3181-3-сон 27.07.2022. Давлат хизматлари ягона реестрига қўшимча ва ўзгартиришлар киритиш тўғрисида

Ҳужжат кучини йўқотган 30.10.2023

Ўзбекистон Республикаси Адлия вазирлиги
Ўзбекистон Республикаси Ахборот технологиялари ва коммуникацияларини ривожлантириш вазирлигининг

Қарори

Давлат хизматлари ягона реестрига қўшимча ва ўзгартиришлар киритиш тўғрисида

[Ўзбекистон Республикаси Адлия вазирлиги томонидан 2022 йил 27 июлда рўйхатдан ўтказилди, рўйхат рақами 3181-3]

LexUZ шарҳи

Мазкур қарор Ўзбекистон Республикаси Адлия вазирлигининг 2023 йил 27 октябрдаги 3-сон ва Рақамли технологиялар вазирлигининг 2023 йил 26 октябрдаги 23/11-сонли ««Давлат хизматлари ягона реестрини тасдиқлаш тўғрисида»ги қарор, шунингдек унга ўзгартириш ва қўшимчаларни ўз кучини йўқотган деб топиш ҳақида»ги қарорига (рўйхат рақами 3181-4, 27.10.2023 й.) асосан ўз кучини йўқотган.

Ўзбекистон Республикаси Президентининг 2021 йил 24 июлдаги ПФ-6269-сон «Давлат хизматлари кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш чора-тадбирлари тўғрисида»ги ва 2022 йил 17 мартдаги ПФ-89-сон «Фуқароларнинг ҳуқуқ ва эркинликларини таъминлаш ҳамда ҳуқуқий хизмат кўрсатишда адлия органлари ва муассасалари фаолияти самарадорлигини янада ошириш чора-тадбирлари тўғрисида»ги фармонлари ҳамда Ўзбекистон Республикаси Президентининг 2022 йил 16 июндаги ПҚ-282-сон «Ўзбекистон Республикаси фуқароларига хорижга чиқиш биометрик паспортини беришга доир давлат хизмати кўрсатиш тартибини янада соддалаштириш чора-тадбирлари тўғрисида»ги қарори, Вазирлар Маҳкамасининг 2022 йил 12 апрелдаги 177-сон «Ўзбекистон Республикасида жисмоний шахснинг шахсий идентификация рақамини аниқлаш ва бериш тартибини такомиллаштириш тўғрисида»ги ва 2022 йил 20 апрелдаги 200-сон «Қурилиш соҳасига оид ягона маъмурий қурилиш регламентларини тасдиқлаш тўғрисида»ги қарорларига мувофиқ Ўзбекистон Республикаси Адлия вазирлиги ҳамда Ўзбекистон Республикаси Ахборот технологиялари ва коммуникацияларини ривожлантириш вазирлиги қарор қилади:

1. Ўзбекистон Республикаси Адлия вазирлиги ҳамда Ўзбекистон Республикаси Президенти ҳузуридаги Лойиҳа бошқаруви миллий агентлигининг 2019 йил 31 июлдаги 6 ва 136-сон қарори (рўйхат рақами 3181, 2019 йил 13 сентябрь) (Қонун ҳужжатлари маълумотлари миллий базаси, 13.09.2019 й., 19/19/3181/3738-сон) билан тасдиқланган Давлат хизматлари ягона реестрига иловага мувофиқ қўшимча ва ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Адлия вазири Р. ДАВЛЕТОВ

Тошкент ш.,

2022 йил 27 июль,

4-сон

Ахборот технологиялари ва коммуникацияларини ривожлантириш вазири Ш. ШЕРМАТОВ

Тошкент ш.,

2022 йил 27 июль,

230-мҳ-сон

Ўзбекистон Республикаси Адлия вазирлигининг 2022 йил 27 июлдаги 4-сон ва Ахборот технологиялари ва коммуникацияларини ривожлантириш вазирлигининг 2022 йил 27 июлдаги 230-мҳ-сон қарорига
ИЛОВА

Давлат хизматлари ягона реестрига киритилаётган қўшимча ва ўзгартиришлар

1. 002-боб қуйидаги мазмундаги 7³-позиция билан тўлдирилсин:

«
7³.	0029	Йирик инвестиция лойиҳасини амалга ошириш учун энг яхши таклифни танлаб олиш	Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси	Жисмоний ва юридик шахслар	Анъанавий ва электрон шаклда	Пуллик	Ер ижара шартномаси
							».

