Oʻzbekiston Respublikasi Vazirlar Mahkamasining
qarori
“Dori vositalari va farmatsevtika faoliyati toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida” 2016-yil 4-yanvardagi OʻRQ-399-son Oʻzbekiston Respublikasi Qonunini amalga oshirish chora-tadbirlari toʻgʻrisida
“Dori vositalari va farmatsevtika faoliyati toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida” 2016-yil 4-yanvardagi OʻRQ-399-son Oʻzbekiston Respublikasi Qonunini amalga oshirish, dori vositalari va tibbiy buyumlarning ulgurji va chakana realizatsiyasini tartibga solish, aholini xavfsiz, sifatli va samarador dori vositalari va tibbiy buyumlar bilan taʼminlash maqsadida Vazirlar Mahkamasi qaror qiladi:
1. Quyidagilar:
Dori vositalarini va tibbiy buyumlarni ulgurji realizatsiya qilish tartibi toʻgʻrisidagi nizom 1-ilovaga muvofiq;
Dori vositalarini va tibbiy buyumlarni chakana realizatsiya qilish tartibi toʻgʻrisidagi nizom 2-ilovaga muvofiq;
Sifatsiz, qalbakilashtirilgan, Oʻzbekiston Respublikasida roʻyxatdan oʻtkazilmagan dori vositalari va tibbiy buyumlar, Oʻzbekiston Respublikasida roʻyxatdan oʻtkazilgan dori vositalarining gʻayriqonuniy nusxalarini, shuningdek muomaladagi dori vositalari va tibbiy buyumlarni ularning inson sogʻligʻiga zararli taʼsirini tasdiqlovchi faktlar aniqlangan taqdirda muomaladan chiqarish va yoʻq qilish tartibi toʻgʻrisidagi nizom 3-ilovaga muvofiq tasdiqlansin.
2. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirishlar kiritilsin.
3. Oʻzbekiston Respublikasi Hukumatining 5-ilovaga muvofiq baʼzi qarorlari oʻz kuchini yoʻqotgan deb hisoblansin.
4. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
5. Ushbu qaror 2017-yil 1-iyuldan boshlab kuchga kiradi.
6. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Sogʻliqni saqlash, ekologiya, atrof muhitni muhofaza qilish, jismoniy tarbiya va sport masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 6-aprel,
185-son
Vazirlar Mahkamasining 2017-yil 6-apreldagi 185-son qaroriga
1-ILOVA
1-ILOVA
Dori vositalarini va tibbiy buyumlarni ulgurji realizatsiya qilish tartibi toʻgʻrisida
NIZOM
1-bob. Umumiy qoidalar
1. Ushbu Nizom “Dori vositalari va farmatsevtika faoliyati toʻgʻrisida”gi Oʻzbekiston Respublikasi Qonuniga muvofiq dori vositalarini va tibbiy buyumlarni ishlab chiqaruvchilar va ulgurji realizatsiya qiluvchi tashkilotlar tomonidan tibbiyot amaliyotida qoʻllanilishiga ruxsat etilgan dori vositalarini va tibbiy buyumlarni ulgurji realizatsiya qilish tartibini belgilaydi.
2. Ushbu Nizom talablari tashkiliy-huquqiy va mulkchilik shaklidan qatʼi nazar, dori vositalari va tibbiy buyumlar ishlab chiqaruvchilar (keyingi oʻrinlarda ishlab chiqaruvchilar deb ataladi), shuningdek dori vositalarini va tibbiy buyumlarni ulgurji realizatsiya qiluvchi tashkilotlar (keyingi oʻrinlarda ulgurji realizatsiya qiluvchi tashkilotlar deb ataladi) uchun majburiydir.
3. Dori vositalarini va tibbiy buyumlarni ulgurji realizatsiya qilish farmatsevtika faoliyatini amalga oshirish uchun tegishli litsenziyaga ega boʻlgan ishlab chiqaruvchilar hamda ulgurji realizatsiya qiluvchi tashkilotlar tomonidan Oʻzbekiston Respublikasi Sogʻliqni saqlash vazirligi tasdiqlagan dori vositalari va tibbiy buyumlarni ulgurji realizatsiya qilish qoidalari boʻyicha amalga oshiriladi.
4. Ishlab chiqaruvchilar faqat oʻzlari ishlab chiqargan dori vositalari va tibbiy buyumlarni ulgurji realizatsiya qilish huquqiga ega, dori vositalarini va tibbiy buyumlarni ulgurji realizatsiya qilish uchun litsenziyaga ega boʻlgan ishlab chiqaruvchilar bundan mustasno.
5. Dori vositalarini va tibbiy buyumlarni ulgurji realizatsiya qiluvchi tashkilotlar dori vositalarini va tibbiy buyumlarni dori vositalari va tibbiy buyumlar ishlab chiqaruvchilardan, dori vositalarini va tibbiy buyumlarni ulgurji realizatsiya qiluvchi boshqa tashkilotlardan, shuningdek dori vositalarini va tibbiy buyumlarni chet ellik ishlab chiqaruvchilardan hamda ulgurji realizatsiya qiluvchi tashkilotlardan xarid qilish huquqiga ega.
Oldingi tahrirga qarang.
Retsept bilan beriladigan dori vositalari toifasini ulgurji sotishda ularni yetkazib berishda ishtirok etuvchi vositachilar sonidan qatʼi nazar, ulgurji savdo uchun sotib olingan (bazaviy) qiymatidan 15 foizdan ortiq boʻlmagan miqdorlarda ustama qoʻllaniladi. Bunda ushbu dori vositalarining ulgurji narxlari cheklangan ulgurji referent narxlardan yuqori boʻlmasligi shart.
(5-bandning ikkinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Oldingi tahrirga qarang.
Oldingi tahrirga qarang.
51. Import qilinadigan retsept bilan beriladigan dori vositalari uchun xarid qiymati import mahsulotga tartibga solinadigan narx belgilash bazasi boʻlib xizmat qiladi.
(51-bandning birinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Xarid (bazaviy) qiymati quyidagi formula bilan aniqlanadi:
Q = Shq + B + Bx, bunda:
Oldingi tahrirga qarang.
Q — import qilingan retsept bilan beriladigan dori vositalarining xarid (bazaviy) qiymati;
(51-bandning toʻrtinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Oldingi tahrirga qarang.
Shq — import qilingan retsept bilan beriladigan dori vositalarining erkin muomalaga chiqarish (import) bojxona rejimi (IM-40) asosida bojxona yuk deklaratsiyasi toʻldirilgan sanadagi Markaziy bankning kursidan kelib chiqib belgilangan shartnomaviy qiymati;
(51-bandning beshinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
B — Markaziy bankning kursi boʻyicha belgilangan tartibda hisoblab chiqilgan bojxona toʻlovlari;
Bx — qonunchilik hujjatlariga muvofiq shakllantiriladigan, tovarni sotib olish bilan bogʻliq boshqa xarajatlar.
Respublika hududida ishlab chiqariladigan dori vositalari va tibbiy buyumlarning sotish qiymati Vazirlar Mahkamasining 1999-yil 5-fevraldagi 54-sonli qarori bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi toʻgʻrisidagi nizomga muvofiq ishlab chiqaruvchilar tomonidan shakllantiriladi.
Oldingi tahrirga qarang.
Mahalliy ishlab chiqarilgan retsept bilan beriladigan dori vositalarining sotish qiymati ishlab chiqariladigan mahsulotga tartibga solinadigan narx belgilash bazasi boʻlib xizmat qiladi.
(51-bandning toʻqqizinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Oldingi tahrirga qarang.
Mahalliy ishlab chiqarilgan retsept bilan beriladigan dori vositalarining sotish qiymati mahalliy ishlab chiqariladigan mahsulotga keyinchalik qatʼiy belgilangan yoki boshqariladigan narx oʻrnatish bazasi boʻlib xizmat qiladi.
(51-bandning oʻninchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
6. Ulgurji realizatsiya qiluvchi tashkilotlar dori vositalarini va tibbiy buyumlarni farmatsevtika faoliyatini amalga oshirish uchun litsenziyaga ega boʻlgan tashkilotlarga, tibbiyot tashkilotlariga, shuningdek dori vositalaridan va tibbiy buyumlardan tibbiyotda qoʻllash maqsadida oʻz ehtiyojlari uchun foydalanuvchi tashkilotlarga realizatsiya qilish huquqiga ega.
7. Oʻzbekiston Respublikasida belgilangan tartibda roʻyxatdan oʻtkazilgan dori vositalarini va tibbiy buyumlarni realizatsiya qilishga ruxsat etiladi.
2-bob. Asosiy tushunchalar
8. Ushbu Nizomda quyidagi asosiy tushunchalar qoʻllaniladi:
dori vositalari — kasalliklar profilaktikasi, ularga tashxis qoʻyish va ularni davolash, shuningdek odam organizmining holati va funksiyalarini oʻzgartirish uchun tibbiyot amaliyotida qoʻllanilishiga ruxsat etilgan dori moddalari (substansiyalar) va yordamchi moddalar asosida olingan vositalar, dori moddalari (substansiyalar), dori preparatlari;
dori moddalari (substansiyalar) — farmakologik, immunologik yoki metabolik faollikka ega boʻlgan yoxud tashxis qoʻyish maqsadi uchun foydalaniladigan, tibbiyot amaliyotida qoʻllanilishiga ruxsat etilgan, kelib chiqishi tabiiy yoki sintetik moddalar;
dori preparatlari — dozalangan, idishga joylangan-oʻralgan, qoʻllanish uchun tayyor dori vositalari;
dorivor oʻsimlik xomashyosi — dori vositalarini ishlab chiqarish va tayyorlash uchun foydalaniladigan, tarkibida biologik faol moddalar boʻlgan oʻsimliklar yoki ularning qismlari;
sifatsiz dori vositasi va tibbiy buyum — yaroqsiz holga kelgan va (yoki) yaroqlilik muddati oʻtgan dori vositasi va tibbiy buyum;
tibbiy buyumlar — kasalliklar profilaktikasi, ularga tashxis qoʻyish va ularni davolash uchun, shuningdek odam organizmining holati va funksiyalarini oʻzgartirish uchun tibbiyot amaliyotida qoʻllanilishiga ruxsat etilgan buyumlar;
farmatsevtika faoliyati — dori vositalari va tibbiy buyumlar yaratish boʻyicha ilmiy-tadqiqot ishlarini, shuningdek ularni ishlab chiqarish, tayyorlash, ularning sifatini nazorat qilish hamda ularni realizatsiya qilishni qamrab oladigan faoliyat;
Oʻzbekiston Respublikasida roʻyxatdan oʻtkazilgan dori vositalarining gʻayriqonuniy nusxalari — intellektual mulk toʻgʻrisidagi qonun hujjatlari buzilgan holda muomalaga kiritilgan dori vositalari;
qalbakilashtirilgan dori vositasi va tibbiy buyum — tarkibi yoki xususiyati toʻgʻrisida yoxud ishlab chiqaruvchisi haqida yolgʻon axborot ilova qilingan dori vositasi va tibbiy buyum;
muvofiqlik sertifikati — sertifikatlangan mahsulotning belgilangan talablarga muvofiqligini tasdiqlash uchun sertifikatlashtirish tizimi qoidalariga binoan berilgan hujjat;
dori vositalari kesishgan kontaminatsiyasi — xom ashyo, oraliq mahsulot yoki tayyor mahsulotning boshqa xom ashyo yoki tayyor mahsulot bilan texnologik jarayon vaqtida, tashish yoki saqlashda ifloslanishi.
3-bob. Dori vositalarini va tibbiy buyumlarni ulgurji realizatsiya qilishni tashkil etish tartibi va shartlari
9. Dori vositalarini va tibbiy buyumlarni ulgurji realizatsiya qilishda davlat standartlari, sanitariya qoidalari, normalari va gigiyena normativlari talablariga, yongʻin xavfsizligi qoidalari, mehnat muhofazasi qoidalari, texnika xavfsizligi qoidalariga va texnik jihatdan tartibga solish sohasidagi boshqa normativ hujjatlarga rioya etilishi taʼminlanishi kerak.
