita boʻysunuvi munosabatlarida boʻlmaydi;

normativ-huquqiy hujjatlarda belgilangan shaharsozlik hujjatlarini ekspertiza qilishda ularni xavf-xatar toifalari boʻyicha koʻrib chiqish talab va shartlari belgilanadi.

7.

Sohadagi ruxsat berish tartib taomillarini, va loyihalarni kelishish tartibotini maqbullashtirish boʻyicha Toshkent va Qarshi shaharlarida quyidagilarni koʻzda tutuvchi eksperimentni amalga oshirish yuzasidan takliflar tayyorlash:

qurilishga ruxsatnoma berish hamda arxitektura-rejalashtirish topshirigʻini ishlab chiqish bosqichlarini birlashtirgan holda yagona bosqichda amalga oshirish;

obyektlar toifasidan kelib chiqib loyihalarni koʻrib chiqish muddatlarini va toʻlov miqdorlarini tahlil qilgan holda qaytadan belgilash;

ruxsatnoma berish, loyihalarni kelishish, loyiha hujjatlarini ekspertizadan oʻtkazish, obyektlarni roʻyxatdan oʻtkazish va qurilish tugallangan obyektlarni foydalanishga ruxsat berishni rad etish asoslarini qaytadan koʻrib chiqish;

obyektlarning loyiha hujjatlarini kelishish jarayonini va arxitektura-shaharsozlik kengashlar faoliyatini takomillashtirish.

2024-yil 1-fevralga qadar

D. Adilov

Ruxsatnoma va arxitektura topshirigʻini berish boʻyicha bosqichlar maqbullashtiriladi.

Obyektlar toifasiga qarab ularning loyihalarini kelishish jarayoni muddatlari va toʻlov miqdorlari qayta koʻrib chiqiladi.

Shaharsozlik sohasida davlat xizmatlarini koʻrsatishda rad qilish asoslari qayta koʻrib chiqiladi.

8.

“Aqlli hisoblagichlar” oʻrnatish yuzasidan dastur loyihasini ishlab chiqish.

Bunda, 2024 — 2026-yillarda quyidagilarni amalga oshirishni nazarda tutish:

hududlar kesimida “aqlli hisoblagichlarga” boʻlgan ehtiyojni aniqlash;

ehtiyojga koʻra, “aqlli hisoblagichlar” xarid qilish va oʻrnatishning moliyaviy manbalarini aniqlash;

issiqlik energiyasi hisobi yuritilishida shaffoflikni taʼminlash.

2024-yil 1-fevralga qadar

Sh. Xidoyatov,

O. Joʻrayeva

Isteʼmolchilar va issiqlik taʼminoti korxonalari oʻrtasidagi moliyaviy munosabatlarning shaffofligini taʼminlashga erishiladi.

Jumladan, mahalliy budjet, xalqaro moliya institutlar va grant mablagʻlari hisobidan 268 mingta “aqlli hisoblagich”lar oʻrnatiladi.

Natijada issiqlik suv taʼminotidagi yoʻqotishlar 20 foizga kamayishi kutiladi.

9.

Vazirlik tizimida yangi tashkil etilgan va qayta tashkil etilgan davlat muassasalari (keyingi oʻrinlarda — muassasalar) faoliyatini samarali tashkil etish, taʼsis hujjatlarini tasdiqlash, moddiy-texnika bazasini yaratish, malakali mutaxassislar, jumladan, zaruratga koʻra xorijiy mutaxassislar bilan taʼminlash.

Bunda, quyidagilarni inobatga olish:

muassasalar yuridik shaxs hisoblanib, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blanklarga, mustaqil balansga hamda hisob raqamlariga (shu jumladan chet el valyutasida) ega boʻladi;

muassasalar nizomi va tashkiliy tuzilmasi Qurilish va uy-joy kommunal xoʻjaligi vaziri tomonidan tasdiqlanadi, shuningdek, ularning xarajatlar smetasi va shtatlar jadvali vazirlik bilan kelishilgan holda muassasalar rahbari tomonidan tasdiqlanadi;

