Oʻzbekiston Respublikasi Prezidentining

Qarori

Namangan viloyatining Kosonsoy, Chortoq va Yangiqoʻrgʻon tumanlarida meva-sabzavotchilik va uzumchilikni rivojlantirish chora-tadbirlari toʻgʻrisida

Namangan viloyatida oziq-ovqat mahsulotlarini koʻpaytirish, aholi bandligini taʼminlash, mavjud yer maydonlaridan samarali foydalanish, har bir hududda sabzavot, kartoshka, dukkakli va moyli ekinlarni yaxlit maydonlarga joylashtirish hamda plantatsiya usulida intensiv va mevali bogʻ hamda tokzorlar barpo etish orqali mahsulot yetishtirish, qayta ishlash hamda eksport hajmini oshirish maqsadida:

1. Quyidagilar:

Namangan viloyati Kosonsoy, Chortoq va Yangiqoʻrgʻon tumanlarida 2021-2022-yillar hosilidan qisqartiriladigan gʻalla maydonlariga qishloq xoʻjaligi ekinlarini joylashtirishning prognoz koʻrsatkichlari 1-ilovaga muvofiq;

Namangan viloyati Kosonsoy, Chortoq va Yangiqoʻrgʻon tumanlarini 2021-2022-yillarda bogʻdorchilik va uzumchilik yoʻnalishlariga hamda sabzavot, kartoshka, dukkakli va moyli ekinlarga ixtisoslashtirish koʻrsatkichlari 2 va 3-ilovalarga muvofiq;

Namangan viloyati Kosonsoy, Chortoq va Yangiqoʻrgʻon tumanlarida 2021-2022-yillarda oziq-ovqat mahsulotlari yetishtirish, qayta ishlash va eksport hajmlarini oshirish prognoz koʻrsatkichlari 4-ilovaga muvofiq;

Namangan viloyati Kosonsoy, Chortoq va Yangiqoʻrgʻon tumanlarida 2021-2022-yillarda amalga oshirilishi rejalashtirilgan qayta ishlash tashkilotlari, muzlatkichli omborxona va issiqxona loyihalarining manzilli roʻyxati 5-ilovaga muvofiq tasdiqlansin.

2. Namangan viloyati hokimligi (Sh. Abdurazakov) manfaatdor vazirlik va idoralar bilan birgalikda:

2021-2022-yillarda fermer xoʻjaliklarining qisqartiriladigan gʻalla maydonlarini belgilangan tartibda maqbullashtirish;

Oldingi tahrirga qarang.

(2-bandning uchinchi xatboshisi Oʻzbekiston Respublikasi Prezidentining 2021-yil 7-oktabrdagi PF-6320-sonli Farmoniga asosan chiqarilgan — Qonunchilik maʼlumotlari milliy bazasi, 08.10.2021-y., 06/21/6320/0940-son)

mavjud yer maydonlari va suv resurslaridan samarali foydalanish, mahsulot yetishtirish, qayta ishlash va eksport hajmini oshirish uchun ekinlarni yaxlit maydonlarga plantatsiya usulida joylashtirish hamda belgilangan eksportbop ekinlarning ekilishini taʼminlash;

qayta ishlash va eksport hajmlarini uch baravarga oshirish uchun qayta ishlash tashkilotlari, muzlatkichli omborxonalar va logistika markazlarini 2021-2022-yillar davomida toʻliq ishga tushirish hamda ishlashini taʼminlash;

har bir tumanda urugʻlik va koʻchatlar bilan taʼminlash imkoniyatidan kelib chiqib, sabzavot ekinlari va kartoshka urugʻchiligiga hamda mevali daraxt va tok koʻchatlari yetishtirishga ixtisoslashgan fermer xoʻjaliklarini tashkil etish;

yaroqsiz deb topilgan, iqtisodiy jihatdan samarasiz, kam hosilli bogʻ va tokzorlar oʻrnida intensiv bogʻ va tokzorlar barpo qilish yoki eksportbop va serdaromad qishloq xoʻjaligi mahsulotlarini yetishtirish choralarini koʻrsin.

