ПҚ-296-сон 08.09.2023. Оналар ва болалар саломатлигини муҳофаза қилиш, аҳолининг репродуктив саломатлигини мустаҳкамлаш чора-тадбирлари тўғрисида

Ўзбекистон Республикаси Президентининг

Қарори

Оналар ва болалар саломатлигини муҳофаза қилиш, аҳолининг репродуктив саломатлигини мустаҳкамлаш чора-тадбирлари тўғрисида

Мамлакатимизда сўнгги йилларда оналар ва болалар саломатлигини муҳофаза қилиш ҳамда аҳолининг репродуктив саломатлигини янада мустаҳкамлаш борасида кенг қамровли тадбирлар амалга оширилмоқда. Хусусан, 2017 — 2022 йилларда оналар ўлими кўрсаткичи 1,5 бараварга, гўдаклар ўлими эса 1,3 бараварга камайишига эришилди.

LexUZ шарҳи

Қаранг: Ўзбекистон Республикаси «Фуқароларнинг репродуктив саломатлигини сақлаш тўғрисида»ги Қонуни.

Кам учрайдиган (орфан) ва бошқа ирсий-генетик касалликларга чалинган болаларни бепул дори воситалари, тиббий буюмлар ва махсус озиқ-овқат маҳсулотлари билан таъминлаш жорий этилиб, уларга тиббий ва ижтимоий ёрдам кўрсатиш кўлами кенгайтирилди.

LexUZ шарҳи

Қаранг: Ўзбекистон Республикаси Президентининг 2019 йил 7 сентябрдаги ПҚ-4440-сонли «Кам учрайдиган (орфан) ва бошқа ирсий-генетик касалликларга чалинган болаларга тиббий ва ижтимоий ёрдам кўрсатишни янада яхшилаш чора-тадбирлари тўғрисида»ги қарорининг 1-банди.

Туман (шаҳар) тиббиёт бирлашмаларида болалар анестезиология-реанимация бўлимлари ҳамда кечаю кундуз шошилинч тиббий ёрдам кўрсатувчи педиатрия постлари, шунингдек, поликлиникаларда болалар бўлимлари ташкил этилди.

Барча «тиббиёт бригадалари» таркибига қўшимча педиатрия ҳамшираси ва доя штатлари ажратилди. Болалар, ҳомиладор ва туғиш ёшидаги аёлларни зарур витамин комплекслари, йод препарати, темир ва фолий кислотаси билан бепул таъминлаш жорий этилди.

LexUZ шарҳи

Қаранг: Ўзбекистон Республикаси Президентининг 2022 йил 25 апрелдаги ПҚ-216-сонли «2022 — 2026 йилларда оналик ва болаликни муҳофаза қилишни кучайтириш тўғрисида»ги қарорининг 4-банди.

Аҳолининг репродуктив саломатлигини мустаҳкамлаш, оналар ва болалар саломатлигини муҳофаза қилиш, тиббиёт муассасаларининг самарали бошқарув тизимини яратиш мақсадида:

1. Соғлиқни сақлаш вазирлигининг 2023 йил 1 октябрдан бошлаб:

Республика ихтисослаштирилган акушерлик ва гинекология илмий-амалий тиббиёт маркази, Республика аҳоли репродуктив саломатлиги маркази, Республика «Она ва бола скрининг» маркази негизида Республика ихтисослаштирилган она ва бола саломатлиги илмий-амалий тиббиёт марказини (кейинги ўринларда — Марказ);

ҳудудий перинатал, аҳоли репродуктив саломатлиги ҳамда «Она ва бола скрининг» марказлари негизида Марказнинг 14 та ҳудудий филиалларини ташкил этиш тўғрисидаги таклифларига розилик берилсин.

LexUZ шарҳи

Қаранг: Ўзбекистон Республикаси Президентининг 2021 йил 28 июлдаги ПҚ-5199-сонли «Соғлиқни сақлаш соҳасида ихтисослаштирилган тиббий ёрдам кўрсатиш тизимини янада такомиллаштириш чора-тадбирлари тўғрисида»ги қарори 1-бандининг «б» кичик банди.

2. Қуйидагиларни назарда тутувчи оналар саломатлигини муҳофаза қилишнинг такомиллаштирилган тиббий профилактика ва патронаж тизими жорий қилинсин:

а) бирламчи тиббий-санитария ёрдами муассасаларида «тиббиёт бригадалари»:

ўзларига бириктирилган ҳудудларда ҳомиладор аёлларни аниқлайди, уларни ҳисобга олиш ва даврий тиббий кўрикдан ўтишини ташкил этади;

туман (шаҳар) кўп тармоқли марказий поликлиникаларининг «Аёллар маслаҳатхонаси» бўлими билан биргаликда ҳомиладор аёллар ҳолатини доимий мониторинг қилиб боради ҳамда хавф омиллари аниқланганда Марказнинг ҳудудий филиалларига юборади;

туғуруқдан кейинги даврда она ва боланинг даврий патронажини олиб боради ҳамда исталмаган ҳомиладорликнинг олдини олиш чораларини кўради;

репродуктив ёшдаги аҳоли ва ҳомиладор аёллар ўртасида тиббий маданият, касалликлар профилактикаси ва соғлом оилани режалаштириш бўйича тарғибот ишларини олиб боради;

LexUZ шарҳи

Қаранг: Ўзбекистон Республикаси Президентининг 2021 йил 25 майдаги ПҚ-5124-сонли «Соғлиқни сақлаш соҳасини комплекс ривожлантиришга доир қўшимча чора-тадбирлар тўғрисида»ги қарорининг 14-банди.

б) Марказнинг Қорақалпоғистон Республикаси, вилоятлар ва Тошкент шаҳридаги ҳудудий филиаллари:

хавф омиллари аниқланган аёлларни тиббий текширувдан ўтказади, уларни даволайди ҳамда зарур ҳолларда республика даражасидаги тиббиёт муассасаларига йўналтиради;

никоҳланувчилар, ҳомиладор ва туғиш ёшидаги аёллар ҳамда чақалоқларни молекуляр тиббий-генетик текширувлардан ўтказади;

ирсий касалликлар аниқланган болаларни махсус дори воситалари ва озиқ-овқат маҳсулотлари билан таъминлайди;

соғлом оилани режалаштириш ҳамда исталмаган ҳомиладорликнинг олдини олиш чора-тадбирларини амалга оширади;

в) Республика перинатал маркази:

эрта туғуруқ хавфи бўлган ҳомиладорларга, шунингдек, муддатига етмасдан (22 — 28 ҳафталик) туғилган чақалоқларга барча турдаги тиббий хизматлар кўрсатади;

алоҳида тиббий кўрсатмаларга асосан ҳомиладорлар ва чақалоқларга Марказнинг ҳудудий филиалларида консультатив ёрдам беради ҳамда зарур ҳолларда уларга тиббий стационар ёрдам кўрсатади;

LexUZ шарҳи

Қаранг: Ўзбекистон Республикаси Президентининг 2019 йил 8 ноябрдаги ПҚ-4513-сонли «Репродуктив ёшдаги аёллар, ҳомиладорлар ва болаларга кўрсатиладиган тиббий ёрдам сифатини ошириш ва кўламини янада кенгайтириш тўғрисида»ги қарорининг 5-банди.

