Oʻzbekiston Respublikasi Vazirlar Mahkamasining
qarori
Atoqli adiblar va mutafakkirlarimiz ijodiy merosini yoshlar oʻrtasida targʻib qilish hamda Adiblar xiyobonidan samarali foydalanish chora-tadbirlari toʻgʻrisida
Yoshlar, shu jumladan talabalar va oʻquvchilar oʻrtasida atoqli adiblar va mutafakkirlarimiz ijodiy merosini keng targʻib qilish, ularning adabiyotga qiziqishlarini yanada oshirish, ragʻbatlantirish, shuningdek, Toshkent shahrida barpo etilgan Adiblar xiyobonidan samarali foydalanish maqsadida Vazirlar Mahkamasi qaror qiladi:
1. Oʻzbekiston Respublikasi Oliy va oʻrta maxsus taʼlim vazirligi, Madaniyat vazirligi, Yoshlar ishlari agentligi, Oʻzbekiston Fanlar akademiyasi, Oʻzbekiston Badiiy akademiyasi, Oʻzbekiston Yozuvchilar uyushmasi, Respublika Maʼnaviyat va maʼrifat markazi hamda Toshkent shahar hokimligi tomonidan ishlab chiqilgan:
Toshkent shahridagi Adiblar xiyobonidan samarali foydalanish va taʼlim muassasalarida adiblar ijodini oʻrganish boʻyicha chora-tadbirlar rejasi (keyingi oʻrinlarda — chora-tadbirlar rejasi) 1-ilovaga muvofiq;
Adiblar xiyobonida haykallari oʻrnatilgan atoqli yozuvchi va shoirlarning hayoti va ijodini chuqur oʻrganish hamda targʻib qilish boʻyicha oliy taʼlim muassasalarini biriktirish roʻyxati 2-ilovaga muvofiq;
atoqli adiblar nomidagi maxsus stipendiyalarni va koʻkrak nishonlarini joriy qilish asoslari, tartibi, ushbu stipendiyalar va koʻkrak nishonlari bilan taqdirlash mezonlari, stipendiyalarni toʻlash muddatlari va miqdorini, koʻkrak nishonlarining tavsifini nazarda tutuvchi Atoqli adiblar nomidagi maxsus stipendiyalar va koʻkrak nishonlari toʻgʻrisidagi namunaviy nizom 3-ilovaga muvofiq tasdiqlansin.
2. Oʻzbekiston Respublikasi Oliy va oʻrta maxsus taʼlim vazirligi tizimida oliy taʼlim muassasalari boʻlgan vazirlik va idoralar bilan birgalikda ushbu qarorning 2-ilovasida nazarda tutilgan oliy taʼlim muassasalarida:
bir oy muddatda biriktirilgan atoqli adiblarning hayoti va ijodini chuqur oʻrganish hamda targʻib qilish boʻyicha oʻquv-maʼrifiy tadbirlarni amalga oshiruvchi ijodiy guruhlar faoliyatini yoʻlga qoʻysin;
2020/2021 oʻquv yilidan boshlab, ilmiy-adabiy maslahatchi lavozimini joriy etsin;
2020/2021 oʻquv yilidan boshlab, oliy taʼlim muassasalarida ularga biriktirilgan atoqli adiblar nomidagi maxsus stipendiyalar va koʻkrak nishonlarini joriy qilishni taʼminlasin;
2021/2022 oʻquv yilidan boshlab, atoqli yozuvchi va shoirlarning hayoti va ijodini chuqur oʻrganish hamda targʻib qilishga boshqa oliy taʼlim muassasalarini ham jalb qilish choralarini koʻrsin.
3. Oliy taʼlim muassasasining ilmiy-adabiy maslahatchisi:
oliy taʼlim muassasasiga biriktirilgan atoqli adibning hayoti va ijodini chuqur oʻrganish hamda targʻib qilish bilan shugʻullanishi;
Oʻzbekiston Yozuvchilar uyushmasining tavsiyasi bilan jalb etilishi hamda oliy taʼlim muassasasida jamoatchilik asosida faoliyat yuritishi;
oliy taʼlim muassasalarining budjetdan tashqari mablagʻlari hisobidan ragʻbatlantirilishi mumkinligi;
oliy taʼlim muassasalari oʻzlariga biriktirilgan atoqli adiblarning hayoti va ijodini chuqur oʻrganish hamda targʻib qilish boʻyicha oʻqituvchi va talabalardan tashkil topgan ijodiy guruhlar faoliyatini muvofiqlashtirishi belgilab qoʻyilsin.
4. Belgilansinki:
atoqli adiblar nomidagi maxsus stipendiyalar miqdori Oʻzbekiston Respublikasi Vazirlar Mahkamasining 2020-yil 31-yanvardagi 59-son qarori bilan tasdiqlangan Oliy taʼlim muassasalari talabalari uchun stipendiyalarning belgilangan miqdorlarining 2-bandiga muvofiq hisoblanadi;
chora-tadbirlar rejasida belgilangan vazifalarni amalga oshirish bilan bogʻliq xarajatlar oliy taʼlim muassasalarining budjetdan tashqari mablagʻlari hisobidan qoplanadi.
5. Toshkent shahar hokimligi Toshkent tarixi muzeyining fondi muntazam ravishda shahar tarixiga oid arxeologik, numizmatik va etnografik topilmalar, shuningdek, turli eksponatlar bilan doimiy yangilanib va toʻldirib borilishini hamda ushbu maqsadlar uchun mahalliy budjetdan mablagʻ ajratilishini taʼminlasin.
6. Oʻzbekiston Respublikasi Turizmni rivojlantirish davlat qoʻmitasi 2021-yil 1-yanvardan boshlab, Adiblar xiyoboni hamda Toshkent tarixi muzeyini turistik yoʻnalishlarga kiritish choralarini koʻrsin.
7. Oʻzbekiston Respublikasi Oliy va oʻrta maxsus taʼlim vazirligi Madaniyat vazirligi hamda Turizmni rivojlantirish davlat qoʻmitasi bilan birgalikda tizimidagi taʼlim muassasalarida 2020/2021 oʻquv yilidan boshlab mamlakatimizdagi mavjud muzeylarning yoʻnalishlarini hisobga olgan holda gidlar (gid-tarjimonlar) tayyorlashni tashkil etsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev hamda Oʻzbekiston Respublikasi oliy va oʻrta maxsus taʼlim vaziri I.U. Madjidov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 24-avgust,
502-son
Vazirlar Mahkamasining 2020-yil 24-avgustdagi 502-son qaroriga
1-ILOVA
Toshkent shahridagi Adiblar xiyobonidan samarali foydalanish va taʼlim muassasalarida adiblar ijodini oʻrganish boʻyicha
CHORA-TADBIRLAR REJASI
Oldingi tahrirga qarang.

