ПҚ-4941-сон 11.01.2021. Наманган вилоятининг Косонсой, Чортоқ ва Янгиқўрғон туманларида мева-сабзавотчилик ва узумчиликни ривожлантириш чора-тадбирлари тўғрисида

Ўзбекистон Республикаси Президентининг

Қарори

Наманган вилоятининг Косонсой, Чортоқ ва Янгиқўрғон туманларида мева-сабзавотчилик ва узумчиликни ривожлантириш чора-тадбирлари тўғрисида

Наманган вилоятида озиқ-овқат маҳсулотларини кўпайтириш, аҳоли бандлигини таъминлаш, мавжуд ер майдонларидан самарали фойдаланиш, ҳар бир ҳудудда сабзавот, картошка, дуккакли ва мойли экинларни яхлит майдонларга жойлаштириш ҳамда плантация усулида интенсив ва мевали боғ ҳамда токзорлар барпо этиш орқали маҳсулот етиштириш, қайта ишлаш ҳамда экспорт ҳажмини ошириш мақсадида:

1. Қуйидагилар:

Наманган вилояти Косонсой, Чортоқ ва Янгиқўрғон туманларида 2021-2022 йиллар ҳосилидан қисқартириладиган ғалла майдонларига қишлоқ хўжалиги экинларини жойлаштиришнинг прогноз кўрсаткичлари 1-иловага мувофиқ;

Наманган вилояти Косонсой, Чортоқ ва Янгиқўрғон туманларини 2021-2022 йилларда боғдорчилик ва узумчилик йўналишларига ҳамда сабзавот, картошка, дуккакли ва мойли экинларга ихтисослаштириш кўрсаткичлари 2 ва 3-иловаларга мувофиқ;

Наманган вилояти Косонсой, Чортоқ ва Янгиқўрғон туманларида 2021-2022 йилларда озиқ-овқат маҳсулотлари етиштириш, қайта ишлаш ва экспорт ҳажмларини ошириш прогноз кўрсаткичлари 4-иловага мувофиқ;

Наманган вилояти Косонсой, Чортоқ ва Янгиқўрғон туманларида 2021-2022 йилларда амалга оширилиши режалаштирилган қайта ишлаш ташкилотлари, музлаткичли омборхона ва иссиқхона лойиҳаларининг манзилли рўйхати 5-иловага мувофиқ тасдиқлансин.

2. Наманган вилояти ҳокимлиги (Ш. Абдуразаков) манфаатдор вазирлик ва идоралар билан биргаликда:

2021-2022 йилларда фермер хўжаликларининг қисқартириладиган ғалла майдонларини белгиланган тартибда мақбуллаштириш;

Олдинги таҳрирга қаранг.

(2-банднинг учинчи хатбошиси Ўзбекистон Республикаси Президентининг 2021 йил 7 октябрдаги ПФ-6320-сонли Фармонига асосан чиқарилган — Қонунчилик маълумотлари миллий базаси, 08.10.2021 й., 06/21/6320/0940-сон)

мавжуд ер майдонлари ва сув ресурсларидан самарали фойдаланиш, маҳсулот етиштириш, қайта ишлаш ва экспорт ҳажмини ошириш учун экинларни яхлит майдонларга плантация усулида жойлаштириш ҳамда белгиланган экспортбоп экинларнинг экилишини таъминлаш;

қайта ишлаш ва экспорт ҳажмларини уч бараварга ошириш учун қайта ишлаш ташкилотлари, музлаткичли омборхоналар ва логистика марказларини 2021-2022 йиллар давомида тўлиқ ишга тушириш ҳамда ишлашини таъминлаш;

ҳар бир туманда уруғлик ва кўчатлар билан таъминлаш имкониятидан келиб чиқиб, сабзавот экинлари ва картошка уруғчилигига ҳамда мевали дарахт ва ток кўчатлари етиштиришга ихтисослашган фермер хўжаликларини ташкил этиш;

яроқсиз деб топилган, иқтисодий жиҳатдан самарасиз, кам ҳосилли боғ ва токзорлар ўрнида интенсив боғ ва токзорлар барпо қилиш ёки экспортбоп ва сердаромад қишлоқ хўжалиги маҳсулотларини етиштириш чораларини кўрсин.