г) Марказ:

республика, ҳудудий тиббиёт муассасалари ҳамда туман (шаҳар) тиббиёт бирлашмаларида ҳомиладор аёллар ва янги туғилган болалар скрининги, шунингдек репродуктив ёшдаги аҳоли орасида экстрагенитал, туғма ва ирсий касалликлар профилактикаси, диагностикаси, даволаш ва реабилитацияси бўйича ихтисослаштирилган ҳамда юқори технологик диагностика ва даволаш амалиётларини жорий этади;

акушерлик-гинекология, тиббий-генетик маслаҳат, соғлом оилани режалаштириш, молекуляр-генетик текширув, пластик ва эстетик гинекология, ёрдамчи репродуктив технологиялар хизматларини ташкил этади ва ушбу йўналишдаги ишларни мувофиқлаштиради;

репродуктив ёшдаги аҳоли, ҳомиладор аёллар ва янги туғилган болаларга малакали тиббий хизмат кўрсата оладиган кадрлар тайёрлаш ҳамда қайта тайёрлашда иштирок этади;

репродуктив ёшдаги аҳоли, ҳомиладор аёллар, янги туғилган болалар касалликлари бўйича фундаментал, амалий ва инновацион илмий изланиш ва тадқиқотлар олиб бориш, уларнинг натижаларини кенг жорий этиш бўйича таклифлар ишлаб чиқади;

ўсмирлар орасида репродуктив аъзолар патологиясининг олдини олиш бўйича тиббий-профилактика тадбирларини ташкил этади;

хорижий илмий-тадқиқот тиббиёт марказлари, клиникалар ва таълим муассасалари билан ҳамкорликда қўшма илмий лойиҳаларни амалга оширади;

соғлом оилани шакллантириш, оналар ва болалар саломатлигини муҳофаза қилишда илғор усуллар ва технологияларни йўлга қўйиш, туғма ҳамда ирсий касалликларни эрта пренатал ва неонатал даврда аниқлаш, болалар ўлими ва туғма ногиронликнинг олдини олиш чораларини кўради.

LexUZ шарҳи

Қаранг: Ўзбекистон Республикаси «Фуқароларнинг репродуктив саломатлигини сақлаш тўғрисида»ги Қонунининг 15-моддаси.

Соғлиқни сақлаш вазирлиги 2023 йил 1 октябрдан бошлаб бирламчи тиббий-санитария ёрдами муассасалари мутахассисларини жорий этилаётган янги тизим бўйича ўқитишни ташкил қилсин.

3. Белгилансинки:

а) Марказ Республика аҳоли репродуктив саломатлиги маркази, Республика «Она ва бола скрининг» маркази ҳамда Республика ихтисослаштирилган акушерлик ва гинекология илмий-амалий тиббиёт марказининг;

Марказнинг ҳудудий филиаллари тегишинча ҳудудий перинатал, аҳоли репродуктив саломатлиги ҳамда «Она ва бола скрининг» марказларининг барча ҳуқуқлари, мажбуриятлари ва шартномалари бўйича ҳуқуқий вориси ҳисобланади;

б) Марказ ва унинг ҳудудий филиаллари туғуруққа кўмаклашиш соҳасидаги тиббиёт муассасалари фаолиятига услубий жиҳатдан раҳбарлик қилади;

в) янги ташкил этилаётган Марказ таркибидаги аҳоли репродуктив саломатлиги ва скрининг хизматига Республика аҳоли репродуктив саломатлиги маркази ҳамда Республика «Она ва бола скрининг» маркази учун амалда белгиланган молиялаштириш тартиби сақлаб қолинади;

г) Марказнинг электрон навбат асосида даволанишга йўналтириладиган ва имтиёзли тоифага кирувчи беморларни даволаш харажатлари Давлат тиббий суғуртаси жамғармаси орқали қоплаб берилади.

4. Қуйидагилар:

Оналар ва болалар ҳамда аҳоли репродуктив саломатлигини муҳофаза қилиш хизматини янада ривожлантириш бўйича чора-тадбирлар дастури 1-иловага мувофиқ;

2023 — 2027 йилларда болаларда туғма ва ирсий касалликларни эрта аниқлаш дастури 2-иловага мувофиқ;

2023 — 2027 йилларда туғуруқ комплексларида қўшимча киритиладиган туғуруқ ўринлари сони 3-иловага мувофиқ;

Ҳудудий тиббиёт муассасалари учун харид қилиниши режалаштирилган тиббий жиҳозлар тақсимоти 4, 4а — 4о-иловаларга мувофиқ тасдиқлансин.

5. Ҳудудларда оналар ва болалар саломатлигини муҳофаза қилиш, аҳолининг репродуктив саломатлигини мустаҳкамлаш чора-тадбирлари дастурини амалга ошириш бўйича алоҳида «йўл хариталари» тасдиқланганлиги маълумот учун қабул қилинсин.

Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимларига «йўл хариталари»да белгиланган тадбирларни ўз вақтида ва самарали ижро этиш юзасидан шахсий масъулият юклансин.

6. Соғлиқни сақлаш вазирлиги 2024 йил 1 сентябрга қадар Марказда замонавий ҳамда халқаро талабларга жавоб берадиган энг илғор диагностика ва даволаш стандартларини амалиётга жорий этиб, ёрдамчи репродуктив технологиялар усулларини йўлга қўйсин.

7. Белгилаб қўйилсинки:

Марказ ёрдамчи репродуктив технологиялар усулларини қўллаш бўйича замонавий клиник протоколлар ва стандартлар ишлаб чиқади ҳамда ушбу йўналишдаги барча тиббиёт ташкилотлари фаолиятини услубий жиҳатдан мувофиқлаштиради;

LexUZ шарҳи

2024 йил 1 октябрдан бошлаб ҳар йили 100 тагача имтиёзли тоифага кирувчи шахсларга давлат ва нодавлат тиббиёт ташкилотлари томонидан ёрдамчи репродуктив технологиялар усуллари муваффақиятли қўлланганда ушбу амалиётни амалга ошириш билан боғлиқ харажатлар Давлат бюджети маблағлари ҳисобидан Давлат тиббий суғуртаси жамғармаси орқали қоплаб берилади.

Соғлиқни сақлаш вазирлиги уч ой муддатда бепуштлик сабабли фарзандсиз бўлган оилаларга, шу жумладан имтиёзли тоифага кирувчи шахсларга нисбатан ёрдамчи репродуктив технологиялар усулларини қўллаш тартибини Вазирлар Маҳкамасига киритсин.

8. Соғлиқни сақлаш вазирлиги Ўзбекистон Миллий телерадиокомпанияси билан биргаликда соғлом оилани шакллантириш, оналар ва болалар саломатлигини муҳофаза қилиш, туғма ҳамда ирсий касалликларни эрта пренатал ва неонатал даврда аниқлаш, болалар ўлими ва туғма ногиронликни камайтириш, туғма ва ирсий касалликларга чалинган болалар туғилишининг олдини олиш аҳамияти ва зарурати тўғрисида аҳоли орасида кенг тушунтириш ишларини ташкил этиш чораларини кўрсин.

9. Қуйидагилар 2026 йил 1 январга қадар божхона божидан озод қилинсин:

ушбу қарорга 1 ва 2-иловаларга мувофиқ тасдиқланган дастурлар доирасида Соғлиқни сақлаш вазирлиги ва «Соғлом авлод учун» ҳукуматга қарашли бўлмаган халқаро хайрия фонди томонидан Ўзбекистонда ишлаб чиқарилмайдиган, белгиланган тартибда тасдиқланган рўйхат бўйича четдан олиб кириладиган юқори технологик диагностика тиббиёт ускуналари, бутловчи буюмлар, реагентлар, зарур материаллар, дори воситалари ва болалар учун махсус озиқ-овқат маҳсулотлари;

фенилкетонурияга чалинган болалар учун Ўзбекистон Республикасида ишлаб чиқарилмайдиган махсус озиқ-овқат маҳсулотлари.