3. Qishloq xoʻjaligi vazirligi (J. Xodjayev) Namangan viloyati hokimligi (Sh. Abdurazakov) bilan birgalikda Kosonsoy, Chortoq va Yangiqoʻrgʻon tumanlarida meva-sabzavotchilik va uzumchilik sohasini yanada rivojlantirish, ishlarni tizimli tashkil etish maqsadida tumanlardagi qishloq xoʻjaligi boʻlimlarining vazifalarini qayta koʻrib chiqib, takomillashtirish choralarini koʻrsin.

4. Shunday tartib oʻrnatilsinki, unga muvofiq:

Namangan viloyatining Kosonsoy, Chortoq va Yangiqoʻrgʻon tumanlarida sertifikatlangan sabzavot, dukkakli va moyli ekinlar urugʻlarini hamda mevali daraxt va tok koʻchatlarini yetishtiruvchi fermer xoʻjaligi va boshqa qishloq xoʻjaligi tashkilotlari tomonidan toʻlanadigan yer soligʻi uch yil muddatga 50 foizga kamaytiriladi.

Oldingi tahrirga qarang.

(4-bandning uchinchi xatboshisi Oʻzbekiston Respublikasi Prezidentining 2023-yil 10-noyabrdagi PF-193-sonli Farmoniga asosan chiqarilgan — Qonunchilik maʼlumotlari milliy bazasi, 11.11.2023-y., 06/23/193/0844-son)

5. Qishloq xoʻjaligi vazirligi (J. Xodjayev) quyidagi choralarni koʻrsin:

a) Suv xoʻjaligi vazirligi (Sh. Xamrayev), Oʻzbekiston fermer, dehqon xoʻjaliklari va tomorqa yer egalari kengashi (A. Xaitov) hamda Namangan viloyati hokimligi (Sh. Abdurazakov) bilan birgalikda:

ixtisoslashtirilayotgan hududlarda yaxlitlikka jiddiy eʼtibor qaratgan holda 2-3 turdagi qishloq xoʻjaligi ekinlarini bosqichma-bosqich plantatsiya usulida joylashtirish;

har bir hududning ixtisoslashuvi, tuproq-iqlim sharoiti, yerlarning meliorativ holati, unumdorligi, suv bilan taʼminlanganligini hisobga olib hamda qayta ishlovchi, tayyorlovchi va eksport qiluvchi tashkilotlarning talablaridan kelib chiqqan holda qishloq xoʻjaligi ekinlarini toʻliq ekish;

b) Innovatsion rivojlanish vazirligi (I. Abduraxmonov) va Tashqi ishlar vazirligi (F. Arziyev) bilan birgalikda Yangiqoʻrgʻon tumanida organik mahsulotlar yetishtirish uchun xorijiy davlatlar bilan hamkorlikni yoʻlga qoʻyish, malakali mutaxassislarni jalb etgan holda fermer xoʻjaliklari va kooperatsiyalar rahbarlarini oʻqitish ishlarini tashkil etish.

Oldingi tahrirga qarang.

(6-band Oʻzbekiston Respublikasi Prezidentining 2024-yil 24-iyundagi PQ-233-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 26.06.2024-y., 07/24/233/0450-son )

7. Qishloq xoʻjaligi vazirligi (J. Xodjayev), Investitsiyalar va tashqi savdo vazirligi (L. Qudratov) tijorat banklari bilan birgalikda Namangan viloyati Kosonsoy, Chortoq va Yangiqoʻrgʻon tumanlarida amalga oshiriladigan loyihalarni moliyalashtirishda tijorat banklari kreditlari, xalqaro moliya institutlarining kredit liniyalari mablagʻlarini jalb etish choralarini koʻrsin.

8. Namangan viloyati hokimligi (Sh. Abdurazakov) Investitsiyalar va tashqi savdo vazirligi (L. Qudratov), Qishloq xoʻjaligi vazirligi (J. Xodjayev) bilan birgalikda Kosonsoy, Chortoq va Yangiqoʻrgʻon tumanlarida zamonaviy texnologiyalar asosida meva-sabzavot mahsulotlarini yetishtirish, qayta ishlash va saqlash boʻyicha yirik klaster korxonalarini tashkil etish uchun xorijiy investorlarni keng jalb qilish choralarini koʻrsin.

