Hujjat kuchini yo‘qotgan " " 28.03.2018

OʻZBEKISTON RESPUBLIKASI MARKAZIY BANKI BOShQARUVI
OʻZBEKISTON RESPUBLIKASI MOLIYA VAZIRLIGINING

Qarori

OʻZBEKISTON RESPUBLIKASI DAVLAT BUDJETINING KASSA IJROSI TOʻGʻRISIDAGI YOʻRIQNOMANI TASDIQLASh HAQIDA

[Oʻzbekiston Respublikasi Adliya vazirligi tomonidan 2012-yil 1-fevralda 2320-son bilan davlat roʻyxatidan oʻtkazilgan]

LexUZ sharhi

Mazkur qaror Oʻzbekiston Respublikasi Markaziy banki Boshqaruvi va Moliya vazirligining 2018-yil 15-martdagi 322-V-1, 63-sonli “Oʻzbekiston Respublikasi Davlat budjetining kassa ijrosi toʻgʻrisidagi yoʻriqnomani tasdiqlash haqida”gi qarorni oʻz kuchini yoʻqotgan deb topish toʻgʻrisida”gi qaroriga (roʻyxat raqami 2320-1, 27.03.2018-y.) asosan oʻz kuchini yoʻqotgan.

Oʻzbekiston Respublikasining “Budjet tizimi toʻgʻrisida” (Oʻzbekiston Respublikasi Oliy Majlisining Axborotnomasi, 2001-y., 1-2-son, 6-modda), “Oʻzbekiston Respublikasining Markaziy banki toʻgʻrisida” (Oʻzbekiston Respublikasi Oliy Majlisining Axborotnomasi, 1995-y., 12-son, 247-modda), “Banklar va bank faoliyati toʻgʻrisida”gi (Oʻzbekiston Respublikasi Oliy Majlisining Axborotnomasi, 1996-y., 5-6-son, 54-modda) qonunlariga va Oʻzbekiston Respublikasi Vazirlar Mahkamasining 1999-yil 3-sentabrdagi 414-sonli “Budjet tashkilotlarini mablagʻ bilan taʼminlash tartibini takomillashtirish toʻgʻrisida”gi qaroriga (Oʻzbekiston Respublikasi Hukumati qarorlarining toʻplami, 1999-y., 9-son, 51-modda) asosan Oʻzbekiston Respublikasi Markaziy banki Boshqaruvi va Moliya vazirligi qaror qiladilar:

1. Oʻzbekiston Respublikasi Davlat budjetining kassa ijrosi toʻgʻrisidagi yoʻriqnoma ilovaga muvofiq tasdiqlansin.

2. Oʻzbekiston Respublikasi Markaziy banki Boshqaruvining va Oʻzbekiston Respublikasi Moliya vazirligining 2001-yil 12-yanvardagi 183-V va 12-son “Oʻzbekiston Respublikasi Davlat budjetining kassa ijrosi toʻgʻrisidagi yoʻriqnomani tasdiqlash toʻgʻrisida”gi qarori (roʻyxat raqami 1009, 2001-yil 19-fevral) oʻz kuchini yoʻqotgan deb hisoblansin.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Markaziy bank raisi F. MULLAJONOV

Toshkent sh.,

2011-yil 31-dekabr,

38/1-son

Moliya vaziri R. AZIMOV

Toshkent sh.,

2011-yil 31-dekabr,

89-son

Oʻzbekiston Respublikasi Markaziy banki Boshqaruvi, Moliya vazirligining 2011-yil 31-dekabrdagi 38/1 va 89-son qaroriga
ILOVA

Oʻzbekiston Respublikasi Davlat budjetining kassa ijrosi toʻgʻrisidagi

YOʻRIQNOMA

Mazkur Yoʻriqnoma Oʻzbekiston Respublikasining “Budjet tizimi toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 2001-y., 1-2-son, 6-modda), “Oʻzbekiston Respublikasining Markaziy banki toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1995-y., 12-son, 247-modda), “Banklar va bank faoliyati toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-y., 5-6-son, 54-modda) va Oʻzbekiston Respublikasi Vazirlar Mahkamasining 1999-yil 3-sentabrdagi 414-sonli “Budjet tashkilotlarini mablagʻ bilan taʼminlash tartibini takomillashtirish toʻgʻrisida”gi qaroriga (Oʻzbekiston Respublikasi Hukumati qarorlarining toʻplami, 1999-y., 9-son, 51-modda) asosan ishlab chiqilgan boʻlib, Oʻzbekiston Respublikasining Davlat budjeti (keyingi oʻrinlarda Davlat budjeti deb yuritiladi) kassa ijrosini amalga oshirish va uning hisobini yuritish tartibini belgilaydi.

I bob. Umumiy qoidalar

1. Davlat budjetining kassa ijrosi Davlat budjetining barcha daromadlarini yagona gʻazna hisobvaragʻiga kiritishdan, shuningdek Davlat budjetining xarajatlarini shu hisobvaraqdan toʻlashdan iborat.

Oʻzbekiston Respublikasi Moliya vazirligining Gʻaznachiligi (keyingi oʻrinlarda Gʻaznachilik deb yuritiladi) va uning hududiy boʻlinmalari Oʻzbekiston Respublikasi Markaziy bankida va oʻzga banklarda boshqa bank hisobvaraqlari ochish huquqiga ega.

2. Davlat budjetining gʻazna ijrosi moliya yili mobaynida hamda Oʻzbekiston Respublikasi Vazirlar Mahkamasi tomonidan belgilanadigan qoʻshimcha vaqt davrida amalga oshiriladi.

