Hujjat kuchini yo‘qotgan " " 11.04.2023

Oʻzbekiston Respublikasi Vazirlar Mahkamasining

qarori

Davlat veterinariya xizmati tizimida ruxsat etish xususiyatiga ega hujjatlarni berish tartib-taomillaridan oʻtish tartibi toʻgʻrisidagi nizomlarni tasdiqlash haqida

LexUZ sharhi

Mazkur qaror Oʻzbekiston Respublikasi Vazirlar Mahkamasining 2023-yil 10-apreldagi 148-sonli “Davlat veterinariya nazorati sohasidagi ruxsat etish xususiyatiga ega ayrim hujjatlarni berish tartibi toʻgʻrisidagi normativ-huquqiy hujjatlarni tasdiqlash haqida”gi qaroriga asosan oʻz kuchini yoʻqotgan.

Oʻzbekiston Respublikasining “Veterinariya toʻgʻrisida” va “Tadbirkorlik faoliyati sohasidagi ruxsat berish tartib-taomillari toʻgʻrisida”gi qonunlariga muvofiq, davlat veterinariya xizmati tizimida ruxsat etish xususiyatiga ega hujjatlarni berishni yanada tartibga solish va soddalashtirish maqsadida Vazirlar Mahkamasi qaror qiladi:

1. Quyidagilar:

Oldingi tahrirga qarang.

(1-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 22-fevraldagi 86-sonli qaroriga asosan 2022-yil 1-martdan chiqariladi — Qonunchilik maʼlumotlari milliy bazasi, 22.02.2022-y., 09/22/86/0160-son)

Oldingi tahrirga qarang.

(1-bandning uchinchi xatboshisi Oʻzbekiston Respublikasi Vazirlar Mahkamasining 2022-yil 22-fevraldagi 86-sonli qaroriga asosan 2022-yil 1-martdan chiqariladi — Qonunchilik maʼlumotlari milliy bazasi, 22.02.2022-y., 09/22/86/0160-son)

Mahalliy va import qilinadigan veterinariya dori vositalari hamda ozuqabop qoʻshimchalarni roʻyxatdan oʻtkazish va ularga roʻyxatdan oʻtkazilganlik guvohnomasi berish tartibi toʻgʻrisidagi nizom 3-ilovaga muvofiq;

Davlat veterinariya xizmati nazoratidagi tovarlarni eksport, import qilishga hamda Oʻzbekiston Respublikasi hududi orqali tranzit qilishga ruxsatnomalar berish tartibi toʻgʻrisidagi Nizom 4-ilovaga muvofiq tasdiqlansin.

2. Vazirlar Mahkamasining 2013-yil 15-avgustdagi 225-son qarori (Oʻzbekiston Respublikasi QT, 2013-y., 8-son, 55-modda) bilan tasdiqlangan Tadbirkorlik faoliyati sohasidagi ruxsat etish xususiyatiga ega hujjatlar roʻyxatiga 5-ilovaga muvofiq oʻzgartirishlar kiritilsin.

3. Oʻzbekiston Respublikasi Qishloq va suv xoʻjaligi vazirligi manfaatdor vazirliklar va idoralar bilan birgalikda bir oy muddatda:

oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar;

tadbirkorlik faoliyati subyektlari oʻrtasida ushbu qarorning maqsadlari, mohiyati va amaliy ahamiyatini keng yoritish boʻyicha tadbirlar rejasini tasdiqlasinlar hamda uning belgilangan muddatlarda amalga oshirilishini taʼminlasinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — qishloq va suv xoʻjaligi vaziri Z.T. Mirzayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 15-mart,

139-son

Oldingi tahrirga qarang.

(1-ilova Oʻzbekiston Respublikasi Vazirlar Mahkamasining 2022-yil 22-fevraldagi 86-sonli qaroriga asosan 2022-yil 1-martdan oʻz kuchini yoʻqotadi — Qonunchilik maʼlumotlari milliy bazasi, 22.02.2022-y., 09/22/86/0160-son)

Oldingi tahrirga qarang.

(2-ilova Oʻzbekiston Respublikasi Vazirlar Mahkamasining 2022-yil 22-fevraldagi 86-sonli qaroriga asosan 2022-yil 1-martdan oʻz kuchini yoʻqotadi — Qonunchilik maʼlumotlari milliy bazasi, 22.02.2022-y., 09/22/86/0160-son)

Vazirlar Mahkamasining 2017-yil 15-martdagi 139-son qaroriga
3-ILOVA

Mahalliy va import qilinadigan veterinariya dori vositalari hamda ozuqabop qoʻshimchalarni roʻyxatdan oʻtkazish va ularga roʻyxatdan oʻtkazilganlik guvohnomasi berish tartibi toʻgʻrisida

NIZOM

1-bob. Umumiy qoidalar

1. Ushbu Nizom “Veterinariya toʻgʻrisida” va “Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi qonunlariga muvofiq ishlab chiqilgan hamda mahalliy va import qilinadigan veterinariya dori vositalari hamda ozuqabop qoʻshimchalarni (keyingi oʻrinlarda veterinariya dori vositalari hamda ozuqabop qoʻshimchalar deb ataladi) roʻyxatdan oʻtkazish va veterinariya dori vositalari hamda ozuqabop qoʻshimchalarga roʻyxatdan oʻtkazilganlik guvohnomasi berish tartibini belgilaydi.

2. Veterinariya dori vositalari va ozuqabop qoʻshimchalarni roʻyxatdan oʻtkazish hamda roʻyxatdan oʻtkazganlik guvohnomasi berish ushbu Nizomning 1-ilovasiga muvofiq sxema va shakl boʻyicha amalga oshiriladi.

3. Roʻyxatdan oʻtkazilganlik guvohnomasi arizachiga ushbu Nizomning 2-ilovasiga muvofiq shakl boʻyicha 5 yil muddatga beriladi.

Roʻyxatdan oʻtkazilganlik guvohnomasi veterinariya dori vositalari va ozuqabop qoʻshimchalarni sotib olish majburiyatini yuklamaydi va sifat sertifikati hisoblanmaydi.

4. Ushbu Nizomda quyidagi asosiy tushunchalar qoʻllaniladi:

arizachi — veterinariya dori vositalari va ozuqabop qoʻshimchalarni roʻyxatdan oʻtkazish hamda roʻyxatdan oʻtkazilganlik guvohnomasi olish maqsadida vakolatli organga murojaat etuvchi tadbirkorlik subyekti (yuridik shaxs yoki yuridik shaxs maqomiga ega boʻlmagan yakka tartibdagi tadbirkor);

vakolatli organ — arizachining arizasini koʻrib chiqish, veterinariya dori vositalari va ozuqabop qoʻshimchalarni roʻyxatdan oʻtkazish hamda roʻyxatdan oʻtkazilganlik guvohnomasi berilishini taʼminlovchi Oʻzbekiston Respublikasi Veterinariya va chorvachilikni rivojlantirish davlat qoʻmitasi huzuridagi Veterinariya dori vositalari, ozuqabop qoʻshimchalar sifati va muomalasi nazorati boʻyicha Davlat ilmiy markazi;

(4-bandning uchinchi xatboshisi Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

roʻyxatdan oʻtkazilganlik guvohnomasi — veterinariya dori vositalari va ozuqabop qoʻshimchalarni ishlab chiqarish, sotish, qoʻllash va Oʻzbekiston Respublikasi hududiga import qilish huquqini beruvchi hujjat.

5. Roʻyxatdan oʻtkazilganlik guvohnomasiga ega boʻlmagan veterinariya dori vositalari va ozuqabop qoʻshimchalarni ishlab chiqarish, sotish, qoʻllash va Oʻzbekiston Respublikasi hududiga import qilishga yoʻl qoʻyilmaydi

6. Ushbu Nizom 5-bandining talablari quyidagi maqsadlarda olib kelinayotgan veterinariya dori vositalari va ozuqabop qoʻshimchalarga tatbiq etilmaydi:

— ekspertizadan oʻtkazish uchun sinov partiyalari va namunalari sifatida;

— koʻrgazmalar, aprobatsiya va sinovlar oʻtkazish doirasida;

— hayvonlarning oʻta xavfli kasalliklari boʻyicha favqulodda holatlar yuzaga kelganda budjet tashkilotlarining talabiga koʻra keltiriladigan.

2-bob. Ruxsat etuvchi talablar va shartlar

7. Quyidagilar veterinariya dori vositalari va ozuqabop qoʻshimchalarni ishlab chiqarish, sotish, qoʻllash va Oʻzbekiston Respublikasi hududiga import qilishda ruxsat etuvchi talab va shartlar hisoblanadi:

arizachi tomonidan veterinariya qonunchiligiga, veterinariya dori vositalari va ozuqabop qoʻshimchalarni roʻyxatga olish hujjatlaridagi maʼlumotlarda havola qilingan meʼyoriy-texnik hujjatlarga soʻzsiz rioya etish;

roʻyxatdan oʻtkazilganlik guvohnomasi amal qilish davrida roʻyxatdan oʻtkazilganlik guvohnomasi egasi tomonidan roʻyxatdan oʻtkazish hujjatlariga oʻzgartirish yoki qoʻshimchalar kiritish toʻgʻrisida, mazkur oʻzgartirishlar kiritilishining sabablari, veterinariya dori vositalari va ozuqabop qoʻshimchalarning samaradorligi, xavfsizligi, sifat koʻrsatkichlariga taʼsiri haqida toʻliq maʼlumotlar keltirgan holda vakolatli organni xabardor qilish;

respublika hududidagi biologik xavfsizlikni taʼminlash maqsadida veterinariya dori vositalari va ozuqabop qoʻshimchalarni ishlab chiqarish sharoitlarini oʻrganish boʻyicha Oʻzbekiston Respublikasi Veterinariya va chorvachilikni rivojlantirish davlat qoʻmitasi huzuridagi Markaziy rejim komissiyasining xulosasiga muvofiq veterinariya dori vositalari va ozuqabop qoʻshimchalar ishlab chiqarishni amalga oshirish;

(7-bandning toʻrtinchi xatboshisi Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

roʻyxatdan oʻtkazish hujjatlaridagi kamchiliklarni oʻz vaqtida bartaraf etish.

3-bob. Roʻyxatdan oʻtkazilganlik guvohnomasi olish uchun zarur boʻlgan hujjatlar va namunalar

8. Roʻyxatdan oʻtkazilganlik guvohnomasini olish uchun arizachi (yoki uning nomidan harakat qiluvchi ishonchli vakil) vakolatli organga mazkur Nizomga 3-ilovaga muvofiq shaklda ariza taqdim etib, unga mazkur Nizomga 4-ilovaga muvofiq veterinariya dori vositalari va ozuqabop qoʻshimchalarni roʻyxatdan oʻtkazish uchun talab etiladigan hujjatlar va namunalarni ilova qiladi.

(8-band Oʻzbekiston Respublikasi Vazirlar Mahkamasining 2019-yil 18-sentabrdagi 787-sonli qarori tahririda — Qonun hujjatlari maʼlumotlari milliy bazasi, 19.09.2019-y., 09/19/787/3770-son)

9. Tadbirkorlik subyektidan ushbu Nizomning 8-bandida nazarda tutilmagan hujjatlar va namunalarni taqdim etishni talab qilishga yoʻl qoʻyilmaydi.

10. Roʻyxatdan oʻtkazilganlik guvohnomasi olish uchun zarur boʻlgan hujjatlar arizachi tomonidan vakolatli organga bevosita, pochta aloqa vositalari orqali yoki elektron shaklda, ular olinganligi haqida xabardor qilingan holda taqdim etiladi. Elektron shaklda taqdim etilgan hujjatlar arizachining elektron raqamli imzosi bilan tasdiqlanadi.

Bunda veterinariya dori vositalari va ozuqabop qoʻshimchalarni roʻyxatdan oʻtkazish uchun zarur namunalar bevosita yoki pochta aloqa vositasi orqali taqdim etiladi.

11. Roʻyxatdan oʻtkazilganlik guvohnomasini olish uchun vakolatli organga taqdim etilgan hujjatlar belgilangan tartibda roʻyxat boʻyicha qabul qilinadi, hujjatlarning qabul qilingan sanasi koʻrsatilgan holda darhol arizachiga beriladi (yuboriladi).

12. Arizachiga roʻyxatdan oʻtkazilganlik guvohnomasini berish uchun davlat boshqa organlarida mavjud boʻlgan hujjat va maʼlumotlar talab etilgan holatlarda, “yagona darcha” tamoyili boʻyicha soddalashtirilgan tartibdagi soʻrov joʻnatilib, vakolatli organ ushbu hujjatlarni arizachi ishtirokisiz qabul qilib oladi.

13. Roʻyxatdan oʻtkazilganlik guvohnomasini olish uchun taqdim etilgan hujjatlardagi maxfiy maʼlumotlar vakolatli organ tomonidan oshkor qilinmasligi lozim.

4-bob. Veterinariya dori vositalari va ozuqabop qoʻshimchalarga roʻyxatdan oʻtkazilganlik guvohnomasi berish toʻgʻrisidagi arizani koʻrib chiqish. Roʻyxatdan oʻtkazilganlik guvohnomasini berish

14. Vakolatli organ mazkur Nizomning 8-bandiga muvofiq hujjatlar qabul qilib olingandan soʻng uch kun muddatda arizachi tomonidan taqdim etilgan hujjatlarning toʻliqligini koʻrib chiqadi, talab etiladigan hujjatlar toʻliq boʻlmagan taqdirda bartaraf etish uchun arizachiga qaytaradi.