9. Qishloq xoʻjaligi vazirligi (J. Xodjayev) ikki oy muddatda manfaatdor vazirlik va idoralar bilan birgalikda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

10. Adliya vazirligi mazkur qarorning ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

11. Mazkur qarorning ijrosini samarali tashkil etishga masʼul va shaxsiy javobgar etib Bosh vazir oʻrinbosari Sh.M. Ganiyev belgilansin.

Amalga oshirilayotgan chora-tadbirlar natijadorligi yuzasidan 2021-yil 1-iyun va 2021-yil 15-dekabrga qadar Oʻzbekiston Respublikasi Prezidentiga axborot kiritilsin.

Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Prezidentining maslahatchisi R.A. Gulyamov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 11-yanvar,

PQ-4941-son

Oʻzbekiston Respublikasi Prezidentining 2021-yil 11-yanvardagi PQ-4941-son qaroriga
1-ILOVA

Namangan viloyati Kosonsoy, Chortoq va Yangiqoʻrgʻon tumanlarida 2021-2022-yillar hosilidan qisqartiriladigan gʻalla maydonlariga qishloq xoʻjaligi ekinlarini joylashtirishning

PROGNOZ KOʻRSATKICHLARI

T/r	Tumanlar nomi	Jami qisqartiriladigan gʻalla maydoni, gektar	Maqbullashtirilgan maydonlarga qishloq xoʻjaligi ekinlarini joylashtirish
T/r	Tumanlar nomi	Jami qisqartiriladigan gʻalla maydoni, gektar	intensiv bogʻ	tokzor	sabzavot	kartoshka	dukkakli ekinlar	moyli ekinlar
1.	Kosonsoy	3 000	850	450	550	250	550	350
2.	Chortoq	2 100	400	150	350	200	600	400
3.	Yangiqoʻrgʻon	3 120	600	700	540	510	360	410
Jami		8 220	1 850	1 300	1 440	960	1 510	1 160

Oʻzbekiston Respublikasi Prezidentining 2021-yil 11-yanvardagi PQ-4941-son qaroriga
2-ILOVA

Namangan viloyati Kosonsoy, Chortoq va Yangiqoʻrgʻon tumanlarini 2021-2022-yillarda bogʻdorchilik va uzumchilik yoʻnalishlariga ixtisoslashtirish

KOʻRSATKICHLARI

									gektar
T/r	Ixtisoslashgan hudud nomi	Jami ixtisoslashgan yer maydoni	Ixtisoslashuv	Bogʻdorchilik					Uzumchilik
				Bogʻdorchilikka ixtisoslashgan maydon	shundan, mavjud bogʻ maydoni	yangi bogʻ barpo etish	shundan		Uzumchilikka ixtisoslashgan maydon	shundan, mavjud tokzor maydoni	Yangi tokzor barpo etish	shundan
				Bogʻdorchilikka ixtisoslashgan maydon	shundan, mavjud bogʻ maydoni	yangi bogʻ barpo etish	2021-yil	2022-yil	Uzumchilikka ixtisoslashgan maydon	shundan, mavjud tokzor maydoni	Yangi tokzor barpo etish	2021-yil	2022-yil
1.	Kosonsoy tumani	2 785	bogʻdorchilik, uzumchilik	1 999	1 149	850	463	387	786	380	450	250	200
2.	Chortoq tumani	3 835	bogʻdorchilik, uzumchilik	2 539	2 139	400	220	180	1 296	1 146	150	83	67
3.	Yangiqoʻrgʻon tumani	8 600	bogʻdorchilik, uzumchilik	6 021	5 421	600	330	270	2 579	1 879	700	385	315
	Jami	15 220		10 559	8 709	1 850	1 013	837	4 661	3 405	1 300	718	582

Oʻzbekiston Respublikasi Prezidentining 2021-yil 11-yanvardagi PQ-4941-son qaroriga
3-ILOVA

viloyati Kosonsoy, Chortoq va Yangiqoʻrgʻon tumanlarini 2021-yilda sabzavot, kartoshka, dukkakli va moyli ekinlarga ixtisoslashtirish