3. Қишлоқ хўжалиги вазирлиги (Ж. Ходжаев) Наманган вилояти ҳокимлиги (Ш. Абдуразаков) билан биргаликда Косонсой, Чортоқ ва Янгиқўрғон туманларида мева-сабзавотчилик ва узумчилик соҳасини янада ривожлантириш, ишларни тизимли ташкил этиш мақсадида туманлардаги қишлоқ хўжалиги бўлимларининг вазифаларини қайта кўриб чиқиб, такомиллаштириш чораларини кўрсин.

4. Шундай тартиб ўрнатилсинки, унга мувофиқ:

Наманган вилоятининг Косонсой, Чортоқ ва Янгиқўрғон туманларида сертификатланган сабзавот, дуккакли ва мойли экинлар уруғларини ҳамда мевали дарахт ва ток кўчатларини етиштирувчи фермер хўжалиги ва бошқа қишлоқ хўжалиги ташкилотлари томонидан тўланадиган ер солиғи уч йил муддатга 50 фоизга камайтирилади.

Олдинги таҳрирга қаранг.

(4-банднинг учинчи хатбошиси Ўзбекистон Республикаси Президентининг 2023 йил 10 ноябрдаги ПФ-193-сонли Фармонига асосан чиқарилган — Қонунчилик маълумотлари миллий базаси, 11.11.2023 й., 06/23/193/0844-сон)

5. Қишлоқ хўжалиги вазирлиги (Ж. Ходжаев) қуйидаги чораларни кўрсин:

а) Сув хўжалиги вазирлиги (Ш. Хамраев), Ўзбекистон фермер, деҳқон хўжаликлари ва томорқа ер эгалари кенгаши (А. Хаитов) ҳамда Наманган вилояти ҳокимлиги (Ш. Абдуразаков) билан биргаликда:

ихтисослаштирилаётган ҳудудларда яхлитликка жиддий эътибор қаратган ҳолда 2-3 турдаги қишлоқ хўжалиги экинларини босқичма-босқич плантация усулида жойлаштириш;

ҳар бир ҳудуднинг ихтисослашуви, тупроқ-иқлим шароити, ерларнинг мелиоратив ҳолати, унумдорлиги, сув билан таъминланганлигини ҳисобга олиб ҳамда қайта ишловчи, тайёрловчи ва экспорт қилувчи ташкилотларнинг талабларидан келиб чиққан ҳолда қишлоқ хўжалиги экинларини тўлиқ экиш;

б) Инновацион ривожланиш вазирлиги (И. Абдурахмонов) ва Ташқи ишлар вазирлиги (Ф. Арзиев) билан биргаликда Янгиқўрғон туманида органик маҳсулотлар етиштириш учун хорижий давлатлар билан ҳамкорликни йўлга қўйиш, малакали мутахассисларни жалб этган ҳолда фермер хўжаликлари ва кооперациялар раҳбарларини ўқитиш ишларини ташкил этиш.

Олдинги таҳрирга қаранг.

(6-банд Ўзбекистон Республикаси Президентининг 2024 йил 24 июндаги ПҚ-233-сонли қарорига асосан ўз кучини йўқотган — Қонунчилик маълумотлари миллий базаси, 26.06.2024 й., 07/24/233/0450-сон )

7. Қишлоқ хўжалиги вазирлиги (Ж. Ходжаев), Инвестициялар ва ташқи савдо вазирлиги (Л. Қудратов) тижорат банклари билан биргаликда Наманган вилояти Косонсой, Чортоқ ва Янгиқўрғон туманларида амалга ошириладиган лойиҳаларни молиялаштиришда тижорат банклари кредитлари, халқаро молия институтларининг кредит линиялари маблағларини жалб этиш чораларини кўрсин.

