1.05.00.00.00 Mehnat va aholining bandligi to‘g‘risidagi qonunchilik / 05.01.00.00 Ishga joylash va aholi bandligi / 05.01.08.00 Bandlikka ko‘maklashuvchi Davlat jamg‘armasi (shuningdek, 06.03.03.00, 07.07.02.01larga qarang);
2.16.00.00.00 Xavfsizlik va huquq tartibot muhofazasi / 16.13.00.00 Jinoyat-ijroiya qonunchiligi / 16.13.12.00 Jazoni o‘tashdan ozod qilish. Jazoni o‘tashdan ozod qilingan shaxslarga yordam ko‘rsatish va ularni nazorat qilib borish]
[TSZ:
1.Ijtimoiy-madaniy masalalar / Mehnat. Aholining bandligi;
2.Ijtimoiy-madaniy masalalar / Ijtimoiy sug‘urta, ijtimoiy ta’minot va ijtimoiy himoya]
O‘zbekiston Respublikasi Prezidentining
Qarori
Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish tizimini takomillashtirish chora-tadbirlari to‘g‘risida
LexUZ sharhi
Mazkur qaror O‘zbekistan Respublikasi Prezidentining 2025-yil 26-dekabrdagi PQ-388-sonli “O‘zbekiston Respublikasining “2026-yil uchun O‘zbekiston Respublikasining Davlat budjeti to‘g‘risida”gi Qonuni ijrosini ta’minlash chora-tadbirlari to‘g‘risida”gi qaroriga asosan 2026-yil 1-yanvardan o‘z kuchini yo‘qotadi.
O‘zbekiston Respublikasi Prezidentining 2022-yil 28-yanvardagi “2022 — 2026-yillarga mo‘ljallangan Yangi O‘zbekistonning taraqqiyot strategiyasi to‘g‘risida”gi PF-60-son Farmoni ijrosini ta’minlash, shuningdek, ozodlikdan mahrum etish jazosini o‘tab bo‘lgan fuqarolarni ijtimoiy reabilitatsiya qilish, tadbirkorlik faoliyatiga jalb etish va ularning bandligini ta’minlash, ijtimoiy moslashuviga hamda kelgusida jamiyatda o‘z o‘rnini topishiga amaliy ko‘maklashish mexanizmlarini yanada takomillashtirish maqsadida:
1. O‘zbekiston Respublikasi Prezidentining 2022-yil 28-yanvardagi “2022 — 2026-yillarga mo‘ljallangan Yangi O‘zbekistonning taraqqiyot strategiyasi to‘g‘risida”gi PF-60-son Farmoniga muvofiq, ozodlikdan mahrum etish jazosini o‘tab bo‘lgan fuqarolarga kelgusida jamiyatda o‘z o‘rnini topishiga amaliy ko‘maklashish uchun “dastlabki ijtimoiy-moddiy yordam paketi”ni berish tizimi joriy etilganligi ma’lumot uchun qabul qilinsin.
2. Har bir tuman (shahar)da tuman (shahar) hokimlari rahbarligida Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni berish masalasini ko‘rib chiquvchi idoralararo doimiy komissiyalar (keyingi o‘rinlarda — Idoralararo komissiyalar) tuzilsin.
3. Quyidagilar:
Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni berish tartibi to‘g‘risidagi nizom 1-ilovaga muvofiq;
Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni berish masalasini ko‘rib chiquvchi idoralararo doimiy komissiyalarning namunaviy tarkibi 2-ilovaga muvofiq tasdiqlansin.
4. Belgilansinki, 2022-yil 1-sentabrdan boshlab:
Idoralararo komissiyalar ozodlikdan mahrum etish jazosini o‘tab bo‘lgan fuqarolarning tadbirkorlik, me’morchilik, hunarmandchilik kabi yo‘nalishlardagi aniq loyihalarini o‘rganib chiqish va moliyalashtirish bo‘yicha asoslantirilgan xulosalarni tayyorlashga mas’ul hisoblanadi;
ozodlikdan mahrum etish jazosini o‘tab bo‘lgan fuqarolarga “dastlabki ijtimoiy-moddiy yordam paketi” mahalliy ijro etuvchi hokimiyat organlari tomonidan birinchi navbatda tuman (shahar) budjetlari mablag‘lari hisobidan, yetishmagan qismi bo‘yicha esa — Qoraqalpog‘iston Respublikasi budjeti, viloyatlar va Toshkent shahar mahalliy budjetlari mablag‘lari hisobidan mehnatga haq to‘lashning eng kam miqdorining o‘n baravari miqdorida beriladi;
“dastlabki ijtimoiy-moddiy yordam paketi”ni berish tartib-taomillari Moliya vazirligining “Ijtimoiy himoya yagona reyestri” axborot tizimi orqali ochiq va shaffof tarzda amalga oshiriladi.