muassasalar rahbari Qurilish va uy-joy kommunal xoʻjaligi vaziri tomonidan, rahbar oʻrinbosarlari vazirlik bilan kelishilgan holda muassasa rahbari tomonidan lavozimga tayinlanadi va lavozimdan ozod etiladi;

muassasalar xodimlariga vazirlik markaziy apparati xodimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi (shuningdek, zaruriy hollarda boshqacha shartlar qoʻllanilishi mumkin);

boshqa tashkilotlar tomonidan olinadigan tijorat kreditlari uchun muassasalar tomonidan garov taʼminoti yoki kafolat taqdim etish taqiqlanadi;

muassasalar taʼsischiligida tashkilotlar tuzishga yoki ularning ustav fondida ishtirok etishga yoʻl qoʻyilmaydi (yuridik shaxs maqomiga ega filiallar va Hukumat qarorlari bilan belgilangan holatlar bundan mustasno), mavjudlari esa belgilangan tartibda tugatiladi yoki ustav fondidagi ulushini qaytarish taʼminlanadi;

muassasalar tomonidan moliyaviy va xoʻjalik operatsiyalari bank hisob-raqamlari orqali amalga oshiriladi (davlat buyurtmachisi funksiyasini bajarishdagi holatlar bundan mustasno) hamda sof foyda hisobidan budjetga ajratmalar yoʻnaltirilmaydi;

zaruriy hollarda, maxsus hisob-raqamlar ochish hamda ular orqali moliyaviy va xoʻjalik operatsiyalarini bajarishga ruxsat beriladi.

Doimiy ravishda

Sh. Xidoyatov,

D. Adilov,

O. Joʻrayeva

Vazirlik tizimidagi oʻzini oʻzi moliyalashtiradigan va xoʻjalik hisobida faoliyat yuritadigan davlat korxonalari (muassasalari) tomonidan moliyaviy va xoʻjalik faoliyatini samarali tashkil etish taʼminlanadi.

10.

Soha boʻyicha nazorat tizimini kuchaytirish hamda tegishli tuzilmalarning funksiya va vakolatlarini aniq belgilash maqsadida:

qurilish obyektlarida qurilish-montaj ishlarining sifati va loyiha hujjatlariga muvofiqligi, shuningdek, koʻp kvartirali uy-joy fondidan va ichimlik suvdan foydalanish yuzasidan davlat nazoratini amalga oshirish uchun Inspeksiyani;

aholi punktlarining shaharsozlik hujjatlariga shaharsozlik faoliyati subyektlari tomonidan rioya etilishi ustidan davlat arxitektura nazoratini amalga oshirishga Qurilish va uy-joy kommunal xoʻjaligi vazirligini masʼul etib belgilash.

Bunda:

hududiy inspeksiyalar xoʻjalik faoliyati hisobidan moliyalashtiriladi va ularning inspektorlari soni nazoratga olinadigan obyektlarning sonidan, hajmidan va masofasidan kelib chiqqan holda belgilanadi;

vazirlik huzurida shaharsozlik sohasida nizolarni sudga qadar koʻrib chiqish va hal etish boʻyicha idoralararo komissiya tuzilib (vazir raisligida), unga shaharsozlik faoliyatiga doir hujjatlarni vaqtincha toʻxtatib turish yoki bekor qilish vakolati beriladi.

Doimiy ravishda

D. Adilov

Qurilish va uy-joy kommunal xoʻjaligi sohasida nazorat tizimi takomillashtiriladi.

11.

Arxitektura sohasida davlat nazoratini olib borish subyektlari, ularning funksiyalari va nazorat qilish mexanizmlarini takomillashtirish.