KOʻRSATKICHLARI

									gektar
T/r	Ixtisoslashgan hudud nomi	Ixtisoslashuv	Jami ixtisoslashgan yer maydoni	shundan		Sabzavotchilik	Kartoshkachilik	Dukkakli ekinlar	Moyli ekinlar
T/r	Ixtisoslashgan hudud nomi	Ixtisoslashuv	Jami ixtisoslashgan yer maydoni	mavjud sabzavot, kartoshka, dukkakli va moyli ekinlar maydoni	gʻalla ekinlaridan qisqartirilgan maydon	Sabzavotchilik	Kartoshkachilik	Dukkakli ekinlar	Moyli ekinlar
1.	Kosonsoy tumani	sabzavot, kartoshkachilik, dukkakli, moyli	3 531	1 831	1 700	550	250	550	350
2.	Chortoq tumani	sabzavot, kartoshkachilik, dukkakli, moyli	3 660	2 110	1 550	350	200	600	400
3.	Yangiqoʻrgʻon tumani	sabzavot, kartoshkachilik, dukkakli, moyli	2 980	1 160	1 820	540	510	360	410
	Jami		10 171	5 101	5 070	1 440	960	1 510	1 160

Oʻzbekiston Respublikasi Prezidentining 2021-yil 11-yanvardagi PQ-4941-son qaroriga
4-ILOVA

Namangan viloyati Kosonsoy, Chortoq va Yangiqoʻrgʻon tumanlarida 2021-2022-yillarda oziq-ovqat mahsulotlari yetishtirish, qayta ishlash va eksport hajmlarini oshirish

PROGNOZ KOʻRSATKICHLARI

							tonna
T/r	Hudud nomi	Barcha toifadagi xoʻjaliklarda mahsulot yetishtirish		Qayta ishlashga yoʻnaltirish		Eksportga yoʻnaltirish
T/r	Hudud nomi	2021-yil	2022-yil	2021-yil	2022-yil	2021-yil	2022-yil
1.	Kosonsoy tumani	165 255	187 738	23 150	31 500	16 000	20 500
2.	Chortoq tumani	205 890	236 681	21 681	29 874	38 213	53 995
3.	Yangiqoʻrgʻon tumani	220 828	255 954	41 503	49 405	38 221	48 368
	Jami	591 973	680 373	86 334	110 779	92 434	122 863

Oʻzbekiston Respublikasi Prezidentining 2021-yil 11-yanvardagi PQ-4941-son qaroriga
5-ILOVA

