|
Hujjat kuchini yo‘qotgan " " 11.03.2010
|
OʻZBEKISTON RESPUBLIKASI MARKAZIY BANK BOShQARUVINING
Qarori
KREDIT UYuShMALARINI DAVLAT ROʻYXATIDAN OʻTKAZISh VA
ULARGA LITSENZIYA BERISh TARTIBI TOʻGʻRISIDAGI NIZOMNI TASDIQLASh HAQIDA
ULARGA LITSENZIYA BERISh TARTIBI TOʻGʻRISIDAGI NIZOMNI TASDIQLASh HAQIDA
[Oʻzbekiston Respublikasi Adliya vazirligi tomonidan 2006-yil 23-iyunda 1586-son bilan davlat roʻyxatidan oʻtkazilgan]
LexUZ sharhiMazkur qaror Oʻzbekiston Respublikasi Markaziy banki Boshqaruvining 2010-yil 23-yanvardagi 3/6-sonli “Kredit uyushmalarini davlat roʻyxatidan oʻtkazish va ularga litsenziya berish tartibi toʻgʻrisidagi nizomni tasdiqlash haqida”gi qaroriga (roʻyxat raqami 2084, 01.03.2010-y.) asosan oʻz kuchini yoʻqotgan.
1. Kredit uyushmalarini davlat roʻyxatidan oʻtkazish va ularga litsenziya berish tartibi toʻgʻrisidagi nizom ilovaga muvofiq tasdiqlansin.
2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilganidan soʻng oʻn kundan keyin kuchga kiritilsin.
3. Mazkur qaror kuchga kirgan kundan boshlab Markaziy bankning 2002-yil 25-maydagi 14/23-sonli qaror va u bilan tasdiqlangan “Kredit uyushmasi ustav fondining eng kam miqdorini, roʻyxatga olish yigʻim miqdorini, ijro etuvchi organ rahbariga malakaviy talablarni, kredit uyushmasi faoliyatini amalga oshirish huquqini beruvchi litsenziyani berish va roʻyxatga olish shakllari va tartibini hamda kredit uyushmasining aʼzosi tomonidan pay badalini toʻlaganligi haqidagi sertifikat shakli toʻgʻrisidagi nizomni tasdiqlash toʻgʻrisida”gi nizom (2002-yil 21-iyun roʻyxat raqami 1151) oʻz kuchini yoʻqotgan deb hisoblansin.
Markaziy bank Boshqaruvi raisi F. MULLAJONOV
Toshkent sh.,
2006-yil 13-may,
11 / 9-son
Kredit uyushmalarini davlat roʻyxatidan oʻtkazish va ularga litsenziya berish tartibi toʻgʻrisida
NIZOM
Mazkur Nizom Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi, “Kredit uyushmalari toʻgʻrisida”gi qonunlariga muvofiq kredit uyushmalarini davlat roʻyxatidan oʻtkazish va ularga litsenziya berish tartibini belgilaydi.
I. Davlat roʻyxatidan oʻtkazish va litsenziya olish uchun qoʻyiladigan talablar
1. Kredit uyushmalari ustav fondining eng kam miqdori quyidagicha oʻrnatiladi:
50 ming AQSh dollari ekvivalentida — Toshkent shahrida tuzilayotgan kredit uyushmalari uchun;
25 ming AQSh dollari ekvivalentida — boshqa aholi punktlarida tuzilayotgan kredit uyushmalari uchun.
Ustav fondining belgilangan eng kam miqdorining milliy valyutadagi ekvivalenti muassislar tomonidan kredit uyushmasini tuzish toʻgʻrisidagi qaror qabul qilingan kundagi Oʻzbekiston Respublikasi Markaziy banki (keyingi matnda — Markaziy bank) kursi asosida belgilanadi.