Bunda, davlat arxitektura nazoratini amalga oshirishda Vazirlikning vakolatli shaxslariga quyidagi huquqlar beriladi:

shaharsozlik faoliyati subyektlaridan obyektlarning loyiha hujjatlaridan boshlab ularni foydalanishga qabul qilingunga qadar barcha tegishli hujjatlarni talab qilish, shuningdek, ulardan zarur axborotlar, maʼlumotlar va tushuntirishlar olish;

shaharsozlik hujjatlarining buzilishiga oid maʼmuriy huquqbuzarliklar toʻgʻrisidagi ishlarni koʻrib chiqish davomida davlat organlari va boshqa tashkilotlar mansabdor shaxslarini va jismoniy shaxslarni tushuntirishlar berishga chaqirib olish;

davlat organlari va boshqa tashkilotlar mansabdor shaxslariga hamda jismoniy shaxslarga shaharsozlik hujjatlariga rioya etilishida aniqlangan qonun buzilishlarni bartaraf etish haqida koʻrsatmalar berish;

koʻrsatma bajarilmagan taqdirda qurilish-montaj ishlarini toʻxtatib qoʻyish va demontaj ishlarini amalga oshirish toʻgʻrisidagi daʼvo bilan sudga murojaat qilish;

aholi punktlarida obyektlarni joylashtirish, loyihalashtirish va ular qurilishini amalga oshirishda shaharsozlik hujjatlari talablariga rioya etilishi yuzasidan shaharsozlik hujjatlarini ishlab chiqqan loyiha tashkilotlari tomonidan mualliflik nazoratining yuritilishi ustidan nazorat qilish;

shaharsozlikka oid qonunchilik hamda shaharsozlik normalari va qoidalariga zid xatti-harakat sodir etgan shaxslar faoliyatini (tegishli litsenziya va ruxsat beruvchi hujjatlarini) toʻxtatib turish, tugatish va bekor qilish masalalari yuzasidan tegishli idoralar va tashkilotlarga taqdimnomalar kiritish;

mahalliy hokimliklarga ular tomonidan shaharsozlik faoliyatiga oid qonun hujjatlariga zid ravishda qabul qilingan qarorlarini bekor qilish boʻyicha taqdimnomalar kiritish;

shaharsozlik hujjatlari talablarining buzilishiga oid masalalar yuzasidan rasmiy soʻrovga javob bermaganlik uchun maʼmuriy javobgarlikka tortish yuzasidan sudga murojaat qilish;

shaharsozlik hujjatlari talablariga rioya etmaganlik yuzasidan huquqbuzarlik faktiga eʼtiroz bildirilgan hollarda ishni koʻrib chiqish uchun sudga taqdim etish tartibini saqlab qolgan holda, shaharsozlik toʻgʻrisidagi qonun hujjatlarining buzilishiga oid maʼmuriy huquqbuzarliklar toʻgʻrisidagi ishlarni koʻrib chiqish.

Doimiy ravishda

D. Adilov

Arxitektura sohasida davlat nazoratini olib borish subyektlari, funksiyalari va nazorat qilish mexanizmlari takomillashtiriladi.

Bunda, davlat arxitektura nazoratini amalga oshirishda Vazirlikning vakolatli shaxslariga muayyan huquqlar beriladi.

12.

Koʻp qavatli uy-joy obyektlarini ulush asosida qurish tartib-taomillarini takomillashtirish boʻyicha quyidagilarni nazarda tutuvchi takliflarni tayyorlash:

hududlarda ulush asosida qurilayotgan obyektlarni tahlil qilish;

mavjud muammolar va ziddiyatlarni tahlil qilgan holda ularni bartaraf etish mexanizmlarini yaratish;

fuqarolar va tadbirkorlik subyektlari oʻrtasidagi ulush kiritish asosida mavjud shartnomaviy munosabatlardagi xavfni tahlil qilish;

shaharsozlik hujjatlarini kelishish boʻyicha idoralararo va ichki integratsiyani amalga oshirish.

Ulush kiritish asosida koʻp qavatli uy-joy obyektlari qurilishi boʻyicha tartib-taomillarni takomillashtirishga qaratilgan meʼyoriy-huquqiy hujjat loyihasini ishlab chiqish.

2023-yil 1-dekabrga qadar

Sh. Xidoyatov

Mazkur yoʻnalishda amaldagi tartibga oʻzgartirishlar kiritish orqali fuqarolarning aldanib qolish ehtimoli (xatarlar), sarson boʻlishining oldi olinadi.

13.