II bob. Davlat budjetining daromadlari boʻyicha kassa ijrosi

1-§. Davlat budjeti daromadlari

3. Davlat budjeti daromadlari:

qonun hujjatlarida belgilangan soliqlar, yigʻimlar, bojlar va boshqa majburiy toʻlovlar;

davlatning moliyaviy va boshqa aktivlarining joylashtirilishi, foydalanishga berilishi va sotilishidan olingan daromadlar;

qonun hujjatlariga muvofiq meros olish, hadya etish huquqi boʻyicha davlat mulkiga oʻtgan pul mablagʻlari;

yuridik va jismoniy shaxslardan, shuningdek chet el davlatlaridan kelgan qaytarilmaydigan pul tushumlari;

rezident-yuridik shaxslarga va chet el davlatlariga berilgan budjet ssudalarini qaytarish hisobiga tushadigan toʻlovlar;

qonun hujjatlarida taqiqlanmagan boshqa daromadlar hisobiga shakllantiriladi.

4. Davlat budjetiga kelib tushgan mablagʻlarning toʻgʻri va oʻz vaqtida kirim qilinishini taʼminlash maqsadida moliya, soliq, bojxona va boshqa vakolatli organlarning xos raqamlari bilan 23402, 23403, 23407, 23409, 20207, 20205 va 23411 balans hisobvaraqlari Oʻzbekiston Respublikasi budjet tasnifini qoʻllash boʻyicha Yoʻriqnomaning (roʻyxat raqami 2146, 2010-yil 11-oktabr) (Oʻzbekiston Respublikasi qonun hujjatlari toʻplami, 2010-y., 40-41-son, 356-modda) 2-ilovasi daromadlar turiga asosan belgilangan shaxsiy hisob raqamlarga (keyingi oʻrinlarda ShHR deb yuritiladi) muvofiq banklarda ochiladi.

5. Yuridik va jismoniy shaxslar tomonidan Davlat budjetiga oʻtkaziladigan soliqlar va boshqa majburiy toʻlovlar banklar tomonidan qabul qilinadi va belgilangan tartibda 23402, 23403, 23407, 23409, 20207, 20205 va 23411 balans hisobvaraqlariga kirim qilinadi.

6. Qonun hujjatlarida belgilangan tartibda va miqdorda yuridik va jismoniy shaxslar tomonidan toʻlanadigan davlat bojlari, yigʻimlar va soliq boʻlmagan toʻlovlardan, maʼmuriy va moliyaviy jazolardan ajratmalar banklar tomonidan 23411 balans hisobvaragʻida ochilgan mos ShHR ga kirim qilinadi va oʻrnatilgan tartibda Davlat budjeti hamda tegishli vazirliklar, davlat qoʻmitalari va idoralarning budjetdan tashqari jamgʻarmalari oʻrtasida taqsimlanadi.

7. Davlat budjetining 23402, 23403, 20207 va 20205 balans hisobvaraqlarining ShHR ga kirim qilingan mablagʻlar dasturiy ravishda belgilangan miqdorlarda ajratma qilinadi va toʻliq yagona gʻazna hisob raqamiga oʻtkaziladi. Bunda, ajratma qilingan mablagʻlarning tegishli respublika budjeti, Qoraqalpogʻiston Respublikasi budjeti, mahalliy budjetlar va budjetdan tashqari jamgʻarmalarning Gʻaznachilikda ochilgan shaxsiy gʻazna hisob raqamlariga toʻgʻri kirim qilinishini taʼminlash maqsadida dasturiy ravishda shakllantiriladigan toʻlov hujjatlarining toʻlov maqsadida ularning shaxsiy gʻazna hisob raqamlari alohida koʻrsatilishi shart.

8. Hududiy moliya organlari Gʻaznachilikning hududiy boʻlinmalari bilan birgalikda mazkur shaxsiy gʻazna hisob raqamlari roʻyxatini xizmat koʻrsatuvchi tijorat bankiga taqdim etadi. Banklar oʻz navbatida, ajratmalarni dasturiy yoʻl bilan toʻgʻri taqsimlanishini taʼminlash maqsadida taqdim etilgan shaxsiy gʻazna hisob raqamlarini dasturga kiritilishini taʼminlashi lozim. Mazkur shaxsiy gʻazna hisob raqamlarning dasturga toʻgʻri kiritilganligi bank, moliya va Gʻaznachilikning hududiy boʻlinmalari tomonidan har yilning 1-yanvar holatiga xatlovdan oʻtkaziladi va uch tomonlama dalolatnoma bilan rasmiylashtiriladi.

9. Soliqlar va boshqa majburiy toʻlovlarni toʻlash milliy valyutada, qonun hujjatlarida nazarda tutilgan hollarda esa, chet el valyutasida amalga oshirilishi mumkin. Bunda chet el valyutasida toʻlangan soliq va boshqa majburiy toʻlovlar avval Oʻzbekiston Respublikasi Moliya vazirligining tegishli valyuta hisobvaraqlariga kirim qilinadi va belgilangan tartibda milliy valyutaga konvertatsiya qilinadi. Milliy valyutaga konvertatsiya qilingan soliq va boshqa majburiy toʻlovlar mazkur daromadlarning tegishliligiga qarab respublika budjetining daromadiga, yoki Qoraqalpogʻiston Respublikasi va mahalliy budjetlarning daromadiga oʻzaro hisob-kitoblar boʻyicha olib boriladi. Bunda chet el valyutasining milliy valyutaga nisbatan kursining oʻzgarishi hisobiga yuzaga keladigan ijobiy farq respublika budjeti daromadiga kirim qilinadi.

10. Yuridik shaxslar tomonidan Davlat budjetiga toʻlanadigan soliqlar va boshqa majburiy toʻlovlar naqd pulsiz shaklda amalga oshiriladi.

