Ўзбекистон Республикаси Марказий сайлов комиссиясининг

Қарор

Референдум участкалари ҳамда референдум ўтказувчи участка комиссиялари тўғрисидаги низомни тасдиқлаш ҳақида

«Ўзбекистон Республикасининг референдуми тўғрисида»ги Қонуннинг 18-моддасига мувофиқ, Ўзбекистон Республикаси Марказий сайлов комиссияси қарор қилади:

1. Референдум участкалари ҳамда референдум ўтказувчи участка комиссиялари тўғрисидаги низом иловага мувофиқ тасдиқлансин.

2. Мазкур қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.

3. Мазкур қарорнинг ижросини назорат қилиш Ўзбекистон Республикаси Марказий сайлов комиссияси раисининг ўринбосари Б. Кучкаров зиммасига юклансин.

Раис З. НИЗАМХОДЖАЕВ

Тошкент ш.,

2022 йил 28 июнь,

1172-сон

Ўзбекистон Республикаси Марказий сайлов комиссиясининг 2022 йил 28 июндаги 1172-сон қарорига
ИЛОВА

Референдум участкалари ҳамда референдум ўтказувчи участка комиссиялари тўғрисидаги

НИЗОМ

Мазкур Низом «Ўзбекистон Республикасининг референдуми тўғрисида»ги Қонунга мувофиқ референдум участкаларини тузиш, референдумни ўтказувчи участка комиссияларининг (бундан буён матнда участка комиссиялари деб юритилади) таркибини тасдиқлаш ва участка комиссиялари фаолиятининг тартибини белгилайди.

I боб. Умумий қоидалар

1. Референдум участкалари туманлар, шаҳарлар ҳокимларининг тақдимномасига биноан референдум ўтказувчи округ комиссиялари (бундан буён матнда округ комиссиялари деб юритилади) томонидан тузилади.

Ҳарбий қисмларда референдум участкалари қисмлар ёки ҳарбий қўшилмалар командирларининг тақдимномасига биноан округ комиссиялари томонидан тузилади.

Ўзбекистон Республикасининг хорижий давлатлардаги дипломатик ва бошқа ваколатхоналари ҳузурида референдум участкаларини тузиш, участка комиссияларини шакллантириш тартиби ва уларнинг бошқа ўзига хос хусусиятлари Марказий сайлов комиссияси томонидан тасдиқланадиган алоҳида низом билан белгиланади.

2. Референдум участкалари референдум тайинлаш тўғрисидаги қарор эълон қилинганидан кейин ўн беш кундан кечикмай тузилади.

Ҳарбий қисмларда, олис ва бориш қийин бўлган ерларда, қамоқда сақлаш ва озодликдан маҳрум этиш жойларида ҳам референдум участкалари ана шу муддатда, айрим ҳолларда эса истисно тариқасида референдум ўтказишга камида беш кун қолганда тузилади.

3. Референдум участкалари референдумда иштирок этиш ҳуқуқига эга бўлган фуқароларнинг, қоида тариқасида, камида йигирма ва кўпи билан уч минг нафаридан иборат этиб тузилади.

4. Участка комиссияси округ комиссияси томонидан референдум тайинлаш тўғрисидаги қарор эълон қилинганидан кейин йигирма беш кундан кечикмай беш — ўн тўққиз нафар аъзодан, шу жумладан раис, раис ўринбосари ва котибдан иборат таркибда тузилади.

Участка комиссияси таркибининг сони зарур ҳолларда кўпайтирилиши ёки камайтирилиши мумкин.

II боб. Участка комиссияси аъзоларига қўйиладиган талаблар

5. Йигирма бир ёшга тўлган, ўрта ёки олий маълумотга, қоида тариқасида, сайлов ва референдумга тайёргарлик кўриш ва уни ўтказиш борасида иш тажрибасига эга бўлган, аҳоли ўртасида обрў-эътибор қозонган фуқаролар участка комиссиясининг аъзолари бўлиши мумкин.

Референдум ўтказувчи бошқа комиссияларнинг аъзолари, сиёсий партияларнинг аъзолари, вилоят, туман ва шаҳар ҳокимлари, прокуратура органларининг, судларнинг мансабдор шахслари, фуқароларнинг ташаббускор гуруҳи таркибига кирувчи шахслар участка комиссиясининг аъзоси бўлиши мумкин эмас.

6. Участка комиссияси аъзоларининг ярмидан кўпи битта ташкилотдан тавсия этилиши мумкин эмас, бундан Ўзбекистон Республикасининг хорижий давлатлардаги дипломатик ва бошқа ваколатхоналари ҳузурида, ҳарбий қисмларда, санаторийларда, дам олиш уйларида, касалхоналарда, бошқа стационар даволаш муассасаларида, қамоқда сақлаш ва озодликдан маҳрум қилиш жойларида ташкил этилган участка комиссиялари мустасно.

Участка комиссияси аъзоларининг қолган ярмини шакллантиришда қуйидаги захиралардан фойдаланиш тавсия этилади:

сайлов ва референдумга тайёргарлик кўриш ва уни ўтказиш борасида иш тажрибасига эга, аҳоли ўртасида обрў-эътибор қозонган фуқаролар;

нодавлат нотижорат ташкилотлари ва фуқаролик жамиятининг бошқа институтлари вакиллари;

ҳуқуқий билим ва малакага эга шахслар (юрисконсультлар, адвокатлар ва ҳ.к.);

хорижий тилларни биладиган мутахассислар.

7. Сайлов жараёнини бошқариш ахборот тизими (бундан буён матнда СЖБАТ деб юритилади) ва Сайловчиларнинг ягона электрон рўйхати (бундан буён матнда СЯЭР деб юритилади) компьютер дастурлари билан ишлаш учун ҳар бир участка комиссияси таркибида ахборот коммуникация технологиялари соҳаларида билим ва амалий кўникмага эга камида икки нафар шахс (асосий ва захира) бўлиши тавсия этилади.

8. Участка комиссиялари таркибида, шу жумладан раҳбарлик лавозимларида аёл ва эркакларнинг тенг вакиллигини таъминлашга, шунингдек, ногиронлиги бўлган ижтимоий фаол фуқароларни таркибга киритилишига эътибор қаратилиши керак.

III боб. Участка комиссияси аъзолигига номзодларни тавсия қилиш

9. Референдумни тайинлаш тўғрисидаги қарор эълон қилинганидан кейин фуқароларнинг ўзини ўзи бошқариш органлари, жамоат бирлашмалари, корхоналар, муассасалар ва ташкилотлар ўз ташаббусига кўра ёки халқ депутатлари туман, шаҳар Кенгашларининг таклифларига асосан участка комиссияси аъзолигига номзодлар захирасини шакллантиради.

Ҳарбий қисмлар, санаторийлар ва дам олиш уйлари, касалхоналар ҳамда бошқа стационар даволаш муассасалари раҳбарлари томонидан участка комиссияси аъзолигига номзодлар мазкур ташкилот ходимлари орасидан референдум тайинлаш тўғрисидаги қарор эълон қилинганидан кейин йигирма кундан кечикмай округ комиссиясига тасдиқлаш учун тавсия этилади.

10. Референдум участкалари тузилганидан кейин:

фуқароларнинг ўзини ўзи бошқариш органлари томонидан — фуқаролар йиғинида ёки фуқаролар вакилларининг йиғилишида ёхуд фуқаролар йиғини мажлисида;

жамоат бирлашмалари, корхоналар, муассасалар ва ташкилотлар томонидан — меҳнат жамоалари йиғилишида участка комиссияси аъзолигига номзодлар захираси муҳокама қилинади ҳамда йиғилиш (мажлис) натижаси баён билан расмийлаштирилиб, халқ депутатлари туман, шаҳар Кенгашларига кўриб чиқиш учун таклиф қилинади.

11. Халқ депутатлари туман, шаҳар Кенгашлари референдум тайинлаш тўғрисидаги қарор эълон қилинганидан кейин йигирма кундан кечикмай фуқароларнинг ўзини ўзи бошқариш органлари, жамоат бирлашмалари, корхоналар, муассасалар ва ташкилотлар томонидан билдирилган таклифларни ўз мажлисларида регламентда белгиланган тартибда муҳокама этади.

Муҳокама натижаларига кўра участка комиссияси аъзолигига номзодларни тавсия этиш тўғрисида қарор қабул қилади ва номзодларнинг тузилган рўйхати ўша куннинг ўзида тегишли округ комиссиясига тасдиқлаш учун киритилади.

12. Ҳарбий қисмларда, шунингдек олис ва бориш қийин бўлган ҳудудлардаги фуқаролар турган жойларда, қамоқда сақлаш ва озодликдан маҳрум этиш жойларида референдум участкалари референдумга камида 5 кун қолганда тузилса, округ комиссияларига референдум участкаларини тузиш тўғрисида тақдимнома билан бирга участка комиссияси аъзолигига номзодларни тавсия этиш тўғрисидаги қарор ҳам тақдим қилинади.

13. Участка комиссиясининг таркиби тегишли округ комиссиясининг қарори билан тасдиқланади.

14. Участка комиссиясининг таркибини тасдиқлаш тўғрисидаги округ комиссиясининг қарори маҳаллий давлат ҳокимияти органларининг расмий веб-сайтларида ва бошқа манбаларда эълон қилинади.

IV боб. Участка комиссияси таркибидан чиқариш ёки таркибини ўзгартириш

15. Қуйидаги ҳолларда участка комиссияси аъзоси ўз аризасига ёки уни комиссия аъзоси этиб тасдиқлаган органнинг қарорига кўра комиссия таркибидан чиқарилади:

референдум ўтказувчи бошқа комиссия таркибига сайланганда;

сиёсий партияга аъзо бўлганда;

вилоят, туман, шаҳар ҳокими этиб тайинланганда (тасдиқланганда);

прокуратура ёки судга масъул лавозимга тайинланганда (сайланганда).

Участка комиссияси аъзоси ўз хоҳишига биноан берган аризасига кўра бошқа ҳолларда ҳам уни комиссия аъзоси этиб тасдиқлаган органнинг қарори билан комиссия таркибидан чиқарилиши мумкин.

16. Участка комиссияси аъзоси «Ўзбекистон Республикасининг референдуми тўғрисида»ги Қонун талабларини бузган ёки зиммасидаги мажбуриятларига мунтазам равишда эътиборсизлик қилган тақдирда, у комиссия аъзоси этиб тасдиқлаган органнинг қарори билан ваколатларидан маҳрум этилиши мумкин.

Бунда комиссия аъзосининг «Ўзбекистон Республикасининг референдуми тўғрисида»ги Қонун талабларини бузганлиги ёки зиммасидаги мажбуриятларга мунтазам равишда эътиборсизлик қилганлигига оид ҳолат у аъзо бўлган комиссиянинг далолатномаси билан расмийлаштирилади.

17. Участка комиссияси аъзоси комиссия таркибидан чиқарилган ёки комиссия аъзоларининг сони кўпайтирилган ҳолларда комиссиянинг янги аъзоси мазкур Низомда белгиланган тартибда тасдиқланади.

V боб. Участка комиссияси фаолиятини ташкил этиш

18. Участка комиссиясининг раиси, раис ўринбосари, котиби ёки бошқа аъзоларидан бири комиссиянинг қарорига биноан референдумга тайёргарлик кўриш ва уни ўтказиш даврида ишлаб чиқариш ёки хизмат вазифаларини бажаришдан озод қилиниши мумкин.

19. Участка комиссияси аъзоси ўз ваколат муддати тугагунига қадар референдум даврида иш берувчининг ташаббуси билан ишдан бўшатилиши ёки унинг розилигисиз бошқа ишга ўтказилиши мумкин эмас.

20. Участка комиссияси раиси, раис ўринбосари, котиби ва аъзоларига тегишинча мазкур Низомнинг 1, 2, 3 ёки 4-иловасига мувофиқ шаклдаги гувоҳнома берилади.

Участка комиссияси раисининг гувоҳномаси округ комиссияси раиси томонидан имзоланади ва округ комиссиясининг муҳри билан тасдиқланади.

Участка комиссияси раисининг ўринбосари, комиссия котиби ва аъзоларининг гувоҳномалари участка комиссияси раиси томонидан имзоланади ва участка комиссиясининг муҳри билан тасдиқланади.

21. Участка комиссияси ўз фаолиятини қонунийлик, коллегиаллик, ошкоралик ва адолатлилик принциплари асосида амалга оширади.

22. Участка комиссияси ишининг ташкилий шакли унинг заруратга қараб ўтказиладиган мажлиси ҳисобланади.

Участка комиссиясининг мажлиси, агар унда мажлис ўтказилаётган кундаги комиссия аъзолари умумий сонининг камида учдан икки қисми иштирок этаётган бўлса, ваколатли ҳисобланади.

23. Участка комиссиясининг мажлиси раиснинг ташаббусига кўра ёки комиссия аъзолари умумий таркибининг камида учдан бир қисми талабига биноан чақирилиши мумкин.

24. Участка комиссиясининг қарори очиқ овоз бериш йўли орқали комиссия аъзолари умумий сонининг кўпчилик овози билан қабул қилинади. Овозлар тенг бўлиб қолган тақдирда, раислик қилувчининг овози ҳал қилувчи ҳисобланади.

25. Участка комиссияси ўз фаолиятини очиқ ва ошкора амалга оширади.

Мажлисда кун тартиби, унда иштирок этаётган комиссия аъзоларининг исми, фамилияси, отасининг исми, кўрилган ҳар бир масала бўйича овоз бериш натижалари, қабул қилинган қарор акс этган баённома юритилади.