T/r

Tadbir nomi

Amalga oshirish mexanizmi

Muddati

Moliyaviy manba

Masʼullar

1.

Adiblardan birining ilmiy-ijodiy faoliyatini oʻrganuvchi tadqiqotchilar, adabiyot va sanʼat yoʻnalishidagi faol talabalar faoliyatini ragʻbatlantirish maqsadida oliy taʼlim muassasasi rektori tomonidan beriladigan muayyan adiblar nomidagi koʻkrak nishonini joriy qilib, bir martalik pul mukofoti bilan taqdirlashni yoʻlga qoʻyish.

1. Namunaviy nizom asosida har bir oliy taʼlim muassasasida koʻkrak nishoni va uni berish toʻgʻrisidagi nizomni tasdiqlash.

2021-yil
I chorak

Oliy taʼlim muassasalarining budjetdan tashqari mablagʻlari, qonunchilik hujjatlarida taqiqlanmagan mablagʻlar

Oliy va oʻrta maxsus taʼlim vazirligi, Respublika Oliy taʼlim kengashi,
tizimida oliy taʼlim muassasasi boʻlgan vazirlik va idoralar,
Yoshlar ishlari agentligi, Respublika Maʼnaviyat
va maʼrifat markazi

2. Adabiyot va sanʼat yoʻnalishidagi tadqiqotchilar hamda faol talabalarni muayyan adiblar nomidagi koʻkrak nishoni bilan taqdirlab borish.

har oʻquv yili yakunida

2.

Oʻzbekiston Respublikasi Prezidentining “Oʻzbekistonning oʻquvchi yoshlarini ragʻbatlantirish choralari toʻgʻrisida” 1993-yil 5-fevraldagi PF-555-son Farmoni 9-bandiga muvofiq eng ilgʻor ilmiy xodim, oʻqituvchi, oʻquvchi vatalabalarni moddiy hamda maʼnaviy ragʻbatlantirib borish maqsadida har bir oliy taʼlim muassasasining budjetdan tashqari mablagʻlari hisobidan talabalar uchun rektor tomonidan bir semestr davomida beriladigan muayyan adiblar nomidagi maxsus stipendiyani joriy qilish.

1. Namunaviy nizom asosida har bir oliy taʼlim muassasasida muayyan adiblar nomidagi maxsus stipendiyani joriy qilish va uni berish toʻgʻrisidagi nizomni tasdiqlash.

2021-yil
I chorak

Oliy taʼlim muassasalarining budjetdan tashqari mablagʻlari

Oliy va oʻrta maxsus taʼlim vazirligi, Respublika Oliy taʼlim kengashi,
tizimida oliy taʼlim muassasasi boʻlgan vazirlik va idoralar,
Yoshlar ishlari agentligi,
Respublika Maʼnaviyat va maʼrifat markazi

2. Ushbu yoʻnalishdagi faol talabalarni maxsus stipendiya bilan taqdirlab borish.

har oʻquv yili yakunida

3.

Milliy badiiy adabiyotga doir oʻquv manbalari, mumtoz va zamonaviy asarlarning elektron nusxalari, yozuvchi va shoirlarning mahorat saboqlarini oʻzida jamlagan, Adiblar xiyobonida haykali oʻrnatilgan har bir ijodkorning hayoti va boy merosini keng targʻib qilishga moʻljallangan oʻzbek, ingliz va rus tillaridagi “Adiblar xiyoboni” internet portalini yaratish.

1. “Adiblar xiyoboni” internet portalining konsepsiyasi va texnik topshiriqlarini ishlab chiqish.

2020-yil
avgust

Adiblar xiyoboniga biriktirilgan oliy taʼlim muassasalarining budjetdan tashqari mablagʻlari

Oliy va oʻrta maxsus taʼlim vazirligi,

Axborot texnologiyalari va kommunikatsiyalarini rivojlantirish vazirligi,

Yozuvchilar uyushmasi, Oʻzbekiston Milliy kutubxonasi

2. Oʻzbek, ingliz va rus tillaridagi “Adiblar xiyoboni” internet portalini yaratish.

2020-yil sentabr

3. “Adiblar xiyoboni” internet portalini adiblar bilan bogʻliq boʻlgan axborot va maʼlumotlar bilan boyitib, yangilab borish.

doimiy

4.

Adiblar xiyobonida 5 ta muhim tashabbusga bagʻishlangan “Adabiyot haftaligi” doirasida “Erkin, yosh avlodlar senga zoʻr qanot!” shiori ostida respublika talabalar festivalini, uning doirasida kitob yarmarkasi va festivalini tashkil etish.

1. Festival konsepsiyasi va dasturini ishlab chiqish hamda tasdiqlash.

2020-yil
dekabr

Oliy taʼlim muassasalarining budjetdan tashqari mablagʻlari, homiylar mablagʻlari,

Oliy taʼlim muassasalarini rivojlantirish fondi

Oliy va oʻrta maxsus taʼlim vazirligi, Yozuvchilar uyushmasi, Yoshlar ishlari agentligi,

“Oʻzbekkino” Milliy agentligi,

Badiiy akademiya,

Respublika Oliy taʼlim kengashi,

Ichki ishlar vazirligi, Sogʻliqni saqlash vazirligi,

Axborot va ommaviy kommunikatsiyalar agentligi

2. Festivalni talabalar oʻrtasida keng targʻib qilib, uning quyi bosqichlarini oʻtkazish.

har yili
I chorak

3. Festivalning respublika bosqichini oʻtkazish.

har yili
II chorak

4. Kitob yarmarkasi va festivali, “Adabiyot va badiiy ijod” mavzusida fotokoʻrgazma, liboslar koʻrgazmasi, amaliy ijod namunalari koʻrgazmasi, Axborot-kommunikatsiya texnologiyalari koʻrgazmasi va boshqa turli koʻrgazmalar tashkil etish.

festival doirasida

5.