11. Jismoniy shaxslar tomonidan soliqlar va boshqa majburiy toʻlovlar naqd pul yoki naqd pulsiz shaklda toʻlanishi mumkin.

12. Davlat budjetiga soliqlar va boshqa majburiy toʻlovlarni toʻlash maqsadida taqdim etilgan toʻlov hujjatlarining toʻgʻri toʻldirilganligi va toʻlov toʻgʻri amalga oshirilayotganligi bank tomonidan tekshirilgandan keyin toʻlovga qabul qilinishi lozim. Banklarga taqdim etilgan toʻlov hujjatlari notoʻgʻri toʻldirilgan boʻlsa, ularning sabablari koʻrsatilgan holda toʻlov hujjatlari taqdim etuvchilarga qaytariladi.

13. Yuridik shaxslar tomonidan xodimlarga hisoblangan ish haqidan ushlab qolingan daromad soligʻi hamda fuqarolarning jamgʻarib boriladigan pensiya badalini Davlat budjetiga hamda Oʻzbekiston Respublikasi Davlat-tijorat Xalq banki filialida ochilgan 22628 balans hisobvaragʻining 999 tartib raqamiga oʻtkazish uchun toʻlov topshiriqnomasini joriy oyning ikkinchi yarmida ish haqi olish uchun topshiradigan chek bilan yoki ish haqini plastik kartochkasiga oʻtkazayotgan bir vaqtda taqdim etiladi.

Agar, bankka ish haqi olish uchun topshiradigan chek bilan yoki ish haqini plastik kartochkasiga oʻtkazayotgan bir vaqtda toʻlov topshiriqnomalari taqdim etilmasa, ish haqi olish uchun naqd pul berishga yoki ish haqini plastik kartochkasiga oʻtkazishga ruxsat etilmaydi.

14. Yuridik shaxslar tomonidan daromad soligʻi va fuqarolarning jamgʻarib boriladigan pensiya badalini oʻtkazish uchun banklarga taqdim etilgan toʻlov topshiriqnomalariga “Toʻlov maqsadida “__” “_________” oyi ish haqidan ushlab qolingan daromad soligʻi yoki fuqarolarning jamgʻarib boriladigan pensiya badali summasi oʻtkazildi” deb yozib qoʻyilishi lozim.

15. Yuridik shaxslarning hisobvaraqlarida mablagʻlar yetarli boʻlmasa, banklarga taqdim etilgan soliqlar va boshqa majburiy toʻlovlar summasini oʻtkazish boʻyicha toʻlov topshiriqnomasi “Muddatida toʻlanmagan hisob-kitob hujjatlari” kirim qilinadi va toʻlovlar belgilangan tartibda amalga oshiriladi.

16. Yuridik va jismoniy shaxslarning soliqlar va boshqa majburiy toʻlovlar summasini oʻtkazish boʻyicha toʻlov hujjatlari, tegishli vakolatli organlarning soliqlar va boshqa majburiy toʻlovlarni undirish toʻgʻrisidagi inkasso topshiriqnomasi bankning aybi bilan bajarilmagan (bajarilishi kechiktirilgan) taqdirda, bank har bir kechiktirilgan kun uchun oʻtkazilmagan soliqlar va boshqa majburiy toʻlovlar summasining 0,5 foizi miqdorida respublika budjetiga penya toʻlaydi.

17. Davlat budjetiga toʻlanadigan soliqlar va boshqa majburiy toʻlovlar alohida yozilgan toʻlov hujjatlariga asosan Davlat budjeti daromadlari hisobvaragʻiga kirim qilinadi.

18. Davlat budjeti daromadlari hisobvaragʻiga kelib tushgan mablagʻlarning kirim qilinganligi toʻgʻrisida hisobvaraqdan koʻchirma va ilovalar banklar tomonidan qogʻoz yoki elektron fayl koʻrinishida soliq, bojxona va boshqa tegishli organlarga belgilangan tartibda taqdim etiladi.

2-§. Davlat budjeti daromadlari hisobidan ajratmalar qilish

19. Davlat budjetiga kelib tushgan soliqlar va boshqa majburiy toʻlovlar hisobidan respublika budjetiga, Qoraqalpogʻiston Respublikasi budjetiga va mahalliy budjetlarga hamda budjetdan tashqari jamgʻarmalarga belgilangan miqdorda ajratma qilinadi.

20. Oʻzbekiston Respublikasi Moliya vazirligi Davlat budjeti daromadlari hisobidan respublika budjetiga, Qoraqalpogʻiston Respublikasi budjetiga va mahalliy budjetlarga hamda budjetdan tashqari jamgʻarmalarga ajratma qilish miqdorini Gʻaznachilikka, Qoraqalpogʻiston Respublikasi Moliya vazirligiga, viloyat (shahar) moliya boshqarmalariga hamda Oʻzbekiston Respublikasi Markaziy bankiga yetkazadi. Oʻzbekiston Respublikasi Markaziy banki oʻz navbatida ajratmalar miqdorini Oʻzbekiston Respublikasi Markaziy bankining hududiy Bosh boshqarmalari hamda tijorat banklarining Bosh ofislariga ijro uchun yuboradi.

Gʻaznachilik Davlat budjeti daromadlari hisobidan respublika budjetiga, Qoraqalpogʻiston Respublikasi budjetiga va mahalliy budjetlarga hamda budjetdan tashqari jamgʻarmalarga ajratma qilish miqdorini Gʻaznachilikning hududiy boʻlinmalariga yetkazadi.