Баённома раислик қилувчи ва котиб томонидан имзоланади. Баённомага мажлисда қабул қилинган қарор, хулосалар ва бошқа ҳужжатлар, шунингдек комиссия аъзоларининг у ёки бу масала юзасидан алоҳида фикрлари ёзма шаклда илова қилинади.

26. Участка комиссиясининг мажлисларида юқори турувчи комиссия аъзолари, сиёсий партиялардан, фуқароларнинг ўзини ўзи бошқариш органларидан, фуқаролар ташаббускор гуруҳларидан кузатувчилар (бундан буён матнда маҳаллий кузатувчилар деб юритилади), оммавий ахборот воситаларининг вакиллари, бошқа давлатлар ва халқаро ташкилотлардан кузатувчилар иштирок этиши мумкин.

Мажлисларга маҳаллий давлат ҳокимияти органлари, жамоат бирлашмалари вакиллари ва бошқалар таклиф этилиши мумкин.

27. Участка комиссиясининг референдумга тайёргарлик кўриш ҳамда уни ўтказишга доир барча тадбирларида, шунингдек референдум куни овоз бериш хоналарида ва овозларни санаб чиқишда маҳаллий кузатувчилар, оммавий ахборот воситаларининг вакиллари, бошқа давлатлар ва халқаро ташкилотлардан кузатувчилар иштирок этиш ҳуқуқига эга.

Уларнинг ваколатлари тегишли ҳужжатлар билан тасдиқланган бўлиши керак.

VI боб. Участка комиссиясининг ваколатлари

28. Участка комиссияси:

референдум участкаси бўйича овоз берувчи фуқароларнинг рўйхатини СЯЭР асосида тузади;

фуқароларни овоз берувчи фуқаролар рўйхати билан таништиради, рўйхатда йўл қўйилган хатолар ва ноаниқликлар тўғрисидаги аризаларни қабул қилади ҳамда кўриб чиқади ва рўйхатга тегишли ўзгартиришлар киритиш тўғрисидаги масалани ҳал этади;

участка комиссияси овоз берувчи фуқароларни рўйхат билан танишиб чиқиш жойи ва вақти тўғрисида хабардор қилади;

референдум куни ўз яшаш жойида бўлиш ва овоз беришда иштирок этиш имкониятига эга бўлмаган ва муддатидан олдин овоз берган овоз берувчи фуқаролардан тўлдирилган овоз бериш бюллетенларини (бундан буён матнда бюллетен деб юритилади) ёпиқ конвертларда қабул қилиб олади;

аҳолини референдум куни ва овоз бериш жойи тўғрисида хабардор этади;

бинонинг яширин овоз бериш кабиналари ёки хоналари, овоз бериш қутилари, шунингдек бошқа жиҳозлар билан мазкур Низомнинг 5, 6 ва 7-иловаларига мувофиқ тайёрлаб қўйилишини таъминлайди;

референдум куни участкада овоз беришни ташкил этади;

соғлиғининг ҳолатига ёки бошқа сабабларга кўра овоз бериш биносига кела олмаган овоз берувчи фуқароларнинг илтимосига биноан улар турган жойда овоз беришни ташкил этади;

овозларни санаб чиқади;

овоз берувчи фуқароларнинг ва референдум бошқа иштирокчиларининг мурожаатларини кўриб чиқади ҳамда улар юзасидан қарорлар қабул қилади.

«Ўзбекистон Республикасининг референдуми тўғрисида»ги Қонунга мувофиқ бошқа ваколатларни амалга оширади.

29. Участка комиссияси раиси:

участка комиссияси фаолиятига раҳбарлик қилади;

участка комиссияси мажлисларини чақиради, уларда раислик қилади ва уни ўтказиш тартибини белгилайди;

комиссия аъзолари ўртасида вазифаларни тақсимлайди;

давлат органлари, халқаро ташкилотлар, жамоат бирлашмалари билан муносабатларда участка комиссияси номидан иштирок этади;

участка комиссияси жойлашган бино ва овоз бериш хонасининг жиҳозланишини ташкил этади;

участка комиссиясининг қарорларини, участка комиссияси раисининг ўринбосари, комиссия котиби ва аъзоларининг гувоҳномаларини ҳамда бошқа ҳужжатларни имзолайди;

жисмоний ва юридик шахслардан келиб тушган мурожаатларни комиссия аъзолари ўртасида кўриб чиқиш учун тақсимлайди;

овоз берувчи фуқаролар рўйхатига киритилганлар тўғрисидаги маълумотларнинг тўғрилигини текшириш учун участка комиссияси аъзоларининг уйма-уй айланиб чиқишини ташкиллаштиради ва мувофиқлаштириб боради.

участка комиссияси аъзоларининг овоз бериш кунидаги вазифаларини белгилайди;

маҳаллий кузатувчилар, оммавий ахборот воситаларининг вакиллари, бошқа давлатлар ва халқаро ташкилотлар кузатувчилари билан комиссия номидан иш олиб боради;

референдумга тайёргарлик кўриш ва уни ўтказиш жараёнидаги ҳуқуқбузарликлар аниқланган тақдирда, бу ҳақида округ комиссиясини ёки ҳуқуқни муҳофаза қилувчи органларни хабардор қилади;

референдум якунлари эълон қилинганидан сўнг комиссия фаолиятига оид ҳужжатларни тегишлилиги бўйича шаҳар ва туман давлат архивига ҳамда шаҳар ва туман ҳокимликларига топширади;

«Ўзбекистон Республикасининг референдуми тўғрисида»ги Қонунга ҳамда мазкур Низомга мувофиқ бошқа ваколатларни амалга оширади.

Участка комиссияси раиси ўз ваколатларини бажара олмаган, шунингдек участка комиссияси раиси бўлмаган тақдирда, унинг ваколатлари раис ўринбосари ёки участка комиссияси қарори билан комиссия аъзоларидан бирининг зиммасига юклатилади.

30. Участка комиссияси раисининг ўринбосари:

комиссия аъзоларининг фаолиятини мувофиқлаштириб боради;

участка комиссияси аъзоларининг малакасини ошириш ва уларнинг фаолиятини услубий жиҳатдан таъминлашни ташкил этади;

оммавий ахборот воситалари вакиллари билан алоқалар ўрнатади, уларда комиссия фаолиятини ҳар томонлама ёритилишини ташкиллаштиради;

маҳаллий кузатувчилар, оммавий ахборот воситаларининг вакиллари, бошқа давлатлар ва халқаро ташкилотлардан кузатувчиларни тегишли референдум ўтказувчи комиссия томонидан берилган ҳужжатлар асосида рўйхатга олишни ташкиллаштиради;

жисмоний ва юридик шахсларни, шунингдек уларнинг вакилларини қабул қилади ва уларнинг мурожаатларини белгиланган тартибда кўриб чиқишни ташкил этади;

участка комиссияси аъзоларини жалб этган ҳолда комиссия қарорлари ижросини таъминлайди;

участка комиссияси раисининг топшириқларини бажаради;

ўз ваколатлари доирасида участка комиссиясининг бошқа аъзоларига топшириқлар беради;

Участка комиссияси раисининг ўринбосари ўз ваколатларини бажара олмаган, шунингдек у бўлмаган тақдирда, унинг ваколатлари комиссия котиби ёки участка комиссияси қарори билан комиссия аъзоларидан бирининг зиммасига юклатилади.

31. Участка комиссияси котиби:

участка комиссияси мажлисларини ташкиллаштиради, муҳокама этиладиган масалалар бўйича қарор ва бошқа ҳужжатлар лойиҳаларини тайёрлайди;

участка комиссияси аъзоларини комиссия мажлиси ўтказилиши вақти ва жойи ҳақида хабардор қилади;

участка комиссияси раиси ва раис ўринбосари топшириқларини бажаради;

участка комиссиясининг фаолиятига тааллуқли иш ҳужжатларини номенклатура асосида юритади;

округ комиссияси котибидан СЖБАТга кириш учун тегишли маълумотларни олади;

овоз берувчи фуқароларнинг рўйхатини СЯЭРдан юклаб олади ва комиссия раисига тақдим этади;

32. Участка комиссиясининг аъзоси:

участка комиссияси раиси томонидан тақсимланган тақсимотга асосан ўзига юклатилган вазифаларни ҳамда раис ва унинг ўринбосари топшириқларини ўз вақтида, сифатли бажаради;

участка комиссияси мажлисларида қатнашади;

кўриб чиқиш ўзига юклатилган жисмоний ва юридик шахсларнинг мурожаатларини белгиланган муддатларда кўриб чиқилишини таъминлайди;

участка комиссияси раиси томонидан овоз бериш кунидаги белгиланган вазифаларнинг ўз вақтида ва сифатли бажарилишини таъминлайди;

референдумга тайёргарлик кўриш ва уни ўтказиш жараёнидаги ҳуқуқбузарликлар аниқланган тақдирда, улар тўғрисида дарҳол раис ёки раис ўринбосарини хабардор қилади;

овоз берувчи фуқаронинг шахсини тасдиқловчи ҳужжати асосида унинг овоз берувчи фуқаролар рўйхатидаги маълумотларини текширади, унга овоз бериш учун овоз бериш бюллетенини имзо қўйдириб топширади;

кузатувчиларга ва оммавий ахборот воситалари вакилларига овоз бериш жараёнини кузатиш учун шарт-шароитлар яратади.

33. Участка комиссиясининг аъзоси қуйидаги ҳуқуқларга эга:

комиссия мажлислари ҳақида олдиндан хабардор бўлиш;

комиссия мажлисларида иштирок этиш;

комиссия ваколатига киритилган масалалар юзасидан таклиф киритиш ва мазкур масала бўйича овоз бериш ўтказилишини талаб қилиш;

комиссиянинг референдумга оид ҳужжатлари билан танишиш ҳамда бу ҳужжатларнинг нусхаларини олиш;

комиссия мажлисида муҳокама этилган масалалар юзасидан овоз бериш ва унинг қарорларини қонунда белгиланган тартибда имзолаш.

34. Давлат органлари ва жамоат бирлашмалари, корхоналар, муассасалар, ташкилотлар, мансабдор шахслар участка комиссияларига ўз ваколатларини амалга оширишида кўмаклашиши, уларнинг иши учун зарур маълумотларни тақдим этиши шарт.

35. Участка комиссияси референдумга тайёргарлик кўриш ва уни ўтказиш билан боғлиқ масалалар юзасидан давлат органларига ҳамда жамоат бирлашмаларининг органларига, корхоналарга, муассасаларга, ташкилотларга, мансабдор шахсларга мурожаат қилиш ҳуқуқига эга, улар қўйилган масалани кўпи билан уч кунлик муддатда кўриб чиқиши ва участка комиссиясига жавоб қайтариши шарт.

36. Участка комиссиясининг ўз ваколатлари доирасида қабул қилган қарори барча давлат органлари, сиёсий партиялар ва бошқа жамоат бирлашмалари, меҳнат жамоалари ва ҳарбий қисмлар, корхоналарнинг, муассасаларнинг ва ташкилотларнинг раҳбарлари ижро этиши учун мажбурийдир.

37. Участка комиссияси мазкур Низомнинг 8-иловасига мувофиқ шаклдаги муҳрга эга бўлади.

VII боб. Участка комиссияси ишини режалаштириш ва ташкил қилиш

38. Участка комиссияси округ комиссияси томонидан тасдиқланганидан сўнг қуйидаги тадбирларни амалга оширади:

бир кунлик муддатда участка комиссиясининг биринчи ташкилий мажлисида қуйидаги масалаларни кўриб чиқади:

участка комиссиясининг референдумга тайёргарлик кўриш ва уни ўтказишга доир иш режасини тасдиқлаш;

участка комиссияси аъзолари ўртасида вазифаларни тақсимлаш;

участка комиссияси аъзолари томонидан фуқароларнинг ҳар кунлик қабулини ташкил этиш;

участка комиссияси аъзоларининг навбатчилигини ташкил қилиш;

участка комиссиясининг иш ҳужжатлари номенклатурасини ишлаб чиқиш, тасдиқлаш ва амалда қўллаш тўғрисида қарор қабул қилиш.

39. Участка комиссияси жойлашган бинони белгиланган тартибда жиҳозлашга зарур бўлган ташкилий ишларни амалга оширади.

40. Овоз берувчи фуқароларни участка комиссиясининг телефон рақами, иш вақти ва овоз бериш жойи ҳақида хабардор қилади.

41. Овоз берувчи фуқаролар рўйхатларининг тузилишини ва уларнинг референдумга камида ўн кун қолганида ҳамма танишиб чиқиши учун тақдим этилишини таъминлайди. Ушбу рўйхатда фақат овоз берувчи фуқароларнинг фамилияси, исми, отасининг исми ва туғилган йили кўрсатилади.

Санаторийлар ва дам олиш уйларида, касалхоналар ва бошқа стационар даволаш муассасаларида, олис ва бориш қийин бўлган ерларда, қамоқда сақлаш ва озодликдан маҳрум этиш жойларида тузилган участкаларда эса овоз берувчи фуқароларнинг рўйхатлари овоз бериш кунига етти кун қолганида ҳамма танишиши учун тақдим қилади. Ушбу рўйхатда фақат овоз берувчи фуқароларнинг фамилияси, исми, отасининг исми ва туғилган йили кўрсатилади.

42. Референдум участкаси ҳудудида яшовчи биринчи марта овоз берувчи, бемор, ёши улуғ ҳамда имконияти чекланган, ногиронлиги бўлган овоз берувчи фуқаролар рўйхатини шакллантиради.