Adiblar xiyobonida haykallari oʻrnatilgan atoqli adiblarning nomi bilan ataladigan joylardagi koʻcha, mahalla yoki boshqa ijtimoiy obyektlarda yashayotgan, faoliyat olib borayotgan yoshlar ishtirokida “Adibimiz — faxrimiz” shiori ostidayoshlar festivali va kitob yarmarkasini tashkil etish.

1. Festivalning konsepsiyasi, namunaviy dasturini ishlab chiqish
va tasdiqlash.

2021-yil
mart

Ijrochilar hamda homiylar mablagʻlari

Mahalla va oilani qoʻllab-quvvatlash vazirligi,

Yozuvchilar uyushmasi, Badiiy akademiya, “Oʻzbekkino” Milliy agentligi,

Xalq taʼlimi vazirligi, Axborot va ommaviy kommunikatsiyalar agentligi

2. Festivalni talabalar oʻrtasida keng targʻib qilib, uning quyi bosqichlarini oʻtkazish.

har yili
II chorak

3. Festivalning respublika bosqichini oʻtkazish.

har yili
II chorak

4. Kitob yarmarkasi va festivalini oʻtkazish.

festival doirasida

6.

Oliy oʻquv yurtlari talabalari oʻrtasida Adiblar xiyobonida haykallari oʻrnatilgan atoqli adiblarning hayoti va ijodiga bagʻishlangan esselar, insholar tanlovlari, viktorinalar hamda ularning asarlari asosida sahnalashtirilgan drama asarlari koʻrigini oʻtkazish hamda gʻoliblarni moddiy va maʼnaviy ragʻbatlantirish tizimini yoʻlga qoʻyish.

1. Talabalari oʻrtasida Adiblar xiyobonida haykallari oʻrnatilgan atoqli adiblarning hayoti va ijodiga bagʻishlangan esselar, insholar tanlovlari, viktorinalar, ularning asarlari asosida sahnalashtirilgan drama asarlari tanlovini oʻtkazish tartibini ishlab chiqish va tasdiqlash.

2021-yil
aprel

Ijrochilar hamda homiylar mablagʻlari

Oliy va oʻrta maxsus taʼlim vazirligi,

Yozuvchilar uyushmasi, tizimida oliy taʼlim muassasasi boʻlgan vazirlik va idoralar,
Yoshlar ishlari agentligi

2. Ushbu tanlovlarni talabalar oʻrtasida keng targʻib qilib, uning quyi bosqichlarini oʻtkazish.

har yili
II chorak

3. Tanlovlarning respublika bosqichini oʻtkazish.

2021-yil
iyun

7.

Adiblar hayoti va ijodiga bagʻishlab yangi chop etilgan badiiy adabiyotning taqdimotini tashkil etib borish.

1. Tadbirlarni oʻtkazish boʻyicha dastur ishlab chiqish.

2020-yil sentabr

-

Yozuvchilar uyushmasi,

Yoshlar ishlari agentligi, Xalq taʼlimi vazirligi,

biriktirilgan oliy taʼlim muassasalari

2. Tadbirlarni oʻtkazish rejasini ishlab chiqish va tasdiqlash.

2020-yil
oktabr

3. Tadbirlarni oʻtkazib borish hamda faol yoshlarni moddiy va maʼnaviy ragʻbatlantirish.

har yili
II chorak

8.

“Yashnagay to abad ilmu fan, ijod” mavzusida Adiblar xiyobonida haykallari oʻrnatilgan adiblarga bagʻishlangan publitsistik va ilmiy maqolalar tanlovini tashkil etib borish.

1. Adiblar xiyobonidagi adiblarga bagʻishlangan publitsistik, ilmiy maqolalar tanlovi nizomi, reja, dasturini ishlab chiqish va tasdiqlash.

2020-yil noyabr-dekabr

Ijrochilar
hamda homiylar mablagʻlari

Yoshlar ishlari agentligi,

Jurnalistlar ijodiy uyushmasi,

biriktirilgan oliy taʼlim muassasalari

2. Tanlovning Toshkent shahar va Respublika bosqichlarini Adiblar xiyobonida tashkil etib borish.

har yili
II chorak

9.

“Adiblar bilan tanishuv” deb nomlangan adiblar hayoti va ijodi haqidagi badiiy, hujjatli filmlarning ilk namoyishini Adiblar xiyobonida tashkil etish.

1. Adiblar hayoti va ijodi haqidagi badiiy va hujjatli filmlarning ilk namoyishini Adiblar xiyobonida tashkil etish tartibi va rejasini tasdiqlash.

2020-yil
oktabr

Ijrochilar hamda homiylar mablagʻlari

“Oʻzbekkino” Milliy agentligi,

Yoshlar ishlari agentligi, Yozuvchilar uyushmasi, biriktirilgan oliy taʼlim muassasalari

2. Badiiy va hujjatli filmlar namoyishini Adiblar xiyobonida tashkil etish.

har yili
II chorak

10.

“Shuhrating porlasin toki bor jahon” shiori ostida taʼlim muassasalaridagi adabiyot, maʼnaviyat, odob-axloq va tarbiya bilan bogʻliq boʻlgan mahorat darslarni tashkil etish.

1. Oʻtkaziladigan tadbirlar
va darslar roʻyxatini shakllantirish.

2020-yil sentabr

-

Xalq taʼlimi vazirligi,

Oliy va oʻrta maxsus taʼlim vazirligi,

Yozuvchilar uyushmasi, tizimida taʼlim muassasalari boʻlgan vazirlik va idoralar

2. Oʻtkaziladigan tadbirlar rejasini ishlab chiqish va tasdiqlash.

2020-yil

oktabr

3. Adiblar xiyobonida oʻtkaziladigan adabiyot, maʼnaviyat va tarbiya bilan bogʻliq boʻlgan mahorat darslarini OAVda yoritib borish.

doimiy

4. Adiblarning asarlari asosida k?t??xonlik tanlovlarini tashkil etish.

har yili
II chorak

11.

Adiblar haqida xotiralar jamlangan kitob tayyorlash
va nashr etish.

