toggle_night_mode
Ўзбекистон Республикаси Президентининг
қарори
«Ғелон» туристик-рекреацион зонасини ва халқаро умуммавсумий курортни ташкил этиш чора-тадбирлари тўғрисида
Республиканинг туристик салоҳиятини ошириш бўйича ислоҳотларни изчил давом эттириш, тоғ ва тоғолди ҳудудлардаги ишга туширилмаган мавжуд имкониятлардан оқилона фойдаланиш ҳисобига экологик туризм инфратузилма объектларини барпо этиш, шунингдек, туризм хизматларини диверсификация қилиш ҳамда инвестиция лойиҳаларини амалга оширишни жадаллаштириш орқали тоғли ва чекка ҳудудлардаги аҳоли бандлигини таъминлаш, уларнинг даромад манбаини кенгайтириш мақсадида:
1. Қуйидагилар:
Қозон шаҳрида (Россия Федерацияси) 2023 йил 4 — 6 октябрь кунлари бўлиб ўтган III ҳудудлараро ҳамкорлик форуми доирасида Россия томони билан Қашқадарё вилояти Шаҳрисабз туманида «Ғелон» халқаро умуммавсумий курорт мажмуасини ташкил этиш» лойиҳасини (кейинги ўринларда — Инвестиция лойиҳаси) амалга ошириш бўйича келишувга эришилганлиги;
Инвестиция лойиҳаси доирасида инвестор томонидан Инвестиция лойиҳасини амалга ошириш даврида юзага келиши мумкин бўлган хавф-хатарларни ўз зиммасига олган ҳолда дастлабки баҳолаш бўйича жами 300 миллион АҚШ доллари миқдорида тўғридан-тўғри хорижий инвестициялар жалб этилиши;
Инвестиция лойиҳаси 2024 — 2030 йиллар давомида уч босқичда амалга оширилиши, бунда 2027 йил 1 январга қадар биринчи босқичда инвестор томонидан 100 миллион АҚШ доллари миқдорида инвестиция киритилиши режалаштирилганлиги маълумот учун қабул қилинсин.
2. Экология, атроф-муҳитни муҳофаза қилиш ва иқлим ўзгариши вазирлиги, Инвестициялар, саноат ва савдо вазирлиги ҳамда Қашқадарё вилояти ҳокимлигининг:
Қашқадарё вилояти Шаҳрисабз туманида умумий ер майдони 2,9 минг гектар бўлган «Ғелон» туристик-рекреацион зонасини (кейинги ўринларда — Туристик зона) ташкил этиш;
Қашқадарё вилояти ҳокимлиги ҳузурида давлат муассасаси шаклида «Ғелон» туристик-рекреацион зонаси дирекциясини (кейинги ўринларда — Дирекция) тузиш;
Туристик зона ҳудудида замонавий меҳмонхона мажмуалари, маданий-соғломлаштириш, савдо-кўнгилочар ва туристик аҳамиятдаги бошқа объектларни ҳамда муҳандислик инфратузилмаларини барпо этиш тўғрисидаги таклифларига розилик берилсин.
Белгилансинки, Туристик зона фаолият кўрсатиш муддатини кейинчалик узайтириш имконияти билан 30 йилга ташкил қилинади.
3. Қуйидагилар:
«Ғелон» туристик-рекреацион зонаси чегараларининг тавсифи 1-иловага мувофиқ;
«Ғелон» туристик-рекреацион зонаси ҳудудини тизимли ривожлантириш бўйича чора-тадбирлар 2-иловага мувофиқ;
«Ғелон» туристик-рекреацион зонаси ва унга олиб борувчи йўл-транспорт, муҳандислик-коммуникация ва ишлаб чиқариш инфратузилмасини ривожлантириш дастури 3-иловага мувофиқ тасдиқлансин.
4. Белгилансинки:
Туристик зона ҳудудидаги ер участкаларини реализация қилишдан ва ижарага беришдан келиб тушган маблағлар аукцион харажатлари чегириб ташланган ҳолда Дирекциянинг шахсий ҳисобварағига ўтказилади;
Туристик зонанинг бош режаси ва батафсил режалари лойиҳаларини ишлаб чиқиш ҳамда консалтинг компаниялари, маҳаллий ва хорижий экспертлар ҳамда бошқарув компаниялари хизматлари учун ҳақ тўлаш Тоғли ва олис ҳудудларда туристик инфратузилмани ривожлантириш жамғармаси (кейинги ўринларда — Жамғарма) маблағлари ҳисобидан амалга оширилади;
Жамғарма ҳисобидан амалга ошириладиган харажатлар «Чорвоқ» туристик-рекреацион зонаси дирекцияси ва Қашқадарё вилояти ҳокимлиги томонидан тасдиқланадиган график асосида Туристик зона ҳудудидаги ер участкаларини электрон онлайн аукцион орқали реализация қилишдан тушган тушумлар ҳисобидан қопланади;
Туристик зона инвестиция лойиҳаларини молиялаштириш харажатлари белгиланган тартибда тасдиқланган лойиҳанинг техник-иқтисодий асосларига мувофиқ амалга оширилади.
5. Қашқадарё вилояти ҳокимлиги Экология, атроф-муҳитни муҳофаза қилиш ва иқлим ўзгариши вазирлиги, Инвестициялар, саноат ва савдо вазирлиги, Қурилиш ва уй-жой коммунал хўжалиги вазирлиги, Кадастр агентлиги ҳамда манфаатдор вазирлик ва идоралар билан биргаликда:
икки ой муддатда Туристик зона фаолиятини ташкил этиш чора-тадбирлари юзасидан Ҳукумат қарори лойиҳаси белгиланган тартибда Вазирлар Маҳкамасига киритилишини;
2025 йил 1 июнга қадар Туристик зонанинг бош режаси ва батафсил режалари лойиҳалари ишлаб чиқилиши ва тасдиқланишини;
2025 йил 1 октябрга қадар Дирекция томонидан Туристик зонани ривожлантиришни назарда тутувчи мастер режа ишлаб чиқилиши ва тасдиқланишини таъминласин.
6. Белгилаб қўйилсинки:
Туристик зонадаги туристик инфратузилмани яратиш имконияти бўлган ер участкалари кейинчалик самарали фойдаланиш ва (ёки) инвесторларга реализация қилиш учун доимий фойдаланиш ҳуқуқи билан Дирекцияга ўтказилади;
Туристик зона ҳудудидаги ер участкаларини реализация қилишдан тушган маблағлар Дирекция фаолиятини молиялаштириш ҳамда тоғ туризми лойиҳаларини амалга ошириш, жумладан муҳандислик-коммуникация тармоқларини қуриш ва таъмирлаш чора-тадбирларини молиялаштиришга йўналтирилади;
Туристик зона ҳудудида ҳамда Инвестиция лойиҳаси доирасида умуммавсумий туристик объектларни қуриш ва улардан фойдаланиш, ушбу объектларнинг Туристик зонанинг бош режасига мувофиқлиги Дирекция томонидан назорат қилинади;
Дирекция Туристик зона ҳудудида умумий фойдаланишдаги йўллар ва ташқи муҳандислик-коммуникация тармоқларини қуриш ҳамда лойиҳаларни амалга ошириш бўйича буюртмачи ҳисобланиб, йўл ва ташқи муҳандислик-коммуникация тармоқларини Туристик зонанинг чегараларигача етказиб бериш мажбуриятини бажаради;
Дирекция лойиҳа компаниялари томонидан ишлаб чиқилган лойиҳа ҳужжатларига мувофиқ Туристик зона ҳудудида зарур инфратузилма объектлари барпо этилишини таъминлайди.
7. Қашқадарё вилояти ҳокимлиги бир ой муддатда:
Дирекцияни Қашқадарё вилояти Шаҳрисабз тумани «Мираки» МФЙ Фурқат кўчаси 1-уй манзили бўйича жойлаштирилишини таъминласин;