43. Округ комиссияларидан далолатнома асосида бюллетенларни ҳамда Брайль алифбоси асосида тайёрланган трафаретни қабул қилиб олади ва уларнинг сақланишини таъминлайди.

44. Овоз берувчи фуқароларни овоз бериш куни, вақти ва жойи тўғрисида референдумдан камида ўн кун олдин хабардор қилади.

45. Округ комиссиясидан олинган бюллетенларни икки нафар участка комиссияси аъзосининг имзоси ва комиссия муҳри билан тасдиқлайди ҳамда уларнинг сақланишини таъминлайди.

VIII боб. Участка комиссияси жойлашган бино ва овоз бериш хоналарини жиҳозлаш

46. Референдум участкаларида овоз беришни ташкил этиш ва уни ўтказиш учун зарур бўлган бинолар ва жиҳозларни давлат органлари, корхоналар, муассасалар, ташкилотлар участка комиссиялари ихтиёрига бепул бериб турадилар.

Лозим бўлган даражада жиҳозланган овоз бериш хоналари туман ва шаҳар ҳокимликлари томонидан участка комиссияларига референдум ўтказиладиган кундан камида ўн бир кун олдин тақдим этилиши керак.

47. Участка комиссиялари жойлашган бинолар ўрнатилган тарзда жиҳозланиши ва қуйидагиларга эга бўлиши керак:

Ўзбекистон Республикасининг Давлат байроғи (бинонинг устида ва ичида);

Ўзбекистон Республикасининг Давлат герби (бинонинг ичида);

референдум участкасининг тартиб рақами кўрсатилган пешлавҳа;

ёруғ ва кенг овоз бериш хонаси;

қулфланадиган сейф ёки металл шкаф;

ёзув анжомлари билан таъминланган яширин овоз бериш кабиналари (1000 нафаргача овоз берувчи фуқаро учун камида 2 та, 2000 нафаргача овоз берувчи фуқаро учун камида 3 та, 3000 нафаргача овоз берувчи фуқаро учун камида 4 та);

жисмоний имконияти чекланган шахслар учун мўлжалланган яширин овоз бериш кабиналари;

стационар овоз бериш қутиси;

кўчма овоз бериш қутиси;

пластмассали пломбалар (умумий 7 дона, шундан, 3 таси стационар овоз бериш қутиси учун, 1 таси кўчма овоз бериш қутиси учун, 1 таси қоп учун, 2 таси захира учун);

участка комиссиясининг муҳри;

зарур мебеллар, оргтехника воситалари (компьютер, принтер, сканер, нусха кўчирувчи ускуна, UPS), телефон, телевизор;

иккитадан кам бўлмаган СЖБАТ талабларига жавоб берувчи компьютер ва уларга керакли бўлган мосламалар (UPS, принтер, сканер ва бошқалар) ҳамда узлуксиз Интернет алоқаси;

кузатувчилар учун алоҳида жойлар;

ёнғинга қарши воситалар.

Участка комиссияси жойлашган бино ва унга олиб борувчи йўлаклар озода ва таъмирланган, ёритиш мосламалари ўрнатилган бўлиши керак.

Олдинги таҳрирга қаранг.

Овоз бериш биносида ёки бевосита унинг олдида участка комиссияси стенд жиҳозлайди, унга овоз бериш бюллетенининг намунаси ва уни тўлдириш тартиби жойлаштирилади, агар референдумга қонун лойиҳаси қўйилган бўлса, стендга шу лойиҳанинг матни ҳам жойлаштирилади. Агар референдумга қўйилган қонун лойиҳаси амалдаги қонуннинг бекор қилинишини ёки унга ўзгартишлар ёхуд қўшимчалар киритилишини назарда тутса, стендга бекор қилиниши, ўзгартирилиши ёхуд қўшимчалар киритилиши таклиф қилинаётган амалдаги қонун матни жойлаштирилади.

(47-банднинг ўн саккизинчи хатбошиси Ўзбекистон Республикаси Марказий сайлов комиссиясининг 2023 йил 27 февралдаги 1205-сонли қарори таҳририда)

48. Референдумга тайёргарлик кўриш ва уни ўтказишга тааллуқли маълумотлар жойлаштириладиган стендларда қуйидагилар жойлаштирилади:

референдум санасига бағишланган плакатлар (Ўзбекистон Республикаси референдумига___ кун қолди);

референдум участкасининг харитаси;

участка комиссияси аъзоларининг таркиби, иш режаси, навбатчилик жадвали;

референдумга қўйилган масала ҳақида ахборот;

фуқаролар мурожаати учун Марказий сайлов комиссиясининг ишонч телефони ёки электрон манзили, округ комиссияси, тегишли туман (шаҳар) суди ва прокуратурасининг телефон рақамлари акс эттирилган маълумотлар;

овоз бериш тартиби;

овоз берувчи фуқаролар рўйхати;

референдумга оид инфографик кўринишдаги тушунтириш материаллари ва ахборотлар.

49. Овоз бериш хонасига олиб борувчи йўлларда референдум участкасининг мазкур Низомнинг 9-иловасида белгиланган шаклдаги кўрсаткичлари кўринарли жойларга жойлаштирилиши керак.

50. Участка комиссияси биноси пештоқига мазкур Низомнинг 10-иловасида белгиланган шаклда референдум участкаси тартиб рақами ёзилган пешлавҳа жойлаштирилади, бинога кириш жойида ногиронлар аравачасига мослаштирилган нишаб йўлаклари (пандуслар) бўлиши ва уларнинг белгиланган талабларга (эни камида 90 сантиметр, чиқиш бурчаги 30° дан кўп бўлмаган) мос келиши керак.

51. Участка комиссиясида юритиладиган қуйидаги иш юритиш дафтари ва жилдлари бўлиши лозим:

участка комиссиясининг қарорлари, баённомалари ва далолатномаларининг жилди;

кириш, чиқиш ҳужжатларини, шу жумладан мурожаатларни рўйхатга олиш дафтари ва жилди;

кузатувчиларни рўйхатга олиш дафтари.

IХ боб. Овоз берувчи фуқаролар рўйхати

52. Овоз берувчи фуқаролар рўйхати участка комиссияси томонидан СЯЭР асосида тузилади.

Ҳар бир фуқаро овоз берувчи фуқароларнинг фақат битта рўйхатига киритилиши мумкин.

Референдум кунига қадар ёки референдум куни ўн саккиз ёшга тўлган, рўйхат тузилаётган пайтда мазкур референдум участкаси ҳудудида доимий ёки вақтинча истиқомат қилаётган Ўзбекистон Республикасининг барча фуқаролари овоз берувчи фуқаролар рўйхатига киритилади.

Рўйхатга овоз берувчи ҳар бир фуқаронинг фамилияси, исми, отасининг исми, туғилган санаси ва турар жой манзили киритилади.

Олдинги таҳрирга қаранг.

Қонунга мувофиқ ҳамда суднинг қарори асосида референдумда иштирок этиш ҳуқуқидан маҳрум этилган фуқаролар овоз берувчи фуқаролар рўйхатига киритилмайди.

(52-банднинг бешинчи хатбошиси Ўзбекистон Республикаси Марказий сайлов комиссиясининг 2023 йил 13 майдаги 1254-сонли қарори таҳририда)

53. Участка комиссияси котиби СЖБАТга кириш ҳуқуқини олиш учун округ комиссиясига мурожаат қилади. Округ комиссияси котиби СЖБАТга кириш ҳуқуқини участка комиссияси котибига тақдим қилади.

Участка комиссияси тузилганидан сўнг уч кун ичида комиссиянинг котиби СЖБАТга кириб тақсимланган мазкур участкада овоз берувчи фуқароларнинг дастлабки рўйхатини юклаб олади.

Комиссия котиби овоз берувчи фуқароларнинг рўйхатини текшириб чиқади, чоп этади ва участка комиссияси раисига тақдим қилади.

Участка комиссиясининг раиси комиссия аъзоларига овоз берувчи фуқаролар рўйхатига киритилган фуқаролар тўғрисидаги маълумотларнинг тўғрилигини аниқлаштириш учун тақсимлайди.

54. Участка комиссияси овоз берувчи фуқароларнинг дастлабки рўйхатини олганидан сўнг мазкур референдум участкаси ҳудудида яшовчи овоз берувчи фуқароларни аниқлаштириш чораларини кўради.

Ҳокимликлар, тегишли идоралар, шу жумладан маҳалла фуқаролар йиғинлари, профилактика инспекторлари участка комиссияси сўровига асосан мазкур референдум участкаси ҳудудида истиқомат қилаётган фуқаролар ҳақида маълумотларни 24 соат ичида тақдим этишлари шарт.

Участка комиссияси аъзолари референдум участкаси ҳудудида яшовчи овоз берувчи фуқаролар тўғрисида маълумотларга зарурат бўлганда, уйма-уй айланиб чиқиш орқали аниқлик киритади.

Участка комиссияси овоз берувчи фуқаролар рўйхатини тузиш ишларига жамоатчилик вакиллари ва волонтёрларни жалб қилиши мумкин. Туман ва шаҳар ҳокимликлари овоз берувчи фуқароларнинг рўйхатларини аниқлаштириш ишларига кўмаклашади.

Участка комиссияси аъзолари уйма-уй айланиб чиқиш вақтида фуқароларнинг овоз бериш куни ушбу референдум участкаси ҳудудида бўлиш-бўлмаслигига, овоз берувчи фуқароларнинг рўйхатидаги ушбу фуқароларга оид маълумотларда хато-камчиликлар бор йўқлигига аниқлик киритади.

Референдум участкаси ҳудудида вақтинча истиқомат қилаётган фуқаролар борлиги аниқланса, бироқ улар ушбу референдум участкасида овоз берувчи фуқаролар рўйхатига киритилмаган бўлса ҳамда ўзаро суҳбат чоғида уларнинг овоз бериш куни ушбу референдум участкаси ҳудудида бўлиши аниқланса, улардан хоҳишига кўра мазкур Низомнинг 11-иловасига мувофиқ намунадаги ариза олинади.

Агарда фуқаро овоз берувчи фуқаролар рўйхати билан танишиш жараёнида ўзи ҳақидаги маълумотлар хато киритилган ёки ўзи истиқомат қилаётган ҳудуддан бошқа ҳудудда жойлашган референдум участкасидаги овоз берувчи фуқаролар рўйхатига киритилганлигини аниқлаган тақдирда, бевосита ўзи истиқомат қилиб турган ҳудуддаги референдум участкасига бориб, юқорида қайд этилган намунадаги ариза билан мурожаат қилиши мумкин.

Фуқаронинг аризаси комиссия раиси ёки котиби томонидан қайдлов дафтарида рўйхатга олинади, шундан сўнг СЖБАТда белгиланган шаклдаги электрон сўровнома тўлдирилади ва овоз берувчи фуқаролар рўйхатига ўзгартириш киритиш учун тегишинча республика, вилоят ёки туман ишчи гуруҳига (бундан буён матнда ишчи гуруҳи деб юритилади) автоматик тарзда юборилади.

Ишчи гуруҳ электрон сўровномани кўриб чиқади ва СЖБАТдаги овоз берувчи фуқаролар рўйхатига ўрнатилган тартибда тегишли ўзгартириш киритади.

Аризасига биноан референдум участкаси ўзгартирилган ёки ариза билан мурожаат қилмаган фуқарони бошқа референдум участкасига ўтказилишига ёки тортиб олинишига йўл қўйилмайди.

Ариза рад этилган ҳолларда участка комиссияси фуқарога унинг аризаси рад этилишининг асослари кўрсатилган ҳолда маълумотнома бериши шарт.

55. Овоз берувчи фуқаронинг ўз хоҳишига кўра берган аризасига мувофиқ қуйидагилар овоз берувчи фуқаролар рўйхатига ўзгартириш ва тузатишлар киритиш учун асос бўлиши мумкин:

овоз берувчи фуқаронинг тегишли референдум участкаси ҳудудида доимий ёки вақтинча истиқомат қилиши;

ёши ўн саккизга тўлганлигини тасдиқловчи ҳужжат;

Олдинги таҳрирга қаранг.

суднинг фуқарони референдумда иштирок этиш ҳуқуқидан маҳрум этиш тўғрисидаги қарори бекор қилинганлигини тасдиқловчи ҳужжат.

(55-банднинг тўртинчи хатбошиси Ўзбекистон Республикаси Марказий сайлов комиссиясининг 2023 йил 13 майдаги 1254-сонли қарори таҳририда)

56. Ҳарбий қисмлардаги ҳарбий хизматчи-овоз берувчи фуқароларнинг, шунингдек ҳарбий хизматчиларнинг ҳарбий қисмлар жойлашган ҳудудларда яшовчи оила аъзолари ва бошқа овоз берувчи фуқароларнинг рўйхати ҳарбий қисмларнинг командирлари тақдим этадиган маълумотлар асосида тузилади.

Ҳарбий қисмлардан ташқарида истиқомат қилувчи ҳарбий хизматчилар яшаш жойлари бўйича умумий асосларда овоз берувчи фуқаролар рўйхатига киритилади.

Санаторийларда ва дам олиш уйларида, касалхоналарда ва бошқа стационар даволаш муассасаларида, қамоқда сақлаш ва озодликдан маҳрум этиш жойларида тузилган референдум участкалари бўйича овоз берувчи фуқаролар рўйхатлари мазкур муассасалар раҳбарлари томонидан тақдим этилган маълумотлар асосида участка комиссияси томонидан тузилади.