8. Наманган вилояти ҳокимлиги (Ш. Абдуразаков) Инвестициялар ва ташқи савдо вазирлиги (Л. Қудратов), Қишлоқ хўжалиги вазирлиги (Ж. Ходжаев) билан биргаликда Косонсой, Чортоқ ва Янгиқўрғон туманларида замонавий технологиялар асосида мева-сабзавот маҳсулотларини етиштириш, қайта ишлаш ва сақлаш бўйича йирик кластер корхоналарини ташкил этиш учун хорижий инвесторларни кенг жалб қилиш чораларини кўрсин.

9. Қишлоқ хўжалиги вазирлиги (Ж. Ходжаев) икки ой муддатда манфаатдор вазирлик ва идоралар билан биргаликда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

10. Адлия вазирлиги мазкур қарорнинг ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

11. Мазкур қарорнинг ижросини самарали ташкил этишга масъул ва шахсий жавобгар этиб Бош вазир ўринбосари Ш.М. Ганиев белгилансин.

Амалга оширилаётган чора-тадбирлар натижадорлиги юзасидан 2021 йил 1 июнь ва 2021 йил 15 декабрга қадар Ўзбекистон Республикаси Президентига ахборот киритилсин.

Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ҳамда Ўзбекистон Республикаси Президентининг маслаҳатчиси Р.А. Гулямов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 11 январь,

ПҚ-4941-сон

Ўзбекистон Республикаси Президентининг 2021 йил 11 январдаги ПҚ-4941-сон қарорига
1-ИЛОВА

ПРОГНОЗ КЎРСАТКИЧЛАРИ

Т/р	Туманлар номи	Жами қисқартириладиган ғалла майдони, гектар	Мақбуллаштирилган майдонларга қишлоқ хўжалиги экинларини жойлаштириш
Т/р	Туманлар номи	Жами қисқартириладиган ғалла майдони, гектар	интенсив боғ	токзор	сабзавот	картошка	дуккакли экинлар	мойли экинлар
1.	Косонсой	3 000	850	450	550	250	550	350
2.	Чортоқ	2 100	400	150	350	200	600	400
3.	Янгиқўрғон	3 120	600	700	540	510	360	410
Жами		8 220	1 850	1 300	1 440	960	1 510	1 160

Ўзбекистон Республикаси Президентининг 2021 йил 11 январдаги ПҚ-4941-сон қарорига
2-ИЛОВА

Наманган вилояти Косонсой, Чортоқ ва Янгиқўрғон туманларини 2021-2022 йилларда боғдорчилик ва узумчилик йўналишларига ихтисослаштириш

КЎРСАТКИЧЛАРИ

									гектар
Т/р	Ихтисослашган ҳудуд номи	Жами ихтисослашган ер майдони	Ихтисослашув	Боғдорчилик					Узумчилик
				Боғдорчиликка ихтисослашган майдон	шундан, мавжуд боғ майдони	янги боғ барпо этиш	шундан		Узумчиликка ихтисослашган майдон	шундан, мавжуд токзор майдони	Янги токзор барпо этиш	шундан
				Боғдорчиликка ихтисослашган майдон	шундан, мавжуд боғ майдони	янги боғ барпо этиш	2021 йил	2022 йил	Узумчиликка ихтисослашган майдон	шундан, мавжуд токзор майдони	Янги токзор барпо этиш	2021 йил	2022 йил
1.	Косонсой тумани	2 785	боғдорчилик, узумчилик	1 999	1 149	850	463	387	786	380	450	250	200
2.	Чортоқ тумани	3 835	боғдорчилик, узумчилик	2 539	2 139	400	220	180	1 296	1 146	150	83	67
3.	Янгиқўрғон тумани	8 600	боғдорчилик, узумчилик	6 021	5 421	600	330	270	2 579	1 879	700	385	315
	Жами	15 220		10 559	8 709	1 850	1 013	837	4 661	3 405	1 300	718	582

Ўзбекистон Республикаси Президентининг 2021 йил 11 январдаги ПҚ-4941-сон қарорига
3-ИЛОВА

вилояти Косонсой, Чортоқ ва Янгиқўрғон туманларини 2021 йилда сабзавот, картошка, дуккакли ва мойли экинларга ихтисослаштириш