Дирекция фаолиятини ташкил қилиш, шу жумладан унинг моддий-техника базасини мустаҳкамлаш, жойлаштириш, асосий воситалар, анжомлар ва транспорт воситалари билан таъминлаш учун қонунчиликда тақиқланмаган манбалар ҳисобидан зарур маблағлар ажратсин.
8. Қашқадарё вилояти ҳокимлиги Кадастр агентлиги, Иқтисодиёт ва молия вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Қишлоқ хўжалиги вазирлиги ҳамда Қурилиш ва уй-жой коммунал хўжалиги вазирлиги билан биргаликда:
икки ой муддатда Туристик зона ҳудудидаги ер участкалари, бино ва иншоотлар ҳамда дарахт ва буталар тўлиқ хатловдан ўтказилишини, мавжуд дарахт ва буталар белгиланган тартибда муҳофазага олинишини;
уч ой муддатда ер участкалари олиб қўйилиши ва (ёки) бино ҳамда иншоотлари бузилиши натижасида мулкдорларга етказиладиган зарарлар миқдорига аниқлик киритилишини;
баҳолаш ишларини ташкил этиш учун зарур ҳужжатлар, шу жумладан ер участкасига бўлган ҳуқуқларнинг давлат рўйхатидан ўтказилганлигини тасдиқловчи ҳужжатлар тўплами тайёрланиши, баҳоловчи ташкилотлар жалб қилиниши ва баҳолаш тўғрисидаги ҳисоботлар экспертизадан ўтказилишини;
ер участкалари олиб қўйилишидан аввал мулкдорларга компенсация тўловлари тўлиқ ҳажмда тўлаб берилишини таъминласин.
Бунда:
ер участкалари эгаларига етказилган зарар қонунчиликда белгиланган тартибда қоплаб берилади;
 LexUZ шарҳи
Қаранг: Ўзбекистон Республикаси Ер кодексининг 13-боби.
Туристик зона ҳудудида амалга ошириладиган лойиҳалар учун ажратиладиган ер участкаларида қишлоқ хўжалиги ва ўрмон хўжалиги ишлаб чиқариши нобудгарчиликлари ўрнини қоплаш бўйича компенсация тўловлари лойиҳа ташаббускорлари томонидан қоплаб берилади.
9. Иқтисодиёт ва молия вазирлиги, Қишлоқ хўжалиги вазирлиги, Транспорт вазирлиги, Энергетика вазирлиги, Қурилиш ва уй-жой коммунал хўжалиги вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Туризм қўмитаси, «Ҳудудий электр тармоқлари» АЖ ҳамда Қашқадарё вилояти ҳокимлиги Инвестиция лойиҳаси доирасида:
умумий узунлиги 33 км бўлган Ҳисорак — Ғелон, Ҳисорак — Сарчашма автомобиль йўлини икки тасмали қилиб, Чироқчи — Шўрқудуқ автомобиль йўлининг 30 км қисмини учинчи тоифадаги йўл даражасигача етказиш бўйича қурилиш ва реконструкция ишлари амалга оширилишини;
Мираки — Ҳисорак автомобиль йўлини икки тасмали қилиб, учинчи тоифадаги йўл даражасигача етказилишини;
ишлаб чиқиладиган лойиҳа-смета ҳужжатларига асосан Туристик зона чегараларига қадар электр энергияси тармоғини тортиш ва подстанция барпо этиш, шунингдек, ичимлик ва оқова сув тармоқларини ўтказиш ишлари амалга оширилишини таъминласин.
Бунда ташқи инфратузилма билан таъминлаш харажатларини молиялаштириш ва буюртмачиларни белгилаш Ўзбекистон Республикаси Президентининг 2021 йил 25 августдаги «Инвестиция лойиҳаларини ташқи инфратузилма билан таъминлаш чора-тадбирлари тўғрисида»ги ПҚ-5233-сон ҳамда 2024 йил 5 июндаги «Республика ҳудудларининг туризм салоҳиятини янада ривожлантиришга қаратилган қўшимча чора-тадбирлар тўғрисида»ги ПҚ-212-сон қарорларига мувофиқ амалга оширилади.
10. Инвестициялар, саноат ва савдо вазирлиги:
а) Энергетика вазирлиги, Қурилиш ва уй-жой коммунал хўжалиги вазирлиги, Тоғ-кон саноати ва геология вазирлиги, Транспорт вазирлиги, Экология, атроф-муҳитни муҳофаза қилиш ва иқлим ўзгариши вазирлиги, Рақамли технологиялар вазирлиги, «Ҳудудий электр тармоқлари» АЖ ва «Ўзсувтаъминот» АЖ билан биргаликда 2025 йил 1 мартга қадар Инвестиция лойиҳаси доирасида объектларнинг лойиҳа ҳужжатларини ишлаб чиқиш, уларни келишиш ҳамда рухсат этиш хусусиятига эга бўлган ҳужжатларни белгиланган тартибда расмийлаштириш ишларини якунласин;
б) Қашқадарё вилояти ҳокимлиги ҳамда Туризм қўмитаси билан биргаликда:
Туристик зона ҳудудида туристик инфратузилма объектларини барпо этиш учун нуфузли ташкилотларни, шу жумладан салоҳиятли хорижий ва маҳаллий инвесторларни жалб қилиш;
истиқболли ва устувор лойиҳалар рўйхатини шакллантириш, Туристик зона ҳудудида дастлабки туризм, йўл-транспорт инфратузилмаси ҳамда коммуникация тармоқларини ривожлантириш учун халқаро молия институтларининг имтиёзли кредитлари ва грантларини жалб қилиш чораларини кўрсин.
11. Туризм қўмитаси Ташқи ишлар вазирлиги билан биргаликда 2025 йил 1 апрелга қадар Туристик зона брендини яратиб, республика ҳудудида ҳамда хорижий давлатларда кенг тарғиб қилиш чораларини кўрсин.
12. Қашқадарё вилояти ҳокимлиги ҳамда Экология, атроф-муҳитни муҳофаза қилиш ва иқлим ўзгариши вазирлиги:
Шаҳрисабз туманида Туристик зона ҳудуди доирасида қишлоқ хўжалигига мўлжалланган ерларнинг ер фонди тоифаларини ўзгартириш бўйича таклифларни Қишлоқ хўжалигига мўлжалланган ва ўрмон фонди ерларининг ер фонди тоифаларини ўзгартириш масалаларини кўриб чиқиш бўйича Ҳукумат комиссиясига киритсин;
Туристик зона ҳудудида йўл кўрсаткичларини ўрнатиш ва намунавий санитария-гигиена шохобчаларини жойлаштириш ҳамда чиқиндиларни ташлаш нуқталарини белгиласин;
Туристик зона ҳудудида маиший чиқиндиларнинг ҳосил бўлишини минималлаштириш, замонавий технологияларни жорий этиш орқали қаттиқ маиший чиқиндиларни алоҳида йиғиш ва олиб чиқиб кетиш ишларини ташкил этсин;
Ички ишлар вазирлиги ва Миллий гвардия билан биргаликда Туристик зона ҳудудида экология ва атроф-муҳитни муҳофаза қилиш соҳасидаги қонунчиликка қатъий риоя этилиши юзасидан экологик назоратни ўрнатсин.
13. Ички ишлар вазирлиги манфаатдор вазирлик ва идоралар билан биргаликда уч ой муддатда Туристик зона ҳудудида Қашқадарё вилояти ички ишлар бошқармаси Хавфсиз туризмни таъминлаш бошқармасининг мавжуд штат бирликлари ҳамда иш ҳақи жамғармаси доирасида хавфсизликни таъминлаш бўлимини ташкил этиш дастурини тасдиқласин.
14. Ўзбекистон Миллий ахборот агентлиги, Ўзбекистон Миллий телерадиокомпаниясига қишки спорт турларини оммалаштиришга қаратилган мақолалар чоп этиш ва мавзули теледастурларни эфирга узатиш тавсия этилсин.
15. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Ходжаев ҳамда Қашқадарё вилояти ҳокими М.Б. Азимов белгилансин.
Қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 5 декабрь,
ПҚ-424-сон
Ўзбекистон Республикаси Президентининг 2024 йил 5 декабрдаги ПҚ-424-сон қарорига
1-ИЛОВА
«Ғелон» туристик-рекреацион зонаси чегараларининг
ТАВСИФИ
Чегара чизиғининг бошланғич 1-нуқтаси Шаҳрисабз тумани, «Ғелон» маҳалла фуқаролар йиғини ҳудудида жойлашган (шимолий кенглик 39°5'39.65", шарқий узоқлик 67°22'32.87").
1-нуқтадан чегара чизиғи жануби-шарқий йўналишда дарахтзор ва дарё қирғоғи бўйлаб 103,0 метр масофани ўтиб, автомобиль йўли бўйида жойлашган 2-нуқтага туташади (шимолий кенглик 39°5'37.20", шарқий узоқлик 67°22'35.74").
2-нуқтадан чегара чизиғи жанубий йўналишда йўл бўйлаб 61,90 метр масофани ўтиб, йўл бўйида жойлашган 3-нуқтага туташади (шимолий кенглик 39°5'35.23", шарқий узоқлик 67°22'36.20").
3-нуқтадан чегара чизиғи жануби-ғарбий йўналишда йўл бўйлаб 30,0 метр масофани ўтиб, йўл бўйида жойлашган 4-нуқтага туташади (шимолий кенглик 39°5'34.46", шарқий узоқлик 67°22'35.44").
4-нуқтадан чегара чизиғи жануби-шарқий йўналишда йўл бўйлаб 48,20 метр масофани ўтиб, йўл бўйида жойлашган 5-нуқтага туташади (шимолий кенглик 39°5'33.61", шарқий узоқлик 67°22'37.15").
5-нуқтадан чегара чизиғи жануби-шарқий йўналишда йўл бўйлаб 56,10 метр масофани ўтиб, йўл бўйида жойлашган 6-нуқтага туташади (шимолий кенглик 39°5'33.38", шарқий узоқлик 67°22'39.48").
6-нуқтадан чегара чизиғи жануби-шарқий йўналишда йўл ва дарё қирғоғи бўйлаб 394,0 метр масофани ўтиб, йўл бўйида жойлашган 7-нуқтага туташади (шимолий кенглик 39°5'26.60", шарқий узоқлик 67°22'47.14").
7-нуқтадан чегара чизиғи жануби-шарқий йўналишда йўл ва дарё қирғоғи бўйлаб 88,90 метр масофада йўл бўйида жойлашган 8-нуқтага туташади (шимолий кенглик 39°5'24.60", шарқий узоқлик 67°22'49.61").
8-нуқтадан чегара чизиғи жануби-шарқий йўналишда йўл бўйлаб 111,00 метр масофани ўтиб, йўли бўйида жойлашган 9-нуқтага туташади (шимолий кенглик 39°5'22.55", шарқий узоқлик 67°22'53.35").
9-нуқтадан чегара чизиғи жануби-шарқий йўналишда йўл бўйлаб 260,0 метр масофани ўтиб, йўли бўйида жойлашган 10-нуқтага туташади (шимолий кенглик 39°5'17.55", шарқий узоқлик 67°23'1.78").
10-нуқтадан чегара чизиғи шарқий йўналишда йўл бўйлаб 213,0 метр масофани ўтиб, йўл бўйида жойлашган 11-нуқтага туташади (шимолий кенглик 39°5'15.71", шарқий узоқлик 67°23'10.25").
11-нуқтадан чегара чизиғи шарқий йўналишда йўл бўйлаб 285,0 метр масофани ўтиб, йўл бўйида жойлашган 12-нуқтага туташади (шимолий кенглик 39° 5'15.17", шарқий узоқлик 67°23'21.96").
12-нуқтадан чегара чизиғи шарқий йўналишда йўл ва дарё қирғоғи бўйлаб 215,0 метр масофада йўл бўйида жойлашган 13-нуқтага туташади (шимолий кенглик 39°5'12.97", шарқий узоқлик 67°23'29.91").
13-нуқтадан чегара чизиғи шарқий йўналишда йўл ва дарё қирғоғи бўйлаб 335,0 метр масофада йўл бўйида жойлашган 14-нуқтага туташади (шимолий кенглик 39°5'10.17", шарқий узоқлик 67°23'43.08").
14-нуқтадан чегара чизиғи шарқий йўналишда йўл ва дарё қирғоғи бўйлаб 264,0 метр масофада йўл бўйида жойлашган 15-нуқтага туташади (шимолий кенглик 39°5'7.84", шарқий узоқлик 67°23'53.39").
15-нуқтадан чегара чизиғи шарқий йўналишда йўл ва дарё қирғоғи бўйлаб 142,0 метр масофада йўл бўйида жойлашган 16-нуқтага туташади (шимолий кенглик 39°5'7.50", шарқий узоқлик 67°23'58.71").
16-нуқтадан чегара чизиғи шарқий йўналишда йўл ва дарё қирғоғи бўйлаб 1092,0 метр масофада йўл бўйида жойлашган 17-нуқтага туташади (шимолий кенглик 39°5'0.24", шарқий узоқлик 67°24'41.81").
17-нуқтадан чегара чизиғи шимоли-шарқий йўналишда йўл ва дарё қирғоғи бўйлаб 1114,0 метр масофада йўл бўйида жойлашган 18-нуқтага туташади (шимолий кенглик 39°5'4.31", шарқий узоқлик 67°25'26.69").
18-нуқтадан чегара чизиғи шарқий йўналишда йўл ва дарё қирғоғи бўйлаб 511,0 метр масофада йўл бўйида жойлашган 19-нуқтага туташади (шимолий кенглик 39°4'56.40", шарқий узоқлик 67°25'44.96").
19-нуқтадан чегара чизиғи шарқий йўналишда йўл ва дарё қирғоғи бўйлаб 380,0 метр масофада йўл бўйида жойлашган 20-нуқтага туташади (шимолий кенглик 39°4'53.96", шарқий узоқлик 67°25'59.62").
20-нуқтадан чегара чизиғи жануби-шарқий йўналишда йўл бўйлаб 174,0 метр масофада йўл бўйида жойлашган 21-нуқтага туташади (шимолий кенглик 39°4'49.97", шарқий узоқлик 67°26'4.38").
21-нуқтадан чегара чизиғи жанубий йўналишда йўл бўйлаб 154,0 метр масофада йўл бўйида жойлашган 22-нуқтага туташади (шимолий кенглик 39°4'45.60" , шарқий узоқлик 67°26'5.96").
22-нуқтадан чегара чизиғи шимолий йўналишда йўл бўйлаб 253,0 метр масофада йўл бўйида жойлашган 23-нуқтага туташади (шимолий кенглик 39°4'53.57", шарқий узоқлик 67°26'8.26").
23-нуқтадан чегара чизиғи шимоли-ғарбий йўналишда йўл бўйлаб 101,0 метр масофада йўл бўйида жойлашган 24-нуқтага туташади (шимолий кенглик 39° 4'56.14", шарқий узоқлик 67°26'6.39").
24-нуқтадан чегара чизиғи шарқий йўналишда йўл бўйлаб 120,0 метр масофада йўл бўйида жойлашган 25-нуқтага туташади (шимолий кенглик 39°4'55.67", шарқий узоқлик 67°26'10.98").
25-нуқтадан чегара чизиғи шимоли-ғарбий йўналишда йўл бўйлаб 108,0 метр масофада йўл бўйида жойлашган 26-нуқтага туташади (шимолий кенглик 39°4'58.37", шарқий узоқлик 67°26'9.02").
26-нуқтадан чегара чизиғи шимолий йўналишда йўл бўйлаб 71,90 метр масофада йўл бўйида жойлашган 27-нуқтага туташади (шимолий кенглик 39°5'0.64", шарқий узоқлик 67°26'8.95").
27-нуқтадан чегара чизиғи шарқий йўналишда йўл бўйлаб 60,90 метр масофада йўл бўйида жойлашган 28-нуқтага туташади (шимолий кенглик 39°4'59.75", шарқий узоқлик 67°26'10.89").
28-нуқтадан чегара чизиғи шимоли-шарқий йўналишда йўл бўйлаб 182,0 метр масофада йўл бўйида жойлашган 29-нуқтага туташади (шимолий кенглик 39°4'59.78", шарқий узоқлик 67°26'16.32").
29-нуқтадан чегара чизиғи жануби-шарқий йўналишда йўл бўйлаб 40,0 метр масофада йўл бўйида жойлашган 30-нуқтага туташади (шимолий кенглик 39°4'58.49", шарқий узоқлик 67°26'17.14").