Санаторийларда ва дам олиш уйларида, касалхоналарда ва бошқа стационар даволаш муассасаларида, шунингдек қамоқда сақлаш жойларида ташкил этилган референдум участкаларидаги овоз берувчи фуқаролар рўйхатига киритилган фуқаролар ҳақида ушбу участка комиссияси бундай фуқароларни доимий ёки вақтинча яшаш жойидаги участка комиссиясига ахборот етказиш чораларини кўриши лозим.

Хабардор қилинган участка комиссияси ўз референдум участкасидаги овоз берувчи фуқаролар рўйхатига ушбу овоз берувчи фуқаро бошқа референдум участкасида овоз берувчи фуқаролар рўйхатига киритилганлиги ҳақида ёзув киритади ҳамда уни якуний баённомада референдум участкасидаги овоз берувчи фуқароларнинг умумий сонига киритмайди.

57. Овоз берувчи фуқаролар рўйхатини аниқлаштириш ишлари олиб борилаётган вақтда фуқароларга муддатидан олдин овоз беришни амалга ошириш имконияти ва бошқа ҳуқуқлари тушунтирилади.

58. Овоз берувчи фуқароларнинг рўйхатлари референдумга камида ўн кун қолганида участка комиссияси котиби томонидан СЖБАТдан юклаб олинади, чоп қилинади, участка комиссияси раиси ва котиби томонидан имзоланади, участка комиссияси муҳри билан тасдиқланади ва ҳамма танишиб чиқиши учун тақдим этилади. Ушбу рўйхатда фақат овоз берувчи фуқароларнинг фамилияси, исми, отасининг исми ва туғилган йили кўрсатилади.

Участка комиссияси овоз берувчи фуқароларнинг рўйхатлари ҳамма танишиб чиқиши учун тақдим этилганидан кейин ҳам аниқланган хато-камчиликларни бартараф этиш мақсадида референдумга беш кун қолгунига қадар овоз берувчи фуқароларнинг рўйхатларига ўзгартириш киритиш учун ишчи гуруҳларга электрон сўровнома юбориши мумкин.

Ишчи гуруҳлар электрон сўровномани шу куннинг ўзида кўриб чиқиб, белгиланган тартибда ҳал этади.

Санаторийларда ва дам олиш уйларида, касалхоналарда ва бошқа стационар даволаш муассасаларида, олис ва бориш қийин бўлган ҳудудлардаги фуқаролар турган жойларда, қамоқда сақлаш ва озодликдан маҳрум этиш жойларида тузилган участкаларда овоз берувчи фуқароларнинг якуний рўйхати референдумга уч кун қолганида ҳамма танишиб чиқиши учун тақдим этилади. Ушбу рўйхатда фақат овоз берувчи фуқароларнинг фамилияси, исми, отасининг исми ва туғилган йили кўрсатилади.

59. Овоз берувчи фуқароларнинг рўйхатларига ўзгартишлар киритиш референдумга беш кун қолганида тўхтатилади.

Участка комиссияси котиби референдумга уч кун қолганида ўз ҳудудидаги овоз берувчи фуқароларнинг охирги рўйхатларини СЖБАТдан юклаб олади, чоп этади ва участка комиссияси раисига тақдим қилади.

Ушбу рўйхат участка комиссияси раиси ва котиби томонидан имзоланади, участка комиссияси муҳри билан тасдиқланади ҳамда овоз бериш куни ушбу рўйхатдан фойдаланилади.

60. Овоз бериш куни бирон-бир сабаб билан овоз берувчи фуқаролар рўйхатига кирмай қолган овоз берувчи фуқаролар шахсини, фуқаролиги ва яшаш жойини (ушбу референдум участкаси ҳудудида доимий яшаш жойи ёки вақтинча турган жойи бўйича рўйхатга олинганлигини) тасдиқловчи ҳужжат асосида участка комиссияси раисига ёзма ариза билан мурожаат қилади.

Овоз берувчи фуқаронинг мурожаати асосида қайдлов дафтарига унинг фамилияси, исми, отасининг исми, туғилган санаси, яшаш жойи ҳақида тегишли ёзув киритади ва ушбу маълумотлар участка комиссияси раиси ёки котибининг ва фуқаронинг имзоси билан тасдиқланади.

Шундан сўнг фуқарони овоз берувчи фуқаролар рўйхати иловасига киритиш масаласи қуйидаги ҳаракатлар кетма-кетлигида ҳал этилади:

1-ҳаракат: участка комиссияси раиси фуқаронинг референдум участкасини СЖБАТдан излаб топади;

2-ҳаракат: излаб топилган референдум участкасидаги комиссия раиси билан алоқа воситаси (телефон) орқали боғланади. Раис билан боғланиш имконияти бўлмаган тақдирда 3 ва 4-ҳаракатларни амалга ошириш бўйича тегишли ишчи гуруҳга хабар берилади;

3-ҳаракат: ушбу участкада фуқаронинг овоз берган/бермаганлигини аниқлайди;

4-ҳаракат: овоз бермаганлик факти аниқланганидан сўнг, фуқаронинг овоз берувчи фуқаролар рўйхати иловаси асосида овоз бераётганлиги ҳақида маълум қилади (фуқарони овоз берувчи фуқаролар рўйхатига киритган участка комиссиясини хабардор қилади);

5-ҳаракат: фуқарони мазкур Низомнинг 12-иловасига мувофиқ овоз берувчи фуқаролар рўйхати иловасига киритади ва унга бюллетен беради.

Хабардор қилинган участка комиссияси раиси овоз берувчи фуқаролар рўйхатига ушбу фуқаро бошқа референдум участкасида овоз берганлиги ҳақида маълумот киритади ҳамда якуний баённомани тўлдириш пайтида уни участкадаги овоз берувчи фуқароларнинг умумий сонига қўшиб ҳисобламайди.

Қуйидаги ҳолларда фуқарони овоз берувчи фуқаролар рўйхати иловасига киритиш рад этилади:

фуқаро СЖБАТдаги референдум участкаси бўйича овоз берган бўлса;

фуқаро доимий ёки вақтинча рўйхатга олинмаган яшаш жойи бўйича участка комиссиясига мурожаат қилган бўлса.

Бунда участка комиссияси раиси фуқаронинг доимий ёки вақтинчалик яшаш жойи бўйича бошқа референдум участкасида овоз бериши кераклигини тушунтиради.

Х боб. Муддатидан олдин овоз бериш

61. Референдум куни ўз яшаш жойида бўлиш имкониятига эга бўлмаган овоз берувчи фуқаро муддатидан олдин овоз бериш ҳуқуқига эга.

62. Муддатидан олдин овоз бериш референдумга ўн кун қолганида бошланади ва референдумга уч кун қолганида тугалланади.

63. Муддатидан олдин овоз беришни ўтказиш вақти Марказий сайлов комиссияси томонидан белгиланади ва овоз берувчи фуқароларнинг, кузатувчиларнинг, эътиборига оммавий ахборот воситалари орқали етказилади.

64. Участка комиссиялари референдум участкасидаги овоз берувчи фуқаролар умумий сонининг беш фоизи миқдорида бюллетенларни ҳамда конвертларни округ комиссиясидан муддатидан олдин овоз бериш бошланишига камида уч кун қолганида оладилар.

65. Муддатидан олдин овоз беришни амалга ошириш учун овоз берувчи фуқаро референдум кунида бўла олмаслигининг сабаблари (таътил, хизмат сафари, хорижга чиқиш ва ҳоказо) кўрсатилган ариза асосида тегишли участка комиссиясидан бюллетен ва конвертни олади.

Участка комиссияси овоз берувчи фуқародан референдум кунида бўла олмаслигининг сабабларини тасдиқловчи қўшимча ҳужжатларни талаб қилиши тақиқланади.

66. Овоз берувчи фуқаро бюллетенни олганлиги ҳақида тегишли участка комиссиясининг камида икки нафар аъзоси ҳозирлигида мазкур Низомнинг 13-иловасига мувофиқ шаклдаги овоз берувчи фуқаролар рўйхати кўчирмасига имзо қўяди.

Участка комиссияси аъзоси муддатидан олдин овоз берган овоз берувчи фуқарони СЖБАТдаги овоз берувчи фуқаролар рўйхатида муддатидан олдин овоз берган фуқаро сифатида белгилаши шарт.

67. Бюллетен махсус жиҳозланган яширин овоз бериш кабинасида ёки хонасида овоз берувчи фуқаро томонидан мустақил қарор қабул қилиши орқали тўлдирилади.

Олдинги таҳрирга қаранг.

Бунда фуқаро ўзи овоз бераётган вариант рўпарасида, ўнг томонда жойлашган бўш квадратга «+» ёки «

» ёхуд «х» белгисини қўяди.

(67-банднинг иккинчи хатбошиси Ўзбекистон Республикаси Марказий сайлов комиссиясининг 2023 йил 27 февралдаги 1205-сонли қарори таҳририда)

Овоз берувчи фуқаро тўлдирилган бюллетенни конвертга солади ва елимлаб ёпади.

68. Овоз берувчи фуқаро тўлдирилган бюллетенни ёпиқ конвертда участка комиссияси аъзосига топширади.

Участка комиссиясининг аъзоси овоз берувчи фуқаро ҳозирлигида конвертнинг ёпиқлигини текширади ва конвертнинг елимланган жойига участка комиссиясининг икки нафар аъзосининг имзолари қўйилиб, улар комиссиянинг муҳри билан тасдиқланади.

Конверт референдум куни овоз бериш жараёни якунлангунига қадар участка комиссиясининг сейфида сақланади.

XI боб. Участка комиссияси томонидан референдум куни амалга ошириладиган вазифалар

69. Референдум куни овоз бериш биноси участка комиссияси аъзоларининг камида учдан икки қисми ҳозир бўлганда очилади.

Бунда, маҳаллий кузатувчилар, овоз берувчи фуқаролар, оммавий ахборот воситаларининг вакиллари, бошқа давлатлар ва халқаро ташкилотлардан кузатувчилар ҳозир бўлишлари мумкин.

70. Участка комиссияси раиси ёки раис ўринбосари томонидан комиссия аъзоларининг овоз бериш кунидаги вазифалари белгиланади.

71. Участка комиссияси аъзоларига комиссиянинг икки нафар аъзоси томонидан имзоланган, муҳр билан тасдиқланган ҳолда тайёрлаб қўйилган бюллетенлар мазкур Низомнинг 14-иловасига мувофиқ шаклдаги далолатнома асосида топширилади. Овоз берувчи фуқароларга тартибли равишда бюллетенларни бериш мақсадида, ҳар бир участка комиссияси аъзосига овоз берувчи фуқаролар фамилияси алифбо кетма-кетлигида овоз берувчи фуқаролар рўйхати асосида тақсимлаб берилади.

72. Овоз бериш куни референдум участкасида соат 8:00 да Ўзбекистон Республикасининг Давлат мадҳияси янграйди.

Участка комиссиясининг раиси овоз бериш бошланганлигини эълон қилади.

73. Участка комиссиясининг раиси комиссия аъзолари ҳозирлигида овоз бериш қутиларининг бўшлигини текширади ва уларни бир маротаба ишлатиладиган пластмасса пломбалар билан пломбалайди. Пломбалар рақами кўрсатилган ҳолда мазкур Низомнинг 15-иловасига мувофиқ шаклда далолатнома тузилади.

74. Участка комиссияси раиси томонидан референдум участкасидаги овоз берувчи фуқаролар сони, округ комиссиясидан олинган бюллетенларнинг сони, шунингдек, муддатидан олдин овоз берган фуқаролар сони маълум қилинади.

75. Участка комиссияси раиси ёки унинг ўринбосари маҳаллий кузатувчилар, оммавий ахборот воситаларининг вакиллари, бошқа давлатлар ва халқаро ташкилотлардан кузатувчиларни тегишли референдум ўтказувчи комиссия томонидан берилган мандати ва шахсини тасдиқловчи ҳужжати асосида рўйхатга олади.

Участка комиссияси уларни рўйхатга олгандан кейин уларга ўз ваколатларини тўлақонли ҳамда тўсқинликсиз амалга ошириши учун шароит яратиб беради.

76. Участка комиссияси раиси, раис ўринбосари ёки котиби томонидан овоз бериш бошланганлиги ҳақида алоқа воситалари орқали округ комиссиясига хабар берилади.

77. Овоз берувчи фуқароларга тақдим этилган бюллетенлар сонининг ҳисоби ҳар соатда юритиб борилади.

78. Участка комиссияси раиси овоз беришни ташкил этиш ва ўтказишни мувофиқлаштириб боради ҳамда назорат қилади, зарурат бўлганда комиссия аъзоларига ёрдам кўрсатади, улар вақтинчалик йўқ бўлган ҳолларда уларни бошқа аъзолар билан алмаштиради.

79. Участка комиссияси участкадаги рўйхат бўйича овоз беришда иштирок этувчи ҳар бир овоз берувчи фуқарога бир донадан ортиқ бюллетен берилмаслигини таъминлайди. Овоз берувчи ҳар бир фуқарога биттадан ортиқ бюллетен берилишига йўл қўйилмайди. Бузиб қўйилган бюллетенни овоз берувчи фуқаронинг илтимосига кўра янгисига алмаштириб берилганлиги бундан мустасно.

