2.15.00.00.00 Мудофаа / 15.06.00.00 Ҳарбий кадрларни тайёрлаш ва қайта тайёрлаш / 15.06.04.00 Вояга етмаган фуқароларни ҳарбий жиҳатдан тайёрлаш мақсадидаги қўшимча таълим дастурлари бўлган ўрта (тўлиқ) умумий таълим муассасалари]
[ТСЗ:
1.Ижтимоий-маданий масалалар / Таълим;
2.Мудофаа ва миллий хавфсизлик / Ҳарбий хизмат. Муқобил хизмат]
Ўзбекистон Республикаси Вазирлар Маҳкамасининг
қарори
«Ёш чегарачилар» ҳарбий-академик лицейи фаолиятини ташкил этиш бўйича қўшимча чора-тадбирлар тўғрисида
Ёшларни маънавий-ахлоқий ва ҳарбий-ватанпарварлик, она Ватанга муҳаббат ва садоқат, миллий ва умуминсоний қадриятларга ҳурмат руҳида тарбиялаш, уларнинг интеллектуал ва ижодий салоҳиятини янада ривожлантириш, уларни ҳар томонлама қўллаб-қувватлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг 2020 йил 18 февралдаги ПҚ-4609-сон қарори билан Ўзбекистон Республикаси Давлат хавфсизлик хизмати тизимида Сурхондарё вилоятининг Термиз шаҳрида «Ёш чегарачилар» ҳарбий-академик лицейи (кейинги ўринларда ― лицей) ташкил этилганлиги маълумот учун қабул қилинсин.
2. Қуйидагилар лицейнинг асосий вазифалари этиб белгилансин:
ўқувчиларда халқимизнинг маънавий-маърифий қадриятларига, унинг маданияти ва урф-одатларини чуқур ҳурмат қилиш, уларда ҳалоллик, ватанпарварлик, садоқат, фидокорлик сингари шахсий хислатларини, шунингдек, миллий ғурур туйғуларини шакллантириш;
халқимизнинг тарихи ва бой маданияти, буюк аждодларимизнинг, энг аввало, Амир Темурнинг бебаҳо мероси, Ватан озодлиги ва фаровонлиги йўлида ўзини қурбон қилган замондош ватандошларимизнинг қаҳрамонлиги асосида Ўзбекистон халқига содиқ, қатъий ҳаётий қарашлар ва фаол фуқаролик позициясига эга бўлган ўқувчиларни тарбиялаш;
ўқувчиларда кенг дунёқараш, интеллектуал салоҳият, ижодий ва таҳлилий фикрлашни ривожлантириш, табиий ва аниқ фанлар, хорижий тиллар ва замонавий ахборот технологиялари бўйича мустаҳкам билимларни шакллантириш, шунингдек, уларга ҳарбий ишдаги бошланғич билимларни сингдириш;
нотиқлик ва етакчилик хислатларига эга, жисмонан ривожланган, чидамли, мард ва жасур Ватан ҳимоячиларини, шунингдек, Ўзбекистон Республикаси Қуролли Кучлари ва давлат хизмати учун кадрлар захирасини шакллантириш мақсадида республиканинг олий, олий ҳарбий ва ихтисослаштирилган таълим муассасаларига ўқишга кириши учун муносиб номзодларни тайёрлаш.
3. Белгилансинки:
лицей Ўзбекистон Республикаси Давлат хавфсизлик хизмати муассислигидаги давлат таълим муассасаси ҳисобланади;
лицейга қабул ва ўқув жараёни 2021/2022 ўқув йилидан бошланади;
лицейда ўқув жараёни давомийлиги икки йил бўлиб, йиллик қабул квотаси 100 нафарни ташкил этади;
лицей Термиз давлат университети ва Ўзбекистон Республикаси Ҳарбий хавфсизлик ва мудофаа университетига бириктирилади.
(3-банднинг бешинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
«Ёш чегарачилар» ҳарбий-академик лицейи тўғрисидаги низом 2-иловага;
«Ёш чегарачилар» ҳарбий-академик лицейи фаолиятини ташкил қилиш ва унинг ўқув-тарбия жараёнини такомиллаштириш бўйича «йўл харитаси» 3-иловага;
«Ёш чегарачилар» ҳарбий-академик лицейининг инфратузилмаси, ўқув ва моддий-техник базасини такомиллаштириш бўйича чора-тадбирлар дастури 4-иловага мувофиқ тасдиқлансин.
5. Ўзбекистон Республикаси Молия вазирлиги ҳамда Олий ва ўрта махсус таълим вазирлиги лицейнинг ўқитувчи, ишчи ва хизматчилари лавозимлари учун лозим бўлган штат бирликларини ажратсин.
мазкур қарорда назарда тутилган тадбирларни амалга ошириш билан боғлиқ харажатлар Ўзбекистон Республикаси Давлат хавфсизлик хизматининг асосланган ҳисоб-китобларига кўра ҳар йили ажратиладиган бюджет маблағлари, хорижий мамлакатларнинг кредитлари ва халқаро молия ташкилотларининг маблағлари ҳамда қонунчилик ҳужжатларида тақиқланмаган бошқа манбалар ҳисобидан қопланади;
(6-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
лицей ходимлари, ишчи ва хизматчиларининг меҳнатига ҳақ тўлаш ва моддий рағбатлантириш ҳамда лицей битирувчиларига бериладиган имтиёзлар Ўзбекистон Республикаси Президентининг «Ўсмирларни ҳарбий-ватанпарварлик руҳида тарбиялаш ҳамда Ўзбекистон Республикаси Қуролли Кучлари ва давлат хизмати учун кадрлар захирасини тайёрлаш тизимини такомиллаштиришга оид қўшимча чора-тадбирлар тўғрисида» 2019 йил 28 июндаги ПҚ-4375-сон қарорида белгиланган тартиб ва шартлар асосида амалга оширилади.
7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси Давлат хавфсизлик хизмати раиси А.А. Азизов ҳамда олий ва ўрта махсус таълим вазири И.У. Маджидов зиммасига юклансин.
Вазирлар Маҳкамасининг 2020 йил 11 августдаги 473-сон қарорига
1-ИЛОВА
«Ёш чегарачилар» ҳарбий-академик лицейининг
ТАШКИЛИЙ-ШТАТ ТУЗИЛМАСИ
Директор
1 (0-0-0-1)
Илмий-педагогик кенгаш
Директорнинг маънавий-маърифий ва тарбиявий ишлар бўйича биринчи ўринбосари*
1 (1-0-0-0)
Директорнинг ўқув ишлари бўйича ўринбосари
1 (0-0-0-1)
Директорнинг маъмурий-хўжалик ишлари бўйича ўринбосари
1 (0-0-0-1)
Маънавий-маърифий ва тарбиявий ишлар бўлими
214 (2-10-200-2)
Ўқув-методик бўлинмаси
2 (0-0-0-2)
Маъмурий бўлинма
3 (0-0-0-3)
Кадрлар бўлинмаси
2 (0-1-0-1)
Аниқ ва табиий фанлар кафедраси
11** (0-0-0-11)
Автомобиль секцияси
5 (0-1-0-4)
Молия хизмати
3 (0-1-0-2)
Ахборот-ресурс маркази
3 (0-0-0-3)
Алоқа ва ахборот технологиялари бўлинмаси
3 (0-0-0-3)
Психолог
1 (0-0-0-1)
Тўгараклар
4 (0-0-0-4)
Ижтимоий-гуманитар фанлар кафедраси
6** (0-0-0-6
Котибият
1 (0-0-0-1)
Тиббиёт бўлинмаси
5 (0-0-0-5)
Касбий ва амалий фанлар кафедраси
6** (0-0-0-6)
Хўжалик бўлинмаси
14 (0-0-0-14)
Тиллар кафедраси
10** (0-0-0-10)
Лаборатория
3 (0-0-0-3)
Изоҳ: * фуқаро ходимлар эгаллаши мумкин бўлган лавозим;
** ўқув юкламасидан келиб чиққан ҳолда сони ўзгартирилиши мумкин;
қавсда кўрсатилган: 1-рақам — контракт бўйича офицерлар таркиби; 2-рақам — контракт бўйича сержантлар таркиби; 3-рақам —ўқувчилар; 4-рақам — ишчи ва хизматчилар.
Шахсий таркиб сони
Жами
Офицерлар
Сержантлар таркибига мансуб контракт бўйича ҳарбий хизматчилар
Ўқувчилар
Ишчи ва хизматчилар
300
3
13
200
84
(1-илова Ўзбекистон Республикаси Вазирлар Маҳкамасининг 2024 йил 20 январдаги 38-сонли қарори таҳририда — Қонунчилик маълумотлари миллий базаси, 22.01.2024 й., 09/24/38/0057-сон)
Вазирлар Маҳкамасининг 2020 йил 11 августдаги 473-сон қарорига 2-ИЛОВА
«Ёш чегарачилар» ҳарбий-академик лицейи тўғрисида
НИЗОМ
1-боб. Асосий қоидалар
1. Мазкур Низом «Ёш чегарачилар» ҳарбий-академик лицейининг (кейинги ўринларда ― лицей) мақоми, мақсади ва асосий вазифалари, фаолиятини ташкил этиш, ўқувчиларни саралаш, қабул қилиш ва четлатиш тартибини белгилайди.
2. Лицей давлат таълим муассасаси ҳисобланади ва банкларда ҳисобварағи ва бошқа ҳисоблар, белгиланган намунадаги муҳр, штамп, ўз номи туширилган бланкаларига эга бўлади.