5. Ichki ishlar vazirligi Moliya vazirligi bilan birgalikda 2022-yil 1-sentabrga qadar ozodlikdan mahrum etish jazosini o‘tab bo‘lgan fuqarolar haqidagi ma’lumotlarning elektron almashinuvini ta’minlash maqsadida “Ijtimoiy himoya yagona reyestri” axborot tizimiga tegishli ma’lumotlar bazasini integratsiya qilish choralarini ko‘rsin.
6. Moliya vazirligi Ichki ishlar vazirligi hamda Mahallabay ishlash va tadbirkorlikni rivojlantirish agentligi bilan birgalikda 2022-yil 1-sentabrga qadar “Ijtimoiy himoya yagona reyestri” axborot tizimida “dastlabki ijtimoiy-moddiy yordam paketi”ni berish bo‘yicha texnik imkoniyatlarni nazarda tutuvchi alohida modul yaratilishini va ishga tushirilishini ta’minlasin.
7. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari 2022-yil 1-sentabrga qadar Idoralararo komissiyalar faoliyatini tashkil etish uchun ularni zarur multimedia materiallari, mebel, kompyuter texnikasi va boshqa asbob-uskunalar bilan ta’minlash choralarini ko‘rsin.
8. Moliya vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hamda tuman (shahar) hokimliklari 2023-yil va keyingi yillar uchun tegishli budjetlar parametrlarini shakllantirishda ozodlikdan mahrum etish jazosini o‘tab bo‘lgan fuqarolarga “dastlabki ijtimoiy-moddiy yordam paketi”ni berish bilan bog‘liq xarajatlarni nazarda tutib borsin.
9. O‘zbekiston Respublikasi Prezidentining 2020-yil 4-avgustdagi “Aholiga davlat ijtimoiy xizmatlari va yordam taqdim etish tartib-taomillarini avtomatlashtirish bo‘yicha qo‘shimcha chora-tadbirlar to‘g‘risida”gi PQ-4797-son qarori 3-bandining uchinchi xatboshisi “ehtiyojmandlik darajasini” so‘zlaridan keyin “, shuningdek, ozodlikdan mahrum etish jazosini o‘tab bo‘lgan fuqarolar tomonidan taqdim etilgan tadbirkorlik, me’morchilik, hunarmandchilik kabi yo‘nalishlardagi loyihalarni” so‘zlari bilan to‘ldirilsin.
10. Mazkur qarorning ijrosi uchun mas’ul idoralar faoliyatini muvofiqlashtirish va nazorat qilish O‘zbekiston Respublikasining Bosh vaziri A.N. Aripov hamda O‘zbekiston Respublikasi Prezidentining maslahatchisi B.D. Islamov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2022-yil 29-iyun,
PQ-299-son
O‘zbekiston Respublikasi Prezidentining 2022-yil 29-iyundagi PQ-299-son qaroriga 1-ILOVA
Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni berish tartibi to‘g‘risidagi
NIZOM
1-bob. Umumiy qoidalar
1. Mazkur Nizom ozodlikdan mahrum etish jazosini o‘tab bo‘lgan fuqarolarning (keyingi o‘rinlarda — ko‘mak oluvchilar) ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni (keyingi o‘rinlarda — yordam puli) berish tartibini belgilaydi.
2. Yordam puli har bir ko‘mak oluvchiga uning ijtimoiy moslashuviga ko‘maklashish uchun tadbirkorlik, me’morchilik, hunarmandchilik kabi yo‘nalishlardagi loyihalarini amalga oshirishni moliyalashtirish maqsadida bir marta beriladi.