XII боб. Қамоқда сақлаш ва озодликдан маҳрум этиш жойларида референдумни ташкил этиш ва ўтказишнинг ўзига хос хусусиятлари

80. Қамоқда сақлаш ва озодликдан маҳрум этиш жойлари раҳбарларининг тақдимномасига асосан референдум участкалари округ комиссияси қарори билан тузилади. Бу референдум участкалари улар жойлашган ҳудуддаги референдум округларига киради.

Айрим ҳолларда, манзил-колонияси маъмуриятининг тегишли округ комиссиясига берган таклифига асосан мазкур муассасаларда сақланаётган овоз берувчи фуқаролар кўчма овоз бериш қутиси орқали овоз берувчи фуқароларнинг турган жойида овоз бериши учун манзил-колонияси жойлашган ҳудуддаги референдум участкасига бириктириш тўғрисида округ комиссиясининг қарори қабул қилиниши мумкин.

81. Қамоқда сақлаш ва озодликдан маҳрум этиш жойларининг раҳбари томонидан участка комиссияси аъзолигига номзодлар мазкур муассаса ходимлари орасидан округ комиссиясига тасдиқлаш учун тавсия этилади.

Зарурат туғилганида, қамоқда сақлаш ва озодликдан маҳрум этиш жойларининг раҳбари томонидан «Ўзбекистон Республикасининг референдуми тўғрисида»ги Қонуннинг 23-моддасига мувофиқ бошқа шахслар ва жамоатчилик вакиллари ҳам участка комиссияси аъзолигига номзод сифатида тавсия этилиши мумкин.

82. Қамоқда сақлаш жойларида ушлаб турилган ҳамда қамоққа олинган шунингдек, ижтимоий хавфи катта бўлмаган ва унча оғир бўлмаган жиноятлар содир этганлиги учун суднинг ҳукми билан озодликдан маҳрум этиш жойларида сақланаётган шахслар қамоқда сақлаш ва озодликдан маҳрум этиш жойларида тузилган референдум участкаларидаги овоз берувчи фуқаролар рўйхатига киритилади.

83. Қамоқда сақлаш ва озодликдан маҳрум этиш жойларида тузилган референдум участкалари бўйича овоз берувчи фуқароларнинг рўйхатлари мазкур муассасалар раҳбарлари томонидан тақдим этилган маълумотлар асосида участка комиссияси томонидан тузилади.

84. Ўзбекистон Республикаси Ички ишлар вазирлиги марказлашган тартибда қамоқда сақлаш ва озодликдан маҳрум этиш жойларида тузилган референдум участкаларидаги овоз берувчи фуқаролар ҳақидаги маълумотларни овоз бериш кунига камида бир ой қолгунга қадар Ўзбекистон Республикаси Вазирлар Маҳкамаси ҳузуридаги Давлат персоналлаштириш марказига Сайловчилар ягона электрон рўйхатига тузатишлар киритиш учун юборади.

Агарда мазкур муассасаларда тузилган референдум участкаларидаги овоз берувчи фуқаролар рўйхатида ўзгаришлар амалга оширилса, овоз бериш кунига камида беш кун қолгунга қадар ушбу маълумотлар ҳам Ўзбекистон Республикаси Вазирлар Маҳкамаси ҳузуридаги Давлат персоналлаштириш марказига етказиб бериш чоралари кўрилади.

85. Манзил-колонияларида референдум участкалари тузилмаган ҳолатларда, улар бириктирилган участка комиссияларига муассасадаги овоз берувчи фуқаролар ҳақидаги маълумотлар ушбу муассаса раҳбари томонидан овоз бериш кунига камида етти кун қолганида тақдим этилади.

86. Кузатувчилар ва аккредитациядан ўтган оммавий ахборот воситалари вакиллари қамоқда сақлаш ва озодликдан маҳрум этиш жойларида тузилган референдум участкаларига бориши ҳақида участка комиссиясини камида уч кун олдин хабардор қилиши керак.

87. Участка комиссияси, ўз навбатида, қамоқда сақлаш ва озодликдан маҳрум этиш жойларининг маъмуриятига мазкур Низомнинг 86-бандида кўрсатилган шахслар ҳақидаги маълумотларни (уларнинг фамилияси, исми, отасининг исми, туғилган йили, референдумда ким сифатида иштирок этиши) ушбу муассасага тўсиқсиз кириб-чиқишлари учун тақдим этади.

Қамоқда сақлаш ва озодликдан маҳрум этиш жойларининг маъмурияти уларнинг кириб чиқиши ва хавфсизлигини таъминлаш, ички тартиб-қоидаларига риоя этиши учун масъул ҳисобланади.

88. Қамоқда сақлаш ва озодликдан маҳрум этиш жойларининг ички-тартиб қоидалари ва режимидан келиб чиқиб, овоз берувчи фуқаролар овоз бериш биносига кичик гуруҳларга бўлинган ҳолда олиб келинади.

Референдум участкаси тузилмаган манзил-колонияларида бириктирилган участка комиссияси томонидан овоз берувчи фуқароларнинг турган жойида овоз бериш ташкил этилади.

Бириктирилган участка комиссияси мазкур фуқароларни овоз берувчи фуқаролар рўйхати иловасига киритади.

XIII боб. Овоз беришни ташкил этиш

89. Овоз бериш референдум куни соат 8:00 дан 20:00 гача ўтказилади.

90. Овоз бериш биносига келгач, овоз берувчи фуқаро участка комиссиясининг аъзосига ўз шахсини тасдиқловчи ҳужжатни кўрсатади (паспорт, ID-карта, ҳарбий гувоҳнома, янги намунадаги миллий ҳайдовчилик гувоҳномаси, фуқаролик паспортини йўқотган фуқароларга ички ишлар органлари томонидан берилган вақтинчалик маълумотнома, жазони ўтаб бўлганлик ёки жазодан озод қилинганлик тўғрисидаги маълумотнома) ҳамда овоз берувчи фуқаролар рўйхатига имзо қўяди. Шундан кейин унга бюллетен берилади.

Бошқа шахс учун овоз бермоқчи бўлган фуқарога бюллетен бериш тақиқланади.

Овоз берувчи фуқаронинг илтимосига биноан бюллетенни тўлдириш учун Брайль алифбоси асосида тайёрланган трафарет берилади.

91. Овоз берувчи фуқаро бюллетенни олгач, уни яширин овоз бериш кабинасида ёки хонасида тўлдиради.

Олдинги таҳрирга қаранг.

Бунда фуқаро ўзи овоз бераётган вариант рўпарасида, ўнг томонда жойлашган бўш квадратга «+» ёки «

» ёхуд «х» белгисини қўяди.

(91-банд Ўзбекистон Республикаси Марказий сайлов комиссиясининг 2023 йил 27 февралдаги 1205-сонли қарорига асосан иккинчи хатбоши билан тўлдирилган)

Овоз берувчи фуқаронинг овоз бериш бюллетенини тўлдириш жараёнини суратга ёки видеога олиш, уни тарқатиш, шу жумладан ижтимоий тармоқларга жойлаштириш тақиқланади.

92. Бюллетенни тўлдириш чоғида овоз берувчи шахсдан бошқа шахсларнинг ҳозир бўлиши тақиқланади.

Олдинги таҳрирга қаранг.

(92-банднинг иккинчи хатбошиси Ўзбекистон Республикаси Марказий сайлов комиссиясининг 2023 йил 27 февралдаги 1205-сон қарорига асосан чиқарилган)

93. Бюллетенни мустақил равишда тўлдириш имкониятига эга бўлмаган овоз берувчи фуқаро ўз хоҳишига кўра яширин овоз бериш кабинасига ёки хонасига бошқа шахсни таклиф қилишга ҳақли, бундан участка комиссияси таркибига кирадиган шахслар, кузатувчилар ва оммавий ахборот воситалари вакиллари мустасно.

94. Тўлдирилган бюллетенни фуқаро овоз бериш қутисига ташлайди. Овоз бериш қутилари участка комиссияси аъзоларига ҳамда кузатувчиларга кўриниб туриши керак.

Бузиб қўйилган бюллетен фуқаронинг илтимосига кўра янгиси билан алмаштирилиши мумкин. Бузиб қўйилган бюллетенлар ҳисобга олиниши, бекор қилиниши ва алоҳида сақланиши лозим.

95. Референдум куни овоз бериш вақтида участка комиссияси биносида қуйидагилар ҳозир бўлиши мумкин:

тегишли участка комиссияси аъзолари;

тегишли округ комиссияси аъзолари, Марказий сайлов комиссияси аъзолари;

маҳаллий кузатувчилар;

оммавий ахборот воситаларининг вакиллари;

бошқа давлатлар ва халқаро ташкилотлардан кузатувчилар;

референдум участкасидаги овоз берувчи фуқаролар рўйхати бўйича овоз беришда иштирок этувчи фуқаролар.

Овоз бериш вақтида участка комиссияси биносида ҳозир бўлишга рухсат этилган шахслардан ташқари бошқа шахсларнинг бўлишига рухсат этилмайди. Бинода ушбу зарур тартибни сақлаб туриш масъулияти участка комиссиясининг зиммасида бўлади.

Участка комиссияси биносида ҳозир бўлишга рухсат этилган шахслар (овоз берувчи фуқаролардан ташқари) тегишли комиссиялар томонидан берилган мақомини тасдиқловчи мандат (гувоҳномаси)ни бошқаларга кўринадиган ҳолда таққан бўлишлари шарт.

Участка комиссияси овоз бериб бўлган овоз берувчи фуқарони бинодан чиқариб юбориш чораларини кўради.

96. Участка комиссиясининг аъзоси, кузатувчи ёки оммавий ахборот воситаси вакиллари овоз бериш сирини ошкор қилса ёхуд фуқароларнинг хоҳиш-иродасига таъсир кўрсатишга ҳаракат қилса, участка комиссиясининг аъзоси комиссия ишида иштирок этишдан четлаштирилади, кузатувчи, оммавий ахборот воситаси вакиллари эса овоз бериш биносидан дарҳол чиқариб юборилади. Бу ҳақда участка комиссияси қарор қабул қилади.

97. Участка комиссияси раиси овоз бериш биносида тинчлик сақланиши ва тартибга риоя қилинишини таъминлаш, овоз бериш ва уларни санаб чиқишда ғайриқонуний тўсқинликлар вужудга келганида ички ишлар ёки миллий гвардия ходимларига мурожаат қилиши мумкин. Бунда, ички ишлар ёки миллий гвардия ходимлари зудлик билан воқеа жойига етиб келишлари лозим.

Ички ишлар ва миллий гвардия ходимлари томонидан референдум участкаси ҳудудидаги тартибсизлик, ғайриқонуний хатти-ҳаракатлар бартараф этилганидан сўнг участка комиссияси раиси кўрсатмаси асосида референдум участкаси биносини тарк этишлари ва овоз бериш жараёнига халақит бермайдиган жойга жойлашишлари шарт.

XIV боб. Овоз берувчи фуқаронинг турган жойда овоз беришини ташкил этиш

98. Айрим овоз берувчи фуқаролар соғлигининг ҳолатига ёки бошқа сабабларга кўра овоз бериш биносига кела олмаган ҳолларда, тегишли участка комиссияси овоз беришни ушбу овоз берувчи фуқароларнинг референдум куни ёки референдум кунига қадар қилган ёзма ёки оғзаки мурожаатига биноан улар турган жойда ташкил этади.

Бунда участка комиссияси аъзоси қайдлов дафтарига овоз берувчи фуқаронинг фамилияси, исми, отасининг исми, яшаш жойи, мурожаат қилинган вақти ҳақида тегишли ёзув киритади ва ушбу маълумотлар участка комиссияси аъзосининг имзоси билан тасдиқланади.

99. Участка комиссияси томонидан овоз берувчи фуқаро турган жойда овоз беришни ташкил этиш референдум кунидаги иш ҳажми ва вазиятдан келиб чиққан ҳолда амалга оширилади.

Фуқароларнинг мурожаатлари бўйича йўлга тушадиган участка комиссиясининг аъзолари мурожаатлар сонига тенг миқдордаги бюллетенларни имзо чекиб оладилар. Фуқаролар мурожаатларининг сони, шунингдек ишлатилган ва қайтарилган овоз бериш бюллетенларининг сони мазкур Низомнинг 16-иловасига мувофиқ шаклда алоҳида далолатномада қайд этилади.

100. Участка комиссиясининг камида икки нафар аъзоси кўчма қути билан овоз берувчи фуқаронинг турган жойига юборилади, улар овоз берувчи фуқаронинг хоҳиш-иродаси сир сақланишига риоя этилган ҳолда овоз бериш амалга оширилишини таъминлайди. Бунда кузатувчилар ва оммавий ахборот воситалари вакиллари ҳозир бўлиши мумкин.

101. Турган жойида овоз берган овоз берувчи фуқаролар тўғрисидаги маълумотлар ҳақида участка комиссияси аъзоси томонидан мазкур Низомнинг 17-иловасига мувофиқ шаклдаги овоз берувчи фуқаролар рўйхатидан кўчирмага тегишли ёзув киритилади ва овоз берувчи фуқаро бюллетен олганлигини тасдиқлаб, ушбу рўйхатдаги фамилияси қаршисига имзо чекади.

102. Овоз берувчи фуқаро яширин овоз бериб бўлганидан сўнг овоз берувчи фуқаролар рўйхатининг тегишли жойига (овоз берувчи фуқаронинг фамилияси қаршисига) «турган жойида овоз берди» ёзуви киритилади.

XV боб. Овоз бериш натижаларини аниқлаш

103. Участка комиссиясининг раиси ёки раис ўринбосари соат 20:00 да овоз бериш тугаганлигини эълон қилади.