30-нуқтадан чегара чизиғи жануби-шарқий йўналишда йўл бўйлаб 443,0 метр масофада йўл бўйида жойлашган 31-нуқтага туташади (шимолий кенглик 39° 4'50.78", шарқий узоқлик 67°26'32.30").
31-нуқтадан чегара чизиғи шимоли-шарқий йўналишда йўл бўйлаб 241,0 метр масофада йўл бўйида жойлашган 32-нуқтага туташади (шимолий кенглик 39° 4'54.97", шарқий узоқлик 67°26'40.06").
32-нуқтадан чегара чизиғи жануби-шарқий йўналишда йўл бўйлаб 252,0 метр масофада йўл бўйида жойлашган 33-нуқтага туташади (шимолий кенглик 39° 4'47.25", шарқий узоқлик 67°26'39.88").
33-нуқтадан чегара чизиғи шимоли-шарқий йўналишда йўл бўйлаб 211,0 метр масофада йўл бўйида жойлашган 34-нуқтага туташади (шимолий кенглик 39° 4'50.04", шарқий узоқлик 67°26'47.20").
34-нуқтадан чегара чизиғи шимоли-шарқий йўналишда йўл бўйлаб 148,0 метр масофада йўл бўйида жойлашган 35-нуқтага туташади (шимолий кенглик 39° 4'51.35", шарқий узоқлик 67°26'53.31").
35-нуқтадан чегара чизиғи жанубий йўналишда йўл бўйлаб 468,0 метр масофада йўл бўйида жойлашган 36-нуқтага туташади (шимолий кенглик 39°4'36.83", шарқий узоқлик 67°26'49.62").
36-нуқтадан чегара чизиғи жануби-шарқий йўналишда йўл бўйлаб 374,0 метр масофада адирликда жойлашган 37-нуқтага туташади (шимолий кенглик 39° 4'27.21", шарқий узоқлик 67°26'58.89").
37-нуқтадан чегара чизиғи жануби-шарқий йўналишда адирлик бўйлаб 216,0 метр масофада адирлик ён бағрида жойлашган 38-нуқтага туташади (шимолий кенглик 39° 4'21.89", шарқий узоқлик 67°27'3.86").
38-нуқтадан чегара чизиғи жануби-шарқий йўналишда адирлик бўйлаб 99,80 метр масофада адирлик ён бағрида жойлашган 39-нуқтага туташади (шимолий кенглик 39° 4'19.28", шарқий узоқлик 67°27'5.76").
39-нуқтадан чегара чизиғи жанубий йўналишда адирлик бўйлаб 671,0 метр масофада адирлик ён бағрида жойлашган 40-нуқтага туташади (шимолий кенглик 39° 3'57.90", шарқий узоқлик 67°27'2.52").
40-нуқтадан чегара чизиғи жанубий йўналишда адирлик бўйлаб 283,0 метр масофада адирлик ён бағрида жойлашган 41-нуқтага туташади (шимолий кенглик 39° 3'48.70", шарқий узоқлик 67°27'2.97").
41-нуқтадан чегара чизиғи жанубий йўналишда йўл бўйлаб 63,70 метр масофада йўл бўйида жойлашган 42-нуқтага туташади (шимолий кенглик 39° 3'46.91", шарқий узоқлик 67°27'1.92").
42-нуқтадан чегара чизиғи жануби-шарқий йўналишда йўл ва дарё қирғоғи бўйлаб 109,0 метр масофада йўл бўйида жойлашган 43-нуқтага туташади (шимолий кенглик 39° 3'43.48", шарқий узоқлик 67°27'2.94").
43-нуқтадан чегара чизиғи жанубий йўналишда йўл ва дарё қирғоғи бўйлаб 148,0 метр масофада адирлик ён бағрида жойлашган 44-нуқтага туташади (шимолий кенглик 39° 3'38.75", шарқий узоқлик 67°27'2.08").
44-нуқтадан чегара чизиғи жануби-шарқий йўналишда йўл ва дарё қирғоғи бўйлаб 146,0 метр масофада адирлик ён бағрида жойлашган 45-нуқтага туташади (шимолий кенглик 39°3'34.70", шарқий узоқлик 67°27'5.39").
45-нуқтадан чегара чизиғи жануби-шарқий йўналишда адирлик ва дарё қирғоғи бўйлаб 184,0 метр масофада адирлик ён бағрида жойлашган 46-нуқтага туташади (шимолий кенглик 39°3'29.47", шарқий узоқлик 67°27'8.70").
46-нуқтадан чегара чизиғи жануби-шарқий йўналишда адирлик ва дарё қирғоғи бўйлаб 610,0 метр масофада адирлик ён бағрида жойлашган 47-нуқтага туташади (шимолий кенглик 39°3'10.26", шарқий узоқлик 67°27'15.23").
47-нуқтадан чегара чизиғи жануби-ғарбий йўналишда адирлик бўйлаб 1060,0 метр масофада адирлик ён бағрида жойлашган 48-нуқтага туташади (шимолий кенглик 39° 2'43.00", шарқий узоқлик 67°26'48.46").
48-нуқтадан чегара чизиғи жануби-ғарбий йўналишда адирлик бўйлаб 958,0 метр масофада адирлик ён бағрида жойлашган 49-нуқтага туташади (шимолий кенглик 39° 2'25.20", шарқий узоқлик 67°26'15.74").
49-нуқтадан чегара чизиғи жануби-ғарбий йўналишда адирлик ва сойлик бўйлаб 956,0 метр масофада адирлик ён бағрида жойлашган 50-нуқтага туташади (шимолий кенглик 39° 2'2.13", шарқий узоқлик 67°25'49.34").
50-нуқтадан чегара чизиғи жануби-ғарбий йўналишда адирлик бўйлаб 692,0 метр масофада адирлик ён бағрида жойлашган 51-нуқтага туташади (шимолий кенглик 39° 1'55.79", шарқий узоқлик 67°25'21.81").
51-нуқтадан чегара чизиғи жануби-ғарбий йўналишда адирлик бўйлаб 419,0 метр масофада тоғ ён бағрида жойлашган 52-нуқтага туташади (шимолий кенглик 39° 1'43.36", шарқий узоқлик 67°25'14.98").
52-нуқтадан чегара чизиғи жанубий йўналишда тоғ ён бағри бўйлаб 1222,0 метр масофада тоғ ён бағрида жойлашган 53-нуқтага туташади (шимолий кенглик 39° 1'11.34", шарқий узоқлик 67°25'16.97").
53-нуқтадан чегара чизиғи шимоли-ғарбий йўналишда тоғ ён бағри бўйлаб 1832,0 метр масофада тоғ ён бағрида жойлашган 54-нуқтага туташади (шимолий кенглик 39° 1'11.34", шарқий узоқлик 67°24'1.45").
54-нуқтадан чегара чизиғи шимоли-ғарбий йўналишда адирлик бўйлаб 720,0 метр масофада адирлик ён бағрида жойлашган 55-нуқтага туташади (шимолий кенглик 39° 1'32.85", шарқий узоқлик 67°23'49.71").
55-нуқтадан чегара чизиғи шимоли-ғарбий йўналишда адирлик бўйлаб 196,0 метр масофада адирлик ён бағрида жойлашган 56-нуқтага туташади (шимолий кенглик 39° 1'38.87", шарқий узоқлик 67°23'47.54").
56-нуқтадан чегара чизиғи шимоли-шарқий йўналишда йўл ва адирлик бўйлаб 524,0 метр масофада адирлик ён бағрида жойлашган 57-нуқтага туташади (шимолий кенглик 39° 1'45.04", шарқий узоқлик 67°24'7.82").
57-нуқтадан чегара чизиғи шимоли-шарқий йўналишда адирлик ва тоғ ён бағри бўйлаб 483,0 метр масофада тоғ ён бағрида жойлашган 58-нуқтага туташади (шимолий кенглик 39° 1'55.65", шарқий узоқлик 67°24'22.35").
58-нуқтадан чегара чизиғи шимолий йўналишда тоғ ён бағри бўйлаб 683,0 метр масофада тоғ ён бағрида жойлашган 59-нуқтага туташади (шимолий кенглик 39° 2'17.78", шарқий узоқлик 67°24'19.76").
59-нуқтадан чегара чизиғи шимоли-ғарбий йўналишда тоғ ён бағри бўйлаб 1070,0 метр масофада тоғ ён бағрида жойлашган 60-нуқтага туташади (шимолий кенглик 39° 2'34.33", шарқий узоқлик 67°23'40.70").
