1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.17.00 Аттестация (ходимларни) (шунингдек, 13.02.04.00 ва 13.01.16.00га қаранг);
2.09.00.00.00 Тадбиркорлик ва хўжалик фаолияти / 09.10.00.00 Саноат / 09.10.03.00 Саноат хавфсизлиги (шунингдек, 16.04.06.00га қаранг);
3.16.00.00.00 Хавфсизлик ва ҳуқуқ тартибот муҳофазаси / 16.04.00.00 Жамият хавфсизлиги / 16.04.06.00 Саноат хавфсизлиги (шунингдек, 09.10.03.00 га қаранг)]
«Хавфли ишлаб чиқариш объектларининг саноат хавфсизлиги тўғрисида»ги Ўзбекистон Республикаси Қонуни, Ўзбекистон Республикаси Президентининг «Давлат хизматлари кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш чора-тадбирлари тўғрисида»ги 2021 йил 24 июлдаги ПФ-6269-сон Фармони ҳамда Вазирлар Маҳкамасининг «Хавфли ишлаб чиқариш объектларининг саноат хавфсизлиги тўғрисида»ги Ўзбекистон Республикаси Қонунини амалга оширишга доир қўшимча чора-тадбирлар ҳақида» 2008 йил 10 декабрдаги 271-сон қарорига мувофиқ Вазирлар Маҳкамаси қарор қилади:
1. Қуйидагиларни назарда тутувчи Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматларини кўрсатиш тўғрисидаги маъмурий регламент (кейинги ўринларда — Регламент) 1-иловага мувофиқ тасдиқлансин:
саноат хавфсизлиги соҳасида экспертларни тайёрлаш, уларнинг малакасини ошириш муддатлари, тартиби ва уларга қўйиладиган малака талаблари ҳамда аттестация соҳалари рўйхати;
саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматларини кўрсатиш тартиби;
саноат хавфсизлиги соҳасида эксперт гувоҳномасини расмийлаштириш ва экспертлар реестрини юритиш талаблари, эксперт гувоҳномаси тоифасини пасайтириш, унинг амал қилишини тўхтатиб туриш, тугатиш ҳамда уни бекор қилиш тартиби;
аттестация натижалари бўйича апелляция бериш ва уни кўриб чиқиш тартиби.
2. Ахборот технологиялари ва коммуникацияларини ривожлантириш вазирлиги Саноат хавфсизлиги давлат қўмитаси ва Адлия вазирлиги билан биргаликда бир ой муддатда:
ушбу қарор билан тасдиқланган Регламентга мувофиқ давлат хизматларини кўрсатиш Ягона интерактив давлат хизматлари портали (кейинги ўринларда — ЯИДХП) орқали жорий этилишини таъминласин;
ЯИДХПда давлат хизматлари кўрсатилишининг ҳар бир босқичида мурожаатларнинг кўриб чиқилишини кузатиб бориш тартибини жорий этсин.
3. Саноат хавфсизлиги давлат қўмитаси уч ой муддатда айни пайтда саноат хавфсизлиги соҳасида фаолият кўрсатаётган экспертларга ушбу қарорга мувофиқ янги шаклдаги эксперт гувоҳномалари расмийлаштирилишини таъминласин. Бунда эксперт ташкилотларида асосий иш жойи сифатида ишлаётган экспертларга биринчи тоифа, қолганларга иккинчи тоифа эксперт гувоҳномаси берилсин.
4. Адлия вазирлиги Саноат хавфсизлиги давлат қўмитаси томонидан давлат хизматлари кўрсатилишининг белгиланган тартибига риоя этилиши бўйича унинг фаолияти юзасидан, шу жумладан, ЯИДХП орқали доимий назорат ўрнатсин.
5. Бандлик ва меҳнат муносабатлари вазирлиги, Техник жиҳатдан тартибга солиш агентлиги ҳамда Адлия вазирлиги икки ой муддатда Хизматчиларнинг асосий лавозимлари ва ишчилар касблари классификаторига (ХАЛИКК-2020) Саноат хавфсизлиги соҳасидаги эксперт касби белгиланган тартибда киритилишини таъминласин.
6. Ўзбекистон Республикаси Ҳукуматининг айрим қарорларига 2-иловага мувофиқ ўзгартириш ва қўшимчалар киритилсин.
7. Саноат хавфсизлиги давлат қўмитаси бошқа манфаатдор вазирлик ва идоралар билан биргаликда икки ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг маслаҳатчиси — Геология, энергетика, саноат ва унинг базавий тармоқларини ривожлантириш масалалари департаменти бошлиғи Б.Ф. Исламов ва Ўзбекистон Республикаси Саноат хавфсизлиги давлат қўмитаси раиси Б.В. Гулямов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2022 йил 29 сентябрь,
550-сон
Вазирлар Маҳкамасининг 2022 йил 29 сентябрдаги 550-сон қарорига 1-ИЛОВА
Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматларини кўрсатиш тўғрисида
МАЪМУРИЙ РЕГЛАМЕНТ
1-боб. Умумий қоидалар
1. Мазкур Регламент саноат хавфсизлиги соҳасидаги экспертларни тайёрлаш, уларнинг малакасини ошириш ҳамда уларни аттестациядан ўтказиш ва уларга эксперт гувоҳномасини бериш тартибини белгилайди.
2. Мазкур Регламентда қуйидаги асосий тушунчалар қўлланилади:
аттестация соҳаси — саноат хавфсизлиги соҳасидаги эксперт фаолияти соҳаси;
саноат хавфсизлиги соҳасидаги ваколатли орган (кейинги ўринларда — ваколатли орган) — Саноат хавфсизлиги давлат қўмитаси;
саноат хавфсизлиги соҳасидаги эксперт (кейинги ўринларда — эксперт) — хавфли ишлаб чиқариш объектини идентификациялаш ва декларациялаш, шунингдек, саноат хавфсизлиги экспертизаси ишларини бажарадиган (агарда у эксперт ташкилотининг штатида турса ёки эксперт ташкилоти томонидан у билан фуқаролик-ҳуқуқий тусдаги шартнома тузилган бўлса) мутахассис;
саноат хавфсизлиги соҳасида экспертларни аттестациядан ўтказиш комиссияси (кейинги ўринларда — аттестация комиссияси) — Саноат хавфсизлиги давлат қўмитаси томонидан ташкил этиладиган талабгорларни аттестациядан ўтказиш комиссияси;
талабгор (ариза берувчи) — эксперт мақомига эга бўлмоқчи бўлган жисмоний шахс, аттестация соҳасини кенгайтирмоқчи бўлган эксперт, биринчи тоифали эксперт гувоҳномасини олмоқчи бўлган иккинчи тоифали эксперт;
эксперт ташкилоти — экспертизани амалга оширадиган ва белгиланган тартибда аккредитация қилинган ташкилот.
3. Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматлари (кейинги ўринларда — давлат хизмати) давлат хизматлари марказлари (кейинги ўринларда — Марказ) ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали ваколатли орган томонидан кўрсатилади.
4. Марказ ва ваколатли орган ўртасидаги ахборот алмашинуви идентификация қилиш воситаларини мажбурий тартибда қўллаш орқали фақат идоралараро ўзаро электрон ҳамкорлик ёрдамида амалга оширилади.
5. Давлат хизмати ваколатли орган томонидан талабгорларни аттестациядан ўтказиш орқали кўрсатилади.
Ваколатли орган аттестацияни муваффақиятли топширган экспертларга қуйидаги тоифалардан бири кўрсатилган эксперт гувоҳномасини беради:
саноат хавфсизлиги соҳасидаги иккинчи тоифали эксперт;
саноат хавфсизлиги соҳасидаги биринчи тоифали эксперт.
2-боб. Экспертларни тайёрлаш ва уларнинг малакасини ошириш тартиби
6. Талабгор аттестациядан ўтмоқчи бўлган аттестация соҳаси бўйича экспертларни тайёрлаш ўқув курсини тамомлаган бўлиши керак.
7. Талабгорлар Саноат хавфсизлиги давлат қўмитасининг «Контехназоратўқув» давлат муассасасида камида 40 соатлик ўқув курсида шартнома асосида ўқитиш орқали тайёрланади ва ушбу курснинг ўқув дастурлари ваколатли орган томонидан тасдиқланади.