10. Ishlab chiqaruvchilar va ulgurji realizatsiya qiluvchi tashkilotlar tegishli davlat standartlari talablariga muvofiq dori vositalarini va tibbiy buyumlarni saqlash va realizatsiya qilishda ularning sifatini va xavfsizligini taʼminlash talabiga javob beradigan tegishli binolarga, asbob-uskunalar va jihozlarga ega boʻlishi kerak.
11. Dori vositalarini va tibbiy buyumlarni tashish va saqlashda ularning xavfsizligi, sifati va but saqlanishi taʼminlanishi shart.
Oldingi tahrirga qarang.
12. Sifatsiz, qalbakilashtirilgan, Oʻzbekiston Respublikasida roʻyxatdan oʻtkazilmagan dori vositalarini va tibbiy buyumlarni, referent narxlari qayd etilmagan dori vositalarini, shuningdek, kontrafakt dori vositalarini xarid qilish hamda ulgurji realizatsiya qilish taqiqlanadi.
(12-band Oʻzbekiston Respublikasi Prezidentining 2022-yil 26-oktabrdagi PQ-411-son qarori tahririda — Qonunchilik maʼlumotlari milliy bazasi, 27.10.2022-y., 07/22/411/0961-son)
13. Ulgurji realizatsiya qiluvchi tashkilotlar dori vositalarining qoʻllanilishi chogʻida nojoʻya reaksiyalar aniqlangan barcha holatlar toʻgʻrisida Oʻzbekiston Respublikasi Sogʻliqni saqlash vazirligini belgilangan tartibda yozma shaklda xabardor qilishi shart.
14. Ulgurji realizatsiya qiluvchi tashkilotlar farmatsevtika faoliyatini amalga oshirish uchun berilgan litsenziyaning raqami, amal qilish muddati, shuningdek litsenziya bergan organ toʻgʻrisidagi maʼlumotlarni tanishish uchun qulay boʻlgan va koʻrinadigan joyga joylashtirishi kerak.
15. Ulgurji realizatsiya qiluvchi tashkilotlar dori vositalari va tibbiy buyumlarning muvofiqlik sertifikati bilan manfaatdor shaxslarning elektron yoki qogʻoz shaklda tanishishlari uchun imkoniyat yaratishi shart.
16. Giyohvandlik vositalari, psixotrop moddalar va prekursorlarni ulgurji realizatsiya qilish qonun hujjatlarida belgilangan tartibda amalga oshiriladi.
4-bob. Dori vositalarini va tibbiy buyumlarni ulgurji realizatsiya qilishni taʼminlash sharoitlari
17. Ulgurji realizatsiya qiluvchi tashkilotlar binosining kirish qismida tashkilotning nomi, tashkiliy-huquqiy shakli, joylashgan manzili va ish tartibi haqidagi maʼlumotlarni oʻz ichiga oluvchi peshlavha boʻlishi kerak.
18. Ishlab chiqaruvchilar va ulgurji realizatsiya qiluvchi tashkilotlarning omborxona binolari sanitariya qoidalari, normalari va gigiyena normativlari, yongʻin xavfsizligi qoidalari va texnik jihatdan tartibga solish sohasidagi boshqa normativ hujjatlarga javob berishi kerak.
19. Ishlab chiqaruvchilar va ulgurji realizatsiya qiluvchi tashkilotlarning omborxona binolari dori vositalarining va tibbiy buyumlarning fizik-kimyoviy, farmakologik va toksikologik xususiyatlarini inobatga olgan holda, dori vositalarining va tibbiy buyumlarning toʻgʻri saqlanishini taʼminlaydigan sharoitlarga ega boʻlishi kerak.
20. Omborxona alohida qurilgan yoki noturar joyga aylantirilgan turar joy binolarining xonalarida joylashgan boʻlishi mumkin. Bunda omborxona boshqa xonalardan izolyatsiya qilingan, alohida kirish yoʻlakchasi va maydoniga ega boʻlishi kerak.
21. Omborxona turar joy binolarining noturar joyga aylantirilgan xonalarida joylashgan hollarda, dori vositalarini va tibbiy buyumlarni yuklash va tushirish turar joy binosi derazalari tagida amalga oshirilmasligi kerak.
22. Omborxonada elektr taʼminoti, issiqlik va suv taʼminoti, kanalizatsiya tizimi hamda havo almashtirish uskunasi boʻlishi kerak.
23. Omborxonaning dori vositalarini va tibbiy buyumlarni qabul qilish, saqlash, buyurtmalarni joylashtirish va berish xonalari bir-biri bilan uzviy bogʻlangan boʻlishi kerak.
24. Omborxonaning asosiy saqlash xonalarida quyidagilar boʻladi:
dori vositalarini va tibbiy buyumlarni qabul qilish xonasi;
dori vositalarini va tibbiy buyumlarni asosiy saqlash xonasi.
Saqlashning alohida sharoitlarini talab qiladigan dori vositalarini saqlash uchun xonalar maydoni saqlanayotgan dori vositalari hajmiga muvofiq boʻlishi kerak.
25. Omborxona quyidagi asbob-uskunalar va inventarlar bilan jihozlangan boʻlishi kerak:
dori vositalarini va tibbiy buyumlarni saqlash uchun stellajlar, tagliklar;
termolabil dori vositalarini saqlash uchun sovutish kameralari yoki maishiy sovutgichlar;
havo parametrlarini qayd qilish asboblari (termometrlar, gigrometrlar yoki psixrometrlar);
alohida guruh dori vositalarini, hisob-kitob hujjatlarini va axborot beruvchi adabiyotlarni saqlash uchun qulflanadigan metall shkaflar yoki seyflar;
yechinib kiyinish xonasida ustki va maxsus kiyimlarni va oyoq kiyimlarini saqlash uchun shkaf;
sanitariya holatini taʼminlash uchun dezinfeksiya vositalari va xoʻjalik jihozlari.
5-bob. Dori vositalarini va tibbiy buyumlarni omborxonada qabul qilish va berish
26. Omborxonada dori vositalarini va tibbiy buyumlarni qabul qilish omborxonaning qabul qilish boʻlimi tomonidan amalga oshiriladi. Yuklash-tushirish ishlarini olib borishda dori vositalarini va tibbiy buyumlarni yogʻin-sochinlardan, quyosh nurlarining bevosita taʼsirlaridan, yuqori yoki past haroratdan himoya qilish taʼminlanishi kerak.
27. Dori vositalarini va tibbiy buyumlarni qabul qilish va saqlash joylari bir-biridan ajratilgan boʻlishi kerak.
28. Sifatsiz, qalbakilashtirilgan, Oʻzbekiston Respublikasida roʻyxatdan oʻtkazilmagan dori vositalarini va tibbiy buyumlarni, Oʻzbekiston Respublikasida roʻyxatdan oʻtkazilgan dori vositalarining gʻayriqonuniy nusxalari, shuningdek muomaladagi dori vositalari va tibbiy buyumlar ularning inson sogʻligʻiga zararli taʼsirini tasdiqlovchi faktlar aniqlangan taqdirda, belgilangan tartibda muomaladan chiqarilishi va dalolatnoma tuzilib, Oʻzbekiston Respublikasi Vazirlar Mahkamasi tomonidan belgilanadigan tartibda yoʻq qilib tashlanishi kerak. Bunda ular identifikatsiya yoki belgilangan tartibda yoʻq qilingunga qadar boshqa dori vositalari va tibbiy buyumlardan alohida maxsus izolyatsiya qilingan joyda dalolatnoma asosida saqlanishi kerak.
29. Omborxonaga qaytarilgan dori vositalari va tibbiy buyumlar ular boʻyicha belgilangan tartibda qaror qabul qilingunga qadar identifikatsiya qilinib, alohida joyda saqlanishi kerak.
30. Texnik jihatdan tartibga solishi sohasidagi normativ hujjatlar va boshqa hujjatlar talablariga muvofiq boʻlmagan holatlarda tahlillar natijalariga koʻra omborxonaga qaytarilgan dori vositalari va tibbiy buyumlar asosiy saqlash xonasiga oʻtkazilishi mumkin.
31. Texnik jihatdan tartibga solishi sohasidagi normativ hujjatlar va boshqa hujjatlar talablariga muvofiq boʻlmagan holatlarda tahlillar natijalariga koʻra omborxonaga qaytarilgan dori vositalari va tibbiy buyumlar dalolatnoma asosida rasmiylashtiriladi va belgilangan tartibda yoʻq qilinadi.
6-bob. Dori vositalarini va tibbiy buyumlarni saqlashni tashkil qilish
32. Omborxonada barcha dori vositalari va tibbiy buyumlar stellajlarda va tagliklarda joylashtirilishi kerak. Dori vositalarini va tibbiy buyumlarni polda tagliklarsiz joylashtirishga yoʻl qoʻyilmaydi. Tagliklar polda bir qatorda yoki stellajlarning balandligi hisobga olingan holda stellajlarda bir necha qavatda joylashtiriladi.
33. Dori vositalarini va tibbiy buyumlarni saqlash xonalari va ulardagi asbob-uskunalar, jihozlar toza holatda saqlanishi kerak.
34. Ishlab chiqaruvchilar va ulgurji realizatsiya qiluvchi tashkilotlar dori vositalari va tibbiy buyumlarning buzilishi (toʻkilishi, sochilishi, sinishi), mikroorganizmlar tomonidan shikast yetkazilishi va dori vositalari kesishgan kontaminatsiyasining oldini olish uchun tegishli choralarni koʻrishi kerak.
35. Omborxonada hasharotlar, kemiruvchi va boshqa turdagi hayvonlardan saqlanadigan sharoitlarni yaratish va ularga qarshi qoʻllaniladigan vositalar bilan taʼminlanish talab etiladi. Bunda kuchli taʼsir etuvchi vositalar ishlatilishi taqiqlanadi.
36. Dori vositalarini va tibbiy buyumlarni saqlash quyidagicha tizimlashtirilgan tarzda boʻlishi mumkin:
farmakologik guruhlari boʻyicha;
qoʻllanish usullari boʻyicha.
37. Barcha dori vositalarini va tibbiy buyumlarni oʻramlarda tamgʻalanishi tashqi tomonga qaratilgan holda taxlanishi va joylashtirilishi kerak.
38. Ishlab chiqaruvchilar va ulgurji realizatsiya qiluvchi tashkilotlarda dori vositalarining hisobi yaroqlilik muddatlari boʻyicha elektron yoki qogʻoz shaklida yuritiladi.
39. Dori vositalari omborxonalarda fizik-kimyoviy xususiyatiga qarab alohida, ishlab chiqaruvchilar tomonidan belgilangan sharoitlarda harorat, namlik va yorugʻlik rejimlariga rioya qilgan holda saqlanishi kerak.
Oldingi tahrirga qarang.
40. Omborxonada harorat va namlik har kuni maxsus elektron dasturda yoki sahifalari raqamlangan, tikilgan va muhrlangan (tadbirkorlik subyektlaridan muhr bilan tasdiqlash talab qilinmaydi) jurnalda qayd etilishi lozim.
(40-band Oʻzbekiston Respublikasi Vazirlar Mahkamasining 2019-yil 10-avgustdagi 661-sonli qarori tahririda — Qonun hujjatlari maʼlumotlari milliy bazasi, 11.08.2019-y., 09/19/661/3571-son)
41. Yorugʻlikdan himoya qilishni talab qiladigan dori vositalari qorongʻi xonada yoki qora rangga boʻyalgan, eshiklari zich yopiladigan shkaflarda yoxud qopqogʻi zich yopilgan yashiklarda saqlanishi kerak.