10. Ўзбекистон Республикаси Президентининг айрим қарорларига 5-иловага мувофиқ ўзгартиришлар киритилсин.

11. Соғлиқни сақлаш вазирлиги манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

12. Мазкур қарорнинг ижросини самарали ташкил қилишга масъул ва шахсий жавобгар этиб соғлиқни сақлаш вазири А.Ш. Иноятов ҳамда соғлиқни сақлаш вазири ўринбосари И.Э. Баситханова белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2023 йил 8 сентябрь,

ПҚ-296-сон

Ўзбекистон Республикаси Президентининг 2023 йил 8 сентябрдаги ПҚ-296-сон қарорига

1-ИЛОВА

Оналар ва болалар ҳамда аҳоли репродуктив саломатлигини муҳофаза қилиш хизматини янада ривожлантириш бўйича

ЧОРА-ТАДБИРЛАР ДАСТУРИ

Т/р	Тадбир номи	Амалга ошириш шакли	Бажариш муддати	Маблағ	Молиялаштириш манбалари	Масъул ижрочилар
I. Оналар ва болалар ҳамда аҳоли репродуктив саломатлигини муҳофаза қилиш хизматининг бошқарув тизимини такомиллаштириш
1.	Республика ихтисослаштирилган она ва бола саломатлиги илмий-амалий тиббиёт маркази (кейинги ўринларда — Марказ) фаолиятини ташкил этиш. Марказ ва унинг ҳудудий филиаллари тузилмаси ҳамда уставини тасдиқлаш ва давлат рўйхатидан ўтказилишини таъминлаш. Бунда, Марказ ва унинг ҳудудий филиаллари раҳбарларига, зарур ҳолларда, уларнинг тузилмаларига ходимларнинг белгиланган умумий чекланган сони ва меҳнатга ҳақ тўлаш фонди доирасида ўзгартиришлар киритиш ҳуқуқини беришни назарда тутиш.	Амалий чора-тадбирлар	2023 йил 1 октябрь	-	-	Соғлиқни сақлаш вазирлиги (А. Иноятов)
2.	Марказ, ҳудудий филиаллар ҳамда бирламчи тиббий-санитария ёрдами муассасаларидаги оналар ва болаларни муҳофаза қилишга масъул тузилмалар (туғуруқ муассасалари, «Аёллар маслаҳатхонаси», «Пренатал скрининг хонаси», «Тиббиёт бригадалари») фаолиятини ҳомиладор аёлларни комплекс мониторинг қилиш бўйича мувофиқлаштиришни таъминловчи ягона тизимни жорий этиш.	Амалий чора-тадбирлар	2024 йил 1 март	-	Давлат бюджети маблағлари	Соғлиқни сақлаш вазирлиги (А. Иноятов), Рақамли технологиялар вазирлиги (Ш. Шерматов), Қорақалпоғистон Республикаси Вазирлар Кенгаши, вилоятлар ҳокимликлари
3.	Марказнинг ҳудудий филиалларини белгиланган талабларга мос бўлган ҳудуддаги биноларга жойлаштириш.	Амалий чора-тадбирлар	2024 йил 1 март	Ҳисоб-китоблар асосида	Маҳаллий бюджет маблағлари	Қорақалпоғистон Республикаси Вазирлар Кенгаши, вилоятлар ҳокимликлари
4.	Аҳолига, жумладан, ҳомиладор аёллар ва болаларга давлат тиббиёт муассасаларида малакали тиббий ёрдамни ўз вақтида ташкил этиш мақсадида стационар тиббиёт муассасаларидаги беморларни тиббий кўрсатмага мувофиқ бошқа тиббиёт муассасасига ўтказиш тартибини ишлаб чиқиш ва тасдиқлаш. Бунда, мазкур ҳужжатда фуқароларнинг тиббий муассасани танлаш ҳуқуқларини инобатга олиш.	Идоравий норматив-ҳуқуқий ҳужжат	2023 йил 1 декабрь	-	-	Соғлиқни сақлаш вазирлиги (А. Иноятов)
5.	Замонавий тиббий хизматлар кўламини ҳамда нодавлат тиббиёт ташкилотлари фаолиятини кенгайтириш мақсадида акушерлик ихтисослиги бўйича нодавлат тиббиёт ташкилотлари фаолиятини ташкил қилиш учун тегишли лицензия талаб ва шартлари ҳамда санитария меъёрлари билан белгиланган талабларни илғор тажрибалар асосида қайта кўриб чиқиш.	Амалий чора-тадбирлар	2023 йил якунига қадар	-	-	Соғлиқни сақлаш вазирлиги (А. Иноятов)
II. Марказ ва унинг ҳудудий филиаллари фаолиятини рақамлаштириш
6.	Туман (шаҳар) кўп тармоқли марказий поликлиникаларининг «Аёллар маслаҳатхонаси» бўлимида ҳомиладор аёлларни эрта муддатларда ҳисобга олиш, уларнинг ҳолатидаги ўзгаришларни тизимли ва комплекс назорат қилиб бориш бўйича ягона электрон базани (кейинги ўринларда — Ахборот тизими) тўлиқ жорий қилиш. Бунда: туман (шаҳар) кўп тармоқли марказий поликлиникаларининг «Аёллар маслаҳатхонаси» бўлими ҳамда туғуруқ муассасаларининг IT-инфратузилмаси, электр таъминоти ва ходимларнинг малака оширганлиги тўғрисида маълумотларни тўлиқ хатловдан ўтказиш; Ахборот тизимини барча ҳудудларда тўлиқ жорий этиш; туман (шаҳар) кўп тармоқли марказий поликлиникаларининг «Аёллар маслаҳатхонаси» бўлимидаги «Пренатал скрининг хонаси» ҳамда туғуруқ муассасалари ходимларини Ахборот тизимидан фойдаланиш бўйича ўқитиш.	Амалий чора-тадбирлар	2024 йил 1 март	Ҳисоб-китоблар асосида	Давлат бюджети маблағларидан	Соғлиқни сақлаш вазирлиги (А. Иноятов), Қорақалпоғистон Республикаси Вазирлар Кенгаши, вилоятлар ҳокимликлари
7.	Антенатал, пренатал, перинатал, неонатал ва акушерлик-гинекология хизмати учун маълумотлар базасини яратиш.	Амалий чора-тадбирлар	2023 — 2027 йиллар давомида	2 000,0 минг АҚШ доллари	ЮНФПА, ЮНИСЕФ, ЖССТ грантлари	Соғлиқни сақлаш вазирлиги (А. Иноятов)