Бунда экспертларни тайёрлаш билан боғлиқ харажатлар учун тўланиши керак бўлган тўловларнинг миқдори тегишли ўқув курсининг давомийлигидан ҳамда унинг шаклидан келиб чиқиб, шартнома тузувчи тарафлар томонидан белгиланади.
8. Эксперт гувоҳномасига эга бўлган ҳар бир жисмоний шахс эксперт гувоҳномаси олинган йилдан кейин ҳар уч йилда камида бир марта ваколатли орган томонидан тасдиқланган малака ошириш дастурлари бўйича 20 соатдан кам бўлмаган ҳажмда малака ошириш курсларида ўқиши шарт.
9. Талабгор экспертларни тайёрлаш ва (ёки) малакасини ошириш ўқув курсларини тўлиқ тамомлаганидан сўнг синовдан ўтказилади.
Синов ёзма, тест ёки оғзаки кўринишда ўтказилиши мумкин ва унинг тартиби ваколатли орган томонидан белгиланади.
Синовдан ўта олмаганларга бир маротаба синовни қайта топширишга рухсат берилади. Қайта синовдан ўта олмаганлар ўқув курсида такроран шартнома асосида ўқийдилар.
Синовдан ўтганларга мазкур Регламентга 2-иловада келтирилган шаклда расмийлаштириладиган сертификат берилади.
3-боб. Талабгорга қўйиладиган малака талаблари
10. Иккинчи тоифали эксперт сифатида аттестациядан ўтиш учун талабгор қуйидаги мажбурий талабларга жавоб бериши лозим:
олий маълумотга эга бўлиш, бунда хорижий давлатларда олинган олий маълумот тўғрисидаги ҳужжатлар белгиланган тартибда тан олинган тақдирда эътиборга олинади;
аттестациядан ўтмоқчи бўлган аттестация соҳаси (ёки экспертиза объектлари) мутахассислигига мувофиқ камида беш йил иш стажига эга бўлиш;
экспертларни тайёрлаш ўқув курсини тугатганлиги тўғрисида сертификатга эга бўлиш, бунда ўқишни тамомлаган вақтдан бошлаб ҳужжатлар топширилгунга қадар ўтган вақт бир йилдан ошмаслиги керак.
11. Биринчи тоифали эксперт сифатида аттестациядан ўтиш учун талабгор қуйидаги мажбурий талабларга жавоб бериши лозим:
иккинчи тоифали эксперт сифатида аттестациядан ўтган кундан бошлаб аттестация соҳаси (ёки экспертиза объектлари) мутахассислигига мувофиқ фаолият юритадиган эксперт ташкилотида асосий иш жойи сифатида камида уч йил иш стажига эга бўлиш;
иккинчи тоифали эксперт сифатида аттестациядан ўтган кундан бошлаб аттестация соҳасига (ёки экспертиза объектларига) мувофиқ камида 15 та хавфли ишлаб чиқариш объектини идентификациялаш ва декларациялаш, шунингдек, саноат хавфсизлиги экспертизаси бўйича ишларни бажарган бўлиши;
экспертларни тайёрлаш ва малака ошириш ўқув курсларини тугатганлиги тўғрисида сертификатга эга бўлиш, бунда ўқишни тамомлаган вақтдан бошлаб ҳужжатлар топширилгунга қадар ўтган вақт бир йилдан ошмаслиги керак.
Биринчи тоифали эксперт сифатида аттестациядан ўтказиш талабгорнинг иккинчи тоифали эксперт гувоҳномасида кўрсатилган аттестация соҳаси (ёки экспертиза объектлари) доирасида амалга оширилади.
4-боб. Давлат хизматини кўрсатиш тартиби
12. Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматлари ушбу Регламентга 3-иловага мувофиқ схема бўйича кўрсатилади.
13. Талабгор давлат хизматидан фойдаланиш учун Марказга ўзи келиб ёки давлат хизматидан электрон тарзда фойдаланиш учун ЯИДХПда рўйхатдан ўтган ҳолда мурожаат қилади.
14. Талабгор Марказга ўзи келиб мурожаат қилган тақдирда, Марказ ходими талабгорнинг номидан, ЯИДХП орқали мурожаат этган тақдирда эса мустақил равишда ушбу Регламентга 4-иловага мувофиқ шаклдаги сўровномани электрон тарзда тўлдиради.
Талабгор томонидан сўровномани электрон рақамли имзо билан тасдиқлаш талаб этилмайди.
16. Давлат хизмати кўрсатилгани учун базавий ҳисоблаш миқдорининг бир баравари миқдорида йиғим ундирилади.
«Ижтимоий ҳимоя ягона реестри» ахборот тизимида рўйхатга олинган шахслардан, шунингдек, I ва II гуруҳ ногиронлиги бўлган шахслардан давлат хизмати кўрсатилгани учун базавий ҳисоблаш миқдорининг 0,5 баравари миқдорида йиғим ундирилади.
Давлат хизмати кўрсатилиши учун ЯИДХП орқали мурожаат этилганда, ушбу банднинг биринчи ва иккинчи хатбошида кўрсатилган йиғим суммасининг 90 фоизи ундирилади.
Давлат хизмати кўрсатилгани учун тўловлар Ягона биллинг тизими орқали амалга оширилади.
17. Давлат хизмати кўрсатилгани учун тўловлар суммаси қуйидаги тартибда тақсимланади:
а) Марказга ўзи келиб мурожаат қилганда:
20 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;
0,5 фоизи — тўловларни тасдиқлаш Ягона биллинг тизими орқали амалга оширилганлиги учун Ахборот-коммуникация технологияларини ривожлантириш жамғармасининг Электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;
қолган маблағлар ваколатли органнинг бюджетдан ташқари жамғармасининг шахсий ҳисобварағига ўтказилади;
б) ЯИДХП орқали мурожаат қилинганда:
10 фоизи — Адлия вазирлигининг Давлат хизматларини ривожлантириш жамғармасининг шахсий ҳисобварағига;
11,75 фоизи — Ахборот-коммуникация технологияларини ривожлантириш жамғармасининг Электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига, шундан 0,5 фоизи тўловларни тасдиқлаш Ягона биллинг тизими орқали амалга оширилганлиги учун;
қолган маблағлар ваколатли органнинг бюджетдан ташқари жамғармасининг шахсий ҳисобварағига ўтказилади.
18. Талабгор давлат хизматидан фойдаланишдан уни кўрсатишнинг ҳар қандай босқичида бош тортиш ҳуқуқига эга. Талабгор давлат хизматидан фойдаланишдан бош тортганда, унинг сўровномаси кўрилмасдан қолдирилади.
Бунда давлат хизмати кўрсатилгани учун тўлов қайтарилмайди.
19. Талабгор Марказга келиб мурожаат қилганда, унинг сўровномаси Марказ ходими томонидан тўлдирилиб, ариза берувчи томонидан тасдиқлангандан сўнг барча ҳужжатлар ўн дақиқа мобайнида ваколатли органга электрон шаклда юборилади. ЯИДХП орқали мурожаат қилинганда эса сўровнома автоматик тарзда ваколатли органга юборилади.
20. Ваколатли орган сўровнома тушган кундан бошлаб уч иш кунида талабгорнинг аттестацияга қўйилиши ёки қўйилмаслиги ҳақида қарор қабул қилади.
21. Талабгорни аттестацияга қўйиш юзасидан қарор қабул қилинганда, аттестацияга қўйилганлар рўйхати шакллантирилади.
Бунда гуруҳлар шаклланишига қараб, талабгорнинг сўровномасига асосан аттестация комиссияси назорати остида ваколатли орган биносида икки ойда камида бир марта аттестация ўтказилади.
22. Аттестация комиссияси таркиби, комиссия тўғрисидаги низом ва тест саволлари ваколатли орган томонидан тасдиқланади.
Аттестация комиссияси камида беш нафар аъзодан, шу жумладан, аттестация комиссияси раисидан иборат таркибда тузилади, комиссия таркибига келишув асосида бошқа манфаатдор ташкилотларнинг мутахассислари ҳам киритилиши мумкин.
23. Талабгорни аттестация ўтказиш куни, вақти ва жойи тўғрисида ваколатли органнинг расмий веб-сайти, ЯИДХП ҳамда талабгорнинг телефон рақамига хабарнома юбориш орқали беш кун аввал огоҳлантирилади.