1. Adiblar haqida xotiralar jamlangan nashrlarni tayyorlash boʻyicha ishchi guruh shakllantirish.

2020-yil sentabr

Ijrochilar
hamda homiylar mablagʻlari

Biriktirilgan oliy taʼlim muassasalari, Fanlar akademiyasi, Yozuvchilar uyushmasi

2. Adiblar haqida xotiralar jamlangan mavjud nashrlarni oʻrganish.

2021-yil
I chorak

3. Jamlangan nashrlarni tayyorlash va chop qilish.

2021-yil
II chorak

12.

Ijtimoiy tarmoqlarda har bir adib hayoti va ijodiga bagʻishlangan maxsus sahifalar yaratish, ularni mazmunli kontent bilan toʻldirish.

1. Ijtimoiy tarmoqlarda har bir adib hayoti va ijodiga bagʻishlangan maxsus sahifalar yaratish.

2020-yil
oktabr

-

Yozuvchilar uyushmasi,

Fanlar akademiyasi,

Oliy va oʻrta maxsus taʼlim vazirligi huzuridagi Maʼnaviyat va maʼrifat markazi,

Yoshlar ishlari agentligi, Oʻzbekiston Milliy kutubxonasi,

biriktirilgan oliy taʼlim muassasalari

2. Sahifalarni mazmunli kontent bilan toʻldirish boʻyicha masʼullarni belgilash.

2020-yil
noyabr

3. Maxsus sahifalarni mazmunli kontent bilan toʻldirib borish va mualliflarni ragʻbatlantirish.

2020 — 2022-yillar

4. Har bir adib hayoti va ijodiga oid multimedia dasturlari, videoroliklar tayyorlash va tarqatish.

5. “Vatanparvar shoir” mavzusida radio va onlayn viktorina oʻtkazish hamda maʼlumotlarni ijtimoiy tarmoqlarga joylashtirish.

2020 — 2022-yillar

13.

Nofilologik oliy taʼlim muassasalari uchun “Oʻzbek tilini sohada qoʻllanilishi” fan dasturiga “Oʻzbek adabiyoti”, “Navoiyshunoslik” mavzularini kiritish va tegishli oʻquv adabiyotlarini yaratish.

1. Nofilologik oliy taʼlim muassasalari uchun fan dasturiga tegishli mavzularni kiritish.

2. Nofilologik oliy taʼlim muassasalari uchun “Oʻzbek adabiyoti”, “Navoiyshunoslik” fanlari boʻyicha oʻquv qoʻllanma yaratish.

2020/2021 oʻquv yilidan

Oliy va oʻrta maxsus taʼlim vazirligi,Fanlar akademiyasi, Yozuvchilar uyushmasi,

Oliy taʼlim muassasalari

14.

Atoqli shoir Berdaq hayoti vaijodini oʻrganish hamda targʻib qilish boʻyicha Toshkent pediatriya tibbiyot instituti misolida tashkil etish hamda ijobiy natijalari hisobga olingan holda, bu tajribani boshqa oliy oʻquv yurtlarida joriy etish.

1. Toshkent pediatriya tibbiyot institutida atoqli shoir Berdaq hayoti va ijodini oʻrganish hamda targʻib qilish boʻyicha oʻqituvchi va talabalardan tashkil topgan ijodiy guruh tuzish.

2020-yil sentabr

Ijrochilar hamda homiylar mablagʻlari

Sogʻliqni saqlash vazirligi,
Oliy va oʻrta maxsus taʼlim vazirligi,

Toshkent pediatriya tibbiyot instituti

2. Toshkent pediatriya tibbiyot institutida, Berdaq yashab ijod qilgan hu??d?? ?tkaziladigan tadbirlar rejasini ishlab chiqib, tasdiqlash.

2020-yil
oktabr

3. Berdaq ijodiga bagʻishlangan turkum madaniy-maʼrifiy tadbirlar oʻtkazish hamda ijodiy guruhning Qoraqalpogʻiston Respublikasiga borishi, Berdaq hayoti va ijodini targʻib qilishni tashkil etish.

2020/2021 oʻquv yilidan

muntazam

4. Oʻtkaziladigan tadbirlarni OAVda yoritib borish.

tadbirlar davomida

5. Toshkent pediatriya tibbiyot institutining ijobiy tajribasini adiblar biriktirilgan boshqa oliy oʻquv yurtlarida ommalashtirish.

2021/2022 oʻquv yilidan

15.

Adiblar yashab ijod qilgan hudud va qadamjolarga ilmiy-maʼrifiy ekspeditsiyalar tashkil etish hamda ular bilan bogʻliq mavzularda konferensiyalar oʻtkazib borish.

1. Konferensiyalarni tashkil etish boʻyicha Ishchi guruh tashkil etish.

2020-yil sentabr

Ijrochilar
hamda homiylar mablagʻlari

Fanlar akademiyasi,

Yozuvchilar uyushmasi,

Respublika Maʼnaviyat va maʼrifat markazi,

Yoshlar ishlari agentligi, tizimida oliy taʼlim muassasasi boʻlgan vazirlik va idoralar,

Oʻzbekiston Milliy teleradiokompaniyasi,

biriktirilgan oliy taʼlim muassasalari

2. Konferensiyalarni Vazirlar Mahkamasining yillik konferensiyalar rejasiga kiritish.

har yili
yanvar

3. Adiblar tugʻilib oʻsgan, ijod qilgan maskanlarga ekskursiyalarini tashkil etish.

reja asosida, konferensiya davomida

4. Konferensiyalarda professor-oʻqituvchilar, tadqiqotchilar va talabalarning faol ishtirokini taʼminlash hamda maqolalar toʻplamlarini chop etish.

konferensiya davrida

5. Konferensiya materiallari asosida xulosaviy takliflar tayyorlash.

konferensiyadan soʻng

16.

Adiblar xiyobonida haykali oʻrnatilgan yozuvchi va shoirlarning uy muzeylari, ularning nomlarida tashkil etilgan ijod maktablarini oliy taʼlim muassasalari tomonidan otaliqqa olish, ularning eng ilgʻor ilmiy xodim, oʻqituvchi va oʻquvchilarini moddiy hamda maʼnaviy ragʻbatlantirib borish.