21. Qoraqalpogʻiston Respublikasi Moliya vazirligi va viloyatlar (Toshkent shahar) moliya boshqarmalari tegishli ajratma qilish miqdorini har bir shahar va tuman moliya organlariga yetkazadi, shahar va tuman moliya organlari esa, gʻaznachilikning hududiy boʻlinmalariga va tegishli tijorat banklariga yetkazadi.

22. Qoraqalpogʻiston Respublikasi Moliya vazirligi va viloyatlar (Toshkent shahar) moliya boshqarmalari, shuningdek Oʻzbekiston Respublikasi Markaziy bankining hududiy Bosh boshqarmalari va tijorat banklari Davlat budjeti daromadlari hisobidan respublika budjetiga, Qoraqalpogʻiston Respublikasi budjetiga va mahalliy budjetlarga hamda budjetdan tashqari jamgʻarmalarga ajratma qilish miqdorini asossiz ravishda oʻzgartirishga haqli emas.

23. Davlat budjeti daromadlari hisobidan respublika budjetiga, Qoraqalpogʻiston Respublikasi budjetiga va mahalliy budjetlarga hamda budjetdan tashqari jamgʻarmalarga ajratma qilish miqdori, shuningdek tegishli budjetlar va budjetdan tashqari jamgʻarmalarning shaxsiy gʻazna hisobvaraqlari joriy yil davomida oʻzgarsa, mazkur Yoʻriqnomaning 20 va 21-bandlarida belgilangan tartibda qoʻshimcha xabar qilinadi.

24. Davlat budjeti daromadlari hisobiga kelib tushgan kunlik soliqlar va boshqa majburiy toʻlovlar hisobidan respublika budjeti, Qoraqalpogʻiston Respublikasi budjeti va mahalliy budjetlarga hamda budjetdan tashqari jamgʻarmalarga ajratmalar banklar tomonidan dasturiy ravishda oʻrnatilgan ajratma miqdorida joriy amaliyot kuni davomida amalga oshiriladi va har bir tegishli budjetlar boʻyicha alohida memorial ordyerlar bilan shakllantirilib toʻliq yagona gʻazna hisobvaragʻiga oʻtkaziladi. Bunda, dasturiy ravishda shakllantirilgan memorial ordyerlarning toʻlov maqsadida respublika budjeti, Qoraqalpogʻiston Respublikasi budjeti va mahalliy budjetlar hamda budjetdan tashqari jamgʻarmalarning shaxsiy gʻazna hisobvaraqlari alohida koʻrsatiladi.

25. Davlat budjeti daromadlari kelib tushgan soliqlar va boshqa majburiy toʻlovlar hisobidan respublika budjeti, Qoraqalpogʻiston Respublikasi budjeti va mahalliy budjetlarga hamda budjetdan tashqari jamgʻarmalarga ajratmalar har bir ShHR boʻyicha alohida amalga oshiriladi.

3-§. Budjetga notoʻgʻri yoki ortiqcha oʻtkazilgan soliqlarni va boshqa majburiy toʻlovlarni oʻzaro boshqa toʻlovlar hisobiga oʻtkazish yoki qaytarish

26. Budjetga ortiqcha toʻlangan soliqlar va boshqa majburiy toʻlovlar Oʻzbekiston Respublikasi Soliq kodeksida belgilangan tartibda soliq toʻlovchilarning yozma arizasiga koʻra qaytarib beriladi yoki kelgusi toʻlovlar yoxud boshqa toʻlovlar hisobiga oʻtkaziladi.

27. Davlat budjetiga ortiqcha toʻlangan bojxona toʻlovlari Ortiqcha toʻlangan yoki undirilgan bojxona toʻlovlarini qaytarish toʻgʻrisidagi yoʻriqnomaga (roʻyxat raqami 947, 2000-yil 14-iyul) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2000-y., 13-son) asosan tartibga solinadi.

28. Ortiqcha toʻlangan soliqlar va boshqa majburiy toʻlovlarni qaytarish ortiqcha toʻlangan summa qaysi budjetga yoki davlat maqsadli jamgʻarmasiga oʻtkazilgan boʻlsa, oʻsha budjet yoki davlat maqsadli jamgʻarmasi mablagʻlaridan soliq toʻlovchining yozma arizasi asosida, zimmasiga soliqlar va boshqa majburiy toʻlovlarni undirib olish majburiyati yuklatilgan vakolatli davlat organlari va tashkilotlariga tegishli ariza berilgan sanadan eʼtiboran oʻttiz ish kuni ichida amalga oshiriladi.

29. Moliya organlari budjetga ortiqcha oʻtkazilgan soliqlarni va boshqa majburiy toʻlovlarni soliq toʻlovchilarga qaytarish yoki kelgusi soliqlar va boshqa majburiy toʻlovlar hisobiga oʻtkazish toʻgʻrisidagi davlat soliq xizmati organlarining yozma xulosasini olgan kundan keyingi ish kunidan kechikmasdan banklarga toʻlov topshiriqnomalarini taqdim etadi.

30. Moliya va boshqa tegishli vakolatli organlar tomonidan taqdim etilgan toʻlov topshiriqnomasiga asosan budjetga notoʻgʻri yoki ortiqcha oʻtkazilgan mablagʻlarni 23402, 23403, 23407, 23409, 20207, 20205 va 23411 balans hisobvaraqlarining mos ShHR idan kunlik tushumlar hisobidan respublika budjetiga, Qoraqalpogʻiston Respublikasi budjetiga va mahalliy budjetlarga ajratmalar qilishdan oldin boshqa toʻlovlar hisobiga oʻtkaziladi yoki soliq toʻlovchilarga qaytariladi.