MANZILLI ROʻYXATI

T/r	Loyiha tashabbuskori	Loyiha nomi	Oʻlchov birligi		Loyiha qiymati (mln soʻm)	shundan				Ish oʻrni	Ishga tushish muddati (oy, yil)	Xizmat koʻrsatuvchi bank
			Nomi	hajmi va gektar		shundan
			Nomi	hajmi va gektar		oʻz mablagʻi (mln soʻm)	bank krediti (mln soʻm)	xorijiy kredit (ming dollar)	xorijiy investitsiya (ming dollar)
Kosonsoy tumani
1.	“Ahmadxon hoji Kosoniy” F/X	Parranda goʻshtini qayta ishlash, parranda va chorva ozuqalarini ishlab chiqarish, sut mahsulotlarini qayta ishlash	tonna	600	5 000	5 000				25	30.12.2021	Asaka bank
2.	“KOSONSOY DRY FRUITS” MCHJ	Intensiv bogʻ 200 ga, issiqxona 4 ga, zamonaviy muzlatkichlar tashkil etish	gektar	204	74 592				7 400	50	30.12.2021	Xalq banki
3.	“Namuna ilgʻor loyihasi” MCHJ	Mevalarni qayta ishlashni va saqlashni tashkil etish	tonna	250	1 000	900	100			12	30.12.2021	Mikrokredit bank
4.	“QAYTMAS ZAMINI” MCHJ	Muzlatkichli ombor tashkil etish	tonna	200	1 000	400	600			6	30.12.2021	Turon bank
5.	“Ravon mega servis” MCHJ	Meva-savzavot mahsulotlarini qayta ishlash	tonna	600	5 000	1 000	4 000			20	30.11.2021	Mikrokredit bank
5	Tuman jami			1 854	86 592	7 300	4 700	0	7 400	113
Chortoq tumani
1.	“Nurbek cargo trans” MCHJ	Muzlatkichli omborxona tashkil etish	tonna	1 000	15 000	15 000				3	2021-yil mart	Milliy bank
2.	“Royal spektor” MCHJ	Issiqxona tashkil etish	gektar	1	786	151		63		2	2021-yil oktabr	Agro bank
3.	YTT “Ibragimov Nozimjon Nosirovich”	Issiqxona tashkil etish	gektar	1	300	250	50			3	2022-yil yanvar	Milliy bank
4.	“Abubakr Jahongir” FX	Issiqxona tashkil etish	gektar	1	600	200	400			4	2021-yil sentabr	Agro bank
5.	“Boburjon Javohir Soxibjon” FX	Muzlatkichli omborxona tashkil etish	tonna	500	1 000	1 000				5	2021-yil dekabr	Milliy bank
6.	“Golden nuts Namangan” MCHJ	Issiqxona tashkil etish	gektar	20	13 000	6 500	6 500			500	2021-yil dekabr	Turon bank
7.	“Chortoq tomorqa xizmati” MCHJ	Muzlatkichli omborxona tashkil etish, aholiga urugʻchilik xizmati koʻrsatish	tonna	500	5 000	3 000	2 000			12	2021-yil sentabr	Xalq banki
8.	YTT “Nurmirzayev Muslimbek Shuxratjon oʻgʻli”	Muzlatkichli omborxona tashkil etish	tonna	100	300	100	200			3	2021-yil iyun	Agro bank
8	Tuman jami			2 123	35 986	26 201	9 150	63	0	532
Yangiqoʻrgʻon tumani
1.	“Valley Curry Fruits” MCHJ	Qishloq xoʻjaligi mahsulotlarini qayta ishlash (quritish va qadoqlash), konditer mahsulotlari ishlab chiqarish	ming dona	350	1 000	1 000				20	30.03.2021	Milliy bank
2.	“Iskavot tomorqa xizmat” MCHJ	Mevani qayta ishlash (quritish)	ming dona	500	1 000	1 000				6	01.06.2021	Agro bank
3.	“Tojiboyev Zoirjon” XK	Mevani qayta ishlash (quritish) va qadoqlash	ming dona	700	1 000	1 000				10	01.07.2021	Agro bank
4.	“Eskiobod fayzli tomorqa xizmati” MCHJ	Issiqxona tashkil etish	gektar	3	11 500	11 500				10	01.12.2021	Xalq banki
5.	“Fayz Mega Eksport” MCHJ	Issiqxona xoʻjaligini tashkil etish	gektar	1	1 400	1 400				10	01.08.2021	Asaka bank
6.	Yangiqoʻrgʻon Agro Tek” MCHJ	Issiqxona xoʻjaligini tashkil etish	gektar	1	1 250	800	450			5	31.03.2021	Xalq banki
7.	Yangiqoʻrgʻon agro invest MCHJ	Muzlatkichli omborxona va meva sabzavotni qayta ishlash	tonna	600	50 000	20 000	30 000			38	30.03.2021	Milliy bank
8.	“Valley Fresh” ICHK	Muzlatkich ombori tashkil etish	tonna	1 000	10 080				1 000	10	01.06.2021	Milliy bank
9.	“Valley Montain Fruits” ICHK	Muzlatkich ombori tashkil etish	tonna	320	5 629	2 000		360		60	01.05.2021	Turon bank
9	Tuman jami			3 475	82 859	38 700	30 450	360	1 000	169
22	Viloyat jami			7 452	205 437	72 201	44 300	423	8 400	814

(Qonun hujjatlari maʼlumotlari milliy bazasi, 12.01.2021-y., 07/21/4941/0019-son; Qonunchilik maʼlumotlari milliy bazasi, 08.10.2021-y., 06/21/6320/0940-son; 10.06.2022-y., 06/22/150/0516-son; 11.11.2023-y., 06/23/193/0844-son; 26.06.2024-y., 07/24/233/0450-son)