КЎРСАТКИЧЛАРИ

									гектар
Т/р	Ихтисослашган ҳудуд номи	Ихтисослашув	Жами ихтисослашган ер майдони	шундан		Сабзавотчилик	Картошкачилик	Дуккакли экинлар	Мойли экинлар
Т/р	Ихтисослашган ҳудуд номи	Ихтисослашув	Жами ихтисослашган ер майдони	мавжуд сабзавот, картошка, дуккакли ва мойли экинлар майдони	ғалла экинларидан қисқартирилган майдон	Сабзавотчилик	Картошкачилик	Дуккакли экинлар	Мойли экинлар
1.	Косонсой тумани	сабзавот, картошкачилик, дуккакли, мойли	3 531	1 831	1 700	550	250	550	350
2.	Чортоқ тумани	сабзавот, картошкачилик, дуккакли, мойли	3 660	2 110	1 550	350	200	600	400
3.	Янгиқўрғон тумани	сабзавот, картошкачилик, дуккакли, мойли	2 980	1 160	1 820	540	510	360	410
	Жами		10 171	5 101	5 070	1 440	960	1 510	1 160

Ўзбекистон Республикаси Президентининг 2021 йил 11 январдаги ПҚ-4941-сон қарорига
4-ИЛОВА

Наманган вилояти Косонсой, Чортоқ ва Янгиқўрғон туманларида 2021-2022 йилларда озиқ-овқат маҳсулотлари етиштириш, қайта ишлаш ва экспорт ҳажмларини ошириш

ПРОГНОЗ КЎРСАТКИЧЛАРИ

							тонна
Т/р	Ҳудуд номи	Барча тоифадаги хўжаликларда маҳсулот етиштириш		Қайта ишлашга йўналтириш		Экспортга йўналтириш
Т/р	Ҳудуд номи	2021 йил	2022 йил	2021 йил	2022 йил	2021 йил	2022 йил
1.	Косонсой тумани	165 255	187 738	23 150	31 500	16 000	20 500
2.	Чортоқ тумани	205 890	236 681	21 681	29 874	38 213	53 995
3.	Янгиқўрғон тумани	220 828	255 954	41 503	49 405	38 221	48 368
	Жами	591 973	680 373	86 334	110 779	92 434	122 863

Ўзбекистон Республикаси Президентининг 2021 йил 11 январдаги ПҚ-4941-сон қарорига
5-ИЛОВА