Loyiha va pudrat tashkilotlari reytingi hamda sohadagi davlat xaridlari tizimini takomillashtirish boʻyicha quyidagilarni nazarda tutuvchi takliflarni tayyorlash:

hududlarning master rejalari va batafsil rejalashtirish loyihalarini ishlab chiqish boʻyicha tender tizimini joriy etish;

renovatsiya loyihalari va koʻp xonadonli uylarni taʼmirlash boʻyicha tenderlarni “Shaffof qurilish” milliy axborot tizimi orqali amalga oshirish;

obyektlar boʻyicha loyiha oldi hujjatlarini (TIA, TIH) tayyorlash boʻyicha tenderlarni “Shaffof qurilish” milliy axborot tizimi orqali amalga oshirish.

2023-yil 1-dekabrga qadar

Sh. Xidoyatov,

D. Adilov,

O. Joʻrayeva

“Shaffof qurilish” milliy axborot tizimidagi loyiha va pudrat tashkilotlari reytingida aniqlangan korrupsion omillar bartaraf etilishi taʼminlanadi.

Jumladan, “Shaffof qurilish” milliy axborot tizimining elektron onlayn tender platformasi orqali:

hududlarning master rejalari va batafsil rejalashtirish loyihalarini ishlab chiqish boʻyicha tenderlar oʻtkazish;

koʻp xonadonli uylarni taʼmirlash boʻyicha tenderlarni oʻtkazish

obyektlar boʻyicha loyiha oldi hujjatlarini (TIA, TIH) tayyorlash boʻyicha tenderlarni oʻtkazish yoʻlga qoʻyiladi.

14.

Issiqlik taʼminoti sohasiga billing tizimini joriy qilish.

Bunda, quyidagilarni nazarda tutish:

issiqlik energiyasini ishlab chiqarish va uning sarfini elektron nazorat qiluvchi billing tizimini joriy qilish yuzasidan texnik topshiriq va yoʻriqnoma ishlab chiqish;

issiqlik taʼminotiga ulangan isteʼmolchilar elektron bazasini shakllantirish va ishga tushirish;

billing tizimining zarur maʼlumotlar bazalari (notarial, kadastr, ichki ishlar, davlat xizmatlari, toʻlov tizimlari) bilan toʻliq integratsiyasini taʼminlagan holda, funksional imkoniyatlarini yaratish;

billing tizimini issiqlik taʼminoti korxonalarida joriy qilish va barcha isteʼmolchilarning ushbu elektron tizimdan toʻliq foydalanishini taʼminlash.

2024-yil 1-fevralga qadar

Sh. Xidoyatov

Isteʼmolchilar va issiqlik taʼminoti korxonalari oʻrtasidagi moliyaviy munosabatlar shaffofligini taʼminlashga erishiladi.

Bunda:

19 ta issiqlik taʼminoti korxonasi ushbu tizimga ulanadi (13 mingdan ziyod koʻp kvartirali uylar hamda 2 mingdan ortiq ijtimoiy soha muassasalari);

notarial, kadastr, ichki ishlar, davlat xizmatlari, tijorat banklari maʼlumot bazalari bilan integratsiya qilinadi.

15.

Qurilish va uy-joy kommunal xoʻjaligi sohalarida malaka darajasiga mos ravishda kasbiy faoliyatning ustuvor yoʻnalishlari boʻyicha 28 ta kasbiy standartni ishlab chiqish.

2023-yil 31-dekabrga qadar

D. Adilov

Qurilish sohasiga oid 20 ta hamda uy-joy kommunal xoʻjaligi sohasiga oid 8 ta kasbning standarti yaratiladi.

16.

Vazirlik, hududiy boʻlinmalar va tizim tashkilotlari faoliyatini samarali tashkil etish bilan bogʻliq barcha tashkiliy-texnik va moliyaviy masalalarni hal etish.