2. Ustav fondi mazkur Nizomda kredit uyushmalariga oʻrnatilgan miqdordan kam boʻlgan kredit uyushmalari ushbu Nizom kuchga kirgan kunidan boshlab bir yil davomida ustav fondining miqdoriga qoʻyilgan talablarni bajarishlari lozim.
3. Kreditga va garovga olingan mablagʻlardan hamda boshqa jalb etilgan mablagʻlardan kredit uyushmasining ustav fondini shakllantirish uchun foydalanishga yoʻl qoʻyilmaydi.
4. Kredit uyushmasini davlat roʻyxatidan oʻtkazish paytigacha ustav fondi mablagʻlarini toʻplash uchun Oʻzbekiston Respublikasi banklarida vaqtinchalik jamgʻarma hisobvaragʻi ochiladi.
Vaqtinchalik jamgʻarma hisobvaragʻi kredit uyushmasining vakolatli vakili arizasi asosida ochiladi.
Pay badallari kredit uyushmasi aʼzolari tomonidan ustav fondini shakllantirish uchun kredit uyushmasi nomiga tijorat bankida ochilgan vaqtinchalik jamgʻarma hisobvaragʻiga shaxsan topshiriladi.
Markaziy bankka kredit uyushmasini davlat roʻyxatidan oʻtkazish uchun toʻliq hujjatlar toʻplami taqdim etilgandan soʻng va kredit uyushmasi faoliyatini amalga oshirish uchun tegishli litsenziya olgunga qadar, banklarda ochilgan vaqtinchalik jamgʻarma hisobvaragʻiga qoʻshimcha pul mablagʻlarini qoʻyish yoki jamgʻarilgan pul mablagʻlarini qaytarib olishga yoʻl qoʻyilmaydi. Koʻrsatilgan mablagʻlardan depozit sifatida foydalanish mumkin.
Kredit uyushmasini roʻyxatga olish rad etilgan hollarda vaqtinchalik jamgʻarma hisobvaragʻidagi mablagʻlar muassislarga qaytariladi.
II. Roʻyxatga olish uchun yigʻim
5. Kredit uyushmasi davlat roʻyxatiga olingani uchun toʻlov kunida qonun hujjatlarida belgilangan eng kam oylik ish haqining uch baravari miqdorida yigʻim undiriladi.
6. Davlat roʻyxatidan oʻtkazish va litsenziya olish uchun hujjatlarni taqdim etishdan avval kredit uyushmasini davlat roʻyxatiga olish uchun yigʻim Markaziy bank hisobvaragʻiga oʻtkaziladi.
7. Kredit uyushmasini davlat roʻyxatidan oʻtkazish rad etilgan holda toʻlangan yigʻim Markaziy bank tomonidan uch kun ichida muassislarga qaytarilishi kerak.
III. Hujjatlarni taqdim etish tartibi
8. Muassislar tomonidan kredit uyushmasi manfaatlarini va Markaziy bankning davlat roʻyxatidan oʻtkazishga hamda litsenziya berishga doir talablarini bajarishga vakolatli shaxsni tayinlaydilar. Mazkur shaxsning vakolatlari muassislar umumiy yigʻilishining bayoni bilan belgilanadi.
9. Vakolatli shaxs muassislar umumiy yigʻilishi tomonidan kredit uyushmasini tuzish toʻgʻrisidagi qaror qabul qilinganidan soʻng 90 kundan kechiktirmasdan Markaziy bankka yoki uning hududiy boshqarmasiga kuyidagilarni taqdim etadi:
joylashgan yeri (pochta manzili) koʻrsatilgan holdagi roʻyxatga olish toʻgʻrisidagi ariza;
muassislar umumiy yigʻilishining kredit uyushmasini tuzish toʻgʻrisidagi bayonnomasi;
kredit uyushmasining ustavi;
kredit uyushmasi faoliyatining biznes-rejasi;
yuridik shaxslar — muassislarning moliyaviy ahvolini tasdiqlovchi hujjatlar;
kredit uyushmasining ustav fondi shakllanganligini tasdiqlovchi bank hujjati;
roʻyxatga olish yigʻimi toʻlanganligi toʻgʻrisidagi bank toʻlov hujjati.