1. Otaliqqa olingan maktablar bilan hamkorlikda ishlash boʻyicha “yoʻl xaritasi”ni tasdiqlash.

2020-yil
oktabr

Ijrochilar

hamda homiylar mablagʻlari

Biriktirilgan oliy taʼlim muassasalari,

Prezident, ijod va ixtisoslashtirilgan maktablarni rivojlantirish agentligi,

Oliy va oʻrta maxsus taʼlim vazirligi,

Respublika Oliy taʼlim kengashi

2. Yozuvchi va shoirlarning nomlarida tashkil etilgan ijod maktablarida “yoʻl xaritasi” asosida tadbirlarning amalga oshirilishini taʼminlash.

“Yoʻl xaritasi” asosida

17.

Talabalar qalbida adabiyotga, ona tilimizga mehr, hurmat va eʼtibor hissini yuksaltirish maqsadida oliy oʻquv yurti havaskorlik jamoalari tomonidan ularga biriktirilgan atoqli adiblarning hayoti, faoliyati va asarlari asosida spektakllar sahnalashtirish

1. Atoqli adiblarning hayoti, faoliyati va asarlari asosida spektakllar sahnalashtirish uchun ssenariylar tuzish.

2021-yil
yanvar-fevral

Ijrochilar

hamda homiylar mablagʻlari

“Oʻzbekkino” Milliy agentligi,
Madaniyat vazirligi, Yozuvchilar uyushmasi,
biriktirilgan oliy taʼlim muassasalari

2. Ssenariylar asosida spektakllar sahnalashtirish.

2021-yil
mart — may

3. Spektakllar namoyishini tashkil etish.

2020/2021 oʻquv yili davomida

18.

Oliy, oʻrta maxsus va kasb-hunar taʼlim muassasalarida Adiblar xiyobonining ahamiyati va oʻzbek adabiyoti namoyandalariga bagʻishlangan maxsus kurs tashkil etish.

1. Oliy, oʻrta maxsus va kasb-hunar taʼlim muassasalarida Adiblar xiyobonining ahamiyati, oʻzbek adabiyoti namoyandalariga bagʻishlangan maxsus kurs tashkil etish boʻyicha ishchi guruhni shakllantirish.

2020-yil
oktabr

–

Oliy va oʻrta maxsus taʼlim vazirligi,

tizimida taʼlim muassasalari boʻlgan vazirlik va idoralar,

Respublika Oliy taʼlim kengashi

2. Taʼlim muassasalari uchun maxsus kurs dasturini tayyorlash.

2020-yil
noyabr

3. Taʼlim muassasalarida asosiy fanlarga qoʻshimcha ravishda oʻtiladigan, 6 soatdan iborat maxsus kurs joriy qilish.

2020-yil dekabr

4. Biriktirilgan adibning hayoti va ijodini chuqur oʻrganish boʻyicha oʻquv-maʼrifiy tadbir tashkil etish va telekanallarda efirga berib borish.

2020/2021 oʻquv yili davomida

19.

Adiblar xiyoboni haqida hujjatli film hamda u yerda haykali oʻrnatilgan yozuvchi va shoirlar haqida alohida reja boʻyicha badiiy
va hujjatli filmlar yaratib, ularning keng namoyish etilishini taʼminlash.

1. Adiblar xiyoboni, yozuvchi va shoirlar haqidagi filmlarni yaratish boʻyicha ijodiy guruhlar tuzish.

2020-yil
avgust

Ijrochilar
hamda homiylar mablagʻlari

“Oʻzbekkino” Milliy agentligi,

Yozuvchilar uyushmasi,

biriktirilgan oliy taʼlim muassasalari

2. Filmlarning ssenariylarini ishlab chiqish va badiiy kengash koʻrigidan oʻtkazish.

2020-yil
noyabr

3. Filmlarni yaratish boʻyicha reja va loyiha tayyorlash.

2020-yil
dekabr

4. Filmlarni festivallar, OAV, internet sahifalari va ijtimoiy tarmoqlarda namoyish qilish.

2021-yil davomida
reja asosida

20.

Oʻzbekiston xalq shoiri Muhammad Yusufning hayoti va ijodini oliy taʼlim muassasalarida oʻrganish boʻyicha Oʻzbekiston davlat sanʼat
va madaniyat institutida namunali oʻquv-maʼrifiy tadbirlarni tashkil etish.

1. Muhammad Yusufning hayoti
va ijodini oʻrganish boʻyicha Oʻzbekiston davlat sanʼat va madaniyat institutida oʻqituvchi, talabalaridan iborat ijodiy guruhni shakllantirish hamda namunali oʻquv-maʼrifiy tadbirlar rejasini tasdiqlash.

2020-yil sentabr-oktabr

Ijrochilar hamda homiylar mablagʻlari

Madaniyat vazirligi,
Oliy va oʻrta maxsus taʼlim vazirligi,

Toshkent pediatriya tibbiyot instituti

3. Shoir hayoti va ijodi haqidagi oʻquv-maʼrifiy tadbirlarni OAVda yoritib borish.

tadbirlar davomida

4. Mazkur ijobiy tajribani adiblar biriktirilgan boshqa oliy taʼlim muassasalarida ommalashtirish.

2021/2022 oʻquv yilidan

21.

Taʼlim muassasalarida muayyan adiblar tarixi va ijodiga bagʻishlangan ekspozitsiyani tashkil qilish.

1. Muayyan adiblar tarixi vaijodiga bagʻishlangan ekspozitsiya xonasini tayyorlash boʻyicha namunaviy konsepsiyani ishlab chiqish.

2020-yil
oktabr

Oliy taʼlim muassasalarining budjetdan tashqari mablagʻlari
hamda homiylar mablagʻlari

Oliy va oʻrta maxsus taʼlim vazirligi,

Yozuvchilar uyushmasi,

Adiblar xiyobonidagi tadbirlarga biriktirilgan oliy taʼlim muassasalari

2. Doimiy ekspozitsiya xonasini zarur materiallar bilan jihozlash
va xonaning ochilish marosimini tantanali tashkil etish.

2020-yil
dekabr

3. Ekspozitsiya xonasining 3D maketini yaratish va xonada koʻchma mashgʻulotlar tashkil etib borish.

2020-2021 oʻquv yilini ikkinchi yarmidan

22.