МАНЗИЛЛИ РЎЙХАТИ

Т/р	Лойиҳа ташаббускори	Лойиҳа номи	Ўлчов бирлиги		Лойиҳа қиймати (млн сўм)	шундан				Иш ўрни	Ишга тушиш муддати (ой, йил)	Хизмат кўрсатувчи банк
			Номи	ҳажми ва гектар		шундан
			Номи	ҳажми ва гектар		ўз маблағи (млн сўм)	банк кредити (млн сўм)	хорижий кредит (минг доллар)	хорижий инвестиция (минг доллар)
Косонсой тумани
1.	«Аҳмадхон ҳожи Косоний» Ф/Х	Парранда гўштини қайта ишлаш, парранда ва чорва озуқаларини ишлаб чиқариш, сут маҳсулотларини қайта ишлаш	тонна	600	5 000	5 000				25	30.12.2021	Асака банк
2.	«КOSONSOY DRY FRUITS» МЧЖ	Интенсив боғ 200 га, иссиқхона 4 га, замонавий музлаткичлар ташкил этиш	гектар	204	74 592				7 400	50	30.12.2021	Халқ банки
3.	«Намуна илғор лойиҳаси» МЧЖ	Меваларни қайта ишлашни ва сақлашни ташкил этиш	тонна	250	1 000	900	100			12	30.12.2021	Микрокредит банк
4.	«QAYTMAS ZAMINI» МЧЖ	Музлаткичли омбор ташкил этиш	тонна	200	1 000	400	600			6	30.12.2021	Турон банк
5.	«Равон мега сервис» МЧЖ	Мева-савзавот маҳсулотларини қайта ишлаш	тонна	600	5 000	1 000	4 000			20	30.11.2021	Микрокредит банк
5	Туман жами			1 854	86 592	7 300	4 700	0	7 400	113
Чортоқ тумани
1.	«Nurbek cargo trans» МЧЖ	Музлаткичли омборхона ташкил этиш	тонна	1 000	15 000	15 000				3	2021 йил март	Миллий банк
2.	«Роял спектор» МЧЖ	Иссиқхона ташкил этиш	гектар	1	786	151		63		2	2021 йил октябрь	Агро банк
3.	ЯТТ «Ибрагимов Нозимжон Носирович»	Иссиқхона ташкил этиш	гектар	1	300	250	50			3	2022 йил январь	Миллий банк
4.	«Абубакр Жаҳонгир» ФХ	Иссиқхона ташкил этиш	гектар	1	600	200	400			4	2021 йил сентябрь	Агро банк
5.	«Бобуржон Жавоҳир Сохибжон» ФХ	Музлаткичли омборхона ташкил этиш	тонна	500	1 000	1 000				5	2021 йил декабрь	Миллий банк
6.	«Golden nuts Namangan» МЧЖ	Иссиқхона ташкил этиш	гектар	20	13 000	6 500	6 500			500	2021 йил декабрь	Турон банк
7.	«Чортоқ томорқа хизмати» МЧЖ	Музлаткичли омборхона ташкил этиш, аҳолига уруғчилик хизмати кўрсатиш	тонна	500	5 000	3 000	2 000			12	2021 йил сентябрь	Халқ банки
8.	ЯТТ «Нурмирзаев Муслимбек Шухратжон ўғли»	Музлаткичли омборхона ташкил этиш	тонна	100	300	100	200			3	2021 йил июнь	Агро банк
8	Туман жами			2 123	35 986	26 201	9 150	63	0	532
Янгиқўрғон тумани
1.	«Valley Curry Fruits» МЧЖ	Қишлоқ хўжалиги маҳсулотларини қайта ишлаш (қуритиш ва қадоқлаш), кондитер маҳсулотлари ишлаб чиқариш	минг дона	350	1 000	1 000				20	30.03.2021	Миллий банк
2.	«Искавот томорқа хизмат» МЧЖ	Мевани қайта ишлаш (қуритиш)	минг дона	500	1 000	1 000				6	01.06.2021	Агро банк
3.	«Тожибоев Зоиржон» ХК	Мевани қайта ишлаш (қуритиш) ва қадоқлаш	минг дона	700	1 000	1 000				10	01.07.2021	Агро банк
4.	«Эскиобод файзли томорқа хизмати» МЧЖ	Иссиқхона ташкил этиш	гектар	3	11 500	11 500				10	01.12.2021	Халқ банки
5.	«Файз Мега Экспорт» МЧЖ	Иссиқхона хўжалигини ташкил этиш	гектар	1	1 400	1 400				10	01.08.2021	Асака банк
6.	Янгиқўрғон Агро Тек» МЧЖ	Иссиқхона хўжалигини ташкил этиш	гектар	1	1 250	800	450			5	31.03.2021	Халқ банки
7.	Янгиқўрғон агро инвест МЧЖ	Музлаткичли омборхона ва мева сабзавотни қайта ишлаш	тонна	600	50 000	20 000	30 000			38	30.03.2021	Миллий банк
8.	«Valley Fresh» ИЧК	Музлаткич омбори ташкил этиш	тонна	1 000	10 080				1 000	10	01.06.2021	Миллий банк
9.	«Valley Montain Fruits» ИЧК	Музлаткич омбори ташкил этиш	тонна	320	5 629	2 000		360		60	01.05.2021	Турон банк
9	Туман жами			3 475	82 859	38 700	30 450	360	1 000	169
22	Вилоят жами			7 452	205 437	72 201	44 300	423	8 400	814

(Қонун ҳужжатлари маълумотлари миллий базаси, 12.01.2021 й., 07/21/4941/0019-сон; Қонунчилик маълумотлари миллий базаси, 08.10.2021 й., 06/21/6320/0940-сон; 10.06.2022 й., 06/22/150/0516-сон; 11.11.2023 й., 06/23/193/0844-сон; 26.06.2024 й., 07/24/233/0450-сон)