(14-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

15. Vakolatli organ arizachi tomonidan hujjatlar toʻliq taqdim etilib, tegishli toʻlovlar amalga oshirilganidan soʻng oʻttiz ish kunidan oshmagan muddatda quyidagilarni amalga oshiradi:

(15-bandning birinchi xatboshisi Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

veterinariya dori vositalari va ozuqabop qoʻshimchalarni roʻyxatdan oʻtkazish uchun taqdim etilgan hujjatlarni ekspertizadan oʻtkazish;

veterinariya dori vositalari va ozuqabop qoʻshimchalarni ishlab chiqarish sharoitlari, ishlab chiqaruvchi korxonaning ishlab chiqarishni tashkil etish va sifat nazoratini olib borish qoidalari talablariga muvofiqligini baholash;

(15-bandning uchinchi xatboshisi Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

veterinariya dori vositalari va ozuqabop qoʻshimchalarning laboratoriya sinovlari va tahlillarini oʻtkazish;

veterinariya dori vositalari va ozuqabop qoʻshimchalarning taʼsirchanligi, zararsizligi va sifatini tahlil qilish;

veterinariya dori vositalari va ozuqabop qoʻshimchalar namunalarini texnik jihatdan tartibga solish sohasidagi normativ hujjatlarga, sifat koʻrsatkichlari hamda tavsiya etilgan sinov usullari oʻtkazilishiga muvofiqligini oʻrganish.

Bunda veterinariya dori vositalari va ozuqabop qoʻshimchalarni aprobatsiya qilish va sinash ishlari vakolatli organ tomonidan tasdiqlangan va arizachi bilan kelishilgan sinovlar dasturiga muvofiq amalga oshiriladi.

Oldingi tahrirga qarang.

(15-bandning sakkizinchi xatboshisi Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qaroriga asosan chiqarilgan — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

16. Vakolatli organ mazkur Nizomning 8-bandiga muvofiq hujjatlar qabul qilib olingandan soʻng oʻttiz ish kunidan kechiktirmay, Veterinariya va chorvachilikni rivojlantirish davlat qoʻmitasi huzuridagi Ilmiy-texnik kengashga xulosalar takdim qiladi. Ilmiy-texnik kengash roʻyxatdan oʻtkazganlik guvohnomasi berish yoki berishning rad etilganligi toʻgʻrisida qaror qabul qiladi.

(16-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

17. Vakolatli organ tegishli qaror qabul qilingandan boshlab bir ish kunidan kechiktirmagan holda roʻyxatdan oʻtkazilganlik guvohnomasini yuboradi (topshiradi) yoki roʻyxatdan oʻtkazilganlik guvohnomasini berishni rad etish toʻgʻrisida arizachini yozma ravishda xabardor qiladi.

18. Mahalliy ishlab chiqaruvchilardan roʻyxatdan oʻtkazilganlik guvohnomasini olish, amal qilish muddatini uzaytirish, qayta rasmiylashtirish, oʻzgartirish va qoʻshimchalar kiritish boʻyicha arizani koʻrib chiqish, shuningdek, ushbu Nizomning 15-bandida nazarda tutilgan ishlarning bajarilishi uchun bazaviy hisoblash miqdorining 10 barobari miqdorida yigʻim undiriladi.

Yigʻim summasi vakolatli organ hisob raqamiga oʻtkaziladi.

Arizachi roʻyxatdan oʻtkazilganlik guvohnomasi olish uchun taqdim etilgan arizasidan yoki guvohnoma berish rad etilganda toʻlangan yigʻim qaytarib berilmaydi.

Roʻyxatdan oʻtkazilganlik guvohnomasi berish, uni oʻzgartirish va qoʻshimchalar kiritish, dublikat berish, amal qilish muddatini uzaytirish, qayta rasmiylashtirish uchun xorijiy ishlab chiqaruvchi (yoki uning nomidan harakat qiluvchi vakili) tomonidan taqdim etilgan arizaning koʻrib chiqilishi uchun undiriladigan yigʻim miqdori Oʻzbekiston Respublikasi Veterinariya va chorvachilikni rivojlantirish davlat qoʻmitasi tomonidan vakolatli organida yuqoridagi ishlarni amalga oshirish uchun sarflangan xarajatlar miqdoridan kelib chiqqan holda belgilanadi.

(18-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

19. Roʻyxatdan oʻtkazilganlik guvohnomasi berish uchun bazaviy hisoblash miqdorining bir barobari miqdorida yigʻim undiriladi.

(19-bandning birinchi xatboshisi Oʻzbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari maʼlumotlari milliy bazasi, 29.12.2019-y., 09/19/1046/4242-son)

Undirilgan yigʻim summasi vakolatli organ hisob raqamiga oʻtkaziladi.

20. Quyidagilar roʻyxatdan oʻtkazilganlik guvohnomasi berishni rad etish uchun asos hisoblanadi:

arizachi tomonidan ushbu Nizomning 8-bandida koʻrsatilgan hujjatlar toʻliq hajmda taqdim etilmaganda;

arizachi tomonidan taqdim etilgan hujjatlarda ishonchsiz yoki buzib koʻrsatilgan maʼlumotlar mavjud boʻlganda;

arizachi ruxsat etuvchi talablar va shartlarga muvofiq boʻlmaganda;

veterinariya dori vositalari va ozuqabop qoʻshimchalarni roʻyxatdan oʻtkazish hujjatlarini ekspertizadan oʻtkazishda, shuningdek aprobatsiya va sinov natijalarining yakunlari boʻyicha asoslantirilgan salbiy xulosalar olinganda.

21. Boshqa asoslanmagan sabablarga, shu jumladan maqsadga nomuvofiqligiga koʻra roʻyxatdan oʻtkazilganlik guvohnomasi berishni rad etishga yoʻl qoʻyilmaydi.

22. Roʻyxatdan oʻtkazilganlik guvohnomasi berishni rad etish toʻgʻrisida qaror qabul qilinganda rad etilganligi haqidagi xabarnoma arizachiga rad etish sabablari, qonun hujjatlarining aniq normalari va arizachi mazkur sabablarni bartaraf etib, hujjatlarni takroran koʻrib chiqish uchun taqdim etishi mumkin boʻlgan muddat koʻrsatilgan holda yozma shaklda, shu jumladan axborot tizimi orqali elektron shaklda yuboriladi (topshiriladi).

Arizachi roʻyxatdan oʻtkazilganlik guvohnomasi berish rad etilganligi sabablarini bartaraf etish va hujjatlarni takroran koʻrib chiqishga haqli boʻlgan muddat rad etish haqidagi yozma yoki elektron xabar olingan kundan eʼtiboran oʻn ish kunidan kam boʻlishi mumkin emas.

23. Arizachi tomonidan roʻyxatdan oʻtkazilganlik guvohnomasi berishni rad etish uchun asos boʻlgan sabablar belgilangan muddatda bartaraf etilgan holatlarda, vakolatli organ tomonidan hujjatlarni qayta koʻrib chiqish, roʻyxatdan oʻtkazilganlik guvohnomasi berish yoki uni berishni rad etish toʻgʻrisida qaror qabul qilish arizachining arizasi va rad etish sabablari bartaraf qilinganligini tasdiqlovchi hujjatlar taqdim etilgandan soʻng oʻn ish kunidan koʻp boʻlmagan muddatda amalga oshiriladi.

Arizachining arizasini qayta koʻrib chiqish uchun yigʻim undirilmaydi.

24. Hujjatlarni takroran koʻrib chiqishda vakolatli organ tomonidan arizachiga ilgari yozma shaklda, shu jumladan axborot tizimi orqali elektron shaklda bayon qilinmagan rad etish sabablarini keltirishga yoʻl qoʻyilmaydi, ilgari koʻrsatilgan sabablar bartaraf etilganligini tasdiqlovchi hujjatlar bilan bogʻliq rad etish sabablari keltirilishi bundan mustasno.

25. Roʻyxatdan oʻtkazilganlik guvohnomasi berish rad etilganligi haqidagi xabarnomada koʻrsatilgan muddat oʻtgandan soʻng arizachi tomonidan topshirilgan ariza yangidan topshirilgan hisoblanadi va vakolatli organ tomonidan umumiy asoslarda koʻrib chiqiladi.

26. Arizachi roʻyxatdan oʻtkazilganlik guvohnomasi berishning rad etilishi, shuningdek vakolatli organ mansabdor shaxsining harakati (yoki harakatsizligi) yuzasidan belgilangan tartibda shikoyat qilish huquqiga ega.

5-bob. Roʻyxatdan oʻtkazilganlik guvohnomasining amal qilish muddatini uzaytirish

27. Roʻyxatdan oʻtkazilganlik guvohnomasining amal qilish muddati tugagach, arizachining arizasiga koʻra uning muddati uzaytirilishi mumkin.

28. Roʻyxatdan oʻtkazilganlik guvohnomasining muddatini uzaytirish toʻgʻrisidagi ariza vakolatli organga roʻyxatdan oʻtkazilganlik guvohnomasining amal qilish muddati tugashiga 90 kun qolganda topshirilishi kerak.

29. Roʻyxatdan oʻtkazilganlik guvohnomasining muddatini uzaytirish roʻyxatdan oʻtkazilganlik guvohnomasini berish tartibiga muvofiq amalga oshiriladi.

6-bob. Roʻyxatdan oʻtkazilganlik guvohnomasini qayta rasmiylashtirish va dublikat berish

30. Arizachi — yuridik shaxs oʻzgartirilganda, uning nomi yoki joylashgan joyi (pochta manzili) oʻzgargan taqdirda, arizachi yoxud uning huquqiy vorisi qayta roʻyxatdan oʻtgandan keyin yetti ish kuni mobaynida vakolatli organga roʻyxatdan oʻtkazilganlik guvohnomasini qayta rasmiylashtirish toʻgʻrisidagi arizada koʻrsatilgan maʼlumotlarni tasdiqlovchi hujjatlarni ilova qilgan holda topshirishi shart.

31. Jismoniy shaxs boʻlgan arizachining unga davlat roʻyxatidan oʻtkazilganligi haqida berilgan guvohnomada koʻrsatilgan familiyasi, ismi, otasining ismi yoki faoliyat koʻrsatadigan joyi oʻzgargan taqdirda, arizachi qayta roʻyxatdan oʻtgandan keyin yetti ish kuni mobaynida vakolatli organga roʻyxatdan oʻtkazilganlik guvohnomasini qayta rasmiylashtirish toʻgʻrisidagi arizani tegishli hujjatlarni ilova qilgan holda topshirishi shart.

31¹. Yangidan vujudga kelgan yuridik shaxsni davlat roʻyxatidan oʻtkazish sanasida roʻyxatdan oʻtkazilganlik guvohnomasi ega boʻlgan ariza beruvchi yuridik shaxslar qoʻshib yuborilgan taqdirda, roʻyxatdan oʻtkazilganlik guvohnomasi ushbu Nizomning 30-bandida nazarda tutilgan tartibda qayta rasmiylashtirishga yoʻl qoʻyiladi.

31². Roʻyxatdan oʻtkazilganlik guvohnomasidagi mavjud maʼlumotlar mazkur Nizomning 30, 31 va 31¹-bandlarida nazarda tutilmagan hollarda oʻzgartirilgan taqdirda, roʻyxatdan oʻtkazilganlik guvohnomasi ariza beruvchining tegishli hujjatlar ilova qilingan arizasi boʻyicha qayta rasmiylashtiriladi.

(31¹ va 31²-bandlar Oʻzbekiston Respublikasi Vazirlar Mahkamasining 2018-yil 29-oktabrdagi 884-sonli qaroriga asosan kiritilgan — Qonun hujjatlari maʼlumotlari milliy bazasi, 30.10.2018-y., 09/18/884/2128-son)

32. Hujjatlar arizachi tomonidan vakolatli organga bevosita, pochta aloqa vositasi orqali yoki elektron shaklda, ular olinganligi haqida xabardor qilingan holda taqdim etiladi. Elektron shaklda taqdim etilgan hujjatlar arizachining elektron raqamli imzosi bilan tasdiqlanadi.

33. Roʻyxatdan oʻtkazilganlik guvohnomasi qayta rasmiylashtirilgunga qadar, arizachi yoki uning huquqiy vorisi (merosxoʻri) roʻyxatdan oʻtkazilganlik guvohnomasini qayta rasmiylashtirish toʻgʻrisida berilgan, qabul qilib olingan sanasi haqida vakolatli organning belgisi qoʻyilgan ariza asosida unda koʻrsatilgan harakatni va (yoki) faoliyat turini bajaradi yoki amalga oshiradi.

34. Roʻyxatdan oʻtkazilganlik guvohnomasi qayta rasmiylashtirilganda vakolatli organ berilgan roʻyxatdan oʻtkazilganlik guvohnomalari reyestriga tegishli oʻzgartirishlar kiritadi.

Roʻyxatdan oʻtkazilganlik guvohnomasini qayta rasmiylashtirish va berish vakolatli organ tomonidan ariza va tegishli hujjatlar qabul qilingandan soʻng uch ish kunidan oshmagan muddatda amalga oshiriladi.

35. Arizachidan ushbu Nizomning 30 va 31-bandlarida koʻzda tutilmagan hujjatlarni taqdim etishning talab qilinishiga yoʻl qoʻyilmaydi.

36. Roʻyxatdan oʻtkazilganlik guvohnomasi yoʻqolgan yoki yaroqsiz holga kelgan taqdirda arizachining arizasiga asosan uning dublikati beriladi.

Vakolatli organ arizachidan ariza qabul qilib olingan kundan boshlab uch ish kunidan koʻp boʻlmagan muddatda roʻyxatdan oʻtkazilganlik guvohnomasining dublikatini, shuningdek yaroqsiz holdagi roʻyxatdan oʻtkazilganlik guvohnomasining asl nusxasini beradi (yuboradi).

37. Roʻyxatdan oʻtkazilganlik guvohnomasini qayta rasmiylashtirish, roʻyxatdan oʻtkazilganlik guvohnomasining dublikatini berish toʻgʻrisidagi arizani koʻrib chiqish uchun yigʻimlar undirilmaydi.

7-bob. Roʻyxatdan oʻtkazilganlik guvohnomasining amal qilishini toʻxtatib turish, toʻxtatish va uni bekor qilish

38. Roʻyxatdan oʻtkazilganlik guvohnomasining amal qilishini toʻxtatib turish (tiklash), toʻxtatish va uni bekor qilish “Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi Qonunining 22, 23 va 25-moddalarida nazarda tutilgan holatlarda va tartibda amalga oshiriladi.