3. Yordam puli mehnatga haq to‘lashning eng kam miqdorining o‘n baravari miqdorida beriladi.
4. Yordam puli:
2022-yilda — tuman (shahar) budjetlari qo‘shimcha mablag‘lari hisobidan, yetishmagan qismi bo‘yicha esa — Qoraqalpog‘iston Respublikasi budjeti, viloyatlar va Toshkent shahar mahalliy budjetlari qo‘shimcha mablag‘lari hisobidan ajratiladi;
2023-yil va keyingi yillar uchun — tuman (shahar) budjetlari mablag‘lari hisobidan, yetishmagan qismi bo‘yicha esa — Qoraqalpog‘iston Respublikasi budjeti, viloyatlar va Toshkent shahar mahalliy budjetlari mablag‘lari hisobidan ajratiladi.
5. Yordam puli “Ijtimoiy himoya yagona reyestri” axborot tizimi orqali mazkur Nizomga 1-ilovaga muvofiq sxema bo‘yicha beriladi.
6. Ko‘mak oluvchilarga yordam pullari tuman (shahar) hokimlari rahbarligida tashkil etilgan Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni berish masalasini ko‘rib chiquvchi idoralararo doimiy komissiyalarning (keyingi o‘rinlarda — Idoralararo komissiyalar) qarorlari asosida beriladi.
2-bob. Idoralararo komissiyalar qarorlarini qabul qilish va ularning bajarilishini ta’minlash
7. Tuman (shahar) hokimi Idoralararo komissiyaga raislik qiladi va Idoralararo komissiya tomonidan qabul qilingan qarorlarni tasdiqlaydi.
8. Idoralararo komissiya raisi bo‘lmaganda yoki uning topshirig‘iga ko‘ra Idoralararo komissiya yig‘ilishlariga tuman (shahar) hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari raislik qiladi.
9. Ichki ishlar organlari probatsiya xizmati Idoralararo komissiyaning ishchi organi (keyingi o‘rinlarda — ishchi organ) hisoblanadi.
Ishchi organ:
Idoralararo komissiya yig‘ilishlari kun tartibiga kiritiladigan masalalarni tayyorlaydi, yig‘ilish bayonnomasini yuritadi va rasmiylashtiradi;
Idoralararo komissiya a’zolariga Idoralararo komissiya yig‘ilishi o‘tkaziladigan sana va joy to‘g‘risida xabar beradi;
ko‘mak oluvchilarning arizalari bilan ishlaydi va ularni ko‘rib chiqish uchun Idoralararo komissiyaga taqdim etadi.
10. Idoralararo komissiya qarorlari uning yig‘ilishida (sayyor yig‘ilishida) ishtirok etadigan a’zolarining ko‘pchilik ovozi bilan qabul qilinadi. Ovozlar teng bo‘lganda, raisning ovozi hal qiluvchi hisoblanadi.
Idoralararo komissiyaning har bir a’zosi qabul qilinayotgan qaror yuzasidan o‘z fikrini yozma ravishda bildirishga haqli.
11. Qarorlarni tezkor qabul qilish maqsadida Idoralararo komissiya raisi alohida masalalar yuzasidan Idoralararo komissiya a’zolari o‘rtasida so‘rovnoma o‘tkazish orqali qaror qabul qilish huquqiga ega.
12. Idoralararo komissiya yig‘ilishlarida (sayyor yig‘ilishida) bayonnoma yuritiladi.
Idoralararo komissiya yig‘ilishlarida qabul qilingan qarorlar ushbu Nizomga 2-ilovaga muvofiq shaklda xulosa bilan rasmiylashtiriladi va rais tomonidan tasdiqlanadi.
13. Idoralararo komissiya tomonidan qabul qilingan qarordan norozi bo‘lgan uning a’zosi tegishli qaror qabul qilingan kunning o‘zida taklif yoki fikrlarini yozma ravishda ishchi organga taqdim etishga haqli.
14. Idoralararo komissiya qarorlarining bajarilishi Idoralararo komissiya raisi tomonidan nazorat qilinadi.
3-bob. Yordam pulini berish
15. Ko‘mak oluvchilar jazoni o‘tab bo‘lganidan keyin uch oy muddatda o‘z xohishiga ko‘ra ishchi organga o‘zining tadbirkorlik, me’morchilik yoki hunarmandchilik kabi yo‘nalishlardagi aniq loyihasini ilova qilgan holda ushbu Nizomga 3-ilovaga muvofiq shaklda ariza taqdim etadi.
Ishchi organga loyiha bilan birgalikda yordam pulini olish yo‘nalishi, qaysi maqsadlarda sarflanishi hamda loyiha natijasi bo‘yicha kutilayotgan taxminiy daromad haqida ma’lumot ham taqdim etiladi.