24. Талабгор томонидан сўровномада ҳақиқий бўлмаган, сохта ва нотўғри маълумотлар кўрсатилиши, талабгорнинг ушбу Регламентнинг 10 ва 11-бандларида белгиланган малака талабларига мувофиқ келмаслиги, шунингдек, давлат хизмати кўрсатиш учун йиғимни тўламаслик давлат хизмати кўрсатишни рад этиш учун асос бўлиб ҳисобланади ва талабгор аттестацияга қўйилмаслиги ҳақида қарор қабул қилинади, мурожаат қилинган вақтда маълумотлар қайта тўғриланган ҳолатлар бундан мустасно.
25. Аттестацияга қўйилиши рад этилган талабгор Марказга ёки ЯИДХП орқали рад этишга сабаб бўлган камчиликларни бартараф этгандан кейин беш иш кунида такроран сўровнома бериши мумкин.
Такрорий топширилган ҳужжатлар кўриб чиқилганлиги учун йиғим ундирилмайди.
Камчиликлар бартараф этилганлиги ҳақидаги сўровнома олинган кундан бошлаб ҳужжатлар икки иш куни давомида ваколатли орган томонидан такроран кўриб чиқилади.
Ҳужжатларни такроран кўриб чиқишда ваколатли орган томонидан аввал рад этиш учун асосларда баён этилмаган сабаблар келтирилишига йўл қўйилмайди, аввал кўрсатилган сабаблар бартараф этилганлигини тасдиқловчи маълумотлар билан боғлиқ рад этиш сабаблари келтирилиши бундан мустасно.
26. Аттестациядан ўтишда талабгор фуқаролик паспорти, идентификация ID-картаси ёки шахсини тасдиқловчи бошқа ҳужжатнинг аслини тақдим этади. Паспорт, идентификация ID-картаси ёки унинг шахсини тасдиқловчи бошқа ҳужжатга эга бўлмаган ёхуд аттестацияга кечиккан талабгор келмаган ҳисобланади ва навбатдаги аттестациядан ўтадиган талабгорлар рўйхатига киритилади, бу ҳақда талабгор Марказда (ўзи келиб мурожаат қилган тақдирда) ёки ЯИДХП орқали (электрон тарзда мурожаат этган тақдирда) уч иш кунидан кечиктирмай хабардор қилинади.
27. Агар талабгор тегишли тарзда хабардор қилингандан кейин икки марта узрли сабабларсиз (меҳнатга лаёқатсизлик варақаси ёки ходим фаолият юритаётган юридик шахс раҳбари маълумотномаси) аттестациядан ўтиш учун келмаса, талабгор аттестациядан ўтмаган ҳисобланади ва бу ҳақда Марказ (ўзи келиб мурожаат қилган тақдирда) ёки ЯИДХП орқали (электрон тарзда мурожаат этган тақдирда) уч иш кунидан кечиктирмай хабардор қилинади. Бунда давлат хизмати кўрсатилганлиги учун тўланган йиғим қайтариб берилмайди.
Ҳужжатлар мазкур Регламентда белгиланган умумий тартибда қайта топширилади.
28. Талабгор иккинчи тоифали эксперт сифатида аттестациядан компьютерда топшириладиган тест синовлари шаклида ўтказилади.
70 фоиздан кам бўлмаган саволларга тўғри жавоб берган талабгор иккинчи тоифали эксперт сифатида аттестациядан ўтган ҳисобланади.
29. Талабгор биринчи тоифали эксперт сифатида аттестациядан компьютерда топшириладиган тест синовлари ва амалий синов шаклида ўтказилади.
80 фоиздан кам бўлмаган саволларга тўғри жавоб берган талабгор малака имтиҳонининг якуний қисми бўлган амалий синовдан ўтказилади, бунда амалий синов тест ўтказилган кунда ўтказилади.
Амалий синов давомида аттестация комиссияси аъзолари талабгорга қонунчилик ҳужжатлари ва норматив-техник ҳужжатларни билиши, хавфли ишлаб чиқариш объектини идентификациялаш ва декларациялаш, саноат хавфсизлиги экспертизаси бўйича ишларни амалий билиши, шунингдек, экспертнинг функциялари ва мажбуриятлари тўғрисида саволлар берадилар.
Амалий синов давомида талабгорга камида 5 та савол берилади ҳамда 80 фоиздан кам бўлмаган саволларга тўғри жавоб берган талабгор биринчи тоифали эксперт сифатида аттестациядан ўтган ҳисобланади.
30. Аттестация талабгорнинг танловига кўра давлат ёки рус тилида ўтказилади.
31. Аттестациянинг шаффофлиги ва холислигини таъминлаш мақсадида аттестацияни ўтказиш жараёни узлуксиз равишда видеоёзувга (овозли) туширилади, видеотасвир ваколатли органда камида бир йил мобайнида сақланади.
Аттестацияни ўтказиш жараёнини узлуксиз равишда видеоёзувга (овозли) тушириш учун ваколатли орган аттестацияни ўтказиш учун алоҳида тест хоналарини ажратади ҳамда уларни замонавий техник асбоб-ускуналар (компьютер, овозли видео камера, интернет жаҳон алоқа тармоғи ва бошқалар) билан таъминлаб, талабгорлар учун тегишли шарт-шароитлар яратади.
32. Тест саволлари вариантлари ва уларнинг жавоблари ваколатли орган томонидан ишлаб чиқилади. Тест саволлари қонунчилик ҳужжатларига киритилган ўзгартириш ва қўшимчаларни ҳисобга олган ҳолда янгилаб борилади.
33. Тест саволлари хавфли ишлаб чиқариш объектини идентификациялаш ва декларациялаш, саноат хавфсизлиги экспертизаси бўйича ишларни бажариш, шунингдек, аттестациядан ўтмоқчи бўлган аттестация соҳаси (ёки экспертиза объектлари) мутахассислигига мувофиқ тузиладиган камида 75 та саволдан иборат бўлади ва умумий аттестация вақти давомийлиги 45 дақиқани ташкил этади.
34. Аттестациядан ўтиш жараёнида талабгорга қуйидагилар тақиқланади:
қонунчилик ҳужжатлари, ахборотномалар ва махсус адабиётлардан фойдаланиш;
мобил алоқа воситаси ва бошқа алоқа воситаларидан фойдаланиш;
бошқа талабгорлар билан суҳбатлашиш;
аттестация ўтказилаётган хонадан ташқарига чиқиш.
Ушбу талабларни бузган талабгорлар аттестация ўтаётган хонадан чиқариб юборилади ва аттестациядан ўтмаган ҳисобланади.
Бегона шахсларга аттестацияда иштирок этишга рухсат берилмайди.
35. Аттестациядан ўтмаган талабгорга иккинчи маротаба малака имтиҳонидан ўтиш учун имконият берилади.
Аттестациядан иккинчи маротаба ҳам ўтмаган талабгор аттестация ўтказилган кундан бошлаб камида бир ой вақт ўтгандан сўнг ушбу Регламентда белгиланган тартибда аттестациядан такроран ўтиш учун мурожаат қилишга ҳақли.
36. Аттестациянинг тест натижалари тест тугагандан сўнг шу вақтнинг ўзида маълум қилинади.
Биринчи тоифали эксперт сифатида аттестациядан ўтган экспертларнинг аттестациянинг амалий синов натижалари аттестация ўтказилган кундан сўнг икки кун муддатда аттестация комиссиясининг расмийлаштириладиган баённомасида кўрсатилади.
37. Талабгорнинг тест жавоблари ҳамда имтиҳон комиссиясининг баённомалари ваколатли органда камида 5 йил муддатда сақланади.
38. Эксперт гувоҳномасининг амал қилиш муддатини узайтириш, аттестация соҳасини кенгайтириш ва биринчи тоифали эксперт гувоҳномасини олиш учун эксперт гувоҳномасининг эгаси қайта аттестациядан ўтказилади.