8.	Аёллар орасида репродуктив органлар хавфли ўсма касалликларини эрта аниқлаш ва тизимли назорат қилиш чораларини кўриш. Бунда, аёллар орасида кўкрак бези ҳамда бачадон бўйни саратонини эрта аниқлаш бўйича скрининг натижаларини Ахборот тизими орқали бошқаришни, касаллик аниқланган беморлар учун телемедицина имкониятларидан фойдаланган ҳолда яшаш жойидаги «Онконазорат хоналари» орқали вилоят ва республика даражасидаги муассасаларда консультация ва консилиумларни ташкиллаштириш чораларини кўриш.	Амалий чора-тадбирлар	2023 — 2027 йиллар давомида	Ҳисоб-китоблар асосида	ЮНФПА, ЮНИСЕФ, ЖССТ грантлари	Соғлиқни сақлаш вазирлиги (А. Иноятов)
9.	Онкогинекологик касалликлари мавжуд бемор аёлларни эрта аниқлаш, даволаш ва реабилитация қилишда бирламчи тиббий-санитария ёрдами муассасалари билан онкологик стационарлар ўртасида маълумотлар базасини шакллантириш.	Амалий чора-тадбирлар	2023 — 2027 йиллар давомида	2 000 минг АҚШ доллари	Халқаро ташкилотларнинг грант маблағлари	Соғлиқни сақлаш вазирлиги (А. Иноятов)
10.	Ҳомиладор аёллар уй варақасини рақамлаштириш ва амалиётга жорий этиш.	Амалий чора-тадбирлар	2024 йил давомида	Ҳисоб-китоблар асосида	«KfW» банки жамғармасининг грантлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов)
III. Оналар ва болалар ҳамда аҳоли репродуктив саломатлигини муҳофаза қилиш хизматининг моддий-техника базасини такомиллаштириш
11.	Марказ ва унинг ҳудудий филиаллари «Она ва бола скрининги» хизматини реактивлар ва сарфлаш материалларини сақлаш мақсадида махсус музлаткичлар (42 та) билан жиҳозлаш.	Амалий чора-тадбирлар	2024 йил давомида	68,8 минг АҚШ доллари эквиваленти	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов)
12.	Марказ ва унинг Нукус, Бухоро, Самарқанд ва Фарғона вилоятлари ҳудудий филиаллари «Она ва бола скрининги» хизматини ҳомиладорликнинг эрта муддатларида молекуляр-цитогенетик тадқиқотларни ўтказиш учун рақамли микроскоплар, тиббий ускуналар, реактивлар, сарфлаш материаллари, бутловчи буюмлар билан жиҳозлаш.	Амалий чора-тадбирлар	2024 — 2028 йиллар	2 924,4 минг АҚШ доллари эквиваленти шундан,	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов)
			2024 йил	1 568,4
			2025 йил	339,0
			2026 йил	339,0
			2027 йил	339,0
			2028 йил	339,0
13.	Марказ ва унинг Андижон, Жиззах, Қашқадарё, Навоий, Наманган, Сурхондарё, Сирдарё, Хоразм ва Тошкент вилоятлари ҳудудий филиаллари «Она ва бола скрининги» хизматини муковисцидозни аниқлаш учун 10 та тиббий диагностика ускуналари билан жиҳозлаш.	Амалий чора-тадбирлар	2024 йил давомида	145,0 минг АҚШ доллари	«Соғлом авлод учун» ҳукуматга қарашли бўлмаган халқаро хайрия жамғармаси маблағлари	Соғлиқни сақлаш вазирлиги (А. Иноятов), «Соғлом авлод учун» халқаро хайрия жамғармаси (С. Инамова)
14.	Тиббиёт муассасаларини болаларда муковисцидоз касаллигига неонатал скринингдан ўтказиш учун ташхислаш тўпламлари билан таъминлаш.	Амалий чора-тадбирлар	2024 — 2028 йиллар давомида	18 062,5 минг АҚШ доллари эквиваленти шундан,	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов), «Соғлом авлод учун» халқаро хайрия жамғармаси (С. Инамова)
			2024 йил	3 612,5
			2025 йил	3 612,5
			2026 йил	3 612,5
			2027 йил	3 612,5
			2028 йил	3 612,5
15.	Тиббиёт муассасаларини болаларда муковисцидоз касаллигини тасдиқловчи текширувдан ўтказиш учун сарфлаш материаллари билан таъминлаш.	Амалий чора-тадбирлар	2024 — 2028 йиллар	1 132,5 минг АҚШ доллари шундан,	«Соғлом авлод учун» ҳукуматга қарашли бўлмаган халқаро хайрия жамғармаси маблағлари	Соғлиқни сақлаш вазирлиги (А. Иноятов), «Соғлом авлод учун» ҳукуматга қарашли бўлмаган халқаро хайрия жамғармаси (С. Инамова)
			2024 йил	226,5
			2025 йил	226,5
			2026 йил	226,5
			2027 йил	226,5
			2028 йил	226,5
16.	Тиббиёт муассасаларини болаларда туғма гипотиреоз, фенилкетонурия ва муковисцидоз касалликлари бўйича неонатал скринингдан ўтказиш учун ҳамда ҳомиладор аёлларда биокимёвий пренатал (туғишдан олдинги) скрининг ўтказиш учун реагентлар билан таъминлаш.	Амалий чора-тадбирлар	2024 — 2028 йиллар	890,0 минг АҚШ доллари шундан,	«Соғлом авлод учун» ҳукуматга қарашли бўлмаган халқаро хайрия жамғармаси маблағлари	Соғлиқни сақлаш вазирлиги (А. Иноятов), «Соғлом авлод учун» ҳукуматга қарашли бўлмаган халқаро хайрия жамғармаси (С. Инамова)
			2024 йил	178,0
			2025 йил	178,0
			2026 йил	178,0
			2027 йил	178,0
			2028 йил	178,0
17.	Республика ихтисослаштирилган педиатрия илмий-амалий тиббиёт марказида болаларда ирсий мукополисахаридоз касаллигининг барча турларига селектив скрининг ўтказиш. Ҳар йили ушбу марказда кўрсатма асосида 100 000 нафар болаларда 6 та лизосомал гликоген тўпланиши касалликлари ва мукополисахаридоз касаллигини барча турларига селектив скрининг ўтказиш учун реагентлар билан таъминлаш.	Амалий чора-тадбирлар	2024 — 2028 йиллар	11 500,0 минг АҚШ доллари шундан,	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов)
			2024 йил	2 300,0
			2025 йил	2 300,0
			2026 йил	2 300,0
			2027 йил	2 300,0
			2028 йил	2 300,0