10. Taqdim etilgan biznes-reja quyidagi hollarda ishonchli emas deb hisoblanadi, agarda:
biznes-reja istiqbolini belgilashda ishlatilgan maʼlumotlarning noreal taxminlarga asoslanganligida;
kredit uyushmasi faoliyatini rivojlantirish strategiyasi va asosiy yoʻnalishlari toʻliq ochib koʻrsatilmagan boʻlsa;
moliyaviy istiqbollar (taxminiy buxgalteriya balansi, yangi aʼzolarni jalb etish rejasi, depozit mablagʻlarini shakllantirish rejasi) buzib tuzilgan hamda kredit uyushmasi faoliyatining moʻljallangan strategiyasiga mos kelmasa.
11. Hajmi bir varaqdan ziyod boʻlgan, taqdim etiladigan barcha hujjatlar alohida yigʻmajild shaklida tikilgan boʻlishi lozim.
12. Markaziy bankning hududiy boshqarmasi taqdim etilgan hujjatlar toʻplamini toʻliqligini mazkur Nizom talablariga muvofiq uch kun muddatda oʻrganib chiqib, Oʻzbekiston Respublikasi Markaziy bankiga kredit uyushmasini davlat roʻyxatidan oʻtkazish va unga litsenziya berish masalasini koʻrib chiqish uchun taqdim etadi.
13. Davlat roʻyxatiga olish bilan bir vaqtda kredit uyushmasiga kredit uyushmasi faoliyatini amalga oshirish huquqini beruvchi 1-sonli ilova shakliga muvofiq litsenziya beriladi.
14. Litsenziya berilgan vaqtdan boshlab olti oy muddat ichida kredit uyushmasi oʻz faoliyatini amalga oshirishga kirishishi lozim.
15. Litsenziya olingandan soʻng, Markaziy bankning hududiy boshqarmasi vakolatli shaxsni kredit uyushmalari faoliyatini tartibga soluvchi, kerakli huquqiy-meʼyoriy hujjatlar bilan taʼminlaydi.
16. Kredit uyushmasini davlat roʻyxatiga olish toʻgʻrisidagi qaror qabul qilinganidan keyin Markaziy bank quyidagilarni oʻz ichiga oluvchi yuridik yigʻmajildni rasmiylashtiradi:
joylashgan yeri (pochta manzili) koʻrsatilgan holdagi roʻyxatga olish toʻgʻrisidagi ariza;
muassislar umumiy yigʻilishining kredit uyushmasini tuzish toʻgʻrisidagi bayonnomasi;
kredit uyushmasi ustavi (ustki qismiga Markaziy bank vakolatli mansabdor shaxsining imzosi va Markaziy bank muhri qoʻyilgan holda);
Kengash raisi imzolagan muassislar roʻyxati va ular tomonidan toʻlangan pay badallari miqdori;
Markaziy bank Boshqaruvining kredit uyushmasini davlat roʻyxatiga olish va unga litsenziya berish toʻgʻrisidagi qarori;
kredit uyushmasi faoliyatini amalga oshirish uchun berilgan litsenziya;
kredit uyushmasini roʻyxatga olish toʻgʻrisidagi karta (2-sonli ilova).
17. Yuridik yigʻmajild Markaziy bank tomonidan uch nusxada tayyorlanadi:
bir nusxasi kredit uyushmasi Kengash raisiga imzo qoʻydirilgan holda topshiriladi va u yuridik hujjatlarni saqlash uchun moʻljallangan maxsus joyda saqlanishi lozim;
bir nusxasi Markaziy bankda saqlanadi;
bir nusxasi kredit uyushmasi joylashgan manzili boʻyicha Markaziy bankning hududiy boshqarmasiga yuboriladi.