Bunda, quyidagilarni nazarda tutish:

a) Vazirlikka, shu jumladan, tizim tashkilotlar va hududiy boʻlinmalarga tegishli faoliyat yoʻnalishiga mos keladigan va belgilangan malaka talablariga muvofiq boʻlgan yuqori malakali va salohiyatli xodimlar ishga qabul qilinadi;

b) Vazirlik, tizim tashkilotlari va hududiy boʻlinmalar tasarrufidagi bino-inshootlar, belgilangan meʼyorlar doirasidagi avtotransport vositalari va boshqa mol-mulklar oʻz tasarrufida qoldiriladi (ulardan foydalanish va saqlash boʻyicha amaldagi tartibni saqlab qolgan holda). Bunda oʻz binosiga ega boʻlmagan tashkilotlar vazirlik tizimidagi boshqa tashkilotlarning (jumladan, ustav kapitalidagi davlat ulushi boʻyicha aksiyador vakolatlarini amalga oshirish vazirlikka berilgan jamiyatlarning) binolarida ijara haqining nol stavkasida joylashtiriladi;

g) Vazirlik, jumladan hududiy boʻlinmalarning barcha xodimlariga Davlat budjeti mablagʻlari hisobidan:

Yagona tarif setkasi boʻyicha mehnatga haq toʻlashning tasdiqlangan razryadlariga muvofiq lavozim maoshi, lavozim maoshiga ustama haqlar, bayram puli, choraklik mukofot puli hamda boshqa toʻlovlar va ustamalarni belgilashda tarif koeffitsiyentini 1,8 baravarga oshirilgan miqdorda qoʻllanadi;

koʻp yillik ishlaganlik uchun har oylik ustama toʻlovlari Vazirlar Mahkamasi tomonidan tasdiqlanadigan tartibga asosan amalga oshiriladi;

d) budjetdan tashqari jamgʻarmalar mablagʻlari hisobidan (oshirilgan va ragʻbatlantiruvchi koeffitsiyentni inobatga olgan holda) xodimlarga ustamalar, mukofot pullari, reyting, ragʻbatlantiruvchi va boshqa toʻlovlarni amalga oshirishning amaldagi tartibi saqlab qolinadi (Vazirlar Mahkamasining 1999-yil 3-sentabrdagi “Budjet tashkilotlarini mablagʻ bilan taʼminlash tartibini takomillashtirish toʻgʻrisida”gi 414-son qarorining budjetdan tashqari mablagʻlarni ishlatish qismidagi talablarini Vazirlik, uning hududiy boshqarmalari va tasarrufidagi tashkilotlariga nisbatan tatbiq etmagan holda) shuningdek, alohida shaxsiy oʻrnak koʻrsatganlik uchun (lavozim maoshining 100% gacha), xorijiy tilni bilganlik (tegishli sertifikatga egalik) uchun (30%), nufuzli xorijiy oliy taʼlim muassasasini bitirganlik uchun (30%) va ilmiy darajaga egalik uchun (60% gacha) har oylik ustamalar toʻlanadi;

e) tizim faoliyatini samarali tashkil etish va masalalarni tezkor hal etish uchun Vazirlik markaziy apparati tuzilmasida apparat rahbari boʻlinmasi (umumfunksional boʻlinmalar faoliyatiga rahbarlik qilish va tarmoq boʻlinmalari faoliyatini muvofiqlashtirishga masʼul) va dispetcherlik xizmatini (call-center) tashkil etiladi, hududiy boʻlinmalarda komplayens nazorat boʻyicha mutaxassis lavozimini joriy qilinadi, shuningdek, zarur hollarda, ayrim turdagi ishlarni bajarish va xizmatlarni koʻrsatish uchun ijrochilar autsorsing asosida jalb etiladi.

Doimiy ravishda

Sh. Xidoyatov,

D. Adilov,

O. Joʻrayeva

Vazir oʻrinbosarlari, bosh boshqarma va boʻlimlar hamda hududiy va tarkibiy tuzilmalarning yoʻnalishlar boʻyicha aniq vazifalari belgilab beriladi.

Malakali kadrlar tanlab olinadi, mutaxassis kadrlarning oʻz yoʻnalishlari va salohiyatiga qarab ish yuritishi tartibga keltiriladi.

Vazirlik, hududiy boʻlinmalar va tizim tashkilotlari faoliyati samarali tashkil etiladi.

17.