60-нуқтадан чегара чизиғи шимоли-ғарбий йўналишда адирлик бўйлаб 713,0 метр масофада адирлик ён бағрида жойлашган 61-нуқтага туташади (шимолий кенглик 39° 2'40.03", шарқий узоқлик 67°23'12.09").
61-нуқтадан чегара чизиғи шимоли-ғарбий йўналишда адирлик бўйлаб 823,0 метр масофада адирлик ён бағрида жойлашган 62-нуқтага туташади (шимолий кенглик 39° 3'2.16", шарқий узоқлик 67°22'52.39")
62-нуқтадан чегара чизиғи шимоли-шарқий йўналишда адирлик ва тоғ ён бағри бўйлаб 1278,0 метр масофада тоғ ён бағрида жойлашган 63-нуқтага туташади (шимолий кенглик 39° 3'37.01", шарқий узоқлик 67°23'21.17").
63-нуқтадан чегара чизиғи шимоли-шарқий йўналишда адирлик бўйлаб 696,0 метр масофада адирлик ён бағрида жойлашган 64-нуқтага туташади (шимолий кенглик 39° 3'59.79", шарқий узоқлик 67°23'20.38").
64-нуқтадан чегара чизиғи шимоли-шарқий йўналишда адирлик бўйлаб 241,0 метр масофада адирлик ён бағрида жойлашган 65-нуқтага туташади (шимолий кенглик 39° 4'4.92", шарқий узоқлик 67°23'28.06").
65-нуқтадан чегара чизиғи шимоли-шарқий йўналишда адирлик бўйлаб 1175,0 метр масофада адирлик ён бағрида жойлашган 66-нуқтага туташади (шимолий кенглик 39° 4'42.76", шарқий узоқлик 67°23'32.28").
66-нуқтадан чегара чизиғи шимоли-шарқий йўналишда адирлик ва тоғ ён бағри бўйлаб 880,0 метр масофада адирлик ён бағрида жойлашган 67-нуқтага туташади (шимолий кенглик 39° 5'10.98", шарқий узоқлик 67°23'27.21").
67-нуқтадан чегара чизиғи шимоли-ғарбий йўналишда тоғ ён бағри ва дарё қирғоғи бўйлаб 129,0 метр масофада тоғ ён бағрида жойлашган 68-нуқтага туташади (шимолий кенглик 39° 5'12.74", шарқий узоқлик 67°23'22.32").
68-нуқтадан чегара чизиғи шимоли-ғарбий йўналишда тоғ ён бағри ва дарё қирғоғи бўйлаб 325,0 метр масофада тоғ ён бағрида жойлашган 69-нуқтага туташади (шимолий кенглик 39° 5'13.85", шарқий узоқлик 67°23'8.92").
69-нуқтадан чегара чизиғи шимоли-ғарбий йўналишда тоғ ён бағри ва дарё қирғоғи бўйлаб 252 метр масофада тоғ ён бағрида жойлашган 70-нуқтага туташади (шимолий кенглик 39° 5'16.26", шарқий узоқлик 67°22'59.04").
70-нуқтадан чегара чизиғи шимолий йўналишда тоғ ён бағри ва дарё қирғоғи бўйлаб 47,7 метр масофада тоғ ён бағрида жойлашган 71-нуқтага туташади (шимолий кенглик 39° 5'17.87", шарқий узоқлик 67°22'58.51").
71-нуқтадан чегара чизиғи шимоли-ғарбий йўналишда тоғ ён бағри ва дарё қирғоғи бўйлаб 155,0 метр масофада тоғ ён бағрида жойлашган 72-нуқтага туташади (шимолий кенглик 39° 5'21.21" шарқий узоқлик 67°22'53.58").
72-нуқтадан чегара чизиғи шимоли-ғарбий йўналишда тоғ ён бағри ва дарё қирғоғи бўйлаб 233,0 метр масофада тоғ ён бағрида жойлашган 73-нуқтага туташади (шимолий кенглик 39° 5'26.09", шарқий узоқлик 67°22'46.54").
73-нуқтадан чегара чизиғи шимоли-ғарбий йўналишда тоғ ён бағри ва дарё қирғоғи бўйлаб 227,0 метр масофада тоғ ён бағрида жойлашган 74-нуқтага туташади (шимолий кенглик 39° 5'31.45", шарқий узоқлик 67°22'40.30").
74-нуқтадан чегара чизиғи шимоли-ғарбий йўналишда тоғ ён бағри ва дарё қирғоғи бўйлаб 60,40 метр масофада тоғ ён бағрида жойлашган 75-нуқтага туташади (шимолий кенглик 39° 5'32.69", шарқий узоқлик 67°22'38.36").
75-нуқтадан чегара чизиғи шимоли-ғарбий йўналишда тоғ ён бағри ва дарё қирғоғи бўйлаб 71,0 метр масофада тоғ ён бағрида жойлашган 76-нуқтага туташади (шимолий кенглик 39° 5'32.81", шарқий узоқлик 67°22'35.48").
76-нуқтадан чегара чизиғи шимоли-ғарбий йўналишда тоғ ён бағри ва дарё қирғоғи бўйлаб 67,60 метр масофада тоғ ён бағрида жойлашган 77-нуқтага туташади (шимолий кенглик 39° 5'34.19", шарқий узоқлик 67°22'33.32").
77-нуқтадан чегара чизиғи ғарбий йўналишда тоғ ён бағри ва дарё қирғоғи бўйлаб 112,0 метр масофада тоғ ён бағрида жойлашган 78-нуқтага туташади (шимолий кенглик 39° 5'33.48", шарқий узоқлик 67°22'28.78").
78-нуқтадан чегара чизиғи ғарбий йўналишда йўл ва дарё қирғоғи бўйлаб 91,0 метр масофада адир ён бағрида жойлашган 79-нуқтага туташади (шимолий кенглик 39° 5'36.35", шарқий узоқлик 67°22'28.12").
79-нуқтадан чегара чизиғи ғарбий йўналишда адирлик бўйлаб 32,20 метр масофада адир ён бағрида жойлашган 80-нуқтага туташади (шимолий кенглик 39° 5'36.57", шарқий узоқлик 67°22'29.39").
80-нуқтадан чегара чизиғи шимолий йўналиш бўйлаб 61,60 метр масофада, тоғ ён бағрида жойлашган 81-нуқтага туташади (шимолий кенглик шимолий кенглик 39° 5'38.46", шарқий узоқлик 67°22'29.81").
81-нуқтадан чегара чизиғи шимоли-шарқий йўналишда тоғ ён бағри бўйлаб 79,0 метр масофада, тоғ ён бағрида жойлашган дастлабки 1-нуқтага туташади (шимолий кенглик шимолий кенглик 39° 5'39.65", шарқий узоқлик 67°22'32.87").
«Ғелон» умуммавсумий дам олиш масканини барпо этиш» лойиҳаси амалга ошириладиган ҳудуднинг чегарасида жойлашган Антенна-мастали тузилма ускунаси ер участкаси
Чегара чизиғининг бошланғич 1-нуқтаси Шаҳрисабз тумани, «Сарчашма» маҳалла фуқаролари йиғини ҳудудида жойлашган (шимолий кенглик 39° 3'57.54"С, шарқий узоқлик 67°24'3.53"В).
1-нуқтадан чегара чизиғи шимоли-ғарбий йўналишда адирлик бўйлаб 23,68 метр масофани ўтиб, адирликда жойлашган 2-нуқтага туташади (шимолий кенглик 39° 3'58.23"С, шарқий узоқлик 67°24'3.19"В).
2-нуқтадан чегара чизиғи шимоли-шарқий адирлик бўйлаб 20,92 метр масофани ўтиб, адирликда жойлашган 3-нуқтага туташади (шимолий кенглик 39° 3'58.49"С, шарқий узоқлик 67°24'3.97"В).
3-нуқтадан чегара чизиғи жануби-шарқий йўналишда йўл бўйлаб 22,68 метр масофани ўтиб, адирликда жойлашган 4-нуқтага туташади (шимолий кенглик 39° 3'57.80"С, шарқий узоқлик 67°24'4.38"В).
4-нуқтадан чегара чизиғи жануби-ғарбий йўналишда йўл бўйлаб 21,50 метр масофани ўтиб, йўл бўйида жойлашган 1-нуқтага туташади (шимолий кенглик 39° 3'57.54"С, шарқий узоқлик 67°24'3.53"В).
Ўзбекистон Республикаси Президентининг 2024 йил 5 декабрдаги ПҚ-424-сон қарорига
2-ИЛОВА
«Ғелон» туристик-рекреацион зонаси ҳудудини тизимли ривожлантириш бўйича
ЧОРА-ТАДБИРЛАР