42. Termolobil dori vositalarini saqlashda ular tamgʻalanishi yoki qoʻllash boʻyicha yoʻriqnomada koʻrsatilgan harorat rejimiga rioya etilishi kerak.
43. Dorivor oʻsimlik xomashyolari (avvaldan quritilgan) havo yaxshi aylanadigan, quruq xonalarda, yopiq (shisha, metall, yogʻoch) idishlarda saqlanishi kerak.
44. Bogʻlovchi materiallardan iborat tibbiy buyumlarni saqlashga quyidagi talablar qoʻyiladi:
bogʻlovchi materiallar quruq, havo yaxshi aylanadigan, chang va kemiruvchilardan himoyalangan xonalarda saqlanadi. Sterillanmagan materiallarni isitilmaydigan xonalarda saqlashga ruxsat etiladi. Steril materiallarni harorat oʻzgarishida oʻram sifatiga taʼsir qilmasligi uchun ularni harorat darajasi tez oʻzgarmaydigan xonada saqlashga yoʻl qoʻyiladi;
sterillangan bogʻlov materiallarini omborxonada saqlashda ularni ishlab chiqarish muddatlari boʻyicha taxlash zarur.
45. Rezina buyumlardan iborat tibbiy buyumlarni saqlashga boʻlgan talablar:
xona quyosh nuridan himoya qilingan boʻlishi kerak. Yorugʻlik faqat sunʼiy, elektr orqali boʻlishi lozim;
buyumlar solingan qutilar va shkaflar markaziy isitish batareyasidan 1 metrdan kam boʻlmagan, shuningdek pechlardan 5 metrdan kam boʻlmagan uzoqlikda joylashtirilishi kerak.
7-bob. Yakunlovchi qoidalar
46. Ushbu Nizom qoidalarini buzgan shaxslar qonun hujjatlarida belgilangan tartibda javob beradilar.
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining 1651-moddasi, Bojxona kodeksining 246-moddasi.
Oldingi tahrirga qarang.
47. Ishlab chiqaruvchilar va ulgurji realizatsiya qiluvchilar hamda tashkilotlarning mazkur Nizom talablariga rioya etishlari yuzasidan nazorat Oʻzbekiston Respublikasi Sogʻliqni saqlash vazirligi huzuridagi Farmatsevtika mahsulotlari xavfsizligi markazi tomonidan amalga oshiriladi.
(47-band Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Vazirlar Mahkamasining 2017-yil 6-apreldagi 185-son qaroriga
2-ILOVA
2-ILOVA
Dori vositalarini va tibbiy buyumlarni chakana realizatsiya qilish tartibi toʻgʻrisida
NIZOM
1-bob. Umumiy qoidalar
1. Ushbu Nizom “Dori vositalari va farmatsevtika faoliyati toʻgʻrisida”gi Oʻzbekiston Respublikasi Qonuniga muvofiq dori vositalarini va tibbiy buyumlarni chakana realizatsiya qilish tartibini belgilaydi.
2. Ushbu Nizom talablari, ularning tashkiliy-huquqiy shaklidan qatʼi nazar, barcha dorixonalar uchun majburiydir.
3. Dori vositalari va tibbiy buyumlarni chakana realizatsiya qilish faqat dorixonalar va dorixonalarning filiallari orqali amalga oshiriladi.
4. Oʻzbekiston Respublikasida roʻyxatdan oʻtkazilgan yoki dorixonalar tomonidan tayyorlangan dori vositalarini va tibbiy buyumlarni chakana realizatsiya qilishga ruxsat beriladi.
Oldingi tahrirga qarang.
41. Elektron tijorat orqali faqat retseptsiz beriladigan dori vositalari va tibbiy buyumlarni realizatsiya qilish, saqlash va yetkazib berishda ularning xavfsizligini taʼminlash, shuningdek, hujjatli va elektron rasmiylashtirish tartibi va talablariga qatʼiy rioya qilgan hamda qonun hujjatlari talablarini inobatga olgan holda amalga oshirishga ruxsat etiladi.
(41-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qarori tahririda — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
2-bob. Asosiy tushunchalar
5. Ushbu Nizomda quyidagi asosiy tushunchalar qoʻllaniladi:
dori vositalari — kasalliklar profilaktikasi, ularga tashxis qoʻyish va ularni davolash, shuningdek odam organizmining holati va funksiyalarini oʻzgartirish uchun tibbiyot amaliyotida qoʻllanilishiga ruxsat etilgan dori moddalari (substansiyalar) va yordamchi moddalar asosida olingan vositalar, dori moddalari (substansiyalar), dori preparatlari;
dori preparatlari — dozalangan, idishga joylangan-oʻralgan, qoʻllanish uchun tayyor dori vositalari;
sifatsiz dori vositasi va tibbiy buyum — yaroqsiz holga kelgan va (yoki) yaroqlilik muddati oʻtgan dori vositasi va tibbiy buyum;
tibbiy buyumlar — kasalliklar profilaktikasi, ularga tashxis qoʻyish va ularni davolash uchun, shuningdek odam organizmining holati va funksiyalarini oʻzgartirish uchun tibbiyot amaliyotida qoʻllashga ruxsat etilgan buyumlar;
farmatsevtika faoliyati — dori vositalari va tibbiy buyumlar yaratish boʻyicha ilmiy-tadqiqot ishlarini, shuningdek ularni ishlab chiqarish, tayyorlash, ularning sifatini nazorat qilish hamda ularni realizatsiya qilishni qamrab oladigan faoliyat;
Oʻzbekiston Respublikasida roʻyxatdan oʻtkazilgan dori vositalarining gʻayriqonuniy nusxalari — intellektual mulk toʻgʻrisidagi qonun hujjatlari buzilgan holda muomalaga kiritilgan dori vositalari;
qalbakilashtirilgan dori vositasi va tibbiy buyum — tarkibi yoki xususiyati toʻgʻrisida yoxud ishlab chiqaruvchisi haqida yolgʻon axborot ilova qilingan dori vositasi va tibbiy buyum;
muvofiqlik sertifikati — sertifikatlangan mahsulotning belgilangan talablarga muvofiqligini tasdiqlash uchun sertifikatlashtirish tizimi qoidalariga binoan berilgan hujjat:
birlamchi oʻram — dori vositasi bilan bevosita aloqada boʻlgan konteyner yoki oʻram.
Oldingi tahrirga qarang.
xalqaro patentlanmagan nom — Jahon sogʻliqni saqlash tashkiloti tomonidan dori vositasi tarkibidagi faol dori moddasi (substansiyasi)ning qisqartirilgan nomini berish orqali dori vositasini identifikatsiya qilish;
elektron retsept — yagona elektron retseptlar maʼlumotlar bazasini shakllantirish va vrachning farmatsevtik maʼlumotga ega boʻlgan mutaxassisga dori preparatini tayyorlash va (yoki) berish hamda uning qoʻllanilish usuli toʻgʻrisidagi koʻrsatmasini tezkor ravishda olish imkonini beruvchi elektron shaklda qayd etilgan, elektron raqamli imzo bilan tasdiqlangan va elektron hujjatning uni identifikatsiyalash imkonini beradigan boshqa rekvizitlarga ega boʻlgan elektron hujjat. Elektron retsept axborot texnologiyalari va axborot tizimlari xizmatlari hamda texnik vositalardan foydalangan holda yaratiladi, qayta ishlanadi va saqlanadi.
(5-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qaroriga asosan oʻn birinchi va oʻn ikkinchi xatboshilar bilan toʻldirilgan — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
3-bob. Dori vositalarini va tibbiy buyumlarni chakana realizatsiya qilishni tashkil etish tartibi va shartlari
Oldingi tahrirga qarang.
6. Dori vositalarini va tibbiy buyumlarni chakana realizatsiya qilishda davlat standartlari, sanitariya qoidalari, normalari va gigiyena normativlari talablariga, yongʻin xavfsizligi qoidalariga, mehnat muhofazasi qoidalariga, texnika xavfsizligi qoidalariga va texnik jihatdan tartibga solish sohasidagi boshqa normativ hujjatlarga rioya etilishi taʼminlanishi kerak.
(6-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qarori tahririda — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
7. Dorixonalar tegishli davlat standartlari talabiga muvofiq dori vositalarini va tibbiy buyumlarni saqlash va chakana realizatsiya qilishda ularning sifatini, xavfsizligini va bezararligini taʼminlash talabiga javob beradigan tegishli bino, asbob-uskunalar va jihozlarga ega boʻlishi kerak.
Oldingi tahrirga qarang.
8. Dorixona mudiri oliy farmatsevtik maʼlumotga ega boʻlishi kerak. Dorixona filialining mudiri oliy yoki oʻrta maxsus farmatsevtik maʼlumotga ega boʻlishi kerak.
Dori vositalarini chakana realizatsiya qilishga faqat farmatsevtik maʼlumotga ega boʻlgan mutaxassislarga ruxsat etiladi.
(8-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qarori tahririda — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
9. Dorixonalar tomonidan dori vositalarini va tibbiy buyumlarni tayyorlash, berish, realizatsiya qilish qoidalariga va ularning sifatini taʼminlovchi saqlash sharoitlariga rioya etishi kerak.
10. Dori vositalari va tibbiy buyumlarni dorixonalardan tashqarida sotish taqiqlanadi.
Oldingi tahrirga qarang.
Retsept bilan beriladigan dori vositalari toifasini chakana sotishda ularni yetkazib berishda ishtirok etuvchi vositachilar sonidan qatʼi nazar, chakana savdo uchun sotib olingan qiymatidan 20 foizdan ortiq boʻlmagan miqdorlarda ustama qoʻllaniladi. Bunda ushbu dori vositalarining chakana narxlari cheklangan chakana referent narxlardan yuqori boʻlmasligi shart;
(10-bandning ikkinchi xatboshisi Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Oldingi tahrirga qarang.
Chetdan olib kelinadigan, shuningdek, mamlakatimiz ishlab chiqaruvchilaridan sotib olinadigan dori vositalari va tibbiyot buyumlari ijtimoiy dorixonalar tomonidan ularni yetkazib berishda ishtirok etuvchi vositachilar sonidan qatʼi nazar, xarid qilish narxi yoki ulgurji narxning 10 foizidan ortiq boʻlmagan cheklangan savdo ustamasi koʻllanilgan holda chakana sotiladi.
(10-bandning uchinchi xatboshisi Oʻzbekiston Respublikasi Vazirlar Mahkamasining 2018-yil 24-sentabrdagi 862-sonli qarori tahririda — Qonun hujjatlari maʼlumotlari milliy bazasi, 25.10.2018-y., 09/18/862/2097-son)
11. Belgilangan tartibda sertifikatlanishi lozim boʻlgan dori vositalari va tibbiy buyumlarni muvofiqlik sertifikatlarisiz chakana realizatsiya qilish taqiqlanadi.
12. Sifatsiz, qalbakilashtirilgan, Oʻzbekiston Respublikasida roʻyxatdan oʻtkazilmagan dori vositalarini va tibbiy buyumlarni, shuningdek Oʻzbekiston Respublikasida roʻyxatdan oʻtkazilgan dori vositalarining gʻayriqonuniy nusxalarini xarid qilish, chakana realizatsiya qilish hamda ulardan foydalanish taqiqlanadi.
13. Dorixonalar dori vositalarining qoʻllanilishi chogʻida nojoʻya reaksiyalar aniqlangan barcha holatlar toʻgʻrisida Oʻzbekiston Respublikasi Sogʻliqni saqlash vazirligini belgilangan tartibda yozma shaklda xabardor qilishi shart.
14. Dorixonalar farmatsevtika faoliyatini amalga oshirish uchun berilgan litsenziyaning raqami, amal qilish muddati, shuningdek litsenziya bergan organ toʻgʻrisidagi maʼlumotlarni yoki litsenziya nusxasini isteʼmolchilar tanishishi uchun qulay boʻlgan joyga joylashtirishi kerak.