31. Soliqlar va boshqa majburiy toʻlovlarning mos daromadlar ShHR ga kelib tushgan kunlik tushumlar yetarli boʻlmaganda moliya organlari tomonidan banklarga taqdim etilgan toʻlov topshiriqnomalari boʻyicha toʻlovlarni qisman toʻlashga ruxsat etiladi.

Alohida hollarda, soliqlar va boshqa majburiy toʻlovlarning mos daromadlar ShHR ga kelib tushgan kunlik tushumlar yetarli boʻlmaganda, Oʻzbekiston Respublikasi Moliya vazirligining xulosasiga asosan tegishli moliya organlarining toʻlov topshiriqnomalariga muvofiq soliq toʻlovchiga yagona gʻazna hisobvaragʻidan (tegishli budjetlarning tushumlarini kamaytirgan holda) qaytarishga ruxsat etiladi.

III bob. Davlat budjetining xarajatlari boʻyicha kassa ijrosi

1-§. Davlat budjetining xarajatlari

32. Davlat budjetidan Oʻzbekiston Respublikasining “Budjet tizimi toʻgʻrisida”gi Qonuni bilan belgilangan xarajatlar amalga oshiriladi. Davlat budjeti xarajatlari tasdiqlangan budjet asosida yagona gʻazna hisobvaragʻida mavjud qoldiq doirasida amalga oshiriladi.

33. Gʻazna ijrosi bilan qamrab olinmagan budjetdan mablagʻ oluvchilarni moliyalashtirish maqsadida Oʻzbekiston Respublikasi Moliya vazirligi tomonidan taqdim etilgan toʻlov topshiriqnomalari “toʻlov maqsadi”da xarajatlarning boʻlimi, kichik boʻlimi, bobi hamda qaysi oy uchun moliyalashtirilganligi koʻrsatiladi.

34. Gʻazna ijrosi bilan qamrab olinmagan budjetdan mablagʻ oluvchilar oʻz qaramogʻidagi muassasalarga pul mablagʻlarini oʻtkazish uchun taqdim etgan toʻlov topshiriqnomalari “toʻlov maqsadi”da xarajatlarning boʻlimi, kichik boʻlimi, bobi hamda qaysi oy uchun moliyalashtirilganligini koʻrsatadi.

35. Respublika budjeti hisobidan ajratilgan mablagʻlarni kirim qilish maqsadida gʻazna ijrosi bilan qamrab olinmagan budjetdan mablagʻ oluvchilarga 23404 “Respublika budjeti qaramogʻidagi muassasalarning mablagʻlari” hisobvaraqlari Davlat budjetining xarajatlar tasnifining tegishli ShHR ga asosan ochiladi.

36. Gʻazna ijrosi bilan qamrab olinmagan budjetdan mablagʻ oluvchilar respublika budjetidan moliyalashtirilgan mablagʻlar hisobidan xarajatlarni 23404 “Respublika budjeti qaramogʻidagi muassasalarning mablagʻlari” hisobvaragʻidagi qoldiq summa doirasida, Oʻzbekiston Respublikasi Moliya vazirligi tomonidan roʻyxatga olingan tegishli xarajatlar smetasiga asosan amalga oshiradi.

37. Gʻazna ijrosi bilan qamrab olinmagan budjetdan mablagʻ oluvchilarga respublika budjetidan mablagʻlar belgilangan limitdan ortiqcha yoki notoʻgʻri oʻtkazilgan hollarda, ushbu ortiqcha yoki notoʻgʻri oʻtkazilgan mablagʻlar budjet tashkilotining toʻlov topshiriqnomasiga yoki Oʻzbekiston Respublikasi Moliya vazirligi tomonidan qoʻyilgan inkasso topshiriqnomasiga asosan respublika budjetiga qaytarilishi lozim.

38. Gʻazna ijrosi bilan qamrab olinmagan budjetdan mablagʻ oluvchilar tomonidan taqdim etilgan toʻlov topshiriqnomalari ularning hisobvaraqlarida mablagʻlar yetarli boʻlgan hollarda bank tomonidan ijro uchun qabul qilinadi.

39. Gʻazna ijrosi bilan qamrab olinmagan budjetdan mablagʻ oluvchilarga budjet mablagʻlari hisobidan markaziy boshqaruv apparatini saqlash, markazlashgan tadbirlarni amalga oshirish uchun xarajatlar qilishga, shuningdek Oʻzbekiston Respublikasi Moliya vazirligi tomonidan oʻtkazilgan mablagʻlarni quyi pogʻonadagi budjet mablagʻlarini tasarruf etuvchilar oʻrtasida taqsimlash huquqi berilgan.

40. Davlat budjeti mablagʻlari hisobidan xarajatlarni amalga oshirishda Oʻzbekiston Respublikasi Mudofaa vazirligining tashkilotlari, muassasalari, harbiy qismlari va taʼminlovchi moliya boʻlimlari tomonidan banklarga taqdim qilinadigan toʻlov topshiriqnomalari “toʻlov maqsadi”da “Harbiy” soʻzini koʻrsatadilar.

41. Oʻzbekiston Respublikasi Mudofaa vazirligining tashkilotlari, muassasalari, harbiy qismlari va taʼminlovchi moliya boʻlimlari budjetdan tashqari mablagʻlari hisobidan toʻlovlarni amalga oshirish uchun taqdim etgan toʻlov topshiriqnomalari “toʻlov maqsadi”da schyot-faktura raqami va sanasi koʻrsatiladi, tovar va xizmatlarning nomi yozilmaydi.

2-§. Kapital qoʻyilmalar xarajatlari

42. Oʻzbekiston Respublikasi Moliya vazirligi tomonidan respublika budjetidan kapital qoʻyilmalarga ajratmalar joriy budjet yili uchun tasdiqlangan Oʻzbekiston Respublikasi investitsiya dasturiga muvofiq qurilishlarning aniq roʻyxatlariga asosan ajratiladi.