18.	Хавф гуруҳига мансуб бўлган ҳомиладор аёлларни ультратовуш текширувидан ўтказиш учун 13 та янги ташкил этилган туман (шаҳар) кўп тармоқли марказий поликлиникаларидаги «Пренатал ташхис хона»лари ҳамда Марказ ва унинг ҳудудий филиаллари «Она ва бола скрининг» хизматини юқори технологик имкониятларга эга бўлган жами 41 та стационар ультратовуш сканерлари билан жиҳозлаш.	Амалий чора-тадбирлар	2024 йил давомида	2 894,6 минг АҚШ доллари	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов)
18.	Ҳомиладор аёлларда инвазив муолажалар учун Марказ ва унинг Нукус, Бухоро, Самарқанд ва Фарғона вилоятлари ҳудудий филиаллари «Она ва бола скрининги» хизматини 5 та портатив ультратовуш сканерлари билан жиҳозлаш.	Амалий чора-тадбирлар	2024 йил давомида	127,0 минг АҚШ доллари эквиваленти	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов)
19.	Туман (шаҳар) кўп тармоқли марказий поликлиникалари «Пренатал ташхис хона»ларидаги юқори технологик имкониятларга эга бўлган стационар ультратовуш сканерларга техник хизмат кўрсатиш.	Амалий чора-тадбирлар	2024 — 2028 йиллар	3 750,0 минг АҚШ доллари шундан,	Маҳаллий бюджет маблағлари	Қорақалпоғистон Республикаси Вазирлар Кенгаши, вилоятлар ҳокимликлари
			2024 йил	750,0
			2025 йил	750,0
			2026 йил	750,0
			2027 йил	750,0
			2028 йил	750,0
20.	«Перинатал хизматларни такомиллаштириш» лойиҳаси доирасида туғуруқ комплекслари ва перинатал марказларни, республика перинатал марказлари ва туғуруқхоналарини замонавий тиббий асбоб-ускуналар билан жиҳозлаш ҳамда модернизация қилиш.	Амалий чора-тадбирлар	2024 — 2028 йиллар давомида	100 000,0 минг АҚШ доллари	Осиё тараққиёт банки	Инвестициялар, саноат ва савдо вазирлиги (Л. Қудратов), Соғлиқни сақлаш вазирлиги (А. Иноятов)
21.	Марказ ва унинг ҳудудий филиаллари, туғуруқ комплекслари ва перинатал марказлар, бирламчи тиббий-санитария ёрдами муассасаларидаги «Аёллар маслаҳатхоналари» бўлими ва болалар бўлимларининг моддий-техника базасини ҳамда уларда кўрсатиладиган тиббий хизматларни такомиллаштириш.	Амалий чора-тадбирлар	2023 — 2025 йиллар давомида	2 000,0 минг АҚШ доллари	ЮНФПА, ЮНИСЕФ, ЖССТ грантлари	Соғлиқни сақлаш вазирлиги (А. Иноятов)
22.	Оилани режалаштириш борасида «Аёллар маслаҳатхонаси» бўлими фаолияти юзасидан аҳоли орасида кенг ахборот-тушунтириш ишларини олиб бориш.	Амалий чора-тадбирлар	2023 — 2025 йиллар давомида	2 000,0 минг АҚШ доллари	ЮНФПА, ЖССТ грантлари	Соғлиқни сақлаш вазирлиги (А. Иноятов)
23.	Контрацептив воситаларни харид қилиш, улардан самарали фойдаланишга эришиш ва янги турларини жорий этишда илғор халқаро тажрибаларни қўллаш.	Амалий чора-тадбирлар	2023 — 2027 йиллар давомида	8 907,0 минг АҚШ доллари шундан,	ЮНФПА грантлари	Соғлиқни сақлаш вазирлиги (А. Иноятов)
			2023 йил	1 781,4
			2024 йил	1 781,4
			2025 йил	1 781,4
			2026 йил	1 781,4
			2027 йил	1 781,4
24.	Болаларни микронутриент препаратлари билан ҳамда туғиш ёшидаги аёлларни исталмаган ҳомиладорликни олдини олиш воситалари билан таъминлашда БМТнинг халқаро ташкилотлари (ЮНФПА, ЮНИСЕФ) билан ушбу соҳада шаклланган кўп йиллик ишончли ҳамкорликни инобатга олган ҳолда тўғридан-тўғри шартномалар имзолаш орқали улар харидини амалга ошириш.	Амалий чора-тадбирлар	2023 — 2027 йиллар давомида	Ҳисоб-китоблар асосида	Давлат бюджети ва бошқа манбалардан ажратилган маблағлар	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов)
25.	«Онконазорат хоналари» фаолиятини такомиллаштириш орқали бачадон бўйин саратони касаллиги профилактикасини Одам папиломаси вирусини аниқлаш, даволаш ва назорат қилиш йўли билан амалга ошириш.	Амалий чора-тадбирлар	2023 — 2027 йиллар давомида	100,0 минг АҚШ доллари	ЮНФПА, ЖССТ грантлари	Соғлиқни сақлаш вазирлиги (А. Иноятов)
IV. Оналар ва болалар саломатлигини муҳофаза қилиш йўналишида илмий изланиш ва кадрлар тайёрлаш ишларини янада такомиллаштириш
26.	Республика миқёсида акушерлик-гинекология ҳамда антенатал, пренатал, перинатал ва неонатал хизматларни кўрсатишда иштирок этадиган барча босқичдаги тиббиёт ходимларини халқаро методологияларга асосланган ҳолда тайёрлаш, қайта тайёрлаш ва уларнинг малакасини ошириш.	Амалий чора-тадбирлар	2023 — 2027 йиллар давомида	100,0 минг АҚШ доллари	ЮНФПА, ЮНИСЕФ, ЖССТ грантлари	Соғлиқни сақлаш вазирлиги (А. Иноятов)
27.	Акушерлик ва гинекология, пренаталогия, перинаталогия, неонаталогия, репродуктология соҳасида тиббиёт олий таълим муассасалари ҳамда профессионал таълим муассасалари, тиббиёт ходимларининг малакасини ошириш марказлари таълим дастурларини халқаро стандартлар асосида такомиллаштириш.	Амалий чора-тадбирлар	2023 — 2027 йиллар давомида	100,0 минг АҚШ доллари	ЮНФПА, ЮНИСЕФ, ЖССТ грантлари	Соғлиқни сақлаш вазирлиги (А. Иноятов)
28.	Антенатал, пренатал, перинатал, неонатал ва акушерлик-гинекология хизматлари сифатини ҳамда самарадорлигини ошириш, оналар ва гўдаклар ўлими кўрсаткичларини камайтириш мақсадида «Оналар ўлими таҳлили»нинг тизимли методологиясини амалиётга жорий қилиш.	Амалий чора-тадбирлар	2023 — 2027 йиллар давомида	100,0 минг АҚШ доллари	ЮНФПА, ЮНИСЕФ, ЖССТ грантлари	Соғлиқни сақлаш вазирлиги (А. Иноятов)