Milliy gvardiya harbiy-texnik institutida eng namunali harbiy tayyorgarlikka ega, yuksak maʼnaviyatli oʻqituvchilar va talabalarni munosib taqdirlash maqsadida Zahiriddin Muhammad Bobur nomidagi koʻkrak nishoni, maxsus stipendiya taʼsis etish hamda bu tajribani boshqa oliy oʻquv yurtlarida ham joriy etish.

1. Tasdiqlangan namunaviy nizom asosida Zahiriddin Muhammad Bobur nomidagi koʻkrak nishoni, maxsus stipendiya nizomini ishlab chiqish
va tasdiqlash.

2021-yil
yanvar

Oliy taʼlim muassasalarining budjetdan tashqari mablagʻlari
hamda homiylar mablagʻlari

Milliy gvardiya,
Oliy va oʻrta maxsus taʼlim vazirligi

2. Tanlov komissiyasini tuzish, tadbirlar rejasini ishlab chiqib, tasdiqlash va uni amalga oshirish.

2020-yil
fevral

3. Institut oʻqituvchi va talabalari orasidan Zahiriddin Muhammad Bobur nomidagi koʻkrak nishoni, maxsus stipendiyaga munosiblarni aniqlash.

2020-yil
mart-aprel

4. Zahiriddin Muhammad Bobur nomidagi koʻkrak nishoni, maxsus stipendiya gʻoliblarini taqdirlash.

2020-yil
mart-aprel

5. Boshqa oliy oʻquv yurtlariga joriy etish.

2021/2022 oʻquv yilidan

(1-ilova Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Vazirlar Mahkamasining 2020-yil 24-avgustdagi 502-son qaroriga
2-ILOVA
Adiblar xiyobonida haykallari oʻrnatilgan atoqli yozuvchi va shoirlarning ibratli hayoti va ijodini chuqur oʻrganish hamda targʻib qilish boʻyicha oliy taʼlim muassasalarini biriktirish
ROʻYXATI
Oldingi tahrirga qarang.

1.

Alisher Navoiy haykaliga

—

Alisher Navoiy nomidagi Toshkent davlat oʻzbek tili va adabiyoti universiteti

2.

Zahiriddin Muhammad Bobur haykaliga

—

Oʻzbekiston Respublikasi Jamoat xavfsizligi universiteti

3.

Furqat haykaliga

—

Toshkent arxitektura-qurilish instituti

4.

Muhammad Rizo Ogahiy haykaliga

—

Toshkent davlat sharqshunoslik universiteti

5.

Muqimiy haykaliga

—

Toshkent davlat iqtisodiyot universiteti

6.

Berdaq haykaliga

—

Toshkent pediatriya tibbiyot instituti

7.

Mahmudxoʻja Behbudiy haykaliga

—

Oʻzbekiston xalqaro islomshunoslik akademiyasi

8.

Abdulla Avloniy haykaliga

—

Toshkent davlat pedagogika universiteti

9.

Abdulhamid Choʻlpon haykaliga

—

Ichki ishlar vazirligi Akademiyasi

10.

Abdulla Qodiriy haykaliga

—

Toshkent davlat texnika universiteti

11.

Gʻafur Gʻulom haykaliga

—

Toshkent davlat yuridik universiteti

12.

Hamid Olimjon haykaliga

—

Oʻzbekiston davlat konservatoriyasi

13.

Zulfiya haykaliga

—

Toshkent tibbiyot akademiyasi

14.

Oybek haykaliga

—

Toshkent toʻqimachilik va yengil sanoat instituti

15.

Maqsud Shayxzoda haykaliga

—

Toshkent davlat transport universiteti

16.

Abdulla Qahhor haykaliga

—

Toshkent moliya instituti

17.

Said Ahmad va Saida Zunnunova haykaliga

—

Toshkent axborot texnologiyalari universiteti

18.

Toʻlepbergen Kaipbergenov haykaliga

—

Toshkent davlat agrar universiteti

19.

Ibroyim Yusupov haykaliga

—

Toshkent kimyo-texnologiya instituti

20.

Erkin Vohidov haykaliga

—

Oʻzbekiston Milliy universiteti

21.

Ozod Sharafiddinov haykaliga

—

Oʻzbekiston jurnalistika va ommaviy kommunikatsiyalar universiteti

22.

Abdulla Oripov haykaliga

—

Toshkent irrigatsiya va qishloq xoʻjaligini mexanizatsiyalash muhandislari instituti

23.

Aleksandr Faynberg haykaliga

—

Toshkent davlat jahon tillari universiteti

24.