39. Қайта аттестациядан ўтиш учун ушбу Регламентга 5-иловага мувофиқ шаклдаги сўровномани электрон тарзда тўлдиради ва унга хавфли ишлаб чиқариш объектини идентификациялаш ва декларациялаш, саноат хавфсизлиги экспертизаси бўйича сўнгги беш йилда бажарган ишлари рўйхати илова қилинади. Ҳужжатлар Марказ ёки ЯИДХП орқали топширилади.
Эксперт гувоҳномасининг амал қилиш муддати тугаши сабабли қайта аттестациядан ўтиш учун ариза эксперт гувоҳномасининг амал қилиш муддати тугашидан камида бир ой олдин топширилиши керак.
40. Талабгор қайта аттестациядан мазкур Регламентда белгиланган умумий тартибда ўтказилади.
5-боб. Эксперт гувоҳномасини расмийлаштириш, бериш ва экспертлар реестрини юритиш тартиби
41. Ваколатли орган QR-код (матрик штрихли код) қўйилган эксперт гувоҳномасини расмийлаштиради ҳамда шу куннинг ўзида (биринчи тоифали эксперт сифатида аттестациядан ўтказилганда — икки кун муддатда) Марказга (ўзи келиб мурожаат этган тақдирда) ёки талабгорга (электрон тарзда мурожаат этган тақдирда) ЯИДХП орқали юборади, ушбу эксперт гувоҳномаси Ўзбекистон Республикаси ҳудудида юридик кучга эга бўлади.
42. Эксперт гувоҳномаси аттестация ўтказилган санадан бошлаб беш йил муддатга берилади.
43. Эксперт гувоҳномаси ушбу Регламентга 6-иловага мувофиқ шаклда расмийлаштирилади ва экспертлар реестрига тегишли ёзув киритилади.
44. Ваколатли орган томонидан экспертлар реестри юритилади ва унда қуйидаги маълумотлар қайд этилади:
эксперт гувоҳномасини олган шахснинг фамилияси, исми, отасининг исми;
шахсини тасдиқловчи (паспорт ёки идентификация ID-картаси) маълумотлари, яшаш манзили ва телефон рақамлари;
иш жойи;
эксперт гувоҳномасининг тоифаси, ҳисобга олиш рақами ва берилган санаси;
аттестация соҳаси тўғрисидаги маълумотлар;
эксперт гувоҳномасининг амал қилишини тўхтатиб туриш, уни тугатиш, бекор қилиш ва қайта расмийлаштириш тўғрисидаги маълумотлар.
Реестр электрон шаклда юритилади.
45. Реестрга киритилган экспертга тааллуқли шахсини тасдиқловчи (паспорт ёки идентификация ID-картаси) маълумотлари ва яшаш манзили каби шахсий маълумотлардан ташқари барча маълумотлар улар билан танишиб чиқиш учун оммабоп бўлиб, ваколатли органнинг расмий веб-сайтида чоп этилади.
46. Марказ эксперт гувоҳномаси олингандан сўнг ўн дақиқа мобайнида уни талабгорнинг электрон манзилига юборади ва талабгорни бу ҳақда ахборот-коммуникация тизими орқали хабардор қилади. Ўзи келиб мурожаат қилган тақдирда, унинг сўровига кўра Марказ талабгорга эксперт гувоҳномасини электрон ёки қоғоз шаклда тақдим этиши мумкин.
6-боб. Апелляцияни кўриб чиқиш
47. Аттестация комиссиясининг қароридан норози бўлган шахслар аттестация ўтказилган кундан бошлаб ўттиз календарь кун ичида ваколатли орган ҳузурида тузиладиган апелляция комиссиясига ёзма равишда апелляция шикояти бериш ҳуқуқига эга.
Апелляция комиссияси таркиби ваколатли орган раҳбари томонидан тасдиқланади.
Апелляция комиссияси берилган апелляцияни етти иш кунида уни берган шахслар иштирокида кўриб чиқади ва қабул қилинган қарор ҳақида икки иш куни ичида уларга ёзма хабар юборади.
48. Апелляцияни кўриб чиқиш натижалари юзасидан апелляция комиссияси томонидан қуйидаги қарорлардан бири қабул қилинади:
аттестация натижаларини (ёзма равишда асосланган хат асосида) ўзгаришсиз қолдириш ва апелляцияни қаноатлантиришни рад этиш тўғрисида;
апелляцияни қаноатлантириш ва талабгорни аттестациядан такроран ўтказиш тўғрисида.
49. Аттестация натижаларини ўзгаришсиз қолдириш ва апелляцияни қаноатлантиришни рад этиш тўғрисидаги қарор қуйидаги ҳолларда қабул қилинади:
апелляция мазкур Регламент талабларини бузган ҳолда тақдим этилган бўлса;
апелляцияда кўрсатилган сабаблар ўз тасдиғини топмаса.
50. Апелляцияни қаноатлантириш ва талабгорни аттестациядан такроран ўтказиш тўғрисидаги қарор апелляция берган талабгорни аттестациядан мазкур Регламент талабларига зид равишда ўтказилганлиги тўғрисида ҳолатлар аниқланган тақдирда қабул қилинади.
51. Апелляция комиссияси томонидан апелляция берган талабгорни аттестациядан такроран ўтказиш тўғрисида қарор қабул қилинган тақдирда, такрорий аттестация умумий тартибда ўтказилади.
52. Талабгор такроран апелляция бериши мумкин эмас.
53. Апелляция комиссиясининг қарори юзасидан қонунчилик ҳужжатларида белгиланган тартибга судга шикоят қилиниши мумкин.
7-боб. Эксперт гувоҳномасини қайта расмийлаштириш тартиби
54. Экспертнинг паспортида (идентификация ID-картаси) кўрсатилган фамилияси, исми, отасининг исми ўзгартирилган ёки паспорти (идентификация ID-картаси) ўзгартирилган тақдирда, эксперт бир ой давомида ваколатли органга эксперт гувоҳномасини қайта расмийлаштириш тўғрисида ушбу маълумотларни тасдиқловчи ҳужжатларни илова қилган ҳолда Марказ ёки ЯИДХП орқали ушбу Регламентга 7-иловага мувофиқ шаклдаги сўровномани топшириши шарт.
55. Эксперт гувоҳномаси сўровнома берилган пайтдан бошлаб беш иш куни мобайнида қайта расмийлаштирилади, бунда тегишли ўзгартиришлар реестрга киритилади.
Давлат хизматини кўрсатиш учун йиғим тўланганлиги ахборот-коммуникация тизимлари орқали тасдиқланади.
Давлат хизматини кўрсатиш учун ЯИДХП орқали мурожаат этилганда йиғим суммасининг 90 фоизи ундирилади.
Йиғимлар ушбу Регламентнинг 17-бандида белгиланган тартибда тақсимланади.
8-боб. Эксперт гувоҳномасининг тоифасини пасайтириш, амал қилишини тўхтатиб туриш, уни тугатиш ва бекор қилиш тартиби
56. Ваколатли орган илгари берилган эксперт гувоҳномасининг тоифасини пасайтириш ёки амал қилишини тўхтатиб туриш, уни тугатиш ва бекор қилиш тартиботи ташаббусини билдиришга ҳақли.
57. Эксперт тоифасини пасайтириш (биринчи тоифадан иккинчи тоифага ўтказиш) учун қуйидагилар асос бўлади:
олти ой муддатдан ортиқ эксперт ташкилотида асосий иш жойи сифатида ишламаслик;
экспертнинг аризаси.
58. Эксперт гувоҳномасининг амал қилишини тўхтатиб туриш учун қуйидагилар асос бўлади:
эксперт ўз фаолиятини амалга оширишда қонунчилик ҳужжатлари ёки норматив-техник ҳужжатлар талабларини бузганда;
экспертнинг аризаси.
Эксперт гувоҳномасининг амал қилиши эксперт гувоҳномасининг амал қилишини тўхтатиб туриш тўғрисида қарор қабул қилинган санадан эътиборан тўхтатиб турилади ҳамда эксперт мақомининг тўхтатиб турилишига сабаб бўлади.
Эксперт гувоҳномасининг амал қилишини тўхтатиб туриш муддати олти ойдан ошиши мумкин эмас. Эксперт гувоҳномасининг амал қилишини тўхтатиб туришга сабаб бўлган ҳолатлар белгиланган муддатда бартараф этилгандан сўнг ваколатли орган эксперт гувоҳномасининг амал қилишини тиклаш тўғрисида қарор қабул қилади.