Т/р

Чора-тадбир номи

Амалга ошириш шакли

Ижро  муддати

Молиялаштириш манбалари

Ижро бўйича масъул

Кўнгилочар, спорт ва экстремал туризм билан боғлиқ хизматларни кўрсатиш учун зарур шарт-шароитларга эга замонавий туристик инфратузилма объектларини ташкил этиш

1.

«Ғелон» туристик-рекреацион зонаси дирекцияси (кейинги ўринларда  — Дирекция) фаолиятини ташкил этиш.

Бунда Дирекциянинг:

устав капиталини шакллантириш, унинг таъсис ҳужжатлари ва ташкилий тузилмасини тасдиқлаш;

бошқарув органлари фаолиятини ташкил этиш;

моддий-техника базасини шакллантириш;

асосий вазифалари, ҳуқуқ ва мажбуриятлари ҳамда жавобгарлигини белгилаш юзасидан Вазирлар Маҳкамасига таклифлар киритиш.

Норматив-ҳуқуқий ҳужжат лойиҳаси

2025 йил
январь

 —

Қашқадарё вилояти

ҳокимлиги

2.

«Ғелон» туристик-рекреацион зонада (кейинги ўринларда  —  Туристик зона) барпо этиладиган туризм ва хизмат кўрсатиш объектларини қуриш учун хорижий ва маҳаллий инвесторларни жалб этиш.

Ташкилий
тадбирлар

2025 йил
мартдан бошлаб

Ташаббускор тадбиркорлик субъектлари маблағлари

Қашқадарё вилояти

ҳокимлиги,

Туризм қўмитаси,

Дирекция

3.

«Ғелон» халқаро умуммавсумий курорт мажмуаси (кейинги ўринларда  —  Инвестиция лойиҳаси) бош режасини, шу жумладан, батафсил режалаштириш лойиҳаси ва лойиҳа-смета ҳужжатларини ишлаб чиқиш, келишиш ва тасдиқлаш.

Ташкилий
тадбирлар

2025 йил
1 июнга қадар

Ташаббускор тадбиркорлик субъектлари маблағлари

Қашқадарё вилояти ҳокимлиги, Дирекция, Туризм қўмитаси,

Қурилиш ва уй-жой коммунал хўжалиги вазирлиги

4.

Туристик зона ҳудудидаги ер участкалари, бино ва иншоотлар ҳамда дарахт ва буталарни тўлиқ хатловдан ўтказиш ҳамда дарахт ва буталар белгиланган тартибда муҳофазага олинишини таъминлаш.

Амалий

чора-тадбирлар

2025 йил январь

 —

Қашқадарё вилояти ҳокимлиги,

Экология, атроф-муҳитни муҳофаза қилиш ва иқлим ўзгариши вазирлиги,

Ўрмон хўжалиги агентлиги

5.

Инвестиция лойиҳаси доирасида объектларнинг лойиҳа ҳужжатларини ишлаб чиқиш, уларни келишиш ҳамда рухсат этиш хусусиятига эга бўлган ҳужжатларни белгиланган тартибда расмийлаштиришни таъминлаш.

Амалий

чора-тадбирлар

2025 йил
1 мартга қадар

Лойиҳа компанияси маблағлари

Энергетика вазирлиги,

Қурилиш ва уй-жой коммунал хўжалиги вазирлиги,

Тоғ-кон саноати ва геология вазирлиги,

Экология, атроф-муҳитни муҳофаза қилиш ва иқлим ўзгариши вазирилиги,

Рақамли технологиялар вазирлиги, «Ҳудудий электр тармоқлари» АЖ,

«Ўзсувтаъминот» АЖ

6.

Туристик зонани ривожлантиришни назарда тутувчи мастер режа ишлаб чиқилиши ва тасдиқланишини таъминлаш.

Мастер режа

2025 йил
1 октябрга қадар

Туризмни қўллаб-қувватлаш жамғармаси

Қашқадарё вилояти ҳокимлиги, Дирекция,

Туризм қўмитаси,

Инвестициялар, саноат ва савдо вазирлиги, Қурилиш ва уй-жой коммунал хўжалиги вазирлиги

7.

Туристик зона ҳудудида бож олинмайдиган («duty free») ва йирик халқаро брендларнинг савдо дўконларидан иборат бўлган («Luxury tourism village») йирик савдо  мажмуаларини жойлаштиришни ўз ичига олган замонавий чакана савдо объектлари фаолиятини ташкил этиш.