29.	Марказда илмий-амалий изланишларни олиб боришни кенгайтириш, илмий грант ва лойиҳалар билан республика ва халқаро танловларда иштирок этиш.	Амалий чора-тадбирлар	2023 — 2027 йиллар давомида	Ҳисоб-китоблар асосида	ЮНФПА грантлари	Соғлиқни сақлаш вазирлиги (А. Иноятов)
30.	Акушер-гинекологлар, оилавий шифокорлар, доялар, патронаж ҳамширалар учун акушерлик, гинекология ва репродуктологиянинг долзарб масалалари бўйича қуйидаги мавзуларда мунтазам равишда семинарлар ташкил қилиш: Антенатал парвариш; Ҳомиладорлар уй варақасини юритиш; Бачадон бўйни саратонини эрта аниқлашда кольпоскопияни қўллаш; Самарали перинатал парвариш; Бирламчи тиббиёт ва туғуруқ муассасаларида ҳомиладор аёллар, оналар ва болаларга кўрсатилаётган тиббий ёрдам сифатини баҳолаш бўйича ЖССТ тавсияларини амалиётга жорий этиш.	Амалий чора-тадбирлар	2023 — 2027 йиллар давомида	Ҳисоб-китоблар асосида	ЮНФПА, ЮНИСЕФ, ЖССТ грантлари	Соғлиқни сақлаш вазирлиги (А. Иноятов)
31.	Ҳудудларда туғиш ёшидаги аёллар ва болалар ўртасида касалликларнинг олдини олиш, диагностика қилиш ва даволаш сифатини ошириш. Бунда, соҳага тааллуқли республика илмий-амалий тиббиёт марказлари мутахассислари томонидан жойларда тиббий кўриклар, маҳорат дарслари, семинар (вебинар ва тренинг)лар ўтказиш ва маҳаллий оммавий ахборот воситаларида кенг тарғибот ишларини ташкил этиш.	Амалий чора-тадбирлар	2024 — 2028 йиллар давомида	Ҳисоб-китоблар асосида	Давлат бюджети маблағлари ва ташкилотларнинг бюджетдан ташқари маблағлари	Соғлиқни сақлаш вазирлиги (А.Иноятов), Қорақалпоғистон Республикаси Вазирлар Кенгаши, вилоятлар ҳокимликлари
32.	Бирламчи тиббий-санитария ёрдами муассасалари тиббиёт бригадалари учун ЮНФПА, ЖССТ, ЮНИСЕФ ташкилотларининг тавсиялари асосида репродуктив саломатликни муҳофаза қилиш ва соғлом оилани шакллантириш бўйича услубий қўлланма нашр этиш.	Амалий чора-тадбирлар	2023-2024 йиллар давомида	Ҳисоб-китоблар асосида	ЮНФПА, ЮНИСЕФ, ЖССТ грантлари	Соғлиқни сақлаш вазирлиги (А. Иноятов)
33.	Репродуктив саломатлик, оиланинг тиббий маданиятини ошириш, соғлом болалар туғиш ва уларни тарбиялашнинг долзарб масалалари бўйича махсус маърифий телекўрсатувлар ва радиоэшиттиришларни тайёрлаш ҳамда мунтазам равишда оммавий ахборот воситаларида ёритиб бориш. Бунда: марказий ва маҳаллий теле ва радиоканалларда кўрсатувлар ҳамда эшиттиришлар мавзуларини ва сценарийларини ишлаб чиқиш; шифокорлар, намунали оилалар, маҳалла, таълим ва жамоат ташкилотлари вакиллари чиқишларини тайёрлаш ва эфирга узатиш.	Амалий чора-тадбирлар	2023 — 2027 йиллар давомида	Ҳисоб-китоблар асосида	Ижрочиларнинг маблағлари	Соғлиқни сақлаш вазирлиги (А. Иноятов), Ўзбекистон Миллий телерадиокомпанияси (А. Хаджаев), Маданият вазирлиги (О. Назарбеков), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
34.	Яқин қариндошлар ўртасида никоҳ тузишнинг олдини олиш мақсадида Никоҳланувчи шахсларни тиббий кўрикдан ўтказиш тартибини қайта кўриб чиқиш.	Норматив-ҳуқуқий ҳужжат	2023 йил декабрь	-	-	Соғлиқни сақлаш вазирлиги (А. Иноятов), Адлия вазирлиги (А. Ташкулов)
35.	Тошкент вилояти ва Тошкент шаҳри соғлиқни сақлаш тизимида тажриба-синов тариқасида ҳомиладорлик олди, ҳомиладорлик эрта муддатларида ҳамда гўдаклар генетик скрининги интеграциясини амалга ошириш.	Амалий чора-тадбирлар	2024 йил якунига қадар	-	Давлат бюджетидан Соғлиқни сақлаш вазирлигига ажратилган маблағлар ва грант маблағлари	Соғлиқни сақлаш вазирлиги (А. Иноятов), Олий таълим, фан ва инновациялар вазирлиги (И. Абдурахмонов), Тошкент вилояти ва Тошкент шаҳар ҳокимликлари
36.	Тиббий генетика, молекуляр-генетика ва ёрдамчи репродуктив технологиялар соҳасида илғор тажрибага эга хорижий тиббиёт ташкилотларида 20 нафар тиббиёт ходимлари малакасини ошириш ва қайта тайёрлашга юбориш.	Амалий чора-тадбирлар	2023 — 2025 йиллар давомида	-	Тиббиётни ривожлантириш давлат мақсадли жамғармаси маблағлари	Соғлиқни сақлаш вазирлиги (А. Иноятов)
V. 2023 — 2027 йиллар давомида туғуруқ ўринларини кўпайтириш ҳамда оналар ва болаларга кўрсатилаётган тиббий ёрдамни яхшилаш
37.	Ҳомиладорларнинг стационар шароитда туғуруқ жараёнларини тиббий хизматнинг сифати стандартларига мос бўлишини тўлиқ таъминлаш мақсадида туғуруқ ўринлари сонини босқичма-босқич ошириш.	Амалий чора-тадбирлар		Жами талаб этиладиган маблағ	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов), Қурилиш ва уй-жой коммунал хўжалиги вазирлиги (Б. Закиров), Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари
	Бунда, жами 4 321 та туғуруқ ўрнини ташкил этиш. Шундан:			339 949,7 млн сўм
	2023 йилда 500 та;		2023 йил
	2024 йилда 653 та;		2024 йил
	2025 йилда 1 050 та;		2025 йил
	2026 йилда 1 058 та;		2026 йил
	2027 йилда 1 060 та.		2027 йил
38.	Янги ташкил этилаётган туғуруқ ўринларида фаолият юритиш учун малакали тиббиёт кадрларини тайёрлаш ҳамда уларнинг малакасини ошириш.	Амалий чора-тадбирлар	2024 — 2026 йиллар давомида	Ҳисоб-китоблар асосида	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов)