16. Ishchi organ uch ish kuni mobaynida arizani Idoralararo komissiyaga kiritadi.
Idoralararo komissiya tomonidan o‘n ish kuni mobaynida ariza o‘rganib chiqiladi, ko‘mak oluvchilar taqdim etgan loyihani moliyalashtirish maqsadga muvofiq yoki muvofiq emasligi yuzasidan xulosa tayyorlanadi hamda ariza tasdiqlanadi.
17. Ko‘mak oluvchilarning loyihasini moliyalashtirish maqsadga muvofiqligi yuzasidan xulosani tayyorlash quyidagi mezonlarga asoslanadi:
boshlamoqchi bo‘lgan tadbirkorlik, me’morchilik yoki hunarmandchilik faoliyatining natijadorligi va daromadli ekanligi;
mahalla fuqarolar yig‘inining ijobiy tavsiyasi;
kam ta’minlangan yoki yolg‘izligi;
qaramog‘ida nogironligi bo‘lgan yoki voyaga yetmagan farzandi borligi;
ko‘p (4 va undan ortiq) farzandi borligi va moddiy ko‘makka muhtojligi;
noturar joylarda istiqomat qilayotganligi.
Idoralararo komissiya ko‘mak oluvchilarning loyihasini ushbu mezonlarga qat’iy rioya etgan holda xolisona baholaydi.
18. Idoralararo komissiya ko‘mak oluvchilar loyihasini moliyalashtirish maqsadga muvofiq emasligi yuzasidan xulosaga kelganda, ko‘mak oluvchilarga taqdim etilgan loyihani takomillashtirish yoki yangi loyiha taqdim etish bo‘yicha tavsiyalar beradi.
19. Ko‘mak oluvchilar uch oy muddatda Idoralararo komissiyaning tavsiyalari asosida dastlabki taqdim etilgan loyihani takomillashtirgan holda yoki yangi loyihani taqdim etishi mumkin.
Bunda, qayta taqdim etilgan loyihalarga ushbu Nizomning 15 — 17-bandlari tatbiq etiladi.
20. Idoralararo komissiyaning ko‘mak oluvchilar taqdim etgan loyihani moliyalashtirish yuzasidan kiritgan xulosasi Idoralararo komissiya raisi tomonidan tasdiqlangandan so‘ng ishchi organ bir ish kuni mobaynida “Ijtimoiy himoya yagona reyestri” axborot tizimiga tegishli ma’lumotlarni kiritadi va xulosani tuman (shahar) hokimliklarining moliya bo‘limlariga yuboradi.
21. “Ijtimoiy himoya yagona reyestri” axborot tizimiga tegishli ma’lumotlar kiritilgandan so‘ng uch ish kuni mobaynida mazkur tizim orqali ko‘mak oluvchilarning mobil telefon raqamiga yoki elektron pochta manziliga yordam puli ajratilganligi to‘g‘risida xabar yuboriladi.
Yordam pulini berish bo‘yicha elektron to‘lov qaydnomalari tizimda avtomatik ravishda shakllantiriladi va AT “Xalq banki” tuman (shahar) bo‘limiga (filialiga) yuboriladi.
22. Tuman (shahar) hokimliklarining moliya bo‘limlari uch ish kuni mobaynida yordam pulini berish uchun tegishli mablag‘larni AT “Xalq banki”ning tuman (shahar) bo‘limi (filiali) maxsus hisobvarag‘iga har oyning 5-sanasiga qadar o‘tkazib boradi.
23. AT “Xalq banki” tuman (shahar) bo‘limi (filiali) bir oy muddatda:
ko‘mak oluvchilarga yordam pulini to‘laydi;
yordam puli to‘langanligi to‘g‘risida Idoralararo komissiyaga ma’lumot taqdim etadi;
to‘lanmagan mablag‘larni tegishliligiga ko‘ra tuman (shahar) budjeti yoki Qoraqalpog‘iston Respublikasi budjeti, viloyatlar va Toshkent shahar mahalliy budjetlariga qaytaradi hamda tegishli moliya bo‘limlariga elektron ma’lumot taqdim etadi.
AT “Xalq banki”ga Moliya vazirligi bilan tuzilgan shartnomaga asosan ko‘mak oluvchilarga beriladigan yordam pulining bir foizi miqdorida bank xizmat haqini to‘lab beradi.
