|
Hujjat kuchini yo‘qotgan " " 13.04.2019
|
Oʻzbekiston Respublikasi Vazirlar Mahkamasining
qarori
QIShLOQ XOʻJALIGIDA IQTISODIY ISLOHOTLARNI ChUQURLAShTIRISh BOʻYIChA RESPUBLIKA KOMISSIYASI FAOLIYATINI TAKOMILLAShTIRISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2019-yil 12-apreldagi 300-sonli “Qishloq xoʻjaligida iqtisodiy islohotlarni chuqurlashtirish boʻyicha respublika komissiyasi faoliyatini takomillashtirish toʻgʻrisida”gi qaroriga asosan oʻz kuchini yoʻqotgan.
Qishloq xoʻjaligida iqtisodiy islohotlarni izchil amalga oshirish, qishloqda bozor prinsiplari va munosabatlarini keng joriy etish, qishloq xoʻjaligi korxonalarini bozor shart-sharoitlari va talablariga jadal moslashtirish maqsadida Vazirlar Mahkamasi qaror qiladi:
1. Quyidagilar:
Qishloq xoʻjaligida iqtisodiy islohotlarni chuqurlashtirish boʻyicha Respublika komissiyasi tarkibi 1-ilovaga muvofiq;
Qishloq xoʻjaligida iqtisodiy islohotlarni chuqurlashtirish boʻyicha Respublika komissiyasi toʻgʻrisidagi nizom 2-ilovaga muvofiq tasdiqlansin.
2. Vazirlar Mahkamasining “Iqtisodiy islohotlarni chuqurlashtirishga doir qabul qilingan hujjatlarning amalga oshirilishi yuzasidan monitoring olib borish boʻyicha Hukumat komissiyasini tuzish toʻgʻrisida” 2003-yil 19-iyundagi 278-son qarori bilan tuzilgan Hukumat komissiyasi vazifalari va funksiyalarining qishloq xoʻjaligida iqtisodiy islohotlarga oid qismi Qishloq xoʻjaligida iqtisodiy islohotlarni chuqurlashtirish boʻyicha Respublika komissiyasiga berilsin.
3. Quyidagilar:
Vazirlar Mahkamasining “Oʻzbekiston Respublikasi Hukumatining qarorlari bilan tuzilgan komissiyalar va kengashlar tarkiblarini tasdiqlash toʻgʻrisida” 2000-yil 30-sentabrdagi 374-son qaroriga 12-ilova oʻz kuchini yoʻqotgan deb hisoblansin.
4. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2004-yil 25-fevral,
87-son
Vazirlar Mahkamasining 2004-yil 25-fevraldagi 87-son qaroriga
1-ILOVA
1-ILOVA
Qishloq xoʻjaligida iqtisodiy islohotlarni chuqurlashtirish boʻyicha Respublika komissiyasi
tarkibi
|
— |
Oʻzbekiston Respublikasining Bosh vaziri, Komissiya raisi | |
|
Azimov R.S. |
— |
Oʻzbekiston Respublikasi Bosh vazirining oʻrinbosari, Komissiya raisining oʻrinbosari |
|
lavozimi boʻyicha |
— |
Qishloq va suv xoʻjaligi, qishloq xoʻjaligi va oziq-ovqat mahsulotlarini qayta ishlash masalalari axborot-tahlil departamentining yetakchi mutaxassisi |
|
Komissiya aʼzolari: | ||
|
Joʻrayev A.M. |
— |
Qishloq va suv xoʻjaligi vaziri |
|
Nurmurodov M.B. |
— |
Moliya vaziri |
|
Obidov O.O. |
— |
Mehnat va aholini ijtimoiy muhofaza qilish vaziri |
|
Asqarov M.A. |
— |
Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi raisi |
|
lavozimiga koʻra |
— |
Yer resurslari, geodeziya, kartografiya va davlat kadastri davlat qoʻmitasi ra�si |
|
Qudratov Gʻ.S. |
— |
Davlat statistika qoʻmitasi raisi |