2. 004-бобнинг 10-позицияси «Давлат хизмати кўрсатиш шакли (анъанавий ва электрон)» устуни «Анъанавий» деган сўздан кейин «ва электрон шаклда» деган сўзлар билан тўлдирилсин.

3. 005-бобнинг 11-позицияси «Давлат хизмати кўрсатиш шакли (анъанавий ва электрон)» устуни «Анъанавий» деган сўздан кейин «ва электрон шаклда» деган сўзлар билан тўлдирилсин.

4. 008-бобда:

36⁶-позиция қуйидаги таҳрирда баён этилсин:

«
36⁶.	0084⁶	Қимматли қоғозлар билан операцияларни амалга ошириш ҳуқуқини олиш учун жисмоний шахсларни аттестациядан (қайта аттестациядан) ўтказиш	Ўзбекистон Республикаси Молия вазирлиги	Жисмоний шахс	Анъанавий ва электрон шаклда	Пуллик	Сертификат
							»;

41-позициянинг «Давлат хизмати кўрсатиш шакли (анъанавий ва электрон)» устуни «Анъанавий» деган сўздан кейин «ва электрон шаклда» деган сўзлар билан тўлдирилсин.

5. 009-боб қуйидаги мазмундаги 58³-позиция билан тўлдирилсин:

«
58³.	00915	Меҳнатни муҳофаза қилиш бўйича мутахассисларнинг малака имтиҳонини ўтказиш ва малака сертификатини бериш	Қорақалпоғистон Республикаси Бандлик ва меҳнат муносабатлари вазирлиги, вилоятлар ва Тошкент шаҳар бандлик бош бошқармалари	Жисмоний шахс	Анъанавий ва электрон шаклда	Пуллик	Сертификат
							».

6. 012-бобда:

78-позиция чиқариб ташлансин;

қуйидаги мазмундаги 91³-позиция билан тўлдирилсин:

«
91³.	01221	Тиббиёт ташкилотларини аккредитациядан ўтказиш	Ўзбекистон Республикаси Соғлиқни сақлаш вазирлиги	Юридик шахс	Анъанавий ва электрон шаклда	Пуллик	Аккредитация гувоҳномаси
							».

7. Қуйидаги мазмундаги 012²-боб билан тўлдирилсин:

«
012²		Ўзбекистон Республикаси Тиббий-ижтимоий хизматларни ривожлантириш агентлиги
91¹¹.	01230	Кексалар ва ногиронлиги бўлган шахсларга санаторийларда даволаниш учун йўлланмалар бериш	Ўзбекистон Республикаси Тиббий-ижтимоий хизматларни ривожлантириш агентлигининг туман (шаҳар) тиббий-ижтимоий хизматларни ривожлантириш бўлимлари	Жисмоний шахс	Электрон	Бепул	Йўлланма
							».

8. Қуйидаги мазмундаги 013¹-боб билан тўлдирилсин:

«
013¹		Ўзбекистон Республикаси Вазирлар Маҳкамаси ҳузуридаги Давлат персоналлаштириш маркази
93.	01311	Жисмоний шахснинг шахсий идентификация рақамини бериш	Ўзбекистон Республикаси Вазирлар Маҳкамаси ҳузуридаги Давлат персоналлаштириш маркази	Жисмоний шахс	Электрон	Бепул	Маълумотнома
93¹.	01312	Ўзбекистон Республикаси фуқаросининг хорижга чиқиш учун биометрик паспортини бериш	Ўзбекистон Республикаси Вазирлар Маҳкамаси ҳузуридаги Давлат персоналлаштириш маркази	Жисмоний шахс	Анъанавий	Пуллик	Хорижга чиқиш учун биометрик паспорт
							».

9. 014-бобда:

130-позиция чиқариб ташлансин;

137-позициянинг «Давлат хизмати кўрсатиш шакли (анъанавий ва электрон)» устуни «Анъанавий» деган сўздан кейин «ва электрон шаклда» деган сўзлар билан тўлдирилсин.

10. 017-бобнинг 162-позицияси «Давлат хизмати кўрсатиш шакли (анъанавий ва электрон)» устуни «Анъанавий» деган сўздан кейин «ва электрон шаклда» деган сўзлар билан тўлдирилсин.

11. 018-бобнинг 168-позицияси «Давлат хизмати кўрсатиш шакли (анъанавий ва электрон)» устунидаги «Электрон шаклда» деган сўзлар «Анъанавий ва электрон шаклда» деган сўзлар билан алмаштирилсин.