Референдум участкаси биносида ҳозир бўлган овоз берувчи фуқароларга овоз бериш учун имконият берилади (агар овоз берувчи фуқаролар бор бўлса).

104. Ҳарбий қисмларда, санаторийларда, дам олиш уйларида, касалхоналар ва бошқа стационар даволаш муассасаларида, олис ва бориш қийин бўлган ҳудудлардаги фуқаролар турган жойларда, қамоқда сақлаш ва озодликдан маҳрум этиш жойларида тузилган референдум участкаларида рўйхатга киритилган барча фуқаролар овоз бериб бўлган бўлса, участка комиссияси овоз бериш тугаганлигини исталган вақтда эълон қилиши мумкин.

Ўзбекистон Республикаси ҳудудида жойлашган референдум участкаларида овоз бериш қутиларини соат 20:00 дан олдин очиш ва овозларни санаб чиқишга йўл қўйилмайди.

105. Овоз берувчи фуқароларнинг овозларини санаб чиқиш участка комиссияси аъзолари томонидан овоз бериш қутиларида мавжуд бўлган бюллетенлар бўйича амалга оширилади. Овоз берувчи фуқароларнинг овозларини санаб чиқиш фақатгина овоз бериш биносида ўтказилади.

106. Участка комиссияси томонидан овозларни санаб чиқиш, овозларни санаб чиқиш натижалари тўғрисидаги баённомаларни тўлдириш жараёнида қуйидагилар ҳозир бўлишлари мумкин:

маҳаллий кузатувчилар;

оммавий ахборот воситаларининг вакиллари;

бошқа давлатлар ва халқаро ташкилотлардан кузатувчилар.

Мазкур жараёнда участка комиссияси биносида ҳозир бўлишга рухсат этилган шахслардан ташқари бошқа шахсларнинг бўлиши тақиқланади.

107. Референдум участкасида овозларни санаб чиқиш натижалари мазкур Низомнинг 18-иловасига мувофиқ шаклда участка комиссиясининг референдум участкасида овозларни санаб чиқиш натижалари тўғрисидаги баённомаси билан расмийлаштирилади.

108. Участка комиссияси аъзолари овоз бериш тугаганидан сўнг қонунчиликда белгиланган ҳаракатлар кетма-кетлигида қуйидаги вазифаларни амалга оширади:

1-ҳаракат: овозларни санашни бошлашдан олдин столлар бирлаштирилади, барча ёзув ашёлари (ручка, қалам ва бошқа воситалар) ҳамманинг эътиборига ҳавола қилинган ҳолда четга олиб қўйилади;

2-ҳаракат: округ комиссиясидан олинган бюллетенларнинг сони аниқланади ва якуний баённомага киритилади.

3-ҳаракат: фойдаланилмаган ва бузилган бюллетенлар санаб чиқилади ва юқори чап бурчагини кесиш ёки бюллетеннинг орқа томонида тегишли белги қўйиш йўли билан бекор қилинади, бу ҳақда якуний баённомага тегишли ёзув киритилади.

4-ҳаракат: овоз берувчи фуқаролар рўйхати (бошқа референдум участкасида овоз берганлиги ҳақида маълумот киритилганлар бундан мустасно) ва мазкур рўйхат иловаси бўйича мазкур участкадаги овоз берувчи фуқароларнинг умумий сони аниқланади ва якуний баённомага киритилади.

5-ҳаракат: кўчма ва стационар овоз бериш қутиларни очишдан олдин комиссия аъзолари томонидан овоз берувчи фуқаролар рўйхати ва овоз берувчи фуқаролар рўйхати иловасининг ҳар бир варағига шу варақ бўйича бюллетен олганларнинг умумий сони ҳақидаги маълумотлар киритилади;

маълумотлар киритилганидан кейин овоз берувчи фуқаролар рўйхати ва овоз берувчи фуқаролар рўйхати иловасининг ҳар бир варағи ушбу маълумотларни киритган комиссия аъзоси томонидан имзоланади ва варақлардаги рақамлар умумлаштирилади;

овоз берувчи фуқаролар рўйхатининг барча саҳифалари бўйича якуний умумий маълумотларни комиссия раиси эълон қилади, овоз берувчи фуқаролар рўйхатининг охирги варағига киритади, ўз имзоси ва участка комиссиясининг муҳри билан тасдиқлайди ҳамда ушбу маълумотлар якуний баённомага киритилади;

6-ҳаракат: овоз бериш қутиларидаги бир марталик пломбадаги мавжуд рақамлар пломбалаш далолатномасидаги рақамлар билан солиштирилади.

Ўзбекистон Республикасининг хорижий давлатлардаги дипломатик ва бошқа ваколатхоналари ҳузурида тузилган референдум участкаларида махсус қоп(лар)даги бир маротаба ишлатиладиган пластмасса пломбадаги мавжуд рақамлар тегишли далолатномадаги рақамлар билан ҳам солиштирилади;

7-ҳаракат: муддатидан олдин овоз берилган бюллетенлар солинган ёпиқ конвертлар овоз бериш қутисига ташланади.

8-ҳаракат: аввал кўчма сўнгра стационар овоз бериш қутилари (Ўзбекистон Республикасининг хорижий давлатлардаги дипломатик ва бошқа ваколатхоналари ҳузурида тузилган референдум участкаларида махсус қоплар ҳам) очилади. Бюллетенлар стол устига тўкилади ва овоз беришда иштирок этган овоз берувчи фуқаролар (овоз бериш қутиларидаги бюллетенлар) сони аниқланади ҳамда ушбу маълумотлар якуний баённомага киритилади;

9-ҳаракат: референдумга қўйилган масалани ёқлаб ва қарши овоз берилган бюллетенларни ўқиб эшиттирган ва намойиш этган ҳолда алоҳида-алоҳида боғламларга ажратади.

Бюллетеннинг ҳақиқийлигига шубҳа туғилса, масала участка комиссияси томонидан овозга қўйиш орқали ҳал этилади. Бюллетенни ҳақиқий эмас деб топиш тўғрисида қарор қабул қилинса, участка комиссияси унинг орқа томонида ҳақиқий эмаслигининг сабабларини кўрсатади. Бу ёзув участка комиссияси камида уч аъзосининг имзолари билан тасдиқланади.

10-ҳаракат: референдумга қўйилган масала бўйича ёқлаб ёки қарши берилган овозлар алоҳида-алоҳида санаб чиқиш орқали аниқланади ва якуний баённомага киритилади;

Референдумга қўйилган масала бўйича ёқлаб ёки қарши овоз берилган бюллетенлар алоҳида-алоҳида боғлам қилиб ўралади. Боғламда овозлар сони кўрсатилади.

11-ҳаракат: қуйидаги бюллетенлар овозларни санаб чиқишда ҳақиқий эмас деб топилади:

белгиланмаган шаклдаги бюллетенлар (ҳажми, ранги, қоғоз сифати, босмахона шрифти ва ҳоказолар бўйича фарқланувчи);

участка комиссияси томонидан тасдиқланмаган бюллетенлар;

Олдинги таҳрирга қаранг.

овоз бериш чоғида биттадан ортиқ квадратга «+» ёки «

» ёхуд «х» белгиси қўйилган ёки битта ҳам квадратга бундай белги қўйилмаган бюллетенлар;

(108-банд Ўзбекистон Республикаси Марказий сайлов комиссиясининг 2023 йил 27 февралдаги 1205-сонли қарорига асосан йигирманчи хатбоши билан тўлдирилган)

Олдинги таҳрирга қаранг.

қўшимча равишда ёзувлар киритилган бюллетенлар.

(108-банднинг йигирма биринчи хатбошиси Ўзбекистон Республикаси Марказий сайлов комиссиясининг 2023 йил 27 февралдаги 1205-сонли қарори таҳририда)

Ҳақиқий эмас деб топилган бюллетенлар саналади, алоҳида боғлам қилиб ўралади ва уларнинг сони якуний баённомага киритилади.

109. Зарур ҳаракатлар амалга оширилганидан кейин комиссия якуний мажлис ўтказади. Унда овоз бериш ва овозларни санаб чиқиш вақтида йўл қўйилган қонунбузилишлар ҳақида шикоят ёки аризалар келиб тушган бўлса, бундай шикоят ёки аризалар кўриб чиқилади.

110. Овозларни санаб чиқиш натижалари тўғрисидаги баённома тузишдан олдин комиссия раиси ҳозир бўлганлар эътиборига овоз бериш кунида ва овоз берувчи фуқаролар овозларини санаб чиқиш тугагунича комиссияга келиб тушган шикоятлар (аризалар) ва улар бўйича қабул қилинган қарорлар ҳақидаги ахборотни етказади. Тегишли баённомага илова қилинадиган далолатномалар ва бошқа ҳужжатларни кўрсатиб ўтади. Комиссия фаолияти бўйича эътирозлар, шикоятлар бор-йўқлигини аниқлайди, зарурат бўлса комиссия ушбу эътироз ёки шикоятларни кўриб чиқади ва қарор қабул қилади.

111. Участка комиссияси референдум участкасида овозларни санаб чиқиш натижалари тўғрисидаги баённомани тасдиқлаш тўғрисида қарор қабул қилади. Шундан кейин комиссия раиси, раис ўринбосари, котиби ва бошқа аъзолари томонидан овозларни санаб чиқиш натижалари ҳақидаги баённома иккита нусхада тўлдирилади, имзоланади ва участка комиссияси муҳри билан тасдиқланади.

Участка комиссиясининг референдум участкасида овозларни санаб чиқиш натижалари тўғрисидаги баённомага бирон-бир тарзда ўзгартиришлар киритишга йўл қўйилмайди.

Агар участка комиссиясининг референдум участкасида овозларни санаб чиқиш натижалари тўғрисидаги баённомасини тўлдириш вақтида комиссиянинг айрим аъзолари ҳозир бўлмасалар, бу ҳақда йиғилиш баённомасида уларнинг ҳозир бўлмаганликлари сабаблари кўрсатиб ўтилади.

Шундан сўнг участка комиссиясининг референдум участкасида овозларни санаб чиқиш натижалари тўғрисидаги баённомаси участка комиссиясининг раиси ёки раис ўринбосари томонидан ўқиб эшиттирилади ҳамда мазкур баённоманинг кўчирма нусхаси ҳамма танишиб чиқиши учун участка комиссияси биносига камида қирқ саккиз соат муддатга дарҳол осиб қўйилади.

Овозларни санаб чиқиш жараёнида иштирок этаётган кузатувчилар участка комиссияси баённомасининг тасдиқланган кўчирма нусхасини сўраб олишга ҳақли.

112. Участка комиссиясининг референдум участкасида овозларни санаб чиқиш натижалари тўғрисидаги баённомасини имзолаш вақтида баённома мазмуни юзасидан норози бўлган комиссия аъзоси ўзининг алоҳида фикрини йиғилиш баённомасига илова қилишга ҳақли, бу ҳақда баённомада қайд этилади.

113. Участка комиссиясининг референдум участкасида овозларни санаб чиқиш натижалари тўғрисидаги баённомасининг кўчирма нусхаси ахборот-коммуникация технологияларидан фойдаланган ҳолда дарҳол тегишли округ комиссиясига тақдим этилади, биринчи асл нусха раис ёки унинг ўринбосари томонидан ички ишлар органлари ходимлари кузатувида округ комиссиясига олиб бориб топширилади.

Округ комиссиясида участка комиссиясининг референдум участкасида овозларни санаб чиқиш натижалари тўғрисидаги баённомаси нотўғри тўлдирилганлиги ёки арифметик хатолар мавжудлиги аниқланганда, участка комиссияси қўшимча мажлис ўтказади ва хатоликларни тузатади. Аввалги баённомани асослари кўрсатилган ҳолда бекор қилиш тўғрисида қарор қабул қилади ҳамда янги қарор билан тузатилган баённома тасдиқланади. Ҳамма танишиб чиқиши учун осиб қўйилган баённома янгиси билан алмаштирилади ва округ комиссиясига тақдим этилади.

114. Участка комиссияси раисининг ўринбосари ва котиби «ёқлаб» ва «қарши» овоз берилган бюллетенлар боғламларига берилган овозлар сонини ёзади ва боғламларни қопга тартиб билан солади.

Сўнгра ҳақиқий эмас деб топилган бюллетенлар боғлами устига «Ҳақиқий эмас деб топилган бюллетенлар» деб ёзади ва ёнига сонини ёзиб қопга жойлаштиради.

Ундан кейин фойдаланилмаган ва бузиб қўйилиб бекор қилинган бюллетенларни боғламга ўраб, устига «Фойдаланилмаган ва бузиб қўйилиб бекор қилинган бюллетенлар» деб ёзади, ушбу ёзув ёнига сонини ёзади ва қопга жойлаштиради.

Бюллетенлар жойлаштирилгач, овоз берувчи фуқаролар рўйхати ва овозларни санаб чиқиш бўйича баённоманинг иккинчи нусхаси ва унга илова қилинган ҳужжатлар ҳам қопга жойлаштирилади.

Қоп пломба билан пломбаланади ва қопни пломбаланганлиги ҳақида далолатнома тузилади. Сўнгра қоп сейфга жойлаштирилиб, участка комиссияси раиси имзоси ва муҳри билан муҳрланади.

XVI боб. Жисмоний ва юридик шахсларнинг мурожаатларини кўриб чиқиш

115. Маҳаллий кузатувчилар, овоз берувчи фуқаролар, референдумнинг бошқа иштирокчилари (бундан буён матнда мурожаат этувчилар деб юритилади) бевосита ўзлари ёки вакиллари орқали ариза, таклиф ва шикоят билан участка комиссияларига мурожаат қилишлари мумкин.