59. Эксперт гувоҳномасининг амал қилишини тугатиш учун қуйидагилар асос бўлади:
эксперт гувоҳномасининг амал қилиш муддати тугаганда;
эксперт гувоҳномасининг амал қилиши тўхтатиб турилган шахс эксперт гувоҳномасининг амал қилишини тўхтатиб туришга олиб келган ҳолатларни камида олти ой давомида бартараф этмаганда;
эксперт ўз фаолиятини амалга оширишда қонунчилик ҳужжатлари ва (ёки) норматив техник ҳужжатлар талабларини мунтазам ёки бир марта қўпол равишда бузганда;
белгиланган тартибда эксперт муомалага лаёқатсиз ёки муомала лаёқати чекланган деб топилганда;
касбига доир вазифаларини бир йил ичида узрсиз сабабларга кўра бажармаганда;
эксперт вафот этганда ёки суднинг уни вафот этган деб эълон қилиш ҳақидаги қарори қонуний кучга кирганда;
экспертнинг аризаси.
Эксперт гувоҳномасининг амал қилиши эксперт гувоҳномасининг амал қилишини тугатиш тўғрисида қарор қабул қилинган санадан эътиборан тугатилади.
Эксперт гувоҳномасининг амал қилишини тугатиш эксперт мақомининг тугатилишига сабаб бўлади.
60. Эксперт ўз фаолиятини амалга оширишда эксперт гувоҳномасининг амал қилишини тугатиш учун асос бўладиган қонунчилик ҳужжатлари талабларининг бир марта қўпол равишда бузилишига қуйидагилар киради:
эксперт ўз фаолиятини амалга оширишда аттестация соҳасига амал қилмаслиги;
экспертиза хулосасини ва (ёки) саноат хавфсизлиги декларациясини ёлғон ёки нотўғри тузиш;
ўз фаолиятини амалга оширишда олинган махфий ахборотни ошкор қилиш (қонунчилик ҳужжатларида назарда тутилган ҳолатлар бундан мустасно).
61. Эксперт гувоҳномасини бекор қилиш учун қуйидагилар асос бўлади:
эксперт гувоҳномаси сохта ҳужжатлардан фойдаланилган ҳолда олинганлиги аниқланганда;
эксперт гувоҳномасини бериш тўғрисидаги қарорнинг ноқонуний эканлиги аниқланганда.
Эксперт гувоҳномасини бекор қилиш тўғрисидаги қарор эксперт гувоҳномаси берилган санадан эътиборан амал қилади.
Эксперт гувоҳномасини бекор қилиш эксперт мақомининг бекор қилинишига сабаб бўлади.
62. Эксперт гувоҳномасининг амал қилишини тўхтатиб туриш, тугатиш ёки уни бекор қилиш тўғрисидаги қарор ваколатли орган раисининг буйруғи билан расмийлаштирилади.
63. Ваколатли орган эксперт гувоҳномасининг амал қилишини тўхтатиб туриш, тугатиш ёки уни бекор қилиш тўғрисидаги буйруқ қабул қилинган кундан бошлаб уч иш куни муддатида эксперт мақоми тўхтатиб турилган, тугатилган ёки бекор қилинган шахсни ва тегишли эксперт ташкилотини ёзма равишда хабардор қилади.
64. Эксперт норматив-ҳуқуқий ёки норматив-техник ҳужжатлар талабларини бузганлиги учун эксперт гувоҳномасининг амал қилишини тугатиш ҳамда уни бекор қилиш тўғрисида қарор қабул қилинган вақтдан бошлаб бир йил мобайнида аттестацияга қўйилмайди.
65. Ваколатли органнинг эксперт гувоҳномасининг амал қилишини тўхтатиб туриш, тугатиш ёки уни бекор қилиш тўғрисидаги қарори юзасидан қонунчилик ҳужжатларида белгиланган тартибда судга шикоят қилиниши мумкин.
6-боб. Якунловчи қоидалар
66. Марказ ва ваколатли орган ўз фаолиятини амалга ошириши натижасида олинган маълумотларнинг сир сақланишини таъминлайди.
67. Адлия вазирлиги ушбу Регламентнинг талаблари ижроси бўйича давлат органлари ва бошқа ташкилотларнинг фаолиятини доимий назорат қилади ва мониторинг олиб боради.
68. Талабгор давлат органлари ва бошқа ташкилотлар ходимларининг ҳаракатлари (ҳаракатсизлиги) юзасидан қонунчилик ҳужжатларида белгиланган тартибда шикоят қилиши мумкин.
69. Ушбу Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматларини кўрсатиш тўғрисидаги маъмурий регламентга 1-ИЛОВА
Хавфли ишлаб чиқариш объектларини қуриш, кенгайтириш, қайта қуриш, техник жиҳатдан қайта жиҳозлаш, консервациялаш ва тугатишга доир лойиҳа ҳужжатларини саноат хавфсизлиги экспертизасидан ўтказиш
1.1.
Кўмир, кон, руда ва норуда саноати объектлари:
1.1.1.
Шахта
1.1.2.
Кўмир ва руда конлари (ер ости ва ер усти) объектлари
1.1.3.
Бойитувчи, брикетловчи, агломерацияловчи фабрика ва заводлар
1.1.4.
Бойитиш-саралаш ва меъёрлаш қурилмалари
1.1.5.
Шлам тўпловчи гидротехника иншоотлари, чиқиндиларни сақловчи, техник сув ҳавзалари объектлари
1.1.6.
Олтин конлари ва бошқа олтин саралаш фабрикалари
1.1.7.
Олтин саралаш фабрикаси ва заводлари (қурилмалари)
1.1.8.
Конларни техник рекультивация қилиш объектлари
1.1.9.
Фойдали қазилма бойликларини қазиб олиш билан боғлиқ бўлмаган ишлаб чиқариш объектлари
1.1.10.
Махсус ер ости, транспорт ва умумий хўжалик иншоотларини қуриш билан боғлиқ бўлган ишлаб чиқариш объектлари
1.2.
Нефть ва газ саноати объектлари:
1.2.1.
Нефть ва газга қазилган параметрлик, қидирув, излаш, структур ва эксплуатация қудуқлари ҳамда махсус қазилган қудуқлар
1.2.2.
Ер ости газ омборлари
1.2.3.
Нефть, газ ва газ конденсати конларини ишлатиш ва қуриш; нефть, газ ва газ конденсатини қазиб олиш ва тайёрлаш объектлари
1.2.4.
Нефтни, газни ва газ конденсатини конларда ва конлар орасида қувур ўтказгичлари
1.2.5.
Магистрал қувурлар
1.2.6.
Компрессор ва насос станциялари; газ тақсимлаш станциялари
Нефть маҳсулотларини, нефтни ва газ конденсатини сақлаш ва вақтинча сақлаш объектлари
1.2.9.
Автомобилларга ёқилғи қуйиш шохобчалари
1.3.
Кимё, нефть-кимё, нефть ва газни қайта ишлаш саноати ҳамда портлаш-ёниш хавфи мавжуд бўлган кимёвий хавфли ишлаб чиқариш объектлари:
1.3.1.
Ноорганик моддалар, аммиак, минерал ўғитлар ишлаб чиқариш объектлари
1.3.2.
Нефть ва газни қайта ишлаш саноати ишлаб чиқариш ва объектлари
1.3.3.
Органик синтез ишлаб чиқариш объектлари
1.3.4.
Целлюлоза қоғоз ишлаб чиқариш объектлари
1.3.5.
Кимёвий толалар, полимер материаллар, пластмасса ҳамда улардан тайёрланадиган маҳсулотларни ишлаб чиқариш объектлари
1.3.6.
Криоген технологиялар объектлари
1.3.7.
Аммиакли совитиш қурилмалари
1.3.8.
Электролиз усулида водород ва кислород ишлаб чиқариш объектлари
1.3.9.
Лок-бўёқ маҳсулотлари ишлаб чиқариш объектлари
1.3.10.
Спирт ишлаб чиқариш объектлари
1.3.11.
Ёғ-мой ишлаб чиқариш объектлари
1.3.12.
Ҳавони парчалашда ҳосил бўлган маҳсулотларни олиш ва сақлаш объектлари
1.3.13.