Vazirlikning ayrim funksiyalarini, jumladan qonunchilik hujjatlarida koʻzda tutilgan va bugungi kunga qadar amalda joriy etilmagan (yoki amalga oshirish mexanizmlari mavjud boʻlmagan) xizmatlarni qayta koʻrib chiqib va tahlil qilib, ularni xususiy sektorga berish boʻyicha takliflarni ishlab chiqib, Vazirlar Mahkamasiga kiritish.

2023-yil 1-dekabrga qadar

Sh. Xidoyatov,

D. Adilov

Vazirlikning ayrim funksiyalari va ularni amalga oshirish mexanizmlari tahlil qilinadi.

Shuningdek, qonunchilik hujjatlarida koʻzda tutilgan va bugungi kunga qadar joriy etilmagan xizmatlar aniqlanadi.

Mazkur funksiyalar va xizmatlarning ayrimlarini xususiy sektorga berish hamda ularni amalga oshirishning aniq mexanizmlarini yaratish boʻyicha takliflar ishlab chiqiladi.

18.

Shaharsozlik kodeksi va Maʼmuriy javobgarlik toʻgʻrisidagi kodeksga quyidagi oʻzgartish va qoʻshimchalarni kiritishni nazarda tutuvchi qonun loyihasini tayyorlash:

fuqarolar va mansabdor shaxslarning aholi punktlari bosh rejalariga rioya etmasdan hamda ularga zid ravishda sodir etgan xatti-harakatlari uchun maʼmuriy huquqbuzarliklar toʻgʻrisidagi ishlarni koʻrish vakolatini Qurilish va uy-joy kommunal xoʻjaligi vazirligiga berish;

aholi punktlarining va aholi punktlariaro hududning bosh rejalarini, ularni rejalashtirish va qurish loyihalarini, madaniy meros obyektlari joylashgan hududlarni rekonstruksiya qilish rejalarini buzish, dahalarni, mavzelarni va shaharlarning sanoat zonalarini, qishloq aholi punktlarini qurish va obodonlashtirish sifatini buzganlik uchun qoʻllaniladigan maʼmuriy jarimani kuchaytirish;

Maʼmuriy javobgarlik toʻgʻrisidagi kodeksning 99-moddasi dispozitsiyalarini huquqbuzarliklarning mazmun-mohiyatidan va huquqiy oqibatlarning ogʻir yoki yengilligidan kelib chiqib, alohida qismlarga boʻlgan holda qayd etish;

oqova suv quvurlariga ifloslantiruvchi moddalarni normativdan ortiqcha oqizganlik uchun maʼmuriy javobgarlikka tortish vakolatini Qurilish va uy-joy kommunal xoʻjaligi sohasida nazorat qilish inspeksiyasiga berish;

issiqlik energiyasi va issiq suvdan noqonuniy foydalanish va issiq suvni oqizish (nooqilona foydalanish) holatlariga yoʻl qoʻygan fuqarolar va mansabdor shaxslarni maʼmuriy javobgarlikka tortish;

shaharsozlikka oid qonunchilik va texnik jihatdan tartibga solishga oid hujjatlar talablari buzilganlik holatlari yuzasidan Qurilish va uy-joy kommunal xoʻjaligi vazirligi, Qurilish va uy-joy kommunal xoʻjaligi sohasida nazorat qilish inspeksiyasi va hududiy inspeksiyalar tomonidan kiritilgan taqdimnoma talablarini bajarmaganlik uchun maʼmuriy javobgarlikni belgilash.

Koʻp kvartirali uylardagi tayanch konstruksiyalarini qonunchilikni hamda texnik jihatdan tartibga solish sohasidagi normativ hujjatlarni buzgan holda oʻzgartirganlik va (yoki) rekonstruksiya qilganlik hamda bartaraf etmaganlik holatlari uchun maʼmuriy va jinoiy javobgarlikni keskin kuchaytirish.

Koʻp kvartirali uylardagi xonadonlarga Inspeksiyaga oʻz funksional vazifalari va funksiyalarini bajarish uchun toʻgʻridan-toʻgʻri kirish vakolatini berish.

2023-yil 1-dekabrga qadar

Sh. Xidoyatov,

D. Adilov

Sohaga oid qonunchilik hujjatlari qayta koʻrib chiqilib, oʻzaro muvofiqlashtiriladi va tizimlashtiriladi.

