|
Ҳужжат кучини йўқотган 17.06.2009
|
Ўзбекистон Республикаси Вазирлар Маҳкамасининг
қарори
ЖИСМОНИЙ ШАХСЛАРНИНГ АЙРИМ ТОИФАЛАРИ ДАРОМАДЛАРИГА ИМТИЁЗЛИ СОЛИҚ СОЛИШ ТЎҒРИСИДА
LexUZ шарҳиМазкур қарорни амал қилиши 1999 йил учун Ўзбекистон Республикаси Вазирлар Маҳкамасининг 1998 йил 31 декабрдаги 541-сонли «Ўзбекистон Республикасининг 1999 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»га қарорига мувофиқ сақланиб қолинган.
LexUZ шарҳиМазкур қарорни амал қилиши 2000 йил учун Ўзбекистон Республикаси Вазирлар Маҳкамасининг 1999 йил 31 декабрдаги 554-сонли «Ўзбекистон Республикасининг 2000 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»га қарорига мувофиқ сақланиб қолинган.
LexUZ шарҳиМазкур қарорни амал қилиши 2001 йил учун Ўзбекистон Республикаси Вазирлар Маҳкамасининг 2000 йил26 декабрдаги 500-сонли «Ўзбекистон Республикасининг 2001 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»га қарорига мувофиқ сақланиб қолинган.
LexUZ шарҳиМазкур қарорни амал қилиши 2002 йил учун Ўзбекистон Республикаси Вазирлар Маҳкамасининг 2001 йил 31 декабрдаги 490-сонли «Ўзбекистон Республикасининг 2002 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»га қарорига мувофиқ сақланиб қолинган.
LexUZ шарҳиМазкур қарорни амал қилиши 2003 йил учун Ўзбекистон Республикаси Вазирлар Маҳкамасининг 2002 йил 30 декабрдаги 455-сонли «Ўзбекистон Республикасининг 2003 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»га қарорига мувофиқ сақланиб қолинган.
LexUZ шарҳиМазкур қарор Ўзбекистон Республикаси Вазирлар Маҳкамасининг 2009 йил 17 июндаги 168-сонли «Солиқ имтиёзлари тартибга солиниши муносабати билан Ўзбекистон Республикаси Ҳукуматининг айрим қарорларига ўзгартиришлар киритиш ва баъзиларини ўз кучини йўқотган деб ҳисоблаш тўғрисида»ги қарорига асосан ўз кучини йўқотган.
Ўзбекистон Республикасининг Солиқ кодексига мувофиқ Вазирлар Маҳкамаси қарор қилади:
Олдинги таҳрирга қаранг.
1. Вазирлар Маҳкамасининг 1994 йил 12 майдаги 250-сон қарор билан тасдиқланган ишлаб чиқаришлар, муассасалар, ишлар, касблар, лавозимлар ва кўрсаткичларнинг 1, 2 ва 3-рўйхатларига кирувчи меҳнат шароитлари ўта зарарли, ўта оғир, зарарли ва оғир бўлган ишлаб чиқаришларда ишловчи ходимларнинг даромадларига солиқ солишнинг амалдаги имтиёзли тартиби белгилансин, бунда фуқароларнинг юқорида айтиб ўтилган тоифалари даромадларидан чегирмалар даражаси 25 фоиздан ошмаслиги назарда тутилсин.
(1-банд Ўзбекистон Республикаси Вазирлар Маҳкамасининг 2003 йил 25 декабрдаги 567-сонли қарори таҳририда — ЎР ҚҲТ, 2003 й., 24-сон, 241-модда)
Олдинги таҳрирга қаранг.
2. Белгилансинки, ноқулай табиий-иқлим шароитларидаги жойларда ишлаганлик учун қўшимча тўловлар (иш стажи учун устама, тоғли, чўл ва сувсиз жойларда ишлаганлик учун белгиланган коэффициентлар бўйича тўловлар)га солиқ жисмоний шахслар даромадига солинадиган энг кам солиқ ставкаси бўйича ундирилади.
(2-банд Ўзбекистон Республикаси Вазирлар Маҳкамасининг 2001 йил 31 декабрдаги 490-сонли қарори таҳририда — ЎР ҚҲТ, 2001 й., 22-24-сон, 159-модда)
3. Ўзбекистон Республикаси Давлат солиқ қўмитаси жисмоний шахсларнинг даромадидан олинадиган солиқ мазкур қарорга мувофиқ тўғри ҳисоблаб чиқилиши ва тўланиши устидан назоратни таъминласин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.С. Ҳамидов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1997 йил 24 декабрь,
562-сон