IV. Kredit uyushmasi aʼzolik sertifikati shakli va uni berish tartibi
18. Shaxsning kredit uyushmasiga aʼzo ekanligini tasdiqlovchi hujjat certifikati hisoblanadi (3-sonli ilovaga muvofiq beriladi). Sertifikat kredit uyushmasi rahbari tomonidan imzolanadi va uning imzosi kredit uyushmasi muhri bilan tasdiqlanadi.
Sertifikatning ilovasi kredit uyushmasi aʼzosi tomonidan kiritilgan pay badali miqdorini belgilaydi hamda sertifikatning ajralmas qismi hisoblanadi.
Sertifikatning ilovasi bosh buxgalter imzosi hamda uyushma muhri bilan tasdiqlanadi.
Kredit uyushmasi aʼzosining — yuridik shaxsning nomi yoki jismoniy shaxsning — ismi sharifi oʻzgarganida, berilgan sertifikat bekor qilinadi va kredit uyushmasiga aʼzo boʻlgan sanasi koʻrsatilgan holda yangi shakldagi sertifikat beriladi.
19. Pay badallarini toʻlaganlik va kredit uyushmasiga aʼzo boʻlganlik sertifikati kredit uyushmasi davlat roʻyxatidan oʻtgandan soʻng beriladi.
20. Yangi tuzilayotgan kredit uyushmalari uchun badallarni toʻlanganlik tasdigʻi boʻlib, vaqtinchalik jamgʻarma hisobvaragʻiga pul oʻtkazilganligi toʻgʻrisidagi bank koʻchirmasi hisoblanadi.
V. Kredit uyushmasi Ustaviga kiritilgan oʻzgartirish va qoʻshimchalarni davlat roʻyxatidan oʻtkazish
21. Kredit uyushmasi Ustaviga kiritilgan oʻzgartirish va qoʻshimchalar (ustav fondini koʻpaytirish yoki kamaytirish toʻgʻrisidagi oʻzgartirishlar bundan mustasno) Oʻzbekiston Respublikasi Markaziy bankida davlat roʻyxatidan oʻtkazilishi kerak.
22. Ustavga kiritilgan oʻzgartirish va qoʻshimchalarni davlat roʻyxatidan oʻtkazish uchun tegishli qaror qabul qilingan kundan boshlab bir oy muddat ichida Markaziy bankka quyidagi hujjatlar 3 nusxada taqdim etiladi:
kredit uyushmasi Kengashi raisi imzosi bilan ustavga kiritilgan oʻzgartirish va qoʻshimchalarni davlat roʻyxatidan oʻtkazish toʻgʻrisidagi ariza;
ustavga oʻzgartirish va qoʻshimchalar kiritish toʻgʻrisida qaror qabul qilinganligi toʻgʻrisidagi kredit uyushmasi aʼzolari umumiy yigʻilishining bayonnomasi;
kredit uyushmasi Kengash raisi tomonidan imzolangan kredit uyushmasi ustaviga kiritiladigan oʻzgartirish va qoʻshimchalar matni.
23. Markaziy bank taqdim etilgan hujjatlarni mazkur Nizom va qonunchilik talablariga muvofiqligini koʻrib chiqadi.
Hujjatlar taqdim etilgan kundan boshlab 30 kalendar kuni ichida koʻrib chiqiladi.
Taqdim etilgan hujjatlar qonunchilik va mazkur Nizom talablariga javob bermagan holda, hujjatlar kredit uyushmasiga qayta ishlab chiqish uchun qaytariladi.