Вазирлар Маҳкамасининг  қарори лойиҳаси

2025 йил
апрель

Ижрочилар
ва жалб қилинган инвесторлар маблағлари

Қашқадарё вилояти ҳокимлиги,

Туризм қўмитаси,

Дирекция,

Қурилиш ва уй-жой коммунал хўжалиги вазирлиги, Иқтисодиёт
ва молия вазирлиги

8.

Қишки спорт турларини ривожлантириш мақсадида чанғи ва сноуборд мактабини ташкил этиш.

Вазирлар Маҳкамасининг қарори лойиҳаси

2025 йил
март

Ташаббускор тадбиркорлик субъектлари маблағлари

Қашқадарё вилояти ҳокимлиги,

Спорт вазирлиги

9.

Тоғ чанғиси ва сноуборд бўйича олимпия захиралари мактабини барпо этиш ва ривожлантириш.

Вазирлар Маҳкамасининг қарори лойиҳаси

2025 йил
март

Ташаббускор тадбиркорлик субъектлари маблағлари

Қашқадарё вилояти ҳокимлиги,

Спорт вазирлиги,

Туризм қўмитаси,

Миллий олимпия қўмитаси

10.

Инвестиция лойиҳаси ҳудудида хизмат кўрсатиш соҳаси фаолиятини, маданий-кўнгилочар объектлар (кинотеатр, ресторан ва барлар, ташриф буюрувчилар маркази, спа маркази, болалар майдончаси, отхоналар, кузатув минораси, кемпинг майдони, пиёдалар кўприги) қуришни ташкил этиш.

Амалий

чора-тадбирлар

Инвести-ция битимига асосан

Ташаббускор тадбиркорлик субъектлари маблағлари

Қашқадарё вилояти ҳокимлиги, Дирекция, Қурилиш ва уй-жой коммунал хўжалиги вазирлиги,

Спорт вазирлиги,
Туризм қўмитаси,
Маданият вазирлиги

11.

Инвестиция лойиҳаси ҳудудида замонавий муҳандислик инфратузилмасини қуриш.

Амалий

чора-тадбирлар

Инвести-ция битимига асосан

Ташаббускор тадбиркорлик субъектлари маблағлари

Қашқадарё вилояти ҳокимлиги,

Дирекция,
Энергетика вазирлиги,

Қурилиш ва уй-жой коммунал хўжалиги вазирлиги,

Инвестициялар, саноат
ва савдо вазирлиги

12.

«Ҳисорак» сув омбори ҳудудида туризм хизматларини ривожлантириш юзасидан таклифларни ишлаб чиқиш.

Вазирлар Маҳкамасининг қарори лойиҳаси

2025 йил
май

 —

Қашқадарё вилояти ҳокимлиги,
Туризм қўмитаси, «Ўзгидроэнергия» АЖ

Автотранспорт воситаларининг эркин ҳаракатланишини таъминлаш, ҳудудда янги транспорт турларини жорий этиш, мазкур транспорт инфратузилмасини ривожлантириш

13.

Умумий узунлиги 33 км бўлган Ҳисорак — Ғелон, Ҳисорак — Сарчашма автомобиль йўлини икки тасмали қилиб  учинчи тоифадаги йўл даражасигача етказиш.

Ташкилий
чора-тадбирлар

2024 — 2026 йиллар

Ижтимоий-иқтисодий ривожлантириш дастурлари доирасида ажратилган маблағлар

Иқтисодиёт ва молия вазирлиги, Автомобиль йўллари қўмитаси, Қашқадарё вилояти ҳокимлиги,
Дирекция

14.

Мираки — Ғелон йўналишида йўловчи ташиш қатновларини йўлга қўйиш.

Ташкилий

чора-тадбирлар

2026 йил
май

Ташаббускор тадбиркорлик субъектлари маблағлари

Қашқадарё вилоят ҳокимлиги,
Ички ишлар вазирлиги, Транспорт вазирлиги

Туризм хизматларини ташкил этишда туристларнинг ҳаёти ва саломатлиги хавфсизлигини таъминлаш

15.

Туристик зона ҳудудида ташриф буюрувчиларнинг хавфсизлигини таъминлаш мақсадида:

қутқарув хизматлари тизимини ташкил қилиш;

туну кун видеокузатув тизимини жорий этиш;

хавфсиз туризмни таъминлаш бўлимини (tourist police) ташкил этиш.

Амалий

чора-тадбирлар

2026 йил ноябрь

Манфаатдор вазирлик ва идораларнинг бюджетдан ташқари маблағлари, ташаббускор тадбиркорлик субъектлари маблағлари

Фавқулодда вазиятлар вазирлиги,

Ички ишлар вазирлиги,

Соғлиқни сақлаш вазирлиги,

Туризм қўмитаси,

Қашқадарё вилояти

ҳокимлиги

Янги замонавий энергия тежовчи тизим ва технологияларни жорий этиш орқали ноёб экологик тизимни сақлаш

16.

Туристик зона чегараларигача тунги вақтда ёритиш тизимини такомиллаштириш, шунингдек, бошқа замонавий энергия тежовчи тизим ва технологияларни кенг жорий этиш чораларини кўриш.

Чора-тадбирлар

дастури

2026 йилдан бошлаб

Ижрочилар
ва ташаббускор тадбиркорлик субъектлари маблағлари

Қашқадарё вилояти ҳокимлиги,

Дирекция, «Ҳудудий электр тармоқлари» АЖ,
Энергетика вазирлиги

17.

Туристик зона ҳудудида кўкаламзорлаштириш ҳамда ободонлаштириш ишларини амалга ошириш.

Амалий
чора-тадбирлар

2025 йил
май ойидан бошлаб

Ташаббускор тадбиркорлик субъектлари маблағлари

Қашқадарё вилояти

ҳокимлиги, Дирекция, Экология, атроф-муҳитни муҳофаза қилиш ва иқлим ўзгариши вазирлиги

18.

Туристик зона ҳудудида қаттиқ маиший чиқиндиларни йиғиш ва ташиб кетиш хизматларини кўрсатиш тизимини жорий этиш.

Амалий

чора-тадбирлар

2025

январь

Ташаббускор тадбиркорлик субъектлари маблағлари

Қашқадарё вилояти ҳокимлиги, Экология, атроф-муҳитни муҳофаза қилиш ва иқлим ўзгариши вазирлиги,

Дирекция

Замонавий ахборот-коммуникация технологияларини жорий этиш, ҳудуднинг туризм салоҳиятини оммалаштириш

19.

Реал вақт режимида туризм хизматларини тақдим этиш имкониятини берувчи Туристик зонанинг расмий веб-сайтини яратиш.

Туристик зона расмий веб-сайтини кенг тарғиб қилиш чораларини кўриш.

Веб-сайт яратиш

2025 йил
сентябрь

Туризмни қўллаб-қувватлаш жамғармаси маблағлари,

ташаббускор тадбиркорлик субъектлари маблағлари

Туризм қўмитаси,

Рақамли технологиялар вазирлиги,

Қашқадарё вилояти

ҳокимлиги,

Дирекция

20.

Туристик зонанинг тўлиқ географик жойлашуви ҳамда унинг диққатга сазовор жойлари ҳақидаги маълумотларни «Google» хариталарга жойлаштириш.

Ташкилий
чора-тадбирлар

2025 йил март

Ташаббускор тадбиркорлик субъектлари маблағлари

Қашқадарё вилояти ҳокимлиги, Туризм қўмитаси,

Дирекция

21.

Туристик зона ҳудудида маҳаллий ва халқаро маданий-кўнгилочар, спорт тадбирлари, йирик форумлар, конференциялар, шунингдек, бошқа тадбирлар ўтказишини рағбатлантириш ва мунтазам ташкил этиб боришни таъминлаш.