3. Лицей ўз фаолиятини Ўзбекистон Республикаси Конституцияси, «Таълим тўғрисида»ги Ўзбекистон Республикаси Қонуни, мазкур Низом, бошқа қонунчилик ҳужжатлари, шунингдек, ўз Уставига мувофиқ амалга оширади.
(3-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
4. Лицейда ўқув-тарбия жараёни ўқувчиларни ҳарбий-касбий йўналтириш ва келгусида уларни республиканинг олий, олий ҳарбий ва ихтисослаштирилган таълим муассасаларида ўқитиш назарда тутилган давлат таълим стандартлари, ўқув режалари ва дастурларига мувофиқ амалга оширилади.
Лицейда ўқиш муддати икки йил бўлиб, қабул квотаси 100 нафарни ташкил этади.
5. Лицейга умумий раҳбарлик қилиш, унинг фаолиятини молиялаштириш, моддий-техник таъминоти Ўзбекистон Республикаси Давлат хавфсизлик хизмати томонидан амалга оширилади.
6. Лицейнинг ўқувчилар кийим-бош намуналари ва кийиниш тартиби, уларнинг суткалик озиқ-овқат паёги нормалари Давлат хавфсизлик хизмати томонидан ишлаб чиқилади ва тасдиқланади.
2-боб. Лицейнинг мақсади ва асосий вазифалари
7. Ўқувчиларни маънавий-ахлоқий ва ҳарбий-ватанпарварлик руҳида тарбиялаш, уларнинг интеллектуал ва ижодий салоҳиятини ривожлантириш, мамлакатимиз суверенитети ва мустақиллигини, чегаралари дахлсизлигини таъминлаш учун масъулият ҳиссини ошириш, шунингдек, уларнинг ҳуқуқий билим ва маданиятини, Ўзбекистон Республикасига содиқ, фидойи фуқароларни аниқ мақсадли ва тизимли тайёрлаш самарадорлигини такомиллаштириш лицей фаолиятининг мақсади ҳисобланади.
8. Қуйидагилар лицейнинг асосий вазифалари ҳисобланади:
ўқувчиларда халқимизнинг маънавий-маърифий қадриятларига, унинг маданияти ва урф-одатларига чуқур ҳурматни, уларда ҳалоллик, ватанпарварлик, садоқат, фидокорлик сингари шахсий хислатларини, шунингдек, миллий ғурур туйғуларини шакллантириш;
халқимизнинг тарихи ва бой маданияти, буюк аждодларимизнинг, энг аввало Амир Темурнинг бебаҳо мероси, Ватан озодлиги ва фаровонлиги йўлида ўзини қурбон қилган замондош ватандошларимизнинг қаҳрамонлиги асосида Ўзбекистон халқига содиқ, қатъий ҳаётий қарашлар ва фаол фуқаролик позициясига эга бўлган ўқувчиларни тарбиялаш;
ўқувчиларда кенг дунёқараш, интеллектуал салоҳият, ижодий ва таҳлилий фикрлашни ривожлантириш, табиий ва аниқ фанлар, хорижий тиллар ва замонавий ахборот технологиялари бўйича мустаҳкам билимларни шакллантириш, шунингдек, уларга ҳарбий ишдаги бошланғич билимларни сингдириш;
нотиқлик ва етакчилик хислатларига эга, жисмонан ривожланган, чидамли, мард ва жасур Ватан ҳимоячиларини, шунингдек, Ўзбекистон Республикаси Қуролли Кучлари ва давлат хизмати учун кадрлар захирасини шакллантириш мақсадида республиканинг олий, олий ҳарбий ва ихтисослаштирилган таълим муассасаларига ўқишга кириши учун муносиб номзодларни тайёрлаш.
9. Лицейда ўқув жараёни Ўзбекистон Республикасининг давлат таълим стандартлари асосида ҳамда Олий таълим, фан ва инновациялар вазирлиги билан келишилган ҳолда тасдиқланган ўқув режалари ва дастурларига мувофиқ ташкил қилинади.
(9-банд Ўзбекистон Республикаси Вазирлар Маҳкамасининг 2024 йил 20 январдаги 38-сонли қарори таҳририда — Қонунчилик маълумотлари миллий базаси, 22.01.2024 й., 09/24/38/0057-сон)
10. Лицейда таълим давлат, рус ва инглиз тилларида олиб борилади.
11. Тиббий ва педагогик асосларга асосланган таълим, меҳнат, дам олиш ва турли тадбирлар уйғунлигини таъминловчи кун тартиби ўқувчилар кечаю-кундуз лицейда бўлишини ҳисобга олиб тузилади ва илмий-педагогик кенгаш қарори билан тасдиқланади.
12. Лицей раҳбар ходимларининг ваколатлари ва функционал вазифалари, шунингдек, ўқувчиларнинг ҳуқуқ ва мажбуриятлари лицейнинг устави билан белгиланади.
13. Биринчи курсда ўқув йили якунланганидан сўнг якуний назорат натижалари асосида лицей ўқувчиларини кейинги курсга ўтказиш тўғрисида директорнинг буйруғи чиқарилади.
14. Халқаро ва республика фан олимпиадаларида 1 ― 3-ўринларни эгаллаган лицей ўқувчилари ҳамда уларнинг ўқитувчилари республика умумтаълим мактаблари, академик лицейлар ва касб-ҳунар мактабларининг ўқувчиларини ва уларнинг ўқитувчиларини рағбатлантиришни (мукофотлашни) тартибга солувчи норматив-ҳуқуқий ҳужжатлар асосида рағбатлантирилади (мукофотланади).
15. Лицейга умумтаълим ва ихтисослаштирилган мактаб-интернат мактабларининг (кейинги ўринларда — умумтаълим мактаблари) 9-синфини тамомлаганлик тўғрисидаги шаҳодатномага эга, соғлиғининг ҳолатига кўра ўқишга яроқли деб топилган ҳамда ҳаққоний ва шаффофлик тамойилларига асосланган саралаш тадбирларидан муваффақиятли ўтган Ўзбекистон Республикасининг эркак жинсли фуқаролари ўқишга қабул қилинади.
Лицей фаолияти ва ўқишга номзодларга қўйиладиган талаблар тўғрисидаги маълумотлар Ўзбекистон Республикаси Давлат хавфсизлик хизмати ҳамда Давлат хавфсизлик хизмати Чегара қўшинлари (кейинги ўринларда — Чегара қўшинлари) расмий веб-сайтларига жойлаштириб борилади, шунингдек, оммавий ахборот воситалари орқали лицейга қабул бошланганлиги тўғрисида эълон берилади.
16. Саралаш тадбирлари дастлабки танлов, ҳарбий-касбий танлов ва тест синовларидан иборат.
Саралаш тадбирларини ўтказиш муддати Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги (кейинги ўринларда — Агентлик) билан келишилган ҳолда белгиланади.
17. Номзодларнинг шахсий йиғмажилдлари билан ишлаш, ташкилий ишларни бажариш, зарур материал ва ҳисоботларни тайёрлаш учун лицейда қабул комиссияси тузилади, унинг таркиби ҳар йили Ўзбекистон Республикаси Давлат хавфсизлик хизмати раисининг буйруғи билан тасдиқланади.
Қабул комиссияси ўз фаолиятини лицейнинг устави асосида амалга оширади.
18. Ҳарбий-касбий танлов тадбирлари Чегара қўшинлари ҳарбий қисмлари томонидан Ўзбекистон Республикаси Давлат хавфсизлик хизматининг бошқа манфаатдор бўлинмалари билан ҳамкорликда ўтказилади.
19. Дастлабки танловни ўтказишдан асосий мақсад номзодларнинг кейинчалик олий ҳарбий ва ихтисослаштирилган таълим муассасаларига ўқишга кириши, давлат хизматчиси бўлиш истагида бўлган шахсларга соғлиғи, шахсий-психологик сифатлари, жисмоний тайёргарлиги бўйича қўйиладиган талабларга мувофиқлигини, шунингдек, юқори интеллектуал ва маънавий-ахлоқий салоҳиятга эга номзодларни аниқлаш ҳисобланади.
20. Қуйидагилар дастлабки танловнинг асосий тадбирлари ҳисобланади:
лицей билан ҳамкорликда умумтаълим мактабларида тарғибот ва ташвиқот ишларини амалга ошириш;
умумтаълим мактабларининг маъмурияти билан ҳамкорликда 9-синф ўқувчилари орасидан фанларни ўзлаштириш даражаси юқори бўлган, ватанпарвар ва соғлом муҳитда тарбияланаётган ўқувчиларни танлаб олиш ҳамда уларнинг рўйхатини шакллантириш;
номзодга тегишли ҳужжатлар ва номзодни тавсифловчи маълумотларни тўплаш;
номзод тўғрисидаги турли маълумотларни (оилавий аҳволи, ота-онаси ва яқин қариндошларининг ҳарбий хизматга муносабати ва бошқалар), номзоднинг лицейга ўқишга киришни танлашига асослари ва сабабларини аниқлаш;
номзоддан ариза қабул қилиш.
21. Номзодлар учун дастлабки танлов уларнинг яшаш ва ўқиш жойи бўйича Чегара қўшинлари, Ўзбекистон Республикаси Давлат хавфсизлик хизмати ҳудудий бошқармаларининг бўлинмалари, туман ва шаҳар бўлинмалари (бўлимлари) томонидан «Ёш чегарачилар» ҳарбий-академик лицейи масъул ходимлари билан биргаликда ўтказилади.