15. Giyohvandlik vositalari, psixotrop moddalar va prekursorlarning chakana realizatsiyasi qonun hujjatlarida belgilangan tartibda amalga oshiriladi.
Oldingi tahrirga qarang.
Giyohvandlik vositalari, psixotrop moddalar va prekursorlarni elektron tijorat orqali chakana realizatsiya qilish taqiqlanadi.
(15-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qaroriga asosan ikkinchi xatboshi bilan toʻldirilgan — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
LexUZ sharhiQarang: Oʻzbekiston Respublikasi sogʻliqni saqlash vazirining 2024-yil 25-dekabrdagi 36-sonli “Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomni tasdiqlash haqida”gi buyrugʻi (roʻyxat raqami 3604, 27.01.2025-y.).
16. Dori vositalari va tibbiy buyumlarni tayyorlash tegishli litsenziyaga ega boʻlgan dorixonalar tomonidan amalga oshiriladi.
17. Dori vositalari dorixonalarda Oʻzbekiston Respublikasi Sogʻliqni saqlash vazirligi tomonidan qoʻllanilishiga ruxsat etilgan dori moddalaridan (substansiyalardan) tayyorlanadi.
18. Oʻzbekiston Respublikasi Sogʻliqni saqlash vazirligi tomonidan tasdiqlanadigan tayyorlashga ruxsat etilgan dori vositalari roʻyxatiga kiritilmagan dori vositalarini tayyorlash taqiqlanadi.
19. Dori vositalarini va tibbiy buyumlarni tayyorlash, shuningdek ularni saqlash, sifatini nazorat qilish hamda rasmiylashtirish Oʻzbekiston Respublikasi Sogʻliqni saqlash vazirligi belgilaydigan tartibda dorixonalar tomonidan amalga oshiriladi.
4-bob. Dori vositalarini va tibbiy buyumlarni chakana realizatsiya qilish sharoitlarini taʼminlash
20. Dorixona dori vositalarini va tibbiy buyumlarni chakana realizatsiya qilishni, shuningdek ularni tayyorlashni amalga oshirish uchun tegishli litsenziyaga ega boʻlgan yuridik shaxs shaklida yoki yuridik shaxsning tarkibiy boʻlinmasi shaklida tashkil etilishi mumkin. Dorixonalarning filiallari, davolash-profilaktika tashkilotlari dorixonalari ham dorixonalar jumlasiga kiradi.
21. Dorixonalar alohida binoda yoki turar joy va noturar joy binolarining birinchi qavatida joylashgan boʻlishi, dori vositalarini saqlash va qadoqlash uchun moʻljallangan xonalar birinchi qavat ostidagi xonalarda joylashgan boʻlishi mumkin.
22. Dorixonalar binosining kirish qismida dorixonaning nomi, tashkiliy-huquqiy shakli, joylashgan manzili va ish tartibi haqida maʼlumotlar koʻrsatilgan peshlavha boʻlishi kerak.
23. Dorixonalarda dori vositalari va tibbiy buyumlarning xavfsizligi, sifati va but saqlanishi uchun tegishli sharoitlar yaratilishi kerak.
24. Tashkiliy-huquqiy va mulkchilik shaklidan qatʼi nazar, barcha dorixonalar dori vositalari va tibbiy buyumlarning Oʻzbekiston Respublikasi Sogʻliqni saqlash vazirligi tomonidan belgilangan tartibda tasdiqlangan roʻyxatga muvofiq sotilishini taʼminlashi shart.
Oldingi tahrirga qarang.
Ijtimoiy dorixonalar Ijtimoiy ahamiyatga ega dori vositalari va tibbiyot buyumlarining qonunchilikka muvofiq tasdiqlangan roʻyxatini davlat va rus tillarida 12 shrift oʻlchamidan kam boʻlmagan oʻlchamda koʻrinadigan joyga osib qoʻyishlari shart.
(24-bandning ikkinchi xatboshisi Oʻzbekiston Respublikasi Vazirlar Mahkamasining 2018-yil 24-sentabrdagi 862-sonli qarori tahririda — Qonun hujjatlari maʼlumotlari milliy bazasi, 25.10.2018-y., 09/18/862/2097-son)
Dori vositalari va tibbiyot buyumlari bilan birga sotib oluvchiga identifikatsiya maʼlumotlari (nomi, dozasi, qadoqlash, miqdori), dori vositalari yoki tibbiyot buyumlarining nomi, ularni beruvchi shaxsga oid maʼlumotlar, berish sanasi va narxi koʻrsatilgan tovar cheki beriladi.
Qonun hujjatlarida belgilangan tartibda huquqni muhofaza qiluvchi organlar tomonidan oʻtkazilgan tekshirish uchun xarid qilish yoki nazorat natijalari boʻyicha olingan dori vositalari va tibbiyot buyumlarining narxini belgilash boʻyicha tartibni buzish faktini tasdiqlovchi tovar va kassa cheklari dorixonaning litsenziyasini toʻxtatib turish yoki tugatish uchun asos boʻlib xizmat qilishi mumkin.
25. Dorixonalar sanitariya va gigiyena ashyolarini, shifobaxsh oziqlantirish mahsulotlarini, maʼdanli suvlarni, shuningdek davolash-kosmetika mahsulotlarini, biologik faol qoʻshimchalarni realizatsiya qilishni ularning qoʻllanishi va realizatsiya qilinishi uchun tegishli hujjatlar mavjud boʻlgan taqdirda amalga oshirishi mumkin.
26. Dorixonada barcha dori vositalari va tibbiy buyumlar narxi koʻrsatilgan holda hamda dorixona javobgar shaxsining imzosi bilan sotuvga qoʻyiladi.
Dorixona sotuv zali peshtaxtalarida faqat vrach retseptisiz beriladigan dori vositalari va tibbiy buyumlarni qoʻyishga ruxsat beriladi. Bunda peshtaxtaga ichish uchun moʻljallangan va tashqi qoʻllaniladigan dori vositalari alohida-alohida joylashtiriladi.
Oldingi tahrirga qarang.
Dorixona sotuv zali peshtaxtalarining kamida 10 foizida dorivor oʻsimliklar xom ashyosidan tayyorlangan biologik faol qoʻshimchalar va dori vositalari joylashtiriladi.
(26-band Oʻzbekiston Respublikasi Vazirlar Mahkamasining 2022-yil 21-sentabrdagi 519-sonli qaroriga asosan uchinchi xatboshi bilan toʻldirilgan — Qonunchilik maʼlumotlari milliy bazasi, 21.09.2022-y., 09/22/519/0840-son)
Oldingi tahrirga qarang.
Vrach retseptlari asosida beriladigan dori vositalari va tibbiy buyumlar hamda ular haqidagi maʼlumotlarni dorixonaning peshtaxtasi va xaridorlar uchun koʻrinadigan boshqa joylarga qoʻyish taʼqiqlanadi.
(26-bandning uchinchi xatboshisi Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qarori tahririda — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
5-bob. Dori vositalarini va tibbiy buyumlarni chakana realizatsiya qilish tartibi
Oldingi tahrirga qarang.
Oldingi tahrirga qarang.
27. Dori vositalarini chakana realizatsiya qilish shakli Oʻzbekiston Respublikasi Sogʻliqni saqlash vazirligi tomonidan tasdiqlanadigan retseptlar, shu jumladan, elektron retseptlar boʻyicha yoki retseptsiz amalga oshiriladi.
(27-bandning birinchi xatboshisi Oʻzbekiston Respublikasi Vazirlar Mahkamasining 2025-yil 7-fevraldagi 67-sonli qarori tahririda — Qonunchilik maʼlumotlari milliy bazasi, 15.02.2025-y., 09/25/67/0145-son)
Dori vositalarini elektron retseptlar asosida chakana realizatsiya qilish Oʻzbekiston Respublikasi Sogʻliqni saqlash vazirligining “Farmatsevtika mahsulotlarining harakatini nazorat qilish va hisobga olishning axborot tizimi” orqali amalga oshiriladi.
(27-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qarori tahririda — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
28. Dori vositasi va tibbiy buyumni berish paytida dorixonaning farmatsevtik maʼlumotga ega boʻlgan xodimi dori vositasi va tibbiy buyumni sotib oluvchiga dori vositasi va tibbiy buyumni qoʻllash tartibi, xususan, qoʻllash davriyligi, bir marotabalik va sutkalik dozalari, qoʻllash usuli, saqlash tartibi, yaroqlilik muddati va boshqalar haqida maʼlumot berishi lozim.
Dorixona xodimi dori vositasi va tibbiy buyumni sotib oluvchining eʼtiborini dori vositasi va tibbiy buyumning qoʻllash yoʻriqnomasi bilan diqqat bilan tanishib chiqishga qaratishi kerak.
Dorixona xodimi mijozlar bilan boʻlgan munosabatda etika qoidalariga rioya etishi, professionallik va savodxonlik xislatlarini namoyon etishi lozim.
29. Dorixona xodimlari tomonidan dori vositasini sotib oluvchilarga zarur maʼlumotlar berilishi kerak. Sotib oluvchining talabiga binoan dorixona xodimi dori vositalari va tibbiy buyumlarning narxlari va ularning sifatini tasdiqlovchi hujjatlarni koʻrsatishi lozim.
Oldingi tahrirga qarang.
291. Dori vositalari (giyohvandlik vositalari, psixotrop moddalar va prekursorlar bundan mustasno) va tibbiy buyumlarni elektron tijorat orqali chakana realizatsiya qilishda dorixonalar tegishli veb-saytlar va (yoki) mobil ilovalarda quyidagi maʼlumotlarni joylashtirishga majburdir:
yuridik shaxsning toʻliq nomi, tashkiliy-huquqiy shakli koʻrsatilgan holda;
davlat roʻyxatidan oʻtkazilganligi toʻgʻrisidagi maʼlumotlar, tadbirkorlik subyektining identifikatsiya raqami;
joylashgan joyi (pochta manzili), elektron pochta manzili, bogʻlanish telefon raqami;
litsenziyaning mavjudligi toʻgʻrisidagi maʼlumotlar (raqami, amal qilish muddati, litsenziyani berishga vakolatli organning nomi);
realizatsiya qilinayotgan dori vositalari va tibbiy buyumlar haqidagi maʼlumotlar (xalqaro patentlanmagan va savdo nomi, chiqarilgan shakli, dozasi, seriyasi, yaroqlilik muddati, ishlab chiqargan davlat (yetkazib beruvchi), qoʻllash boʻyicha yoʻriqnoma, chakana realizatsiya narxi, savdo ustamasi miqdori, muvofiqlik sertifikati (belgilangan tartibda majburiy sertifikatsiyalanadigan dori vositalari va tibbiy buyumlar uchun);
realizatsiya qilinayotgan dori vositalari va tibbiy buyumlar analoglari haqidagi maʼlumotlar;
hisob-kitob shakli, yetkazib berish tartibi va narxi.
(291-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qaroriga asosan kiritilgan — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
30. Dori vositasini donalab sotishga ruxsat etiladi. Bunda joylash-oʻrash materialida dori vositasining nomi, seriyasi, yaroqlilik muddati va ishlab chiqaruvchisi koʻrsatilishi kerak. Dori vositasini birlamchi oʻrami buzilgan holda berish taqiqlanadi.
Oldingi tahrirga qarang.
31. Vrach retsepti boʻyicha dori vositasini berish retseptda qayd etilgan xalqaro patentlanmagan nom asosida amalga oshiriladi. Bunda dori vositalarini berish normasi vrach retseptiga muvofiq belgilanadi.
(31-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qarori tahririda — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
Oldingi tahrirga qarang.
311. Retsept asosida dori vositasini berishda dorixonaning farmatsevt xodimi retseptning yirtma koreshogiga berilgan dori vositasining nomi, seriya raqami, farmatsevt familiyasi, ismi, otasining ismini yozib, uni imzolaydi va dorixonaning shtampi qoʻyilgan holda bemor (uning qarindoshlari yoki uning holidan xabar oluvchi shaxs)ga topshiradi, retsept dorixonada qoldiriladi.