24. Markaziy bankning Kredit tashkilotlarini roʻyxatga olish va litsenziyalash komissiyasi (keyingi matnda – Komissiya) tomonidan kredit uyushmasi ustaviga kiritilgan oʻzgartirish va qoʻshimchalarni davlat roʻyxatidan oʻtkazish toʻgʻrisida qaror qabul qilinganidan soʻng, kredit uyushmasi ustavi ustki qismiga oʻzgartirish va qoʻshimchalarni davlat roʻyxatidan oʻtkazilganligi toʻgʻrisida belgi qoʻyiladi va taqdim etilgan hujjatlarning bir nusxasi Markaziy bankda saqlanadigan kredit uyushmasining yuridik yigʻmajildiga tikib qoʻyiladi.
Taqdim etilgan hujjatlarning bir nusxasi Komissiyaning oʻzgartirish va qoʻshimchalarni davlat roʻyxatidan oʻtkazish toʻgʻrisida qaror qilingan majlis bayonnomasidan koʻchirma bilan birga kredit uyushmasi joylashgan manzil boʻyicha Markaziy bank hududiy boshqarmasiga va kredit uyushmasiga ularda saqlanadigan yuridik yigʻmajildiga tikib qoʻyish uchun yuboriladi.
25. Kredit uyushmasi ustaviga kiritiladigan oʻzgartirish va qoʻshimchalar Markaziy bankda davlat roʻyxatiga olingan kundan boshlab kuchga kiradi va uning ajralmas qismi hisoblanadi.
VI. Kredit uyushmasi filialini tuzish tartibi
26. Filial uni tuzgan kredit uyushmasi tomonidan mol-mulk bilan taʼminlanadi. Filial nomlanishi “filial” soʻzi koʻrsatilgan holda uni tuzgan kredit uyushmasi nomi bilan mos kelishi lozim. Oʻzbekiston Respublikasi hududida tuzilgan kredit uyushmasi filliallari yuridik shaxs hisoblanmaydilar.
Kredit uyushmasi filiali qonunchilikka muvofiq kredit uyushmasi Kengashi qaroriga binoan Markaziy bankda hisobga olingan holda tuziladi (yoki tugatiladi).
27. Filial oʻz faoliyatini kredit uyushmasi Kengashi tasdiqlagan filial toʻgʻrisidagi Nizom va kredit uyushmasiga berilgan litsenziya asosida amalga oshiradi.
28. Kredit uyushmasi quyidagi shartlarga rioya qilgan holda filial tuzishi mumkin:
kredit uyushmasining moliyaviy ahvoli qoniqarli boʻlishi;
kredit uyushmasi qonunchilik va Markaziy bankning meʼyoriy hujjatlariga rioya etishi;
kredit uyushmasi kunlik jamlama buxgalteriya balansini tuzish uchun kerakli dasturiy-texnik vositalarga hamda malakali buxgalteriya xodimlariga ega boʻlishi;
filial ochayotgan kredit uyushmasi roʻyxatga olingan kundan boshlab kamida ikki yil davomida oʻz faoliyatini amalga oshirgan boʻlishi;
Markaziy bank talablariga javob beradigan tegishli xonalar va uskunalar mavjudligi.
29. Mazkur Nizom maqsadlari uchun kredit uyushmasining moliyaviy holati quyidagi holatlarda qoniqarli hisoblanadi:
kredit uyushmasi oʻz faoliyatining joriy yil natijalariga koʻra sof foyda olishi;
muddati oʻtgan kreditlarning summasi oxirgi olti oy davomida kredit uyushmasining kredit portfeli hajmining 10%dan yuqori boʻlmasligi;
kredit uyushmasining kapitali ustav fondi va tekinga olingan mulklarni chegirgandan soʻng oxirgi olti oy davomida kredit uyushmasi aktivlarining kamida 10% ni tashkil etishi.