Дастлабки танлов натижалари бўйича Чегара қўшинларининг чегарани қўриқлаш взводлари, Давлат хавфсизлик хизматининг ҳудудий бошқармаларининг бўлимлари, туман ва шаҳар бўлинмалари (бўлимлари) томонидан лицейга ўқишга кириш учун тавсия қилинган умумтаълим мактабларининг 9-синф ўқувчиларидан 5 сентябрдан 5 октябрга қадар аризалар қабул қилиниб, Чегара қўшинлари ҳарбий қисмларининг шахсий таркиб билан ишлаш бўлинмаларига тақдим этилади.
22. Қуйидагилар лицейга ўқишга кириш учун рад жавобининг берилишига асос бўлади:
номзоднинг Ўзбекистон Республикаси фуқароси эмаслиги;
номзодга нисбатан жиноий иш қўзғатилганлиги, дастлабки тергов ёки суриштирув ўтказилаётганлиги, жиноят иши судда кўриб чиқилаётганлиги;
жазо чораси туридан ёки амнистия қарори қўлланилганлигидан қатъи назар, содир этилган жиноят учун айблов ҳукми чиқарилганлиги;
яшаш жойидан ва ички ишлар органларидан салбий тавсияномалар мавжудлиги;
номзод Ўзбекистон Республикаси Давлат хавфсизлик хизмати ҳарбий хизматчилари учун белгиланган махсус талабларга мос келмаслиги.
23. Номзодлар томонидан тақдим этиладиган ҳужжатлар рўйхати лицей устави билан белгиланади.
24. Ҳарбий-касбий танловнинг бош мақсади ўзининг психофизиологик хусусиятлари ва соғлигининг ҳолати бўйича белгиланган талабларга, шу жумладан, Ўзбекистон Республикаси Давлат хавфсизлик хизматининг махсус талабларига мос келадиган, етакчилик сифатларига, ички ишончга, мустаҳкам маънавий-ахлоқий ва интеллектуал салоҳиятга эга, келгусида Ўзбекистон Республикаси Қуролли Кучларининг муносиб ҳарбий хизматчиси ва ходимлари ҳамда давлат хизматчилари бўла оладиган номзодларни аниқлашдир.
25. Ҳарбий-касбий танловнинг асосий тадбирлари қуйидагилардан иборат:
тақдим қилинган номзодга тегишли ҳужжатлар ва номзодни тавсифловчи маълумотларни ўрганиш;
номзоднинг Ўзбекистон Республикаси Давлат хавфсизлик хизмати ҳарбий хизматчилари учун белгиланган махсус талабларга мос келишини аниқлаш;
номзод билан якка тартибда якуний суҳбат ўтказиш ва уни тест синовларига қўйиш тўғрисида якуний қарор қабул қилиш.
26. Ҳарбий-касбий танлов номзоднинг яшаш жойи бўйича Чегара қўшинлари ҳарбий қисмлари томонидан Ўзбекистон Республикаси Давлат хавфсизлик хизматининг тегишли бўлинмалари ва лицейнинг малакали ходимлари билан биргаликда 5 октябрдан 1 февралга қадар ўтказилади.
27. Тиббий кўрик Ўзбекистон Республикаси Давлат хавфсизлик хизмати ва Соғлиқни сақлаш вазирлигининг қўшма қарори билан тасдиқланган низомда белгиланган тартибда Чегара қўшинлари Ҳарбий госпитали ва Давлат хавфсизлик хизматининг ҳудудий бошқармалари ҳарбий-тиббий муассасаларида Давлат хавфсизлик хизмати бошқармаси бошлиғи ва ҳудудий соғлиқни сақлаш бошқармаси бошлиғи тасдиқлаган ҳарбий-тиббий комиссия (кейинги ўринларда — ҲТК) томонидан ўтказилади.
Тиббий кўрикни ўтказиш учун Қорақалпоғистон Республикаси ва Тошкент шаҳар ўсмирлар диспансери, вилоят кўп тармоқли болалар тиббиёт марказлари ҳузуридаги ўсмирлар ва чақирилувчи ёшларга тиббий ёрдам кўрсатиш бўлими мутахассис-шифокорлари жалб қилинади.
Тиббий кўрикдан ўтказиш натижалари асосида мутахассис-шифокорлар хулосаларига кўра ҲТК номзоднинг лицейга ўқишга киришга яроқлилиги тўғрисида хулоса чиқаради.
28. Саломатлигига кўра лицейга ўқишга киришга яроқсиз деб топилган номзодлар саралаш тадбирларининг кейинги босқичига қўйилмайди.
29. Номзодларнинг психофизиологик хусусиятлари Ўзбекистон Республикаси Давлат хавфсизлик хизмати томонидан ишлаб чиқилган методикага мувофиқ ноябрь-декабрь ойларида Давлат хавфсизлик хизмати органлари мутахассис-психологларидан иборат психологлар гуруҳи томонидан ўрганилади.
Психологлар гуруҳи таркибига олий таълим муассасаларининг мутахассислари шартнома асосида жалб қилиниши мумкин.
Номзодларнинг психофизиологик хусусиятларини ўрганиш натижаларига кўра қуйидаги хулосалар чиқарилади:
ўқишга кириш учун тавсия этилади;
ўқишга кириш учун тавсия этилмайди.
30. Номзодларнинг психофизиологик хусусиятларини ўрганиш натижаси бўйича ўқишга кириш учун тавсия этилмаган номзодлар саралаш тадбирларининг кейинги босқичига қўйилмайди.
32. Жисмоний тайёргарлик даражаси бўйича талабларга жавоб бермайдиган номзодлар саралаш тадбирларининг кейинги босқичига қўйилмайди.
33. Номзодларнинг саводхонлик даражасини ижодий баён олиш орқали баҳолаш тадбири лицейнинг педагог ходимларидан иборат комиссия томонидан январь ойида ўтказилади.
Ижодий баён синови мазкур Низомга иловада келтирилган методикага мувофиқ ўтказилади ва баҳоланади.
Ижодий баён олиш комиссияси таркибига таълим муассасаларининг тегишли мутахассислари шартнома асосида жалб қилиниши мумкин.
34. Ижодий баён якуни бўйича қониқарсиз баҳо олган номзодлар саралаш тадбирларининг кейинги босқичига қўйилмайди.
35. Номзодларни Ўзбекистон Республикаси Давлат хавфсизлик хизмати ҳарбий хизматчилари учун белгиланган махсус талабларга мос келиши Чегара қўшинлари томонидан аниқланади.
36. Ўзбекистон Республикаси Давлат хавфсизлик хизмати ҳарбий хизматчилари учун белгиланган махсус талабларга мос келмайдиган номзодлар саралаш тадбирларининг кейинги босқичига қўйилмайди.
37. Якка тартибдаги якуний суҳбат Чегара қўшинлари ҳарбий қисмларининг ўқув-методик комиссияси томонидан номзодларнинг етакчилик сифатлари, мантиқий фикрлаш ва саводхонлик даражаси, ақлий қобилиятлари, шунингдек, ҳарбий хизматчи ва давлат хизмати ходими учун муҳим касбий сифатларини аниқлаш мақсадида 1 февралга қадар ўтказилади.
Якка тартибдаги якуний суҳбат натижаларига кўра номзодларни тест синовларини топширишга қўйиш тўғрисида якуний қарор қабул қилинади.
38. Психофизиологик хусусиятларни ўрганиш натижаларига кўра лицейга ўқишга кириш учун тавсия этилмаган, саломатлигига кўра ўқишга яроқсиз деб топилган ва махсус талабларга мос келмаган номзодларга саралаш натижаларининг сабаблари ошкор этилмайди.
39. Тест синовларига қатнашишга тавсия этилган номзодларнинг Чегара қўшинлари ҳарбий қисмлари томонидан расмийлаштирилган шахсий йиғмажилдлари 15 мартга қадар лицейнинг қабул комиссиясига юборилади.
40. Тест синовларида қатнашишга тавсия этилган номзодларга Чегара қўшинлари ҳарбий қисмлари томонидан маълумотнома берилади. Маълумотнома умумтаълим мактабидан умумий ўрта таълим тўғрисидаги шаҳодатномани олиш учун асос бўлиб хизмат қилади.
41. Шахсий йиғмажилдларни ўрганиш натижаларига кўра тест синовларига қатнашишга рухсат этилган номзодларнинг рўйхатларини Чегара қўшинлари ҳарбий қисмларига етказиш учун лицейнинг қабул комиссияси масъул ҳисобланади.
42. Тест синовларини ўтказиш санаси, жойи ва вақтини Ўзбекистон Республикаси Давлат хавфсизлик хизмати Агентлик билан келишилган ҳолда белгилайди.
43. Тест синовлари ўтказиладиган жой ва вақт тўғрисида номзодларни ўз вақтида хабардор қилиш учун жавобгарлик уларни ўрганган ҳарбий қисм командирлари зиммасига юкланади.
44. Лицейга келиб-кетиш, тест синовларига тайёрланиш ва топшириш даврида жойлашиш ҳамда овқатланиш билан боғлиқ харажатлар номзодларнинг ота-оналари ёки уларнинг ўрнини босувчи шахслар томонидан қопланади.
45. Тест синовлари Агентлик томонидан белгиланган тартибда ўтказилади.
46. Тест синовлари ўтказиладиган умумтаълим фанлари блоки Ўзбекистон Республикаси таълим ташкилотларига қабул қилиш бўйича давлат комиссияси томонидан тасдиқланади.
Номзодлар тест синовларини ўз ихтиёрига кўра уч тилдан — ўзбек, қорақалпоқ ва рус тилларидан бирида топширадилар.