Muhammad Yusuf haykaliga

—

Oʻzbekiston davlat sanʼat va madaniyat instituti

(2-ilova Oʻzbekiston Respublikasi Vazirlar Mahkamasining 2025-yil 5-sentabrdagi 565-sonli qarori tahririda — Qonunchilik maʼlumotlari milliy bazasi, 06.09.2025-y., 09/25/565/0807-son)
Vazirlar Mahkamasining 2020-yil 24-avgustdagi 502-son qaroriga
3-ILOVA
Atoqli adiblar nomidagi maxsus stipendiyalar va koʻkrak nishonlari toʻgʻrisida
NAMUNAVIY NIZOM
1-bob. Umumiy qoidalar
1. Mazkur Nizom oliy taʼlim muassasalarining talabalariga adiblar nomidagi maxsus stipendiyalar (keyingi oʻrinlarda — maxsus stipendiya) tayinlash va toʻlash, shuningdek, adiblar nomidagi koʻkrak nishoni (keyingi oʻrinlarda — koʻkrak nishoni) bilan taqdirlash tartibini belgilaydi.
2. Maxsus stipendiya va koʻkrak nishoni tegishli adibga biriktirilgan oliy taʼlim muassasasida mazkur adiblar hayoti va ijodini oʻrganish, faoliyatini yoritish, ilmiy tadqiq qilish hamda targʻib etish yoʻnalishida izlanish olib borayotgan, alohida faollik koʻrsatgan oʻqituvchi va talabalarni ragʻbatlantirish maqsadida taʼsis etiladi.
2-bob. Adiblar nomidagi maxsus stipendiyalarni tayinlash tartibi va mezonlari
3. Maxsus stipendiya kvotasi oliy taʼlim muassasalaridagi fakultetlar sonidan kelib chiqib, har bir fakultet boʻyicha bittadan alohida-alohida ajratiladi.
4. Maxsus stipendiya quyidagi mezonlarga javob beradigan davlat oliy taʼlim muassasalari kunduzgi taʼlim shaklida tahsil olayotgan bakalavriatining 1 — 3-bosqich hamda magistraturasining 1-bosqich talabalariga belgilanadi:
maxsus stipendiya nomiga taʼsis etilgan adibning hayoti va ijodini oʻrganish, faoliyatini yoritish, ilmiy tadqiq qilish va targʻib etish yoʻnalishida izlanish olib borish;
adabiyot va kitobxonlikni keng targʻib qilish yoʻnalishida alohida faollik koʻrsatish;
adabiyot va kitobxonlikka doir konferensiyalarda (tanlovlarda) qatnashish;
nashr etilgan ishlarning (asarlarning) mavjudligi.
5. Maxsus stipendiya tayinlanishida talabgorlarning ushbu Namunaviy nizomning 4-bandida belgilangan mezonlarga muvofiq bilim va ijodiy tayyorgarlik darajasini sinovdan oʻtkazish maqsadida oliy taʼlim muassasasi:
maxsus stipendiyaga talabgorlar orasidan tanlab olish uchun taʼlim yoʻnalishlari va adabiyot sohasidagi mutaxassislardan iborat tanlov komissiyasini (keyingi oʻrinlarda — Tanlov komissiyasi) tuzadi va uning ish tartibini belgilaydi;
adiblar hayoti va ijodi boʻyicha test sinovlari (keyingi oʻrinlarda — test sinovi) savollarini tasdiqlaydi.
6. Talabgorlar dastlabki koʻrib chiqish uchun fakultet ilmiy kengashiga har yili 20-martga qadar quyidagi hujjatlarni topshiradilar:
sinov daftarchasidan koʻchirma (oʻzlashtirish koʻrsatkichi);
kafedra tavsiyanomasi;
ijodiy (ilmiy) ish, uning annotatsiyasi va taqriz (mavjud boʻlsa);
murabbiyning fikr-mulohazalari;
muayyan adib hayoti va ijodi hamda faoliyatini (ommaviy axborot vositalarida, ijtimoiy tarmoqlarda va boshqa) targʻiboti boʻyicha materiallar;
muayyan adib hayoti va ijodini, faoliyatini tadqiq qilish boʻyicha respublika va xalqaro miqyosdagi jurnallarda chop etilgan yakka mualliflikdagi ilmiy maqolalar, oʻtkazilgan anjumanlardagi faol ishtirokini tasdiqlovchi hujjat (asl nusxasi);
oʻz sohasi boʻyicha xalqaro yoki respublika darajasidagi koʻrgazma, biyennale, festival, simpozium, tanlov va boshqa nufuzli tadbirlardagi ishtiroki va natijalarga erishganligi (mavjud boʻlsa) toʻgʻrisida tasdiqlovchi hujjat.
Barcha hujjatlar ikki nusxada, har bir nusxasi alohida jildga joylangan holda taqdim qilinadi. Har bir jild muqovasida taqdim qilayotgan fakultetning nomi, talabgorning ismi va familiyasi, ishning nomi koʻrsatilgan boʻladi.
7. Fakultet ilmiy kengashi har yili 31-martga qadar talabgorlar tomonidan taqdim etilgan hujjatlarni koʻrib chiqib, maxsus stipendiyaga nomzodlarni tavsiya etish, nomzodlikka talabgorlarning oʻqishdagi va ijodiy (ilmiy) faoliyatidagi muvaffaqiyatlarini baholash uchun muhokamaga qoʻyadi.
Muhokamadan soʻng yashirin ovoz berish yoʻli bilan eng munosib talabgorlar tanlab olinadi. Bunda talabgor va uning ishi uchun ovoz berishda ishtirok etgan kengash aʼzolarining uchdan ikki qismidan ortigʻi ovoz berganda, nomzod talabalar maʼqullangan hisoblanadi va ularning nomzodini fakultet ilmiy kengashi Tanlov komissiyasiga kiritish maqsadida fakultet dekanatiga taqdim etadi.
Fakultet dekanati har yili 10-aprelga qadar nomzodlarning hujjatlarini Tanlov komissiyasiga taqdim etadi.
8. Tanlov komissiyasi:
har yili 20-aprelga qadar talabgorlar bilan test sinovi hamda suhbat oʻtkazadi;
har yili 25-aprelga qadar nomzodlarning soʻnggi tanlovini yashirin ovoz berish yoʻli bilan tashkil etadi, bunda talabgor va uning ishi uchun ovoz berishda ishtirok etgan komissiya aʼzolarining uchdan ikki qismi yoqlab ovoz berganda, ushbu nomzodni maxsus stipendiya tayinlash uchun tavsiya qiladi;
har yili 27-aprelga qadar maxsus stipendiya tayinlash uchun tavsiya etish toʻgʻrisidagi qarorni oliy taʼlim muassasasi ilmiy kengashiga taqdim etadi.
9. Tanlov komissiyasining maxsus stipendiyani tayinlash toʻgʻrisidagi qarori asosida har yili 30-aprelga qadar oliy taʼlim muassasasi ilmiy kengashining qarori qabul qilinadi.
Oliy taʼlim muassasasi ilmiy kengashining maxsus stipendiyani tayinlash toʻgʻrisidagi qarori rektor buyrugʻi asosida kuchga kiradi.