30. Kredit uyushmasi filialini hisobga olish uchun quyidagi hujjatlar toʻplami taqdim etiladi:
iqtisodiy asoslab berilgan holda mazkur filialni tuzish toʻgʻrisidagi ariza;
filialni tuzish toʻgʻrisidagi kredit uyushmasi Kengashining qarori;
kredit uyushmasi tomonidan beriladigan vakolatlar doirasidagi huquq va majburiyatlar koʻrsatilgan filial toʻgʻrisida Nizom;
filial rahbari va bosh buxgalteri lavozimiga koʻrsatilgan nomzodlar toʻgʻrisidagi maʼlumot.
31. Filialni tuzish uchun taqdim etilgan hujjatlar toʻplami Markaziy bank tomonidan 30 kalendar kuni ichida koʻrib chiqiladi.
Taqdim etilgan hujjatlar toʻliq hamda qonunchilik talablariga va mazkur Nizomning 28-bandiga muvofiq kelsa, shuningdek kredit uyushmasi tomonidan barcha zarur tashkiliy-texnik chora-tartiblar bajarilgan holda, Kredit tashkilotlarini roʻyxatga olish va litsenziyalash komissiyasiga kredit uyushmasi filialini hisobga olish masalasi kiritiladi. Agar taqdim etilgan hujjatlar toʻplami ushbu Nizom va qonunchilik talablariga zid boʻlsa, hujjatlar toʻplami sabablar koʻrsatilgan holda qaytariladi.
Hujjatlar qaytadan taqdim etilganda, Filial toʻgʻrisidagi nizom kredit uyushmasi Kengashi tomonidan qaytadan tasdiqlanishi kerak.
32. Kredit uyushmasi filialini hisobga olish uchun taqdim etilgan hujjatlarda keyinchalik buzib koʻrsatilgan maʼlumotlar mavjudligi aniqlangan holda hamda filialning faoliyati natijasida kredit uyushmasining moliyaviy holati ogʻirlashganda Markaziy bank kredit uyushmasidan mazkur filialni tugatishni talab qilishi mumkin.
33. Kredit uyushmasining filiali joylashgan manzili boʻyicha qonunchilikda koʻrsatilgan tartibda bankda hisobvaragʻini ochadi va qonunchilikka hamda kredit uyushmasining filial toʻgʻrisidagi Nizomiga muvofiq hisob-kitob va kassa xizmatini olib boradi.
VII. Litsenziya yoʻqotib qoʻyilganligi uchun dublikat berish
34. Yoʻqotib qoʻyilgan yoki yaroqsiz holga kelib qolgan litsenziya oʻrniga litseziatning arizasiga koʻra uning dublikati berilishi mumkin. Litsenziat litsenziya dublikati olish uchun litsenziyalovchi organga, yuridik shaxsning nomi, tashkiliy-huquqiy shakli koʻrsatilgan holda litsenziya dublikati berish toʻgʻrisida ariza taqdim etadi.
Kredit uyushmalarini roʻyxatga olish
va ularga litsenziya berish tartibi
toʻgʻrisidagi nizomga
1-ILOVA
va ularga litsenziya berish tartibi
toʻgʻrisidagi nizomga
1-ILOVA
|
Kredit uyushmasi faoliyatini amalga oshirish uchun | |||
| 200__ y. “___” __________ | | Toshkent sh. | |
| | | | |
|
Oʻzbekiston Respublikasi Markaziy banki Boshqaruvining 20____ yil “____” ___________dagi _________-sonli qaroriga muvofiq ____________________________________________________________________________________________________ | |||
|
(Kredit uyushmasining toʻliq nomi) | |||
| _____________________________________________________________________________________ kredit uyushmasi | |||
|
(pochta manzili va boshqa rekvizitlar) | |||
|
| |||
| | | | |
|
Ushbu litsenziya belgilanmagan muddat davomida amal qiladi. | |||
| | | | |
| Oʻzbekiston Respublikasi Markaziy banki ushbu litsenziya amal qilishini toʻxtatib qoʻyishi, toʻxtatishi yoki Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Kredit uyushmalar toʻgʻrisida”gi qonunlarida koʻzda tutilgan hollarda uni bekor qilishi mumkin. | |||