	млн сўм		минг АҚШ доллари
Дастурни амалга оширишга сарфланадиган харажатлар жами:	339 949,7		158 801,8
шундан:
Ўзбекистон Республикаси республика бюджети маблағлари	—	339 949,7	—	35 577,3
Маҳаллий бюджет маблағлари	—		—	3 750,0
«Соғлом авлод учун» ҳукуматга қарашли бўлмаган халқаро хайрия жамғармаси маблағлари (келишув асосида)	—		—	2 167,5
Халқаро ва нодавлат ташкилотлар (ЮНФПА, ЮНИСЕФ, ЖССТ) грантлари	—		—	17 307,0
Осиё тараққиёт банкининг кредитлари	—		—	100 000,0

* Дастурни молиялаштириш учун халқаро молия ташкилотларининг маблағлари, жисмоний ва юридик шахсларнинг ҳомийлик хайриялари ҳамда қонунчилик ҳужжатларида тақиқланмаган бошқа манбалар ҳам жалб этилиши мумкин.

Ўзбекистон Республикаси Президентининг 2023 йил 8 сентябрдаги ПҚ-296-сон қарорига

2-ИЛОВА

2023 — 2027 йилларда болаларда туғма ва ирсий касалликларни эрта аниқлаш

ДАСТУРИ

Т/р	Тадбир номи	Амалга ошириш шакли	Бажариш муддати	Талаб этиладиган маблағ	Молиялаштириш манбалари	Масъул ижрочилар
I.«Она ва бола скрининг» хизматининг моддий-техник базасини янада мустаҳкамлаш
1.	Биокимёвий пренатал скрининг ўтказиш учун реактивлар билан таъминлаш. Бунда: ҳомиладорликнинг биринчи уч ойлигида сарфланадиган реактивлар алоҳида; ҳомиладорликнинг иккинчи уч ойлигида сарфланадиган реактивлар алоҳида белгиланади.	Амалий чора-тадбирлар	2023 — 2027 йиллар	9 360,6 минг АҚШ доллари шундан,	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов), «Соғлом авлод учун» ҳукуматга қарашли бўлмаган халқаро хайрия жамғармаси
			2023 йил	1 812,6
			2024 йил	1 814,4
			2025 йил	1 898,9
			2026 йил	1 910,6
			2027 йил	1 924,1
2.	Тиббиёт муассасаларини ҳомиладор аёлларда қон таҳлили ўтказиш учун махсус фильтрловчи қоғоз бланкалар билан таъминлаш.	Амалий чора-тадбирлар	2023 — 2027 йиллар	59,6 минг АҚШ доллари шундан,	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов), «Соғлом авлод учун» ҳукуматга қарашли бўлмаган халқаро хайрия жамғармаси
			2023 йил	11,4
			2024 йил	11,3
			2025 йил	11,3
			2026 йил	12,8
			2027 йил	12,8
3.	Тиббиёт муассасаларини чақалоқларда туғма гипотиреоз, фенилкетонурия, муковисцидоз касаллигига скрининг ўтказиш бўйича қон таҳлили учун махсус фильтрловчи қоғоз бланкаларбилан таъминлаш.	Амалий чора-тадбирлар	2023 — 2027 йиллар	671,0 минг АҚШ доллари шундан,	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов), «Соғлом авлод учун» ҳукуматга қарашли бўлмаган халқаро хайрия жамғармаси
			2023 йил	134,2
			2024 йил	134,2
			2025 йил	134,2
			2026 йил	134,2
			2027 йил	134,2
4.	Республика ихтисослаштирилган она ва бола саломатлиги илмий-амалий тиббиёт марказининг (кейинги ўринларда — Марказ) «Она ва бола скрининг» хизматини ҳомиладорликнинг эрта муддатларида молекуляр-цитогенетик тадқиқотларни ўтказиш учун сарфлов материалларибилан таъминлаш.	Амалий чора-тадбирлар	2023 — 2027 йиллар	825,0 минг АҚШ доллари шундан,	Соғлом авлод учун» ҳукуматга қарашли бўлмаган халқаро хайрия жамғармаси маблағлари	Соғлиқни сақлаш вазирлиги (А. Иноятов), «Соғлом авлод учун» ҳукуматга қарашли бўлмаган халқаро хайрия жамғармаси
			2023 йил	165,0
			2024 йил	165,0
			2025 йил	165,0
			2026 йил	165,0
			2027 йил	165,0
5.	Тиббиёт муассасаларини чақалоқларда туғма гипотиреоз, фенилкетонурия касалликларига неонатал скринингдан ўтказиш учун реагентларбилан таъминлаш.	Амалий чора-тадбирлар	2023 — 2027 йиллар	13 557,6 минг АҚШ доллари шундан,	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов), «Соғлом авлод учун» ҳукуматга қарашли бўлмаган халқаро хайрия жамғармаси
			2023 йил	2 711,2
			2024 йил	2 711,6
			2025 йил	2 711,6
			2026 йил	2 711,6
			2027 йил	2 711,6
6.	Тиббиёт муассасаларини болаларда муковисцидоз касаллигини тасдиқловчи текширувдан ўтказиш учун ташхислаштўпламлари билан таъминлаш.	Амалий чора-тадбирлар	2023 — 2027 йиллар	325,0 минг АҚШ доллари шундан,	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов), «Соғлом авлод учун» ҳукуматга қарашли бўлмаган халқаро хайрия жамғармаси
			2023 йил	65,0
			2024 йил	65,0
			2025 йил	65,0
			2026 йил	65,0
			2027 йил	65,0
7.	Марказда чақалоқларнинг спинал мушак атрофияси, бирламчи иммун танқислиги бўйича синов текширувини жорий қилиш ва болаларда муковисцидозга селектив скрининг текширувларини ўтказиш учун реагентлар ва сарфлаш материаллари билан таъминлаш.	Амалий чора-тадбирлар	2023 — 2027 йиллар	1 270,0 минг АҚШ доллари шундан,	«Соғлом авлод учун» ҳукуматга қарашли бўлмаган халқаро хайрия жамғармаси маблағлари	Соғлиқни сақлаш вазирлиги (А. Иноятов), «Соғлом авлод учун» ҳукуматга қарашли бўлмаган халқаро хайрия жамғармаси
			2023 йил	135,7
			2024 йил	445,8
			2025 йил	229,5
			2026 йил	229,5
			2027 йил	229,5
8.	Болаларни тандем масс-спектрометрда селектив скринингдан ўтказиш учун реактивлар ва сарфлаш материаллари билан таъминлаш.	Амалий чора-тадбирлар	2023 — 2027 йиллар	227,6 минг АҚШ доллари шундан,	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов), «Соғлом авлод учун» ҳукуматга қарашли бўлмаган халқаро хайрия жамғармаси
			2023 йил	45,5
			2024 йил	45,5
			2025 йил	45,5
			2026 йил	45,5
			2027 йил	45,6
9.	Марказ ва унинг Навоий, Хоразм, Жиззах ва Сирдарё вилояти ҳудудий филиаллари «Она ва бола скрининг» хизматини неонатал ва пренатал скрининг ўтказиш учун бутловчи буюмлар билан бирга 5 та анализаторнинг такомиллаштирилган модели билан қайта жиҳозлаш.	Амалий чора-тадбирлар	2023 — 2027 йиллар	930,0 минг АҚШ доллари шундан,	«Соғлом авлод учун» ҳукуматга қарашли бўлмаган халқаро хайрия жамғармаси маблағлари	Соғлиқни сақлаш вазирлиги (А. Иноятов), «Соғлом авлод учун» ҳукуматга қарашли бўлмаган халқаро хайрия жамғармаси
			2023 йил	186,0
			2024 йил	186,0
			2025 йил	186,0
			2026 йил	186,0
			2027 йил	186,0
II. Туғма ва ирсий касалликларнинг бирламчи профилактикаси бўйича тарғибот ишларини кучайтириш, ирсий касалликларга чалинган беморларни даволаш самарадорлигини ошириш
10.	Неонатал скрининг натижасида аниқланган туғма гипотиреоз касаллигига чалинган болаларни дори-дармонлар билан таъминлаш.	Амалий чора-тадбирлар	2023 — 2027 йиллар	111,2 минг АҚШ доллари шундан,	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов), «Соғлом авлод учун» ҳукуматга қарашли бўлмаган халқаро хайрия жамғармаси
			2023 йил	18,1
			2024 йил	20,2
			2025 йил	22,2
			2026 йил	24,3
			2027 йил	26,4
11.	Фенилкетонурия касаллигига чалинган болаларни махсус озиқ-овқат маҳсулотлари билан таъминлаш.	Амалий чора-тадбирлар	2023 — 2027 йиллар	5 035,8 минг АҚШ доллари шундан,	Давлат бюджети маблағлари	Соғлиқни сақлаш вазирлиги (А. Иноятов), Иқтисодиёт ва молия вазирлиги (О. Фозилкаримов), «Соғлом авлод учун» ҳукуматга қарашли бўлмаган халқаро хайрия жамғармаси
			2024 йил	2 324,2
			2026 йил	2 711,6

		минг АҚШ доллари
Дастурни амалга оширишга сарфланадиган харажатлар жами:		32 373,4
шундан:
Давлат бюджети маблағлари	—	29 348,4
«Соғлом авлод учун» ҳукуматга қарашли бўлмаган халқаро хайрия жамғармаси маблағлари (келишув асосида)	—	3 025,0

* Дастурни молиялаштириш учун халқаро молия ташкилотлари маблағлари, жисмоний ва юридик шахсларнинг ҳомийлик хайриялари ҳамда қонунчилик ҳужжатларида тақиқланмаган бошқа манбалар ҳам жалб этилиши мумкин.