43. Oʻzbekiston Respublikasi Moliya vazirligi tomonidan kapital qoʻyilmalar xarajatlarini moliyalashtirish uchun ajratilgan mablagʻlarni kirim qilish maqsadida, gʻazna ijrosi bilan qamrab olinmagan budjetdan mablagʻ oluvchilarga ularning xos raqami bilan 23422 “Kapital qoʻyilmalarni respublika budjetidan moliyalashtirish” hisobvaraqlari faqat Oʻzbekiston Respublikasi Markaziy bankining Toshkent shahar Bosh boshqarmasi Hisob-kitob kassa markazida va respublika tijorat banklarining amaliyot Bosh boshqarmalarida ochiladi. Oʻzbekiston Respublikasi Moliya vazirligidan kapital qoʻyilmalar xarajatlarini moliyalashtirish uchun ajratilgan mablagʻlarni kirim qilish uchun gʻazna ijrosi bilan qamrab olinmagan budjetdan mablagʻ oluvchilarga boshqa bank boʻlimlarida 23422 “Kapital qoʻyilmalarni respublika budjetidan moliyalashtirish” hisobvaraqlarini ochishga ruxsat etilmaydi.

44. Respublika budjetidan kapital qoʻyilmalar xarajatlarini moliyalashtirish uchun mablagʻlar Oʻzbekiston Respublikasi Moliya vazirligining toʻlov topshiriqnomasiga asosan gʻazna ijrosi bilan qamrab olinmagan budjetdan mablagʻ oluvchilarning 23422 “Kapital qoʻyilmalarni respublika budjetidan moliyalashtirish” hisobvaraqlariga oʻtkaziladi. Respublika budjetidan kapital qoʻyilmalar xarajatlarini moliyalashtirish uchun ochiladigan 23422 “Kapital qoʻyilmalarni respublika budjetidan moliyalashtirish” hisobvaraqlariga budjetdan tashqari mablagʻlarni kirim qilish qatʼiyan taqiqlanadi.

45. Kapital qoʻyilmalarni moliyalashtirish uchun ajratilgan mablagʻlar tayinlash sertifikati Oʻzbekiston Respublikasi Davlat budjetini tuzish va ijro etish qoidalariga (roʻyxat raqami 1111, 2002-yil 14-mart) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2002-y., 5-son) asosan rasmiylashtiriladi.

46. Gʻazna ijrosi bilan qamrab olinmagan budjetdan mablagʻ oluvchilar tayinlash sertifikatiga asosan 23422 “Kapital qoʻyilmalarni respublika budjetidan moliyalashtirish” hisobvaragʻidan pul mablagʻlarni toʻlov topshiriqnomalariga asosan ish bajaruvchi (xizmat koʻrsatuvchi)larga ularning 23422 “Kapital qoʻyilmalarni respublika budjetidan moliyalashtirish” hisobvaragʻiga oʻtkazib beradi. Gʻazna ijrosi bilan qamrab olinmagan budjetdan mablagʻ oluvchilarning 23422 “Kapital qoʻyilmalarni respublika budjetidan moliyalashtirish” hisobvaraqlaridan tayinlash sertifikatida koʻzda tutilmagan toʻlovlarni amalga oshirishga ruxsat etilmaydi.

47. Pudratchi va boshqa ish bajaruvchilar hamda tovar yetkazib beruvchilar bilan hisob-kitoblar 23422 “Kapital qoʻyilmalarni respublika budjetidan moliyalashtirish” hisobvaragʻi orqali amalga oshiriladi.

48. Respublika budjetidan ajratilgan kapital qoʻyilmalar xarajatlarini moliyalashtirish toʻgʻrisidagi hisobot Oʻzbekiston Respublikasi Markaziy bankining Toshkent shahar Bosh boshqarmasi Hisob-kitob kassa markazida va respublika tijorat banklarining amaliyot Bosh boshqarmalari tomonidan Oʻzbekiston Respublikasi Moliya vazirligiga taqdim etiladi.

IV bob. Davlat budjetining kassa ijrosi toʻgʻrisidagi hisobotlarni tuzish

49. Oʻzbekiston Respublikasi Davlat budjetining kassa ijrosi toʻgʻrisida tezkor, oylik va yillik hisobotlarning hajmi va shakli Oʻzbekiston Respublikasi Moliya vazirligi va Gʻaznachilik bilan kelishilgan holda belgilanadi.

50. Oʻzbekiston Respublikasi Markaziy banki mazkur Yoʻriqnomaning 1 — 9-ilovalarida keltirilgan shakldagi hisobotlarni elektron fayl koʻrinishida Oʻzbekiston Respublikasi Moliya vazirligiga kunlik taqdim etib boradi.

51. Tijorat banklarining Bosh ofislari gʻazna ijrosi bilan qamrab olinmagan budjetdan mablagʻ oluvchilarning 23404 va 23405 balans hisobvaraqlari ShHR boʻyicha maʼlumotlarni har oyning 5-sanasidan kechiktirmasdan Oʻzbekiston Respublikasi Moliya vazirligiga taqdim etib boradi.

V bob. Yakuniy qoida

52. Mazkur Yoʻriqnomaning bajarilishini hamda hisobotlarni belgilangan muddatlarda taqdim etilishi yuzasidan nazorat moliya organlari, Gʻaznachilikning hududiy boʻlinmalari va tijorat banklari rahbarlari hamda bosh buxgaltyerlari zimmalariga yuklatiladi.