| | | | |
| Kredit uyushmasi 20____ yil “____” ___________ da ______-raqam ostida kredit uyushmalarini roʻyxatga olish Davlat kitobiga kiritildi. | |||
| | | | |
| Oʻzbekiston Respublikasi Markaziy banki Raisining oʻrinbosari |
| | |
|
_____________________ |
|
_____________________ |
|
|
|
| | |
Kredit uyushmalarini roʻyxatga olish
va ularga litsenziya berish tartibi
toʻgʻrisidagi nizomga
2-ILOVA
va ularga litsenziya berish tartibi
toʻgʻrisidagi nizomga
2-ILOVA
|
Kredit uyushmasini roʻyxatga olish kartasi | |
| Kredit uyushmasining nomi | |
| Pochta manzili: | |
| Litsenziya raqami va berilgan sanasi | |
| Kredit uyushmasi Kengashi raisi | |
| Telefon raqami | |
| Kredit uyushmasining ijro etuvchi organ rahbari | |
| Telefon raqami | |
| Bosh buxgalter | |
| Telefon raqami | |
|
| |
| Ustav fondi summasi | |
| Aʼzolar soni, shulardan: yuridik shaxslar jismoniy shaxslar |
|
|
___________y. |
Kredit uyushmalarini roʻyxatga olish
va ularga litsenziya berish tartibi
toʻgʻrisidagi nizomga
3-ILOVA
va ularga litsenziya berish tartibi
toʻgʻrisidagi nizomga
3-ILOVA
| | |
|
Kredit uyushmasiga aʼzolik toʻgʻrisida | |
| | |
|
_______ shahri |
|
|
|
______________________________________________________________________________________________ | |
|
(kredit uyushmasining toʻliq nomi) | |
|
______________________________________________________________________________________________ | |
|
(pochta manzili va boshqa rekvizitlar) | |
|
| |
|
______________________________________________________________________________________________ | |
|
(F.I.Sh, manzil, jismoniy shaxslar uchun pasport maʼlumotlari yoki yuridik shaxsning toʻliq nomi) | |
|
______________________________________________________________________________________________ | |
|
yuqorida koʻrsatilgan kredit uyushmasining aʼzosi deb _______________________________________hisoblanadi. | |
| | (kredit uyushmasiga aʼzo boʻlgan sana) |
| |
Imzo: ____________________________________ |
|
| |
|
|
|
Pay badali miqdorini |
Pay badali |
Aʼzo imzosi |
Bosh buxgalter |
| | | | |
| | | | |
| | | | |
| | | | |
| | | | |
Kredit uyushmalarini roʻyxatga olish
va ularga litsenziya berish tartibi
toʻgʻrisidagi nizomga
4-ILOVA
va ularga litsenziya berish tartibi
toʻgʻrisidagi nizomga
4-ILOVA
Biznes-rejani ishlab chiqish boʻyicha tavsiyalar
I. Umumiy maʼlumot
Kredit uyushmasining firma nomini va manzilini koʻrsatib oʻting.
II. Kredit uyushmasining faoliyati tavsifi
Kredit uyushmasining asosiy faoliyat yoʻnalishini koʻrsating.
Kredit uyushmasining moʻljallangan xizmatlar roʻyxatini va ularni amalga oshirish rejasini koʻrsating. Moʻljallangan xizmatlarni qisqacha tavsifi hamda ularni omonatlar, kreditlar va boshqa xizmatlar boʻyicha tasnifini taqdim eting.
Xizmatlarni amalga oshirish rejasini taqdim eting. Moʻljallangan xizmatlarni joriy etish strategiyasini tavsiflab bering. Kredit uyushmasi aʼzolariga xizmatlar koʻrsatishga doir mavjud usullarini koʻrsating (ommaviy axborot vositalarida reklamalar joylashtirish, ilmiy seminarlar va yigʻilishlar oʻtkazish yoʻli bilan).