Ўзбекистон Республикаси Президентининг 2023 йил 8 сентябрдаги ПҚ-296-сон қарорига

3-ИЛОВА

2023 — 2027 йилларда туғуруқ комплексларида қўшимча ташкил этиладиган
ТУҒУРУҚ ЎРИНЛАРИ СОНИ

Т/р	Ҳудудлар номи	Жами	2023 йил	2024 йил	2025 йил	2026 йил	2027 йил
Жами		4 321	500	653	1 051	1 057	1 060
1.	Қорақалпоғистон Республикаси	113	22	16	25	25	25
2.	Андижон вилояти	434	42	75	121	98	98
3.	Бухоро вилояти	113	36	13	21	21	22
4.	Жиззах вилояти	127	60	11	18	19	19
5.	Қашқадарё вилояти	540	42	85	137	138	138
6.	Навоий вилояти	199	40	28	43	44	44
7.	Наманган вилояти	377	18	62	99	99	99
8.	Самарқанд вилояти	566	28	92	148	149	149
9.	Сурхондарё вилояти	381	27	60	98	98	98
10.	Сирдарё вилояти	118	60	10	16	16	16
11.	Тошкент вилояти	418	53	62	101	101	101
12.	Фарғона вилояти	483	18	79	128	129	129
13.	Хоразм вилояти	57	30	5	7	7	8
14.	Тошкент шаҳри	395	24	55	89	113	114

Ўзбекистон Республикаси Президентининг 2023 йил 8 сентябрдаги ПҚ-296-сон қарорига

5-ИЛОВА

Ўзбекистон Республикаси Президентининг айрим қарорларига киритилаётган ўзгартиришлар

1. Ўзбекистон Республикаси Президентининг 2021 йил 28 июлдаги «Соғлиқни сақлаш соҳасида ихтисослаштирилган тиббий ёрдам кўрсатиш тизимини янада такомиллаштириш чора-тадбирлари тўғрисида»ги ПҚ-5199-сон қарорига 4-илованинг матни қуйидаги таҳрирда баён этилсин:

«Туман (шаҳар) тиббиёт бирлашмаларининг туғруқ бўлимлари негизида ташкил этиладиган туманлараро перинатал марказлар

РЎЙХАТИ

Т/р	Ташкилот номи	Ҳудудлар
1.	Чимбой тумани тиббиёт бирлашмаси туғруқ бўлими	Қорақалпоғистон Республикаси
2.	Беруний тумани тиббиёт бирлашмаси туғруқ бўлими
3.	Қўнғирот шаҳар туғруқ мажмуаси
4.	Пахтаобод тумани тиббиёт бирлашмаси туғруқ бўлими	Андижон вилояти
5.	Қўрғонтепа тумани тиббиёт бирлашмаси туғруқ бўлими
6.	Шаҳрихон тумани тиббиёт бирлашмаси туғруқ бўлими
7.	Ғиждувон шаҳар тиббиёт бирлашмаси туғруқ бўлими	Бухоро вилояти
8.	Ромитан тумани тиббиёт бирлашмаси туғруқ бўлими
9.	Қоракўл тумани тиббиёт бирлашмаси туғруқ бўлими
10.	Ғаллаорол тумани тиббиёт бирлашмаси туғруқ бўлими	Жиззах вилояти
11.	Зомин тумани тиббиёт бирлашмаси туғруқ бўлими
12.	Пахтакор тумани тиббиёт бирлашмаси туғруқ бўлими
13.	Шаҳрисабз шаҳар тиббиёт бирлашмаси туғруқ бўлими	Қашқадарё вилояти
14.	Нишон тумани тиббиёт бирлашмаси туғруқ бўлими
15.	Чироқчи тумани тиббиёт бирлашмаси туғруқ бўлими
16.	Косон тумани тиббиёт бирлашмаси туғруқ бўлими
17.	Зарафшон шаҳар тиббиёт бирлашмаси туғруқ бўлими	Навоий вилояти
18.	Хатирчи тумани тиббиёт бирлашмаси туғруқ бўлими
19.	Навбаҳор тумани тиббиёт бирлашмаси туғруқ бўлими
20.	Уйчи тумани тиббиёт бирлашмаси туғруқ бўлими	Наманган вилояти
21.	Янгиқўрғон тумани тиббиёт бирлашмаси туғруқ бўлими
22.	Чуст тумани тиббиёт бирлашмаси туғруқ бўлими
23.	Пастдарғом тумани тиббиёт бирлашмаси туғруқ бўлими	Самарқанд вилояти
24.	Каттақўрғон шаҳар тиббиёт бирлашмаси туғруқ бўлими
25.	Ургут тумани тиббиёт бирлашмаси туғруқ бўлими
26.	Пайариқ тумани тиббиёт бирлашмаси туғруқ бўлими
27.	Янгиер шаҳар тиббиёт бирлашмаси туғруқ бўлими	Сирдарё вилояти
28.	Сирдарё тумани тиббиёт бирлашмаси туғруқ бўлими
29.	Оқолтин тумани тиббиёт бирлашмаси туғруқ бўлими
30.	Бойсун тумани тиббиёт бирлашмаси туғруқ бўлими	Сурхондарё вилояти
31.	Шеробод тумани тиббиёт бирлашмаси туғруқ бўлими
32.	Қумқўрғон тумани тиббиёт бирлашмаси туғруқ бўлими
33.	Олмалиқ шаҳар тиббиёт бирлашмаси туғруқ бўлими	Тошкент вилояти
34.	Янгийўл шаҳар тиббиёт бирлашмаси туғруқ бўлими
35.	Бекобод шаҳар тиббиёт бирлашмаси туғруқ бўлими
36.	Тошкент тумани тиббиёт бирлашмаси туғруқ бўлими
37.	Қуйичирчиқ тумани тиббиёт бирлашмаси туғруқ бўлими
38.	Қўқон шаҳар туғруқ мажмуаси	Фарғона вилояти
39.	Марғилон шаҳар туғруқ мажмуаси
40.	Бешариқ тумани тиббиёт бирлашмаси туғруқ бўлими
41.	Боғот тумани тиббиёт бирлашмаси туғруқ бўлими	Хоразм вилояти
42.	Янгибозор тумани тиббиёт бирлашмаси туғруқ бўлими	Хоразм вилояти
43.	Тошкент шаҳар 1-сон туғруқ мажмуаси	Тошкент шаҳар
44.	Тошкент шаҳар 2-сон туғруқ мажмуаси
45.	Тошкент шаҳар 6-сон туғруқ мажмуаси
46.	Тошкент шаҳар 9-сон туғруқ мажмуаси
		».

2. Ўзбекистон Республикаси Президентининг 2022 йил 26 январдаги «Юрак-қон томир касалликларининг олдини олиш ва даволаш сифатини ошириш чора-тадбирлари тўғрисида»ги ПҚ-103-сон қарори 2-бандининг тўртинчи хатбошисидаги «ушбу турдаги касалликлари мавжуд «Ижтимоий ҳимоя ягона реестри»да бўлган 200 мингдан зиёд аҳолига» сўзлари «ушбу турдаги касалликлари мавжуд аҳолига» сўзлари билан алмаштирилсин.

3. Ўзбекистон Республикаси Президентининг 2022 йил 25 апрелдаги «2022 — 2026 йилларда оналик ва болаликни муҳофаза қилишни кучайтириш тўғрисида»ги ПҚ-216-сон қарорига 1-илованинг 15-позицияси «Чора-тадбирлар номи» устуни қуйидаги таҳрирда баён этилсин:

«786 минг дона (538,5 мингта бачадон ичи воситаси ва 247,5 мингта орал контрацептив воситалар) контрацептив воситаларни харид қилиш. Бунда, халқаро «UNFPA» ташкилоти билан ушбу соҳада шаклланган кўп йиллик ишончли ҳамкорликни кучайтириш».

4. Ўзбекистон Республикаси Президентининг 2023 йил 24 майдаги «Рақамли хизматлар қамрови ва сифатини ошириш ҳамда соҳа, тармоқ ва ҳудудларни рақамли трансформация қилиш чора-тадбирлари тўғрисида»ги ПҚ-162-сон қарорида 4-илованинг 61-позицияси ва 4а-илованинг 61-позицияси чиқариб ташлансин.

(Қонунчилик маълумотлари миллий базаси, 08.09.2023 й., 07/23/296/0687-сон)