Ўзбекистон Республикаси Соғлиқни сақлаш вазирининг

буйруғи

Мажбурий тиббий қўриқдан ўтмаган ёхуд атрофдагиларга сил касаллигини юқтириш хавфи мавжуд бўлган шахсларнинг бажариши рухсат этилмайдиган ишлар рўйхатини тасдиқлаш тўғрисида

[Ўзбекистон Республикаси Адлия вазирлиги томонидан 2021 йил 2 ноябрда рўйхатдан ўтказилди, рўйхат рақами 3330]

Ўзбекистон Республикасининг «Аҳолини сил касаллигидан муҳофаза қилиш тўғрисида»ги Қонунига мувофиқ буюраман:

1. Мажбурий тиббий кўрикдан ўтмаган ёхуд атрофдагиларга сил касаллигини юқтириш хавфи мавжуд бўлган шахсларнинг бажариши рухсат этилмайдиган ишлар рўйхати иловага мувофиқ тасдиқлансин.

2. Ўзбекистон Республикаси соғлиқни сақлаш вазирининг 2014 йил 4 февралдаги 38-сон «Мажбурий тиббий кўрикдан ўтмаган ёхуд атрофдагиларга сил касаллигини юқтириш хавфи мавжуд бўлган шахсларнинг бажариши рухсат этилмайдиган ишлар рўйхатини тасдиқлаш тўғрисида»ги буйруғи (рўйхат рақами 2566, 2014 йил 5 март) (Ўзбекистон Республикаси қонун ҳужжатлари тўплами, 2014 й., 10-сон, 114-модда) ўз кучини йўқотган деб топилсин.

3. Мазкур буйруқ расмий эълон қилинган кундан эътиборан кучга киради.

Вазир А. ХАДЖИБАЕВ

Тошкент ш.,

2021 йил 19 октябрь,

31-сон

Келишилди:

Бандлик ва меҳнат муносабатлари вазири Н. ХУСАНОВ

2021 йил 27 сентябрь

Ўзбекистон касаба уюшмалари Федерацияси раиси К. РАФИКОВ

2021 йил 4 октябрь

Ўзбекистон Республикаси соғлиқни сақлаш вазирининг 2021 йил 19 октябрдаги 31-сон буйруғига
ИЛОВА

Мажбурий тиббий кўрикдан ўтмаган ёхуд атрофдагиларга сил касаллигини юқтириш хавфи мавжуд бўлган шахсларнинг бажариши рухсат этилмайдиган ишлар рўйхати

Т/р	Мажбурий тиббий кўрикдан ўтмаган ёхуд атрофдагиларга сил касаллигини юқтириш хавфи мавжуд бўлган шахсларнинг бажариши рухсат этилмайдиган ишлар	Рухсат этилмайдиган ишларни бажаришни назарда тутувчи касблар	Машғулотларнинг Халқаро Стандарт Классификацияси (МХСК-08) бўйича коди
1.	Даволаш-профилактика муассасаларида (туғруқхоналар, туғруқ, чақалоқлар патологияси ва чала туғилган чақалоқлар бўлимларида) чақалоқлар билан бевосита мулоқотда бўлган ҳолда бажариладиган ишлар	акушерка	3222
		барча номдаги тиббиёт ҳамширалари	3221
		барча мутахассисликдаги врачлар	2212
		беморга қараш бўйича кичик тиббиёт ҳамшира	5321
		санитаркалар	5321
		болалар таомлари ва парҳез таомлари ошпази	5120
		буфетчи	5132
2.	Болаларга хизмат кўрсатиши мумкин бўлган барча даволаш-профилактика муассасалари, шу жумладан болаларга мўлжалланган соғломлаштириш, жисмоний ривожлантириш, сиҳатгоҳ ва реабилитация масканларида, профилакторияларда болалар билан бевосита мулоқотда бўлган ҳолда бажариладиган ишлар	тарбиячилар	2342
		барча номдаги тиббиёт ҳамширалари	3221
		барча мутахассисликдаги врачлар	2212
		беморга қараш бўйича кичик тиббиёт ҳамшира	5321
		санитаркалар	5321
		болалар таомлари ва парҳез таомлари ошпази	5120
		буфетчи	5132
3.	Мактабгача таълим ташкилотлари ва болалар уйларида болалар билан бевосита мулоқотда бўлган ҳолда бажариладиган ишлар	тарбиячилар	2342
		барча номдаги тиббиёт ҳамширалари	3221
		барча мутахассисликдаги врачлар	2212
		беморга қараш бўйича кичик тиббиёт ҳамшира	5321
		санитаркалар	5321
		болалар таомлари ва парҳез таомлари ошпази	5120
		буфетчи	5132
4.	Мактабгача ёшдаги болаларга хизмат кўрсатиши мумкин бўлган таълим ва спорт муассасаларида, шунингдек ушбу мақсадларда ташкил этилган тўгаракларда болалар билан бевосита мулоқотда бўлган ҳолда бажариладиган ишлар	тарбиячилар	2342
		барча номдаги тиббиёт ҳамширалари	3221
		барча мутахассисликдаги врачлар	2212
		беморга қараш бўйича кичик тиббиёт ҳамшира	5321
		санитаркалар	5321
		болалар таомлари ва парҳез таомлари ошпази	5120
		буфетчи	5132
		тўгарак раҳбари	2359
		ўқитувчилар	2351
		логопед	2352
		ўқитувчи-логопед	2352

Изоҳ: мазкур Рўйхатда назарда тутилган ишларда ишловчи шахслар, белгиланган муддатларда мажбурий тиббий кўрикдан ўтишлари шарт бўлиб, улар тиббий кўрик натижаларига кўра сил касаллигига чалинмаган деб топилган тақдирдагина, бундай ишларга қўйилади.

Мазкур Рўйхат Ўзбекистон Республикаси Бандлик ва меҳнат муносабатлари вазирлиги ҳамда Ўзбекистон Касаба уюшмалари Федерацияси Кенгаши билан келишилган.

(Қонунчилик маълумотлари миллий базаси, 02.11.2021 й., 10/21/3330/1011-сон)