24. Ishchi organ yordam puli berilgan vaqtdan boshlab bir yil davomida ko‘mak oluvchilar loyihasining amalga oshirilish holatini (shu jumladan, yordam pulining maqsadli sarflanishini) har chorakda bir marta monitoring qiladi, monitoring natijasi bo‘yicha ma’lumotnoma tayyorlaydi hamda uni Idoralararo komissiyaga kiritadi.
4-bob. Yakunlovchi qoidalar
25. Ko‘mak oluvchilarga yordam pulini berish uchun ajratilgan mablag‘larning maqsadli foydalanilishi qonunchilik hujjatlarida belgilangan tartibda nazorat qilinadi.
26. Ushbu Nizom talablari buzilishida aybdor bo‘lgan shaxslar qonunchilik hujjatlariga muvofiq javobgar bo‘ladi.
LexUZ sharhi
Qarang: O‘zbekiston Respublikasi Jinoyat kodeksining 15-bobi (“Boshqaruv tartibiga qarshi jinoyatlar”).
Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni berish tartibi to‘g‘risidagi nizomga 1-ILOVA
Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni berish
SXEMASI
Bosqichlar
Subyektlar
Chora-tadbirlar
Bajarish muddatlari
1-bosqich
Ko‘mak oluvchi
Ko‘mak oluvchi o‘zining tadbirkorlik, me’morchilik, hunarmandchilik yoki shu kabi boshqa yo‘nalishdagi aniq loyihasini ilova qilgan holda ishchi organga ariza taqdim etadi.
1. Ko‘mak oluvchining loyihasini o‘rganib chiqadi va moliyalashtirishning maqsadga muvofiqligi yoki yetarli asos mavjud bo‘lmasa, moliyalashtirish muvofiq emasligi to‘g‘risida xulosa tayyorlaydi.
2. Idoralararo komissiya tomonidan ko‘mak oluvchining loyihasini moliyalashtirish maqsadga muvofiq emas deb topilganda, unga loyihani takomillashtirish yoki yangi loyihani taqdim etish bo‘yicha tavsiyalar beradi.
O‘n ish kunida
4-bosqich
Idoralararo komissiya raisi
Idoralararo komissiya tomonidan tayyorlangan ko‘mak oluvchining loyihasini moliyalashtirish bo‘yicha xulosani tasdiqlaydi.
Xulosa taqdim etilgan kunning o‘zida
5-bosqich
Ishchi organ
Idoralararo komissiyaning ko‘mak oluvchi taqdim etgan loyihani moliyalashtirish yuzasidan kiritgan xulosasi Idoralararo komissiya raisi tomonidan tasdiqlangandan so‘ng Moliya vazirligining “Ijtimoiy himoya yagona reyestri” axborot tizimiga tegishli ma’lumotlarni kiritadi va xulosani tuman (shahar) hokimligining moliya bo‘limiga yuboradi.
Xulosa tasdiqlan-gandan keyin bir ish kunida
6-bosqich
“Ijtimoiy himoya yagona reyestri” axborot tizimi
Ko‘mak oluvchining mobil telefon raqamiga yoki elektron manziliga yordam puli ajratilganligi to‘g‘risida xabar yuboriladi, yordam pulini berish bo‘yicha elektron to‘lov qaydnoma (vedomost)lari shakllantiriladi.
Uch ish kuni ichida
7-bosqich
Tuman (shahar) hokimligi moliya bo‘limi
Yordam pulini berish uchun zarur mablag‘larni AT “Xalq banki” bo‘limi (filiali)ning maxsus hisobvarag‘iga o‘tkazib boradi.
Har oyning 5-sanasiga qadar
8-bosqich
AT “Xalq banki” bo‘limi (filiali)
Ko‘mak oluvchiga yordam pulini to‘laydi, Idoralararo komissiyaga yordam puli to‘langanligi to‘g‘risida elektron ma’lumot taqdim etadi, to‘lanmagan mablag‘larni tegishliligiga ko‘ra tuman (shahar) budjeti yoki Qoraqalpog‘iston Respublikasi budjeti, viloyatlar va Toshkent shahar mahalliy budjetlariga qaytaradi hamda tuman (shahar) moliya bo‘limiga elektron ma’lumot taqdim etadi.