Oʻzbekiston Respublikasi Davlat budjetining kassa ijrosi toʻgʻrisidagi yoʻriqnomaga
1-ILOVA

Davlat budjetining daromadlari boʻyicha 20___ yil “__” _______________ holatiga 2204 GRE

HISOBOT

Shaxsiy hisob raqam‎	Boʻlim‎	Paragraf	Daromad turi	23402-sonli Davlat budjetining daromadlari hisobvaragʻiga kelib tushgan jami tushum‎	Shundan:
Shaxsiy hisob raqam‎	Boʻlim‎	Paragraf	Daromad turi		yagona gʻazna hisobvaragʻiga ajratma qilingan mablagʻ‎	23402-sonli hisobvaraqdan qaytarilgan notoʻgʻri yoki ortiqcha mablagʻlar summasi‎	23402-sonli Davlat budjetining daromadlari hisobvaragʻi qoldigʻi‎
1‎	2‎	3‎	4‎	5‎	6‎	7‎	8‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎

Oʻzbekiston Respublikasi Davlat budjetining kassa ijrosi toʻgʻrisidagi yoʻriqnomaga
2-ILOVA

Davlat budjetining daromadlari boʻyicha 20___ yil “__” _______________ holatiga 2204 GRE

HISOBOT

Shaxsiy hisob raqam‎	Boʻlim‎	Paragraf	Daromad turi	23403-sonli hisobvaragʻiga kelib tushgan jami tushum	Shundan:
Shaxsiy hisob raqam‎	Boʻlim‎	Paragraf	Daromad turi	23403-sonli hisobvaragʻiga kelib tushgan jami tushum	yagona gʻazna hisobvaragʻiga ajratma qilingan mablagʻ‎	23403-sonli hisobvaraqdan qaytarilgan notoʻgʻri yoki ortiqcha mablagʻlar summasi	23403-sonli hisobvaraq qoldigʻi
1‎	2‎	3‎	4‎	5‎	6‎	7‎	8‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎

Oʻzbekiston Respublikasi Davlat budjetining kassa ijrosi toʻgʻrisidagi yoʻriqnomaga
3-ILOVA

Davlat budjetining daromadlari boʻyicha 20___ yil “__” _______________ holatiga 2204 GRE

HISOBOT

Shaxsiy hisob raqam‎

Boʻlim‎

Paragraf

Daromad turi

23407-sonli hisobvaragʻiga kelib tushgan jami tushum‎

Shaxsiy hisob raqam‎

23402-sonli hisobvaragʻiga ajratma qilingan mablagʻ

Shaxsiy hisob raqam‎

20207-sonli hisobvaragʻiga ajratma qilingan mablagʻ

Shaxsiy hisob raqam‎

20205-sonli hisobvaragʻiga ajratma qilingan mablagʻ

Shundan:‎‎‎

23407-sonli hisobvaraqdan qaytarilgan notoʻgʻri yoki ortiqcha mablagʻlar summasi‎

23407-sonli hisobvaraq qoldigʻi‎

1‎

2‎

3‎

4‎

5‎

6‎

7‎

8‎

9‎

10‎

11‎

12‎

13‎

‎

Oʻzbekiston Respublikasi Davlat budjetining kassa ijrosi toʻgʻrisidagi yoʻriqnomaga
4-ILOVA

Davlat budjetining daromadlari boʻyicha 20___ yil “__” _______________ holatiga 2204 GRE

HISOBOT

‎‏Shaxsiy hisob raqam	Boʻlim‎	Paragraf‎	Daromad turi	‎‏23409-sonli hisobvaragʻiga kelib tushgan jami tushum	Shundan‎:
‎‏Shaxsiy hisob raqam	Boʻlim‎	Paragraf‎	Daromad turi	‎‏23409-sonli hisobvaragʻiga kelib tushgan jami tushum	23402-sonli Davlat budjeti daromadlarining tegishli shaxsiy hisob raqamiga ajratma qilingan mablagʻ‎	respublika fermyerlar uyushmasiga ajratma qilingan mablagʻ	23409-sonli hisobvaraqdan qaytarilgan notoʻgʻri yoki ortiqcha mablagʻlar summasi‎	23409-sonli hisobvaraq qoldigʻi
1‎	2‎	3‎	4‎	5‎	6‎	7‎	8‎	9‎
‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎

Oʻzbekiston Respublikasi Davlat budjetining kassa ijrosi toʻgʻrisidagi yoʻriqnomaga
5-ILOVA

Davlat budjetining daromadlari boʻyicha 20___ yil “__” _______________ holatiga 2204 GRE

HISOBOT

Shaxsiy hisob raqam	Boʻlim‎‎	Paragraf‎	Daromad turi	20207-sonli hisobvaragʻiga kelib tushgan jami tushum	Shundan:
Shaxsiy hisob raqam	Boʻlim‎‎	Paragraf‎	Daromad turi	20207-sonli hisobvaragʻiga kelib tushgan jami tushum	yagona gʻazna hisobvaragʻiga ajratma qilingan mablagʻ	20207-sonli hisobvaraqdan qaytarilgan notoʻgʻri yoki ortiqcha mablagʻlar summasi	20207-sonli hisobvaraq qoldigʻi
1‎	2‎	3‎	4‎	5‎	6‎	7‎	8‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎
‎	‎	‎	‎	‎	‎	‎	‎

Oʻzbekiston Respublikasi Davlat budjetining kassa ijrosi toʻgʻrisidagi yoʻriqnomaga
6-ILOVA

Davlat budjetining daromadlari boʻyicha 20___ yil “__” _______________ holatiga 2204 GRE