Мурожаатлар оғзаки, ёзма ёхуд электрон шаклда берилиши мумкин.

Мурожаатлар, уларнинг шакли ва туридан қатъий назар, бир хил аҳамиятга эга.

116. Жисмоний шахснинг мурожаатида жисмоний шахснинг фамилияси, исми, отасининг исми, унинг яшаш жойи тўғрисидаги маълумотлар кўрсатилган бўлиши керак.

Юридик шахснинг мурожаатида юридик шахснинг тўлиқ номи, унинг жойлашган ери (почта манзили) тўғрисидаги маълумотлар кўрсатилган бўлиши керак.

Жисмоний ва юридик шахснинг мурожаатида участка комиссиясининг тартиб рақами, мурожаат юборилаётган мансабдор шахснинг лавозими ва (ёки) фамилияси, исми, отасининг исми кўрсатилган, шунингдек, мурожаатнинг моҳияти баён этилган бўлиши керак.

Мурожаатларда мурожаат этувчиларнинг электрон почта манзили, алоқа телефонлари кўрсатилиши мумкин.

Мурожаатлар давлат тилида ёки бошқа тилларда берилиши мумкин.

117. Мурожаат этувчиларга участка комиссияларига якка ёки жамоа тартибида мурожаат этиш ҳуқуқи кафолатланади.

118. Мурожаат этиш ҳуқуқи ихтиёрий амалга оширилади. Ҳеч ким бирон-бир мурожаатни ёқлаб ёхуд унга қарши қаратилган ҳаракатларда иштирок этишга мажбур қилиниши мумкин эмас.

Мурожаат этиш ҳуқуқининг амалга оширилиши бошқа жисмоний ва юридик шахсларнинг ҳуқуқларини, эркинликларини ҳамда қонуний манфаатларини, шунингдек, жамият ва давлат манфаатларини бузмаслиги керак.

119. Мурожаат этувчиларнинг ёзма розилигисиз, уларнинг шахсига доир бирон-бир маълумот ошкор этилмаслиги шарт.

120. Жисмоний ва юридик шахслардан келиб тушган мурожаатлар участка комиссияси раиси томонидан комиссия аъзолари ўртасида кўриб чиқиш учун тақсимланади.

Участка комиссияси референдумни ўтказиш даврида жисмоний ва юридик шахсларнинг «Ўзбекистон Республикаси референдуми тўғрисида»ги Қонун талаблари бузилганлиги ёки референдумни ташкил этишнинг бошқа масалалари хусусида ўзига келиб тушган мурожаатларини ўз ваколатлари доирасида кўриб чиқади.

Мурожаатларни кўриб чиқиш жараёнида текширувлар ўтказилиши мумкин.

Мурожаатларга уч кунлик муддатда, агарда референдумга олти кундан кам вақт қолганида ёки овоз бериш куни келиб тушган мурожаатларни эса дарҳол кўриб чиқиб, ёзма жавоб берилади.

Мурожаатда кўтарилган масала жойида ижобий ҳал этилса, мурожаат этувчининг розилиги билан ёзма жавоб берилмаслиги мумкин.

121. Мурожаатлар қайдлов дафтарида рўйхатга олиниши лозим.

Мурожаатни қабул қилишни ва рўйхатдан ўтказишни рад этишга йўл қўйилмайди.

Участка комиссиясининг раиси мурожаатни кўриб чиқиш ва унга доир қарор қабул қилиш учун комиссияни чақиради ва унинг мажлисини ўтказади. Мажлисга манфаатдор шахслар таклиф этилиши мумкин.

Участка комиссияси мурожаатни қабул қилишни ёки кўриб чиқишни қонунга хилоф равишда рад этган тақдирда ёхуд мурожаатни кўриб чиқиш натижаси юзасидан мурожаат этувчи норози бўлса, улар устидан судга шикоят қилиши мумкин.

122. Қўйилган масалаларни ҳал этиш ўз ваколатига кирмайдиган участка комиссиясига келиб тушган мурожаат уч кунлик муддатда тегишли органларга мурожаат юборган шахс бу ҳақда хабардор қилинган ҳолда юборилади.

123. Қуйидагилар кўриб чиқилмайди:

аноним мурожаатлар;

жисмоний ва юридик шахслар вакиллари орқали юборилган мурожаатлар, агар уларнинг ваколатларини тасдиқловчи ҳужжатлар бўлмаса;

қонунда белгиланган бошқа талабларга мос келмайдиган мурожаатлар.

Мурожаатлар кўрмай қолдирилганда тегишли хулоса тузилади, у участка комиссияси раиси ёки раис ўринбосари томонидан тасдиқланади.

Мурожаат этувчи вакилининг ваколатини тасдиқловчи ҳужжатлар мавжуд эмаслиги сабабли мурожаатлар кўрмай қолдирилганлиги тўғрисида мурожаат қилувчи тегишли тартибда хабардор қилинади.

124. Мурожаат этувчиларни, уларнинг вакилини, уларнинг оила аъзоларини, улар ўз ҳуқуқлари, эркинликлари ҳамда қонуний манфаатларини рўёбга чиқариш ёки ҳимоя қилиш мақсадида давлат органларига, референдумни ўтказувчи комиссияларга ва уларнинг мансабдор шахсларига мурожаат этганлиги, шунингдек, мурожаатларда ўз фикрини билдирганлиги ва танқид қилганлиги муносабати билан таъқиб этиш ман этилади.

Мурожаат этувчиларни таъқиб қилиш қонунчиликда белгиланган тартибда жавобгарликка сабаб бўлади.

125. Мурожаатни кўриб чиққан участка комиссиялари аъзолари уни кўриб чиқиш вақти, натижалари ва қабул қилинган қарор тўғрисида мурожаат юборган шахсни хабардор қилиши шарт.

126. Мурожаат этувчилар участка комиссияларининг мурожаатларни кўриб чиқиш натижалари бўйича ва бошқа қарорлари устидан ушбу қарорлар қабул қилинганидан кейин беш кун ичида судга шикоят қилиши мумкин.

127. Суднинг ҳал қилув қарори чиқарилиши биланоқ дарҳол тегишли участка комиссиясига ва мурожаат этувчига топшириши лозим.

XVII боб. Референдум тўғрисидаги қонунчилик ҳужжатларини бузганлик учун жавобгарлик

128. Референдум тўғрисидаги қонунчилик ҳужжатларини бузганликда айбдор шахслар белгиланган тартибда жавобгар бўлади.

129. Референдумга тайёргарлик кўриш ва уни ўтказиш соҳасидаги ҳуқуқбузарликлар бўйича маъмурий иш юритишни расмийлаштириш Марказий сайлов комиссиясининг 2019 йил 11 сентябрдаги 934-сон қарори билан тасдиқланган Сайлов комиссиялари ва референдум ўтказувчи комиссиялар томонидан сайлов ва референдумни ташкил этиш ҳамда ўтказиш соҳасидаги ҳуқуқбузарликларга оид ишларни расмийлаштириш бўйича йўриқнома асосида амалга оширилади.

XVIII боб. Участка комиссияларининг ҳужжатлари, муҳрлари ва овоз бериш қутиларини сақлаш

130. Ўзбекистон Республикаси референдумига тайёргарлик кўриш ва уни ўтказиш билан боғлиқ ҳужжатлар Марказий сайлов комиссиясининг 2019 йил 19 сентябрдаги 939-сон қарори билан тасдиқланган Сайлов ва референдумга тайёргарлик кўриш ҳамда уларни ўтказиш билан боғлиқ бўлган ҳужжатларни сақлаш, архивга топшириш ва йўқ қилиш тартиби тўғрисидаги йўриқномага мувофиқ сақлаш учун тайёрланади ҳамда топширилади.

131. Участка комиссияси томонидан референдум жараёнида фойдаланилган комиссия муҳри, овоз бериш қутилари, яширин овоз бериш кабиналари, Давлат герби ва байроғи каби моддий қийматликлар тегишли равишда туман ва шаҳар ҳокимликлари ташкилий-назорат гуруҳининг масъул шахсларига далолатнома асосида топширилади ва уларнинг жавобгарлигида сақланади.

XIX боб. Якуний қоида

132. Миллий гвардия қўриқлаш бўлинмалари ёки ички ишлар ходимлари бюллетенлар олинган кундан бошлаб бюллетенлар ҳамда бошқа ҳужжатлар сақланадиган бинонинг қўриқланишини таъминлайди.

133. Участка комиссиялари референдум якунлари расмий эълон қилинганидан кейин ўз фаолиятини тугатади.

Референдум участкалари ҳамда референдум ўтказувчи участка комиссиялари тўғрисидаги низомга
1-ИЛОВА

‎ГУВОҲНОМА
‎‎________________________________________
‎(фамилияси, исми, отасининг исми)

____-______________________ референдум округининг
‎ №____ референдум ўтказувчи участка комиссияси

РАИСИ

‎

Референдум ўтказувчи округ комиссияси

‎
‎
‎РАСМ‏

‎

раиси

______

_____________________________

‎

(имзо)‎‎

(фамилияси ва исми, ‎отасининг исми бош ҳарфлари)

‎

20__ йил «____» _______________

‎

М.Ў.

‎

(қарор қабул қилинган сана)‎‎

‎

Шахсини тасдиқловчи ҳужжат кўрсатилганида ҳақиқийдир.‎‎

‎

Референдум участкалари ҳамда референдум ўтказувчи участка комиссиялари тўғрисидаги низомга
2-ИЛОВА

‎ГУВОҲНОМА
‎‎________________________________________
‎(фамилияси, исми, отасининг исми)

____-______________________ референдум округининг
‎ №____ референдум ўтказувчи участка комиссияси

РАИСИ ЎРИНБОСАРИ

‎

Референдум ўтказувчи участка комиссияси

‎
‎
‎РАСМ‏

‎

раиси

______

_____________________________

‎

(имзо)‎‎

(фамилияси ва исми, ‎отасининг исми бош ҳарфлари)

‎

20__ йил «____» _______________

‎

М.Ў.

‎

(қарор қабул қилинган сана)‎‎

‎

Шахсини тасдиқловчи ҳужжат кўрсатилганида ҳақиқийдир.‎‎

‎

Референдум участкалари ҳамда референдум ўтказувчи участка комиссиялари тўғрисидаги низомга
3-ИЛОВА

‎ГУВОҲНОМА
‎‎________________________________________
‎(фамилияси, исми, отасининг исми)

____-______________________ референдум округининг
‎ №____ референдум ўтказувчи участка комиссияси

КОТИБИ

‎

Референдум ўтказувчи участка комиссияси

‎
‎
‎РАСМ‏

‎

раиси

______

_____________________________

‎

(имзо)‎‎

(фамилияси ва исми, ‎отасининг исми бош ҳарфлари)

‎

20__ йил «____» _______________

‎

М.Ў.

‎

(қарор қабул қилинган сана)‎‎

‎

Шахсини тасдиқловчи ҳужжат кўрсатилганида ҳақиқийдир.‎‎

‎

Референдум участкалари ҳамда референдум ўтказувчи участка комиссиялари тўғрисидаги низомга
4-ИЛОВА

‎ГУВОҲНОМА
‎‎________________________________________
‎(фамилияси, исми, отасининг исми)

____-______________________ референдум округининг
‎ №____ референдум ўтказувчи участка комиссияси

АЪЗОСИ

‎

Референдум ўтказувчи участка комиссияси

‎
‎
‎РАСМ‏

‎

раиси

______

_____________________________

‎

(имзо)‎‎

(фамилияси ва исми, ‎отасининг исми бош ҳарфлари)

‎

20__ йил «____» _______________

‎

М.Ў.

‎

(қарор қабул қилинган сана)‎‎

‎

Шахсини тасдиқловчи ҳужжат кўрсатилганида ҳақиқийдир.‎‎

‎

Референдум участкалари ҳамда референдум ўтказувчи участка комиссиялари тўғрисидаги низомга
5-ИЛОВА

СТАЦИОНАР ОВОЗ БЕРИШ ҚУТИЛАРИНИНГ НАМУНАСИ

КЎЧМА ОВОЗ БЕРИШ ҚУТИЛАРИ

Кўчма овоз бериш қутилари бинодан ташқарида овоз бериш учун мўлжалланган.

Олдиндан овоз бериш учун кўчма овоз бериш қутиларининг сони тегишли участка комиссиясининг қарори билан белгиланади ва уларнинг ҳар бирига тартиб рақами қўйилган бўлиши керак.

Овоз бериш қутилари улар муҳрланган пайтдан то очилгунгача участка комиссияси аъзолари, кузатувчиларнинг назоратида бўлиши лозим.

Овоз бериш қутиларининг сақланиши юзасидан назорат олиб бориш комиссия қарори билан белгиланадиган участка комиссияси аъзоси зиммасига юклатилади.

Референдум участкалари ҳамда референдум ўтказувчи участка комиссиялари тўғрисидаги низомга
6-ИЛОВА

МАЙДОНИ КЕНГ БЎЛГАН ЯШИРИН ОВОЗ БЕРИШ ХОНАСИ

МАЙДОНИ КИЧИК БЎЛГАН ЯШИРИН ОВОЗ БЕРИШ ХОНАСИ

Референдум участкалари ҳамда референдум ўтказувчи участка комиссиялари тўғрисидаги низомга
7-ИЛОВА

ЯШИРИН ОВОЗ БЕРИШ КАБИНАЛАРИНИНГ ЭСКИЗИ

Яширин овоз бериш кабинаси у жойлашган хонада ҳозир бўлганлар томонидан овоз берувчи фуқаронинг яширин овоз беришини кузатишга имкон бермайдиган ва унинг ўз хоҳиш-иродасини эркин билдиришини таъминлайдиган даражада ўралган ҳолда ташкил этилади.