Retsept asosida tayyorlab berilgan dori vositalarini berishda, qoʻshimcha ravishda ushbu Nizomga 1-ilovaga muvofiq shakldagi dorixonada retseptlarni qayd etish jurnaliga tegishli yozuvlar kiritiladi.
Retseptning yirtma koreshogi bemor (uning qarindoshlari yoki uning holidan xabar oluvchi shaxs) tomonidan yoʻqotilgan yoki u yaroqsiz xolga kelib qolgan xolatlarda dorixona xodimi tomonidan retseptning dorixonada saqlanayotgan, yirtma koreshogi oʻrnini bosuvchi, tasdiqlangan nusxasi berilishi mumkin.
Dori vositasini elektron retsept asosida berishda dorixonaning farmatsevt xodimi Oʻzbekiston Respublikasi Sogʻliqni saqlash vazirligining “Farmatsevtika mahsulotlarining harakatini nazorat qilish va hisobga olishning axborot tizimi”dagi tegishli maydonchalarga dori vositasining nomi, seriya raqami, farmatsevtning familiyasi, ismi, otasining ismini kiritib, elektron raqamli imzo bilan tasdiqlaydi.
(311-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qaroriga asosan kiritilgan — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
32. Shifokor tomonidan rasmiylashtirilgan retseptda dori vositasi uning bir marotaba qoʻllanadigan eng yuqori dozasidan koʻproq dozada tayinlangan holatlarda dorixona xodimi ushbu dori vositasi eng yuqori dozasining yarmiga teng dozasini berishi shart.
33. Ambulatoriyada davolanishda imtiyozga ega shaxslarning ayrim toifalarini dori vositalari bilan imtiyozli taʼminlash dori vositalarini ambulatoriya-poliklinika muassasalari orqali yoxud dorixonalar orqali berish yoʻli bilan amalga oshiriladi.
Shaxslarning ayrim toifalariga imtiyozli retseptlar boʻyicha dori vositalari, mulkchilik shakllaridan qatʼi nazar, barcha dorixonalar orqali amalga oshiriladi.
Oldingi tahrirga qarang.
34. Favqulodda holatlarda, bemorning yashash joyidan joʻnab ketishi, vaqtincha ketishi dorixonaga muntazam qatnashining imkoni yoʻqligi va boshqa shu kabi holatlarda dori vositalari retsept boʻyicha uch oygacha boʻlgan muddat mobaynida qoʻllash uchun zarur miqdorda berilishiga yoʻl qoʻyiladi.
(34-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qarori tahririda — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
35. Dori vositalari uzoq vaqt amal qiluvchi retsept asosida qisman berilganda retseptning orqa tomoniga dori vositasining miqdori va berilgan sana koʻrsatiladi hamda bemorga qaytarib beriladi. Bemorning dorixonaga navbatdagi murojaati paytida dori vositasining oldin olinganligi haqidagi belgilar hisobga olinadi.
Dori vositasi retseptda nazarda tutilgan miqdorda olib boʻlinganda unga “Retsept haqiqiy emas” degan shtamp bosiladi va dorixonada qoldiriladi.
Oldingi tahrirga qarang.
Bunda retseptning yirtma koreshogi, unga ushbu Nizomga muvofiq maʼlumotlarni kiritgan holda bemor (uning qarindoshlari yoki uning holidan xabar oluvchi shaxs)ga qaytariladi.
(35-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qaroriga asosan uchinchi xatboshi bilan toʻldirilgan — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
Oldingi tahrirga qarang.
36. Shaxslarning ayrim toifalariga dori vositalarini imtiyozli berish uchun retseptlar dorixonalarda uch yil davomida, maxsus pushti rangdagi blankalar boʻyicha berilgan giyohvand vositalar retseptlari — 5 yil, psixotrop moddalar, etil spirti va anabolik vositalar, kuchli taʼsir qiluvchi moddalar roʻyxatiga kiritilgan dori vositalarga berilgan retseptlar — bir yil davomida, boshqa dori vositalariga berilgan retseptlar — uch oy davomida saqlanadi.
(36-band Oʻzbekiston Respublikasi Vazirlar Mahkamasining 2019-yil 27-sentabrdagi 818-sonli qarori tahririda — Qonun hujjatlari maʼlumotlari milliy bazasi, 28.09.2019-y., 09/19/818/3828-son — 2019-yil 1-dekabrdan kuchga kiradi)
37. Saqlash muddati tugagandan soʻng retseptlar tegishli dalolatnoma rasmiylashtirilgan holda yoʻq qilinadi.
Oldingi tahrirga qarang.
371. Retseptda ushbu Nizomga zid ravishda rasmiylashtirilgan yoki bir-biriga nomutanosib dori vositalari koʻrsatilgan boʻlsa, dorixona tomonidan unga “Retsept haqiqiy emas” shtampi bosiladi va bekor qilinadi. Bunda bekor qilingan retsept haqidagi maʼlumotlar ushbu Nizomga 2-ilovaga muvofiq shakldagi notoʻgʻri yozib berilgan retseptlarni dorixonada hisobga olish jurnalida qayd etiladi va retseptni bergan davolash-profilaktika muassasasining rahbariga notoʻgʻri yozilgan retseptlar toʻgʻrisida xabar beriladi hamda vrach tomonidan berilgan retseptga nomutanosib dori vositalari dorixona tomonidan berilganda, dori vositalari qaytariladi.
(371-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qaroriga asosan kiritilgan — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
38. Dorixonalar tomonidan shaxslarning ayrim toifalarini dori vositalari bilan retsept asosida imtiyozli taʼminlash amalga oshirilganda ushbu dori vositalari uchun toʻlov sogʻliqni saqlash muassasalari tomonidan shartnomaga muvofiq dorixonalar hisobiga oʻtkaziladi.
39. Dorixonalardan realizatsiya qilingan dori vositalari va tibbiy buyumlar qaytarib olinmaydi va shunga oʻxshash dori vositalari va tibbiy buyumlarga almashtirilmaydi.
Oldingi tahrirga qarang.
Oldingi tahrirga qarang.
391. Elektron tijorat orqali dori vositalari va tibbiy buyumlarni realizatsiya qilishda, zarur hollarda dorixonalar tomonidan aholiga sotib olingan dori vositalari va tibbiy buyumlarni yetkazib berish mumkin. Bunda dorixonaning farmatsevtik maʼlumotga ega boʻlgan xodimi xaridorga dori vositasi va tibbiy buyumni qoʻllash tartibini aloqa vositalari orqali maslahat beradi va dori vositalari va tibbiy buyumlarni yetkazib berish uchun farmatsevtik maʼlumotga ega mutaxassis boʻlishi talab etilmaydi.
(391-bandning birinchi xatboshisi Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qarori tahririda — Qonunchilik maʼlumotlari milliy bazasi, 29.09.2022-y., 09/22/541/0859-son)
Oldingi tahrirga qarang.
Narxi xaridor tomonidan toʻlangan dori vositalari va tibbiy buyumlarni dorixonalardan olib xaridorlarga yetkazib berish bilan shugʻullanadigan yuridik shaxslarning shtatida farmatsevt boʻlishi talab etilmaydi.
(391-band Oʻzbekiston Respublikasi Vazirlar Mahkamasining 2022-yil 28-sentabrdagi 541-sonli qaroriga asosan ikkinchi xatboshi bilan toʻldirilgan — Qonunchilik maʼlumotlari milliy bazasi, 29.09.2022-y., 09/22/541/0859-son)
Dori vositalari va tibbiy buyumlarni yetkazib berish uchun ularning sifati va xavfsizligiga rioya etilishini taʼminlovchi dori vositalari va tibbiy buyumlarni saqlash kamerasi bilan jihozlangan transport vositalaridan foydalaniladi.
Transport vositasi texnik soz va toza holatda tutilishi kerak. Tashish jarayonida dori vositalari va tibbiy buyumlarni saqlash kamerasida kerakli zarur harorat, namlik, shuningdek, toza havo taʼminlab turilishi lozim.
Oʻlchov uskunalariga kiruvchi asboblar foydalanishdan avval, shuningdek, taʼmirlangandan soʻng belgilangan tartibda birlamchi tekshiruvdan oʻtadi va (yoki) qiyoslanadi, foydalanish jarayonida esa tekshiriladi va qiyoslanadi.
Dori vositalari va tibbiy buyumlarni tashish shunday amalga oshirilishi lozimki, bunda ularning sifat koʻrsatgichlari yoʻqolmasligi hamda dori vositalarining oʻramlari va tibbiy qoʻllanilishi boʻyicha yoʻriqnomalarda qayd etilgan saqlash sharoitlariga rioya etilishi kerak.
Alohida saqlash haroratini talab etuvchi dori vositalarini tashish haroratni doimiy ravishda kuzatib boruvchi qurilma bilan jihozlangan refrijerator uskunasi yoki termokonteyner bilan jihozlangan transport vositasida amalga oshirilishi kerak.
Dori vositalari va tibbiy buyumlar, ularning sifati, samaradorligi va xavfsizligiga salbiy taʼsir koʻrsatmaydigan hamda tashqi muhit taʼsiridan saqlovchi transport vositalarida tashiladi. Dori vositalari va tibbiy buyumlarni boshqa turdagi yuklar bilan birga tashish taqiqlanadi.
(391-band Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qaroriga asosan kiritilgan — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
6-bob. Yakunlovchi qoidalar
40. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining 1651-moddasi.
Oldingi tahrirga qarang.
41. Oʻzbekiston Respublikasi hududidagi barcha dorixonalarda ushbu Nizom talablariga rioya etilishini nazorat qilish dori vositalari va tibbiy buyumlarni chakana realizatsiya qilishni litsenziyalashni amalga oshirgan “Farmatsevtika mahsulotlari xavfsizligi markazi” davlat muassasasiga yuklanadi.
(41-band Oʻzbekiston Respublikasi Vazirlar Mahkamasining 2025-yil 21-oktabrdagi 662-sonli qarori tahririda — Qonunchilik maʼlumotlari milliy bazasi, 22.10.2025-y., 09/25/662/0964-son)
Oldingi tahrirga qarang.