39. Roʻyxatdan oʻtkazilganlik guvohnomasining amal qilishini belgilangan tartibda toʻxtatish uchun asos boʻladigan ruxsat berish talablari va shartlarini bir marotaba qoʻpol ravishda buzilishiga roʻyxatdan oʻtkazilganlik guvohnomasi amal qilishi natijasida odamlar yoki hayvonlar hayoti hamda sogʻligʻiga zarar yetkazish yoxud zarar yetkazilishining real xavfini paydo qilish kiradi.

8-bob. Berilgan roʻyxatdan oʻtkazilganlik guvohnomalari reyestri

40. Vakolatli organ berilgan roʻyxatdan oʻtkazilganlik guvohnomalari reyestrini yuritadi va uni oʻz rasmiy veb-saytida joylashtiradi.

41. Berilgan roʻyxatdan oʻtkazilganlik guvohnomalari reyestrida quyidagi asosiy maʼlumotlar koʻrsatiladi:

arizachilar toʻgʻrisida (arizachi — yuridik shaxslarning nomi, ularning tashkiliy-huquqiy shakli, joylashgan joyi (pochta manzili), telefoni; arizachi — jismoniy shaxslarning telefoni, familiyasi, ismi, otasining ismi, pasporti maʼlumotlari, pochta manzili, telefoni);

veterinariya dori vositasi va ozuqabop qoʻshimchaning nomi, ularning chiqarilish shakli, farmakoterapevtik guruhi va taʼsir etuvchi moddasi;

veterinariya dori vositalari va ozuqabop qoʻshimchalarni ishlab chiqaruvchi mamlakat va ishlab chiqaruvchi nomi;

roʻyxatdan oʻtkazilganlik guvohnomasining berilgan sanasi va tartib raqami;

roʻyxatdan oʻtkazilganlik guvohnomasini qayta rasmiylashtirish, uning amal qilishini toʻxtatib turish va amal qilishini tiklash, amal qilish muddatini uzaytirishning asoslari va sanasi;

roʻyxatdan oʻtkazilganlik guvohnomasining amal qilishini toʻxtatishning asoslari va sanasi;

roʻyxatdan oʻtkazilganlik guvohnomasi dublikatlarini berishning asoslari va sanasi;

roʻyxatdan oʻtkazilganlik guvohnomasini bekor qilishning asoslari va sanasi.

42. Berilgan roʻyxatdan oʻtkazilganlik guvohnomalari reyestridagi maʼlumotlar tanishib chiqish uchun ochiq hisoblanadi.

9-bob. Yakunlovchi qoida

43. Ushbu Nizom talablari buzilishida aybdor boʻlgan shaxslar qonunchilikka muvofiq javob beradilar.

Mahalliy va import qilinadigan veterinariya dori vositalari hamda ozuqabop qoʻshimchalarni roʻyxatdan oʻtkazish va ularga roʻyxatdan oʻtkazilganlik guvohnomasi berish

SXEMASI

Bosqichlar	Subyektlar	Tadbirlar	Bajarish muddati
I bosqich	Arizachi	1. Ushbu Nizomning 8-bandiga asosan veterinariya dori vositalari va ozuqabop qoʻshimchalarni roʻyxatdan oʻtkazish uchun zarur hujjatlarni tayyorlaydi. 2. Vakolatli organga hujjatlarni bevosita, pochta aloqa vositasi orqali yoki elektron shaklda, ular olinganligi haqida xabardor qilingan holda taqdim etadi. Elektron shaklda taqdim etilgan hujjatlar arizachining elektron raqamli imzosi bilan tasdiqlanadi.	Arizachining xohishiga koʻra
II bosqich	Vakolatli organ	Taqdim etilgan hujjatlar belgilangan tartibda roʻyxat boʻyicha qabul qilinadi, roʻyxat nusxasi hujjatlarning qabul qilingan sanasi koʻrsatilgan holda vakolatli organ tomonidan darhol arizachiga beriladi (yuboriladi).	Hujjatlar qabul qilingandan keyin 3 kun muddatda
III bosqich	Vakolatli organ. Ilmiy-texnik kengash	Hujjatlarni koʻrib chiqadi, Nizomning 15 va 16-bandlarida koʻrsatilgan ishlarni amalga oshiradi va shu asosda xulosa tayyorlaydi: 1. Veterinariya dori vositalari va ozuqabop qoʻshimchalarning roʻyxatdan oʻtkazilganlik guvohnomasini berish yoki uni rad etish. 2. Veterinariya dori vositalari va ozuqabop qoʻshimchalarning roʻyxatga olish boʻyicha sinov ishlarini oʻtkazish. 3. Veterinariya dori vositalari va ozuqabop qoʻshimchalarni sinash natijalari boʻyicha xulosa berish.	Hujjatlar qabul qili�gan sanadan boshlab oʻttiz ish kuni mobaynida Sinovlar dasturiga muvofiq muddatlarda
IV bosqich	Vakolatli organ	Arizachiga roʻyxatdan oʻtkazilganlik guvohnomasini beradi (yuboradi) yoki roʻyxatdan oʻtkazilganlik guvohnomasi berilishini rad etish toʻgʻrisida arizachini yozma shaklda xabardor qiladi.	Tegishli qaror qabul qilingandan keyin bir ish kunidan kechiktirmay

(1-ilovaning matni Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

‎

Oʻzbekiston Respublikasi
‎Veterinariya va chorvachilikni rivojlantirish davlat qoʻmitasi huzuridagi
‎Veterinariya dori vositalari, ozuqabop qoʻshimchalar sifati va muomalasi nazorati boʻyicha
‎Davlat ilmiy markazi

‎ROʻYXATGA OLISh GUVOHNOMASI № 000-000

Ushbu guvohnoma _____________________________________________________________________ ga shu haqda berildiki,

(tadbirkorlik subyekti nomi)

mahalliy va import qilinadigan veterinariya dori vositalari hamda ozuqabop qoʻshimchalarni roʻyxatdan oʻtkazish va ularga roʻyxatdan oʻtkazilganlik guvohnomasini berish tartibi toʻgʻrisidagi nizomga muvofiq:

_______________________________________________________________________________________________________

(veterinariya dori vositasi yoki ozuqabop qoʻshimchaning nomi)

_______________________________________________________________________________________________________
‎_______________________________________________________________________________________________________

(ishlab chiqaruvchining nomi)

shaklida _______________________________________________________________________________________________

maqsadida qoʻllash uchun ___________________________________________________________________________________.

№ VP-0000-00 raqami bilan reyestrga kiritildi.

‎

20___ yil “___” _____________ da

‎

5 yil muddatga.

‎

Ushbu guvohnoma mazkur veterinariya dori vositalari yoki ozuqabop qoʻshimchalarni sotib olish uchun majburiyat, shuningdek, sifat sertifikati hisoblanmaydi.

_______________________________________________________________________________________________________

(Vakolatli organ rahbarining F.I.O., imzosi va muhri)

‎

(2-ilovaning matni Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

‎	‎	‎	‎	Oʻzbekiston Respublikasi Veterinariya va chorvachilikni rivojlantirish davlat qoʻmitasi huzuridagi Veterinariya dori vositalari, ozuqabop qoʻshimchalar sifati va muomalasi nazorati boʻyicha Davlat ilmiy markazi direktoriga ‎ _____________________________ ‎
Ariza ‎
Oʻzbekiston Respublikasida veterinariya dori vositalari, ozuqabop qoʻshimchalarni roʻyxatdan oʻtkazishingizni soʻrayman: ________________________________________________________________________
1.‎	Arizachi _______________________________________________________
‎	‎	‎‎(yuridik (jismoniy) shaxs)
2.‎	‎‎Arizachining manzili, tel., faksi va b. q. _____________________________ _______________________________________________________________
3.‎	‎‎Arizachining vakili ______________________________________________
‎	‎	(yuridik (jismoniy) shaxsning manzili, telefoni, faksi)
4.‎	Dori vositasi/ozuqabop qoʻshimcha toʻgʻrisida maʼlumotlar:
4.1.‎	‎‎Umumiy qabul qilingan nomi
4.2.‎	Savdodagi nomi _________________________________________________
4.3.‎	‎‎Tarkibi _______________________________________________________
4.4.‎	‎‎Dori shakli _____________________________________________________
4.5.‎	‎‎Qoʻllanishi______________________________________________________
4.6.‎	Patent (mualliflik guvohnomasi) mavjudligi, uning tartib raqami _______ ‎_______________________________________________________________
4.7.‎	Tayyorlovchi _____________________________________________________
‎	‎	(yuridik (jismoniy) shaxs, manzili, telefoni, faksi)
4.8.‎	Ishlab chiqaruvchi ________________________________________________
‎	‎	(yuridik (jismoniy) shaxs, manzili, telefoni, faksi)
Arizachi veterinariya dori vositasi yoki ozuqabop qoʻshimchani ekspertiza qilish va roʻyxatga olish, zarur hollarda sinov ishlari haqini toʻlash kafolatini beradi.
‎	Zarur hujjatlar toʻplami va sinash uchun namunalar ilova qilinadi.
‎	Ariza berildi		20 ___ yil “___” _____________‎				‎
‎	Arizachining imzosi		‎‎___________________________________________
‎	‎	‎	(familiyasi, ismi, otasining ismi, lavozimi)
‎	Muhr ‎(mavjud boʻlganda)		‎	‎	‎	‎	‎

(3-ilova Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

Mahalliy va import qilinadigan veterinariya dori vositalari hamda ozuqabop qoʻshimchalarni roʻyxatdan oʻtkazish va ularga roʻyxatdan oʻtkazilganlik guvohnomasi berish uchun talab etiladigan hujjatlar

ROʻYXATI

1. Veterinariya dori vositalari va ozuqabop qoʻshimchalar tarkibiga kiruvchi komponentlarning nomi va miqdori koʻrsatilgan roʻyxat.

Oldingi tahrirga qarang.

(2-band Oʻzbekiston Respublikasi Vazirlar Mahkamasining 2019-yil 18-sentabrdagi 787-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 19.09.2019-y., 09/19/787/3770-son)

Oldingi tahrirga qarang.

(3-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

4. Veterinariya dori vositalari va ozuqabop qoʻshimchalarning sifat koʻrsatkichlarini texnik talablar asosida nazorat qilish usullari, tegishli xalqaro yoki davlat farmakopeya maqolalari matnlari.

5. Veterinariya dori vositalari va ozuqabop qoʻshimchalarni qoʻllash boʻyicha yoʻriqnomalar (qoʻllanmalar) yoki ularning loyihalari.

6. Veterinariya dori vositalari va ozuqabop qoʻshimchalarning sifat yoki muvofiqlik sertifikati.

7. Veterinariya dori vositalari va ozuqabop qoʻshimchalarning ishlab chiqarilishi boʻyicha maʼlumotlar (tayyorlash boʻyicha texnologik yoʻriqnoma yoki reglament, blok-sxemalar).

8. Veterinariya dori vositalari va ozuqabop qoʻshimchalarning taʼsir qilish samaradorligi, zararsizligi va sifat barqarorligi boʻyicha maʼlumotlar.

9. Veterinariya biologik preparatlarining samaradorligi, immunogenligi, zararsizligi, virulentligi va ularni tayyorlashda ishlatiladigan mikroorganizmlar shtammlari (viruslar, bakteriyalar, zamburugʻlar va boshqalar) boʻyicha asoslovchi maʼlumotlar.

10. Veterinariya dori vositalari va ozuqabop qoʻshimchalarning texnik jihatdan tartibga solish sohasidagi hujjatlarida koʻrsatilgan sinash uchun yetarli hajmdagi namunalari hamda ularning faol taʼsir etuvchi moddalari (substansiyalar), test-tizimlar, diagnostik toʻplamlar;

Oldingi tahrirga qarang.

(11-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

Vazirlar Mahkamasining 2017-yil 15-martdagi 139-son qaroriga
4-ILOVA

Davlat veterinariya xizmati nazorati ostidagi tovarlarni eksport, import qilishga hamda va Oʻzbekiston Respublikasi hududi orqali tranzit qilishga ruxsatnoma berish tartibi toʻgʻrisida

NIZOM

1-bob. Umumiy qoidalar

1. Ushbu Nizom “Veterinariya toʻgʻrisida” va “Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi qonunlariga muvofiq ishlab chiqilgan hamda barcha turdagi transportda — avtomobil, temir yoʻl, suv va havo transportida tashiladigan, davlat veterinariya xizmati nazoratidagi (keyingi oʻrinlarda nazoratdagi tovarlar deb ataladi) tovarlarni eksport, import qilishga va Oʻzbekiston Respublikasi hududi orqali tranzit boʻyicha oʻtkazishga, shuningdek jismoniy shaxslarning qoʻl va bagaj yuklariga yoki pochta joʻnatmalariga ruxsatnoma berish tartibini belgilaydi.

2. Ushbu Nizom mazkur Nizomga 1-ilovada* keltirilgan davlat veterinariya xizmati nazoratidagi tovarlarni eksport, import qilish va Oʻzbekiston Respublikasi hududi orqali tranzit boʻyicha tashishga ruxsatnoma berishga nisbatan qoʻllaniladi.

3. Davlat veterinariya xizmati nazoratidagi tovarlarni eksport, import qilish va Oʻzbekiston Respublikasi hududi orqali tranzit qilinishiga ruxsatnoma berish, shuningdek veterinariya sertifikatlari (guvohnomalari)ni rasmiylashtirish ushbu Nizomning 2, 2a, 2b, 2v, 2g-ilovalariga muvofiq sxemaga binoan amalga oshiriladi.

4. Nazoratdagi tovarlarni epizootik jihatdan maqbul boʻlgan boshqa davlatlardan eksport, import qilishga va Oʻzbekiston Respublikasi hududi orqali tranzit qilishga veterinariya, veterinariya-sanitariya qoidalari va normalariga rioya etilgan holda yoʻl qoʻyiladi.