Кабинанинг баландлиги 2 метр ва эни 0,75 метр бўлиши керак.

КЎЧМА ОВОЗ БЕРИШ КАБИНАСИ

Референдум участкалари ҳамда референдум ўтказувчи участка комиссиялари тўғрисидаги низомга
8-ИЛОВА

Референдум ўтказувчи участка комиссиясининг резина муҳри

НАМУНАСИ

Референдум ўтказувчи участка комиссиясининг резина муҳри диаметри 35 мм айлана шаклда бўлиб, марказдан 17,5 мм узоқликда асосий айлана ва ундан 1 мм масофада яна бир айлана ўтказилган. Иккинчи айлана тагида айлана бўйича «Referendum o΄tkazuvchi uchastka komissiyasi *»* ёзуви бор, ушбу ёзув тагида айлана бўйича «Toshkent shahar *»*. Ушбу матннинг тагидан яна бир ички айлана, марказдан 0,8 мм узоқликда ўтказилган бўлиб, айлананинг ичида референдум ўтказувчи участка комиссияси тартиб рақами тасвирланган.

* Референдумни ўтказувчи участка комиссияси тартиб рақами тегишли референдум ўтказувчи округ комиссияси томонидан тасдиқланади.

Референдум участкалари ҳамда референдум ўтказувчи участка комиссиялари тўғрисидаги низомга
9-ИЛОВА

Референдум участкаси кўрсаткичи

Референдум участкалари ҳамда референдум ўтказувчи участка комиссиялари тўғрисидаги низомга
10-ИЛОВА

Референдум участкаси пешлавҳаси

Референдум участкалари ҳамда референдум ўтказувчи участка комиссиялари тўғрисидаги низомга
11-ИЛОВА


АРИЗА

Референдумда овоз бериш ҳуқуқимни таъминлаш мақсадида мени яшаш манзилимга тегишли бўлган _____-сон референдум участкасининг овоз берувчи фуқаролар рўйхатига киритишингизни сўрайман.

Менинг шахсий маълумотларим:

Фамилияси, исми,отасининг исми	Туғилган йили, ойи ва куни	Паспорт (ёки ID картаси) серияси ва рақами	Яшаш манзили	Телефон рақами


Фуқаро	_______________	______________________________________
	Имзо		Ф.И.О.

Участка комиссияси аъзоси		_______________	__________________________________
		Имзо	Ф.И.О.

* Ушбу ариза комиссия раиси ёки котиби томонидан қайдлов дафтарида рўйхатга олинади. Шундан сўнг СЖБАТда белгиланган шаклдаги электрон сўровнома тўлдирилади ва овоз берувчи фуқаролар рўйхатига ўзгартириш киритиш учун тегишинча республика, вилоят ёки туман ишчи гуруҳига автоматик тарзда юборилади.

Референдум участкалари ҳамда референдум ўтказувчи участка комиссиялари тўғрисидаги низомга
12-ИЛОВА


ЎЗБЕКИСТОН РЕСПУБЛИКАСИ РЕФЕРЕНДУМИ ОВОЗ БЕРУВЧИ ФУҚАРОЛАР РЎЙХАТИ ИЛОВАСИ

________________________-референдум округи

20__ й. «___»_______________
(референдум санаси)

___________РЕФЕРЕНДУМ УЧАСТКАСИ

Т/р	Фамилияси, исми, отасининг исми	Турар жойи (турар жойни тасдиқловчи ҳужжатга асосан)	СЯЭРда овоз берувчи фуқаролар рўйхатига киритилган референдум участкасининг рақами, туман ёки шаҳар, вилоят (референдум участкаси телефон рақами)	Участка комиссияси раиси имзоси	Участка комиссияси котиби имзоси	Фуқаронинг овоз бериш бюллетенини олганлиги ҳақидаги имзоси

Изоҳ:

Ушбу илова референдум участкалари ҳамда референдум ўтказувчи участка комиссиялари тўғрисидаги низом талабларига қатъий амал қилган ҳолда тўлиқ тўлдирилиши шарт!

Ушбу талабга амал қилмаслик, референдум тўғрисидаги қонунчилик ҳужжатларини бузганлик учун жавобгарликка сабаб бўлади.

Референдум участкалари ҳамда референдум ўтказувчи участка комиссиялари тўғрисидаги низомга
13-ИЛОВА


ЎЗБЕКИСТОН РЕСПУБЛИКАСИ РЕФЕРЕНДУМИ

ОВОЗ БЕРУВЧИ ФУҚАРОЛАР РЎЙХАТИДАН КЎЧИРМА
(муддатидан олдин овоз берганлар бўйича)

______-референдум округи

20__ й. «___»_______________ (референдум санаси)

___________ РЕФЕРЕНДУМ УЧАСТКАСИ

Т/р	Фамилияси, исми, отасининг исми	Туғилган йили, ойи, куни	Турар жойи	Фуқаронинг овоз бериш бюллетенини олганлиги ҳақидаги имзоси
1	2	3	4	5

Изоҳ: Мазкур рўйхатга овоз берувчи фуқаролар тўғрисидаги маълумотлар ёзув ручкаси орқали киритилади.

Референдум участкалари ҳамда референдум ўтказувчи участка комиссиялари тўғрисидаги низомга
14-ИЛОВА


	Референдум ўтказувчи участка комиссиясида овоз бериш бюллетенларини комиссия аъзоларига тақсимлаб бериш далолатномасининг намунаси

______-референдум ўтказувчи участка комиссиясининг
ДАЛОЛАТНОМАСИ
20__ йил ___ ___________		Тошкент шаҳри

Ушбу далолатнома референдум ўтказувчи участка комиссияси раиси ва аъзоси ўртасида овоз бериш бюллетенларини топшириш ва қабул қилиб олиш тўғрисида тузилди.

Ўзбекистон Республикаси референдуми бўйича ________ та овоз бериш бюллетенлари топширилди ва қабул қилиб олинди.

Топширдим:
____-референдум ўтказувчи участка комиссияси
раиси: _______________________		______________
(Ф.И.О)		(имзо)

Қабул қилдим:
____-референдум ўтказувчи участка комиссияси
аъзоси: ______________________		______________
(Ф.И.О)		(имзо)

Референдум участкалари ҳамда референдум ўтказувчи участка комиссиялари тўғрисидаги низомга
15-ИЛОВА


	Овоз бериш қутисини пломбалаш тўғрисида далолатнома намунаси

___-референдум ўтказувчи участка комиссиясининг
ДАЛОЛАТНОМАСИ
20__ йил ___ ___________		Тошкент шаҳри

Қатнашдилар: Референдум ўтказувчи участка комиссияси аъзолари

Ушбу далолатнома овоз бериш қутисини пломбалаш тўғрисида.

Ўзбекистон Республикаси Марказий сайлов комиссияси томонидан белгиланган тартиб асосида овоз бериш қутилари __________-сонли, ____________-сонли, ________-сонли ва кўчма қути __________-сонли рақамланган пломбалар билан пломбаланди.

____-референдум ўтказувчи участка комиссияси
раиси: _______________________	______________
(Ф.И.О)	(имзо)


____-референдум ўтказувчи участка комиссияси
котиби: ______________________	______________
(Ф.И.О)	(имзо)

Референдум участкалари ҳамда референдум ўтказувчи участка комиссиялари тўғрисидаги низомга
16-ИЛОВА


		Турган жойида овоз беришни ташкил этиш учун овоз бериш бюллетенларини олиш тўғрисида далолатнома намунаси

___-референдум ўтказувчи участка комиссиясининг
ДАЛОЛАТНОМАСИ

Биз, қуйидаги имзо чекувчилар ___________________________________________________нинг
	(референдум округининг тартиб рақами ва номи)
______________________________________________________ участка комиссиясининг аъзолари:
(участка комиссиясининг тартиб рақами)

_______________________________________________________________________________________
(Ф.И.О.)

_______________________________________________________________________________________,
(Ф.И.О.)

20__ йил «__» _______ куни _____________________________________________________________да
	(овоз бериш ўтказилган жой номи)

Турган жойида овоз беришни ташкил этиш учун овоз бериш бюллетенлари олинганлиги ва овоз берувчи фуқароларга берилганлиги ҳақида ушбу далолатномани туздик.

Овоз берувчи фуқаронинг турган жойида овоз беришни ташкил этиш учун _______________ нафар фуқаролардан келиб тушган мурожаатларга асосан __________________________________ овоз бериш бюллетен(лар)и олинди.
(сони рақам ва ёзма шаклда акс эттирилиши лозим)

_______________________________________________овоз бериш бюллетен(лар)и _________________
(сони рақам ва ёзма шаклда акс эттирилиши лозим)
нафар фуқаро(лар)га берилди.

Ишлатилган бюллетенлар: ___________________________________________.
(сони рақам ва ёзма шаклда акс эттирилиши лозим)
Қайтарилган бюллетенлар, шундан:
Фойдаланилмаган:__________________________________________________;
(сони рақам ва ёзма шаклда акс эттирилиши лозим)
Бузилган: _________________________________________________________.
(сони рақам ва ёзма шаклда акс эттирилиши лозим)

Овоз берувчи фуқаронинг турган жойида овоз беришни ўтказган участка комиссияси аъзолари:

	________________________		________________________
	(имзо)		(Ф.И.О.)
	________________________		________________________
М.Ў.	(имзо)		(Ф.И.О.)

Референдум участкалари ҳамда референдум ўтказувчи участка комиссиялари тўғрисидаги низомга
17-ИЛОВА


ЎЗБЕКИСТОН РЕСПУБЛИКАСИ РЕФЕРЕНДУМИ

ОВОЗ БЕРУВЧИ ФУҚАРОЛАР РЎЙХАТИДАН КЎЧИРМА
(турган жойида овоз берганлар бўйича)

______-референдум округи

20__ й. «___»_______________ (референдум санаси)

___________РЕФЕРЕНДУМ УЧАСТКАСИ

Т/р	Фамилияси, исми, отасининг исми	Туғилган йили, ойи, куни	Турар жойи	Фуқаронинг овоз бериш бюллетенини олганлиги ҳақидаги имзоси
1	2	3	4	5

Изоҳ: Мазкур рўйхатга овоз берувчи фуқаролар тўғрисидаги маълумотлар ёзув ручкаси орқали киритилади.

Референдум участкалари ҳамда референдум ўтказувчи участка комиссиялари тўғрисидаги низомга
18-ИЛОВА

‎

‎‎‎ЎЗБЕКИСТОН РЕСПУБЛИКАСИ РЕФЕРЕНДУМИ
‎
‎20___ йил «___»___________
‎
‎РЕФЕРЕНДУМ ЎТКАЗУВЧИ УЧАСТКА КОМИССИЯСИНИНГ
‎ РЕФЕРЕНДУМ УЧАСТКАСИДА ОВОЗЛАРНИ САНАБ ЧИҚИШ
‎НАТИЖАЛАРИ ТЎҒРИСИДАГИ
‎
‎БАЁННОМАСИ
‎

‎‎Участка комиссияси «Ўзбекистон Республикасининг референдуми тўғрисида»ги Қонуннинг 22, 36-моддаларига мувофиқ, ______________________ референдум округининг ______ референдум участкасида овозларни санаб чиқиш натижасида қуйидагиларни аниқлади:

‎

1. Референдум участкасидаги овоз берувчиларнинг умумий сони‎‎

________________‎‎

‎

2. Референдум ўтказувчи участка комиссияси олган овоз бериш бюллетенлари сони ‎‎

________________‎‎

‎

3. Овоз бериш бюллетенларини олган фуқаролар сони ‎‎

‎‎________________

‎

4. Муддатидан олдин овоз берган фуқаролар сони ‎‎

‎‎________________

‎

5. Овоз беришда иштирок этган фуқаролар сони (овоз бериш қутиларидаги бюллетенлар сонига мувофиқ)‎‎

‎‎________________

‎

6. Фойдаланилмаган ва бузиб қўйилиб, бекор қилинган овоз бериш бюллетенларининг умумий сони ‎‎

‎‎________________

‎

7.‎

Референдумга қўйилган масалани ёқлаб берилган овозлар сони ‎‎

‎‎

8.‎

Референдумга қўйилган масалага қарши берилган овозлар сони‎‎

‎‎

‎

‎‎9. Ҳақиқий эмас деб топилган овоз бериш бюллетенлари сони

‎‎________________

‎

‎‎Комиссия раиси ______________________________________________________‎‎

________________‎‎

‎

‎‎(фамилияси, исми, отасининг исми)

(имзо)‎‎

Комиссия раисининг ўринбосари _________________________________________

________________‎‎

‎

(фамилияси, исми, отасининг исми)‎‎

(имзо)‎‎ ‎‎

‎‎Комиссия котиби _____________________________________________________

________________‎

‎

‎‎(фамилияси, исми, отасининг исми)

‎

‎‎(имзо)‎‎ ‎‎

‎‎‎Комиссия аъзолари:
‎

‎‎____________________________________________________________________
‎(фамилияси, исми, отасининг исми

‎‎________________
‎‎‎(имзо)‎‎ ‎‎