10. Maxsus stipendiyaga sazovor boʻlgan talabalarga har yili 20-mayga qadar “Adiblar nomidagi maxsus stipendiya sovrindori” guvohnomasi (keyingi oʻrinlarda — guvohnoma) beriladi.
11. Maxsus stipendiya talabalarga har yili, bir oʻquv yili uchun 1-sentabrdan boshlab belgilangan miqdorga qatʼiy rioya qilingan holda tayinlanadi.
Maxsus stipendiya miqdori Vazirlar Mahkamasining 2020-yil 31-yanvardagi 59-son qarori 2-ilovasining 2-bandiga muvofiq belgilanadi.
12. Talaba oʻqishini boshqa oliy taʼlim muassasasiga koʻchirganda yoki akademik taʼtil olganda maxsus stipendiya toʻlanmaydi. 4-bosqich talabalariga maxsus stipendiya oʻqigan davri uchun toʻlanadi.
3-bob. Adiblar nomidagi koʻkrak nishonlari bilan taqdirlash tartibi
13. Koʻkrak nishoni bilan oliy taʼlim muassasalarida madaniyat va maʼrifat sohasini rivojlantirish, adiblar hayoti va ijodini chuqur oʻrganish hamda aholi oʻrtasida, shuningdek, dunyo miqyosida keng targʻib qilish borasida yuqori natijalarga erishgan oliy taʼlim muassasalarining oʻqituvchi va talabalari taqdirlanadi.
14. Koʻkrak nishoni bilan ushbu Namunaviy nizomga muvofiq oliy taʼlim muassasasi rektori taqdirlaydi.
15. Oliy taʼlim muassasasida koʻkrak nishoni bilan taqdirlash uchun nomzodlarni tanlash va tayinlash boʻyicha ishchi guruh (keyingi oʻrinlarda — ishchi guruh) tuziladi.
Ishchi guruh tarkibiga adabiyotshunos olim va mutaxassislar, shuningdek, fuqarolik jamiyati instituti vakillari kiritiladi. Ishchi guruh tarkibi oliy taʼlim muassasasi rektori tomonidan tasdiqlanadi.
Ishchi guruh Nizomga muvofiq koʻkrak nishoniga tavsiya etilgan nomzodlar hujjatlarining xolis va adolatli koʻrib chiqilishi uchun masʼul.
16. Koʻkrak nishoni kvotasi oliy taʼlim muassasalaridagi fakultetlar sonidan kelib chiqib, har bir fakultet boʻyicha bittadan ajratiladi.
Oliy taʼlim muassasalarining tarkibiy boʻlinmalari va tegishliligi boʻyicha dekanatlari koʻkrak nishoni bilan taqdirlash boʻyicha takliflarni oliy taʼlim muassasasining Yoshlar bilan ishlash, maʼnaviyat va maʼrifat boʻlimiga har yili 1-aprelga qadar taqdim etadi.
Yoshlar bilan ishlash, maʼnaviyat va maʼrifat boʻlimi nomzodlar boʻyicha takliflarni belgilangan tartibda koʻrib chiqadi hamda har yili 20-aprelga qadar oliy taʼlim muassasasi ishchi guruhiga taqdim etadi.
17. Koʻkrak nishoniga tavsiya etilgan nomzodlarni koʻrib chiqish boʻyicha ishchi guruh yigʻilishida nomzodlarning hujjatlari oʻrganilib, har yili 1-mayga qadar eng munosib nomzodlar toʻgʻrisida yakuniy xulosa qabul qilinadi hamda oliy taʼlim muassasasi rektoriga taqdim etiladi.
Oliy taʼlim muassasasi rektorining koʻkrak nishoni bilan taqdirlash toʻgʻrisidagi buyrugʻi har yili 8-mayga qadar chiqariladi.
18. Koʻkrak nishoni va uning guvohnomasi har yili 20-mayga qadar oliy taʼlim muassasasi rektori tomonidan tantanali ravishda topshiriladi.
19. Koʻkrak nishoni bilan taqdirlangan shaxslar bazaviy hisoblash miqdorining uch baravari miqdorida bir marta toʻlanadigan pul mukofoti oladilar.
Bir marta toʻlanadigan pul mukofotlari oliy taʼlim muassasasining budjetdan tashqari mablagʻlari hisobidan (oʻqitishning bazaviy qiymati miqdoridan oshadigan qismida toʻlov-kontrakt asosida oʻqishdan tushadigan tushumlar) ichki imkoniyatlardan kelib chiqib moliyalashtiriladi.
20. Bir shaxs koʻkrak nishoni bilan bir marta mukofotlanadi.
Koʻkrak nishoni davlat mukofotlaridan keyin koʻkrakning chap tomoniga taqiladi.
4-bob. Koʻkrak nishonining tavsifi
21. Koʻkrak nishoni 0,25 mikron qalinlikda oltin rangli mis qotishmasidan tayyorlanadi va diametri 34 millimetrli doira shaklida boʻladi.
Koʻkrak nishonining markazida adib qiyofasi aks ettiriladi. Koʻkrak nishonining aylanasi boʻylab, yuqori qismida oq emal fonida adibning taxallusi yoki ismi yozilgan boʻladi. Aylananing quyi qismida adib qalamiga mansub hikmatli soʻz joylashtirilishi mumkin. Harflar balandligi — 2,2 millimetr.
22. Koʻkrak nishonining orqa tomonida Oʻzbekiston Respublikasi Davlat gerbi tasvirlanadi.
Koʻkrak nishonining qalinligi — 3 millimetr.
Yozuv va tasvirlar — boʻrtma.
Koʻkrak nishonining old va orqa tomonlarining chetlari qabariq doira bilan oʻralgan boʻladi.
Koʻkrak nishoni ilmoq va halqa yordamida besh qirrali qadagʻichga ulanadi.
Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatiladi.
23. Har bir koʻkrak nishonining tavsifi Oliy va oʻrta maxsus taʼlim vazirligi bilan kelishilgan holda tegishli oliy taʼlim muassasasi tomonidan tasdiqlanadi.
5-bob. Yakunlovchi qoidalar
24. Kundalik darslarni oʻzlashtirmaydigan, oʻquv intizomini va odob-axloqni buzgan talabalarni oʻquv yili mobaynida fakultet kengashining tavsiyasiga binoan oliy taʼlim muassasasi rektori buyrugʻi asosida maxsus stipendiyadan mahrum qilinishi mumkin.
Oldingi tahrirga qarang.
25. Maxsus stipendiya va koʻkrak nishoni bilan taqdirlash boʻyicha ariza va shikoyatlar qonunchilik hujjatlarida belgilangan tartibda koʻrib chiqiladi.
(25-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
(Qonun hujjatlari maʼlumotlari milliy bazasi, 25.08.2020-y., 09/20/502/1206-son; Qonunchilik maʼlumotlari milliy bazasi, 06.08.2021-y., 09/21/500/0767-son; 05.04.2022-y., 09/22/153/0266-son; 06.09.2025-y., 09/25/565/0807-son)