Сувни хлор билан қайта ишлаш объектлари
1.3.14.
Портлаш-ёниш хавфи мавжуд бўлган ва кимёвий хавфли маҳсулотларни (моддаларни) қуйиш, тўкиш объектлари
1.4.
Босими 0,07 МПа ёки сувнинг иситиш ҳарорати 115° С дан юқори бўлган жиҳоздан фойдаланиладиган ишлаб чиқариш объектлари:
1.4.1.
Буғ ва сув иситиш қозонлари (ишчи муҳит туридан қатъий назар)
1.4.2.
Босим остида ишловчи идишлар
1.4.3.
Буғ ва иссиқ сув қувур ўтказгичлар
1.5.
Кўчмас асосга ўрнатилган юк кўтариш механизмлари, эскалаторлар, пўлат арқонли осма йўллар, фуникулёрлардан фойдаланиладиган ишлаб чиқариш объектлари:
1.5.1.
Юк кўтариш кранлари ва механизмлари
1.5.2.
Эскалаторлар
1.5.3.
Юк ва йўловчилар учун осма пўлат арқонли йўллар
1.5.4.
Фуникулёрлар
1.6.
Табиий ва суюлтирилган углеводород газлардан фойдаланувчи газ таъминоти (газ тақсимлаш, газ истеъмоли) объектлари:
1.6.1.
Суюлтирилган углеводород газларини сақлаш ва тақсимлаш объектлари
1.6.2.
Автомобилларга суюлтирилган углеводород газ тўлдириш шохобчалари
1.6.3.
Автомобилларга газ тўлдириш компрессор шохобчалари
1.6.4.
Босими 12 kgf/sm2 гача бўлган газ тақсимлаш тизимларининг газ тармоқлари
1.6.5.
Газ истеъмоли тизимларининг газ тармоқлари
1.7.
Металлургия саноати объектлари:
1.7.1.
Қора металлар қуйиш саноати, пўлат ишлаб чиқариш объектлари
1.7.2.
Рангли металлар қуйиш саноати объектлари
1.8.
Ўсимлик хом ашёсини сақлаш ва қайта ишлаш объектлари:
1.8.1.
Қабул қилиш, сақлаш, қуритиш, қайта ишлаш, алоҳида турувчи қабул қилиш ва узатиш ускунаси, қабул қилувчи-тозалаш минораси, алоҳида турувчи дон қуритиш участкалари, элеваторлар, силос типидаги омборлар, қопсиз сақлаш омборлари, солод ишлаб чиқариш объектлари, қайта ишловчи ва тайёрловчи (майдаловчи) бўлимлар, шу жумладан, озиқ-овқат саноати корхоналари
1.8.2.
Ун, ёрма ишлаб чиқариш объектлари
1.8.3.
Омихта ем ишлаб чиқариш объектлари
1.8.4.
Қопсиз қабул қилиш, унни силос ва бункерларда сақлаш, нон, макарон ва қандолат маҳсулотларини ишлаб чиқариш учун унни тортиш ва элаш объектлари
1.8.5.
Ун, ёрма, нон ва макарон ишлаб чиқариш корхоналари учун қопли идишларни тозалаш ва саралаш объектлари
1.8.6.
Жўхорини калибрловчи объектлар
1.8.7.
Уруғлик донларни қайта ишловчи объектлар
1.8.8.
Тамаки маҳсулотларини тайёрлаш объектлари
1.9.
Фойдали қазилма конларини қидириш ва излаш билан боғлиқ геология-разведка объектлари (углеводород хом ашёси бўлмаган)
1.10.
Саноатда қўлланиладиган портловчи моддаларни ишлаб чиқариш, синаш ва сақлаш билан боғлиқ бўлган объектлар
2.
Хавфли ишлаб чиқариш объектларида қўлланиладиган техник қурилмаларни саноат хавфсизлиги экспертизасидан ўтказиш
2.1.
Кўмир, кон, руда ва норуда саноатидаги техник қурилмалар:
2.1.1.
Шахтада қўлланиладиган қурилмалар
2.1.2.
Кўмир ва руда конлари (ер ости ва ер усти) объектларининг қурилмалари
2.1.3.
Бойитувчи, брикетловчи, агломерацияловчи фабрика ва заводларнинг қурилмалари
2.1.4.
Бойитиш-саралаш ва меъёрлаш қурилмалари
2.1.5.
Шлам тўпловчи гидротехника иншоотлари, чиқиндиларни сақловчи ва техник сув ҳавзалари объектларининг қурилмалари
2.1.6.
Олтин конлари ва бошқа олтин саралаш фабрикаларининг қурилмалари
2.1.7.
Олтин саралаш фабрикаси ва заводлари қурилмалари
2.1.8.
Конларни техник рекультивация қилиш қурилмалари
2.1.9.
Фойдали қазилма бойликлари қазиб олиш билан боғлиқ бўлмаган ишлаб чиқариш объектларининг қурилмалари
2.1.10.
Махсус ер ости, транспорт ва умумий хўжалик иншоотларини қуриш билан боғлиқ бўлган ишлаб чиқариш объектларининг қурилмалари
2.2.
Нефть ва газ саноатидаги техник қурилмалар:
2.2.1.
Қудуқларни бурғулашда, таъмирлашда ва ишга туширишда қўлланиладиган қурилмалар
2.2.2.
Нефть ва газ қудуқларини ишлатишда қўлланиладиган қурилмалар
2.2.3.
Қатламдаги босимни ва қатламга ҳамда қудуққа таъсир қилувчи омилларни сақлашда қўлланиладиган қурилмалар
2.2.4.
Нефть ва газни етказиб берувчи станцияларда қўлланиладиган қурилмалар
2.2.5.
Магистрал қувурлар тизимини қуришда, ишлатишда ва таъмирлашда қўлланиладиган қурилмалар
2.2.6.
Газ ва нефть маҳсулотлари қувурлари; кон ва конлараро қувурлар
2.2.7.
Композит ва пўлат қувурлар қисмлари ва қувурлари, шу жумладан, тиқин (запор), меъёрловчи ва ҳимояловчи арматуралар қисмлари
2.2.8.
Нефть, конденсат ва нефть маҳсулотлари учун резервуарлар ва уларнинг қурилмалари
2.2.9.
Компрессор, насос ва газ тақсимлаш станциялари қурилмалари
2.2.10.
Нефть ва газни йиғиш ва тайёрлаш қурилмалари
2.3.
Кимё, нефть-кимё, нефть ва газни қайта ишлаш саноати ҳамда портлаш-ёниш хавфи мавжуд бўлган ва кимёвий хавфли ишлаб чиқариш объектларидаги техник қурилмалар:
2.3.1.
Ноорганик моддалар, аммиак, минерал ўғитлар ишлаб чиқариш объектларининг қурилмалари
2.3.2.
Нефть ва газни қайта ишлаш объектларининг қурилмалари
2.3.3.
Органик синтез ишлаб чиқариш объектларининг қурилмалари
2.3.4.
Целлюлоза қоғоз ишлаб чиқариш объектларининг қурилмалари
2.3.5.
Кимёвий толалар, полимер материаллар, пластмасса ҳамда улардан тайёрланадиган маҳсулотлар ишлаб чиқариш объектларининг қурилмалари
2.3.6.
Криоген технологияси қурилмалари
2.3.7.
Аммиакли совитиш қурилмалари
2.3.8.
Электролиз усулида водород ва кислород ишлаб чиқариш объектларининг қурилмалари
2.3.9.
Лок-бўёқ маҳсулотлари ишлаб чиқариш объектларининг қурилмалари
2.3.10.
Спирт ишлаб чиқариш объектларининг қурилмалари
2.3.11.
Ёғ-мой ишлаб чиқариш объектларининг қурилмалари
2.3.12.
Ҳавони парчалашда ҳосил бўлган маҳсулотларни олиш ва сақлаш объектларининг қурилмалари
2.3.13.
Сувни хлор билан қайта ишлаш объектларининг қурилмалари
2.3.14.
Портлаш-ёниш хавфи мавжуд бўлган ва кимёвий хавфли маҳсулотларни (моддаларни) қуйиш, тўкиш объектларининг қурилмалари
2.4.