|
Polvon-zoda A.A. |
— |
Adliya vaziri |
|
Abdusalomov M.E. |
— |
Oliy xoʻjalik sudi raisi |
|
Yoqubjonov O. |
— |
Oʻzbekiston Respublikasi Prezidentining Davlat maslahatchisi oʻrinbosari (kelishuv boʻyicha) |
|
Bronshteyn V.I. |
— |
Oʻzbekiston Respublikasi Prezidenti Devoni bosh konsultanti (kelishuv boʻyicha) |
|
lavozimiga koʻra |
— |
Qishloq va suv xoʻjaligi, qishloq xoʻjaligi va oziq-ovqat mahsulotlarini qayta ishlash masalalari axborot-tahlil departamenti mudiri |
|
Salimov A.X. |
— |
Iqtisodiyot vazirining oʻrinbosari |
|
Nurmatov Sh. |
— |
Qishloq va suv xoʻjaligi vazirining oʻrinbosari, Oʻzbekiston qishloq xoʻjaligi ilmiy-ishlab chiqarish markazining bosh direktori |
|
Jumageldiyev M.R. |
— |
Markaziy bank raisining birinchi oʻrinbosari |
|
Gadoyev E.F. |
— |
Davlat soliq qoʻmitasi raisining birinchi oʻrinbosari |
|
Haitov A. |
— |
Iqtisodiy nochor korxonalar ishlari qoʻmitasi raisining oʻrinbosari |
|
Voznenko A.N. |
— |
“Oʻzkimyosanoat” kompaniyasi raisi vazifasini bajaruvchi |
|
Ahmedov Sh. |
— |
“Oʻzneftmahsulot” kompaniyasi rais� |
|
Otajonov N.S. |
— |
“Oʻzagrotexsanoatxolding” AJ boshqaruvi raisi |
|
lavozimiga koʻra |
— |
“Oʻzsharobsanoat” AJ boshqaruvi |
|
Xolov M.X. |
— |
“Oʻzgoʻshtsutsanoat” uyushmasi raisi |
|
Yusupov B.T. |
— |
Oʻzbekiston fermer, dehqon xoʻjaliklari va tomorqa yer egalari kengashi raisi |
|
Shayxov A.E. |
— |
Oʻzbekiston Respublikasi Savdo-sanoat palatasi raisi |
|
Abdullayev S. |
— |
Moliya vazirligi huzuridagi Davlat ehtiyojlari uchun xarid qilinadigan qishloq xoʻjaligi mahsulotlarining hisob-kitob jamgʻarmasi direktori |
|
Boymuratov A.J. |
— |
“Agrobank” ATB boshqaruvining raisi |
|
Toshmurodov Sh.M. |
— |
“Qishloq qurilish bank” ATB boshqaruvining raisi |
|
Kaziyev P.R. |
— |
“Oʻzagrosugʻurta” davlat-aksiyadorlik sugʻurta kompaniyasi boshqaruvi raisi |
|
lavozimiga koʻra * |
— |
Qoraqalpogʻiston Respublikasi Vazirlar Kengashi Raisining, viloyatlar hokimlarining qishloq xoʻjaligi boʻyicha oʻrinbosarlari |
Izohlar: * aniq vaziyatga qarab viloyatlar hokimlarining qishloq va suv xoʻjaligi masalalariga mutasaddilik qiluvchi birinchi oʻrinbosarlari komissiya aʼzolari boʻlishlari mumkin.
Komissiya aʼzolari boshqa ishga oʻtgan taqdirda komissiya tarkibiga ularning lavozimiga yangidan tayinlangan shaxslar kiritiladi.
(1-ilova Oʻzbekiston Respublikasi Vazirlar Mahkamasining 2018-yil 16-iyuldagi 539-sonli qarori tahririda — Qonun hujjatlari maʼlumotlari milliy bazasi, 16.07.2018-y., 09/18/539/1519-son)
Qishloq xoʻjaligida iqtisodiy islohotlarni chuqurlashtirish boʻyicha Respublika komissiyasi toʻgʻrisida
NIZOM
I. Umumiy qoidalar
1. Ushbu Nizom Qishloq xoʻjaligida iqtisodiy islohotlarni chuqurlashtirish boʻyicha Respublika komissiyasi (keyingi oʻrinlarda matnda “Komissiya” deb yuritiladi) faoliyati tartibini belgilaydi.
2. Komissiya oʻz faoliyatini qishloqda agrar va iqtisodiy munosabatlarni isloh qilish taʼminlanishini, islohotlarni amalga oshirishning borishini chuqur tahlil qilishni, qishloq xoʻjaligida iqtisodiy islohotlarni yanada chuqurlashtirish boʻyicha takliflar kiritish tashabbusi bilan chiqish va ularni tayyorlashni tashkil etish maqsadida amalga oshiradi.
3. Komissiya oʻz faoliyatida Oʻzbekiston Respublikasi Konstitutsiyasiga, Yer kodeksiga, “Qishloq xoʻjaligi kooperativi (shirkat xoʻjaligi) toʻgʻrisida”, “Fermer xoʻjaligi toʻgʻrisida”, “Dehqon xoʻjaligi toʻgʻrisida”gi Oʻzbekiston Respublikasi qonunlariga, boshqa qonun hujjatlariga, Oʻzbekiston Respublikasi Prezidentining farmonlari va farmoyishlariga, Hukumat qarorlariga va ushbu Nizomga amal qiladi.
4. Komissiyaning oʻz vakolatlari doirasida qabul qilgan qarorlari davlat boshqaruvi organlari va mulkchilik shakllaridan qatʼi nazar, xoʻjalik yurituvchi subyektlar tomonidan bajarilishi majburiy hisoblanadi.
5. Qoraqalpogʻiston Respublikasi Vazirlar Kengashi, viloyatlar va tumanlar hokimliklari huzurida qishloq xoʻjaligida iqtisodiy islohotlarni chuqurlashtirish boʻyicha hududiy komissiyalar (keyingi oʻrinlarda matnda “hududiy komissiyalar” deb yuritiladi) faoliyat koʻrsatadi.
6. Hududiy komissiyalarning nizomlari va tarkiblari Qoraqalpogʻiston Respublikasi Vazirlar Kengashi, viloyatlar va tumanlar hokimliklarining qarorlari bilan tasdiqlanadi.
II. Komissiyaning vazifalari va faoliyati yoʻnalishlari
7. Quyidagilar Komissiyaning asosiy vazifalari va faoliyati yoʻnalishlari hisoblanadi:
Oʻzbekiston Respublikasining Yer kodeksi, “Qishloq xoʻjaligi kooperativi (shirkat xoʻjaligi) toʻgʻrisida”, “Fermer xoʻjaligi toʻgʻrisida”, “Dehqon xoʻjaligi toʻgʻrisida”gi Oʻzbekiston Respublikasi qonunlari hamda ular asosida qabul qilingan qishloqda agrar va iqtisodiy munosabatlarni isloh qilishga yoʻnaltirilgan normativ hujjatlarning amalga oshirilishini taʼminlash boʻyicha ishlarni tashkil etish;
qishloq xoʻjaligida iqtisodiy islohotlarni chuqurlashtirish boʻyicha Oʻzbekiston Respublikasi Prezidenti farmonlarida va Hukumat qarorlarida bayon qilingan talablar hamda qoidalarning oʻz vaqtida va toʻliq bajarilishi ustidan muntazam ravishda monitoring olib borish;
qishloqda agrar va iqtisodiy munosabatlarni isloh qilish sohasida yagona davlat siyosatining izchil oʻtkazilishini taʼminlash;
yuqorida koʻrsatib oʻtilgan hujjatlarning amalga oshirilishi boʻyicha ishlarning ahvolini chuqur tahlil qilish asosida yilning har choragida tahliliy materiallar va takliflarni Vazirlar Mahkamasi majlislarida koʻrib chiqish uchun taqdim etish;
bozor iqtisodiyoti talablariga javob beradigan bozor prinsiplari va mexanizmlarini boshqaruv tizimiga, xoʻjalik munosabatlariga keng joriy etish;
qishloq xoʻjaligiga rahbarlik qilishning maʼmuriy-buyruqbozlik usullarini qisqartirish, qishloq xoʻjaligi tovar ishlab chiqaruvchilarining kundalik faoliyatiga maʼmuriy aralashuvni bartaraf etish boʻyicha takliflar kiritish;
qishloqda ijara munosabatlarini rivojlantirish va haqiqiy mulkdorlarni shakllantirish asosida qishloq xoʻjaligidagi ishlab chiqarish munosabatlari va iqtisodiy munosabatlarni isloh qilish jarayonlarini jadallashtirish;
shartnomaviy munosabatlar asosida xoʻjalik yuritish tizimini takomillashtirish va rivojlantirish, qishloq xoʻjaligi mahsulotlarini yetishtiruvchilar va tayyorlovchilar, xizmat koʻrsatuvchi tashkilotlar oʻrtasida tuzilgan shartnomalarning bajarilishi monitoringini muntazam ravishda olib borish;
jahon bozorlarida vujudga kelgan talab va taklif, narxlar konyunkturasidan kelib chiqqan holda bozor prinsiplariga asoslangan qishloq xoʻjaligida narx belgilash tizimi va mexanizmini takomillashtirish boʻyicha takliflarni ishlab chiqish;
fermer xoʻjaliklarining iqtisodiy va moliyaviy mustaqilligini ishonchli taʼminlashga yoʻnaltirilgan iqtisodiy, huquqiy shart-sharoitlar va kafolatlarni yaratish;
qishloq xoʻjaligi kooperativlari (shirkat xoʻjaliklari)ga va fermer xoʻjaliklariga ijaraga berilgan yer uchastkalaridan maqsadli va samarali foydalanilishi yuzasidan monitoring olib borish;
zarar koʻrib ishlayotgan, past rentabelli va istiqbolsiz qishloq xoʻjaligi kooperativlari (shirkat xoʻjaliklari)ni fermer xoʻjaliklariga aylantirishning borishi yuzasidan taʼsirchan monitoring oʻrnatish;
qishloqda zarur xizmatlarning barcha turlarini koʻrsatishga qodir boʻlgan ishlab chiqarish va bozor infratuzilmasi obyektlarini jadal rivojlantirish uchun shart-sharoitlar yaratish;
davlat ehtiyojlari uchun xarid qilinadigan qishloq xoʻjaligi mahsulotlarini moliyalashtirish tizimini takomillashtirish;
vazirliklar, idoralar va hududiy komissiyalar bilan birgalikda qishloqda iqtisodiy islohotlarni amalga oshirish boʻyicha aniq chora-tadbirlarni ishlab chiqish;
qishloqda iqtisodiy islohotlar doimiy ravishda metodik va huquqiy taʼminlanishini, agrobiznes sohasida xoʻjalik yuritishning zamonaviy usullarini biladigan kadrlarni tayyorlash va ularning malakasini oshirish ishlarini tashkil etish;
qishloqda iqtisodiy islohotlarning amalga oshirilishini tahlil qilish, qishloqda mulkdorlar sinfini shakllantirish boʻyicha ilgʻor tajribani umumlashtirish va ommalashtirish.
III. Komissiyaning huquqlari
8. Komissiya quyidagi huquqlarga ega:
vazirliklar, idoralar, tashkilotlar rahbar xodimlarining, shuningdek hududiy komissiyalarning qishloq xoʻjaligida iqtisodiy islohotlarni chuqurlashtirish boʻyicha ular tomonidan olib borilayotgan ishlar toʻgʻrisidagi hisobotlarini eshitish;
Oʻzbekiston Respublikasi Vazirlar Mahkamasiga qishloq xoʻjaligida iqtisodiy islohotlarni chuqurlashtirishga yoʻnaltirilgan normativ hujjatlarni takomillashtirish boʻyicha takliflar kiritish;
vazirliklar, idoralar va uyushmalardan Komissiyaga yuklangan vazifalarning bajarilishini taʼminlash uchun zarur boʻlgan axborotlarni soʻrash;
tegishli vazirliklar va idoralar mutaxassislarini, ilmiy-tadqiqot institutlari hamda qishloq xoʻjaligi yoʻnalishidagi oliy oʻquv yurtlari olimlari va oʻqituvchilarini materiallarni tayyorlash uchun jalb etish;
qishloq xoʻjaligida iqtisodiy islohotlarni chuqurlashtirish boʻyicha hududiy komissiyalar faoliyatini muvofiqlashtirish;
Vazirlar Mahkamasiga past rentabelli, zarar koʻrib ishlayotgan va istiqbolsiz qishloq xoʻjaligi kooperativlari (shirkat xoʻjaliklari)ni fermer xoʻjaliklariga aylantirish toʻgʻrisida takliflar kiritish;
fermer xoʻjaliklariga aylantirilayotgan past rentabelli, zarar koʻrib ishlayotgan va istiqbolsiz qishloq xoʻjaligi kooperativlari (shirkat xoʻjaliklari) roʻyxatini tegishli vazirliklar, idoralar va mahalliy davlat hokimiyati organlari takliflari asosida kelishib olish;
joylarda qishloq xoʻjaligi isloh qilinishi uchun masʼul boʻlgan mansabdor shaxslarning layoqatliligini va ularning amaliy faoliyati natijalarini baholash, oʻz vakolatlari doirasida agrosanoat kompleksini yuqori malakali mutaxassislar bilan mustahkamlashga yoʻnaltirilgan chora-tadbirlar koʻrish.
IV. Komissiya faoliyatini tashkil etish
9. Komissiyaga rais boshchilik qiladi, u ishlarni boshqaradi, komissiya majlislarini olib boradi, majlislar protokollarini, ish rejalarini va komissiyaning boshqa hujjatlarini tasdiqlaydi.
10. Komissiya majlislari tasdiqlangan ish rejasiga muvofiq yilning har choragida kamida bir marta oʻtkaziladi. Komissiya raisi tomonidan navbatdan tashqari majlislar chaqirilishi mumkin.
11. Komissiyaning koʻrib chiqilayotgan masala boʻyicha qarori, agar uning uchun komissiya aʼzolarining koʻpchiligi oddiy ovoz berish yoʻli bilan ovoz bersa, qabul qilingan hisoblanadi. Komissiyaning har bir aʼzosi qabul qilinayotgan qarorlar boʻyicha oʻz fikrini yozma ravishda bildirishga haqlidir.
12. Komissiya raisi bilan kelishuvga koʻra uning majlisda xolisona sabablarga koʻra qatnashmayotgan komissiya aʼzolarini ularning ovoz berish huquqisiz qatnashuvchi vakolatli vakillari almashtirishi mumkin.
13. Qarorlarni tezkor qabul qilish maqsadida komissiya raisi komissiya aʼzolari bilan soʻrov yoʻli bilan kelishilgan alohida masalalar boʻyicha komissiya qarorlarini tasdiqlashi mumkin.
14. Zarurat boʻlganda komissiya majlisiga koʻrib chiqilayotgan masalalarning xususiyatiga qarab vazirliklar va idoralarning, jamoat tashkilotlari, korxonalar, muassasalar va mehnat jamoalarining rahbarlari taklif qilinadi.
15. Komissiya yilning har choragida amalga oshirilgan ishlar toʻgʻrisida Oʻzbekiston Respublikasi Vazirlar Mahkamasiga axborot taqdim etadi.
V. Komissiya majlisiga materiallarni tayyorlash tartibi
16. Komissiya majlisiga materiallar ishchi organ tomonidan manfaatdor vazirliklar va idoralar, mahalliy davlat hokimiyati organlari, shuningdek ularni tayyorlash uchun masʼul boʻlgan komissiya aʼzolari bilan birgalikda komissiyaning ish rejasiga muvofiq tayyorlanadi.