5. Nazoratdagi tovarlarni eksport, import va Oʻzbekiston Respublikasi hududi orqali tranzit qilishga ruxsatnoma Oʻzbekiston Respublikasi Bosh davlat veterinariya inspektori yoki uning oʻrinbosari tomonidan elektron hujjatlar shaklida, arizachi tomonidan taqdim etilgan hujjat va maʼlumotlarning tahlil qilinishini taʼminlovchi avtomatlashtirilgan axborot tizimidan foydalangan holda beriladi.

Nazoratdagi tovarlarni eksport, import va Oʻzbekiston Respublikasi hududi orqali tranzit qilishga ruxsatnoma qogʻoz formatda ham berilishi mumkin.

6. Nazoratdagi tovarlarni eksport, import va Oʻzbekiston Respublikasi hududi orqali tranzit qilishga ruxsatnoma kalendar yil uchun beriladi.

7. Nazoratdagi tovarlar Oʻzbekiston Respublikasi Davlat chegarasida joylashgan chegara veterinariya nazorati punktlari (uchastkalari) orqali oʻtkaziladi.

8. Nazoratdagi tovarlarni import qilishdan oldin yuridik va jismoniy shaxslar eksport va tranzit qiluvchi mamlakatlardagi epizootik vaziyat toʻgʻrisida davlat veterinariya xizmatidan bepul axborot olish huquqiga ega.

9. Ushbu Nizomda quyidagi asosiy tushunchalar qoʻllaniladi:

vakolatli organ — davlat veterinariya xizmati nazoratidagi tovarlarni eksport, import qilish hamda Oʻzbekiston Respublikasi hududi orqali tranzit boʻyicha tashishga ruxsat etish xususiyatiga ega hujjatlarni beruvchi Oʻzbekiston Respublikasi Veterinariya va chorvachilikni rivojlantirish davlat qoʻmitasi;

(9-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qaroriga asosan ikkinchi xatboshi bilan toʻldirilgan — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

veterinariya qoidalari va normalari — veterinariya sohasidagi talablarni belgilovchi, davlat organlari va boshqa organlar, yuridik va jismoniy shaxslar rioya etishi shart boʻlgan hujjatlar;

veterinariya guvohnomasi — Oʻzbekiston Respublikasi davlat veterinariya xizmati tashkilotlari tomonidan barcha turdagi nazoratdagi tovarlarga beriladigan belgilangan namunadagi hujjat boʻlib, u ushbu tovarlar hayvonlarning oʻta xavfli va karantin kasalliklari boʻyicha sogʻlom hududdanligini, hayvonotga mansub xomashyo va mahsulotlar esa, bundan tashqari belgilangan tartibda veterinariya-sanitariya ekspertizasidan oʻtganligini hamda veterinariya-sanitariya talablariga muvofiqligini tasdiqlaydigan hujjat;

veterinariya sertifikati — nazoratdagi tovarlarni ishlab chiqargan mamlakatning davlat veterinariya vrachi tomonidan belgilangan namunada beriladigan xalqaro hujjat boʻlib, u nazoratdagi tovarlarning veterinariya-sanitariya jihatidan xavfsizligini hamda import qiluvchi davlatning veterinariya talablariga muvofiq davlatning hayvonlar yuqumli kasalliklari boʻyicha sogʻlomligini tasdiqlaydi (kafolatlaydi).

veterinariya, veterinariya-sanitariya talablari — davlat hududini chetdan hayvonlarning yuqumli kasalliklari qoʻzgʻatuvchilarining kirib kelishidan hamda veterinariya-sanitariya jihatdan xavfli sanalgan nazoratdagi tovarlarning keltirilishidan himoyalashga qaratilgan, barcha yuridik va jismoniy shaxslar uchun Oʻzbekiston Respublikasi hududida majburiy hisoblangan, vakolatli organ tomonidan import qilinuvchi nazoratdagi tovarlarga nisbatan qoʻyiladigan talablar;

(9-bandning oltinchi xatboshisi Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

hayvon — barcha sut emizuvchilar, suv hayvonlari yoki parrandalar, shuningdek asalarilar;

import qiluvchi davlat — oxirgi manzil belgilangan davlat;

chegara veterinariya nazorati punkti (ChVNP) — nazoratdagi tovarlarni xalqaro, davlatlararo, zaruriyat tugʻilganda esa — mamlakat ichida barcha transport turlarida tashilishi yuzasidan chegara veterinariya nazoratini amalga oshiruvchi Oʻzbekiston Respublikasi davlat chegarasidagi davlat veterinariya nazorati organi;

tranzit mamlakati — nazoratdagi tovarlarni import qiluvchi davlatga yetkazishda hududi orqali oʻtiladigan yoki ChVNP doirasida vaqtinchalik toʻxtab oʻtiladigan mamlakat;

eksport qiluvchi mamlakat — nazoratdagi tovarlarni boshqa mamlakatga joʻnatuvchi mamlakat.

2-bob. Ruxsat etuvchi talablar va shartlar

10. Nazoratdagi tovarlarni tayyorlash, saqlash, qayta ishlash hamda ularning eksport-importi bilan shugʻullanuvchi barcha yuridik va jismoniy shaxslar, idoraviy mansubligi va mulkchilik shaklidan qatʼi nazar, ular Oʻzbekiston Respublikasi Davlat veterinariya xizmati nazoratida boʻladilar.

11. Oʻzbekiston Respublikasining Davlat chegarasi orqali olib oʻtilayotgan nazoratdagi tovarlar davlat veterinariya nazoratidan oʻtkazilishi shart.

12. Boshqa davlatlar hududida hayvonlarning oʻta xavfli yuqumli kasalliklari, hayvonlarning kelib chiqish sabablari nomaʼlum boʻlgan yalpi kasalliklari va hayvonlarning ilgari qayd etilmagan yuqumli kasalliklari paydo boʻlgan taqdirda nazoratdagi tovarlarni olib oʻtishga taqiq, cheklov joriy etish hamda ularni olib oʻtishni tiklash toʻgʻrisidagi qaror Oʻzbekiston Respublikasi Bosh davlat veterinariya inspektori tomonidan qabul qilinadi.

13. Oʻzbekiston Respublikasiga kiruvchi yoki undan chiqib ketuvchi shaxslarga qarashli it, mushuk va boshqa nomahsuldor hayvonlar (2 ta boshdan koʻp boʻlmagan) va parrandalar (10 ta boshdan koʻp boʻlmagan) uchun veterinariya guvohnomasi yoki veterinariya sertifikati Oʻzbekiston Respublikasi Bosh davlat veterinariya inspektori yoki uning oʻrinbosarlari ruxsatisiz rasmiylashtiriladi.

14. Yoʻqolib ketish xavfi ostida boʻlgan hayvonlar, shuningdek ularning aʼzolari yoki hosilalari, shu jumladan ov oʻljalarini import qilish eksportchi davlatning vakolatli organi tomonidan yoʻqolib ketish xavfi ostidagi barcha turdagi yovvoyi fauna va florani xalqaro savdo-sotiq Konvensiyasiga (SITES) muvofiq berilgan ruxsatnomasi (himoya markasi) mavjud boʻlganda amalga oshiriladi.

15. Yoʻqolib ketish xavfi ostidagi hayvonlar, shuningdek ularning aʼzolari yoki hosilalari, shu jumladan ov oʻljalarini Oʻzbekiston Respublikasidan eksport qilish faqat Oʻzbekiston Respublikasi SITES vakolatli organining ruxsatnomasi mavjud boʻlganda amalga oshiriladi.

16. Veterinariya dori vositalari va ozuqabop qoʻshimchalarni Oʻzbekiston Respublikasi hududiga import qilish va tashish vakolatli organ tomonidan beriladigan tegishli litsenziya mavjud boʻlganda va ular roʻyxatga olingan taqdirda amalga oshiriladi.

(16-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

17. Veterinariya dori vositalari va ozuqabop qoʻshimchalarni import qilish va tashish, ularning ishlab chiqaruvchi tashkilot tomonidan beriladigan sifati va zararsizligini tasdiqlovchi hujjat mavjud boʻlgan taqdirda veterinariya sertifikatisiz amalga oshiriladi.

18. Nazoratdagi tovarlarni eksport, import va tranzit qilishda nazoratning quyidagi turlari qoʻllaniladi: hujjatli, jismoniy va laboratoriya.

19. Hujjatli nazoratda quyidagilar tekshiriladi:

nazoratdagi tovarlarning veterinariya jihatidan xavfsizligini tasdiqlovchi hujjatlar;

nazoratdagi tovarlarni import, eksport qilishga yoki tranzitiga ruxsatnomaning mavjudligi;

berilgan hujjatlar mazmunining veterinariya talablariga muvofiqligi.

20. Jismoniy nazorat quyidagilarni oʻz ichiga oladi:

nazoratdagi tovarlarni yoki hayvonlarni koʻzdan kechirish;

kuzatuv hujjatlarida koʻrsatilmagan nazoratdagi tovarlar mavjudligini hamda oʻzaro mos kelmaydigan tovarlarning birgalikda tashilishini istisno qilish maqsadida nazoratdagi tovarlarning taqdim etilgan hujjatlardagi maʼlumotlarga muvofiqligini tekshirish;

transport vositasining nazoratdagi tovarlarni tashishdagi belgilangan veterinariya-sanitariya talablariga muvofiqligini nazorat qilish;

koʻchirib oʻtkazish (tashish) shartlari va rejimini nazorat qilish;

qadoqlash va yorliqlarning belgilangan talablarga muvofiqligini nazorat qilish;

hayvonlarni import, eksport, tranzit qilishda va Oʻzbekiston Respublikasi hududi doirasida oʻtkazish (tashish)da, sugʻorish va oziqlantirish punktlarida ularning har bir partiyasi tekshiriladi.

Oʻzbekiston Respublikasi davlat chegarasi orqali oʻtish punktida oʻtkazilayotgan nazoratdagi tovarlarning ochiq qismini tekshirishga yoʻl qoʻyiladi.

21. Laboratoriya nazorati tashilayotgan nazoratdagi tovarlardagi oʻzgarishlar aniqlangan holatlarda hamda hayvonlarning yuqumli kasalliklarini istisno etish maqsadida tegishli laboratoriyalarda tekshiruvlar oʻtkazish yoʻli bilan amalga oshiriladi.

22. Yuqorida koʻrsatilgan nazorat turlarining natijalariga koʻra ChVNP mansabdor shaxsi tomonidan nazoratdagi tovarlarga nisbatan quyidagi qarorlardan biri qabul qilinadi: oʻtkazish; oʻtkazishni toʻxtatib turish; importni taqiqlash; qaytarish.

23. Nazoratdagi tovarlarga nisbatan qabul qilingan qaror ChVNP mansabdor shaxsi tomonidan veterinariya hujjatlariga va tovarga ilova qilinadigan hujjatlarga 3-ilovaga* muvofiq shakldagi tegishli shtamplar qoʻyish orqali rasmiylashtiriladi.

24. Nazoratdagi tovar turlari va hududning epizootik holatidan kelib chiqqan holda transport vositasi (temir yoʻl vagoni, refrijerator seksiyasi, konteyner va h.k.) yuklarni ortish va tushirishdan oldin ushbu Nizomning 4-ilovasiga* muvofiq shakldagi hujjat berilgan holda veterinariya-sanitariya ishloviga yuboriladi.

25. ChVNP mansabdor shaxslari oʻz vakolatlarini amalga oshirishda, oʻtish punktlarida nazorat oʻtkazish vakolati berilgan boshqa vakolatli organlarning mansabdor shaxslari, shuningdek chegaradosh davlatlarning oʻtish punktlaridagi veterinariya mutaxassislari bilan hamkorlikda ish olib boradilar.

26. ChVNP mansabdor shaxslari oʻz xizmat vazifalarini oʻtash vaqtida oʻzlari bilan xizmat guvohnomalarini olib yurishlari hamda belgilangan namunadagi maxsus kiyimda boʻlishlari kerak.

27. Nazoratdagi tovarlarning import, eksport va tranzitida, shuningdek mamlakat doirasida tashish eksportchi davlatning vakolatli organlari va davlat veterinariya xizmatining vakolatli shaxslari tomonidan berilgan veterinariya sertifikatlari ilova qilingan holda amalga oshiriladi.

28. Nazoratdagi tovarlarni xalqaro tashish faoliyati doirasida, shuningdek Oʻzbekiston Respublikasi hududida tashishda veterinariya, veterinariya-sanitariya qoidalari va normalari buzilishida aybdor boʻlgan shaxslar qonunchilikka muvofiq javob beradilar. Aniqlangan buzilishlar toʻgʻrisida ushbu Nizomning 5-ilovasiga muvofiq shaklda dalolatnoma tuziladi.

29. Davlat chegarasida davlat veterinariya nazoratini amalga oshiruvchi mansabdor shaxsning harakati (yoki harakatsizligi) yuzasidan qonunchilikda belgilangan tartibda shikoyat qilinishi mumkin.

30. Barcha turdagi veterinariya hujjatlarini rasmiylashtirish, veterinariya talablarini bajarish, shu jumladan veterinariya ishlovi berish va laboratoriya tekshiruvlari oʻtkazilishi hamda xalqaro, davlatlararo va mamlakat ichida veterinariya kuzatuvi hamda inspeksiya oʻtkazish bilan bogʻliq boshqa turdagi ish va xizmatlar boʻyicha xarajatlar nazoratdagi tovarlarning egasi tomonidan qoplanadi.

(30-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

3-bob. Nazoratdagi tovarlarni eksport qilishda veterinariya hujjatlarini rasmiylashtirish tartibi

31. Nazoratdagi tovarlarni Oʻzbekiston Respublikasidan eksport qilishga ruxsatnomani rasmiylashtirish uchun tovar egasi tegishli shartnoma tayyorlashda, avtomatlashtirilgan axborot tizimi yoki qogʻoz formatdagi ariza bilan vakolatli organga yoki tovarning joylashish (rasmiylashtirish) manzili boʻyicha Qoraqalpogʻiston Respublikasi, viloyatlar va Toshkent shahri bosh davlat veterinariya inspektoriga murojaat qiladi.

(31-bandning birinchi xatboshisi Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

Arizada quyidagi maʼlumotlar boʻlishi kerak:

tovar egasining nomi (jismoniy shaxslar uchun — F.I.O.), joylashgan joyi (pochta manzili), telefon va faks raqami, elektron manzili, STIR;

nazoratdagi tovarlarning kelib chiqish joyi (tuman, shahar, xoʻjalik va boshq.)

yuboriladigan davlat;

nazoratdagi tovarning nomi va TIF TN boʻyicha kodi;

nazoratdagi tovarning miqdori, shuningdek uning oʻlchov birligi;

tovarning ishlatilish maqsadi;

ishlab chiqaruvchining nomi;

transport turi;

marshrut yoʻnalishi (MDH davlatlari orqali oʻtish chegaralari nomlari koʻrsatiladi);

davlat chegarasidan oʻtish punktlari;

nazoratdagi tovarni chiqarishning taxminiy muddati;

tranzit davlatining nomi;

import qiluvchi tomonidan taqdim etiladigan va tasdiqlangan import qiluvchi davlatning davlat veterinariya xizmati veterinariya talablari nusxasi (zaruriyat boʻlganda);

veterinariya dori vositalari va ozuqabop qoʻshimchalarni eksport qilishda veterinariya dori vositasining savdodagi nomi (savdo markasi), preparat shakli, qadogʻi, har bir chiqarilayotgan veterinariya dori vositasi va ozuqabop qoʻshimchaning vakolatli organ tomonidan roʻyxatga olinishi toʻgʻrisidagi maʼlumotlar (raqami va sanasi).

(31-bandning oʻn oltinchi xatboshisi Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

32. Qoraqalpogʻiston Respublikasi, viloyatlar va Toshkent shahri davlat veterinariya xizmatlari import qiluvchi davlatning veterinariya talablariga asosan eksport qilinayotgan nazoratdagi tovar holatini hamda tegishli hududdagi epizootik holatni ikki ish kun mobaynida oʻrganib chiqadi.

(32-bandning birinchi xatboshisi Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

Oʻta xavfli kasalliklarni aniqlash maqsadida karantin yoki qoʻshimcha laboratoriya tekshiruvlari oʻtkazish zarur boʻlganda belgilangan muddat uch haftagacha uzaytirilishi mumkin.

Bunda importyor davlatning talabidan va tovarning xavflilik darajasidan kelib chiqib, ishlab chiqarish korxonalarini importyor davlatning reyestriga kiritish bilan bogʻliq harakatlar kirmaydi.

(32-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qaroriga asosan uchinchi xatboshi bilan toʻldirilgan — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

33. Zarur holatlarda tegishli veterinariya laboratoriyalarida laboratoriya tekshiruvlari oʻtkaziladi, oʻta murakkab tekshirishlar esa ilmiy-tadqiqot institutlarida oʻtkazilishi mumkin.

34. Qoraqalpogʻiston Respublikasi, viloyatlar va Toshkent shahri Bosh davlat veterinariya inspektori vakolatli organ orqali yuboriladigan arizachining murojaatida koʻrsatilgan nazoratdagi tovarlarni eksport qilish imkoniyatini, import qiluvchi davlatning davlat veterinariya xizmati talablarini bajarish imkoniyatini, tovar tavsiflarini va maʼmuriy hududdagi epizootik vaziyatni hisobga olgan holda koʻrib chiqadi.

(34-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

Oldingi tahrirga qarang.

(35-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

36. Oʻzbekiston Respublikasi Bosh davlat veterinariya inspektori yoki uning oʻrinbosari uch ish kuni mobaynida murojaatni koʻrib chiqadi, Oʻzbekiston Respublikasidan muayyan turdagi nazoratdagi tovarning olib chiqilishiga ruxsatnoma berish yoki asosli sabablarni koʻrsatgan holda uni rad etish toʻgʻrisida qaror qabul qiladi.

37. Berilgan ruxsatnoma bir ish kuni mobaynida avtomatlashtirilgan axborot tizimi yoki qogʻoz formati vositasida Qoraqalpogʻiston Respublikasi Veterinariya va chorvachilikni rivojlantiri qoʻmitasi, viloyatlar va Toshkent shahri veterinariya va chorvachilikni rivojlantirish boshqarmalari, shuningdek Oʻzbekiston Respublikasi Davlat chegarasi va transportida davlat veterinariya nazorati boshqarmasiga yuboriladi.

Ruxsatnoma berish rad etilgan taqdirda Qoraqalpogʻiston Respublikasi Veterinariya va chorvachilikni rivojlantiri qoʻmitasi, viloyatlar va Toshkent shahri veterinariya va chorvachilikni rivojlantirish boshqarmalari bir ish kuni mobaynida bu haqda nazoratdagi tovar egalarini, avtomatlashtirilgan axborot tizimi yoki qogʻoz formati orqali rad etish xatining nusxasi ilova qilingan holda ogohlantiradi.

Ruxsatnoma berish yoki uni rad etish, shuningdek vakolatli organ tomonidan tovar egasiga bevosita avtomatlashtirilgan axborot tizimi orqali yoki qogʻoz formatida berilishi mumkin.

(37-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

38. Qoraqalpogʻiston Respublikasi, viloyatlar va Toshkent shahri davlat veterinariya inspektorlari Oʻzbekiston Respublikasi Bosh davlat veterinariya inspektori yoki uning oʻrinbosari tomonidan ruxsatnoma olingandan soʻng bir ish kuni mobaynida tuman (shahar) davlat veterinariya xizmatiga tegishli veterinariya hujjatlarini rasmiylashtirish boʻyicha topshiriq beradi.

Tuman (shahar) davlat veterinariya inspektori bir ish kuni mobaynida import qiluvchi davlatning veterinariya talablariga muvofiq belgilangan shakldagi veterinariya guvohnomasini rasmiylashtiradi. Veterinariya guvohnomasi import qiluvchi davlatning veterinariya talablari bajarilishi toʻgʻrisidagi toʻliq axborotlarni oʻz ichiga olishi, tuman (shahar) davlat veterinariya inspektori tomonidan imzolanishi va muhr bilan tasdiqlanishi kerak.

39. Oʻtkazish punktida nazoratdagi tovarlarni veterinariya nazorati import qiluvchi davlatning veterinariya talablariga muvofiq, belgilangan shakldagi veterinariya guvohnomasi (sertifikati) taqdim etilgandan keyin amalga oshiriladi. Veterinariya sertifikatida Oʻzbekiston Respublikasi Bosh davlat veterinariya inspektori yoki uning oʻrinbosari tomonidan berilgan ruxsatnomaning nomeri va sanasi koʻrsatilishi shart.

ChVNP mansabdor shaxsi hujjatli nazorat tahlili natijasiga muvofiq Oʻzbekiston Respublikasi hududidan chiqishda import qiluvchi davlatga tegishli tovarning kuzatuv hujjati va veterinariya sertifikatiga 3-ilovaga* muvofiq shakl boʻyicha “Chiqishga ruxsat” yoki “Chiqish taqiqlanadi” shtampini qoʻyadi hamda ismi va familiyasini qayd etadi.

40. Nazoratdagi tovarlar chegaraga keltirilganda davlat chegarasidagi veterinariya nazorat punkti xodimi veterinariya guvohnomasi asosida 4 soat mobaynida belgilangan shakldagi veterinariya sertifikatini rasmiylashtiradi. Veterinariya sertifikatida Oʻzbekiston Respublikasi Bosh davlat veterinariya inspektori yoki uning oʻrinbosari tomonidan berilgan eksport uchun ruxsatnoma raqami va berilgan sanasi koʻrsatiladi.

41. Nazoratdagi tovarlar MDH davlatlariga eksport qilinganda 1, 2, 3-shakllar boʻyicha veterinariya guvohnomalari (6, 7, 8-ilovalar*) hamda MDH davlatlaridan tashqariga chiqarishda veterinariya sertifikatlari shakllari import qiluvchi davlatning veterinariya talablari inobatga olingan holda Oʻzbekiston Respublikasi Bosh davlat veterinariya inspektori tomonidan tasdiqlanadigan shakl boʻyicha rasmiylashtiriladi.

(41-bandning birinchi xatboshisi Oʻzbekiston Respublikasi Vazirlar Mahkamasining 2017-yil 14-avgustdagi 624-sonli qarori tahririda — OʻR QHT, 2017-y., 33-son, 857-modda)

Nazoratdagi tovarlar egasining arizasiga koʻra tovarni oʻtkazish yoʻnalishidagi chegara veterinariya punktlari soniga muvofiq ravishdagi dublikatlar rasmiylashtiriladi. Import qiluvchi davlat talablariga asosan veterinariya sertifikatlari yoki guvohnomalari shakli va/yoki turi Butunjahon Hayvonlar sogʻligʻini saqlash tashkilotining Yer usti hayvonlari sogʻligʻini himoya qilish Xalqaro Kodeksi (OIE/HEB) meʼyorlariga muvofiq oʻzgartirilishi mumkin.

42. Import qiluvchi davlat talablariga asosan nazoratdagi tovarlar roʻyxatida koʻzda tutilmagan veterinariya sertifikatlari (guvohnomalari)ni rasmiylashtirish zarur boʻlganda, veterinariya guvohnomalari yoki veterinariya sertifikatlari import qiluvchi davlatning veterinariya qoidalari va normalari bajarilgan holda Davlat chegarasi va transportidagi davlat veterinariya nazorati boshqarmasi, tuman veterinariya va chorvachilikni rivojlantirish boʻlimlari tomonidan, Oʻzbekiston Respublikasi Bosh davlat veterinariya inspektori yoki uning oʻrinbosarlarining ruxsatisiz rasmiylashtiriladi.

(42-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

43. Oʻzbekiston Respublikasidan eksport qilinuvchi nazoratdagi tovarlarning xorijiy davlatlar hududidan tranzit boʻyicha oʻtishi uchun nazoratdagi tovarning egasi Oʻzbekiston Respublikasi Bosh davlat veterinariya inspektoriga bevosita murojaat etishga haqli.

Oʻzbekiston Respublikasi Bosh davlat veterinariya inspektori tegishli davlatning markaziy veterinariya organiga tranzit uchun ruxsatnoma berilishini soʻrab murojaat qiladi.

Tranzit boʻyicha arizalarni koʻrib chiqish, tranzit davlatlarning milliy qonunchiligi talablariga, shuningdek xalqaro kelishuv va qoidalarga muvofiq amalga oshiriladi.

Olingan ruxsatnoma nazoratdagi tovar egasiga taqdim etiladi.

Tranzit boʻyicha arizalarni koʻrib chiqish uchun yigʻim undirilmaydi.

4-bob. Nazoratdagi tovarlarni import qilishda veterinariya hujjatlarini rasmiylashtirish tartibi

44. Nazoratdagi tovarlarni Oʻzbekiston Respublikasiga import qilishga ruxsatnomani rasmiylashtirish uchun import qiluvchi (tovar egasi) 30 kundan kam boʻlmagan muddatda avtomatlashtirilgan axborot tizimi orqali yoki qogʻoz formatida vakolatli organga yoki nazoratdagi tovarning import qilinish manzili boʻyicha Qoraqalpogʻiston Respublikasi, viloyatlar va Toshkent shahri bosh davlat veterinariya inspektoriga murojaat qiladi.

(44-bandning birinchi xatboshisi Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

Arizada quyidagi maʼlumotlar koʻrsatiladi:

tovar egasining nomi (jismoniy shaxslar uchun — pasportining maʼlumotlari va STIR), joylashgan joyi (pochta manzili), telefon va faks raqami, elektron manzili va oluvchining STIR;

eksport qiluvchi davlat;

nazoratdagi tovarlarning kelib chiqish joyi (shtat, provinsiya, xoʻjalik va boshqalar);

ishlab chiqaruvchining nomi, ishlab chiqaruvchilar reyestridagi roʻyxatga olish raqami;

nazoratdagi tovarning nomi va TIF TN boʻyicha kodi;

nazoratdagi tovarning miqdori, shuningdek uning oʻlchov birligi;

import qilish maqsadlari (qayta ishlamasdan sotish, qayta ishlash, qayta ishlashdan olinadigan mahsulot koʻrsatilgan holda va h.k.);

transport turlari;

marshrut yoʻnalishi (MDH davlatlari orqali oʻtiladigan chegara nomlari koʻrsatiladi);

davlat chegarasidan oʻtish punktlari;

nazoratdagi tovarni import qilishning taxminiy muddati;

tranzit boʻyicha oʻtiladigan davlat nomi;

saqlash va karantin qilish joylari;

nazoratdagi tovarni qayta ishlovchi korxonaning nomi (mavjud boʻlganda);

tirik hayvonlarni import qilishda — chorvachilik fermalari, boshqa karantin oʻtkazilish joylarining tekshirish dalolatnomalari va veterinariya-sanitariya xulosasi.

44¹. Oʻzbekiston Respublikasi hududiga davlat veterinariya xizmati nazorati ostidagi tovarlarni olib kirishga Oʻzbekiston Respublikasi hududiga olib kiriladigan davlat veterinariya xizmati nazorati ostidagi tovarlarni ishlab chiqaradigan, qayta ishlaydigan va saqlaydigan eksport qiluvchi tashkilotlar va shaxslar (xorijiy eksport qiluvchilar) reyestriga kiritilgan eksport qiluvchi tashkilotlar va shaxslarga ruxsat beriladi.

Davlat veterinariya xizmati nazorati ostidagi tovarlarni olib kirishga veterinariya ruxsatnomasi uchun bazaviy hisoblash miqdorining bir baravari miqdorida yigʻim undiriladi. Yigʻim Oʻzbekiston Respublikasi Veterinariya va chorvachilikni rivojlantirish davlat qoʻmitasi hisobvaragʻiga oʻtkaziladi.

Veterinariya ruxsatnomasini berish rad etilgan yoki tovar egasi berilgan arizasidan voz kechgan taqdirda, toʻlangan yigʻim summasi qaytarilmaydi.

Ushbu tartib favqulodda vaziyatlarda, xalqaro koʻrgazmalarda qatnashishda, laboratoriya tahlillari uchun namunalarda, shuningdek, diplomatik korpus, oʻquv muassasalari, ilmiy va davlat maqsadlari uchun olib kelinadigan davlat veterinariya xizmati nazorati ostidagi tovarlarga nisbatan tatbiq etilmaydi.

(44¹-band Oʻzbekiston Respublikasi Vazirlar Mahkamasining 2020-yil 11-maydagi 277-sonli qaroriga asosan kiritilgan — Qonun hujjatlari maʼlumotlari milliy bazasi, 12.05.2020-y., 09/20/277/0573-son — 2020-yil 13-avgustdan kuchga kiradi)

45. Qoraqalpogʻiston Respublikasi Veterinariya va chorvachilikni rivojlantirish qoʻmitasi, viloyatlar va Toshkent shahri veterinariya va chorvachilikni rivojlantirish boshqarmalari vakolatli organ orqali yuboriladigan arizachining murojaatida koʻrsatilgan import qilinuvchi nazoratdagi tovarlarni saqlash shartlari, foydalanilishi (erkin sotuvga qoʻyish, laboratoriyada va boshqa tekshirishlar, qayta ishlash va boshqalar) hamda tegishli hududning epizootik holatini ikki ish kuni mobaynida oʻrganib chiqadi. Oʻta xavfli yuqumli kasalliklarni aniqlash maqsadida karantin qilish zarur boʻlganda belgilangan muddat uch haftagacha uzaytirilishi mumkin.

(45-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

46. Qoraqalpogʻiston Respublikasi Veterinariya va chorvachilikni rivojlantirish qoʻmitasi, viloyatlar va Toshkent shahri veterinariya va chorvachilikni rivojlantirish boshqarmalari vakolatli organ tomonidan yuborilgan arizachi murojaatida koʻrsatilgan tovarning xavflilik darajasidan kelib chiqib, hududdagi epizootik holat va karantin tadbirlarini oʻtkazish imkoniyatini hisobga olgan maʼlumotni avtomatlashtirilgan axborot tizimi orqali yoki qogʻoz formatida vakolatli organga taqdim etadi.

(46-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

47. Oʻzbekiston Respublikasi Bosh davlat veterinariya inspektori yoki uning oʻrinbosarlari bir oy muddatda murojaatni koʻrib chiqib, elektron yoki yozma shaklda Oʻzbekiston Respublikasiga muayyan turdagi nazoratdagi tovarning olib kirilishi uchun ruxsatnoma beradi yoki asosli sabablarni koʻrsatgan holda uni rad etadi.

48. Oʻzbekiston Respublikasiga nazoratdagi tovarlarni import qilish uchun ruxsatnoma berish quyidagi holatlarda rad etilishi mumkin:

eksport qiluvchi davlatda hayvonlarning oʻta xavfli kasalliklari boʻyicha epizootik holat oʻzgarganda;

eksport qiluvchi davlatning nazoratdagi tovarlarida belgilangan tartibda taqiqlangan kimyoviy yoki biologik moddalar mavjudligi aniqlanganda;

import qiluvchi tomonidan ishonchsiz maʼlumotlar taqdim etilganda;

import qiluvchi tomonidan taqdim etilayotgan nazoratdagi tovarning saqlanishi, ishlab chiqarilishi (qayta ishlash) boʻyicha tashkilotlarning veterinariya-sanitariya holati belgilangan veterinariya qoidalari va normalariga muvofiq boʻlmaganda;

import qiluvchi arizasida zarur maʼlumotlarning yoʻqligi yoxud import qiluvchi arizasiga zarur ilovalarning mavjud emasligi;

import qilinadigan nazoratdagi tovarlar hajmining qayd etilgan korxonalar ishlab chiqarish quvvatiga nomuvofiqligi.

mahsulot yetishtiruvchi va ishlab chiqaruvchi davlatlarga nisbatan taqiq (cheklov) oʻrnatilganda.

(48-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qaroriga asosan sakkizinchi xatboshi bilan toʻldirilgan — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

49. Oʻzbekiston Respublikasi Bosh davlat veterinariya inspektori yoki uning oʻrinbosari tomonidan nazoratdagi tovarlarni import qilishga ruxsatnomasi yoki uni rad etishi elektron shaklda yoki qogʻoz formatida rasmiylashtiriladi.

50. Oʻzbekiston Respublikasiga import qilish uchun ruxsat olgan nazoratdagi tovarlar egasi zimmasiga quyidagi majburiyatlar yuklanadi:

nazoratdagi tovarlarni Oʻzbekiston Respublikasiga import qilishda veterinariya qonunchiligi talablariga rioya etish;

nazoratdagi tovarlarni eksport qiluvchiga Oʻzbekiston Respublikasiga muayyan turdagi nazoratdagi tovarlarning import qilinishiga qoʻyilgan veterinariya-sanitariya talablari va veterinariya sertifikati namunasini (mavjud boʻlganda) yetkazish;

Oʻzbekiston Respublikasi davlat veterinariya xizmati mansabdor shaxslarining nazoratdagi tovarlar importiga nisbatan koʻrsatmalarini bajarish;

nazoratdagi tovarlar import qilinishi rejalashtirilayotgan hududning davlat veterinariya xizmati boshqarmasining tegishli organlarini, nazoratdagi tovarlarning Oʻzbekiston Respublikasiga import qilinishi ruxsatnomasida koʻrsatilmagan korxonalarda saqlanishi (qayta ishlanishi) toʻgʻrisida xabardor qilish;

keltirilgan nazoratdagi tovarlarni faqat tegishli veterinariya-sanitariya xulosasiga ega boʻlgan korxonalarda saqlash (qayta ishlash);

keltirilgan nazoratdagi tovarlardan faqat import uchun ruxsatnomada koʻrsatilgan shartlarga muvofiq foydalanish.

51. Oʻzbekiston Respublikasiga tirik hayvonlar import qilinganda kamida 2 oy oldin rasmiy soʻrov joʻnatiladi (hayvonlarni import qiluvchi xoʻjalikni oʻrganish, keltirilayotgan hayvonlar karantinini oʻtkazish uchun Oʻzbekiston Respublikasi davlat veterinariya vrachining eksport qiluvchi davlatga xizmat safarini rasmiylashtirish uchun zarur vaqtni hisobga olgan holda).

52. Goʻsht va goʻsht mahsulotlarini muayyan davlatdan import qilish rejalashtirilayotganda mahsulotni joyida tekshirish shart boʻlganda, Oʻzbekiston Respublikasi davlat veterinariya inspektorining xizmat safari masalasini hal etish boʻyicha soʻrov vakolatli organga kamida 30 kun oldin yuboriladi.

(52-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

53. Berilgan ruxsatnoma uch ish kuni mobaynida avtomatlashtirilgan axborot tizimi orqali yoki qogʻoz formatida Qoraqalpogʻiston Respublikasi Veterinariya va chorvachilikni rivojlantirish qoʻmitasi, viloyatlar va Toshkent shahri tegishli veterinariya va chorvachilikni rivojlantirish boshqarmalariga, Oʻzbekiston Respublikasi davlat chegarasi va transportida davlat veterinariya nazorati boshqarmasiga, nazoratdagi tovarning egasiga yuboriladi.

Import qilish toʻgʻrisida ruxsatnoma berish rad etilgan taqdirda Qoraqalpogʻiston Respublikasi Veterinariya va chorvachilikni rivojlantirish qoʻmitasi, viloyatlar va Toshkent shahri veterinariya va chorvachilikni rivojlantirish boshqarmalari bir ish kuni mobaynida bu haqda nazoratdagi tovar egalarini, avtomatlashtirilgan axborot tizimi orqali yoki qogʻoz formatida xabardor qiladi.

Ruxsatnoma berish yoki uni rad etish, shuningdek vakolatli organi tomonidan nazoratdagi tovar egasiga bevosita avtomatlashtirilgan axborot tizimi orqali yoki qogʻoz formatida berilishi mumkin.

(53-band Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

54. Eksport qiluvchi davlatda hayvonlar orasida xavfli yuqumli kasalliklar paydo boʻlgan taqdirda Oʻzbekiston Respublikasi Bosh davlat veterinariya inspektori yoki uning oʻrinbosari, avval berilgan nazoratdagi tovarlarni olib kirish ruxsatnomasiga qaramasdan, ruxsatnoma amal qilishini toʻxtatib turish hamda ushbu tovarni Oʻzbekiston Respublikasi hududiga zarur tekshiruv ishlari oʻtkazilgunga qadar, lekin 30 kundan koʻp boʻlmagan muddatda kiritmaslik huquqiga egadir. Zarur tekshiruvlarning natijalariga asosan tegishli nazoratdagi tovarning kiritilishiga ruxsat berish yoki rad etish toʻgʻrisida qaror qabul qilinadi.

Nazoratdagi tovarlarni Oʻzbekiston Respublikasiga import qilish Oʻzbekiston Respublikasi Bosh davlat veterinariya inspektori yoki uning oʻrinbosari tomonidan berilgan import ruxsatnomasiga muvofiq Oʻzbekiston Respublikasi davlat chegarasining chegara-tekshiruv punktlari orqali amalga oshiriladi.

Chegara-tekshiruv punktlarida nazoratdagi tovarlarni veterinariya nazoratidan oʻtkazish joʻnatuvchi davlatning veterinariya sertifikati va boshqa kuzatuv hujjatlari taqdim etilgandan keyin amalga oshiriladi.

ChVNP mansabdor shaxsi hujjatli nazorat tahlili natijasiga muvofiq qaror qabul qiladi va Oʻzbekiston Respublikasi hududiga olib kirishda tovarni joʻnatuvchi davlat tomonidan berilgan kuzatuv hujjati va veterinariya sertifikatiga 3-ilovaga* muvofiq “Kirishga ruxsat” yoki “Kirish taqiqlanadi” shtampini qoʻyadi va unda familiyasi, ismi va otasining ismini koʻrsatadi.

55. Nazoratdagi tovarlar chegaraga keltirilganda davlat chegarasidagi veterinariya nazorat punkti xodimi ruxsatnoma yoki uning nusxasi asosida avtomatlashtirilgan axborot tizimi orqali yoki qogʻoz formati vositasida veterinariya sertifikati oʻrniga tegishli veterinariya guvohnomasini rasmiylashtiradi.

Veterinariya guvohnomasida Oʻzbekiston Respublikasi Bosh davlat veterinariya inspektori tomonidan berilgan ruxsatnomaning raqami va berilgan sanasi koʻrsatiladi.

Nazoratdagi tovar qaytarilgan taqdirda davlat chegarasidagi veterinariya nazorat punkti xodimi ushbu Nizomning 10* va 11-ilovalariga muvofiq nazoratdagi tovarni qaytarish toʻgʻrisidagi dalolatnoma va deklaratsiyani rasmiylashtiradi.

* 1, 3-4, 6 — 10-ilovalar rus tilidagi matnda berilgan.

56. Oʻzbekiston Respublikasiga import qilinayotgan tovarlarning xorijiy davlatlar hududi boʻyicha tranzitini rasmiylashtirish uchun nazoratdagi tovar egasi Oʻzbekiston Respublikasi Bosh davlat veterinariya inspektoriga toʻgʻridan toʻgʻri murojaat etishga haqli. Oʻzbekiston Respublikasi Bosh davlat veterinariya inspektori uch kun muddatda tegishli davlatning markaziy veterinariya organiga tranzit uchun ruxsatnoma berilishini soʻrab murojaat qiladi. Ruxsatnoma olingan kundan boshlab ikki kun muddatda manfaatdor shaxslarga beriladi.

Oldingi tahrirga qarang.

(56-bandning ikkinchi xatboshisi Oʻzbekiston Respublikasi Vazirlar Mahkamasining 2020-yil 11-maydagi 277-sonli qaroriga asosan 2020-yil 13-avgustdan chiqariladi — Qonun hujjatlari maʼlumotlari milliy bazasi, 12.05.2020-y., 09/20/277/0573-son)

5-bob. Nazoratdagi tovarlarning Oʻzbekiston Respublikasi hududi orqali tranzitiga veterinariya hujjatlarini rasmiylashtirish tartibi

57. Xalqaro tashish bilan shugʻullanuvchi shaxslar tomonidan Oʻzbekiston Respublikasi hududida nazoratdagi tovarlarni tranzit qilish uchun import yoki eksport qiluvchi davlatning markaziy veterinariya organlari avtomatlashtirilgan axborot tizimi yoki qogʻoz formati vositasida vakolatli organga tranzit uchun ruxsatnoma berish boʻyicha murojaat qiladi.

(57-bandning birinchi xatboshisi Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

Manfaatdor yuridik va jismoniy shaxslar (MDH davlatlari vakillaridan tashqari) bevosita vakolatli organga tranzit uchun ruxsatnoma berish boʻyicha murojaat qilishga haqli.

(57-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

Murojaatnomada joʻnatuvchi va oluvchining nomi, marshrut yoʻnalishi, transport turi, nazoratdagi tovar nomi, tovarning kelib chiqishi va miqdori koʻrsatiladi. Ushbu murojaat asosida Oʻzbekiston Respublikasi Bosh davlat veterinariya inspektori yoki uning oʻrinbosari oʻttiz kun muddatda tranzit ruxsatnomasini rasmiylashtiradi va uni avtomatlashtirilgan axborot tizimi orqali yoki qogʻoz formatda nazoratdagi tovar egasiga beradi.

58. Nazoratdagi tovarlarni Oʻzbekiston Respublikasi hududlari orqali tranzit qilish Oʻzbekiston Respublikasi Bosh davlat veterinariya inspektori yoki uning oʻrinbosari tomonidan berilgan tranzit ruxsatnomasiga muvofiq, Oʻzbekiston Respublikasi davlat chegarasini kesib oʻtish joyidagi oʻtkazish punkti orqali amalga oshiriladi.

Nazoratdagi tovarlarning tranziti hamda uning Oʻzbekiston Respublikasi hududida amalga oshirilishi uchun ruxsatnoma olish nazoratdagi tovarlar egasi zimmasiga yuklanadi.