47. Агентлик томонидан ўтказилган тест синовларининг натижалари Ўзбекистон Республикаси таълим ташкилотларига қабул қилиш бўйича давлат комиссияси белгилаган муддатларда мазкур комиссияга ҳамда лицей қабул комиссиясига тақдим этилади.
48. Тест синовларига белгиланган муддатда келмаган номзодлар учун такрорий тест синовлари ўтказилмайди.
49. Лицейга қабул қилинмаган (саралашдан ўтмаган) номзодларнинг шахсий йиғмажилдлари (бошқа ҳужжатлари билан биргаликда) далолатнома асосида уларни ўрганган Чегара қўшинлари ҳарбий қисмларига юборилади.
50. Тест топшириқлари умумий ўрта таълим фанларининг (5 — 9-синфлар кесимида) давлат таълим стандартларига мувофиқ тузилади.
51. Тест синовлари натижасидан норози бўлган номзодлар, уларнинг ота-онаси ёки уларнинг ўрнини босувчилар (васийлар) тест синовлари натижаси эълон қилингандан кейин икки иш куни давомида тест синови ўтказилган Агентликнинг ҳудудий бўлимларида ташкил этилган апелляция комиссиясига ёзма равишда тест натижалари бўйича апелляция шикояти бериш ҳуқуқига эга бўлиб, уларнинг шикояти қонунчиликда белгиланган тартибда кўриб чиқилади.
52. Ўзбекистон Республикаси таълим ташкилотларига қабул қилиш бўйича давлат комиссиясининг қарорига мувофиқ дастлабки ва ҳарбий-касбий танловдан муваффақиятли ўтган куйидаги номзодлар лицейга тест синовларисиз танловдан ташқари ўқишга қабул қилинади:
халқаро ва республика фан олимпиадаларининг ғолиблари — белгиланган қабул квотаси доирасида;
ўз хизмат вазифаларини бажариш чоғида ҳалок бўлган ҳамда жароҳатланиш (шикастланиш) натижасида ногирон бўлиб қолган ҳарбий хизматчиларнинг фарзандлари — квотадан ташқари;
етим, ота-она қаровисиз қолган, давлат ва жамият ёрдамига муҳтож бўлган, жорий йилда умумтаълим мактабларининг 9-синфини тамомлаган вояга етмаган ёшлар билан ишлаш бўйича ҳудудий идоралараро комиссия тавсияси ҳамда Ўзбекистон Республикаси Давлат хавфсизлик хизмати раҳбариятининг қарорлари асосида — квотадан ташқари белгиланган квотанинг 5 фоизидан кўп бўлмаган миқдорда.
53. Ўзбекистон Республикаси Спорт вазирлиги раҳбарлигида ўтказилаётган республика ва халқаро спорт мусобақаларининг ғолибларига Агентлик томонидан лицейга кириш учун ўтказилаётган тест синовларида улар тўплаган балларнинг 20 фоизи миқдоридаги қўшимча баллар кўринишида имтиёз берилади.
(53-банд Ўзбекистон Республикаси Вазирлар Маҳкамасининг 2024 йил 8 майдаги 272-сонли қарори таҳририда — Қонунчилик маълумотлари миллий базаси, 10.05.2024 й., 09/24/272/0337-сон)
54. Номзодларни лицей ўқувчилари сафига қабул қилиш Агентлик томонидан ўтказилган тест синовлари натижаларига кўра амалга оширилади.
(54-банднинг биринчи хатбошиси Ўзбекистон Республикаси Вазирлар Маҳкамасининг 2024 йил 20 январдаги 38-сонли қарори таҳририда — Қонунчилик маълумотлари миллий базаси, 22.01.2024 й., 09/24/38/0057-сон)
Мазкур Низомнинг 52-бандида кўрсатилган имтиёзларга эга бўлган номзодлар дастлабки ва ҳарбий-касбий танлаш натижаларига асосан ўқишга қабул қилинади.
55. Дастлабки ва ҳарбий-касбий танлашдан ўтган номзодлар сони белгиланган қабул квоталаридан кам бўлган тақдирда, тест синовлари ўтказилмайди ҳамда номзодлар дастлабки ва ҳарбий-касбий танлаш натижаларига асосан қабул қилинади.
56. Бир нечта номзодларнинг ўтиш рейтинг баллари тенг бўлган ҳолларда, улар орасидан биринчи блок фанидан тест натижалари юқори бўлган номзод қабул қилинади, шунда ҳам баҳолар тенг бўлиб қолган тақдирда, умумий ўрта таълим тўғрисидаги шаҳодатномадаги математика, физика, она-тили ва адабиёт фанларидан олган якуний баҳолари йиғиндиси бошқаларникидан юқори бўлган номзод ўқишга қабул қилинади.
57. Тест натижалари тақдим этилгандан сўнг лицейнинг қабул комиссияси номзодлар рўйхатини тузади ҳамда баённомани расмийлаштиради. Мазкур ҳужжатлар қабул комиссияси раиси ва аъзолари томонидан имзоланиб, лицейнинг муҳри билан тасдиқланади.
58. Қабул комиссиясининг баённомаси номзодларни лицейга ўқувчилар сафига қабул қилиш тўғрисида лицей директорининг буйруғини чиқариш учун асос бўлади.
59. Лицейга ўқишга қабул қилинадиган шахслар ўқувчи деб аталади, уларга белгиланган намунадаги ўқувчи билети ва рейтинг дафтарчаси берилади.
60. Лицейнинг ташкилий-штат тузилмасига мувофиқ ўқув курслари бўйича академик гуруҳлар взводларга бирлашади.
Алгебра, геометрия, физика, хорижий тиллар, информатика, рус тили, она тили ва адабиёт фанлари бўйича машғулотларни ўтказиш вақтида ўқувчилар гуруҳи иккита кичик гуруҳларга бўлинади.
61. Лицейни тамомлагандан кейин битирувчиларга белгиланган намунадаги диплом ва кўкрак нишони берилади.
Лицейни тамомлаганлик тўғрисидаги кўкрак нишонининг ягона намунаси Ўзбекистон Республикаси Давлат хавфсизлик хизмати қарори билан ишлаб чиқилади ва тасдиқланади. Кўкрак нишони китель кўкрак қисмининг ўнг томонига тақилади.
6-боб. Лицей ўқувчиларни ўқишдан четлатиш тартиби
62. Ўқувчилар лицейдан қуйидагилар асосларга кўра четлатилади:
соғлиғи туфайли (тиббий комиссия хулосаси асосида);
ўқувчининг аризасига мувофиқ, ота-онаси ёки улар ўрнини босувчи шахсларнинг ташаббусига кўра;
академик ўзлаштиришдан ортда қолиш, бир семестр мобайнида икки ҳафта давомида (72 ва ундан кўп соат) узрли сабабларсиз машғулотларда қатнашмаслик;
ўқув йили якунида 3 та фанни яхши ўзлаштира олмаган ҳолда, қайта имтиҳон топширишда ҳам ўта олмаган тақдирда;
лицей уставида белгиланган ички тартиб қоидаларини қўпол равишда бузиш;
суднинг қарорига кўра жиноят содир этганликда айбдор деб топилиши;
вафот этганлиги муносабати билан.
63. Ўқувчилар лицейдан лицей илмий-педагогик кенгашининг қарорига мувофиқ директорнинг буйруғи билан четлатилади.
Ўқишдан четлатилган ўқувчилар тўғрисидаги маълумотлар йиғмажилди лицей илмий-педагогик кенгашининг қарори қабул қилингандан сўнг лицей директорининг буйруғи билан имзоланган кундан бошлаб бир ҳафта муддатда унинг бошқа умумтаълим, ўрта махсус, касб-ҳунар таълими муассасаларида таълим олишни давом эттиришини ташкил этиш учун яшаш жойидаги болалар масалалари бўйича комиссияларига юборилади.
(63-банднинг иккинчи хатбошиси Ўзбекистон Республикаси Вазирлар Маҳкамасининг 2023 йил 31 августдаги 434-сонли қарори таҳририда — Қонунчилик маълумотлари миллий базаси, 04.09.2023 й., 09/23/434/0679-сон)
64. Шахсий ҳужжатлар йиғмажилди (бошқа ҳужжатлари билан биргаликда) тегишли таълим муассасаси раҳбарининг таълимга жалб қилиш тўғрисидаги буйруғи қабул қилингани ҳақида хабарнома олингандан сўнг далолатнома асосида ота-онасининг иштирокида унга қайтариб берилади.
65. Ўқишдан четлатилган ўқувчиларни тиклаш ва бошқа таълим муассасаларидан лицейга ўтказиш тақиқланади.
66. Ўқувчиларни лицейдан четлатишдан норози бўлган шахслар белгиланган тартибда юқори турувчи давлат органларига мурожаат қилиш ҳуқуқига эгадирлар.
7-боб. Раҳбар ва педагог кадрлар, лицейни бошқариш
67. Раҳбар ва педагог кадрлар ҳамда контракт бўйича ҳарбий хизматчилар лавозимларини бутлаш қонунчиликда белгиланган тартибда амалга оширилади.
LexUZ шарҳи
Қаранг: Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низом.
68. Лицейга қонунчиликда белгиланган тартибда Ўзбекистон Республикаси Давлат хавфсизлик хизмати раиси томонидан лавозимга тайинланадиган ва лавозимдан озод қилинадиган директор раҳбарлик қилади.
69. Директор лицейнинг фаолиятига раҳбарлик қилади, ўқувчиларга сифатли таълим бериш ва уларни тарбиялаш, ўқув режаси ва дастурларининг бажарилиши, лицейнинг ўқув-услубий ва молия-хўжалик фаолияти лозим даражада амалга оширилиши учун жавоб беради. Директор ишчи ва хизматчиларни ишга қабул қилади ва ишдан озод қилади, ўз ваколати доирасида қонунчиликда белгиланган тартибда лицей бўйича буйруқлар чиқаради.
70. Лицей директори Ўзбекистон Республикаси Давлат хавфсизлик хизмати билан келишилган ҳолда, таълим соҳасида ҳамкорлик бўйича республика ва хорижий таълим муассасалари билан халқаро меморандум ва битимлар тузиш ҳуқуқига эга.
71. Лицейда педагогик фаолият билан шуғулланишга тегишли маълумотга ва профессионал тайёргарликка ҳамда юксак ахлоқий сифатларга эга шахслар ҳақлидир.
72. Лицейда директор ҳузурида ўқув-тарбия жараёнини ташкил қилиш ва такомиллаштиришга кўмаклашувчи, коллегиал орган ҳисобланадиган Илмий-педагогик кенгаш тузилади.
Илмий-педагогик кенгашнинг вазифа ва функциялари лицей устави билан белгиланади.
8-боб. Давлат органларининг лицейни бошқариш бўйича асосий вазифалари
73. Қуйидагилар вазирлик ва идораларнинг асосий вазифалари ҳисобланади:
лицейга бириктирилган олий, олий ҳарбий ва ихтисослаштирилган таълим муассасалари билан ўзаро самарали ҳамкорликни ташкил этиш, ўқувчиларнинг олий ҳарбий, ихтисослаштирилган ва олий таълим муассасаларига ўқишга кириш учун сифатли тайёрлашда уларнинг роли ва масъулиятини ошириш, шунингдек, бевосита иштирокини таъминлаш;
таълим дастурлари ва ўқув жараёнига илғор педагогик ва ахборот технологияларини жорий этиш;
лицейни ҳарбий хизматга чақириққа қадар бошланғич тайёргарлик учун мўлжалланган ўқув воситалари, махсус адабиётлар, спорт жиҳозлари, замонавий компьютер техникаси, ўқув мақсадлари учун мўлжалланган қурол-аслаҳа ва ҳарбий-техник мулкларнинг замонавий намуналари билан таъминлаш, шунингдек, Ўзбекистон Республикаси ёшларини ҳарбий хизматга чақириққа қадар бошланғич тайёргарлик дастурига мувофиқ ўқув ва кўргазмали қўлланмалар билан таъминлаш;
лицей ўқувчилари билан ҳарбий ва ихтисослаштирилган олий таълим муассасалари ва Ўзбекистон Республикаси Мудофаа вазирлигининг дала ўқув майдонлари базаларида чақириққа қадар бошланғич тайёргарлик амалий машғулотларини ўтказиш;
лицей ўқувчиларининг олий ҳарбий таълим муассасаларига, ҳарбий қисмлар ва муассасаларга ташрифларини ташкил этиш;
лицей ҳарбий хизматчиларини олий ҳарбий ва ихтисослаштирилган таълим муассасаларининг малака ошириш факультетларида ҳамда Ўзбекистон Республикаси Ҳарбий хавфсизлик ва мудофаа университетида малака оширишини ташкил қилиш;
(73-банднинг еттинчи хатбошиси Ўзбекистон Республикаси Вазирлар Маҳкамасининг 2026 йил 16 апрелдаги 175-сонли қарори таҳририда — Қонунчилик маълумотлари миллий базаси, 17.04.2026 й., 09/26/175/0373-сон)
ўқувчиларни ҳарбий-ватанпарварлик, ҳуқуқий, маънавий-ахлоқий ва эстетик тарбиялашни таъминлайдиган комплекс маънавий-маърифий ва тарбиявий ишларни ўтказиш;
Қорақалпоғистон Республикаси халқ таълими вазирлиги, вилоятлар халқ таълими бошқармалари ва Тошкент шаҳар халқ таълими бош бошқармаси билан биргаликда лицейга муносиб номзодларни танлаб олиш учун умумтаълим мактаблари 5-6 синф ўқувчиларининг билими, жисмоний қобилиятлари ва шахсий сифатларини доимий равишда ўрганиш ва улар бўйича ягона маълумотлар базасини тузиш ҳамда умумтаълим мактабларида лицейнинг фаолияти, қабул шартлари ва тақдим қилинаётган имтиёзлар тўғрисида ўқувчиларни хабардор қилиш бўйича кенг тарғибот-ташвиқот ишларини мунтазам равишда олиб бориш.
74. Қуйидагилар Ўзбекистон Республикаси Мактабгача ва мактаб таълими вазирлиги ҳамда Олий таълим, фан ва инновациялар вазирлигининг асосий вазифалари ҳисобланади:
(74-банднинг биринчи хатбошиси Ўзбекистон Республикаси Вазирлар Маҳкамасининг 2024 йил 20 январдаги 38-сонли қарори таҳририда — Қонунчилик маълумотлари миллий базаси, 22.01.2024 й., 09/24/38/0057-сон)
вазирлик ва идоралар томонидан давлат таълим стандартларига мувофиқ ишлаб чиқилган лицейнинг ўқув режалари ва дастурларини келишиш;
соҳадаги олий таълим муассасалари негизида ва малака ошириш муассасаларида лицей педагог ходимларини қайта тайёрлаш ва малакасини ошириш;
ўқув жараёнини ташкил этиш учун лицейни барча зарур расмий ҳужжатлар ҳамда ўқув муассасасини тамомлаганлик тўғрисида давлат намунасидаги диплом ва сертификатлар билан таъминлаш;
лицейни зарур ўқув ва илмий адабиётлар билан таъминлаш.
75. Қуйидаги масалаларда кўмаклашиш лицейга бириктирилган олий ҳарбий, ихтисослаштирилган ва олий таълим муассасаларининг асосий вазифалари ҳисобланади:
ўқув-тарбиявий жараённи ташкил қилиш, таълим дастурлари ва ўқув жараёнига илғор педагогик ва ахборот технологияларини жорий этиш, шунингдек, таҳсил олаётган ёшларни олий таълим муассасасига қадар касбга йўналтириш ва педагог кадрлар малакасини оширишни самарали ташкил этиш;
ўқувчиларнинг билим даражаси ва интеллектуал салоҳиятини янада ривожлантириш, уларни аниқ мақсадга йўналтирилган тарзда олий таълим муассасаларида ўқишни давом эттиришга тайёрлаш;
миллий ва хорижий таълим муассасаларининг илғор тажрибасини ҳисобга олган ҳолда, таълим жараёнини ташкиллаштиришнинг замонавий методларини жорий этиш, шунингдек, унинг мазмунини доимий равишда янгилаш;
юқори билим даражаси, интеллектуал салоҳият ва профессионал маҳоратга ҳамда қоида тариқасида камида 5 йил узлуксиз педагогик иш стажига эга бўлган ўқитувчиларни лицейда ишлаш учун танлаб олиш.
9-боб. Лицейнинг молиявий ва моддий-техник таъминоти
76. Лицей фаолияти қуйидагилар ҳисобидан молиялаштирилади:
Ўзбекистон Республикаси Давлат бюджети маблағлари;
ҳарбий-маъмурий секторларнинг маблағлари;
Сурхондарё вилояти ҳокимлиги маҳаллий бюджетининг қўшимча манбалари;
Ўзбекистон Республикаси Давлат хавфсизлик хизматининг бюджетдан ташқари маблағлари;
юридик ва жисмоний шахсларнинг ҳомийлик хайриялари;
қонунчиликда тақиқланмаган бошқа манбалар.
77. Ўзбекистон Республикаси Давлат хавфсизлик хизматининг бюджетдан ташқари маблағлари, тегишли ҳарбий-маъмурий секторларнинг маблағлари, шунингдек, қонунчиликда тақиқланмаган бошқа молиялаштириш манбалари ҳисобидан шакллантириладиган Лицей ишчи ва ходимлари меҳнатига ҳақ тўлаш фондининг 15 фоизи миқдоридаги директор фонди ташкил этилади.
Ушбу фонднинг маблағларидан фойдаланиш тартиби Ўзбекистон Республикаси Давлат хавфсизлик хизмати томонидан мустақил белгиланади.
Лицей директори фондининг жорий йилда ўзлаштирилмаган молиявий маблағларини улардан кейинчалик мақсадли фойдаланиш учун келаси йилга ўтказишга рухсат этилади.
78. Лицей белгиланган тартибда ўз ишининг натижаларини оператив ва бухгалтерия ҳисоб-китобларини амалга оширади, статистик ва бухгалтерлик ҳисобини юритади.
Лицейда хўжалик ва молия интизомига риоя этилиши ваколатли давлат органи томонидан назорат қилинади.
10-боб. Якунловчи қоида
79. Мазкур Низом талабларининг бузилишида айбдор бўлган шахслар қонунчиликка мувофиқ жавобгарликка тортилади.
«Ёш чегарачилар» ҳарбий-академик лицейи тўғрисидаги низомга
ИЛОВА
Ижодий баён синовини ўтказиш ва баҳолаш
МЕТОДИКАСИ
1. «Ёш чегарачилар» ҳарбий-академик лицейига саралаш тадбирларида номзодлар она тили фанидан ижодий баён ёзадилар.
Номзоднинг она тили таълими жараёнида эгаллаган кўникма ва малакалари у ёзган баёнда акс этади. Ёзма ишда асосий кўрсаткич фикрни мантиқий изчилликда она тилининг кенг имкониятларидан фойдаланган ҳолда равон ва тўғри баён эта олиш малакаси, фикр баён этилаётган соҳа бўйича номзоднинг билимлари кенглиги ва чуқурлиги, тузган матнининг имловий, услубий саводлилик даражаси билан белгиланади.
2. Ижодий баёнда номзодларнинг танлаган матнни бадиий жиҳатдан аниқ ва пухта, мантиқий изчил, ижтимоий ҳаёт ва воқелик билан боғлиқ ҳолда ёритиши, мустақил ижодий фикрлаши, она тилининг бой ифода воситаларидан унумли фойдаланиш кўникмаси ва саводхонлик даражаси баҳоланади.
3. Ижодий баённинг мавзуси ва намунавий матнлари 1 январга қадар ишлаб чиқилади ва лицей директори томонидан тасдиқланади.
4. Ижодий баённинг тасдиқланган мавзуси ва намунавий матнлари «Ёш чегарачилар» ҲАЛ директорида сақланади. Директор уларнинг ошкор қилинмаслиги учун масъул ҳисобланади.
5. Ижодий баён ўтказилаётган аудиторияга китоб, уяли телефон, компьютер, телекоммуникация воситалари ва шпаргалкалар олиб кириш тақиқланади.
6. Ижодий баён бошланишидан олдин комиссия аъзолари томонидан номзодларга синов ўтказиш тартиби тушунтирилади ҳамда рақамланган дафтарлар тарқатилади.
7. Номзод рақамланган дафтарнинг устки қисмига ўзининг фамилияси, исми ва отасининг исмини ёзади.
8. Номзодларга ўқиб эшиттириладиган ижодий баён намунавий матнининг ҳажми 150 — 200 та сўздан иборат бўлади.
10. Бир номзод 3 та вариантдан (конвертдан) биттасини танлаб олади. Танлаб олинган конвертдаги матн мавзуси доскага ёзиб қўйилади.
11. Комиссия аъзолари томонидан ижодий баён намунавий матни икки марта ўқиб эшиттирилади.
Номзодларга намунавий матнни ўқиб эшиттириш учун комиссияга Ўзбекистон Республикаси Мактабгача ва мактаб таълими вазирлиги ҳудудий бўлимидан мутахассис жалб этилиши мумкин.
13. Ижодий баён ҳажми камида 3 — 3,5 бет бўлиши лозим.
14. Ижодий баён ёзиш учун 2 астрономик соат берилади.
15. Номзод ижодий баённи ёзиб тугатганидан кейин рақамланган дафтарини комиссия аъзосига топшириб, аудиторияни тарк этади.
16. Номзодлардан қабул қилиб олинган дафтарлар текшириш учун мутахассисларга топширилади.
17. Мутахассислар номзодларнинг ёзган ижодий баёнларини икки кун ичида текширади. Баён матнини ўқиб эшиттирган мутахассис томонидан шу аудиториядаги номзодларнинг ёзган ижодий баёнларини текширишга йўл қўйилмайди.
18. Номзодларнинг ёзган ижодий баёнларини текширган мутахассис ижодий баёнларга ва ҳар бир рақамланган дафтарга ўзининг фамилияси, исми, отасининг исмини ёзади ва имзо қўяди.
19. Ижодий баён натижалари лицей томонидан уч кун муддатда ҳарбий қисмларга номзодлар эътиборига етказиш учун тақдим этилади.
20. Номзодларга ижодий баённи қайта топширишга рухсат берилмайди.
21. Номзодлар томонидан ёзилган баён «5» балли тизимда баҳоланади.
Т/р
Билим, кўникма, малакалар
балл
1.
Режа мавзуга мувофиқ тузилган, матн мазмуни тўғри баён қилинган бўлса; баён мантиқли ва изчил бўлса; сўз бойлиги, ифода қурилиши ва услуби адабий тил талабларига мос бўлса; мазмун ва ифодада бир-икки хатога йўл қўйилган бўлса; саводхонликда қўпол бўлмаган битта имло ёки иккита ишоравий хатоси бўлса; услубий хато бўлмаса.
5 балл
2.
Матн режа асосида ёритилиб, лекин кичик хатоларга йўл қўйилган бўлса; фикр баёнида изчиллик қисман бузилган бўлса; сўз танлашда ва ифода қурилишида ҳар хиллик бўлса; мазмун ва ифодада 2-3 хатога йўл қўйилган бўлса; саводхонликда 2 та имло, 2 та ишоравий ва 2 тагача услубий хато мавжуд бўлса.
4 балл
3.
Мавзу тўлиқ ёритилмаган, мавзудан қисман четга чиқилган бўлса; аниқ воқеалар изоҳида хатоларга йўл қўйилган бўлса; сўз бойлиги ва ифода тузилишида саёзлик сезилиб турса; саводхонликда 3 тагача имло, 4 тагача ишоравий, 3 тагача услубий хатога йўл қўйилган бўлса.
3 балл
4.
Матн мазмуни кўп бузилган бўлса; иш режага мос бўлмаса, фикр баёни ва қурилишида камчилик бўлса, фикрлар бир-бирига боғланмаса; сўз бойлиги саёз бўлса; мазмун ва ифодада 5-6 тагача хатога йўл қўйилган бўлса; саводхонликда 7 тагача имло, 7 тагача ишоравий ва 7 тагача услубий хатога йўл қўйилган бўлса.
Ижодий баёндаги тузатишлар миқдори 5 тадан ортиқ бўлса, тегишли равишда пасайтирилади.
(илова Ўзбекистон Республикаси Вазирлар Маҳкамасининг 2024 йил 20 январдаги 38-сонли қарорига асосан киритилган — Қонунчилик маълумотлари миллий базаси, 22.01.2024 й., 09/24/38/0057-сон)
Вазирлар Маҳкамасининг 2020 йил 11 августдаги 473-сон қарорига 3-ИЛОВА
«Ёш чегарачилар» ҳарбий-академик лицейи фаолиятини ташкил қилиш ва уларнинг ўқув-тарбия жараёнини такомиллаштириш бўйича
I. Лицей фаолиятини тартибга солувчи ташкилий-ҳуқуқий чора-тадбирлар
1.
Ўтказиладиган тадбирларнинг мақсади ва вазифаларини етказиш, «Ёш чегарачилар» ҳарбий-академик лицейини (кейинги ўринларда ― лицей) фаолиятини ташкил этиш бўйича ишчи гуруҳ мажлисини ўтказиш ҳамда иш тартибини белгилаш
Идоралараро ва идоравий ички йиғилишларни ўтказиш, йиғилиш баённомаларини тайёрлаш
2020 йил 10 сентябрь
Давлат хавфсизлик хизмати (А. Азизов), Олий ва ўрта махсус таълим вазирлиги (И. Маджидов)
2.
«Ёш чегарачилар» лицей ўқувчиларининг озиқ-овқат ва ҳарбий кийим таъминоти, кийимининг ягона намуналари, тақдирлаш нишонлари ва уларни тақиш тартиби, шунингдек, лицейни тугатганлиги тўғрисидаги кўкрак нишони ва дипломи намуналарини ишлаб чиқиш ва тасдиқлаш
Идоравий норматив-ҳуқуқий ҳужжат
2020 йил 1 декабрь
Давлат хавфсизлик хизмати (А. Азизов), Олий ва ўрта махсус таълим вазирлиги (И. Маджидов)
II. Лицей инфратузилмаси ва моддий-техник базасини такомиллаштириш
3.
Лицей инфратузилмасини такомиллаштириш, тадбирларни молиялаштириш манбалари ва тегишли ҳисоботларни тайёрлаш юзасидан зарур чораларни белгилаш
Лицей объектининг инфратузилмаси, ўқув ва моддий-техник базасини такомиллаштириш бўйича ҳамда лицейда:
компьютер, машқ қилиш (тренажёр) синфлари ҳамда масофадан ўқитиш учун синфлар ва электрон ахборот-ресурс марказларини яратиш;
замонавий ахборот-коммуникация технологиялари, шунингдек, интерактив виртуал стендлар ва лабораториялар кўринишида дастурий-педагогик таълим олиш воситаларини жорий қилиш;
ўқувчиларининг жисмоний тайёргарлиги ва спорт ютуқлари даражасини ошириш учун тегишли шароитларни яратиш;
ўқув жараёнининг ягона автоматлаштирилган ички мониторинги тизимини жорий қилиш ва назоратини ташкил этиш;
педагоглар таркибини ва ўқувчиларни таълим фанлари бўйича ўқув материаллари билан таъминлаш ва мустақил ишларни ташкил этиш учун ягона электрон ахборот-ресурс базасини яратишни кўзда тутувчи чора-тадбирларни ишлаб чиқиш ва тасдиқлаш.
Чора-тадбирлар режаси
2021 йил 1 март
Ахборот коммуникациялари ва технологияларини ривожлантириш вазирлиги (Ш. Садиков),
Давлат хавфсизлик хизмати (А. Азизов), Олий ва ўрта махсус таълим вазирлиги (И. Маджидов)
III. Ўқув-услубий база ва ўқув жараёнини такомиллаштириш
5.
Принципиал янги самарали ўқув режалари ва дастурлари, тематик режалар, ўқув-услубий ресурсларни ишлаб чиқиш, шунингдек, замонавий таълим бериш шакли ва услубларини қўллаш.
Республикамизнинг олий ҳарбий таълим муассасалари, махсус ва бошқа олий таълим муассасаларига кириш учун зарур бўлган алоҳида фанлар бўйича (математика, физика, кимё, она тили ва адабиёт, тарих ва хорижий тиллар) чуқурлаштирилган тарзда таълим берилиши учун шароит яратиш.
Чора-тадбирлар режаси
2021 йил 1 апрель
Давлат хавфсизлик хизмати (А. Азизов), Олий ва ўрта махсус таълим вазирлиги (И. Маджидов)
6.
Лицей ўқувчиларига йўл ҳаракати қоидаларини ўргатиш (енгил ва юк автомобилларини бошқариш), ҳайдовчилик гувоҳномасини олиш учун асос бўладиган тегишли ҳужжатларни бериш масаласини Вазирлар Маҳкамасининг тегишли қарорларига мувофиқ белгиланган тартибда амалга ошириш ва ўқув гуруҳларини Ички ишлар вазирлиги рўйхатидан ўтказиш.
Ташкилий чора-тадбирлар
2021 йил 1 сентябрь
Ички ишлар вазирлиги (П. Бобожонов),
Давлат хавфсизлик хизмати (А. Азизов)
7.
Лицей ўқувчилари томонидан мунтазам равишда бадиий ва илмий-оммабоп адабиётларни ўқиш тизимини ишлаб чиқиш ва жорий қилиш, шунингдек, ўқувчиларда мусиқа, рассомчилик, адабиёт, театр ва бошқа санъат турларига қизиқишни ошириш бўйича чора-тадбирларни амалга ошириш.
Тегишли идоравий ҳужжат
2021 йил сентябрь
8.
Лицейни ўқув мақсадлари учун мўлжалланган зарур ўқув, илмий ва махсус адабиётлар, қурол-аслаҳа ва ҳарбий-техник мулк намуналари билан таъминлаш.
Вазирлик ва идораларнинг
тасдиқланган иш режалари
Иш режада белгиланган муддатларда
Давлат хавфсизлик хизмати (А. Азизов), Ўзбекистон Республмкаси Қуролли Кучлар Академияси (Х. Қаршиев),
Олий ва ўрта махсус таълим вазирлиги (И. Маджидов)
9.
Республиканинг олий ҳарбий, махсус ва бошқа таълим муассасаларига кириш учун зарур фанлар бўйича билимларни мустаҳкамлаш учун факультатив машғулотлар ва тўгарак ишларини ташкил этиш.
IV. Ҳарбий-ватанпарварлик ва маънавий-маърифий тарбия жараёнини такомиллаштириш
10.
Ўзбекистон Республикаси Президентига, халқига содиқ бўлган, Ватанга хизмат қилишга тайёр турган ақл-заковатли номзодларни республикамизнинг олий ҳарбий, махсус ва бошқа таълим муассасаларига киришини таъминлаш мақсадида «Маънавият асослари» дарси бўйича ўқув дастури, режалари ва ўқув-услубий мажмуаларини такомиллаштириш.
Янги ўқув дастури, ҳарбий-ватанпарварлик ва маънавий-маърифий тарбия бўйича режалари ва ўқув-услубий комплекслари
2021 йил 1 апрель
Халқ таълими вазирлиги (Ш. Шерматов),
Олий ва ўрта махсус таълим вазирлиги (И. Маджидов),
Ўзбекистон Республикаси Қуролли Кучлар Академияси (Х. Қаршиев),
Республика Маънавият ва маърифат маркази (М. Ҳожиматов)
11.
Ўқувчиларнинг маънавий-маърифий ривожланишини таъминлаш учун китобларни ўқиш, кинотеатр, театр ва музейларга бориш, маданият ва спорт вакиллари билан учрашувларни ташкил этиш, шунингдек, ўзбек халқининг тарихи, анъаналари ва бойликларини фаол ўрганиши учун зарур шароитларни яратиш.
Алоҳида режа асосида
Мунтазам равишда
Маданият вазирлиги (О. Назарбеков), Ўзбекистон ЁИМК (А. Саъдуллаев), Республика Маънавият ва маърифат маркази (М. Ҳожиматов)
12.
Ўқувчиларда ахлоқий-психологик барқарорлик ва касбий вазифаларни бажаришга шай туришни шакллантириш мақсадида уларни психологик қўллаб-қувватлашни ташкил этиш.
Жойларда ўқувчиларга психологик ёрдамни ташкил этиш бўйича чора-тадбирлар дастури
Давлат хавфсизлик хизмати (А.Азизов)
V. Раҳбар ва педагоглар таркиби тайёргарлигини ва малакасини ошириш
13.
Лицей раҳбар ва педагоглар таркибининг шахсий ва касбий сифатларини комплекс баҳолаш мезонларини аниқлаш ва ишлаб чиқиш.
Раҳбар ва педагог таркибнинг шахсий ва касбий сифатларини комплекс баҳолаш мезонлари
2021 йил 1 август
Идоралараро ишчи гуруҳ
14.
Эгаллаб турган лавозимига мувофиқлигини объектив баҳолаш мақсадида раҳбар ва педагоглар таркибининг шахсий ва касбий сифатларини ўрганиш, замон талабларига жавоб берувчи малакали кадрлар билан лицейни бутлаш ва уларнинг алмашинувини ўтказиш.
Вазирлик ва идораларнинг шахсий таркиб бўйича тегишли қарорлари
2021 йил 1 августга
Олий ва ўрта махсус таълим вазирлиги (И. Маджидов), Давлат хавфсизлик хизмати (А. Азизов)
15.
Олий таълим муассасалари ва хорижий олий таълим муассасалари базаларининг тегишли ҳудудий (соҳа) марказларида раҳбар ва педагоглар таркибининг таълим олиши ҳамда малака оширишини ташкиллаштириш.
Лицей раҳбар ва педагог кадрларнинг малакасини ошириш режаси
Алоҳида режа асосида
Олий ва ўрта махсус таълим вазирлиги (И. Маджидов), Давлат хавфсизлик хизмати (А. Азизов)
16.
Республика ва хорижий олий таълим муассасаларида ташкил этиладиган конференцияларда раҳбар ва педагоглар таркибининг иштирокини таъминлаш, шунингдек, улар учун АКТ ўрганиш бўйича интенсив курслар ва хорижий тилларни ўрганишини ташкил этиш.
Вазирлик ва идораларнинг алоҳида режалари бўйича
Алоҳида режа асосида
Тегишли вазирлик ва идоралар
17.
Илғор педагогик тажрибани оммалаштириш мақсадида ўқув-методик семинарлар, тренинглар, маҳорат дарслари, давра суҳбатлари ва бошқа тадбирларни ташкил этиш.
18.
Машғулотларни, шу билан бир қаторда, таълим беришнинг инновацион усуллари бўйича ўқув жараёнига юқори малакали маҳаллий ва хорижий мутахассисларни жалб қилишнинг самарали механизмини татбиқ этиш.
Вазирлар Маҳкамасининг 2020 йил 11 августдаги 473-сон қарорига 4-ИЛОВА
«Ёш чегарачилар» ҳарбий-академик лицейининг инфратузилмаси, ўқув ва моддий-техник базасини такомиллаштириш бўйича
Давлат чегараси акс эттирилган ўқув-муҳандислик шаҳарчаси.
2021 йил
августга қадар
Давлат хавфсизлик хизмати Чегара қўшинларининг бюджетдан ташқари маблағлари
Давлат хавфсизлик хизмати Чегара қўшинлари (С. Хусанов)
9.
«Мардлик ва мангулик» (Мард ўғлонлар номи барҳаёт) номли тарғибот майдончаси.
2021 йил
августга қадар
Маҳаллий бюджет маблағлари, ҳарбий маъмурий сектор ва Давлат хавфсизлик хизматининг бюджетдан ташқари маблағлари
Сурхондарё вилояти ҳокимлиги (Т. Боболов),
Давлат хавфсизлик хизмати (А. Азизов)
10.
Ер ости ичимлик суви билан таъминлаш ва умумий ер майдонларини суғориш учун кўтарма насос ва суғориш тизимини ўрнатиш, ҳудудда ободонлаштириш ишларини амалга ошириш.
11.
Қозонхона биносини қуриш.
Мавжуд бино ва иншоотлари реконструкция қилиш
12.
210 нафар ўқувчига мўлжалланган ўқув корпуси, фаоллар зали, ётоқхона ва кир-ювиш комбинати.
2021 йил
августга қадар
Маҳаллий бюджет маблағлари, ҳарбий маъмурий сектор ва Давлат хавфсизлик хизматининг бюджетдан ташқари маблағлари
Сурхондарё вилояти ҳокимлиги (Т. Боболов),
Давлат хавфсизлик хизмати (А. Азизов)
13.
Электрон ахборот-ресурс маркази, кутубхона, ихтисослаштирилган синфлар, тиббий пункт хоналарини ажратиш ва жиҳозлаш.
2021 йил
августга қадар
Маҳаллий бюджет маблағлари, ҳарбий маъмурий сектор ва Давлат хавфсизлик хизматининг бюджетдан ташқари маблағлари
Сурхондарё вилояти ҳокимлиги (Т. Боболов),
Олий ва ўрта махсус таълими вазирлиги (И. Маджидов),
Ахборот технологиялари ва коммуникацияларини ривожлантириш вазирлиги (Ш. Садиков),
Давлат хавфсизлик хизмати (А. Азизов)
14.
«Йўл ҳаракати қоидалари», «Ҳайдовчилик асослари» ва «Автомобиллар тузилиши ва уларнинг ишлатилиши» фанларидан назарий машғулотлар ўтказиш синф хоналари.
2021 йил
августга қадар
Маҳаллий бюджет маблағлари, ҳарбий маъмурий сектор ва Давлат хавфсизлик хизматининг бюджетдан ташқари маблағлари
Сурхондарё вилояти ҳокимлиги (Т. Боболов),
Таълим сифатини назорат қилиш давлат нспекцияси (У. Ташкенбаев),
Ички ишлар вазирлиги (П. Бобожонов),
Транспорт вазирлиги (И. Махкамов), Давлат хавфсизлик хизмати (А. Азизов)
15.
Саф майдони ва минбар (флагшток).
2021 йил
августга қадар
Маҳаллий бюджет маблағлари, ҳарбий маъмурий сектор ва Давлат хавфсизлик хизматининг бюджетдан ташқари маблағлари
Сурхондарё вилояти ҳокимлиги (Т. Боболов),
Давлат хавфсизлик хизмати (А. Азизов)
16.
Мавжуд биноларни демонтаж қилиш.
2021 йил
августга қадар
Маҳаллий бюджет маблағлари, ҳарбий маъмурий сектор ва Давлат хавфсизлик хизматининг бюджетдан ташқари маблағлари
Сурхондарё вилояти ҳокимлиги (Т. Боболов),
Давлат хавфсизлик хизмати (А. Азизов)
Моддий-техник базани замон талаблари асосида ривожлантириш
17.
Оптик толали алоқа линясини ташкил қилиш ва замонавий хизматлар билан таъминлаш.
2021 йил
августга қадар
Маҳаллий бюджет маблағлари, ҳарбий маъмурий сектор ва Давлат хавфсизлик хизматининг бюджетдан ташқари маблағлари
Ахборот технологиялари ва коммуникацияларини ривожлантириш вазирлиги (Ш. Садиков),
Давлат хавфсизлик хизмати (А. Азизов)
18.
Замонавий автомобил ва махсус техникалар, ускуна ва агрегатлар ҳамда шахсий ҳимоя воситалари билан таъминлаш.
Транспорт вазирлиги (И. Махкамов), Давлат хавфсизлик хизмати (А. Азизов)
19.
Сервер, компьютер ва ўқув синф хоналарини, шунингдек, масофавий ўқитиш хоналарини ажратиш ва жиҳозлаш.
Сурхондарё вилояти ҳокимлиги (Т. Боболов),
Олий ва ўрта махсус таълими вазирлиги (И. Маджидов),
Ахборот технологиялари ва коммуникацияларини ривожлантириш вазирлиги (Ш. Садиков),
Давлат хавфсизлик хизмати (А. Азизов)
20.
Сервер ва тармоқ ускуналари, узлуксиз қувват манбаи, автоматик телефон станцияси, совитиш тизими ва бошқа техник восита ва ускуналар билан таъминлаш.
Сурхондарё вилояти ҳокимлиги (Т. Боболов),
Ахборот технологиялари ва коммуникацияларини ривожлантириш вазирлиги (Ш. Садиков),
Давлат хавфсизлик хизмати (А. Азизов)
21.
Панорамали ўқ отиш тренажёри.
22.
Енгил автотранспорт воситасини ҳайдаш учун 1 та тренажёр.
Сурхондарё вилояти ҳокимлиги (Т. Боболов),
Давлат хавфсизлик хизмати (А. Азизов),
Транспорт вазирлиги (И. Махкамов), «Oʼzavtosanoat» АК (Ш. Умурзаков)
23.
Юк автотранспорт воситасини ҳайдаш учун 1 та тренажёр.
Сурхондарё вилояти ҳокимлиги (Т. Боболов)
Транспорт вазирлиги (И. Махкамов), Давлат хавфсизлик хизмати (А. Азизов) ,
«Oʼzavtosanoat» АК (Ш. Умурзаков),
24.
Ахборот-коммуникация технологиялари синфини ва чет тили синфларини 50 та шахсий компьютер тўплами билан жиҳозлаш.
2021 йил августга қадар
Маҳаллий бюджет маблағлари, ҳарбий маъмурий сектор ва Давлат хавфсизлик хизматининг бюджетдан ташқари маблағлари
Сурхондарё вилояти ҳокимлиги (Т. Боболов),
Олий ва ўрта махсус таълим вазирлиги (И. Маджидов),
Ахборот технологиялари ва коммуникацияларини ривожлантириш вазирлиги (Ш. Садиков),
Давлат хавфсизлик хизмати (А. Азизов)
25.
Масофавий таълим учун синф хонасини тегишли компьютерлар, экран, видеокамера, микрофонлар, аудио мосламалар ва видеоконференцалоқа тизими билан жиҳозлаш.
Клуб ва унинг саҳнасини театр, концерт томошалари учун зарур реквизитлар билан жиҳозлаш (мусиқа ва бошқа жиҳозлари билан).
Сурхондарё вилояти ҳокимлиги (Т. Боболов),
Олий ва ўрта махсус таълим вазирлиги (И. Маджидов),
Маданият вазирлиги (О. Назарбеков),
Давлат хавфсизлик хизмати (А. Азизов)
28.
Замонавий ахборот-коммуникация технологияларини, шу жумладан дастурий таъминот ва ўқув воситаларини интерфаол виртуал стендлар ва лабораториялар шаклида жорий этиш.
Сурхондарё вилояти ҳокимлиги (Т. Боболов),
Олий ва ўрта махсус таълим вазирлиги (И. Маджидов),
Ахборот технологиялари ва коммуникацияларини ривожлантириш вазирлиги (Ш. Садиков),
Давлат хавфсизлик хизмати (А. Азизов)
29.
Физика ва кимё фанлари бўйича лаборатория хоналарини ташкил этиш, шунингдек, уларни тегишли асбоб-ускуналар, мебель ва инвентарлар билан жиҳозлаш.
Сурхондарё вилояти ҳокимлиги (Т. Боболов),
Олий ва ўрта махсус таълим вазирлиги (И. Маджидов),
Давлат хавфсизлик хизмати (А. Азизов)
30.
Спорт ва тренажёр залларини спорт инвентарлари, жиҳозлар (универсал тренажёр) ва мебеллар билан жиҳозлаш.
Сурхондарё вилояти ҳокимлиги (Т. Боболов),
Олий ва ўрта махсус таълим вазирлиги (И. Маджидов),
Жисмоний тарбия ва спорт вазирлиги (Д. Набиев),
Давлат хавфсизлик хизмати (А. Азизов)
31.
Ўқув жараёнининг ягона автоматлаштирилган ички мониторинг тизими ва ўқув жараёнини назорат қилишни жорий қилиш.
2021 йил августга қадар
Маҳаллий бюджет маблағлари, ҳарбий маъмурий сектор ва Давлат хавфсизлик хизматининг бюджетдан ташқари маблағлари
Сурхондарё вилояти ҳокимлиги (Т. Боболов),
Ахборот технологиялари ва коммуникацияларини ривожлантириш вазирлиги (Ш. Садиков),
Давлат хавфсизлик хизмати (А. Азизов)
32.
Ҳар бир ўқув хонаси, лаборатория, спорт ва тренажёр залларини видео ва аудио кузатув тизими билан жиҳозлаш.
Олий ва ўрта махсус таълим вазирлиги (И. Маджидов),
Ахборот технологиялари ва коммуникацияларини ривожлантириш вазирлиги (Ш. Садиков),
Давлат хавфсизлик хизмати (А. Азизов)
34.
Педагоглар таркибини ва ўқувчиларни таълим фанлари бўйича ўқув материаллари билан таъминлаш ва уларнинг мустақил ишларини ташкил этиш учун ягона электрон ахборот-ресурс базасини яратиш.
35.
Ҳар бир ўқитувчини шахсий компьютерлар билан таъминлаш.
36.
Бадиий, илмий-оммабоп ва ўқув-услубий адабиётлар билан таъминлаш.
Сурхондарё вилояти ҳокимлиги (Т. Боболов),
Олий ва ўрта махсус таълим вазирлиги (И. Маджидов),
Давлат хавфсизлик хизмати (А. Азизов)
37.
Ўқув, ишлаб чиқариш устахоналарини замонавий дастгоҳлар ва ускуналар билан жиҳозлаш.
38.
Ўқув мажмуасини (комплексини) мебеллар, жиҳозлар ва замонавий ахборот-коммуникация технологиялари билан жиҳозлаш.
39.
Лицей ҳудудини замонавий видеокузатув тизими билан жиҳозлаш.
2021 йил
августга қадар
Маҳаллий бюджет маблағлари, ҳарбий маъмурий сектор ва Давлат хавфсизлик хизматининг бюджетдан ташқари маблағлари
Сурхондарё вилояти ҳокимлиги (Т. Боболов),
Ахборот технологиялари ва коммуникацияларини ривожлантириш вазирлиги (Ш. Садиков),
Давлат хавфсизлик хизмати (А. Азизов)
Изоҳ. Якуний қиймат лойиҳа-смета ҳужжатларини тайёрлаш ва ўтказиладиган тендер (конкурс) савдолари натижаларига кўра аниқланади. Молиявий харажатларнинг якуний суммаси белгиланган тартибда тендер (конкурс) савдолари ўтказилгандан кейин аниқлаштирилади.
(Қонун ҳужжатлари маълумотлари миллий базаси, 11.08.2020 й., 09/20/473/1157-сон; Қонунчилик маълумотлари миллий базаси, 11.08.2021 й., 09/21/508/0779-сон; 05.04.2022 й., 09/22/153/0266-сон; 04.09.2023 й., 09/23/434/0679-сон; 22.01.2024 й., 09/24/38/0057-сон; 10.05.2024 й., 09/24/272/0337-сон; 17.04.2026 й., 09/26/175/0373-сон)
LexUZ шарҳи