Arxitektura, qurilish va uy-joy kommunal xoʻjaligi masalalari yuzasidan davlat organlarining vakolatlari, huquq va majburiyatlarini aniq belgilanadi.

Shuningdek, bu borada qonunbuzilish holatlariga yoʻl qoʻygan jismoniy va yuridik shaxslarning javobgarligini oshirish va tegishli jazo choralarini kuchaytirish koʻzda tutiladi.

Qayd etilganlar asosida Shaharsozlik kodeksi va Maʼmuriy javobgarlik toʻgʻrisidagi kodeksga zaruriy oʻzgartirish va qoʻshimchalar kiritiladi.

19.

Oʻzbekiston Respublikasining ayrim qonunchilik hujjatlariga oʻzgartirish va qoʻshimchalar kiritish toʻgʻrisidagi meʼyoriy-huquqiy hujjatlar loyihalarini ishlab chiqish.

2023-yil 1-noyabrga qadar

Sh. Hidoyatov,

D. Adilov

Normativ huquqiy hujjatlar loyihalari ishlab chiqiladi, bunda:

Vazirlik va uning hududiy tuzilmalari nomlari bilan bogʻliq oʻzgartirish va qoʻshimchalar kiritiladi;

takrorlovchi vazifa va funksiyalar chiqarib tashlanadi;

nomuvofiqliklar bartaraf etiladi;

oʻz ahamiyatini yoʻqotgan, eskirgan va bugungi kunda ishlamaydigan normalar chiqarib tashlanadi.

“

1.

Oʻzbekiston Respublikasi hududini rivojlantirishni rejalashtirish bosh sxemasini ishlab chiqish.

1. Bosh sxemani ishlab chiqish uchun yetakchi mutaxassislarni, shu jumladan xorijiy mutaxassislarni jalb qilish.

2023-yil oktabr

Iqtisodiyot va moliya vazirligi

(I. Norqulov),

Qurilish va uy-joy kommunal xoʻjaligi vazirligi

(B. Zakirov), “Oʻzshaharsozlik-LITI” bosh loyiha instituti,

manfaatdor vazirlik va idoralar

2. Loyihani kelgusi yillar Investitsiya dasturiga kiritish boʻyicha takliflar kiritish.

2023-yil oktabr

3. Bosh sxema konsepsiyasini tayyorlash.

2024-yil dekabr

4. Bosh sxema loyihasini ishlab chiqish, vazirlik va idoralar bilan kelishish hamda Vazirlar Mahkamasiga kiritish.

2025 — 2027-yillar

2.

Qoraqalpogʻiston Respublikasi va viloyatlar hududlarini rivojlantirishni rejalashtirish sxemalari hamda aglomeratsiya hududlarini rivojlantirish strategiyalarini ishlab chiqish.

1. Hududiy sxemalarni va aglomeratsiya hududlarini rivojlantirish strategiyalarini ishlab chiqish uchun yetakchi mutaxassislarni, shu jumladan xorijiy mutaxassislarni jalb qilish.

2023-yil oktabr

Iqtisodiyot va moliya vazirligi

(I. Norqulov),

Qurilish va uy-joy kommunal xoʻjaligi vazirligi

(B. Zakirov), “Oʻzshaharsozlik-LITI” bosh loyiha instituti,

“ToshkentboshplanLITI” bosh loyiha instituti,

manfaatdor vazirlik va idoralar

2. Loyihalarni kelgusi yillar Investitsiya dasturiga kiritish boʻyicha takliflar kiritish.

2023-yil oktabr

3. Hududiy sxemalarning konsepsiyasini tayyorlash.

2024-yil dekabr

4. Hududiy sxemalar va aglomeratsiya hududlarini rivojlantirish strategiyalari loyihalarini ishlab chiqish, vazirlik va idoralar bilan kelishish hamda Vazirlar Mahkamasiga kiritish.

2025 — 2027-yillar

”;

“

1.

Qurilish va uy-joy kommunal xoʻjaligi sohasida nazorat qilish inspeksiyasi

656

86

570

”.