Bir oy ichida
9-bosqich
Ishchi organ
Ko‘mak oluvchi loyihasining amalga oshirilish holatini monitoring qiladi, monitoring natijasi bo‘yicha ma’lumotnoma tayyorlaydi va Idoralararo komissiyaga kiritadi.
Yordam puli to‘langan vaqtdan boshlab bir yil davomida har chorakda bir marta
Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni berish tartibi to‘g‘risidagi nizomga 2-ILOVA
Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish yuzasidan ularning tadbirkorlik, me’morchilik yoki hunarmandchilik kabi yo‘nalishlardagi loyihalarini o‘rganish natijalari bo‘yicha
XULOSA
Fuqaro ___________________________________________________________________
(F.I.O., tug‘ilgan sanasi, yashash manzili)
____________________________________________________________________________________________________________________________________________________________________________________________________________________________________________ning “dastlabki ijtimoiy-moddiy yordam paketi”ni olish bo‘yicha _______ yil ________dagi arizasi va ijtimoiy moslashuviga ko‘maklashish yuzasidan tadbirkorlik, me’morchilik yoki hunarmandchilik kabi yo‘nalishlardagi loyihasini Idoralararo komissiya tomonidan o‘rganish natijalariga ko‘ra quyidagilar aniqlandi:
1. Fuqaro _____________________ning loyihasini moliyalashtirish maqsadga muvofiq / muvofiq emas.
2. Fuqaro _____________________ga uch oy ichida Idoralararo komissiya tavsiyalari asosida dastlabki taqdim etilgan loyihani takomillashtirgan holda yoki yangi loyihani taqdim etishi mumkinligi tushuntirilsin.
___________ tuman (shahar) hokimi
________________ (imzo)
_______________(F.I.O.)
Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni berish tartibi to‘g‘risidagi nizomga 3-ILOVA
___________________________________ (tuman (shahar) Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni berish masalasini ko‘rib chiquvchi idoralararo doimiy komissiyaga
“Dastlabki ijtimoiy-moddiy yordam paketi”ni olish uchun
Yashash manzili: ___________________________________________________ ________________________________________________________________________.
(doimiy yashash joyi bo‘yicha ro‘yxatdan o‘tgan yoki vaqtincha turgan joyi bo‘yicha hisobga olingan joy)
Mobil telefon raqami: _____________________________________________.
Elektron pochta (agar mavjud bo‘lsa): ________________________________.
2. Ushbu bilan menga O‘zbekiston Respublikasi Prezidentining 2022-yil 29-iyundagi PQ-299-son qaroriga muvofiq ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni olishda amaliy yordam berishingizni so‘rayman.
3. Arizaga tadbirkorlik, me’morchilik yoki hunarmandchilik kabi yo‘nalishlardagi loyiha ilova qilinadi.
O‘zbekiston Respublikasi Prezidentining 2022-yil 29-iyundagi PQ-299-son qaroriga 2-ILOVA
Ozodlikdan mahrum etish jazosini o‘tab bo‘lgan fuqarolarning ijtimoiy moslashuviga ko‘maklashish bo‘yicha “dastlabki ijtimoiy-moddiy yordam paketi”ni berish masalasini ko‘rib chiquvchi idoralararo doimiy komissiyalarning
tuman (shahar) hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari, Komissiya raisi o‘rinbosari
3.
Lavozimi bo‘yicha
—
tuman (shahar) aholi bandligiga ko‘maklashish markazi boshlig‘i
4.
Lavozimi bo‘yicha
—
tuman (shahar) ichki ishlar bo‘limi (boshqarmasi) boshlig‘i
5.
Lavozimi bo‘yicha
—
tuman (shahar) moliya bo‘limi boshlig‘i
6.
Lavozimi bo‘yicha
—
tuman (shahar) oila va xotin-qizlar bo‘limi boshlig‘i
7.
Lavozimi bo‘yicha
—
tuman (shahar) mahalla va nuroniylarni qo‘llab-quvvatlash bo‘limi boshlig‘i
8.
Lavozimi bo‘yicha
—
tuman (shahar) mahallabay ishlash va tadbirkorlikni rivojlantirish markazi boshlig‘i
9.
Lavozimi bo‘yicha
—
ichki ishlar organlari hududiy probatsiya inspektori, Komissiya kotibi
Izoh: Komissiya a’zolari boshqa ishga o‘tgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.
(Qonunchilik ma’lumotlari milliy bazasi, 30.06.2022-y., 07/22/299/0572-son)
LexUZ sharhi