12. 026-боб қуйидаги мазмундаги 273¹-позиция билан тўлдирилсин:

«
273¹.	02617	Корпоратив бошқарувчи малака аттестатини бериш	Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Бизнес ва тадбиркорлик олий мактаби	Жисмоний шахс	Анъанавий	Пуллик	Аттестат
							».

13. 028-боб қуйидаги мазмундаги 309¹ ва 309²-позициялар билан тўлдирилсин:

«
309¹.	0285	Болаларни уларнинг соғлиғига зарар етказувчи ахборотдан ҳимоя қилиш соҳасидаги экспертларни аккредитация қилиш	Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги	Жисмоний шахс	Анъанавий ва электрон шаклда	Бепул	Гувоҳнома
309².	0286	Давлат органлари ва ташкилотлари ахборот хизматлари раҳбарларини аттестациядан ўтказиш	Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги	Жисмоний шахс	Анъанавий ва электрон шаклда	Бепул	Гувоҳнома
							».

14. 031-бобда:

332-позиция қуйидаги таҳрирда баён этилсин:

«
332.	0314	Лойиҳа-смета ҳужжатларини келишиш	Қорақалпоғистон Республикаси Қурилиш вазирлиги, вилоятлар ва Тошкент шаҳар қурилиш бош бошқармалари ҳузуридаги ҳудудий архитектура-шаҳарсозлик кенгашлари, Қорақалпоғистон Республикаси Қурилиш вазирлиги, вилоятлар ва Тошкент шаҳар қурилиш бош бошқармалари, туман (шаҳар) қурилиш бўлимлари	Жисмоний ва юридик шахслар	Электрон	Пуллик	Хулоса
							»;

335 ва 336-позициялар қуйдаги тахрирда баён этилсин:

«
335.	0317	Бино ва иншоотнинг ташқи кўринишини ўзгартиришни келишиб олиш	Туман (шаҳар) қурилиш бўлимлари	Жисмоний ва юридик шахслар	Анъанавий ва электрон	Пуллик	Келишиш
336.	0318	Бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатнома	Туман (шаҳар) қурилиш бўлимлари	Жисмоний ва юридик шахслар	Анъанавий ва электрон	Пуллик	Рухсатнома
							»;

337-позиция чиқариб ташлансин;

337¹-позиция қуйидаги таҳрирда баён этилсин:

«
337¹.	0319¹	Қурилиш-монтаж ишлари тугалланган объектдан фойдаланиш учун рухсатнома	Қурилиш соҳасида ҳудудий назорат инспекциясига ёки туман (шаҳар) қурилиш бўлимлари	Жисмоний ва юридик шахслар	Электрон	Пуллик	Рухсатнома
							»;

338-позиция қуйидаги таҳрирда баён этилсин:

«
338.	03110	Кўчмас мулк бузилишга тушган ёки тушмаганлиги тўғрисида маълумотнома	Қорақалпоғистон Республикаси Қурилиш вазирлиги, вилоятлар ва Тошкент шаҳар қурилиш бош бошқармалари	Жисмоний ва юридик шахслар	Электрон	Пуллик	Маълумотнома
							».

15. 036-бобда:

қуйидаги мазмундаги 365¹-позиция билан тўлдирилсин:

«
365¹.	0364¹	Якка тартибдаги тадбиркорлар томонидан ёлланган ходимларни давлат солиқ хизмати органларида ҳисобга қўйиш	Туман (шаҳар) давлат солиқ инспекциялари	Жисмоний шахс	Электрон	Бепул	Ҳисобга қўйиш карточкаси
							»;

қуйидаги мазмундаги 370⁶-позиция билан тўлдирилсин:

«
370⁶.	03615	Кўчма савдо объектларини рўйхатдан ўтказиш	Ўзбекистон Республикаси Давлат солиқ қўмитаси	Жисмоний ва юридик шахслар	Электрон	Пуллик	Гувоҳнома
							».

16. 040-боб қуйидаги мазмундаги 406¹-позиция билан тўлдирилсин:

«
406¹.	0403¹	Геодезия ва картография фаолияти билан шуғулланадиган мутахассисларнинг малакасини ошириш ва уларга малака сертификатини бериш	Ўзбекистон Республикаси Давлат солиқ қўмитаси ҳузуридаги Кадастр агентлиги	Жисмоний шахс	Анъанавий ва электрон шаклда	Пуллик	Сертификат
							».