Амалий

чора-тадбирлар

2027 йил
январдан бошлаб

Ташаббускор тадбиркорлик субъектлари маблағлари

Туризм қўмитаси,

Маданият вазирлиги,
Спорт вазирлиги,

Қашқадарё вилояти

ҳокимлиги,
Ташқи ишлар вазирлиги,

Дирекция

Туризм соҳасида малакали мутахассислар тайёрлаш, қайта тайёрлаш ва малакасини оширишни ташкил этиш

22.

Қашқадарё вилояти Шаҳрисабз туризм ва маданий мерос техникумида туризм ва хизматлар кўрсатиш соҳасида фаолият юритувчи юқори малакали кадрларни мунтазам тайёрлаш
ва уларнинг малакасини ошириш.

Амалий
чора-тадбирлар

2025 йил ноябрдан бошлаб ҳар йили икки марта

Ташаббускор тадбиркорлик субъектлари маблағлари

Қашқадарё вилояти ҳокимлиги,

Туризм қўмитаси,
Дирекция

23.

Туристик зонани ривожлантириш ва инвестицион жозибадорлигини ошириш мақсадида илғор хорижий туризм зоналари тажрибасини ўрганиш.

Чора-тадбирлар
режаси

Тармоқ жадвал асосида

Ташаббускор тадбиркорлик субъектлари маблағлари

Қашқадарё вилояти

ҳокимлиги,

Туризм қўмитаси,

Дирекция

«Ғелон» туристик-рекреацион зонасида туризмни комплекс ривожлантириш бўйича тадбирлар

24.

Шаҳрисабз тумани «Ғелон» МФЙга «Яшил маҳалла» мақомини бериш.

Бунда:

экологик талабларга жавоб берадиган ҳаракатланиш воситаларидан фойдаланишни йўлга қўйиш;

кичик ГЭСларни барпо этиш;

ҳудуднинг дизайн кодини ишлаб чиқиш;

туризм хизматларини диверсификациялашни назарда тутиш.

Амалий

чора-тадбирлар

2025 йил

май

Ташаббускор тадбиркорлик субъектлари маблағлари

Экология, атроф-муҳитни муҳофаза қилиш ва иқлим ўзгариши вазирлиги,
Энергетика вазирлиги,

Сув хўжалиги вазирлиги,

Қурилиш ва уй-жой коммунал хўжалиги вазирлиги,

Қашқадарё вилояти ҳокимлиги

25.

Шаҳрисабз туманида тоғ туризмини ривожлантириш мақсадида хорижий туризм ва ОАВ вакиллари учун инфотурлар ташкил этиш.

Амалий

чора-тадбирлар

2025 йилдан бошлаб

ҳар йили бир марта

Ташаббускор тадбиркорлик субъектлари маблағлари

Туризм қўмитаси,
Ташқи ишлар вазирлиги,
Қашқадарё вилояти ҳокимлиги,
Дирекция

26.

Маҳаллий аҳоли даромадларини ошириш ҳамда бандлигини таъминлаш мақсадида туризм объектлари ҳамда уларга туташ ҳудудларда умумий овқатланиш, савдо-кўнгилочар, ҳунармандчилик ва сувенир буюмларини ишлаб чиқариш фаолиятини йўлга қўйиш чораларини кўриш.

Амалий

чора-тадбирлар

2025 йилдан бошлаб

Ташаббускор тадбиркорлик субъектлари маблағлари

Қашқадарё вилояти ҳокимлиги,
Туризм қўмитаси, ташаббускор тадбиркорлик субъектлари

27.

Туристик объектларга ташриф буюрувчилар учун Туристик зона ҳудудидаги йўналишлар ҳақида ўзбек ва хорижий тилларда тарқатма маълумотлар ва йўналтирувчи белгилар ишлаб чиқиш.

Медиарежа

2025 йил февраль

Ташаббускор тадбиркорлик субъектлари маблағлари

Ташаббускор тадбиркорлик субъектлари,
Қашқадарё вилояти ҳокимлиги,
Туризм қўмитаси,
Дирекция

28.

Шаҳрисабз туманининг асосий магистраль йўлларида ҳар 3 кмда туристик йўл белгиларини ўрнатиш.

Ташкилий
тадбирлар

2026 йил декабрь

Дастурлар доирасида ажратиладиган маблағлар,

ташаббускор тадбиркорлик субъектлари маблағлари

Қашқадарё вилояти ҳокимлиги,

Туризм қўмитаси,
Ички ишлар вазирлиги,

Автомобиль йўллари қўмитаси

Ўзбекистон Республикаси Президентининг 2024 йил 5 декабрдаги ПҚ-424-сон қарорига
3-ИЛОВА
«Ғелон» туристик-рекреацион зонаси ва унга олиб борувчи йўл-транспорт, муҳандислик-коммуникация ва ишлаб чиқариш инфратузилмасини ривожлантириш
ДАСТУРИ

Т/р

Амалга ошириладиган  чора-тадбирлар

Ўлчов бирлиги

Қуввати

Талаб этиладиган маблағ

(млн сўмда)

Йиллар кесимида

Молиялаштириш манбаи

Масъул вазирлик ва идоралар

2024 йил

2025 йил

2026 йил

Ҳаммаси:

–

–

280 600

19 600

191 300

69 700

I. Йўл-транспорт инфратузилмасини таъмирлаш ва қуриш

Умумий:

–

33

165 300

4 100

126 500

34 700

Шаҳрисабз тумани

1.

Ҳисорак қишлоғидан Ғелон қишлоғига олиб борувчи ички хўжалик йўлини учинчи тоифага мослаб қайта қуриш

км

21

137 200

2 500

100 000

34 700

Республика бюджети

маблағлари

Автомобиль йўллари қўмитаси,

Қашқадарё вилояти ҳокимлиги

2.

Ҳисорак қишлоғидан Сарчашма қишлоғига олиб борувчи ички хўжалик йўлини учинчи тоифага мослаб қайта қуриш

км

12

28 100

1 600

26 500

–

Республика бюджети

маблағлари

Автомобиль йўллари қўмитаси,

Қашқадарё вилояти ҳокимлиги

II. Электр энергияси тармоқларини яхшилаш

Жами:

–

–

80 000

8 000

37 000

35 000

Халқаро курорт чегараларигача

1.

110 кВ электр тармоқларини қуриш ва таъмирлаш

км

32

32 000

3 000

15 000

14 000

Республика бюджети

маблағлари

«Ҳудудий электр тармоқлари» АЖ,

Қашқадарё вилояти ҳокимлиги

2.

ПС-35/10 2*10 000 кВА подстанция қуриш ва таъмирлаш

дона/кВА

3/10 000

48 000,0

5 000,0

22 000,0

21 000,0

III. Ичимлик ва оқова сув тармоқларини яхшилаш

Жами:

–

–

35 000

7 200

27 800

«Ғелон» халқаро умуммавсумий курорт мажмуаси чегараларигача

1.

1,5 минг м3 қувватли оқова сув тозалаш иншоотини қуриш

дона

1

21 000

3 500

17 500

Республика бюджети маблағлари

«Ўзсувтаъминот» АЖ,
Қашқадарё вилояти ҳокимлиги

2.

Ичимлик сув тармоғини қуриш

км

8,5

14 000

3 700

10 300

IV. Ахборот-коммуникация технологияларини ривожлантириш

Жами:

–

–

300

300

«Ғелон» халқаро умуммавсумий курорт мажмуаси чегараларигача

1.

Трасса бўйича оптик толали алоқа тармоғини ўрнатиш лойиҳа ишларини амалга ошириш

дона

1

300

300

 

Республика бюджети

маблағлари

«Ўзбектелеком» АЖ,
Қашқадарё вилояти ҳокимлиги

(Қонунчилик маълумотлари миллий базаси, 06.12.2024 й., 07/24/424/1010-сон)