Dori vositalarini va tibbiy buyumlarni chakana realizatsiya qilish tartibi toʻgʻrisidagi nizomga
1-ILOVA
1-ILOVA
Retseptlarni qayd etish
JURNALI
|
________________________________________________________________________________________________________________________ | |||||||||
|
T/r |
Sana |
Bemorning |
Retseptni bergan davolash-profilaktika tashkilotining nomi |
Davolovchi shifokor |
Dori vositasining nomi, miqdori va dozasi |
Dori vositasining shakli |
Dori vositasining narxi |
Bemorning manzili, telefon raqami |
Izoh |
Dori vositalarini va tibbiy buyumlarni chakana realizatsiya qilish tartibi toʻgʻrisidagi nizomga
2-ILOVA
2-ILOVA
Notoʻgʻri yozib berilgan retseptlarni dorixonada hisobga olish
JURNALI
|
________________________________________________________________________________________________ | |||||||
|
T/r |
Sana |
Retseptni bergan davolash-profilaktika tashkilotining nomi |
Notoʻgʻri retsept bergan shifokorning F.I.O. |
Retsept tarkibi |
Retseptdagi xatoliklar (dozasi notoʻgʻri koʻrsatilgan dori vositalari yoki undagi yozuvlarning noaniqligi koʻrsatiladi) |
Davolash-profilaktika tashkilotining rahbariga xabar berilganligi haqidagi maʼlumot |
Dorixona/filiali farmatsevtning |
(1-2-ilovalar Oʻzbekiston Respublikasi Vazirlar Mahkamasining 2019-yil 2-iyuldagi 549-sonli qaroriga asosan kiritilgan — Qonun hujjatlari maʼlumotlari milliy bazasi, 02.07.2019-y., 09/19/549/3364-son — 2019-yil 3-oktabrdan kuchga kiradi)
Vazirlar Mahkamasining 2017-yil 6-apreldagi 185-son qaroriga
3-ILOVA
3-ILOVA
Sifatsiz, qalbakilashtirilgan, Oʻzbekiston Respublikasida roʻyxatdan oʻtkazilmagan dori vositalari va tibbiy buyumlar, Oʻzbekiston Respublikasida roʻyxatdan oʻtkazilgan dori vositalarining gʻayriqonuniy nusxalarini, shuningdek muomaladagi dori vositalari va tibbiy buyumlarni ularning inson sogʻligʻiga zararli taʼsirini tasdiqlovchi faktlar aniqlangan taqdirda muomaladan chiqarish va yoʻq qilish tartibi toʻgʻrisida
NIZOM
1-bob. Umumiy qoidalar
1. Mazkur Nizom “Dori vositalari va farmatsevtika faoliyati toʻgʻrisida”gi Oʻzbekiston Respublikasi Qonuniga muvofiq sifatsiz, qalbakilashtirilgan, Oʻzbekiston Respublikasida roʻyxatdan oʻtkazilmagan dori vositalari va tibbiy buyumlar, Oʻzbekiston Respublikasida roʻyxatdan oʻtkazilgan dori vositalarining gʻayriqonuniy nusxalarini, shuningdek muomaladagi dori vositalari va tibbiy buyumlarni (keyingi oʻrinlarda qoʻllash uchun yaroqsiz dori vositalari va tibbiy buyumlar deb ataladi) ularning inson sogʻligʻiga zararli taʼsirini tasdiqlovchi faktlar aniqlangan taqdirda muomaladan chiqarish va yoʻq qilish tartibini belgilaydi.
2. Ushbu Nizom talablari giyohvand vositalar, psixotrop moddalar va prekursorlarni muomaladan chiqarish va yoʻq qilishga tatbiq etilmaydi.
3. Mazkur Nizom talablarining dori vositalari va tibbiy buyumlar muomalasi bilan shugʻullanuvchi barcha tashkilotlar tomonidan bajarilishi shart.
4. Ushbu Nizomda quyidagi asosiy tushunchalar qoʻllaniladi:
chiqindilarni utilizatsiya qilish — chiqindilar tarkibidan qimmatli moddalarni ajratib olish yoki chiqindilardan ikkilamchi xom ashyo, yoqilgʻi, oʻgʻit sifatida va boshqa maqsadlarda foydalanish;
qalbakilashtirilgan dori vositasi va tibbiy buyum — tarkibi yoki xususiyati toʻgʻrisida yoxud ishlab chiqaruvchisi haqida yolgʻon axborot ilova qilingan dori vositasi va tibbiy buyum;
sifatsiz dori vositasi va tibbiy buyum — yaroqsiz holga kelgan va (yoki) yaroqlilik muddati oʻtgan dori vositasi va tibbiy buyum;
Oʻzbekiston Respublikasida roʻyxatdan oʻtkazilgan dori vositalarining gʻayriqonuniy nusxalari — intellektual mulk toʻgʻrisidagi qonun hujjatlari buzilgan holda muomalaga kiritilgan dori vositalari.
5. Qoʻllash uchun yaroqsiz dori vositalari va tibbiy buyumlar ularning egalarining yoki sudning qarori boʻyicha muomaladan chiqariladi va yoʻq qilinadi.
6. Qoʻllash uchun yaroqsiz dori vositalari va tibbiy buyumlar aniqlangan taqdirda ularning egasi mazkur dori vositalari va tibbiy buyumlarni zudlik bilan muomaladan chiqarishi va 30 kun mobaynida yoʻq qilishi lozim.
7. Oʻzbekiston Respublikasi hududiga olib kiriladigan dori vositalarining va tibbiy buyumlarni bojxonada rasmiylashtirish jarayonida, shuningdek sertifikatlashtirish sinovlari natijasida qoʻllash uchun yaroqsizligi aniqlangan boʻlsa, bunday dori vositalari va tibbiy buyumlar Oʻzbekiston Respublikasi bojxona qonunchiligida belgilangan tartibda Oʻzbekiston Respublikasi hududidan tashqariga chiqarib yuboriladi (reeksport) yoki yoʻq qilingunga qadar bojxona rejimida joylashtiriladi va yoʻq qilinadi.
LexUZ sharhiQarang: Oʻzbekiston Respublikasi Bojxona kodeksining 6-bobi.
8. Qoʻllash uchun yaroqsiz dori vositalari va tibbiy buyumlarni yoʻq qilish bilan bogʻliq xarajatlar ularning egalari mablagʻlari hisobidan qoplanadi.
2-bob. Yoʻq qilish usullari
9. Suyuq dori shakllari (ampulalardagi inyeksiya qilish uchun eritmalar, paketlar va flakonlardagi, aerozol ballonlardagi eritmalar, miksturalar, tomchilar) sindirib (ezilib), (aerozol ballonlar oldindan teshib qoʻyiladi) hamda suv bilan kamida 1:100 nisbatda suyultirilib, hosil boʻlgan eritma kanalizatsiya tizimiga toʻkiladi.
Boʻshagan ampulalar, aerozol ballonlar, paketlar va flakon qoldiqlari konteynerlarga joylashtiriladi va chiqindilarni utilizatsiya qilish talablariga muvofiq yoʻq qilinadi.
10. Tarkibida suvda eriydigan moddalar boʻlgan qattiq dori shakllari (kukunlar, tabletkalar, kapsulalar) maydalanib kukun holiga kelgunga qadar eziladi, suv bilan kamida 1:100 nisbatda suyultirilib, hosil boʻlgan suspenziya (yoki eritma) kanalizatsiya tarmogʻiga toʻkiladi.
11. Tarkibida suvda erimaydigan moddalar boʻlgan qattiq dori shakllari (kukunlar, tabletkalar, kapsulalar), yumshoq dori shakllari (maz, suppozitoriylar), dori vositalarining transdermal shakllari, shuningdek substansiyalar faolsizlantirilib, maxsus konteynerlarga joylashtiriladi va chiqindilarni joylashtirish uchun maxsus ajratilgan joyga tashlanadi.
12. Tarkibida tirik organizmlar (tibbiy immunobiologik preparatlar) mavjud dori vositalari avval dezinfeksiyalovchi vositalar yordamida faolsizlantirilib, yuqori bosim hamda harorat taʼsirida ularning hujayralari parchalanadi va chiqindilarni joylashtirish uchun maxsus ajratilgan joyga tashlanadi.
13. Tibbiy buyumlar ularning fizik va kimyoviy xususiyatlarini hisobga olgan holda yoʻq qilinadi.
14. Tarkibida radioaktiv elementlar mavjud boʻlgan dori vositalari va tibbiy buyumlar atrof muhitga bezararligi toʻgʻrisida tegishli komissiya xulosasi olingandan keyin, mazkur Nizom bilan tashkil etiladigan va unda nazarda tutilgan tartibda tasdiqlanadigan Komissiya tomonidan ularni yoʻq qilish masalasi koʻrib chiqiladi.
3-bob. Yoʻq qilish tartibi
15. Qoʻllash uchun yaroqsiz dori vositalari va tibbiy buyumlarni yoʻq qilish “Aholining sanitariya-epidemiologik osoyishtaligi toʻgʻrisida”, “Ekologik nazorat toʻgʻrisida” hamda “Chiqindilar toʻgʻrisida”gi Oʻzbekiston Respublikasi qonun hujjatlari talablariga amal qilgan holda amalga oshiriladi.
Oldingi tahrirga qarang.
16. Qoʻllash uchun yaroqsiz dori vositalari va tibbiy buyumlarni yoʻq qilish uchun ularning egasining, Oʻzbekiston Respublikasi Ekologiya va atrof muhitni muhofaza qilish davlat qoʻmitasining hududiy organlari, Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining (keyingi oʻrinlarda — Sanepidqoʻm) tuman (shahar) boʻlimi vakillari, shuningdek Oʻzbekiston Respublikasi Sogʻliqni saqlash vazirligining Dori vositalari va tibbiy texnika sifatini nazorat qilish bosh boshqarmasi (keyingi oʻrinlarda Bosh boshqarma deb ataladi) vakillari ishtirokida besh kishidan kam boʻlmagan tarkibda yoʻq qilish komissiyasi (keyingi oʻrinlarda Komissiya deb ataladi) tuziladi.
(16-bandning birinchi xatboshisi Oʻzbekiston Respublikasi Vazirlar Mahkamasining 2025-yil 29-yanvardagi 48-sonli qarori tahririda — Qonunchilik maʼlumotlari milliy bazasi, 30.01.2025-y., 09/25/48/0093-son)
Komissiya ishlarini tashkil etish qoʻllashga yaroqsiz dori vositalari va tibbiy buyumlarning egasi tomonidan amalga oshiriladi.
17. Komissiya dori vositalari va tibbiy buyumlarning atrof muhit uchun bezararligi, mazkur Nizomning 1-ilovasiga muvofiq shakl boʻyicha ularning fizik-kimyoviy mutanosibligini eʼtiborga olgan holda ularni yoʻq qilish sanasi, usuli va joyini belgilash haqida qaror chiqaradi.
18. Yoʻq qilinishi lozim boʻlgan dori vositalari va tibbiy buyumlarni yoʻq qilingunga qadar saqlash uchun javobgarlik qoʻllash uchun yaroqsiz boʻlgan dori vositalari va tibbiy buyumlar egasi hisoblangan tashkilot zimmasiga yuklanadi.
Dori vositalari va tibbiy buyumlarni egasi hisoblangan tashkilot rahbarining buyrugʻi bilan moddiy javobgar shaxs tayinlanadi, buyruqda javobgar shaxsning lavozimi, familiyasi, ismi va otasining ismi, saqlashga qoldirilgan yoʻq qilinishi lozim boʻlgan dori vositalari hamda tibbiy buyumlarning nomlari va seriyalari, oʻramlari soni (miqdori) koʻrsatiladi.
19. Qoʻllash uchun yaroqsiz dori vositalari va tibbiy buyumlarni yoʻq qilish dori vositalari va tibbiy buyumlarning egasi yoki uning vakili ishtirokida Komissiya tomonidan amalga oshiriladi.
Yoʻq qilish jarayoni foto yoki videosuratga olinadi.
20. Qoʻllash uchun yaroqsiz dori vositalari va tibbiy buyumlar belgilangan tartibda yoʻq qilingandan soʻng Komissiya tomonidan mazkur Nizomning 2-ilovasiga muvofiq dalolatnoma tuziladi.
21. Dalolatnoma quyidagi maʼlumotlarni oʻz ichiga olishi kerak:
a) qoʻllash uchun yaroqsiz dori vositalari va tibbiy buyumlarni yoʻq qilish sanasi, vaqti va joyi;
b) qoʻllash uchun yaroqsiz dori vositalari va tibbiy buyumlar nomi (seriya raqami, yaroqlilik muddati, oʻramlari soni, miqdori (ishlab chiqaruvchining nomi koʻrsatilgan holda);
v) qoʻllash uchun yaroqsiz dori vositalari va tibbiy buyumlar egasi, moddiy javobgar shaxsning familiyasi, ismi, otasining ismi;
g) Komissiyaning yoʻq qilish toʻgʻrisidagi qarori;
d) yoʻq qilish usuli;
e) qoʻllash uchun yaroqsiz dori vositalari va tibbiy buyumlarni yoʻq qilishda ishtirok etgan Komissiya aʼzolarining familiyasi, ismi, otasining ismi, ish joyi va lavozimi.
Oldingi tahrirga qarang.