17. 044-боб қуйидаги мазмундаги 428²-позиция билан тўлдирилсин:

«
428².	0441²	Ветеринария хизмати мутахассисларининг малакасини ошириш, уларни қайта тайёрлаш ва уларга малака тоифалари бериш	Самарқанд ветеринария медицинаси институти ҳузуридаги Кадрларни қайта тайёрлаш ва уларнинг малакасини ошириш маркази	Жисмоний шахс	Анъанавий ва электрон шаклда	Пуллик	Сертификат
							».

18. 048-бобда:

номи қуйидаги таҳрирда баён этилсин:

«Ўзбекистон Республикаси Адлия вазирлиги (давлат хизматлари марказлари ва фуқаролик ҳолати далолатномаларини ёзиш соҳасида)»;

қуйидаги мазмундаги 471¹ ва 471²-позициялар билан тўлдирилсин:

«
471¹.	0482¹	Йўқолган ашёнинг топилмаганлиги ҳақидаги маълумотнома олиш	Давлат хизматлари маркази	Жисмоний ва юридик шахслар	Электрон	Пуллик	Маълумотнома
471².	0482²	«Автомобиль тарихи» маълумотларини тақдим этиш	Давлат хизматлари маркази	Жисмоний ва юридик шахслар	Электрон	Пуллик	Маълумотнома
							»;

500-позиция қуйидаги таҳрирда баён этилсин:

«
500.	04831	Фуқаролик ҳолати далолатномаларини ёзиш органларининг архив ҳужжатларидан маълумотнома бериш	Фуқаролик ҳолати далолатномаларини ёзиш архивлари	Жисмоний шахс	Анъанавий ва электрон шаклда	Пуллик	Маълумотнома
							».

19. 049-бобда:

номи қуйидаги таҳрирда баён этилсин:

«Ўзбекистон Республикаси Истиқболли лойиҳалар миллий агентлиги»;

501-позициянинг «Давлат хизматини кўрсатувчи ваколатли органнинг номи» устуни қуйидаги таҳрирда баён этилсин:

«Ўзбекистон Республикаси Истиқболли лойиҳалар миллий агентлиги».

20. 051-бобда:

номи қуйидаги таҳрирда баён этилсин:

«Ўзбекистон Республикаси Адлия вазирлиги (интеллектуал мулк соҳасида)»;

535-позиция қуйидаги таҳрирда баён этилсин:

«
535.	0513	Электрон ҳисоблаш машиналари учун дастурлар ёки маълумотлар базаларига расмий рўйхатдан ўтказилганлик тўғрисидаги гувоҳнома олиш	Ўзбекистон Республикаси Адлия вазирлиги Интеллектуал мулк департаменти	Жисмоний ва юридик шахслар	Анъанавий ва электрон шаклда	Пуллик	Гувоҳнома
							»;

536 — 542-позицияларнинг «Давлат хизматини кўрсатувчи ваколатли органнинг номи» устуни қуйидаги таҳрирда баён этилсин:

«Ўзбекистон Республикаси Адлия вазирлиги Интеллектуал мулк департаменти».

21. Қуйидаги мазмундаги 058¹-боб билан тўлдирилсин:

«
058¹		Алишер Навоий номидаги Тошкент давлат ўзбек тили ва адабиёти университети ҳузуридаги Давлат тилида иш юритиш асосларини ўқитиш ва малака ошириш маркази
586¹.	0585	Ўзбекистон Республикаси фуқаролигига қабул қилишда чет давлат фуқароси ёки фуқаролиги бўлмаган шахснинг давлат тилини билиш даражасини аниқлаш	Алишер Навоий номидаги Тошкент давлат ўзбек тили ва адабиёти университети ҳузуридаги Давлат тилида иш юритиш асосларини ўқитиш ва малака ошириш маркази ва унинг ҳудудий бўлинмалари	Жисмоний шахс	Анъанавий ва электрон шаклда	Пуллик	Сертификат
							».

22. 067-боб қуйидаги мазмундаги 623-позиция билан тўлдирилсин:

«
623.	0675	Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш	Вазирлар Маҳкамаси ҳузуридаги Таълим сифатини назорат қилиш давлат инспекцияси	Жисмоний шахс	Анъанавий ва электрон шаклда	Бепул/ Пуллик	Сертификат
							».

(Қонунчилик маълумотлари миллий базаси, 27.07.2022 й., 10/22/3181-3/0678-сон)