17. Komissiya majlisining kun tartibidagi har bir masalaga doir hujjatlarda qaror qabul qilish uchun zarur boʻlgan materiallar (tahliliy maʼlumotnomalar, jadvallar va boshqalar) va komissiya qarori loyihasi mavjud boʻlishi kerak.
VI. Komissiyaning ishchi organi va kotibi
18. Oʻzbekiston Respublikasi Vazirlar Mahkamasi, Qishloq va suv xoʻjaligi vazirligi, Iqtisodiyot vazirligi, Xususiylashtirish, monopoliyadan chiqarish va raqobatni rivojlantirish davlat qoʻmitasi raisi hamda “Oʻzsharobsanoat” AJning yuqori malakali mutaxassislaridan 5 kishidan iborat tarkibdagi doimiy ishlaydigan ishchi guruh komissiyaning ishchi organi hisoblanadi.
(18-band Oʻzbekiston Respublikasi Vazirlar Mahkamasining 2018-yil 16-iyuldagi 539-sonli qarori tahririda — Qonun hujjatlari maʼlumotlari milliy bazasi, 16.07.2018-y., 09/18/539/1519-son)
19. Komissiyaning ishchi organi:
komissiyaning navbatdagi davr uchun ish rejasi loyihasini tayyorlaydi;
komissiyaning navbatdagi majlisiga barcha zarur materiallarning oʻz vaqtida tayyorlanishini taʼminlaydi hamda vazirliklar, idoralar, yuridik shaxslar birlashmalari, mahalliy davlat hokimiyati organlari, tijorat banklari, korxonalar va komissiya aʼzolaridan zarur materiallarni va ekspert xulosalarini olish huquqiga ega;
tahliliy materiallar tayyorlanishini va kun tartibidagi masalalar boʻyicha komissiya majlislari oʻtkazilishini tashkil qiladi;
komissiyaning koʻrib chiqishi uchun qishloq xoʻjaligida iqtisodiy islohotlarni chuqurlashtirish jarayonlari monitoringining axborot va tahliliy materiallarini taqdim etadi;
hududiy komissiyalar faoliyatini va komissiyaning qabul qilingan qarorlari bajarilishini joylarga borib oʻrganadi;
komissiya aʼzolarini va taklif etilgan shaxslarni tegishli materiallarni joʻnatgan holda majlisning oʻtkaziladigan sanasi, vaqti, joyi toʻgʻrisida xabardor qiladi;
Komissiyaning koʻrib chiqishi uchun uning qarorlariga muvofiq boshqa materiallarni taqdim etadi.
20. Komissiya kotibi:
ishchi guruh ishlariga rahbarlik qiladi;
komissiya qarorlarining bajarilishi monitoringini olib boradi va uning natijalarini komissiya majlisida koʻrib chiqish uchun taqdim etadi;
komissiya majlisiga materiallarni tayyorlash boʻyicha ishchi guruhning ishlarini tashkil qiladi;
komissiya raisi bilan majlislar oʻtkaziladigan muddatni va joyni, shuningdek taklif etiladiganlar tarkibini kelishib oladi;
komissiya protokollarini rasmiylashtiradi va tasdiqlangan protokollarni komissiya aʼzolariga, manfaatdor vazirliklar, idoralar, mahalliy davlat hokimiyati organlariga joʻnatadi.
21. Komissiyani tugatish yoki qayta tuzish qonun hujjatlarida belgilangan tartibda amalga oshiriladi.
(Oʻzbekiston Respublikasi qonun hujjatlari toʻplami, 2004-y., 8-son, 97-modda; 2005-y., 5-6-son, 34-modda, 8-9-son, 67-modda; 2006-y., 12-13-son, 105-modda; 2009-y., 21-son, 252-modda; 2013-y., 1-son, 8-modda; 2017-y., 26-son, 593-modda; Qonun hujjatlari maʼlumotlari milliy bazasi, 27.12.2017-y., 09/17/1021/0465-son, 14.02.2018-y., 09/18/107/0697-son, 16.07.2018-y., 09/18/539/1519-son)