III. Rahbariyat va boshqarish
Kredit uyushmasining muassislari rahbarlari va kengash aʼzolari, ijro etuvchi organi haqida maʼlumot keltiring:
kredit uyushmasining barcha muassislari va kengash aʼzolarining nomlari va manzillari;
kredit uyushmasining ijro etuvchi organi aʼzolarini hamda bosh buxgalter nomlari va manzillari;
vakil shaxsning ismi-sharifi va manzili.
Kengash aʼzolari, ijro etuvchi organ, kredit qoʻmitasi va taftish komissiyasining tashkiliy tarkibi va majburiyatlarini tavsiflab bering.
IV. Bozor tahlili
Xizmat koʻrsatilishi moʻljallanayotgan bozorni tahlil qiling. Sizning tashkilotingiz xizmat koʻrsatmoqchi boʻlgan bozorni iqtisodiy jihatdan tavsiflab bering. Bozorda kutilayotgan oʻzgarishlarni, bunday oʻzgarishlarga taʼsir etuvchi omillarni va ularning tuzilayotgan kredit uyushmasiga taʼsirini tavsiflab bering. Tahlil oxirgi iqtisodiy maʼlumotlardan foydalanishga asoslangan boʻlishi shart.
Koʻzda tutilayotgan xizmat koʻrsatish bozoridagi raqobatni tahlil qilib chiqing. Siz xizmat koʻrsatmoqchi boʻlgan bozor segmenti (boʻgʻimi)dagi raqobatchilarni, mazkur bozorga taʼsir oʻtkaza oladigan tashqi raqobatchilarni, shuningdek, boshqa potensial raqobatni sanab oʻting. Ularning bozor strategiyasi tahlili hamda oʻzingizning oʻzlashtirishingizni va tuzilayotgan kredit uyushmasiga kutilayotgan taʼsirini tavsiflab bering.
V. Maqsad va rejalar
Bozor tahlilida, yangi kredit uyushmasini maqsad va prognozlarni oʻrnatilishida foydalanilgan asosiy prognoz taxminlarini tushuntiring va taqdim eting. Eng kamida quyidagi maʼlumotlarni kiriting:
Bozor oʻsishi, foiz stavkalari, resurslar qiymati, raqobat;
Aktiv va majburiyatlar tarkibi. Moliyaviy prognoz hisobotlar aktiv va majburiyatlar tarkibini, asosiy vositalarga boʻlgan investitsiyalarni hamda xodimga berilgan kompensatsiya (toʻlov)larni koʻrsatishlari lozim. Ular bozor tahlili va strategiyalarda aks ettirilgan tahminlarga asoslanishi shart.
VI. Kapitalizatsiya
Tanlab olingan strategiya va rejalashtirilgan xarajatlarga, tashqi sharoitga koʻproq muvofiq keluvchi, taxmin qilinayotgan kapital tarkibini taqdim eting.
Kapitalning oʻsish rejasini va birinchi uch yilda moliyaviy oʻsish faoliyatini tasvirlab bering.
VII. Kredit uyushmasini tuzishga manfaatdor boʻlgan shaxslar guruhlarini oʻrganish
Har bir potensial kredit uyushmasi mahalliy aholining kredit uyushmasi faoliyatiga boʻlgan qiziqishlarini, shuningdek, kredit uyushmasining potensial aʼzolarini aniqlash maqsadida tadqiqotlar oʻtkazadi. Tadqiqotlar natijalari taxminiy boʻlib, yozma ravishda rasmiylashtiriladi.
Alohida hollarda kredit uyushmasining potensial homiylarini aniqlash boʻyicha tadqiqotlar oʻtkazilishi mumkin.
(Oʻzbekiston Respublikasi qonun hujjatlari toʻplami, 2006-y., 25-26-son, 243-modda)