Босими 0,07 МПа дан юқори бўлган ёки сувнинг ҳарорати 115° С дан юқори бўлган шароитда ишлайдиган техник қурилмалар:
2.4.1.
Сув иситиш ва буғ қозонлари ҳамда уларнинг қурилмалари
2.4.2.
Босим 0,07 МПа дан юқори бўлган босим остида ишловчи идишлар
2.4.3.
Босим 0,07 МПа дан ва сувнинг ҳарорати 115° С дан юқори бўлган буғ ва иссиқ сув қувурлари
Ўсимлик хом ашёсини сақлаш ва қайта ишлаш объектларининг техник қурилмалари:
2.8.1.
Элеватор омбори қурилмалари
2.8.2.
Ун ишлаб чиқариш корхоналари қурилмалари
2.8.3.
Ёрма ишлаб чиқариш объектларининг қурилмалари
2.8.4.
Омихта ем ишлаб чиқариш объектларининг қурилмалари
2.8.5.
Қопсиз қабул қилиш, унни силос ва бункерларда сақлаш, нон, макарон ва қандолат маҳсулотларини ишлаб чиқариш учун унни тортиш ва элаш объектларининг қурилмалари
2.8.6.
Ўсимлик хом ашёсини қабул қилиш, сақлаш, қуритиш, қайта ишлаш, алоҳида турувчи қабул қилиш ва узатиш ускунаси, қабул қилувчи тозалаш минораси, алоҳида турувчи дон қуритиш участкалари, элеваторлар, силос типидаги омборлар, қопсиз сақлаш омборлари, солод ишлаб чиқариш объектлари, қайта ишловчи ва тайёрловчи (майдаловчи) бўлимлар, шу жумладан, озиқ-овқат саноати корхоналари қурилмалари
2.8.7.
Жўхорини калибрловчи ишлаб чиқариш объектларининг қурилмалари
2.8.8.
Уруғлик донларни қайта ишлайдиган объектларининг қурилмалари
Фойдали қазилма конларини қидириш ва излаш билан боғлиқ геология-разведка объектларидаги техник қурилмалар (углеводород хом ашёси бўлмаган)
2.10.
Саноатга мўлжалланган портловчи моддаларни ишлаб чиқариш, синаш ва сақлашда қўлланиладиган техник қурилмалар
3.
Хавфли ишлаб чиқариш объектидаги бинолар ва иншоотларни саноат хавфсизлиги экспертизасидан ўтказиш
3.1.
Кўмир, кон-руда ва норуда саноатларида:
3.1.1.
Ер усти комплекс бино ва иншоотлар
3.1.2.
Ер ости иншоотлари
3.1.3.
Фойдали қазилма бойликларини қазиб олиш билан боғлиқ бўлмаган ишлаб чиқариш объектларидаги бино ва иншоотлар
3.2.
Нефть ва газ саноати объектларида:
3.2.1.
Қудуқларни қазиш ва таъмирлаш билан боғлиқ бўлган объектлардаги бино ва иншоотлар
3.2.2.
Нефть ва газ қазиб олиш ва уларни тайёрлаш объектларидаги бино ва иншоотлар
3.2.3.
Магистрал қувурлар объектларидаги бино ва иншоотлар
3.2.4.
Нефть маҳсулотларини, конденсат ва нефтни сақлаш ва узатиш объектларидаги бино ва иншоотлар
3.3.
Кимё, нефть-кимё ва нефть ва газни қайта ишлаш саноати ҳамда портлаш-ёниш хавфи мавжуд кимёвий хавфли ишлаб чиқариш объектларидаги бино ва иншоотлар
3.4.
Босими 0,07 МПа дан юқори бўлган ёки сувнинг исиш ҳарорати 115° С дан юқори бўлган қурилмалар жойлашган бино ва иншоотлар
3.5.
Кўчмас асосга ўрнатилган юк кўтариш механизмлари, эскалаторлар, пўлат арқонли осма йўллар, фуникулёрлардан фойдаланиладиган ишлаб чиқариш объектларидаги бино ва иншоотлар
3.6.
Табиий ва суюлтирилган углеводород газларидан фойдаланувчи газ таъминоти (газ тақсимлаш, газ истеъмоли) объектларидаги бино ва иншоотлар
3.6.1.
Газ жиҳозлари ўрнатилган бино ва иншоотлар (қозонхоналар, цехлар)
3.6.2.
Автомобилларга газ (суюлтирилган углеводород газ) тўлдириш шохобчаларининг бино ва иншоотлари
3.7.
Металлургия саноати объектларидаги бино ва иншоотлар
3.8.
Ўсимлик хом ашёсини сақлаш ва қайта ишлаш объектларидаги бино ва иншоотлар
3.9.
Фойдали қазилма конларини қидириш ва излаш билан боғлиқ геология-разведка объектларидаги (углеводород хом ашёси бўлмаган) бино ва иншоотлар
3.10.
Саноатда қўлланиладиган портловчи моддаларни ишлаб чиқариш, синаш ва сақлаш билан боғлиқ бўлган объектлардагибино ва иншоотлар
4.
Саноат хавфсизлиги декларацияси ва хавфли ишлаб чиқариш объектларидан фойдаланиш билан боғлиқ бошқа ҳужжатларни саноат хавфсизлиги экспертизасидан ўтказиш
4.1.
Кўмир, кон, руда ва норуда саноати объектлари:
4.1.1.
Ер усти ишлаб чиқариш объектлари
4.1.2.
Ер ости ишлаб чиқариш объектлари
4.1.3.
Фойдали қазилма бойликларини қазиб олиш билан боғлиқ бўлмаган ишлаб чиқариш объектлари
4.2.
Нефть ва газ саноати объектлари:
4.2.1.
Қудуқларни қазиш ва таъмирлаш билан боғлиқ бўлган объектлар
4.2.2.
Нефть ва газ қазиб олиш ва уларни тайёрлаш объектлари
4.2.3.
Магистрал қувурлар объектлари
4.2.4.
Нефть маҳсулотларини, конденсат ва нефтни сақлаш ва узатиш объектлари
4.3.
Кимё, нефть-кимё, нефть ва газни қайта ишлаш саноати ҳамда портлаш-ёниш хавфи мавжуд бўлган кимёвий хавфли ишлаб чиқариш объектлари
4.4.
Босими 0,07 МПа дан юқори ёки сувнинг ҳарорати 115° С дан юқори бўлган қурилмалардан фойдаланиладиган ишлаб чиқариш объектлари
4.5.
Кўчмас асосга ўрнатилган юк кўтариш механизмлари, эскалаторлар, пўлат арқонли осма йўллар, фуникулёрлардан фойдаланиладиган ишлаб чиқариш объектлари
4.6.
Табиий ва суюлтирилган углеводород газларидан фойдаланувчи газ таъминоти (газ тақсимлаш, газ истеъмоли) объектлари
4.7.
Металлургия саноати объектлари
4.8.
Ўсимлик хом ашёсини сақлаш ва қайта ишлаш объектлари
4.9.
Фойдали қазилма конларини қидириш ва излаш билан боғлиқ геология-разведка объектлари (углеводород хом ашёси бўлмаган)
4.10.
Саноатда қўлланиладиган портловчи моддаларни ишлаб чиқариш, синаш ва сақлаш билан боғлиқ бўлган объектлар
Изоҳ. Эксперт эксперт гувоҳномасида кўрсатилган аттестация соҳаси бўйича хавфли ишлаб чиқариш объектидан фойдаланаётган (фойдаланишни мўлжаллаётган) ташкилот билан тузилган шартномага мувофиқ хавфли ишлаб чиқариш объектларини идентификациялашда ва саноат хавфсизлиги декларацияси ишлаб чиқилишида иштирок этиши мумкин.
Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматларини кўрсатиш тўғрисидаги маъмурий регламентга 2-ИЛОВА
boʻyicha sanoat xavfsizligi sohasidagi ekspertlarni tayyorlash / malaka oshirish oʻquv kursini tamomladi.
Vakolatli shaxs
(F.I.О.)
«KONTEXNAZORATOʻQUV»
davlat muassasasi (vakolatli shaxs)
QR-kod
Toshkent sh.-20____ у.
Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматларини кўрсатиш тўғрисидаги маъмурий регламентга 3-ИЛОВА
Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматларини кўрсатиш
СХЕМАСИ
Босқичлар
Субъектлар
Тадбирлар
Бажариш муддатлари
1-босқич
Талабгор
Эксперт гувоҳномасини олиш учун Давлат хизматлари марказига ўзи келган ҳолда ёки ЯИДХП орқали мурожаат қилади.
2. Тўлдирилган сўровнома автоматик тарзда ваколатли органга юборилади.
2. Реал вақт режимида
3-босқич
Ваколатли орган
1. Ариза тушгандан сўнг аттестацияга қўйиш ёки қўйишни рад этиш мақсадга мувофиқлигини ўрганиб чиқади ва тегишли қарор қабул қилади.
1. Уч иш куни муддатда
2. Аттестацияга қўйилган талабгорлар рўйхатини ваколатли органнинг расмий веб-сайтида жойлаштирилади.
2. Имтиҳон санасидан беш кун олдин
4-босқич
Ваколатли орган
1. Талабгорни иккинчи тоифали эксперт сифатида аттестациядан компьютерда топшириладиган тест синовлари шаклида ўтказади.
Икки ойда камида бир марта
2. Талабгорни биринчи тоифали эксперт сифатида аттестациядан компьютерда топшириладиган тест синовлари ва амалий синов шаклида ўтказади.
5-босқич
Ваколатли орган
Аттестация натижалари тўғрисидаги қарор қабул қилингандан сўнг эксперт гувоҳномасини QR-код (матрик штрихли код) билан расмийлаштиради ҳамда Марказ (ўзи келиб мурожаат этган тақдирда) ёки талабгорга (электрон тарзда мурожаат этган тақдирда) ЯИДХП орқали юборади.
Шу куннинг ўзида (иккинчи тоифали эксперт учун);
Икки кун муддатда (биринчи тоифали эксперт учун)
6-босқич
Давлат хизматлари маркази
1. Эксперт гувоҳномаси олингандан сўнг уни талабгорнинг электрон манзилига юборади ва талабгорни бу ҳақда ахборот-коммуникация тизими орқали хабардор қилади.
1. Ўн дақиқада
2. Талабгор ўзи келиб мурожаат қилганда эксперт гувоҳномасини электрон ёки қоғоз шаклида талабгорга тақдим этади.
2. Талабгорнинг сўровига кўра
Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматларини кўрсатиш тўғрисидаги маъмурий регламентга 4-ИЛОВА
Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматларидан фойдаланиш учун
СЎРОВНОМА
__________________
(санаси)
__________________
(рақами)
1. Ф.И.О.:
2. Паспорт ёки идентификация ID-картаси маълумотлари (серияси ва рақами, жисмоний шахснинг шахсий идентификация рақами, агар мавжуд бўлса):
6. Мобил, иш ва уй телефони, электрон почта манзили (e-mail):
7. Аттестациядан ўтмоқчи бўлган аттестация соҳаси
8. Саноат хавфсизлиги соҳасидаги эксперт гувоҳномасини олиш учун
Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматларини кўрсатиш тўғрисидаги маъмурий регламентга 5-ИЛОВА
Саноат хавфсизлиги соҳасидаги экспертларни қайта аттестациядан ўтказиш ва уларга эксперт гувоҳномасини бериш бўйича давлат хизматларидан фойдаланиш учун
СЎРОВНОМА
__________________
(санаси)
__________________
(рақами)
1. Ф.И.О.:
2. Паспорт ёки идентификация ID-картаси маълумотлари (серияси ва рақами, жисмоний шахснинг шахсий идентификация рақами, агар мавжуд бўлса):
3. Олдинги эксперт гувоҳномаси тўғрисида маълумот (тоифаси, ҳисобга олиш рақами ва берилган санаси):
6. Мобил, иш ва уй телефони, электрон почта манзили (e-mail):
7. Аттестациядан ўтмоқчи бўлган аттестация соҳаси:
8. Эксперт гувоҳномасининг амал қилиш муддатини узайтириш учун
9. Аттестация соҳасини кенгайтириш учун
10. Биринчи тоифали эксперт гувоҳномаси олиш учун
Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматларини кўрсатиш тўғрисидаги маъмурий регламентга 6-ИЛОВА
OʻZBEKISTON RESPUBLIKASI SANOAT XAVFSIZLIGI DAVLAT QOʻMITASI
SANOAT XAVFSIZLIGI
EKSPERTIZASI TIZIMI
___________-sonli
SANOAT XAVFSIZLIGI SOНASIDAGI EKSPERT GUVOXNOMASI
Toshkent sh.
(berilgan vaqti)
Oʻzbekiston Respublikasi Sanoat xavfsizligi davlat qoʻmitasi tomonidan
(familiyasi)
Fotosurat
oʻrni
(ismi)
(otasining ismi)
(Pasport maʼlumotlari: _______________________________________________) sanoat xavfsizligi sohasidagi __ toifali ekspert sifatida quyidagi attestatsiya sohasi boʻyicha attestatsiyadan oʻtkazildi:
Attestatsiya sohasi
Attestatsiya sohasi kodlari
xavfli ishlab chiqarish obyektlarini qurish, kengaytirish, qayta qurish, texnik jihatdan qayta jihozlash, konservatsiyalash va tugatishga doir loyiha hujjatlarini sanoat xavfsizligi ekspertizasidan oʻtkazish
xavfli ishlab chiqarish obyektlarida qoʻllaniladigan texnik qurilmalarni sanoat xavfsizligi ekspertizasidan oʻtkazish
xavfli ishlab chiqarish obyektidagi binolar va inshootlarni sanoat xavfsizligi ekspertizasidan oʻtkazish
sanoat xavfsizligi deklaratsiyasi va xavfli ishlab chiqarish obyektlaridan foydalanish bilan bogʻliq boshqa hujjatlarni sanoat xavfsizligi ekspertizasidan oʻtkazish
Vakolatli shaxs
(F.I.О.)
Oʻzbekiston Respublikasi
Sanoat xavfsizligi davlat qoʻmitasi
(vakolatli shaxs)
QR-kod
Саноат хавфсизлиги соҳасидаги экспертларни аттестациядан ўтказиш ва уларга эксперт гувоҳномасини бериш бўйича давлат хизматларини кўрсатиш тўғрисидаги маъмурий регламентга 7-ИЛОВА
Саноат хавфсизлиги соҳасидаги эксперт гувоҳномасини қайта расмийлаштириш учун
СЎРОВНОМА
__________________
(санаси)
__________________
(рақами)
1. Ф.И.О.:
2. Паспорт ёки идентификация ID-картаси маълумотлари (серияси ва рақами, жисмоний шахснинг шахсий идентификация рақами, агар мавжуд бўлса):
3. Олдинги эксперт гувоҳномаси тўғрисида маълумот (тоифаси, ҳисобга олиш рақами ва берилган санаси):
4. Манзили:
5. Мобил, иш ва уй телефони, электрон почта манзили (e-mail):
6. Эксперт гувоҳномасини қайта расмийлаштириш учун
Вазирлар Маҳкамасининг 2022 йил 29 сентябрдаги 550-сон қарорига 2-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2008 йил 10 декабрдаги «Хавфли ишлаб чиқариш объектларининг саноат хавфсизлиги тўғрисида»ги Ўзбекистон Республикаси Қонунини амалга оширишга доир қўшимча чора-тадбирлар ҳақида»ги 271-сон қарорида:
«5. Мажбурий декларацияланиши керак бўлган хавфли ишлаб чиқариш объектларини идентификациялаш саноат хавфсизлиги экспертизасини ўтказиш юзасидан аккредитацияга эга бўлган эксперт ташкилоти томонидан амалга оширилади».
2. Вазирлар Маҳкамасининг 2018 йил 2 октябрдаги 784-сон қарори билан тасдиқланган Саноат хавфсизлигини экспертизадан ўтказиш ва экспертиза хулосасини бериш тартиби тўғрисидаги низомда:
а) 23-банд қуйидаги мазмундаги иккинчи хатбоши билан тўлдирилсин:
«Бунда етакчи эксперт сифатида аттестация соҳаси экспертиза объектига мос келадиган биринчи тоифали эксперт тайинланади (агар мавжуд бўлса)»;
б) рус тилида қабул қилинган 8-илова қуйидаги мазмундаги 5-позиция билан тўлдирилсин:
