Ўзбекистон Республикаси Президентининг
Қарори
Қишлоқ хўжалигига мўлжалланган ерлардан фойдаланиш ва муҳофаза қилиш тизимини такомиллаштиришга доир қўшимча чора-тадбирлар тўғрисида
Қишлоқ хўжалиги ерлари билан боғлиқ муносабатларнинг барқарорлигини таъминлаш, давлат мониторинги, қишлоқ хўжалиги ерларидан фойдаланиш ва уни муҳофаза қилиш тизимини тубдан такомиллаштириш ва соҳага ахборот-коммуникация технологияларини кенг жорий этиш мақсадида:
1. Маълумот учун қабул қилинсинки, Ўзбекистон Республикаси Президентининг 2020 йил 7 сентябрдаги «Ер ҳисоби ва давлат кадастрларини юритиш тизимини тубдан такомиллаштириш чора-тадбирлари тўғрисида»ги ПФ-6061-сон Фармонига асосан:
а) Қишлоқ хўжалиги вазирлиги қишлоқ хўжалигига мўлжалланган ерлардан фойдаланишни ташкил этиш ва муҳофаза қилиш соҳасида самарали давлат назоратини амалга оширишда:
қишлоқ хўжалиги ерлари ва экинларини мониторинг қилиш;
қишлоқ хўжалиги экинларини жойлаштириш;
қишлоқ хўжалиги ерларининг муҳофаза қилинишини таъминлаш;
қишлоқ хўжалиги ерларининг меъёрий қийматини ва сифат кўрсаткичларини аниқлаш;
Олдинги таҳрирга қаранг.
ерлар деградациясини олдини олиш ва унга қарши курашиш;
(1-банднинг «а» кичик банди Ўзбекистон Республикаси Президентининг 2022 йил 10 июндаги ПҚ-277-сонли қарорига асосан олтинчи хатбоши билан тўлдирилган — Қонунчилик маълумотлари миллий базаси, 11.06.2022 й., 07/22/277/0513-сон)
тупроқ бонитировкасини ўтказиш, тупроқ унумдорлигини ошириш, тупроқшунослик, геоботаникага оид тадқиқотларни амалга ошириш бўйича ишларини ташкил этади.
б) Давлат солиқ қўмитаси ҳузуридаги Кадастр агентлиги (кейинги ўринларда — Кадастр агентлиги) ер участкаларига бўлган ҳуқуқларни давлат рўйхатидан ўтказиш ва давлат кадастрларини юритиш соҳасида:
ер тоифасидан қатъи назар барча турдаги ноқонуний ер участкалари ҳамда бино-иншоотларга бўлган ҳуқуқларни давлат рўйхатидан ўтказмаслик ҳолатларини аниқлайди;
ер участкаларининг ўзбошимчалик билан эгаллаб олиниши ва ушбу ер участкаларида ўзбошимчалик билан иморат қурилишини аниқлайди;
ер участкаси чегараларини ўзбошимчалик билан ўзгартиришга йўл қўймаслик чораларини кўради;
давлат кадастрларини юритиш тартибига риоя этилишининг назорат қилинишини таъминлайди.
2. Ўзбекистон Республикаси ҳудудларида қишлоқ хўжалиги ерларини муҳофаза қилишда давлат назоратини янада мустаҳкамлаш мақсадида Қишлоқ хўжалиги вазирлиги тузилмасида:
а) ахборот технологиялари ва коммуникацияларини ривожлантириш вазирининг аграр соҳани рақамлаштириш масалалари бўйича ўринбосари ва унга бўйсунувчи марказий аппаратдаги 16 та штат бирликларини қисқартириш ҳисобига:
аграр соҳани жадал рақамлаштириш, қишлоқ хўжалиги ва озиқ-овқат хавфсизлиги соҳаларига замонавий ахборот тизимлари ва дастурий маҳсулотларни жорий этиш масалаларига масъул бўлган вазир ўринбосари лавозими киритилсин;
Аграр соҳада рақамли технологияларни ривожлантириш бошқармаси ва Геоахборот технологияларини ривожлантириш бошқармаси ташкил қилинсин;
Олдинги таҳрирга қаранг.
Бунда, Қишлоқ хўжалиги вазирлиги ҳузуридаги «Агросаноатни рақамлаштириш маркази» масъулияти чекланган жамияти фаолиятини мувофиқлаштириш аграр соҳани жадал рақамлаштириш, қишлоқ хўжалиги ва озиқ-овқат хавфсизлиги соҳаларига замонавий ахборот тизимлари ва дастурий маҳсулотларни жорий этиш масалаларига масъул бўлган вазир ўринбосарига юклатилсин;
(2-банд «а» кичик бандининг тўртинчи хатбошиси Ўзбекистон Республикаси Президентининг 2024 йил 16 февралдаги ПФ-36-сонли Фармони таҳририда — Қонунчилик маълумотлари миллий базаси, 16.02.2024 й., 06/24/36/0130-сон)
Олдинги таҳрирга қаранг.
(2-банднинг «б» кичик банди Ўзбекистон Республикаси Президентининг 2024 йил 16 февралдаги ПФ-36-сонли Фармонига асосан чиқарилган — Қонунчилик маълумотлари миллий базаси, 16.02.2024 й., 06/24/36/0130-сон)
в) қонунчиликда белгиланган тартибда қишлоқ хўжалигига мўлжалланган ерларда ер тузиш, ер мониторинги, экинларни жойлаштириш ва экилишини мониторинг қилиш тадбирларини амалга ошириш мақсадида Қишлоқ хўжалигини ривожлантириш ва озиқ-овқат таъминоти жамғармаси маблағлари, бюджетдан ташқари маблағлар, халқаро молия институтлари маблағлари ва хорижий ташкилотларнинг грантлари ҳисобидан қўшимча штат бирликлари киритилсин;
г) вазирлик ҳузуридаги «Мониторинг хизмати» давлат муассасаси ва вазирлик марказий аппаратидаги Ички назорат хизмати негизида 8 та штат бирлигидан иборат Ички аудит ва комплаенс-назорат бошқармаси ташкил этилсин.
3. Кадастр агентлигининг «Ўздаверлойиҳа» давлат илмий-лойиҳалаш институти (кейинги ўринларда — Институт) ва унинг ҳудудий бўлинмалари штат бирликлари ҳамда моддий-техника базаси, Институтнинг ҳудудий бўлинмалари балансида турган бино-иншоотлар 2021 йил 1 мартдан бошлаб Қишлоқ хўжалиги вазирлиги тизимига ўтказилсин.
Бунда, 2023 йил 1 январга қадар:
Институт Тошкент шаҳри, Чилонзор тумани, Чўпонота кўчаси, «Ц» мавзесида жойлашган Кадастр агентлиги биносининг бир қисмидан;
Кадастр агентлигининг ҳудудий бошқармалари ва ташкилотлари Институтнинг ҳудудий бўлинмаларига қарашли биноларнинг бир қисмидан текин фойдаланади.
Олдинги таҳрирга қаранг.
(4-банд Ўзбекистон Республикаси Президентининг 2023 йил 10 июндаги ПФ-90-сонли Фармонига асосан ўз кучини йўқотган — Қонунчилик маълумотлари миллий базаси, 12.06.2023 й., 06/23/90/0352-сон)
Олдинги таҳрирга қаранг.
5. Қуйидагилар Агросаноат мажмуи устидан назорат қилиш инспекциясини ривожлантириш жамғармаси маблағларини шакллантиришнинг қўшимча манбалари этиб белгилансин:
(5-банднинг биринчи хатбошиси Ўзбекистон Республикаси Президентининг 2024 йил 16 февралдаги ПФ-36-сонли Фармони таҳририда — Қонунчилик маълумотлари миллий базаси, 16.02.2024 й., 06/24/36/0130-сон)
Олдинги таҳрирга қаранг.
Агросаноат мажмуи устидан назорат қилиш инспекциясининг қишлоқ хўжалиги ерларини муҳофаза қилиш бўйича давлат назоратчилари томонидан кўрилган маъмурий ҳуқуқбузарлик тўғрисидаги ишларга асосан ундириладиган жарималарнинг 50 фоизи;
(5-банднинг иккинчи хатбошиси Ўзбекистон Республикаси Президентининг 2024 йил 16 февралдаги ПФ-36-сонли Фармони таҳририда — Қонунчилик маълумотлари миллий базаси, 16.02.2024 й., 06/24/36/0130-сон)
ўзбошимчалик билан ерларнинг қишлоқ хўжалиги муомаласидан чиқишига сабаб бўлган ҳолларда етказилган зарар бўйича ҳисобланган маблағларнинг 5 фоизи.
6. Қишлоқ хўжалиги вазирлигига қуйидаги ҳуқуқлар берилсин:
қонунчиликда белгиланган ваколатлар доирасида тўғридан-тўғри маъмурий ҳуқуқбузарликлар тўғрисида баённомалар расмийлаштириш ва айбдор шахсларни жаримага тортиш;
Олдинги таҳрирга қаранг.
(6-банднинг учинчи хатбошиси Ўзбекистон Республикаси Президентининг 2024 йил 14 ноябрдаги ПФ-184-сонли Фармонига асосан чиқарилиш санаси 2025 йил 1 январь — Қонунчилик маълумотлари миллий базаси, 23.11.2024 й., 06/24/184/0954-сон)
қишлоқ хўжалигига мўлжалланган ерларнинг ҳолатини, қишлоқ хўжалиги экинлари ва агротехник тадбирларни учувчисиз учиш аппаратлари (дронлар)дан белгиланган тартибда фойдаланган ҳолда мониторинг қилиш мақсадида учувчисиз учиш аппаратлари (дронлар)дан фойдаланиш ва уларни тўловсиз учиришни амалга ошириш;
LexUZ шарҳиҚаранг: Вазирлар Маҳкамасининг 2022 йил 15 ноябрдаги 658-сон қарори билан тасдиқланган Ўзбекистон Республикаси фуқаро ва давлат авиациясида учувчисиз учадиган аппаратлардан фойдаланиш ҳамда уларни сақлаш тартиби тўғрисидаги низом.
Олдинги таҳрирга қаранг.
қишлоқ хўжалиги мақсадида учувчисиз учиш аппаратларини (дронлар) ишлаб чиқарувчи корхоналардан тендерсиз тўғридан-тўғри харид қилиш ҳамда божхона божи тўламасдан республика ҳудудига олиб кириш, ишлаб чиқарувчилар билан ҳамкорликда дронларни ишлаб чиқариш ва таъмирлаш бўйича филиаллар очиш ҳамда сервислар ташкил этиш.
(6-банднинг бешинчи хатбошиси Ўзбекистон Республикаси Президентининг 2022 йил 10 июндаги ПҚ-277-сонли қарори таҳририда — Қонунчилик маълумотлари миллий базаси, 11.06.2022 й., 07/22/277/0513-сон)
7. Кадастр агентлиги тизимидаги Республика аэрогеодезия марказининг Қорақалпоғистон Республикаси ва вилоятлардаги ҳудудлараро бўлинмалари ташкил этилсин.
8. Республика аэрогеодезия марказига ер тузишга оид комплекс тадбирларни бажаришга йўналтирилган лойиҳа-қидирув ва тадқиқот ишларини бажариш, ерларни хатловдан ўтказиш, давлат ер кадастрини юритиш учун зарур маълумотларни тайёрлаш бўйича қўшимча вазифа ва функциялар юклатилсин.
9. Давлат солиқ қўмитаси (Ш.Д. Кудбиев) ва Молия вазирлиги (Т.А. Ишметов) Қишлоқ хўжалиги вазирлиги (Ж.А. Ходжаев) билан биргаликда уч ой муддатда Солиқ кодексига қуйидагиларни назарда тутувчи ўзгартириш ва қўшимчалар киритиш тўғрисидаги қонун лойиҳасини Вазирлар Маҳкамасига киритсин:
ер участкаларига бўлган ҳуқуқлар Кадастр агентлигининг Миллий географик ахборот тизимида давлат рўйхатидан ўтмасдан ердан фойдаланишни ердан ноқонуний фойдаланиш деб ҳисоблаш ҳамда унга нисбатан ер солиғи ставкасини 10 баравар миқдорида қўллаш;
ер участкалари ўзбошимчалик билан эгалланган ва ер участкасига бўлган ҳуқуқни тасдиқловчи ҳужжатларда кўрсатилганидан ортиқроқ ҳажмда фойдаланилганда, шунингдек, ер участкасидан белгиланган мақсадларда фойдаланмаслик ҳолатлари аниқланган тақдирда, ер солиғининг белгиланган ставкаларини 20 баравар миқдорида ундириш.
Олдинги таҳрирга қаранг.
10. Кадастр агентлиги (Ф.К. Умаров) 2021 йил 1 октябрга қадар:
(10-банднинг биринчи хатбошиси Ўзбекистон Республикаси Президентининг 2021 йил 8 июндаги ПФ-6243-сонли Фармони таҳририда — Қонунчилик маълумотлари миллий базаси, 09.06.2021 й., 06/21/6243/0540-сон — 2021 йил 1 августдан кучга киради)
ерга оид ҳуқуқбузарликларни аниқлаш, ҳужжатлар тўпламини шакллантириш ва уларни кўриб чиқиш мониторингини юритиш бўйича «Е-YER NAZORAT» автоматлаштирилган ахборот тизимини (кейинги ўринларда — «Е-YER NAZORAT» тизими) яратсин;
ерга оид ҳуқуқбузарликларни ўз ваколатлари доирасида кўриб чиқиш ва натижалари тўғрисидаги маълумотларни «Е-YER NAZORAT» тизимига киритиб бориш мақсадида Қишлоқ хўжалиги вазирлиги, Экология ва атроф-муҳитни муҳофаза қилиш давлат қўмитаси, Бош прокуратура, Ички ишлар вазирлиги ва Бош прокуратура ҳузуридаги Мажбурий ижро бюросининг ҳудудий бўлинмалари, судлар ҳамда маҳаллий давлат ҳокимияти органлари ахборот тизимига интеграция қилсин;
«Е-YER NAZORAT» тизимининг самарали ишлашини таъминлаш, ерларни ўзбошимчалик билан эгаллаб олиш ҳолатларини аниқлашда жамоатчилик назорати, назоратчи инспекторлар ва ер тузувчиларни рағбатлантириш шунингдек, ноқонуний ҳолатлар тўлиқ бартараф этилгунга қадар изчил назорат олиб бориш механизмларини назарда тутган ҳолда Давлат ер ва кадастр назоратини амалга ошириш тартиби тўғрисидаги низом лойиҳасини Вазирлар Маҳкамасига киритсин.
11. Давлат солиқ қўмитаси (Ш.Д. Кудбиев):
бир ой муддатда қишлоқ хўжалиги ерларини тўлиқ хатловдан ўтказиш орқали уларнинг электрон хариталарини яратиш бўйича Ҳукумат қарори лойиҳасини;
Адлия вазирлиги (Р.Қ. Давлетов) билан биргаликда уч ой муддатда Жиноят кодексига ер участкаларини, шу жумладан муҳофаза этиладиган зоналар, қишлоқ хўжалигига мўлжалланган ерларни ўзбошимчалик билан эгаллаб олишга йўл қўймаслик бўйича ер эгаси, ердан фойдаланувчи ёки ижарачи томонидан чоралар кўрмаслик ҳолатлари бўйича жиноий жавобгарликни кучайтиришни назарда тутувчи ўзгартириш ва қўшимчалар киритиш тўғрисидаги қонун лойиҳасини Вазирлар Маҳкамасига киритсин.
12. Қишлоқ хўжалиги вазирлиги (Ж.А. Ходжаев), Кадастр агентлиги (Ф.К. Умаров) бир ой муддатда «Ўздаверлойиҳа» давлат илмий-лойиҳалаш институти ҳамда Кадастр агентлигининг ҳудудий бўлинмалари фаолиятига алоқадор идоравий сақлов муддати тугаган геодезик ва картографик материалларни Давлат картография-геодезия фондига давлат сақловига топшириш, амалда фойдаланишдаги барча ҳужжатларнинг кўчирма нусхаларини тегишлилиги бўйича ўзаро алмашишни таъминласин.
13. Қишлоқ хўжалиги вазирлиги (Ж.А. Ходжаев):
уч ой муддатда қишлоқ хўжалигига мўлжалланган ерларни мониторинг ва муҳофаза қилишда давлат назоратини амалга ошириш тартиби тўғрисидаги Ҳукумат қарори лойиҳасини ишлаб чиқсин;
«Ўздаверлойиҳа» давлат илмий-лойиҳалаш институти фаолияти самарали йўлга қўйилишини таъминласин.
14. Қуйидагилар:
а) Давлат солиқ қўмитаси раиси Ш.Д. Кудбиев зиммасига:
2021 йил якунига қадар қишлоқ хўжалиги ерларини тўлиқ хатловдан ўтказиб, уларнинг электрон хариталарини яратиш;
«Е-YER NAZORAT» автоматлаштирилган ахборот тизимини ишга тушириш ҳамда тегишли вазирлик ва идораларни мазкур тизимга интеграция қилиш;
б) қишлоқ хўжалиги вазири Ж.А. Ходжаев зиммасига:
«Ўздаверлойиҳа» давлат илмий-лойиҳалаш институти, Қишлоқ хўжалиги ерларини муҳофаза қилиш бўйича давлат назоратини амалга ошириш бошқармаси ва ҳудудий ер тузувчилар фаолиятини ташкил этиш учун зарурий воситалар билан таъминлашга халқаро грант маблағларини ўрнатилган тартибда жалб қилиш;
қишлоқ хўжалигига мўлжалланган ерлардан, самарали фойдаланиш ва экинлар ҳолатини назорат қилишни рақамлаштириш;
қишлоқ хўжалиги ерларини мониторинг қилишда замонавий ахборот-коммуникация технологияларини жорий этиш учун давлат-хусусий шериклик шартлари асосида мақсадли лойиҳаларни амалга ошириш;
в) қишлоқ хўжалиги вазири ўринбосари М.И. Рузметов зиммасига:
ҳудудларда қишлоқ хўжалиги ерлари ва экинларини мониторинг қилиш ишларини самарали ташкил этиш;
тупроқ бонитировкасини ўтказиш, тупроқ унумдорлигини ошириш, тупроқшунослик, геоботаникага оид тадқиқотларини амалга ошириш юзасидан шахсий масъулият ва жавобгарлик юклансин.
15. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига 7-иловага мувофиқ ўзгартириш ва қўшимчалар киритилсин.
16. Ўзбекистон Миллий ахборот агентлиги ва Ўзбекистон Миллий телерадиокомпанияси Қишлоқ хўжалиги вазирлиги билан биргаликда ушбу қарорнинг мазмун-моҳияти ҳамда мақсад ва вазифаларини оммавий ахборот воситаларида кенг ёритилишини таъминласин.
17. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 24 февраль,
ПҚ-5006-сон
Олдинги таҳрирга қаранг.
(1-илова Ўзбекистон Республикаси Президентининг 2023 йил 10 июндаги ПФ-90-сонли Фармонига асосан ўз кучини йўқотган — Қонунчилик маълумотлари миллий базаси, 12.06.2023 й., 06/23/90/0352-сон)
Олдинги таҳрирга қаранг.
(2-илова Ўзбекистон Республикаси Президентининг 2023 йил 10 июндаги ПФ-90-сонли Фармонига асосан ўз кучини йўқотган — Қонунчилик маълумотлари миллий базаси, 12.06.2023 й., 06/23/90/0352-сон)
Олдинги таҳрирга қаранг.
(3-илова Ўзбекистон Республикаси Президентининг 2023 йил 10 июндаги ПФ-90-сонли Фармонига асосан ўз кучини йўқотган — Қонунчилик маълумотлари миллий базаси, 12.06.2023 й., 06/23/90/0352-сон)
Олдинги таҳрирга қаранг.
(4-илова Ўзбекистон Республикаси Президентининг 2023 йил 10 июндаги ПФ-90-сонли Фармонига асосан ўз кучини йўқотган — Қонунчилик маълумотлари миллий базаси, 12.06.2023 й., 06/23/90/0352-сон)
Олдинги таҳрирга қаранг.
(4а-илова Ўзбекистон Республикаси Президентининг 2023 йил 10 июндаги ПФ-90-сонли Фармонига асосан ўз кучини йўқотган — Қонунчилик маълумотлари миллий базаси, 12.06.2023 й., 06/23/90/0352-сон)
Олдинги таҳрирга қаранг.
(5-илова Ўзбекистон Республикаси Президентининг 2023 йил 10 июндаги ПФ-90-сонли Фармонига асосан ўз кучини йўқотган — Қонунчилик маълумотлари миллий базаси, 12.06.2023 й., 06/23/90/0352-сон)
Олдинги таҳрирга қаранг.
(6-илова Ўзбекистон Республикаси Президентининг 2023 йил 10 июндаги ПФ-90-сонли Фармонига асосан ўз кучини йўқотган — Қонунчилик маълумотлари миллий базаси, 12.06.2023 й., 06/23/90/0352-сон)
Олдинги таҳрирга қаранг.
(6а-илова Ўзбекистон Республикаси Президентининг 2023 йил 10 июндаги ПФ-90-сонли Фармонига асосан ўз кучини йўқотган — Қонунчилик маълумотлари миллий базаси, 12.06.2023 й., 06/23/90/0352-сон)
Ўзбекистон Республикаси Президентининг 2021 йил 24 февралдаги ПҚ-5006-сон қарорига
7-ИЛОВА
7-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2019 йил 15 мартдаги «Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси фаолиятини ташкил этиш чора-тадбирлари тўғрисида»ги ПҚ-4241-сон қарорида:
а) 1-банднинг тўртинчи хатбошисидаги «1 739» рақами «1 629» рақами билан алмаштирилсин;
б) 4-банднинг «а» кичик бандида:
олтинчи хатбоши чиқариб ташлансин;
еттинчи — тўққизинчи хатбошилар тегишинча олтинчи — саккизинчи хатбошилар деб ҳисоблансин;
в) 1-иловада:
«Қишлоқ хўжалигига мўлжалланган ерлардан фойдаланишни назорат қилиш бўлими — 5» блоки чиқариб ташлансин;
изоҳдаги «86» рақами «81» рақами билан алмаштирилсин.
2. Ўзбекистон Республикаси Президентининг 2019 йил 17 апрелдаги «Ўзбекистон Республикаси Қишлоқ хўжалиги вазирлиги фаолиятини такомиллаштириш тўғрисида»ги ПҚ-4292-сон қарорининг 1-банди, 1 — 5а-иловалари ўз кучини йўқотган деб ҳисоблансин.
Олдинги таҳрирга қаранг.
(7-илованинг 3-банди Ўзбекистон Республикаси Президентининг 2021 йил 26 августдаги ПҚ-5234-сонли қарорига асосан ўз кучини йўқотган — Қонунчилик маълумотлари миллий базаси, 26.08.2021 й., 07/21/5234/0826-сон)
4. Ўзбекистон Республикаси Президентининг 2020 йил 7 сентябрдаги «Ўзбекистон Республикаси Давлат солиқ қўмитаси ҳузуридаги Кадастр агентлиги фаолиятини ташкил этиш чора-тадбирлари тўғрисида»ги ПҚ-4819-сон қарорида:
а) 1-бандда «а» кичик банднинг бешинчи хатбошисидан «, «Картография» давлат илмий ишлаб чиқариш корхонаси» сўзлари чиқариб ташлансин;
қуйидаги мазмундаги «г» кичик банд билан тўлдирилсин:
«г) Кадастр агентлиги марказий аппаратига Ўзбекистон Республикаси Президентининг 2020 йил 30 октябрдаги ПФ-6098-сон «Яширин иқтисодиётни қисқартириш ва солиқ органлари фаолияти самарадорлигини ошириш бўйича ташкилий чора-тадбирлар тўғрисида»ги Фармонига асосан давлат солиқ хизмати органларининг қисқартирилган штат бирликлари ҳисобидан қўшимча 30 та штат бирлиги ажратилсин»;
б) 2-банддан тўртинчи хатбоши ва 3-банддан учинчи хатбоши чиқариб ташлансин;
в) 5-бандда:
бешинчи хатбошидаги ««Ўздаверлойиҳа» Давлат илмий-лойиҳа институти,» сўзлари ««Картография» давлат илмий ишлаб чиқариш корхонаси» сўзлари билан алмаштирилсин;
қуйидаги мазмундаги ўн иккинчи — ўн тўртинчи хатбошилар билан тўлдирилсин:
«Кадастр агентлиги марказий аппарати, унинг ҳудудий бошқармалари, туман (шаҳар) бўлимлари ходимлари мақоми ва меҳнатга ҳақ тўлаш шарт-шароитларига кўра тегишлича Давлат солиқ қўмитаси марказий аппарати, унинг ҳудудий бошқармалари ва туман (шаҳар) давлат солиқ инспекциялари ходимларига тенглаштирилади;
ушбу банднинг ўн иккинчи хатбошисини амалга ошириш билан боғлиқ харажатлар тегишлича Ўзбекистон Республикаси Давлат бюджети маблағлари ҳамда Кадастр агентлигининг бюджетдан ташқари жамғармаси ҳисобидан қопланади;
Кадастр агентлигининг ҳудудий бошқармалари ва туман (шаҳар) бўлимлари бошлиқлари Давлат кадастрлари палатаси раисига палатанинг ҳудудий бошқармалари ва туман (шаҳар) филиаллари бошлиқларини лавозимга тайинлаш ва лавозимдан озод қилиш бўйича тавсия киритиши мумкин»;
г) 6-бандда:
учинчи хатбошисидаги «81» рақами «111» рақами билан алмаштирилсин;
олтинчи хатбошисида «мувофиқ» сўзидан кейин «тасдиқлансин» сўзи билан тўлдирилсин;
еттинчи-саккизинчи хатбошилар чиқариб ташлансин ;
д) 7-бандда учинчи хатбоши қуйидаги таҳрирда баён этилсин:
«Давлат кадастрлари палатаси марказий аппарати тузилмаси, унинг ҳудудий бошқармалари ва туман (шаҳар) филиалларининг намунавий тузилмаси ҳамда ходимларининг чекланган сонини иш ҳажмидан келиб чиққан ҳолда белгилаш ва ўзгартириш»;
е) 1-иловадаги ««Ўздаверлойиҳа» давлат илмий-лойиҳалаш институти» блоки «Картография» давлат илмий ишлаб чиқариш корхонаси» блоки билан алмаштирилсин;
ж) 2-илованинг матни қуйидаги таҳрирда баён этилсин:
«Ўзбекистон Республикаси Давлат солиқ қўмитаси ҳузуридаги Кадастр агентлиги марказий аппаратининг
ТУЗИЛМАСИ
ТУЗИЛМАСИ
Бошқарув ходимларининг чекланган сони — 111 нафар,
* Жамғарма маблағлари ҳисобидан молиялаштирилади»;
з) 3-илованинг матни қуйидаги таҳрирда баён этилсин:
«Ўзбекистон Республикаси Давлат солиқ қўмитаси ҳузуридаги Кадастр агентлиги Қорақалпоғистон Республикаси, вилоятлар ва Тошкент шаҳар бошқармаларининг
НАМУНАВИЙ ТУЗИЛМАСИ
НАМУНАВИЙ ТУЗИЛМАСИ
|
|
||||||||||||||||||||||||||||||||||||||||||
|
Бошлиқ |
||||||||||||||||||||||||||||||||||||||||||
|
Бошлиқ ўринбосари |
Комплаенс-назорат хизмати** 1* |
|||||||||||||||||||||||||||||||||||||||||
|
Ер ва кадастр назорати бўлими 4* |
Ташкилий-назорат ва мурожаатлар билан ишлаш шуъбаси 2 (1*) |
|||||||||||||||||||||||||||||||||||||||||
|
Маъмурий амалиёт бўлими 2* |
Бош юрисконсульт 1 |
|||||||||||||||||||||||||||||||||||||||||
|
Биринчи бўлим*** 1* |
||||||||||||||||||||||||||||||||||||||||||
|
Ўзбекистон Республикаси Давлат солиқ қўмитаси ҳузуридаги Кадастр агентлигининг туман (шаҳар) бўлимлари |
Бухгалтерия 1 |
|||||||||||||||||||||||||||||||||||||||||
|
Давлат кадастрлари палатасининг ҳудудий бошқармалари |
Кадрлар масалалари бўйича бош мутахассис 1* |
|||||||||||||||||||||||||||||||||||||||||
|
Ахборот хизмати 1* |
||||||||||||||||||||||||||||||||||||||||||
Бошқарув ходимларининг чекланган сони — 16 нафар
*Жамғарма маблағлари ҳисобидан молиялаштирилади.
** Ўз фаолиятига доир вазифаларни амалга оширишда бевосита Кадастр агентлигига бўйсунади.
*** Ўз фаолиятига доир вазифалари билан бирга чегара ва навбатчи хариталарни юритади.»;
и) 4-илованинг матни қуйидаги таҳрирда баён этилсин:
«Ўзбекистон Республикаси Давлат солиқ қўмитаси ҳузуридаги Кадастр агентлиги туман (шаҳар) бўлимларининг
НАМУНАВИЙ ТУЗИЛМАСИ
НАМУНАВИЙ ТУЗИЛМАСИ
|
|
||||||||||||||||||||||
|
Бошлиқ |
||||||||||||||||||||||
|
Давлат кадастрлари палатасининг туман (шаҳар) филиаллари |
Бош инспектор 1* |
|||||||||||||||||||||
|
Етакчи инспектор 1 — 10* |
||||||||||||||||||||||
* Жамғарма маблағлари ҳисобидан молиялаштирилади.»;
к) 5-илованинг матни қуйидаги таҳрирда баён этилсин:
«Ўзбекистон Республикаси Давлат солиқ қўмитаси ҳузуридаги Кадастр агентлиги ҳудудий органлари ходимларининг
ЧЕКЛАНГАН СОНИ
ЧЕКЛАНГАН СОНИ
|
Ҳудудлар |
Туманлар (шаҳарлар) бўлимлари сони |
Бошқарув ходимларининг чекланган сони (бюджет/жамғарма) |
шундан: |
| ||
|
Ҳудудий бошқармаларда |
Туманлар (шаҳарлар) бўлимларида |
| ||||
|
1. |
Қорақалпоғистон Республикаси |
17 |
118 (22/96) |
16 (5/11) |
102 (17/85) |
|
|
2. |
Андижон вилояти |
16 |
92 (21/71) |
16 (5/11) |
76 (16/60) |
|
|
3. |
Бухоро вилояти |
13 |
81 (18/63) |
16 (5/11) |
65 (13/52) |
|
|
4. |
Жиззах вилояти |
13 |
81 (18/63) |
16 (5/11) |
65 (13/52) |
|
|
5. |
Қашқадарё вилояти |
15 |
106 (20/86) |
16 (5/11) |
90 (15/75) |
|
|
6. |
Навоий вилояти |
11 |
65 (16/49) |
16 (5/11) |
49 (11/38) |
|
|
7. |
Наманган вилояти |
12 |
79 (17/62) |
16 (5/11) |
62 (12/51) |
|
|
8. |
Самарқанд вилояти |
16 |
100 (23/77) |
16 (5/11) |
84 (18/66) |
|
|
9. |
Сирдарё вилояти |
11 |
66 (16/50) |
16 (5/11) |
50 (11/39) |
|
|
10. |
Сурхондарё вилояти |
15 |
94 (20/74) |
16 (5/11) |
78 (15/63) |
|
|
11. |
Тошкент вилояти |
22 |
115 (27/88) |
16 (5/11) |
99 (22/77) |
|
|
12. |
Фарғона вилояти |
19 |
103 (24/79) |
16 (5/11) |
87 (19/68) |
|
|
13. |
Хоразм вилояти |
13 |
78 (18/60) |
16 (5/11) |
62 (13/49) |
|
|
14. |
Тошкент шаҳри |
12 |
52 (17/35) |
16 (5/11) |
36 (12/24) |
|
|
Жами: |
205 |
1230 (277/953) |
224 (70/154) |
1006 (207/799) |
». | |
л) 6-7-иловалар ўз кучини йўқотган деб ҳисоблансин;
м) 10-иловадан 1-банд чиқариб ташлансин.
6. Вазирлар Маҳкамасининг 2011 йил 25 майдаги 146-сон қарори билан тасдиқланган Ер участкалари эгалари, фойдаланувчилари, ижарачилари ва мулкдорларига етказилган зарарлар, қишлоқ хўжалиги ва ўрмон хўжалиги ишлаб чиқариши нобудгарчиликларига, шунингдек, ерларнинг қишлоқ хўжалиги муомаласидан чиқишига сабаб бўлган ҳолларда етказилган зарар ўрнини қоплаш тартиби тўғрисидаги низомда:
а) 24-банд қуйидаги таҳрирда баён қилинсин:
«24. Қишлоқ хўжалиги ишлаб чиқариши нобудгарчиликларининг ўрнини қоплаш учун Қишлоқ хўжалиги вазирлиги ҳузуридаги Қишлоқ хўжалигини ривожлантириш ва озиқ-овқат таъминоти жамғармасига тушган маблағларнинг 100 фоизи Қишлоқ хўжалиги вазирлиги томонидан тасдиқланган харажатлар сметасига мувофиқ штат бирликларини сақлаш, моддий-техника базасини ривожлантириш, қишлоқ хўжалиги ишлаб чиқариши нобудгарчиликлари ўрнини қоплаш бўйича қарзларни тўлаш учун судларга даъволар киритилганда давлат божларини ва суд харажатларини тўлаш мақсадлари учун йўналтирилади.
Қишлоқ хўжалиги ишлаб чиқариши нобудгарчиликлари ўрнини қоплаш учун тушган маблағлар ҳисобидан Қишлоқ хўжалиги вазирлиги марказий аппарати ва унинг ҳудудий органларида қўшимча штат бирликлари ташкил этилади»;
б) 241-банд чиқариб ташлансин;
в) 51-банддаги «Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси туман (шаҳар) бўлимлари ҳамда туман (шаҳар) ер ресурслари ва давлат кадастри бўлимлари» сўзлари «Ўзбекистон Республикаси Қишлоқ хўжалиги вазирлигининг Қишлоқ хўжалиги ерларини муҳофаза қилиш бўйича давлат назоратини амалга ошириш бошқармаси ва унинг ҳудудий бўлимлари» сўзлари билан алмаштирилсин;
г) 52-банддаги «Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси ҳамда унинг ҳудудий инспекцияларининг ривожлантириш жамғармасига» сўзлари «Қишлоқ хўжалиги вазирлиги ҳузуридаги Қишлоқ хўжалигини ривожлантириш ва озиқ-овқат таъминоти жамғармасига» сўзлари билан алмаштирилсин;
д) 54-банддаги «Вазирлар Маҳкамаси ҳузуридаги Агросаноат мажмуи устидан назорат қилиш инспекцияси» сўзлари «Қишлоқ хўжалиги вазирлиги» сўзлари билан алмаштирилсин.
7. Вазирлар Маҳкамасининг 2018 йил 23 апрелдаги «Маъмурий-ҳудудий бирликлар чегараларини белгилаш, ер ресурсларини хатловдан ўтказиш ҳамда яйлов ва пичанзорларда геоботаник тадқиқотларни ўтказиш тартибини янада такомиллаштириш чора-тадбирлари тўғрисида»ги 299-сон қарорида:
а) 3-банднинг биринчи хатбошисидаги «Ер ресурслари, геодезия, картография ва давлат кадастри давлат қўмитаси» сўзлари «Давлат солиқ қўмитаси ҳузуридаги Кадастр агентлиги, Қишлоқ хўжалиги вазирлиги» сўзлари билан алмаштирилсин;
б) 5-банддаги «Ер ресурслари, геодезия, картография ва давлат кадастри давлат қўмитасининг» сўзлари «Давлат солиқ қўмитаси ҳузуридаги Кадастр агентлиги ва Қишлоқ хўжалиги вазирлигининг» сўзлари билан алмаштирилсин;
в) 1-иловада:
3-банд қуйидаги таҳрирда баён этилсин:
«3. Маъмурий-ҳудудий бирликлар чегараларини белгилаш ишлари Республика аэрогеодезия маркази (кейинги ўринларда — Ишчи орган) томонидан амалга оширилади.
Маъмурий-ҳудудий бирликлар чегараларини белгилаш ишларига Ўзбекистон Республикаси Давлат солиқ қўмитаси ҳузуридаги Кадастр агентлиги (кейинги ўринларда — Кадастр агентлиги) тизимидаги бошқа ташкилотлар, шунингдек геодезия ва картография соҳасида фаолият юритадиган тадбиркорлик субъектлари ҳам жалб қилиниши мумкин.
Бунда, маъмурий-ҳудудий бирликлар чегараларининг низоли участкалари бўйича ишлар фақат Ишчи орган ва Кадастр агентлиги тизимидаги бошқа ташкилотлар томонидан амалга оширилади.»;
18-банднинг иккинчи хатбошиси қуйидаги таҳрирда баён этилсин:
«Қорақалпоғистон Республикаси, вилоятлар ва Тошкент шаҳри чегараларини белгилашда дала кузатув ишлари чегарадош ҳудудлар вакиллари, Кадастр агентлиги ҳузуридаги Давлат кадастрлари палатасининг ҳудудий бошқармалари (кейинги ўринларда — ҳудудий бошқарма) вакиллари иштирокида ўтказилади.»;
36-бандда «ҳудудий ер ресурслари ва давлат кадастри» сўзлари «Давлат кадастрлари палатасининг ҳудудий» сўзлари билан алмаштирилсин;
40-бандда «20 ва 21-бандларида» сўзлари «19, 20 ва 21-бандларида» сўзлари билан алмаштирилсин;
43-банд қуйидаги таҳрирда баён этилсин:
«43. Амалдаги ва таклиф қилинаётган чегаралар туширилган топографик хариталар Ишчи орган ва Давлат кадастрлари палатасининг чегарадош туман (шаҳар) филиаллари бошлиқлари ҳамда Кадастр агентлигининг чегарадош туман (шаҳар) бўлим бошлиқлари томонидан имзоланади.»;
46-банд қуйидаги таҳрирда баён этилсин:
«46. Туман (шаҳар) чегара чизиғи туширилган топографик хариталар ва тегишли материаллар туман (шаҳар) ҳокимлари, шунингдек Кадастр агентлиги туман (шаҳар) бўлим бошлиқлари ва Давлат кадастрлари палатасининг туман (шаҳар) филиаллари бошлиқлари, архитектура ва қурилиш бўлими (бошқарма) бошлиқлари билан келишилади ва Комиссияларга кўриб чиқиш учун киритилади.»;
55-банд қуйидаги таҳрирда баён этилсин:
«55. Шаҳарчалар, қишлоқлар (овуллар)нинг чегаралари туширилган харитаси Кадастр агентлигининг туман (шаҳар) бўлим бошлиқлари ва Давлат кадастрлари палатасининг туман (шаҳар) филиаллари бошлиқлари ҳамда архитектура ва қурилиш бўлимлари бошлиқлари билан келишилади ва кўриб чиқиш учун Ҳудудий комиссияга киритилади.»;
57-банд қуйидаги таҳрирда баён этилсин:
«57. Маъмурий-ҳудудий бирликлар чегараларини белгилаш юзасидан уч нусхада йиғмажилд тайёрланади, биринчи (асл) нусха бажарувчи ташкилот томонидан Кадастр агентлигининг Давлат картография-геодезия фондига доимий сақлаш учун тақдим қилинади, иккинчи ва учинчи нусхаси фойдаланиш учун Кадастр агентлиги ва Давлат кадастрлари палатасининг ҳудудий бошқармаларига топширилади.»;
58-банд қуйидаги таҳрирда баён этилсин:
«58. Маъмурий-ҳудудий бирликлар чегараларини белгилаш юзасидан тайёрланган электрон рақамли ортофотоплан материаллари Кадастр агентлигининг Республика аэрогеодезия марказида давлат ер кадастрига оид ахборот тизимини шакллантириш, юритиш ва доимий янгилаб бориш мақсадида жамланади.»;
1-илованинг иккинчи хатбошиси қуйидаги таҳрирда баён этилсин:
«Лавозимига кўра — Кадастр агентлигининг туман (шаҳар) бўлими бошлиғи»;
2-илованинг «Масъуллар» устуни 2, 6 ва 7-босқичларидаги ««Ўздаверлойиҳа» институти «Геоинформкадастр» давлат унитар корхонаси» сўзлари «Республика аэрогеодезия маркази» сўзлари билан алмаштирилсин;
2а-илованинг «Масъуллар» устуни 2, 7 ва 8-босқичларидаги ««Ўздаверлойиҳа» институти «Геоинформкадастр» давлат унитар корхонаси» сўзлари «Республика аэрогеодезия маркази» сўзлари билан алмаштирилсин;
2б-илованинг «Масъуллар» устуни 2, 6 ва 7-босқичларидаги ««Ўздаверлойиҳа» институти «Геоинформкадастр» давлат унитар корхонаси» сўзлари «Республика аэрогеодезия маркази» сўзлари билан алмаштирилсин;
3-илованинг матни қуйидаги таҳрирда баён этилсин:
|
«Қорақалпоғистон Республикаси, вилоятлар ва Тошкент шаҳри чегараларини белгилашда дала кузатув ишларининг якуний натижалари бўйича | |||||||
|
| |||||||
| | | | | | | | |
| Кадастр агентлигининг ______________ вилояти бошқармаси бошлиғи | |||||||
| | | | | |
____________ |
Ф.И.Ш | |
| | | | | | | | |
| Давлат кадастрлари палатасининг ________________ вилояти бошқармаси бошлиғи | | | | ||||
| | | | | |
____________ |
Ф.И.Ш | |
| | | | | | | | |
| Кадастр агентлигининг ______________ вилояти бошқармаси бошлиғи |
____________ |
Ф.И.Ш | |||||
| | | | | | | | |
| Давлат кадастрлари палатасининг _______________ вилояти бошқармаси бошлиғи |
____________ |
Ф.И.Ш | |||||
| | | | | | | | |
| Иш бажарувчи ташкилот мутахассиси |
____________ |
Ф.И.Ш | |||||
Изоҳ: Ушбу далолатнома туманлар, туман ва шаҳарлар ўртасидаги, шунингдек, шаҳарчалар, қишлоқлар (овуллар)нинг маъмурий-ҳудудий чегараларини белгилаш ва ўзгартиришда дала кузатув ишлари натижалари бўйича ҳам тузилади. Далолатномалар Кадастр агентлиги ва Давлат кадастрлари палатасининг туманлар (шаҳарлар) бўлими (филиали) бошлиқлари билан келишилади.»;
г) 2-иловада:
3-банд қуйидаги таҳрирда баён этилсин:
«3. Қорақалпоғистон Республикаси, вилоятлар ва Тошкент шаҳри ер ресурсларини хатловдан ўтказиш ишлари Республика аэрогеодезия маркази ва унинг ҳудудлараро бўлимлари томонидан давлат бюджети маблағлари ҳисобидан амалга оширилади, зарурат бўлганда Ўзбекистон Республикаси Давлат солиқ қўмитаси ҳузуридаги Кадастр агентлигининг (кейинги ўринларда — Кадастр агентлиги) бошқа ташкилотлари ҳамда геодезия ва картография соҳасида фаолият юритадиган тадбиркорлик субъектлари ҳам жалб қилинади.»;
13-банднинг тўққизинчи хатбошисидаги ««Давергеодезкадастр» қўмитаси» сўзлари «Кадастр агентлиги» сўзлари билан алмаштирилсин;
14-банддаги «фойдаланилган ҳолда» сўзларидан кейин «тайёрланган рақамли ортофотопланлар асосида» сўзлари билан тўлдирилсин;
16-банднинг иккинчи хатбошисидаги «Туман ер ресурслари ва давлат кадастри бўлими» сўзлари «Давлат кадастрлари палатасининг ҳудудий бошқармалари» сўзлари билан алмаштирилсин;
18-банддаги ««Давергеодезкадастр» қўмитасининг туман (шаҳар) бўлимлари» сўзлари «Давлат кадастрлари палатасининг туман (шаҳар) филиаллари» сўзлари билан алмаштирилсин;
28-банддаги ««Давергеодезкадастр» қўмитасининг» сўзлари «Давлат кадастрлари палатасининг» сўзлари билан алмаштирилсин;
29-банд қуйидаги таҳрирда баён этилсин:
«29. Давлат кадастрлари палатаси, унинг ҳудудий бошқармалари, туман (шаҳар) филиаллари ер ресурсларини хатловдан ўтказиш материаллари асосида ер кадастри дафтарига тегишли ўзгартиришлар киритади, яратилган электрон рақамли хариталар ва контурлар қайдномасидан келгусида амалда фойдаланишни ташкил этади.»;
31-банддаги ««Давергеодезкадастр» қўмитасининг» сўзлари «Давлат кадастрлари палатасининг» сўзлари билан алмаштирилсин;
32-банд қуйидаги таҳрирда баён этилсин:
«32. Ер ресурсларини хатловдан ўтказиш юзасидан тайёрланган электрон рақамли ортофотоплан материаллари Кадастр агентлигининг Республика аэрогеодезия марказида давлат ер кадастрига оид ахборот тизимини шакллантириш, юритиш ва доимий янгилаб бориш мақсадида жамланади.»;
1-иловада:
«Масъуллар» устуни 2-босқичидаги ««Ўздаверлойиҳа» институти «Геоинформкадастр» давлат унитар корхонаси» сўзлари «Республика аэрогеодезия маркази» сўзлари билан алмаштирилсин;
6-босқич қуйидаги таҳрирда баён этилсин:
|
« |
6-босқич |
Тасдиқланган ер ресурслари хатловини Давлат кадастрлари палатасининг ҳудудий бошқармалари ва туман (шаҳар) филиалларига фойдаланиш учун топшириш. |
Республика аэрогеодезия маркази |
1 ҳафта муддатда |
»; |
2, 3 ва 4-иловалардаги «Туман (шаҳар) ер ресурслари ва давлат кадастри бўлими» сўзлари «Давлат кадастрлари палатасининг туман (шаҳар) филиаллари» сўзлари билан алмаштирилсин;
д) 3-иловада:
5-банд қуйидаги таҳрирда баён этилсин:
«5. Ўзбекистон Республикаси Қишлоқ хўжалиги вазирлиги (кейинги ўринларда — Вазирлик) геоботаник тадқиқот ишларини мувофиқлаштиради ҳамда услубий раҳбарлик қилади.»;
7 ва 8 бандлар, 9-банднинг биринчи хатбошисидаги ««Давергеодезкадастр» қўмитаси» сўзлари «Вазирлик» сўзи билан алмаштирилсин;
12-банд қуйидаги таҳрирда баён этилсин:
«12. Ҳар бир туманда геоботаник тадқиқот ишларининг якуний маълумотини кўриб чиқиш бўйича комиссия тузилади. Туман Комиссияси таркибига ҳокимнинг қишлоқ ва сув хўжалиги масалалари бўйича ўринбосари (раис), туман қишлоқ хўжалиги бўлими бошлиғи (раис ўринбосари), туман сув хўжалиги бўлими ходими, ўрмон хўжалиги вакили, экология ва атроф-муҳитни муҳофаза қилиш инспектори, туман Фермер, деҳқон хўжаликлари ва томорқа ер эгалари кенгаши вакили ҳамда геоботаник тадқиқот бажарувчисининг вакили киритилади. Комиссия таркиби туман (шаҳар) ҳокимининг тегишли қарори билан тасдиқланади ва доимий равишда фаолият юритади.»;
14-банддаги ««Давергеодезкадастр» қўмитаси» сўзлари «Вазирлик» сўзи билан алмаштирилсин;
16-банддаги «ер ресурслари ва давлат кадастри» сўзлари «қишлоқ хўжалиги» сўзлари билан алмаштирилсин;
23-банддаги ««Давергеодезкадастр» қўмитаси» сўзлари «Вазирлик» сўзи билан алмаштирилсин;
4-иловадаги «ер ресурслари ва давлат кадастри» сўзлари «қишлоқ хўжалиги» сўзлари билан алмаштирилсин;
е) 4-иловада:
биринчи хатбошисида «Қорақалпоғистон Республикаси Вазирлар Кенгаши Раисининг, вилоятлар ҳокимининг қишлоқ ва сув хўжалиги масалалари бўйича ўринбосарлари, Тошкент шаҳар ҳокимининг иқтисодиёт ва тадбиркорликни ривожлантириш масалалари бўйича биринчи ўринбосари» сўзлари «Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг молия-иқтисодиёт ва камбағалликни қисқартириш масалалари бўйича биринчи ўринбосарлари» сўзлари билан алмаштирилсин;
учинчи хатбошисида «Қорақалпоғистон Республикаси, вилоятлар ва Тошкент шаҳар ер ресурслари ва давлат кадастри бошқармаси» сўзлари «Кадастр агентлигининг Қорақалпоғистон Республикаси, вилоятлар ва Тошкент шаҳар бошқармалари» сўзлари билан алмаштирилсин.
(Қонун ҳужжатлари маълумотлари миллий базаси, 25.02.2021 й., 07/21/5006/0151-сон, Қонунчилик маълумотлари миллий базаси, 09.06.2021 й., 06/21/6243/0540-сон, 16.07.2021 й., 06/21/6262/0680-сон, 26.08.2021 й., 07/21/5234/0826-сон, 19.11.2021 й., 07/21/17/1065-сон; 11.06.2022 й., 07/22/277/0513-сон; 12.06.2023 й., 06/23/90/0352-сон; 16.02.2024 й., 06/24/36/0130-сон; 23.11.2024 й., 06/24/184/0954-сон)