59. Oʻtkazish punktlarida nazoratdagi tovarlarni veterinariya nazoratidan oʻtkazish veterinariya sertifikati va boshqa kuzatuv hujjatlari taqdim etilgandan keyin amalga oshiriladi.

60. Hujjatli nazorat ishlari yakuniga yetgach, yuqumli kasalliklar mavjudligiga shubha paydo boʻlganda, hayvonlar veterinariya tekshiruvidan oʻtkaziladi, bunda hayvonlarning identifikatsiya raqamlari (tatuirovka, chiplar, belgi, tamgʻa va boshqalar) veterinariya sertifikatlarida koʻrsatilgan raqamlar bilan solishtiriladi, tashish shartlari, hayvonlarning holati va ularni keyinchalik oʻtkazish imkoniyatlari tekshiriladi.

Oʻzbekiston Respublikasi hududi orqali boshqa nazoratdagi tovarlar tranzitida tekshirishlar oʻtkazilmaydi.

Nazoratdagi tovarlarni tranzit vaqtida tekshirish (hayvonlar bundan mustasno) faqat davlat nazorati organlari qaroriga binoan oʻtkazish punktlarida yoki nazoratdagi tovarning arizadagiga muvofiq emasligi toʻgʻrisida axborot mavjud boʻlganda amalga oshiriladi.

61. Oʻtkazilgan nazorat natijalariga koʻra ChVNP mansabdor shaxsi qaror qabul qiladi va Oʻzbekiston Respublikasi hududiga kirishda veterinariya sertifikatiga va kuzatuv hujjatlariga 3-ilovaga* muvofiq shakldagi “Tranzitga ruxsat” yoki “Tranzit taqiqlanadi” shtamplarini qoʻyadi, Oʻzbekiston Respublikasi hududidan chiqarishda esa “Tranzit yakunlandi” shtampini qoʻyadi va muhrlaydi hamda oʻzining ismi-familiyasini koʻrsatgan holda imzosi bilan tasdiqlaydi.

62. Barcha zarur maʼlumotlar tranzitni hisobga olish daftarida qayd etiladi va elektron hisob tizimiga kiritiladi (joriy etilishiga koʻra).

63. Oʻzbekiston Respublikasi hududida tranzit qilish uchun ruxsatnomasi boʻlgan nazoratdagi tovarlarning egasi Oʻzbekiston Respublikasi veterinariya qonunchiligi talablariga rioya etishi shart.

Arizani koʻrib chiqish uchun yigʻim undirilmaydi.

6-bob. Oʻzbekiston Respublikasi hududiga nazoratdagi tovarlarning jismoniy shaxslarning qoʻl va bagaj yuklari, shuningdek pochta joʻnatmalari orqali kirib kelishi veterinariya nazoratini amalga oshirish tartibi

64. Oʻzbekiston Respublikasi davlat chegarasidagi chegara nazorat veterinariya punktlari, shu jumladan xalqaro pochta almashinuv joylarida tovarlarni qoʻl va bagaj yuki, pochta joʻnatmalari orqali jismoniy shaxslarning shaxsiy foydalanishi maqsadida, tegishli ruxsatnomasiz nazoratdagi tovarni joʻnatuvchi davlatning veterinariya sertifikatisiz kiritilishiga yoʻl qoʻymaslik boʻyicha ishlarni tashkillashtiradi, bitta jismoniy shaxs uchun 5 kilogrammgacha boʻlgan, zavod oʻramlaridagi, hayvonotga mansub mahsulot bundan mustasno.

(64-bandning birinchi xatboshisi Oʻzbekiston Respublikasi Vazirlar Mahkamasining 2020-yil 12-maydagi 281-sonli qarori tahririda — Qonun hujjatlari maʼlumotlari milliy bazasi, 13.05.2020-y., 09/20/281/0576-son — 2020-yil 14-avgustdan kuchga kiradi)

Joʻnatilgan davlatga qaytarib yuborish imkoni boʻlmagan nazoratdagi tovarlarni yoʻqotish (zararsizlantirish) qonunchilikda belgilangan tartibda amalga oshiriladi.

7-bob. Ruxsatnoma dublikatini berish, ruxsatnomaning amal qilishini toʻxtatib turish, toʻxtatish va uni bekor qilish

65. Ruxsatnoma yoʻqolgan yoki yaroqsiz holga kelgan taqdirda arizachining arizasiga asosan uning dublikati beriladi.

66. Davlat veterinariya xizmati arizachidan ariza qabul qilib olingan kundan boshlab uch ish kunidan koʻp boʻlmagan muddatda ruxsatnoma, veterinariya sertifikati (guvohnomasi) dublikatini, shuningdek yaroqsiz holga kelgan ruxsatnoma xususiyatiga ega hujjatning asl nusxasini beradi (yuboradi).

Dublikat berilganligi uchun yigʻim undirilmaydi.

67. Ruxsatnoma amal qilishini toʻxtatib turish, toʻxtatish, uni bekor qilish “Tadbirkorlik faoliyati sohasidagi ruxsat berish tartib-taomillari toʻgʻrisida”gi Oʻzbekiston Respublikasi Qonunining 22, 23 va 25-moddalarida nazarda tutilgan holatlarda va tartibda amalga oshiriladi.

68. Ruxsatnomaning amal qilishini belgilangan tartibda toʻxtatish uchun asos boʻladigan ruxsat berish talablari va shartlarini bir marotaba qoʻpol ravishda buzilishiga nazoratdagi tovarlarni tashish natijasida inson hamda hayvonlar sogʻligʻiga zarar yetkazish yoxud zarar yetkazilishining aniq xavfini paydo qilish kiradi.

8-bob. Ruxsatnomani qayta rasmiylashtirish

69. Arizachi-yuridik shaxs oʻzgartirilganda, uning nomi yoki joylashgan joyi (pochta manzili) oʻzgargan taqdirda, arizachi yoxud uning huquqiy vorisi qayta roʻyxatdan oʻtgandan keyin yetti ish kuni mobaynida davlat veterinariya xizmatiga ruxsatnomani qayta rasmiylashtirish toʻgʻrisidagi arizani koʻrsatilgan maʼlumotlarni tasdiqlovchi hujjatlarni ilova qilgan holda topshirishi shart.

Yangidan vujudga kelgan yuridik shaxsni davlat roʻyxatidan oʻtkazish sanasida ruxsatnomaga ega boʻlgan ariza beruvchi yuridik shaxslar qoʻshib yuborilgan taqdirda, ruxsatnoma ushbu bandning birinchi qismida nazarda tutilgan tartibda qayta rasmiylashtirishga yoʻl qoʻyiladi.

Ruxsatnomadagi mavjud maʼlumotlar ushbu bandning birinchi va ikkinchi xatboshilarida nazarda tutilmagan hollarda oʻzgartirilgan taqdirda, ruxsatnoma ariza beruvchi tegishli hujjatlar ilova qilingan arizasi boʻyicha qayta rasmiylashtiriladi.

(69-band Oʻzbekiston Respublikasi Vazirlar Mahkamasining 2018-yil 29-oktabrdagi 884-sonli qaroriga asosan xatboshilar bilan toʻldirilgan — Qonun hujjatlari maʼlumotlari milliy bazasi, 30.10.2018-y., 09/18/884/2128-son)

70. Hujjatlar arizachi tomonidan davlat veterinariya xizmatiga bevosita, pochta aloqa vositalari orqali yoki elektron shaklda, ular olinganligi haqida xabardor qilingan holda taqdim etiladi. Elektron shaklda taqdim etilgan hujjatlar tadbirkorlik subyektining elektron raqamli imzosi bilan tasdiqlanadi.

71. Ruxsatnoma qayta rasmiylashtirilganda davlat veterinariya xizmati berilgan ruxsatnomalar, veterinariya sertifikatlari (guvohnomalar) reyestriga tegishli oʻzgartirishlar kiritadi.

72. Ruxsatnomani qayta rasmiylashtirish va berish davlat veterinariya xizmati tomonidan ariza va tegishli hujjatlar qabul qilingandan soʻng uch ish kunidan oshmagan muddatda amalga oshiriladi.

73. Arizachidan ushbu bandda koʻzda tutilmagan hujjatlarni taqdim etishning talab qilinishiga yoʻl qoʻyilmaydi.

9-bob. Berilgan ruxsatnomalar reyestri

74. Berilgan ruxsatnomalar reyestrida quyidagi maʼlumotlar koʻrsatiladi:

a) arizachining nomi, tashkiliy-huquqiy shakli, STIR, joylashgan joyi (pochta manzili);

b) ruxsatnoma, veterinariya sertifikati (guvohnomasi)ning roʻyxatdan oʻtkazish raqami, berilgan sanasi va amal qilish muddati;

v) ruxsatnoma, veterinariya sertifikati (guvohnoma)ni qayta rasmiylashtirish, ularning amal qilish muddatini toʻxtatib turish, toʻxtatish va amal qilishini tiklash, dublikatlar berish, ruxsatnomalarni, veterinariya sertifikatlarini (guvohnomalarini)ni bekor qilishning asoslari va sanasi.

75. Ruxsatnoma xususiyatiga ega hujjatlarning reyestrlaridagi maʼlumotlar yuridik va jismoniy shaxslarning tanishishlari uchun ochiq hisoblanadi.

10-bob. Yakunlovchi qoidalar

76. Davlat veterinariya nazorati organlarining faoliyatiga aralashish, davlat veterinariya nazoratini amalga oshiruvchi mansabdor shaxslarning qonuniy faoliyatiga toʻsqinlik qilish maqsadida ularga har qanday shaklda taʼsir oʻtkazish taqiqlanadi va Oʻzbekiston Respublikasi qonunchiligiga muvofiq javobgarlikka sabab boʻladi.

77. Veterinariya sohasidagi daʼvolar qonunchilikda belgilangan tartibda hal etiladi.

78. Mazkur Nizom talablari buzilishida aybdor boʻlgan shaxslar qonunchilikka muvofiq javob beradilar.

Nazoratdagi tovarlarni eksport qilishda ruxsatnoma berish

SXEMASI

Bosqichlar	Subyektlar	Tadbirlar	Bajarish muddati
I bosqich	Arizachi — yuridik yoki jismoniy shaxs	1. Ushbu Nizomning 31-bandida koʻrsatilgan roʻyxatga muvofiq zarur ruxsatnoma olish uchun hujjatlarni tayyorlaydi. 2. Arizalarni avtomatlashtirilgan axborot tizimi orqali yoki qogʻoz formatda vakolatli organga yoki Qoraqalpogʻiston Respublikasi, viloyatlar va Toshkent shahri Bosh davlat veterinariya inspektorlariga taqdim etadi.	Arizachi xohishiga koʻra
II bosqich	Vakolatli organ	1. I-kategoriyasiga kiruvchi nazoratdagi tovarlarga tegishli arizalarni Qoraqalpogʻiston Respublikasi, viloyatlar va Toshkent shahri Bosh davlat veterinariya inspektorlariga tovar kelib chiqishi va eksportyor davlat talabiga mos kelishini oʻrganish uchun yuboradi. II va III-kategoriyalariga kiruvchi nazoratdagi tovarlarga tegishli arizalar Qoraqalpogʻiston Respublikasi, viloyatlar va Toshkent shahri Bosh davlat veterinariya inspektorlari bilan kelishilmaydi va vakolatli organ tomonidan amalga oshiriladi. 2. Taqdim etilgan arizalarni koʻrib chiqadi va avtomatlashtirilgan axborot tizimi orqali yoki qogʻoz formatda nazoratdagi tovarlarni Oʻzbekiston Respublikasidan eksport qilish uchun ruxsatnoma beradi yoki rad etishning asosi koʻrsatilgan holda ruxsatnoma berishni rad etadi. 3. Tranzit ruxsatnomasini olish uchun tegishli davlatlarning markaziy davlat veterinariya xizmatiga murojaat qiladi.	1. Bir ish kuni mobaynida 2. Uch ish kuni mobaynida 3. Tranzit davlatlarining milliy qonunchiligida belgilangan muddatlarda
III bosqich	Vakolatli organ	1. Davlat chegarasi va transportdagi davlat veterinariya nazorati boshqarmasiga, Qoraqalpogʻiston Respublikasi, viloyatlar va Toshkent shahri Bosh davlat veterinariya inspektorlariga, shuningdek yuk egasiga avtomatlashtirilgan axborot tizimi orqali yoki qogʻoz formatda berilgan ruxsatnomalarni taqdim etadi. 2. Olingan tranzit ruxsatnomalarini Qoraqalpogʻiston Respublikasi, viloyatlar va Toshkent shahri Bosh davlat veterinariya inspektorlariga, shuningdek yuk egasiga taqdim etadi.	1. Uch ish kuni mobaynida 2. Uchinchi davlatdan tranzit ruxsatnomasi olingandan keyin

Davlat veterinariya xizmati nazorati ostidagi tovarlarni eksport, import qilishga hamda Oʻzbekiston Respublikasi hududi orqali tranzit qilishga ruxsatnomalar berish tartibi toʻgʻrisidagi nizomga
2a-ILOVA