22. Yoʻq qilish jarayonidan soʻng dalolatnoma tuziladi, u Komissiya aʼzolari tomonidan imzolanadi, qoʻllash uchun yaroqsiz dori vositalari va tibbiy buyumlarning egasi hisoblangan tashkilot rahbarining imzosi va muhri (tadbirkorlik subyektlaridan muhr bilan tasdiqlash talab qilinmaydi) bilan tasdiqlanadi
(22-band Oʻzbekiston Respublikasi Vazirlar Mahkamasining 2019-yil 10-avgustdagi 661-sonli qarori tahririda — Qonun hujjatlari maʼlumotlari milliy bazasi, 11.08.2019-y., 09/19/661/3571-son)
Oldingi tahrirga qarang.
23. Dalolatnoma nusxalari dori vositalari va tibbiy buyumlar egasiga, Ekologiya va atrof muhitni muhofaza qilish boʻyicha hududiy organlariga, Sanepidqoʻmning tuman (shahar) boʻlimiga, shuningdek Bosh boshqarma vakiliga, buyruq va Komissiya qarori nusxalari hamda foto yoki videomateriallar bilan birgalikda taqdim etiladi.
(23-band Oʻzbekiston Respublikasi Vazirlar Mahkamasining 2025-yil 29-yanvardagi 48-sonli qarori tahririda — Qonunchilik maʼlumotlari milliy bazasi, 30.01.2025-y., 09/25/48/0093-son)
24. Tergov ishlari yoki sud muhokamasi uchun dori vositalari va tibbiy buyum namunalari olingan taqdirda ular, saqlash muddatidan qatʼi nazar, koʻrib chiqish oxiriga yetmagunga qadar yoʻq qilinmaydi.
4-bob. Yakuniy qoida
25. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.
LexUZ sharhiQarang: Oʻzbekiston Respublikasi Maʼmuriy javobgarlik toʻgʻrisidagi kodeksining 1651-moddasi.
Sifatsiz, qalbakilashtirilgan, Oʻzbekiston Respublikasida roʻyxatdan oʻtkazilmagan dori vositalari va tibbiy buyumlar, Oʻzbekiston Respublikasida roʻyxatdan oʻtkazilgan dori vositalarining gʻayriqonuniy nusxalarini, shuningdek muomaladagi dori vositalari va tibbiy buyumlarni ularning inson sogʻligʻiga zararli taʼsirini tasdiqlovchi faktlar aniqlangan taqdirda muomaladan chiqarish va yoʻq qilish tartibi toʻgʻrisidagi nizomga
1-ILOVA
1-ILOVA
|
Qoʻllash uchun yaroqsiz dori vositalari va tibbiy buyumlarni yoʻq qilish komissiyasining | |||||||
| 20____ yil _____ ___________________ | | | |
________________-son | |||
| Kun tartibi: _________________________________________________________________ ni yoʻq qilish usulini belgilash. | |||||||
|
Qatnashganlar: ________________________________________________________________________________ | |||||||
| Kun tartibi boʻyicha muhokama: 1. Qoʻllash uchun yaroqsiz dori vositalari va tibbiy buyumlar haqida mahsulot egasining maʼlumoti; 2. Komissiyaning ekspert xulosasi; 3. Takliflar. | |||||||
|
Qaror qilindi: _______________________________________________________________________________ | |||||||
|
_____________________________________________ |
|
______________________ | |||||
|
M.Oʻ. |
| | | | | | |
Sifatsiz, qalbakilashtirilgan, Oʻzbekiston Respublikasida roʻyxatdan oʻtkazilmagan dori vositalari va tibbiy buyumlar, Oʻzbekiston Respublikasida roʻyxatdan oʻtkazilgan dori vositalarining gʻayriqonuniy nusxalarini, shuningdek muomaladagi dori vositalari va tibbiy buyumlarni ularning inson sogʻligʻiga zararli taʼsirini tasdiqlovchi faktlar aniqlangan taqdirda muomaladan chiqarish va yoʻq qilish tartibi toʻgʻrisida nizomga
2-ILOVA
2-ILOVA
|
“Tasdiqlayman” | |||||||
| Ushbu dalolatnoma 20___ yil ____________________ soat _____ da quyidagi Komissiya aʼzolari tomonidan quyidagi qoʻllash uchun yaroqsiz dori vositalari va tibbiy buyumlarning yoʻq qilinganligi haqida tuzildi. | |||||||
|
____________________________________________________________________________________________ | |||||||
| _______________________________ usulda yoʻq qilindi. | |||||||
| Yoʻq qilish joyi va sanasi _____________________________________________. Yoʻq qilishda ishtirok etganlar: | |||||||
|
_____________________________________________ |
|
______________________ | |||||
|
M.Oʻ. |
| | | | | | |
Vazirlar Mahkamasining 2017-yil 6-apreldagi 185-son qaroriga
4-ILOVA
4-ILOVA
Oʻzbekiston Respublikasi Hukumatining ayrim qarorlariga kiritilayotgan
oʻzgartirishlar
Oldingi tahrirga qarang.
(1-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 16.12.2025-y., 09/25/791/1167-son)
Oldingi tahrirga qarang.
(2-band Oʻzbekiston Respublikasi Vazirlar Mahkamasining 2017-yil 12-sentabrdagi 714-sonli qaroriga asosan oʻz kuchini yoʻqotgan — OʻR QHT, 2017-y., 37-son, 997-modda)
Oldingi tahrirga qarang.
(3-band Oʻzbekiston Respublikasi Vazirlar Mahkamasining 2019-yil 3-oktabrdagi 842-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 04.10.2019-y., 09/19/842/3868-son)
4. Vazirlar Mahkamasining 2003-yil 13-fevraldagi 75-son qarori bilan tasdiqlangan Oʻzbekiston Respublikasida chakana savdo qoidalarida (Oʻzbekiston Respublikasi QT, 2003-y., 2-son, 15-modda):
a) 145-banddagi “dori-darmon vositalari” soʻzlari “dori vositalari” soʻzlari bilan almashtirilsin;
b) XVII boʻlim nomidagi “Dori-darmonlar” soʻzlari “Dori vositalari” soʻzlari bilan almashtirilsin;
v) XVII boʻlim nomidagi va 187-banddagi “Dori-darmonlar” soʻzlari “Dori vositalari” soʻzlari bilan almashtirilsin;
g) 1875-bandning birinchi xatboshidagi “maqsadidagi” soʻzi chiqarib tashlansin;
d) 1-ilovaning 1-bandidagi “tibbiy jihozlar” va “dori-darmonlar” soʻzlari tegishli ravishda “tibbiy buyumlar” va “dori vositalari” soʻzlari bilan almashtirilsin.
5. Vazirlar Mahkamasining 2003-yil 29-oktabrdagi 472-son qarori bilan tasdiqlangan Oʻzbekiston Respublikasining giyohvandlik vositalari, psixotrop moddalar va prekursorlarga boʻlgan ehtiyojini aniqlash tartibi toʻgʻrisidagi Nizomda (Oʻzbekiston Respublikasi QT, 2003-y., 10-son, 103-modda):
a) 3-banddagi “Dori-darmon siyosati markaziga” soʻzlari “Dori vositalari va tibbiy texnika sifatini nazorat qilish bosh boshqarmasi Narkotiklarni nazorat qilish qoʻmitasiga (keyingi oʻrinlarda Narkotiklarni nazorat qilish qoʻmitasi deb ataladi)” soʻzlari bilan almashtirilsin;
b) 4-bandning birinchi xatboshidagi “Dori-darmon siyosati markaziga” soʻzlari “Narkotiklarni nazorat qilish qoʻmitasiga” soʻzlari bilan almashtirilsin;
v) 5-band quyidagi tahrirda bayon etilsin:
“5. Tibbiy maqsadlarda foydalaniladigan giyohvandlik vositalari, psixotrop moddalar va prekursorlarga boʻlgan yigʻma ehtiyoj Oʻzbekiston Respublikasi Sogʻliqni saqlash vazirligining bosh mutaxassislari tomonidan aniqlanadi, Narkotiklarni nazorat qilish qoʻmitasi tomonidan umumlashtiriladi”;
g) 6-bandda:
birinchi xatboshidagi “Oʻzbekiston Respublikasi Sogʻliqni saqlash vazirligining Dori-darmon vositalari va tibbiyot texnikasi sifatini nazorat qilish bosh boshqarmasining Giyohvandlik moddalarini nazorat qilish qoʻmitasi” soʻzlari “Narkotiklarni nazorat qilish qoʻmitasi” soʻzlari bilan almashtirilsin;
ikkinchi xatboshidagi “aylanishi” soʻzi “muomalasi” soʻzi bilan almashtirilsin;
d) 11-banddagi “Oʻzbekiston Respublikasi Sogʻliqni saqlash vazirligining Dori-darmon vositalari va tibbiyot texnikasi sifatini nazorat qilish bosh boshqarmasining” soʻzlari chiqarib tashlansin.
6. Vazirlar Mahkamasining 2009-yil 15-iyuldagi 200-son qarori bilan tasdiqlangan Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibi toʻgʻrisidagi Nizomda (Oʻzbekiston Respublikasi QT, 2009-y., 7-son, 56-modda):
a) 6-bandning ikkinchi va toʻrtinchi xatboshilardagi “tibbiyot buyumlari” soʻzlari “tibbiy buyumlar” soʻzlari bilan almashtirilsin;
b) 7-bandning toʻrtinchi xatboshidagi “dorivor vositalar va tibbiyot buyumlari” soʻzlari “dori vositalari va tibbiy buyumlar” soʻzlari bilan almashtirilsin;
v) 13-bandning toʻrtinchi xatboshi quyidagi tahrirda bayon etilsin:
“dori vositalari va tibbiy buyumlar”.
7. Vazirlar Mahkamasining 2010-yil 13-maydagi 91-son qarori bilan tasdiqlangan Farmatsevtika faoliyatini litsenziyalash tartibi toʻgʻrisidagi Nizomda (Oʻzbekiston Respublikasi QT, 2010-y., 5-son, 21-modda):
a) 3-band quyidagi tahrirda bayon etilsin:
“3. Ushbu Nizomga muvofiq litsenziyalanadigan farmatsevtika faoliyati faoliyatning quyidagi turlarini oʻz ichiga oladi:
a) dori vositalarini va tibbiy buyumlarni yaratish boʻyicha ilmiy-tadqiqot ishlarini amalga oshirish;
b) dori vositalarini va tibbiy buyumlarni ishlab chiqarish;
v) dori vositalarining va tibbiy buyumlarning sifatini nazorat qilish;
g) dori vositalarini va tibbiy buyumlarni ulgurji realizatsiya qilish;
d) dori vositalarini va tibbiy buyumlarni chakana realizatsiya qilish;
e) dori vositalarini va tibbiy buyumlarni tayyorlash;
j) dorivor oʻsimlik xom ashyosini qadoqlash va ulgurji realizatsiya qilish”;
b) 4-bandi quyidagi tahrirda bayon etilsin:
“4. Ushbu Nizom 3-bandining “a” — “e” kichik bandlarida koʻrsatilgan farmatsevtika faoliyati turlarini (turining bir qismini) amalga oshirish huquqiga litsenziyalar faqat yuridik shaxslarga beriladi, bunda, “d” va “e” kichik bandlarida koʻrsatilgan faoliyat turlarini (turining bir qismini) amalga oshirishga litsenziyalar faqat dorixonalarga beriladi.
Dori vositalarini va tibbiy buyumlarni ishlab chiqarish uchun litsenziya olish litsenziatlarga ular ishlab chiqargan dori vositalari va tibbiy buyumlarni ulgurji va dorixonalari orqali chakana realizatsiya qilish huquqini beradi.