HISOBOT

‎Shaxsiy hisob raqam	Boʻlim‏	Paragraf‎‏	Daromad turi‎‏	20205-sonli hisobvaragʻiga kelib tushgan jami tushum	Shundan:
‎Shaxsiy hisob raqam	Boʻlim‏	Paragraf‎‏	Daromad turi‎‏	20205-sonli hisobvaragʻiga kelib tushgan jami tushum	20205-sonli 780-shaxsiy hisob raqamiga ajratma qilingan mablagʻ‎	20205-sonli 779-shaxsiy hisob raqamiga ajratma qilingan mablagʻ	20205-sonli 881-shaxsiy hisob raqamiga ajratma qilingan mablagʻ	20205-sonli hisobvaraqdan qaytarilgan notoʻgʻri yoki ortiqcha mablagʻlar summasi	20205-sonli hisobvaraq qoldigʻi‎
1‎	2‎	3‎	4‎	5‎	6‎	7‎	8‎	9‎	10‎
‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎

Oʻzbekiston Respublikasi Davlat budjetining kassa ijrosi toʻgʻrisidagi yoʻriqnomaga
7-ILOVA

Davlat budjetining daromadlari boʻyicha 20___ yil “__” _______________ holatiga 2204 GRE

HISOBOT

‎‏Shaxsiy hisob raqam	Boʻlim‎‏	Paragraf‎‏	Daromad turi‎‏	23411-sonli hisobvaragʻiga kelib tushgan jami tushum‎‏	Shundan:‎‎
‎‏Shaxsiy hisob raqam	Boʻlim‎‏	Paragraf‎‏	Daromad turi‎‏	23411-sonli hisobvaragʻiga kelib tushgan jami tushum‎‏	23402-sonli Davlat budjeti daromadlarining tegishli shaxsiy hisob raqamiga ajratma qilingan mablagʻ‎	vazirliklar, davlat qoʻmitalari va idoralarning tegishli hisobvaragʻiga ajratma qilingan mablagʻ‎	23411-sonli hisobvaraqdan qaytarilgan notoʻgʻri yoki ortiqcha mablagʻlar summasi‎	23411-sonli hisobvaraq‎ qoldigʻi
1‎	2‎	3‎	4‎	5‎	6‎	7‎	8‎	9‎
‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎

Oʻzbekiston Respublikasi Davlat budjetining kassa ijrosi toʻgʻrisidagi yoʻriqnomaga
8-ILOVA

Davlat budjetining daromadlari boʻyicha 20___ yil “__” _______________ holatiga 2204 GRE

HISOBOT

Hududlar nomi‎‏	23402-sonli hisobvaragʻiga kelib tushgan jami tushum	Shundan:‎‎
Hududlar nomi‎‏	23402-sonli hisobvaragʻiga kelib tushgan jami tushum	yagona gʻazna hisobvaragʻiga ajratma qilingan mablagʻ‎	23402-sonli hisobvaraqdan qaytarilgan notoʻgʻri yoki ortiqcha mablagʻlar summasi‎	23402-sonli hisobvaraq qoldigʻi
1‎	2‎	3‎	4‎	5‎
Qoraqalpogʻiston Respublikasi‎	‎	‎	‎	‎
Andijon viloyati‎	‎	‎	‎	‎
Buxoro viloyati‎	‎	‎	‎	‎
Jizzax viloyati	‎	‎	‎	‎
Qashqadaryo viloyati	‎	‎	‎	‎
Navoiy viloyati	‎	‎	‎	‎
Namangan viloyati‎	‎	‎	‎	‎
Samarqand viloyati	‎	‎	‎	‎
Surxondaryo viloyati‎	‎	‎	‎	‎
Sirdaryo viloyati‎	‎	‎	‎	‎
Toshkent viloyati‎	‎	‎	‎	‎
Fargʻona viloyati‎	‎	‎	‎	‎
Xorazm viloyati‎	‎	‎	‎	‎
Toshkent shahri	‎	‎	‎	‎

Oʻzbekiston Respublikasi Davlat budjetining kassa ijrosi toʻgʻrisidagi yoʻriqnomaga
9-ILOVA

Davlat budjetining daromadlari boʻyicha 20___ yil “__” _______________ holatiga 2204 GRE

HISOBOT

‎‏Hududlar nomi	23403-sonli hisobvaragʻiga kelib tushgan jami tushum ‎‎	Shundan:‎‎
‎‏Hududlar nomi	23403-sonli hisobvaragʻiga kelib tushgan jami tushum ‎‎	yagona gʻazna hisobvaragʻiga ajratma qilingan mablagʻ‎	23403-sonli hisobvaraqdan qaytarilgan notoʻgʻri yoki ortiqcha mablagʻlar summasi	23403-sonli hisobvaraq qoldigʻi
1‎	2‎	3‎	4‎	5‎
Qoraqalpogʻiston Respublikasi‎	‎	‎	‎	‎
Andijon viloyati‎	‎	‎	‎	‎
Buxoro viloyati‎	‎	‎	‎	‎
Jizzax viloyati‎	‎	‎	‎	‎
Qashqadaryo viloyati‎	‎	‎	‎	‎
Navoiy viloyati‎	‎	‎	‎	‎
Namangan viloyati‎	‎	‎	‎	‎
Samarqand viloyati‎	‎	‎	‎	‎
Surxondaryo viloyati‎	‎	‎	‎	‎
Sirdaryo viloyati‎	‎	‎	‎	‎
Toshkent viloyati‎	‎	‎	‎	‎
Fargʻona viloyati‎	‎	‎	‎	‎
Xorazm viloyati‎	‎	‎	‎	‎
Toshkent shahri‎	‎	‎	‎	‎

(Oʻzbekiston Respublikasi qonun hujjatlari toʻplami, 2012-y., 5-son, 54-modda)