Nazoratdagi tovarlarni import qilishda ruxsatnoma berish

SXEMASI

Bosqichlar	Subyektlar	Tadbirlar	Bajarish muddati
I bosqich	Arizachi — yuridik yoki jismoniy shaxs	1. Ushbu Nizomning 44-bandida koʻrsatilganr roʻyxatga muvofiq zarur ruxsatnoma olish uchun hujjatlarni tayyorlaydi. 2. Arizalarni avtomatlashtirilgan axborot tizimi orqali yoki qogʻoz formatda vakolatli organga yoki Qoraqalpogʻiston Respublikasi, viloyatlar va Toshkent shahri Bosh davlat veterinariya inspektorlariga vakolatli organga taqdim etadi.	Arizachi xohishiga koʻra
II bosqich	Vakolatli organ	1. Roʻyxatdagi hujjatlarni qabul qiladi, arizachiga hujjat qabul qilingan sana koʻrsatilgan holda nusxasini qaytaradi (yuboradi). 2. I-kategoriyasiga kiruvchi nazoratdagi tovarlarga tegishli arizalarni Qoraqalpogʻiston Respublikasi, viloyatlar va Toshkent shahri Bosh davlat veterinariya inspektorlariga hududning epizootik holati va hayvonlarni karantin qilish imkoniyatini oʻrganish uchun yuboradi. II va III-kategoriyalariga kiruvchi nazoratdagi tovarlarga tegishli arizalar Qoraqalpogʻiston Respublikasi, viloyatlar va Toshkent shahri Bosh davlat veterinariya inspektorlari bilan kelishilmaydi va vakolatli organ tomonidan amalga oshiriladi.	Uch ish kuni mobaynida
	Qoraqalpogʻiston Respublikasi Veterinariya va chorvachilikni rivojlantirish qoʻmitasi, viloyatlar va Toshkent shahri veterinariya va chorvachilikni rivojlantirish boshqarmalari	Arizalarni koʻrib chiqadi va Oʻzbekiston Respublikasi veterinariya, veterinariya-sanitariya talablariga asosan import qilinishi moʻljallangan I-kategoriyaga kiruvchi nazoratdagi tovar keltiriladigan hududning epizootik holatini oʻrganadi va tegishli maʼlumotni vakolatli organga yuboradi.	Ikki ish kun mobaynida
	Vakolatli laboratoriyalar	Nazoratdagi tovarlarning xavflilik darajasiga qarab vakolatli organ koʻrsatmasiga asosan nazorat tartibida import qilingan tovarlarning veterinariya normalariga mos kelishi boʻyicha laboratoriya tekshiruvlari oʻtkazilishini taʼminlaydi.	Tovar turiga qarab, biroq 30 kun muddatdan oshmagan holda
III bosqich	Vakolatli organ	1. Taqdim etilgan arizani koʻrib chiqadi va avtomatlashtirilgan axborot tizimi orqali yoki qogʻoz formatda nazoratdagi tovarlarni Oʻzbekiston Respublikasidan import qilish uchun ruxsatnoma beradi yoki asosi koʻrsatilgan holda ruxsatnoma berishni rad etadi. 2. Tranzit ruxsatnomasini olish uchun tegishli davlatlarning markaziy davlat veterinariya organiga murojaatqiladi.	1. Bir oy muddatda 2. Tranzit davlatlarining milliy qonunchiligida belgilangan muddatlarda
IV bosqich	Vakolatli organ	1. Davlat chegarasi va transportdagi davlat veterinariya nazorati boshqarmasiga, Qoraqalpogʻiston Respublikasi Veterinariya va chorvachilikni rivojlantirish qoʻmitasiga, viloyatlar va Toshkent shahri veterinariya va chorvachilikni rivojlantirish boshqarmalariga, shuningdek, nazoratdagi tovar egasiga avtomatlashtirilgan axborot tizimi orqali yoki qogʻoz formatda berilgan ruxsatnomalarni taqdim etadi. 2. Olingan tranzit ruxsatnomalarini Qoraqalpogʻiston Respublikasi Veterinariya va chorvachilikni rivojlantirish qoʻmitasiga, viloyatlar va Toshkent shahri veterinariya va chorvachilikni rivojlantirish boshqarmalariga, shuningdek, nazoratdagi tovar egasiga taqdim etadi.	1. Uch ish kuni mobaynida 2. Uchinchi davlatdan tranzit ruxsatnomasi olingandan keyin

(2a-ilovaning matni Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

Oʻzbekiston Respublikasi hududidan nazoratdagi tovarlarning tranzit oʻtishi uchun ruxsatnoma berish

SXEMASI

Bosqichlar	Subyektlar	Tadbirlar	Bajarish muddati

I bos�ich	Arizachi — uchinchi davlatlarning markaziy veterinariya organlari, yuridik yoki jismoniy shaxslar (MDH davlatlaridan tashqari)	1. Ushbu Nizomning 57-bandida koʻrsatilgan roʻyxatga muvofiq zarur ruxsatnoma olish uchun hujjatlarni tayyorlaydi. 2. Arizalarni avtomatlashtirilgan axborot tizimi orqali yoki qogʻoz formatda taqdim etadi.	Arizachi xohishiga binoan
I bos�ich			Arizachi xohishiga binoan

II bosqich	Davlat veterinariya qoʻmitasi	1. Taqdim etilgan arizani koʻrib chiqadi va avtomatlashtirilgan axborot tizimi orqali yoki qogʻoz formatda nazoratdagi tovarlarni Oʻzbekiston Respublikasi hududidan nazoratdagi tovarlarning tranzit oʻtishi uchun ruxsatnoma beradi yoki asosi koʻrsatilgan holda ruxsatnoma berishni rad etadi.	Murojaat qilingan kundan boshlab 30 kun mobaynida.
II bosqich	Davlat veterinariya qoʻmitasi		Murojaat qilingan kundan boshlab 30 kun mobaynida.

(2b-ilova Oʻzbekiston Respublikasi Vazirlar Mahkamasining 2017-yil 14-avgustdagi 624-sonli qarori tahririda — OʻR QHT, 2017-y., 33-son, 857-modda)

Nazoratdagi tovarlarni eksport qilish uchun veterinariya guvohnomalari (sertifikatlari) berish

SXEMASI

Bosqichlar	Subyektlar	Tadbirlar	Bajarish muddati

I �osqich	tuman (shahar) veterinariya va chorvachilikni rivojlantirish boʻlimi	Tuman (shahar) davlat veterinariya inspektorlari tomonidan avtomatlashtirilgan axborot tizimi orqali yoki qogʻoz formatda import qiluvchi davlatning veterinariya talablariga muvofiq belgilangan shakldagi veterinariya guvohnomasini rasmiylashtiradi.	Bir ish kuni mobaynida
I �osqich			Bir ish kuni mobaynida

II bosqich	Davlat chegarasi va transportdagi davlat veterinariya nazorati boshqarmasi (ChVNP)	1. Nazoratdagi tovarlar chegaraga kelganda Davlat chegarasidagi veterinariya nazorati punkti xodimi tomonidan koʻrikdan oʻtkaziladi va veterinariya guvohnomasiga asosan avtomatlashtirilgan axborot tizimi orqali yoki qogʻoz formatda belgilangan shakldagi veterinariya sertifikatini xorijiy davlatlar uchun rasmiylashtiradi. 2. MDH davlatlari uchun tuman (shahar) davlat veterinariya inspektori tomonidan rasmiylashtirilgan veterinariya guvohnomasiga “olib chiqishga ruxsat berilgan” shtampi qoʻyiladi.	4 soat mobaynida (veterinariya hujjatlarini rasmiylashtirish)
II bosqich

(2v-ilova Oʻzbekiston Respublikasi Vazirlar Mahkamasining 2019-yil 3-oktabrdagi 841-sonli qarori tahririda — Qonun hujjatlari maʼlumotlari milliy bazasi, 03.10.2019-y., 09/19/841/3857-son)

Nazoratdagi tovarlarni import qilish uchun veterinariya guvohnomalari berish

SXEMASI

OʻZBEKISTON RESPUBLIKASI DAVLAT VETERINARIYA XIZMATI ‎ ‎Nazoratdagi tovarlarni tashishda veterinariya, veterinariya-sanitariya ‎ qoidalari va normalarining buzilishi haqida ‎DALOLATNOMA №
‎‎20__ y. ________________			‎	‎	‎	‎‎“__” ____________
‎	‎	‎	‎	‎	‎	‎	‎
‎Manzil _________________________________________________________________ ‎telefon ________________ ‎E-mail _________________ ‎Mazkur dalolatnoma tuzildi ________________________________________________
‎	‎	‎‎(lavozim, F.I.O.)
quyidagi shaxslar ishtirokida _______________________________________________
________________________________________________________________________
‎	(tovar qabul qiluvchining vakili (ekspeditor))
________________________________________________________________________ ‎________________________________________________________________________ ‎Amaldagi ishonchnomaga asosan №___________ sana ______________________ ‎Jumladan: _______________________________________________________________ ‎vaqt___________ soat ___ min. “__” ______________ y. ‎tovarning kuzatuv hujjati nomeri ___________________ _______________________. ‎Tovar kelgan vaqt _________________________________________________________ ‎Nazoratdagi tovar nomi ____________________________________________________ ‎Miqdori _______ joy (bosh) ________ ogʻirligi _______________ ‎Veterinariya sertifikati/veterinariya guvohnomasi, sifat sertifikati ‎(xavfsizligi) № _____________________ 20__ yil “___” ________________________ ‎Berildi: ________________________________________________________________
(eksport qiluvchi davlat, tashkilot, lavozimi, F.I.O.)
Joʻnatgan joy(davlat): _____________________________________________________ ‎Joʻnatuvchi: ______________________________________________________________ ‎Quyidagi manzilga: ________________________________________________________
‎	‎‎(nazoratdagi tovar egasining nomi, manzili, nazoratdagi tovarni qayta ishlash yoki saqlash, karantin va h. k.)
Aniqlandi: ______________________________________________________________
(nazoratdagi tovarlarn� tashishda veterinariya-sanitariya qoidalari ‎va ‎ normalari asosida)
________________________________________________________________________ ‎Oʻzbekiston Respublikasining veterinariya sohasiga oid qonun hujjatlariga asosan qaror qabul qilindi: ______________________________________________________ ‎Davlat veterinariya organi boʻlinmasi vakili: __________________________________ ‎________________________________________________________________________ ‎(lavozimi, F.I.O.) ‎Mansabdor shaxslar ishtirokida: _____________________________________________
‎	‎	‎	‎‎‎(lavozimi, F.I.O.)
‎‎Tovar egasining vakili yoki (tovar egasi): ‎________________________________________________________________________
‎‎(lavozimi, F.I.O.)
‎‎Dalolatnoma uch nusxada tuzildi.			‎	‎	‎	‎	‎
‎‎Veterinariya vrachi va dalolatnoma tuzish uchun asos boʻlgan vaziyatni tasdiqlashda ishtirok etgan shaxslar (kamida ikki nafar) tomonidan imzolanadi.
M.Oʻ./shtamp‎‎		‎	‎	‎	‎	‎	‎

Vazirlar Mahkamasining 2017-yil 15-martdagi 139-son qaroriga
5-ILOVA

Vazirlar Mahkamasining 2013-yil 15-avgustdagi 225-sonli qarori bilan tasdiqlangan Tadbirkorlik faoliyati sohasida ruxsat etish xususiyatiga ega hujjatlar roʻyxatiga kiritilayotgan oʻzgartirishlar

Vazirlar Mahkamasining 2013-yil 15-avgustdagi 225-son qarori bilan tasdiqlangan tadbirkorlik faoliyati doirasidagi ruxsat tusidagi hujjatlar roʻyxatida (Oʻzbekiston Respublikasi QT, 2013-yil 8-son, 55-modda):

1. 26-band quyidagi tahrirda bayon qilinsin:
“	26.	Hayvonotga mansub mahsulot va xomashyolarni ishlab chiqarish, saqlash va sotish bilan shugʻullanuvchi subyektlar faoliyatining veterinariya, veterinariya-sanitariya qoidalari va meʼyorlariga muvofiqligi boʻyicha veterinariya-sanitariya xulosasi	Hayvonotga mansub mahsulot va xomashyolarni ishlab chiqarish, saqlash va sotish	Qoraqalpogʻiston Respublikasi, viloyatlar va Toshkent shahri davlat veterinariya boshqarmalari	”.
2. 29-band quyidagi tahrirda bayon qilinsin;
“	29.	Davlat veterinariya xizmati nazoratidagi tovarlarni import, eksport qilish hamda Oʻzbekiston Respublikasi hududi orqali tranzit qilishga ruxsat berish	Eksport uchun veterinariya hujjatlari ilovalarini rasmiylashtirish (veterinariya sertifikati) import qiluvchi davlat talabiga koʻra import uchun veterinariya hujjatlarini rasmiylashtirish (veterinariya guvohnomasi) davlat veterinariya xizmati nazoratidagi tovarlarning veterinariya sertifikati va tranzit ruxsatnomasi mavjud boʻlganda	Oʻzbekiston Respublikasi Qishloq va suv xoʻjaligi vazirligi huzuridagi Davlat veterinariya bosh boshqarmasi	”.
3. 165-band quyidagi tahrirda bayon qilinsin:
“	165.	Ixtisoslashgan soʻyish korxonalarining veterinariya, veterinariya-sanitariya qoidalari va meʼyorlariga muvofiqligi boʻyicha veterinariya-sanitariya xulosasi	Hayvonlarni ixtisoslashgan soʻyish korxonalarida soʻyish	Tuman yoki shahar davlat veterinariya boʻlimlari	”.
4. 213-band quyidagi tahrirda bayon qilinsin:
“	213.	Mahalliy va import qilinuvchi veterinariya dori vositalari hamda ozuqabop qoʻshimchalarga roʻyxatdan oʻtkazilganlik guvohnomasi	Veterinariya dori vositalari hamda ozuqabop qoʻshimchalarni ishlab chiqarish, sotish, qoʻllash va Oʻzbekiston Respublikasi hududiga import qilish	Oʻzbekiston Respublikasi Qishloq va suv xoʻjaligi vazirligi huzuridagi Davlat veterinariya bosh boshqarmasi	”.

(Oʻzbekiston Respublikasi qonun hujjatlari toʻplami, 2017-y., 11-son, 166-modda, 33-son, 857-modda; Qonun hujjatlari maʼlumotlari milliy bazasi, 23.12.2017-y., 10/17/1001/0447-son, 30.10.2018-y., 09/18/884/2128-son, 19.09.2019-y., 09/19/787/3770-son, 03.10.2019-y., 09/19/841/3857-son, 29.12.2019-y., 09/19/1046/4242-son; 12.05.2020-y., 09/20/277/0573-son, 13.05.2020-y., 09/20/281/0576-son; 01.02.2021-y., 09/21/43/0071-son, Qonunchilik maʼlumotlari milliy bazasi, 22.02.2022-y., 09/22/86/0160-son)