Dori vositalarini va tibbiy buyumlarni tayyorlash uchun litsenziya olish dorixonalarga ular tayyorlagan dori vositalari va tibbiy buyumlarni chakana realizatsiya qilish huquqini beradi”;
v) 8-band quyidagi tahrirda bayon etilsin:
“8. Farmatsevtika faoliyatini amalga oshirishda litsenziat quyidagilarga majbur:
farmatsevtika faoliyati toʻgʻrisidagi qonun hujjatlariga rioya etish;
faoliyatni litsenziyada koʻrsatilgan doirada, shuningdek litsenziya bitimiga muvofiq manzil (manzillar) boʻyicha amalga oshirish;
litsenziyalanayotgan faoliyatni amalga oshirish uchun moʻljallangan, oʻziga mulk huquqi bilan yoki boshqa qonuniy asosda tegishli boʻlgan hamda sanitariya qoidalari va normalariga muvofiq binolarga ega boʻlish;
litsenziyalanadigan aniq faoliyat turini amalga oshirish uchun shart-sharoitlar yaratish, shu jumladan tegishli moddiy-texnik bazadan, asbob-uskunalardan, boshqa texnik vositalardan foydalanish;
ekologiya hamda sanitariya-gigiyena normalari va qoidalariga rioya etish;
dori vositalarini va tibbiy buyumlarni ishlab chiqaruvchilarning dori vositalari va tibbiy buyumlar sifatini nazorat qiluvchi ichki idoraviy xizmatlarga ega boʻlishi;
dori vositalarini va tibbiy buyumlarni saqlash hamda tashishni ularning xavfsizligi, sifati va but saqlanishi taʼminlanadigan sharoitlarda amalga oshirish;
dorixonalar tomonidan dori vositalarini va tibbiy buyumlarni tayyorlash, berish, realizatsiya qilish qoidalariga va ularning sifatini taʼminlovchi saqlash sharoitlariga rioya etish.
Ushbu Nizom 3-bandining “e” va “j” kichik bandlarida koʻrsatilgan faoliyatni amalga oshirishda litsenziat, shuningdek dori vositalarining sifatini nazorat qilish bilan shugʻullanuvchi vakolatli tashkilot bilan shartnoma tuzishi shart”;
g) 17-bandda:
beshinchi va oltinchi xatboshilar quyidagi tahrirda bayon etilsin:
“dorixonalar uchun — mudirning familiyasi, ismi, otasining ismi;
dori vositalarini va tibbiy buyumlarni ulgurji realizatsiya qiluvchi tashkilotlar uchun — omborxona mudirining familiyasi, ismi, otasining ismi”;
oʻn beshinchi xatboshi quyidagi tahrirda bayon etilsin:
“Filial ochilgan (yopilgan), faoliyatining turini (turining qismini) amalga oshirish manzili oʻzgargan, dorixona mudiri yoki dori vositalarini va tibbiy buyumlarni ulgurji realizatsiya qiluvchi tashkilotlarning omborxona mudiri oʻzgargan taqdirda litsenziya bitimiga oʻzgartirish yoki qoʻshimchalar kiritiladi yoxud mazkur Nizomning V1 bobida nazarda tutilgan tartibda yangi litsenziya bitimi tuziladi”;
d) 251-band quyidagi tahrirda bayon etilsin:
“251. Filial ochilgan (yopilgan), faoliyatni amalga oshirish manzili oʻzgargan, dorixona mudiri yoki dori vositalarini va tibbiy buyumlarni ulgurji realizatsiya qiluvchi tashkilotlarning omborxona mudiri oʻzgargan taqdirda litsenziat litsenziyalovchi organga litsenziya bitimiga oʻzgartirish yoki qoʻshimchalar kiritish yoxud yangi litsenziya bitimini tuzish toʻgʻrisidagi ariza bilan murojaat qiladi”;
e) 252-bandning uchinchi xatboshi quyidagi tahrirda bayon etilsin:
“dorixona mudiri yoki dori vositalarini va tibbiy buyumlarni ulgurji realizatsiya qiluvchi tashkilotlarning omborxona mudiri oʻzgargan taqdirda — yangi xodimning Oʻzbekiston Respublikasi Sogʻliqni saqlash vazirligi tomonidan belgilangan talablarga muvofiqligi haqida maʼlumot va litsenziya bitimi”.
8. Vazirlar Mahkamasining 2010-yil 22-iyuldagi 156-son qarori bilan tasdiqlangan Respublikaning qishloq tumanlarida yashaydigan homilador ayollar uchun xarid qilinadigan, tarkibida shu jumladan foli kislotasi mavjud boʻlgan umumiy quvvatlantiruvchi polivitaminlar maxsus komplekslarini xarid qilish, taqsimlash va ajratish tartibi toʻgʻrisidagi Nizomning (Oʻzbekiston Respublikasi QT, 2010-y., 7-son, 39-modda) 6-bandi birinchi xatboshi quyidagi tahrirda bayon etilsin:
“6. Tender savdolari faqat qonun hujjatlarida belgilangan tartibda roʻyxatdan oʻtkazilgan va Tibbiyot amaliyotida qoʻllanilishiga ruxsat etilgan dori vositalari, tibbiy buyumlar va tibbiy texnika davlat reyestriga kiritilgan polivitaminlar komplekslariga eʼlon qilinishi mumkin”.
9. Vazirlar Mahkamasining “Shaxslarning ayrim toifalarini imtiyozli asosda dori vositalari bilan taʼminlash tartibini yanada takomillashtirish chora-tadbirlari toʻgʻrisida” 2013-yil 22-iyuldagi 204-son qarorida (Oʻzbekiston Respublikasi QT, 2013-y., 7-son, 46-modda):
a) 2-bandning toʻrtinchi xatboshidagi “dorixona muassasalari” soʻzlari “dorixonalar” soʻzi bilan almashtirilsin;
b) 3-bandning birinchi xatboshi chiqarib tashlansin;
v) 2-ilovada:
3-banddagi “dorixona muassasalari” soʻzlari “dorixonalar” soʻzlari bilan almashtirilsin;
5 va 16-bandlardagi, 22-bandning birinchi xatboshidagi va 24-banddagi “dorixona muassasalaridan” soʻzlari “dorixonalardan” soʻzi bilan almashtirilsin;
11, 12 va 17-bandlardagi “Dorixona muassasalarini” soʻzlari “Dorixonalarni” soʻzi bilan almashtirilsin;
18-banddagi “Dorixona muassasasining” va “dorixona muassasasida” soʻzlari tegishli ravishda “Dorixonaning” va “dorixonada” soʻzlari bilan almashtirilsin;
19-banddagi “Dorixona muassasalarida” va “dorixona muassasasining” soʻzlari tegishli ravishda “Dorixonalarda” va “dorixonaning” soʻzlari bilan almashtirilsin;
21-banddagi “dorixona muassasasining” soʻzlari “dorixonaning” soʻzi bilan almashtirilsin;
26-bandning 1-xatboshidagi “dorixona muassasasi” soʻzlari “dorixona” soʻzi bilan almashtirilsin;
27-banddagi “dorixona muassasalariga” soʻzlari “dorixonalarga” soʻzi bilan almashtirilsin;
ilovadagi “dorilar” va “Dorixona muassasasining” soʻzlari tegishli ravishda “dori vositalari” va “Dorixonaning” soʻzlari bilan almashtirilsin;
g) 3-ilova oʻz kuchini yoʻqotgan deb hisoblansin.
Oldingi tahrirga qarang.
(10-band Oʻzbekiston Respublikasi Vazirlar Mahkamasining 2022-yil 25-fevraldagi 88-sonli qaroriga asosan 2022-yil 1-martdan oʻz kuchini yoʻqotadi — Qonunchilik maʼlumotlari milliy bazasi, 26.02.2022-y., 09/22/88/0165-son)
Oldingi tahrirga qarang.
(11-band Oʻzbekiston Respublikasi Prezidentining 2024-yil 16-avgustdagi PF-111-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 16.08.2024-y., 06/24/111/0623-son)
12. Vazirlar Mahkamasining “Import qilinadigan isteʼmol tovarlarining ayrim turlarini markirovka qilish va bojxonada rasmiylashtirish tartibini takomillashtirish toʻgʻrisida” 2014-yil 5-fevraldagi 22-son qarorining (Oʻzbekiston Respublikasi QT, 2014-y., 2-son, 10-modda) 2-bandida:
birinchi va ikkinchi xatboshilardagi “dori-darmonlarni” soʻzlari “dori vositalarini” soʻzlari bilan almashtirilsin;
uchinchi xatboshidagi “Dori-darmonlar” soʻzlari “Dori vositalari” soʻzlari bilan almashtirilsin.
13. Vazirlar Mahkamasining 2014-yil 15-dekabrdagi 341-son qarori bilan tasdiqlangan Voyaga yetmaganlar uchun moʻljallangan dori vositalarini reklama qilishga ruxsatnoma berish tartibi toʻgʻrisidagi Nizomda:
3-bandning ikkinchi xatboshidagi “shifokor retseptisiz” soʻzlari “retseptsiz” soʻzi bilan almashtirilsin;
9-bandning “v” kichik bandidagi “vrach retseptisiz” soʻzlari “retseptsiz” soʻzi bilan almashtirilsin;
37-banddagi “shifokor retseptisiz” soʻzlari “retseptsiz” soʻzi bilan almashtirilsin.
Vazirlar Mahkamasining 2017-yil 6-apreldagi 185-son qaroriga
5-ILOVA
5-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan baʼzi qarorlari
roʻyxati
1. Vazirlar Mahkamasining “Respublikada dori-darmonlar va tibbiy buyumlar bilan taʼminlashni va ularni taqsimlashni yaxshilashga doir kechiktirib boʻlmaydigan chora-tadbirlar toʻgʻrisida” 1994-yil 6-avgustdagi 404-son qarori.
2. Vazirlar Mahkamasining “Respublika dorixona muassasalarida dori-darmonlar va tibbiy buyumlar sotish qoidalariga oʻzgartirish va qoʻshimchalar kiritish toʻgʻrisida” 2000-yil 18-iyuldagi 276-son qarori (Oʻzbekiston Respublikasi QT, 2000-y., 7-son, 40-modda).
3. Vazirlar Mahkamasining “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida” 2002-yil 28-iyundagi 236-son qarori 2-ilovasining 2-bandi (Oʻzbekiston Respublikasi QT, 2002-y., 6-son, 36-modda).
4. Vazirlar Mahkamasining “Dori-Darmon” davlat-aksiyadorlik uyushmasini “Dori-Darmon” aksiyadorlik kompaniyasiga aylantirish toʻgʻrisida” 2005-yil 20-maydagi 131-son qarori 4-ilovasining II boʻlimi.
5. Vazirlar Mahkamasining “Respublika dorixona muassasalarida dori-darmonlar va tibbiy buyumlar sotish qoidalariga oʻzgartirishlar kiritish toʻgʻrisida” 2010-yil 16-fevraldagi 18-son qarori.
(Oʻzbekiston Respublikasi qonun hujjatlari toʻplami, 2017-y., 14-son, 228-modda, 37-son, 997-modda; Qonun hujjatlari maʼlumotlari milliy bazasi, 15.11.2017-y., 09/17/915/0259-son, 27.07.2018-y., 09/18/583/1582-son, 25.10.2018-y., 09/18/862/2097-son, 02.07.2019-y., 09/19/549/3364-son, 11.08.2019-y., 09/19/661/3571-son, 17.08.2019-y., 09/19/678/3577-son, 28.09.2019-y., 09/19/818/3828-son, 04.10.2019-y., 09/19/842/3868-son; 08.07.2020-y., 09/20/429/1039-son; Qonunchilik maʼlumotlari milliy bazasi, 20.11.2021-y., 09/21/694/1075-son, 26.02.2022-y., 09/22/88/0165-son, 21.09.2022-y., 09/22/519/0840-son, 29.09.2022-y., 09/22/541/0859-son; 27.10.2022-y., 07/22/411/0961-son; 16.08.2024-y., 06/24/111/0623-son; 30.01.2025-y., 09/25/48/0093-son; 15.02.2025-y., 09/25/67/0145-son; 22.10.2025-y., 09/25/662/0964-son; 16.12.2025-y., 09/25/791/1167-son)
